<a href="https://kyzylorda-news.kz/">Kyzylorda-news.kz</a> Халықтың тұрмыс сапасын жақсарту – бүгінгі күннің басты міндеті. Осы орайда 2021-2025 жылдарға арналған кәсіпкерлікті дамыту&nbsp; жөніндегі Ұлттық жобаның іске асырылу барысы Шиелі ауданында қалай жүріп жатыр екен? Бұл жөнінде жұмыспен қамту орталығына хабарласып, мән-жайды сұрастырып көрген едік.Алдымен, статистиканы сөйлетсек. Шиелі ауданында экономикалық тұрғыдан белсенді халық саны – 36213. Оның 34 406-сы жұмыспен қамтылған. Яғни 17 754-і жалдамалы қызметкер болса, 16 652-сі өз бетінше жұмыспен қамтылған халық. Ал жұмыссыздық деңгейі 4,5 пайызды құрап отыр. Биыл орталыққа 2589 азамат жұмыс іздеуші ретінде тіркеліп, 347 азамат тұрақты жұмыс орындарына орналастырылса, 885 азамат жұмыспен қамтудың белсенді шараларына (ақылы қоғамдық жұмыс, әлеуметтік жұмыс орындары, жастар практикасы, жаңа бизнес-идеяларға қайтарымсыз мемлекеттік грант, алғашқы жұмыс орны, ұрпақтар келісім шарты, (Күміс жас) тартылды.Саралап қарар болсақ, жұмысты қай жағынан іздесеңіз де табылады. Бастысы ниет пен әрекет қажет. Шиелі ауданындағы жұмыспен қамту орталығының халықпен жұмыс істеуіне көңіліміз толады. Себебі қаншама халықпен тығыз байланыста болып, оларға жұмыс тауып беруі оңай емес. Мәселен, бизнес-идеяларды дамытуға қайтарымсыз гранттар беру жоспарына сәйкес business.enbek.kz электронды ақпараттық порталы арқылы қабылданған өтінімдер негізінде ауданда бизнес идеяларды іске асыруға арналған мемлекеттік гранттарды алуға үміткерлердің өтініштерін қарау жөніндегі комиссия отырысының хаттамалық шешіміне сәйкес, 151 азаматқа 400 АЕК мөлшерінде қайтарымсыз гранттар беру жоспарлануда.&nbsp;Сондай-ақ осы жылы әлеуметтік жұмыс орындарына 57 азаматты жолдау жоспарланып, 8 азамат жолданып жұмыс істеуде «Алғашқы жұмыс орны» жобасы бойынша 47 азаматты жолдау тіркеліп, 1 азамат жолданса, «Күміс жас» жобасына 19 адамды жұмысқа қамтылып үлгерген. Алдағы уақытта «Ұрпақтар келісімшарты» жобасына 3 азаматты жолдау жоспарда бар.&nbsp;Орталықтың тағы бір мақсаты – жастарды қоғамдық және жастар практикасы арқылы алғашқы жұмысқа орналасуына және мемлекеттік гранттарды алуға бағыт-бағдар беруге барынша көмектесу. Бүгінде жастар практикасына 365 азаматты жолданып, 332 азамат (2023 жылдан келісімшарты өтпелі 299, 2024 жылы жолданғаны 33) уақытша негізде жұмыс істеуде.&nbsp;Ақылы қоғамдық жұмыс орындарында 824 қызметкер әр түрлі техникалық құжаттарды түптеу-реттеу, санитарлық тазалық, сақшы-сарбаз, бақташы болып қызмет етеді.&nbsp;Қоса кету керек, халықпен жұмыспен қамту орталығына 78 еңбекке қабілетті мүгедектігі бар адамдар жеке оңалту бағдарламасына сәйкес жұмыссыз ретінде тіркеліп, 5 азамат тұрақты жұмысқа жолданды. Ал 39 азамат ақылы қоғамдық жұмыста, 1 азамат әлеуметтік орындарда және «Күміс жас» жобасында 1 азамат және 3 азамат жастар практикасынан өтуде.&nbsp;Расында, жаңа жұмыс орындарын ашу, халықты тұрақты жұмыспен қамту маңызды міндеттердің бірі. Сол себепті де тұрғындарды жұмыспен қамту күн тәртібіндегі өзекті мәселеге айналған. Яғни халықтың тұрмыс сапасын жақсартуға аса қатты мән беруіміз қажет. Ал ондағы орталықтың жұмысы жүйелі, нәтижесі нақты.&nbsp;

Шиеліде жұмыссыздық деңгейі 4,5 пайызды құрайды

<a href="https://kyzylorda-news.kz/">Kyzylorda-news.kz</a>&nbsp; РАТТ мүшесі, журналист-теолог, ҚР журналистер одағының мүшесі Сәкен Салтан Сайранұлы «Деструктивті ағымдарды белгілерінен тану» тақырыбында Мәншүк Мәметова атындағы Қызылорда педагогикалық жоғары колледжінің жастарымен кездесті. Шараға директордың тәрбие ісі жөніндегі орынбасары Гүлдана Исаева және ұйымдастырушы педагог Айбибі Жәнібек қатысты.&nbsp;Жоспарлы жиынға жүзге жуық білім алушы қатысып, тақырып аясындағы түсіндірме жұмысын тыңдады. Кеш қонағы Салтан Сайранұлы ислам дінінің таралу тарихынан бастап, діни алауыздық тудыратын деструктивті ағымдардың мақсаты елді бірлігінен ажырату және ынтымақты жою екенін айта келе олардың сипатын түсіндірді. Деструктивті діни бағыттағы топтардың ақпарат таратуы, арандатушылық тудыру мәселесі, одан туындайтын мәселелер мен құқықтық тұрғыда ақпарат берді.&nbsp;Сондай-ақ қоғамның қозғаушы күші жастар екенін, жастық жігер мен уақытты ел игілігіне, әр адам өз болашағының жарқын болуы бағытында жұмсау керектігін айтып, жастардың ел игілігі жолында атқарған жұмыстарына, инновациялық бағдарламаларға тоқталды.Студент жастар тарапынан туындаған тақырып аясындағы бірқатар сауалдарға жауап беріп, пікір алаңы құрылды.

