<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаев арнайы мәжілісте Алматы қаласындағы Қызылорда облысының өнер күндерін жоғары деңгейде ұйымдастырып, өткізуге атсалысқан өнерпаздарға, мәдениет саласының қызметкерлеріне алғыс білдірді.«Мемлекет басшысы Қасым-Жомарт Кемелұлы «Ұлт мәдениеті – халық өмірінің айнасы. Еліміздің рухани дамуы ұлттық рухқа тікелей байланысты. Сол себепті азаматтарымыздың рухы әрқашан биік болуы үшін мәдениетімізге, яғни, руханиятымызға баса мән бергеніміз жөн», – деген болатын.<blockquote>Мәдениеттің мәртебесін көтеріп, өнерін құрметтеген ұлттың өресі биіктей бермек. Өткен жылы елордада Астана қаласының 25 жылдығына орай Қызылорда облысының өнер күндері жоғары деңгейде өткізілді. Халықтың ыстық ықыласы мен қошеметіне ие болған дәл осындай өнер күндері Алматы қаласында да ұйымдастырылды. Ән-жырдың туын желбіреткен сырбойылық өнер майталмандары таланты мен талғамын, кәсіби деңгейінің биіктігін, еліміздің басты сахналарының біріндегі концертке тыңғылықты дайындықпен барғанын дәлелдеді. Мың жылдық тарихы бар, мың бояулы мәдени астанамыз Алматыдағы мерекені өткізуге атсалысқан барша ұйымдастырушыларға, өнерпаздарға, театр әртістеріне, мәдениет саласы қызметкерлеріне, мекеме басшыларына және қала, аудан әкімдіктеріне Сыр жұртшылығының және өз атымнан зор ризашылығымды білдіремін», – деді Нұрлыбек Машбекұлы.</blockquote>Іс-шарада өнер күндерін шебер ұйымдастырып, әсерлі әрі көңілді етіп өткізген қызметкерлерге облыс әкімінің Алғыс хаты табысталды.Айта кетейік, «Сұлу Сырдан – ару Алматыға» атты Республика сарайында өткен гала-концертке мемлекет және қоғам қайраткерлері, Парламент Сенаты мен Мәжілісінің депутаттары, Қазақстанның Еңбек Ерлері, мәдениет және өнер қайраткерлері, елімізге белгілі ақындар мен жазушылар, Алматы қаласы, Алматы облысы әкімдігінің өкілдері арнайы қатысты.Айтулы іс-шара аясында «Сыр өңірі – Түркі өркениетінің алтын бесігі» атты жылжымалы көрме ұйымдастырылды. Көрмеге Сыр өңірінің тарихын баяндайтын археологиялық және этнографиялық экспонаттар – «Шірік-Рабат сақ жауынгері», «Сығанақ ханшайымы», «Түгіскен көсемі», «Жетіасар ақсүйек әйелі» реконструкциялары және Қорқыт ата, Марал ишан мұралары, зергерлік бұйымдар коллекциялары қойылды. С.Айтбаев атындағы көркемсурет галереясы қорындағы майлы боумен салынған өлкенің табиғаты, тарихи және жаңадан бой көтерген ғимараттары бейнеленген картиналар келушілер назарына ұсынылды.Алматылық көрермен Сыр өнерпаздарына ыстық ықыласы мен қошеметін көрсетті.Алатау баурайындағы ару қаладағы өнер күндері Тұрмағамбет атындағы халық аспаптар оркестрінің «Жыр – қазына, күй – күмбез» атты концертімен қорытындыланды.<img src="https://knadmin.beoblood.kz/uploads/Madeniet_1_6dfaf3e108.jpg" alt="Мадениет 1.jpg"><img src="https://knadmin.beoblood.kz/uploads/madeniet_2_74e4eae4f6.jpg" alt="мадениет 2.jpg"><img src="https://knadmin.beoblood.kz/uploads/Madeniet_dcf0dadb1d.jpg" alt="Мадениет.jpg">Фото: Қызылорда облысы әкімінің баспасөз қызметі

