**<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Бүгін *Қызылорда облысының әкімі Гүлшара Әбдіқалықова*** *ҚР Президентінің жанындағы Орталық коммуникация қызметі алаңында брифинг өткізді.*
<blockquote>
 «Тәуелсіздіктің 30 жылы ішінде Сыр елі қарқынды дамып, индустриалды-аграрлық өлкеге айналды. Елбасы Нұрсұлтан Әбішұлы Назарбаевтың стратегиялық бағыттағы тапсырмаларына сәйкес бұл жылдары өңір экономикасына 4 трлн. теңгеден астам инвестиция тартылды. Жалпы өңірлік өнімдегі өнеркәсіп өндірісінің үлесі 1991 жылғы 11 пайыздан 30 пайызға дейін, ал ауыл шаруашылығының үлесі соңғы 10 жылда 3,9 пайыздан 6,3 пайызға дейін артты», – дейді аймақ басшысы.
</blockquote>
Сонымен қатар күріштің өнімділігі мен жалпы алынған өнімі бүгінде 1991 жылғы көрсеткіштерден 1,5 есеге өсті. Сондай-ақ Қызылорда облысы шағын және орта бизнес субъектілері санының өсу қарқыны бойынша елдегі үздіктердің қатарында.

Гүлшара Әбдіқалықова: 30 жылда Сыр елі қарқынды дамып, индустриалды-аграрлық өлкеге айналды

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Қызылорда облысында халықтың 65 пайызы табиғи газды тұтыну мүмкіндігіне ие болған. Бұл туралы аймақ басшысы брифинг барысында хабарлады.
<blockquote>
 «Үкіметтің қолдауымен инженерлік-коммуналдық инфрақұрылымды дамыту мәселелерін шешудеміз. Бүгінде облыс халқының 97 пайызы орталықтандырылған сумен қамтамасыз етілсе, 65 пайызы табиғи газды тұтыну мүмкіндігіне ие. Жыл соңына дейін бұл көрсеткішті 67,4 пайызға жеткіземіз», – дейді Гүлшара Наушақызы.
</blockquote>
Сонымен қатар жақсы жағдайдағы жолдардың үлесін жыл аяғына 75 пайызға дейін жеткізу көзделіп отыр.

