<a href="https://kyzylorda-news.kz/">Kyzylorda-news.kz</a> Өнер орталығында Сыр бойының талантты перзенті, Қазақстанның еңбек сіңірген қайраткері, «Құрмет» орденінің иегері, профессор Кеулімжай Ботабаевтың шығармашылығына арналған Тұрмағамбет атындағы халық аспаптар оркестрінің «Мәртебелі маэстро» атты концерті өтті.Ұлағатты ұстаз, таңдаулы музыкант, білікті басшы Кеулімжай Шалтақбайұлы аймақтың кәсіби өнер ұжымдарының шығармашылық потенциалын қалыптастыруға, төл оркестрлеріміздің негізін қалауға атсалысқан бірегей талант иесі. Ол саз әлемінің сардары ғана емес, талай таланттың өнердегі жолына жарық түсірген ұстаз, руханият жанашыры.Музыка мэтрі дирижерлық еткен кештің шымылдығы Тұрмағамбет атындағы халық аспаптар оркестрінің орындауында Түркештің «Көңіл ашар» күйімен ашылды. Мұнан соң оркестрдің сүйемелдеуімен «Құрмет» орденінің иегері Самал Байсейтова, халықаралық, республикалық конкурстардың лауреаттары Бисенбек Төлеубаев, Мағжан Аманжолов, Жалын Жүсіпов және оркестр әртістері Дархан Мырзаханұлы (виолончель), Бағдат Құдайбергенов (шертер), Мақсат Мұхамеджан (прима), Болат Күзембаев (домбыра), Жансая Байжанова (қобыз), Тоқтар Ағыраев (қылқобыз), Ербол Мылтықбай (баян), Нүргүл Бақытқызының (домбыра) орындауындағы қазақстандық және шетелдік белгілі композиторлардың вокалдық, классикалық және аспаптық шығармаларын көрермен қауым ыстық ықыласпен тыңдады.&nbsp;<blockquote>– Бүгінгі концертке атсалысқан барша шәкірттеріме, руханият жанашырларына алғысым шексіз. Сыр бойы – төл өнердің, төлтума өнердің қарашаңырағы. Кәсіби музыкант ретінде, музыка өнерінің де оңай емес екенін айтқым келеді. Білім беру саласынан бөлек, шығармашылықпен ұзақ жылдардан бері айналысып келемін. Қанша шәкірт тәрбиеледім. Қанша таланттың жұлдызын жағуға, өмірден де, өнерден де өз жолын табуға көмектестім. Бүгінгі концерт сол еңбектің бір көрінісаі ғана, - дейді Кеулімжай Шалтақбайұлы.&nbsp;</blockquote><img src="https://knadmin.beoblood.kz/uploads/K_Botabaevty_shy_armashyly_konczerti_tti_1_33048544a2.jpg" alt="К.Ботабаевтың шығармашылық концерті өтті 1.jpg"><img src="https://knadmin.beoblood.kz/uploads/K_Botabaevty_shy_armashyly_konczerti_tti_2_611fa26fbe.jpg" alt="К.Ботабаевтың шығармашылық концерті өтті 2.jpg"><img src="https://knadmin.beoblood.kz/uploads/K_Botabaevty_shy_armashyly_konczerti_tti_616cf66f1d.jpg" alt="К.Ботабаевтың шығармашылық концерті өтті.jpg">

«Мәртебелі Маэстро»: К.Ботабаевтың шығармашылық концерті өтті

<a href="https://kyzylorda-news.kz/">Kyzylorda-news.kz</a> Елімізді әлемге танытып жүрген әнші Димаш Құдайберген тағы бір марапатқа ие болдыдеп хабарлады <a href="https://kaz.inform.kz/news/halik-suykts-dimash-kudaybergen-uzdk-madeniet-kayratker-atandi-780d95/">kaz.inform.kz</a><blockquote>– «Халықтың сүйіктісі-2024» 14-ші ұлттық сыйлығының қорытындысы шықты. Ең беделді қоғамдық марапат он номинация бойынша берілді. Қазақстан Республикасының халық артисі Димаш Құдайберген төртінші рет жылдың «Мәдениет қайраткері» болып танылды, - делінген хабарламада.</blockquote>Лауреаттарды марапаттау рәсімі 2025 жылғы16 қаңтарда өтеді.Айта кетсек, таяуда ғана Димаш Құдайберген Дубайда беделді сыйлықтың лауреаты атанған еді.<img src="https://knadmin.beoblood.kz/uploads/1bad8d4b_6967_4298_a640_0ecea9c9f001_0419265056.jpg" alt="1bad8d4b-6967-4298-a640-0ecea9c9f001.jpg">Фото: dimashnews.com

