<a href="https://kyzylorda-news.kz/">Kyzylorda-news.kz</a>&nbsp; «Отбасы орталығында» озық ойлы, креативті кәсіпкерлердің басын қосқан «Creative Orda» бизнес клубы өз жұмысын бастады. Бұл – шығармашыл жандарды бір ортаға жинаған, жаңа бизнес бастамаларды қолдауға арналған алаң.Мемлекет басшысы Қасым-Жомарт Тоқаевтың «Әділетті Қазақстанның экономикалық бағдары» атты Қазақстан халқына Жолдауында "Экономиканы өркендетуге және халықты жұмыспен қамтуға ықпал ететін тағы бір бағыт – медиа, кино, музыка, дизайн, білім беру, ақпараттық технология салаларын қамтитын креативті индустрия" деп атап өткен болатын.<blockquote>– Қазіргі заманда азаматтардың шығармашылық әлеуетіне және зияткерлік капиталына арқа сүйейтін «креативті өндіріс» салалары шынайы инклюзивті экономиканы дамытудың қайнар көзі саналады. Бұл аз десеңіз, креативті экономика дарынды әрі шығармашыл адамдарды өзіне тартатын ірі қалалардың дамуына ықпал етуші күшке айналуда. Қазақстанда бұл сала әлі дамымаған. Креативті индустрияның ішкі жалпы өнімдегі үлесі бір пайызға да жетпейді, жұмыспен қамту саласындағы үлесі өте төмен. Дегенмен дарынымен бүкіл әлемді мойындатып жүрген отандастарымыз аз емес.Біз елімізде креативті экономиканың жан-жақты дамуына барлық жағдайды жасауымыз керек. Соның ішінде, зияткерлік меншікті қорғайтын құқықтық тәсілдер қажет. Бұл – өте маңызды мәселе, – деген болатын ел Президенті.&nbsp;</blockquote>Атап өту керек, креативті индустрияға жататын экономикалық қызмет түрлерінің тізбесін бекіту туралы Үкіметтің 6 маусымдағы №448 қаулысы бекітілді. Оған 43 экономикалық қызметтің жалпы жіктемесі енгізілді.Олардың ішінде зергерлік іс, кино және анимация, кітапханалар және музейлер, мәдени мұра, музыка, сәулет және сән, телевизиялық бағдарламалар, фотография, халық кәсіпшілігі, ІТ және геймдевелопмент сынды салаларға қатысты қызмет түрлері бар.&nbsp;Бүгінде аймақта осы салалардың жұмысын жандандыру, жұртшылыққа кеңінен насихаттау мақсатында жаңа жобалар жүзеге асуда. "Анаға тағзым" орталығы басшысының кревтивті индустрия жөніндегі орынбасары Айдана Хабиева шығармашылық пен шеберлікті ұштастырған кәсіпкерлердің клубын құру идеясы осы жылдың басында туындағанын атап өтті.<blockquote>– Орталықта "Креативті индустрия" бөлімі ашылғаннан кейін шығармашыл тұлғаларды қолдау бағытындағы жобаларды бастап кеттік. Соның алғашқысы – көптің көңілінен шыққан "Брендке бір қадам" көрмесі. Көрмеге зергерлік іс, сәндік-қолданбалы және халықтық кәсіпшілік өнерін табысқа айналдырып жүрген шеберлер жиналды. Шара барысында креативті кәсіпкерлер 10 миллион теңгеден астам қаржы жинады.&nbsp;Көрме халыққа да, бизнес өкілдеріне де тиімді болды деп айта аламын. Жиналған жұртшылық ерекше дизайндағы дүниелерге қызығушылық танытып, сауда жасады. Ал кәсіпкерлер елмен тығыз байланыс орнатып, көрме арқылы көбірек табыс табуға болатынын білді. Соның нәтижесінде кәсіпкерлер тарапынан шеберлік сағаттарын өткізіп, ақпараттық қолдау көрсетсеңіздер деген ұсыныс жиілей түсті. Себебі қолөнер бұйымдарын жасаумен қатар, маркетинг талаптарын білу, тұтынушылармен тұрақты байланыс орнату өте маңызды. Бір қызығы қызылордалық танымал кәсіпкердің семинар-тренингтерге қатысу үшін Алматыға жиі баратынын көретінмін. Осыдан кейін ойымда "неліктен бизнес клубты Қызылордада ашпаймыз? деген &nbsp;сұрақ туындады. Соның нәтижесінде сырбойылық шығармашыл тұлғалардың басын қосып, креативті кәсіпкерлердің клубын ашу туралы идеяны жүзеге асырдық, – деді Айдана Маратқызы.&nbsp;</blockquote>«Creative Orda» бизнес клубының мақсаты – жас кәсіпкерлердің ортасын құру, бір-бірімен тәжірибе алмасып, коллаборация жасауына мүмкіндік беру, танымал бизнес өкілдерінің қатысуымен шеберлік сағаттарын өткізу. Бүгінде облыстағы креативті кәсіпкерлер ұлттық брендті әлемдік нарықта танымал ету мақсатында жұмыс істеуде.<blockquote>– Бизнес клубқа тіркелген кәсіпкерлерге арнайы куәлік беріледі. Олар сол куәлік арқылы біз ұсынған тізімдегі киім дүкені, сұлулық салоны, зергерлік дүкендерде 50 пайыздық жеңілдікпен сауда жасай алады. Креативті кәсіпкерлерді қолдау жұмыстары алдағы уақытта да кеңейе береді. Отбасы орталығында ай сайын 2-3 рет көрме өткізіп, қолөнер бұйымдарын ел назарына ұсыну жоспарда бар. Қазір тойдағы рәсімдерде камзол, шапан сыйға беріледі. Ұлттық киімдеріміздің көбі қытай, қырғыздардың өнімі. Алдағы уақытта халық өзімізде өндірілген, Қызылордада жасалған киім, тұрмыстық заттарды тұтынса дейміз, – деді Айдана Хабиева.&nbsp;</blockquote>Аймақта тоқыма бұйымдарын жасайтын қолөнерші аз. «Creative Orda» бизнес клубының мүшесі Айғана Ақатаева – тоқыма бұйымдарын жасаудың шебері. Он жылға жуық медицина саласында еңбек еткен ол бала күтімі кезінде жаңа кәсіпті қолға алған. Бүгінде көпбалалы ана бас киім, аяқ киім, сондай-ақ сүйкімді мультфильм персонаждарын тоқиды. Айтуынша, ойыншыққа деген сұраныс жоғары.<blockquote>– Тоқымамен айналысқаныма 6 жылға жуықтапты. Кейінгі кезде тоқыма тоқуды үйретіңізші деген қыз-келіншектердің қатары көбейді. Бірақ бала күтімімен үйде болғандықтан, сабақ өткізуге арналған орын іздеу қажет болды. Курстың бағасы мен сабақ өткізетін орынды жалға алу ақысы да ойландырғаны рас. Осы орайда "Анаға тағзым" орталығындағы "Креативті индустрия" бөлімі көп қолдау көрсетіп, &nbsp;арнайы кабинетте шеберлік сабағын жүргізуіме мүмкіндік берді.&nbsp;Мамыр айынан бастап 40 адамға тоқыма тоқу өнерін үйреттім. Олардың ішінде 9 жастағы оқушы қыздардан бастап 50 жасқа дейінгі апалар да бар. Бұл салада табыс табу үшін қазіргі медианы, маркетингті тиімді пайдалану керек. Айына 150-200 мың теңге табыс табамын, ал "Анаға тағзым" орталығында өткізілген көрмелер кезінде 300-500 мың аралығында қаржы түсті, – деді Айғана Ерболқызы.&nbsp;</blockquote>Әдемілік пен шеберлікті ұштастырған Айғана тоқыма тоқу өзге дүниені естен шығарып, ерекше демалыс сыйлайтынын айтты.&nbsp;Қазіргі уақытта «Creative Orda» бизнес клубында 30-ға жуық креативті кәсіпкер тіркелген. Олардың ішінде ұлттық өнердің бағасын биіктеткен қолөнершілерден бөлек, картинасы арқылы сан жанарды жаулаған суретшілер, ерекше дизайндағы бұйымдар дайындайтын зергерлер де бар. А.НҰРТАЙҚЫЗЫ Фото: aqmeshit-zhastary.kz

