<a href="https://kyzylorda-news.kz/">Kyzylorda-news.kz.</a>&nbsp; Сырдария ауданының құрамына кіретін Ақжарма ауылдық округі бойынша 519 отбасында 2800 халық тұрады Негізінен, экономикалық белсенді халық саны 1197 адам болып табылады. Оның ішінде, 746 жастар, &nbsp;270 зейнеткер, 90 мүгедек,17 тыл ардагері, 37 «Алтын алқа» және 46 «Күміс алқа» иелері бар. Ауыл шаруашылығы саласына иек артатын ауылдың тыныс-тіршілігі көпшілікке аян. Өз кезегінде ауыл тұрғындарының мәселесі назардан тыс қалған емес. 2022 жылы жеке тұлғалардан жер учаскелеріне байланысты барлығы 16 өтініш келіп түсіп, заң талаптарына сәйкес қанағаттандырылған. Ауылдық округ әкімшілігінде &nbsp;39 шешім, 142 өкім шығарылған.Өткен жылы елді мекенде ауқымды жұмыстар жүргізілді. Жалпы, ауыл әкімшілігің келтірген мәліметіне сүйенсек, былтыр елді мекен бойынша М.Әукенов, Т.Балапанов, О.Ысқақов, Е.Омаров көшелеріне орташа жол жөндеу жұмыстары жүргізіліп, толықтай аяқталды. Аталған жобаның құны – 164 459,4 мың теңгені құрайды. Сонымен бірге ауылды көркейту-көгалдандыру жұмыстары тұрақты түрде жүзеге асуда. Көше жарығын күтіп ұстауға да, едәуір қаржы бөлінген. Бұл ретте, Садық-Ахун көшесінің бойынан &nbsp;«Ақжарма-2» шаруа қожалығы демеушілігімен жасыл желек орнату үшін 0,7 га жер ашылып, арықталды. Аталған аумақ қоршаланып, 1350 дана тал егілді. М.Әукенов көшесінің бойынан «Ақжарма и К» фермер қожалығы демеушілігімен жасыл желек орнату үшін 0,4 га жер ашылып, арықталды. Өз кезегінде аталған жердің барлығы тал егуге лайықтандырылды. &nbsp;Негізінен, ауыл тұрғындарын аяқ сумен қамтамасыз ететін «Дәулет арық» каналына облыстық табиғи ресурстар және табиғат пайдалануды реттеу басқармасы арқылы елді мекенді аяқ сумен қамтамасыз ету үшін, Ақжарма ауылдық округіне 1 дана СНП-500 электірлі насос алынды. Трансформатор орнату үшін &nbsp;ЖСҚ құжаттары және жерге орналастыру актісі жасалынды. Сметалық құны 6,8 млн «Ақжарма-2» және «Ақжарма и К» шаруа қожалықтары электр желісімен бағандарын орнататын мекемемен келісім-шартқа отырып, орналастыру жұмыстары &nbsp;жүргізілуде.Әрине, адам денсаулығын күту – маңызды рөл ойнайды. Бүгінде ауылдық амбулаторияда барлығы 14 адам жұмыс жасайды. 2022 жылы 6250 адам белсенді түрде қаралып ем алса, профилактикалық байқаудан өткен ересектер саны – 3562 адам, балалар саны – 2274 болып табылады. Ауылда жаңадан туған бала саны – 62-і құрайды. Өз кезегінде Диспансерлік есепте тұратын науқастарға &nbsp;тиісті медициналық көмектер көрсетіліп келеді. Шұғыл және жоспарлы ем қабылдау үшін науқастарды аудан орталығына жолдама беру жүзеге асырылды. &nbsp; Өз кезегінде ауыл мәдениетін дамытуға зер салынып келеді. Мәселен, ауылдық клубта барлығы 8 қызметкер жұмыс жасайды. 2022 жылы мәдениет үйі ұжымының ұйымдастыруымен барлығы 49 мәдени, оның ішінде, аудандық – 2 шара өткізілді. Мәдениет үйінде «Ән», «Жас қалам», &nbsp;«Көркемсөз» үйірмелері жұмыс жасап келеді. 2022 жылдщың басынан бері ақылы қызмет көлемі 788,0 мың теңге болып жоспарланып, аталған жоспар 100 % пайызға орындалды.Білім саласында қатысты ілкімді істер үнемі жалғасын тауып келеді. Негізінен, 2021-2022 оқу жылы бойынша 11-сыныпты бітірген 31 оқушының ҰБТ-ға 29-ы қатысып орташа балы 70 пайызды құрады. &nbsp; ҰБТ-дан ең жоғары балы 94-ды құрады. &nbsp;3 оқушы «Үздік аттестатпен» бітірді. Абай атындағы оқушылар саны – 553, 2022-2023 жылы бітіретін оқушылар саны – 42, ҰБТ қатысатыны – 40 болып табылады. Ақжарма ауылында жаңадан спорт кешені салынғаны баршаға мәлім. Бүгінде ауыл жастары &nbsp;спортпен тұрақты түрде шұғылдануда. &nbsp;Елді мекенде 2018 жылдан бері жабық спорт сауықтыру кешені жұмыс жасауда. Онда қазақ күресі, белбеу күресі, дзюдо және футбол, волейбол спорт түрлерінен 6 жаттықтырушы жұмыс жасайды. Ересектерден бөлек, 220 бала спорт түрлерімен шұғылдануда. Ауылда әскери міндеттілер саны – 528, әскерге шақырушылар саны – 183. Оның ішінде, 42 азамат әскерге &nbsp;шақырылып зерделенгені 8 болса, соның ішінде 6 азамат &nbsp;Отан алдындағы борышын өтеуде. Медициналық &nbsp;сараптамадан &nbsp;өтпей жалтарып жүргендер жоқ.&nbsp; Қазіргі уақытта &nbsp;Ақжарма ауылында кәсіпкерлік саласын өркендетуге барынша жұмыс жасалуда.&nbsp;Ақжарма ауылдық округінде тіркелген кәсіпкерлік субъектілерінің саны – 160-і құрайды. Оның ішінде, жеке кәсіпкерлер – 103, шаруа қожалықтар – 48, ЖШС, АӨК – 14. Жұмыс жасап тұрған кәсіпкерлік субъектілері – 150, кәсіпкерлік субъектілерінің пайыздық үлесі – 94 пайызды көрсетіп &nbsp;отыр. «Жұмыспен қамту жол картасы» Атамекен қаржы ұйымы арқылы «Жылқы басын көбейту жобасы» бойынша 3 жоба, жоба құны – 12,4 млн теңге қаржыландырылды. «МикроБизнес Қызылорда» бағдарламасы арқылы 2 жоба, «Наубайхана кеңейту жобасы» жоба құны – 3,0 млн, «МІҚ мал басын көбейту жобасы» жоба құны-5,0 млн теңге қаржыландырылды. «Аграрлық несие корпарациясы» арқылы 2 жоба «Егін шаруашылығы» бойынеша, 4 жоба, «МІҚ мал басын көбейту» және «Жылқы басын көбейту жобасы» 15,5 млн теңге құрайды. «Аграрлық несие корпарациясы» арқылы 6 жоба, жоба құны – 137,5 млн теңге қаржыландырылған. Ақжарма ауылдық округі бойынша егін егетін шаруашылықтар «ҚазАгроҚаржы» АҚ-ы арқылы және жеке қаражат есебінен ауыл шаруашылығы техникалары мен құрал жабдық алынды. Ауылдық округ бойынша жыл басына бастап несие гранттар бойынша 22 жоба, шаруашылықтар техника алу бойынша 4 жоба алынды.&nbsp;Ауылдық округ бойынша жұмыссыз ретінде тіркеуге алынған 98 адамның 39-і тұрақты жұмысқа, 58-і ақылы қоғамдық жұмысқа, 15-і жастар тәжірбиесіне, «Күміс жас» – 1 және 2-і алғашқы жұмыс орнына жолданды. Атаулы әлеуметтік алатын отбасы саны – 11, адам саны – 56. Ауылдық округ бойынша 2022 жылы ауыл тұрғындары мен шаруа қожалықтарының есебінде 3575 бас ірі қара, 2104 бас уақ мал, 1740 бас жылқы және 1653 бас құс тіркелген. Ауылдық округ бойынша бақша өнімдері картоп 20 гектар, көкөніс 10 гектар, бақша 11 гектар болып табылады.&nbsp;<blockquote>&nbsp;Өткен жылы бірнеше жоба бойынша жұмыстар жүргізілді. Ақжарма ауылында «Ауыл – ел бесігі» мемлекеттік бағдарламасы аясында &nbsp;біршама жұмыстар атқарылды. &nbsp;Биыл Ақжарма ауылдық округінің қатты қалдықтарды орналастыру жұмыстары бойынша қоршауды ұйымдастыру, Ақжарма &nbsp;ауылдық округінің жасыл белдеу орналастыру бойынша тиісті жұмыстарды жүргізу, елді мекен бойынша өзекті жұмыстарға жобалық сметалық құжаттарды әзірлеу – күн тәртібінен түспейді. &nbsp;Салық базасын ұлғайту бағытында іс-шараларды қамтамасыз ету, &nbsp;ауыл тұрғындары арасында кәсіпкерлікті қолдау іс-шараларын жүргізу, түрлі бағдарламалар арқылы қаржылық мүмкіндіктерге қолдау көрсету жүргізіледі. Әрине, біздің ауылымызда кәсіпккерлік нысандары көптеген жұмыстар жасауда. Ірі қос шаруашылығымыз халықтың әлеуметтік жағдайын жақсарту мақсатында демеушілік жасауда, – дейді ауыл әкімі Ерлан Ешмұратов.&nbsp;</blockquote>Иә, ауыл дамыса, халықтың әл-аухатын жақсаратыны сөзсіз. Қашанда ауылдың экономикалық әлеуеті өркендей берсін демекпіз.&nbsp; &nbsp;&nbsp;

