<a href="https://kyzylorda-news.kz/ru">Kyzylorda-news.kz.</a> Шын мәнінде, өнердің құдіреті ерекше. Ән өнері, күй өнері, би өнері, сөз өнері... Қазақта өнердің түрі көп екені мәлім. Ал қылқаламмен ақ қағаз бетіне сурет салып, жансыз бейнені тілсіз сөйлеткендей әсем бейнелеу екінің бірінің қолынан келе бермейді.Суретші Зәуре Құдайбергеқызы қылқаламмен көркем ой жеткізетін, аса шеберлік пен талантты қажет ететін сурет өнеріне тосыннан келмеген екен. Өзінің сүйікті мамандығына айналған салаға деген қызығушылығы мектеп кезінде атанған. Сол кісіден тараған қасиет Зәуре мен оның апасы Қарлығаш Білісбаеваға дарып, ағайынды қыздар бүгінде осы сала төңірегінде қызмет етіп жүр екен.<blockquote>– Негізінде, бала күнімнен әнші болуды армандаға едім. Тіпті, «Бозторғай», «Әнші балапан» сияқты республикалық байқауларға қатысып, лауреат атанған жайым бар. Италияға жолдама ұтып алған кезіміз де болған. Қан жібермеді ме, жоғары сыныптарға келгенде бағытым өзгерді. Сурет салуға деген қызығушылығым арта түсті. Сөйтіп, жоғарғы оқу орнында суретші мамандығын оқып шықтым. Ән айтуды бір жола тыйып тастамадым, әрине. Әлі күнге ән айтамын, бірақ тек жақындарым үшін, – дейді бізбен әңгімесінде Зәуре Білісбаева.</blockquote>Білікті маманмен жүргізген жарты сағаттық сұхбатымызда оның жүзінен жылылық, жүрегінен мейірім лебін анық сезіне білдік.Өткен жылдары &nbsp;жүз жылдық мерейтойын ауданбойыеша &nbsp;атап өткен №35 Иса Тоқтыбаев атындағы мектеп-лицейді 2005 жылы тәмамдаған кейіпкеріміз кейін өзі түлеп ұшқан білім ордасында жұмыс жасаған. Мектеп бітірген кейін Тараз қаласындағы мемлекеттік педагогикалық институттың шығармашылық факультетінде «Бейнелеу өнері және сызу» мамандығы бойынша оқуға түскен ол аталған оқу орнын үздік тәмамдаған еді.Кейін Елбасының сарабдал саясаты – «Дипломмен – ауылға» мемлекеттік бағдарламасы аясында ауданға қарасты Қалжан ахун ауылдық №126 қазақ орта мектебінде мұғалімдік жолын бастап, жауапкершілігі жоғары саладағы жұмысына кіріскен. 2010 жылдан бастап өзі білім алған №35 мектеп-лицейіне жұмысқа орналасса, екі жылдан кейін қызмет бабымен №36 мектеп-лицейіне ауысқан. Ол 2016 жылы аудандық білім бөліміне әдіскер болып қызметке орналасып, қазір оқушылармен ғана емес, жас педагогтермен белсенді жұмыс істеуде. Зәуре Құдайбергенқызы осы уақыт аралығында сурет салу ісінен қол үзген емес. Жас мамандарға бағыт-бағдар бере отырып, өзінің де тәжірибесін арттырып келеді. Өз білгеніңді өзгеге үйретпесең, ол нағыз пайдасыз ілім болмақ. Осы ойды өмірлік ұстанымы еткен суретші балаларға білгенін үйретіп, сурет өнеріне баулу өзінің жан рақаты үшін екенін айтады.Қылқалам шебері осы күнге дейін көптеген картина салған екен. Алғашқыда әпкесі екеуі салған суреттерін сатып кәсіп көзіне де айналдыра біліпті. Мұндай қолдан жасалған бұйым немесе арнайы салдырған картиналар өте қымбатқа бағаланатыны мәлім. Себебі, ол көп уақыт пен тың идеяны, ықтияттылық пен шеберлікті талап ететін жұмыс. Тіпті, шет елдерде арнайы салынған картиналар бірнеше жүздеген, мыңдаған долларға дейін бағаланады. Бірақ, кейіпкеріміз өз өнерін аса бағалап, ұнатқан кісінің қалтасына салмақ салмауды да ойлап, суреттерін қолжетімді бағада сатқан. Туындыларын қолқа салып, сұраған кісіге сыйға да берген. Бұл – нағыз өнерді бағалай білетін адамның ісі.Сұхбат барысында «Өзіңіз үшін ең құнды туындыңыз қайссы?» деп сұрадық:<blockquote>– «Сырдария» деп аталатын картина еді. Сырдың суы, Сырдың сұлу бейнесі шығармашылық адамына шабыт сыйламай қоймайды. «Сырдария» картинкасын жасау үшін бір айдай уақыт жұмсадым. Содан бір күні үйге Марат аға Омаров келді. Ол кісі сол кезде «Nur Otan» партиясының аудандық партия филиалы төрағасының бірінші орынбасары қызметінде болатын. Марат аға – өнерді, сұлулықты жанымен түсінетін кісі. Әлгі Сырдария өзені мен айналасындағы қамыстарды айнытпай көз алдыңа келтіретін картинаға қолқа салды. Сөйтіп, суреттің артқы бетіне естелік ретінде қолтаңба қойғызып алды. Мен де өнерді бағалай білетін Марат ағаға туындымды ризашылықпен тарту еттім. Осы күнге дейін қаншама картина салдым. Солардың ішінде «Сырдария» деп аталған сол туынды өз көңілімнен де шыққан әрі ең көлемді еңбек болды, – деп жауап берді.</blockquote>Өнер адамы – мейірімді ана да, одан шыққан туынды – мәпелеген сәбиі секілді. Ақынның өлеңі мен композитордың әні, тігіншінің тіккен киімі мен суретшінің салған суреті тура осылай. Кейіпкеріміздің сөз еткен «Сырдария» деп атаған туындысына деген ерекше ықыласы мен кіршіксіз көңілінен осыны аңғара білдік.<blockquote>– Суретті ойдан салмаймын. Көру арқылы, көз алдымда тұрған заттың бейнесін саламын. Әсіресе, сұлу табиғат ерекше шабыттандырады. Өзге қалаларға қыдырып барғанда да, сұлулықты көріп шыдап тұру мүмкін болмайды. Қағазым мен қаламым ұдайы қасымда жүреді. Әдемі табиғатты көргенде қағазымды алып, сурет сала бастаймын. Қарап отырсам, көбіне, пейзаж, яғни табиғат суретін, сондай-ақ портрет салады екенмін. Адамның көзі өмірде қандай нәзік болса, суретте де үлкен маңызға ие. Көз бен қастың формасын сезіммен анық бере алмасаң, бүкіл портрет дұрыс шықпайды, – дейді қылқалам шебері.</blockquote>Жаны таза адам табиғаттан болсын, адамнан болсын ерекшелікті бірден аңғарады.Зәуре Білісбаеваның өміріндегі үлкен тарихи сәт – 2010 жылы Елбасы Нұрсұлтан Назарбаевпен кездесуі. Сол жылы Қызылорда облысына іссапармен келген Қазақстанның Тұңғыш Президенті Нағи Ілиясов ауылына ат басын бұрып, жастармен, жас мамандармен кездескен.Сол кездесуде Елбасымен бетпе-бет жүздесіп, суретке түскен жас маманға бұл сәт естен кетпес әсер сыйлаған. Нұрсұлтан Әбішұлының жастарға артқан сенімін өз аузынан естіген Зәуре Құдайбергенқызы жас маман ретінде өзіне артылар жүктің жеңіл еместігін сезініп, бойында болашақ ұрпақты тәрбиелеу жолында тың серпін қалыптасқан.Білім беру саласында 12 жылдан бері талмай еңбек етіп келе жатқан Зәуре апай шәкірт тәрбиелеп, оқушылар арасында көрме, сурет байқауларын жиі ұйымдастырады. Ондағы мақсат – жастардың шығармашылығын шыңдау, оларды талаптандырып, ынталандыру болып табылады.<blockquote>– Сурет салуға қызығатын оқушылар көп. Шығармашылыққа жаны жақын шәкірттерім жетерлік. Осы саланы таңдап, бүгінде мамандығының мерейін көріп отырғандар да бар. Солардың бірі &nbsp;– Айша Ералықызы. Талантты, дарынды, өз ісінің маманы. Осы салаға бейімдеп, шығармашылығын шыңдап, дайындаған оқушым. Ол да жоғарғы оқу орнын үздікке тәмамдап, қазір Қалжан ахун ауылдық мектебінде өз қызметіне кірісті, – деп Зәуре Білісбаева шәкірттері туралы да сөз қозғады.</blockquote>Өнер мен өмірді, шығармашылық пен қызметті қатар алып жүрген Зәуре Білісбаева бүгінде бір әулеттің ұйытқысы, аяулы жар, асыл ана. Анасы, жолдасы мен ұлы – төртеуі бір шаңырақ астында жанұяның шырайын кіргізіп, шаңырақтың шаттығын еселеп отыр. Ұлы – Әлішер Асанхан 8-сыныпқа көшкен. Анасынан қасиет дарыған Әлішердің де сурет салуға деген құлшынысы ерекше. Мектеп қабырғасында жүріп, қоғам өміріне белсенді қатысатын Әлішер Ерболатұлы 2019 жылы сол кездегі аудан әкімі Ғанибек Қазантаевтың арнайы «Алғыс хатымен» марапатталған.Суретшілер көркем бояумен көрікті ой айтуды Адам ата, Хауа анадан бері жалғастырып, әсемдікті хақ нұрымен сәулелендіріп келеді. Халқымыздың сурет өнерінің өткен ғасырдағы, жаңа дәуірдегі көшбастары Әбілхан Қастеев өзінен бұрын да бұл саланың алтын арқауы болғанын, ол жалғасын тауып келе жатқанын тілге тиек етіп, «Мен сурет салуды таудың бұлағынан, көлдің құрағынан, анамның киізінен, қошқардың мүйізінен үйрендім» деуінің астарында ұлт алдындағы кішілік пен кісілік жатқаны анық. Құдай берген талантты дамытып, сол жолға ұзақ жылдарын арнап, шығармашылықты шыңдап, өнердің киесін ұғар тұлғалар, жастар барда қазақтың киелі өнері ұмтылмақ емес.Сурет өнерін келешек ұрпаққа жалғастыру жолында еңбек етіп келе жатқан Зәуре Білісбаеваның қылқаламынан қаншама дүниелер туған, көкейінде жүрген дүниелер де аз емес. Шәкірттері де үлкен жетістіктерге жетіп жүрген ұстаздың ұмтылысы да, талпынысы да – дәстүрді жалғап, ұлт руханиятына үлес қосу.&nbsp;

