<a href="https://kyzylorda-news.kz/">Kyzylorda-news.kz</a>.Қорқыт ата атындағы Қызылорда университетінде облыстық әділет департаментінің бастамасымен студенттер арасында сыбайлас жемқорлыққа қарсы мәдениетті қалыптастыру мақсатында ақпараттық-түсіндіру мақсатында семинар өтті.Семинар барысында департаменттің әкімшілік бөлімінің басшысы Э.Әбдіқалықова сыбайлас жемқорлыққа қарсы мәдениетті қалыптастыру, сондай-ақ сыбайлас жемқорлық әрекеттерінің салдары туралы, жемқорлықты болдырмау, алдын алу мәселелері жөнінде түсіндірмелер берді. Ал &nbsp;департаменттің мемлекеттік сот орындаушысы Г.Есентай мемлекеттік көрсетілетін қызметтер туралы атап өтті.<blockquote>− Сыбайлас жемқорлыққа қарсы стретегияның негізгі басымдықтарының бірі – сыбайлас жемқорлыққа қарсы мәдениет деңгейін қалыптастыру болып табылады.Сыбайлас жемқорлыққа қарсы мәдениет – бұл адамның саналы және адамгершілікпен сыбайлас жемқорлыққа қарсы тұру қабілетін айтады. Тұлғаның сыбайлас жемқорлыққа қарсы мәдениеті дегеніміз, ол сол тұлғаның қоғам қауіпсіздігіне және игілігіне сыбайлас жемқорлықтың зияны туралы білімін қамтитын қасиеті. Ол индивидтің жай ғана сыбайлас жемқорлықты төзбеуі ғана емес, сонымен қатар оны жоюға, онымен күресуге талпынуы болып табылады. Яғни, сыбайлас жемқорлыққа қарсы мәдениет дегеніміз ол жемқорлыққа қарсы белсенді азаматтық позиция.&nbsp; Сыбайлас жемқорлыққа қарсы мәдениет тұлғада құқықтық шеңберде іс-әрекет етуі үшін белгілі бір біліктіліктердің болуын талап етеді, олар: жемқорлықты әлеуметтік зұлым ретінде тани білуі, сыбайлас жемқорлықпен күрес негіздерін және оның қоғам өмірінің кез келген саласында деңгейін төмендету үшін барлық мүмкіндіктерді пайдалана білуі. Осы ретте студенттерге осы бастан сыбайлас жемқорлыққа қарсы мәдениетін бойларына сіңіре білуіміз керек, − дейді Э.Әбдіқалықова.</blockquote>Шара соңында пікір алмасулар болып, семинар жұмысы қорытындыланды.

Қоғамда сыбайлас жемқорлыққа қарсы мәдениет қалыптастыру маңызды

<a href="https://kyzylorda-news.kz/">Kyzylorda-news.kz</a> Қызылорда облысы бойынша ҚАЖ департаментінің №37 мекемесінде &nbsp;жеке құрам қызметкерлеріне азаптаулардың алдын алу және болдырмау, арнайы контигентпен қызмет барысында &nbsp;қандай жағдайда арнайы құралдарды, атыс қаруын және өзге де қаруларды және тасымалды бейнетіркегіштерді қолдану бойынша жиын өтті. Мекеме бастығының орынбасары әділет майоры А.Битаев ашып, мекеме қызметкерлеріне қызмет барысында орын алатын келеңсіз жайттар болған жағдайда бейнетіркегіштерге түсіріп, сотталған мен айыпталған азаматтармен сыпайы сөйлесу мен заң бойынша жұмыс жасау қажеттігін, арнайы құралдарды қандай жағдайда қолдану керектігін баса айтты.<blockquote>– Өмірде жаза басып немесе қасақана оймен қылмысқа барған түзеу мекемесіндегі әртүрлі пиғылды адамдар контингентінің ортасында жүріп, олардың тәртібі мен іс-әрекетін қадағалай отырып, қызмет атқару оңай емес. Сондықтан қызмет барысында әрбір ҚАЖ қызметкері қызметтік тәртіпті, ҚР мемлекеттік қызметшілердің Әдеп кодексін сақтап, қызмет бабында &nbsp;қолданыстағы заң аясында жұмыс жасау қажет. Өз құқықтарыңызды және сотталған азаматтардың да құқықтарын заң аясында сақтап, сотталғандар тарапынан құқық бұзушылықтар жасалған жағдайда тек заң шеңберінде ғана шара қабылдау қажет, – деді Абай Есенгелдіұлы.</blockquote>&nbsp; &nbsp;Жиын соңында арнайы құралдарды қандай жағдайда &nbsp;қолдану қажеттігі туралы арнайы дайындалған бейнеролик көрсетілді. &nbsp;