Ақжарма ауылында ауыл шаруашылығы саласы өркендеу үстінде

Қызылорда облысының әлеуметтік-экономикалық дамуы талданды

<a href="https://kyzylorda-news.kz/">Kyzylorda-news.kz.</a>&nbsp; &nbsp;Ауыл – алтын тамыр. Мемлекет басшысы Қасым-Жомарт Кемелұлы Тоқаев 2023 жылды «Ауыл жылы» деп атауды ұсынған болатын. Ауыл десе елең етпейтін қазақ кемде-кем болар. Ауыл – қазақ үшін қасиетті мекен. Ауыл қазақы тәрбиенің қайнар көзі, дәстүр мен ділдің ордасы.КезіндеБейімбет Майлин «Гүлденсе ауыл – гүлденеміз бәріміз!» деп жайдан-жай айтпаса керек-ті. Мақал-мәтелге айналып кеткен бұл сөздің астарында терең шындық бар. Ауыл деген – қазақ. Ауылдың жағдайы жақсы болса, қазақтың да төрт құбыласы тең.Бүгінде аудан орталығына қарасты ауылдық округтерге ерекше мән беріліп, мемлекет тарапынан қолдау көрсетілуде. Соған сай ауылдық жерлерде жаңа кәсіп түрлері дамудың даңғыл жолына түсіп, жаңашылдықтар бастау алуда. Осы ретте ауданға қарасты Іңкәрдария ауылдық округінің әкімі Сәулет Есдәулетовпен арнайы сұхбат құрып, тәтті қауын мен қарбыздың, бау бақша дақылдарының ордасына айналған елдімекеннің бүгінгі жай күйімен танысуды жөн көрдік.– Сәулет мырза, бүгінде мақтаулы ауылдар қатарынан көрініп, халыққа дәмі тіл үйірер тәтті қауын, қарбызымен аты танылған Іңкәрдария ауылдық округі туралы жалпылай айтып өтсеңіз?– Іңкәрдария ауылының 2022 жылғы әлеуметтік экономикалық дамуының қорытындылары туралы сөз қозғайтын болсақ, жалпы Іңкәрдария ауылдық округі бойынша 160 отбасы тіркелген. Яғни 815 халық тұрады. Экономикалық белсенді халық саны – 358-ді көрсетсе, ол жалпы халықтың 43,9% құрайды. Жыл бойына облыс орталығы мен аудан орталығына күнделікті автобус қатынайды. &nbsp;Қоғамдық көлік көпшілікті тасымалдап, халыққа тиімді қызмет көрсетуде. Ауылда мектеп, шағын орталық, емхана, ауылдық клуб үйі, кітапхана, ветеринарлық станция, қазпошта байланыс бөлімшесі халыққа қызмет көрсетеді. Ауылдық округте 7 көше бар. Ауылда 5 тыл ардагері, 63 зейнеткер, 35 мүгедек, 11 «Алтын алқа» және 10 «Күміс алқа» иегерлері бар. Мемлекеттің негізгі байлығы – адам болса, ауылдың үлкендері әр іске бастамашы болып, ақ тілеулес болып отырса, жалынды жастарымызбен мақтанамыз. Ал келер ұрпақтан күтеріміз мол. 2022 жыл бойына жеке тұлғалардан жер учаскелеріне &nbsp;байланысты барлығы үш өтініш &nbsp;келіп түсіп заң талаптарына сәйкес қанағаттандырылды. Ауылдық округі әкімі аппаратыннан он бес шешім, жүз алты өкім шығарылды. 2022 жыл бойына жеке және заңды тұлғалардан барлығы жеті өтініш түсіп, барлығы заңға сәйкес қанағаттандырылды.– Қай елді мекен болсын, мемлекет болсын өзінің білім саласымен, білім беру ұйымдарының жұмысымен бағаланатыны анық. Себебі білімді үрпақ – елдің ертеңі. Осы ретте ауылдық округтегі білім беру саласы туралы тоқталып өткен орынды болар.– Дұрыс айтасыз. Ауылдық округте бір орта мектеп ауыл балаларын білім нәрімен сусындандырып келеді. Елді мекенде орналасқан №191 орта мектебі алты жүз жиырма төрт орынға шақталған. Мектепте отыз жетімұғалім еңбек етіп, жас ұрпақ санасын білім нәрімен нұрландырып келеді. &nbsp;Олардың &nbsp;34-і жоғары білімді, 3-і арнаулы орта білімді. Сондай-ақ бірқатар пәндер электронды оқулықтармен оқытылып, ғаламтор желісі іске қосылған. Өткен2021-2022 оқу жылында 196 оқушы білім алды. Қарақасқа елді мекенінен он бір оқушы тасымалданып,төрт оқушы үйден оқытылады. 42 оқушы ыстық тамақпен және киім-кешекпен қамтылған. 2022 жылы 10 түлек мектепті аяқтап, 7 оқушы ҰБТ-ға қатысып, барлығы да жоғарғы оқу орындарында грант иегері атанды. Орташа балл 93ұпайды құрады. Сондай-ақ, мектеп жанынан ашылған «Еркетай» шағын орталығы өз жұмысын жүргізуде. Онда 2 топ бойынша 40 бала тәрбиеленуде. Шағын орталықта бір әдіскер, төрт тәрбиеші жұмыс жасайды.– Ауылдағы мәдениет ошағы ауылдық клуб, кітапхана туралы айтып, тоқталып өтсеңіз?– Ауылдық клубта барлығы жеті қызметкер жұмыс жасайды. Іңкәрдария ауылдық клуб үйінде 2022 жыл бойына елу төрт &nbsp;мәдени шара өтіпті. Осындай мәдени іс шараларға 5200 көрермен тартылыпты. &nbsp;Клуб үйінде бес үйірме жұмыс жасайды.Онда ауылдың талантты, өнерлі өрендері білікті мамандармен өз талаптарын шыңдауда. Сондай-ақ, Іңкәрдария ауылдық модульдық кітапханасы бар. Ондағы кітап қоры–18410. 2022 жылы 197 жаңа әдебиетпен толықтырылды. Жыл бойына алпыс алты мәдени іс-шара өткізіп, көпшілікке рухани жайлылық сыйлаған кітап ордасы өз қызметін қалтқысыз атқарып келеді.– Денсаулық сақтау саласы әрине алдыңғы қатардағы салалардың бірі. Осы тұрғыда ауылдық округтегі жағдай қандай?– Ауылдық фельдшерлік акушерлік бекеті тұрғындар денсаулығының жақсы болуы үшін тұрақты жұмыс жасап тұр. Ауылдық фельдшерлік акушерлік бекетінде барлығы сегіз адам жұмыс жасайды. 2022 жылы &nbsp;2002 адам белсенді түрде қаралып ем алса, профилактикалық байқаудан өткен ересектер саны – 73 адам, балалар саны – 270. &nbsp;2022 жыл бойына &nbsp;туылған бала саны – 14. Үйге шақырушылар саны – 259 адам. Сонымен қатар, диспансерлік есепте тұратын науқастарға &nbsp;тиісті медициналық көмектер көрсетіліп келеді.