<a href="https://kyzylorda-news.kz/">Kyzylorda-news.kz.</a>&nbsp; Қызылорда облысының кәсіпкерлер палатасы құрылыс материалдары мен жиһаз өндіретін жергілікті кәсіпкерлердің және құрылысшы компаниялардың арасында әріптестік байланысты нығайту мақсатында көрме және кездесу ұйымдастырды.Шараға облыс әкімінің орынбасары Нұрымбек Сақтағанов, Кәсіпкерлер палатасының директоры Пірмұхаммед Сыздықов, облыстық мәслихат депутаттары мен құрылыс, білім басқармасының басшылары, «Samruk-Kazyna Construction» АҚ-ның және мүдделі мекеме өкілдері, кәсіпкерлер қатысты.Көрмеге 20-дан астам жергілікті тауарөндіруші компания өнімдерін әкелді.Атап айтқанда құрылыс материалдары мен жиһаз өндіретін «Компания Гежуба Шиелі Цемент» ЖШС, «Шиелі тас-Оңтүстік» ЖШС, «Мир 2001» ЖШС, «Вега пром» ЖШС, «Серікбаев» ЖК, «АКЗ-LTD» ЖШС, «Ниязбекова» ЖШС, «Орда СтройМарт» ЖШС, «Жанайым» ЖК, «Fortis Plastic» ЖШС, «КМЗ Квант» ЖШС, «ЭКСИМ» ЖШС, «КОМФОРТ - 1 KZ» ЖШС, «Nomad» ЖК, «Сыр Жиһазы» ЖШС, «Алис Трейд Казахстан» ЖШС, «Абзал мебель» ЖШС, «Пром стройматериал» ЖШС, «Stroy fasad» ЖК, «Завод композитных труб» ЖШС, «Панабек» ЖШС өндіретін өнімдерін көрсетті. &nbsp;Шараға «Жайлы мектеп» ұлттық жобасы бойынша өңірде алғаш болып мектеп құрылысын бастайтын компания басшылары да қатысты.Жаңақорған ауданында 300 орындық мектеп құрылысын салуды жеңіп алған «Алтын айдарлы» ЖШС директоры Ерғали Егізбайұлы жергілікті тауарөндірушілермен осыған дейін де әріптестік байланыста екенін айта келе, ұлттық жобада да олармен жұмыс істеуге әзір екенін жеткізді.Оған Жаңақорған ауданындағы 600 орындық мектептің мердігері «Аман құрылыс» ЖШС өкілі Ақмарал Қалменова да қосылып, жергілікті компаниялармен әріптестік қарым-қатынас орнататынын айтты.Сонымен бірге облыстық білім басқармасының басшысы Мейрамбек Шермағанбет пен «Samruk-Kazyna Construction» АҚ Ерік Қонақбаев ұлттық жоба аясындағы мектептерге қойылатын талаптармен таныстырып шықты.Айта кету керек, алдағы 3 жылда Қызылорда облысында 15100 орынға арналған заманауи 21 мектеп салынады деп жоспарланып отыр. Жобаның жалпы құны 100 млрд теңге. Қызылордада қаласында 8, Арал ауданында 4, Қазалыда 2, Қармақшыда 2, Жалағашта 1, Сырдарияда 1, Шиеліде 1 және Жаңақорған ауданында 2 мектеп бой көтереді. Биыл 10 мектептің құрылысы басталады.Қызылордалық құрылысшылар аталған жобаға қатысты барлық мәселемен Кәсіпкерлер палатасының сарапшысы Айгерім Рахымжановаға хабарласа алады. Байланыс нөмірлері: +7 775 124 1740, +7 /7242/ 40-09-81 (ішкі 4316).<figure class="image"><img src="https://knadmin.beoblood.kz/uploads/5a916e38_3e67_4446_9c4f_5f35e8720d82_85fac44c54.jpg" alt="5a916e38-3e67-4446-9c4f-5f35e8720d82.jpg"></figure>&nbsp;<figure class="image"><img src="https://knadmin.beoblood.kz/uploads/03b9b53f_9d05_4676_aeec_1d3a695739a4_fe7f65fbc2.jpg" alt="03b9b53f-9d05-4676-aeec-1d3a695739a4.jpg"></figure>

Қызылордада жергілікті құрылыс материалдары мен жиһаз өнімдерін өндірушілердің көрмесі өтті

<a href="https://kyzylorda-news.kz/">Kyzylorda-news.kz.</a> Биыл Арал ауданының негізгі әлеуметтік-экономикалық көрсеткіштерінде оң серпін сақталды. Бес айда экономика мен әлеуметтік саланы дамытуға бағытталған жобалар орындалды. Олардың негізгілері туралы кеңірек тоқталсақ.Кейінгі жылдары аудан экономикасының даму динамикасы нәтижелі көрсеткіштерге қол жеткізіп келеді. Ауданның жергілікті атқарушы органдарының қызметі есепті кезеңде ҚР Президентінің Жолдауынан туындайтын мәселелерді, мемлекеттік, аймақтык бағдарламаларды іске асыруға бағытталды. Қабылданған іс-шараларды іске асыру барысында ауданның әлеуметтік–экономикалық дамуында біршама ілгерілеушіліктер байқалды.&nbsp;2023 жылдың қаңтар – наурыз айында өнеркәсіп өндірісінің көлемі қолданыстағы бағамен 7345,0 млн теңге болды. Нақты көлем индексі 110,4 пайызды құрады. Оның ішінде өңдеу өнеркәсібінде 5298,0 млн теңгенің өнімі өндіріліп, нақты көлем индексі 112,4 пайызды &nbsp;құрады. Ауыл шаруашылығы саласы дамып келедіАрал ауданының ауыл шаруашылығы саласында соны серпін байқалады. Жыл басынан бері 1 950, 7 млн теңгенің ауыл шаруашылығы өнімі өндіріліп, өткен жылдың осы кезеңімен салыстырғанда 101,7 пайыз болды. Ауыл шаруашылығы саласында 1 акционерлік қоғам, 26 кооператив, 14 жауапкершілігі шектеулі серіктестігі, 1 мемлекеттік мекеме жұмыс істейді және 1280 шаруа қожалығы тіркелген. 2023 жылдың қаңтар-наурыз айында 1000,0 тонна ет, 1199,2 тонна сүт, 10,3 мың дана жұмыртқа дайындалып, өткен жылдың осы кезеңімен салыстырғанда сүт 1,6 пайызға, ет 2,6 пайызға өсіп, жұмыртқа 2,0 пайыз орындалды. Мал басы бойынша мүйізді ірі қара 4,8 пайызға, жылқы 13,3 пайызға, түйе 7,7 пайызға, құс 7,8 пайызға өсіп отыр.Байлықтың көзі – балықАрал ауданының басты байлығы саналып келген балық шаруашылығы – бүгінде негізгі кәсіптің көзі. Елдің экономикалық дамуында бұл шаруашылық ерекше рөл атқарады.&nbsp; Аудан аумағында балық шаруашылығында маңызы бар Кіші Арал теңізінің 18 учаскесі, Сырдария өзені және 20 көл бар. Аралдағы балық шаруашылығының даму қарқыны жылдан-жылға артып келеді. Осы теңіздің 18 учаскесімен 20 көлдің 18 көлін табиғат пайдаланушыларға ұзақ мерзімге берілген, 2 көліміз резервте. Кіші Арал теңізінде балықтың 19 түрі мекендейді, кәсіпшілік балық аулау мақсатында балықтың 17 түрі ауланады. Балық аулау кезеңі 1 шілдеден келесі жылдың 1 шілдесіне дейін есепке алынады. Сондықтан 2022 жылдан 2023 жылға дейін, Кіші Арал теңізінен 6924 тонна, Қамыстыбас көлдер жүйесіне 477 тонна және Примор көлдер жүйесіне 60 тонна сонда аудан бойынша барлық лимит 7461 тонна болып бекітілген. Балық өңдеу саласында аудан бойынша 31 балықшылар бригадасы болса, оларда 701 адам жұмыс атқарады, 256 өздігінен жүретін флот, 15 өздігінен жүрмейтін флот, 6 дана үлкен кеме СМБ-40, 2 дана БМК-130, 1 дана «Касатка-640» шағын кемесі және 9905 құрма ау, 24 жылым, 38 кермеше ау бар.Әлеуметтік сала басты назарда2023 жылдың қаңтар-наурыз айында барлық салық пен басқа да түсім түрлерінің болжамының орындалуы 1368,0 млн теңге немесе 104,0 пайызды құрады. Оның ішінде, аудандық бюджетке түсім 753,1 млн теңге (болжам 720,9 млн теңге), яғни 104,5 пайызға орындалды. Құрылыс та жоғары қарқынмен жүргізіліп жатыр. Биыл аудан бойынша бірқатар құрылыс жұмыстары жүргізілуде. Қантар-наурыз айында 6160 шаршы метр тұрғын үй пайдалануға беріліп, өткен жылдың сәйкес кезеңімен салыстырғанда 1,9 пайызға өскен. Негізгі капиталға тартылған инвестиция көлемі 3364,8 млн теңгені құрап, өткен жылдың сәйкес кезеңімен салыстырғанда 4,4 есеге артты. Жыл басынан жұмыс іздеуші ретінде жұмыспен қамту орталығына 2222 адам хабарласса, жұмыссыздықтан әлеуметтік қорғау шараларымен қамтылған азаматтардың саны барлығы 239 адам жұмысқа орналасты. Сондай-ақ, 710 адам қоғамдық жұмыс орындарына тіркелді. Осылайша жалпы жұмыссыздық деңгейі 5 пайызға төмендеді.&nbsp;2023 жылдың қаңтар-наурыз айында атаулы әлеуметтік көмек алуға өтініш берген 234 отбасының 1397 отбасы мүшелеріне 22,8 млн теңге төленді (2022 жылы 352 отбасының 2631 отбасы мүшелеріне 33,7 млн. теңге). Сондай-ақ, 92 отбасының 314 отбасы мүшелеріне 2,2 млн.теңге тұрғын үй көмегі төленді (2022 жылы 128 отбасының 537 отбасы мүшелеріне 2,5 млн теңге). Құт-береке дарыған, ырыс-баққа жарыған Сырдың қасиетті өңірінің бірі – Арал ауданы. Аудан бойынша білім саласында жұмыстар тиісті стандарттарға сәйкес атқарылуда.&nbsp;Ауданда 51 мектеп, (оның 40-ы орта, 6-ы негізгі, 5-і бастауыш мектептер), 20 мемлекеттік балабақша, 14 жеке балабақша, 19 толық шағын &nbsp;орталықтар, 30 жарты күндік шағын орталықтар, 4 мектептен тыс мекемелер және 2 колледж жұмыс жасайды. Мектептерге 17745 бала оқуға тартылған. Сонымен қатар, 4946 бала шағын орталықтар мен балабақшаларға, мектептен тыс мекемелерге 1326 оқушы, колледждерде 742 оқушы қамтылған.&nbsp;Мәдениет саласы бойынша Арал ауданы халқына 72 мәдениет мекемелері, оның ішінде 32 мәдениет үйлері мен клубтар, 39 кітапхана қызмет көрсетуде. Сонымен қатар, ауданда 3 мұражай жұмыс жасауда. &nbsp; Қазіргі уақытта спорт саласындағы өзекті мәселелердің бірі – аудандарда спорт инфрақұрылымын дамытуда атқарылып жатқан жұмыстар көп. Денешынықтыру және спорт саласында 2 балалар мен жасөспірімдер мектебімен қоса әртүрлі деңгейдегі 236 спорт обьектілері (алаңдар) өз жұмыстарын жалғастыруда.Аудан бойынша кәсіпорын құрамында 140 төсектік орталық аурухана, 40 төсектік жүйке аурулар диспансері, 25 төсектік Сексеуіл ауылдық ауруханасы, жалпы алғанда 230 төсектік тәулік бойылық стационарлар қызмет етеді. Аудандық емхана, 3 ауылдық емхана, 11 дәрігерлік амбулатория, 1 фельдшер- акушерлік пункт, 36 медициналық пункт аудан халқы үшін қызмет көрсетуде.&nbsp;

