<a href="https://kyzylorda-news.kz/ru/obshestvo/">Kyzylorda-news.kz</a>. Дамыған мемлекеттер көшінен қалмаудың бірден бір жолы – сапалы білім мен саналы тәрбие. Бұл туралы Жамбыл Жабаевтың 175 жылдығына арналған «Ұлы дала ақыны» атты халықаралық конференцияда ҚР Президенті Әкімшілігі басшысының бірінші орынбасары Дәурен Абаев айтты, деп хабарлайды <a href="https://lenta.inform.kz/kz/2022-zhyl-ahmet-baytursynulyna-arnalady_a3864477">ҚазАқпарат</a>.
<blockquote>
 «Өткен жылдары Әл-Фараби мен Абай жылы аталып өтсе, биыл Жамбыл жылы тойлануда, келесі жылды Ахмет Байтұрсынұлына арнау көзделіп отыр. Яғни, ұлы тұлғаларымызды ұлықтау ісі жүйелі түрде жүріп жатыр», – деді Президент Әкімшілігі басшысының бірінші орынбасары.
</blockquote>
Оның атап өтуінше, бүгінде «кітап – мұнайдан да қымбат қазына».
Сондықтан кітап оқитын ұлтты қалыптастыру бағытында отандық шығармаларды шығару көлемін арттыру көзделген.
<blockquote>
 «Біздің мақсат – азаттықты ардақтап, Отанымызды одан әрі нығайтып, келер буынға табыстау. Өскелең ұрпақ бойына адамгершілік қасиеттерді сіңіру. Сапалы білім мен саналы тәрбие – ұлтымыздың ұлы, ұрпағымыздың ұлағатты болуының кепілі. Әлем жылдам өзгеріп жатқан уақытта дамыған мемлекеттер көшінен қалмаудың бірден бір жолы – осы. Жамбылдан жеткен өнегелі өсиеттің де табан тірер тұғыры, тамыр тартар тереңі – осы айнымас құндылықтарда. Сондықтан Жамбыл мұрасын жаңғыртып, жан-жақты насихаттау ісі күн тәртібінен түспейді»,- деді Дәурен Абаев.
</blockquote>

2022 жыл Ахмет Байтұрсынұлына арналады

<a href="https://kyzylorda-news.kz/ru/obshestvo/">Kyzylorda-news.kz</a>. Егер сіздің пәтеріңізде белгісіз адамдар тіркелген болса, онда келесідей әрекетке көшіңіз.
Сіздің пәтеріңізде кім тіркелгенін білу үшін сізге: 
– eGov.kz Авторизациядан өту 
– «Жеке кабинетке» өту 
– «Мүлік, Жылжымайтын мүлік» бөлімін таңдау 
– «Тіркелген тұлғалардың тізімін көрсету» батырмасын басыңыз
Жеке кабинеттегі барлық мәліметтер мемлекеттік деректер қорынан автоматты түрде алынады.
Егер де Сіз өзіңіздің пәтеріңізде бөтен адвмдардың тіркелгенін тапсаңыз, оларды кім тіркегенін анықтау үшін ҚР ІІМ-ге хабарласуыңыз қажет. Мұны eGov.kz электрондық өтініш беру арқылы жасауға болады.
Сондай-ақ, Сіз «Қазақстан Республикасы халқының тұрғылықты жері бойынша тіркеуден шығару» қызметіне тапсырыс беру арқылы белгісіз адамдарды өзіңіз жаза аласыз @eGov.kz

Пәтеріңізде белгісіз адамдар тіркелгенін байқасаңыз не істеу керек?

<a href="https://kyzylorda-news.kz/ru/obshestvo/">Kyzylorda-news.kz</a>. 16 қараша күні сағат 09:00 шамасында 41 жастағы азамат және оның 11 жасар ұлы екеуі атқа мініп, Жалағаш ауданының Аққыр ауылынан 80 шақырым қашықтықта орналасқан «Түгіскен» учаскесінде орналасқан фазендаға қарай бет алған. Бірақ, осы уақытқа дейін фазенда басына бармағандығы белгілі болды.
Осы дерекке байланысты жоғалған адамдарды іздестіруге Қызылорда облысы Полиция департаментінің Жалағаш аудандық полиция бөлімінің жеке құрамы дереу жұмылдырылды. Полицейлерден, Төтенше жағдай департаментінің қызметкерлері, ауыл тұрғындары мен еріктілерден арнайы топ құрылып, екі күн бойы жоғалған азаматтарды іздестіру жұмыстары жүргізілді. Ауданның барлық ауылдары, далалық жолдар түгел қамтылды. 
Бүгін, іздестіру шараларының нәтижесінде жоғалған әкесі мен ұлы дін аман табылды.
Олар Жалағаш ауданы, Аққыр ауылына қарасты «Бекей» далалық жерден солтүстікке қарай 60 шақырым жерден табылды.
<blockquote>
 «Іздестіру жұмыстары сәтті аяқталды. Әкесі мен ұлы қалыңдап жауған қар мен ақ түтік боранның әсерінен келе жатқан жолдарынан адасып кеткен. Үздіксіз жүргізілген іздестіру жұмыстарының нәтижесінде олар аман-есен табылды. Аймақ тұрғындарынан дауылды ескерту жарияланған уақытта алыс сапарға шықпауларын сұраймыз. Шаруа қожалықтарының жұмысшылары қыстаулар мен жайылымдардан алыс кетпеуге тырысуы қажет»,- дейді департамент бастығы полиция полковнигі Сұлтан Бектөре.
</blockquote>
<img src="https://kyzylorda-news.kz/wp-content/uploads/2021/11/whatsapp-image-2021-11-18-at-17.44.48-2.jpeg" alt="" />

