<a href="https://kyzylorda-news.kz/">Kyzylorda-news.kz</a> Отбасы банк жылжымайтын мүлікте үлесі бар тұрғын үй кезегінде тұрған азаматтарға жеңілдетілген ипотека рәсімдеуге және жалдамалы тұрғын үй алуға өтініш беруге рұқсат берді. Бұл туралы <a href="https://stan.kz/otbasi-bank-tyrgin-uy-kezeginde-tyrgan-azamattarga-kati-429139/">Stan.kz</a> ақпарат агенттігі хабарлайды.&nbsp;“Отбасы Банк” мәліметінше, өзгеріс биылғы жылдың ақпан айынан бастап күшіне енбек.Бұған дейін егер кезекте тұрған адамның жылжымайтын мүлікте тіпті кішкентай ғана үлесі болса, ол &nbsp;жеңілдетілген ипотека да, мемлекеттік тұрғын үй де ала алмайтын. Себебі талапқа сәйкес, үміткердің соңғы бес жыл ішінде жеке меншігінде тұрғын үйі болмауы тиіс еді. Мәселен, адамның &nbsp;өз баспанасы болмай, бірақ ата-анасының пәтерінде өте аз ғана үлесі болса мемлекеттік көмекті қолдана алмайтын.<blockquote>“Енді адамның тұрғын үйде үлесі болса, бірақ ол кезекте тұрса, мемлекеттік қолдауға ие бола алады. Яғни, жеңілдетілген ипотека немесе жалдамалы тұрғын үй алу мүмкіндігі бар. Бұл мәселе заң жүзінде толық реттелмеген еді. Бірақ Отбасы банк азаматтардың жағдайын түсініп, көптеген өтініштерді ескере отырып, үлестік меншігі бар кезекте тұрғандарды есепке алу туралы шешім қабылдады”, – делінген банк хабарласында.</blockquote>Фото: Отбасы банк