Журналист-теолог білім алушылармен кездесті

<a href="https://kyzylorda-news.kz/">Kyzylorda-news.kz</a>&nbsp; Кеше аудандық партия филиалының Қоғамдық қабылдау бөлмесінің жұмыс жоспарына сәйкес Сырдария ауданы бойынша білім бөлімінің басшысы Берік Жәнібеков аудан тұрғындарын жеке мәселелері жөнінде қоғамдық қабылдау жасады.&nbsp;Бүгінде тұрғындардың жеке мәселелері назардан тыс қалған емес, мамандардың әрдайым жіті бақылауында. Қоғамдық қабылдау барысында аудан тұрғындары тарапынан жұмыспен қамту және білім саласына қатысты сұрақтар қойылып, талап-тілектері тыңдалды. Бөлім басшысы Берік Жәнібеков тұрғындардың сұрақтары мен мәселелері жөнінде жан-жақты саралап, заң шеңберінде толыққанды әрі нақты жауап берді. Бөлім басшысының өткізген қабылдау барысында тұрғындап тарапынан бала-бақша мәселесі, жұмысқа орналасу, білім саласындағы кемшіліктер сияқты сұрақтар қойылды. Жеке қабылдауда көтерілген мәселелер бойынша тиісті тұлғаларға тапсырмалар жүктеліп, алдағы уақытта барлық айтылған ұсыныс-пікірлер жауапсыз қалмайтындығы және тиісті деңгейде шешу жолдары қарастырылатындығы айтылды. Білім саласының дамуы – ел болашағына деген сенім, – деді білім бөлімі басшысы Берік Жәнібеков.&nbsp;Қабылдау барысында өз шешімін тапқан мәселелер де болды.

Тұрғындар мәселесі бойынша қоғамдық қабылдау өткізілді

<a href="https://kyzylorda-news.kz/">Kyzylorda-news.kz</a>&nbsp; Қорқыт ата атындағы Қызылорда университеті студенттерінің қатысуымен жиын өтіп, қазіргі жастар арасындағы өзекті мәселелер талқыланды.Студенттер сарайында ұйымдастырылған басқосуға теолог, дін саласы бойынша республикалық-ақпараттық түсіндіру тобының мүшесі Бақтияр Есенгелдіұлы қатысып, жастарға интернеттен діни мазмұндағы ақпараттар алудың қауіптілігі және жат ағымдардан сақтану жолдары аясында түсіндіру жұмыстарын жүргізді.Жаһандану дәуірінде түрлі-түрлі рухани қауіп-қатерлердің бар екендігі және жастарды «бұқаралық мәдениеттің» зиянды әсерінен қорғау маңызды рөл атқаруда. Өскелең ұрпақ арасында салауатты өмір салтын насихаттау, жастардың санасын бөтен идеялардың ықпалынан қорғау, ақпараттық шабуылдарға қарсы идеологиялық иммунитетті қалыптастыру, қылмыстың, құқық бұзушылықтың, нашақорлықтың, діни экстремизм мен терроризмнің алдын алуға көмектесу, жастарда патриотизм сезімін арттыру қажет. Өскелең жас ұрпақтың рухани-адамгершілік білімін дұрыс қалыптастыру, оны түрлі қауіп-қатерлерден қорғау, сананы көтеру – рухани-ағарту саласындағы басты мақсаттардың бірі.Жиын барысында студенттер сала мамандарына сұрақ қойып, ұсыныстарын жеткізді.&nbsp;Қорлан САРЫ Фото: университеттің әлеуметтік желідегі парақшасынан

