<a href="https://kyzylorda-news.kz/">Kyzylorda-news.kz</a> &nbsp;Белгілі журналист Нұрсейіт Жылқышыбай Магнум жұмыстан шығарып жіберген курьерді іздеп жүр, деп хабарлайды <a href="https://kaztoday.kz/">kaztoday.kz.</a><a href="https://www.facebook.com/groups/jurttynbalasy/?__cft__%5b0%5d=AZWBEXN8_9dUBJHoqdW5_RlUjCg86WLY1egdIbP4vszfLTh-XMU3L0A4w4YKNh9b7qZHkYXr8wvNQaPJUau-cCn7xfNhAQrX5qcODqgS2xBRGsRyJ64oPqYPkCE6jMQaxC9MPWyQ97dkzUGskdoEMoPT0Xd9XgpQtApHjlsBLnhvqQ&amp;__tn__=-UK-R">Жұрттың баласы</a> арнасы жазғандай, азық-түлік жеткізген үй иесінен қазақша сөйлеуді талап еткен курьердің жұмыстан қуылуы қазақтілді қауымның ашу-ызасын туғызып, мұны соңы Магнумға байкот жариялауға ұласқан еді.<blockquote>«Бұл жігітті іздестіріп жатырмын. Өз компанияма жұмысқа аламын. Қазақстанда қазақ тілінде сөйлейтін адам жұмыссыз қалмауы керек», – дейді Жылқышыбай.</blockquote>Журналист Магнумға бармау, өнімін сатып алмау акциясын қолдап отыр. Айтуынша, қазақ тілі тек қазақтың ғана тілі емес, ол статусы бар мемлекеттік тіл. Бұл бастаманы қарапайым халық қана емес, билік те қолдауы керек.<blockquote>«Мемлекеттік тілде сөйлегені үшін жұмыстан қуылатын болса қылмыс. Осындай кезде тілім-тілім деп жүретін депутаттар қайда? Мағнұм басшылығы қоғам алдында бұл сорақылығы үшін жауап беруі тиіс», – дейді Нұрсейіт Жылқышыбай.</blockquote>Соңғы күндері осынау дүкенге бас сұғатын қауымның қарасы күрт азайған. Фейсбуктен басталған байкотты Инстаграм мен Тик-токтағы қауым іліп әкеткен жайы бар.Қазақтілді қауымның күші мен қуатын сезінген Магнум иелері түнеукүні жағдайға байланысты мәлімдеме жасағанмен, курьерді қайта жұмыс алған жоқ, қателіктерін мойындағысы келмеді.Бізге белгілі болғандай, байкотқа бастамашы болған азаматтар алдағы күндері арнайы қауымдастық құрып, Магнумға қарсы акцияны күшейтеді.Фото: kaztoday.kz

«Маған сендей маман керек»: Нұрсейіт Жылқышыбай Магнум жұмыстан қуған курьерді іздеп жүр

<a href="https://kyzylorda-news.kz/">Kyzylorda-news.kz</a> Бұл туралы Мәжілісте жаңа Салық кодекстін таныстырған Премьер-министрдің орынбасары – Ұлттық экономика министрі Серік Жұманғарин мәлімдеді, деп хабарлайды <a href="https://baq.kz/endi-kez-kelgen-adam-ip-asha-almaydy-200011310/">BAQ.KZ</a> тілшісі.Оның сөзінше, енді жеке кәсіпкерлікті тіркеу процесі қатайтылатын болады.<blockquote>Бізде тиісті нормалар дайын - бұрын құқық бұзушылық жасағандар мен қосымша белсенді емес жеке кәсіпкерлер үшін жаңа жеке кәсіпкерлік (ИП – ЖК) ашу процесі қиындатылады, - деп атап өтті вице-премьер.</blockquote>Фото: Нұрболат Нұржаубай