 Зәуре Білісбаева: Өнер мен білім менің өмірімнің бір бөлшегі

<a href="https://kyzylorda-news.kz/ru">Kyzylorda-news.kz.</a> Қазалы – тарихи қала. Сырдарияның оң жағалуында орын тепкен құтты мекеннің қойнауы сырға толы. Деректерде қаланың іргетасы 1853 жылы қаланғандығы жазылады. Қазалы алғашқыда №1 форт Арал кемелігінің басты аялдамасы болып саналды. Қазалы шатқалындағы форт құрылысы Орынбор генерал-губернаторы В.А.Перовский император ІІ Александрдың келісімімен генерал-майор, инженер Богдановтың жасаған жобасы бойынша басталған екен. Бұнда қоныс аударып келген орыстар, казактар, татарлар, хиуалықтар, ортазиялық еврейлер жергілікті халықпен қатар өмір сүріп, осында өз кәсіптерін өркендетті. Түрлі ғимараттар бой көтерді. Ұн тартатын диірмен, тері, кірпіш зауыттары жұмыс істеді. Бірнеше мешіт, шіркеу салынды. Қалаға жақын жерде Н.И.Ивановтың шарап және арақ зауыты болды. Ағайынды Хусаиновтар арақ-шарап, сыра және басқа да тағамдар сатып, сауда-саттықты дамытты. Базар күнде жұмыс жасап, аптасына бір рет жәрмеңкелер ұйымдастырылып тұрған екен.Тарих беттерінде 1855 жылы генерал-губернатор В.А.Перовскийдің бұйрығымен Сырдария жағалауында ағаш отырғызу жұмыстары басталғандығы жазылады. Бұл орын кейін «Ояз бағы» деп аталып кеткен. Бүгіндері сол ескі бақта жергілікті жерде өсетін талдардан бөлек, жылауық тал, катальпа, арша, сунах, айлант, қарағай, үйеңкі және алма, шие, қара өрік ағаштары жайқалып өсуде.Өткен жылы Оңтүстік Корея азаматтары 1757 алма ағашының көшетін сыйға тартты. Қала тұрғындарымен бірігіп, кәріс ұлтының өкілдері отырғызған жеміс ағашы да көктеп, көгеріп, өсіп келеді. Қаладағы орман шаруашылығы және жануарлар дүниесін қорғау мекемесінің мамандары бірнеше жыл бұрын жапырағы ерекше жайқалып тұратын туя ағашының тұқымын әкеп еккен. Алғашында жергілікті табиғатқа бейімделе алмағанымен, күтіп-баптаудың арқасында еңсе көтере бастады. Қазір көшеттерін көбейту жұмыстары жүріп жатыр. Таулы аймақта өсетін айлант пен катальпа ағаштары да Қазалы көшесінің көркін кіргізетін болады. 17 гектар жерді алып жатқан «Ояз бағында» жыл сайын саялы ағаштардың 35 мың түп көшеті өсіріледі. Қажет кезде мекемелерге тегін үлестіріледі. Сатылатындары да бар. Жалпы, көшет дайындаумен 75 адам айналысады.Орманшылардың айтуынша, бүгінде бақта таулы аймақтарда өсетін емен ағашы да бар.<blockquote>«Таулы аймақтардан өзге жерде өспейтін емен ағашын алғаш отырғызғанда шықпай қала ма деген қауіп болғаны рас. Алайда тынымсыз еңбектің, күтіп-баптаудың арқасында ол ағаштар бой көтеріп, жапырақ жайды. Бойы бір метрден асты. Көшет отырғызылған жерлерді жылына төрт рет арам шөптен арылтып, тазартып тұрамыз», – дейді орманшылар.</blockquote>

Қазалыдағы «Ояз бағында» жыл сайын 35 мың түп көшет өсіріледі

<a href="https://kyzylorda-news.kz/">Kyzylorda-news.kz.</a> Мәдениет – ғасырлар бойы келе жатқан халықтың рухани келбеті, мейірімі мен парасат-пайымы. Дана халқымыз «Өнер – ұлттың жаны» деп бекер түстемесе керек. Өркениетті ұлт ең алдымен, тарихымен, өнерімен, әлемдік мәдениеттің алтын қорына қосқан үлесімен танылып, бағаланады.Бұл тұрғыдан келгенде біздің көсіле сөйлеуімізге болады. Арғы ата-бабадан қалған асыл мұралар, Қазақ хандығының іргесі қаланғаннан бергі жиналған жауһар дүниелер әлем алдында абыройымызды биіктетіп келеді. Соларды насихаттап, көкке көтеріп жүрген мәдениет саласы қызметкерлерінің еңбегі орасан. Әрине, өнерді құрметтеп, мәдениетті өркендету – баршамыздың ортақ мақсатымыз. Десе де, мәдениет үйлерінің, кітапханалардың, театрлар мен шығармашылық үйірмелердің, халық шығармашылығы орталықтарының, ауылдық клубтар қызметкерлерінің, сондай-ақ ақындар мен жазушылардың рөлі ерекше. Олар қоғамдағы руханиятты дамытуға, игілікті, адамгершілікті, қайырымдылық пен өзара түсіністікті өрістетуге жол ашып, үздік мәдени дәстүрлерді сақтауға, оны молайтуға ерекше мән беріп келеді.Бүгінде аудандағы 28 мәдени орталық пен 7 халықтық ұжым, 2 мәдени-демалыс кешені халықты өнерімен сусындатып, рухани қазынамызды өскелең ұрпаққа жеткізу жолында аянбай еңбек етуде.Бейсенбі күні аудандық мәдениет үйінде «Мәдениетім – мәртебем» атты мәдениет қызметкерлері күніне арналған салтанатты шара өтті. Халқымыздың мәдени мұрасына, ән, би өнеріне өз үлесін қосып жүрген шиеліліктер үшін бұл мерейлі мереке. Өнерді өміріне серік еткен жандарды кәсіби мерекесімен аудан әкімінің орынбасары Б.Ысмағұлов құттықтап, сала мамандарының қоғамдағы рөліне ерекше тоқталды. -Жауапты саланың қазанында қайнап жүрген қызметкерлерді ¬облыс, аудан әкімінің алғыс хаттарымен марапаттады. Шиелінің қасиетті топырағынан талай айтулы өнер тұлғалары өсіп-өнді. Қазір де киелі өнер жолында туған жердің атын шығарып, биік тұғырдан көрсетіп жүрген жерлестер жетерлік.Салтанатты кеш ақын Талғат Күзембаевтың арнау өлеңімен басталып, әрмен қарай аудан өнерпаздарының әзірлеген концерттік бағдарламасына ұласты.Халқымыздың бай мəдени мұрасы мен руханиятының дамуына үлес қосып келе жатқан азаматтардың еңбегі бағаланатын елеулі күн ел өмірінің ең айшықты сәтіндей ыстық. Себебі қаламға серт еткен ақын-жазушының, білім бұлағымен сусындатқан кітапханашының, мазмұнды қойылыммен, құлақ құрышын қандырар әнімен, мың бұралған биімен көрерменге ізгілік нəрін сыйлайтын аудандағы мəдениет ошақтарында қызмет етіп жүрген өзге де мамандардың еңбегі ұмытылмақ емес.

Шиелі: Мәдени қызмет – мерейлі міндет

<a href="https://kyzylorda-news.kz/ru">Kyzylorda-news.kz.</a> Бүгін 21 мамыр – мәдениет және өнер саласы қызметкерлерінің кәсіби мерекесіне орай &nbsp;аудан әкімдігінде салтанатты қабылдау ұйымдастырылған болатын. Аудан әкімі Берік Сәрменбаев сала ардагерлері мен үздіктерін қабылдап, құрмет көрсете білді.Қабылдауда аудан басшысы мәдениет пен өнер егіз ұғым екенін айтып, маңызды саланы дамыту мемлекеттік саясаттың басым бағыты ретінде бағаланатынын жеткізді.<blockquote>&nbsp;Ерекше бай тарихы бар Сыр өңірі – ұлт мәдениетінің де ұлы көшін жасаған өлке. Дәстүр мен салттың, өнер мен мәдениеттің Отаны да – Сыр бойы. Әр жердің өз табиғатына сай киесі мен қасиеті болатыны секілді Сырдария ауданының да өзіндік ерекшеліктері мен қалыптасқан дәстүрі бар. Дарияны жағалай қоныстанған елдің кеше- және бүгінгі шежіресін сараласақ, өңір жұртының қазақ халқының бойына дарыған қасиетті өнерін өзгеше сипатта жалғастырып келе жатқандығын байқауға болады. Ауданымыздан талай от ауызды, орақ тілді ақындар, қаламы қарымды қаламгерлер, өнерде өз өрнегін тапқан өнерпаздар, елге танымал тұлғалар шыққан. Оның ішін¬де Сырдария ауданынан шыққан әдебиет пен өнердің саңлақтары Сұлтанәлі Қожықов, Серәлі Лапин, Ләтипа Қожықова, Сәбира Майқанова, халық жазушысы Қалтай Мұхамеджанов, ақиық ақын Асқар Тоқмағанбетов, ақындар Әбділда Тәжібаев пен Қуаныш Баймағанбетов, жазушы Әбіраш Жәмішов, ауданда алғаш рет оркестр ұйымдастырған Құрақтың Досжаны, күйші Сламбек Ысқақов, Оразбек Бесбаев, Замаддин Ибадуллаев, Төлепберген Тобағабылдарды еске аламыз. Ауданнан шыққан тұлғалардың өмір жолы біз үшін мақтаныш, ұрпақтар сабақтастығы екендігі де даусыз. Осының жалғасындай, ҚР Мемлекеттік Гимннің авторларының бірі, ақын Жадыра Дәрібаева, белгілі ақындар Сейфолла Оспан, Иран Ғайып, Қайырбек Асанов, театртанушы Әмір-Темір Хұсейін, Бақытбек Алпысбаев, сазгер Рамазан Тайманов, қолөнер шеберлері Сражадин Әкімов, Жәнібек Маханбет, мүсінші Жәркен Исмағұлов, эстрада әншісі Жеңіс Ысқақовалар да есімі мен еңбегі халықтың жадында мәңгі жаңғыруда. Өнердегі жерлестеріміз қашанда өз таланттарымен аудан абыройын биікке асқақтатып жүр. Әрине, ауданда мәдениет салсының қалыптасуы мен дамуына ерекше еңбек сіңірген аға-апаларымызды, оның ішінде Сейтмұрат Ембергенов, Қайрақбай Нұрыбаев, Алмагүл Бахтиярова, Жантемір Айсин, Сандыбай Садуақасов, Сұлтанбек Мұсаев, Қуаныш Татанов, Петр Белый, Өмірбек Сарыбаевтардың есімдерін атап өткенді жөн санадық. Майталман мамандардың өнегелі ісін бүгінгі ізбасарлары жалғап келеді, – деді аудан әкімі.</blockquote>Мұнан соң ауданның рухани-мәдени дамуына үлес қосқан сала ардагерлері мен нәтижелі еңбек етіп жүрген мамандар түрлі мара-паттармен марапатталған болатын. Атап айтқанда, аудан әкімінің Алғыс хатымен сала ардагерлері Алма Бақтиярова, Жантемір Айсин, Сандыбай Сәдуақасұлы, Нұржамал Жүзбаева, Бүркітбай Мұстафаев, Гүлзабира Оразбекқызы, Күләш Құдабаевалар марапатталды. Сондай-ақ аудандық мәдениет және спорт бөлімінің сектор меңгерушісі Жеңісбек Төрәлиеке «Еңбек даңқы» медалі және балетмейстр Ақмарал Пернебаеваға аудан басшысының Алғыс хаты табысталды.Қабылдауда мәдениет саласының үздігі А.Бақтиярова мен сала ардагері Ж.Айсин сөз сөйлеп, салтанатты қабылдау ұйымдастырып, құрмет көрсеткені үшін аудан басшысына ризашылық білдіріп, әріптестерін мерекемен құттықтады.&nbsp; &nbsp;