«Creative Orda» ұлттық брендті танымал етуге үлес қосуда

<a href="https://kyzylorda-news.kz/">Kyzylorda-news.kz</a> Бүгін Арал Аудандық мәдениет үйінде өткен&nbsp; Ұлт-азаттық көтерілісінің көсемі Жанқожа Нұрмұхаммедұлының туғанына 250 жыл толу мерейтойына арналған «Ел қорғаны Жанқожа» атты республикалық ғылыми-танымдық конференцияда 60 жас мерейтой иесі, Әл-Фараби атындағы Қазақ Ұлттық университеті филилогия факультеті, қазақ әдебиеті және әдебиет теориясы кафедрасының доценті, филология ғылымдарының кандидаты Серікбай Қосанов «ЖАНҚОЖА БАТЫР» ЖЫРЫНЫҢ НҰСҚАЛАРЫ ТУРАЛЫ тақырыбында баяндама жасады. Назарларыңызға баяндаманың толық мәтінін ұсынып отырмыз. "ЖАНҚОЖА БАТЫР" ЖЫРЫНЫҢ НҰСҚАЛАРЫ ТУРАЛЫ" Жанқожа батыр жайында 10-нан аса тарихи жыр-дастандар шығарылып, ел арасына кең тараған. Солардың арасында Мұсабай, Лұқпан, Жөкей, Қарман, Нұрсұлтан, Орнықбай сынды ақын-жыраулардың туындыларын ерекше атаймыз. Жанқожа жайындағы тарихи жырды Н.Г.Веселовскийден бері қарай С.Сейфуллин, Т.Шонанұлы, С.Мұқанов, Ә.Қоңыратбаев, Е.Тұрсынов, С.Қасқабасов, Б.Шалабаев, Н.Төреқұлов, С.Садырбаев, Ж.Тілепов, Б.Жүсіпов, т.б. ғалым-әдебиетшілер зерттеді. Қалай болғанда да Жанқожа батыр туралы тарихи жырлар мен аңыз әңгімелер Сыр бойы халқының жүрегінен өшпес орын алғаны анық. Енді осы кітапқа енген батыр жайындағы&nbsp; жыр нұсқаларының ғылыми сипаттамасына тоқталайық. Мұсабай жырау нұсқасы.&nbsp;Кеңес үкіметіне дейінгі дәуірде, одан бергі кезеңде де ауыз әдебиеті мен фольклорда біраз зерттеліп, сөз болған батыр туралы бірден-бір тарихи жыр мәтіні осы нұсқа екені белгілі. Жырды алғаш жазып алушы XIX ғасырдың соңғы жылдарында Қазалы қаласындағы орыс әскери бекінісінің штабында қызмет атқарған офицер И.В.Аничков өзінің Жанқожа батырдың өмірі мен ерліктерін баяндаған тарихи очеркінде мынадай мәлімет келтірген: «Мен ол деректерді екі жерден жинадым. Оның біріншісі, қазір Қазалы қаласы деп аталатын № 1 форттың коменданттық басқармасының архиві... Екінші бір көз – кейде қиял-ғажайып ертегі сықылды көрінгенімен аса қызықты, батырдың өмірі жайында ел арасында ауызша тарап жүрген аңыз әңгімелер еді. Мен мұның көбін Жанқожаның сарбазы болған, онымен бірге Созаққа дейін бірге барған, 1847 жылғы тамыз айының 21-і күні Жаңақала үшін болған шайқасқа қатысқан, 1850 жылы Қоқан қамалы Қосқорғанды (қазіргі № 2 форт) басып алу кезінде орыс әскерлерінің сапында болған қазақ қолының санатына кірген, кейіннен Жанқожа көтерілісіне қатысамын деп, сол бүлікті басу кезінде жараланған, баяғы бір ат арқасында жүрген шағының белгісі ретінде ақ найзасын қара үйдің іргесіне шаншып қойып, бүгіндері Жаңаарықтағы өз аулында тіршілік кешіп жатқан қарт батыр Байжанұлы Ізтілеудің аузынан естідім. Енді бір әңгімені Жанқожаның інісі Бектің баласы Жұмабайдың қолында отырған батырдың бір әйелінен жазып алдым. Ең көбін батыр туралы әңгіме-аңызды төкпей-шашпай сақтай білген, оның ең жақын туысы боп келетін, барлық айтушылардың әр түрлі нұсқаларын түгелге жуық жинаған, Майдан аталығынан тараған атақты Мұсабай жыраудан есіттім»... «Мұсабай жыраудың толғауы» деп аталатын бұл жыр алғаш И.В.Аничковтың ұсынуымен Петербургте Н.Веселовский бастырған жинақта және сол жылы Қазан университетінің хабарларында жарияланды. Яғни, 1894 жылы осы шаһарда зерттеушінің «Қазақ батыры Жанқожа Нұрмұхаммедұлы» атты тарихи очеркі жарық көргені мәлім. Мұнан соң аталған тарихи жыр 1926 жылы «Жаңа мектеп»журналының № 5 санында аздаған қысқартумен жарық көрді. Басты себебі, Мұсабай жырында орыс басқыншыларын қатты айыптаумен бірге мұнда әрі Орта Азия мұсылмандарының ғазауат тақырыбындағы жыр-қиссаларында ерекше дәріптелетін Араб-Ислам халифатының IV әділетті билеушісі, Мұхаммед пайғамбардың /с.ғ.с/ күйеу баласы – әзіреті Әлидің есімі бірнеше рет аталған-ды. Жыр – толғаудағы:&nbsp;«Қамыстың торғай қонар жел басына, // Ау, орыс, өлем десең, кел қасыма!»&nbsp;деп келетін біраз тармақтар да Кеңестің шовинистік әрі коммунистік саясатына еш үйлеспеді. Осыдан барып, Жанқожа батыр туралы әдепкі эпос ұзақ уақыт жарияланбай назардан тыс қала берді. Т.Шойынбаевтан өзге қазақ тарихшылары да Сыр бойы егіншілерінің азаттық күресінің көсемі Жанқожа батыр қозғалысын реакцияшыл, феодал, билердің жетекшілігімен өтті деп бағалады. Қазақ әдебиеті мен фольклортануда батыр жайындағы жырлар тек өткен ғасырдың 60-жылдарынан кейін ғана зерттеле бастады. Атап айтсақ, Б.Шалабаевтың, содан соң Е.Тұрсынов, С.Қасқабасовтардың зерттеулерінде&nbsp;Жанқожа батыр жайындағы тарихи жырлар алғаш рет ғылыми нысанға айналды. Б.Шалабаев жырды әдеби тұрғыдан қарастырса, соңғы екі ғалым Мұсабай нұсқасын аралық жанрға жатқыза келе, мұнда тарихи жыр мен дәстүрлі эпостың және тұрмыс-салт өлеңдерінің де белгілері сақталғанын айтқан. Көрнекті фольклортанушы С.Қасқабасовтың:&nbsp;«Оқиға болып жатқан кезде, немесе соның артынша туған тарихи өлеңдер бірте-бірте, араға біраз уақыт салып барып шоғырланып, белгілі бір циклге топталып, жырға айнала бастайды. Оны жырға айналдырушылар – сол оқиғаның ішінде болған, немесе оны жақсы білетін өте қабылетті ақын-жыршылар», – деген ғылыми тұжырымдарының Жанқожа батыр жөніндегі тарихи жырларға, оның ішінде Мұсабай жыраудың вариантына да қатысты айтудың қисыны бар. Жанқожа батыр туралы тарихи жырлардың біразының сюжеттік ерекшелігін Н.Төреқұловтың зерттеуінен табуға болады. Мұнда ол Мұсабаймен қатар Лұқпан Кенже ұлы, Жөкей Шаңғытбаев және жыршысы белгісіз тағы бір нұсқаны талдап, бұл шығармалардың әлі де зерттеле түсу қажеттігін жазған. Ал белгілі әдебиет тарихшысы&nbsp;Ж.Тілеповтіңеңбектерінде&nbsp;«Жанқожа батырдың толғауы» да арнайы сөз болған. Зерттеуші Мұсабай жырлаған нұсқаның сюжеттік үш арқауына назар аудара отырып, олардың тарихи сипатына тереңдей талдау жасаған. Атап айтқанда, Жанқожаның Хиуа хандығына қарсы соғысы, Ресей басқыншыларымен арадағы шайқас және батырдың қапыда қаза болуы сынды оқиғаларды ғалым егжей-тегжейлі, салыстыра зерттей отырып, Мұсабайдың жыраулық деңгейін жоғары бағалайды. Сондай-ақ, Ж.Тілепов Мұсабай нұсқасының екі бірдей ерекшелігін атап көрсеткен. Зерттеушінің пікірінше, «Мұсабай&nbsp;-&nbsp;әдеби мұрасы өткен ақырында-ақ орыс және қазақ тілдерінде алғаш жарияланған автор ретінде назар аудартатын кісі». Екіншіден, Мұсабай жырында Иван Иванович атты орыс кейіпкердің болуын ғалым&nbsp;«революцияға дейінгі жыраулық поэзияның алғашқы да соңғы орыс кейіпкері»&nbsp;деп санай отырып, аталған кейіпкердің шынында өмірде болғандығын тарихи деректермен дәйектейді. «Жанқожа батырдың толғауы» атты тарихи жыр жөнінде кезіндегі С.Мұқановтың әдеби очеркінде&nbsp;және Т.Қоңыратбаевтың зерттеулерінде де бағалы ой-пікірлер бар. Жырдың Қазан қаласында жарияланған тұңғыш басылымынан өзге бірнеше нұсқалары ҚР БҒМ ОҒК Сирек қорында сақталған. Лұқпан Кенжеұлы нұсқасы.Едәуір көлемді жырдың бұл нұсқасын 1946 жылы жыршының немере інісі Қаражан Рүстемов жазып алып, Алматыдағы Тіл-әдебиет институтының қолжазба қорына өткізген. Қолжазбадағы деректерге қарағанда Л.Кенжеұлы 1898 жылы Қазалы ауданына қарасты кейінгі Амангелді ауылында туған. Арабша-орысша сауаты мол болған. 20 жасынан бастап, қаладағы халық сотының хатшысы болып қызмет атқара жүріп, елдегі қарт кісілерден Жанқожа батыр жайындағы аңыз-әңгімелерді жинап, үлкен қисса, жыр жазуды мақсат еткен. Алайда небәрі 32 жасында өмірден өткен Лұқпан бұл арманын толық бітіре алмаса да, соңына ардақты батырдың бірнеше ерлік істерін баяндайтын бас-аяғы бүтін, тілі өрнекті, кейінгі ұрпаққа өнегелі жыр нұсқасын қалдырған. Лұқпан нұсқасында Жанқожа батырдың қарақалпақ Тықы, Хиуа бегі Бабажан сарт, түрікпен Әйімбет батырларды жеңіп, Жаңкент, Қазалы төңірегін жаудан тазартумен бірге Сырдың ортаңғы бөлігіндегі Созақ, Қосқорған, Сайрам қамалдарын қиратып, жергілікті қазақтарды Қоқан езгісінен құтқарған жанкешті жорықтары өте әсерлі жырланған. Мұнда жыршы, әсіресе, Жанқожаның түрікпен Әйімбет батырмен жекпе-жегіне және батырдың Кенесары ханмен бірлесіп Созақ бекінісін алу кезіндегі ерлік істеріне ерекше тоқталып, соғыс суретін барынша қызықты әрі шебер тілмен асқақ эпикалық екпінде сомдаған. Осындағы батырдың жорық күйін орындайтын ұраншысы&nbsp;Төремұрат жыраудың&nbsp;бейнесі&nbsp;өте сәтті шыққан. Оның бекініске шабуылдың алдында Шекті батырларын жігерлендірген ұран-жыры көптеген әдебиет, фольклор зерттеушілерінің назарын аударғанын білеміз: Екі жүзді семсердің Балдағы қолда қалғанша, Ат басындай сұм жүрек От болып қаулап жанғанша, Мөлдіреген екі көз Жұмылып қанға толғанша. Тыным алып, ас ішпей, Ат баурынан қан кешпей, Бас кесіліп, ат босап, Ел бетін көрмес күн бүгін! – деп толғаған жырау Кіші жүз батырларының есімдеріне мақтау айтып, жеңіс жолына жалынды тілек, батасын беріп аттандырады. ОҒК сирек қорында Лұқпан Кенжеұлы нұсқасының бірнеше көшірмелері сақталған. Олардың араб және қазіргі қазақ харпінде жазылған біреуін ел аузынан жазып алып тапсырушы – Нағымбек Қарабатыров болса, екіншісін Жанқожаның шөбересі Күрегеннің ұлы Қобылан өткізген".