Отбасы банк маңызды өзгеріс енгізілетінін мәлімдеді

<a href="https://kyzylorda-news.kz/">Kyzylorda-news.kz</a> Күн ортасындағы кәдімгі телефон&nbsp;қоңырауы, мессенджердегі хабарлама немесе&nbsp;«ресми»&nbsp;SMS&nbsp;– әдетте&nbsp;қаржылық алаяқтық осылай басталады. Егде жастағы адамдар үшін мұндай&nbsp;әрекеттер үйреншікті,&nbsp;таныс болып көрінеді және сенім тудырады: бір кездері мұндай мәселелер&nbsp;шынымен де&nbsp;телефон арқылы шешілген.Осыны&nbsp;алаяқтар&nbsp;әккі&nbsp;пайдаланады. Олар күрделі жүйелерді бұзбайды, &nbsp;олардың негізгі қаруы&nbsp;—&nbsp;қорқыныш&nbsp;сезімін туғызу, асықтыру&nbsp;және&nbsp;олардың көңіл-күйлеріне қысым жасау.&nbsp;«Шотыңызға қауіп төнуде»&nbsp;немесе&nbsp;«туысқаныңыз &nbsp;қиын&nbsp;жағдайда» деген сөздер&nbsp;адамға&nbsp;ойлануға&nbsp;да мұрсат бермейді.&nbsp;Сондықтан қарт адамдарды қорғау — &nbsp;бұл тек цифрлық қауіпсіздік мәселесі ғана емес, сондай-ақ оларға қамқорлық таныту, назар аудару және дағдыға айналған іс-қимыл ережелері.Қарт адамдарды алдаудың кеңінен таралған схемалары«Банктен»&nbsp;немесе «қауіпсіздік қызметінен» түскен қоңыраулар &nbsp;&nbsp;Қарт адамға қоңырау шалып, өздерін банк қызметкерлеріміз деп таныстырады. Олар күдікті операциялар, шотты бұзу немесе кредит ресімдеу әрекеттері болғаны жөнінде хабарлайды. Әңгіме байсалды түрде, банктердің нақты атаулары мен таныс сөз тіркестерін қолдана отырып жүреді, бұл қарт адамдардың сенімдерін тудырып, күмәндануға негіздер болмау үшін жасалады.&nbsp;«Қаражатты қорғап қалу»&nbsp;деген сылтаумен адамды асықтырады: олар SMS-пен келген кодты, карта деректемелерін атауды немесе ақшаны «қауіпсіз шотқа» аударуды сұрайды. Мұның бәрі адамның бей-берекетін шығарып, асықтырып, оған ойлануға уақыт бермеу үшін жасалады.Есте сақтау маңызды: нағыз банктер ешқашан растау кодтарын, PIN немесе CVV сұрамайды және телефон арқылы ақша аударуды сұрамайды. Егер әңгіме күдік тудырса, оны дереу доғарып, банкке өзіңіз хабарласқаныңыз абзал. Сақтық пен ақпаратты тексеру - сіздің жинақ ақшаңызды қорғаудың кепілі.&nbsp;«Мемлекеттік органдардан»&nbsp;келетін хабарларҚарт адамға ХҚО-дан, зейнетақы қорынан, салық немесе полициядан хабарлама келеді. Онда зейнетақыны қайта есептеу, айыппұл немесе деректерді шұғыл растау қажеттілігі туралы айтылады. Мұндай сөздер алаңдаушылық тудырады және асығыс әрекет&nbsp;жасауға итермелейді.Хабарламадағы сілтеме жалған сайтқа апарады, ол сырт көзбен қарағанда ресми сайтқа ұқсайды. Оған дербес &nbsp;немесе банк деректерін енгізу арқылы адам оны алаяқтарға жібереді.Есте сақтау маңызды: мемлекеттік органдар дербес&nbsp;деректерді сұрамайды және SMS немесе мессенджерлер арқылы шұғыл әрекет етуді талап етпейді. Кез-келген күмән туындаған жағдайда ұйымға ресми байланыстар арқылы дербес хабарласқан дұрыс. Сақтық және ақпаратты тексеру сіздің жинағыңызды және дербес деректеріңізді қорғайды.«Туысқаныңыз қиын жағдайда»&nbsp;Алаяқтар жиі қарт адамдардың көңіл-күйлерін пайдаланады. Олар қоңырау шалып, ұлы, немересі немесе басқа жақын адамы апатқа ұшырағанын, ұсталғанын немесе шұғыл көмекке мұқтаж екенін хабарлайды. Әңгіме сенімді түрде және асығыс жүреді: адамды оның салдарымен &nbsp;қорқытады, біреуге қоңырау шалуға немесе ақпаратты тексеруге тыйым салады, бұл қарт адамға қатты күйзеліс болып, тез әрекет ету қажет деген &nbsp;ой тудырады. Эмоциялардың қысымымен алаяқтар дереу ақша аударуды немесе оны «курьерге» беруді талап етеді. Мұндай жағдайда тіпті ең сақ адам да сасқалақтап қалуы мүмкін.Есте сақтау маңызды: ешкімнің қауіп төндіріп &nbsp;қаражат аударуды талап етуге құқығы жоқ. Егер сізге осындай оқиғамен қоңырау шалса, әңгімені тоқтатып, жақын адамыңызбен өз бетіңізше байланысыңыз.Жалған инвестициялар және «кепілдік берілген кіріс»Қарт адам «сенімді» жобаға — кооперативке, криптовалютаға немесе «мемлекеттік бағдарламаға» жинақ салу туралы ұсыныс алады. Олар танымал брендтердің атын жамылып немесе Үкіметтің қолдауы бар деген желеумен тәуекелсіз, жоғары кіріс алуға уәде береді. Бір қарағанда қауіпсіз болып көрінеді, бірақ бұл алаяқтардың классикалық схемасы.Шындығында, мұндай ұсыныстардың артында әрдайым алдау тұрады. Ешқандай жоба тәуекелсіз пайдаға кепілдік бермейді, ал ресми бағдарламалар бейтаныс шоттарға ақша аударуды қажет етпейді. Кез келген инвестицияны жасамас бұрын, ақпаратты тексеру, оны туыстарымен талқылау немесе ресми дереккөздерге жүгіну маңызды.Мессенджерлердегі аккаунттарды қолды қылуЖалған сілтемелер арқылы алаяқтар қарт адамның WhatsApp немесе Telegram қосымшаларына кіре алады. Осыдан кейін олар оның туыстары мен таныстарына оның атынан шұғыл қарыз алуды талап етіп хат жаза бастайды.Есте сақтау маңызды: егер хабарлама күдікті болып көрінсе немесе талап етуге ұқсайтын болса, оны жіберген адамды дереу тексеріп алған дұрыс.<img src="https://knadmin.beoblood.kz/uploads/arzhyly_auipsizdik_a626bc71b8.png" alt="Қаржылық қауіпсіздік.png">Фото: fingramota.kz