Енді кез келген адам ИП аша алмайды

<a href="https://kyzylorda-news.kz/">Kyzylorda-news.kz</a> Зайырлы мемлекеттегі діндар адам тұлғасы – &nbsp;дұрыс әрі толыққанды айқындауды қажет. Ол ең алдымен қоғамдағы дін және діндар адам жөніндегі фобиялық көзқарастарға тоқтау болады. Сонымен қатар бұл діндар адамның зайырлы ортада тәрбиеленуінің, өсіп-өнуінің мүмкіндігін анықтайды.Зайырлы мемлекеттегі діндар тұлғаның қалыптасуына &nbsp; әртүрлі тарихи, мәдени, діни-саяи, әлеуметтік факторлар ықпал етеді. Мемлекет пен дін қатынасының беріктігі, ұлттық және діни мүдделердің ұштасуы – тұтас бір ұлттың рухани өміршеңдігін сақтаушы құбылыстар. Осы тұрғыда «зайырлылық» және «зайырлы мемлекет» ұғымдарының мағынасын дұрыс түсіну бүгінгі діндар адамның шынайы болмысын айқындауға көмектеседі.Жалпы «зайырлылық» ұғымының ауқымы кең және оны әр ел өзіндік мазмұнмен қабылдайды. Дегенмен бұл ұғымның ортақ мақсаты адамның ар-ождан, наным-сенім бостандығын еркін жүзеге асыру. Әсіресе, көп ұлтты мемлекеттің зайырлы құрылымы қоғамда дінаралық мәмленің, діни төзімділіктің дамуына, әр діннің ұйыстырушы әлеуетін жандандыруға серпін береді.Зайырлылық – атеизмді немесе дінді оқшаулап, оны теріске шығару емес. Қайта ол діни таным мен құндылықтарды мойындай отырып, олардың ел өміріндегі маңызын ескереді. Әрі жеке адамның еркіндігін құптайды. Зайырлы мемлекет контитуциялық заңдардың шеңберінде конфессияаралық қатынастардың құқықтық негіздерін қамтамасыз етеді.Дін – адам мен қоғам өміріне жан-жақты ықпал ететін құндылық. Ол адамды Жаратушысымен байланыстыратын адамның қоғаммен қатынасын түзетіп, жалпы өмір сүру дәстүрлерін жалғайтын алтын арқау. Сондықтан діндар адамның тұлғасы зайырлы мемлекет және дін арасындағы өзара сенім, ықпалдастық аясында ғана дұрыс бағытта қалыптасады.Бүгінде Қазақстан үшін дәстүрлі саналатын екі діннің бірі – ханафи бағытындағы сунниттік ислам діні. Бұл діннің қағидаттары мемлекеттің зайырлылық қағидаттарымен көптеген мәселелер бойынша үйлеседі. Оған ислам дінінің адам құқықтарына құрмет көрсету мен қорғау, діни сенім бостандығын бағалау, өзгелердің ұстанымдарына мәмілемен қарау қағидаттарын мысал ретінде көрсетуге болады. Яғни дін және зайырлы құқықтық негіздерге сәйкес әр адам ешкімді тегіне, әлеуметтік, лауазымдық және мүліктік жағдайына, ұлтына, тіліне, дінге көзқарасына, нанымына, тұрғылықты жеріне байланысты кез-келген жағдайлар бойынша кемсітуге болмайды.Жалпы барлық әлемдік және дәстүрлі діндердің заңнамаларында адам құқықтары жөніндегі кодекстің негізгі қағидаттары қамтылған. Яғни зайырлылық ешқандай дінге қысым көрсетпей, керсінше жат діни ағымдардан елді қорғайды. Сондықтан зайырлылықтың қоғамдағы маңызы зор.Зайырлы құқықтық заңнамаларда адамның ар-намысы мен абыройын сақтау, қысым көрсетпеу, әділетсіздікке жол бермеу секілді мәселелер діни нормаларда кездеседі. Демек, діндар адам – қай жерде жүрсе де барлығының құқықтары мен бостандықтарын бірдей сақтайтын азамат.Балауса СЫЗДЫҚОВАҚызылорда облысы дін істерібасқармасы «Дін мәселелерінзерттеу орталығы» КММ-ніңжурналист маманыФото: kazislam.kz

Зайырлы мемлекеттің дінмен қатынасы

<a href="https://kyzylorda-news.kz/">Kyzylorda-news.kz</a> "Қазгидромет" РМК баспасөз қызметі 9 сәуірге жасалған ауа райы болжамын ұсынды, деп хабарлайды <a href="https://baq.kz/22-gradus-9-sauirde-kun-rayy-qalay-ozgeredi-200011287/">BAQ.KZ.</a>Бүгін Қызылордада көшпелі бұлт шығады, жауын-шашынсыз, жел 9-14 м/с. Ауа температурасы түнде +11...+13°C, күндіз +27...+29°C.Фото: Нұрболат Нұржаубай

Бүгін күн райы қалай өзгереді?