Гүлшара Әбдіқалықова: Халықтың 65 пайызы табиғи газ тұтынып отыр

<a href="https://kyzylorda-news.kz/ru/obshestvo/">Kyzylorda-news.kz</a>. Бүгін Қызылорда облысы Полиция департаментінің бастығы полиция полковнигі Сұлтан Бектөре үкіметтік емес ұйымдардың өкілдерімен​ кездесті.
Үкіметтік емес ұйымдардың​ қоғамда​ алатын орны ерекше. Бүгінгі таңда Қызылорда облысының Полиция департаменті 10-ға жуық​ үкіметтік емес ұйымдармен​ тығыз жұмыс ​ жасауда. ​ ​
​Бүгінгі ұйымдастырылған​ ​ ​ ​ кездесуде&nbsp;«Халық үніне құлақ асатын мемлекет тұжырымдамасы» және Қазақстанның Тәуелсіздік жылдарындағы ішкі істер органдарының жетістіктері туралы мәселе қаралды .
<blockquote>
 ​«Үкіметтік емес ұйымдар мемлекетіміздегі қарқынды дамушы институттардың бірі.&nbsp;Олармен&nbsp;өзара іс-қимыл жүйесін жетілдіру шеңберінде өткізілген бұл кездесудің маңызы зор. Кездесу барысында қаралған әрбір мәселе ​ жіті назарға алынып,​ бұл бағытта тиісті шаралар жүзеге асырылатын болады»​ – деді Сұлтан Бектөре. ​ ​
</blockquote>
Еліміз тәуелсіздік алғаннан бері ішкі істер органдары жүйесінде көптеген реформалар болды. Оң өзгерістердің нәтижесі ретінде полицияның сервистік​ модельге көшуін айтуымызға болады. ​ Әрбір тұрғынның пікірі ескеріле отырып,​ қоғамдық қауіпсіздік мәселелерін​ бірлесіп шешуге бағытталған полиция қызметінің тиімділігі ​ артады.​ ​
Облыс​ полицейлерімен​ атқарылған жұмыстардың нәтижесінде​ жалпы қылмыс 15 пайызға, қоғамдық орында және көшеде жасалған қылмыс 15 пайызға төмендеді.
«2018-2021 жылдарға арналған ішкі істер органдарын жаңғырту» жөніндегі Жол картасы негізінде штаттық бірліктер қысқартылып,​ ​ полициядан өзіне тән емес функциялар алып тасталды. Босатылған қаражат есебінен қызметкерлердің еңбекақысы көтеріліп, әлеуметтік-материалдық жағдайы жақсарды.​ ​ ​ ​
Бүгінгі кездесу барысында осы және басқа да қоғамдық қауіпсіздік, жол қауіпсіздігі, ​ материалдық – техникалық базаның нығайтылуы сынды мәселелер қозғалды.
Осы кездесуде қатысушылар көтерілген мәселелер және алдағы уақыттағы жоспарлар бойынша ұсыныстарымен бөлісіп, пікірлер мұқият ​ талдаудан өткізілді.
Өз кезегінде,&nbsp;«Қазақстандағы орыс қауымдастығы» қоғамдық бірлестігінің Қызылорда филиалының төрағасы&nbsp;Толоконников Владимир Петрович&nbsp;соңғы уақытта полиция қызметінде байқалатын оң өзгерістерді атап өтіп, ​ Департамент бастығына ​ өз алғысын білдірді.
<img src="https://kyzylorda-news.kz/wp-content/uploads/2021/11/img_20211118_131040_722.jpg" alt="" />
​

Полиция департаментінің бастығы үкіметтік емес ұйымдардың өкілдерімен​ кездесті

<a href="https://kyzylorda-news.kz/ru/obshestvo/">Kyzylorda-news.kz</a>. Қазақстан Республикасы азаматтарының Армения Республикасында тіркелген жекелеген көлік құралдарын Қазақстан Республикасына әкелуі мен пайдалануының кейбір мәселелері туралы Қазақстан Республикасының Үкіметі қаулысына сәйкес Қызылорда облысында мамандандырылған халыққа қызмет көрсету орталығында Армения Республикасынан 2020 жылдың 1 ақпанына дейін әкелінген және Қазақстан азаматтарына тіркелген көлік құралдарын тіркеу жұмыстары жүргізіледі.
Қосымша ақпаратты Қызылорда облысы ПД Әкімшілік полиция басқармасының Call – орталығынан (тел: 8-7242-29-73-52) алуға болады.
Армения Республикасынан әкелінген көлік құралдарын Қазақстан Республикасы Салық кодексінің 615, 553-баптарында белгіленген тәртіпте мемлекеттік тіркеу үшін алым мен мемлекеттік баждар төлей отырып, басқару органдары сол жақта орналасқан, Армения Республикасының уәкілетті органдарында Қазақстан Республикасының азаматтарына тіркелген және Қазақстан Республикасына 2020 жылғы 1 ақпанға дейін әкелінген көлік құралдарын тіркеу жүзеге асырылады.
Қызылорда облысы Полиция департаментінің баспасөз қызметі