Аймақ басшысы мәдениет қызметкерлеріне алғыс айтты

<a href="https://kyzylorda-news.kz/">Kyzylorda-news.kz</a>&nbsp; Н.Бекежанов атындағы &nbsp;драма театрында &nbsp; Қызылорда облысының жұмыспен қамтуды үйлестіру және әлеуметтік бағдарламалар басқармасының мемлекеттік әлеуметтік тапсырысы негізінде&nbsp;мүгедектігі бар балаларға&nbsp;қуыршақ театрына саяхат ұйымдастырылды.Мақсат – мүгедектігі бар адамдар мен мүгедектігі бар балаларға әлеуметтік көмек көрсетуден бөлек оларды түрлі шараларға қатыстырып, қоғамдық ортаға бейімдеу, белсенділіктерін арттыру, мәдени, қоғамдық іс-шараларға қатыстыру.Бұл шара&nbsp;Қызылорда облысының жұмыспен қамтуды үйлестіру және әлеуметтік бағдарламалар басқармасының мемлекеттік әлеуметтік тапсырысы негізінде «Қызылорда облыстық мүгедектер қоғамы» ҚБ ұйымдастырумен өтті.&nbsp;«Нартайдың бүлдіршіндері» қуыршақ тобы&nbsp;балаларға «Қозы мен лақ» атты қойылымын сахналады.<blockquote>– Қойылымды көру балалардың эмоциялық әлеміне үлкен әсер етті. Балалар жағымды эмоция алып, жарқын, есте қаларлық бейнелер қабылдады. Өздерінің сүйікті кейіпкерлерін үлкен ықыласпен тамашалады. Балалардың көздерінде ұшқын, жүздерінде күлкі пайда болды, – деп атап өтті «Қызылорда облыстық мүгедектер қоғамы» қоғамдық бірлестігінің төрағасы С.Сиюов.</blockquote>Шараға &nbsp;30 мүгедектігі бар &nbsp;балалар және ата-аналары қатысты және балаларға арнайы бағалы сыйлықтар мен тәттілер таратылды.<img src="https://knadmin.beoblood.kz/uploads/d5313ca6_2bf9_4b48_a008_8e6a0a2b9cb4_46bfa298a1.jpg" alt="d5313ca6-2bf9-4b48-a008-8e6a0a2b9cb4.jpg">

«Қуыршақ театрына саяхат» ұйымдастырылды

<a href="https://kyzylorda-news.kz/">Kyzylorda-news.kz</a>&nbsp; «Ақмешіт апталығы» газетінің негізін қалаған белгілі азамат Әділхан Бәймен атындағы «Қалам қуаты» эксклюзив сұхбат байқауы қорытындыланды. Биыл Әділхан Бәйменнің туғанына – 80 жыл, өмірден өткеніне – 20 жыл, ал «Ақмешіт апталығы» газетіне – 30 жыл. Байқау жеңімпаздары Сыр мәдениеті мен руханиятына қомақты үлес қосқан қайраткерге арналған жиында марапатталды.Қазылар алқасының шешімімен байқаудың бас бәйгесі облыстық «Сыр бойы» газетінің бөлім меңгерушісі Назерке Саниязоваға берілсе, Арал аудандық «Толқын» газетінің бас редакторы Айдар Сайлауов ІІ орынды еншіледі. Ал әріптесіміз, «Ақмешіт апталығы» газеті бас редакторының орынбасары Дәулет Қырдан үздік үштікті түйіндеп, ІІІ дәрежелі жүлдегер атанды. Байқау жеңімпаздары «Сыр медиа» ЖШС атынан қаржылай сыйлықтармен марапатталды.<blockquote>– Жыл басынан бері Әділхан Бәймен ағамыз ашқан «Ақмешіт апталығы» газетінің 30 жылды­ғына, ағамыздың туғанына 80 жыл толуына арнал­ған бірнеше іс-шара ұйымдастырылды. Басылым­ның әрбір санында «Газеттің негізін қалаған Әділхан Бәймен» деп, тайға таңба басқандай көрсетіп қойдық. Ағамыз мәңгі жасайды. Газет барда, ол оқырманмен бірге. Басылым негізін қалаушы тұлға салып берген сүрлеумен ұлт мәселесін, елдік мүддені сөз етіп, биік тұғырда келеді. Жыл сайын жаңа жобаларымен оқырмандарын қуантып жүр, – дейді ұйымдастырушы «Сыр медиа» ЖШС бас директоры Марат Аралбаев.</blockquote>