– Ауылдағы байланыс, пошта қызметі қалай?– Іңкәрдария ауылы бойынша 100 нөмірлік сандық АТС жұмыс істеуде. Қазіргі уақытта жеке тұрғындар бойынша – 80 телефон нүктесі, ал мекемелер бойынша 7 телефон нүктесі орнатылған. Елді мекен бойынша барлығы 60 интернет жүйесі орнатылған. Ауылдық пошта &nbsp;арқылы 2022 жылы &nbsp;зейнетақы, еңбекақы, &nbsp;жәрдемақы барлығы 42 миллионнан астам қаржы халыққа таратылып берілді.– Ауылдың негізгі шаруашылығы мал шаруашылығы мен егін шаруашылығы ғой. Осы сала бойынша сөз қозғасаңыз.– Ауылдық округ бойынша 2023 жылдың 1 қаңтарына ауыл тұрғындары есебінен (шаруа қожалықтарындағы малды қоса алғанда) 1387 бас мүйізді ірі қара, 281 бас қой, 424 бас ешкі, 959 басжылқы, 178 бас түйе, 340 бас құсбар.&nbsp; Төрт түлік малға ауылдық ветеринарлық пункт мамандары уақытылы емдеу, профилактикалық егу жұмыстарын жүргізіп келеді. – Ауылдағы қаржы бөлінісі, оның игерілуі маңызды. Осы ретте ашықтық саясатын ұстану қазіргі таңда басты мәселенің бірі. – 2022 жыл бойына арналған міндеттемелер мен төлемдер бойынша қаржыландыру жоспары 65 млн 873 мың &nbsp;теңге қаралып, 65 млн 645 мың теңгеге орындалып, 99,6% &nbsp;пайызға игерілді. Жылдық салықтың орындалуы бойынша2022 жылы жеке тұлғалардан алынатын жер және мүлік салығы жоспар – 46 200 теңге, &nbsp;орындалғаны – 102%. &nbsp;Заңды тұлғалар бойынша &nbsp;жер салығы &nbsp;жоспар – 18 000 теңге, орындалғаны – 100%. Көлік салығы бойынша жеке және заңды тұлғалардан жылдық жоспар – 1 500 000 теңге, орындалғаны – 103% &nbsp;болып отыр.– Қазіргі таңда ауылды да, қаланы да кәсіпкерліктің жандануымен қатар елестетеміз. Ауылдағы кәсіпкерлік саласы туралы не айтасыз?– Ауылдық округі бойынша 68 кәсіпкерлік субъектілері тіркелген. Оның жұмыс істеп тұрғаны – 61 оның ішінде: жеке кәсіпкерлер – 27, шаруа қожалықтары – 29 және жауапкершілігі шектеулі серіктестігі – 3, АӨК – 2. «Бастау-Бизнес» жобасы бойынша оқығандар саны 18 адам. 2021-2025 жылдарға арналған кәсіпкерлікті қолдаудың ұлттық жобасы аясында &nbsp;жаңа бизнес-идеяларды іске асыруға арналған мемлекеттік грант 1 225 200 теңге бойынша ауыл округтен &nbsp;6 адам грант алып, жұмыс жасауда. Сырдария-1 серіктестігі &nbsp;бойынша &nbsp;«Агробизнес» бағдарламасы арқылы 1 кәсіпкер 2,5 млн теңге несие алып жұмыс жасауда. Мақсаты – түйе малын көбейту. «Микробизнес-Қызылорда» бағдарламасы бойынша 1 кәсіпкер МІҚ мал басын көбейту мақсатында 2,0 млн теңге алды.«Агробизнес» бағдарламасы арқылы 3 жоба құжаттарын өткізіп, 4 550 000 теңгенің 1 жобасы қаржыландырылды. 2 жоба қаржысын күтуде.– Жұмыспен қамту және әлеуметтік қорғау саласы ше?– Ауылдық округ бойынша 358 экономикалық белсенді халық тіркелген. Барлық жұмысқа орналасқандар саны – 57. Оның ішінде 16 адам тұрақты жұмысқа, 35 адам ақылы қоғамдық жұмысқа, 5 адам жастар тәжірбиесімен, 1 адам ұрпақтар сабақтастығы арқылы &nbsp; жұмыс жасап тұрақты жұмысқа орналасты.2022 жылы &nbsp;атаулы әлеуметтік көмек 10 отбасына тағайындалып, тиісті қаражаттарын алды. – Өткен жылға өкпе жоқ демекші, өткен 2022 жылдың қорытындысы бойынша нақты атқарылған жұмыстарды тізбектеп шықсақ? – 2022 жылы ауылдың өсуі мен өркендеуі жолында біршама жұмыстар жүргізілді. Оның ішінде «Актам» каналына 14,8 шақырым жер механикалық тазалау жұмыстары жүргізілді. &nbsp;Жоба құны 37млн 400 мыңтеңге.Абай Құнанбаев, Қ.Сейдахметов &nbsp;көшелеріне ЖСҚ әзірленді. Жоба құны – 42613,650теңге. Жамбыл Жабаев &nbsp;көшесіне ЖСҚ әзірленді. Жоба құны – 23733,416теңге.Төле би &nbsp;көшесіне ЖСҚ әзірленді. Жоба құны – 22903,781теңге.Қазыбек би &nbsp;көшесіне ЖСҚ әзірленді. Жоба құны – 28106,625 теңге.Ғ.Мұратбаев көшесіне ЖСҚ әзірленді. Жоба құны – 23730,500 теңге.Балалар ойын алаңына ЖСҚ әзірленді. Жоба құны – 11 млн теңге.Көше жарығына әр-түрлі түсті диодтар (дюрелайын) орнатылды. &nbsp;Жоба құны–1млн161мың 400 теңге.Ауыл ішінде орналасқан спорттық ойын алаңына газон төсеніші төселді. Жоба құны– 2млн 325 мың теңге.Екі &nbsp;дана KY–560 дизельді насос алынды.– Ал алдағы жоспарлар қандай?– Алда атқарылуы тиіс жұмыстар көп. Таза әрі жанашырлық еңбекпен ауылды көркейтуге барымызды салғымыз келеді. Осы ретте бірнеше жұмысты атқару жоспарланып отыр. Оның ішінде А.Құнанбаев және Ж.Жабаев көшелерін орташа жөндеу,Іңкәрдария ауылдық округінің қатты қалдықтарды орналастыру жұмыстары бойынша құрылыс заттарын алып, демеушілік есебінен тиісті жұмыстарды ұйымдастыру, Іңкәрдария &nbsp;ауылдық округінің жасыл белдеу орналастыру жұмыстары бойынша құрылыс заттарын алып, демеушілік есебінен тиісті жұмыстарды ұйымдастыру жұмыстарын атап өтсек болады. Сондай-ақ салық базасын ұлғайту бағытындағы шараларды қамтамасыз ету, ауылдық фельдшерлік акушерлік бекетіне күрделі жөндеу &nbsp;жүргізу, алея салуға ЖСҚ дайындау, ауыл көшелерінің жарық шамдарын ауыстыру, ауыл тұрғындары арасында кәсіпкерлікті қолдау шараларын жүргізу, түрлі бағдарламалар арқылы қаржылық мүмкіндіктерге қолдау көрсету, Мүлкілан әулие мазарын қалпына келтіру жұмыстары жүргізілетін болады. Және ауыз су жину құбырын (башня)жаңадан ауыстыру көзделуде. &nbsp;