Жастармен жұмыс – баршаға ортақ

<a href="https://kyzylorda-news.kz/">Kyzylorda-news.kz</a> Алаштың&nbsp; анасы&nbsp; атанған&nbsp;Сыр топырағынан қара&nbsp; қылды&nbsp; қақ жарған&nbsp;билер мен шешендер, күйшілер мен төкпе&nbsp;жырлар &nbsp;төккен ақын-жыраулар, Отан үшін&nbsp; кеудесін&nbsp; оққа тосқан&nbsp;батырлар, еңбек десе ішер асын&nbsp;жерге қоятын еңбек&nbsp; ерлері&nbsp; нәр алған. Заманында топ бастаған тұлғалар ешқашан ұмыт қалмай, олардың ерен еңбегі жас ұрпаққа ұлықталып келеді. Кеше Жалағаш ауданына қарасты Еңбек ауылында ақ жолдан адаспай басшылық қызметте болып, халықтың еңсесін көтеруге өлшеусіз үлес қосқан Сәмит Далдабаевты еске алуға арналған «Елге сыйлы ер еді» атты кеш өтті.&nbsp;«Қазақ ССР-на еңбегі сіңген ауыл шаруашылық қызметкері» «ҚР еңбегі сіңген қызметкері» Тереңөзек, Сырда­рия, Жалағаш және Жаңақорған аудан­дарының құрметті азаматы Сәмит Дал­дабаевты еске алуға арналған кеш­ке оның жары, балалары мен ауыл тұр­ғындары қатысты. Айтулы азаматпен кішкен­тайы­нан бірге өскен інілері мен жары, ба­ла­лары естеліктерімен бө­­лісіп, өнегеге толы өмір жолын көпші­лікке жеткізді.&nbsp;<blockquote>–&nbsp; Сәмит аға 1938 жылы 5 қарашада Жалағаш ауданындағы қазіргі Еңбек ауылдық округінде қарапайым отба­сында дүниеге келген. Оның балалық шағы екінші дүниежүзілік соғыспен тұспа-тұс келіп, еңбекке ерте араласып, ерте есейді. Көктем келе дала жұмыс­тарына дем беріп, «Жыңғылды» кө­лінен су жеткізетін арықты шөп басып қалады. Әкесімен бірге соны тазалауға атсалысады. Ол кезде ауылдарда же­тіжылдық мектептер болды. Ауы­лында білім алған Сәмит аға оқуын Жалағашта жалғастырып, 1956 жылы «Сталин» атындағы мектепті күміс медалмен бітірді. Сол жылы Ал­ма­тыдағы зооветеринариялық ин­сти­ту­тына оқуға түсіп, 1961 жылы мал дәрі­гері мамандығы бойынша бітірді, – дейді ауыл ақсақалы Әбдіқаппар Ысқақов.&nbsp;</blockquote>Сәмит Далдабаев еңбек жолын Тереңөзек кеңшарында мал дәрігері ретінде бастайды. Кейін Сырдария ауданының мал дәрігері, аудандық мал дәрігерлік станциясының бастығы болды. 1965 жылы Сырдария, 1967 жылы Тереңөзек аудандық ат­қару комитеті төрағасының бірінші орын­­басары, 1974 жылы Жалағаш ау­дандық партия комитетінің хатшысы, 1975 жылы Сырдария аудандық Ке­ңес атқару комитетінің төрағасы қыз­метін атқарды. 1983 жылы Сәмит Далдабаев аудандық партия коми­тетінің бірінші хатшысы болды. Оның ұйымдастырушылық қабілет-қа­­ры­мы көрініп, 1984 жылы күріш жинау нау­қа­нында мол өнім жинайды. Бұл меже&nbsp; арада 15 жыл өткенде орындалған еді.&nbsp;За­ман­дастарының айтуынша, Сә­мит Далдабаев басқарған жылдар ау­дан ең­беккерлері үшін аса табысты болған.&nbsp;Ол мал басын көбейту, төл алу мен мал шығынын азайтуда да же­тістіктерге жеткен. Тәуелсіздіктің ал­ғашқы жылдары Жалағаш ауданы­ның әкімі болып, 1997 жылға дейін ау­данды басқарды. Кейін облыстық тәр­тіптік кеңес басқармасының бас­тығы болды.<blockquote>– Сәмиттің елге сіңірген еңбегі елеусіз қалған жоқ. 1966 жылы «Ең­бектегі ерлігі үшін» медалімен, 1971 жылы «Құрмет белгісі», 1981 жылы «Халықтар достығы», 2010 жылы «Құр­­мет» орденімен марапатталды. Сондай-ақ 1973 жылы «Қазақ ССР-ына еңбегі сіңген ауыл шаруашылығы қызметкері», 1998 жылы «Қазақстан Рес­публикасына еңбегі сіңген қызмет­кер» атағына ие болды. 2006 жылы Селолық тұтыну кооперативтері об­лыс­тық қауымдастығы қоғамдық ұйы­мының төрағасы ретінде атқарған ісі қомақты. Қоғамдық жұмыста ол «Мүсірәлі Пір ата» қоғамдық қоры­ның төрағасы ретінде Қызылорда қа­ласының орталығынан «Мүсірәлі Пір Ата» мешітін салуға үлес қосты. Ол –&nbsp; жұмыс тәжірибесін ғылыммен ұштас­тырған жан.&nbsp;Ауыл шаруашылығы ғы­лым­дарының кандидаты болды. 1965 жылдан бастап үздіксіз Тереңөзек, Сырдария, Жаңақорған және Жалағаш аудандық кеңесінің, 1975 жылдан Қы­зы­лорда об­лыстық Кеңесінің депу­таты болып сайланды, – дейді жары Айгүл Өміртайқызы.&nbsp;</blockquote>Иә, Сәмит Далдабаев – білікті басшы ғана емес, отбасының тірегі, ұл-қыз­дарының ақылшысы. Жары Айгүл Өмір­тайқызы екеуі тоғыз перзентіне тәлімді тәрбие сіңіріп, саналы білім алуына жан-жақты жағдай жасаған. Бүгінде балалары шаңырақ көтеріп, өмірден өз орындарын тауып, әр сала­да елдің өркендеуіне қызмет етуде.Әділдігі мен турашылдығы үшін, заманында халқы қадірлеген кейіп­керімізді еске алуға арналған кеш «Билік те, байлық та уақытша, басты байлық – денсаулық. Сондықтан ден­саулығымыздың арқасында ел үшін, халық үшін қызмет ету – бізге парыз бен өтелмеген қарыз» деген Сыр елінің сардары Сәмит Далдабаевтың сөзімен қорытындыланды.&nbsp;

Жалағаш ауданында «Елге сыйлы ер еді» атты кеш өтті

<a href="https://kyzylorda-news.kz/">Kyzylorda-news.kz</a> Былтыр қазақстандықтардың зияткерлік және шығармашылық капиталын дамытуға бағытталған жаңа «КІТАП – AMANAT» партиялық жобасы бастау алған болатын. Жоба аясында &nbsp;алғашқы болып, «AMANAT» партиясының Төрағасы Ерлан Жақанұлы Қошановтың қатысуымен Алматы қаласында «Кітап-AMANAT» мәдени-ағартушылық орталығы ашылды. Бұл бастама барлық өңірлерде жалғасын тауып, біздің өңірімізде де орталық жұмысын бастады. Жалпы «Кітап-AMANAT» жобасының басты мақсаты: «AMANAT» партиясы жанында оқырман мәдениетінің құндылығын қалыптастыратын зияткерлік қауымдастық жасау.Бүгін 23 сәуір «Халықаралық кітап және авторлық құқық күніне» орай, партияның облыстық филилалы жанындағы «Кітап-AMANAT» орталығында Қазақстан жазушылары одағының мүшесі, Ғани Мұратбаев атындағы республикалық жастар сыйлығының иегері, қазіргі таңда хит әндердің авторы Ақжол Түменбаймен кездесу өтті.Шараға «Жастар рухы» ЖҚ-ның белсенді жастары, жас ақын-жазушылар қатысты. &nbsp;Кездесу барысында Ақжолдың шығармашылығы жайлы әңгіме қозғалып, &nbsp;сұрақ-жауап ұйымдастырылды. Сонымен қатар, автордың оқыған кітаптары жайлы, бүгінгі күні көп оқылатын кітаптар туралы пікірлер айтылып, жастар автор әндерін бірге орындап,олардың шығу тарихын талқылады. Кездесу соңында Ақжол Түменбай партияның «Кітап - AMANAT» жобасының отандық авторлар мен кітап шығарушыларды қолдауға бағытталғанына ризашылығын білдіріп, жастарды кітап оқуға шақырды. Сонымен қатар жеке кітапханасынан орталыққа кітап сыйға тартты.