Қарт адамдарды қаржы алаяқтарынан қалай қорғауға болады?

<a href="https://kyzylorda-news.kz/">Kyzylorda-news.kz</a> Қызылорда облысындағы ірі тұз өндіруші кәсіпорын — АҚ «Аралтұз» өзінің 100 жылдық мерейтойы аясында өндірістік персоналдың жалақысын арттырды.1 қаңтардан бастап өндіріс қызметкерлерінің жалақысы 10 пайызға өсті. Бұл шешім барлық бөлімшелерге қатысты және кәсіпорынның әлеуметтік жауапкершілік саласындағы ұзақмерзімді стратегиясының бір бөлігі болып табылады.Компанияда атап өткендей, жалақының көтерілуі еңбек жағдайларын тұрақтандыруға және жұмыс беруші мен ұжым арасындағы сенімді нығайтуға бағытталған.Сондай-ақ мерейтой аясында кәсіпорында 10 жылдан астам еңбек етіп келе жатқан қызметкерлер естелік медальдармен марапатталды. Марапаттар кәсібилік, адал еңбек және өндірістің дамуына қосқан үлес үшін табысталды.АҚ «Аралтұз» президенті Нұрлан Айтқазиннің айтуынша, кәсіпорынның тұрақтылығы қызметкерлерге деген көзқарасқа тікелей байланысты.<blockquote>– Қызметкер өзін құрметтелген және болашағына сенімді сезінген кезде, бұл бүкіл компанияның жұмысы мен келешегіне оң әсер етеді, – деді.</blockquote>Жүз жылдыққа орай іске асырылған бастамалар «Аралтұздың» Қызылорда облысындағы ірі жұмыс беруші әрі өңірдің әлеуметтік-экономикалық дамуына үлес қосып келе жатқан кәсіпорын екенін айқындай түседі.<img src="https://knadmin.beoblood.kz/uploads/IMG_20260120_WA_0112_0efe49bea3.jpg" alt="IMG-20260120-WA0112.jpg">