 Мәдениет майталмандары құрмет төрінде

<a href="https://kyzylorda-news.kz/ru">Kyzylorda-news.kz.</a>&nbsp; Осы күні егемен еліміздің мәдени-рухани өркендеуіне өз үлестерін қосып жүрген мәдениет және өнер қызметкерлері баршылық. Мәдениет майталмандары өскелең ұрпақты отансүйгіштікке тәрбиелеу, тарихымызды насихаттау, салт-дәстүрімізді жаңғырту, елді бірлік пен ынтымаққа шақыру бағытында еңбек етуден еш жалыққан емес. Осыған орай сала қызметкерлерінің төл мерекесінде Сырдария ауданында арнайы салтанатты жиын ұйымдастырылған еді.Салтанатты іс-шараға аудан әкімі Б.Сәрменбаев қатысып, мәдениет және өнер саласының өкілдерін кәсіби мерекемен құттықтады.<blockquote>Мәдениет пен өнер саласының дамуына ерекше үлес қосып жүрген сала ар­дагерлерін, өнер адамдарын, шығар­машылықпен айналысып жүрген ақын-жазушыларымызды, халқымыздың салт-дәстүрін, өнерін насихаттап жүрген барша аудан тұрғындарын төл мерекелеріңізбен шын жүректен құттықтаймын. Бұл күні біз мәдениет және өнер мекемелерінің – музейлер мен кітапханалардың, театрлар мен концерттік ұйымдардың, халық шығармашылығы және мәдениет үйлерінің, аудандық және ауылдық клубтардың қызметкерлеріне, сон­дай-ақ ақын-жазушыларға, әртістерге және басқа да шығармашылық мамандық өкілдеріне шын көңілден алғыс білдіреміз. Біздің қоғамда руханиятты да­мытуға, игілікті, адамгершілікті, қайырымдылық пен өзара түсінікті өрістетуге жол ашатын үздік мәдени дәстүрлерді сақтауға және молайтуға ерекше мән беріліп келеді. Маңызды саланы дамыту – баршамыздың азаматтық парызымыз және мін­детіміз деп есептеймін. Сала майталмандарын кәсіби мерекемен құттықтап, еңбектеріңізге жеміс, шығармашылық табыс, шалқар шабыт тілеймін. Қа­шанда алға қойған мақсаттарыңыз орындала берсін және биік белестерде талмай қызмет ете беріңіздер деп тілеймін, – деді аудан әкімі.</blockquote>Өз кезегінде ауданның рухани-мәдени дамуына үлесс қосқан сала ардагерлері мен нәтижелі еңбек етіп жүрген мамандар түрлі марапаттарға қол жеткізді. Атап айтқанда, облыс әкімінің Алғыс хатымен «Балауса» халықтық би ансамблінің жетекшісі Ақмарал Пернебаева, А.Тоқмағамбетов ауылдық клубының директоры Әсел Ибраева, А.Тоқмағамбетов ауылдық кітапханасының кітапхана­шысы Гүлнар Қаржанова марапатталса, Жетікөл ауылдық клубының директоры Алмат Өтеуовке, Шіркейлі ауылдық мәдениет үйінің директоры Мақсұт Әбсадықовқа, аудандық кітапхананың кітапханашысы Гүлмайра Асанға облыстық мәдениет және спорт басқармасы басшысының Алғыс хаты берілді. Сонымен қатар аудан әкімінің Алғыс хатын сала ардагері, қолөнер шебері Жәнібек Маханбет, Айдарлы ауылдық клубының директоры Анар Қалдыбаева, Бесарық ауылдық мәдениет үйінің директоры Абзал Молдашев, аудандық мәдениет үйі директорының орынбасары Азиз Садықов, аудандық мәдениет және спорт бөлімінің әдіскері Ғалымжан Таңатаров, халық театрының суретшісі Жәнібек Әбдіреев, мәдени ұйымдастырушы Махмуд Сақтапов, әнші Руслан Садықов, Динара Жәкешова, Ақбота Талғатова, Қалжан ахун ауылдық клубының әдіскері Гүлжанат Сырғабаева, Тереңөзек кент мәдениет үйінің әдіскері Ербол Жасұланұлы иеленді.Мерекеге орай салалық кәсіподақтың Құрмет грамотасы аудандық мәдениет үйі­нің әдіскері Гаухар Сәрсенбаева мен Қоғалыкөл ауылдық клубының әдіскері Гүлшара Сарбасоваға берілсе, Алғыс хатын Сырдария аудандық мәдениет үйінің мәдени қызметкері Айләззат Сүлейменова мен Марат Қошық, есепші Лаззат Баймбетова, Бесарық ауылдық мәдениет үйінің әдіскері Маржан Дүйсенбаева иеленді.Осылайша, саланың дамуына үлестерін қосып, еңбегімен көзге түскен азаматтар марапат биігінен көрінді. Бұл күні мереке иелерінің құрметіне ауданның көркемөнерпаздары әннен шашу шашып, би билеп, жиналғандарға мерекелік көтеріңкі көңіл-күй сыйлады. &nbsp;

Сырдариялық өнерпаздардың еңбегі еленген күн

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаевтың «Жаңа Қазақстан жаңару мен жаңғыру жолы» атты Қазақстан халқына жолдауын кеңінен насихаттау, Тәуелсіздіктің қастерлі де, киелі ұғым екендігін, тәуелсіздіктің баянды болуы үшін ұлттық бірегейлік пен бірліктің маңыздылығын жастарға түсіндіру, тәуелсіздік жылдары өз мамандығының хас шебері атанып, еліміздің дамуына үлес қосып жүрген азаматтарды қоғамда кеңінен насихаттау, жастарға үлгі ету мақсатында «ҚР еңбек озаттарының алтын кітабы» атты республикалық патриоттық байқауы өтті.Екі кезеңнен тұратын байқауды Қазақстан Республикасы «Bilim-orkenieti» ұлттық инновациялық ғылыми-зерттеу орталығы ұйымдастырды. Оған Б.Қабылұлы атындағы мәдениет үйінің әдістемелік бөлім меңгерушісі Гүлшат Әбдімомынова қатысып, жеңімпаз атанған болатын. Марапаттау рәсіміне арнайы Астана қаласына барып қатысқан Гүлшат Шайзадақызы I дәрежелі дипломмен және ҚР Еңбек озаттарының алтын төсбелгісі, &nbsp;алтын кітабы, куәлік және құрмет грамотасымен марапатталды. Айта кетейік Г.Әбдімомынова бұған дейін «Бейбітшілік Әлемі» халықаралық қазақ шығармашылық бірлестігінің «Мәдениет майталманы» медалі және «Шиелі ауданына – 90 жыл» мерекелік медалімен, Қазақстандық салалық мәдениет, спорт, туризм және ақпарат қызметкерлері кәсіподағының «Еңбек даңқы» төсбелгісімен марапатталып, облыстық мәдениет басқармасының «Жарқын болашақ – бүгінгі білікті маман» атты үздіктерді насихаттайтын кітапқа енген. Одан бөлек көптеген республикалық, облыстық байқаулардың жүлдегері.Мәдениет қызметкерлері мерекесі қарсаңында мерейі үстем болған жерлесімізді марапатымен құттықтаймыз!