«Кітап-AMANAT» орталығында танымдық кездесу өтті

<a href="https://kyzylorda-news.kz/">Kyzylorda-news.kz</a> Арал теңізінің тағдыры – бүгінде әлем жұртшылығын толғандырып отырған үлкен мәселе. Себебі оның тартылуы Орта Азия мен Қазақстанның ғана емес, одан бөлек көптеген Шығыс елдерінің тыныс-тіршілігіне өзгерістер әкелуі мүмкін. Ал әлемдік климаттың өзгеруі, атмосферадағы ауытқушылықтар табиғаттың түрлі тұрақсыздығын тудырады.Қазіргі таңда бұл тақырып төңірегінде әлемдік ғалымдар арасында пікірталастар туып, конференциялар ұйымдастырылып жатыр. 1993 жылы аталған мәселе бойынша алғашқы халықаралық жиын құрылып, нәтижесінде Аралды құтқару халықаралық қоры туралы ережеге қол қойылған болатын. Бағдарлама арқылы Арал теңізі алабындағы қоршаған ортаның жағдайын тұрақтандыру, Арал маңының бүлінген экологиясын, алқаптың су және жер ресурстарын қалпына келтіру және басқа да мақсаттар көзделді. Өлкедегі дағдарыстың әлеуметтік және экологиялық проблемаларын шешуге бағытталған жобалар жүйелі жұмыстарын атқарып та үлгерді.&nbsp;Шыны керек, теңіздің болашағы дүние халықтарын алаңдатуда. Бұрынмен салыстырғанда, бүгінде Үлкен Арал теңізінің экологиялық ахуалы нашарлап, тіпті ондағы көптеген балық түрлері жойылып кеткен. Бұл теңізге жақын орналасқан елді мекендердегі жұмыссыздар санының көбеюіне алып келді. Кеме жасау зауыттары жұмысын тіпті тоқтатты. Ал теңіздің тартылып кеткен жерлерінен ұшқан тұздар бірнеше қашықтыққа таралып, аурудың көбеюіне, өсімдіктер мен жануарлардың күрт азаюына себеп болып отыр. Бұл мәселе ешкімді бей-жай қалдырмауға тиіс. Себебі қазір Арал десе, ең алдымен, ондағы қиын экологиялық жағдайды ойлайтын күнге жеттік.&nbsp;Таяуда аймақ басшысы Нұрлыбек Нәлібаев АҚШ-тың Қазақстандағы Төтенше және Өкілетті Елшісі Дэниел Розенблюммен және USAID Халықаралық даму агенттігі өңірлік миссия директорының орынбасары Моник Мосольфпен кездескен болатын. Басқосу барысында күллі әлемге ортақ экологиялық мәселеге айналған Арал теңізінің жай-күйі сөз болып, оның бүгінгі жағдайы, қиындықтардың алдын алуға бағыттала атқарылған жұмыстар талқыланды. Айта кетейік, 2021-2023 жылдары USAID Халықаралық даму агенттігінің «Оазис» жобасы шеңберінде Арал теңізінің құрғаған ұлтанындағы экожүйені қалпына келтіру мақсатында 150 гектар жерге сексеуіл тұқымы себіліп, көшеттер отырғызылды, 500 метр тереңдікте су ұңғымасы қазылып, пайдалануға берілді. Сондай-ақ Мемлекет басшысы 2021-2025 жылдар аралығында Арал теңізінің құрғаған ұлтанындағы 1,1 млн гектарға сексеуіл екпелерін егуді тапсырған болатын. Биыл 276,2 мың гектар аумақта осы бағыттағы жұмыстар жоспарланса, қазір 65 мың гектар ұлтанға 19,4 млн сексеуіл көшеті отырғызылған. Бұл көрсеткіш алдағы жылы 280 мың гектар алқапқа жеткізілмек.&nbsp;Жұмыс сапары барысында АҚШ елшісі облыстың су шаруашылығы нысандарымен, USAID Oasis жобасының жүзеге асырылу барысымен танысып, Америка мен Қазақстанның өзара тиімді әріптестігін әрі қарай дамытуға мүдделі екенін жеткізді. Бұдан бөлек Еуроодаққа мүше 19 мемлекеттің елшілері Арал ауданына арнайы іссапармен барып, өңірдің тыныс-тіршілігімен танысты.&nbsp;Расында, Арал апаты аймақтық сипаттағы дағдарыс емес, бұл – әлем жұртшылығы мойындап отырған дағдарыс. Себебі оның салдары басқа аймақтарға да тиіп отыр. Сондықтан үлкен мәселелердің алдын алып, одан келетін зардаптарды жоюға әрекет ету – барлық азаматтың борышы.

Арал апатына араша бар ма?