"Жанқожа батыр" жырының нұсқалары туралы

Қазақ тарихындағы батырлар институты және Жанқожа батыр

<a href="https://kyzylorda-news.kz/">Kyzylorda-news.kz</a> Арал ауданында «Ғасырлар тоғысындағы дарабоздар» шарасы аясында Ұлт-азаттық көтерілісінің көсемі&nbsp; Жанқожа Нұрмұхаммедұлының туғанына&nbsp; 250 жыл толу мерейтойына арналған&nbsp;«Ел қорғаны Жанқожа»&nbsp;атты республикалық ғылыми-танымдық конференция өтуде.Конференцияға облыс әкімінің орынбасары Ш.Байманов, ҚР ҰҒА академигі, тарих ғылымдарының докторы, профессор Б.Кәрібаев, Әл-Фараби атындағы Қазақ Ұлттық университеті филилогия факультеті, қазақ әдебиеті және әдебиет теориясы кафедрасының доценті, филология ғылымдарының кандидаты С.Қосанов, журналист, филология ғылымдарының кандидаты Н.Көбегенұлы, тарихшы-өлкетанушы Б.Қуатов, зиялы қауым өкілдері, ақын-жазушылар, облыстық, аудандық мәслихат депутаттары қатысуда.Ғылыми-танымдық шараны облыс әкімінің орынбасары Шахмардан Асқарұлы ашты. Сонымен қатар «Қазақ тарихындағы батырлар институты және Жанқожа батыр» тақырыбында Берекет Бақытжанұлы, «Жанқожа батыр» жырының нұсқалары туралы» Серікбай Қылышбайұлы, «Бекмырза – Жанқожа батыр серігі» тақырыбында баяндама жасаса, «Жанқожа батыр туралы тарихи өлең жырлардың жаңғырығы және өміршеңдігі» жөнінде Нұрлан Көбегенұлы сөз қозғайды.Фото: Арал ауданы

Арал ауданында «Ел қорғаны Жанқожа» атты республикалық ғылыми-танымдық конференция өтуде

<a href="https://kyzylorda-news.kz/">Kyzylorda-news.kz</a> Қызылордадағы «Өнер орталығында» «Руханият жылы» аясында композитор, Қазақстанның еңбек сіңірген қайраткері, Мемлекеттік сыйлықтың лауреаты, «Парасат» орденінің иегері Төлеген Мұхамеджанов пен Мемлекеттік сыйлықтың лауреаты, Қазақстан және Татарстан Республикасының Халық әртісі Нұржамал Үсенбаеваның «Мен сенімен кездестім» атты шығармашылық кеші өтті.Шығармашылық кешті облыс әкімі Нұрлыбек Нәлібаев, мемлекет және қоғам қайраткерлері, зиялы қауым өкілдері, қала және аудандардан келген өнерсүйер қауым тамашалады.<img src="https://knadmin.beoblood.kz/uploads/shy_armashyly_kesh_1_0b2b2f5c21.jpg" alt="шығармашылық кеш 1.jpg">Концертті Мүсілім Әмзенің, Кеулімжай Ботабаевтың дирижерлігімен облыстық симфония оркестрі сүйемелдеп, Төлеген Мұхамеджановтың «Астана» симфониялық картинасы орындалды. Н.Үсенбаева жеке дауыста және Қазанғап атындағы музыкалық жоғары колледжінің аралас хорымен бірге шетел композиторларының оперетталарынан ариялар, халық әндерін шырқады. Концертте композитордың қазақ ән өнерінің қорына қосқан бай қазынасы – «Қимай сені барамын»,«Іңкәрім-ай», «Мен деп ойла», «Аяулым», «Құс жолы», тағы басқа әндері тыңдаушылар назарына ұсынылды. Сезім сырын, махаббат мұңын, ғашықтар үнін жеткізген әндер үшін кеш иелеріне көрермен қошеметі ерекше болды.Концертте аймақ басшысының ықылас гүлі табысталды.Айта кетейік, биыл Қызылорда облысында «Руханият жылы» жарияланып, өнер мен мәдениет саласында көптеген игі іс атқарылуда. Көпфункционалды 1000 орындық «Өнер орталығы» пайдалануға берілді. Көрермендерге концерттерді кәсіби әрі жанды дауыста ұсыну үшін 50 өнерпаздан жасақталған симфония оркестрі құрылды.<img src="https://knadmin.beoblood.kz/uploads/shy_armashyly_kesh_2_99f8bbd315.jpg" alt="шығармашылық кеш 2.jpg">Өткен жылы еліміздің барша аналарының құрметіне Алаштың анасы – Сырдың төрінде «Анаға тағзым» орталығы ашылып, жас отбасылардың бақыт мекеніне айналған «Отбасы орталығы» өз қызметін белсенді жүргізуде.Соңғы 2 жылда мәдениет саласында жаңадан 6 ұжым, атап айтқанда, симфония оркестрі, инклюзив театры, жастар театры, «Анаға тағзым» орталығы, заманауи би және хор ұжымы құрылған.Сыр мәдениетінің негізгі бренді – жыраулық дәстүр өкілдері көптен күткен Жыраулар үйі ашылып, жұмысын бастады.Қызылорда қаласының сол жағалауынан облыстық тарихи-өлкетану музейінің ғимараты салына бастады. Барлық ауданда неке қию залы, кітапхана, музей, архив, жастар сарайы, ардагерлер мен аналар үйін біріктіретін «Руханият» орталықтарының құрылысы қарқын алды. Бұл орталықтарда ұлттық құндылықтар дәріптеліп, салт-дәстүр насихатталады.Қызылорда облысы әкімінің баспасөз қызметі

Қызылордада «Мен сенімен кездестім» атты шығармашылық кеш өтті

<a href="https://kyzylorda-news.kz/">Kyzylorda-news.kz</a> Бүгін Алматы қаласында әдебиет классигі Әбдіжәміл Нұрпейісовтың 100 жылдығына арналған шаралар өз жалғасын тапты. Жазушы тұрған үйге ескерткіш тақтаның ашылуы, Достық үйінде Жазушылар Одағының бастамасымен «Әлем таныған Әбдіжәміл» атты халықаралық ғылыми-тәжірибелік конференция ұйымдастырылды. Конференцияға Франция, Ресей, Өзбекстан, Қырғызстан, Әзірбайжан, Литва және т.б. шетелдік жазушылар мен еліміздің зиялы қауым өкілдері, мемлекет және қоғам қайраткерлері қатысты.Жиынды Жазушылар Одағының төрағасы М.Құлкенов жүргізді. Алғашқы сөз алған Мәдениет және ақпарат министрі А.Балаева Мемлекет басшысы Қасым-Жомарт Кемелұлының Құттықтау хатын оқып, жазушыны ұлықтауға арналған конференция жұмысына табыс тіледі. Алматы қаласы әкімінің орынбасары А.Қалдыбеков, ТҮРКСОЙ ұйымының төрағасы С.Раев, Халық жазушысы С.Елубай, Мемлекеттік сыйлықтың лауреаты Н.Оразалин, халық әртісі А.Әшімов, мемлекет және қоғам қайраткері Қ.Көшербаев, Қырғыз Республикасының ақыны М.Азаматов, жазушының қызы Ш. Нұрпейісова классик жазушының сан түрлі тұлғалық қырларына тоқталып, шығармашылығы туралы сөз етті.Конференция жұмысына Сыр өңірінің &nbsp;делегациясы арнайы қатысты. Шарада сөз алған Қызылорда облысы әкімінің орынбасары Ш.Байманов аймақ басшысы Н.Нәлібаевтың құттықтауын оқып, конференция ұйымдастырушылары мен қатысушыларына сәттілік тіледі. Конференциядан кейін абыз ақсақалдың рухына арналған салтанатты ас берілді.

