<a href="https://kyzylorda-news.kz/">Kyzylorda-news.kz&nbsp;</a> Музыка саласын жанына серік еткен адам көп. Оны игергісі келетін жанда аз емес. Осы орайда Қазанғап атындағы музыкалық жоғары колледжінің оқытушысы, музыкант, композитор Ғалымжан Сәбитұлы&nbsp;саксофонды үйренгісі келетін өнерсүйер қауым үшін кітап шығаруды жоспарлап отырғанын мәлім етті.&nbsp;Ғалымжан Сәбитұлы обылыстық филармония жанынан құрылған «Сыр самалы» вокалды-аспапты ансамблінің артисі, сондай-ақ көптеген шәкіртке тәлімгерлік етіп отырған білікті мамандардың бірі. «Нағыз музыкант кез келген музыка саласының аспектілерін, жанрын жете білуге міндетті. Ал нағыз дарын иесі кез келген тыңдарманды музыканың құдыретімен жылата да, күлдіре де алады», – деп есептейтейтін ол саксофоннан бөлек өзге де бірнеше аспаптарды ойнай алады. Атап айтсақ, фортепиано, флейта, блокфлейта, кларнет, барабанда, дауылпаз және т.б. аспаптар.&nbsp;Саксофоншы сахнада дуэт болып өнер көрсеткенді ұнатады екен. Оның ойынша бұл өте қызық тәжірибе.<blockquote>– Дуэт жасау өзіндік симфониялық ерекшелікке ие. Туындыны өзге аспаппен көркемдейсің, бұл бір арнаға тоғысқан бірнеше сезімдердің легі ғой. Әріптестеріңмен музыкалық та, достық та қарым-қатынас құрасың. Ия, менің музыкалық серігім бар. Ол өте дарынды скрпикашы Анастасия Мусинова. Одан бөлек басқа да әріптестеріммен дуэт жасап, талай сахнада өнер көрсеттім. Жалпы, дуэт жасау өзіндік симфониялық ерекшелікке ие. Туындыны өзге аспаппен көркемдейсің, бұл бір арнаға тоғысқан бірнеше сезімдердің легі ғой. Әріптестеріңмен музыкалық та, достық та қарым-қатынас құрасың. Сол арқылы жаңа тәжірибе жинақтайсыз. Өзіңе беймәлім жанрды игеруге ұмтыласың, – дейді ол.&nbsp;</blockquote>Әрбір музыкант өнер саласында із қалдырсам деп армандайды. Ғалымжан Серікұлы да өнердегі Батырхан Шөкеновты үлгі тұтып, ел есінде есімінің қалғанын қалайды.&nbsp;<blockquote>– Авторлық туындыларым бар. Кейбірінңің әлі «сиясы» кеппеген. Оларды әлі біраз әрлеп, толық пысықтап болған соң, аймақтағы саксофоншыларға орындатуды осы жылғы жоспарыма енгізіп отырмын. Алла қаласа, саксофон аспабын тез үйренуге көмектесетін кітап жазып, музыка сүйер қауым назарына ұсынуды қалаймын. Бұлда әлі нүктесі қойылмаған мақсаттарымның бірі, – дейді өнер иесі. &nbsp;</blockquote>&nbsp;Нұршат НЫШАНОВА