Абай Есенгелдіұлы: Жұмыс заң аясында атқарылуы керек

<a href="https://kyzylorda-news.kz/">Kyzylorda-news.kz</a>. Кадр қызметі − Ішкі істер органдары жүйесінде маңызды болып табылады. Себебі кадр даярлау ісі мұқияттылықты талап етеді. Бүгін қызмет барысында кемшіліктер жіберген полиция қызметкерлерімен «Офицерлер кеңесі» өтті.&nbsp;Кеңесті Қызылорда қаласы Полиция басқармасының тәрбие және кадр жұмысы бөлімшесінің бастығы Мақсат Садыбеков төрағалық етті. Қызмет барысында кемшіліктер жіберген полиция қызметкерлеріне түсіндірме жұмыстары мен қызметтерін абыроймен атқаруларын талап етті.Ел тыныштығын сақтауда алдыңғы шепте тұрған тәртіп сақшылары үшін ең қажетті қасиет – тәртіп пен патриоттық тәрбие. Бұл ретте тәрбиелік мәні бар іс-шаралардың полиция қызметкері үшін маңызды.<blockquote>− Бүгінде полиция ішкі істер органдары қызметкерлерінің кәсіби-адамгершілік, патриоттық тәрбиесін арттыруға және тәлімгерлікке көп көңіл бөлеміз. Қала орталығында қызмет атқарып жүрген қызметкерлердің жұмыстары, олардың азаматтармен дұрыс қарым-қатынаста болуы барлық басшылық тарапынан бақылауға алынған,− дейді тәрбие және кадр жұмысы бөлімшесінің бастығы Мақсат Тұрымханұлы.</blockquote>Алдағы уақытта да мұндай шаралар өзінің жалғасын табатын болады.&nbsp;

Қызылордалық полицейлер арасында «Офицерлер кеңесі» өтті

<a href="https://kyzylorda-news.kz/">Kyzylorda-news.kz</a> Кеше Қызылорда қалалық мәслихатының әлеуметтік сала және қоғамдық қауіпсіздік мәселелері мен бюджет және экономикалық даму мәселелері жөніндегі тұрақты комиссияларының бірлескен отырысы өтті.Бірлескен комиссия отырысына қалалық мәслихат төрағасы Құттықожаев Ибадулла Дүйсенбайұлы төрағалық етті. Бірлескен комиссия отырысында «Қала аумағында орналасқан қоғамдық орындар мен базарлар, сауда орындары және әлеуметтік нысандарда, қолайсыз аймақтарда санитарлық-эпидемиологиялық бақылау талаптарының сақталуы» және «Кәсіпкерлікті дамыту және қолдау, инвестиция тарту, өндіріс орындарының ашылу мәселелері туралы» мәселелері талқыланды.Күн тәртібіндегі мәселе бойынша Қызылорда қалалық санитариялық-эпидемиологиялық бақылау басқармасының басшысы Г.Сыздықова хабарлама жасап, қаладағы санитарлық-эпидемиологиялық бақылау талаптарының сақталуы бойынша дара кәсіпкерлер мен заңды тұлғалар базарлар мен сауда үйлерінің өндірістік бақылау бағдарламасымен жұмыс жасауын қамтамасыз ет, уақытша жаз-күз айларында қызмет ететін базарларды (Яссауи көшесі бойында, 3 іріленген квартал) нормативтік-құқықтық актілер талаптарына сәйкестендіру, азық-түлік базарларында өнеркәсіпте дайындалмаған (үйде дайындалған) герметикалық қапталған консервіленген тамақ өнімдерін, кондитерлік өнімдерді, аспаздық (ет және балық, көкөніс, ұн) бұйымдарды, жас және қайта өңделген саңырауқұлақтарды өткізуге жол берілмеуін қатаң сақтау, жануардан алынатын өңделмеген тамақ өнімдерін (ет, балық, құс еттері, сүт өнімдері) қабылдау, сақтау, тасымалдау және өткізу ветеринариялық-санитариялық сараптама нәтижелері, көкөністер, жеміс-жидектер, бақша дақылдарын құрамындағы нитраттардың болмауы туралы анықтамалары бар болғанда жүргізуді қамтамасыз ету туралы ұсыныстарын жеткізді.Сонымен қатар, депутаттар тарапынан Қызылорда қаласына қарасты қолайсыз аймақтарында (12 аймақ) көктемгі-күзгі кенелерге қарсы дезинсекция жұмыстарының мердігер мекемелермен тарапынан сапалы жүргізілуін бақылау, кене шағу фактілеріне қатысты қауіпті аймақтардағы сақтандыру шаралары қатаң бақыланып, түсіндірме жұмыстары көбірек жүргізілуі, базарлар мен сауда үйлеріндегі санитарлық талаптардың орындалуына мониторниг мақсатында депутаттармен бірлесе топ құрып жұмыс жасауды қолға алу жөнінде ұсыныстар берілді.Күн тәртібіндегі екінші мәселе бойынша қалалық кәсіпкерлік және өнеркәсіп бөлімі басшысының міндетін атқарушыМ.Жетілгенов хабарлама жасап, депутаттар тарапынан қойылған сұрақтарға жауап берді.Бұл мәселеге қатысты депутаттар «Даму» кәсіпкерлікті дамыту қоры» АҚ Бірыңғай кешенді бағдарламасының IV бағытына қалаға қарасты ауылдық округтер мен кенттерді (аталған бағытта моно және шағын қалалар, ауылдық елді мекендерде іске асырылатын жобалар іске асырылу орны мен кәсіпкерлердің тіркелген орны тіркеліп, салалық шектеулерсіз жүзеге асырылады.) енгізу туралы, Қызылорда қаласында қай сала бойынша инвестиция тартып, кәсіпкерлікті дамытқан тиімді, өңірдің ерекшелігіне байланысты қандай сұраныстар бар екенін анықтап, көпшілікке ұсыну, экономикалық талдау жасап, қорытындысын жариялап отыру жөнінде ұсыныстар берді.Комиссия отырысына қалалық мәслихат депутаттары, Қызылорда қалалық санитариялық-эпидемиологиялық бақылау басқармасының басшысы Г.Сыздықова, қалалық Полиция басқармасының ЖПК бөлімінің бастығы Ж.Естаев, облыстық кәсіпкерлік және өнеркәсіп басқармасы, қалалық кірістер басқармасы өкілдері, Қызылорда қалалық «Мансап» орталығы, қалалық ветеринариялық станция басшылығы, қалалық кәсіпкерлік және өнеркәсіп бөлімі, қалалық сәулет және қала құрылысы бөлімі, ауыл шаруашылығы жер бөлімінің басшылары, жауапты мамандары, бұқаралық ақпарат құралдарының өкілдері қатысты.