Әбдіжәміл Нұрпейісовтың 100 жылдығына орай Халықаралық конференция өтті

<a href="https://kyzylorda-news.kz/">Kyzylorda-news.kz</a> Татарстан астанасында қазақтың ұлы ақыны әрі ойшылы Абай Құнанбаевқа арналған ескерткіштің ашылу салтанаты өтті.Мәдениет және ақпарат министрлігі хабарлағандай, Ұлы ойшылдың ескерткіші Қазан қаласында Назарбаев пен Качалов көшелерінің қиылысында орнатылды.Іс-шара Қазақстан Президентінің 2024 жылғы 22-24 қазан аралығында өтіп жатқан БРИКС мемлекет басшыларының XVI Саммитіне қатысу үшін Қазан қаласына жұмыс сапары аясында өткізілді.Ашылу салтанатына Қазақстан Республикасының Мәдениет және ақпарат министрі Аида Балаева, Татарстан Республикасының Мәдениет министрі Ирада Аюпова, Қазандағы ҚР Бас консулы Ерлан Ысқақов, сондай-ақ Татарстан Жазушылар одағының төрағасы Ркаил Зайдуллин, сондай-ақ қала тұрғындары мен қазақ ұлттық-мәдени автономиясының өкілдері қатысты.ҚР Мәдениет және ақпарат министрі Аида Балаева Қазанда ескерткіштің ашылуын халықтар арасындағы достықтың, өзара түсіністік пен рухани туыстықтың үлгісі екенін айтты.<blockquote>«Бүгінгі іс-шараның БРИКС мемлекеттері ынтымақтастығы саммиті аясында өтіп жатқанының өзі іс-шараға ерекше сипат беріп тұр. Бұл екі ел арасындағы мәдени байланысты нығайтып, тереңдете түсері сөзсіз. Абай – өз ұлтының рухани байлығын бойына сіңіре отырып, жалпы адамзаттық ой-пікір деңгейіне көтерілген тұлға. Біздің халықтар арасындағы өзара мәдени құндылығымыз артып, достығымыз нығая берсін», – деді Аида Балаева.</blockquote>Ұлы ойшылдың ескерткіші Қазан қаласында Назарбаев пен Качалов көшелерінің қиылысында орнатылды. Бюст авторы – Қазақстан Республикасы Суретшілер одағының мүшесі, мүсінші Нұрбол Қалиев.<blockquote>«Қазақстанның Ресеймен достық қатынасын дамыту аясында Татарстанға, біздің мәдениетімізге шынайы қызығушылық танытып жатқаны қуантады. 2018 жылы Қазақстан тарапынан Қазан қаласына қонақжайлық белгісі – «Тайқазан» мүсіні сыйға берілді. Бүгін Абайдың ескерткіші де дәл осы жерде, осы алаңда орнатылуы кездейсоқ емес. Ресейде ұлы қазақ ақынына деген құрмет ерекше. Еліміздің астанасында Абайдың ескерткіші орнатылған. Сондай-ақ Ресейдің бірқатар қалаларында Абай Құнанбайұлының атымен аталған көшелер бар. Бүгінгі іс-шара – қазақ пен татар халықтарының рухани бірлігіне негізделген ұзақ жылдар бойғы жемісті іскерлік пен мәдени байланыстардың нәтижесі деп білеміз», – деді Татарстан Республикасының Мәдениет министрі Ирада Аюпова.</blockquote>Салтанатты іс-шара қазақ ақынының ескерткішіне гүл шоқтарын қою рәсімімен қорытындыланды.Фото: Мәдениет және ақпарат министрлігі

Татарстанда Абай Құнанбаев ескерткіші ашылды

<a href="https://kyzylorda-news.kz/">Kyzylorda-news.kz</a> Ә.Тәжібаев атындағы облыстық әмбебап ғылыми кітапханасында «Кітап және қаламгер» атты республикалық семинар өтті. Семинар Қазақстанның Халық жазушысы Әбділда Тәжібаевтің 115 жылдығы және&nbsp; Кітапханашылар мерекесі аясында&nbsp; ұйымдастырылды.Облыстық мәдениет, архивтер және құжаттама басқарма басшысының орынбасары Қ.Жанұзақов&nbsp; мерекеге орай жылы лебізін білдірді. Кітапхана ісінің дамуы мен өркендеуіне үлес қосып жүрген қызметкерлер марапатталды.Семинарға Ұлттық академиялық кітапхана мамандары арнайы келіп, кітапханашыларға шеберлік сабағын өткізді. Атап айтқанда, «Қазақстанның мәдени және ғылыми мұрасының электрондық ресурсы: Ұлттық электронды кітапхана» тақырыбында&nbsp; Ұлттық академиялық кітапхананың электрондық ресурстарды басқару қызметі жетекшісінің орынбасары Гүлшат Ратова, «Кітапхана қорларын&nbsp; консервациялау және қалпына келтіру мәселелері» тақырыбында консервация, қалпына келтіру және түптеу қызметінің жоғары дәрежелі реставратор маманы Меруерт Өскембаева баяндама жасап, тәжірибелерін бөлісті.Шарада кітапханашылар «Өрелінің өрісі кең» тақырыбында ұйымдастырылған&nbsp; интеллектуалды ойынға қатысты.&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;Семинар Қазақстанның Халық жазушысы Әбділда Тәжібаевтің 115 жылдығына арналған шаралармен жалғасты. Ақынның өмірі мен&nbsp; шығармашылығы жайында ҰАК директорының кеңесшісі Айжан Табаракқызы және Қазақстан Жазушылар одағының мүшесі, Халықаралық «Алаш» әдеби сыйлығының иегері, ақын Қатира Жаленова кеңінен әңгімелеп берді.Жастар ақын өлеңдерін нақышына келтіре оқыды. Мұнан соң шара қонақтарының қатысуымен ақын ескерткішіне гүл қою рәсімі болды. Сонымен қатар «Кітапхана шежіресі», «Кітап. Кітапхана ісі», «Мәдениет саласының үздіктері» бөлімдерінен тұратын «Кітапхана – білімпаздар мекені» атты көрмені тамашалады. Осылайша тағылымы мол шара жоғары деңгейде өтіп, келушілер ерекше әсермен тарқасты.

Республикалық семинар

<a href="https://kyzylorda-news.kz/">Kyzylorda-news.kz</a> Астанада өзге этнос өкілдері арасында&nbsp;«Елім дегендер» байқауының республикалық кезеңі өтті, деп жазады&nbsp;<a href="https://egemen.kz/">Egemen.kz</a>.Мәдениет және ақпарат министрлігінің мәлімдеуінше, байқауда қазақ тілін үздік меңгерген өзге этнос өкілдері сынға түскен.Жастар арасында мемлекеттік тілді насихаттауды межелеген байқауда өңірлерден келген қатысушылар қазақ тілінде өлең оқыды. Сондай-ақ өз шығармашылығындағы қазақ тіліндегі өлеңді де көпшілікке паш етті.&nbsp;Жеңімпаздар диплом және ақшалай сыйлықтармен марапатталды. Үздіктерге&nbsp; 3 000 000 теңгелік сыйақы үлестірілген.&nbsp;<hr><img src="https://knadmin.beoblood.kz/uploads/2024_10_24_86f438e7_f3f4_4fe4_aec0_97c3924c7f53_abb3fb0600.jfif" alt="2024_10_24_86f438e7-f3f4-4fe4-aec0-97c3924c7f53.jfif"><img src="https://knadmin.beoblood.kz/uploads/2024_10_24_0ef54a9b_0f43_414d_ad8c_77109d1f2e0b_3dc492cca8.jfif" alt="2024_10_24_0ef54a9b-0f43-414d-ad8c-77109d1f2e0b.jfif">Фото: Мәдениет және ақпарат министрлігі