Қызылордалық саксофоншының кітабы жарыққа шықпақ

<a href="https://kyzylorda-news.kz/">Kyzylorda-news.kz</a> Жұртын ортақ бір мүддеге шоғырландырып, ұлттың сан ғасырлық құндылықтарын ұрпақтар санасына сіңіруде жазылмаған дала заңы – салт-дәстүрлердің орны ерекше. Ұрпақтан ұрпаққа жалғасқан сәбиді бесікке бөлеп өсіру, ананың бесік жырын айтуы сол құндылықтардың бастауы десек, қателеспейміз.«Тәрбие – тал бесіктен», «Төрде бесік тұрса, төре де басын иеді» деген ұлағатты сөздер бесіктің қасиетін ұқтырса керек. Мұхтар Әуезовтің «Ел боламын десең, бесігіңді түзе» деп дабыл қаққанына да бір ғасырдың жүзі болды. Оның қасиетін өзге ұлттар да ұғынып, ұрпақ денсаулығын нығайтуда бесіктің орнын бөлек көрген.Мәселен, 1916 жылы Мәскеуде алғаш болып психоневрология институтын құрған академик Владимир Бехтерев «Балалардағы невроз ауруының алдын алу үшін бесік жырын тыңдату керек» депті. Ал бесік жырынан ұлтымыздың өткен өмірі, дәстүрлі мәдениеті, салт-дәстүрі, тіпті, ежелгі наным-сенімдерінің көріністерін де байқаймыз. Бұл әуен кезінде халық арасына кең тараған тұрмыс-салт әндерінің ерекше түрі әрі мазмұны жағынан сан алуан болып келеді. Мысалы, бірі сәбиді тыныштандыру, жұбату, ұйықтатуды мақсат ететін болса, келесі түрі сәбидің болашағы жөніндегі ата-ананың тілегі мен артар сенімі, үмітіне арналады. Сонымен бірге осы екі мақсатты біріктіретін бата түрі де бар. Бесік жыры өлеңдік өлшемі жағынан 7-8 немесе 9-11 буындық қара өлең түрінде болса, ән ырғағы бесіктің тербелісіне сәйкес бірқалыпты, сабырлы, қатты дауыс шығармай, қоңыр, жанға жайлы жылы дауыспен айтылады.– Әлди-әлди, ақ бөпем, Ақ бесікке жат бөпем! Жылама, бөпем, жылама, Жілік шағып берейін, Байқұтанның құйрығын Жіпке тағып берейін. Арша ма екен бесігі? Алар ма екен әкесі? Өрік пе екен бесігі? Сүйе ме екен әкесі? Жиде ме екен бесігі? Әлди-әлди, аппағым, Қойдың жүні – қалпағың, – деген нұсқа сәбиді жұбатуға арналса, – Әлди, балам, әлди-ай Әлди, бөпем, ақ бөпем, Ақ бесікке жат бөпем. Астыңа терлік салайын, Үстіңе тоқым жабайын. Құрығыңды айырып, Түнде жылқы қайырып, Қызмет қылар ма екенсің? Атағың көпке жайылып. Қолымыздан іс алып, Мойныңызға күш алып, Бақытымызға, жан балам, Бізді бағар ма екенсің? – деген жолдардан сәбиге артылар ата-ананың, елінің үміті, арман-тілегі көрінеді.«Бесік» сөзінің шығу төркіні туралы да түрлі пікір кездеседі. Тілші-ғалым Ә.Нұрмағамбетов бұл туралы: «Нәресте жататын төсекті ана тілімізде «бесік» деп айтатынын білесіздер. Қазақтармен туыс саналатын якут, сары ұйғыр, т.б. халықтар тілінде бұл сөздің түбірі «би», «пе», «бээ» болып келеді де, мағынасы «тербету», «әлдилеу» деген түсінік береді. Ал осы түбірлердің біріне, әсіресе «бээ» түбіріне өз тілімізге тән жұрнақ қоссақ, «тербету» мағынасын беретін «бесік» сөзі пайда болады. Бұл – біздің бірінші жорамалымыз.Екінші ойымыз: бесіктің жасалу жолына қарай, оны құрайтын негізгі бес ағашқа байланысты «бес уық» сөзінен де туындауы мүмкін. Олай дейтініміз, қазақ халқы негізінде бесіктің екі түрін тұтынған. Оның ерте пайда болған түрі «аспалы бесік» деп аталады. Аспалы бесіктің жасалу жолдары өте қарапайым. Оны әзірлеу үшін жуандығы біркелкі, жұмыр бес тал болса болғаны. Ондай бесікті көшіп-қону кезінде уықтан құрап жасай салу әбден мүмкін жай. Кейін келе бес уық – бесық – бесік болып қалыптасып кеткен тәрізді. Қалай айтсақ та, қазақтың бұл сөзі саханың немесе сары ұйғырдың сөзінен шықты деу жөн емес. Сондықтан «бесік» атауының шығуы әлі де терең зерттеуді қажет ететіні даусыз» дейді.Бесіктің нақты қай ғасырдан бастап қолданысқа енгені туралы дерек жоқ. Дегенмен сәби денсаулығы мен ұрпақ тәрбиесінде алар орны бөлек ағаш бұйымның пайда болуы туралы аңыз кең тараған. Аңызға сүйенсек, бесік айырқалпақ Айдаһар бидің заманында алғаш рет пайда болған екен. Ол кезде ұлан-байтақ даланы Мизам баб қорғап жүреді. Мизам 150 жыл ғұмыр кешіп, өмірден өтіпті. Дүниеден қайтқанын естіген қытайлар сол күні орманын өртеп жібереді. Уақытқа әмір бар ма, сағаттар сырғып, жылдар жылжиды. Бір күні Айдаһардың сәбиі жылап, ешкім уата алмайды. Әйелі екеуі не істерін білмей қиналады. Емші-тәуіптерді жағаласа да, баласы жылауын тоқтатпапты. Қызының жылағанына шыдай алмаған әйел сыртқа шығып кетіп, Құдайдан медет тілейді. Бір сәтте қызының дыбысы шықпай қалады. Үйіне жүгіріп келсе, ақ киімді кісі орман өртенгенде жанбай қалған тобылғының қисық бұтағына бөпені салып, тербетіп отыр екен. Ол Айдаһар жақындағанда көзден ғайып болады. Би мұны «Құдайдан келген ишарат» деп түсінеді де, түнімен қисық ағаштарды құрастырып, бесікті жасап шығады. Осыдан бастап бесік қазақ жұртында кең таралған деседі.Заманауи өмір сүру салтын ұстанып, жаңа игіліктерге ұмтылған қазақ шаңырағында бесік азайды. Баланың тазалығы, ұйқысының тыныш болуы өз алдына, бесік жас нәрестенің табиғи өсуіне әсер етеді. Сәби ана құрсағында жатып-ақ тербеліске түседі. Алайда өмір есігін ашқан соң жарық дүниеге бірден үйлесе алмайды. Сондықтан оны ана құрсағындағыдай әлдилеп, тербетіп отыру маңызды. Ал бесік жырын өзге әуен, мультфильмдер алмастыра алмайды. &nbsp;

Бесік – ұлттың ұясы

<a href="https://kyzylorda-news.kz/">Kyzylorda-news.kz</a> Н.Бекежанов атындағы Қызылорда облыстық қазақ академиялық музыкалық драма театры Алматы қаласына гастрольдік сапарын ұйымдастыруда.Театр ұжымы екі күн бойы Ғ.Мүсірепов атындағы қазақ мемлекеттік академиялық балалар мен жасөспірімдер театры мен Алматы мемлекеттік қуыршақ театрында өнер көрсетеді.Майталмандар сахна шымылдығын әлемнің ең әйгілі драматургтарының бірі У.Шекспирдің «Ромео мен Джульетта» трагедиясымен ашты.Қойылымды кино және театр актеры, кино және театр режиссері, театр педагогы, профессор, Қазақ КСР халық артисі, КСРО халық артисі, Қазақ КСР мемлекеттік сыйлығының лауреаты, КСРО мемлекеттік сыйлығының лауреаты Асанәлі Әшімов және алматылық зиялы қауым өкілдері мен жерлестеріміз тамашалады.Спектакль соңында Асанәлі Әшімов театр ұжымына ықылас гүлін табыстап, құрмет көрсетті. Актриса, Қазақстанның еңбек сіңірген артисі, Парасат және Құрмет ордендерінің иегері Лидия Кәденова сөз сөйлеп, әртістерге ризашылығын жеткізді.Сондай-ақ, Қазақстанның еңбек сіңірген қайраткері, Қызылорда облысының құрметті азаматы, "Құрмет" орденінің иегері, "Дара" төсбелгісінің иегері Хұсейн Әмір-Темір және үш дүркін «Алтын домбыра» иегері, театр басшысы Мұхтар Мәуленұлы сөз сөйлеп, Ғ.Мүсірепов атындағы қазақ мемлекеттік академиялық балалар мен жасөспірімдер театрының ұжымына Сыр театры атынан сый-сияпат ұсынды.