<a href="https://kyzylorda-news.kz/">Kyzylorda-news.kz</a> Қызылорданың жол құрылысы саласында асфальт-бетон қалыңдығының жетіспеуі, айналма жолды дұрыс күтіп-ұстамау сияқты кемшіліктер жиі кездеседі, – деп хабарлайды <a href="https://kaz.inform.kz/news/kizilordanin-zhol-kurilisinda-kanday-kemshlkter-zhi-kezdesed-2901a9/">Қазақпарат.</a>«Жол активтері сапасының ұлттық орталығы» РМК Қызылорда облысы бойынша филиалы өткен жылы 5 нысаннан 1760 сынама алған. Соның 132-сі немесе 7,5%-ы нормативке сәйкес келген жоқ. 115 кемшілік қалпына келтірілді. Ал аспаптық тексеру барысында 7 ақау анықталды. Тапсырыс берушілер мен мердігерлерге кемшілікті жою жөнінде ескертілген.<blockquote>– Ескерту нәтижесінде 6 лот бойынша жалпы сомасы құны 40 млн теңгеге жуықтайтын жолдың 414 шаршы метр асфальт-бетон жамылғысы, 14 352 шаршы метр басты қабаты ауыстырылды. Сынама жүргізу кезінде анықталған негізгі кемшіліктер – асфальт-бетон жол қалыңдығының жетіспеуі, айналма жолға дұрыс күтім жасамау. Бүгінгі күні мердігер мекемелер — Қытай азаматтық инженерлік-құрылыс, Гуйчжоу жол-инженерлік корпорациялары асфальт жабындысын талапқа сай қайта салып жатыр. Мұндай кемшілікті жергілікті «Қыран» серіктестігі дереу қалпына келтірді, – деді облыстық филиалдың бөлім басшысы Ержан Усманов.</blockquote>Мекеме өкілдері жыл басынан бері 61 сынама алса, соның 2-і нормативке сәйкес келмеген. Бүгінгі күні осы және аспаптық тексеру барысында анықталған ақаулар да жөнделді.Фото: Нұрболат Нұржаубай

Қызылорданың жол құрылысында қандай кемшіліктер жиі кездеседі

<a href="https://kyzylorda-news.kz/">Kyzylorda-news.kz</a> Облыс әкімінің мәжілісінде көтерілген туристік саланы дамыту және цифрландыру мәселесі бойынша қала әкімі Нұржан Ахатов жиын өткізіп, тиісті сала жетекшілеріне бірқатар тапсырма жүктеді.<blockquote>- Қаламызға туристік бағытта өзге өңірлердің қызығушылығын арттыру үшін халыққа көрсетілетін қызметтердің сапасын жақсартып, жергілікті өнімдердің ассортиментін ұсыну, тарихи орындарға турлар жасау бойынша нақты шаралар қабылдау керек. Сондай-ақ, интернет кеңістігіне шаһардың тарихи деректерін, көрікті жерлердің жаңартылған фотоларын, бейнероликтерін енгізу қажет. Бұл да туризмді цифрландырудың қадамы, – деді Нұржан Сәбитұлы.</blockquote>Мәжілісте туристердің қонақ үйлерге booking порталы арқылы алдын ала тапсырыс беруін оңтайландыру да айтылып, тапсырмалар хаттамаға енгізілді.Фото: Қызылорда қаласы әкімінің баспасөз қызметі