Қалалық мәслихаттың тұрақты комиссияларының бірлескен отырысы өтті

<a href="https://kyzylorda-news.kz/">Kyzylorda-news.kz</a>. Аймақ басшысының «Мамыр мерекелерін» &nbsp;тиісті деңгейде атап өтуге берген тапсырмасына сәйкес, Ақжар ауылының зейнеткер ардагерлері, Ауған соғысы ардагерлері, көпбалалы аналар Қызылорда қаласының көрікті жерлерін аралады.&nbsp;Ардагерлер алдымен «Нартай Бекежанов» театрында болып, &nbsp;«Шанель 5» қойылымын көрді. Онан соң &nbsp;«Анаға тағзым» орталығына барып, ұлттық құндылықтарды мен салт-дәстүрімізді насихаттап, ұлт тәрбиесінде еңбегі зор аналарымыздың ісін дәріптеуді мақсат еткен орталықтың жұмысымен танысты.&nbsp;Әрі қарай, «Өнер орталығында» болып, келбеті келіскен өнер ордасының әсем ғимаратын аралады.&nbsp;Ардагерлердің сапары Қазақстанның Еңбек Ері Абзал Ералиевтің инвесторлығымен, қамқорлығымен бүгінгі биігіне көтерілген елді мекен &nbsp;Нағи Ілиясов ауылында жалғасты. &nbsp;Ардагерлер кішкене ғана ауылдың жұп-жұмыр тіршілігі мен әдемі келбетіне куә болды.&nbsp; Ауылды аралау барысында Абзал Ералиев Ақжар ауылының ардагерлерімен кездесіп, &nbsp;ауыл еңбеккерлері, ауылдың тыныс-тіршілігі туралы ойымен бөлісті. Жып –жылы кездесу үлкен әсері сыйлады.&nbsp;<blockquote>− «Қарты бар үй қазыналы» деген халқымыз. Бүгінгі сапар ауыл ардагерлеріне деген құрметіміз. Осы саяхатқа демеуші болған «Ораз Ахун», «Ақжар» шаруашылықтарының басшыларына алғыс білдіреміз. Мұндай әсерлі кеш алдағы уақытта да жалғасын табатын болады, − деді ауыл әкімі Нұржамал Тұрсынбаева.</blockquote>&nbsp;Ардагерлер де өз кезегінде демеушілерге алғысын білдіріп, баталарын берді. &nbsp;