Іңкәрдария ауылында ауқымды жобалар қолға алынуда

<a href="https://kyzylorda-news.kz/">Kyzylorda-news.kz.</a>&nbsp; Өткен жылы Қызылорда облысына 400 млрд. теңгеден астам инвестиция тартылып, осы көрсеткіш бойынша еліміздегі үздіктер қатарынан көрінді. Бұл туралы облыс әкімі Нұрлыбек Нәлібаев Астанада Орталық коммуникациялар қызметінде өткен брифингте хабарлады.Аймақ басшысы өткен жылы атқарылған жұмыстар мен алдағы уақытта қолға алынатын жобалар туралы баяндады.<blockquote>«Ел Президенті мен Үкіметтің Сыр өңірін ерекше қолдауының арқасында тың жобалар жүзеге асуда. Облыс 2023 жылдың 4 айы қорытындысымен әлеуметтік-экономикалық дамудың макрокөрсеткіштері бойынша оң динамикаға қол жеткізді. Ауыл шаруашылығының жалпы өнімі 1,6, өңдеу өнеркәсібінің көлемі 1,9 пайызға, пайдалануға берілген тұрғын үйлер көлемі 2,4, сауда көлемі 2,5, инвестициялар тарту 42,1 және құрылыс жұмыстарының көлемі 44 пайызға артты.Бүгінде Қызылорда облысының бюджеті 593 млрд. теңгені құрайды, бұл 2022 жылғы бюджетпен салыстырғанда (387,3 млрд теңге) 205 млрд. 700 млн теңгеге, яғни 53 пайызға артық. Бюджеттің 64 пайызы немесе 378,6 млрд. теңгесі әлеуметтік салаға бағытталған», – деді Н.Нәлібаев.</blockquote>Өнеркәсіп өндірісінің 70%-ға жуық үлесін алатын тау-кен секторында мұнай өндіру қордың сарқылуы салдарынан 2013 жылдан бері 6,5 млн. тоннаға азайған. Мәселен 2013 жылы 10,5 млн. тонна мұнай өндірілсе, 2022 жылы оның көлемі небәрі 4 млн. тонна болды.Қазір жаңа кен орындарын игеру үшін «Шу-Сарысу» бассейнінде геологиялық-геофизикалық зерттеу жұмыстары аяқталып, Арал бассейнінің «Батыс» және «Шығыс» бөлігінде жалғасуда.Мұнан бөлек, өңірде шикізатқа тәуелділікті азайту үшін экономиканы әртараптандыруға бағытталған жобаларды іске асыру жалғасын таппақ. Атап айтқанда, индустрияландыру аясында өңірде құны 607,7 млрд. теңгені құрайтын 34 жоба жүзеге асырылуда. Бұл жобалар 6,3 мың адамды жұмыспен қамтуға мүмкіндік береді.Мемлекет басшысының тапсырмасына сәйкес Жалпыұлттық бірыңғай жобалар пулы қалыптасып, оған құны 907 млрд. теңгеден асатын 36 жоба енгізілді. Өткен жылы құны 5,1 млрд. теңге болатын 4 жоба іске қосылды. Олар – «Үй құрылысы комбинаты», «350 орындық мектепті кеңейту», «Балық өңдеу цехы», «Көкөніс сақтау қоймасы» жобалары. Биыл Сыр өңірінде құны 13,4 млрд. теңгенің 9 жобасы жүзеге асырылады. Бұл өңірге инвестиция тарту қарқынын арттыруға мүмкіндік береді.Атап өту керек, өткен жылы Қызылорда облысы инвестиция тарту қарқыны бойынша республика көлемінде алдыңғы қатардан көрінді. Өңір экономикасына 409,5 млрд. теңге инвестиция салынып, облыс еліміз бойынша 1-ші орынға шықты. Биыл 424 млрд.теңге көлемінде инвестиция тарту жоспарлануда.

Мемлекет басшысының қолдауымен Сыр елінде тың жобалар жүзеге асуда

<a href="https://kyzylorda-news.kz/">Kyzylorda-news.kz.</a>&nbsp; Қызылордада жұмыссыздық мәселесі оң шешімін тауып жатыр. Сыр өңіріндегі жұмыссыздық деңгейі 4,9 пайыз болды. Бұл туралы Қызылорда облысының әкімі Нұрлыбек Машбекұлы Нәлібаев Астана қаласындағы Орталық коммуникациялар қызметінде өткен брифингте айтты.<blockquote>«Халықты жұмыспен қамту, жаңа жұмыс орындарын ашу – басты міндеттеріміздің бірі. Президенттің 10 мың адамға 100 жаңа жұмыс орнын құру тапсырмасына сәйкес былтыр өңірде 12 мыңнан астам жұмыс орны құрылып, жылдық жоспар 263 пайызға орындалды. Осының нәтижесінде, жалпы жұмыссыздық деңгейі 4,9 пайыз, жастар арасындағы жұмыссыздық 4 пайызға төмендеді», – деді аймақ басшысы.</blockquote>Айта кетейік, биыл Қызылорда облысында «Өңірлік жұмыспен қамту жол картасы» бекітіліп, көрсеткішті 4,8 пайызға дейін төмендету көзделген.<blockquote>«Бүгінгі күнге Өңірлік картадағы жоспардың 43,3 пайызға орындалуына қол жеткіздік, яғни 19 мың жұмыс орны құрылды. Оның ішінде тұрақтысы – 6952 немесе 36,6%, уақытшасы – 12055 немесе 63,4%, 16 мыңға жуығы – жаңа жұмыс орындары», – деді Нұрлыбек Машбекұлы.</blockquote>Айта кету керек, қазіргі таңда Қызылорда облысындағы жұмыссыздық деңгейі республикалық көрсеткіштен төмен.