Жалағашта боранды күні жоғалған  малшы мен ұлы табылды

<a href="https://kyzylorda-news.kz/ru/obshestvo/">Kyzylorda-news.kz</a>. Қызылорда қалалық полиция басқармасының 102 жедел арнасына&nbsp; &nbsp;қала тұрғындары &nbsp;алаяқтың құрбаны болғаны жөнінде шағым түсірді.
Жәбірленушілердің тәртіп сақшыларына жазған&nbsp; арызы бойынша қазан айында мемлекет атынан қайтарымсыз грант алып беруге уәде беріп, &nbsp;белгісіз біреу алдап соққан. Осы істі жасап беру үшін жәбірленушілерден 1миллион 400 мың теңге қаражатын иемденген азаматқа қатысты заңды шара қолдануын сұраған.
Жедел-іздестіру іс-шараларын жүргізу кезінде криминалдық полиция қызметкерлері ізін суытпай 23 жастағы қала тұрғынын ұстады.
<blockquote>
 «Қазіргі уақытта &nbsp;аталған дерек бойынша Қазақстан Республикасының&nbsp; Қылмыстық Кодексінің&nbsp; 190-бабының 3 – бөлігі (Алаяқтық) бойынша сотқа дейінгі тергеп-тексеру амалдары жүргізілуде. Күдіктіге қатысты ешқайда кетпеу туралы қолхат түрінде бұлтартпау шарасы қолданылды», – делінген полиция департаментінің хабарламасында.
</blockquote>

