<a href="https://kyzylorda-news.kz/">Kyzylorda-news.kz</a>&nbsp;Шамамен 1,63 трлн теңге кепілдендірілген медициналық көмек көлеміне кіретін қызметтерге қарастырылған. Мұндай қызметтер тегін көрсетіледі. Сақтандырылмаған пациенттер де тегін ала алады.Тегін медициналық көмектің кепілдендірілген көлемі бюджет қаражаты есебінен Қазақстан азаматтарына, қандастарға, босқындарға, сондай-ақ елде тұрақты тұратын және ықтиярхаты бар шетелдіктер мен азаматтығы жоқ тұлғаларға көрсетіледі. Ал елімізде уақытша тұратын шетелдіктер мен азаматтығы жоқ адамдар және баспана іздегендер қоршаған ортаға қауіп төндіретін жұқпалы аурулар кезінде жүгіне алады.&nbsp;<blockquote>«2025 жылы медициналық қызметтерді қаржыландыруға жалпы 2,96 триллион теңге бөлінді, оның 1,63 триллион теңгесі ТМККК пакетіне кіретін қызметтерге және 1,33 триллион теңге МӘМС &nbsp;пакетіне тиесілі. Көпшілік сақтандырылған мәртебесі болмаса емханада қабылдамайды деп ойлайды. Алайда МӘМС жүйесіндегі мәртебесіне қарамастан көрсетілетін медициналық қызметтердің тізімі бар», - деп атап өтті ӘМСҚ басқарма төрағасының орынбасары Индира Саркенова.</blockquote>ТМККК пакеті қандай қызметтерді қамтиды?1) Жедел медициналық көмек: жедел жәрдем бригадасын шақырудан бөлек, оған санитарлық авиация қызметтері де кіреді. 2) Алғашқы медико-санитариялық көмек: учаскелік дәрігер қабылдауы (жалпы тәжірибе дәрігері, терапевт, педиатр, медбике) диагностика, ең көп таралған ауруларды емдеу және басқару, мақсатты халық топтарын профилактикалық қарау, иммунизация, аурулардың мінез-құлыққа байланысты тәуекел факторларын ерте анықтау және мониторинг, салауатты өмір салтын қалыптастыру және насихаттау, репродуктивті денсаулықты қорғау шаралары, жүкті әйелдер мен босанған әйелдерді босанудан кейінгі кезеңде бақылау. 3) Амбулаториялық жағдайдағы мамандандырылған медициналық көмек: ЖИТС пен туберкулезді алдын алу және диагностикалау, сондай-ақ әлеуметтік маңызы бар және созылмалы ауруларды диагностикалау мен емдеу, жарақаттар, уланулар немесе басқа шұғыл жағдайлар кезінде медициналық қызметтер көрсетіледі. 4) Стационарды алмастыратын жағдайдағы мамандандырылған медициналық көмек: Әлеуметтік мәні бар және созылмалы аурулары бар адамдарға арналған күндізгі стационар қызметтері. 5) Стационар жағдайындағы мамандандырылған медициналық көмек: шұғыл көрсеткіштер бойынша госпитализациялау, шұғыл госпитализация кезінде стационардың қабылдау бөлімінде емдеу және диагностикалау, әлеуметтік мәні бар және сирек (орфандық) аурулар кезінде жоспарлы госпитализация, айналасындағылар үшін қауіпті жұқпалы немесе паразиттік аурумен ауырған науқаспен байланыста болған адамдарды оқшаулау, сондай-ақ жұқпалы немесе паразиттік ауруға күдікті немесе ондай диагнозы қойылған адамдарды госпитализациялау. 6) Медициналық оңалту: ТМККК шеңберінде туберкулезбен ауыратын науқастарға медициналық оңалту жүргізіледі. 7) Уәкілетті орган айқындайтын аурулар тізбесі бойынша паллиативтік медициналық көмек. 8) Қан мен оның құрамдас бөліктерімен қамтамасыз ету; 9) Патологиялық-анатомиялық диагностика; 10) Өлімнен кейінгі донорды органдар мен тіндерді алу үшін дайындау, алу, сақтау, зерттеп қарау, жинау және трансплантация үшін тасымалдау.Бұдан бөлек, пациенттерге ҚР ДСМ бекіткен тізімге кіретін кейбір созылмалы аурулар бойынша дәрі-дәрмекпен және медициналық бұйымдармен жеңілдікті амбулаториялық қамтамасыз ету қызметі қолжетімді.Естеріңізге сала кетейік, бұл медициналық қызметтер азаматтарға МӘМС жүйесіндегі мәртебесіне қарамастан көрсетіледі. Егер сізге медициналық көмек көрсетуден заңсыз бас тартса, әр емхана мен ауруханада жұмыс істейтін Пациенттерді қолдау қызметіне жүгінгеніңіз абзал. Олар мәселені сол жерде шешуге көмектеседі. Егер медициналық ұйымнан мардымды жауап болмаса, өтінішті Әлеуметтік медициналық сақтандыру қорына жолдау керек.