«Аралтұз» компаниясы қызметкерлерге әлеуметтік қолдауды күшейтуде

<a href="https://kyzylorda-news.kz/">Kyzylorda-news.kz</a> Президент Ұлттық құрылтайдың қызметіне белсене атсалысып, реформалардың табысты жүзеге асырылуына елеулі үлес қосқан бір топ азаматты мемлекеттік наградамен марапаттады, деп хабарлайды Ақорданың баспасөз қызметі.Елдің әлеуметтік-экономикалық және қоғамдық дамуына қосқан елеулі үлесі келесі азаматтар наградталды:I дәрежелі «Барыс» орденіменИмандосов Самұрат Жұманұлы&nbsp;— еңбек ардагері, Қызылорда облысыПеруашев Азат Тұрлыбекұлы&nbsp;— «Ақ жол» Қазақстан демократиялық партиясы» ҚБ төрағасы, Астана қаласы;<img src="https://knadmin.beoblood.kz/uploads/Nagrada_3_4f1bc1f3ed.jpg" alt="Награда 3.jpg">II дәрежелі «Барыс» орденіменАқылбай Серік Байсейітұлы&nbsp;— «Қазақстан заңгерлер одағы» РҚБ төрағасы, Астана қаласыКүлекеев Жақсыбек Әбдірахметұлы&nbsp;— «Қолданбалы экономиканы зерттеу орталығы» ЖШС ғылыми жетекшісі, Астана қаласыТұрлыханов Дәулет Болатұлы — Парламент Мәжілісінің депутаты;III дәрежелі «Барыс» орденіменБектұрғанов Серік Шыңғысұлы&nbsp;— «Тобыл» әлеуметтік-кәсіпкерлік корпорациясы» АҚ басқарма төрағасының орынбасары, Қостанай облысыДосжан Сәуле Мағазбекқызы&nbsp;— жазушы, Алматы қаласыЖаңбыршин Еділ Терекбайұлы&nbsp;— Парламент Мәжілісінің депутатыСабильянов Нұртай Салихұлы&nbsp;— Парламент Мәжілісінің депутатыУмарова Айман Муратовна — адвокат, Алматы қаласыІзбасов Максим Шафихұлы&nbsp;— Атырау облысы қоғамдық кеңесінің мүшесі;<img src="https://knadmin.beoblood.kz/uploads/Nagrada_4_2c703f7e71.jpg" alt="Награда 4.jpg">«Парасат» орденіменАңсат Сәби Әбдіқадырұлы&nbsp;— еңбек ардагері, Қызылорда облысыӘбенов Мұрат Абдуламитұлы&nbsp;— Парламент Мәжілісінің депутатыБикебаев Айдын Жолшыұлы&nbsp;— адвокат, Астана қаласыКенжеханұлы Рауан&nbsp;— «Халықаралық „Қазақ тілі“ қоғамы» ҚБ президенті, Астана қаласыКөшербаев Айтбай Көшербайұлы&nbsp;— еңбек ардагері, Қызылорда облысыҚұттықожаев Ибадулла Дүйсенбайұлы&nbsp;— Қызылорда қалалық мәслихатының депутатыПономарёв Сергей Михайлович&nbsp;— Парламент Мәжілісінің депутатыСайыров Ерлан Бияхметұлы&nbsp;— Парламент Мәжілісінің депутатыСатыбалды Азамат&nbsp;— актер, Алматы қаласыСахариянов Қанат Ақылбайұлы&nbsp;— «Media Holding „Atameken Business“ ЖШС бас директоры, Астана қаласыТалаева Тәттігүл Жақсыбайқызы&nbsp;— «Тандем» телерадиокомпаниясы» ЖШС бас директоры, Ақтөбе облысыТілеуімбетов Мұрат Жолкелдіұлы&nbsp;— Қызылорда облыстық мәслихатының төрағасыФазылжан Анар Мұратқызы&nbsp;— «А.Байтұрсынов атындағы Тіл білімі институты» РМК директоры, Алматы қаласы;«Ел&nbsp;бірлігі» орденіменДементьева Наталья Григорьевна&nbsp;— Парламент Мәжілісінің депутаты;<img src="https://knadmin.beoblood.kz/uploads/Nagrada_5_358e8cad85.jpg" alt="Награда 5.jpg">«Құрмет» орденіменАрыстанбеков Қайырбек Төлендіұлы&nbsp;— «Экономикалық саясат институты» мекемесінің президенті, Астана қаласыӘміртаев Азаматхан Сайлауұлы&nbsp;— «Қазақстанның „Байтақ“ жасылдар партиясы» ҚБ төрағасы, Астана қаласыӘскеров Эмин Халилұлы&nbsp;— «Green Tal» әлеуметтік шеберханасының басшысы, Астана қаласыБазартай Жандос Нұртайұлы&nbsp;— «Amanat» партиясы Қызылорда облыстық филиалының төрағасыБорашов Раббим Байбозұлы&nbsp;— Маңғыстау облысы қоғамдық кеңесінің мүшесіЖәлімбетов Қайрат Тыныштықұлы&nbsp;— «Қосымша білім беру оқу-әдістемелік орталығы» КММ директоры, Қызылорда облысыҚожахметова Ләззат Таймырқызы&nbsp;— Қарағанды облыстық мәслихатының депутатыМайгелдинов Қазыбек Өмірзақұлы&nbsp;— «Қытай зерттеушілері қауымдастығы» ҚҚ төрағасы, Астана қаласыСарыбай Серік Әбікенұлы&nbsp;— жазушы, Жетісу облысыСәдуақасов Серік Тельманұлы&nbsp;— Павлодар облысы қоғамдық кеңесінің мүшесіТау Сырымбек&nbsp;— кәсіпкер, Алматы қаласыТұрсынқожаев Қайсар Болатбайұлы&nbsp;— білім мәселелері жөніндегі сарапшы, Алматы қаласыШаталов Никита Сергеевич&nbsp;— Парламент Мәжілісінің депутаты;«Ерен еңбегі үшін» медаліменМатжани Нұрбек Сейілханұлы&nbsp;— журналист, Астана қаласыСұлтанхан Мейірбек Бектұрсынұлы&nbsp;— «Хабар» телеарнасының редакторы, жүргізушісі, Қызылорда облысы;«Шапағат» медаліменПак Елена Владимировна&nbsp;— «Ассамблея жастары» РҚБ Қызылорда облыстық филиалының төрағасы;«Қазақстанның еңбек сіңірген қайраткері» құрметті атағы берілсінБақтиярұлы Мұрат&nbsp;— қоғам қайраткері, Қызылорда облысыНұрмұхамедов Бөріхан Жолбарысұлы&nbsp;— саясаттанушы, Алматы қаласы.2. Осы Жарлық қол қойылған күнінен бастап қолданысқа енгізіледі.Фото: Ақорда