Сыр сахнагерлері Алматыда

<a href="https://kyzylorda-news.kz/">Kyzylorda-news.kz</a> Қазақстанның Еңбек сіңірген қайраткері, Франц Кафка атындағы халықаралық сыйлықтың және «Платина Тарлан» сыйлығының лауреаты, көрнекті ақын Шөмішбай Сариевтің туған күніне орай ақынның туған жері Аралда іс-шара ұйымдастырылды.Нақтырақ айтсақ, Арал аудандық З.Шүкіров атындағы шығармашылық бірлестігі Шөмішбай Сариев атындағы «Айналдым сенен, атамекен-ай» атты аймақтық жазба ақындар мүшәйрасын жариялаған болатын. Оның шартына сай жыр додасына түскен ақындардың Шөмішбайға арнаған және еркін тақырыптағы екі өлеңі бірлестік жанынан шығатын аймақтық «Арал әлемі» газетінде ай сайын жарияланып тұрды. Мүшәйраға аралдықтармен бірге Астана, Тараз, Ақтөбе қалаларынан да ақындар қатысты.Аудандық Мәдениет үйінде аймақтық жазба ақындар мүшәйрайсының қорытынды шарасы өтті, 9 ақын марапат мінберіне көтеріліп, арнау өлеңдерін оқыды. Қазылар алқасының шешімімен бас бәйгені Қазақстан Жазушылар одағының мүшесі Жеткерген Әбдірейұлы (Тараз), І орынды Аида Мырзабекова (Арал), ІІ орынды Айгүл Күзенбаева (Арал), ІІІ орынды Оңталап Жолдасов (Арал) және Мөлдір Әбірауышова (Арал) иеленді. Ал аталымдар бойынша «Парасатты поэзия» Шолпан Балманова (Астана), «Өр рух» Майданбай Байжанов (Тараз), «Шалқар шабыт» Өтебай Серәлі (Ақтөбе) «Жыр жауқазыны» Рыскүл Сариева (Арал) жеңіске жетті.Аудан әкімінің орынбасары Кете-Төлеби Бержанов мүшәйра жеңімпаздарын құттықтап, оларға арнаулы дипломдар мен сыйлықтар және ақын Ш.Сариевтің альбом-кітабын табыс етті.Қазақстанның Еңбек сіңірген қайраткері, композитор, күйші Мұрат Сыдықов, мәдениет саласының ардагері Базар Қостаева естелік айтты. Шөмішбай Сариевтің сөзіне жазылған «Қайдасың сен», «Домбыра туралы баллада», «Сағындың ба?», тағы басқа әндер шырқалып, көрермен көңілін шаттыққа бөледі. Аудандық архив пен орталықтандырылған кітапхана ұжымы ақынның шығармашылығынан «Сәлем саған, туған ел!» атты көрме ұйымдастырды.Аймақтық мүшәйраның жоғары деңгейінде өтуіне ақынның жары Жұмагүл Сариева отбасы атынан қаржылай демеушілік жасап, кітаптарды сыйға тартты.&nbsp;

Жазба ақындар мүшәйрасы мәресіне жетті

<a href="https://kyzylorda-news.kz/">Kyzylorda-news.kz.</a> &nbsp; Қызылорда облысының мәдениет басқарма басшысы Мира Қазбекованың төрағалығымен архив саласына қатысты жиын өтті.&nbsp;Басқосуда архив саласының қызметін жандандыру және қызмет көрсетудің сапасын арттыру басқа да өзекті мәселелер талқыланды.&nbsp; Жиында Мира Жомартқызы архив қызметінің жаңа мазмұнын ескере отырып, алдағы уақытта архив ісін дамыту керектігін айтты.<blockquote>− Архив қоғамға осы шақ¬тан өткен шаққа және болашаққа қарауға мүмкіндік береді, еліміздің құнды құжаттандырылған жетістіктерін сақтап көбейтіп, олардың ғылыми және тәжірибелік мақсатта қолдануын қамтамасыз етеді. Бұрмаланған, ұмытылған немесе қоғамнан жасырылған тарихи деректерді, есімдерді, оқиғаларды жөніне келтіруге көмегін тигізеді. Бүгінде барлық құжаттың цифрлану дәуірінде архив құжаттары жаңа реңге ие болды. Бүгінгі таңда ол тарихи дерек көздерінің ерекше ақпарат көзі.&nbsp; XXI ғасыр – ақпарат ғасыры, сондықтан архив рөлі ақпарат көзі ретінде ұдайы өсіп отырады. Сонымен қатар архившылардың ел мен қоғамның алдындағы жауапкершілігі де артуда, − деді ол.</blockquote>Қоғамдық сананы жаңғыртудағы архивтердің рөлі, ұйымдардан электронды құжаттарды қабылдау, бүгінгі архив саласының жағдайы да назардан тыс қалмады.Отырыс соңында архив саласын дамытуға үлес қосқаны үшін бірқатар сала қызметкерлері басқарма басшысының және Мемлекеттік қызмет істері агенттігінің Қызылорда облысы бойынша департаментінің Алғыc хаттарымен марапатталды. &nbsp;