Димаш Құдайберген үздік мәдениет қайраткері атанды 

&nbsp;<a href="https://kyzylorda-news.kz/">Kyzylorda-news.kz</a> Өнер орталығында Сыр өңіріндегі Корей этномәдени бірлестігінің 35 жылдығы аталып өтті.Салтанатты шараға Корея елінен келген делегация, республикалық академиялық корей музыкалық комедия театры, этномәдени бірлестіктердің жетекшілері, ардагерлері, белсенді мүшелері, қала тұрғындары мен БАҚ өкілдері қатысты.Лэд экраннан өңірдегі корей орталығының құрылуы мен даму тарихы, екі ел арасындағы ынтымақтастық жайлы бейнеролик көрсетілді.Облыс әкімінің орынбасары Шахмардан Байманов қоғамдағы татулық пен бейбітшілікті ту етіп ұстаған корейлер қауымдастығының ел бірлігі жолындағы атқарған жұмыстары айрықша екенін атап өтіп, 35 жылдық мерекесімен құттықтап, ҚХА Төрағасының орынбасары, ҚР Президенті Әкімшілігінің ҚХА хатшылығының меңгерушісі Әзілханов Марат Алмасұлының және облыс әкімі, облыстық ҚХА төрағасы Нәлібаев Нұрлыбек Машбекұлының құттықтау хатын «Қазақстан корейлер қауымдастығы» Қызылорда облыстық қоғамдық бірлестігіне табыстады.Оңтүстік Корея тарих және мәдениет орталығының президенті Пак Ёнтэк және Астанадағы Корея Республикасы Елшілігінің Корей мәдени орталығының директоры Ку Бон Чхоль бірлестікті атаулы датамен құттықтап, корей орталығы мен Корей музыкалық комедия театрына сертификаттар табыстады. Республикалық “Корё ильбо” газетінің бас редакторы Константин Ким қазақ еліне корей этностарының депортацияланған сәтінен бастап, олардың бірліктің арқасында жеткен тарихи белестеріне тоқталып өтті.Өңіріміздің дамуы мен өркендеуіне ерекше үлес қосқан корей этносының өкілдеріне Қазақстан Корейлер қауымдастығының 35 жылдық медалі және Алғыс хаты табысталды.Салтанатты шара республикалық мемлекеттік академиялық корей музыкалық комедия театрының мерекелік концертіне ұласты.<img src="https://knadmin.beoblood.kz/uploads/Korej_ortaly_y_35_zhyldy_yn_atap_tti_1_4f68f43d4e.jpg" alt="Корей орталығы 35 жылдығын атап өтті 1.jpg"><img src="https://knadmin.beoblood.kz/uploads/Korej_ortaly_y_35_zhyldy_yn_atap_tti_2_806f752271.jpg" alt="Корей орталығы 35 жылдығын атап өтті 2.jpg">