«Қайтарымсыз грант алып беремін»: Қала тұрғындарын алдаған жігіт ұсталды

Өздері түсінбейтін нәрседен әлемді құтқару үшін фанаттар оны жойып жіберуге дайын.
Мариан Добросельский
1990 жылдардың басында, Қазақстан тәуелсіздігін алған соң, шетелдік талдаушылар мынадай пікір айтты: исламның агрессивті бағытының Орталық Азияда таралуына Кеңес өкіметінің қаталдығы ғана кедергі болып отырды. Халықтың тұрмыс дәрежесінің кенеттен құлдырауы, идеологиялық вакуум және әлсіз шекаралар радикалдар әсерінің өсуіне қолайлы жағдай жасады. Жас мемлекеттердің діни экстремизмге қарсы тұра алатындығына күдік-күмән келтіріліп жатты.
Қазақстандық қоғамды діни белгілері бойынша бөлшектегісі келген экстремистік ұйымның бірі «Хизб-ут-Тахрир» болды (ХТ), ал мақсаты бүкіл әлемнің мұсылмандарын біріктіріп, жер бетінде исламдық Халифат орнатуды көздеген ұйым 1953 жылы араб елдерінде пайда болған еді. Өзінің радикалды бағытын сақтаған «партия» ондаған жылдар бойы сын тезінен өте білді. Онымен бетпе-бет келген әлемнің көптеген елдері оны заңсыз деп таныды, әрине, Ұлыбританиядан басқасы, ал бұл елдің астанасында керісінше «Хизб-ут-Тахрирдің» штаб-пәтері қалыпты жағдайда жұмыс істеп тұр.
Біздің еліміздегі «хизбиліктердің»&nbsp; іс-қимылдарының алғашқы белгілері 2000 жылдың аяғында білінді. Оның ұйымдастырушысы және идеялық демеушісі «Абдулла Кари» деген лақап атты Өзбекстан азаматы болды. Ол ХТ қатарына Түркістан мен Кентау тұрғындарын жасырын мүшелікке тартты, одан кейін Қазақстанның бүкіл оңтүстік өңірі тез арада «хизбутшылардың» ықпалына түсті.
Сөйте тұра, олардың іс-әрекет тактикалары қауіпсіздік шараларын тыңғылықты түрде сақтауды көздеді. «Халок» деп аталатын бастауыш ұйымдарының жиындары тек жасырын пәтерлерде ғана өткізіледі. Қатысушылары жіті тексеруге алынады. Мүшелерін идеологиялық жағынан өңдеу үшін экстремистік әдебиет пайдаланылды, оны шетелден алдырып, астыртын баспаханаларында көбейтетін. Насихаттық мәтіндер жергілікті тілдерге аударылды: қазақша, орысша, өзбекше.
Смартфондар шыққанша идеологиялық жұмыстың түрі парақшалар тарату болатын. ХТ идеологиясының көзқарасы бойынша Қазақстандағы қазіргі саяси-әлеуметтік жағдай қарапайым тілде түсіндірілетін, әрине, сыни бағытта екендігі айтпаса да белгілі. Барлық әлеуметтік-экономикалық мәселелерге «дінсіз» билік кінәлі деген біржақты тұжырым жасалды. Барлық мәселенің шешімі ретінде «халифат» құру ұсынылды, мемлекетке қарсы насихаттары америкаға қарсы, семитизмге қарсы ұрандармен үндесіп кететін.
Парақшалар үлкен көлемде мешіттерде, базарларда және басқа да қоғамдық орындарда таратылатын. Радикалдардың ақпараттық жұмыстары сырттай анайы болып көрінгенімен, өзінің пәрменділігін байқатты және халықтың өте әлсіз тобының көңіл-күйіне айтарлықтай ықпалын етті.
2004 жылдың наурыз айында Өзбекстанда бірқатар ірі терактілер болды, олардың ұйымдастырушылары ретінде Ташкент «хизбутшыларды» кінәлады. Қуғындаудан жасырынып жүрген «партиялықтардың» және «хизбиге» жақтас Өзбекстан Республикасы азаматтарының толқыны өзбек билігінің қысымына шыдамай Қазақстанға ағылды.
Жедел жағдай аяқ астынан күрделеніп кетті.
Экстремистер батылданып, Алматы және Оңтүстік Қазақстан облыстарында өткізген шерулері мен митингтері қоғамдық пікірге ие болды.
Мұндай акциялардың сыртқы бейбіт сипаты тоғышарларды адастыра түсті. «Хизб-ут-Тахрир» көшбасшыларының күш-қуат жиналған кезде қарулы «жиһад» жасауға дайындалып жатқандықтары туралы деректер Комитетте болды, сондықтан да жағдайдың күрделі екендігін түсінгендіктен қатерді жою бойынша шаралар қабылдады.
Оның ішінде, Алматы, Шымкент, Кентау қалаларындағы бірқатар бастауыш ұйымдарын анықтап, жоюдың сәті түсті. Сондай-ақ 10-нан астам астыртын баспахананың жұмысы тоқтатылып, «хизбидің» 20-дан астам мүшесі сотталды.
Бірақ ХТ қызметін толығымен тоқтату мүмкін болмады.
Аңызда кездесетін жеті басты айдаһар секілді кесілген бастарына қарамастан ХТ қызметі тұрақты түрде қайтадан жанданатын. Оның үстіне эмиссарларының іс-қимылы діни емес аймақ болып саналатын Ақмола (астананы қосқанда), Павлодар және Қарағанды облыстарында тіркелді. Радикалды идеологияның таралу жылдамдығы мен ауқымының артқандығы соншалықты, 2-3 жылдың ішінде Қазақстанның «Хизб-ут-Тахрирдің» діни орталығына айналып кету қаупі шындыққа жанасып та тұрды.