Ардагерлерге құрмет көрсетілді

<a href="https://kyzylorda-news.kz/">Kyzylorda-news.kz</a> Апат айтып келмейді. Жалпы тұрғындардың қауіпсіздік ережелерін сақтамау салдарынан елімізде жыл сайын түрлі қайғылы жағдайлар орын алып жатады. Оның ішінде, көгілдір отыннан келетін қауіп те аз емес. Жылу маусымы таяған сәтте тұрғындар да пештің жай-күйін тексеріп, мұржа тазалауды ұмытпағаны жөн.Жыл сайын елімізде 20-дан аса адам табиғи және сұйылтылған газдан уланып көз жұмады. Газ-баллон қондырғыларының жарылуынан қаза болатындар саны 40-қа дейін жетеді. Кей кездері бірнеше адам бір мезетте ажал құшып, жарақат алып жатады. Өткен жылы Шиелі ауданы көлемінде 35 өрт оқиғасы орын алса, оның 24-і тұрғын үйде, 10-ы автокөлікте, қалғаны әр түрлі нысанда тіркелген. Өрт оқиғасы салдарынан 3 тұрғын үй толығымен өртеніп кеткен. Ал, 2022 жылы 24 оқиға орын алып, оның ішінде 10-ы тұрғын үйде орын алған.Қазіргі таңда аудан бойынша Шиелі кенті және Ы.Жақаев, Бидайкөл, Байсын, Н.Бекежанов, Ш.Қодаманов, Ақмая, Алғабас, Еңбекші мен Жиделіарық ауылдары толық көгілдір отынға қосылған. Өткен жылы республикалық бюджеттен жалпы құны 2 млрд 875 млн. теңгені құрайтын (6 елді мекенде) Еңбекші, Жиделіарық, Алмалы, Ә.Тәжібаев, Досбол Датқа, Бестам ауыл­дарына газ құбырын және ораміші­лік газ тарату желілерінің құрылыс жұмыстарына 1 млрд 531 млн теңге бөлініп, құрылыс жұмыстары жүргізілді. Аталған елді мекендер газға қосылған жағдайда ауданның біразы күл шығарып, от жағу бейнетінен құтылатын болады. Иә, жасалып жатқан жүйелі жұмыстарға тұрғындар дән риза. Дегенмен көгілдір отынға келгенде сақтық шараларына немқұрайлы қарап, соңы қайғылы жағдаймен аяқталып жататыны жасырын емес. Бұл мәселеге тұтынушы тұрғындар қазандықтарын жаңалап, мұржа сынды қажетті заттарын жаз айында қайта жаңалап алғаны жөн. Қазір ескіні пайдаға жаратып, швйлыққа тиын-тебен болсын деген үмітпен, әлеуметтік желідегі дүкенге өзіміз тұтынған тауарды салып қоямыз. Жаңасын сатып алуға жағдайы жетпеген тұрғындар, тозығы жеткен пешті пайдалануға тура келеді. Ал, үнемдеуден шыққан үміттен, қаншама отбасы үнсіз ажал құшып жатыр. Мұндай жауапты нәрсеге немқұрайлы қарамай, әр кезеңде қажетті заттарын жаңалап отырса, апатты жағдайлар азаяр еді.Бүгінгі таңда қайғылы жайттарды болдырмау мақсатында қандай шаралар жүргізіліп жатқанын білмекке Шиелі аудандық төтенше жағдайлар бөліміне хабарласқан едік.<blockquote>– Сараптама негізінде өрттердің басым бөлігі тұрғын үйлерде болатынын көрсетеді. Бұл жалпы өрттің 68 пайызын құрайды. Тұтынушылардың өрт қауіпсіздік ережелеріне селқос, немқұрайлы қарауынан және электр ақауларынан да болады. Тұрмыстық газ плитасында ас әзірлеу кезінде ұмытып бақылаусыз қалдыру, жанып жатқан пешті, қосулы тұрған электр жылытқыштарын бақылаусыз қалдыру, электр желілерінің қысқаша тұйықталуы, балалардың отпен ойнауы, ашық отты пайдаланудағы аңғалдық – өрттің шығуына бірден бір себеп жағдайлар. Бұл қауіпке көбіне мас күйінде жүрген жандар кінәлі болады. Газ плитаны қосқанда жалының түсін бақылаңыз, егер ол қызғылт сары болса бұл құрылғыда ақауы бар екендігін білдіреді. Бұл жағдай анықталғанда газ мамандарын шақырып, ақауды жою қажет. Жұмыс істеп тұрған газ плиталар мен су жылытқыштарын қараусыз қалдырмаңыз, жанып тұрған жалынның үсіне су құйылып кетпеуін немесе жалынды жел үрлеп, сөніп қалмауын қадағалаған жөн. 2023 жылғы 11 қыркүйек күні 05 сағат 50 минутта Шиелі кенті, Н.Бекежанов көшесіндегі уақытша тұрғын үйді (времянка) жалға алып отырған жалғызбасты ананың 2017 жылғы қызы мен 2020 жылы туған ұлы қаза болды. Болжам бойынша қаза болудың себебі ретінде табиғи газды меңзеп отыр. Қазіргі таңда оқиға бойынша тергеу амалдары жүргізілуде, – дейді Шиелі аудандық төтенше жағдайлар бөлімінің басшысы.</blockquote>Фото: Нұрболат Нұржаубай

Шиеліде тілсіз жаудың алдын алу жұмыстары жүргізілуде

<a href="https://kyzylorda-news.kz/">Kyzylorda-news.kz</a>. Қазақ танымындағы киіктің киелі екенін біз талқылап жатпаймыз. Кең далада жүйткіген жануар жайында аңыз да көп, жаратылыс жайлы әңгіме де жетерлік. Тағы бір дерек, киіктің төл мекені қазақ даласы деседі. Расымен солай. Өйткені, бөкеннің 90 пайыздан астамы біздің республика аймағында тіршілік етеді.Ащы шындық, бір уақытта қыруар киікті құртуға өзіміз үлес қостық. Етінен бөлек, тағы бір дүниесіне құнықтық. Теке біткенді топырлата қырып атып, сан келі мүйізді шетелге арттық. Осындай қуғын көрген жануар сонда да қазақ даласынан безбепті. Әсіресе тоқырау жылдары тым азайса да, үйренген аймақтан алыстамаған. Сарыарқа мен Сыр, Торғай мен Орал маңында, кей-кейде Ресейдің Астрахань жеріне дейін өтіп, кейін қайтып келіп отырған.Бізге белгілі мәлімет, екі мыңыншы жылдардың басында Қазақстанда 23 мың бас киік қалыпты. Содан соң Үкімет оларды қорғау бойынша шара қабылдады. Дұрысы, киіктерді пайдалануға қатысты мораторий енгізілді. Сол қатаң қорғаумен жойылуға аз қалған аңның саны артқан. 20 жылдан астам уақытта олардың саны 2 млн-ға жуықтады. Өткен жылы шаруалардың егістіктерін таптағанына байланысты киіктерді атуға ресми рұқсат еткен болатын. Алайда Мемлекет басшысы Қасым-Жомарт Тоқаев Қостанай облысына барған сапарында қазақ даласының символы саналатын ақбөкендердің көбеюіне тосқауыл қоятын шешімнің күшін жойып, оған тыйым салынатынын мәлімдеді.&nbsp;Осы ретте өңірде кең ауқымды «Киік» табиғатты қорғау акциясы басталды. Акция 15 сәуір мен 15 мамыр аралығында өтеді.<blockquote>− Түз жануарының төлдейтін мезгіліне сәйкес келетін табиғат қорғау шарасы бір айға созылады. Оған еліміздің бірнеше облысының табиғат қорғау инспекторлары мен ІІМ және ҰҚК мамандары да қатысады. Мақсат – заңсыз киік аулайтын қылмыстық топтардың жолын кесу. Халық «ақбөкен» деп сүйсіне ат таңған, сайын даланың сұлуы мамыр айының ортасынан бас¬тап жаппай лақтайды. Аналық ешкінің төлдейтін уақыты келгенде те¬келер де бөлектеп шығады. Осы сәтті броконерьлер де күтіп жүретіні белгілі. Өйткені, мүйізден пайда көріп жүрген қаскөйлер мұндайда аталық киікті мейірімсіз қырудан та¬йынған емес, − дейді &nbsp;«Охотзоопром» ӨБ» РМҚК өңірлік филиалының басшысы Расул Маханов.</blockquote>Ақбөкендердің жаппай төлдейтін кезі жақындап қалды. Акция аясында киелі жануарлар санының қаншаға артқаны белгілі болмақ. Айта кету керек, «Охотзоопром «ӨБ» РМҚК инспекторлары жыл басынан 8 қылмыс, 5 әкімшілік іс анықтады.Акция шеңберінде құқық қорғау органдарымен бірлесіп Қызылорда – Ақтөбе, Қызылорда – Жезқазған және Қызылорда – Түркістан бағытындағы жолдарда мобильдік топтар жұмыс істейді.Фото: Сыр бойы&nbsp;