Архив саласының өзекті мәселелері талқыланды

&nbsp;<a href="https://kyzylorda-news.kz/">Kyzylorda-news.kz.</a>&nbsp; Ел тарихындағы құнды жазба деректерді жинастырып сақтау ісіне әуелгі замандардан бері мемлекеттік деңгейде мән беріліп келеді. Аудынымыздың өткен тарихын көз алдымызға келтіріп, болашаққа қызмет жасайтын мекеме ол – архив. Архивтің ел өмірінде алар орны ерекше. Ол – адамның, қоғамның және мемлекеттің басқару қызметінің сенімді серігі, керек деректі дер кезінде жинақтап, ақпаратты сақтаушы, жеткізуші мекеме. Құжатсыз архив жоқ, архивсіз тарих жоқ, тарихсыз халық жоқ.Бүгінде архив құжаттарын цифрландыру заман талабына айналып отыр. Техника қарыштап дамыған заманда құжаттарды электрондық құжатқа айналдыру қарқынмен дамып келеді. Бүгінде бұл құрал елімізде халыққа қызмет көрсету саласында ерекше орны бар. Қазір бұл үрдіс архив саласында өзінің оң шешімін табуда. 2013 жылдан бастап «Қармақшы аудандық архиві» филиалының қор сақтау қоймасында тұрған архивтік құжаттарды цифрлық форматқа көшіру жұмыстары жүргізу жұмысы басталған болатын. Арнайы штат ашылып, жас маман ретінде Кенже Қайратбекова жұмысқа қабылданады. Бүгінде ол аталған мекемеде ақпараттық технологиялар жөніндегі инспектор қызметі атқарады.&nbsp;Архив қорында сақталған құжаттар – тарихтың қайнар бұлағы, сол себепті де тарихи сананы жаңғыртуда бұл құжаттардың алатын орны зор. Тарих негізінен деректілік пен нақтылықты, шындық пен әділдікті ғана мойындайды. Ал мұндай нақтылық пен деректілектің қайнар көзі – ол архив қорларында. Сан-саланы қамтитын бұл мекеменің атқарар қызметі де көп.<blockquote>– Архив қызметінің негізгі бағыты – халықтың құжаттық негіздегі жадысы мен естелігін сақтау болып табылады. Архивтік құжаттарды цифрландырудағы түпкі мақсаты құжаттардың түпнұсқаларын бүлдірмей, сол қалпында сақтау және тұтынушыларға жылдам әрі сапалы қызмет көрсету. Өйткені архивтік құжаттарды сақтау және пайдалану барысында құжаттардың тозуы, мәтінінің жойылуы жиі кездеседі. Ақпараттың көптігінен қажетті құжатты қағаз жүзінде іздеп табу көп уақытты алады. Осы мәселелерді шешудің ең тиімді тәсілі – құжаттарды цифрлық форматқа көшіру және электронды архив құру. Өзім IT маманы болғандықтан осы саладағы болып жатқан өзгерістерге, қазіргі қарқынды дамып жатқан жасанды интелект саласына қызығушылық танытамын. Жұмысымды жақсы көремін, – дейді кейіпкеріміз.&nbsp;</blockquote>Қазіргі таңда аудандық архив бөлімінде құжаттарды цифрлық форматқа өткізу үшін арнайы жылдамдығы жоғары Canonimage FORMULA DR-M1060 және Avision AD8120UN маркалы сканерлермен жұмыс істеп тұр. Жоспар бойынша бұл сканерлердің көмегімен күніне 650 парақтан, жылына 143000 парақ цифрлық форматқа өткізіледі екен. Осы уақытқа дейін аудандық архивтегі 142 қордың 25 қорынан 9983 сақтау бірлігі, оның 1 206098 парақ цифрлық форматқа көшірілген.&nbsp;<blockquote>– Бүгінде еліміздің барлық архивтеріне мемлекеттік сақтаудағы құжаттар цифрлық форматқа көшірілуде. Бұл дегеніміз цифрландыру жүйесінің архив саласында мамандарға уақыт үнемдеуге, құжаттардың түпнұсқалылығын сақтауға, сұраныс берушілерге қол жетімділікті арттыруда тигізетін пайдасы зор құрал болып табылады, – дейді білікті маман.&nbsp;</blockquote>Кенже Қайратбекқызы Қызылорда қаласының тумасы. Ол Қызылорда қаласындағы Қорқыт Ата атындағы Қызылорда университетін «Ақпараттық жүйелер» мамандығы ойынша білім алған. 2013 жылы қармақшылық жігітке тұрмысқа шығып, Аяғановтар әулетіне келін болып түседі. Осы жылдан бастап аудандық архив мекемесінде еңбек жолын бастайды. Білікті маманның әр жылғы еңбегінің арқасында марапат төрінен көрініп отырады. Атап айтар болсақ, Қызылорда облыстық ішкі саясат басқармасының «Қоғамдық келісім» КММ-нің «Қызылорда облысының мемлекеттік архиві» басшысының, ауданының әкімі мен аудандық архив филиалының басшысының алғыс хатымен марапатталған. Жолдасы Нұржан Аяғанов осы мекемесінің ІІ санатты архивисті қызметінде. Бүгінде екеуі 2 қыз, 2 ұл өсіріп отырған көпбалалы жанұя.&nbsp;<blockquote>– Отбасында бірінші кезекке балаларымның тәрбиесін қоямын. Себебі ұрпақ тәрбиесі – ұлт болашағы. Төрт баланың анасы болғандықтан, тәрбиеге бей-жай қарай алмаймын. Бос уақытымда олардың тәрбиесі мен біліміне көбірек көңіл бөлгенді дұрыс көремін, – дейді ол.</blockquote>&nbsp;

 Кенже Қайратбекова: Күніне 650 парақ цифрлы форматқа көшіріледі

<a href="https://kyzylorda-news.kz/">Kyzylorda-news.kz.</a>&nbsp; Мөлдір Жүнісбаева – сахна төрінде қоңыр үнімен тыңдарманын ұйытып тыңдата білетін әнші. Берекелі Бесарықтың ибалы келіні, үнемі жайдарлы мінезінен таймайтын өнер иесі небәрі 17 жасында үлкен шаңырақтың ақ босағасын аттаған.– Мөлдір Бірлікқызы Жалағаш ауданының тумасы. Бүгінде қазақ ән өнерінің белді өкіліне айналу үшін өлшеусіз еңбек етіп келеді.Бесарық ауылдық мәдениет үйінде көркемдік жетекші ретінде қызмет атқаратын сала маманы 2001-2005 жылдары Қазанғап атындағы Қызылорда музыкалық кол­леджі­нің «Хорда дирижерлық ету» мамандығын бітірген. Кішкен­тайынан ән айтуға машықтанған Мөлдір­дің бойындағы өнер ұшқынын ең алдымен анасы байқаған екен. Отбасында 2 қыз, 2 ұлдың үлкені бола білген аяулы жан бойындағы талантымен көпті тәнті еткен.<blockquote>– Алғаш 5 жасымда үлкен сахнаға шыққан едім. Ән айтуға деген қабілетімді анам аңғарып, жан-жақты тәрбиелей білді. Жас кезінде гитара аспабымен ән айтқан анама қызығып қараушы едім. Мүмкін қан арқылы тараған өнерді дамыту – менің құзіретімде болған шығар. Қашанда өнерге құштар жан ретінде мамандығымды жақсы көремін. 17 жыл ауыл балабақшасында музыка жетекшісі атансам, соңғы 4 жылда ауылдық мәдениет үйінде қызмет етудемін. Біз отбасымызда үшінші буын өкілдері өнерге жақындығымен танылды. Яғни, менің үлкен қызым Ақайым кәсіби биші болса, Зарина музыка мамандығын меңгеру үстінде. Мұндайда «Алма ағашынан алыс түспейтіндігін» перзенттерім дәлелдеп бергендей, – дейді Мөлдір Бірлікқызы.</blockquote>«Шырайлы келіндер» ансамблінің құрамында ән шырқайтын Мөлдір Жүнісбаева – об­лыстық, рес­пуб­ликалық бай­­­қау­­лар­дың же­ңім­пазы. Сазгер, «Шапағат» меда­лінің иегері Рамазан Тай­манов­тың ән­дерін орын­дау­шылардың «Қазақ қызы» атты об­лыстық әнші­лер бай­қауының дипломанты атанған әнші отбасында жол­дасына сүйікті жар бола жүріп, биік шыңдарды бағын­дыру үстін­де.<blockquote>– Негізінен мәдениет саласы сан тарапқа бөлінген күрделі қызмет түріне жатқызылады. Күні-түні уақытпен санаспай мәдени-көпшілік іс-шаралар өткізу – үлкен жауапкершілікті қажет етеді. Соны­мен бірге өнерлі балғындарды шығар­машылық байқауларға дайындап, қабілетін шыңдау үшін барынша жұмыс жасаймыз. Осындай сәттерде байсал­дылық танытып, үнемі биязы қалпы­мен барлық істін орайын келтіретін Мөлдірдің еңбегін ерекше бағалаймын. Үнемі басшылық тарапынан тапсырылған жұмысты ыждағаттылықпен орындайды. Өнер үшін жаратылған жанды өз басым аса құрметтеймін. Біздің достығымыз бұдан 23 жыл бұрын басталған. Үнемі жанымнан табылатын әріптесім, құрбыма шығармашылық табыс тілеймін, – деді Бесарық ауылдық мәдениет үйінің әдіскері Маржан Дүйсенбаева.</blockquote>Өз ісінің майталманы Мөлдір Жүнісбаева білім мен біліктілігінің арқасында әлі талай ауыл балаларына ән өнерін жан-жақты меңгертеді деп сенеміз.&nbsp;