Мемлекет басшысы бір топ азаматты мемлекеттік наградамен марапаттады

<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Тоқаев V&nbsp;Ұлттық құрылтайда елдегі алаяқтықтың өршуіне мемлекеттік органдар да&nbsp;«үлес қосып» жатқанын айтты.<blockquote>- Алаяқтар ұлттық қауіпсіздікке нақты қатер төндіретін қауіпке айналды. Медициналық сақтандыру қорынан орасан зор қаражат ұрланып жатыр. Сонымен бірге жедел жәрдем қызметінің өкілдері, фельдшерлер алаяқтардың үндеуіне сеніп, наразылық акцияларына шығып, әлеуметтік талаптар қойып жүр. Азаматтарымыз алаяқтарға жем болып, адал жолмен жинаған қаражатын жоғалтып жатыр, алдауға көніп қылмысты қаржылық операцияларға тартылып жүр. Қазір әлемде көші-қон саласындағы алаяқтық проблемасы айтарлықтай шиеленісе түсті. Еуропа мен АҚШ-та не болып жатқанын көріп отырсыздар. Шетелдіктер үшін еліміз жұмыс табу, тұрмыс деңгейі тұрғысынан тартымды бола бастағандықтан бұл мәселе біздің елімізде де ерекше өзекті болып тұр. Құқық қорғау органдары Қазақстан аумағында тұрақты тұрғысы келген шетелдіктерге құжаттарды заңсыз берумен айналысқан алаяқтардың қылмыстық әрекетін әшкереледі, - деді Қасым-Жомарт Тоқаев.</blockquote>Мемлекет басшысы алаяқтық қылмысқа қарсы күресті күшейту қажеттігін атап өтті.<blockquote>- Заң мен тәртіп бұзушылардың бәрін - ұсақ бұзақылардан, ұрылардан бастап ұйымдасқан қылмыстық топ өкілдеріне дейін, қоғамды тұрақсыздандыруды көздейтін арандатушыларды жауапкершілікке тарту керек. Бұл өзекті және бірінші кезектегі міндет деп айтуға болады. Цифрландыру сөзсіз барлық жерді қамтиды және тұтас сипатта жүреді. Бұл жеке деректерді заңмен қорғауға, азаматтардың қаржылық және цифрлық сауаттылығын арттыруға назар аудару керек дегенді білдіреді, - деді Президент.</blockquote><img src="https://knadmin.beoblood.kz/uploads/Tokaev_Foto_Akorda_7915773e9e.jpg" alt="Токаев Фото: Аkorda ">Фото: freepik.com