Арал ауданында жыл басынан бері 239 адам жұмысқа орналасты

<a href="https://kyzylorda-news.kz/">Kyzylorda-news.kz.</a> Инвестициялық жобалар жергілікті тұрғындардың әлеуетін көтеріп, экономиканың тұрақты дамуына, жергілікті тұрғындардың жұмыспен қамтылуына оң әсерін береді. «Өнеркәсіптік-инновациялық жобалардың бірыңғай индустрияландыру» картасы аясында Қызылорда қаласы бойынша «Бірыңғай индустрияландыру картасына» енгізілген жалпы құны 68,2 млрд. теңгені құрайтын 12 жоба жүзеге асырылуда. Оның бүгінгі күнге 3 жобасы іске қосылып, жұмыс жасауда. Мамандар бұл жобалар жүзеге асса 824 жұмыс орны ашылады дейді.&nbsp;Елдегі, өңірдегі инвестициялық климатты жақсарту – стратегиялық міндеттің бірі. Бұл – аймақтың қалай жұмыс істеп жатқанының нақты индикаторы. Мамандар біздің өңірдің ұстанған бағыт-бағдары дұрыс дейді. Мәселен, &nbsp;былтыр өңір экономикасына инвестиция тарту жоспары артығымен орындалған. Биыл да сол биіктен табылу көзделіп отыр. 2021 жылдың желтоқсан айында «Orda Glass LTD» ЖШС-ның Қызылорда қаласында қуаттылығы жылына 197 100 тонна табақша шыны шығару және өңдеу зауыты іске қосылды.«Вега Пром» ЖШС-ның «Құрғақ құрылыс қоспаларын өндіру бойынша цехты кеңейту» жобасы да инвест жобалар қатарында. Бүгінде құрылыс жұмыстарының 80 пайызы атқарылып, жаңа цех іске қосылып, жұмыс жасауда. «Нұр Орда» ЖШС-ның «Қызылорда қаласында асфальтбетон зауытының құрылысы» жобасы да бар. Былтырғы жылдың маусым айында бетон зауыты іске қосылып, жұмыс жасауда.&nbsp; Сондай-ақ, «ТриМо» серіктестігінің &nbsp;қуаттылығы жылына 500 &nbsp;тонна екі окись молибден ұнтағын үшокись молибден ұнтағына техникалық айналдыру өндірісін ұйымдастыру», &nbsp;«Кызылорда Рефайнэри» ЖШС-ның «К4, К5 экологиялық кластағы мотор майларын өндіру», «Poom Trade KZ» ЖШС-ның «Қызылорда қаласында «КОМАЗ» шағын арматура зауытын салу, «Сыр-Маржаны» ЖШС-ның &nbsp;ет және ет өнімдерін өндіру және сақтау , «Orda TEXC» ЖШС-нің «Түйе жүнін өңдеу және төсеніш көрпе өндіру цехы, «Қызылорда композиттік материалдар зауыты» ЖШС-ның шыны талшықты және композитті материалдарды өндіру зауыты, «Айғасар» ЖШС-ның ерекше балаларға арналған иппотерапия жылқылы-сауықтыру клубын ашу және бие сүтін өңдеу цехын салу, «Dana Quartz» ЖШС-ның айна шығару, «Кәусар» ШҚ-нің құс фабрикасының құрылысы жобалары жүзеге асырылмақ.&nbsp;Қалада &nbsp;жыл басынан бері жалпы сомасы 2076,4 млн. теңгені құрайтын 204 жобаны қаржыландыру көзделген.<blockquote>«Кәсіпкерлікті дамытудың 2021-2025 жылдарға арналған Ұлттық жоба» аясында субсидиялау бағыты бойынша құны 1529 млн. теңгені құрайтын 44 жоба, жаңа бизнес-идеяларды іске асыруға гранттар беру бағыты бойынша 131,1 млн. теңгені құрайтын 95 жоба қолдау алды. Сондай-ақ &nbsp;«Іскер» бағдарламасы бойынша жоба құны 289,3 млн. теңгені құрайтын 49 жоба қаржыландырылды. &nbsp;«Қызылорда» өңірлік инвестициялық орталығы микроқаржы ұйымы ЖШС арқылы өз қаражаты есебінен жалпы құны 103,6 млн. теңгені құрайтын 11 жоба қаржыландырылды. «Аграрлық несие корпорация» АҚ арқылы «Жастарға арналған несие» бойынша жалпы құны 23,4 млн. теңгені құрайтын 5 жоба қолдау алды», – дейді қалалық кәсіпкерлік, өнеркәсіп және туризм бөлімінің басшысы Бағлан Амангелдиев.&nbsp;</blockquote>Бөлім басшының айтуынша, биыл ірі инвестициялық жобаны іске асыру жоспарда бар. Наурыз айында «Қорқыт ата» әуежайының құрылысы басталған. Бұл ретте жеке инвестор Болат Өтемұратовтың қоры әуежай терминалының жұмыс жобасын әзірлеуде. &nbsp;Құрылыс нысаны қаланың коммуналдық меншігіне тегін беріледі. Жаңа әуежай терминалы үздік халықаралық тәжірибеге сай салынып жатыр. Шыныдан жасалған витражды қасбеті бар екі қабатты терминалдың жалпы ауданы 7500 шаршы метр. Халықаралық және ішкі ұшу аймағы 160 қонақты қабылдай алады. Онда телескопиялық өтпе жол, эскалатор мен лифт, жүктерді тапсыру мен өңдеудің автоматтандырылған жүйесі, транзиттік жолаушыға арналған зал, CIP залы бар. Жаңа ғимаратта өзін-өзі тіркеу пункті, намазхана, Duty Free аймағы, сондай-ақ шекара және кеден қызметі, фитосанитарлық және ветеринария, санитарлық-эпидемиологиялық бақылау қыз-меткерлері мен желілік полиция бөлімшелері үшін мамандандырылған орын ашылады. Құрылыста халықаралық бренд жабдығы, технологиялық және жобалық материал пайдаланылады. Әуежайды &nbsp;2024 жылдың ІІІ тоқсанында пайдалануға берілу &nbsp;жоспарлануда.Инвестициялық ірі жобаның бірі – Қызылордада түрік инвесторларымен бірлесіп, электр қуаты 240 МВт болатын және жылу қуаты 277 Гкал болатын жаңа бу-газ қондырғысының құрылысын бастау. Құрылысты жүргізу 2023-2025 жылдарға жоспарланған. Сала мамандарының айтуынша, бу-газ қондырғысының игілігін 25-30 жылға дейін көреміз деген болжам бар. Осы мақсатта &nbsp;жылу-электр орталығының аумағынан жер учаскесі бөлінген. &nbsp;Аталған жоба сәтті жүзеге асса, электр және жылу қуатының тапшылығы проблемасы шешіліп, тұтынушылар сапалы, әрі сенімді жылумен қамтамасыз етіледі. Бөлім &nbsp;басшысының айтуынша, бұл жоба соңғы жылдары шетелдік инвесторлардың қаражатына салынып жатқан еліміздегі ең ауқымды жобаның бірі.Инвестицияның қарқынды дамуына &nbsp;Қызылорда облысының даму орталығы айтар-лықтай ықпал етіп отырғанын да айта кеткен жөн.