Мөлдір Жүніспаева: Үлкен сахнаға ең алғаш 5 жасымда шықтым

<a href="https://kyzylorda-news.kz/">Kyzylorda-news.kz</a> Қазақ эстрадасында Мирас пен Құралай, Қыдырәлі мен Қарақат, Жанболат пен Жазира, Әділ мен Дана, Тоқтар мен Бейбіт секілді отбасылық әнші жұптар әуезді әндерімен патша көңілді көрерменнің ыстық ықыласына бөленіп жүр. Бұлар – күллі Алаш жұртына танымал өнер жұлдыздары. Ал облыс, аудан аумақтарында дәл сондай әнші жұптар бар ма? Әрине, бар. Шиелі ауданындағы ерлі-зайыпты өнерлі жұп Елдос Сейілов пен Меруерт Дүйсебайды осы аталған жұлдыздардың қатарына қосар едік. Бұлай айтуымыздың себебі неде? Оның алғашқысы – Елдос пен Меруерттің репертуарындағы әндердің сөзі мен мақамының ерекшелігінде болса, екіншісі, отбасылық дуэт көбінесе халық әндерін айрықша орындайды.«Өнегелі отбасы – ел келешегі» демекші, отбасының ұйытқысы болып отырған жарасымды жұп өнерде де, өмірде де бірге. Қос өнер иесін табыстырған – киелі өнер. Елдостай талантты ер азамат пен Меруерттей дарынды, шығармашыл жанның өмірлік жолы бір арнаға тоғысқаны бекер емес.&nbsp;Қос ғашық аудандық орталық алаңда концерттік бағдарламада өнер көрсетіп жүрген кезде танысқан. Алғашында дос болып араласып, кейіннен махаббатқа ұласып, бүгінде сүп-сүйкімді Исмаил, Ибрагим және Асылым есімді ұл-қыз тәрбиелеп, соларға бар мейірімі мен махаббатын төгіп отыр. Өмірін өнерімен өрнектеген Елдос пен Меруерт ауданның мәдениет саласының дамуына өз үлестерін қосып келеді. Елдос – Шиелінің тумасы. Бойына туа біткен талантымен, адамгершілігімен біршама жетістіктерге жетіп, ауданның мәдениет саласына тез сіңісіп, еңбегімен халқына сыйлы болып жүрген азамат дер едік. Өмірлік серігі Меруерт те – сүйікті жар, аяулы ана, үлгілі келін. Екеуінің негізгі мамандықтары – опералық әнші. Қиын да қызық өнер жолында абыроймен еңбек етіп келе жатқан қос өнер иесінің бір салада қызмет етуі сіздерге қызық шығар?! Ол жайында да өнерлі жұптан сұрап көрдік.&nbsp;<blockquote>– 2017 жыл. Қаңтар айының ызғарлы күні. Дала салқын. Аудандық орталық алаңда концерттік бағдарламаға көрермен болып қайтқаным сол еді, бұлбұл дауысты аруға қалай ғашық болғанымды білмей қалдым. Қылықтары, ерекше үні еріксіз баурап алды. Талай концерттерде бірбірімізді көретінбіз. Негізі мен Меруертті сырттай танитынмын. Ал жақынырақ танысуымыз сол концерттен басталды. Уақыт өте келе, достығымыз махаббатқа ұласып, 2017 жылдың қазан айында шаңырақ көтердік. Бүгінде екеуіміз де аудандық өнер мектебінде жұмыс істейміз. Мерекелік іс-шара болсын, концерт болсын, әрдайым бірге жүреміз, – деді Е.Сейілов.&nbsp;</blockquote>Мәдениет пен өнер – рухани өміріміздің мәйегі. Ал Елдос пен Меруерттің мәдениет саласындағы еңбектері аудан жұртшылығына етене таныс. Олар қосымша тойларға шығып, өнер көрсетеді. Қыз ұзату, тұсаукесер сынды тойларда ән айтып, көпшілікті тамсандырады. Расында, қиын да қызық салада өнері мен өмірін бір толқында тоғыстырып жүру оңай шаруа емес.&nbsp;<blockquote>– Өнер адамы болған соң, бір-бірімізді жақсы түсінеміз. Бұл саланың қиыншылығы мен артықшылығы бізге жақсы таныс. Сол себептен, екеуіміз барлығын бірге жасап, ұйымдастырып, бір-бірімізге сыйластықпен қараймыз. Менің не айтайын деп тұрғанымды көзбенақ ұғып қояды. Елдос маған қай кезде де түсіністік танытып, көмектеседі. Отбасында ең бірінші ұстанымым – жарыма деген адалдығым, сенім мен сезімнің кіршіксіз тазалығы. Осы қасиетімді жан жарым әлі күнге дейін бағалайды. Ата-анамның берген тәлім-тәрбиесі менің бақытты өмір сүруіме септігін тигізуде. Жарымның алдында таза, адал болуға баулыды. Өнер адамдары үшін бұл қасиет өте қажет дер едім. Әйел адамы қашан да төзімділігімен, нәзіктігімен ерекшеленіп тұру қажет. Елекем екеуіміз махаббаттарын мәңгілік сақтап, бала-шағасын бірге тәрбиелеп өсіре білетін үлгілі отбасы болуды армандадық. Шүкіршілік етеміз. Бастысы, қандай қиындық болса да, қол ұстасып, шешімін бірге табуға тырысамыз. Махаббатымыздың өзгелерге үлгі болатыны қуантады, –деді М.Дүйсебай.&nbsp;</blockquote>«Әйел еркелесе, жеңеді, ашуланса, жеңіледі» деген сөз бар. Осы қағиданы ұстанған Меруерт шаңырағын берекеге толтырып отыр. Биыл шаңырақ құрғандарына 7 жыл толыпты.&nbsp;Махаббат – ол екі адамның бірін-бірі қас қабағынан-ақ айтқызбай түсінуі және сүйгенінің жанында өзіңді бақытты сезіну мен оған қамқорлық жасау. Сенімділік бар жерде, қол ұстасқан екі жастың бір-біріне адалдығы білінеді. Армандары бір, ойлары ортақ, мақсаттары айқын жандар өзара бірігуге ұмтылады. Осы ретте Қазақстанның Халық жазушысы Мұхтар Шахановтың «Махаббат дегеніміз – екі парасатты, пайымды адамның сана биігінде жолығуы» деген даналы сөзі ойға оралады. Мақаламызға арқау болған кейіпкерлеріміз де – сана биігінде жолығып, бір-бірімен табысқан жандар.