Медициналық сақтандыру қорынан орасан зор қаражат ұрланып жатыр — Тоқаев  

<a href="https://kyzylorda-news.kz/">Kyzylorda-news.kz</a> Қызылордада өткен Ұлттық құрылтайдың отырысында Қасым-Жомарт Тоқаев алдағы референдумға байланысты Конституциялық комиссия құрылатынын мәлімдеді. Бұл туралы <a href="https://stan.kz/arnayi-zharlikka-kol-koyamin-tokaev-kazakstanda-referen-429121/">Stan.kz</a> ақпарат агенттігі хабарлайды.Президенттің айтуынша, бастапқыда парламенттік реформа аясында Конституцияның шамамен 40 бабына өзгеріс енгізу жоспарланған. Алайда жұмыс барысында түзетулер саны бұдан да көп екені анықталған.<blockquote>"2022 жылғы реформа кезінде Конституцияның 33 бабы жаңартылды. Ал алдағы өзгерістер бұдан да ауқымды болады. Біз, шын мәнінде, жаңа Конституция қабылдаумен тең қадам жасамақпыз. Сондықтан Конституциялық комиссия құру туралы шешім қабылдадым. Ертең арнайы жарлыққа қол қоямын", – деді Қасым-Жомарт Тоқаев.</blockquote>Мемлекет басшысы комиссия құрамына 100-ден астам азамат кіретінін атап өтті. Олардың қатарында Ұлттық құрылтай мүшелері, танымал заңгерлер, БАҚ жетекшілері, өңірлік мәслихат төрағалары, қоғамдық кеңес өкілдері және басқа да білікті мамандар болады. Комиссия жұмысына Конституциялық сот төрағасы жетекшілік етеді.<blockquote>"Комиссия барлық ұсыныстарды талдап, жинақтап, нақты өзгерістердің жобасын дайындайды. Содан кейін жалпыұлттық референдум өтетін уақытты анықтаймыз", – деп қорытындылады президент.</blockquote>Фото: gov.kz

"Арнайы жарлыққа қол қоямын": Тоқаев Қазақстанда референдум өткізу мерзімі туралы айтты

<a href="https://kyzylorda-news.kz/">Kyzylorda-news.kz</a> Ұлттық бірыңғай тестілеуге (ҰБТ) қатысушыларға үзілістерге қатысты маңызды ақпарат берілді, деп хабарлайды BAQ.KZ ҚР Ғылым және жоғары білім министрлігіне қарасты Ұлттық тестілеу орталығына сілтеме жасап.Орталықтың мәліметінше, тестілеу барысында талапкерлерге үш үзіліс қарастырылған:• тест басталғаннан кейін 60 минут өткен соң – 2 минуттық үзіліс; • 120 минуттан кейін – 3 минуттық үзіліс; • 180 минуттан кейін – 3 минуттық үзіліс.ҰТО өкілдері үзіліс кезінде талапкерлердің жеңіл жаттығулар жасап, су ішіп, өздерімен бірге алып келген шоколадты жеуіне рұқсат етілетінін атап өтті.Сонымен қатар, тестілеуге қатысушыларға аса маңызды жайт ескертілді:<blockquote>Үзіліс кезінде тестілеу уақыты тоқтатылмайды, - деп нақтылады Ұлттық тестілеу орталығы.</blockquote>Айта кетейік, 19 қаңтарда Қазақстан Республикасының Ғылым және жоғары білім министрлігі 2026 жылғы Ұлттық бірыңғай тестілеудің аралық қорытындыларын жариялаған болатын.Фото: Ғылым және жоғары білім министрлігі

ҰБТ кезінде үзіліс қалай беріледі? Талапкерлерге маңызды ескерту

<a href="https://kyzylorda-news.kz/">Kyzylorda-news.kz</a> Қызылорда облысы бойынша ҚАЖ департаментінің Қармақшы аудандық пробация қызметі мен Қармақшы аудандық жастар ресурстық орталығы және “Qadam QarmaQshy” қоғамдық бірлестігі пробация қызметінің есебінде тұрған қоғамнан оқшаулаумен байланысты емес жаза түрлеріне сотталған азаматтармен жүйелі жұмыстар жүргізіп, жан-жақты толыққан тұлға болып қалыптасуына септігін тигізетін үш жақты ынтымақтастық меморандумға қол қойды.Меморандумның негізгі мақсаты – пробация қызметінің есебінде тұрған жастардың құқықтарын, бостандығы мен заңды мүдделерін құрметтей отырып, олардың түзелу жолына түсуіне қажетті жағдайлар жасап, атап айтқанда білім алуда, мамандықты меңгеруде, жұмысқа орналасуда, емделуде және де олардың жазаларды атқару кезінде жеке басының әлеуметтік, құқықтық және өзге де қорғалуын қамтамасыз ету.<blockquote>«Аудандық пробация есебіндегі тұратын азаматтар арасында 20 сотталған35 &nbsp;жасқа дейінгі жастар. Алдағы уақытта осы меморандум аясында шаралар өткізетін боламыз. Сотталғандармен жүргізілген шаралар олардың мінез-құлқының оң бағытта қалыптасуына ықпал етіп, қоғам алдында түзелуіне көмек берері анық»,- дейді аудандық пробация қызметінің аға инспекторы Жақсыбек Жүнісов.</blockquote>