Қызылорда: Өңір өміріне өң берген инвест жобалар

<a href="https://kyzylorda-news.kz/">Kyzylorda-news.kz.</a>&nbsp; Арал ауданының әкімі Серік Сермағамбетов алғашқы тоқсандағы атқарылған жұмыстар мен елдің жәйін білу мақсатында Құланды, Беларан ауылдық округтеріне барып, тұрғындармен кездесті.Аудан басшысы алдымен Құланды ауылдық округінде болып, елдімекенде жүргізіліп жатқан ауыз су желісінің құрылыс жұмыстарын бағамдады.Қазіргі таңда, Құланды ауылдық округіне қарасты Ақбасты елді мекеніне ауыз су құбыры тартылуда. Өтпелі негізде жүзеге асырылатын жоба арқылы ауыл тұрғындары таза ауыз сумен қамтылатын болады. Мердігер «Сапа Құрылыс» мекемесі. Ауыл халқымен өткен кездесуде аудан басшысы теңізді өлкедегі жыл басынан бері атқарылған жұмыстарды баяндап, жүзеге асырылып жатқан ірі жобалар жөнінде тоқталып өтті.<blockquote>«Өңірімізде атқарылып жатқан игі &nbsp;істердің &nbsp;нәтижесінде биылғы &nbsp;жылдың І &nbsp;тоқсанының өзінде ауданға 3,4 млрд теңге &nbsp;инвестиция тартылып, ауданның биылғы жылғы нақтыланған &nbsp;бюджеті 18,4 &nbsp;млрд &nbsp;теңгені &nbsp;құрап отыр. Биыл жол саласы мен электр желісінің құрылысына баса мән беріліп, ауқымды жұмыстар жүзеге асырылуда. Су мәселесі де күн тәртібіндегі маңызды мәселенің бірі. Бүгінде өздеріңіздің ауылдарыңызда ауыз су құбырын тарту жұмыстары жүргізілуде. Мердігер мекемеге осы жылы орталықтандырылған ауыз су жүйесімен қамтамасыз ету үшін жұмыстарды мерзімінде талапқа сай бітіруді тапсырдым. Жыл соңына дейін пайдалануға берілетін болады. Оған қоса, Көктем елдімекенін де биыл су жүйесін іске қосатын болсақ, жақын арада бұл жұмыстар Тоқабай, Абай ауылдарында да бастау алмақ. Сондай-ақ, бүгінгі таңда Сазды елдімекенін тұщытатын қоршауланған ауыз су жүйесіне қосу үшін жұмыстар жүргізіліп жатса, Ерімбетжаға елдімекенін сумен қамтамасыз ету үшін жоба сметалық құжаттары әзірленуде»-деді, Серік Сағитжанұлы.</blockquote>Тұрғындар да өз тарапынан жергілікті жердегі шешімін табуды қажет ететін өзекті деген мәселелерді ортаға салды. Мәселен, Көкарал бөгеті тұсынан Ақбасты елдімекеніне дейін жол салу мәселесін айтты. Аудан басшысы, бірінші кезекте өткен жылы бастау алған жол құрылыстары аяқталып, одан соң сметалық құжаттамалары дайындалған жобалар бойынша жұмыс жасалатындығын түсіндірді. Дегенмен, 60 шқ қашықтықты құрайтын аталған жолдың 30 шақырымына жол салу үшін биыл құжаттандыру жүргізіліп, келесі жылы сметалық құжаттары жасалатынын жеткізді.Сапар одан әрі Беларан ауылдық округінде жалғасты. Аудан әкімі алдымен демеушілік есебінен құрылысы жүріп жатқан «Ұстаздар» аллеясының жұмысын көрді.Беларандықтармен өткен кездесуде ауыл тұрғандары аяқ су мәселесін айтты. Аудан басшысы бүгінде «Жарас» су ұңғымасы арқылы аяқ су тарту жұмыстары үшін жоба сметалық құжаттары дайындалып жатқанын жеткізді. Сондай-ақ, елдімекенді таза ауыз сумен қамтамасыз ету үшін құны 21,2 млн. теңге болатын жобаны қаржыландыруға бюджеттік ұсыным берілгенін айтты.Басқосуда Серік Сағитжанұлы «Ауыл Аманаты» бағдарламасының тиімділігіне тоқталып, аталмыш жоба арқылы түрлі кәсіп көзін бастауға болатынын жеткізді. Сапар соңында аудан әкімі «Жарас» су ұңғымасына барып, аяқ сумен қамтамасыз ету мақсатында жүргізілетін жұмыстармен танысты.