Мереке қарсаңындағы марапат

<a href="https://kyzylorda-news.kz/">Kyzylorda-news.kz.</a> Жыл артқан сайын театрға келіп, рухани азық іздеп, демалып қайтушылар саны артып келеді. Әрине, бұл өнер саласының ұжымына деген көрермен құрметі. Жалпы театрда екі көрініс бар. Бірі сахнадағы әртістердің көрінісі, екіншісі – сахна сыртындағы көрініс. Иә, ол жақта да бір топ адамның еңбегі бар. Соның ішінде костюмер мамандығының маңызы ерекше.&nbsp;Аты айтып тұрғандай, бұл маман иесі театрдағы бар костюмге жауапты. Осындай жауапты жұмысты Нартай Бекежанов атындағы Қызылорда облыстық қазақ академиялық музыкалық драма театрында Нұрсұлу Алиева костюм цехының меңгерушісі болып, бірталай жылдан бері атқарып келеді. Кейіпкеріміз 1962 жылы Қосшыңырау ауылында дүниеге келді. Былтыр алпыс жасқа толды. Көктемнің шуақты күнінде бізге кейіпкерімізбен сұхбаттасудың сәті түсті. Костюмерлердің театрдағы еңбегі зор– Нұрсұлу Боранқұлқызы, театр әлемінде костюмер мамандығының маңызы зор. Қазіргі күні театр қорында қанша киім үлгісі бар? Жалпы әңгімемізді осы мамандықтың қыр-сырынан бастасақ... &nbsp;– Негізі осы салада қызмет атқарып жүргеніме 11 жылдан асты. Қызығы мен шыжығы қатар жүретін жұмысым өзіме қатты ұнайды. Біздің театрда киім үлгісі өте көп. Оның нақты санын айту мүмкін емес. Кез келген киімнің кімге тиесілі екенін астарындағы жазуға қарамай-ақ жазбай танып, жатқа айтып бере аламыз. &nbsp; &nbsp;Расында, киім – сахнаның үлкен құрамдас бір бөлігі. Дизайнер алдын ала үлгісін жасап, арнайы тігілген костюмді киіп шыққан әртіс сахнада адам танымастай өзгеріп шыға келеді. Сол сәттен бастап ол сахнаны сән мен салтанатқа бөлеп, көрермен көзайымына айналады. Әр киім спектакль бойынша бөлек-бөлек жиналады. Әртіс образды жоғары деңгейде алып шығу үшін &nbsp;ол үлкен рөл атқарады.&nbsp;Сондықтан костюмерлердің театрдағы еңбегі зор. Жуып, тазалап әртістің сахнаға шыққанынша тыным таппаймыз. Қойылым тамашалауға келген жүздеген көрермен алдында ойнайтын өнер адамы үшін ең бастысы – киімінің қонымдылығы мен ыңғайлылығы. Сахнада қандай қимыл жасаса да киімі өте ыңғайлы болуы шарт. Әрбіріне өз өлшеміне сәйкес бірдей болып тігіледі. Киімдер ауысып кетпес үшін нөмірленіп, әртістердің есімдері жазылып қойылады. Ал ұзақ жылдан келе жатқан дүниелер әбден ескіріп, жыртыла бастаса, онда толығымен жаңаланады.Күлуге де уақыт жоқ– Биыл зейнеткерлік демалысқа шығасыз. Осы уақыт аралығында жұмыс барысында кездескен қызықты оқиғамен бөліссеңіз... Мәселен, спектакль кезінде сахнада әртістердің киімі аяқ астынан жыртылып немесе сөгіліп кететіндей жағдайлар кездескен болар?&nbsp;– Иә, ондай қызықты әрі тығырықтан шығып кететін жағдайлар болып тұрады. Әртіс кейде сахнада ойнап жүріп секірмек болғанда немесе оқыс қимылдан киімі жыртылып кетеді. Бұрын мұндай кезде сахна сыртында ине-жібімізді ұстап біз де дайын тұратынбыз. Қазір жастар ұқыпты, мұқият болғандықтан мұндай оқиғалар сирек кездесіп жүр.&nbsp;Кейде спектакль ортасында оларға киім ауыстыруға тура келеді. Екі көмекшіммен санаулы секунд ішінде тез-тез ауыстырып жібереміз. Осындайда қызық оқиғалар көп болып жатады. Күлуге уақыт жоқ, кейіннен еске алып, әбден күлеміз.Дәл қазір есіме түсіп тұрғаны Д.Урбанның «Барлық тышқандар ірімшікті жақсы көреді» атты балалар қойылымында сиқыршы мысық рөліндегі актеріміз спектакль кезінде абайсызда тышқанның құйрығын жұлып алған сәті болған. Ондай сәтте өзімізбен бірге үнемі ине мен жібімізді ұстап, дайын жүреміз. Негізі біздің осылай сақадай сай болып дайын жүретініміз, бұл әр қойылым сайын қалыптасқан үрдіс.&nbsp;Содан не керек, әлгі жерде жылдам қимылдап, тышқанның құйрығын тігіп жібердік. Осы сияқты қызықты әрі тез тығырықтан шығып кететін жайттар жиі кездесіп тұрады. Негізі ине жібіміз қолымызда жүреді. Өйткені аяқ астынан болатын жағдайға дайын тұру қажет. Кейде өзімізді сарбаздар секілді сезініп кететін сәт те кездеседі, – &nbsp;дейді кейіпкеріміз бір күліп.– Театрға деген махаббатыңыз бөлек шығар, сірә?&nbsp;– Әрине, театр деген бөлек әлем ғой. Осы салада қызмет атқарғалы театрға деген махаббатым арта түсті. Елімізге еңбегі сіңген өнер иелерімен жұмыс істегеннің өзі қандай тамаша. Шыны керек, театр адамды тәрбиелейтін өнер ордасы болғандықтан осы салада қызмет атқару мен үшін &nbsp;абырой және үлкен жауапкершілікті талап етеді. Сондай-ақ өзімнен кейінгі келе жатқан жас толқыннан осындай жауапкершілікті көргім келеді.– Өзіңізге рухани демалысты қалай сыйлайсыз? Әлде спектакль тамашалағанды ұнатасыз ба?&nbsp;– Дұрыс айтасыз, спектакль тамашалаған ұнайды. Бірақ біздің жұмыс сахнаның сыртында болғандықтан көбіне арнайы отырып тамашалай алмаймыз. Дегенмен жұмыс атқара &nbsp;жүріп көріп те, қызметімізді жасап та үлгереміз. Соның өзі маған рухани демалыспен тең. Негізі адам өз ісін жақсы көріп атқарса, ол шаршамайды, қайта демалып, ой бөлінеді. Жаңа әрі жақсы ойлар пайда болады.Әдемі әже болғым келеді– Отбасыңыз жайлы айтып өтсеңіз... Үйіңізде сізден басқа өнер саласында жүрген жандар бар ма?&nbsp;– Отбасыма келер болсақ, Алланың берген екі қыз, бір ұлы бар. Жұбайым осыдан 9 жыл бұрын дүниеден өтті. Балаларымның барлығы отбасылы. Үйде өзімнен бөлек кіші қызым Балтай осы театрда ақпарат бөлімінің меңгерушісі қызметін атқарады. Үлкен қызым Жазира медбике болып жұмыс істейді, ұлым Руслан жедел жәрдем станциясында жүргізуші болып, жұмысын абыроймен атқарып жүр.&nbsp;Аллаға шүкір, әзірге 12 немересі бар бақытты әжемін. Ұлым Руслан, келінім Гаухар және тәтті немерелеріммен бір шаңырақ астында бақытты өмір сүрудеміз. Әзірге деп отырғаным, алдағы уақытта да немерелер қосылып, шөбере сүйсем деген арманым бар.&nbsp;– Зейнетке шыққаннан кейінгі жоспарларыңыз қандай?&nbsp;– Әзірге ешқандай нақты жоспар жоқ. Бірақ бір білерім, немерелерге қарап отыратын шығармын. Бәрі уақыт еншісінде. Жалпы әрбір адам баласы өмірге келген соң әдемі қартая білуі керек. Ел қатарлы еңбек етіп болған соң оның зейнетін көріп, ұрпағыңның алдында ақжаулық анадан әзиз әжеге жетудің өзі үлкен абырой.&nbsp;Қазіргі күні балаларым мен немерелерімнің ортасында әдемі әже болып отырғаннан асқан бақыт жоқ шығар, сірә? Құдайға сансыз шүкір етемін.&nbsp;Қысқа сұраққа нақты жауап:– Соңғы оқыған кітабыңыз?&nbsp;– Мұхтар Әуезовтің «Абай жолы» романын оқыдым. Бірақ оған да біраз уақыт болды.– Адам бойындағы ұнайтын және ұнамайтын қасиеттер? &nbsp;– Қарапайымдылық пен адамгершілікті жоғары бағалаймын. Ал өтірік пен екіжүзділікті жек көремін.&nbsp;– Өмірде нені бағалайсыз?&nbsp;– Мен үшін өмірде сыйластықтан артық сый жоқ.– Сіз үшін өмірдің мәні неде?&nbsp;– Өмірдің мәні – ұрпақта.&nbsp;– Сұхбатыңызға рақмет!