Сақтандырылмаған азаматтарға қандай медициналық көмек көрсетіледі

<a href="https://kyzylorda-news.kz/">Kyzylorda-news.kz</a> Міндетті медициналық сақтандыру жүйесінде сақтандырылған мәртебесін қалай қалпына келтіруге болады, медициналық сақтандыру бойынша психологтың кеңесін алуға болады ма? Осы және өзге де сауалдарға Әлеуметтік медициналық сақтандыру қорының Қызылорда облысы бойынша филиалының бас сарапшысы Айгүл Аханова жауап берді.Менің ЖШС бар, қазір одан табыс көзі жоқ. Бірақ менде төленбеген айлар қалды. Осы кезең үшін төлемді дербес төлеуші ретінде төлей аламын ба?Егер азамат ЖШС құрылтайшысы болып табылса, онда ол дербес төлеуші ретінде ЕТЖ-дан 5% мөлшерінде жарналарды төлейді (2024-2025 ж.ж. әр ай үшін 4250 теңгеден). Егер ол осы ЖШС қызметкері болса (мысалы, директор), онда ол ретінде 2% жарна және 3% аударымдар жасауы қажет.Мен жұмыс істеймін, бірақ емханаларға барған кезде МӘМС-те мәртебем жоқ екенін білдім, дегенмен ұйым барлық төлемдерді уақытында жасайды. Мен екі ай ауруханада болған кезде жарналар бойынша алшақтық пайда болды. Мұндай жағдайда қалай әрекет ету керек?Егер қызметкер бір айдан астам уақыт еңбекке жарамсыз болған кезде, жұмыс беруші әдетте жұмыс күндері болған айда төлемдер жасайды. Еңбекке уақытша жарамсыздықтың келесі кезеңінде қызметкер табыс алмайды, сондықтан салық салынатын базаның болмауына байланысты міндетті төлемдер жүргізілмейді. Осы кезеңде берешек туындауына жол бермеу үшін қызметкер МӘМС жарналарын дербес төлеуші ретінде төлеуі қажет.МӘМС аясында психолог көмегін алуға бола ма?Психологиялық немесе психотерапиялық кеңес – мамандандырылған медициналық көмектің бір түрі. Бұл көмек нақты диагностика мен емдеуді, медициналық оңалтуды қажет ететін ауруларда, сондай-ақ телемедицина құралдарын пайдалана отырып көрсетіледі.Пациент психолог қызметін өз емханасы деңгейінде келесі бағыттар бойынша ала алады:• психологтың қабылдауы;• балалар арасындағы суицидтің алдын алу бойынша сабақтар өткізу;• мінез-құлықтық және психобелсенді бұзылыстарға күдік туған жағдайларда қабылдау;• әлеуметтік бейімделу, жас ерекшелігіне сай қиындықтар бойынша кеңес беру;• созылмалы аурулары бар пациенттерге өзін-өзі басқару тәсілдерін үйрету;• жүкті әйелдерге, жасөспірімдерге және жастарға Жастар денсаулық орталықтарында қызмет көрсету.Психологтың консультациясы ТМККК, МӘМС жүйесі аясында да қолжетімді.МӘМС&nbsp;жүйесінде сақтандыру&nbsp;мәртебесі&nbsp;қанша&nbsp;уақыттан&nbsp;кейін беріледі?Егер барлық шарттар орындалса:&nbsp;•&nbsp;&nbsp;&nbsp;&nbsp;&nbsp;&nbsp;&nbsp;&nbsp; Алдағы 12 ай үшін төлем жасалса (ағымдағы айдан бастап)&nbsp;•&nbsp;&nbsp;&nbsp;&nbsp;&nbsp;&nbsp;&nbsp;&nbsp; Барлық 12 айдың төлемі бір күнде төленді&nbsp;«Сақтандырылған» мәртебесі 3 жұмыс күні ішінде беріледі.