Арал ауданына  3,4 млрд теңге  инвестиция тартылды

<a href="https://kyzylorda-news.kz/">Kyzylorda-news.kz.</a> Экономиканың негізгі тірегі саналатын кәсіпкерлік саласына қолдау жылдан-жылға артып келеді. Биыл жыл басынан сәуірге дейін 36 006 &nbsp;шағын кәсіпкерлік нысан тіркеліп, жұмысын бастаған. Оның 27 637-сі жеке кәсіпкер, 5 999-і заңды тұлға және 2278-і шаруа қожалығын құрайды.&nbsp;Бұл көрсеткіш өткен жылмен салыстырғанда 31,9 процентке артқан. Бүгінде жеке ісін ашып, кәсібін дөңгелеткісі келетіндер қатары көбейген. Көзі қарақты тұрғындар бұл ретте, мемлекет тарапынан көптеген мүмкіндіктер барын біледі. Сондықтан тиімді тірлікті игілікке жаратқысы келетіндер көп. Мәселен, жыл басында қала бойынша шағын кәсіпкерлік саласында 430 оның ішінде 302 сауда саласында, өнеркәсіп-26, білім және денсаулық сақтау – 5, &nbsp;басқа да қызмет түрлері бойынша – 97.Жалпы, кәсіпкерлік саласы қалада тек сауда емес түрлі бағытта өркен жайып келеді. Білім, медицина, өнім өндіру ісін жетілдіріп отырған кәсіпкерлер баршылық. Әсіресе, соңғы уақытта медицина саласы қарқын алып келеді. Саланы қолдауда мемлекеттің кәсіпті жаңадан бастаушы жастарды да ескергені құптарлық іс. Бұл бағытта «Бастау бизнес» бағдарламасының тиімділігі зор. Іс бастауды, оның бизнес-жоспарын жасауды, әрі қарай дамытуды үйретіп қана қоймай, білім алушылардың тегін грант ұтып алуына да мүмкіндік қарастырылған. Бұдан өзге, кәсіпкерлікті дамытуға бағытталған бірнеше мемекеттік бағдарлама бар.Халықты жұмыспен қамту, шағын кәсіпкерлікті дамыту, экономика саласын әртараптандыру мақсатында «2021 – 2025 жылдарға арналған кәсіпкерлікті дамыту жөніндегі» ұлттық жоба іске асырылуда. Бірнеше бағыттан тұратын бағдарламаның субсидиялау бағыты бойынша қалада 44 жоба қолдау тапқан. Бұл жобалардың қаржы көлемі 1 миллиард. 539 миллион. 515мың теңгені құрайды. Сондай-ақ, осы бағдарлама аясында жаңа бизнес-идеяларды іске асыруда жалпы құны 131 миллион. 100 мың теңгені болатын 95 жоба мемлекеттік грантты жеңіп алған. &nbsp;«Аграрлық несие корпорациясы» АҚ-ы арқылы «Нәтижелі жұмыспен қамту және жаппай кәсіпкерлікті дамытудың 2017-2021 жылдарға &nbsp;арналған «Еңбек» бағдарламасы аясында қайтарылған қаражат есебінен және &nbsp;«Іскер» бағдарламасы бойынша 51 милилон. 300 мың. теңгені құрайтын 10 жоба қолдау тапты.Кәсіпкерлікті өркендетуге бағытталған тағы бір бағдарлама «Қарапайым заттар экономикасы». Ішкі нарықты отандық өнімдермен қамтамасыз ету, халықтың қажеттіліктерін қанағаттандыра алатындай бәсекеге қабілетті өндіріс орындарын құру, өңдеу өнеркәсібін дамыту мақсатындағы жоба бойынша былтыр облыс орталығында жалпы құны 4 миллиард 730 миллион теңгені құрайтын 42 жоба қолдау тапқан. Ал, ағымдағы жылдың басынан бері тағы 2 жоба мақұлданған. Оның &nbsp;құны 716,1 миллион теңгені құрайды.&nbsp;Былтыр облыс көлемінде кәсіпкерлікті қолдау мақсатында 19,9 млрд теңгеге 373 жоба қаржыландырылған. Атап айтсақ, «Кәсіпкерлікті дамыту жөніндегі ұлттық жоба» шеңберінде 5,2 млрд теңге бөлініп, 171 жоба субсидияланған. Ал, ауыл кәсіпкерлеріне несие беруде «Қызылорда» өңірлік инвестициялық орталығы арқылы 1,2 миллиард теңге қаражат қаралса, оның 360,7 миллион теңгесіне 64 жоба қаржыландырылған. Сондай-ақ, «Аграрлық несие» корпорациясы 4,5 миллиард теңгенің 138 жобасын мақұлдаған. Бұл жобалардың жүзеге асуында облыс орталығының үлесі басым.Жалпы, мемлекеттік бағдарламалар игілігін көріп жатқан кәсіпкерлер күн санап артып келеді. Бұл ретте, жыл сайын мемлекеттік бюджеттен бөлінетін қаражат көлемі де ұлғаюда. Оған жоғарыда аталған көрсеткіштер дәлел болмақ.Бұдан бөлек, қала экономикасының өсуіне өңдеу өнеркәсібінің дамуы тамақ өнеркәсібі, машина жасау, мұнай өнімдерін өңдеу, құрылыс материалдарын өндіру, химия және жеңіл өнеркәсіптердің де үлесі зор. Мәселен, өнеркәсіп өнімдерінің өндіріс көлемі 2023 жылдың қаңтар-ақпан &nbsp;айында 101 009 миллион. теңгеге орындалса, нақты көлем индексі былтырғы жылмен салыстырғанда 91,1 % құраған. &nbsp;Бұл ретте, облыс бойынша өндірілген өнімнің 64,4 проценті &nbsp;Қызылорда қаласының үлесінде.Есепті кезеңде кен өндіру өнеркәсібінде және карьерлерді қазуда &nbsp;102 952,4 миллион. теңгенің өнімі өндіріліп, нақты көлем индексі 96,1%-ды құраған. Оның ішінде 87 315 миллион теңгенің шикі мұнай өнімі өндірілсе, нақты көлем индексі 95,7 процент болыпты. Яғни, 636,7 мың тонна мұнай өндірілген. Мұны процентке шаққанда 95,7 пайызды құрап отыр. Өңдеуші өнеркәсіп саласында 41 380 миллион теңгенің өнімі өндіріліп, өткен жылмен салыстырғанда 104,4 &nbsp;процент болған. Оның ішінде, жеңіл өнеркәсіп саласы бойынша &nbsp;117,8 миллион. теңгенің &nbsp;өнімі өндірілсе, өткен жылдың ұқсас кезеңімен салыстырғанда нақты көлем индексі 117,3 процент &nbsp;орындалған. Атап айтқанда, киім өндіру &nbsp;42,6 миллион теңге, &nbsp;өткен жылдың салыстырмалы кезеңімен &nbsp;109,2 процент, ал, тоқыма бұйымдарын өндіру 75,1 миллион. теңгені немесе 123,8 процентті құрап отыр.Мұнай өңдеу өнімдерін өндіру саласында 1 420 милилон. теңгенің өнімі өндіріліп, нақты көлем индексі 133,5 процентті құрады. Химиялық өнеркәсіп өнімдері саласында 2 369 миллион.теңгенің өнімі өндірілсе, нақты көлем индексі &nbsp;94,6 процентті &nbsp;құрап отыр. Бұдан бөлек, резеңке және пластмасса бұйымдары &nbsp;өндірісінде 1 500 &nbsp;миллион. теңгенің өнімі алынса, өткен жылдың салыстырмалы кезеңімен &nbsp;114,3 процентке орындалып отыр.Машина жасау, жөндеу және орнату саласында да ілгерілеушілік бар. Мәселен, бұл салада есепті кезеңде &nbsp;4 264 &nbsp;миллион.теңгенің өнімі өндірілген. Нақты көлем индексі 259,1 процентті құраған. Сонымен қатар, өзге металл емес минералдық өнімдерін өндіру &nbsp;(кірпіш, тауарлы бетон және темір бетоннан жасалған құрылыстық мақсаттағы бұйымдар) &nbsp;саласы бойынша 6 764 миллион. теңгенің өнімі өндіріліп, өткен жылғы тиісті кезеңге 125,1 процентті құраған.