<a href="https://kyzylorda-news.kz/">Kyzylorda-news.kz</a> &nbsp;Соңғы уақытта Жалашқа табан тіреген қонақтар туған өлкеміздің тазалығына, жасыл-желекті көшелерімізге тамсанып жатады. Иә, кентті көркейтіп-көгалдандыру бойынша бірқатар тынымды тірлік бар. Көктем келісімен жалағаштықтар сенбілікке шығып, көше, аула тазалығына белсене араласуда. Жергілікті шаруашылықтар да арнайы техникаларын шығарып, су келетін арықтарды қазу, қоқыстарды арнайы орындарға жеткізу секілді ауқымды жұмыстарға үлес қосуда. Міне, сол бірлікпен келген тірліктің нәтижесі көз алдымызда.Осы орайда «Руханият» орталы­ғында аудан әкімі Ардақ Ибраимов кенттегі көше комитеттерімен кездесу өткізді. Жиынға ардагерлер, кент тұр­ғын­дары, көше комитеттері, аудандық мәс­лихат де­путаттары, аудандық қо­ғамдық ке­ңес мүшелері, кәсіпкерлер мен жергі­лікті қоғамдастық мүшелері қатысты.&nbsp;Наурыз айынан бастап аудан кө­ле­мінде көркейту және көгалдандыру жұмыстарының іс-шаралар жоспары бекітіліп, тиісті жұмыстар жүргізілуде. Қазіргі таңда аудан тұрғындары көк­темгі көркейту жұмыстары, аула­дағы бау-бақшаны күтіп-баптау секілді жұ­­­мыстар жасауда. Таяуда ғана Мем­­­лекет басшысы елімізде «Таза Қа­­зақстан» экологиялық акциясы аясында аумақтарды абаттандыру, көгал­­­­дандыру жөнінде бірқатар тап­сыр­­ма жүктеп, аймақ басшысы да өз үндеуін жариялады.&nbsp;Аудан тұрғындарымен өткен кезде­суде ең әуелі тазалық мәселесіне ден қойған аудан басшысы Ардақ Әбді­ғап­парұлы тазалық әркімнің өз аула­сынан, табалдырығынан басталуы тиіс екенін жеткізді.&nbsp;<blockquote>– Туған жердің көркеюіне, гүлде­нуіне үлес қосу әрбір тұрғынның аза­мат­тық парызы деп есептеймін. Көк­темнің жайма-шуақ күндерінде ауыл­­дарда, кентте көркейту жұмыс­тары жүруде, бұл шаруаны әрбір аза­мат өз ауласынан бастағаны жөн. Өз ауламызға тазалық жұмыстарын жүр­гізіп қана қоймай, саялы ағаш отыр­ғызып, гүл егіп, үйімізді ақтап, қақ­памызды сырлап қойсақ, үй-жайымыз да жаңарып қалады, екінші жағынан кенттің тазалық жұмыстарына да үле­сімізді қосқан болар едік. Тазалық акцияларына, санитарлық жұмыстарға белсене қатысып, көпке үлгі болып жүрген Т.Жүргенов, С.Қалыбаев көше­ле­рінің тұрғындарын ерекше атап өтуге болады, – дейді аудна әкімі Ардақ Әбдіғаппарұлы.</blockquote>Аймақ басшы­сы Нұрлыбек Машбекұлының бас­та­масымен был­тыр облыста «Үлгілі елді мекен» конкурсы өтіп, жеңімпаздарға арнайы ауыл ша­­руашылығы техникалары та­быс­талды. Конкурстың «Үздік ауыл» но­ми­нациясы бойынша Таң ауылы ІІ орын иеленді. Сондай-ақ өткен жылы ауданда «Үздік аула – 2023» байқауы ұйым­дастырылып, жеңімпаздарға ар­найы диплом мен қаржылай сыйлық­тар табысталған.Осы жобалардың жалғасы ретінде биыл ауданда тұңғыш рет «Жасыл көше – 2024» байқауын өткізу жоспарлануда. Тұрғындар аулалары мен қатар өздері тұратын көше бо­йын абаттандырып, аяқ су жүретін арықтарды қазып, кент келбетінің көр­­кеюіне үлес қосуы тиіс. Аталған байқаудың жеңімпаздарына қомақты қаржылай сыйлықтар табысталады.Келелі кездесуде аудандық мәс­лихат төрағасы Өмірзақ Елеусінов, кент ардагерлер кеңесінің төрағасы Қожатай Құлмахан, ардагер Ол­жа­бай Жаңабергенов, аудандық ақса­қалдар кеңесінің төрағасы Асылбек Тәуіпбаев тазалық мәселесі мен кентті көркейтіп-көгалдандыру аясындағы жұ­­мыстарды тарқатып, аудан тұрғын­дарын тазалық маусымында бел­сенділік танытуға, өзіміз тұратын өл­кенің дамуына атса­лысуға шақырды.Айта кету керек, кентте барлығы 85 шақырымды құрайтын 71 көше бар. 2023 жылы облыстық бюжеттен 1 млрд теңгеге жуық қаржы бөлініп, 11 көше жөндеуден өткен. Осының негізінде бүгінде асфальт төселген жол­дардың үлесі 94 пайызға, жа­рықтандырылған көшелердің үлесі 55 пайызға жеткен.

