Республикалық ақындар айтысы өтті

<a href="https://kyzylorda-news.kz/">Kyzylorda-news.kz.</a>&nbsp; Сырдария ауданының спортшылары біршама байрақты бәсекеде топ жарып, намысты қолдан берген емес. Жыл сайын сан түрлі спорт түрлерінен бақ сынап жүрген аудан саңлақтары кеше ұлық мерекені тойлаған болатын. Спорт саласының мамандарының ұйымдастыруымен өткізілген «Армысың, Әз-наурыз» атты мерекелік іс-шараның мән-мағынасы зор.Аудандық спорт кешенінде жүзеге асқан кешке Сырдария аудандық мәдениет және спорт бөлімінің басшысы Жігер Айекешов, Халықаралық «Қазақ тілі қоғамы» ҚБ Сырдария аудандық филиалының төрағасы Шаһарбек Нұрсейітов, Тереңөзек кенті ардагерлер кеңесінің төрағасы Зайдағали Жүсіпбайұлы, жекелеген мекеме басшылары, сала мамандары мен ардагерлер қатысты. Өз кезегінде аудандық мәдениет және спорт бөлімінің басшысы Жігер Айекешов сөз сөйлеп, жиналған көпшілікті мерекемен құттықтады.<blockquote>– Ізгіліктің нұры төгілген Наурыз мерекесімен барша жиналған қауымды құттықтаймын! Әрине, өткен жылға өкпе жоқ, келер жылдан үміт көп. Сырдария ауданының ұл-қыздары түрлі деңгейдегі байрақты бәсекелерде бақ сынап, аудан мерейін асқақтату үстінде. Спортшыларымыздың әрбір жеңісінің артында Сіздердің орасан еңбектеріңіз тұр. Міне, бүгін біз ынтымағы жарасқан, тірлігі бекем ұжым ретінде қазақтың жаңа жылында бас қосып отырмыз. Әрбір шаңырақта қуаныш пен береке, мол несібе орнасын. Наурыз мерекесі құтты болсын, – деді бөлім басшысы.</blockquote>Сән-салтанаты жарасқан мерекелік кеште қазыналы қарттар тілеулес ағайынға ақ батасын берді. Сонымен бірге наурыз көже, бауырсақ секілді қазақтың бірнеше ұлттық тағамы ас мәзіріне қойылды.Іс-шара барысында аудан спортшылары салт-дәстүрді дәріптеді. ҚР Журналистер Одағының мүшесі Серік Камалов жас келіннің бетін ашты. Ал аналар қауымы сәбиді бесікке салып, тұсауын кесті. Ұлттық салт-дәстүр жаңғыра түскен мерекелік кеште сәбиге үлкендер ақжарма тілегін жеткізді.Спорт саласының ардагері Зұлхарнай Тасберген спорт саласында еңбек етіп, бақилыққа аттанған спорт майталмандарының рухына Құран бағыштады. Өскелең спортшыларға жеңісті жолды жалғастыруға сәттілік тілеп, ақ батасын берді.<blockquote>– &nbsp;Асылында, түркі тілдес елдерге ортақ мереке саналатын ұлыс күнді өз дәрежесінде тойлаған абзал. Қашанда абырой, намыс, жеңіс сөздерін өмірлік ұстаным еткен спортшылар дәстүр сабақтастығын жалғастыру үстінде. Біз қай кезде де ұлтымыздың айрықша мәнге ие мерекесін тойлай бермекпіз.Көптеген спортшы бұл күнді көрмей кеткені өкінішті. Үлкендердің ізбасары бола білген жастардың болашағына зор үмітпен, үлкен сеніммен қараймыз. Оларға дәстүрді дәріптеуді, ұлттық мерекені ұлықтауды үйретуден жалықпаймыз. Спорт саласының мамандарының алдағы қызметіне сәттілік тілеймін, – деді сала ардагері.</blockquote>Үлкендердің ақ батасын алған сала мамандары спорт түрлерінен жарысқа түсті. Мәселен, гір тасын көтерген спортшы біткен мықтылық танытты. Қыздар мен ұлдар өзара бөлініп қол күресті. Сонымен бірге өзара арқан тартысқа шыққан олар көпшіліктің көзайымына айналды. Мерекелік басқосуда арнайы шақырылған меймандар өз құттықтауларын жеткізді.&nbsp;&nbsp;

Салт-дәстүр жаңғырған күн

<a href="https://kyzylorda-news.kz/">Kyzylorda-news.kz.</a>&nbsp; Табиғат ананың бусанып, тіршілік тірілетін жаңару айын қазалылықтар сән-салтанатымен қарсы алуда. Орталық алаңда ақшаңқан 15 киіз үй тігіліп, ұлттық салт-дәстүрді дәріптейтін шаралар, спорт түрлерінен жарыстар ұйымдастырылды. Мереке нышаны саналатын наурыз көже әзірленіп, әсерлі ән мен жыр төгілді.Ұлыстың ұлы күнін Қазалы ауданының әкімі Мұхтар Оразбаев елмен бірге Наурыз тойын тойлап, ақжарма тілегін жеткізді.<blockquote>«Наурыз – жылдың басы, күн мен түннің теңелер шағы. Тамырын тереңнен тартқан осынау мереке – ежелден халқымыздың бір-біріне деген риясыз ақ көңіліне, татулығы мен ынтымақ-ықыласына арқау болып, шаттық пен қуанышқа кенелтетін ұлы күн. Наурызда айтылған барлық тілек қабыл болады деген наным бар. Тәуелсіздігіміздің тұғыры берік болып, еліміздің қуаты арта берсін. Ұлыстың ұлы күні құтты болсын!», – деді аудан басшысы.Ұлттық мерекеге орай құрылыс, ауыл шаруашылығы, білім, спорт салаларының ардагерлері «Қазалы ауданының Құрметті азаматы» атанды.</blockquote>Мерекеге жиналған тұрғындар ұлттық тағамдар мен наурыз көжеден дәм татты. Жергілікті өнерпаздар мерекені думанға бөлеп, көтеріңкі көңіл-күй сыйлады.Сонымен қатар, алаңда қайырымдылық шатыры тігіліп, мерекелік дастархан ұйымдастырылды. &nbsp;