Қызылордада кәсіпкерлік қарқын алған

<a href="https://kyzylorda-news.kz/">Kyzylorda-news.kz.</a>&nbsp; Облыс әкімі Нұрлыбек Нәлібаев Шиелі ауданына жұмыс сапары аясында ауданның әлеуметтік-экономикалық дамуы жөнінде кеңейтілген мәжіліс өткізді. Жиында Шиелі ауданына қарасты кент және ауылдық округтердің әлеуметтік-экономикалық ахуалы мен алдағы даму жоспарлары қаралды. Оған барлық құқық қорғау органдарының басшылары, облыстық басқармалар мен аудандық бөлiм басшылары, аудандағы ауылдық округ әкiмдерiқатысты.Шиелі ауданында ауыл шаруашылығы, өнім өңдеу, кәсіпкерлік, т.б салалардың дамуына қолайлы жағдай бар. Ауданға қарасты ауылдар орталыққа, үлкен жолға жақын орналасқан.<blockquote>«2022 жылдың қорытындысымен аудандар мен Қызылорда қаласы бөлінісіндегі негізгі макроэкономикалық көрсеткіштер рейтингінде Шиелі ауданы 3-ші орынға тұрақтап, дамудың оң көрсеткішін көрсетті. Өнеркәсіп кәсіпорындары 69,3 млрд. теңгенің өнімін өндіріп, 2021 жылмен салыстырғанда 14,7 пайызға артқан. Негізгі капиталға салынған инвестициялар көлемі 36,1 млрд. теңге болды. Бұл 2021 жылмен салыстырғанда 176,3 пайызды құрады. Биылғы қаңтар-сәуір айларында 21,2 млрд. теңгенің өнімі өндіріліп, 9,4 млрд. теңге инвестиция салынған», – деді аймақ басшысы.</blockquote>Нұрлыбек Машбекұлы аудан әкіміне бірқатар міндеттер жүктеп, жұмыстың негізгі бағыты халықтың тұрмыс-тіршілігін жақсартуға, өмір сүру сапасын арттыруға арналуы тиіс екенін айтты. «Ауыл – ел бесігі» бағдарламасы бастау алғалы Ақтоған ауылдық округіне қарасты Досбол би, Жиделіарық, Жөлек, Телікөл ауылдық округіне қарасты Тәжібаев елді мекендеріне мүлде қаржы қаралмаған. Ауылдық аумақтарды дамыту тұжырымдамасына сәйкес 2025 жылы спутникті ауылдарды қаржыландыру тоқтауы мүмкін. Жоғарыда аталған ауылдар спутникті және тіректі елді мекендер тізімінде бола тұра, мемлекеттің мүмкіндіктерін дер кезінде пайдаланбаған.«Ауыл аманаты» жобасына да Алмалы, Қарғалы, және Иіркөл ауылдық округтері ғана қатысқан. Аймақ басшысы мемлекеттік бағдарламалар мен ұлттық жобалардың ауылды дамыту мақсатын көздегенін, әр ауылдың мүмкіндіктері мен өркендеу жолы, түйткілді мәселелері үнемі бақылау мен қадағалауда екенін айтты. Елді мекендерге қаржы тартудың тиімді тетіктерін табу әкімдердің іскерлігі мен жұмыстың көзін таба білуіне байланысты.Аймақ басшысы ауылдық округ әкімдеріне өзіне жүктелген міндетке адал болуды, қарамағындағы ауылдың болашағына жанашырлық танытуды тапсырды. Жұмыс қарқынын бүгінгіден де күшейтіп, елді мекендерді дамытуға бағытталған тиімді жобаларды ұсыну қажеттігін еске салды. Мұнан бөлек, аудан әкімі Нұржан Ахатовқа экономиканың тірегі – кәсіпкерлікті қолдау, тұрғындар мен жастар арасындағы жұмыссыздықты азайту туралы тапсырмалар берілді. Кәсіп бастауға бастама көтерген азаматтардың әкімдік тарапынан қолдау табуы өте маңызды. Сондай-ақ жазғы демалыста балалардың қауіпсіздігін бақылау, қылмыспен күрес назардан тыс қалмауы керек.Ендігі жерде жыл қорытындысымен төмен көрсеткіш көрсеткен ауыл әкімдеріне қатысты кадрлық шешім қабылданады.Тиісінше жоғары нәтижеге жеткен әкімдерге ынталандыру шаралары қарастырылады. Сондықтан әрбір әкім елді мекендегі жұмыссыздар санын азайтуға, жаңа жұмыс орындарын құруға, табыс көзін арттыруға баса мән беруі керек.Облыс әкімі аудандағы қылмыстардың ашылу деңгейі төмен екенін айтты. Осы көрсеткішті талдап, кейбір елді мекендердегі ахуалға қатысты тапсырмалар жүктеді. Қоғамдық және ардагерлер кеңестерінде жағдай жан-жақты талқыланып, әділ баға берілуі тиіс. Ауылдардағы қылмысты болдырмау және алдын алу үшін құқық қорғау органдарымен бірлескен жұмыстар үздіксіз жүргізілуі керек.<figure class="image"><img src="https://knadmin.beoblood.kz/uploads/347238395_972805540741614_7625494310266352644_n_d7240e8999.jpg" alt="347238395_972805540741614_7625494310266352644_n.jpg"></figure>

Нұрлыбек Нәлібаев: Ауылға барынша қаржы тарту қажет

<a href="https://kyzylorda-news.kz/">Kyzylorda-news.kz.</a>&nbsp; Бүгінде Аймақ басшысы Нұрлыбек Машбекұлының жүзеге асырылатын жобаларды әзірлеу барысында халыққа бірінші кезекте қажетті құрылыстарға басымдық беру тапсырмасына сәйкес, аудан көлемінде жолдарға асфальт жабындылары төселіп, орташа жөндеу жұмыстары жүргізілуде.Өз кезегінде бүгін аудан әкімі Берік Сәрменбаев, облыстық мәслихат депутаты Жұмабек Ембергенов, «AMANAT» партиясы Сырдария аудандық филиалының атқарушы хатшысы Еркебұлан Жақып Тереңөзек кенті мен Шаған ауылындағы бірқатар көшелердегі жол жөндеу жұмыстарының барысымен танысты.Ең берінші кезекте &nbsp;аудан әкімі Тереңөзек кентіндегі Қ.Бөдеев көшесінің жөндеу жұмыстарына барды. Жөндеу жұмыстарын «Айзон» жауапкершілігі шектеулі серіктестігі жасауда. Аудан әкімі мердігер мекемеге атқарылып жатқан құрылыс жұмыстарының сапалы, әрі уақытылы жүргізілуін тапсырды.&nbsp;Жалпы, биыл Тереңөзек кентінде 12 көшеге орташа жөндеу жұмыстарын жүргізу жоспарланған. Атап айтқанда, Қ.Бөдеев көшесі 2 км, Ә.Тоқмағанбетов көшесі 0,8 км, Ә.Тәжібаев көшесі 0,5 км, А.Алиакбаров көшесі 1,9 км, Айтбай арық көшесі 0,5 км, Д.Қонаев көшесі 1,3 км, Б.Момышұлы көшесінің 6 бөлігі, А.Тоқмағанбетов 2,4,5,6, Б.Өтепов, С.Усабаев, Ә.Найзабаев, Т.Қозыбаев көшелеріне жөндеу жұмыстары жоспарланып отыр. Бұл жұмыстар Шаған ауылында да жасалуда. Аталған ауылдың А.Атақаев көшесіне бүгінде орташа жөндеу жұмыстары жүргізілуде. Мердігер «Tech Service KZ» ЖШС-і. Айта кету керек, 2023 жылы 34 жобаға 1 млрд теңге қаржы бөлініп, 27,6 шақырымға асфальт жабындылары төселіп, орташа жөндеу жұмыстары жүргізілуде.&nbsp;Биыл Айдарлы, Жетікөл, Аманкелді ауылдарын қосатын «Қызылорда-Айдарлы-Тартоғай» автожолы 1,4 млрд. теңгеге, «Шымкент-Самара-Тереңөзек» трассасына 687,0 млн. теңгеге жөндеу жұмыстары атқарылуда.&nbsp;

Аудан әкімі жол жөндеу жұмыстарымен танысты

<a href="https://kyzylorda-news.kz/">Kyzylorda-news.kz.</a> Сырдария ауданының әкімі Берік Сәрменбаевтың төрағалығымен аудан әкімдігі отырысы өткізілген болатын. Ауданға қарасты кент, ауыл әкімдері мен дербес бөлім, сала басшылары қатысқан отырыста күн тәртібіне сәйкес, екі негізгі, бір қосымша мәселе қаралды.&nbsp;Ауданда газ және автомобиль жолдарын салу, реконструкциялау, жөндеу бойынша атқарылған және алдағы атқарылатын жұмыстар туралы аудандық тұрғын-үй коммуналдық шаруашылық, жолаушылар көлігі және автомобиль жолдары бөлімінің басшысы Нұржан Бисембаев &nbsp;хабарлады. Сонымен қатар Сырдария ауданында құрылыс нысандары бойынша атқарылған және алдағы атқарылатын жұмыстар туралы аудандық құрылыс, сәулет және қала құрылысы бөлімінің басшысы Абзал &nbsp;Кұшмұрзаев баяндама жасады.&nbsp;Өз кезегінде &nbsp;аудандық жастар ресурстық орталығының атқарылған жұмыстары және алға қойған міндеттері туралы аудандық жастар ресурстық орталығының директоры Нұрман Абдрасилов хабарлады.&nbsp;Аудан басшысы хабарламашылардың баяндамасына сәйкес, атқарылған жұмыстар мен нәтижелерге сәйкес, жауапты сала басшыларына тиісті тапсырмалар жүктеді. Атап айтқанда, құрылыс саласы, автомобиль жолдары, газдандыру бойынша жүргізіліп жатқан жобаларды қадағалау, мемлекеттік сатып алу жұмыстары жүргізілген нысандарға уақытылы келісім шарт жасау, ауыз су жүйелерінің жұмыстарын сапалы жүргізу және ауыл жастарына мемлекеттік бағдарламалар мен жобаларды түсіндіру жұмыстарын ұйымдастыру және басқа да тапсырмалар жүктелді.&nbsp;