Жалағаштықтар тазалыққа үлес қосуда

<a href="https://kyzylorda-news.kz/">Kyzylorda-news.kz</a> Апта басында Жалағаш аудандық «Мансап» орталығының мониторинг тобы халықты жұмыспен қамту мақсатында Мәдениет, Мақпалкөл, Жаңаталап, Аққыр ауылына жұмыс сапарымен барды. Орталық директоры Ғалымжан Телібаевтың айтуынша, «Мансап» орталығына келуге мүмкіндігі болмай жүрген тұрғындарға көрсетілетін қызметтер жайлы жан-жақты ақпарат беріп, тиісті көмек көрсету бір ізге түскен. Мұның жұмыссыз жүрген азаматтарды еңбекпен қамтуға қосар үлесі қомақты. Ауыл тұрғындарымен тығыз қарым-қатынас орнатып, түсіндірме жұмыстарын жүргізуде орталық қызметкерлері алдағы уақытта да ауылдарға сапарлайды.&nbsp;Мәдениет ауылынан бастаған са­парда мамандар халық көп шоғыр­ланған орындарда көкейіндегі сауалын қоюға кел­ген тұрғындардың талап-тілегін тың­дады. Оның ішінде екі қолға бір күрек табуға ниеттілер де бар. Ма­мандар жұмыс сұрап келген тұр­ғын­дар­­дың жасы мен біліміне, әлеу­меттік ахуалына сай тиісті жұмыстар ұсынды.&nbsp;Кездесуде ауыл тұрғындарына «Жас­тар тәжіри­бесі», «Күміс жас», ақы­лы қоғамдық жұмыс пен әлеу­мет­тік жұмыс орындары жайында, қай­тарымсыз грант, «Бастау бизнес» кә­сіпкерлік негіздері аясында кәсіп­тік оқу, атаулы көмек, бос жұмыс орын­дары туралы толық ақпарат беріліп, үнпарақтар таратылды.&nbsp;Мекеме басшысының айтуынша, ау­данда жұмыссыздық деңгейі 6,1 пайызды құрайды. Яғни қаңтар айына дейін тір­келген жұмыссыздар саны – 902.&nbsp; Жұмыспен қамту органдарына жұ­мыс іздеуші ретінде 1 329 адам жү­гінсе, 769-ы тұжырымдамаға қа­тысушы ретінде тіркелген. Оның ішін­де 636-сы жұмыссыз, 96-сы жұмыс іздеуші, 37-сі өздері жұмыспен қамтылған. Олардың 122-сі бос жұмыс орындарына орна­ласқан.&nbsp;«Бастау Бизнес» жобасымен кә­сіп­­керлік негізде оқытуға 43 адам жолданған. Оның 27-сі оқу курсын аяқтаған. 1-еуі кәсіп ашса,&nbsp; 22 адам «Электронды еңбек биржасы» пор­талы арқылы онлайн-оқудан өтіп, сер­тификат алған.&nbsp;Субсидияланатын жұмыс орында­рына келсек, бұл бағытта 604 адам жұмысқа орналасқан. Оның ішінде әлеуметтік жұмыс орындарына 4 адам жолданған. Ал жастар прак­тикасымен 16 адам жұмысқа тұрған. Қоғамдық жұмыстарға 564 адам жолданды, оның 1-еуі тұрақты жұмысқа орналасқан. «Ал­ғаш­қы жұ­­мыс орнына» 2 адам жол­дан­ған. «Күміс жас» жобасына 18 адам ба­рып, оның алтауы орталық қыз­мет­керлерінің мониторинг жұмыс­тарын жүргізу&nbsp; нәтижесінде мерзімінен бұрын босатылған.«Мансап» орталығының бір күн­дік сапарында орталық бас­шысы Ғалымжан Телібаев ауыл тұр­ғын­да­рымен жеке қабылдау өткізді. Сондай-ақ мамандардың көмегімен 6 адам жұмыс іздеуші ретінде тіркелсе, 1 адам жұмысынан айырылуына бай­ланысты әлеуметтік төлемге өтініш білдірді. 3 адам қоғамдық жұмысқа жол­дама алды. 1 адам «Ұлттық жоба» шеңберінде тұрақты жұмысқа орналасты. Ал 1 жұмыс берушіден «Ал­ғашқы жұмыс орны» жобасына өті­нім берілді.Аталған орталық тұрғындарды жұ­мысқа жолдаумен қатар жұмыссыз жүр­­гендердің жаңа кәсіп игеруіне де көңіл бөліп келеді. Атап айтсақ, шаш­та­­раз мамандығы бойынша биыл 25 адам қысқамерзімді курс оқу жоспар­ланған.<blockquote>– Қазіргі таңда шаштараз маман­дығы бойынша 5 жұмыс берушіден 10 адамға оқуға өтінім түсіп отыр. Жылдық жоспар бойынша сәуір айында 15 адам, шілде айында 10 адам оқиды. Әзірге 10 адам ғана нақтыланып тұр. Қалған 5 адам табылған соң сәуір айының оқуы басталады. Осы бағытта ауылдағы шаштараз мамандығына икемі бар қыз-келіншектерге барынша түсіндірме жұмыстарын жүргізудеміз. Бұл оқу 3 айға созылады. Оқимын деген тұрғындарға 28 323 теңге шә­кіртақы, 36 920 мың теңге көлемінде тұрғын үйді жалдау ақысы мен 14 768 мың теңге жол жүру ақысы, медициналық тексеруден өту үшін 1 рет 7 384 теңге беріледі, – дейді «Мансап» орталығы филиалының «Ең­бек ресурстарын мо­ниторингілеу, болжау, оқыту және кәсіп­керлік бастамаларды қолдау» бөлім­шесінің басшысы Бердібек Қазбеков.</blockquote>Жыл басынан бері орта­лық қыз­меткерлері 2023 жыл­дан өтпелі жә­не биыл субсидия­ланатын жұ­­­­мыс орын­дарына жол­данған қа­­ты­­су­шыларға бюджет қа­­­ра­жатын мақ­сатты жұмсау ба­ғы­тында 132 жұмыс берушіге 629 адам­ға мо­ниторинг жұмыстарын жүр­гі­зіп, нә­ти­жесінде 18 жұмыс беру­шіге «ес­кертпе» хат берілген, 14 адамның жұ­мысы тоқ­та­тылған. Ал­дағы уақытта бұл бағытта ау­дан орталығынан шал­ғай ор­на­лас­қан елді мекендерде де тү­сін­діру жұ­мыстары жүргізіледі.

Жалағаштықтарға жұмыспен қамту бойынша түсіндірме жұмыстары жүргізілді

<a href="https://kyzylorda-news.kz/">Kyzylorda-news.kz</a>&nbsp; Көзге шағын көрінгенімен Жосалы кентінің арғы-бергі беті жаяу жүргіншіге әжептәуір жер. Одан уақыт кетірумен қатар, шаршап-шалдығып қаларыңыз және бар. Қазір шүкір дейік, кент ішінде жолаушы тасымалы жолға қойылған. Бұл орталықтағы тұрғындармен қоса, көлік қатынасы сирек жүретін шеткі аймақтардың да мәселесін шешіп, бір ізге салып тұр. Әсіресе мөлтек ауданына қарай қатынайтын №2 маршруттың көлік жүргізушісіне деген көптің ықыласы бөлек.&nbsp;Жалпы кентке «Кад Нұр» жауапкершілігі шектеулі серіктестігінің директоры Ғали Алмауытов жолаушы тасымалымен айналысатын 8 пазик бөлген. 3 жыл көлемінде осы жұмыстарды абыроймен атқарып келеді. Осы көліктің бірін тәжірибелі жүргізуші Алтынбек Сарбасов тізгіндеген.&nbsp;<blockquote>– Алтекең өз ісіне ұқыппен қарайтын білікті маман. Жұмыстан соң май-суын қарап, жөндейтін жері болса дұрыстап отырады. Көлікті тоқтатпайды. Көлікті тоқтаусыз жүргізу – тұтынушыларға өте тиімді болмақ. Бұйырса, жақында жақсы жаңалығымыз болады. Жолаушылар қызметі үшін кентке тағы бір жаңа автобус қоссақ па деп отырмыз, – дейді серіктестік директоры Ғали Базарбайұлы.&nbsp;</blockquote>Бір қарағанда көліктің бәрі бірдей болып көрінуі мүмкін. Дегенмен, автобус жүргізушісі болу үлкен жауапкершілік жүктейді. Адам тасымалымен айналысатын болған соң, оған мол тәжірибе қажет. Сол үшін де кез келген жан мұндай іске кездейсоқ келе салмайды. 15 жылдан бері жолаушы тасымалдап жүрген Алтекең «Басты &nbsp;мақсатым – халықтың көңілінен шығу» дегенді айтады. &nbsp;Оның күнделікті жұмыс кестесі таңертеңгі сағат 5.30-дан басталып, содан кешкі 6.30-ға дейін жалғасады. &nbsp; &nbsp;&nbsp;<blockquote>– «Жақсының жақсылығын айт, нұры тасысын» дегендей, Ү.Томанов атындағы №183 орта мектеп кент орталығынан шетте орналасқан. Ол жаққа қарай такси қатынағанымен оған үнемі отыру қалтаға ауырлық етеді. Бір айлығымен күн көріп жүрген қарапайым адамға тиімдісі – қоғамдық көлік. Осы тұрғыда №2 қоғамдық көлік жүргізушісі Алтынбек Сарбасовқа таңнан кешке дейін үздіксіз, тоқтаусыз қызметі үшін алғысымызды айтсақ, басшысы Ғали Алмауытовқа осындай көлік тасымалын ұйымдастырғаны үшін ризашылығымызды білдіргіміз келеді. Елге жасаған еңбек қашан да елеулі. Азаматтардың игі істері берекелі болсын. Тұрғындардың ризашылығына кенеліп, абырой биігінен көріне берсін, – дейді кент тұрғыны Бақыт Төребаева. &nbsp;</blockquote>Фото: quto.ru &nbsp;