Ұлыстың ұлы күнін сән-салтанатпен қарсы алды

<a href="https://kyzylorda-news.kz/">Kyzylorda-news.kz.</a>&nbsp; Сырдария ауданы орталығы Тереңөзек кентінде Ұлыстың Ұлы күні мерекесіне арналған мерекелік іс-шаралар өтті. Жаңа жыл мейрамына орай ұйымдастырылған іс-шараға аудан тұрғындары мен қонақтары қатысып, «Наурыз – мереке бастауы» атты театрландырылған қойылымды тамашалады.Аудан әкімі Мұрат Ергешбаев жиналғандарды көктемнің шуақты мерекесімен құттықтап, ізгі тілегін білдірді.Құттықтау сөзінде: «Бұл мереке халқымызды береке-бірлік пен ортақ мүддеге жұмылдырады. Осы ретте ерекше атап өтуіміз керек, былтырғы жылы облыс бойынша «Үздік аудан» атанған Сырдария ауданы биылғы Наурыз мерекесін ерекше көңіл-күймен қарсы алуда.Аудан орталығы мен ауылдардың да келбеті жыл санап көркейіп келеді. Мұның бәрі – біздің бірлесе атқарған жұмыстарымыздың жемісі. Күні кеше өткен сайлауда да аудан халқы бекем бірліктің, көркем тірліктің жарқын үлгісін көрсетті. Ұлыстың ұлы күні әр отбасына шаттық, мол ырыс, ынтымақ әкелсін. Татулығы жарасқан елдің тұғыры биік болсын! Баршамызға Наурыз мерекесі құтты болсын – деді аудан басшысы.Мерекелік іс-шара барысында қазақы үлгіде безендірілген киіз үйлер тігіліп, ұлттық нақыштағы көрмелер мен спорттық сайыстар ұйымдастырылып, атадан-балаға мирас болып келе жатқан салт-дәстүрлер дәріптелді. Көпшілікке алтыбақан құрылып, жергілікті кәсіпкерлер сауда қатарларын ұйымдастырды.Наурыз мейрамына жиналғандар мерекенің басты тағамы наурыз көжеден ауыз тиіп, бір-біріне ақ тілектерін арнады. Әсем әндерді әуелете шырқаған көркемөнерпаздар аудан тұрғындары мен қонақтарына көтеріңкі көңіл күй сыйлады.&nbsp;&nbsp;

Ұлық мереке аталып өтті

<a href="https://kyzylorda-news.kz/">Kyzylorda-news.kz.</a> Жабырқағанның көңілін көтеріп, қазасын астарлы сөз, күңіренген күймен есітіртіп, ас-тойын жырау-жыршысыз өткізбейтін қазақ деген өнер қонған халықтың көнермес ұлы дәстүрінің бірі – жыраулық өнері. Жыршылық қай заманның болмасын ұрпақтарын ана тілімізде, қазақи ұлттық рухта, өнерпаз ата-бабаларымыз көздің қарашығындай сақтап бізге жеткізген дәстүрлі ұлттық мәдени мұралар негізінде тәрбиелеу бірінші орынға шықты. Баба жолын жалғамақ мақсатта жуырда Ақтөбе қаласындағы «Нар-қыз» жыр мектебінің директоры Жаңылсын Қуанышбайқызы мен ата-аналардың демеушілігімен «Жаңа талап жорғамын...» атты I республикалық жыраулар байқауы өтті.Аталған өнер додасына Роза Бағланова атындағы Қазалы аудандық мәдениет орталығынан аудан абыройын арқалап «Жыраулар» үйірмесінің мүшесі Абылай Құнанбайұлы да қатысқан еді.Сайысқа елдің шет-шетінен ұлт мұрасы – жыраулық өнердің тінін жалғап, дәріптеп жүрген жас жыраулар жиналды. Олар орындаушылық шеберлігін шыңдау мен жан-жақты дамуды, сондай-ақ, ұлттық өнерді дәріптеу мақсатында ел алдында қымсынбастан өнер көрсетті.Жас жыраулардың қай-қайсы да көптен бері жырға сусындап жүрген көрермендердің делебесін қоздырып, лайықты қошеметке бөленді. Әсіресе, жас жырау Абылай кешегі Сыр сүлейлерінің жауһар жырларын Кете Жүсіптің «Сұрмергенін» орындағанда залдағы қалың қазақтың қанын тулатты, ұлттық рухын оятты. Жүректердегі иман көзін ашты, сана саңылауларына сәуле түсірді.Басқа да қатысушылар өздері құндақтап жүрген қасиетті де, құнды өнерді сахнаға алып шығып, өздеріне тән дауыс бояулары, орындаушылық шеберліктерін көрсетті. Алайда, жарыс болған соң оның жеңімпазы да болады. Жыр додасы өз мәресіне жеткенде қазылардың әділ шешімі бойынша қазалылық Абылай Құнанбайұлы төл өнерді ту еткендер арасынан жарып шығып, бас жүлдені жеңіп алды.Осы орайда, жас өнерпаз Абылайдың жетекшісі Жамболат жыраудан жарыс жайын сұрасқан едік.«Сайыстың ұйымдастыру және өту деңгейі өте жоғары болды. Әсіресе облыстық деңгейде өткен байқаудың ерекшелігі жыр-дастандарға арнайы 10 минуттан бөлінген. Әр облыстан келген жас жыраулар «Сұрмерген», «Қырымның қырық батыры», «Тағай», «Орақ Мамайды» жырлап шықты. Балалар мұнымен жергілікті шайырлардың жыр-дастанын жаттап өскендіктен болашағынан зор үміт күттіреді деп ойлаймын. Негізі бұл бір жыраулық өнердегі өзгешелік болды. Себебі бұған дейін ересектер сайысы өтетін. Бүгін міне жас жырау, оқушылардың бағын сынап, өздерін көрсетуге үлкен мүмкіндік беріп жатыр. Алдағы уақытта да осындай кең көлемді, ауқымды байқаулар ұйымдастырылса дейміз. Сонда ұлттық өнеріміздің жібін үзбей, салт-дәстүрімізді жалғар жастар қатары қалыңдар еді. Ал Абылайға келер болсам, ол менің берген нұсқаулықтарымды, әрбір сабағымды қалт жібермейтін өте өнерлі, болашағынан зор үміт күттірер шәкірттерімнің бірі», – дейді Жанболат Өмірзақ.Айта кетейік, аталған байқаудың жеңімпазы жас жырау Абылай Құнанбайұлының жетекшісі Жанболат та ауданға аты белгілі, бірнеше аудандық, облыстық, республикалық байқаулардың жеңімпазы.

Қазалылық жастар жыраулар байқауында бақ сынады

<a href="https://kyzylorda-news.kz/">Kyzylorda-news.kz.</a>&nbsp; Ежелден жаңарту мен жасампаздықтың бастауы, ырыс пен берекенің, молшылық пен тоқшылықтың арқауы болған Әз-Наурыз мерекесі Жалағаш ауданы, Еңбек ауылында да жоғары деңгейде аталып өтті. Мерекелік іс-шараларды ауыл әкімі Қайролла Қалданов ашып беріп, ауыл тұрғындарына лебізін білдірді. Ауылдағы мекемелердің дайындаған наурыз көжесі таратылып, дастарханнан ұлттық дәм ұсынылды.Ауыл тойының ерекшелігі Ұлттық мерекеге орай түрлі спорттық сайыстар ұйымдастырылып, сайысқа қатысушылар өздерінің бақтарын сынады. Әйелдер мен ерлер арасындағы қазақша күрес, қой көтеру жарысы, 50 келілік қант көтеру, арқан тарту, қол күресі ерлер мен әйелдер арасында ұйымдастырылды. Мұнан бөлек, отбасылық жұптардың арасында қаппен секіру сайысы да өтті. Ауылдағы 7 мекеме арасында салт-дәстүрден көрініс қою, наурыз көже пісіру сайыстары да ұйымдастырылған.«Ауылына қарап, азаматын таны» деген «Еңбек-жер» ЖШС-нің басшысы Шакизатхан Әбдіқаппарұлының демеушілігімен барлық сайыс жеңімпаздары мен қатысушыларына бағалы сыйлықтар мен қаржылай сыйлықтар таратылды.Мұнан бөлек, ауыл ақсақалдары мен ақ жаулықты аналарға және мерекеге жиналған қонақтарға «Асылзат» мейрамханасында арнайы ас берілді. &nbsp;