Берік Сәрменбаев: Құрылыс жұмыстары сапалы орындалуы тиіс

<a href="https://kyzylorda-news.kz/">Kyzylorda-news.kz.</a> Бүгінде аудан әкімінің халық алдында жыл басынан бері атқарылған жұмыстарға есеп беруінің аяқталуына жақын қалды. Сырдария ауданынан шалғайда жатқан елді мекендерден бастаған кездесу алдын ала белгіленген кестеге сәйкес жалғасты. Әдеттегідей кездесуді аудан басшысы халықтың алдында аяғынан тік тұрып, жабық залда емес, ашық аспан астында өткізді.Аудан әкімі Б.Сәрменбаев Қалжан ахун және С.Сейфуллин ауылдық округі тұрғындарымен есепті кездесу өткізді. Кездесуге құқық қорғау саласының қызметкерлері, дербес бөлімдер мен коммуналдық сала басшылары қатысты. Аудан әкімі алдымен аймақ бойынша атқарылған жұмыстар жайына тоқталып, алдағы жоспарлар туралы баяндады.Қазіргі таңда, Қалжан ахун елді мекеніне газ тарату желілерін салу жобасы және ауылдық фельдшерлік акушерлік бекетіне күрделі жөндеу жұмыстары жүргізілуде. Осы және өзге де мәселелер туралы ауыл тұрғындарының ұсыныс-пікірлері тыңдалды. Алдағы уақытта көгілдір отынның игілігін көретін ауыл тұрғындары тұрғын үйге газ кіргізу мәселелері төңірегінде сауалдарын жолдады.Сонымен қатар, С.Сейфуллин елді мекеніне газ тарату желілерін жүргізу жұмыстары үшін бастапқы қаржы бөлініп, мердігер мекеме анықталғаны ауыл тұрғындарына айтылды. Аудан орталығына жақын орналасқан елді-мекен енді аз уақытта табиғи газдың игілігін көрмекші. Сондықтан әрбір тұрғын үй жайын газ кіргізуге, қойылатын талаптарға сәйкес келуін осы бастан қолға алып, ыңғайластыруы керек.&nbsp;Ауыл тұрғындары өз кезегінде ауылға қатысты жол мәселесі, қоғамдық жұмысқа тарту, тұрғын үй салу және басқа да мәселелерді көтеріп, ұсыныстарын жеткізді.&nbsp;Кездесуде аудан басшысы Берік Сәрменбаев тиісті сала басшаларына тапсырмалар беріп, ұсыныстар хаттамаға түсірелітін айтты.&nbsp; &nbsp;

Қалжан ахун мен Сейфуллин ауылына табиғи газ келетін күн алыс емес

<a href="https://kyzylorda-news.kz/">Kyzylorda-news.kz.</a> Бүгін облыс әкімі Нұрлыбек Нәлібаев Қызылорда қаласындағы құрылыс нысандарын аралап, көркейту және абаттандыру жұмыстарымен танысты.Алдымен аймақ басшысы «Қорқыт ата» әуежайының жаңа жолаушылар терминалы құрылысы барысын көрді. Жоба демеушісі – «Болат Өтемұратов» жеке қоры нысанды келесі жылдың мамыр айында аяқтауды жоспарлауда. Құрылыстың жалпы құны 15 млрд.теңгені құрайды, тапсырыс беруші және мердігер мекеме – «Accent Development Solutions» ЖШС.Әрі қарай облыс әкімі Сұлтан Бейбарыс көшесін жөндеу жұмыстарымен танысты. Облыс орталығын көркейту үшін тұрғындардың сұранысы бойынша Сұлтан Бейбарыс көшесінің 1 шақырым бөлігі қайта жаңғыртылып, абаттандырылуда. Мердігер мекеме көшені 6 жолақты етіп кеңейтіп, субұрқақтарды орнатады. Құрылыс жұмыстары жылдың аяғына дейін жүзеге асырылмақ.Мұнан әрі Нұрлыбек Машбекұлы «Неке сарайының» құрылыс алаңына барды. Жалпы құны 1,6 млрд.теңгені құрайтын ауқымды жоба 2022 жылдың қыркүйек айында басталған. Биыл тамыз айында пайдалануға берілмек.Аймақ басшысы «Сырдария» шағын ауданындағы №1,2 үйлердің қасбеттерін заманауи панельмен қаптау жұмыстарын көрді. Еске салсақ, биыл облыс әкімінің бастамасымен аймақтың ірі кәсіпкерлері бірқатар көпқабатты тұрғын үйдің қасбеттерін абаттандыруға қаражат бөлді. Нәтижесінде қаланың орталық көшелері ажарланып, көркейе түспек.Нұрлыбек Нәлібаев бірінші кезекте атқарылатын жұмыстардың сапасына назар аударуды тапсырды.<blockquote>«Ең бірінші кезекте жұмыс сапасына мән беру керек. Мейлі, ол ғимарат құрылысы, жол құрылысы болсын, су немесе газ жүргізсін, ең бастысы – сапа. Сондықтан жұмыс барысын күнделікті бақылау керек. Жобаны мақұлдау сатысынан бастап толық аяқталғанға дейін жіті қадағалаңыздар», – деді аймақ басшысы.</blockquote>Осындай жұмыстар Абай, Н.Назарбаев даңғылдары мен Ғ.Мұратбаев көшесінің бойындағы көпқабатты үйлерде де қолға алынуда. Тұрғын үйлердің аулаларында жөндеу жұмыстары жүргізіліп, балалар ойын алаңдары салынады.Ал, Ғ.Мұратбаев және Яссауи көшелерінің қиылысында теміржол арқылы өтетін жаяу жүргіншілер көпірі салынады. Көпірдің ұзындығы 55 метр. Нұрлыбек Машбекұлы әзірленген жобаның сапасына жоғары баға беріп, осы тұстағы көпір мәселесі өзекті екенін атап өтті. Бюджетті жоспарлау барысында алдымен халықтың көкейіндегі түйткілді мәселелерге басымдық берілетінін қаперге салды. Аталған жоба бюджет қаражатын және уақыт үнемдеу мақсатында демеушілердің қаржысы есебінен жасалды. Нұрлыбек Машбекұлы жобаны әзірлеген компания өкілдеріне алғысын айтты.Облыс әкімі сол жағалаудағы құрылыс нысандарын да аралады. Мұнда өткен жылы тамыз айында облыстық қан орталығының құрылысы басталған болатын. Келер жылы наурыз айында 100 келушіге арналған емханасымен бірге 300 төсектік көпбейінді аурухана ашылады.<figure class="image"><img src="https://knadmin.beoblood.kz/uploads/349542262_806537014220809_4182338385166353290_n_3f59a7925e.jpg" alt="349542262_806537014220809_4182338385166353290_n.jpg"></figure>&nbsp;<figure class="image"><img src="https://knadmin.beoblood.kz/uploads/349991702_1003562440812018_3072542414799261793_n_551569ec92.jpg" alt="349991702_1003562440812018_3072542414799261793_n.jpg"></figure>&nbsp;<figure class="image"><img src="https://knadmin.beoblood.kz/uploads/350070597_260410039989584_4741927469839545036_n_2e508a65f6.jpg" alt="350070597_260410039989584_4741927469839545036_n.jpg"></figure>&nbsp;<figure class="image"><img src="https://knadmin.beoblood.kz/uploads/350101468_578910927687283_1781689766881028683_n_8457254883.jpg" alt="350101468_578910927687283_1781689766881028683_n.jpg"></figure>&nbsp;<figure class="image"><img src="https://knadmin.beoblood.kz/uploads/350313768_1075042843456581_1487225755683885708_n_87c3b57678.jpg" alt="350313768_1075042843456581_1487225755683885708_n.jpg"></figure>