Қармақшыда тағы бір қоғамдық көлік іске қосылмақ 

&nbsp;<a href="https://kyzylorda-news.kz/">Kyzylorda-news.kz</a> Ұлттық статистика бюросының облыстық статистика департаменті мәліметтеріне сүйенсек, Қызылорда қаласының әлеуметтік – экономикалық дамуы 2024 жылдың қаңтар-желтоқсан айына өнеркәсіп өнімдерінің өндіріс көлемі 636 347 миллион теңгені құрап, өткен жылдың салыстырмалы кезеңімен 92,1 процентті құраған.Оның ішінде мұнай ұңғымаларының сулануы салдарынан шикі мұнай өндіру көлемі жыл басынан бері 448,6 мың тоннаға немесе 11,9 процентке төмендеген. Бұл көрсеткіш 2022 жылы 12 айында – 3769,6 мың теңгені құраса, өткен жылдың 12 айында – 3321 мың теңге болған екен.Сонымен қатар, өңдеуші өнеркәсіп саласында 99 648 миллион теңгеге өнімі өндіріліп, өткен жылдың салыстырмалы кезеңімен 106 процентті құраған. Оның ішінде резеңке және пластмасса бұйымдарын өндіруі 4,5 процентке өзге де металл емес минералды өнімдерді өндіруі 30,3 процентке, машина жасау 15,6 процентке, машиналар мен жабдықтарды жөндеу мен орнату есебінен &nbsp;31,5 процентке ұлғайған. Ауыл шаруашылығы өнімдерінің жалпы өнімінің көлемі &nbsp;15 861,7 миллион теңгені құрап, өнімнің нақты көлемінің индексі өткен жылдың салыстырмалы кезеңімен 103,3 процентті құрады.Негізгі капиталға салынған инвестиция көлемі 232 902 миллион теңге болып, өткен жылдың салыстырмалы кезеңімен 108,7 процентті құрады. Ал оның облыстағы үлесі 47,9 процентті құрайды.Бұдан бөлек құрылыс жұмыстарының көлемі 96 054 миллион теңгені құрап, өткен жылдың салыстырмалы кезеңімен 124,8 процентті құрады. Ал облыстағы үлесі 52,4 процентті құрайды. Құрылыс саласында пайдалануға берілген тұрғын үйлердің жалпы ауданы 450 735 шаршы метрді құрап, өткен жылмен салыстырғанда 110,6 процентті құраған.Қала бюджетінің 2024 жылдың 1 қаңтарына кірістер болжамы (трансферттер мен зайымдарды қоса есептегенде) 95 161,4 миллион теңгені құрап, 101 762,8 миллион теңгеге немесе 106,9 процентке орындалған. Оның ішінде өз кірістері болжанған 23 430,2 миллион теңгенің орнына 29 458,2 миллион теңгеге немесе 125,7 процентке орындалған.Қала бюджетінің шығыстар жоспары 95 161,4 миллион теңге болса, ол 93 718,5 миллион теңгеге жетіп немесе 98,5 процентті құраған. Шағын кәсіпкерлік саласында қала бойынша шағын және орта кәсіпкерлік субъектілерінің саны – 34 764 бірлікті құрайды. Оның ішінде жұмыс істеп тұрғандары – 32 375 кәсіпкерлік нысан болса, бұл көрсеткіш өткен жылдың салыстырмалы кезеңіне 100 процентті құраған.Бұдан бөлек «Өнеркәсіптік-инновациялық жобалардың бірыңғай индустрияландыру» картасы аясында Қызылорда қаласы бойынша жалпы құны 68,4 миллиард теңгені құрайтын 13 жоба яғни, 834 жұмыс орны жүзеге асырылуда, оның бүгінгі күнге 5 жобасы іске қосылып, жұмыс жасауда. Атап айтқанда, «Orda Glass LTD» ЖШС-ның «Қызылорда қаласында қуаттылығы жылына 197 100 тонна табақша шыны шығару және өңдеу зауыты» жобасы (2021 жылдың желтоқсан айында «Orda Glass LTD» ЖШС-ның Қызылорда қаласында қуаттылығы жылына 197 100 тонна табақша шыны шығару және өңдеу зауыты іске қосылды), «Вега Пром» ЖШС-нің «Құрғақ құрылыс қоспаларын өндіру бойынша цехты кеңейту» жобасы (Құрылыс жұмыстарының 80 пайызы аяқталып, жаңа цех іске қосылып, жұмыс жасауда), «Нұр Орда» ЖШС-нің «Қызылорда қаласында асфальтбетон зауытының құрылысы» жобасы (Жобаның құрылыс жұмыстары аяқталып, 2022 жылдың маусым айында бетон зауыты іске қосылып, жұмыс жасауда), ЖК «Ақселеу» (ЖК «Ұзақов») «Күйдірілген қыш шығару шағын зауыты» жобасы бар. Қазіргі таңда жоба тұрақты жұмыс жасауда. Сондай-ақ «ТриМо» серіктестігінің «Қуаттылығы жылына 500 тонна екіокись молибден ұнтағын үшокись молибден ұнтағына техникалық айналдыру өндірісін ұйымдастыру» жобасы, «Кызылорда Рефайнэри» ЖШС-нің «К4, К5 экологиялық кластағы мотор майларын өндіру» жобасы, «Poom Trade KZ» ЖШС-нің «Қызылорда қаласында «КОМАЗ» шағын арматура зауытын салу» жобасы, «Сыр-Маржаны» ЖШС-нің «Ет және ет өнімдерін өндіру және сақтау» жобасы, «Orda TEXC» ЖШС-нің «Түйе жүнін өңдеу және төсеніш көрпе өндіру цехы» жобасы, «Қызылорда композиттік материалдар зауыты» ЖШС-нің «Шыны талшықты және композитті материалдарды өндіру зауыты» жобасы, «Айғасар» ЖШС-нің «Ерекше балаларға арналған иппотерапия» жылқылы-сауықтыру клубын ашу және бие сүтін өңдеу цехын салу»жобасы іске қосылып, жұмыс жасауда. Сонымен қатар «Dana Quartz» ЖШС-нің «Айна шығару зауыты» жобасы мен «Кәусар» ШҚ-нің «Құс фабрикасының құрылысы» жобасы да бар.Қала бойынша жыл басынан бері жалпы сомасы&nbsp;24 467,0 миллион теңгені құрайтын &nbsp;1420 жоба қаржылай қолдау алып, 4 160 жаңа &nbsp; жұмыс орындары құрылды. Оның ішінде кәсіпкерлікті дамытудың 2021 – 2025 жылдарға арналған Ұлттық жоба» аясында субсидиялау бағыты бойынша 13 690,0 миллион теңгені құрайтын 378 жоба қаржыландырылған. Кәсіпкерлікті дамытудың 2021-2025 жылдарға арналған Ұлттық жоба» аясында гранттар беру бағыты (400 АЕК) бойынша 633,4 миллион теңгені құрайтын 459 жоба қолдау алды. «Қызылорда» өңірлік инвестициялық орталығы микроқаржы ұйымы ЖШС арқылы өз қаражаты есебінен жалпы құны 798,5 миллион теңгені құрайтын 82 жоба қаржыландырылған. «Аграрлық несие корпорация» АҚ арқылы «Жастарға арналған несие» (2,5 пайыздық жеңілдетілген несие беру) бойынша жалпы құны 544,4 миллион теңгені құрайтын 115 жоба қолдау алған. Сондай-ақ «Аграрлық несие корпорация» АҚ&nbsp;несие корпорация микрокредиттері бойынша жалпы құны 1 244,3 миллион теңгені құрайтын 49 жоба қолдау алған. «Шағын және орта бизнес кредиттері бойынша ішінара кепілдендіру» арқылы 7 220,9 миллион теңгені құрайтын 292 жоба қаржыландырылған.Сонымен қатар бөлшек сауда көлемі 394 080,8 миллион теңгені құрап, өткен &nbsp; &nbsp;жылдың салыстырмалы кезеңімен 103,9 процентті құрады. Оның облыстағы үлесі 85,8 процентті құраған.Өткен жылдың 1 желтоқсанға &nbsp;алдын ала деректерге сәйкес қаладағы халық саны 355,8 мың адамды құрап, өсу қарқыны 1,8 процентке жеткен. &nbsp;2022 жыл қорытындысымен экономикалық белсенді халық саны 147,9 мың адамды құраса, жұмыссыздық деңгейі – 4,7 процентті құраған.Биылғы жылдың 1 қаңтарына жұмыспен қамту органдарында жұмыссыз ретінде тіркелгендер саны 3 325 адамға жеткен. Ал тіркелген жұмыссыздық деңгейі 2,2 процентті құраған. Жыл басынан жаңа жұмыс орындарымен қамтылған азаматтар &nbsp; саны 16 954 адам болса, оның ішінде тұрақты жұмыспен қамтылғаны 5 478 адам. &nbsp; &nbsp; &nbsp; &nbsp; &nbsp; &nbsp;Ал «2021-2025 жылдарға арналған кәсіпкерлікті дамыту жөніндегі Ұлттық жобасы» аясында жыл басынан бері 3194 адам қоғамдық жұмысқа, 189 адам әлеуметтік жұмыс орындарына жіберілсе, жастар тәжірибесіне 1 330 жас маман жолданған. Қала бойынша өткен жылғы IІI тоқсанда бір қызметкердің орташа айлық атаулы жалақысы 325 122 теңгені құрап, өткен жылғы тиісті кезеңмен 122,0 процентке көбейген.