Еңбек ауылындағы ерекше той

<a href="https://kyzylorda-news.kz/">Kyzylorda-news.kz.</a>&nbsp; Ақжарма ауылында қазақы салт-дәстүрді бекем ұстанып отырған ауыл тұрғыны Райхан Шалбаевамен жүздестік. Межелі мекен-жайға кіребергеннен айтса айтқандай ауылға тән әдемі тіршілік көз сүйсіндіреді. Аядай ғана аулада жиырмаға жуық жеміс ағаштары бар. Жайдары көктем мезгілі келісімен қасиетті Жер-ана бауыры жіпсіп, жеміс талдарына қуат бергендей.Райхан апа күн жылынуын тағатсыздана күтіп жүр. Өйткені жыл сайын есік алдына тігілетін сегіз қанатты ақбоз үйді тұтынып келе жатқанына жарты ғасырға жуықтады. Айтуынша, киіз үйдің сүйегі Қарақалпақстаннан әкелінген. Оған қажетті жабулар мен баулардың барлығы өз қолынан шыққан. Жасы жетпістен асса да әжей әлі тың көрінеді. Сөзі нық, ісі ширақ.<blockquote>– Шырағым, ауыл баласы болсаң білерсің. Киіз үйдің қызығын жазда күн ысығанда көресің. Іргеге су шашып салқындатып алсаң күні бойы ыстықты жібермейді. Әрі таза ауа адам денсаулығына пайдалы. Өзім Өзбекстан Республикасының Тамды деген жерінде дүниеге келгенмін. Бала кезден киіз үйде өстік. Анам күн жылынғаннан киіз үй тігуге асығатын. Ол жақта халық түгел қазақы дәстүрді ұстанады. Жастайымыздан бойымызға дарыған қасиет өмірлік дағдымызға айналып отыр. Киіз үйге қажетті басқұр, жел бау, түкті бау, бел арқан секілді дүниелердің барлығын өзім жүннен иіріп, тоқи беремін. Қыз жасауын да әзірлеймін.</blockquote>Құрақ көрпе – ұзатылған қызға анасының артынан апаратын бұйымы. Ұрпағың құрақтай болып көбейсін деген ниетте тігіледі. Мұның бәрі – біздің ата-бабамыздың ұстанып кеткен салиқалы жолы. Соны өз деңгейінде тани алсақ, ұрпағымыз ұлы дәстүрден алыстамайды, – дейді Райхан Дүкенбайқызы.Әңгімелесе келе кейіпкеріміздің әкесі Дүкенбай ақсақал дәуірінде мықты шежіреші болғанын білдік. 1978 жылы Кеңес Одағының Батыры Бауыржан Момышұлы шаңырағында қонақта болып, кейіннен Дүкенбай қария туралы естелік кітабында кеңінен әңгімелеген.Кейіпкеріміздің көп қырының бірі – ақындық қабілеті. Әлі күнге дейін қолынан қаламын тастаған емес. Әжесі суырыпсалма ақын болған. 2018 жылы жергілікті баспалардың бірінен «Тамдының жыры бітпейді» атты кітабы жарық көрген. Өлеңдер жинағына туған жерге, ата-анаға, құрбы-құрдастарына деген сағыныштан туған туындылары топтастырылған. Соның бірі «Қайсар қазағым!» деген шығармасында ақын жүрегі былайша жырлайды:– Ей, бауырым картаға бір қарашы,Мынау көсіліп жатқанҚайсар қазақтың даласы.Орыстың, қытайдың, немістің,Ешқандай болмасын таласы.Тауы, орманы, өзені, теңізі,Осынша байлықтың егесіТек қана қазақтың баласы, – деп туған өлке туралы тебірене толғайды. Жастайынан өлең жазумен қатар мың бояуды үйлестіріп, сурет өнерін де жалғастырып келеді. Жұқа тақтайша бетіне жағылған бояуларға түрлі-түсті моншақтар жапсырып, қолөнер туындыларын жасайды. Бүгінге дейін 200-ден аса туынды жасап, көбісін сыйлыққа таратып берген.Дүкенбай ақсақал мен Фатима ананың шаңырағынан түлеген 8 ағайындының ішінде бір інісінің шығармашылыққа бейімі бар. Тағы бір айтарлығы, кейіпкеріміз арабша оқып, жазып қазақшаға аударады. Қайбір жылы облыстық «Ақмешіт-Сырдария» орталық мешіті ұйымдастырған имандылықты насихаттау байқауында бақ сынап, жүзге жуық талапкердің арасынан бас жүлдені жеңіп алған.1971 жылы жары Жәлел Алдамжаровпен отау құрып, бүгінде өнегелі әулетке айналып отыр. Саналы ғұмырын ұрпақ тәрбиесіне арнаған қос қарияның ендігі арман-тілегі – егемен елдің тыныштығы.<blockquote>– Өлеңдерімді немерелерім жатқа айтып отырады. Соған сүйсініп қаламын. Ақбаян деген немеремнің өлең жазуға ынтасы бар. Болашағынан үміт күтемін. Ал арабша оқуды көптен меңгергенмін. Әлімсақтан Адам ата мен Хауа ана жаратылғалы жер бетінде пайда болған тіршілік нәрі Құранмен тығыз байланысты. Сондықтан араб қарпін білсең құран оқу жеңіл болады.&nbsp; Бір айта кететін жайт, кейбір замандастарымыз баласының тілі шықпаса, балағат сөз айтқызып жатады. Ал алғашқы тілі олай шыққан баланың өміріне шайтан араласады. Сондықтан балаға қай кезде де имандылыққа үндейтін сөздер үйреткен абзал. Оған періштелер сырттай сүйсініп, Алладан тілеуін тілейді, – дейді Райхан Дүкенбайқызы.</blockquote>Иә, баба дәстүрін дәріптеп келер ұрпаққа аманаттауда осындай аналардың әзиз жолы – тұнған өнеге. Бір басына бірнеше өнер дарыған ананың еліне, жастарға берері әлі де көп. Әжеймен болған алғаусыз әңгімеде біз осыны аңғардық. Қазақтың қасиетті киіз үйін әлі күнге дәріптеп, есік алдына тігуді дағдыға айналдырған жанның даралығын сезіндік. Киіз үйде қасиет бар.&nbsp;