Шиелі: Өнерді шыңға шығарған қос жұп

&nbsp;<a href="https://kyzylorda-news.kz/">Kyzylorda-news.kz.</a> &nbsp;Ұлт рухының темірқазығы саналатын мәдениет саласы сан тарапқа бөлінген. Мәдениеттің мәйегін сарқыған нағыз таланттар ауыл топырағынан шығатыны жасырын емес. Бүгінде әрбір ауылдағы өнер ошағы жергілікті халық үшін қалтқысыз қызмет етіп келеді. Талай марқасқаларды дүниеге әкелген Бесарық ауылындағы мәдениет үйі жөнінде ақпар бермекпіз.Бесарық ауылдық мәдениет үйінің ғимараты осыдан 45 жыл бұрын пайдалануға берілген екен. Типтік жобада салынған өнер ордасында жыл көлемінде танымдық, мәдени-көпшілік іс-шаралар тұрақты өткізіліп &nbsp;тұрады. Іскер басшы Абзал Молдашев 2005 жылдан бері ауыл мәдениетін көтеруге барын салуда.<blockquote>– Аудан орталығынан шалғайда орналасқан Бесарық ауылында өнерді шын бағалайтын, мәдениет саласына айрықша қолдау көрсететін мейірбан жүректі халық тұратыны баршаға аян. Жыл көлемінде жоспарға сәйкес, сан түрлі іс-шаралар жүзеге асуда. Өнерпаздарымыз аудандық, облыстық республикалық байқаулардан топ жару үстінде. Негізінен, мәдениет үйі жанынан ән, би, домбыра, көркемсөз, драма үйірмесі және «Шырайлы келіндер» ансамблі, «Жаншуақты» халықтық әжелер ансамблі жұмыс жасайды. Үйірмелерге 100-ден аса өнерпаз тартылған. «Сұлу-ай» шығармашылық өнер орталығының қос үйірмесі бесарықтық балғындарды өнерге баулуда. Өнер мен мәдениеттің киелі ошағында 11 маман қызмет етуде. Оның ішінде, әдіскер Маржан Дүйсенбаева, мәдени ұйымдастырушы Сұлушаш Пірназар, көркемдік жетекші Мөлдір Жүнісбаева, «Жаншуақты» халықтық әжелер ансамблінің жетекшісі Гүлзада Бердібекова бар, – деді сала басшысы.</blockquote>Мәдениет ошағында білім мен өнерді ұштастырған майталман мамандардың тәлімін алған өнерпаздар көптеген байқаулардың жеңімпазы атанып жүр. Мәселен, «Әсем-ай» ән үйірмесінің мүшесі Мағжан Әбдіғалиұлы Қазалы ауданының құрылғанына 95 жыл толуына орай жүзеге асқан «Менің елім» атты облыстық онлайн патриоттық ән орындаушылар байқауында, халықаралық «Turkesnan fest» көп жанрлы өнер байқауына «Дәстүрлі ән» жанры наминациясы бойынша өнер көрсетіп, «Бас жүлдемен» марапатталды. Ал Қазына Жылқайдарова «AMANAT music» ІІ халықаралық конкурс-фестивалінің І орын жүлдегері атанды. «Жас қалам» көркемсөз үйірмесінің мүшесі Нұрдәулет Айтбай қоғам қайраткері, педагог-ұстаз Ахмет Байтұрсынұлының туғанына 150 жыл толуына орай өткізілген «Тіл білімнің атасы» атты облыстық байқауға қатысып, ІІ орын иеленді. Жас өрен Дильназ Айтбаева «Алтын ғасыр» шығармашылық орталығының М.Мақатаевтың шығармашылығына арналған республикалық «Жырласам ба екен» атты байқауда І орынды жеңіп алды. Ұлыстың ұлы күнінде «Наурызым – нұрлы ырысым» атты республикалық балалар мен жасөспірімдер арасындағы қашықтықтан өткізілген өнер байқауына Ерсұлтан Қайратұлы «Көркемсөз» оқу жанры бойынша «Бас жүлдені» қанжығасына байлады. «Бейбіт күн жасасын әлемде» атты республикалық балалар мен жасөспірімдер арасындағы өнер байқауында Ұлболған Сәдірхан жеңімпаз ретінде биік тұғырдан көрінді. №147 орта мектеп оқушыларынан құралған «Демеушіміз болашақ» командасы аудандық «Жайдарман» сайыстарының бірнеше дүркін чемпионы бола білген. «Парасатты отбасы» аудандық отбасы байқауында «Остаевтар отбасы» жүлделі І орынды алды. Қалтай Мұхамеджановтың 95 жылдығына орай «Қазақтың дара Қалтайы» атты драма үйірмелерінің аудандық байқауында «Шамшырақ» драма үйірмесі мүшелері жеңістің үшінші орынға жайғасты. Шаған ауылдық мәдениет үйінде өткен «Біздің ауыл...» атты аудандық өнерлі ауыл байқауында «Берекелі Бесарық» ауылдық мәдениет үйінің қызметкерлері Бас жүлдені еншіледі.«Ауыл іші – өнер кеніші» деп бекер айтылмаса керек-ті. Бесарықтық аналар бос уақытын немере тәрбиесіне арнап қана қоймай, ән айтуға да жұмсайтыны анық. Осыдан 15 жыл бұрын құрылған «Жаншуақты» халықтық әжелер ансамблінің Сыр өңірінің мәдени өмірінде алатын орны бөлек болып отыр. Бүгінде қоржындарында 40-қа жуық ән бар ансамбль құрамында 12 ардақты ана өнер көрсетеді. Осыдан 2 жыл бұрын «Абай-Дәулет» ЖШС директоры Мұрат Сәрсенбаевтың демеушілігімен «Жаншуақты» әжелер ансамблі жайында жазылған «Әжелер ән салғанда» атты кітап жарыққа шықты. Үнемі халық әндерін шырқайтын аналар қауымы көптеген байқаулардың жеңімпазы саналады.<blockquote>– Бесарық ауылының қойнауында небір құнды дүние жеткілікті. Мәдениет саласында қызмет ете жүріп, өз уақытысында жергілікті халықпен біте қайнасып жұмыс жасаған болатынбыз. Қазіргі уақытта мәдениет саласынан алыстаған емеспін. Абзал інім бастаған ұжым жемісті еңбек етуде. Ауылымызда 400-ге жуық жәдігер бар арнайы мұражай бар. Аудан, облыс көлемінде жүзеге асатын барлық іс-шараның басы-қасынан табылатын сала мамандарының жұмысына сәттілік тілеймін, – деді мәдениет саласының майталманы Жұмабай Байзақ.</blockquote>Ауылдық мәдениет үйінің ұжымы «Өнерге қанат қаққандар» атты гастрольдік сапармен бірнеше ауылға, қайырымдылық жобасы бойынша «Қарттар үйіне», «Оңалту» орталығының мүмкіндігі шек­теулі жандарға арналған концерттік бағдарламасын ұсынды. Қашанда өнер арқылы елдің берекесін келтіріп, нағыз дарынды, талантты шә­кірт­тер шоғырын қа­лыптастыра біл­ген ауылдағы мәдениет үйі – ел үшін өлшеусіз еңбек ете бермек.