Осындай жағдайды тыңғылықты талдаудың негізінде 2006 жылдың басында 3-департамент (Департамент бастығының орынбасары полковник Т.Б. Белесовтың басшылығымен) ХТ күрес тактикасын айтарлықтай өзгертудің қажеттігі туралы мәселе қойды.
Бастамашының ұсынысы бойынша «хизби» қызметінің жекелеген әрекеттерінің жолын жеке-жеке кесу тәсілінен бас тарту керек.
Оның орнына бір сәтте ұйымның барлық жоғары басшылығын жою ұсынылды: төменгі бастауыш ұйымдағы басшысынан бастап Қазақстан бойынша көшбасшысына дейін. Ұсыныстың түпкі ниетіне сәйкес бір де бір «мосул», «накиб» немес «әмір» жауапкершіліктен қашып құтыла алмайтындай және «партия» құрылымын қайта қалпына келтіруге мүмкіндік алмайтындай болуы керек.
Қызу талқылаудан кейін Комитет басшылығы мұнымен келісті, сондай-ақ маңызды толықтыру қосты: пәрменділігінің ұзақ болуын қамтамасыз ету мақсатында оған Өзбекстан мен Қырғызстандағы әріптестерді қосып, болашақ операцияның шекарасын кеңейту ұсынылды.
Іс-шараның әртүрлі аспектілері 3 ай уақытты қамтып, 2006 жылдың мамыр айында «Трест» деген құпия атаумен басталды.
Міндет күрделі еді, себебі табысты түрде іске асыру үшін берілген ұсыныстар бұрын еш жерде қолданылмаған еді. Жоспарлау және есеп беру жүйесін толығымен өзгертуге және сол кездегі жұмысты сандық көрсеткіштер бойынша бағалайтын жүйеден де бас тартуға тура келді. Полковник Белесов келісуді, бір бағыттылықты және іс-шараның мамандануын қамтамасыз ететін бірегей жедел ой-ниет іс-шарасын дайындауды ұсынды.
Қазақстан аймақтарында ғана емес, сонымен бірге шетелде де жұмыс істейтін айтарлықтай саны бар бөлімшелердің іс-қимылын үйлестіруді қамтамасыз ету ерекше күрделі болды. Күш-жігерді үйлестіру көбінесе Т. Белесовтің басшылығындағы 3-департаменттің жедел тобының есебінен атқарылды, ал олар Қазақстан астанасы мен Ташкент, Бішкек, Ош қалаларының арасын жол қылды.
Операцияға қатысушылардың ауқымды жұмысы өз нәтижесін берді.
Бірінші кезең іс жүзінде дайын болды. Бірнеше айдың ішінде ХТ-ның негізгі функционерлері мен белсенділерін жедел бақылауға алу міндеті орындалды: бастауыш ұйымдардың жұмыс істеу механизмі және әдебиетті жеткізу бағыттары белгілі болды. Басты міндет курьерлерге бөлінді, бастауыш ұйымдардың жиыны өтетін орындарға аудио-бейнебақылау құралдары секілді техникалық құрал-жабдықтар орнатылды.
Қорытынды кезеңге дайындық ойдағыдай болды. ХТ әрбір мүшесін ұстау үшін жеке топ құру ұйғарылды, оның құрамына іс-шараны дайындаған жедел қызметкерлер, тергеушілер, сыртқы бақылау, техникалық, арнайы мақсаттағы бөлімше қызметкерлері кірді. Әрбір атқаратын жұмысының тізімін, баяндаудың тәртібі мен түрін нақты білді.
Ұйымның басшылары мен мүшелерінің заңға қайшы әрекеттері туралы толық картина алынғаннан кейін операцияның екінші кезеңіне кірісу туралы бұйрық берілді.
2006 жылғы 7 желтоқсанда таң алакеуім кезде ҰҚК жедел топтары Алматы, Астана, Қарағанды, Павлодар, Екібастұз, Тараз, Қызылорда, Байқоңыр, Арал, Кентау және Сарыағаш қалаларында операцияның белсенді фазасын жүзеге асыруға кірісті.
Бірнеше айға созылған арнаулы қызметтің тынымсыз жұмысы өз нәтижесін берді: «Хизб-ут-Тахрирдің» 73 көшбасшысы мен белсенді қатысушылары бір мезгілде ұсталды.
Қырғызстандық әріптестермен бірге Ош қаласында ұйымның Орталық Азия бойынша ақпараттық орталығының басшысы Өзбекстан азаматы О. Муминов пен партияның аймақ бойынша көшбасшысы Қырғызстан азаматы М. Мамасадықов ұсталды.
«Трест» операциясының ең басты мақсаты – «Хизб-ут-Тахрирдің» Қазақстандағы экстремистік жасырын ұйымдарының көзін жою шарасы ойдағыдай аяқталды.
Тергеу нәтижесінде ұсталған 73 адамның 24-і экстремистік ұйымға қатысқаны үшін, тағы 15 адам діни араздықты қоздырғаны үшін қылмыстық жауапкершілікке тартылды. Қалған адамдарды партияның мүшелігінен шығару бойынша іс-шаралар кешенін атқару ұйғарылды.
ҰҚК ұйымдастырған мұндай пәрменді соққы діни радикалдар үшін көп жылдар бойы ескерту әсерін берді. Ұйым қаншама тырысқанымен Қазақстандағы өздерінің ықпалын қайта қалпына келтіре алмады.
Халықаралық терроризм мен діни экстремизмге қарсы тұру бойынша жедел қызметте қазіргі уақытқа дейін «Трест» операциясының баға жетпес тәжірибесінің қолданылып жүргендігін атап өту қажет.