Киіз үйдің қасиеті

<a href="https://kyzylorda-news.kz/">Kyzylorda-news.kz.</a> Сырдың даңқты шайыры Омар Шораяқұлы бабамыздың туғанына – 145 жыл. Осыған орай Қызылорда қаласындағы Асқар Тоқмағамбетов атындағы мәдениет үйінде «Орамды ойдың омары» атты жас жыршылардың облыстық байқауы өтті. Оған Қызылорда қаласы мен аудандардан жас термешілер жыр додасына түсті.Ақынның бай мұрасын насихаттап, ұрпақ жадында жаңғырту мақсатында өткен байқау Қызылорда қаласы әкімдігінің қолдауымен, облыстық халық шығармашылығын дамыту және мәдени-продюсерлік орталығы, қалалық мәдениет және спорт бөлімі, Айтыс ақындары мен жыршы-термешілердің халықаралық одағы Қызылорда облысы бойынша филиалының бірлесе ұйымдастыруымен, сондай-ақ Омар Шораяқұлының ұрпақтарының демеушілігімен өткізілді.Жыр байқауына арнайы қатысқан қала әкімінің орынбасары Жанмұрат Сейілов жиылған жұртшылықты көрісу күнімен құттықтап, қатысушыларға сәттілік тіледі.<blockquote>«Кез келген ұлттың өзіндік кескін-келбеті мен болмыс-бітімін айқындайтын ұғымды оның өзіне тән ұлттық мәдениеті десек, өнер сол мәдениеттің ең маңызды құрамдас бөлігі саналады. Сондықтан өнердің қай түрі болмасын ата-бабамыздан қалған асыл мұрамыз, таусылмас қазынамыз. Соның ішінде «Сыр елі – жыр елі» деп айдар таққан осы топырақтан түлеген ұрпақтың қанға сіңген жыраулық өнерден алшағы жоқ екені даусыз. Өздеріңізге белгілі, Сыр елінде өзіндік тарихы қалыптасқан 3 жыршылық мектеп бар. Осы ретте, жүз жырау жүзіктеген Қармақшы өңірінен шыққан Омар Шораяқұлының бай мұрасын насихаттау арқылы жас ұрпақ жадында жаңғыртуды мұрат еткен бұл байқаудың берері мол деп білемін», – деді ол.</blockquote>Жыр бәйгесінде шайырдың ұрпағы, мәдениет саласының үздігі, Қармақшы ауданының Құрметті азаматы, Алашқа танымал ақын Серік Ыдырысов жас дарындарға батасын беріп, өнердегі жолдарының даңғыл болуына тілегін білдірді.Байқауға жырау, ҚР Мәдениет қайраткері Руслан Ахметов, облыстық халық шығармашылығын дамыту және мәдени-продюсерлік орталығының жыраулармен жұмыс секторының меңгерушісі Майра Сәрсенбаева, белгілі жырау Марат Сүгірбай қазылық жасап, жыршылардың өнерін сарапқа салды.Сайыс қорытындысында бас жүлде мен «Жыршы бала – 2023» номинациясын қызылордалық жас жыршы Нөсер Айдосұлы қанжығасына байласа, қызылордалық Аяулым Абдумажит пен қармақшылық Мәди Елдес І орынды иеленді. Сондай-ақ, аралдық Инабат Толғанбекова мен қармақшылық Талант Балтабай ІІ орынды еншіледі. Жалағаш ауданынан келген Дәулетбек Бақытбек, қармақшылық Айдана Амантай, қызылордалық Қарақат Әбдікерім жүлделі ІІІ орынды өзара бөлісті. Ал қызылордалық Аңсаған Ділдәбекқызы мен Жанұзақ Рысбек және Досымжан Құрманғалиев, қармақшылық Арай Оңғарқызы арнайы жүлдеге ие болды.Жеңімпаздар мен жүлдегерлерге Омар Шораяқұлының ұрпақтары атынан қаржылай сыйлықтар табысталды. &nbsp;