Әділхан Бәймен атындағы байқау қорытындыланды

<a href="https://kyzylorda-news.kz/">Kyzylorda-news.kz</a>&nbsp; Кеше Қызылорда облысының Алматыдағы өнер күндері Құрманғазы оркестрінің концерт залында өткен «ЖЫР - ҚАЗЫНА, КҮЙ - КҮМБЕЗ» атты Тұрмағамбет атындағы халық аспаптар оркестрінің концертімен қорытындыланды.Оркестр репертуарында халық әндері және Қазақстан композиторларының туындылары, классикалық шығармалар бар.Концертте Сыр сүлейлерінің жыр-термелері шеру тартып, ақындар өлең оқыды. Қорқыт бабадан бері үзілмеген қобыз сарыны тыңдарман жүрегіне жол тапты.Айта кетейік, 2007 жылы құрылған өнер ұжымы осыған дейін облыс әкімдігінің қолдауымен бірнеше мәрте шет елдерге гастрольдік сапармен барды.Бүгінгі концертте де халық аспаптар оркестрінің өнеріне Алматы жұртшылығы ризашылықпен қошемет көрсетті.Фото: Қызылорда облысы әкімінің баспасөз қызметі

Қызылорда облысының Алматыдағы өнер күндері Тұрмағамбет оркестрінің концертімен қорытындыланды

<a href="https://kyzylorda-news.kz/">Kyzylorda-news.kz</a> Кеше Алматыдағы Республика сарайында Қызылорда облысының Алматы қаласындағы өнер күндері аясында Сыр өңірі өнер шеберлерінің «Сұлу Сырдан – ару Алматыға» атты гала-концерті өтті. Оны Қызылорда облысының әкімі Нұрлыбек Нәлібаев, Парламент Сенаты мен Мәжілісінің депутаттары, мемлекет және қоғам, өнер қайраткерлері, шығармашылық және зиялы қауым өкілдері, Алатау бөктеріндегі ару қаланың өнерсүйер жұртшылығы тамашалады. Бұл – қызылордалық өнерпаздардың Республика сарайындағы тұңғыш концерті.Ән-жырдың ту тіккен ордасынан жеткен өнер майталмандары еліміздің басты сахналарының бірінде өтетін концертке тыңғылықты дайындықпен барды. Алматылық талғампаз көрерменнің назарына ұсынылатын әр нөмірге жете мән берілді. Сахна шымылдығы ашылғанда орындалған "Отан-ана", " Сыр елім", "Сырдың Қараторғайы" әндері тыңдаушысын баурап алды.Жерлесіміз, ҚР Еңбек сіңірген әртісі Ғани Құлжановтың, театр әртісі Нұрдәулет Баймаханның туған жер тақырыбындағы монологі әрбір адамның кіндік қаны тамған топыраққа деген сағынышын оятқаны сөзсіз. Бейнебаян арқылы Сыр бойының тарихы мен бүгіні, Қызылорданың жаңарған келбеті айшықталды. Қасиетті жерден түлеп ұшып, қазақ өнеріне қызмет еткен Т.Жүргенов, Р.Бағланова, Ә.Нұрпейісов, Қ.Қожықов, Н.Бекежанов, С.Майқанова, К.Дүйсекеев, М.Ерәлиева, Б.Шөкеновтің жарқын бейнелері жұрт жадында жаңғырып өтті.Сыр бойының бойтұмарындай болған жыраулық, жыршылық дәстүрдің ұрпақтан ұрпаққа жеткен асыл мұралары кез келген өнер мерекесінің сән-салтанатын аша түседі. Бүгінгі концертте де дәстүрлі өнер шеберлерінің шеруін күткендер Тұрмағамбеттің «Тәлімін», Нұртуғанның «Жырауларға өсиетін», Нартайдың жыр бастауын, З.Дәулетбаевтың «Сыр сүлейлерін», Сәрсенбай жыраудың термесін Руслан Ахметов, Шолпан Бимбетова, Ақмарал Ноғайбаева, Майра Сәрсенбаева, Серік Жақсығұловтың орындауында тыңдап, бір серпілді. Айтыскер ақын, «Алтын домбыра» иегері Мұхтар Ниязов арнау айтты.Оркестрдің сүйемелдеуімен белгілі күйші М.Сыдықовтың «Батыр баба» күйі, халық әндері орындалды. «Мәңгілік мұра» этномузыкалық композициясы, әлемдік классикалық музыкадан топтама, Алматы туралы әсем әндер шырқалды. Баян, рояльмен орындалған туындылар, Тұрмағамбет атындағы халық аспаптар, симфония оркестрлерінің сүйемелдеуі, «Томирис» би ансамблінің сахнаны көркемдеуі өнер мерекесінің өрнегін әсемдей түсті.Гала-концерт жерлесіміз, ақын, композитор Е.Әбдіхалықованың «Қазақ елі» әнімен қорытындыланды.Алматы аспанын әдемі әндерімен, саф өнерімен тербеген Сыр өнерпаздарына көрермен қауым қошеметін аямады.Ертең Құрманғазы оркестрінің концерттік залында Тұрмағамбет атындағы халық аспаптар оркестрінің «Жыр – қазына, күй – күмбез» атты концерті өтеді.<img src="https://knadmin.beoblood.kz/uploads/Gala_konczert_Almaty_0495f8f634.jpg" alt="Гала концерт Алматы.jpg"><img src="https://knadmin.beoblood.kz/uploads/Almaty_1_7e79ad3e4b.jpg" alt="Алматы 1.jpg"><img src="https://knadmin.beoblood.kz/uploads/Almaty_2_0262e15734.jpg" alt="Алматы 2.jpg"><img src="https://knadmin.beoblood.kz/uploads/Gala_konczert_3cbcf40452.jpg" alt="Гала концерт.jpg">Фото: Қызылорда облысы әкімінің баспасөз қызметі

