<a href="https://kyzylorda-news.kz/ru/obshestvo/">Kyzylorda-news.kz</a>. Қала көшесімен бір адам келе жатты. Сырттай қарағанда орта жастағы еркек ешкімнен ерекшеленбейтін. Балағы қысқа ебедейсіз шалбары, иегіндегі сақалы ғана оны топ ішінен ерекшелеп тұратын. Егер көшедегі адамдар көзіне қарайтын болса, оның көзінен ақыл-есі кемтар немесе жын соққан адамдікіндей түсініксіз бір сәуле көрген болар еді. Иә, бірақ көшедегі барлық адам өз жөнімен асығып кетіп бара жатады, оның үстіне біреудің көзіне кім қарасын.
Арада бірнеше сағат өткенде ҰҚК Ақтөбе облысы бойынша департаментінің ғимаратында жарылыс болды. Радикалды діни фанат жарылыс жасап, сол жерде өзі қаза тауып, үш адам жараланды.
Өткізу орнында Рахымжан Мақатовты бекет қызметкері тоқтатты, ол оны бұған дейін де көрген еді, әрине танығаны да рас. Бірнеше діни фанаттар ұсталған кезде қозғалған бір шулы іс бойынша куәгер ретінде өткені бар.
Жүрісі біртүрлі адам жедел қызметкер Диясовты көргісі келді, осы кезде іздеген адамы да департаментке жақындап келе жатқан еді. Офицер де Мақатовты жай жұмыспен жүрген шығар деп ойлап үлгерді. Бірақ сыралғы көзімен қарап өткен ол бірден түсіне қойды, бұл адам басқа мақсатпен келіп тұр – күртесінің ішіне қолдан жасалған жарылғыш құрылғыны жасырып тұрғанын аңғарды.
«Мүмкін бұл біртүрлі болып көрінетін шығар, бірақ менде қорқыныш сезімі деген болған жоқ. Мен жағдайды бірден түсіне қойдым да, сол жерде тұрғандардың бәріне тығылыңдар дедім. Тұрғандар қауіп-қатерді түсіне қоймады, айтқанымды орындауға асықпады, тағы да айқайлап айтуыма тура келді. Ал өзім Мақатовтың қасында тұрдым, ал ол болса мені белдігімнен ұстап алған еді», – деп Азамат Диясов сол күндерді еске алады.
Таңқаларлық жағдай, қауіптің қақпанында тұрған офицер басқалардың амандығын ойлап, жасырынуға пәрмен береді. Кейінірек сарапшылар жарылғыш құрылғының күшейтілген жойғыш күші болғандығы туралы қорытынды шығарды.
<blockquote>
 «Сараптама көрсеткендей, өзін-өзі жармақшы болған адам жарылғыш құрылғыны өзі үшін өте қауіпті адамның қасында, ҰҚК қызметкерінің қасында жаруды жоспарлаған. Офицер өжеттігінің және кездейсоқ жағдайдың әсерінен аман қалады: қылмыскер қолдан жасалған тумблерді алдын ала қосуды ұмытып кетіпті», – деп сарапшы-жарылғыш заттар маманы осындай қорытынды жасайды.
</blockquote>
Өзінің және әріптестерінің өмірін өжеттігі, жағдайға байланысты тез бейімделгіштігі және терроршының қателігі сақтап қалды.
Офицер мен басқа қызметкерлерге төнген қатердің деңгейін түсіну үшін сарапшылардың сипаттамасын келтірейік:
<blockquote>
 «Қолдан жасалған жарылғыш құрылғының қуаты 400г. тротилді эквивалентке тең. Жарылғыш аммоний нитраты, алюминді ұнтақ және сіріңке басындағы күкірт негізінде жасалған. Тұйықталу түймесін басу арқылы электрлік жүйелердің тұйықталуынан детонатор іске қосылады, детонатор есебінде биомаркер қолданылған. Жарылғыштың жойғыш күшін арттыру мақсатында оған үлкен көлемде бұрандалар мен шойынды элементтер оралған. Бір кезде қарасам Мақатовтың толқығаны сонша есінен адасып тұрғандай, үздіксіз дірілдеп тұр екен. Бірақ жарылғыш құрылғысы жарылмаған соң, ол назарын төмендетіп, менің белдігімді жіберді де, беліне орап алған сымдарын шұқылай бастады. Қателігін түсінген ол енді тумблерді қосуға тырысты. Мен осы жағдайды пайдаландым. «Жатыңдар!» деп қатер туралы айналама ескертіп, Мақатовты жылдам фойенің адамы жоқ ортасына қарай итеріп жібердім (бекеттегі қызметкер де осы сәтте ескерту оғын атады), турникетті тасалауға тырысып, еденге жата кеттім», – деп еске алады жедел қызметкер Диясов.
</blockquote>
Сол заматта-ақ жарылыс болды. Оқиға орнын алғаш қарағанда-ақ оның қауіпті болғандығы байқалды: жарылыс күші департамент ғимаратының бірінші қабатының барлық шынысын талқандап кетті, сыртта тұрған машиналардың дабылдатқыштары ойнап қоя берді. Мақатов сол тұрған орнында қаза тапты.
Адамдар терроризмнің тайғақ жолына қалай шығады және не үшін? Бөгде беделді адамдардың ықпалына қалай түседі? Жалған ұрандарға неге сенеді?
Психологтардың қорытындысы бойынша туған кезінде алған жарақаты&nbsp; Мақатовтың мінезінің психологиялық жағынан қалыптасуына айтарлықтай әсер еткен.