Кең ауқымды «Киік» акциясы басталды

<a href="https://kyzylorda-news.kz/">Kyzylorda-news.kz</a> Қаржы мониторинг агенттігі төрағасының орынбасары Жеңіс Елемесов гидротехникалық нысандарды күтіп ұстауға бөлінген бюджет қаржысын жымқырды деген күдікке ілінгендер қамауға алынбағанын мәлімдеді, - деп хабарлады<a href="https://dalanews.kz/kz/article/su-tasqinina-qarsi-jumista-jimqirilgan-qarji-agenttik-man-jaydi-aytti.html"> Dalanews.kz.</a>Бұған дейін ҚМА Мемлекет басшысының тапсырмасы бойынша Үкімет, квазимемлекеттік компаниялар, кәсіпкерлер және мемлекеттік қорлар 140 миллиард теңгеден аса қаражат бөлгенін жариялады."Алматы қаласы, Ақтөбе, Қызылорда облыстары мен Ұлытау облысындағы қаржы мониторингі органдары ұрлық дерегі бойынша төрт іс қозғады. Күдікті ретінде бес адам анықталды. Келтірілген залалдың жалпы сомасы 1 миллиард теңгеден асты”, - деп хабарлаған еді Қаржы мониторингі агенттігі (ҚМА) бұған дейін.Сонымен қатар, агенттік төрағасы Дмитрий Малахов бөлінген қаржы қайда кеткенін тексеру қажет екенін де баса айтты.“Ведомствоның аумақтық департаменттерінің басшылары мемлекеттік органдар мен шаруашылық жүргізуші субъектілердің қызметіне араласпай, бөгеттерді, су бұру құрылыстарын салуға, сондай-ақ өзен арналарын тереңдетуге бөлінген қаржының ұтымды жұмсалуын зерделеуі қажет”, - деп тапсырды Малахов.Ал бүгін Жеңіс Елемесов күдіктілер қамауға алынбағанын жеткізді. Дегенмен бұл қаражат бұған дейін бөлінген болып шықты."Бұл қаржы гидрологиялық нысандарды күтіп ұстауға бұрын бөлінген. Оның қазір бөлінген 140 миллиард теңгеге қатысы жоқ. Бүгінде тендер алған кәсіпкерлер мен актіге қол қоюға қатысқан лауазымды тұлғалар күдіктілер қатарында. Әзірше ешкім тұтқындалған жоқ", - деді төрағаның орынбасары Мәжіліс кулуарында.Сонымен қатар, бүгінде қылмыстық іс тергеліп жатқанын, ешкімге нақты айып тағылмағанын мәлімдеді."Бұлтартпау шарасын әлі таңдаған жоқпыз. Бұлтартпау шарасын таңдау үшін қылмыстың санатын көрсету керек. Тергеу барысында біз барлық деректі анықтаймыз", - деді Жеңіс Елемесов.Фото: Нұрболат Нұржаубай

Су тасқынына қарсы жұмыста жымқырылған қаржы: агенттік мән-жайды айтты

<a href="https://kyzylorda-news.kz/">Kyzylorda-news.kz</a> «Қазгидромет» РМК &nbsp;баспасөз хатшысы Алина Ысмағұлова еліміздің 2 өңірінде жоғары өрт қаупі бар екенін айтты, деп хабарлайды <a href="https://qaz.ulysmedia.kz/">Ulysmedia.kz</a>.<blockquote>Қазақстан аумағының басым бөлігіне оңтүстік циклон және онымен байланысты атмосфералық фронталды бөліктер әсер етеді. Найзағай ойнап, жаңбыр жауады. Оңтүстік-шығыста бұршақ түседі. Республика бойынша жел күшейеді. Оңтүстік-батыста және оңтүстік-шығыста шаңды дауыл күтіледі. Тек еліміздің солтүстік-шығысында, шығысында жауын-шашынсыз ауа райы сақталады. Қызылорда облысының орталығында, шығысында және Қызылорда қаласында, Маңғыстау облысының солтүстік-шығысында жоғары өрт қаупі күтіледі, - деді ол ОКҚ-да өткен брифингте.</blockquote>Фото: gov.kz