Алматыдағы республика сарайында «Сұлу сырдан – ару Алматыға» атты гала-концерт өтті

<a href="https://kyzylorda-news.kz/">Kyzylorda-news.kz</a> Қала күні мерекесі аясында "Ғалам мен қалам" поэтикалық дуэль жобасы өтті.&nbsp; Қала күні мерекесінің көрігін қыздырған кезекті тағылымды кеш қайта жаңғыртудан өткен орталық алаңда өтті. Республикаға танымал жас ақындар арасындағы "Ғалам мен қалам" поэтикалық дуэль жобасына еліміздің түкпір-түкпірінен іріктелген 9 ақын қатысты. Қала тұрғындарына ғажайып кеш сыйласақ деп жиылған ақындардың қадамына сәттілік тілеген қала әкімінің орынбасары Дархан Тұрсынбаев «Сырдария жағалауындағы шырайлы шаһардың өткені мен бүгіні тарихта алтын әріптермен тасқа басылған. Бұл ретте «көшесінде жүріп сағынатын» ғажап қаланың жылнамасын жырмен жазып жүрген Сіздердің орындарыңыз бір төбе» деді. Содан соң қаламыздың мәдени-рухани тынысына дем беріп жүрген бір топ зиялы қауым өкілдеріне қала әкімінің алғыс хаттары мен естелік сыйлықтарын табыс етіп, биыл 80 жасқа толған балалар ақыны, педагогика ғылымдарының докторы Рахат Наурызбаеваға арнайы құрмет көрсетті. Ерекше айта кеткен жөн, жас та болса бас болып, әрқайсысы бір елдің сөзін айтып жүрген жас ақындар додасына Ақтөбе қаласынан Дәурен Тілеухан, Шымкент қаласынан Арайлым Мұратәлиева, Елорда мен Алатау бөктерінен Мөлдір Айтбай, Дина Бөкебай сынды ақындардың келуі бүгінгі кештің маңызын арттырды. Қазақстан жазушылар одағының Қызылорда облысындағы өкілі Қаршыға Есімсейітова, Елубай Әуезов, Ғазиза Әбілда төрелік еткен поэтикалық дуэльдің бірінші кезеңінде ақындар Қызылорда қаласы туралы жазған жырларын оқыса, екінші айналымға өткен 8 ақын өзара жұптасып сарындас, үндес өлеңдерімен шын мықтыны анықтады. Нәтижесінде қызылордалық Аружан Оралбай Сыр елінде алғаш рет өткізілген поэтикалық дуэль жобасының жеңімпазы атанып, 300 мың теңгелік сертификатпен марапатталды. Басқа қатысушылардың барлығы 50 мың теңге ақшалай сыйлық және қала әкімінің алғыс хатын иеленді.<img src="https://knadmin.beoblood.kz/uploads/Aruzhan_1_3bb89c15b5.jpg" alt="Аружан 1.jpg"><img src="https://knadmin.beoblood.kz/uploads/Aruzhan_3_0dbdaa8c44.jpg" alt="Аружан 3.jpg"><img src="https://knadmin.beoblood.kz/uploads/Aruzhan_2_7fac3ac9be.jpg" alt="Аружан 2.jpg"><img src="https://knadmin.beoblood.kz/uploads/Aruzhan_b392e37439.jpg" alt="Аружан.jpg">