Бұдан бөлек ата-анасының тәрбиесінің ықпалды болғандығын жоққа шығаруға болмайды. Әкесі қатал мінезді болғандықтан, баласын жиі жазалап отырған. Баласына үнемі көңілі толмай, оған жылылық танытудың орнына, керісінше оны ылғи қорлап, «ақылдырақ және жолы болғыш» жиендерін үлгі ететін.
Ақтөбедегі теракті қауіп-қатердің бар екендігін көрсетті. Теракті жүзеге асқанда, әрине, адамдардың сенімі жоғалып, бейбіт халық дүрбелеңге түсер еді, жалпы жағдай шайқалып, тізбектеліп кететін оқиғалардың орын алуы да сөзсіз еді.
Әрине, болған оқиға бірден төтенше жағдай сипатын иеленді. Отандық және шетелдік бұқаралық ақпарат құралдары болған оқиға туралы жарыса айтып жатты. Басылым журналистері оқиғаның бүге-шігесін білгісі келді, Мақатовқа қатысты әртүрлі теңеулер беріліп жатты: қазақстандық тұңғыш өзін өзі жарушы, тұңғыш шаһид және тағы да басқа салыстырулар.
Қоғамды дүр сілкіндірген оқиға болғандықтан, БАҚ бұл тақырыпты бірнеше ай бойы қайталады. ҰҚК департаментіне көршілес үйлердің тұрғындары өздерінің көңіл-күйлерімен, сезімдерімен бөлісті. Ал, болған оқиғадан көлемі әлдеқайда зардапты болуы мүмкін бұған дейінгі терактілердің тізбегін ауыздықтай білген офицерлердің бірнеше ай бойы күн-түн қатқан тынымсыз да ауқымды еңбегі кадр сыртында қалып жатты.
Жергілікті радикалдарды анықтау және ұстау бойынша операциялар ұзақ уақыттан бері дайындалып, жүріп жатқан еді. Нәтижесінде, «Аңсар-уд-дин» («Дін көмекшілері») террорлық бастауыш ұйымының мүшелері болған және жиһадқа дайындалып жатқан он шақты адам осы жарылыстың алдында ғана, екі апта бұрын ұсталған болатын.
Тергеу барысында жиһадшылардың жедел деректері мен жоспарлары мәлім болды. Олардың ойы сонау Ауғанстан жеріне барып, радикалдар жағында америкалық сарбаздарға қарсы және Солтүстік Кавказға барып ресейлік әскерилерге қарсы жауынгерлік ұрыстарға қатысу екен.
Ақтөбелік радикалдарға «Исламдық жиһад одағы», «Кавказ имараты» секілді халықаралық террорлық ұйымдардың шетелдік эмиссарлары мен мүшелері жетекшілік еткен.
Жаңа келген мүшелерін жауынгерлік дайындықтан өткізу барысында қолданылған қару-жарақ пен оқ-дәрілердің айтарлықтай арсеналы олардың ойларының шындық екендігін, қоғам үшін қандай қатер төндіргендігін дәлелдейді: Калашников автоматы, Макаров тапаншалары. Тінту кезінде табылған арнайы техникалық құралдар олардың ерекше дайындық түрлерін де қарастырғандығын байқатты.
Сонымен қатар Ақтөбелік радикалдар халықаралық террорлық ұйымдарды қаржыландыруға да қатысып отырған, яғни ақшаларын банктер арқылы немесе байланысшылары арқылы жіберіп тұрған.
Шетелдік ақша алушылар бұған жауап ретінде өздерінің қозғалыстарына қосылуға үндеп алғыс айтқан роликтер жазған. Өз кезегінде, ақтөбелік «Дін көмекшілері» егер Ауғанстанға бара алмайтын болса, онда Қазақстанда террорлық шабуылдар жасайтындығын айтып ант береді.
2011 жылғы 4 мамырда ҰҚК департаменті ұстаған бастауыш ұйымның барлық мүшелерінің арасында Рахымжан Мақатов та бар болатын.
Тергеудің бас жағында ол өзінің өкінетіндігін байқатып, тергеумен белсенді түрде ынтымақтасты. Сондықтан оны куәгер ретінде қалдыру ұйғарылған еді.
Ол қатардағы куәгер емес еді. Мақатов бастауыш ұйымның басшысы Махуовтың оң қолы еді. Адам қасиеттерін шебер меңгерген ол жамағаттағы ең сезімтал бағыт болып табылатын идеология саласына жауап берді. Жүйедегі жалған діни мақалалар, кітаптар және бейнероликтерді жазып алып, оларды «бауырларының» арасында талмай, жалықпай таратып, өз жұмысын «үздік» атқарды.
Осыған қарамастан, жедел қызметкердің жұмысты дұрыс ұйымдастыруының арқасында, Мақатовтан тергеу үшін маңызды мәліметтер алудың орайы келді. Кейінірек, діндес бауырларының алдында өзін кінәлі сезінуі теракті жасап өзін жару туралы ойға итермелеген.
Ақтөбе облысындағы жоғарыда айтылған қайғылы жағдай Қазақстандағы соңғы оқиға болмады. Өз заманы үшін мұндай оқиғалар айтарлықтай сипатта болғанымен, қатерлі жаумен бетпе-бет кездескен Комитет қызметкерлері қаймықпастан қажетті қорытынды шығарып, ұлттық қауіпсіздікті қамтамасыз ету үшін керекті шешімдерді қабылдай білді.