Корей орталығы 35 жылдығын атап өтті

<a href="https://kyzylorda-news.kz/">Kyzylorda-news.kz</a> Сонау 1934 жылдан бері жарық көріп келе жатқан басылымның бүгінде 90 жылдық тарихы бар. Газет сол уақыттан бері оқырмандарын ауданның тыныс-тіршілігінен хабар етіп келеді. Аталған басылымның 90 жылдық мерейтойына орай бүгін аудандық Қонысбек Қазантаев атындағы мәдениет үйінде танымдық конференция өтті.Өзіндік өрелі тарихы бар, бағыт-бағдары айқын, тамыры тереңнен бастау алатын басылым алғаш рет «Колхозшы» атымен жарық көріп, кейін «Күрішшілер», «Коммунизм үшін», «Коммунизм шамшырағы», «Жаңадария» атауымен оқырманға жол тартқан. Ал 1993 жылдан бүгінге дейін газет атауы «Жалағаш жаршысы» болып жарық көріп келеді.Газеттің 90 жылдық тарихында өңір жылнамасы мен тарихи сәттердің шежіресі жатыр. Осы уақыт аралығында бұл газет елдің көкейіндегісін айтып, еңбеккердердің ерен еңбегін жариялаған басылым бола білді.Конференцияда аудан әкімінің орынбасары Ғани Сүлейменов пен сала ардагерлері газеттің өткені мен бүгінін саралап, тұшымды ойларымен бөлісті.<blockquote>– Ауданның жасампаз істерге толы шежіресін жазуға «Жалағаш жаршысы» газетінің қаламгерлері де зор үлес қосты деп айтуға болады. Аудандық газетте әр жылдары қызмет атқарған Т.Сарыбаев, А.Сәдібеков, Т.Дайрабаев, И.Шахаров, С.Баймаханов, Т.Тәшенов, М.Ілиясов, М.Аяпов, Ж.Сарбалаев, Қ.Нұрғалиев, А.Бекарыстанов, Б.Уызбаев, І.Мұстафаев, Б.Шайланов, Ж.Әбжәмилов, А.Тілеулиев, Қ.Нұрханов, Т.Ахметов сынды қарымды қаламгерлер өзіндік қолтаңбасын қалдырды. Кез келген өңір үшін ақпараттық жүйенің бәсекеге қабілеттілігі айрықша басымдық алып, газеттің баспа нұсқасымен бірге электрондық жүйесін қатар дамыту талабы қойылып отыр. Газеттің электронды нұсқасы әзірленіп, бүгінде әлемнің қай түкпірінен оқимын деген адам болса да мүмкіндік бар. Газет сайтына жергілікті жаңалықтармен қатар әлемде болған оқиғалардың ақпараттары беріліп отыр, – деді Ғани Кенжеғараұлы.</blockquote>Сондай-ақ конференцияда&nbsp;ішкі істер саласының ардагері, доғарыстағы полковник, Қазақстан Журналистер одағының мүшесі, Қызылорда облыстық мәслихатының депутаты Әмірбек Шаймагамбетов, «Сыр медиа» жауапкершілігі шектеулі серіктестігінің бас директоры Марат Аралбаев, Қазақстан Журналистер одағы сыйлығының лауреаты, қарымды қаламгер, белгілі журналист, Жалағаш ауданының құрметті азаматы, ақын Бейбітбек Бүркітбайұлы, кент ардагерлері кеңесінің төрағасы, «Ерен еңбегі үшін» медалінің иегері Құлмахан Қожатай менҚазақстан Журналистер одағының мүшесі, Жалағаш ауданының құрметті азаматы, қаламгер-ардагер Рысбай Кәрімов және&nbsp;газеттің байырғы редакторы, ақын, ардагер-журналист, Қазақстан Журналистер одағының мүшесі Серік Бертаев сөз сөйлеп, газет тарихына кеңінен тоқталды.Тарихы терең басылымның қалыптасуына алдыңғы аға буын өкілдері, қарымды қаламгерлер үлкен үлес қосты. Әрине, олардың еселі еңбектері ел жадында мәңгі жаңғырмақ.«Жалағаш жаршысы» газеті – аудан жұртшылығы сүйсіне оқитын, тамыры терең басылымдардың бірі. Сондықтан да «Жалағаш жаршысы» газетінің мерейтойы тек журналистердің ғана емес, &nbsp;аудан тұрғындарының да ортақ мерекесі.Босқосудың соңында ауданның әлеуметтік-экономикалық дамуын ақпараттандыруға үлес қосып жүрген бірқатар журналистер мен сала ардагерлері және газет таратушылар марапат төрінен көрініп, құрметке бөленді.&nbsp;<img src="https://knadmin.beoblood.kz/uploads/Zhala_ash_zharshysy_zha_a_beleste_2_43cf609027.jpg" alt="«Жалағаш жаршысы» жаңа белесте 2.jpg"><img src="https://knadmin.beoblood.kz/uploads/Zhala_ash_zharshysy_zha_a_beleste_3_a95d1a2d09.jpg" alt="«Жалағаш жаршысы» жаңа белесте 3.jpg"><img src="https://knadmin.beoblood.kz/uploads/Zhala_ash_zharshysy_zha_a_beleste_5_8f4420feab.jpg" alt="«Жалағаш жаршысы» жаңа белесте 5.jpg"><img src="https://knadmin.beoblood.kz/uploads/Zhala_ash_zharshysy_zha_a_beleste_7_9f0ee5a729.jpg" alt="«Жалағаш жаршысы» жаңа белесте 7.jpg"><img src="https://knadmin.beoblood.kz/uploads/Zhala_ash_zharshysy_zha_a_beleste_5def814e93.jpg" alt="«Жалағаш жаршысы» жаңа белесте.jpg"><img src="https://knadmin.beoblood.kz/uploads/Zhala_ash_zharshysy_zha_a_beleste_1_053962eb48.jpg" alt="«Жалағаш жаршысы» жаңа белесте 1.jpg"><img src="https://knadmin.beoblood.kz/uploads/7_587644770a.jpg" alt="7.jpg"><img src="https://knadmin.beoblood.kz/uploads/8_b78f2744b2.jpg" alt="8.jpg"><img src="https://knadmin.beoblood.kz/uploads/9_da361edb36.jpg" alt="9.jpg">