Пробация қызметі үш жақты меморандумға қол қойды

<a href="https://kyzylorda-news.kz/">Kyzylorda-news.kz</a> "Әділ сөз" қорының басшысы Қарлығаш Жаманқұлова Қазақстанда ақпарат майданы күшейіп тұрғанын, ал отандық БАҚ жарнама нарығынан айырылып, журналистер толық қорғалмай жатқанын айтты. Ол Президенттен медиаға нақты қолдау көрсетуді сұрады. Бұл туралы <a href="https://stan.kz/zhurnalisterdin-kykigi-tolik-korgalmay-zhatir-adil-soz-429102/">Stan.kz</a> ақпарат агенттігі хабарлайды.Қарлығаш Жаманқұлова сыртқы ықпалдың күн сайын күшейіп келе жатқанын атап өтті.<blockquote>"Отандық БАҚ пен кәсіби журналистиканы қолдау маңызды. Шынайы әрі сапалы ақпаратқа сұраныс азайған жоқ. Отандық медиа бірқатар қиындықтарға қарамастан, нәтижелі жұмысын жалғастырып келеді. Осыған байланысты, құрметті президент мырза, БАҚ-ты қолдауыңызды сұраймыз", – деді ол.</blockquote>Жаманқұлова Қылмыстық кодекстің 158-бабы (Журналистiң заңды кәсіби қызметiне кедергi жасау) журналистерді толық қорғай алмайтынын да айтып өтті. Ол кейбір құқықбұзушылықтарды қылмыстық санаттан әкімшілік жауапкершілікке ауыстыруды ұсынды.<blockquote>"Журналистердің кәсіби қызметін тиімді қорғауға мүмкіндік береді", – деп қосты қор басшысы.</blockquote>БАҚ-қа қатысты тағы бір маңызды мәселе бүгін ішкі нарықтағы жарнаманың 65%-дан астамы YouTube, Meta және TikTok сияқты платформаларға кетіп жатыр. Отандық медиа бәсекеге қабілеттілігін сақтау үшін Жаманқұлова тәуелсіз, мемлекеттік емес ақпарат құралдарына қолдау көрсету мүмкіндігін қарастыруды сұрады.<blockquote>"Осы сала қызметкерлеріне лайық жалақы төлеуге, сапалы мамандарды тартуға жол ашады. Сонда журналистер тапсырыспен жазылатын материалдарға немесе жасырын қаржыландыруға тәуелді болмайды. Ал оқырман кез келген БАҚ-тың артында кім тұрғанын білуге құқылы", – деп түйіндеді Жаманқұлова.</blockquote>Фото: Pexels

"Әділ сөз" қорының басшысы президенттен медиаға қолдау көрсетуді сұрады

<a href="https://kyzylorda-news.kz/">Kyzylorda-news.kz</a> Ұлттық құрылтайдың V отырысында Мемлекет басшысы Қасым-Жомарт Тоқаев заң шығарушы органның жұмыс тәртібі мен рәсімдеріне қатысты ұсыныстардың төртінші бөлігіне тоқталды, деп хабарлайды BAQ.KZ тілшісі.Президенттің сөзінше, жаңа Парламентте депутаттарды бес жыл мерзімге сайлау көзделіп отыр. Сонымен қатар заң шығару процесін жетілдіру мақсатында заң қабылдаудың үш кезеңнен тұратын жаңа процедурасы ұсынылған.Депутаттар бірінші кезеңде заң жобасын жалпы мақұлдайды. Одан кейін өзгерістерді мақұлдайды, соңында заңды қабылдайды. Осылайша, біз Парламент қызметін түбегейлі қайта құру арқылы осыған дейін жүзеге асырылған саяси реформаларды одан әрі жалғастырамыз, – деді Мемлекет басшысы.Қасым-Жомарт Тоқаев бұл өзгерістер мемлекеттің институционалдық тұғырын нығайтуға бағытталғанын атап өтті.<blockquote>Біз "Күшті Президент – ықпалды Парламент – есеп беретін Үкімет» қағидатына сәйкес орнықты саяси жүйе қалыптастырамыз. Басты мақсатымыз да – осы, – дейді Президент.</blockquote>Фото: Ақорда