Қазақ тілін үздік меңгерген өзге этнос өкілдеріне 3 млн теңге берілді

&nbsp;Бүгін Өнер орталығында облыс әкімі Нұрлыбек Нәлібаевтың қатысуымен Республика күніне арналған салтанатты шара өтті. Оған құқық қорғау органдарының, басқарма, департаменттердің басшылары, зиялы қауым өкілдері мен облыстық мәслихат депутаттары қатысты.Аймақ басшысы жиналған қауымды ұлттық мереке – Республика күнімен құттықтап, өңірдің әлеуметтік-экономикалық дамуындағы жетістіктерге тоқталды.<blockquote>«Баршаңызды еліміздің ең басты ұлттық мерекесі – Республика күнімен шын жүректен құттықтаймын! Ұлтымыз ұлықтаған атаулы күнді Сыр өңірі толағай табыстармен қарсы алуда.Президентіміз Қасым-Жомарт Кемелұлы бірлік пен берекенің, өнер мен мәдениеттің құтты ұясы – Сыр өңіріне келген сапарында облысымызға дамудың үлкен перспективалары бар стратегиялық маңызды аймақ деп оң бағасын берді.Бүгінде Президентіміздің, Үкіметтің ерекше қолдауының арқасында облыс бюджеті 744 млрд теңгеден асты. Екі жыл бұрын 364 млрд теңге болатын.Аймақта 43 млрд теңгеге 300 шақырымға жуық автомобиль жолдары мен көпір өткелдері жөнделуде. Соңғы үш жылда жөнделген жол 1 271 шақырымға жетті. Осылайша жақсы жағдайдағы жолдардың үлесі 92 пайыздан асады.Электр энергиясымен қамту бағытында 2022 жылдан бері18 млрд теңгеге 70 жоба іске қосылды. Биылдың өзінде 11 млрд теңгеге 38 жоба қолға алынды. Бұл тозған желілерді 72-ден 62 пайызға төмендетеді.Облыста 30 млрд теңгеге 11 елдімекен (Сексеуіл және Төретам кенті, Абай, Ақсу, Шәменов, Сейфуллин, Тоқмағанбетов, Алмалы, Досбол Датқа, Бестам, Төменарық ауылдары) газдандырылуда. Осы жұмыстар аяқталғанда өңірді газбен қамту көрсеткішін 75-тен 78 пайызға жеткіземіз.Елді мекендерді сапалы ауыз сумен қамтуда 2022 жылдан бері 16 млрд 800 млн теңгенің 55 жобасы жүзеге асты. Жыл соңына дейін көрсеткіш 98,1-ден 98,6 пайызға артады. Келесі жылдың соңында облыстағы барлық елді мекенге орталықтандырылған ауыз су қосамыз.Егемендікке қол жеткізуді аңсап, өмірін күреспен өткізген ата-бабаларымыздың асыл арманы Тәуелсіздігімізді баянды ету – бүгінгі ұрпақ үшін жауапкершілігі зор міндет. Баршаңызды Республика күнімен тағы да құттықтап, отбасыларыңызға амандық, бақ-береке, толайым табыстар тілеймін! Еліміздің өркендеуі жолындағы адал қызметтеріңіз табысты, еліміз еңселі, Тәуелсіздігіміз тұғырлы болғай!», – деді Н.Нәлібаев.</blockquote>Мемлекеттік қолдау мен ұлттық жобалар шеңберінде қаржыландырудың барлық көзінен биыл 863 900 шаршы метр тұрғын үй пайдалануға беріледі. 2022-2023 жылдары 4 мыңға жуық пәтер табысталып, 17 мың тұрғынның баспана мәселесі шешілді.«Болат Өтемұратов қорының» демеушілігімен Қорқыт ата әуежайының жаңа терминалы салынды. Жерлестеріміз үшін бұл – өте маңызды жоба. Жақын арада ел игілігіне табысталады. Қуаттылығы 240 мегаваттық жаңа жылу-электр орталығының құрылысы қарқынды жүруде. Нысан келесі жылы қыркүйек айында пайдалануға беріледі. Қызылорда қаласын ыстық сумен қамту жобасы оң шешімін тапты. Ол бойынша 623 көпқабатты тұрғын үйге ыстық су қосылады.Республика күніне орай ұйымдастырылған іс-шара мерекелік концертке ұласты.<img src="https://knadmin.beoblood.kz/uploads/464287675_849412400713339_4697775875639955025_n_9cbb6ac6bc.jpg" alt="464287675_849412400713339_4697775875639955025_n.jpg"><img src="https://knadmin.beoblood.kz/uploads/464227771_849412614046651_5769564006466514051_n_1ebda50703.jpg" alt="464227771_849412614046651_5769564006466514051_n.jpg"><img src="https://knadmin.beoblood.kz/uploads/464089181_849413120713267_3278496780285714485_n_46d0366887.jpg" alt="464089181_849413120713267_3278496780285714485_n.jpg"><figure class="media"><div data-oembed-url="https://youtu.be/YB0l6xBP_pY?feature=shared"><div style="position: relative; padding-bottom: 100%; height: 0; padding-bottom: 56.2493%;"><iframe src="https://www.youtube.com/embed/YB0l6xBP_pY" style="position: absolute; width: 100%; height: 100%; top: 0; left: 0;" frameborder="0" allow="autoplay; encrypted-media" allowfullscreen=""></iframe></div></div></figure>Фото: Қызылорда облысы әкімінің баспасөз қызметі

Республика күніне орай мерекелік шара өтті (видео)