«Жалағаш жаршысы» жаңа белесте

<a href="https://kyzylorda-news.kz/">Kyzylorda-news.kz</a> Қызылордада аймақ басшысының қолдауымен Әзірбайжан классигі Узейір Гаджыбековтың «Аршын мал алан» комедиялық опереттасы сахналанды.Көрерменге бұрыннан таныс болса да, Сыр топырағында алғаш рет сахналанған мюзиклде сол замандағы қоғамдағы теңсіздік, бай-кедей арасындағы таптық айырмашылық пен махаббат иірімдері сынды өзекті мәселелер комедиялық жанрда көрініс тапқан. Бауырлас елдің танымал шығармасында ең ұлы махаббат сезімінің материалдық құндылықтан биік екендігі насихатталып, тамашалауға келген жұртшылықтың ыстық ықыласына бөленді.Бүкіләлемдік өркениет тарихында түркі әлемінің рухани мұрасына айналған музыкалық қойылымға Қарағанды академиялық музыкалық комедия театрының режиссері Евгения Пермякова режиссерлік етті.<blockquote>– Маған музыкалық опереттаға қоюшы режиссер болуға ұсыныс түскен сәтте қуана-қуана келісімімді бердім. Әрине, дайындық сәтінің өз қиыншылықтары болды. Өте қысқа уақытта осындай керемет туынды жасап шығу оңайға соқпады. Оперетта - вокал, би және актерлік шеберлік секілді үш өнердің біте қайнасуы. Осындай үлкен өнерді, сіздер үшін жаңа жанрды ойдағыдай алып шыққан жергілікті әртістерді бүгінгі премьерамен құттықтаймын, - дейді Евгения Михайловна.</blockquote>Ал опереттаның кейіпкерлерінің бірі Жиханның рөлін сомдаған «Мәдениет қайраткері» төсбелгісінің иегері Үміт Медеуова шығармашылық топтың еңбегіне тоқталып өтті.<blockquote>– Махаббатқа толы, жылы, өте керемет туынды Сыр тұрғындары үшін үлкен жаңалық болып отыр. Әрине, біз үшін де. Барлық шығармашылық топ үлкен еңбек етті. Жақсы қойылым, жарқын эмоциялар сыйлау үшін жұмыс жасадық. Нәтижесін, бағасын халық өзі бере жатар. Көңілдеріңізден шығады деген сенімдемін, - дейді Үміт Еменқызы.</blockquote>Оперетта облыстық симфония оркестрінің сүйемелдеуімен өтті. Кеш соңында өнер өкілдерінің құрметіне орай аймақ басшысының ықылас гүлі табысталды.<img src="https://knadmin.beoblood.kz/uploads/yzylordada_t_ysh_ret_komediyaly_operetta_sahnalandy_2_10fed60b32.jpg" alt="Қызылордада тұңғыш рет комедиялық оперетта сахналанды 2.jpg"><img src="https://knadmin.beoblood.kz/uploads/yzylordada_t_ysh_ret_komediyaly_operetta_sahnalandy_187b8f31c5.jpg" alt="Қызылордада тұңғыш рет комедиялық оперетта сахналанды.jpg"><img src="https://knadmin.beoblood.kz/uploads/yzylordada_t_ysh_ret_komediyaly_operetta_sahnalandy_3_7d1f378fcd.jpg" alt="Қызылордада тұңғыш рет комедиялық оперетта сахналанды 3.jpg">

Қызылордада тұңғыш рет комедиялық оперетта сахналанды

<a href="https://kyzylorda-news.kz/">Kyzylorda-news.kz</a> А.Тоқмағамбетов атындағы қалалық мәдениет үйінде заманауи би өнерін насихаттаушы жас дарын Тұржан Сұлтанбектің жетекшілігімен құрылған «ORDA DRIVE» би үйірмесінің өнер өлкесіндегі 7 жылдық белесіне арналған «BOLASHAQQA QADAM» атты шоу концерті өтті.Кеш барысында қалалық мәдениет және тілдерді дамыту бөлімінің басшысы Жағыпар Тажмаханов құттықтау сөз сөйлеп, жас өнерпаздарға алғыс хаттар табыстады.Жиылған жұртшылықтың ықыласына бөленген кеш қонақтары «Арайлы» би тобы, «Ақмарал» би студиясы, «SAMRUK dance» би тобы, «QOSYL PRO» кіші би топтары және әншілер Елжан Берстембаев пен Далида Асылбекқызы әуезді ән шырқап көрерменге көтеріңкі көңіл-күй сыйлады.Қызылорда қалалық мәдениет бөлімі

«ORDA DRIVE» заманауи би үйірмесінің шоу концерті өтті

<a href="https://kyzylorda-news.kz/">Kyzylorda-news.kz</a> М.Ералиева атындағы мәдениет үйінде «Адал адам» мәдени-тәрбие орталығы жобасының «Сұхбат ТІМЕ» бағыты бойынша «Терме – тәрбие бұлағы» атты термеші Мейірімжан Махамбетжановпен сыр-сұхбат кеші өтті.Шараға дәстүрлі өнерді насихаттап, шәкірт тәрбиелеп жүрген Ақсуат ауылдық мәдениет үйі жанынан құрылған жыр-терме үйірмесінің жетекшісі Мейірімжан Махамбетжанов пен шәкірттері Аленов Жандос және Мұратбек Айзере қатысып, Ешнияз сал, Базар жырау, Жиенбай, Жаңаберген, Нұртуған, Нартай ақын секілді Сыр сүлейлерінің бүгінгі ізбасар ұрпақтарының халықтың рухани кеңістігінде қалтқысыз қызмет етіп жүргендігін тілге тиек етті.Кеш барысында Мейірімжан Махамбетжанов Нұртуған Кенжеғұлұлының «Қанекей, тілім, сөйлеші» термесін орындаса, шәкірттері Аленов Жандос Байназар Өтеуовтың «Ерке көгін», Мұратбек Айзере Жаңабергеннің «Жыр бастауын» орындап кездесуге келген көрермендердің көңілінен шықты.