«Трест» операциясы немесе шын сенімнің атын жамылу

<a href="https://kyzylorda-news.kz/ru/obshestvo/">Kyzylorda-news.kz</a>. Тоқсан жылға жуық тарихы бар Мәншүк Мәметова атындағы Қызылорда педагогикалық жоғары колледжі жанынан «Көшбасшы мектебі» қыздар клубы құрылды. Бұл клубтың құрылғанына бір ай уақыт болса да қазіргі таңда белсенді жұмыстар атқарып келеді. Өңірлік коммуникациялар қызметінде өткен брифингте М.Мәметова атындағы Қызылорда педагогикалық жоғары колледжінің директоры Жақсыгүл Тоғанова аталған клубтың жұмысына тоқталды.
<blockquote>
 «Көшбасшы мектебі» клубын құру облыстық ҚХА жанындағы Аналар кеңесі мен М.Мәметова атындағы педагогикалық жоғары колледжінің бірлескен әлеуметтік жобасы болып табылады. Сондай-ақ, «Көшбасы мектебі» ұйымына білім ордасындағы 30 студентіміз мүше. Оқу орнымыздың қазақтың батыр қызы – Мәншүк есімінде болуы да біз үшін мақтаныш, әрі үлкен жауапкершілік. Осы бағытта бізде бірнеше жылдан бері «Инабат» клубының жұмыс жасап келе жатқанын да айта кеткім келеді. Рахима Қаржаубайқызы бастаған облыстық Аналар кеңесі осы жұмысымызды бір жүйеге келтіріп, ауқымын кеңейтіп оны насихаттауға үлкен қолдау жасады. Кеңес төрайымы Рахима Қаржаубайқызы – өз жұмыс бағытын үнемі жаңа, тың идеялармен жаңартып отырады. Соның бірі – «Көшбасшы қыздар мектебі», – деді Жақсыгүл Қоханқызы.
</blockquote>
«Көшбасшы мектебі» клубының мүшелері де клубтың ашылғанына ризашылықтарын білдіріп, алдағы жоспарларымен бөлісті.
<blockquote>
 «Бұл клубтың ашылғанына аз уақыт болса да мүше болуға ниетті жастар көп. Біз осыған қуанамыз. Оқу ордамыздың абыройын биіктетіп, үлгі болар жұмыстар атқарамыз деп ойлаймыз. Ендігі міндетіміз – осы қыздардың көшбасшылық қабілеттерін жетілдіру болып табылады. Осыған орай алда біраз жоспарларымыз бар», – деді «Көшбасшы мектебі» қыздар клубының жетекшісі Гүлжан Әкімжанқызы.
</blockquote>

Қызылордада «Көшбасшы мектебі» қыздар клубы құрылды

<a href="https://kyzylorda-news.kz/ru/obshestvo/">Kyzylorda-news.kz</a>. Сырдария ауданының биылғы бюджет қазынасы 12,6 млрд. теңгені құрады. Оның 63 пайызы әлеуметтік салаға бағытталған.
2021 жылдың есепті кезеңінде ауданның өнеркәсіп кәсіпорындары 7 млрд. теңгенің өнімін өндіріп, өңдеу саласы өткен жылмен салыстырғанда 60 пайызға артқан. Сондай-ақ, ауданның ауыл шаруашылығы саласы да ұлғайып келеді. Айталық, биыл осы сала 20 млрд. теңгенің өнімін өндірген. Бұл жөнінде Өңірлік коммуникациялар қызметінде өткен брифингте Сырдария ауданының әкімі Мұрат Ергешбаев мәлімдеді.
<blockquote>
 «Аудан аграрлық болғандықтан ауыл шарашылығы дақылдарынан дәнді, майлы дақылдар, бақша, көкеніс өнімдері және ет пен сүт бағытындағы мал өсіріледі. Биылғы жылы ауданымызда 33 220 гектарға ауыл шаруашылығы дақылдары егілді. Сондай-ақ, ауданда 133,6 мың тонна күріш салысы жиналды. Мемлекеттік және өңірлік бағдарламалар шеңберінде құны 2,4 млрд. теңгені құрайтын 500-ге жуық жобаға қолдау көрсетілді. Тиісінше 450-ге жуық жаңа жұмыс орындары ашылды. Тағы бір айта кететін жәйт, жыл басында 1 149 жаңа жұмыс орындарын құру жоспарланған болатын. Бұл көрсеткіш артығымен орындалып, 1185 жаңа жұмыс орны құрылды. Бүгінгі таңда аудан бойынша 2611 шағын және орта кәсіпкерлік субьектілері тіркеліп, оның 2434-ті жұмыс істеп тұр. Бұл өткен жылмен салыстырғанда 6 пайызға өскенін көрсетеді», – аудан әкімі Мұрат Нәлқожаұлы.
</blockquote>
Айта кететін жәйт, Сырдария ауданының автомобиль жолдарының жалпы ұзындығы 480 шақырымды құрайды. Бүгінде аудандық маңызы бар жақсы жолдардың үлесі 92 пайызға жеткен.

Cырдария ауданының ауыл шаруашылығы дамып келеді

<a href="https://kyzylorda-news.kz/ru/obshestvo/">Kyzylorda-news.kz</a>. Қазақстанда өткен тәулікте 1 554 адам коронавирус індетінен емделіп шықты, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 181,
Алматы қаласы – 246,
Шымкент қаласы – 57,
Ақмола облысы – 109,
Ақтөбе облысы – 36,
Алматы облысы – 119,
Атырау облысы – 24,
Шығыс Қазақстан облысы – 98,
Жамбыл облысы – 19,
Батыс Қазақстан облысы – 184,
Қарағанды облысы – 172,
Қостанай облысы – 8,
Қызылорда облысы – 37,
Маңғыстау облысы – 15,
Павлодар облысы – 113,
Солтүстік Қазақстан облысы – 108,
Түркістан облысы – 28.
Қазақстан бойынша жазылғандар саны – 922 753.