Туризмді дамыту – маңызды қадамдардың бірі

<a href="https://kyzylorda-news.kz/">Kyzylorda-news.kz</a> Желіде Алматы облысында аңшының жанжалдасып&nbsp;қалған жолдасының аяғынан атып түсірген видеосы тарады. Жағдайға от себеп болған.&nbsp;Бұл туралы <a href="https://stan.kz/">Stan.kz</a> ақпарат агенттігі хабарлайды.&nbsp;&nbsp;<a href="https://vk.com/wall-229315585_9131">Желіде тараған видеода </a>қолында мылтығы бар аңшы мен ер адамның&nbsp;оттың жанында&nbsp;дауласып жатқаны көрсетілген. Кейін бір кезде аңшы мылтықты жолдасына кезеп, оның аяғына жақын қашықтықтан оқ атады. Жәбірленуші жерге құлап, ауырғанын айтып айқайлағанын көруге болады.Деректерге сүйенсек, жанжалдың себебі дұрыс жанбаған от болған.Алматы облысы полиция департаментінің баспасөз қызметі күдіктінің ұсталғанын және уақытша ұстау изоляторына қамалғанын хабарлады.<blockquote>"Денсаулыққа қасақана ауырлығы орташа зиян келтіру фактісі бойынша сотқа дейінгі тергеу жүргізіліп жатыр. Алдын ала мәліметтер бойынша, қақтығыс кикілжің негізінде болған", – делінген хабарламада.&nbsp;</blockquote>Полиция істің барлық мән-жайын зерттеудің жан-жақтылығын, толықтығын және объективтілігін қамтамасыз ету үшін тергеу әрекеттері&nbsp;кешенді жүргізіліп жатқанын айтты.&nbsp; &nbsp;Фото: видео кадрларынан скрин

От дұрыс жанбағаны үшін дауласқан: Алматы облысында аңшы жолдасының аяғынан атып жіберген

<a href="https://kyzylorda-news.kz/">Kyzylorda-news.kz</a> ҚР Премьер-министрі Олжас Бектеновтің төрағалығымен Үкімет отырысы өтті. Күн тәртібінде туристік саланы дамыту және цифрландыру мәселесі қаралды. Оған облыс әкімі Нұрлыбек Нәлібаев селекторлық режим арқылы қатысты. Үкімет отырысынан кейін аймақ басшысының төрағалығымен өткен мәжілісте осы және өзге де мәселелер талқыланып, жауапты сала басшыларына тапсырмалар жүктелді.<blockquote>«Бір апта мерзім ішінде туризм саласын цифрландыру және одан әрі дамыту бағытында нақты ұсыныстар енгізіңіздер. Арнайы бекітілген индикаторлардың толық орындалуы, өңірімізге келетін туристер санын арттыру бойынша жұмысты күшейтіңіздер. Кәсіпкерлердің туристік бағыттағы нысандары мен жол бойы сервистік кешендерінің құрылысына жұмсалған шығындарын субсидиялауға қатысты мемлекеттік қолдау шараларын ақпараттандыру керек", -деді аймақ басшысы.</blockquote>Мәжілісте жауапты тұлғаларға көктемгі залалсыздандыру жұмыстарынан бұрын елді мекен айналасы мен мал қораларды механикалық тазартуды ұйымдастыру тапсырылды. Оған қоса, залалсыздандыру жұмыстарының тиімділігіне талдау жасалып, қорытындысы облыс әкімдігіне баяндалуы тиіс. Конго-Қырым геморрагиялық қызбасын жұқтырған науқастарды емдейтін дәрі-дәрмек қорын қамдап, науқастарға дер кезінде ем-шара жүргізуді үйлестіру де басты назардағы мәселелер қатарында.<img src="https://knadmin.beoblood.kz/uploads/Czifrlandyru_m_selesi_araldy_2_d71c46e899.jpg" alt="Цифрландыру мәселесі қаралды 2.jpg"><img src="https://knadmin.beoblood.kz/uploads/Czifrlandyru_m_selesi_araldy_3_3535302d4c.jpg" alt="Цифрландыру мәселесі қаралды 3.jpg">Фото: Қызылорда облысы әкімінің баспасөз қызметі