Сыр өңірінде жыл басынан бері 19 мың жұмыс орны құрылды

<a href="https://kyzylorda-news.kz/">Kyzylorda-news.kz.</a> Биыл Қызылорда облысында мемлекеттік бағдарламалар аясында ондаған әлеуметтік нысан салынбақ. Бұл туралы облыс әкімі Нұрлыбек Нәлібаев Астана қаласындағы Орталық коммуникациялар қызметінде өткен брифингте хабарлады.<blockquote>«Ауылда денсаулық сақтауды жаңғырту» ұлттық жобасы аясында 2023-2024 жылдары облыста 27 денсаулық сақтау нысаны бой көтереді. Қызылорда қаласында бір ауысымда 100 келушіге арналған емханасы және онкологиялық бөлімшесі бар 300 орындық көпбейінді аурухананың құрылысы басталды. Жобаның жалпы құны – 36,4 млрд. теңге», – деді аймақ басшысы.</blockquote>Мұнан бөлек, облыс орталығында 200 төсектік перинаталдық орталық салынады. Қазіргі таңда жоба-сметалық құжаттары әзірленуде.«Жайлы мектеп» ұлттық жобасы аясында алдағы3 жылда облыста 15 100 орынға арналған, құны 100 млрд. теңгеден асатын 21 мектеп бой көтермек. Биыл 10 мектептің құрылысы басталады.Өткен жылдың желтоқсан айында ҚР Премьер-Министрі Әлихан Смайыловтың Қызылорда облысына жұмыс сапары кезінде аймақтың өзекті мәселелері көтерілген еді. Сол жолы Қызылорда қаласында дарынды балаларға арналған физика-математика мектеп-интернатын салу «Білімді қолдау қоры» қаражаты есебінен қаржыландырылатын болып шешім тапты, бүгінде құрылыс басталды. Жобаның жалпы құны – 7,9 млрд. теңге.Үкімет басшысының алдында көтерілген тағы бір мәселе – сол жағалаудағы көпсалалы денешынықтыру-сауықтыру кешенінің құрылысы. Жергілікті бюджет есебінен жоба-сметалық құжаттама әзірленді. Жоба құны 6,9 млрд.теңге, құрылысы биыл басталады.Аталған тізімге облыс бойынша 1 775 орынға арналған4 мектептің қосымша құрылысы енгізілді. Құрылыс жұмыстары 2023-2024 жылдары аяқталады.Айта кетейік, өңірде өзге де әлеуметтік нысандар салынуда. Атап айтқанда, құны 1,6 млрд. теңгені құрайтын «Неке сарайы» тамыз айында пайдалануға берілмек. Жалпы құны 3,7 млрд. теңге болатын 1000 орындық «Өнер орталығы» желтоқсан айында, ал, сол жағалаудағы құны 2,7 млрд. теңгені құрайтын «Қан орталығы» 2024 жылы іске қосылады.

Сыр өңірінде 40-тан астам әлеуметтік нысан бой көтермек

<a href="https://kyzylorda-news.kz/">Kyzylorda-news.kz.</a> «Бүгінде Қызылорда облысында 265,3 мың гектар суармалы жер болса, оның 178,6 мың гектары – инженерлік жүйеге келтірілген ауыспалы егістік. Биыл су тапшылығына қарамастан егіс алқабын 7 мың гектарға ұлғайтып, жалпы 196 мың гектар алқапқа ауыл шаруашылығы дақылдары егілді». Бұл туралы облыс әкімі Нұрлыбек Нәлібаев Астана қаласындағы Орталық коммуникациялар қызметінде өткен брифингте баяндады.<blockquote>«Әртараптандыру жұмыстарын жалғастыру үшін малазықтық дақылдар көлемін 2300 гектарға, картоп, көкөніс және бақша дақылдарын 222 гектарға, негізгі дақыл – күріштің көлемін 5400 гектарға ұлғайттық. Әлеуметтік маңызы бар дақылдарды егіп, жинап алуға ынталы тұрғындар үшін өткен жылы арнайы жер телімдері бөлінді. Осы игі бастама биыл да жалғасып, қала мен аудандарда 3 мың гектардан астам жер берілді. Қазір 5488 отбасына жер телімдері беріліп, аяқ су жүргізілді. Оның нәтижесінде тұрғындар өздерін қажетті өнімдермен қамтамасыз ете алады», – деді аймақ басшысы.</blockquote>Айта кетейік, биыл азық-түлік қауіпсіздігін қамтамасыз ету және Сыр диқандарын мемлекеттік қолдау үшін «Азық-түлік келісім-шарт корпорациясымен» бірлесіп, күздегі күріш өнімін форвардтық сатып алу жұмыстары қолға алынды. Бүгінде 6000 тонна ақ күрішті сатып алуға 1,2 млрд. теңге қаржы бөлініп, облыстың 4 шаруашылығы «Азық-түлік келісім-шарт корпорациясы» ҰК» АҚ-дан келісім-шарт арқылы қаржы алды. Оны көктемгі дала жұмыстарына қажетті тыңайтқыш, жанармай, гербицидтер сатып алуға жұмсады.Украина ғалымдарымен бірлесіп, өңірде демонстрациялық алаң ашылуда. Оның негізгі мақсаты – су тапшылығына орай жаңбырлатып, тамшылатып суару әдістерімен әртараптандыру бағытындағы соя, күнбағыс, жүгері, бидай дақылдарының және күріштің бірнеше сортын тәжірибе ретінде енгізу.Мұнан бөлек, Үкімет қолдауымен өткен жылы «Көкарал» бөгетін сақтау жобасын бастауға республикалық бюджеттен 500 млн. теңге қаралса, биыл 1,9 млрд. теңге бөлу көзделуде. Жоба 2024 жылы аяқталады.Мемлекет басшысының тапсырмасына сәйкес, бүгінде мақсатына сай пайдаланылмаған ауыл шаруашылығы жерлерін мемлекет меншігіне қайтару, оны қайта айналымға қосу жұмыстары қарқынды жүруде. Былтыр 157 мың гектар жер қайтарылды, биыл 200 мың гектардан астам жерді қайтару жоспарланған.