Нұрсұлу Алиева: Театр бөлек әлем

<a href="https://kyzylorda-news.kz/">Kyzylorda-news.kz.</a>&nbsp; Жыл басынан бері Қызылорда облысындағы мәдениет мекемелерінде 8880 шара өткен. Бұл туралы Қызылорда облыстық мәдениет және спорт басқармасының басшысы Мира Қазбековамен сұхбат барысында белгілі болды.&nbsp;– Мира Жомартқызы, алдымен оқырманды облыстық мәдениет саласының жалпы жай-күйімен таныстырып өтсек.– Сыр мәдениетінің бүгінгі бет-бейнесі қай жерге, қай елге апарып көрсетсе де марқайып айтатындай беделге ие десем, бұл сөзімді білетін жұрт жоққа шығармайды. Облыста 400-ден аса мәдениет, өнер мекемесі халыққа қызмет көрсетіп келеді. Оның ішінде 209 кітапхана, 171 мәдениет үйі мен клуб, 14 музей, облыстық халық шығармашылығын дамыту және мәдени-продюсерлік орталығы, Н.Бекежанов атындағы қазақ академиялық музыкалық драма театры, облыстық филармония, тарихи-мәдени ескерткіштерді қорғау, т.б. мекемелер бар. Аймағымыздағы мәдениет нысандарын жаңғырту мақсатында тәуелсіздік жылдары 33 клуб, 6 музей, 1 кітапхана &nbsp;құрылысы салынып, ел игілігіне берілді. Биыл 5 ауылдық клубтың құрылысы аяқталады. Осы жылы облыс бюджетінен мәдениет мекемелерінің материалдық-техникалық жағдайын жақсартуға 670 млн теңге бөлінсе, нақтылаудан соң облыс әкімінің қолдауымен бюджет қосымша 1,1 млрд теңгемен толықты. Аймақ басшысының тікелей бастамасымен көпфункционалды 1000 орындық «Өнер» орталығы жыл соңына дейін берілгелі отыр. Өңірімізде классикалық өнерді дамыту, көрермендерге концерттерді кәсіби әрі жанды дауыста ұсыну мақсатында симфония оркестрі құрылды. Ұжымның тұсауы жаңа «Өнер» орталығында ресми кесіледі. &nbsp; &nbsp; Сонымен қатар, &nbsp;Алаштың анасы – Сыр төрінде кірпіші қаланған «Анаға тағзым» орталығы тамыз айында іске қосылады. Өнерде жүрген мүмкіндігі шектеулі өнерпаздардың шығармашылығын шыңдауға арналған Инклюзивті театр жобасы жүзеге асырылады. Адамның мүмкіндігі физикалық тұрғыдан шектеулі болса да, өнерде шектеу жоқ. Әлеуметтік көмек алушы жандардың арасында талантты жастар баршылық. 2017 жылы Санкт-Петербург қаласында өткен мүмкіндігі шектеулі балалардың «Шаг навстречу» деп аталатын халықаралық шығармашылық фестиваліне Қызылордадағы №6 есту қабілеті бұзылған балалардың арнайы мектеп-интернатынан 4 өнерпаз қатысып, ымдап ән айту мен халықтық орындау жанры бойынша жас ерекшеліктеріне қарай &nbsp;4 талапкердің барлығы да жүлделі І орынды иленіп келгені көптің есінде.– Жағымды жаңалықтар көп екен. Ал, енді жыл басынан атқарылған жұмыстар туралы айтып өтсеңіз?– Жыл басынан бері облыстың мәдениет мекемелерінде 8880 шара өткізіліп, оған 466033 адам қамтылды. Жас таланттарды табу, өнер әлеміне жаңа есімдерді шығару үшін 1 халықаралық, 4 республикалық, 11 облыстық байқау-фестиваль, жыр мүшәйралары, ақындар айтыстары ұйымдастырылды. Биыл қызылордалықтар тұңғыш рет композитор, Қазақстанның еңбек сіңірген қайраткері Кеңес Дүйсекеев атындағы «Туған жер» І халықаралық әншілер конкурсын тамашалады. Алдымен аймақтық, сосын республикалық болып ұйымдастырылған конкурс бұл жолы халықаралық дәрежеге көтеріліп, Польша, Болгария, Армения, Өзбекстан, Қырғызстан, Тәжікстан секілді бірнеше елдің өнерпаздары бақ сынады. Сонымен бірге, ұлт руханиятының көрнекті өкілі, мемлекет және қоғам қайраткері Темірбек Жүргеновтің 125 жылдығына арналған халықаралық ғылыми-тәжірибелік конференция және республикалық жыр мүшәйрасы өткізілді. Облыстық филармонияда даңқты қолбасшы Сұлтан Бейбарыстың 800 жылдығына арналған «Бабаға құрмет – тарихқа тағзым» атты танымдық концерт берілді. Сыр сахнасында Ақмола облыстық филармониясының «Гәкку» би ансамблі мен Қызылорда облыстық филармониясының «Томирис» би ансамблі бірлесіп, «Би әлемі» атты концерт берді. АҚШ-тан алғаш рет арнайы шақырылған Қазақстанның еңбек сіңірген қайраткері, халықаралық байқаулардың лауреаты, пианист Т.Ержановтың дирижерлік етуімен камералық оркестр өнер көрсетті. Н.Бекежанов атындағы қазақ академиялық музыкалық драма театрында былтыр Иран-Ғайыптың «Мәңгілік елдің алтын адамы», У.Шекспирдің «Ромео мен Джульетта», А.Ахметтің «Шырмауық» қойылымдары, биыл Ш.Айтматовтың повесі бойынша сахналанған «Жәмилә» спектакльдері мен бірқатар балалар қойылымдарының премьералары өтіп, Р.Отарбаевтың «Нарком Жүргенов», «Мұстафа Шоқай», Д.Исабековтің «Құстар фестивалі», т.б. спектальдері көрермен назарына ұсынылып келеді.– Телефонмен таласа туған бүгінгі жастар арасында кітап оқуды насихаттау ісі қалай жүргізіледі? Олар қазір компьютерде отырғандарды болашақ кітап оқығандардың басқаратынын біле ме?– Бұл – бәрімізді мазалайтын сұрақ. Дегенмен, кітап оқитын жастар да жетерлік. Облыс кітапханалары бүгінде 51463 оқырманға қызмет көрсетті. «Ұлттық рухани жаңғыру» ұлттық жобасының «Оқитын ұлт» іс-шарасы аясында кітап оқуды насихаттау және халықтың оқуға деген қызығушылығын арттыру мақсатында «Оқитын өлке» акциясы, кітап жәрмеңкесі, оқу фестивальдері, оқу марафондары, буккросингтер ұйымдастырылып, республикалық «Бір ел – бір кітап» акциясы аясында Т.Әбдіктің шығармаларын насихаттау мақсатында іс-шаралар өткізілді.&nbsp; Т.Жүргеновтің 125 жылдығына арналған «Ұлтын ардақтаған ұлтжанды тұлға» атты кең көлемді кітап көрмесі ашылып, «Ұлт мақтанышы» атты апталық, ақын, ғұлама ойшыл Ш.Құдайбердіұлының туғанына 165 жыл толуына орай облыстық «Шәкәрім оқулары» байқауы өткізілді. Сонымен қатар Ә.Тәжібаев атындағы облыстық &nbsp;әмбебап-ғылыми кітапханасында балаларды кітап оқуға қызықтыру, оқуды насихаттау үшін «Кітаппен бірге өсеміз», «Әжемнің ертегілері» атты жобалары жүзеге асырылып келеді.– Аймақ басшылығына Нұрлыбек Нәлібаев келгелі әр саладағы серпіліс секілді мәдениет саласы да мейлінше кең тыныс алғандай болды. Біз мұны облыс әкімінің «Халыққа, ұлтқа рухани пайдасы тиетін қандай жоба болса алып келіңіздер, оларға еш кедергісіз қолдау болады» деген сөзінен білеміз. Алдағы кезеңде мәдениет қызметкерлерін қандай игі шаралар күтіп тұр?– Ақиқатында аймақ басшысының мәдениет пен спортқа деген қолдауы арнайы әңгіменің тақырыбы болмақ. «Балалар жылында» облыс әкімінің тікелей ықпалымен аймағымыздың демеушілері жалпы құны 1,6 млрд теңгеге 80 спорт-ойын алаңын салып, пайдалануға берді. Таяу уақытта 7 мың адамға арналған «Қайсар» футбол командасының жаңа стадионы бой көтереді. Н.Бекежанов атындағы қазақ академиялық музыкалық драма театрының &nbsp;Алматы қаласына гастролі ұйымдастырылады. Біздің театр өнер астанасына соңғы жиырма жылда ат ізін салмаған екен. Өңірімізде тұңғыш рет «Айтыс олимпиадасы» атты облыстық жасөспірімдер айтысы өткізіледі. Бұл жөнінде облыс әкімі «Алтын домбыра» сыйлығының үш дүркін иегері Мұхтар Ниязовтың ізбасарларын дайындау бізге аманат», – деген болатын. Алдағы уақытта Қызылорда облысының 85 жылдығына арналған мерейтойлық шаралар өтеді. Мерейтой аясында бірінші рет бюджет тапсырысымен 12 &nbsp;сериялы имидждік телесериал түсіру жобасы жүзеге асырылады. Түркітілдес елдердің «Қорқыт және Ұлы дала сазы» атты халықаралық өнер фестивалі. Қаңлы Жүсіптің 150 жылдығына арналған республикалық ақындар айтысы ұйымдастырылады. Мәдениет және өнер қызметкерлері күніне арналған салтанатты шарада облыс әкімінің «Тұран» мәдениет және әдебиет өкілдеріне арналған 500 мың теңгелік қаржысы бар арнайы сыйлығы табысталды. &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;&nbsp; Сонымен қатар, бірқатар сала қызметкерлері ҚР Мәдениет және спорт министрлігінің «Еңбек ардагері», «Мәдениет саласының үздігі» төсбелгілерімен, облыстың Құрмет грамотасы, Алғыс хаттарымен марапатталды. Айтулы шарада аймағымыздағы маңдайалды 8 өнер ұжымына 5 данадан &nbsp;40 домбыра табысталды. Берілген домбыра аспабы жергілікті қолөнер шеберіне арнайы тапсырыспен жасатылған концерттік домбыра екендігін атап өткім келеді. Барша әріптестерімді кәсіби мерекесімен құттықтаймын. Елдің рухын көтеріп жүрген оларға әрқашан амандық, шығармашылық бақыт тілеймін.– Жаңалығы көп сұхбатыңызға рахмет. &nbsp;