Жас жыршылардың облыстық байқауы өтті

<a href="https://kyzylorda-news.kz/">Kyzylorda-news.kz.</a> «Сыр елі – жыр елі» деген атақ Алаш анасының төсін емген мұқым елге жайдан-жай беріліп, не болмаса сөздің ұйқасымен айтыла салған жоқ. Мұның артында қаншама сүлейлер мен шайырлардың еңбегі жатыр. Сонымен қатар Сыр халқының ән мен жырды жанындай жақсы көріп, жатқа айтып, бабалардан мирас ретінде қалған саф өнердің қаймағын бұзбай, болашаққа сол қалпында табыстап келе жатқандықтарына берілген баға деп білеміз. Осы тұста мәдениет саласында атқарылып жатқан ілкімді істерді білмек ниетте аудандық мәдениет бөлімінің басшысы Аруна Әзімханмен сұхбаттасқанды жөн көрдік.– Аруна Өркенқызы, сіздің бұл салаға басшылыққа келгеніңізге 1 жыл енді толады. Осы бөлімге қарасты мәдениет ошақтары туралы айта кетсеңіз... Жасыратыны жоқ, ауданға қарасты елді мекендерде тозығы жеткен, жөндеуді қажет ететін клубтар бар. Олардың саны қанша? Материалдық-техникалық база жағынан таршылық көрмейсіздер ме?– Қазіргі таңда Шиелі аудандық мәдениет және спорт бөліміне қарасты барлығы 28 мәдени ошақтары, 7 халықтық ұжым, 2 мәдени-демалыс кешені, Шиелі аудандық орталықтандырылған кітапханалар жүйесіне қарасты 32 кітапхана, спорт клубы халыққа қызмет көрсетеді. Бұл мекемелердің көбі ауылдық округтерде орналасқандықтан бөлімге қарасты мәдениет ошақтарының жұмысын қадағалап, назарда ұстап отыру үшін мәдени-шығармашылық орталығында 4 кураторлық топ жұмыс істейді. Әр аймаққа бөлінген куратор өзіне бекітілген аймақтармен тығыз байланыс жасап, әрдайым әдістемелік көмектер көрсетіп, олардың тыныс-тіршілігінен хабардар болып отырады. Аудан бойынша 8 апаттық және арнайы ғимараты жоқ 2 клуб үйі бар. Бүгінгі күнге дейін жалпы аудан бойынша Сұлутөбе, Тартоғай, Бәйгеқұм, Еңбекші, Ш.Қодаманов ауылдық мәдениет үйлері жаңа ғимаратқа көшсе, өткен жылы Жиделіарық ауылдық клуб үйінің жаңа ғимараты пайдалануға берілді. Алдағы уақытта осы бағыттағы жұмыстар жалғасын табатын болады.Сонымен қатар материалдық-техникалық базаны нығайту мақсатында мәдениет үйлері мен клуб кәсіпорындарына ұлттық киімдер, дыбыс күшейткіш аппаратуралары мен компьютерлер алынды. Қажетті жас мамандармен толықтыру үшін өткен жылы Бұдабай Қабылұлы атындағы мәдени-шығармашылық орталығына, Бәйгеқұм, Байсын, Ы.Жақаев, Н.Бекежанов, Бала би мәдениет үйлеріне 6,0 штаттық бірлік берілді. Мұның өзі – адамның құлшыныспен жұмыс істеуіне зор ықпал ететін фактор. Осы ретте жаңадан пайдалануға берілген мәдениет үйлерінде ауыл халқының игілігі үшін қаншама жиындар, республикалық шаралар, мүшәйралар, айтыстар т.б. түрлі деңгейдегі іс-шаралар өткізіліп, ауыл халқының мәдени-рухани тұрғыдан дамуына зор ықпалын тигізуде.– Өткен барыс жылы аудан мәдениеті үшін қандай жағымды жаңалықтар мен жетістіктер алып келді?– Өткен жыл жаңа бастамаларға толы жыл болды. Жаңадан ашылған қобыз, саксафон, барабан үйірмелер өз жұмыстарын жандандырып, жергілікті өнерпаздар түрлі деңгейдегі байқаулар мен конкурстарға қатысып, жүлделі орындардан көрініп жүр. Б.Қабылұлы атындағы Шиелі аудандық мәдени-шығармашылық орталығы жанындағы «Ұлт аспаптар» халық оркестрінің жетекшісі Әділбек Тәшімов Қазақстан Республикасының «Мәдениет саласының үздігі» төсбелгісінің иегері атанып, дәулескер күйші Әлшекей Бектібайұлының 175 жылдық мерейтойына арналған «Дәуірлер бейнесі домбыра үнінде» атты республикалық күйшілер байқауында бас жүлде иеленді. Сонымен қатар Әділбек Тәшімов «Әлшекей Бектібайұлы» төсбелгісін кеудесіне тақты. Ал Қызылорда қаласында өткен КСРО-ның Халық әртісі, Халық қаһарманы Роза Бағланованың 100 жылдығына орай ұйымдастырылған облыстық байқаудан ән үйірмесінің мүшелері Айгүл Еркінбайқызы жүлделі 2, Сафуан Көрегенов 3-орынды, «Арман» мәдениет үйінің «Жеті нота» үйірмесінің жетекшісі Дәурен Беркімбаев Астана қаласында өткен Қазақстан және КСРО Халық әртісі , Халық қаһарманы Роза Бағланованың 100 жылдығына арналған халықаралық вокалистер конкурсында Роза Бағланованың отбасы атынан арнайы жүлдеге ие болды.– Осыған дейін көптеген мемлекеттік бағдарламалар жүзеге асырылды. Ұлттық құндылығымызды насихаттауда атқарылған жұмыстардың нәтижесі қандай?– Ұлттық құндылықтар – ұлттың қазынасы. Ақын Бұдабай Қабылұлының 180 жылдығына арналған «Өзге сөзден өлеңге ұста Бұдабай» атты республикалық жыраулар фестивалі, Иманжүсіп Құтпанұлының 160 жылдығына арналған «Қазаққа аты мәшкүр Иманжүсіп» атты республикалық әнші-жыршылар фестивалі, Нартай мұраларын насихаттау мақсатында «Нартай мұралары» фестивалі, «Құрмет» орденінің иегері, әнші-композитор Ә.Ноғайбаевтың 75 жасқа толу мерейтойына арналған «Әні әдемі Әлмырза» атты республикалық дәстүрлі әншілер фестивалі, айтыс жанрына келер болсам, қарымды қаламгер Дүйсенбі Смайыловтың 90 жылдығына орай «Маржаны Сырдың Шиелі» атты республикалық ақындар айтысы, Сырдың Бас ақыны Махамбетқали Тұрсановтың 85 жылдығына арналған «Жарқылдап өткен алдаспан, Махамбетқали марқасқам» атты облыстық оқушылар, «Ақындықтың тұғырынан түспеген Махамбетқали» атты облыстық жас ақындар айтыстары, Ұлттық домбыра күніне орай «Домбыра – көненің көзі, бабаның үні» атты облыстық жас домбырашылар байқауы, отбасы құндылығын насихаттау бағытында Отбасы күніне орай «Әке – ер, ана – жігер, бір үйде екі кемеңгер» атты көпбалалы отбасылар арасында байқау ұйымдастырылса, ұлттық құндылықтарымызды насихаттайтын 8 наурыз Халықаралық әйелдер күні мерекесіне арналған «Әйел күннің шуағынан жаралған» атты салтанатты кеш көптің есінде біраз уақытқа дейін сақталатыны даусыз. Сонымен қатар 18 сәуір «Халықаралық ескерткіштерді қорғау күніне» орай тарихи-мәдени мұраларды толықтыру мақсатында мемлекет қорғау тізіміне алынбаған ескерткіштерге барлау жұмыстары жүргізіледі. Қазақ биі – ұлттық дәстүрді, салтты танытатын өнердің төресі десек, артық айтқандығымыз емес. Сондықтан ауданымызда кенже қалған ұлттық биді дамытуға жұмыстар жүргізілу үстінде. Мәдениеттің негізгі жұмысы – ұлттың ұрпағын тәрбиелеу дейтін болсақ, осындай іс-шаралар ұлттық құндылықтарымызды дәріптеп, сақтауға қызмет етеді деген сенімдеміз.– Сәті түсіп тұрғанда сұрағаным жөн болар. Осыдан тура 3 жыл бұрын «Жан дауа» атты спектакль сахналанғаны есте. Мәдениет үйінің өнерпаздары көрермендерін тамаша туындымен тәнті еткен болатын. Шиелілік өнер ұжымы көрермендердің театрға деген сағынышын қашан басады?– Расында, театр – хас сұлудың көз жасындай мөлдір өнер. Сол өнерді түсініп, сол өнерден ләззат алатын болғандықтан болар, көзіқарақты көрерменнің театрды аңсайтыны. Бұдабай Қабылұлы атындағы аудандық мәдени-шығармашылық орталығы жанынан құрылған Халық театры Қызылорда облысы бойынша көркемөнерпаздар ұжымдарына «Халықтық» (үлгілі) атақтар беру туралы Қазақстан Республикасы Мәдениет және спорт министрлігінің бұйрығына сәйкес белгілі жырау Құрманбек Бекпейістің «Дүрбелең» спектаклін сахналап, «Халықтық» (үлгілі) атағын қорғады. Бүгінде театр ұжымы 27 наурыз – Халықаралық театр күніне орай жерлесіміз, драматург Сұлтанәлі Балғабаевтың 2 актілі «Бізде ғашық болғанбыз» драмасын сахналауға дайындық үстінде. Халық театрының алар асуы әлі алда.– Түйіндей келе, биылғы жаңашылдықтар мен өзгерістерге тоқталсаңыз... Жыл басынан бері қанша мәдени іс-шара өтті?– Аудан бойынша 4 республикалық, 10 облыстық байқаулар ұйымдастырылған. Негізінен бізде ұйымдастырылатын мәдениет және спорт ұйымдарымен өткізілетін шаралар ұлттық тәрбие беруге бағытталады. Өскелең ұрпақ бос уақыттарын мәдениет және спорт ұйымдарында өткізуге тиіс. Сондықтан біздегі үйірмелер жұмысын жандандыруымыз қажет. Биыл аудан орталығын да жоспарға сәйкес Екі мәрте Социалистік Еңбек Ері Ы.Жақаев атындағы ауыр атлетикадан 20 жасқа дейінгілер арасындағы республикалық турнир, әнші-сазгер Ш.Жанболатқызын еске алуға арналған «Сырдың Қараторғайы» атты сырнаймен орындаушылардың республикалық фестивалі, М.Шоқай атындағы Тәуелсіздік күніне арналған жасөспірімдер арасында қазақ күресінен республикалық турнир, И.Құтпанұлының 160 жылдығына арналған «Ақ балдақ алмасымның сынығысың» атты республикалық айтыс, ақын, жазушы, аудармашы Қ.Әбдіқадыровтың 120 жылдығына облыстық жас ақындар айтысын, ақын, жырау Асан қайғы Сәбитұлының есімін ұлықтау мақсатында «Тарихта жыры қалған Асан қайғы» атты облыстық жыршы-термешілер байқауы, жазушы О.Сәрсенбаевтың 85 жылдығына арналған «Сұлу Сырдың бойындағы иран бақ» атты облыстық жазба ақындар мүшайрасы өтеді.Бұл іс-шаралардың мақсаты балалар мен жасөспірімдерге, өскелең ұрпаққа ұлттық салт-дәстүрлерімізді сіңіру, халқымыздың мәдени мұралары мен рухани байлығын насихаттау, олардан шығармашылық тұлға қалыптастыру.