Жаңа Парламент 5 жылға сайланады

<a href="https://kyzylorda-news.kz/">Kyzylorda-news.kz</a> &nbsp;Бұл туралы Мемлекет басшысы Ұлттық құрылтай отырысында айтты.<blockquote>«Біз білім, ғылым және жоғары технология саласына қомақты инвестиция салатын болдық. Себебі адам капиталының сапасын арттыру – айрықша маңызды міндет. Бұл, әсіресе, ел дамуының қазіргідей тарихи, бетбұрысты кезеңінде халқымыздың болашағына тікелей әсерін тигізеді. &nbsp;Ең бастысы – бұл жоспарлар жұртты құр уәдемен жарылқайтын тұсаукесер рәсімдері мен форумдардың көлеңкесінде қалып қоймауы керек. Біз пиар-акциялар мен көз алдайтын жалған ілгерілеуге емес, нақты жетістікке ұмтылуымыз қажет. Цифрландыру және жасанды интеллект жылын сән қуып, ұрандату үшін жариялаған жоқпыз. Бұл шешім бүкіл мемлекеттік аппаратқа нақты міндет жүктеп отыр. Бұл – стратегиялық міндет. Сондықтан мемлекет үшін айрықша маңызды осы міндетті орындауға қатысты талап та өте жоғары болмақ. Бұл бағыттағы жұмыстың нәтижесі нақты әрі көзге көрінетін көрсеткіштермен өлшенуге тиіс. Атап айтқанда, шешім қабылдау мерзімін қысқартуға, еңбек өнімділігін арттыруға және қызмет сапасын жақсартуға оң ықпал етуі керек».</blockquote>Фото:&nbsp;

Адам капиталының сапасын арттыру – айрықша маңызды міндет – Президент

<a href="https://kyzylorda-news.kz/">Kyzylorda-news.kz</a> Құрылтай атауын аса маңызды мемлекеттік институттың символы ретіне сақтап қалуымыз керек. Бұл туралы Мемлекет басшысы Қасым-Жомарт Тоқаев Қызылорда қаласында өтіп жатқан Ұлттық құрылтайдың V отырысында айтты.Құрылтай атауын аса маңызды мемлекеттік институттың символы ретіне сақтап қалуымыз керек. Бұл туралы Мемлекет басшысы Қасым-Жомарт Тоқаев Қызылорда қаласында өтіп жатқан Ұлттық құрылтайдың V отырысында айтты.<blockquote>– Болашақ Парламенттің атауы бойынша пікірімді айтсам. Қысқаша айтқанда Құрылтай деген атауды беру керек деп есептеймін. Құрылтайдың тарихи аясы да, мағынасы да халқымызға да түсінікті, жақын. Құрылтай отырыстарын жаңғырту бастамасын мен өзім 2022 жылы көтердім. Бұл баяндаманың басында Құрылтай жұмысының тиімділігі мен пайдасына ден қойдым. Жалпы, еліміздің саяси жүйесінде Құрылтай атауын аса маңызды мемлекеттік институттың символы ретіне сақтап қалуымыз керек деп ойлаймын, – деді Президент.</blockquote>Президент бір палаталы Парламент туралы бастаманы халық қолдап отырғанын айтты.Дереккөз: <a href="https://kaz.inform.kz/news/prezident-zhana-parlamentke-kuriltay-degen-atau-berud-usindi-d848bf/">Қазақпарат</a>Фото: Ақорда

Қазақстан және Қызылорда облысының жаңалықтары: Қоғам