Жыл басынан бері облыстың мәдениет мекемелерінде 8880 шара өтті

<a href="https://kyzylorda-news.kz/">Kyzylorda-news.kz.</a> Тұрсынкүл Рахметова – Шиелі ауданына қарасты «Сұлутөбе» ауылдық округіндегі «Сұлутөбе» мәдениет үйінің директоры. &nbsp;Ол Н.Гоголь атындағы Қызылорда педагогика институтының музыка факультетін бітірген. Еңбек жолын 1982 жылы өзі туып өскен Қазалы ауданы «Құмжиек» ауылында бастайды. Онан соң Сұлутөбе ауылдық балалар музыка мектебінде мұғалім, &nbsp;№41 М.Шоқай атындағы орта мектепте музыка пәнінің мұғалімі, қалаға қарасты Бірқазан ауылындағы №145 орта мектепте педагог ұйымдастырушы, Сұлутөбе ауылдық округіне қарасты 1 Май ауылындағы №40 орта мектепте музыка пәнінің мұғалімі болып еңбек етті. 2016 жылдың тамызынан бастап Сұлутөбе ауылдық мәдениет үйінің директоры қызметіне тағайындалып, осы кезге дейін абыроймен атқарып келеді.<blockquote>&nbsp; &nbsp;Сұлутөбе ауылдық мәдениет үйі 1972 жылы типтік жобамен салынған. Ең алғашқы клуб меңгерушісі – &nbsp;Өтепберген Бекбайұлы. Бұл қызметті ауыл азаматы Темген Нұржанов деген ағамыз атқарды. 1976 жылы Алматы театрының режиссері Тынымбек Пірімжановтың ұйымдастыруымен «Қозы Көрпеш-Баян сұлу» спектаклі қойылды. Осының негізінде мәдениет үйіне «Халық театры» атағы берілді. Ал 1980 жылы С.Жүнісовтің атсалысуымен мәдениет үйі «Халық театры» атағын қайта қорғап шықты. Клуб меңгерушісі қызметін Жомарт Нарымбетов, Кеніш Піртаева, С. Жұбандықова атқарды. 2016 жылы директорлық қызметке мені тағайындады. Содан бері осы кісілердің ізін жалғап, мәдениет үйінің жұмысын дамытуға еңбек етіп келемін, – дейді Тұрсынкүл Әмірәліқызы.</blockquote>Айтпақшы, 2014 жылы мәдениет үйі Шиелі аудандық мәдениет үйінен бөлініп, Сұлутөбе ауылдық округ әкімдігіне беріліп, өз алдына мекеме болады. 2015 жылы 240 орындық ғимарат жаңадан салынып, ел игілігіне берілді. Қазір оған М.Шоқай және Жаназар батыр ауылдық клубтары қарайды.<blockquote>&nbsp;Мәдениет ошағында 7 үйірме жұмыс істейді. Атап айтсақ, «Асыл әжелер» ансамблі, «Сұлу әуен жастары» ән, «Самғау» драма, «Шабыт» би, «Саз қоңыр» атты домбыра және «Жалын» көркем сөз үйірмелері бар. Үйірме мүшелері республикалық, облыстық және аудандық деңгейдегі түрлі байқауларға, жарыстарға қатысып, жүлделі орындарды жеңіп алып, марапаттарға ие болып келеді, – дейді директор.</blockquote>Тұрсынкүл Рахметова да &nbsp;ұйымдастырушылық қабілетінің, қызметіне деген зор сүйіспеншілігінің, мәдениет ошағының жұмысын жүйелі атқару жолындағы тынымсыз еңбегінің арқасында талай марапатқа бөленіп, ел алғысын алып келеді.Ауылдық жерлердегі клубтар мен мәдениет үйлері қашаннан руханияттың, мәдениеттің ошағы саналатыны белгілі. Ендеше онда қызмет істейтін әрбір қызметкерді сол ошақтың отының өшпеуіне, ұлттық руханияттың, мәдениеттің шырағын жағуға атсалысып жүрген мәдениет шырақшылары десек &nbsp;жарасатындай. Жалпы Тұрсынкүлдей жанашырлар тұрғанда төл мәдениетіміз төрге оза бермек.&nbsp;

Тұрсынкүл Рахметова: Мәдениет үйінің жұмысын дамытуға еңбек етіп келемін

<a href="https://kyzylorda-news.kz/">Kyzylorda-news.kz.</a> 21 мамыр – мәдениет және өнер қызметкерлері күні. Бұл күн – өнерді сүйетін жандар үшін айтулы дата. Әсіресе, Сыр елінің саңлақтары осы күнді жыл сайын дәстүрден жаңылмай тойлап, өз деңгейінде атап өтеді. Өнер демекші, шежірелі Шиелінің өзінде туған жердің атын шығарып, өзгелерді өнерімен тәнті етіп жүрген небір талантты, дарынды жастар көп-ақ. Солардың бірі – Т.Жүргенов атындағы өнер академиясының түлегі, театр және өнер актеры, әнші, асаба Бекболат Әукенұлы. Біз де өзін өнерден тапқан өнерпазбен сұхбаттасып көрдік.– Бекболат, ең әуелі өзіңіз жайлы айтып өтсеңіз.&nbsp;– Сәлеметсіз бе! Бала күнімнен шығармашылыққа жақын болдым. Өнерге деген махаббат мені сол жолға алып келді. Өзім қалаған мамандық бойынша Т.Жүргенов атындағы өнер академиясын тәмамдадым. Қазіргі таңда мәдениет саласында қызмет етіп, елге өз үлесімді қосып жүрген жайым бар. Бір сөзбен айтқанда, аудандағы өнер мектептерінің бірінде жас өнерпаздарға сабақ беремін. Бұдан бөлек, асаба болып той басқарамын.– «Тектілік – қаннан берілетін қасиет». Осы тәмсілді негізге алар болсақ, сіздің де өнеріңіздің ұрпақтан ұрпаққа берілгендігін байқаймыз. Өйткені халық сізді қиын-қыстау замандарда ауданда алғашқылардың бірі болып асабалық қызмет атқарған, өнер майталманы, мәдениет саласына өзіндік үлес қосқан Әукен Әбілұлының ұлы деп біледі. Бұл қаншалықты рас?– «Халық айтса, қалт айтпайды» деген сөздің растығына тағы да көзім жетіп отыр. Иә, мен Әукен Әбілұлының баласымын. Әкем марқұм өмірінің соңына дейін өнерді жанымен сүйіп өткен жан болды. Асабалық жол – маған осы кісі арқылы берілген қасиет. Алайда қазір дамыған технологияның заманы болғандықтан, бізге той басқарудың аса қатты ауырлығы сезілмейді. Ал менің әкем адам аяғы бас¬пайтын алыс ауылдардың өзіне ауыр-ауыр музыкалық аппараттарды алып барып той басқаратын. Оны көтеріп жүрудің өзі бір бейнет еді. Сондай бейнет көрген, елге сыйлы, көпке үлгі бола білген адамның ұлы болу – мен үшін мақтаныш һәм үлкен жауапкершілік.– Өнер жолына қалай келдіңіз? Жалпы тәмамдаған мамандығыңыз бойынша жұмыс істеп немесе актерлық шеберлігіңізді шыңдап көрдіңіз бе?– Жалпы мен шығармашылыққа жақын болғаныммен өнер жолына бірден келген жоқпын. Мектепті аяқтаған соң, ең бірінші Шиелі индустриалды-аграрлық колледжіне оқуға түстім. Оқуды бітіргеннен кейін Отан алдындағы борышымды өтеу үшін әскерге барып келдім. Міне, содан соң барып қана өзім қалаған мамандыққа грантқа түстім. Бірінші курстан кейін-ақ мен көзге түсе бас¬тадым. Сөйтіп жүріп сериалдарға түстім. Бірінші курсты тәмамдауға сәл қалғанда бір айға жуық уақыт сабаққа бармай қалғаным есімде. Сабаққа баруды қойып, алаңсыз түсірілім алаңында жүретінмін. Ол аралықта мен «Өмір өзен» атты телесериалда басты рөлді сомдадым. Емтихан басталар уақытта оқытушымыз «Сен киноңа түс немесе оқуыңды оқы» деген соң, білім алуды ойлап, оқуымды әрі қарай жалғастырдым. Ал оқуды аяқтаған соң «Замандастар», «Өткінші жаңбыр» сияқты біршама киноларға түстім. Одан кейін ауданның мәртебесін асыру үшін, туған жерге келіп туымды тіктім. Қазіргі таңда өнер жолына түскісі келген жас өрендерге тәлім беріп, ұстаз әрі асаба болып жүрген жайым бар.– Енді әңгіменің ауанын той бизнеске қарай ойыстырсақ. Өзіңіз асабалықты қай кезден бастап қолға алдыңыз? Біле білсек, бұл да бір үлкен өнер. Сіз мұнымен келісесіз бе?– Асаба болып жүргеніме біраз жыл болды. Заманауи тілмен айтқанда көп адамдар асабалықты «Халтура» деп ойлайды. Мен мұнымен келіспеймін. Себебі бұл іс – кез келген адамның қолынан келе бермейтін абыройлы қызмет. 300-400 адамның алдына шығып сөз сөйлеп, 3-4 сағат бойы той басқару оңай емес. Әрине, бірден бәріне ұнау мүмкін болмасы анық. 70 процент халықтың көңілінен шықсаң да, еңбегіңнің ақталғаны. Ең бастысы қандай сала, қай іс болмасын, нәпақаны адал жолмен табу керек деп ойлаймын.&nbsp;– Асабалық өнерді өзіңіз үйрендіңіз бе әлде ұстазыңыз бар ма?– Өте орынды сұрақ. Жалпы жоғарыда айтқанымдай, асабалық әкемнен берілген қасиет. Бірақ қанда бар екен деп, екінің бірі өнерлі болып кетпейтіні анық емес пе? Менің ойымша, оған да 1 процент дарын, 99 процент еңбек керек. Мен де осы жолға келу үшін ұзақ жылдар бойы тер төктім деп ойлаймын. Ал асабалықты өзім үйренген жоқпын. Бұл жолға келуіме ұстазым Самат Сейтенов себепкер болды. Сол үшін де мен оған қарыздармын. Ол маған асабалықтың қыр-сырын ғана емес, өмір жолында біраз нәрсені үйретті. Бүгінде қандай да бір жетістікке жетіп, ел алғысын алып жатсам, ұстазымның арқасы деп білемін. Ол мен үшін – өз саласының нағыз майталманы.&nbsp;– «Той – қазақтың қазынасы» дейді халық. Бұған не дейсіз?– Орынды айтылған тәмсіл. Алайда солай екен деп той үшін қатты шығындалған да дұрыс емес. Бәрі адалынан болғаны ләзім. Қуаныштың көбейгені жақсы, әрине. Дегенмен, біз қазақ – шашылғанға шеберміз. Өзім асаба болсам да, орнымен той жасағанды құп көремін. Неге олай дейсіз ғой? Өйткені осы салада жүрген соң небір тойды басқарамыз. Керек десеңіз, қазір оны пайда үшін жасайтындар көбейген. Өздеріңіз білетіндей, тойға келу үшін жоқ дегенде бес мың теңгені қалтаға салып келу керек. Ал ұятты басты орынға қоятын халқымыз олай етсін бе? Жоқ, әрине. Кем дегенде он мың теңгенің шетін шығарып келеді. Ал той иелері 4-5 мың теңгені дастарқанымен той жасап, думандатады. Қарап тұрсаңыз, барып тұрған пайда. Шиелі халқы да тойды шамадан тыс, өте көп жасайды. Мен бір жылда бір әулеттің бес тойын басқарғаным есімде. Той иелері туылса да, басқа қылса да той жасай берген. Бұл да пайданың бір түрі емес пе?– Құпия болмаса, бір той басқарғаныңыз &nbsp;үшін қанша теңге аласыз? Еліміздің басқа да өңірлеріне асаба болып барасыз ба?– Оның құпия ештеңесі жоқ. Еліміздің басқа қалаларына асаба болып барамын. Ол жақтағы баға әртүрлі. Ал Шиеліде бәрі қолжетімді. Нақтырақ айтар болсам, Шиелідегі асабалардың барлығы бір той басқарғаны үшін 30 мың теңгеден бастап, 70 мың теңгеге дейін ғана алады. Бұл басқа жақпен салыстырғанда әлдеқайда арзан.&nbsp;– Жасыратыны жоқ, қазір тойдың да құты қашып бара жатыр. Оған дәлел– тойда көрсетілетін неше түрлі шоулар мен ойындар. Тіпті, халық кейде тойда емес, түнгі клубта жүргендей боламыз дейді. Бұл нәрсеге көзқарасыңыз қалай?– Дұрыс айтасыз. Қазір бұрынғыдай той жоқтың қасы. Кейбір адамдар тойға келгенде тіпті асабаны тыңдамай, телефон ұстап отырады. Бұл – асабаның әлсіздігі десек те, тойға қонақ болып келгендердің өзі кейде мәдениетсіздік танытып, жатады. Тілек айтып жатқанда ішіп алып боқтайтындары да, ашық-шашық билейтіндері де табылады. Неше түрлі сұмдықты көріп жүрміз. Бір жағынан той басқаратындардың өзі кейде өрескел қателіктер жіберіп жатады. Мәселен, ұятты сұрақтар қояды, керек десеңіз, қонақтарды неше түрлі ойынға шығаратындары да табылады. Бірақ біз тойды барынша көңілді, жағымды етіп өткізуге тырысамыз. Осы жолдан нәпақамды тауып отырған соң, ештеңе айта алмайын. Ең бастысы, ешкімнің көңіліне тиіп, артық қыламыз деп, тыртық қылып алмасақ болғаны.&nbsp;– Неліктен өз мамандығын бітірген әншілер, әртістер той саласына қарай бағыт алады? Әлде мәдениет саласының жалақысы көңіл көншітпей ме?&nbsp;– Мәдениет саласында жалақының аз екені жасырын емес. Бірақ қазір екі кеменің басын қатар алып жүретін заман. Сондықтан да болар, көптеген өнер адамдары әншілік пен асабалықты екінші жұмыс ретінде алып жүреді. Мәселен, менің өнерде бірге оқыған достарымның жалақысы – 60 мың мен 100 мың теңге аралығында. Бұл қаражат әрине, ештеңеге жетпейді. Сол үшін олар қолдарынан келгенді істеп, тырбанып еңбектенеді. Мен де оны құп көремін. Өнерді де тастап, бірыңғай шоу бизнеске, немесе той бизнеске кетіп қалу да дұрыс емес. Қашан да тепе-теңдік қажет. Қуанышымызға орай, жуық арада мәденит министрлігі мәдениет саласы қызметкерлерінің жалақысын жоғарылататын болыпты. Бұл жаңалық – біз үшін қуаныш. Өйткені, жалақымыз көбейсе, біз де той саласын басты орынға қоймай, еліміздің мәдениетін өркендетуге атсалысар едік!– Сұхбатыңызға рақмет!