Covid-19: Тағы 37 қызылордалық індеттен айықты

<a href="https://kyzylorda-news.kz/ru/obshestvo/">Kyzylorda-news.kz</a>. Қазақстанда 18 қараша 23:59-дағы эпидемиологиялық жағдай бойынша 1 125 адам коронавирус індетімен ауырғаны ПТР арқылы расталды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 118,
Алматы қаласы – 123,
Шымкент қаласы – 20,
Ақмола облысы – 78,
Ақтөбе облысы – 19,
Алматы облысы – 57,
Атырау облысы – 25,
Шығыс Қазақстан облысы – 84,
Жамбыл облысы – 10,
Батыс Қазақстан облысы – 37,
Қарағанды облысы – 130,
Қостанай облысы – 112,
Қызылорда облысы – 19,
Маңғыстау облысы – 12,
Павлодар облысы – 115,
Солтүстік Қазақстан облысы – 149,
Түркістан облысы – 17.
Жалпы ел бойынша ауырғандар саны 961 734.

Қызылордада 19 адамнан коронавирус анықталды

<a href="https://kyzylorda-news.kz/ru/obshestvo/">Kyzylorda-news.kz</a>. Атмосфералық фронталды бөліктердің өтуіне байланысты 19 қарашада ҚР аумағының басым бөлігінде тұрақсыз ауа райы сақталады – қар жауады, жел күшейеді, тұман түседі, солтүстікте, шығыста, орталықта – бұрқасын, батыста – көктайғақ күтіледі, деп хабарлайды Қазгидромет.
Тек оңтүстікте, солтүстік-шығыста және солтүстік-батыста жауын-шашынсыз ауа райы күтіледі.
Күндіз Солтүстік Қазақстан облысында жел 15-23 м/с күшейіп, облыстың солтүстік-батысында жаяу бұрқасын күтіледі.
Шығыс Қазақстан облысының батысында, оңтүстігінде, солтүстік-шығысында жел 15-20 м/с күшейіп, жаяу бұрқасын болады.
Түнде және таңертең Жамбыл облысының солтүстігінде және таулы аудандарында тұман, облыстың оңтүстік-батысында, солтүстік-шығысында және таулы аудандарында желдің 15-20 м/с күшеюі күтіледі.
Қарағанды облысының батысы мен оңтүстігінде тұман, түнде облыстың солтүстігінде, шығысында және орталығында бұрқасын, түнде облыстың шығысында желдің 15-20 м/с күшеюі күтіледі.
Таңертең және күндіз Алматы облысының солтүстік-шығысында, оңтүстігінде көктайғақ, облыстың оңтүстігінде және шығысында желдің 15-20 м/с күшеюі күтіледі.
Қостанай облысының оңтүстігінде тұман, күндіз облыстың солтүстігінде жаяу бұрқасынмен желдің 15-20 м/с күшеюі күтіледі.
Түнде және таңертең Ақмола облысының солтүстік–батысында тұман, күндіз облыстың басым бөлігінде желдің 15-20 м/с күшеюі күтіледі.
Батыс Қазақстан облысының солтүстігінде тұман, көктайғақ, күндіз облыстың басым бөлігінде желдің 15-20 м/с күшеюі күтіледі.
Маңғыстау облысының батысында, солтүстік-шығысында желдің 15-20 м/с күшеюі күтіледі.
Түнде және таңертең Атырау облысының батысы мен шығысында, Ақтөбе облысының солтүстігінде, шығысында тұман күтіледі.

19 қарашаға арналған ауа райы болжамы

<a href="https://kyzylorda-news.kz/ru/obshestvo/">Kyzylorda-news.kz</a>. Көлік құралын мас күйінде басқару қылмыспен тең. Жүргізушілер ішімдік &nbsp;ішіп, көлік басқару алдында өзінің ғана емес, өзгенің де өміріне қауіп төндіретінін ойлану керек. Ағымдағы жылдың 10 айында облыс бойынша көлік құралын мас күйінде жүргізген 904 жүргізуші анықталды.
Қызылорда қаласы мамандандырылған әкімшілік сотымен онлайн форматында сот отырысы болып, тәртіп бұзған жүргізушілерге қатысты әкімшілік істер қаралып, сот шешімімен құқық бұзушылар 15 тәулікке әкімшілік қамаққа алынып, 7 жылға көлік жүргізу құқығынан айырылды.
<blockquote>
 &nbsp;«Жол-көлік оқиғалары көбіне осылай рөлге мас күйде отыру салдарынан болады. Сондықтан ішімдік ішіп, көлік тізгіндемеңіздер. Бұл өз өміріңізбен қатар, өзгенің де өміріне қауіпті болады. Осы ретте, автокөлік жүргізушілерін жолда жүру ережелерін қатаң сақтауға шақырғым келеді. Сіздің ойланбаған әрекеттеріңізден кінәсіз адамдар зардап шегуі мүмкін», – дейді &nbsp;Қызылорда облысы Полиция департаментінің бастығы полиция полковнигі Сұлтан Бектөре
</blockquote>