Әріптесіміз Аружан Оралбай топ жарды

<a href="https://kyzylorda-news.kz/">Kyzylorda-news.kz</a> &nbsp;Жүректі тербеді, көзге жас үйірді.&nbsp;Кеше Жастар театры ерекше пьесаны сахналады. Тағдырлы ақын Зейнолла Шүкіровтің өмірінен сыр шертетін «Неге, жаным, шығарып сала алмадың?..» атты лирикалық драма ұсынды.Көрдік, жүректі қозғады, көзге жас үйірді.Бұл – қала күнін атап өтуге арналған алғашқы шара.Теңізде туған тұлға… Өзі аяқсыз қалса да, сөзі аяқсыз қалмаған – Зейнолла ақын. Өлеңмен өрілген өмір. Сыйластықпен басталып, қимастыққа ұласқан сезім. Тағдырлы ақынның шиеленісті өмірі, шырғалаңға толы сәттері мен шығармашылығындағы шерменде күйін сезіндірген жаңа қойылымның авторлары ақын-жазушы, журналист Толыбай Абылаев және режиссер-сценарист, Жастар театрының көркемдік жетекшісі Оңталап Нұрмаханов.Қойылымның басталған сәттен-ақ көрерменді иіріп әкеткені зал ішіндегі күрсіністер мен ризашылықпен қошемет білдірулерден сезіліп тұрды.Премьера аяқталған соң Жастар театрының жаңа маусымына арналған қала әкімінің ықылас гүлі тарту етіліп, қалалық мәдениет және тілдерді дамыту бөлімінің басшысы Жағыпар Тажмаханов драма авторлары мен театр труппасына ерекше қойылым үшін алғыс айтты. Сондай-ақ, лирикалық драма авторлары ақын-журналист Толыбай Абылаев пен режиссер-сценарист Оңталап Нұрмаханов, Арал ауданынан келген Зейнолла ақынның жерлестері атынан «Арал әлемі» газетінің редакторы Ерғали Абдулла Зейнолла ақынның халық жадынан мәңгі өшпейтінін тілге тиек етті.Жастар театрының жаңа маусымдағы жаңа қойылымы Қала күні мерекесінің де ресми түрде басталғанын сүйіншілейді.Қала күні мерекесін тойлау биылғы жылы қыркүйек айының 17 жұлдызынан бастау алып, 12 қазанға дейін арнайы бекітілген жоспар бойынша қала тұрғындары мен қонақтарына мерекелік көңіл-күй сыйлайтын түрлі деңгейдегі мәдени-көпшілік шаралар ұйымдастырылатын болады.Бұл ретте, баршаңызды Қызылорда аспанын ән мен жырға, дүбірлі думанға бөлейтін шаралардың жоғары деңгейде өтуіне бір кісідей атсалысуға шақырамыз.Әзиз БАТЫРБЕКОВ<img src="https://knadmin.beoblood.kz/uploads/ojylym_1_d8acfc8c69.jpg" alt="қойылым 1.jpg"><img src="https://knadmin.beoblood.kz/uploads/ojylym_2_d4af0f8f00.jpg" alt="қойылым 2.jpg"><img src="https://knadmin.beoblood.kz/uploads/ojylym_3_e8c9bb99e5.jpg" alt="қойылым 3.jpg"><img src="https://knadmin.beoblood.kz/uploads/spektakl_8c0a5a9419.jpg" alt="спектакл.jpg">