Бекболат Әукенұлы: Шығармашылыққа жақын болғаныммен өнер жолына бірден келген жоқпын

<a href="https://kyzylorda-news.kz/">Kyzylorda-news.kz.</a> 21 мамыр – еліміздегі мәдениет және өнер қызметкерлерінің күні. Елдің рухани дамуы мен кемелденуінде ең маңызды саланың бірі де осы. Ауданның мәдениет саласы қызметкерлері де халыққа үздіксіз мағыналы дүниелерді ұсынып, салаға серпін беруде қажырлы еңбек етіп келеді.Жалағаш ауданында бүгінде 6 аудандық, 31 ауылдық мәдениет ұйымы бар. Оның ішінде 7 мәдениет үйі, 9 &nbsp;ауылдық клуб, &nbsp;18 кітапхана, &nbsp;тарихи-өлкетану музейі, руханият орталығы, Бұқарбай батыр атындағы тарихи үй кешенінің жұмысы үйлесімді деп айтуға толық негіз бар. Бұдан бөлек 4 халықтық ұжым, яғни &nbsp;«Алтын-арай», «Қызғалдақтар» халық ән-би ансамблі, «Халық» театры, «Арай» мәдени үгіт бригадасы аудан тұрғындары үшін жұмыс жасауда. Жалағаш аудандық мәдениет үйінің қызметкерлері қай жағынан алсақ та күн демей, түн демей әркез қызметке дайын екенін бойындағы өнерімен көрсетіп келеді. Жүйелі түрде атқарылып жатқан жұмыстардың ең бастыларына тоқталар болсақ, биылғы жылдың басты ерекшелігі – мемлекет және қоғам қайраткері Т.Жүргеновтің 125 жылдық мерейтойын атап өту. Қазақ мәдениетінің, руханиятының дамуына зор үлес қосқан тұлғаның есімін халық жадында сақтап, өнегелі ісін жастарға үлгі ету мақсатында «Түркі әлемінің Темірбегі» атты облыстық ақындар айтысы өткізілді.Сонымен қатар еліміздің бірегей тарихи-мәдени мұрасын, тарихи оқи¬ғалар мен ұлы тұлғаларды танымал ететін, ел мәдениеті мен ұлттық құндылықтарымызды дәріптейтін ең тиімді тәсілдердің бірі кино саласы екені белгілі. Осы ретте бұрынғы мәдениет және өнерді дамыту орталығы аудан тұрғындарына Ел тәуелсіздігінің тұғырлы көрінісін ұлықтайтын, имандылық, тәрбиелік маңызы бар қазақстандық патриотизмге үндейтін, рухани-мәдени мұраларды насихаттайтын отандық кино туындыларын үлкен экран арқылы көрсетуде кешенді жұмыстар жасады.&nbsp;Аудандағы мәдениет үйінің бір міндеті – өнерпаздардың шығармашылығын уақыт талабына сай дамытып, оның мән-мағынасына, ерекшелігіне қарай бағыт-бағдар беру, шығармашылық өнердің рөлін арттыру мақсатында жүйелі жұмыстарды жүргізу. Жас таланттарды табу, балалар мен жасөспірімдерге шығармашылық және көркем-эстетикалық білім беру бағытында Жаңаталап ауылдық клубы жанынан жаңадан 2 үйірме, яғни «Киімдерді үлгілеу, пішу және тігу», заманауи АРТ-индустрия және Қ.Қазантаев атындағы мәдениет үйі жанынан «Балдәурен» балалар драма үйірмелері ашылып, қазіргі таңда мәдениет үйлері мен клуб кәсіпорындарында барлығы 95 үйірме жұмыс жасауда.&nbsp;Осы ретте ауданда ақындар мектебі қалыптасып келе жатқанын айта кетейік, Руханият орталығы жанынан құрылған «Адырна» жас ақындар үйірмесінің мүшелері ақындар айтысында, жыр-мүшәйраларда &nbsp;жүлделі орындар иеленуде. Сондай-ақ Қ.Қазантаев атындағы мәдениет үйі жанындағы «Алтын-Арай», «Тұмар», «Эверест» би топтары мен Ақсу ауылдық клубы жанынан құрылған «Ән» үйірмесінің өнерпаздары әрдайым жеңіс тұғырынан көрінуде.Аудандық мәдениет үйі былтыр аудан мәдениетін республикалық мәдени кеңістікке ықпалдастыру, насихаттау мақсатында бірқатар жетістікке қол жеткізді. Атап айтқанда, Аққұм ауылдық кітапханасы «Рухани қазына – 2022» республикалық фестивалінде «Үздік ауылдық маңызы бар кітапхана» номинациясына ие болса, &nbsp;Қ.Қазантаев атындағы мәдениет үйінің қызметкері Руслан Бурабай «Үздік аудандық мәдениет үйі қызметкері» номинациясының жеңімпазы атанды. &nbsp;Қазіргі таңда кітапхана веб-сайтындағы «Өлкетану», «Рухани жаңғыру», «Жаңа түскен кітаптар», «Оқырмандарға қызмет көрсету анықтамалығы» парақшалары да пайдаланушылар игіліне жарап тұр.Кітапханада құрылған «English club» үйірмесі де қазір үлкен сұранысқа ие. Сонымен бірге ауылдық, аудандық, қалалық, мектептердің және жоғары оқу орын-дары кітапханалары арасында өткізілген «Jana kitaphana – 2022» республикалық онлайн байқауына Мәдениет ауылдық кітапханасы қатысып, «Заманауи кітапхана» номинациясы бойынша «Қазақстан Республикасының үздік кітапханасы» атағына ие болған. Мәдениет саласының қызметі Мемлекет басшысының Жолдауларына, «Ұлттық рухани жаңғыру» бағдарламасына негізделген. Осы бағытта іске асырылған «Шежірелі Жалағаш», «Дәстүр мен таным», «Сыр тұнған Жалағаш», кітапханаларда оқу сауаттылығын арттыру мақсатында «Оқитын өлке», «Өркениетке бастаған туған өлке», «Кітапхана және жастар», «Жүрек жылуы» жобалары бүгінде өз жалғасын табуда.&nbsp;Былтыр Балалар жылына орай арнайы бекітілген жоспарға сәйкес ауданда 38 іс-шара өткізілген. Оның ішінде «Сыйластық өлкесі», «Қоянның үйшігі» ертегілері, «Еңбектеу – менің еңбегім» атты бүлдіршіндер арасында байқау, Тілеген Бекарыстановтың «Бала батыр» ертегі-мюзиклі, «Кешкі кітапхана әлемі» атты мәдени акция және басқа да балалардың қызығушылығын арттырған ерекше іс-шаралар ұйымдастырылған болатын. Мәдениет үйлерінің көркемөнерпаздары биылдың өзінде облыстық байқаудан 23, республикалық байқаудан 7, халықаралық байқаудан 7 жүлделі орын иеленген. Осы тұста мәдениет үйі қызметкерлерінің шоқтығы биік десек, артық болмас.Мемлекет басшысының «Халық бірлігі мен жүйелі реформалар – ел өркендеуінің берік негізі» атты Қазақстан халқына Жолдауына сәйкес, елімізде жаңа мәдениетті және оның жас, дарынды өкілдерін дәріптеуге бағытталған нақты жобалар іске асырылуда. Әрине аудан мәдениеті бұл жобалардан да тыс қалмасы анық. Себебі аудан өнерпаздарының &nbsp;мәдениет пен өнердің жаңашыл бағыттарында жұмыс жасайтынына сенім мол. &nbsp;Ғасырға жуық тарихы бар Жалағаш жері – талай талантты шыңдаған шежіренің ордасы, мәдени мұраға бай киелі мекен. Қазірдің өзінде ауқымды істер мен игі баста-малар қолға алынған өңірдің дамуы, көркейіп, келбетінің артуы көрген көзге қуаныш сыйлайды. Өнер ұлттың жаны десек, сол өнер тарландары мен майталмандарының басын қосқан мәдениет саласы – руханияттың мәйегі. &nbsp;Ұлттық &nbsp;өнердің &nbsp;дамуына, өсіп келе &nbsp;жатқан &nbsp;жасампаз ұрпақтың бойына өнер мен &nbsp;рухани &nbsp;күш &nbsp;беретін бірден-бір киелі шаңырақтың бірі – Жалағаш ауданындағы Руханият орталығы. Қазіргі таңда аталған орталықты Ирина Өмірзаққызы басқарады. Жаңғырған әлемнің жаңарған келбетіне айналған Руханият орталығы 2006 жылдың шілде айынан бастап аудан халқына мәдени қызмет көрсетіп келеді. Еліміздің жарқын болашағын сомдайтын жалынды жастардың шығармашылық қабілетін шыңдау мақсатында, мәдени-көпшілік іс-шаралар, дөңгелек үстелдер, кездесулер, пікірталастар ұйымдастырып, жұмыс жасап келеді.