Бесарықта үйірмелерге 100-ден аса өнерпаз тартылған

&nbsp;<a href="https://kyzylorda-news.kz/">Kyzylorda-news.kz.</a> &nbsp;Бесарық ауылдық мәдениет үйі жанынан «Сұлу-ай» шығар­машылық өнер орталығының «Ұлттық би» үйірмесі жұмыс жасайтыны мәлім. Орталықтың құрамына кіретін үйірменің шәкірттері үлкенді-кішілі байқау­лардан топ жарып жүр. Мәдениет ошағында алғаш би үйірмесін ашқан уақытта Гүлсара Байғабылова ауыл жастарын би өнеріне тартқан еді.Өмірде біз ойлай бермейтін сан түрлі тосын жағдайлар орын алады. Әрқашан әріптестерінің ортасында жарық жұлдыздай жарқырап жүретін Гүлсара Байғабылова 2022 жылы кенеттен дүниеден озғаны баршаған аян. Үнемі ақкөңіл қалпынан таймайтын өнер иесі ауылдық мәдениет үйінде 8 жыл қызмет атқаруда. Оның мәдени ұйымдастырушы ретінде қол жеткізген жетістіктері зор. Өткен жылы мәдениеттің шынарының құрметіне арналып, жас бишілерден тұратын «Гүлсара» би тобы құрылды. Орталық құрылтайшысы Анар Қалдыбаева жаңадан топ құрылған сәтте өз пікірін білдіріп, әріптесінің еткен еңбегін жоғары бағалаған еді.– Ең алғаш Бесарық ауылынан би үйірмесін ашуға ниет еткен кезімізде мінезі жарқын, кәсіби маман Гүлсара әріптесіміз басы-қасынан табылғанын жақсы білеміз. Үнемі жадыраған жүзінен жақсылық нұры есіп тұратын әріптесіміз ауыл балаларының бимен айналысуына жағдай жасады. Әрине, аяулы жаннан қапияда айырылып, қабырғамыз қайысты. Өзі негізін салған би үйірмесінің мүшелерінен құралған шығармашылық топқа Гүлсараның есімін беруді жөн көрген едік. Алдағы уақытта «Гүлсара» би тобы ел игілігі үшін қызмет ететін болады. Біз мамандарымызға еркіндік береміз. Шығармашылық әлеуетін бағамдаймыз. Жұмысын саралаймыз. Бесарық­тағы үйірмені жүргізіп отырған Шапағат Жар­қын­бек бар мақтауға лайықты. Әрептестері оның болашағынан зор үміт күтеді, – дейді Анар Қалдыбаева.Бүгінде жас та болса, талапты, кәсіби шеберлігі мол ұстаз Шапағат Жарқынбек үш топқа дәріс береді. 50-ден аса би өнерінің өрендері кіші, орта, үлкен топқа бөлінген. Жыл көлемінде республикалық, облыстық байқаулардың жүлдегерлеріне сах­на­лық киім демеушілер есебінен тіктіріліп берілген болатын.<blockquote>– Мемлекеттік бағдарламаның шапағатын көрген бишілеріміздің алар асуы әлі алда. Ауыл балалары өнерге жақын екендіктерін алғаш келген сәттен байқата білді. Күн­де­лікті сан халықтың биін балаларға мең­гертіп, ауылдың мақтаныштарын тәр­бие­леп шығу­ға барымды саламын. Біз 27 сәуір күні өткізілетін облыстық «Боз­торғай» бай­қауында бақ сынаймыз. Осы бастан қыздарымыз да­йын­дық­ты бастап кетті, – деді жас ұстаз.</blockquote>Былтыр «Q-ART FEST» тақырыбындағы VIII рес­­пуб­ли­ка­лық өнер бай­қа­уында же­ңімпаздар қатарынан кө­рін­ген «Гүлсара» би то­бының аяқ алысына ата-аналар дән риза.&nbsp;