Мәдениеті биік елдің – мәртебесі биік

<a href="https://kyzylorda-news.kz/">Kyzylorda-news.kz.</a> Отбасының ұйытқысы бола біліп, ізгілік қасиетімен да­раланған аналар қауымы қоғамдық жұмысқа да бел­сене атсалысады. Жекелеген елдімекенде бір­неше жылдан бері әже­лер ансамблі құрылып, көпшілікке өз өнер­лерін арнап келеді. Жа­қын­да­­ Қызылорда қаласын­да ән өнеріне машықтанған ақ жаулықты аналар арасында «Ұлағатты әже» та­қырыбында облыстық фестиваль өтті. Атал­ған бай­қауда Сырдария ауданының&nbsp;Асқар Тоқмағам­бетов ауылдық клуб үйі жанынан құрылған «Асыл ана» әже­лер ансамблі бақ сынады.Бір күнге созылған фестиваль барысында ұйымдастыру алқасы ұлттың өзегі саналатын рухани құндылықты дәріптей білген аналарға алғысын айтты.Ұлттық өнердің нағыз ұлық­таушысына айналған бірнеше әжелер ан­самблі ән айтып, ауылдың алты ауызын көрсетті. Жылдар бойы қазақы нақыштағы халық әндерін шырқап келе жатқан «Асыл ана» әжелер ансамблінің жетекшісі – Әсел Ибраева. Ал құрамында ауылдың алты ауызын шырқайтын Орынбасар Үмбетова, Манат Есенбаева, Роза Төлепова, Бисенкүл Маха­нова, Қалмақгүл Үсенова, Гүлжаһан Ибрае­­ва, Патыма Қошқарова, Дана Омарова, &nbsp;Ләззат Есенаманова, Серіккүл Бау­бекова, Назнуш Абибуллаева, Айжамал Дәрменова бар.Ардақты аналар 10 ұжымның ішінен жүлделі ІІ орынды жеңіп алды. Жүлдегер­лерге арнайы диплом мен бағалы сыйлық тапсырылды.Өз кезегінде фестиваль аясында аналар форумы өткізіліп, әйелдердің гендерлік саясаттағы орны, әлеуметтік жағынан қам­тылуы, олардың белсенділігін арттыру жө­нінде мәселелер қозғалды. «Асыл ана» әже­лер ансамблінің мүшесі, еңбек ардагері Роза Төлепова сөз сөйлеп, қыз-келіншектерге өсиет-өнегесін жеткізді.<blockquote>– Біздің қоғамда аналардың алатын орны ерекше. Ардақты жандар отбасының ұйытқысы болып, ұрпағына тәлім-тәрбиесін беруде. Қашанда &nbsp;айналасын ізгілік нұрына малшындырып, мейірім-шуағына бөлейтін асыл аналарға құрметіміз ерекше. Қазіргі &nbsp;уа­қыт­та салиқалы болмысынан таймайтын менің замандастарым қыз-келіншектерге өне­сін үйретуден жалықпайды. Жастарға &nbsp; қай кез­де де, отбасы құндылықтарын ұғын­­ды­руы­мыз керекпіз, – деді ардақты ана.</blockquote>&nbsp;&nbsp;&nbsp;

«Асыл ана» әжелер ансамблі облыстық фестивальдің жүлдегерлері

<a href="https://kyzylorda-news.kz/">Kyzylorda-news.kz.</a>&nbsp; Ұлтымыздың аяулы перзенті Т.Жүргеновтің 125 жылдығына орай Қазанғап атындағы Қызылорда жоғары музыкалық колледжі ұйымдастырған апталық іс-шара «Ұлт ойшылдары – Тұрмағамбет пен Т.Жүргенов» тақырыбындағы ғылыми-танымдық конференциядан бастау алды.Конференцияны облыстық білім басқармасының бөлім басшысы Бекжан Есенбаев ашып, колледж директоры филология ғылымдарының кандидаты Ұ.Байбосынова жүргізді. Қорқыт ата атындағы Қызылорда университеті профессорлары Ұ.Жанбершиева, Ш.Тухмарова, облыстық тарихи-өлкетану музейі экскурсиялық-көпшілік бөлімінің басшысы Э.Сағитжанова баяндама жасады. Алаш арыстарын ардақтау үшін атқарылып жатқан келелі істер жайлы кеңінен сөз қозғалды. Конференция қонақтары да көптеген пікірлер айтып, маңызды жиын өз мақсатына жетті.Апталықтың екінші күні Қазанғап атындағы жоғары музыкалық колледжі және облыстық тарихи өлкетану музейі бірлесе ұйымдастырған«Т.Жүргенов – қазақ руханиятының көшбасшысы» деп аталатын тарихи -тағылымдық музыкалық кешке ұласты. Колледж басшысы, белгілі жырау Ұ.Байбосынованың айтуынша, бұл концертте сонау 1936 жылы Т.Жүргеновтің тікелей ұйымдастыруымен Мәскеуде өткен қазақ әдебиеті мен өнерінің онкүндігіне арналған концерттік бағдарламаның мазмұны қамтылған. Сол өнер декадасында жасаған Т.Жүргеновтің еңбегін насихаттау арқылы жастардың бойына ұлттық рух, намыс, жігер қалыптастыруға бағытталды.Өткен ғасырдың 30-жылдары «Темір Нарком» атанған Т. Жүргеновтің Мәскеу декадасына қазақтың өнер майталмандарын жинап апарғаны, осынау өнер сахнасында А.Жұбанов жетекшілік ететін Құрманғазы атындағы ұлт аспаптар оркестрі өнер көрсетіп, Е.Брусиловскийдің «Қыз Жібек» операсы алғаш рет қойылғаны бізге тарихтан белгілі. Сол концертте Ш.Жиенқұлованың биі, жерлесіміз Н.Бекежановтың айтқан арнауы жиылған жұртты тәнті еткен болатын.Кеште жырау Ә. Қуаңбаев арнау айтса, Нартайдың бүгінгі ізбасарлары &nbsp;ән салып, Ш.Жиенқұлованың шәкірті, ұстаз Т.Бақтыбаевтың «Әшекей» биін колледж студенті орындалды. Ал қобызшылар ансамблі (жетекшісі С.Пұсырманова) және фольклорлық ансамбль (жетекшісі Н.Ахметов) Ықылас, Құрманғазы күйлерін құйқылжыта төгілтті. Сондай-ақ, «Қыз Жібек» операсынан К.Байсейітова сомдаған Жібектің рөлінде колледж оқытушысы, Сыр бұлбұлы С.Байсейітова «Гәкку» әнін шырқап, көременге керемет көңіл-күй сыйлады. Бір сөзбен айтқанда, тарихи-тағылымды музыкалық концерт көңіл түкпірінде қалған классикалық туындыларды жадымызда жаңғыртты.Айта кетейік, апталық іс-шара аясында музыкалық колледж бойынша топтар арасында эссе байқауы, оқытушыларға арналған дәріс, сонымен қатар, «Нарком Жүргенов» спектаклінің артистерімен кездесу ұйымдастырылады. &nbsp;Ару Елемесова