Орталықта тәуелсіз мемлекетіміздің ұлттық идеология¬сын, халқымыздың салт-дәстүрін, салауатты өмір салтын насихаттап, жастарымызды отансүйгіштікке, қазақ¬стандық патриотизмге, ана тілімізді, дінімізді құрметтеуге, салауатты өмір салтын қалыптастыра отырып, осы мақсатты іске асыру жолында «Қазақфильм» киностудиясының ең таңдаулы озық үлгідегі көркемфильм туындылары көрсетілімін ұйымдастыру жолға қойылған. Әр күнін ән мен жырға көмкеріп, талай талантты қанаттандырған өнер ұжымында жас өнерпаздардың өнерін шыңдау мақсатында 2015 жылдан бастап балалардың рухани дүниесін байытып, эстетикалық, көркемдік, адамгершілік тәрбие беру мен ауызша сөйлеу мәдениетін қалыптастыруда шәкірттер тәрби¬леп жүрген кәсіпорынның музыкалық жетекшісі Жайна Дайрабайқызы жетекшілік жасайтын “Ізбасар” көркемсөз үйірмесі, 2019 жылдан бері кәсіпорын мәдени ұйымдастырушысы Расул Байдулла жетекшілік ететін «Жас жұлдыз» эстрадалық ән үйірмесі, хореограф Манзура Алтынбек жетекшілік ететін «Gold Star» би үйірмесі, айтыскер-ақын Мамыр Байдаулетов жетекшілік жасайтын «Адырна» жас ақындар үйірмесі, суретші Оралбек Қанибай жетекшілік жасайтын «Қылқалам» сурет үйірмесі, көркемдік жетекші Гүлшат Сәдуақасова жетекшілік жасайтын «Шебер қолдар» қолөнер үйірмесі, 2021 жылы құрылған әдіскер Шолпан Құрбанова жетекшілік жасайтын «Асыл қазына» &nbsp;ардагерлер ұжымы, мәдени ұйымдастырушы Айдын Есіркеп жетекшілік жасайтын «Қуыршақ» үйірмелері жұмыс жасауда. &nbsp;Бұл үйірмелер өнерді серік еткен әрбір жанның өнерінің шыңдалуына жағдай жасап, өнерді сүйген, өлеңді сүйген аудан тұрғындарының ыстық ұясы іспетті. Осы тұста өнер ошағының көркемөнерпаздары аудандық, облыстық, республикалық байқау-конкурстарға қатысып, жүлделі орындарды иеленіп келеді. Атап айтатын болсақ, Жалағаш ауданы әкімдігінің қолдауымен ұйымдастырылып келе жатқан дәстүрлі «Көктем нұры» облыстық мектеп оқушылары арасындағы айтыста «Адырна» жас ақындар үйірмесінің мүшелері Мейіржан Қартбай бас жүлдені, «Ақиқаттың ақыны» атты ақын-жырау Құлан Алдабергенұлының шығармашылығына арналған облыстық жас ақындар айтысында жүлделі бірінші орынды, Түркітанушы, публицист, педагог, аудармашы, қоғам қайраткері Ахмет Байтұрсыновтың туғанына 150 жыл толуына орай «Ұлттың ұлы ұстазы» атты аймақтық ақындар мүшәйрасында жүлделі екінші орынды иеленген. Қазақстан Республикасының оқу-ағарту министрлігінің ұйымдастыруымен «Ақберен» ІХ республикалық өнер байқауында Шадыман Теміршеқызы жүлделі үшінші орынды, &nbsp;Жаңақорған ауданының 95 жылдығы және Социалистік Еңбек Ері Орынбай Бидашевтың туғанына 100 жыл толуына орай өткен «Еңбегін ел таныған Еңбек ері» атты облыстық жас жазба ақындар мүшәйрасында Дидар Өмірзақ жүлделі бірінші орынды, Мемлекет және қоғам қайраткері Бердібек Сапарбаевтың 70 жасқа толуына арналған «Туған жердің тұғыры биік тұлғасы» атты облыстық жазба ақындар мүшәйрасында бас жүлдені, қазақ әдебиетінің Сыр өңіріндегі көрнекті өкілі, ақын Жүсіп Қадірбергенұлының 150 жылдығына арналған «Тарихыңды таны, тұлғаңды құрметте» атты облыстық жазба ақындар мүшәйрасында жүлделі екінші орынды иеленді.Қызылорда қаласында өткен «Мен де жұлдыз боламын» атты республикалық балалар байқауында “Gold Star” би тобы жүлделі бірінші орынды иеленіп, халықаралық байқауға жолдама алған. Қазақстан Республикасының біліктілікті арттыру, білім-ғылым және мәдениетті қолдау Ұлттық қорының ұйымдастыруымен өткен облыстық «Jasstar» бірінші балалар-жасөспірімдер конкурсының облыстық кезеңінде «Ізбасар» көркемсөз үйірмесінің мүшесі Нұрайым Бақтияр бірінші орынды иеленіп, республикалық байқауға жолдама алса, ақын Мұхтар Шахановтың 80 жылдық мерейтойына арналған «Айналайын» балалар арасындағы облыстық көркемсөз оқу шеберлерінің байқауында Дүйсенғали Жібек жүлделі үшінші орынды иеленді.Шығармашыл жастар халықаралық сайыстарда да жүлделі орындардан бой көрсетіп келеді. Байдулла Расул Мәскеу қаласында өткен «Радуга искусств» халықаралық өнер конкурсында «Эстрадалық вокал» номинациясымен бірінші дәрежелі лауреат атанған. «Нысанбай жырау бейнесі қылқалам ізімен» атты жастар арасындағы аудандық суретшілер байқауында «Қылқалам» сурет үйірмесінің жетекшісі Қанибай Оралбек бас жүлдені иеленген.

Жалағаш аудандық мәдениет үйі қажырлы еңбек етіп келеді

<a href="https://kyzylorda-news.kz/">Kyzylorda-news.kz.</a> Тәуелсіз еліміздің мәдени-рухани өркендеуіне зор үлес қосып, жас ұрпақты отансүйгіштікке тәрбиелеу, тарихымызды насихаттау, салт-дәстүрлерімізді жаңғырту, елді бірлік пен ынтымаққа шақыру жолында еңбек етіп жүрген мәдениет пен өнер саласы қызметкерлерінің қоғамдағы орны ерекше.Бүгін Қызылорда қаласының әкімі Асылбек Шәменов руханиятты дамытуға, адамгершілікті, қайырымдылық пен өзара түсіністікті өрістетуге жол ашып, үздік мәдени дәстүрлерді сақтауға және молайтуға өлшеусіз үлес қосып келе жатқан сала қызметкерлерін атаулы мерекемен құттықтады.<blockquote>«Ел Президенті Қасым-Жомарт Кемелұлы Тоқаев өз Жолдауында: «Әлеуметтік жаңғырудың жаңа кезеңіне қадам басудың бір тетігі – мәдениет қызметкерлерін қолдау» деген болатын. Расында, елдің рухани дамуы мен кемелденуі мәдениеттің қарқынды дамуымен ұштасып жатыр. Шаһардағы мәдениет және өнер қызметкерлерінің кәсіби шеберлігі мен ерекше таланты, қажыр-қайраты қаламыздың рухани кемелденуіне игі ықпалын тигізуде. Бұл ретте, мәдениет саласының дамуына үлес қосып, бүгінде арқа сүйер ақылшысы болып жүрген сала ардагерлеріне де құрметім мол», - деді Асылбек Шәменов.&nbsp;</blockquote>Сонымен қатар мәденеит және өнер саласының бірқатар үздіктеріне облыс әкімінің Алғыс хаты мен арнайы марапаттарды табыстады. Мерекелік шара бұдан әрі қала өнерпаздарының концертіне ұласып, құлақтан кіріп бойды алар тәтті әуен мен күмбірлеген күй, үйлесім тапқан ырғақты би, жарасымды әзіл-сықақ қойылымдары жиылған жұртшылықты ерекше әсерге бөледі.Мәдениет пен өнер – әр халықтың дүниетанымын, рухани байлығын, тыныс-тіршілігін тұтас жинақтайтын егіз ұғым. Сондықтан «мылтықсыз майданның» майталмандарына деген құрмет ешуақытта ортаймайды.

Қазақстан және Қызылорда облысының жаңалықтары: Мәдениет