«Неге, жаным, шығарып сала алмадың?..» атты лирикалық драма сахналанды

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаев «Қазгермұнай» БК» ЖШС бас директорының бірінші орынбасары Лю Шаоюмен кездесіп, зейнет демалысына шығуымен құттықтады.Аймақ басшысы Лю Шаою мырзаға мұнай-газ саласына ұзақ жылдар бойы сіңірген еңбегі үшін алғыс білдірді.<blockquote>«Құрметті Лю Шаою мырза, мұнай-газ саласында 40 жылға жуық өнімді еңбек етіп, оның ішінде аймақтағы «АйданМұнай» компаниясына 4 жыл, «Қазгермұнай» серіктестігіне 4 жыл басшылық жасадыңыз. «Қазгермұнайдағы» бірлескен сапалы жұмыстың арқасында бизнестің әлеуметтік жауапкершілігі жоғары деңгейге көтерілді. Атап айтқанда, компания демеушілігімен 2,5 млрд теңгеге Қызылорда қаласының сол жағалауынан Оқушылар сарайы салынуда. Ғимарат жақын күндері пайдалануға беріледі.Қайырымдылық шараларына да жыл сайын 70 млн теңгеге жуық қаржы бөлініп келеді. Көктемгі су тасқыны кезінде 20 млн теңгенің гуманитарлық көмегі батыс өңірлерге жіберілді. Өзіңіздің қатысуыңызбен 2022 жылы облыстағы мұнай компаниялары Энергетика министрлігімен «Қазгермұнай» мекемесінің «Оңтүстік Ақсай» кен орнындағы шикі газды өндеу зауытына дейін газ құбырын жеткізу туралы меморандумға қол қойған болатын. Қазір газ құбыры құрылысының жоба-сметалық құжаттамалары әзірленуде. Бұл өңделетін газ қорын ұлғайтуға және облыстың әлеуметтік-экономикалық дамуына айтарлықтай үлес қосады. Зейнет демалысында да осы қалпыңыздан таймай, көпшіліктің алғысы мен құрметіне бөлене беріңіз», – деді Нұрлыбек Машбекұлы.</blockquote>Іс-шарада “Қазгермұнай” БК” ЖШС бас директоры Зияш Қияқбаев та әріптесін құттықтап, арнайы тілек-лебізін білдірді.Сыр өңірінің мұнай-газ саласындағы еңбегі үшін Лю Шаою мырзаға Қызылорда облысының Құрмет грамотасы табысталды.Фото: Қызылорда облысы әкімінің баспасөз қызметі

Аймақ басшысы «Қазгермұнай» компаниясы басшысының бірінші орынбасарын зейнетке шығарып салды