Ақтөбедегі теракті

<a href="https://kyzylorda-news.kz/ru/obshestvo/">Kyzylorda-news.kz</a>. Көшелердің тарихы ұзақ. Әлемдегі ең алғашқы көшенің қайда және қашан пайда болғанын дөп басып айту қиын. 1807 жылы Лондонда газ шамдарына негізделіп көшелерді жарықтандырды. 1832 жылы Париж көшелері асфальттала бастады. 1914 жылы Кливлендте алғашқы қызыл және жасыл бағдаршам пайда болды
Әлемде жүздеген мың кең және әдемі көшелер бар. Олар барлық жерде кездеседі. Өйткені, кез келген елдің әр қаласында өзінің ең әдемі көшесі болады. Олар Гиннестің рекордтар кітабына өздерінің ерекшелігімен енгізілген.
<img src="https://kyzylorda-news.kz/wp-content/uploads/2021/11/koshe1.jpg" alt="" />
Әлемдегі ең тар көше
Үндістанның қасиетті орталығы болып саналатын Варанаси қаласының өте тар, иір-қиыр, дөңгелек көшелері бар: ғибадатханаларға баратын өткелдердегі бұл көшелердің маңызды бөлігі қысқа, сондықтан көлікпен өту мүмкін емес. Мотоцикл және кейде екі адам сол жолда кездессе, біреуі екіншісіне жол беруге мәжбүр болады.
Бірақ екі адам оңай өтетін бұл үнді көшелері Германияның Рейтлинген қаласындағы Шпройерхофштрассемен салыстырғанда аллеяға ұқсайды.
<img src="https://kyzylorda-news.kz/wp-content/uploads/2021/11/koshe2.jpg" alt="" />
Шпройерхофштрассе ені 50 сантиметрден аспайды. Көшенің ең қысқа ені&nbsp; – 31 сантиметр. Бұл көшеден ары қарай өткісі келетіндердің бәрі ол жерден өте алмайды.
Көше 1727 жылы өрттен толығымен дерлік жойылған Рейтлинген қаласын қалпына келтіру нәтижесінде пайда болды. Бастапқыда бұл жай ғана үйлер арасындағы қуыс болды, ал 1820 жылы Шпройерхофштрассе көшесі ресми түрде қала карталарында пайда болды.
<img src="https://kyzylorda-news.kz/wp-content/uploads/2021/11/koshe3.jpg" alt="" />
Ең тік көше
Гиннестің рекордтар кітабына сәйкес, әлемдегі ең тік көше – Жаңа Зеландияның Данидин қаласындағы Болдуин көшесі. Көшенің ұзындығы 359 метр, ал деңгей айырмашылығы 80 метр.
Көшенің ерекшелігі 35 градусқа иіліп салынған. Ал көшенің бұлай салынуына басты себеп, оның сызбасы ағылшын жерінде салынып осы елге жіберілген. Басты жобалаушы Жаңа Зеландияда мүлде болып көрмеген. Көшені салуға тек географиялық картаны пайдаланған. Меншікті жердің орналасу жүйесіне мүлде назар аударылмаған.
Болдуин көшесі бетоннан жасалған. Әйтпесе асфальт Жаңа Зеландиядағы күн ыстығына шыдамай ағып кетер еді.
<img src="https://kyzylorda-news.kz/wp-content/uploads/2021/11/koshe4.jpg" alt="" />
Ең қысқа көше
Ebenezer Place — Шотландиядағы Уик қаласындағы көше. 2006 жылы ол әлемдегі ең қысқа көше ретінде Гиннестің рекордтар кітабына ресми түрде енгізілді. Көшенің ұзындығы 2 метр 6 сантиметр.
Бұл көше McKay қонақүйінің құрамына кіретін №1 бистроға кіреберіс. Қонақ үй 1883 жылы салынған, сол кезде Эбенезер-Плейс көшесі пайда болды.
Эбенезер – иврит сөзі, мейірімді, қамқор дегенді білдіреді. Көше қонақ үй иесінің есімімен аталды. Міне, әлемдегі ең мейірімді және ең қысқа көше осылай салынған.
<img src="https://kyzylorda-news.kz/wp-content/uploads/2021/11/koshe5.jpg" alt="" />
Ең ұзын көше
Әлемдегі ең ұзын көше Торонтода&nbsp; (Канада) салынған – Янг-стрит.&nbsp; Оның ұзындығы 56 шақырым. 1999 жылы көше ресми түрде Гиннестің рекордтар кітабында әлемдегі ең ұзын көше ретінде енді. Кейбір деректерде оны 56 шақырымнан соң 11-ші магистральға айналуын ескерілмей 1896 шақырым деп көрсетеді. Тағы бір айта кететін жайт елімізде де ең ұзын көше бар. Ол тек елімізде ғана емес, ТМД елдері арасындағы ең ұзын көше болып тіркелген.&nbsp; Д.Қонаев атындағы көше Текелі қаласында орналасқан. Ұзындығы – 35 км.&nbsp;
<a href="https://massaget.kz/layfstayl/alemtanu/66708/">Massaget.kz</a>

Гиннестің рекордтар кітабына енген ең тар, ең тік, ең ұзын және ең қысқа көшелер (ФОТО)