Аймақ басшысы облыс орталығындағы бірқатар нысандардың жұмысымен танысты

<a href="https://kyzylorda-news.kz/ru">Kyzylorda-news.kz.</a> Сырдария ауданына қарасты Қалжан ахун ауылы аудан орталығына жақын орналасқан елді мекеннің бірі. Киелі мекен дін қайраткерінің есімімен аталады. Мұнда ғұлама ұстаздың мешіт-медресесі бар. Ауыл халқы 215 отбасын құрап, онда 1130 халық тұрады. Оның ішінде 3 тыл ардагері, 114 зейнеткер, 30 мүмкіндігі шектеулі жандар, 20 Алтын алқа және 17 Күміс алқа иелері бар.Ауылдық округ әкімі Ғалымжан Әкбарұлы ауылда атқарылған жұмыс барысы туралы әңгімелейді. Ең бірінші газдандыру мәселесіне тоқталған ауыл әкімі:Елді мекенін газдандыру жұмыстары бойынша республикалық бюджеттен 298,0 млн теңге қаржы бөлініп, облыстық бюджеттен 32,5 млн теңге барлығы 330,5 млн теңге қаржы қаралып, мемлекеттік сатып алу жұмыстары жүргізілуде. Сондай-ақ, ауылдағы спорт алаңына жасанды жабынды төсеу жұмысы бойынша "Сүндетбай" шаруа қожалығы 4,2 млн теңгеге демеушілік көрсетіп, жасанды төсеніш төселіп, сырлау, жарықтандыру жұмыстары аяқталып, пайдалануға берілді. Ауылдағы Қайқы батыр көшесін жөндеу жұмыстарына байланысты аудандық тұрғын үй-коммуналдық шаруашылық, жолаушылар көлігі және автомобиль жолдары бөлімі мамандарымен бірлесіп ақау актісі жасалып, аудандық мәслихат депутаты, "БАҚ" шаруа қожалығының төрағасы С.Әбжалиевтің демеушілік көрсетуімен жобалық сметалық құжаты дайындалды. 2023 жылы жөндеу жұмыстарына қаржысы бөлініп, мемлекеттік сатып алу жұмыстары жүргізілді.Сонымен қатар «Ескі Бостандық» каналының су жүрмей қалған тұстарына демеушілер көмегімен тазалау жұмысын жүргізу мәселесі бойынша "Ескі Бостандық" каналының су жүрмей қалған тұстарын тазалау жұмыстарын "БАҚ", "Нұрбек", "Сүндетбай" шаруа қожалықтары елді мекенге аяқ су беру маусымы басталған уақытқа дейін тазалау жұмыстарын атқарды.Ауылдық фельдшерлік акушерлік бекетінің (ФАБ) ғимаратына күрделі жөндеу жұмыстарына облыстық бюджеттен 47,8 млн. теңге бөлініп,аудандық аурухана арқылы қүжаттары дайындалып мемлекеттік сатып алу жұмыстары жұргізуге облыстық &nbsp;денсаулық сақтау басқармасына ұсынылды.Атқарылған жұмыстардың қатарында балалар ойын алаңын жөндеу бойынша ауылдық округі әкімі аппаратының қызметкерлері балалар ойын алаңының қоршауы бағандарының, әткеншектердің, сырғанақтардың түптерін бетондап, орындықтарын жасанды терімен қаптап, жөндеу жұмыстары бар.&nbsp;№126 орта мектептің әжетхана құрылысын жүргізуге білім бөлімі тарапынан жалпы құны 22,7 млн. теңге болатын жобалық смета құжат дайндалып, облыстық тиісті басқармаға қаржыландырылуға енгізілді.Қалжан ахун ауылдық округі әкімінің аппаратының 2022 жылға арналған қаржыландыру жоспары бойынша 69623,2мың теңге болып нақтыланып, 1 қаңтарға 69401,6 мың теңге 99,7 пайызға игерілді.2023 жылдың 1 қаңтарына жеке тұлғалардан алынатын мүлік салығы жоспары 81 мың теңге болса, орындалуы 83,9мың теңге 103,6 пайызға, көлік құралдары салығы жоспары 1560,0 мың теңге орындалуы 1273,7 теңге &nbsp;81,6 пайызға болып орындалды, салықтан тыс түсімдер 124,5 мың теңгеге жоспраланып 195,7 пайыз орындалды.Санитарлық тазалық, көркейту жұмыстарына тоқталған ауыл әкімі «БАҚ» шаруа қожалығымен 500,0 мың теңгеге келісім шартқа отырып, ауылдағы қораларды тазалау жұмыстары, көшедегі қоқыстарды тазалау жұмыстары жүргізілді. Сонымен қатар көшелерді ластап, бей берекет жүрген малдарды елді мекен сыртына айдап шығаруға 2 жұмыссыз азамат қоғамдық жұмысқа тартылды.&nbsp;Ауылда қоғамдық кеңес, үкіметтік емес ұйымдары белсенді жұмыс жасайды. Аудан әкімінің Қалжан ахун ауылында шешімін табуы тиіс әлеуметтік және экономикалық мәселелерді жергілікті қоғамдастық жиналысында қарап, қоғамдастық мүшелерінің келісімімен ұсынылуын назарда ұстасын тапсырмасына сәйкес, қоғамдастық жиынында елді мекендегі проблемалық мәселелер көтеріліп, талқыланып келеді. &nbsp;2022-2023 оқу жылында мектептегі 2 даярлық сыныбында 26 бала тәрбиеленді. Оқу жылында мектептегі сыныптар саны – 15, оқушылар саны – 216. Оқушылар екі ауысымда оқиды. Былтырғы оқу жылында 12 оқушы мектеп бітіріп, 12 оқушы Ұлттық бірыңғай тестілеуге қатысты. Орташа балл 70. Ұлттық бірыңғай тестілеуге қатысқан 12 оқушының 12-і мемлекеттік грант иегері атанды.&nbsp;Мектептегі жалпы мұғалімдердің саны – 46. Оның ішінде &nbsp;41 мұғалім жоғары білімді, 5-уі арнаулы орта білімді. Мектеп толық педагог мамандармен қамтылған. Мұғалімдердің біліктілік санаттары бойынша 6 мұғалімде педагог-зерттеуші, 17 мұғалімде педагог-сарапшы, 19 мұғалімде &nbsp;педагог-модератор біліктілік санаты бар.«Гүлдер» бөбекжай балабақшасы» коммуналдық мемлекеттік қазыналық кәсіпорны барлығы 2-5 жас аралығында 3 топпен 70 бала қабылданып, тәрбиеленуде. Балабақшада 24 қызметкер бар. &nbsp;Педагогтар саны – 11, оның &nbsp;ішінде жоғары білімді мамандар саны – 9, модератор санатында – 2 педагог, сарапшы санатында – 3 педагог жұмыс жасайды.&nbsp;Ауылдық клубта 5 үйірме жұмыс жасайды, оған 56 өнерпаз тартылған. 2022 жылдың 12 айында 41 мәдени көпшілік іс-шара өткізілген. Кітапханада 22809 кітап қоры, 660 оқырманы &nbsp;бар және 8 орындық оқу залы бар. Жыл көлемінде көркем әдебиеттер мен балалар әдебиеттерін насихаттау тақырыптары бойынша 63 мәдени іс-шара өткізілді.Қалжан ахун ауылының тұрғындарына 1 фельдшерлік акушерлік пунктте 3 орта буын қызметкері медициналық қызмет көрсетеді. Өткен жылы ауылда туу 22 бала дүниеге келген.<blockquote>– Ауыл шаруашылығы құрылымдары 2022 жылы барлығы 1227 гектар жерге күріш (өнімділігі 54,7 ц/га, барлығы 67109 ц), жаңа жоңышқа 157 га (өнімділігі 1,0 ц/га, барлығы 157 ц), ескі жоңышқа 337 га (өнімділігі 26,2 ц/га, барлығы 7530ц), картоп 11 га (өнімділігі 180 ц/га, барлығы 1980 ц), көкөніс 9 га (өнімділігі 195 ц/га, барлығы 1755 ц), бақша дақылдары 10 га (өнімділігі 206 ц/га, барлығы 2060 ц) орналастырылды. «БАҚ» шаруа қожалығы 523 га күріш, 87 га жаңа жоңышқа, 180 га ескі жоңышқа, &nbsp; &nbsp;«Нұрбек» шаруа қожалығы 550 га күріш, 70 га жаңа жоңышқа, 130 га ескі жоңышқа,«Бекпенбетова» шаруа қожалығы 31 га жерге күріш,27 га ескі жоңышқа, «Сүндетбай» шаруа қожалығы 123 га жерге күріш орналастырды. "Қыдырбаев" шаруа қожалығы 3 га жерге көкөніс, картоп, бақша өнімдерін орналастырды. Сонымен қатар, 2022 жылы ауылдық округ бойынша жеке құрылымдар есебінен 27 га жерге көкөніс, бау бақша, картоп дақылдарын екті. Ауылдық округ бойынша 2022 жылы ауыл тұрғындары мен шаруа қожалықтарының есебінде 856 бас ірі қара, 827 бас уақ мал, 668 бас жылқы және 399 бас құс тіркелген, – дейді ауыл әкімі.&nbsp;</blockquote>Жыл бойына ауылдағы шаруашылық құрылымдары мен жеке тұлғалар 9189,0мың теңге көлемінде әртүрлі демеушіліктер жасаған. «Нұрбек» фермер қожалығы, «БАҚ» шаруа қожалығы, «Сүндетбай» шаруа қожалығы, жеке тұлғалар қайымыдылық іс-шараларына қатысқан. Сонымен қатар "Углесбыт" ЖШС тұрмысы төмен 1 отбасына тұрғын үй құрылысына, 1-маусым балаларды қорғау күніне Қызылорда қаласы тұрғыны Б.Еркебаев, ауылдық округі әкімі аппараты ұжымы демеушілік жасады. &nbsp;&nbsp;Ауылдық округ бойынша 2023 жылы 1 қаңтарына 510 экономикалық белсенді халық тіркелген. Жұмыссыз ретінде тіркеуге алынған 64 адамның 20-ы тұрақты жұмысқа, 30-ы ақылы қоғамдық жұмысқа, 5 азамат әлеуметтік жұмыс орнына, 8-і жастар тәжірибесіне, 1-і алғашқы жұмыс орнына, 1-і ұрпақтар келісімі жобасына жолданған.&nbsp; 2022 жылы ауылдық округ бойынша 11 отбасының 62 мүшесіне атаулы әлеуметтік көмек алуға құжат тапсырып, қаржылай және азық-түлік пакеттері көмегін алған.&nbsp;Қалжан ахун ауылдық округінде тіркелген кәсіпкерлер субъектілерінің саны – 67, оның ішінде: жеке кәсіпкерлер – 50, шаруа қожалықтары – 17. &nbsp;«Микробизнес Қызылорда» бағдарламасы бойынша 6,0 млн.теңгені құрайтын «Айналым қаражатын толықтыру (құрал жабдықтар алу)»,«Мал басын көбейту (жылқы)»2 жобасы (Маханбетова Гулмира 2,0 млн теңге, Бакуов Марат 4,0 млн. теңге )қаржыландырылды. Жылқы басын көбейту – құны 7,0 млн теңге, жоба үйлестірушісі Қыдырбаев Төрехан (Сырдария-1 несие серіктестік) арқылы қаржыландырылды.&nbsp;2021-2025 жылдарға арналған кәсіпкерлікті қолдаудың ұлттық жобасы аясында &nbsp;жаңа бизнес-идеяларды іске асыруға арналған мемлекеттік грант бойынша барлығы 11 жоба 13,5 млн теңгеге қаржыландырылды.&nbsp;«КазАгроҚаржы» АҚ арқылы және жеке қаражат есебінен ауылшаруашылығы техникасы мен құрал жабдық алғандар: «Нұрбек» ф/қ – құны 11,5 млн теңге (лазерный планировщик), «Бақ» ш/қ – құны 11,5 млн теңге (лазерный планировщик).2023 жылы атқару жоспарланған жұмыстар жайында айтқан ауыл әкімі ең алдымен Қайқы батыр көшесін орташа жөндеу жұмыстары, Қалжан ахун елді мекенін электрмен жабдықтау жобалық сметалық құжатын дайындау демеушілік есебінен, Қалжан ахун елді мекенін газдандыру жұмыстары жүргізілетініне тоқталды. Сондай-ақ ауылдық ФАБ ғимаратын күрделі жөндеу, №126 орта мектептің әжетхана құрылысын жүргізу, "Ескі Бостандық" каналын күрделі жөндеу жұмыстары, тұрмыстық қатты қалдық жинайтын аймақ құрылысы, Қалжан ахун Бөлекбайұлы сағанасының төбесін жабу алдағы жылдың жоспарында орындалатын мәселелер. &nbsp;