<a href="https://kyzylorda-news.kz/">Kyzylorda-news.kz</a> Қазан айының 24 жұлдызы – кітапханашылардың кәсіби мерекесі! &nbsp;Адам баласын оқуға шақырған, білім алуға үндеген кітапханашылардың еңбегі ерен. Әсіресе айдай әлемді алақандай смартфонға сидырған бүгінгідей қоғамда жұртты кітап оқуға баулу оңай емес. Мереке қарсаңында қалалық орталықтандырылған кітапханалар жүйесі КММ директоры Рахметова Гүлмира Шамсутдинқызымен сұхбаттасқан едік. Тақырыпқа да осы кісінің сөзін арқау еттік.– Гүлмира Шамсутдинқызы, несін жасырамыз, қазір кітап оқитындар азайып барады. Жастар «Артық білім кітапта, ерінбе оқып көруге» деген Абай ақынның сөзін ұмытқан сияқты ма, қалай өзі?..– Жалпы алғанда, жастар мүлдем кітап оқымайды деуге болмас. Адам кітап оқымаса, кітап сататын дүкендер көптеп ашылмас еді. Соңғы жылдары қайта керісінше жастардың кітап оқуға қызығушылығы артты. Қазір кітап оқып отырған жастарды көп көремін. Әсіресе, мотивациялық, психологиялық кітаптарды көп оқиды. Қай кезде де қағаз кітаптың орны бөлек, оны қолмен ұстап, сезініп, ләззат алып оқығанға не жетсін. Әрине, уақыт талабына сай басында виртуалды әлемге қызығып, еліктеді, кейін ненің не екенін түсініп, оқуға ден қойды. Себебі қазір әлеуметтік желіден адамдар күнделікті хабарлама немесе әлдебір саяси оқиғаға байланысты жазған пікірлерді ғана оқитынын түсінді. Ал, кітап деген күнделікті ақпарат емес бір шола салатын, өте күрделі дүние. Оны асықпай қарап, астын сызып, кейде көңілінен шыққан тұстарын қойын кітапшаға жазып алып оқисыз.&nbsp; – Шекспирдің «кітап маған тақтан да қымбат» деген сөзі бар. Ол осы қанатты сөзі арқылы байлықтың да, биліктің де кітаптың қасында түкке тұрмайтынын айтқан. Бүгінгі қоғамда кітапты байлық пен биліктен, «тақтан», қызметтен артық санайтындар бар ма? – Адамзат баласының ең құнды дүниесі – кітап. Кітап адам баласының сан ғасырлық ақыл ойының жемісі. Әлемге танымал ұлы Шекспирдің өзі кітап жайлы «Кітап маған тақтан да қымбат» деген екен. Ал кітапты таңдап, талғап оқи білу, оны өмір қажеттілігіне жарата білу – әрбір адамның білігі мен білімінің парасатын айқындайды. Ақын-жазушыларымыз болашақ ұрпағы үшін қаншама том-том кітап жазып кетті. Соның ішінде Мұхтар Әуезовтің «Абай жолы» роман-эпопеясы, Әзілхан Нұршайықовтың «Махаббат қызық мол жылдары», Әбдіжәміл Нұрпейісовтің «Қан мен тері», Шерхан Мұртазаның «Бір кем дүниесінің» бізге берер азығы мол.&nbsp; Жалпы адам өмірін әлеуметтік желімен емес, кітаппен байланыстыруы керек. Әлеуметтік желіде барлығы алдамшы дүниелер, ал кітапта бәрі шынайы берілген. Айталық, Мұхтар Әуезовтің «Абай жолы» роман-эпопеясы әлемге танымал. «ХХ ғасырдағы ең үздік шығармалардың бірі» деп Луи Арагонның өзі жоғары бағасын берген. Міне, біздің осындай жазушылардың шығармалары әлемдік тілдерге аударылып, өзінің жоғары бағасын алып та үлгерді. Жастарымыздың әлеуметтік желіге емес, кітапқа үңілгені жақсы болар еді. Өйткені мына заман – біліктілердің заманы. Білікті болу үшін білім керек. Ал білім тек кітап оқу арқылы адам бойына дариды. Ғабит Мүсірепов атамыздың «Кітап оқудан тыйылсақ, ой ойлаудан да тыйылар едік» деген ұлағатты сөзі бар. Түсінген жанға осы сөздің астарында қаншама ой жатыр. Кітаппен дос болған адам дүниенің ғажабын танып біле алады. Сондықтан білімнің көкжиегін тек кі¬таптан ғана табамыз. Бір сөзбен айтқанда, білімді адамға байлық та, билік те &nbsp;келеді.&nbsp; – Жастарды кітапты аз оқиды деп жатамыз. Тіпті оқымайтындар саны басым дейтіндер де бар. Өйткені олар уақытының көп бөлігін ұялы телефонды тамашалау арқылы өткізеді. Сіздің ше, жастарды, балаларды кітап оқуға шақыру үшін не істеу керек? – Қалалық орталықтандырылған кітапханалар жүйесінің құрамында 21 кітапхана бар. Олардың он бірі қалада, екеуі кентте, сегізі ауылдық округтерде орналасқан. Жалпы кітапхана желісінде &nbsp;650 мыңға жуық кітап қоры сақталған. Бүгінде қалаға қарасты &nbsp;кітапханалар білім іздеген жастардың басын біріктіретін, халықтың рухани жан дүниесін байытуға өз үлесін қосатын және білім іздеген әр оқырманға бағыт-бағдар беретін руханият ордасына айналып отыр.