<a href="https://kyzylorda-news.kz/ru/obshestvo/">Kyzylorda-news.kz</a>. «NurOtan» партиясыхалықтың өмір сүру сапасын жақсарту мен еліміздің әлеуметтік – экономикалық дамуын қамтамасыз ету бағытында ауқымды істер атқарып келеді.
Осы мақсатты көздеген партия алдағы бес жылда әрбір облыс, қала, ауданды дамытудың тың жоспарын жасап, оны жүзеге асыру бойынша «Жол карталарын» бекітті. Қазір осы құжаттың іске асырылуы қатаң қадағалануда.
Партияның «Өзгерістер жолы: Әр азаматқа лайықты өмір!» атты сайлауалды бағдарламасы негізінде әзірленген Қазалы ауданы бойынша Жол картасы 7 бағытты қамтитын 114 іс-шарадан тұрады. Жыл басынан бері аталған Жол карта шеңберінде ауданымызда ауқымды жұмыстар атқарылды.
<img src="https://kyzylorda-news.kz/wp-content/uploads/2021/11/whatsapp-image-2021-11-23-at-11.41.51.jpeg" alt="" />
Бүгінде ауылшаруашылығы мен шағын және орта кәсіпкерлік саласын дамыту, оның ішінде саудаға қарағанда өнім өндіру бағытында жұмысты жандандыру – алдағы негізгі міндеттердің бірі болып отыр. Осы орайда Жол карта аясында ауданда кәсіпкерлікті дамыту мақсатында жыл басынан бері 8 кәсіпкерлік жоба іске қосылса, 3 кәсіпкерлік жобаның қуаттылығы кеңейтілді.
<img src="https://kyzylorda-news.kz/wp-content/uploads/2021/11/whatsapp-image-2021-11-23-at-11.41.50-1.jpeg" alt="" />
Ауданның инженерлік-инфрақұрылымын дамыту мәселесі басты назарда. Себебі, жер кезегінде тұрған тұрғындар саны жыл өткен сайын көбейіп келеді. Жол картасында 2021 жылы ауданның 40 отбасын жер учаскесімен қамтамасыз ету жоспарланып, бүгінгі күні инфрақұрылыммен қамтамасыз етілген учаскелерден 79 отбасыға жер берілді.
Баспана мәселесін шешу үшін де көптеген жобалар қолға алынды. Жол картада биылғы жылға 48 пәтерді пайдалануға беру межеленіп, бүгінгі күні толығымен орындалды. Сонымен қатар,биыл жалға берілетін үйлерді сатып алуға 388 млн. теңге қаржы қаралды. Бұған жыл соңына дейін толығымен көлемі 60 шаршы метрден кем болмайтын 35 тұрғын үй сатып алу жоспарланып отыр.
Халықты сапалы ауыз сумен қамтамасыз ету мәселесі де күн тәртібінен түскен жоқ. Осыған орай, Жанқожа батыр мен Майдакөл ауылдарындағы тұрғын үйлерге сервистік ауыз су желісін қосу жұмыстары толығымен аяқталып, пайдалануға берілді.
Елді мекендерді газбен қамтамасыз ету мақсатында 2021 жылы Қазалы қаласын газбен жабдықтау жұмысын толығымен аяқтау жоспарланды. Бүгінгі күні 52 шақырым газ құбырлары жүргізілді. Бас мердігермен бекітілген жұмыстарды орындау кестесіне сәйкес аталған құрылыс жұмыстарын жыл соңына дейін аяқтау жоспарлануда.
2021 жылы Жол картада көзделген аудандық маңыздағы автомобиль жолдарды жөндеу бойынша 64 шақырымды құрайтын жолды жөндеуге республикалық және жергілікті бюджеттен 1,6 млрд теңге қаржы бөлінді. Сонымен қатар, аудан бойынша елді мекенішілік 33 көше жөнделуде. Әйтеке би кентінен жалпы ұзындығы 34,3 шақырым болатын 12 көше, Қазалы қаласынан 8,2 шақырым болатын 10 көшеге жол құрылыс жұмыстары жүргізілуде. Одан бөлек, ауылдық елді мекендегі ұзындығы 8,6 шақырым болатын 11 көше жөндеуден өтуде. Қазіргі таңда жалпы ұзындығы 23,1 шақырым болатын 21 көшенің жұмыстары толық аяқталып, пайдалануға берілді. Осы жол саласында атқарылып жатқан жұмыстардың нәтижесінде ауданның жақсы және қанағаттанарлық жағдайдағы аудандық маңызы бар автомобиль жолдарының үлесін 80,3 пайызға жеткізу жоспарлануда.
<img src="https://kyzylorda-news.kz/wp-content/uploads/2021/11/whatsapp-image-2021-11-23-at-11.41.50.jpeg" alt="" />
Экологиялық мәселелерді жоюдың бір алғышарты – өңірімізді көгалдандыру екені белгілі. Осы орайда биыл Жол карта бойынша ауданда 68&nbsp;317 түп ағаш отырғызу көзделді. Ал қазір елді мекендердің айналасында қосымша 1 гектар алаңға жасыл белдеу жасалып, барлығын қоса алғанда 248 мың көшет отырғызылды.
Бұқаралық спорт үшін жағдай жасау мақсатында 2021 жылы Әйтеке би кентінің «Достық» шағын ауданындағы спорт алаңының және №165 мектебі аумағындағы спорт алаңының құрылысы басталды. Одан бөлек, Әйтеке би кентіндегі Желтоқсан мен Жалдыбай жырау көшелерінің қиылысына спорттық ойын алаңының құрылысы жыл соңына дейін аяқталады деп жоспарлануда.
Сонымен қатар, Жол картасындағы кәсіпкерлерді қолдау, өмір сүру жағдайын жақсарту, таза ауыз сумен және орталықтандырылған газбен, интернетпен қамтамасыз ету, медициналық қызмет көрсету сапасын жақсарту, бұқаралық спортпен айналысуға жағдай жасау және тағы басқа бағыттар бойынша нысанды көрсеткіштер жүзеге асуда.
2022 жылы да «Nur Otan» партиясының сайлауалды бағдарламасының Жол картасындағы жобаларды жүзеге асыруды жалғастырамыз. Жоба аясында келер жылға аудандық маңызы бар жолдардын күрделі және орташа жөндеуге республикалық және облыстық бюджеттен 902 млн теңге қаржы қарастыру жоспарлануда.
Партияның сайлауалды бағдарламасы халыққа қажетті нақты жобалардан құралған. Сондықтан біз индикаторларды уақытында сапалы орындау арқылы елдің әлеуетін көтеруге, әр тұрғынның өмір сүру сапасы мен әл-ауқатының жақсаруына жұмыс жасайтын боламыз. Біздің негізгі міндетіміз – сайлауалды уәделерді орындау және сайлаушылардың сенімін ақтау.
Мұхтар ОРАЗБАЕВ,
«Nur Otan» партиясы Қазалы аудандық филиалының төрағасы,
аудан әкімі