Қалжан ахун ауылында 11 жобаға мемлекеттік грант тағайындалған

<a href="https://kyzylorda-news.kz/">Kyzylorda-news.kz.</a>&nbsp; ҚР Премьер-Министрі Әлихан Смайыловтың төрағалығымен өткен Үкімет отырысында азаматтық авиацияны дамыту мәселелері, АИТВ инфекциясының алдын алу мен емдеудің кешенді шаралары қаралды. Жауапты сала басшылары баяндама жасап, тиісті тапсырма алды.Үкімет отырысынан кейін облыс әкімі Нұрлыбек Нәлібаев өткізген мәжілісте берілген тапсырмаларды өңірде орындау мәселелері талқыланды.Аймақ басшысы жергілікті әуежайда орындалатын рейстер санын ұлғайтып, қызмет сапасына жете мән беруді тапсырды.<blockquote>«Өздеріңіз білесіздер, «Болат Өтемұратов қоры" «Қорқыт ата» әуежайының жаңа жолаушылар терминалын салуда. Құрылыс жұмыстарын жоспарланған мерзімнен 4 ай бұрын, яғни2024 жылдың мамыр айында аяқтау көзделген. Қызылорда қаласы әкімдігіне әуежайдың сыртқы инженерлік-коммуникациялық инфрақұрылымдарын жеткізу және аумағын абаттандыру жүктелген. Бұл жұмыстарды мерзімінде аяқтауды қатаң тапсырамын», - деді Нұрлыбек Машбекұлы.</blockquote>Айта кетейік, Қызылорда қаласының «Қорқыт Ата» әуежайы арқылы 2023 жылдың 22 мамырынан бастап аптасына 24 тұрақты рейс орындалуда. Оның ішінде Астана қаласына 12, Алматыға 12 рейс қатынайды.Осыған байланысты, облыстық жолаушылар көлігі және автомобиль жолдары басқармасына жазғы мезгілде облыс халқының сұранысына қарай әуе рейстерінің санын көбейту бағытында жұмыстар жүргізу тапсырылды. «Ашық аспан» режиміне қосылу арқылы бәсекелестік орта қалыптастыру үшін шетелдік компанияларды тарту және чартерлік рейстерді көбейту мүмкіндігін қарастыру керек.Әуе кемелерінің ұшу қауіпсіздігін сақтауда «Қорқыт Ата» əуежайына жақын орналасқан тұрғын үйлер (саяжай) және ауылшаруашылық мақсатындағы жер учаскелеріне қатысты мәселе біраздан бері көтеріліп келеді.Күн тәртібіндегі екінші мәселеге келсек, Сыр өңірі адамның иммун тапшылығы вирусы инфекциясының (АИТВ) тіркелуі төмен облыстардың қатарында. Әйткенмен оны жұқтырғандардың 1 жыл ішінде 9-ға артуы шұғыл тиісті шаралар қабылдауды қажет етеді. Облыстық денсаулық сақтау басқармасы АИТВ инфекциясының алдын алу мен емдеудің кешенді шараларын Денсаулық сақтау министрлігі бекіткен алгоритмге сәйкес ұйымдастыруы тиіс. Сонымен бірге қоғамдық даму басқармасымен бірлесіп өңірдегі телеарналардың, баспа БАҚ пен интернет ресурстардың әлеуетін пайдаланып, халық арасында АИТВ инфекциясын жұқтырудың алдын алуға бағытталған ақпараттық-түсіндірме жұмыстарын күшейту жүктелді.<figure class="image"><img src="https://knadmin.beoblood.kz/uploads/349700123_1606983256463304_3417031482149056661_n_d3e914dd9f.jpg" alt="349700123_1606983256463304_3417031482149056661_n.jpg"></figure>&nbsp;<figure class="image"><img src="https://knadmin.beoblood.kz/uploads/350015855_2557433067738374_9126029832925193846_n_231c9c6d9b.jpg" alt="350015855_2557433067738374_9126029832925193846_n.jpg"></figure>

Қазақстан және Қызылорда облысының жаңалықтары: Экономика