Қызылорда облысында суды үнемдеу технологиялары кешенді түрде енгізілуде

<a href="https://kyzylorda-news.kz/">Kyzylorda-news.kz.</a> Сыр өңірінде шағын және орта бизнесті дамытуға ерекше көңіл бөлініп келеді. Мәселен, 2023 жылы кәсіпкерлікті қаржылай қолдауға әртүрлі көздерден 23 млрд. теңге қаралып, жыл басынан бері 1700 жобаға қаражат берілді. Бұл туралы облыс әкімі Нұрлыбек Нәлібаев Астана қаласында Орталық коммуникациялар қызметінде өткен брифингте хабарлады.<blockquote>«Шағын және орта бизнесті дамытуға басымдық берілуде. Биылға әртүрлі көздерден 23 млрд. теңгеге жуық қаржы қаралып, жыл басынан бері 1700 жобаға қолдау көрсетілді. Оның ішінде, «Кәсіпкерлікті дамыту жөніндегі ұлттық жоба» шеңберінде жыл басынан бері жалпы несие портфелі 8,6 млрд. теңгені құрайтын 168 жоба субсидияланды», – деді аймақ басшысы.</blockquote>Облыс әкімінің айтуынша, мемлекеттік қолдау шараларының нәтижесінде шағын және орта кәсіпкерлік субъектілерінің саны 33%-ға ұлғайып, 76 мыңға, жұмыс істеп тұрғандарының саны 39,2%-ға ұлғайып, 72,1 мыңға жетті.Өткен жылы облыста елішілік құндылықты және экспортқа бағдарланған өндірістерді дамыту бағдарламасы қабылданды. Бағдарлама кәсіпорындарды жаңарту және жаңа өндірістерді іске қосу үшін мемлекет тарапынан қолдау шараларын тиімді пайдалануға бағытталған.Мемлекет басшысының тапсырмасымен биылдан бастап ауыл тұрғындарының табысын арттыру үшін «Ауыл аманаты» жобасы жүзеге асырылып, 2,5%-бен жеңілдетілген несие берілуде. Бұған қоса, жастардың кәсіпкерлік бастамаларына да 2,5%-бен несие, қайтарымсыз гранттар беру жалғасуда. Бұл мемлекеттік қолдау шаралары өңдеу өнеркәсібін дамытуға бағытталады.

Сыр өңірінде бизнес-жобаларға қаржылай қолдау көрсетілді

<a href="https://kyzylorda-news.kz/">Kyzylorda-news.kz.</a>&nbsp; Аймақтағы басты жаңалықтарының бірі – 2022 жылдың қазанынан бастап өңдеуші өнеркәсіпке серпін беретін шыны зауытының іске қосылуы. Зауыт өнімі отандық нарықта да, шетелде де жоғары сұранысқа ие. Бұл туралы облыс әкімі Нұрлыбек Нәлібаев Астана қаласындағы Орталық коммуникациялар қызметінде өткен брифингте айтты.<blockquote>«Өткен жылдың өзінде зауыт 32 мың тоннадан астам, жалпы құны 4,5 млрд. теңгенің өнімін шығарып, ішкі нарықты шынымен қамтамасыз етуді бастады. Ал, биылғы 4 айда 3,5 млн. текше метр шыны өндірілді. Бүгінде зауыт өнімі республика өңірлеріне сатылып, Өзбекстан, Қырғызстан, Тәжікстан және Ресей мемлекеттеріне экспортталуда. Қазір шыны зауытының жанынан құны 32 млрд.800 млн. теңгені құрайтын 3 ілеспе кәсіпорын құру жоспарлануда. Бұл жобалар жаңа кәсіп түрін ғана емес, жаңа жұмыс көзін ашуға, халықтың табысын арттыруға мүмкіндік береді», – деді аймақ басшысы.</blockquote>Өңірде өзге де ауқымды индустриялық жобалар іске асуда. Ірі жобаларға тоқталсақ, «Шалқия» кен орнында тау-кен байыту комбинатының (235 млрд.теңге) құрылысы биыл басталмақ. Бүгінде Еуропалық Қайта құру және даму банкі платформасында тендер өткізілуде. Тағы бір ірі жоба – «Баласауысқандық» кен орнында қара тақтатасты автоклавты өңдеу бойынша тәжірибелік-өндірістік кешен жұмыс жасауда. Былтыр өндірістік кешенде 454 тонна, ал биылғы 4 айда 81 тонна аммоний метаванадаты мен ферромолибден өндіріліп, ол Ұлыбритания, Ресей елдеріне экспортталды.Мұнан бөлек, орталықтандырылған жылу мәселесін шешу үшін «Акса энерджи» түрік компаниясымен бірлесіп, қуаты 240 мегаваттық жылу электр орталығының іргетасы қаланды. Құны 215 млрд. теңгеден асатын бұл жоба 2025 жылы ел игілігіне табысталады.Бұл орталық іске қосылғанда облыс электр энергиясын сырттан сатып алмайды. Өндірілген энергияның бір бөлігін аймақтан тыс жерге сатуға мүмкіндік туады. Осылайша, өткен ғасырдың 60-шы жылдары пайдалануға беріліп, тозығы жеткен электр желілері жаңартылып, электр қуаты тапшылығы жойылмақ.