Басты мақсат – тұрғындардың әл-ауқатын арттыру

Kyzylorda-news.kz. 19 қарашадағы мәлімет бойынша Қазақстанда 1 129 адам коронавирус індетінен емделіп шықты, деп хабарлайды coronavirus2020.kz.
Аймақтар бойынша: Нұр-Сұлтан қаласы – 164, Алматы қаласы – 153, Шымкент қаласы – 27, Ақмола облысы – 96, Ақтөбе облысы – 8, Алматы облысы – 82, Атырау облысы – 17, Шығыс Қазақстан облысы – 52, Жамбыл облысы – 11, Батыс Қазақстан облысы – 134, Қарағанды облысы – 148, Қостанай облысы – 22, Қызылорда облысы – 15, Маңғыстау облысы – 10, Солтүстік Қазақстан облысы – 159, Түркістан облысы – 31.
Қазақстан бойынша жазылғандар саны – 923 882.

Тағы 15 қызылордалық індеттен айықты

Kyzylorda-news.kz. 19 қарашада Қазақстанда 1 047 адам коронавирус жұқтырғаны белгілі болды, деп хабарлайды coronavirus2020.kz.
Аймақтар бойынша: Нұр-Сұлтан қаласы – 102, Алматы қаласы – 116, Шымкент қаласы – 17, Ақмола облысы – 81, Ақтөбе облысы – 20, Алматы облысы – 55, Атырау облысы – 20, Шығыс Қазақстан облысы – 74, Жамбыл облысы – 13, Батыс Қазақстан облысы – 36, Қарағанды облысы – 104, Қостанай облысы – 113, Қызылорда облысы – 12, Маңғыстау облысы – 3, Павлодар облысы – 118, Солтүстік Қазақстан облысы – 155, Түркістан облысы – 8.
Жалпы ел бойынша ауырғандар саны 962 781.

Қызылордада 12 адам коронавирус жұқтырды

Kyzylorda-news.kz. ҚР солтүстігі мен батысында атмосфералық фронтальдық бөліктердің өтуімен тұрақсыз ауа райы сақталады – қар жауады, бұрқасын соғады, батыста көктайғақ болады. Қалған аумақта жауын-шашынсыз ауа райы күтіледі, деп хабарлайды Қазгидромет.
Түнде Солтүстік Қазақстан облысының оңтүстік-батысында, күндіз басым бөлігінде жел 15-20 м/с күшейеді.
Ақмола облысының солтүстігінде түнде және таңертең жаяу бұрқасын күтіледі, облыстың солтүстігінде, шығысында жел 15-20 м/с күшейеді.
Түнде және таңертең Алматы облысының солтүстігінде және таулы аудандарында тұман, Алакөл көлдері ауданында жел 15-20, екпіні 23 м/с күшейеді.
Батыс Қазақстан облысының солтүстігінде, солтүстік-батысында бұрқасын, көктайғақ, жел 15-20 м/с күшейеді.
Күндіз Ақтөбе облысының солтүстік-батысында, солтүстігінде жел 15-20 м/с күшейеді, облыстың солтүстік-батысында жаяу бұрқасын, көктайғақ күтіледі.
Қостанай облысының шығысында жаяу бұрқасын, тұман, жел 15-20 м/с күшейеді.
Павлодар облысының солтүстігінде 15-20 м/с жел күшейеді, түнде жаяу бұрқасынмен болады.
Жамбыл облысының солтүстігінде және таулы аудандарында тұман, оңтүстік-батысында, солтүстік-шығысында және таулы аудандарда желдің күшеюі 15-20, екпіні 25 м/с күшейеді.
Түнде Қарағанды облысының батысында тұман, күндіз облыстың батысында, оңтүстігінде желдің күшеюі 15-20 м/с.
Шығыс Қазақстан облысының шығысында, Қызылорда облысының солтүстігінде, түнде және таңертең Атырау облысының батысы мен солтүстігінде тұман күтіледі.