Қызылорда қаласының әлеуметтік-экономикалық дамуында оң серпін бар

<a href="https://kyzylorda-news.kz/">Kyzylorda-news.kz</a> Бүгінгі таңда елімізде азық-түлік өндірісін ұлғайту және оның қауіпсіздігі мен қолжетімділігін қамтамасыз ету басты міндет. Ал нарықтық экономиканың қарқын алған кезінде асыраушы саланы дамыту арқылы халықтың әл-ауқатын көтеру де күн тәртібіндегі тұрақты мәселелердің біріне айналғаны заңдылық.Осыған орай, Қармақшы ауданында ішкі нарыққа талдау жасалып, бағаларды негізсіз көтеру фактілерін алдын алу шаралары мен зерделеу жұмыстары жүйелі жүргізіледі.Иә, ауданда баға тұрақтылығы басты назарда. Көтерме базарға көкөніс пен жеміс-жидек көбінде алыс-жақын шетелдерден жеткізіледі. Сондай-ақ, олардың қатарын отандық өнімдер толықтыруда.&nbsp;Азық-түлік тауарларына баға белгілеудің бүкіл тізбегі бойынша делдалдық схемаларды тексеру жөніндегі жұмысшы тобы мүшелері аудан орталығындағы сауда орындары мен дүкендердегі баға мен қажетті қордың болуына талдау жүргізілді. Жұмыс барысында жұмысшы топ мүшелері Жосалы кентіндегі «Алтын Орда», «Жібек Жолы», «Ұлар», «Сұлтан», «Рүстем» сауда үйлерін аралады.Сауда объектілерін аралау барысында кәсіпкерлік субъектілеріне әлеуметтік маңызы бар азық-түлік тауарларының бағасына сауда үстемесін негізсіз көтермеу, сауда үстемесін 15 пайыздан асырған жағдайда әкімшілік құқық бұзушылық фактісі бойынша шаралар қолданылатындығы туралы түсіндірме жұмыстары апта сайын жүргізілетін болады.&nbsp;&nbsp;

Қазақстан және Қызылорда облысының жаңалықтары: Қоғам