«Терме – тәрбие бұлағы» атты термеші Мейірімжан Махамбетжановпен сыр-сұхбат кеші өтті

<a href="https://kyzylorda-news.kz/">Kyzylorda-news.kz</a> «AMANAT» партиясы Қызылорда қалалық филиалының қолдауымен «Ұлттық мұра» және «Бақытты отбасы» жобасы аясында &nbsp;«Іскер келін» атты келіндер сайысы өтті.Сайысқа қалаға қарасты 2 кент және 7 ауылдық округтарының атынан 9 келін қатысты.Шара шымылдығын партияның облыстық филиалының Атқарушы хатшысы Ләйлә Төрешова ашып, қатысушыларға сәттілік тіледі. Сондай-ақ, партия бастамалары мен халықтың өмірін жақсартуға бағытталған жобалардың іске асуын тілге тиек етті.Сайыста әділ-қазылар алқасы «Әкелер одағы» ҚБ өңірлік филиалының төрағасы, Облыстық мәслихат депутаты Ержан Ескендір, «AMANAT» партиясы жанындағы Отбасы және халықты әлеуметтік қорғау бағытындағы аймақтық кеңес төрағасы Райкүл Байназарова, Қалалық мәслихат депутаты, депутаттық фракция жетекшісінің орынбасары Раушан Ысқақова келіндердің өнеріне, біліміне, біліктілігіне баға берді.Қатысушылар өнерлі өрге жүзер, қазақтың ырымдары мен тыйымдары, қазақтың ұлттық тағамдары, үй тапсырмасы. «Ана көрген тон пішер» &nbsp;атты 5 кезең бойынша сынға түсті.Ақ босаға аттаған келін сол үйдің толыққанды мүшесіне айналып, сол шаңырақтың суығына да, ыстығына да қатар төзе білген. Ата-енені өз әке-шешесіндей қастерлеп, ерінің дегенін де екі етпеген. Тіпті өзінен үлкеннің де, кішінің де есімін атамай, «Еркежан», «Ерке қыз», «Мырза аға», «Мырза жігіт», «Тетелес», «Төрежан», «Төрежігіт» деп ат қойған да, ерекше сыйластықтың үлгісін танытқан да қазақтың келіндері еді...Сайыс кезеңінде қатысушылар өздерінің жан-жақты өнерімен көзге түсіп, әділ-қазылардың, көрермен қауымның оң бағасын алды. Оның ішінде, қолөнер бұйымдарының ерекшелігімен, ұлттық тағамдарды әзірлеумен және сахналық қойылымдармен, ән айтумен көзге түскен қатысушылар болды.Үш сағатқа жалғасқан маңызды дода барысында көрермендермен викториналық сұрақ-жауап ойындары ұйымдастырылып, партия филиалы атынан сыйлықтар табысталды.Сайыс қортындысы бойынша оқ бойы оза шапқан қатысушылар арнайы номинациямен және жүлделі орындармен марапатталды.<blockquote>–&nbsp;Бұл бастаманы партия филиалы алғаш рет қолға алып отыр. Алдағы уақытта ұлттық тәрбие мен тәлімді әр азаматтың &nbsp;бойына сіңіруге бағытталған келелі шаралар жалғасын табады. Бүгінгі сайыста жеңімпаз атанған барша қатысушыларды құттықтаймын, –&nbsp;деді партияның қалалық филиалының Атқарушы хатшысы Гүлшат Исақызы.</blockquote><img src="https://knadmin.beoblood.kz/uploads/kelinder_7_f0f82d7462.jpg" alt="келіндер 7.jpg"><img src="https://knadmin.beoblood.kz/uploads/kelinder_4_909de95e7c.jpg" alt="келіндер 4.jpg"><img src="https://knadmin.beoblood.kz/uploads/kelinder_1_634203099e.jpg" alt="келіндер 1.jpg"><img src="https://knadmin.beoblood.kz/uploads/kelinder_2_b85ba7e055.jpg" alt="келіндер 2.jpg"><img src="https://knadmin.beoblood.kz/uploads/kelinder_5_f5018ca0d3.jpg" alt="келіндер 5.jpg"><img src="https://knadmin.beoblood.kz/uploads/kelinder_6_d62a975a42.jpg" alt="келіндер 6.jpg">