20 қарашаға арналған ауа райы болжамы

​ <a href="https://kyzylorda-news.kz/ru/obshestvo/">Kyzylorda-news.kz</a>. Қоғамдық тәртіпті сақтау мен жол қозғалысы қауіпсіздігін қамтамасыз ету, жол-көлік оқиғаларының алдын алу мақсатында Қызылорда қалалық Полиция басқармасының полицейлері “Қауіпсіз жол” жедел-профилактикалық іс-шарасы аясында жұмыс атқарды.
“Қауіпсіз жол” жедел алдын алу шарасы аясында жол-көлік оқиғаларының артуына септігін тигізетін жол қозғалысы ережелерін өрескел бұзу жағдайларын анықтау, автокөлік жүргізушілерінің жаяу жүргіншілерге жол бермеу деректерінің алдын алу, профилактикалық бағыттағы жұмыстарды барынша жандандыруға және жолын кесуге бағытталған бірқатар рейдтік және алдын алу шаралары өткізіліп жатыр.
Іс-шара барысында барлығы 1171 жол қозғалысы ережесін бұзудың деректері анықталды. Оның ішінде заңсыз қайта жабдықтаудың – 37, міндетті техникалық қарап-тексеруден өтпеген – 92, көлік құралын басқару кезінде ұялы телефонмен сөйлесудің – 90, қауіпсіздік белдігін пайдалану ережесін бұзудың – 202, маневр жасау ережесін бұзудың –52 , жаяу жүргіншіге жол бермеудің – 65, алкогольді масаң күйде көлік құралын басқарудың –10, қарама қарсы бағытқа шығу – 2 дерегі, көлік құралын басқару құқығы жоқ адамның көлікті басқаруы-10 және басқару құқығынан айырылған адамның көлікті басқаруы бойынша -7 дерегі анықталды.
Сонымен қатар, іс-шара барысында 174 автокөлік айып тұрағына қойылса, 181 автокөліктің мемлекеттік белгісі шешілді. Бұл бағыттағы жұмыстар өз жалғасын табуда.

«Қауіпсіз жол» профилактикалық іс шараның аясында 1171 құқық бұзушылық анықталды

<a href="https://kyzylorda-news.kz/ru/obshestvo/">Kyzylorda-news.kz</a>. Биыл тұтынушылық кредит 32,8 процентке артқан. Несие алушылар 6,1 миллион адамға жетті. Алматы қаласына жұмыс сапары барысында қаржы секторының өкілдерімен кездескен Қасым-Жомарт Тоқаев&nbsp;азаматтардың қарыз жүктемесіне тиімді бақылау жасау қажет деді.
<blockquote>
 “Қазіргі уақытта 545 мың адамның қарызын өтеу мерзімінің кешеуілдеуі 90 күннен асқан. Мәселе еліміздің қаржы тұрақтылығына төнген тәуекел-қатерде ғана емес. Бұл көптеген азаматтарымыздың қаржы тапшылығымен бетпе-бет келгенін білдіреді. Бұл әлеуметтік және саяси тұрақсыздыққа алып келуі мүмкін”, – деді президент.
</blockquote>
Қасым-Жомарт Тоқаевтың айтуынша, өтеу мерзімі 90 күннен асқан қарыздардың деңгейі банктердегі кредит портфелінің 4,3 процентін құрайды. Бұл – соңғы 13 жылдағы ең төменгі көрсеткіш. Президент осыдан қорытынды шығарып, жинаған тәжірибе негізінде жиі қайталанатын тәуекел-қатерлердің алдын алу шараларын күшейту қажет екеніне тоқталды.
Ол бүгінде қаржы секторының дәрменсіз банктерден арылғанын, ал сауықтыру аясында 6,6 триллион теңгеге жуық нашар кредит есептен шығарылғанын атап өтті.
Мемлекет басшысы борышкерлерге қатысты қаржы нарығы қызметкерлерінің шектен шығу әрекеттеріне де тоқталды.
<blockquote>
 “Несие мекемелерінің басшыларына ішкі рәсімдерді күшейту мәселесін пысықтауды, сондай-ақ жекелеген қызметкерлер мен сырттан тартылатын коллекторлардың қызметтерін асыра пайдалануға жол бермеу тетіктерін қарастыруды тапсырамын”, – деді Қасым-Жомарт Тоқаев.
</blockquote>
Тоқаев шағын және орта бизнесті несиелеу, оның ішінде ауылдардағы кәсіпкерлік бастамаларды дамыту еліміздің қаржы секторының басты басымдығы болуы керек деп есептейді. Мемлекет басшысының айтуынша, тұрақты және арзан қор жасау көздерінің жоқтығы микроқаржыландыру нарығындағы негізгі мәселенің бірі.
<blockquote>
 “Мұндай ұйымдардың қызметі екінші деңгейлі банктерден алынатын қарыз бен жеке қаражат есебінен қаржыландырылады. Нәтижесінде тұтынушылар үшін несиелердің құны жоғары болады. Сондықтан үкіметке агенттікпен бірлесіп, микроқаржы ұйымдарының қолжетімді әрі ұзақ мерзімді қаржыландыру тетіктерін пысықтауды тапсырамын”, – деді Қасым-Жомарт Тоқаев.
</blockquote>
Банктер мемлекеттік қолдаудың арқасында бүгінде экономиканы несиелеу бойынша зор әлеуетке ие болып отыр. Банк жүйесіндегі өтімділігі жоғары активтердің көлемі – 12,2 триллион теңге.
<a href="https://sputnik.kz/economy/20211119/18702434/toqaev-kredit-bank.html">Sputnik</a>