Сырдариялық өнерпаздар мемлекеттік бағдарлама шапағатын көруде 

<a href="https://kyzylorda-news.kz/">Kyzylorda-news.kz</a> А.Тоқмағанбетов атындағы қалалық мәдениет үйінде «Толқын тербеткен тау тұлға» атты дәстүрлі «Көктем нұры» республикалық оқушылар айтысы өтті. Қала әкімдігі қолдап, мәдениет және спорт бөлімі ұйытқы болған өнер сайысына Әбдіжәміл әлемі арқау болды.&nbsp;Республикалық оқушылар айтысына айтыскер ақындар, Мәдениет саласының үздігі Нұрмат Мансұров, Қазақстан Жастар одағы сыйлығының иегері Зухра Төлепова, «Құрмет» орденінің иегері Мамыр Байдәулетов төрелік етті.Айтыс ұлттық өнердің нәрі мен сәнін бойына тоғыстырған жас таланттардың басын қосты. Жылы қабақ, тәтті тілек, жарасымды әзіл сөз додасының шырайын кіргізді.Қалалық мәслихат төрағасы Ибадулла Құттықожаев ақындарға сәттілік тіледі.<blockquote>Қазақтың бітім-болмысын биіктеткен айтыс осындай өскелең ұрпақ арқылы мәңгі жасай бермек. «Өлеңге әркімнің де бар таласы» деп ұлы Абай айтқандай, жас дарындардың талабын қолдау қашанда маңызды. Әбдіжәміл Нұрпейісов әдебиеттің көркем келбетін қаламгерлік шеберлікпен өз биігіне жеткізген. Биыл Сыр өңірінде «Руханият жылы» болып жарияланды. Соның аясында «Өнер орталығы», «Жыраулар үйі» ашылып, пайдалануға берілді. Музыка колледжінің жаңа ғимараты бой көтеруде. Бұл – өнер өлкесіндегі айшықты жетістіктердің бір парасы ғана. Еліміздің жеті аймағынан келген жыр жүйріктерінің талабына нұр жаусын! – деді И.Құттықожаев.</blockquote>Алғашқы жұп болып алматылық Айбарыс Сауытқан мен сырбойылық Ұлықбек Бектай сөз қағыстырды.Ел есінде қаларлық айтыс екінші жұптың еншісіне бұйырды. Ақмола облысы Ерейментау ауданының атынан сынға түскен Сәттібек Серікболатұлы мен Қызылорда қаласының намысын қорғаған Салтанат Жаппасбай жұрт күткен айтыстың үдесінен шықты.Қыз бен жігіт жауаптасуын жасаған бұл жұпқа халық та риза болды, қазылар да қаталдық танытпады.Одан әрі Батыс Қазақстаннан Бекзат Маратұлы, Шығыс Қазақстаннан Данияр Оралғазы орамды ой, сүбелі сөзімен көпшілік ықыласына бөленді. Бекзат қарсыласына қарағанда басымдық танытты.<blockquote>Дарабоз деп ойласам додадағы, Паравоз екенсің ғой оталмаған, – деген Бекзаттың әдемі әзілдері дода көркін қыздыра түсті. Солтүстік Қазақстан облысы Қызылжар ауданының үкілі үміті Сұлтан Жарқынұлы, Жаңақорған ауданының жас жүйрігі Мұхаммедәлі Абдуллаев, астаналық Берік Әсет пен сырдариялық Нұрахмет Мансұровтың сөз қағысуы көрерменнің көзқуанышы болды.</blockquote>Айтыс қорытындысы бойынша Бекзат Баян Серік Өтеуов атындағы, Данияр Оралғазы Серік Ыдырысов атындағы, Берік Әсет Махамбетқали Тұрсанов атындағы, Мұхаммедәлі Абдуллаев Бекұзақ Тәңірбергенов атындағы, Нұрахмет Мансұров Кенжебай Жүсіпов атындағы арнайы жүлдеге ие болды. Жыр бәйгесінің жүлделі үшінші орыны Сұлтан Жарқынұлы мен Ұлықбек Бектайға берілді. Екінші орын алматылық Айбарыс Сауытқанға лайық деп танылды. Бірінші орынды Салтанат Жаппасбай жеңіп алса, бас бәйгемен Ақмола облысының ақыны Сәттібек Серікболатұлы марапатталды.<blockquote>&nbsp;Бүгін Алаштың анасы болған Сырдың жағасында төл өнерімізді ту еткен жас жүйріктердің аламаны өтті. «Көктем нұры» республикалық айтысы дәстүрлі сипат алып келеді. Сөз бәйгесінде оза шапқан барша ақындарға алғыс айтамын. Өнер өлкесіндегі жыр жәрмеңкесі жалғасын таба бермек, – деді қалалық мәдениет және спорт бөлімінің басшысы Жағыпар Тәжмаханов. &nbsp;</blockquote>

Толқын тербеткен тау тұлға

<a href="https://kyzylorda-news.kz/">Kyzylorda-news.kz</a> &nbsp;Парасат-пайымның биігінде шәкірттерінің жанына нұр құя білген, тәрбиелік тағылымға толы саналы ғұмырын жарқын болашақ иелеріне арнаған Қазақстан Республикасы білім беру ісінің Құрметті қызметкері, Қазақстан Республикасы білім беру ісінің үздігі, “Абай” атындағы алтын төсбелгісінің иегері, Абайтанушы, жоғары санатты ұстаз Абат Жолдасқызының 80 жылдық мерейлі жасына арналған “Шыңдатып мыңды үйреткен жүрегімен” тақырыбындағы әдеби шығармашылық сазды кеші Қызылорда қаласындағы № 12 І.Қабылов атындағы ІТ – мектеп- лицейінде өткізілді.Салтанатты кешке басқарма басшысы Асқарбек Есжанов, қалалық ардагерлер төрағасының орынбасары Ермағамбетова Күләй Сағындыққызы, Халықаралық қазақ тілі қоғамының Қызылорда облысының филиалы төрағасының орынбасары Жалғасбек Аманұлы, қалалық білім қызметкерлері кәсіподақ ұйымының төрайымы Орынша Алимбетова және қала, мектеп ардагерлері қатысты. Асқарбек Темірбекұлы 45 жылдан аса мектепте ұстаздық етіп, мыңдаған шәкірт түлеткен ұстаз, дара да дана тұлға Абайдың әкесі Құнанбайдың осы кезге дейін ел таныған бейнесіне жаңаша көзқарас тудырып, ғылым жолында ізденіп, филология ғылымдарының кандитаты атанған Абат Жолдасқызының құрметіне “Абайтану” кабинетін салтанатты түрде ашты. Сыр өңіріне белгілі бірегей Ұстаз-Ана, ғалым Абат Жолдасқызы құрметіне ашылған заманауи жабдықталған “Абайтану” кабинетінде алдағы уақытта талай шәкірттердің шырағы жағылып, білім нәрімен сусындатып, ғылым жолына бастау салынбақ деген ізгі лебізін білдірді.Салтанатты шара ұстаздың өнегелі дара жолы, оннан аса зерттеу жұмыстары мен ғылыми еңбектерін, құндылыққа толы дүниелерін таныстырған жетісітіктер галереясына ұласты. Жас ұрпақты оқыту мен тәрбиелеу ісіндегі еңбегі жанған, бүгінде ардагер ұстаз Абат Жолдасқызының құрметіне арналған “Шыңдатып мыңды үйреткен жүрегімен” тақырыбындағы әдеби шығармашылық сазды кешінде сөз алған басқарма басшысы Асқарбек Темірбекұлы мерейлі жас иесіне арнаған жүрекжарды лебізін білдіріп, құттықтау хаты мен сыйлығын табыс етті.Мерей той иесі жайында өздерінің жылы естеліктерімен бөліскен Абат Жолдасқызының замандас әріптестері, ардагер ұстаздар мерей той иесіне ыстық тілектерін арнады. Жүрегі қазақ деп соққан қазақ елінің Абайды тануға, бағалауға, құрметтеуге өз үлесін қосқан ұстазды ұлықтаған мерейлі &nbsp;кештің рухы асқақ, жан-жақты шығармашыл, дарынды тұлға болып өсіп келе жатқан ұрпағымызға берері мол болды. &nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;

Қазақстан және Қызылорда облысының жаңалықтары: Мәдениет