Қалалық «Іскер келін» сайысы өтті

<a href="https://kyzylorda-news.kz/">Kyzylorda-news.kz</a>&nbsp; Танымал қазақстандық әнші Димаш Құдайберген Дубайда DIAFA жүлдесінің <a href="https://kaz.inform.kz/news/dimash-kudaybergen-dubayda-bedeld-siyliktin-laureati-atandi-dcbe25/">иегері атанды</a>.Әртіс Instagram-дағы парақшасында ұйымдастырушыларға алғысын білдірді.&nbsp;<blockquote>«DIAFA-ға өнерге қосқан үлес үшін берген сыйлыққа рахмет. Рахмет, Дубай, рахмет, DIAFA», — деп&nbsp;<a href="https://www.instagram.com/p/DC5MP2Etm0Q/?utm_source=ig_embed&amp;ig_rid=9d762ca8-2176-4be0-8f58-d9531b79c0d2&amp;img_index=1">жазды</a>&nbsp;Димаш.&nbsp;</blockquote>DIAFA (Distinctive International Arab Festivals Awards) — Дубайда жыл сайын өткізілетін халықаралық премия. Ол өнер, мәдениет, бизнес және гуманитарлық жұмыстарға қосқан үлестері үшін әртүрлі елдердің көрнекті тұлғаларын атап өтеді. Лауреаттар жетістіктері мен халықаралық сахнадағы ықпалы үшін таңдалады.Еске салсақ, Қытайдағы Қазақстан туризм жылының жабылуында Димаш Құдайбергеннің жаңа бейнебаяны&nbsp;таныстырылды.Форум қатысушылары Димаш Құдайбергеннің «Киелі мекенім» әніне арналған жаңа клипін бірінші болып тамашалады.Фото: instagram

Димаш Құдайберген Дубайда беделді сыйлықтың лауреаты атанды

<a href="https://kyzylorda-news.kz/">Kyzylorda-news.kz</a> Бүгін Ұлы Отан соғысының соңғы сарбазы, шаһардағы жалғыз майдангер Әбдірахман Бәйтіков ақсақал 100 жасқа толды.​Ғасыр ғұмырдың иесіне сәлем бере барған қала әкімі Нұржан Ахатов, облыстық ардагерлер кеңесінің төрағасы Серік Дүйсенбаев және қалалық ардагерлер кеңесінің төрағасы Шәкизат Төребаев жаужүрек жауынгердің өнегелі өмір жолы кейінгі буынға үлгі екенін елеп, қазақы дәстүрмен иығына зерлі шапан жапты. Сонымен қатар, қарттарымызды қазынамыз деп құрметтейтін аймақ басшысының арнайы құттықтауын жеткізіп, 1 миллион теңгенің сертификатын табыстады. Қарт майдангер өз кезегінде сый-құрметке разылығын білдіріп, егемен елімізде ендігі жерде сұрапыл соғыс болмай, бейбіт өмір береке-бірлік әкелсін деп ақ батасын берді.​Рух пен намыстың, батырлықтың белгісіндей болған Әбдірахман Бәйтіков 1924 жылдың 27 қарашасында Қызылорда қаласында дүниеге келген. 1930-1934 жылдары Өзбекстанның «Кооператор» колхозында жеті жылдық мектепте білім алып, 1942 жылы Қызылорда қаласындағы мұғалімдер техникумына түскенімен, оқуы бітпестен әскер қатарына шақырылған.​Ол 1942 жылдың аяғында Түркменстанның Ашхабад қаласында кіші командирлер дайындайтын курсқа жіберілді. Алайда, соғыс жағдайы оны аяқтауға мұрша бермеді. Бар-жоғы 18 жастағы жігіт Курск, Орел қаласының Курск доғасы ПТР бөлімінде жаяу әскер қатарында оқ пен оттың арасында Отан үшін жанқиярлықтың ерен үлгісін көрсете білді. 1943 жылдың тамыз айының аяғында Курск доғасында ауыр жарақат алып, 1944 жылы 20 жасында ІІ-ші топ мүгедегі болып елге оралды.​Соғыстағы ерлігі үшін Совет Одағының маршалы Г. Жуковтың ІІ дәрежелі және мерекелік бірнеше медальмен марапатталған. Соғыстан кейін «Комсомол» совхозында отыз жылдай қой фермасында, колхоз кеңсесінде есепші болып, 1985 жылы еңбек зейнетіне шыққан.​Әбдірахман ақсақал марқұм жұбайы Абуова Кеңескүл екеуі 9 бала өсіріп, олардың жоғары білім алуына қажетті жағдай жасады. Бүгінде перзенттерінен 30 немере, 6 шөбере сүйіп отыр. Жеңісті жақындату жолында жан аямай шайқасып, бейбіт күнде ел берекесін қаласқан майдангер үлкен шаңырақтың бақ айналып қонар қасиетті тұғыры, берекесі мен ұстыны, ақылгөйі мен тілеуқоры.<img src="https://knadmin.beoblood.kz/uploads/2_61172ab18c.jpg" alt="2.jpg"><img src="https://knadmin.beoblood.kz/uploads/3_27dbe7b5d0.jpg" alt="3.jpg">