Қызылордада ауқымды инвестициялық жобалар қолға алынуда

<a href="https://kyzylorda-news.kz/">Kyzylorda-news.kz.</a> Арал аудан әкімі Серік Сермағамбетовтың халықпен кездесуі бүгін Жіңішкеқұм, Қарақұм және Атанши ауылдық округтерінде жалғасты.Аудан басшысының сапары алдымен Жіңішкеқұм ауылдық округінде басталды. Тұрғындармен кездесу жаңадан қайта салынып жатқан № 248 орта мектебінің ғимаратының құрылысы жанында өтті. Кездесу барысында ауыл халқы нысанның қашан пайдалануға берелітіндігі туралы алаңдаушылықтарын жасырмады. Аудан әкімі өз кезегінде бұл мектептің құрылысы облыс әкімінің тікелей назарында екенін, білім нысанын өз қаражатынан жүргізіп жатқан кәсіпкерге мектептің ғимаратын сапалы әрі уақытылы биылғы жаңа оқу жылына дейін аяқтау үшін жеделдету тапсырылғанын жеткізді. Айта кетейік, өткен жылы облыс әкімі Нұрлыбек Машбекұлының тікелей тапсырмасымен Тоқабай елдімекенінде орналасқан апатты жағдайдағы №248 орта мектепті мердігер есебінен бұзылып, қайта 100 орындық жаңа мектеп құрылысын салу жұмыстары басталған еді. Қазіргі уақытта ғимараттың қабырғалары қаланып, құрылыс жұмыстары жүргізілуде.Одан соң, тұрғындар су мәселесін де ортаға салды. Серік Сағитжанұлы бүгінде «Абай-Тоқабай» елдімекендерін орталықтандырылған ауыз су жүйесіне қосу үшін 2022 жылы құрылыс материалдарының қымбаттауына байланысты жоба-сметалық құжаттамаға қайта есептеу жұмыстары жүргізіліп, алдын ала есеп бойынша жоба құны 3,7 млрд.тан &nbsp;7,1 млрд. теңгеге көбейіп, &nbsp;қайта жасақталғанын және бүгінгі таңда мемлекеттік сараптамада тұрғанын айтты. Дегенмен, ауыз су желісін жүргізу үшін өткен жылы 100 млн-ға жуық қаржыға жұмыстары басталып, 6,4 шақырымына қажетті құрал-жабдықтар алынғанын, бүгінде аталған жұмыстарды жалғастыру үшін биылға қаралған 864 млн. теңге қаржысына әзірге 26 шақырымды құрайтын яғни қоса алғанда 32 шақырымдық құрылыс жұмыстарын мердігер маусым айында жүргізетінін жеткізді. Оған қоса, Ерімбетжаға тұсынан қосылу нүктесін қалдырып, жобасы жасалатынын да атап өтті. Жоба республикалық бюджет есебінен қаржыландыруда.Халықпен жүздесу одан әрі Ерімбетжаға елдімекенінде жалғасты. Мұнда аудан басшысы жыл басынан бері атқарылған жұмыстарға тоқталды.«Ауданымызда үлкен жобалар басталуда. Қала ішінде халықтың әлеуметтік жағынан әлсіз топтары санатындағы жандарға арнап 100 пәтерлі тұрғын үй салу жұмыстарын бастап жатырмыз. Жұмыстардың көп бөлігі жол саласында жүргізілуде. Бюджет қаражатының 65 пайызы инфрақұрылымдық жүйелерге арналған. Қаланың сырт аумағындағы ауыз су тарту, электр желілерін және газ тарту жұмыстарын жүргізіп, жеке тұрғын үй салушыларға жер телімдерін дайындап жатырмыз. Биылдың өзінде 1190 адамға тұрғын үй құрылысы үшін жер табыстаймыз. Оған қоса, қосымша алынған қаржыға сәйкес қаладағы № 8 мөлтек ауданы мен Жақсықылыш кентінде де аталған жұмыстар жүргізілетін болады. Электр желісі өте күрделі мәселенің бірі. Өңірдің 80 пайызға жуық электр желісінің тозығы жеткен. Дегенмен, біз бірінші кезекте жаңғыртуды қажет ететін 6 елдімекенді іріктеп, оның ішіне Қарақұм елдімекенін де қосып, жобасын ұсындық. Қаржыландыру үшін тиісті жұмыстар жасалынуда. Жол саласында биыл 7 млрд.қа жуық қаржыға 30-дан астам жоба жүзеге асуда. Оның екеуі келесі жылға өтпелі. Қалғанының барлығы биыл аяқталатын болады. Оның ішінде «Самара-Шымкент-Жақсықылыш-Тоқабай-Абай» бағытындағы қалған 6,5 шақырым бөлігін толық аяқтау үшін жоба-сметалық құжатын жасап, облыс басшысының қолдауымен қаржысы биыл бөлінбек. Ерімбетжаға елдімекенін аудандық маңызы бар жолдардың ішіне енгіздік. Алдағы уақытта ауылға кіретін 18 шақырымға жол салу үшін жоба-сметалық құжатын жасайтын боламыз. Оған қоса, бұл жұмыстар «Көкарал-Қаратерең», «Шөмішкөл-Бекарыстан би» бағытындағы жолдарғада жүргізілмек. Ауыз су Абай бағытына қарай жақын күндері басталады. Биыл Ақбасты, Көктем елдімекендерін ауыз су желісіне қоссақ, орталықтандырылған су жүйесіне қосылмайтын Құланды және Тастүбек ауылдарына су тұщытатын қондырғы орнатамыз. Жарықтандыру жұмыстарына байланысты, ауылдағы көшелерді жарықтандыру үшін аудандық бюджеттен қаржы қаралған. Мердігері анықталса, маусым айында жұмыстары жүгізілетін болады. Жалпы біздің аудан облыста бюджет көлемі бойынша Қызылорда қаласынан кейін екінші орында. Бюджет бүгінде 18,5 &nbsp;млрд.жуық қаржыны құрап отыр. Әлеуметтік салаларға да баса мән берілуде. Биыл 2 дәрігерлік амбулаторияның және «Жайлы мектеп» бағдарламасы аясында 2 мектептің құрылысын бастайтын боламыз»- деп, аудан әкімі өңірдегі жаңа бастамаларды баяндады.Ауыл тұрғындары барша игі істерге қолдау білдіріп, ақсақалдар ақ батасын берді.Аудан басшысының сапары Атанши ауылдық округінде тәмамдалды. Тұрғындармен кездесу «Еркесұлу» жеке бөбекжай балабақшасының жанында өтті. Серік Сағитжанұлы ауыл тұрғындарына алдағы жоспарлармен бөлісе отырып, жаңа балабақшаның бүгінгі тынысымен танысты.Елдімекендерде тұрғындармен кездесуде аудан әкімі кәсіп бастаймын деген азаматтарға тиісті қолдаулар мен қажетті сүйемелдеу жұмыстары жүргізілетіндігін жеткізді.

Аралда 100 пәтерлі тұрғын үй құрылысы басталды  

<a href="https://kyzylorda-news.kz/">Kyzylorda-news.kz.</a> Сырдарияда бүгінде егін науқаны қыза түсіт. Ерте көктемде егіс алқаптарында басталған қауырт тірлік алдағы жылы мол өнім алудың кепілі.&nbsp;Диқаншы қауым жаз бойы жерге себілген әрбір дәнді мәпелеп, баптап, суғарып, күтімін жасайды. Таңәлейкүмнен бел жазбастан қара жұмыстың бел ортасында жүретін шаруа иесі күн ұясына батқанша қара жұмыстың көрігін қыздырады.Биылғы жылы аудан бойынша жалпы 33963 гектар жерге ауыл шаруашылығы дақылдарын орналастыру межеленді. Бүгінгі күнге ауыл шаруашылығы құрылымдарында 33656 гектар егілді.<blockquote>– Аудандағы ірі ауыл шаруашылығы құрылымдары мен шаруа қожалықтары межелеген барлық ауыл шаруашылығы дақылдарын орналастыру жұмыстарын аяқтады. Оның ішінде, негізгі дақыл күріш – 21885 гектар, 180 гектар – мақсары, 1683 гектар – жаздық бидай, 15 гектар – арпа, 1828 гектар – жаңа жоңышқа, 410 гектар – картоп, 221 гектар – көкөніс, 363 гектар – бақша дақылдары орналастырылып, 7071 гектар – ескі жоңышқа күтімге алынды. Диқаншы қауымдардың арасында бақша дақылдарын егуге ниет еткендерге жер учаскелері берілді. Сонымен қатар ауданда бірнеше ауылдарда жастар бридалары жұмысын белсенді бастап кетті. Жастар бридасының жұмысы жұмыссыз жүрген жастарға үлгі болса дейміз. Мемлекет тарапынан егстік жерлердің күтіміне қажетті барлық құралдармен қамтамасыз етілді. Суғару үшін су айдайтын насос пен қажетті жанар-жағар маймен де қамтамасыз етілді. Бұл аудан басшысының жастарды қолдауға бағытталған іс-шаралардың бірі. Негізінен аудан басшысы тұрғындар тарапынан болсын, жастар мәселесі болсын барлығына тиісінше қолдау білідіріп, мәселенің оң шешілуіне жағдай жасайды. Сондықтан жастар бригадасының күзде алатын өнімі молынан болсын деген тілектеміз. Уақытылы күтімін жасайтын диқаншы жастар несібесін Жер-анадан алатын болады, – дейді аудандық ауыл шаруашылығы бөлімінің басшысы Нұрбол Жұмабеков.&nbsp;</blockquote>Айту керек, осы күні Сырдарияда негізгі дақыл күріштің 21885 гектары 100 пайыз егіліп, толығымен суға бастырылды. &nbsp;