<a href="https://kyzylorda-news.kz/">Kyzylorda-news.kz</a> &nbsp;Мәдениет – ұлттың мәйегі. Осы бір сала ұлттың ұлылығын, елдің елдігін айшықтап тұратындай. Қыркүйек айының 21-22 күндері Алматы қаласында Қызылорда облысының өнер күндері өтеді.&nbsp;&nbsp;Маңызды шараға сырдың сақа өнерпаздарының да дайындығы қызу. Күрделі шығармалар дайындалап, әлемнің бес тілінде әуезді әндер шырқалмақ. Мақпал мақам мен сұлу сазға шөліркеген Алматылық ағайынға жыршылар да жырдан шашу шашпақ. Оңтүстік астанада өтетін өнер күндерінің дайындығын облыстық мәдениет, архивтер және құжаттама басқармасының басшысы Мира Қазбекова баяндап берді.<blockquote>&nbsp;– Алматыда өтетін өнер күндеріне дайындық жүйелі жүргізілуде. Алматылықтар ең алдымен "Сыр өңірі – Түркі өркениетінің алтын бесігі" атты көрмемен танысады. Көрмеге аймақтың жетістіктері мен әлеуметтік-экономикалық дамуын суреттейтін құнды экспонаттар қойылады. Әсіресе, археологиялық қазба жұмыстары кезінде табылып, жаңғыртудан өткен "Шірік-Рабат сақ жауынгері"," Сығанақ ханшайымы" мүсіндері көпшілікке ұсынылады. Әншілердің де репертуары толық өзгерді. Жаңа бағдарламамен Алматыға жол тартпақпыз. Облыс әкімінің қолдауымен әртістерімізге жаңа костюмдер әзірленді. Гала-концертте Алматыдағы жерлестеріміз де бой көрсетеді. Сондай-ақ терме бағыты бойынша білім алып жатқан Қызылордалық студенттерге де жыршы-жырауларымыздың шеберлік сағаты өткізіледі деп жоспарлануда,- деді Мира Жомартқызы.</blockquote><img src="https://knadmin.beoblood.kz/uploads/ALMATY_ALASYNDA_YZYLORDA_OBLYSYNY_NER_K_NDERI_TEDI_1_8bc779da92.jpg" alt="АЛМАТЫ ҚАЛАСЫНДА ҚЫЗЫЛОРДА ОБЛЫСЫНЫҢ ӨНЕР КҮНДЕРІ ӨТЕДІ 1.jpg"><img src="https://knadmin.beoblood.kz/uploads/ALMATY_ALASYNDA_YZYLORDA_OBLYSYNY_NER_K_NDERI_TEDI_2_82000281a4.jpg" alt="АЛМАТЫ ҚАЛАСЫНДА ҚЫЗЫЛОРДА ОБЛЫСЫНЫҢ ӨНЕР КҮНДЕРІ ӨТЕДІ 2.jpg">Фото: Қызылорда облысының Өңірлік коммуникациялар қызметі

Алматы қаласында Қызылорда облысының өнер күндері өтеді

&nbsp;<a href="https://kyzylorda-news.kz/">Kyzylorda-news.kz</a> ҚР Халық әртісі Димаш Құдайбергеннің бала күнінде жатқан бесігі мұражайға қойылды. Бұл туралы <a href="https://stan.kz/akesi-de-zhatkan-dimash-kydaybergennin-bala-kuninde-zha-406225/">Stan.kz</a> ақпарат агенттігі хабарлайды.Жаңалықты журналист Бауыржан Бабажанұлы жариялады.<blockquote>“Құдайберген аға мына бесікті 1970 жылы Қанат Айтбаев дүниеге келгенде арнайы жасатыпты. Кейін Димаш та осы бесікке бөленген. Әкелі-балалы екеуі ғана емес, осы әулеттің 22 адамын тербеген құтты бесік бұл! &nbsp; Ұлттық музейде Димаштың шығармашылығына арналған көрме ашылды. Көрмеге келген жұртта есеп жоқ. Көбі шетелдіктер. Олар біздің ұлдың әрбір басқан қадамына үңіліп жатыр. Көрме 6 қазанға дейін созылады. Келіңіздер, көріңіздер!, – деп жазды медиа маманы.</blockquote>Фото:&nbsp;https://www.facebook.com/profile.

 Димаш Құдайбергеннің бала күнінде жатқан бесігі мұражайға қойылды

<a href="https://kyzylorda-news.kz/">Kyzylorda-news.kz</a>&nbsp; Бүгін Отбасы күні аясында А.Тоқмағанбетов атындағы қалалық мәдениет үйі жанынан құрылған "Ұлағат" ата-әжелер ансамблінің әжелері және тұрмыс құрмаған жас қыздардың қатысуымен сыр сұхбат кеші өтті.Әсем ән әуелеп, тағылымды тәлім сөздер салтанат құрған кеш барысында халқымыздың қыз бала тәрбиесіндегі жақсы үрдістері сөз болып, бойжеткен қыздар өнегелі ғұмыр кешіп келе жатқан аналардан көкейлерінде жүрген сауалдарына жауап алды.