 Жүз жасаған абыз атаны ардақтады

<a href="https://kyzylorda-news.kz/">Kyzylorda-news.kz</a> Кеше журналист, қоғам қайраткері, Ұлы Отан соғысының ардагері Қалқабай Әбенов атындағы «Туған жер – тұғырым» атты дәстүрлі шығармашылық байқау қорытындыланды. Марапаттау шарасы Ә. Тәжібаев атындағы облыстық әмбебап ғылыми кітапханада өтті.Шараны жүргізген облыстық «Сыр бойы» газетінің бас редакторы, Қазақстан журналистер одағы облыстық филиалының төрағасы Қуат Шарабидинов бұл байқаудың биылғы ерекшелігі – «Сыр бойы» газетінің 95 жылдығымен сабақтастық құруы екенін атап өтті.<blockquote>«Алаш қайраткерлерімен мұраттас тұлғалардан тамыр алатын аймағымыздың ата басылымы «Сыр бойы» газетінің тарихында ұзақ жылдар редакторлық еткен қаламгер-қайраткер Қалқабай Әбеновтің есімі үлкен құрметке ие. Ол бүгінгі «Сыр бойы», кешегі «Ленин жолы» газетін 1968-1985 жылдар аралығында басқарды. Осы жылдары газетте мамандықтың қиындығын да, қызығын да көріп, соғыс жылдары, одан кейінгі ауыр кезеңдерде тер төккен, жазу өнерінің қыр-сырын әбден меңгерген қаламы жүйрік журналистер еңбек етті»,&nbsp; – деді ол.</blockquote>Салтанатты жиынға қазақ журналистикасына еңбек сіңірген ардагерлер және марқұмның қанаттас-қызметтес болған әріптестері, облыстық қоғамдық даму басқармасының басшысы Руслан Қаюпов қатысып, сөз сөйледі.Байқау қорытындысымен ынталандыру сыйлығын үздік төрт автор иеленді. ІІІ орын ардагер журналист Кенжалы Ерімбетов пен » Сыр бойы» газетінің жауапты хатшысы Дәуіржан Елубаевқа берілді. ІІ орын ардагер-журналист, Қазақстанның құрметті журналисі Қайырбек Мырзахметұлына табыс етілді. Ал І орынға «Сыр бойы» газетінің бөлім басшысы Назерке Саниязова лайық деп танылды.Марапат иелеріне облыстық қоғамдық даму басқармасының басшысы Руслан Қаюпов арнайы сертификат пен статуэтка табыс етті.