&nbsp; Қызылордалықтардың кітап оқу мәдениетін қалыптастыратын, оқырманның білім көкжиегін кеңейтуге ықпал жасайтын түрлі форматта әртүрлі кешенді мәдени іс-шаралар ұйымдастыруда. Кітапхана – әдебиет әлеміндегі жаңалықты жарнамалап, ұлттық рухани құндылықты насихаттайтын мәдени орталық. Қазіргі кезде жастарды кітап оқуға қызықтыратын дәстүрлі және жаңа әдістермен кітап жәрмеңкесін, әдеби челендж-байқаулар, шығармашылық кештер, түрлі танымдық шаралар, дөңгелек үстелдер, әдеби байқаулар мен басқа да мәдени іс-шараларды жүйелі түрде өткізіп келеміз. Сондай-ақ жергілікті ақын-жазушылардың мерейтойларын кең көлемде атап өтіп, шығармаларын оқырмандарға таныстырудамыз. «Жер бетіндегі жүрегі бар жалғыз үй – кітапхана» демекші, кітапханашылар қаладағы білім беру орындарымен тығыз байланыс орнатып, бірге жұмыс атқаруда. Кітапхана адамның өз-өзіне иелік ететін жер. Кітапхана – еркіндік алаңы. Бүгінде осы ұғымды түсініп келе жатқан жастар қатары көп. Себебі жас оқырмандар әдеби шығармаларды жарыса оқып, өз ойларын жеткізуге асығады. Жалпы өскелең ұрпақты кітап оқуға шақыру үшін осындай жұмысты атқарып жатырмыз. – Бұрын «бос уақытымда кітап оқимын» болмаса «хоббиім кітап оқу» дейтіндер көп еді. Қазіргі жастардың арасында сондай адамды кездестірдіңіз бе? – Бұл үшін жүйелі жұмыс керек. Ең алдымен ата-ана өзі қазақша кітап оқып, оны баяндап жеткізіп, баланы кішкентай кезінен кітапқа қызықтыра білсе, шай басында шығарма туралы пікірталас жүрсе оны көрген бала да кітапқа жақын болады.&nbsp; Балаға кітап оқыту үшін әр ата-ана өз әді¬сін табуы керек. Үйіне кітап жинамайтын, өздері кітап бетін ашпайтын отбасылар да бар. Ондай ортада кітап оқу туралы сөз болмайтыны түсінікті. Өзі интеллектуал ата-ана балаға кітап оқытуға тырысады. Байқағаным, шетелде кітап оқу дәстүрі жақсы қалыптасқан, кітаптың бала тіліне, жасына сай жазылып, безендірілуіне қатты мән береді. Фейсбукте шетелдік дарынды балалардың ата-аналар тобы бар, сондағы балалардың оқыған кітап¬¬тарын көрсеңіз, қайран қаласыз.&nbsp; Мемлекет басшсы Қасым-Жомарт Тоқаев: «Біз кітап оқуға деген сүйіспеншілікті бастауыш сыныптан бастап қалыптастырсақ қана кітап оқитын ел бола аламыз. Ал жас ұрпақтың сауатты болуы үшін балалардың көркем әдебиет оқуы өте маңызды» дегені белгілі. Осыған орай, &nbsp;кітапханалар әрда¬йым мемлекет саясатын насихаттайтын орталық ретінде мектептермен тығыз байланыс орнатып, іс-шараның 80 пайызы оқушылармен өтеді. &nbsp;Бүгінде жас оқырмандарды «кітап оқуға» шақырудың түрлі-түрлі тәсілдерін ойлап тауып жатырмыз. Кітапхана қызметкерлері кітапханаға келген бүлдіршін оқыр¬манға жаз айында оқуға тиіс кітаптардың тізімін беріп, жеңімпаз оқырманды құнды кітаптармен марапаттап отырады. Ата-¬анасына балаларын кітап оқуға үйретуді, кітап оқуды баланың бойындағы дағдыға айналдыруды қадағалауды тапсырады. Алдағы уақытта жас буынның кітап оқуға қызығушылығын ояту мақсатында &nbsp;ата-¬ана – мектеп – кітапхана – баспа арасында тығыз шығармашылық байланыс орнатылып, нақты жүйелі жұмыс жүргізілсе дейміз. Болашақта балаларды кітап оқуға қызықтыру мақсатында мектеп бағдарламасына әдеби кітаптарды дауыстап оқытып, рөлге бөліп оқып, қойылым қою, кітапты талдап, ой бөлісуге тәрбиелейтін арнайы сағаттар бөлінсе, балалардың бо¬йында кітап оқу дағдысын қалыптастыруға әсері мол болар еді. Біздің кітапханада жас ұрпақты кітап оқуға қызықтыратын, жаңа қызықты кітаптарды насихаттайтын түрлі әдеби іс-шаралар кешенді түрде өтеді.&nbsp; – Кітапхананы кітап жинайтын қойма қылмас үшін не істеу керек? – Кітапхана – көпшіліктің бір-бірімен кездесетін, қызықты тұлғалармен танысатын ақпарат және мәдениет орталығы, кез келген жастағы оқырман үшін пайдалы, кітапты қалың оқырман арасында насихаттайтын қасиетті орын. Адам санасы өскен, дамыған заманда, кітапхана – кітап сақтайтын қойма деген қағида жойылды. Кітапхана – мәдениет ошағы. Бүгінде кітапханаларға ерекше көңіл бөлініп келеді. Бір сөзбен айтқанда, кітапхана – адамның жаны тыныштық, жақсылық табатын мекен.&nbsp; – Жасы жағынан ең үлкен оқырманыңыз бен ең кіші оқырман туралы айтсаңыз... Олар қандай кітап оқиды? Аптасына неше рет келеді? Биыл қай кітап көп оқылды? – Біздің кітапханаларда алды 30 жылдан бері оқырман болып келе жатқан үлкен кісілер өте көп. Олар көбіне көркем әдебиетті оқығанды жақсы көреді. Жасы сексеннен асса да аптасына екі рет келіп, кітап оқуды, оны талдауды әдетке айналдырған. Ал ең кішкентай оқырманымыз 7 жаста. Жас оқырмандар көбіне ертегілер, өлең, тақпақтарды оқығанды жақсы көреді. Тіпті аптасына 3-4 рет келетін оқушылар бар. Биыл біздің кітапханада көп оқылған кітаптар ол Бексұлтан Нұржекеевтің «Бейтаныс әйелдің құпиясы» повесі, Нұрлан Қамидың «Қызданайдың қырғыны», Роза Мұқанованың «Мәңгілік бала бейне» әңгімесі, Айғыз Баймұхамедовтің «Тастамашы, ана!» хикаяты және осы автордың «Көше балалары» повесі. Сондай-ақ Бердібек Соқпақбаевтың шығармалары, Ілияс Есенберлиннің «Көшпенділер», Ник Вуйчичтің «Өмірде шектеу жоқ», Тынымбай Нұрмағамбетовтің &nbsp;«Періштелердің өлімі», Алтыншаш Жақиянованың «Апа, сені сағындым», Шынар Әділованың «Тайм-менеджмент», «Жігіттің сұлтаны бол!» деген кітаптарын атап өтер едім.&nbsp; – Риясыз әңгімеңізге рақмет, кәсіби мерекемен тағы да құттықтаймын!Сұхбаттасқан Әзиз ЖҰМАДІЛДӘҰЛЫ