Туристік саланы дамыту және цифрландыру мәселесі қаралды

<a href="https://kyzylorda-news.kz/">Kyzylorda-news.kz</a>&nbsp; Қызылорда облысының табиғи ресурстар және табиғат пайдалануды реттеу басқармасының басшысы тағайындалды.Бүгін облыс әкімі Нұрлыбек Нәлібаевтың төрағалығымен әлеуметтік-экономикалық көрсеткіштерге, кадрлық өзгерістерге орай актив отырысы өтті.Жиында аймақ басшысы Қызылорда облысының табиғи ресурстар және табиғат пайдалануды реттеу басқармасының жаңа басшысы Еркебай Ғалымжан Бақтығалиұлын таныстырды.Ғалымжан Бақтығалиұлы 1981 жылы дүниеге келген. Қорқыт ата атындағы Қызылорда мемлекеттік университетінде білім алған.Еңбек жолын 1997 жылы «Шаған» агрофирмасында бастаған. Әр жылдары Қызылорда қаласының сәулет және қала құрылысы, жер қатынастары бөлімдерінде жетекші маман, бас маман, сектор меңгерушісі, бөлім басшысы, «Мемлекеттік қала құрылыс кадастры» мекемесі филиалының директоры, Қазалы, Сырдария аудандары әкімінің орынбасары, облыстық құрылыс, сәулет және қала құрылысы басқармасы басшысының орынбасары лауазымдарында абыройлы еңбек етті.2022 жылдың тамыз айынан осы күнге дейін Қызылорда қаласы әкімінің орынбасары қызметін атқарып келді.Облыс әкімі жаңа басшыға сәттілік тілеп, табиғи ресурстарды пайдалану саласындағы жұмыстарға тоқталды.<blockquote>«Әріптесіміз мемлекеттік қызметте, басшылық лауазымдарда мол тәжірибе жинаған. Жаңа қызметіне байланысты бірқатар міндет жүктеледі.Мемлекеттік орман қоры аумағында өрттің алдын алу және оған қарсы күрес жоспарын жүзеге асыру, орман және су қорын, жануарлар дүниесі мен балық ресурстарын қорғау, өсімін молайту, тиімді пайдалану өте маңызды. Арал теңізінің құрғаған ұлтанына сексеуіл көшетін егу, тұқым себу жұмыстары да жүйелілікті талап етеді. Елді мекендердегі қоқыс полигондары мен сұрыптау кешендеріне қатысты жалпы жұмысты үйлестіріп, жаңадан жоспарланған полигондар құрылысының экологиялық талапқа сәйкестігін қамтамасыз етуді тапсырамын», – деді Н. Нәлібаев.</blockquote><img src="https://knadmin.beoblood.kz/uploads/1_Bas_arma_basshysy_ta_ajyndaldy_79e1d10091.jpg" alt="1 Басқарма басшысы тағайындалды.jpg">Фото: Қызылорда облысы әкімінің баспасөз қызметі

Басқарма басшысы тағайындалды

<a href="https://kyzylorda-news.kz/">Kyzylorda-news.kz</a> Бүгін Арал ауданы әкімдігінің мәжіліс залында аудан әкімі Аманжол Оңғарбаевтың төрағалығымен арнайы мәжіліс өтіп, бірқатар өзекті деген мәселелер күн тәртібінде кеңінен талқыланды.Жыл басынан бері ауданның әлеуметтік-экономикалық дамуына тікелей әсер ететін негізгі көрсеткіштері сала-сала бойынша қаралып келе жатқаны белгілі. Бүгінгі аппарат мәжілісінде ең ауқымды әрі маңызды сала құрылыс, автомобиль жол бойынша атқарылып жатқан жұмыстар мен алдағы міндеттер жиынның негізгі тақырыбына айналды.Ең алдымен аудандық құрылыс, сәулет және қала құрылысы бөлімінің атқарған жұмыстары мен алдағы міндеттері туралы осы бөлімнің басшысы Т.Ұзақов хабарлама жасады.Айтуынша өткен жылы аудан бойынша орындалған құрылыс жұмыстарының көлемі 8,5 млрд. теңгені құрап, 2023 жылдың сәйкес кезеңімен салыстырғанда 124 пайызға артық орындалған. Дегенмен сала ауқымды болған соң кемшіліктер де жоқ емес.Жиын барысында аудан басшысы А.Оңғарбаев саладағы бірқатар кемшіліктерді жіпке тізіп, құрылыс сапасына қатысты сын-ескертпелерден қысқа мерзім ішінде нәтиже шығару керектігін атап өтті. Сонымен қатар алдағы міндеттерге қатысты бірқатар тапсырмалар жүктеп, жұмыстың белгіленген мерзім ішінде аяқталуын бақылауды салаға жетекшілік ететін аудан әкімінің орынбасарына жүктеді.Мұнан соң аудандық тұрғын үй-коммуналдық шаруашылығы, жолаушылар көлігі және автомобиль жолдары бөлімінің басшысы Ж.Құдайберген аудандық маңыздағы автомобиль жолдары мен елді мекенішілік көшелердің жай-күйі туралы хабарлама жасады.Өткен жылы ауданымыздың жол құрылысын дамытуға 5 млрд. 255 млн. теңге бөлініп, 74 шақырымнан аса жол жөндеуден өтті. Нәтижесінде жақсы жағдайдағы жолдардың үлесі 52 пайыздан асты. Биылғы жылы да жол құрылысына ауқымды қаражат бөлініп отыр. Аудан әкімі тиісті бөлім басшысына биылғы жылы жүзеге асатын жол құрылысы жобаларының сапалы әрі мерзімінде жүзеге асырылуын қамтамасыз етуді тапсырып, бірқатар кемшіліктер бойынша атқарылуы тиіс жұмыстарды саралады. Жиында жол сапасына қатысты да кемшіліктер айтылды. Алдағы уақытта орын алған әрбір кемшіліктерге қатысты айтылған сын-ескертпелерден нәтиже шығару керектігі айтылды.2025 жылдың 3 айында Арал ауданының аумағында 2 жол-көлік оқиғалары тіркелді, оның салдарынан 2 адам қайтыс болып, 4 адам жарақат алған. Өткен жылдың осы кезеңімен салыстырғанда жол-көлік оқиғалары 60 пайызға азайған. Осы және өзге де сала бойынша атқарылған жұмыстар жөнінде аудандық полиция бөлімінің басшысы Н.Әлтай хабарлама жасады.Кешкілік уақыттарда қала ішінде автокөлік жүргізушілерінің жол ережесін сақтамайтындығы азаймай тұр. Олардың басым бөлігі жастар. Бұл бойынша аудан әкімі Аманжол Сақыпұлы заң аясында қатаң шаралар қабылдау керектігін атап өтіп, жол-көлік оқиғаларын алдын алу бағытында профилактикалық жұмыстарды жандандыруды тапсырды.Бұдан бөлек салаға қатысты өзге де кемшіліктер бойынша бірқатар тапсырмалар жүктелді.Фото: Арал ауданы әкімінің баспасөз қызметі