Тоқаев кредитін төлей алмай қалған тұрғындар мәселесін көтерді

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Өңіріміздегі эпидемиологиялық ахуалды жақсартып, ұжымдық имунитет қалыптастыру мақсатында жасөспірімдер мен жүкті әйелдерге АҚШ- та өндірілген «PFIZER» вакцинасын салу жоспарланған болатын. Қазіргі таңда бұл екпені жүкті әйелдер мен жасөспірімдер өздерінің келісімдерімен салғызуда. Осы жайында бүгін Өңірлік коммуникациялар қызметінде өткен брифингте №4 қалалық емхананың жалпы тәжірибелі дәрігері Ұлжан Болатова мәлімдеді.
<blockquote>
 «Өткен жылдан бері әлем елдері коронавирус індетімен күресіп келеді. Өкінішке қарай, қауіпті кеселді ауыздықтау әлі күнге дейін мүмкін болмай отыр. Оның үстіне, қазіргі таңда әлемде вирустың мутацияланған жаңа түрлерінің де қауіптілігі аса жоғары болып отыр. Вирустың бұндай түрлерінің жұғу пайызы жоғары. Бұл дерттің алдын-алып, сақтанудың жалғыз жолы – вакцина салдыру. Осы аптада №4 қалалық емханада 6 жүкті әйел өз еркімен «PFIZER» вакцинасын қабылдады. Аталаған вакцинаға белгілі шектеулер бар. Атап айтқанда, 16-37 аптадағы жүкті әйелдер және босанғаннан кейін 72 күннен соң екпені ала алады», – деді Ұлжан Маратқызы.
</blockquote>

Ұлжан Болатова: 6 жүкті әйел өз еркімен «PFIZER» вакцинасын қабылдады

<a href="https://kyzylorda-news.kz/ru/obshestvo/">Kyzylorda-news.kz</a>. Ұзақ жылдар бойы «құпия» белгісімен сақталып келе жатқан істі арнаулы қызметтің қызметкерлері өзара «Уран мәмілесі» деп атайтын. Арада 12 жыл өткен кезде ғана ҰҚК Павлодар облысы бойынша департаменті бұл іс-шараның құпиясын ашты. Ірі қылмыстық топты ұстау үшін ұлттық қауіпсіздік офицерлеріне өздерінің денсаулықтарына келетін зиянды елеместен қылмыстық топтың құрамына енулеріне тура келді.
2010 жылы департамент қызметкерлері уранның әлемдік бағасын зерттеу қажеттілігін сезінді. Өйткені белгісіз адамдардың Қазақстаннан уран таблеткаларын сату үшін алып кеткісі келетіндігі туралы жедел ақпарат келіп түсті. Аумақтық органның сол кездегі бастығы Михаил Селевенко мен әріптестерінің киім-кешек немесе алтын сататын базарды емес, радиоактивті материалдар сататын жерді іздеуге тура келгендері еске түседі.
<blockquote>
 «Көпшілігіміз үшін мұндай тәжірибе бірінші рет болды. Ең бастысы, уран таблеткалары дегеніміз өзіндік сипаты бар тауар, оны сатып алатын адам табу да оңай емес. Біздің жағдайымызда әңгіме жалпы сомасы 125 мың АҚШ долларын құрайтын мәміле туралы болды. Сондықтан бұл әңгіменің жай ғана қалта қағатын ұрылар немесе алаяқтар туралы еместігін&nbsp; анық түсіндік», – деп әңгімесін бастады арнаулы қызмет ардагері.
</blockquote>
Департаменттің аға лейтенанты Азамат Ертісов радиоактивті материалдар партиясының қаскүнемдер қолына түскендігін алғашқылардың бірі болып білді. Күдіктілермен тікелей байланыс орнату үшін жедел қызметкерлер делдал рөлін ойнауды ұйғарды. Алайда, қылмыстық топтың құрамында Ішкі істер министрлігінің, Сыртқы істер министрлігінің бұрынғы қызметкерлері, жергілікті қылмыстық топтың мүшелері және этникалық топтардың бірінің өкілдері болды. Яғни, құқық қорғау органдарының жұмыс тәсілін білетін, ықпалы бар адамдар еді. Иә, адамдармен астарлап сөйлесу әдісін олар да білді.
Департаменттің ең тәжірибелі қызметкерлерінің бірі, ведомствоның басқарма бастығы подполковник Қуат Қонаев делдал болып іске кіріскен аға лейтенантқа көмек ретінде жіберілді. Оған сатып алушы рөлін сомдау тапсырылды.
<blockquote>
 «Қылмыскерлердің мені өз адамы ретінде тануы талап етілді. Әйтпесе уран таблеткаларының қайдан шыққандығын, оны шығарып берген тізбекте кімдердің болғандығын білу мүмкін емес еді», – дейді бұл іс туралы Қонаев.
</blockquote>
Біраз уақыт сырттай сөйлескеннен кейін екі жақ бетпе-бет кездесуге келісті. Кездесу орны ретінде Павлодардағы мейрамханалардың бірі белгіленді. Қуат Қонаев сонау Алматыдан келген бизнесменнің рөлін ойнап, талап етілетін соманы бірден тауып беруге дайын екендігін мәлімдеді. Алайда сатушылар жауап беруге асықпады. Сатып алушының сенімді адам екендігін тексергісі келетіндігі түсінікті болды. Бір рет «көріп» кету аздық етті. Қылмыскерлер әуелі өздерінің таныстары арқылы серіктесін тануға тырысты, ал кейінірек оның соңынан ілесіп отырды. Кафеде немесе ойын-сауық орындарында өткен кездесулердің бәрінде «құйыршық» подполковниктің соңында жүрді.
<blockquote>
 «Павлодар шағын қала, сондықтан сол мейрамханада отырғанның өзінде-ақ сені біреу танып қоюы мүмкін деген қауіп үнемі ойда жүрді. Сондықтан әрбір келіссөзді ұйымдастыру барысында біз майда-шүйденің бәрін есепке алдық: кім бірінші болып келуі керек, құпия қызметкер қай жерде отыруы керек. Тіпті столдың өзі көше терезесінен қаншалықты қашықтықта болуы керектігін есепке алмасақ болмады», – дейді Алмас Қатықбаев.
</blockquote>
Іс-шараға қатысқан арнаулы қызмет қызметкерлері құпия пәтерде тұрды. Қызметтің мүддесі үшін олардың жұмысқа және жеке өміріне қатысты барлық байланыстардан бас тартуларына тура келді. Жедел қызметкерлер үшін бұл басты мәселе болған жоқ. Бірнеше рет уранның бақылаулы сатып алуына қатысуға тура келді. Кейінірек санэпидбақылау органдары және «Үлбі металлургия зауыты» АҚ мамандары құқық қорғаушылар көрген материал шын мәнінде радиоактивті болғандығын растайды.
<blockquote>
 «Шындығын айтқанда, әрбір іс оның қатысушыларының денсаулықтарына айтарлықтай зиян келтірді. Өйткені олар қорғану киімдерін киместен сәуле көзіне өте жақын тұрды, ал радиация деңгейі белгіленген мөлшерден бірнеше есе артық еді. Бірақ қандай жағдай болса да жұмысты соңына дейін жеткізу керек болды», – деп еске алады Михаил Селевенко.
</blockquote>
Ядролық материалдардың заңсыз айналымы мәселесінде қаскүнемдердің бағыт-бағдарының анық екендігін ұлттық қауіпсіздік қызметкерлері операция барысында байқап үлгерді. Олар бір ғана саудамен шектелгілері келмейтін сияқты, Таяу Шығыс елдеріне уран сатудың тұрақты арнасын ұйымдастырғылары келетіндіктері аңғарылды.
Бақылаумен сатып алғаннан кейін жедел жете тексеру аяқталды. Сатушыларды шошытып алмас үшін сатып алушының төлем қабілеттілігін іс жүзінде дәлелдеу керек болды. Ол үшін ҰҚК департаментінің басшылығына банктердің бірінен қажетті соманы шетел валютасымен, әрі кепілімен алуға тура келді.
2010 жылғы 10 ақпанда қылмыстық топтың негізгі қатысушыларын ұстау операцияның соңғы кезеңі болды. Іс-шараны Ұлттық қауіпсіздік комитетінің қызметкерлері полициялық ведомстводағы әріптестерімен бірігіп жүзеге асырды. Күдіктілерде қару болғандығы ескеріліп, іс-қимыл жоспары сол қаруды қолдануға тырыспайтындай етіп құрылды.
Бұл операция белгісіз сипатта және болжап болмайтын жағдайға департамент қызметкерлерінің қысқа мерзімде дайын бола алатындығын көрсеткен кезекті, бірақ үйреншікті емес ісі болды.
<blockquote>
 «Уран ісі» Павлодар мен Семей арасындағы тасжолда аяқталып, бірден 11 адам ұсталды. Олар қылмыстық істегі өздерінің ойнаған рөлдеріне байланысты әртүрлі мерзімге бас бостандықтарынан айырылды.
</blockquote>