Отбасы күніне орай тағылымды кеш өтті

<a href="https://kyzylorda-news.kz/">Kyzylorda-news.kz</a> Сыр өңірінде Қазақстан халқы тілдерінің күніне арналған «Тілі бірдің – тілегі бір» атты мерекелік шара өтті Қазақстан Республикасы Үкіметінің «Қазақстан Республикасындағы мерекелік күндердің тізбесін бекіту туралы» 2017 жылғы 31 қазандағы № 689 қаулысына сәйкес 5 қыркүйек – Қазақстан халқы тілдерінің күні болып белгіленген. 5 қыркүйек – қазақ тіл білімі мен әдебиеттану ғылымдарының негізін салушы, ағартушы Ахмет Байтұрсынұлының туған күні.Осыған орай, Қазақстан халқы тілдерінің күнін атап өтудің облыстық іс-шаралар жоспары бекітілді. Жоспарға сәйкес &nbsp;Достық үйінде облыстық қоғамдық даму басқармасының ұйымдастыруымен &nbsp;«Тілі бірдің – тілегі бір» атты мерекелік шара өтті.&nbsp;Шараға Қызылорда қалалық, аудандық мәдениет және тілдерді дамыту &nbsp;бөлімдерінің басшылары мен тіл мамандары, аймақтағы зиялы қауым өкілдері, тіл жанашырлары, жоғары және арнаулы орта оқу орындарының басшылары мен студенттері, этномәдени бірлестік пен бұқаралық ақпарат құралдарының өкілдері және облыстық, аумақтық мекемелердің басшылары мен мемлекеттік тілге жауапты қызметкерлері қатысты.&nbsp;Салтанатты шара «Тал бесікте тербелген ана тілім!» атты прологпен ашылды.&nbsp;Облыстық қоғамдық даму басқармасының басшысы Р.Каюпов &nbsp;құттықтау сөз сөйлеп, облыстағы бірқатар тіл жанашырлары мен сала мамандарын облыстың Құрмет грамотасымен, облыс әкімінің Алғысхаттарымен, ҚР Ғылым және жоғары білім министрлігінің Құрмет &nbsp;грамотасы мен Алғысхаттарымен марапаттады.&nbsp;Сондай-ақ, мемлекеттік тілде сапалы қызмет көрсетіп отырған және мемлекеттік тілді насихаттаудағы жетістіктері үшін «Үздік телехабар» номинациясымен «Qyzylorda» облыстық телеарнасының «Қоңыр әңгіме» хабарының жүргізушісі Н.Мансұров, «Тіл жаршысы» номинациясымен «Тіл сақшысы» газетінің ұжымы, «Үздік қазақтілді кәсіпорын» номинациясымен Қазалы өндірістік цехы, «Үздік қазақтілді балабақша» номинациясымен «Күнекей» балабақшасы, «Үздік қазақтілді емхана» номинациясымен Қалалық орталық емханасы, &nbsp;«Көрікті жарнама-көркем атау» номинациясымен «Дәстүр» отбасылық кешені, «Мемлекеттік тіл – менің тілім» номинациясымен Сырдария аудандық № 12 өрт сөндіру бөлімінің радио байланысшысы З.Жидкова марапатталды.&nbsp;Бұдан соң облыстық ардагерлер кеңесінің «Құрметті ардагер» төсбелгісі табысталды. Шара барысында жиналған қауымға мерекелік шашу ретінде әзірленген концерттік бағдарламаға ұласты.<img src="https://knadmin.beoblood.kz/uploads/10_19c06e0537.jpg" alt="10.jpg"><img src="https://knadmin.beoblood.kz/uploads/11_db82c23225.jpg" alt="11.jpg"><img src="https://knadmin.beoblood.kz/uploads/13_61882f0f5a.jpg" alt="13.jpg">

Қазақстан және Қызылорда облысының жаңалықтары: Мәдениет