Маңғыстау және Қызылорда облыстарында өрт болуы мүмкін – синоптиктер

&nbsp;Екі айдан бері&nbsp;қазақстандықтар біртұтас уақыт белдеуінде өмір сүріп жатыр. 1 наурызға қараған түні 13 облыс пен республикалық маңызы бар үш қала сағаттарды бір сағатқа артқа жылжытты. Енді қазақстандықтар бұл уақытқа риза емес екендерін айтты.&nbsp;Бұл туралы&nbsp;<a href="https://stan.kz/kun-saulesin-kormeymiz-kazakstandiktar-zhana-uakit-beld-399107/">Stan.kz</a>&nbsp;ақпарат агенттігі&nbsp;хабарлайды.Үкімет тәулік&nbsp;ырғағын тұрақтандырып, ұшақтар мен банктік кестелерді&nbsp;дәлдеуге, бизнес-процестердің тұрақтылығы үшін уақыт белдеуін өзгерту керек екенін мәлімдеді. Мұғалім&nbsp;Бағлан Бұғынаев мұның денсаулыққа пайдалы екеніне ешбір дәлел таппады. Ұйқыны реттейтін мелатонин гормонының өндірісі, керісінше, бұзылады деп есептейді. Өйткені ол қараңғыда өндіріледі, ал енді адамдар күн сәулесінен әлдеқайда кеш ұйықтап, кеш тұрады.“Біз күні бойы жұмыстамыз. Адамдар мекемеде отырып, күн сәулесін көрмейді. Кешке шықса, күн батып кетеді.&nbsp;Ал күн сәулесінің жетіспеуі депрессияны тудырады”, –&nbsp;деді мұғалім Бағлан Бұғынаев.Энергетиктер де, экономистер де, кәсіпкерлер де уақыт белдеуін ауыстырғаннын пайдалы тұсын көрмепті. Жылыжай қожайыны Светлана Трушина жұмыс күнін бір сағат&nbsp;ұзартып, жұмысшыларына көбірек жалақы төлеуге мәжбүр болған."Олар бір сағат ерте тұрып, жылыжайды ашып, суаруы тиіс, өсімдіктер күтпейді ғой. Оларды ертерек те жібере алмаймын. Көп&nbsp;қыз&nbsp;қараңғы түскенде оралуға мәжбүр”, –&nbsp;деді Green Sad жылыжайының иесі Светлана Трушина.Қазақстандық ғалымдар уақыттың өзгеруінің ағзаға әсері туралы ешқандай зерттеу жүргізген жоқ. Еуропада жұмыс күні сағат 7-де басталып,&nbsp;3-4-те аяқталады. Сол үшін шығыста жұмыс 7-де, орталықта 8-де, батыста таңғы сағат 9-да басталуы керек.Уақыт белдеуіне наразы қазақстандықтар петиция жариялап үлгерді. Оған 17 мыңнан астам адам дауыс берді. Оны үкімет қарауы үшін 50 мыңнан астам дауыс жинау керек.Фото: Pixabay

"Күн сәулесін көрмейміз": Қазақстандықтар жаңа уақыт белдеуіне қарсы шығып, петиция жариялады