Радиация «делдалдары»

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Синоптиктердің хабарлауынша, 20-21 қарашада республиканың шығыс жартысына Солтүстік-Батыс суық антициклонының әсері сақталады, ауа райы жауын-шашынсыз болады, деп хабарлайды Қазгидромет.
Сонымен қатар елдің батыс жартысы кезекті Атлантика циклонының әсерінде қалып, ауа райы құбылмалы болады деп болжанып отыр.
22 қарашада Атлантика циклоны батыстан шығысқа қарай жылжып, елдің көп бөлігін қамтиды, осыған байланысты қар жауып, көктайғақ болады, екпінді жел тұрады, елдің солтүстік жартысында бұрқасын соғады.
Батыста ауа температурасы түнде 2 градус суық – 5 градус жылы, күндіз 0-10 жылы болады.
Еліміздің солтүстік-батысында, солтүстігінде аяз бәсеңдеп, ауа температурасы көтеріледі – түнде минус 6-16 градустан 0-9-ға дейін, күндіз 0-ден минус 9 градусқа дейін, республиканың шығысы мен орталығында түнде минус 18-28 градустан минус 10-ға дейін, күндіз минус 5-15 градустан минус 5-тен плюс 3 градусқа дейін, оңтүстік өңірлерде минус 5-15 градустан минус 5 – плюс 3-ке дейін, күндіз 0-10 градустан плюс 5-15 градусқа дейін жылынады.
Әрі қарай оқу:&nbsp;<a href="https://sputnik.kz/society/20211119/18700352/aua-rayy-sinoptikter-bolzham.html">https://sputnik.kz/society/20211119/18700352/aua-rayy-sinoptikter-bolzham.html</a>

Демалыс күндері ауа райы қандай болады?

<a href="https://kyzylorda-news.kz/ru/obshestvo/">Kyzylorda-news.kz</a>. 22 қараша күні «Арай» су алу құрылымындағы жоғарғы кернеулі электр желісінде профилактикалық жөндеу жұмыстары жүргізіледі.
Осыған байланысты Арай тұрғын ауданы, Арай-2, Арай-3 мөлтек аудандары, Тәуелсіздік көшесі және Сол жағалауда орналасқан тұрғын үйлерде сағат 14:30-ден 16.00-ге дейін ауыз су беру уақытша тоқтатылады.
<img src="https://kyzylorda-news.kz/wp-content/uploads/2021/11/sw-toktajd-scaled.jpg" alt="" />

Қазақстан және Қызылорда облысының жаңалықтары: Қоғам