2020 жылғы 1 ақпанға дейін әкелінген көлік құралдарын тіркеу жүзеге асырылады

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Қызылорда облысының әкімі Гүлшара Әбдіқалықова ҚР Президентінің жанындағы Орталық коммуникация қызметі алаңында өткен брифингте индустрияландыру бағдарламасын жүзеге асыру бағытында атқарылып жатқан жұмыстарға тоқталып өтті.
Индустрияландыру бағдарламасының үшінші бесжылдығы аясында құны 543 млрд. теңгеден асатын 46 инвестициялық&nbsp;жобамен жұмыс жүргізілді. Осы жобалар арқылы 7 мыңнан астам жаңа жұмыс орнын ашуға мүмкіндік туды.
<blockquote>
 «Биыл құны 45 млрд. теңгені құрайтын, қолданысқа түскенде 500-ге жуық жұмыс орны ашылатын 4 жобаны іске қосу жоспарлануда. Олардың қатарында Қызылорда қаласындағы шыны зауыты бар. Сонымен қатар, осы жылы 235 млрд. теңгені құрайтын Жаңақорған ауданында «Шалқия» кен орнында тау-кен байыту комбинатының және 93,5 млрд. теңгені құрайтын Арал ауданында кальцийленген сода зауытының құрылысын бастау дайындықтары жүргізілуде. Шиелі ауданында «Баласауысқандық» ванадий кен орнын игеру жұмыстары жалғасуда, осы жылдың желтоқсан айынан бастап ферромолибден өнімін өндіруді бастаймыз», – дейді Гүлшара Наушақызы.
</blockquote>

Қызылордада индустрияландыру бағдарламасы бойынша 4 жобаны іске қосу жоспарлануда

<a href="https://kyzylorda-news.kz/ru/obshestvo/">Kyzylorda-news.kz</a>. Биыл Қызылорда облысында 748 орындық 3 мектеп пайдалануға берілді. Бұл туралы облыс әкімі баяндады.
<blockquote>
 «Арал ауданы Сексеуіл кентінде 300 орындық, Қызылорда қаласының Саяхат ауданында 348 орындық және Шұғыла ауданында 100 орындық мектеп ашылды. Оның ішінде 2 мектеп 448 орындық жеке меншік мектептер, олар Қызылорда қаласының Саяхат ауданында 348 орындық және Шұғыла ауданында 100 орындық. Жыл соңына дейін 900 орындық тағы 2 мектепті тапсыруды жоспарлап отырмыз, оның біреуі апаттық мектептің орнына беріледі», – деді аймақ басшысы.
</blockquote>
Инклюзивті білім беруді дамыту үшін 47 мектепке дейінгі ұйымдарда, 27 мектепте инклюзив кабинеттері ашылуда.
Сонымен қатар балалардың қауіпсіздігі мақсатында мектептер бейнебақылаумен қамтамасыз етілген.
<blockquote>
 «Полицияның сервистік моделін енгізу бойынша Қарағанды облысының тәжірибесін зерделеудеміз, келер жылы оны енгізетін боламыз», – деді Гүлшара Әбдіқалықова.
</blockquote>
Айта кетейік, Елбасының тапсырмасына сәйкес биыл Қызылордада колледж оқушылары үшін 475 орындық 3 жатақхана пайдалануға берілді.

Қызылордада жыл соңына дейін 900 орындық тағы 2 мектеп пайдалануға беріледі

<a href="https://kyzylorda-news.kz/ru/obshestvo/">Kyzylorda-news.kz</a>. Сыр елінде азық-түлік тауарларын тұрақтандыру мақсатында айналым схемасы енгізіліп, кәсіпкерлерге несие қаражаты берілуде. Соңғы 2 жылда осы схема бойынша 15 кәсіпкерлік субъектісіне 1083 млн.теңге бөлінген. Сондай-ақ, пандемия шектеулеріне қарамастан өңірде кәсіп ашуға ынталы азаматтардың қатары артып, Сыр елі облыстар арасында үштік үштікке кірген. Бұл туралы аймақ басшысы Гүлшара Әбдіқалықова баспасөз конференциясында айтып берді.
<blockquote>
 «Шағын орта бизнесті дамыту мақсатында Қызылорда облысының 2023 жылға дейінгі экономикалық даму Картасын жасадық. Бүгінгі күні жалпы құны 9,5 млрд. теңгеге 163 жоба іске асты, оның ішінде биылғы жылы 74 жоба, 426 жұмыс орны құрылды. 
 Осы бағдарлама арқылы кәсіпкерлер қой, сиыр және жылқы етінен жасалған консервілер, күріш, қарақұмық ботқасы, жантақ балы, қауыннан жасалған чипсы және тағы басқалары өндіруде. 
 Ішкі нарықты өз өнімдерімен толықтыру мақсатында 2 пайызбен несиелеу бағдарламасын қолға алдық. Ол мақсатқа облыстық бюджеттен 400 млн. теңге бөлінді», – дейді облыс әкімі.
</blockquote>
Айта кетейік, өңірде несие алу бағытында да оң көрсеткіштер бар. Биылғы жылы «Бизнестің жол картасы 2025», «Еңбек» мемлекеттік бағдарламалары аясында және «Қызылорда» өңірлік инвестициялық орталығы арқылы жалпы құны 30 млрд. теңгеге 2605 жоба қаржыландырылған. Бизнеске жастардың белсенділігі артып, көп балалы аналар да қамтылған.