Қызылордада жыл басынан 904 мас жүргізуші анықталды

<a href="https://kyzylorda-news.kz/ru/obshestvo/">Kyzylorda-news.kz</a>. Қазақстандық нумеролог Гүлдана Дербесова әлемді алаңдатқан пандемияның беті келесі жылдың күзінде&nbsp;қайтуы&nbsp;мүмкін екенін айтады. Сөзінше, келер жылдың сандарын ерекше әдіспен есептегенде осыны көруге болады. Жалпы, адам тағдырындағы сандар нені білдіреді? Нумеролог 2022 жылы қазақстандықтарды не күтіп тұрғанын айтты, деп хабарлайды <a href="https://stan.kz/2022-zhili-kazakstandiktardi-ne-kutedi-aksha-densaulik-355886/">Stan.kz.</a>
&nbsp;Ең жиі қойылатын сұрақ – тұрмыс құру, бала тәрбиесі мен мамандық таңдау
Көпшілік нумеролог маманға тұрмыс құру, өмірлік жар таңдауда қателеспеу деген мәселелер бойынша жиі келеді. Жұптардың үйлесімділігі жайлы да сұрап жатады. Одан кейін мамандық таңдау бойынша бағыт-бағдар алатындар да көп. Бұдан бөлек бала тәрбиесі жөніндегі сауалдар көпті мазалайды. Көбіне ата-аналар мектеп бітіргелі жатқан ұл, қыздарының мамандық таңдауына кеңес сұрап келеді. Мұндай жағдайларда байқағаным ересектер көбіне өзімшілдікке салынып, баласының емес, өзінің ұнатқан мамандығын таңдауға тырысады. Ал&nbsp;қыз-келіншектердің көп бөлігі ене мен келін арасындағы мәселелер бойынша жүгініп жатады.
Ақша, денсаулық,&nbsp;сәттілік әкелетін сандар
Барлық сандардың жақсы мен жаман тұстары болады. Ақша сандары –&nbsp;&nbsp;8 бен 6. Ал денсаулық саны 4 болып есептеледі. Туған күнінде&nbsp;4 саны жоқ адамдардың&nbsp; иммунитеттері төмен, ауруға бейім болады. Сондықтан&nbsp;ондай адамдар уақытылы дәрігердің тексерісінен өтіп тұрғаны жөн. Тағдыр санын біз туған жылымызды, күнімізді есептеу арқылы шығарамыз және сәттілік саны да тағдыр санына тікелей байланысты. Ол сан біздің дүниеге қалай келгенімізді, бойымыздағы қасиеттерімізден бастап, мінез-құлқымызға дейін қандай екенімізді көрсетеді.
Қазақстан Нептун планетасында, Мерген жұлдызнамасында дүниеге келген
Еліміз 1991 жылы 16 желтоқсанда өз тәуелсіздігін жариялап, жеке мемлекет болды. Енді&nbsp;сандарды, айларды, жылдарды нумерологиялық әдіспен санай келе біз 3 санын шығардық. Үш – нумерологияда&nbsp;жетістік саны. Тек нумерологияға байланысты емес, астрологияның да элементтерін алып қарауымыз керек. Біздің планетамен салыстыра отырып, Ресейді, АҚШ-ты, Қазақстанды қарадым. Қазақстанда 90 пайыз ерлер энергетикасы басым. Сондықтан беделді, танымал болғысы келетіндер көп. Тағы бір айта кететін нәрсе, желтоқсан&nbsp;жұлдызнамада мерген уақытын білдіреді. Ал Мергендер өзінің аты айтып тұрғандай мықты, жаңашылдыққа, шығармашылыққа бейім болады. Бірақ кемшіл тұсы да бар. Еліміз мергенмен қоса Нептун деген планетада өмірге келген. Ал&nbsp;бұл&nbsp;планета бізде жалқаулықты, ұйқышылдықты, өзімшілдік пен агрессияны білдіреді. Міне, сондай жақсы жағы мен жаман тұстары да бізге бірдей келген. Сондықтан да шығар&nbsp;біз әлі ұйықтап жатырмыз.&nbsp;
2000 жылдары туған&nbsp;балалар бізді тәрбиелеуге келген
Тәрбиеге байланысты қазіргі 2000 жылғы балалардың санын біз бөлек санаймыз. “Қазіргі балалар барлығын біліп&nbsp;туғандай, өзіңе үйретеді, өзіңе қарсы шығады” деп айтылып жатады. Ол да бекер емес. Өйткені 2000 жылы туғандар&nbsp;бізді тәрбиелеуге келген. Біздер 2000 жылға дейінгі туылғандар 1000 жылдықтағыларға жатамыз. Біз ата-анамыздың айтқанымен жүрдік, олардың қас қабағына қарап өстік. Ал қазіргі балалар ондай емес. Біз олармен қазір тек дос, жанашыр ретінде тіл табыса аламыз. Қазіргі балаларды мен&nbsp;“өзіндік пікірі бар балалар” деп атаймын. Біздің олармен санасуымыз керек. Сонымен қатар олар өте белсенді, бір орында тұрмайтын, өмірге деген өзіндік көзқарастары бар буын. Мысалы, 14,16,17 жаста миллионер атанғандары бар. Ал біздің кезімізде ондай алға шығып топ жарғандар&nbsp;бірен-саран, тіпті мүлдем болмаған да шығар.