Кітапхана – адам жаны тыныштық табатын мекен

<a href="https://kyzylorda-news.kz/">Kyzylorda-news.kz</a> Биыл КСРО және ҚазКСР Халық әртісі, Мемлекеттік сыйлықтың иегері Сәбира Майқанованың туғанына 110 жыл толды. Осыған орай, С.Майқанова атындағы мәдениет үйінде «Театр... Өмір... Сахна...» атты еске алу кеші өтті.&nbsp; «Сырдың сұлу сары алтыны Сәбира» атты документалды фильмінен бастау алған салтанатты шара «Мәңгі өлмейтін театрдың тарланы» атты Шыңғыс Айтматовтың «Ана –Жер Ана» қойылымымен жалғасты. &nbsp; &nbsp; Ұлттық театрдың дамуына сүбелі үлес қосып, рухты өнері және биік азаматтық болмысымен «театрдың анасы» атанған аса көрнекті актриса Сабира Майқанованың рухына арналып Қызылорда қаласы әкімінің ықылас гүлі тарту етілді. Еске алу кешінде қала әкімінің орынбасары Дархан Тұрсынбаев өнерпаз тұлғаның қазақ өнеріндегі орны ерекше екеніне тоқталып өтті. Қазақстанның еңбек сіңірген қайраткері, Қызылорда облысының Құрметті азаматы Хұсейін Әмір-Темір Қызылорда Облысы Мәдениет басқармасының басшысы Мира Қазбекованың құттықтауын табыс етті. Сәбира Майқанованың қызы, медицина ғылымдарының докторы Әбдірашитова Гүлдар Әбділқызы және Қазақ ССР-нің еңбек сіңірген әртісі, «Парасат», «Құрмет» ордендерінің кавалері, Темірбек Жүргенов атындағы Қазақ Ұлттық өнер академиясының актерлік-шеберлік және режиссура кафедрасының педагогі, профессор Машурова Рахилям Абрахманқызы тағылымды естеліктер айтты.&nbsp; Кештің өн бойында актриса жайлы өлеңдер оқылып, ана туралы жүрек тебірентер әндер шырқалды, деректі фильмдер көрсетілді.<img src="https://knadmin.beoblood.kz/uploads/S_bira_Maj_anova_3_e503e1b94e.jpg" alt="Сәбира Майқанова 3.jpg"><img src="https://knadmin.beoblood.kz/uploads/S_bira_Maj_anova_2_437b66adb0.jpg" alt="Сәбира Майқанова 2.jpg"><img src="https://knadmin.beoblood.kz/uploads/S_bira_Maj_anova_5_9d949820bc.jpg" alt="Сәбира Майқанова 5.jpg"><img src="https://knadmin.beoblood.kz/uploads/S_bira_Maj_anova_4_7aba5dd8f7.jpg" alt="Сәбира Майқанова 4.jpg">

Қазақстан және Қызылорда облысының жаңалықтары: Мәдениет