Ғылыми-танымдық конференциядан бастау алды

<a href="https://kyzylorda-news.kz/">Kyzylorda-news.kz.</a> Қазақ руханиятының шоқтығы биік саласының бірі – жыраулық өнер. Ханнан бастап қарашаға дейін бас иген ұлы жыраулар халық тарихының мәңгілік жыр-шежіресін жасап кетті. Алаштың өр рухы мен болмыс-бітімін бедерлей таңбалап, ешқашан ескірмес үлгі қалдырды. Отаншылдық сарын тұнып тұрған қайраткер жыраулар поэзиясы – туған ел мен жерге адалдық, ар-намыс пен адамдық қадір-қасиеттің туын биікке көтерген асыл мұрамыз, баға жетпес рухани қазынамыз. Тарихтың теперішін көп көрсе де осынау бірегей тарихи-мәдени құбылыс ұрпақтан-ұрпаққа жалғасып келеді. Әлем мәдениетінде теңдесі жоқ бұл өнердің бір тармағы – Сыр сүлейлерінің мектебі. Осы ретте бабадан қалған асыл өнеріміздің бүгінгі жай-күйін білмекке аудандық К.Рүстембеков атындағы Жыраулар үйінің директоры, белгілі жыршы Айгерім Ешбаевамен тілдескен едік.– Айгерім Бостанқызы, халқымыздың жыраулық дәстүрінің тарихы тым тереңде жатыр. Ал жыраулардың орны қашанда төр, шоқтығы биік болған. Бүгінде бұл дәстүрдің хал-ахуалы қалай?– Әрине, жыраулық өнерді сонау Қорқыт атадан басталған деп айтамыз. Одан бермен қарай Ақтамберді, Шалкиіз жыраулар, дәстүрлі өнерді жалғаушы Жиенбай жыраудың өкілдері болып жалғаса береді. Жалпы Қармақшы жері «Жиенбай жыраудың мектебі» болып саналады. Бұл дәстүрді бүгінгі жалғаушылар өте жақсы дәрежеде алып келеді деп айта аламын. Жыраулық дәстүрдің қазіргі жағдайы өте басқаша. Оған себеп – қазір бұл өнер иелеріне жан-жақтан келіп, үлкен-үлкен телевизиялық түсірілімдерге шақыртулар келуде. Мәселен, Қазақстан ұлттық телеарнасындағы «Күміс көмей» бағдарламасына жыл сайын қатысып жүрміз. Сонымен қатар былтыр облыс әкімі тек жырауларды жеке қабылдап, «Құрмет» ордені мен «Құрмет» грамотасымен марапаттады. Жыраулық дәстүрге деген осындай оң көзқарастың қалыптасып келе жатқаны бізді қуантады. Жан-жақты қолдаудың, демеушілердің арқасында жыраулық өнерді жалғайтын үйірмелер көптеп ашылуда. Қазір аудандағы Жыраулар үйінде «Базар жырау», «Көшеней жырау», «Рүстембек жырау», «Тасберген жырау», «Жиенбай жырау» үйірмелері жұмыс істейді.– Өзіңіз өнердің бұл саласына қалай келдіңіз? Жыраулық өнер не себепті жаныңызға жақын?– Мен жыраулық өнерге, дәстүрге бала күнімнен құмарта бастадым. Үйде әкем кішкентай кезімізден шертпе күйлер тартып отыратын. Терменің мақамында «Ән бастау», «Ән шақыру» деген бар. Соларды үнемі домбыраға салып шертіп отырушы еді. Осыдан бала күнімізден домбыра үні құлағымызға сіңіп өсті. Одан беріректе Айнұр есімді 5 жас үлкен әпкем болды. Жыраулық өнерде Бидас Рүстембековтен тәлім алып, жоғары оқу орнында осы сала бойынша тәмамдады. Алдымдағы осы әпкемді де тыңдап өстік. Менің жыраулық өнерге келуіме ең бірінші отбасым себеп болды десем артық айтқаным емес. Үйден көрген тәлім өмір жолымның өнермен біте қайнасуыма әсер етті. Мектеп қабырғасында оқып жүргенімде Бидас Рүстембековтен 5 жыл жыраулық класты бітіріп, тәлім алып, жыр-термелер үйрендім. Ағай бізді жыраулық өнерге баулып қана қоймай, облыстық, республикалық деңгейдегі жыр фестивальдеріне қатыстырды. Жас болсам да осы кездердегі жетістіктерім де жетерлік. Мұның барлығы – ұстазымның ұлттық өнерді бойыма дарыта білгенінің арқасы. Жыраулық өнердің маған жақын болу себебі – бірінші отбасымдағы құлаққа сіңген таныс үндер болса, екіншіден ұстазымның біліктілігі. Жыраулық өнерде айтылатын өсиет нақыл сөздерді, дастанды, жырды мақамға салып орындау – бұл бір керемет дүние.– Жыраулық өнердің ұрпақ тәрбиесінде атқарар рөлі қаншалық?– Өте зор деп айтар едім. Жырды, термені жаттап, тыңдап өскен бала тәрбиені де, тәлімді де бойына сіңіріп өседі. Мұнда өлең мақам-сазға салынып айтқаннан кейін, бала бойына қонымды, санасына сіңімді болады. Жыраулық өнерді ұстанып өскен бала өзінің тәрбиесін де, алдағы болашағын да жақсы жолға бағыттайды. Жыр тыңдап өскен баланың жаманы болмайды. Себебі жыр-терме тұнып тұрған нақыл, іші ақылға толы құнды қазына.– Жыраулық өнер ел арасында қалай насихатталып жүр? Бұл өнерді одан әрі дәріптеу үшін тағы не істеу керек деп ойлайсыз?