Қызылордада азық-түлік бағасын тұрақты ұстау үшін кәсіпкерлерге несие беріледі

<a href="https://kyzylorda-news.kz/ru/obshestvo/">Kyzylorda-news.kz</a>. Қызылорда облысында жұмыссыздық деңгейі 4,9% құрайды. Жыл басынан бері 27 мыңнан астам жаңа жұмыс орны құрылған. Оның 14114-і тұрақты жұмыс орны. Бұл туралы Қызылорда облысының әкімі Гүлшара Әбдіқалықова &nbsp;Орталық коммуникация қызметінде&nbsp;өткен баспасөз қызметінде мәлімдеді.
&nbsp;Жұмыспен қамту орталықтары арқылы аймақта 849 мүмкіндігі шектеулі адам жұмыспен қамтылды, оның 306-сы тұрақты жұмыс орындарына орналастырылды. Биыл мүгедектерді әлеуметтік қолдауға барлығы 1,8 млрд.теңге бөлінген.
Аймақта кәсіпкерлікке 26 мыңнан астам көп балалы ана қамтылған. Мемлекеттік қолдау шаралары нәтижесінде шағын және орта бизнестің жалпы өңірлік өнімдегі үлесі 17 пайызға жетіп отыр.

Қызылордада 849 мүмкіндігі шектеулі адам жұмыспен қамтылды

<a href="https://kyzylorda-news.kz/ru/obshestvo/">Kyzylorda-news.kz</a>. Балық өнімдерінің экспорты 2 есеге өседі. Бұл туралы елордада өткен брифингте Қызылорда облысының әкімі Гүлшара Әбдіқалықова мәлімдеді.
<blockquote>
 «Балық шаруашылығын дамытудың 2030 жылға дейінгі өңірлік бағдарламасы іске асуда. Ол тауарлық балық көлемін 16 мың тоннаға дейін жеткізе отырып, 100 есеге ұлғайтуға мүмкіндік береді, ал балық өнімдерінің экспорты 2 есе – 8,5 мың тоннаға дейін өседі», – дейді Гүлшара Наушақызы.
</blockquote>