2021 өзгеріс пен саяхат жылы болды
Нумерологиялық тәсілмен есептегенде 2021 жыл 5 санын береді. Ал&nbsp;бұл&nbsp;сан&nbsp;өзгерістер мен саяхаттауды білдіреді. Осы жылы карантиннен шыға сала түрлі жеңілдіктердің көбейіп, көпшіліктің шетелге қыдырысының да мәні&nbsp;осында. Сонымен қатар, бұл жылға өзін жарнамалау да тән. 2021 санының соңы 1-мен аяқталып тұрғандықтан, біз бұл жылы кез келген бастаманың бірінші баспалдағынан өттік деп есептейміз.&nbsp;
Қарашадан басқа не күтуге болады?&nbsp;
Қараша 11-ай. Ал 11 санында жаңашылдық пен көшбасшы күші басым. Бұл айда өпшіліктің дипломатиялық байланыс орнатуына керемет мүмкіндіктер туып жатыр. Егер сіз бизнес бастауды жоспарлаған болсаңыз, қарашаны жіберіп алмаңыз. Себебі осы айда серіктестік құру сәтті бастамаға жетелейді. Сонымен қатар денсаулыққа да аса мән берген жөн. Күздің өзі адамның имуннитетін әлсірететін кезең болғандықтан, бұл айда көпшілікті ұйқы қысып, белсенділік танытқысы келмейтіндей әлсіздікте жүреді. Жылдың соңғы айлары болғандықтан, қорытындыны қажет ететін кезең деп те айтуға болады. Бұл айда дүниеге келген балалардың жауапкершіліктері мол болады.
2022 жылы тәуекелден қорықпайтындардың жолы болады
2022-ні нумерологиялық әдіспен есептесек, 6 санын шығарып&nbsp;тұр. Бұл сан отбасыға көп назар аударуды, балансты қалыпта ұстауды талап етеді. Отбасыға қараймын деп&nbsp;мансабыңызды ұмытуға да болмайды. Тепе-теңдікке мұқият болған жөн. Жұмысқа да үлгеріп, отбасына да қарайлаңыз. Бұл сан әдемілікті, жайлылық пен тұрақтылықты жақсы көретіндіктен, осы жылы тұрмыс құру, балалы болу деген сияқты жайттар көп орын алады. Келер жылымыз барыс болғандықтан&nbsp;барлық жайттар 50/50 формуласымен жүреді. Яғни қиындық пен қуаныш қатарынан болады. Ал егер мақсат қойып жүрсеңіз, осы жылы оны орындауға мүмкіндіктер көп болады. Барыс мінезіне сай адамдарда өзімшілдік пен&nbsp;басшылыққа ұмтылу сезімдері орын алады. Бұл жылы эксперимент, сынақ, тәуекелден қорықпайтындардың жолы болып, істері алға басады.&nbsp;
Пандемия 2022-нің қазан, қараша айларында тұрақталады
Шындығында бүкіл нумерологтар, астрологтар оны білді, бақылады. Бұл нәубет бізге неге 2020 жылы келді?
2020-ның санының екі түсінігі бар. Біріншісі ол “0” мен бітіп тұр. Біз аспаннан жерге бір мезетте құлағандай болдық. Жерге түсіп жан-жағымызға қарадық. “Не істеп жүрміз?”&nbsp;деп ойлана бастадық. Екіншіден, 20+20=40,&nbsp; 4+0=4. Нумерологияда бір санға ғана келтіреміз. Бізде 4 санын беріп тұр. Бұл сан ұрыс-керісті ұнатпайтын сан. 4 саны бар уақытта ережені бұзуға болмайды, оны қатаң сақтау керек. Сонымен қатар, төрттің&nbsp;денсаулыққа тікелей қатысы бар сан. Сондықтан да дәл сол жылы денсаулығымызға байланысты кінәратты көп көрдік. Қаншама бетке ұстар адамдарымыздан айырылдық. 2021 жылы біз жағдайды мойындап сол жақтан шығу жолдарын барынша қарастырдық. 2022-де барлығы керемет болып кетеді деп айта алмаймыз. Алла бұйыртса, 2022-нің қазан, қараша айларында жағдай тұрақталуы мүмкін. Тұрақталады деп сенеміз, есептейміз…&nbsp;
<img src="https://kyzylorda-news.kz/wp-content/uploads/2021/11/news_full16372248515c756dd879347d0c74d0870a2dab7217.jpg" alt="" />

Қазақстан және Қызылорда облысының жаңалықтары: Қоғам