Әрбір тапсырма орындалуымен құнды

<a href="https://kyzylorda-news.kz/">Kyzylorda-news.kz</a> Алматыда орын алған қатты дауыл кезінде ұшақтың сәтті қонуы туралы видео әлеуметтік желіде кең таралып жатыр, деп хабарлайды Алматыдағы <a href="https://baq.kz/almatyda-dauyldagy-ushaqtyn-qongan-satinin-videosy-tarap-zhatyr-200011243/">BAQ.KZ&nbsp;</a>Бейнежазбаның біреуі жерден түсірілсе, екіншісі Душанбе-Алматы рейсінің бортында жолаушылар тарапынан түсірілген.Душанбе-Алматы рейсінің бортында түсірілген видеода ұшақ ішіндегі жағдайды анық көруге болады: адамдардың толқып, шулағаны, ал кейбір балалардың қорқыныштан жылағаны естіледі.Жолаушылардың эмоциясы дауыл кезіндегі ұшақтың әуежайға жақындау сәтінің қаншалықты күрделі болғанын көрсетеді.Жерден түсірілген видеода ұшақтың қатты желдің әсерінен әуеде шайқалып тұрғаны байқалады. Көпшілік үшін бұл көрініс үрей тудырса да, ұшақтың сәтті қонғаны бәрінің көңілін орнына түсірді.Бұл жағдай ұшқыштардың тек техникалық білім мен тәжірибенің ғана емес, сонымен қатар қиын сәттерде сабырлық сақтап, дұрыс шешім қабылдай алу қабілетінің маңызды екенін көрсетті. Дауыл кезінде ұшақ басқару – авиация саласындағы ең қауіпті сынақтардың бірі.Фото: Видеодан скрин