Гүлшара Әбдіқалықова: Балық өнімдерінің экспорты 2 есе өседі

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Тәуелсіздіктің 30 жыл ішінде Қызылорда облысында 8 млн. шаршы метрге жуық тұрғын үй пайдалануға берілді. Бұл туралы бүгін Қызылорда облысының әкімі Гүлшара Әбдіқалықова елордада өткен брифингте мәлімдеді.
<blockquote>
 «Берілген тұрғын үйлердің көлемі 1991 жылғы 260 мың шаршы метрден бүгінде 600 мың шаршы метрге дейін жетті. Сонымен қатар халықтың 97 пайызы орталықтандырылған ауыз сумен қамтылған. Өңіріміз бүгінде жоғарғы көрсеткіштердің бірін көрсетуде. Жақсы жағдайдағы жолдардың үлесі 2,5 есеге артқан, яғни, 31%-дан 75%-ға дейін көтерілген», – дейді облыс әкімі.
</blockquote>
Осы уақытқа дейін аймақта жүздеген әлеуметтік нысан бой көтерді. Оның ішінде облыстық медициналық, диагностикалық, перинаталдық, мүгедектерді оңалту және тағы басқа орталықтар бар.
Спорт инфрақұрылымы нысандарының саны 3 есеге, ал денешынықтыру және спортпен шұғылданатындар саны 6 есеге артты.
30 жыл ішінде 500 мыңнан астам бала дүниеге келсе, халықтың саны 592 мыңнан 824 мыңға дейін көбейіп, ал өмір сүру ұзақтығы 8 жылға артқан. Яғни, 64,4 жастан 72,79 жасқа дейін ұзарды.
<blockquote>
 «Экономикамен қатар, азаматтық қоғамда ілгері дамып келді. Еліміз Тәуелсіздік алған жылдары облыста 15-тен аса қоғамдық ұйымдар тіркелсе, бүгінгі таңда олардың саны 994-ке жетті. Сондай-ақ 2016 жылы мемлекеттік әлеуметтік тапсырысқа 450 млн. теңге бөлінсе, биылғы жылы 125 жобаға 1 млрд-тан аса қаржы бөлінді. Бұл көрсеткіш 48 пайызға көп», -дейді Гүлшара Әбдіқалықова.
</blockquote>
Аймақта тұрақты әлеуметтік-экономикалық дамыту жұмыстары жалғасуда.

Қызылордада тұрақты әлеуметтік-экономикалық дамыту жұмыстары жалғасуда

<a href="https://kyzylorda-news.kz/ru/obshestvo/">Kyzylorda-news.kz</a>. Мемлекет басшысының Жолдауына сәйкес жалпы көлемі 775 млн. текше метрді құрайтын Қараөзек су қоймасын салу басталады. Бұл туралы Қызылорда облысының әкімі Гүлшара Әбдіқалықова мәлімдеді.
<blockquote>
 «Суармалы сумен байланысты проблемаларды ескере отырып, біз ауыл шаруашылығы өндірісін, әсіресе, егіншілікті әртараптандыруды және су ресурстарын тиімді пайдалануды мақсат етіп қойдық. Топырақтың қатты тұздануына байланысты біз суармалы жерлерде басқа дақылдарды тек күріштің ауыспалы егісінде сәтті өсіре аламыз. Сондықтан күріш егісін қысқарта отырып, күріш өсірудің тиімділігін арттыруға жұмыс жасаудамыз», – дейді аймақ басшысы.
</blockquote>
Биыл аймақта күріш егісі 89,5 мың гектардан 83,6 мың гектарға дейін қысқарды. Су тапшылығына қарамастан өткен жылғы деңгейде (550 мың тонна) – 500 мың тонна (орташа өнімділік 59,8 ц/га) өнім алынды.
<blockquote>
 «Алдағы уақытта егіс алқаптарын 80 мың гектарға дейін көлемінде қалыптастыруды жоспарлап отырмыз, бұл ретте ылғал аз қажет ететін дақылдар – соя, жүгері, майлы (мақсары, соя, күнбағыс) және жемшөптік дақылдар (жоңышқа, сүрлем, жемдік асқабақ) егістігін ұлғайтатын боламыз. Сонымен қатар, суландырудың ылғал үнемдеу технологияларын – аквагельдерді, жаңбырлатып суаруды, көшет әдісін енгізудеміз», – дейді Гүлшара Әбдіқалықова.
</blockquote>