<a href="https://kyzylorda-news.kz/">Kyzylorda-news.kz</a> Қазақстан Республикасының Президенті Қасым-Жомарт Кемелұлы Тоқаев Қазақстан халқына Жолдауында "Халық үніне құлақ асатын мемлекет" тұжырымдамасын айта отырып: «Азаматтардың, халықтың барлық өтініш-тілектерін жедел түрде әрі тиімді қарастыратын «Халық үніне құлақ асатын мемлекет» тұжырымдамасын іске асыру, барлығымзға ортақ міндет». Билік пен қоғам арасында тұрақты диалог орнату арқылы ғана қазіргі геосаясси ахуалға бейімделген үйлесімді мемлекет қалыптастыруға болады. Сондықтан азаматтық қоғамға қолдау көрсетіп, оның әлеуетін нығайта түсу керек. Сондай-ақ, аса маңызды жалпы мемлекеттік міндеттерді шешу үшін талқылау жұмыстарына азаматтық қоғамның мүмкіндіктерін кеңінен қолдану қажет. Қоғамдық диалог, ашықтық, адамдардың мұң-мұқтажына жедел назар аудару мемлекеттік органдар қызметінің&nbsp;негізгі басымдықтары&nbsp;саналады» – деген еді.Десе дегендей, бүгінде халық пен билік арасындағы байланыстан тұратын мызғымас көпір қалыптасты. Жергілікті атқарушы билік пен тұрғындардың ашық диалогы елдегі түрлі түйткілді мәселелерді шешуге тұтқа болып отыр.&nbsp;Иә, бұл үрдіс ауданда да жүйелі түрде жолға қойылған. Бұл жайында басылым бетінде жиі жариялап келдік. Осы бағытта аудан әкімі Аманжол Сақыпұлы Оңғарбаевтың аудан халқымен кездесулері жайында айта кетсек.Аудан әкімі Аманжол Оңғарбаев тиісті сала басшыларымен бірге бірқатар елді мекендерді аралап, ауылдың тыныс-тіршілігімен танысты. Сапарын алдымен Аманөткел ауылынан бастаған аудан басшысы елді мекендегі №73 орта мектебі мен интернатында болды. Бүгінде мектеп жанындағы интернатта 31 оқушы тұрақты білім алуда.Одан әрі «Зере» жеке балабақшасы мен «Ауыл – ел бесігі» жобасы аясында салынған денешынықтырусауықтыру кешеніне барды. 2019 жылы пайдалануға берілген бөбекжайда бүгінде 75 ауыл бүлдіршіні білім алып, тәрбиеленуде. Ал өткен жылы ел игілігіне табысталған спорт кешенінде 5 үйірме жасөспірімдердің түрлі секцияларда спорт түрлерін меңгеруіне жұмыс жасауда.&nbsp;Ауылды аралап өткен аудан басшысы одан әрі Н.Кенжеғұлұлының кесенесімен және жаңадан салынатын 150 орындықты клубтың жер телімімен танысты.&nbsp;Мұнан соң Аманөткел елді мекенінің тұсындағы «Ырысты» каналы мен Аспай су ағытқысы арасындағы ескі арнаның жай-күйін бақылады. Үстіміздегі жылы Аспай су ағытқысы жанындағы Ескі арнаның жырылып кеткен бөлігін қалпына келтіру үшін облыстық бюджеттен қаржы бөлініп, қайта бөгеу жұмыстарын жүргізу жоспарлануда.&nbsp;Аудан басшысы елді мекендегі ауылдық мәдениет үйінде ауыл ардагерлерімен жүздесті. Жергілікті халықтың тұрмысы көш ілгері, ілкімді істерге толы екендігін жеткізген ауыл үлкендері қазірде ауылдағы қордаланған мәселелерді ортаға салды. Тиісінше аудан әкімі тұрғындар тарапынан көтерілген мәселелерді өзектілігіне қарай кезең-кезеңімен шешуге жұмыс жасайтындығын жеткізді. Осылайша жергілікті жердегі атқарылып жатқан жұмыстардың барысы жайлы пікір алмасқан қазыналы қарттар аудан әкіміне сәттілік тілеп, баталарын берді.&nbsp;Сапар аясында аудан әкімі «Хан» қалқымалы көпірінің жағдайын бағамдап өтті. «Хан» елді мекені тұсындағы қалқымалы көпірді қайта жаңғырту жұмыстары 2022 жылы бастау алып, қазіргі таңда жобаға қайта түзетулер жасалуына байланысты мемлекеттік сараптамадан өткізілуде. Жол мәселесі толық шешілген. Қалқымалы көпір мердігер мекеме есебінен құрылыс жұмыстары 80-85 пайызға аяқталған.Іс - сапар Аманөткел ауылдық округіне қарасты Аққұлақ ауылында жалғасты. Мұнда аудан әкімі Аққұлақ елді мекеніне кіреберіс автомобиль жолына жүргізіліп жатқан құрылыс жұмыстарының жүргізілу барысын көрді. Сонымен қатар №76 негізгі мектебіне барып, ауыл тұрғындарының ұсыныс-пікірлерін тыңдады.&nbsp;Бөген ауылдық округінде жалғасқан жұмыс сапары барысында «Көкарал» бөгетін сақтау және Сырдария өзенінің арнасын қалпына келтіру» жобасы аясында қайта қазылып, арнасы кеңейтілген «Сарытерең» каналымен танысты. «Сарытерең» каналының жалпы ұзындығы 6 шақырымды, ені 15 метр, тереңдігі 3 метрді құрайды. 2022 жылы «Қазсушар» РМК мекемесі тарапынан Сарытерең каналын қазу арқылы «Кіші Арал» теңізіне су түсіру жұмыстары жүргізіліп, 6 шақырым жеріне тазалау жұмыстары жүргізілді. Мұнымен қоса, Сарытерең көлінен бастап теңізге қарай 3 шақырым жаңа канал қазылып, «Кіші Арал» теңізіне су жіберуге мүмкіндік жасалды.Одан әрі аудан басшысы елді мекендегі жаңа жыл қарсаңында табысталған жаңа дәрігерлік амбулатория мен «Айбұрым» жеке балабақшасының бүгінгі тынысына қанықты. 2023 жылы типтік жобада салынған дәрігерлік нысан ЭКГ аппараты, қант, холестерин тексеру, тіс жұлу, оны емдеу аппараттары және медициналық құрал-жабдықтармен толықтай қамтылып, жергілікті тұрғындардың уақытылы ем-дом алуына мүмкіндік сыйлады.&nbsp;З.Шүкіров атындағы №20 мектебінде өткен халықпен кездесуде аудан әкімі ауылдағы өзі көріп өткен өзекті мәселелерді кеңінен талдап, тиімді жұмыстарды жүзеге асыру бағытында ұсыныстарын тыңдады.