– Жыраулық өнер ел арасында орындаушылары арқылы кеңінен насихатталып жүр. Жыраулардың мерейтойларында олардың төл шығармаларын тыңдарманға ұсыну арқылы жыраулық дәстүр ұмыт қалып жатқан жоқ. Осы ретте «Рухани жаңғыру» бағдарламасына да тоқталып кеткім келеді. Себебі осы бағдарлама аясында көптеген іс-шаралар, мерейтойлар өткізіліп, жыраулық өнер халыққа кеңінен насихатталды. Жыраулар көптеген жерге шақыртулар алып, телевизиялық түсірілімдерге түсті. Жырды сағынған, өсиетті аңсаған көптің тілегі орын- далып, ел жырға қанықты. Ал тыңдарманды, бүгінгі ұрпақты қызықтыру үшін мерейтойлар, жырға қатысты іс-шаралар көп өткізілуі керек. Жыраулық үйірмелер барлық жерде ашылып, мектеп бағдарламасына енгізілсе деймін. Оқушылардың жыраулар шығармашылығымен сусындап, жыраулық өнер білім бағдарламасымен бірге бойласа нұр үстіне нұр болар еді.– Бүгінгі балалардың жыр өнеріне қызығушылығы қандай?– Қазіргі балалар біздің үйірмелерге жоғары қызығушылықпен қатысады. Осында тәлім ала жүріп түрлі жарыс, конкурс, фестивальдерге барады. Ондағы көрген-білгендерін құрбы-құрдастарына айтады. Мұны естіген өзге балалар үйірмеге қатысуға ынта білдіреді. Осылайша жырға құмар балалардың саны артуда. Мұнан бөлек, «балам осы жыраулық өнердің жолына түссе екен, өзінің өнерге бейімі бар» деп қолынан жетектеп, бізге өзі әкелетін ата-аналар да бар. Ұлттық өнердің құнын түсінетін осындай ата-аналар мен балалардың қатарының көбейіп келе жатқаны бізді де қуантады. Себебі бұл өнер ұрпақтан-ұрпаққа жалғасқанда ғана өміршең болады.– «Шәкіртсіз ұстаз тұл» дейді. Шәкірт тәрбиелеу ісінде қандай жетістіктерге жетіп жүрсіздер?– Өзім Бидас Рүстембековтен тәлім алғанымды жоғарыда атап өттім. Ал қазір мен де ұстазбын. Тәлімгерімнен алған дүниемді өз шәкірттерімнің бойына сіңірудемін. Айдана Амантай есімді оқушыммен былтыр ғана «Ұлы дала елі» атты республикалық жыраулар фестиваліне қатысып, Б.Сағынтаевтың дипломымен марапатталдық. Біздің үйірмелерден тәлім алған оқушыларымыздың әрі қарай жыраулық өнерді таңдап, жоғары біліммен жалғап жатса соның өзі біз үшін үлкен жетістік. Мәселен, Малика Алдамжарова есімді шәкіртіміз осында 5 жыл тәлім алып, одан соң Қорқыт ата атындағы Қызылорда университетінің «Дәстүрлі ән-жыр» факультетін бітіріп, бүгінде Түркияда осы сала бойынша білімін жетілдіруде. Сондай-ақ Шұғыла Мархабатова да қазіргі таңда Т.Жүргенов атындағы колледжде «Дәстүрлі жыраулық өнер» мамандығы бойынша білім алуда. Үйірмеден үйреніп, оны өмір жолымен жалғап, шәкірттеріміздің жыраулық жолды таңдауы – біздің ең үлкен жетістігіміз. Қазан айындағы Республика күні мерекесіне орай дайындаған облыстық концертте біздің 13 шәкіртіміз сахна төрінен көрінді. Балалардың сахналық киіміне аудан әкімдігі қолдау білдірсе, облыстық концерттің бағдарламасына жыр-терменің қосылғаны, шәкірттеріміздің өнер көрсеткені біздің мерейімізді асырды.– Өзіңіз басқарып отырған Жыраулар үйінің алға қойған жоспарларымен бөліссеңіз? Нендей жаңалықтарыңыз бар?– Басты жаңалығымыз Жыраулар үйі жас мамандармен толықты. Мақтан тұтар шәкірттеріміздің бірі Әлішер Мырзағалиев Қазақ ұлттық консерваториясынан білім алып, өзі тәлім алған жерге ұстаз болып келді. Қазір Алдашбай ахун ауылында үйірме жұмысын жүргізуде. Одан бөлек, Ақсұңқар Бүркітбай есімді шәкіртіміз, бүгінгі әріптесіміз Жаңақала ауылында жыраулық өнерді үйретуде. Сондай-ақ облысқа танымал айтыскер Сырым Әділбеков жыраулар үйінде орынбасар қызметін атқарады, әрі балаларды айтыс өнеріне тәрбиелеуде. 2021 жылы Көшеней Рүстембековтің 75 жылдығына орай облыстық жыршылар фестивалін өткіздік. Оған атақты Ұлжан Байбосыновадан бастап қатысты. Көшеней жыраудың өмірі мен шығармашылығын дәріптеу мақсатында биыл тағы да жоспарға қойдық. Жақында «Мен едім көкке бойлай жанған жалын» тақырыбында үйірме балалары арасында фестиваль өткіздік. Ол күй, айтыс, жыр жанрларында болды. Алдағы уақытта 30 жасқа дейінгі жас жыршы-термешілердің байқауын ұйымдастырудамыз. Мұндай іс-шараларды жыл сайын дәстүрлі түрде өткізуді мақсат етіп отырмыз. Жыраулар үйінде іс-шаралар облыстық, республикалық деңгейде өткізілуде. Келесі жылы Тұрымбет Салқынбайұлының 155 жылдығы, Омар Шораяқұлының 145 жылдығы, Молдахмет Дабылұлының 130 жылдығы тойланады. Осыған орай кең көлемдегі іс-шараларды жоспарлаудамыз. Қолдаушы табылса, біз бұл өнерді өміршең, ғұмырлы етуге қашанда дайынбыз. Себебі бұл жыраулық өнер – ұлтымызды өзгеден ерекше ететін ұлттық кодымыз. Әрі ұрпақ бойына тәлімді тәрбие берер мықты құрал. Сондықтан бұл өнер ел жадында үнемі жаңғырып отыруы тиіс. Ал біз бұл жолда тынымсыз еңбегімізді мейлінше жалғастыра береміз.– Әңгімеңізге рақмет

Қазақстан және Қызылорда облысының жаңалықтары: Мәдениет