Қараөзек су қоймасын салу басталады

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Бүгінгі күні вакцинациялауға жататын Қызылорда облысы тұрғындарының 86,2%-ы, яғни 389954 адам вакцинаның бірінші компонентін алса, 72,5%-ы, 328189 адам екінші компонентін салдырды.
<blockquote>
 «Облыс «жасыл аймақта» болғанына қарамастан, коронавирустық инфекцияны тежеу негізгі бағыттардың бірі болып қалуда. Жыл басынан бері егу кабинеттерінің саны 34-тен 106-ға дейін артты. Үй жағдайында қызмет көрсететін 39 мобильді, 167 мониторингтік топ жұмыс жасауда», – деді облыс әкімі.
</blockquote>
Қазіргі таңда 15363 объект тексеріліп, 52 млн. теңгеге 799 бұзушылық анықталды.
<blockquote>
 «Pfizer» вакцинасын егуді 15 қарашадан бастадық. Бүгінде 23400 дозасы өңірге жеткізілді. Талаптарға сәйкес 2 мұздатқыш камера сатып алынды, жақын арада тағы 10 камера мен 20 термоконтейнер жеткізілетін болады. Барлығы 97 мың доза жеткізу көзделіп отыр», – дейді Гүлшара Әбдіқалықова.
</blockquote>
Аймақ басшысының айтуынша, басқа жедел респираторлық-вирустық инфекциялармен күресуге дайын, дәрі-дәрмекке қатысты мәселе жоқ.

Қазақстан және Қызылорда облысының жаңалықтары: Қоғам

Гүлшара Әбдіқалықова: 30 жылда Сыр елі қарқынды дамып, индустриалды-аграрлық өлкеге айналды

Гүлшара Әбдіқалықова: Халықтың 65 пайызы табиғи газ тұтынып отыр

Полиция департаментінің бастығы үкіметтік емес ұйымдардың өкілдерімен кездесті

2020 жылғы 1 ақпанға дейін әкелінген көлік құралдарын тіркеу жүзеге асырылады

Қызылордада индустрияландыру бағдарламасы бойынша 4 жобаны іске қосу жоспарлануда

Қызылордада жыл соңына дейін 900 орындық тағы 2 мектеп пайдалануға беріледі

Қызылордада азық-түлік бағасын тұрақты ұстау үшін кәсіпкерлерге несие беріледі

Қызылордада 849 мүмкіндігі шектеулі адам жұмыспен қамтылды

Гүлшара Әбдіқалықова: Балық өнімдерінің экспорты 2 есе өседі

Қызылордада тұрақты әлеуметтік-экономикалық дамыту жұмыстары жалғасуда

Қараөзек су қоймасын салу басталады

Гүлшара Әбдіқалықова: Дәрі-дәрмекке қатысты мәселе жоқ

Қазақстан және Қызылорда облысының жаңалықтары: Қоғам

Гүлшара Әбдіқалықова: 30 жылда Сыр елі қарқынды дамып, индустриалды-аграрлық өлкеге айналды

Гүлшара Әбдіқалықова: Халықтың 65 пайызы табиғи газ тұтынып отыр

Полиция департаментінің бастығы үкіметтік емес ұйымдардың өкілдерімен​ кездесті

2020 жылғы 1 ақпанға дейін әкелінген көлік құралдарын тіркеу жүзеге асырылады

Қызылордада индустрияландыру бағдарламасы бойынша 4 жобаны іске қосу жоспарлануда

Қызылордада жыл соңына дейін 900 орындық тағы 2 мектеп пайдалануға беріледі

Қызылордада азық-түлік бағасын тұрақты ұстау үшін кәсіпкерлерге несие беріледі

Қызылордада 849 мүмкіндігі шектеулі адам жұмыспен қамтылды

Гүлшара Әбдіқалықова: Балық өнімдерінің экспорты 2 есе өседі

Қызылордада тұрақты әлеуметтік-экономикалық дамыту жұмыстары жалғасуда

Қараөзек су қоймасын салу басталады

Гүлшара Әбдіқалықова: Дәрі-дәрмекке қатысты мәселе жоқ

Полиция департаментінің бастығы үкіметтік емес ұйымдардың өкілдерімен кездесті