&nbsp;Сонымен қатар Қарашалаң елді мекеніне барып, әлеуметтік нысандардың жұмысымен және тұрғындардың хал-жағдайымен таныс болды. Жұмыс сапары Қаратерең ауылдық округінде тәмамдалды. Онда «Құйылыс қорғаныс» бөгетінің ағымдағы жағдайын көріп, ауылдағы дәрігерлік амбулатория, №82 орта мектебін аралап, ауыл халқымен жүздесті.&nbsp;Айта кетейік, іссапар барысында Аманжол Сақыпұлы елдімекендердегі тұрғындарды жекелеген мәселелері бойынша қабылдап, келген азаматтардың мәселелерін шешу бағытында жауапты сала басшылары мен ауылдық округ әкімдеріне тиісті тапсырмалар берді.Елмен етене жақын болып, шалғайдағы ағайынның тұрмысын көзбен көруді мақсат еткен аудан әкімі Аманжол Оңғарбаев жұмыс сапарымен мұнан бөлек те бірқатар ауылдық округтерді аралады. Сыр беткейдің бүгінгі тіршілігін назарға алған аудан басшысы ең алдымен Үкілісай, Бекбауыл, Құмбазар елді мекендеріне барып, жергілікті халықпен кездесті. Кездесу барысында аудандағы атқарылып жатқан жұмыстар мен өңірдегі оң өзгерістер жөнінде баяндап өтті.Ауыл тұрғындары кездесуде халық үшін аса қажетті деген өтініш тілектерін де Аманжол Сақыпұлының назарына салды. Соның ішінде балалар ойын алаңын салу, су ұңғымасын қазу, ауылішілік электр желілерін жаңарту қажеттігін айтты. Сонымен бірге жол қатынасы қиындық тудыратынын, шабындық және егістік жерлерді суландыру мәселелерін реттеу керегін жеткізді.&nbsp;Жергілікті халықтың ұсыныспікірлерін тыңдаған соң аудан әкімі аталған мәселелердің назарда болатындығын айтып, жауапты сала басшыларына оң шешілу жолдарын қарастыру жөнінде тапсырмалар берді. Соның ішінде электр желілерін жаңарту, елді мекен аралығындағы жол салу мәселелері кезектілігімен жасалатынын түсіндірді.&nbsp;Сапар барысында ауылдардағы медициналық бекет пен дәрігерлік амбулаторияға ат басын бұрған өңір басшысы дәрігерлерге сапалы медициналық қызмет көрсету қажеттігін тапсырды. Одан соң ұрпақ тәрбиелеу ісімен айналысып отырған мектеп пен балабақшаларды аралап, білім беру мекемелеріндегі жұмыс барысымен таныс болды. Әлеуметтік нысандардың жағдайын көрген соң ғимараттарды талапқа сай пайдаланып, күтіп-ұстау жөнінде тапсырма жүктеді.&nbsp;Мұнан соң Аманжол Оңғарбаевтың елді мекендерді аралау сапары Райым және Аманөткел ауылдық округтерінде жалғасын тапты. Алдымен Қызылжар, Шөмішкөл елді мекендері тұрғындарымен жүздесіп, ұсыныстілектерін тыңдады.&nbsp;Шөмішкөлдіктер жайылымдық және шабындық алқаптары үшін маңызы зор «Ардана» каналына шлюз орнату мәселесін ұсынса, қызылжарлықтар «Шөмішкөл–Қызылжар» және «Арал– Қызылжар» бағытындағы автокөлік жолдарының құрылысын сапалы аяқтау қажеттігін айтты.&nbsp;Тұрғындардың пікірін мұқият тыңдаған аудан басшысы «Ардана» каналына шлюз орнату үшін жоба-сметалық құжаттама әзірленетінін, алдағы уақытта құрылысына қаржы бөлу үшін тиісті басқармаға өтінім жолданатынын түсіндірді.&nbsp;Әрі қарай аудан әкімі Аманөткел ауылдық округіне қарасты Ақшатау ауылында болып, жергілікті тұрғындармен кездесті. Мұндағы халықтың көптен бергі тілегі жаңа мектеп ғимараты болатын. Аудан басшысы ауыл ардагерлері мен тұрғындарға облыс әкімінің қолдауымен жаңа 50 орындық білім ошағы бой көтеретіндігі туралы ақжолтай жаңалықты жеткізді.&nbsp;Бұдан кейін Жамбыл өндірістік кооперативінің көктемгі жер жырту жұмыстарын көріп, аталмыш кооперативтің балық өсіру цехының жұмысымен танысып шықты. Қазіргі таңда егістік алқабында жер жырту жұмыстары аяқталған, жақын күндері жергілікті жерге төзімді көкөністер мен дақылдар егілетін болады. Ал балық өсіру цехында тұқы балықтары, сазан, дөңмаңдай ақ амур шабақтары өсірілуде, мерзімінде теңізге жіберілмек.&nbsp;Аудан әкімі ауылдардағы денсаулық сақтау, білім беру және мәдениет мекемелеріне барып, қазіргі жағдайын көрген соң жұмыс сапасын арттыруды жауапты басшыларға тапсырды. Мұнымен қоса, Сыр өңіріне жасалған сапар барысында «Жақайым ата» кесенесі мен «Нұртуған ата» бейітіне ат басын бұрып, ата-баба рухына тағзым етті.&nbsp;Елдің мәселесіне мән беріп, халықтың пікіріне құлақ түріп қайтқан аудан әкімі алдағы уақытта халық қажеттілігін өтеу бағытында атқарылуы тиісті жұмыстарды осылайша саралап өткен болса, жоспарға алынып ел игілігін көздеген кейбір маңызды жобалардың жуырда оң шешімін табатынын айтып елдің ықыласына бөленді.

Арал халқының тұрмыс-тіршілігі аудан әкімнің басты назарында

<a href="https://kyzylorda-news.kz/">Kyzylorda-news.kz</a> 2024 жылдың басынан бері 5 918 азаматқа зиянды еңбек жағдайларында ұзақ уақыт жұмыс істеген адамдар үшін арнаулы әлеуметтік төлем тағайындалды, деп хабарлайды Zakon.kz. Ведомстваның мәліметінше, қабылдауға барлығы 6 648 адам өтініш білдірген.Арнаулы әлеуметтік төлемге 2 көзден (республикалық бюджет және Бірыңғай жинақтаушы зейнетақы қоры) 2 612 адам жүгінді, оның ішінде 2 517 адамға тағайындалды.АӘТ 4 көзден (республикалық бюджет, Бірыңғай жинақтаушы зейнетақы қоры, жұмыс беруші және өмірді сақтандыру ұйымы) тағайындауға 4 036 адам өтініш білдірген, оның ішінде 3 401 адамға тағайындалған.Міндетті шарттарды орындамағандықтан, 193 өтініш беруші АӘТ тағайындаудан бас тартылды.Сурет: Нұрболат Нұржаубай

Қазақстан және Қызылорда облысының жаңалықтары: Қоғам