«Туған жер – тұғырым» атты байқау қорытындыланды

<a href="https://kyzylorda-news.kz/">Kyzylorda-news.kz</a> Жуырда «AMANAT» партиясының қолдауымен XVIІ «Жан Шуақ» қоғамдық сыйлығының лауреаттарын марапаттау рәсімі <a href="https://aikyn.kz/276621/zhan-shuak--syylyg-ynyn--k-arzhysyna-mu-k-tazh-zhandarg-a-komir-satyp-aldym---z-ure-oksimbaeva">өтті.&nbsp;</a>«Жан Шуақ» сыйлығына үміткерлер – тағдырдың сынағына мойымай, ұлтжандылықтың үлгісін көрсетіп келе жатқан қайсар жандар. «AMANAT» партиясының «Кедергісіз келешек» жобасы аясында биыл 4 мың әлеуметтік және көлік инфрақұрылымы нысандары мүгедектігі бар азаматтарға сай бейімделді. Мәжілісте «Инклюзивті Парламент» депутаттық тобы жұмыс істеп жатыр. Құрамында Парламенттің 20-ға жуық депутаты бар. Бірлескен жұмыстың нәтижесінде, тұрғын үй саясаты жөніндегі заңда ерекше күтімді қажет жандардың тұрғын үй алуына бірінші кезекте құқық беріледі. Сондай-ақ колледжде квота саны көбейді.«Жан Шуақ» қоғамдық сыйлығының иегері Зәуре Өксімбаеваның еңбегі зор. Ол қоғамдық қызметтегі еңбегі үшін Иран Омарбеков атындағы қордың арнайы сыйлығымен марапатталды. Зәуре Өксімбаева Қызылорда өңірінде атқарылып жатқан, күрмеуі шешілген мәселелер жайында айтып берді. &nbsp;<blockquote>– Қызылордада мүмкіндігі шектеулі жандардың мәселесін шешу үшін еңбек етіп келе жатырмын. Өзім тағдырлас адамдардың мәселесін шешуге атсалысамын. Тұрмыстық мәселелерді шешу үшін WhatsApp-тан арнайы чат аштым. Көмек көрсетемін деген жомарт жандар әрдайым қол ұшын созады. Тұрғындар тұрмысқа қажетті киім-кешек, ыдыс-аяққа дейін өзінде артық заттарын осы чатқа жолдайды. Такси арқылы мұқтаж жандарға жеткізіп береміз. Баспана, жылу, медициналық көмекке мұқтаж замандастарымыз хабарласады.&nbsp;Көктемде Атырауда су тасқыны болған кезде көмек керуені Қызылорда облысына келіп аялдады. Сол кезде әкімшілікпен бірлесіп, қайырымдылық керуеніне ас әзірлеп, гуманитарлық көмекті тасымалдаушыларға қолдау көрсеттік. Су тасқынынан зардап шеккен өңірге көмекке кетіп бара жатқан 114 адамға ыстық тамақ ұйымдастырдық.&nbsp;Қызылорда облысының аудандарынан көмек сұрап хабарласатындар көп. Мүгедектер арбасы, балдақ сұрап хабарласады. Әлеуметтік желінің көмегімен дерегін нақтылап, көмек сұраған мұқтаж адамдарға волентерлердің көмегімен жеткіземін. Өңірде 500-ге жуық арбаны үлестірдік. Одан бөлек, емделуге мұқтаж адамға квота алып бердім. Үш рет күрделі ота жасалды. Біріншісінде жүрегіне стенд қойдырды. 1,5 миллион теңге көлемінде қаржыға күрделі ота жасалды. Екіншісінде өтіндегі тасты алдырды, үшіншісінде желкесіне операция жасады», – дейді Зәуре Балтабайқызы.</blockquote>Қазіргі кезде баспаналы болуға түрлі бағдарламалар болғанымен, талабы көп. Шартын орындауға қаржы қолбайлау болып жатады. Баспана мәселесін шешу үшін де әкімдіктің табалдырығын тоздырып, пәтерге қол жеткізе алмай жүргендерге араша түскен.&nbsp;&nbsp;<blockquote>«Бағдарлама талабы бойынша алғашқы жарна мен қосымша несиені төлей алатынымызды растайтын екі адам болуы керек. Менің мұндай мүмкіндігім болған жоқ. 12 жыл пәтер кезегінде тұрдым. Кезек жылжымайды. Себебі, 40 пәтер салғанымен, 12 категорияға бөлгенде 2-3 адам ғана баспаналы болады. «Нұрлы жер» бағдарламасы аясында 51 адамға алғашқы жарнасыз баспана алуына көмектестім. Ол үшін облыс әкіміне алғысым шексіз.Күнделікті тіршілікте коммуналдық мәселемен де хабарласатын адамдар бар. Көктемде Амангелді көшесінде орналасқан жаңа үйлер мүгедектерге берілді. Жаңа үйдің жылу жүйесі нашар болды. Тұрғындар пәтердің суық екенін айтты. Сондықтан әкімдікке шағымданып, екі дана әрқайсысы 1,5 миллион теңгеден тұратын қосымша қазандық алғыздым. Қазір тұрғындар жылы үйде отыр. Амангелді көшесіндегі үйлердің В, Б, Г блогында 20-25 жыл баспана кезегіне тұрып, баспанаға қол жеткізгендер тұрады.&nbsp;Ел ішінде осындай мәселелер жеткілікті. Олардың жанайқайын шенеуніктерге жеткіземін. «Жан Шуақ» сыйлығының жеңімпазы болғанда қатты қуандым. «AMANAT» партиясына алғысым шексіз. 1 миллион теңге қаржылай сый берді. Қаржының бір бөлігіне 21 отбасына көмір сатып алдым (кейіпкеріміз көмірге төленген қаржының түбіртегін жолдады –&nbsp;ред.). Баспанасын жөндеу үшін қаржы сұрап отырған мұқтаж жандарға беремін», – дейді кейіпкерміз.</blockquote>Тағдырластарының проблемасын шешуге белсенді атсалысып, қайырымдылық істе де қолғабыс етіп жүрген Зәуре Балтабайқызының еңбегі еленді. «Ерен еңбегі үшін», «Алтын жүрек» медалімен марапатталды. Әр жылдары қоғамдық жұмысқа атсалысқаны үшін алғысхаттармен марапатталды.&nbsp;&nbsp;Айта кетейік, <a href="https://aikyn.kz/276423/k-og-amnyn--zhetilu-den-geyi-onyn--erekshe-k-azhettiligi-bar-adamdarg-a-degen-kozk-arasymen-olshenedi-amanat">«Жан Шуақ» жеңімпаздары ұлтжандылықтың нағыз үлгісін көрсетіп келеді.&nbsp;</a><img src="https://knadmin.beoblood.kz/uploads/Foto_amanatpartiasy_kz_b2a267e6e9.jpg" alt="Фото amanatpartiasy.kz.jpg">Фото: amanatpartiasy.kz

Қазақстан және Қызылорда облысының жаңалықтары: Мәдениет