Алматыда дауылдағы ұшақтың қонған сәтінің видеосы тарап жатыр

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаевтың төрағалығымен денешынықтыру- сауықтыру кешенін салу жобасы бойынша жиын өтті. Оған «Қазақстан халқына» қоғамдық қорының басқарма төрайымы Ләззат Шыңғысбаева, жауапты сала басшылары, зиялы қауым өкілдері және қордан балаларының еміне көмек алған ата-аналар қатысты.Басқосуда Қызылорда облысының әкімдігі, «Қазақстан халқына» қоғамдық қоры және «Р и А Сервис ЛТД» жауапкершілігі шектеулі серіктестігі арасында денешынықтыру-сауықтыру кешенін салу туралы үшжақты меморандумға қол қойылды. Аймақ басшысы бірлесіп атқарылатын жұмыстарға тоқталып, алдағы жоспарларды бөлісті.<blockquote>«Президентіміз Қасым-Жомарт Кемелұлының тікелей бастамасымен денсаулық сақтау, білім беру және әлеуметтік қолдау салаларындағы мәселелерді шешу мақсатында құрылған «Қазақстан халқына» қоғамдық қорымен тығыз байланыс орнатылып, өңірімізде бірлескен жобалар қолға алынған.Бүгін қордың қолдауымен Қызылорда қаласынан құны 2 млрд. 900 млн. теңге (қор – 2 млрд. 300 млн. теңге, ОБ – 600 млн. теңге) болатын денешынықтыру- сауықтыру кешенін салу үшін үшжақты келісімге қол қою рәсіміне жиналдық.Президентіміздің, Үкіметтің ерекше қолдауымен Сыр өңірінде байыпты бастамалар қолға алынып, жасампаз жобалар жүзеге асуда. Облыс бюджетін 750 млрд теңгеден асырдық. Сәулеті мен сәні келіскен жаңа ғимараттар бой көтеріп, ел игілігіне табысталуда.Мемлекет басшысының «Туған жерді бірге түлетейік!» үндеуіне орай жергілікті кәсіпкерлер, қоғамдық қорлар, облыстан шыққан меценаттар ортақ іске белсенді араласып, қайырымдылық шараларына, Сыр елін көркейтуге үлес қосуда.Бүгінде демеушілердің 50 млрд. теңгеден астам қаржысына іргелі істер атқарылды. Қор ұжымына қажырлы да қомақты еңбегі үшін ризашылығымызды білдіреміз. Болашақта да қарым-қатынасымыз өзара тиімді негізде құрылады деп үміттенеміз», – деді Н.Нәлібаев.</blockquote>Жиында Ләззат Шыңғысбаева өңірдегі жұмыстарға оң бағасын берді. Сонымен қатар, облыстық ардагерлер кеңесінің төрағасы Серік Дүйсенбаев пен еңбек ардагері, қоғам қайраткері Ибрагим Абибуллаев бастамаларға сәттілік тіледі. Ата-аналар атынан Досбол Сәттібаев қор ұжымына лебізін білдірді.Айта кетейік, «Қазақстан халқына» қоғамдық қоры аймағымызда 7 млрд. 150 млн теңгенің жобаларын жүзеге асыруда. Соңғы екі жылда өңірдің денсаулық сақтау саласына 4 млрд. 800 млн. теңге қаржы бағыттады. Бұл қаржыға облыстық балалар ауруханасы базасында және Жаңақорған ауданында «Қамқорлық» орталықтары ашылып, қажетті дәрі-дәрмек алынды.Қордың қолдауымен Арал ауданында да «Қамқорлық» орталығы салынуда. Мамыр айында пайдалануға беріледі. Сондай-ақ, облыстық онкология орталығын құны 1 млрд. 100 млн. теңге болатын скрининг жүргізуге арналған жылжымалы медициналық кешенмен қамтамасыз етті. Бұл кешен еліміздің 3 өңірінде ғана бар. Қазіргі кезде аймақтың шалғай елді мекендеріндегі тұрғындарға тұрақты қызмет көрсетеді.«Қазақстан халқына» қоғамдық қоры «Ауылдық аймақтардағы тірек мектептердің әлеуетін дамыту» жобасын да іске асыруда. Жоба аясында 2022-2024 жылдары 6 мектеп 1 млрд. 500 млн. теңгеге қайта жабдықталды. Биыл тағы 2 мектепке 500 млн теңге қаржы қаралған.Қор демеушілігімен 172,5 млн. теңгеге жылдам тұрғызылатын ангар типтес спорт кешені Шиелі ауданы Ақтоған ауылында салынып, ел игілігіне табысталды. Жалағаш ауданы Аққыр ауылындағы спорт кешені жақын күндері пайдалануға беріледі. Ал Сырдария ауданына спорттық құрал-жабдықтар алынып, бөлмелер жабдықталды.&nbsp;Фото: Қызылорда облысы әкімінің баспасөз қызметі

Қазақстан және Қызылорда облысының жаңалықтары: Қоғам