Сырдарияда күріш егісі аяқталып, 21885 гектар дақыл суға бастырылды

<a href="https://kyzylorda-news.kz/">Kyzylorda-news.kz.</a>&nbsp; Еліміздің экономикалық әлеуетін көтеретін негізгі күретамыр – ауыл шаруашылығы.&nbsp;Асыраушы саланың егіншілік, жеміс-жидек, көкөніс, төрт түлікті түлету, тағы басқа да толып жатқан бағыттары бар. Бүгінде күнкөрісіміздің басым бөлігін құрайтын саланы дамытуға қандай басымдық берілуде? Үкімет тарапынан қолға алынған бағдарламалардың нәтижесі қалай? Жалпы істің көзін табуға ынта білдіргендер үшін қандай қолдау бар?Өткен жылы Президент Қасым-Жомарт Тоқаев Қазақстан халқының 40 пайызға жуығы ауылда тұратынын мәлімдеп, Үкіметке ауылды дамытудың 5 жылға арналған жоспарын әзірлеуді тапсырған болатын. Мемлекет басшысы «Қазақстан Республикасының ауылдық аумақтарын дамытудың 2023-2027 жылдарға арналған тұжырымдамасы туралы»&nbsp; Жарлыққа да қол қойды. Ал оның бастамасы қалай жүзеге асуда? Жергілікті кәсіпкерлер ауыл шаруашылығының қай бағытын дамытуға ниетті?Рас, ең әуелі қай кәсіпті бастасаң да оған қаражат керек. Ол үшін несие алмасаң, тіршілігің алға баспайды. Бұл ретте ауыл шаруашылығын дамытамын деген кәсіпкерлерге арналған түрлі бағдарламалар бар. «Аграрлық несие корпорациясы» АҚ басқарма төрағасының орынбасары Айдын Досқараевтың айтуынша, 2001 жылы құрылған корпорацияның қазіргі активтері 1 триллион теңгеден асады. Еліміз бойынша 79 мыңға жуық кәсіпкерге&nbsp; қаржылай қолдау көрсетеді. Ауыл шаруашылығы үшін берілетін несиенің 80 пайыз мөлшерін қамтып отырған мекеме. Облыс бойынша 1,5 мың кәсіпкер аталған корпорациядан қаржылай&nbsp;&nbsp; несие алып, ісін дөңгелентуде. Ал «Қазагро» АҚ арқылы 200-дей&nbsp; кәсіпорын несие алған. Бұл компания лизингтік операциялар бойынша жұмыс жасайды. «Аграрлық несие корпорациясы» АҚ&nbsp; «Агробизнес», «Кеңдала», «Іскер», «Жастар несиесі» бағдарламалары бойынша несиелендіреді. Бұл мекеме арқылы қалай несие алуға болады деген ой келетіні&nbsp; анық.<blockquote>– Біріншіден, тікелей несие береміз, одан кейін екінші деңгейлі банктер арқылы да несие беру жолдары бар. Мәселен, биылдан бастап «Кеңдала» бағдарламасы «Халық банк» және «БанкЦентркредит»&nbsp; арқылы жүзеге асырылуда. Сонымен бірге несиелік серіктестіктерімен бірге жұмыс жасаймыз. Қызылорда өңірінде 8 несие серіктестігі бар. Барлығында несиелік желі ашылған. Бұл серіктестіктер «Агро несие корпорациясы» арқылы 12 млрд теңге несие берген. Сонымен бірге, жекеменшік несиелік компаниялармен, микроқаржы ұйымдарымен де бірлесе жұмыс жасаймыз. Биылға облысқа 9 млрд теңге қаржы қарастырылған. Қазіргі кезде оның 5 млрд теңгесі берілді. Қалғаны жыл соңына дейін беріледі. Осы уақытқа дейін өңірдің 311 кәсіпкері несие алды, – дейді басқарма төрағасының орынбасары.</blockquote>Саланы дамытуға беріліп жатқан несиені алу үшін банктер әлбетте, қоятын кепіл сұрайды. Ал өзіңіз білетіндей банк ауылдағы үйлерді кепілге арзанға бағалайды. Мамандардың мәліметінше, бұл мәселе де шешімін тауып, реттелетін күн жақын. Енді ауылдық жерлердегі үйлер мен құрылыс нысандары орта есеппен алғанда 30-40 пайызға жоғары бағаланады. Ол үшін автоматтандырылған арнайы платформа жасалуда. Платформада еліміздегі барлық елді мекенде орналасқан жер учаскелері, үйлер, әртүрлі құрылыстар тіркеліп, бағаланып, нарықтағымен сәйкестендіріледі.Корпорация арқылы қандай бағдарламалармен несие алуға болады және оны кімдердің алуына мүмкіндігі бар? Айталық, «Кеңдала» бағдарламасы арқылы көктемгі егіс және жинау жұмыстарына жылдық 5 пайызбен қаржы беріледі. Жылда бұл бағдарламаға 1,5-2 млрд теңге қаражат қарастырылса, биыл 2 млрд теңгедей қаржы игеріліп, көктемгі егін жұмыстары толықтай қаржыландырылған. «Агробизнес» бағдарламасы бойынша ауыл шаруашылығындағы кез келген&nbsp; жобалар қаржыландырылады. Оның ішінде егіншілік, мал және өңдеу шаруашылығына беріледі. Бұл бағытта кәсіпкер 6 пайызбен несие алуына болады. Биылға бөлінген 5 млрд теңге қаржы игерілуде. «Іскер» бағдарламасы арқылы микроқаржылар кәсібін жаңа бастап жатқандарға беріледі. Несие 6 пайызбен 7 жыл мерзімге дейін қарастырылған. «Жастар несиесі» аты айтып тұрғандай, 21-35&nbsp; жас аралығындағы кәсіпкерлерге 2,5 пайызбен 5 млн теңгеге дейін қаржыландырылады.Облыс бойынша несие алуға өтініш білдіргендердің басым бөлігі мал шаруашылығын, оның өнімін өңдеуге қаржыландыруды сұраған. Ал қыс бойы және ерте көктемде көкөніс пен жеміс-жидектің барлығы Иран, Түркіменстан, Қытай, Өзбекстан, Аргентина, Пәкістаннан келеді. Өзімізде жергілікті жерде бұл бағытты дамытуға мүкіндіктер жоқ па? Оған не кедергі? Сауалымызға корпорацияның облыстағы филиал директоры Маханбет Тұрмаханов былайша жауап берді.<blockquote>–&nbsp;&nbsp;&nbsp; Өңірдің ауа райының қолайсыздығы, жердің құнарсыздығы көкөніс пен жеміс-жидек бағытын өркендетуге кедергі болып тұр. Ал жайылымдық жер көп болғандықтан кәсіпкерлердің басым бөлігі мал шаруашылығы мен оның етін өңдеуге көңіл бөлуде. Ауыл шаруашылығын әртараптандыруға, жылыжай өндірісін дамытуға қаржылай қолдау көрсетуге дайынбыз,&nbsp;– деді ол.</blockquote>Ауыл шаруашылығын, оның әр саласын өркендетуге бағытталған бағдарламаларға биыл басымдық берілуде. Өңірде жылыжай шаруашылығын өркендетуге мүмкіндік бар. Алайда бізде оны өзге елден әкеліп, үстіне пайызын қосып сатқан әлдеқайда тиімді. Бұл жағынан алыпсатарлардың айы оңынан туып тұр. Оңай қаржы тауып, тез байығанды жақсы көреміз. Бірақ, маңдайымыз терлеп, беліміз бүгіліп, Жер ананың берген несібесін теруге келгенде құлықсыздық танытамыз? Еңбектенгеннен гөрі бізге анда-санда такси болып, бес-он теңге тапқан олжа. Бір күн кезекшілікте тұрып, екінші күні демалатын күзетшілік жұмысты да қолайлы санаймыз. Сөйте тұра, «қазақ неге байымайды, ауыл неге өркендемейді, сала неге дамымайды?» деп ұрандаймыз.&nbsp; Өкінішке орай, бүгінгі шындықтың бірі – осы. Әлде тіршілік ауанын өзгертуге&nbsp; кедергі келтіретін&nbsp; себеп бар ма? Ой қоссаңыз болады!

Қазақстан және Қызылорда облысының жаңалықтары: Экономика