МӘМС жүйесінде сақтандыру мәртебесі қанша уақыттан кейін беріледі?

<a href="https://kyzylorda-news.kz/">Kyzylorda-news.kz</a>&nbsp;Әлеуметтік медициналық сақтандыру қорында кезекті жиі қойылатын сұрақтар мен оларға жауаптар дайындады.&nbsp;&nbsp;1. Өз емханамда көрсетілетін қызмет сапасына көңілім толмаса, дәрігерден басқа клиникадағы бейінді маманға немесе диагностикалық зерттеуге жолдама ала аламын ба?Пациентке кез келген консультативтік немесе диагностикалық қызметті учаскелік дәрігер тағайындайды. Ол алдымен пациенттің жағдайы мен шағымдарын ескеріп, көрсеткіштер болған жағдайда зертханалық немесе өзге де тексерулерге жолдама береді.Қазақстан Республикасының «Халық денсаулығы және денсаулық сақтау жүйесі туралы» Кодексіне сәйкес, азаматтың дәрігер мен медициналық ұйымды еркін таңдауына құқығы бар. Демек, егер пациент басқа клиникада қызмет алғысы келетінін білдірсе, емдеуші дәрігер осы өтінішті ескеріп, жолдама бере алады. Бұл ретте таңдаған клиника ӘМСҚ-ның жеткізушілер тізімінде болуы шарт. Жолдама рәсімделген соң, келісімшарт автоматты түрде ақпараттық жүйелерде тіркеледі.&nbsp; 2. Стационарға жоспарлы түрде жату керек. МӘМС аясында ауруханаға жату үшін не істеу керек?Пациент тіркелген емханасындағы дәрігерге жүгіну керек. Егер ауруханаға жатқызуға көрсеткіштер болса, дәрігер толық көлемде қажетті зерттеулерді тағайындайды. Медициналық ұйымды пациент өз дәрігерімен бірге таңдай алады.Осыдан кейін ауру түріне байланысты емдеу хаттамасына сәйкес зерттеулер тізімі жасалып, «Емдеуге жатқызу бюросы» порталына кезекке қою жүзеге асырылады.Жоспарлы госпитализацияға жолдама алған соң, пациент арнайы талон арқылы&nbsp;<a href="https://www.bg.eisz.kz/">www.bg.eisz.kz</a>&nbsp;сайтынан өз кезегін қадағалай алады. &nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; 3. Учаскелік акушер (фельдшер, медбике/медбрат) қандай медициналық көмек көрсете алады? Орта буын медицина қызметкері дәрігерге дейінгі көмек көрсетеді. Оған:<ul style="list-style-type:disc;"><li style="text-align:justify;">денсаулық жағдайын бағалау және ауруларды анықтау мақсатында қабылдау мен тексеру жүргізу;</li><li style="text-align:justify;">«Жүкті әйелдер мен ұрпақты болу жасындағы әйелдер тіркелімі» жүйесіне деректер енгізу;</li><li style="text-align:justify;">Жүкті әйелдерге, босанған аналарға шұғыл көмек көрсету;</li><li style="text-align:justify;">Созылмалы аурулары бар жүкті әйелдерді бақылау;</li><li style="text-align:justify;">Акушер-гинекологтың тағайындамаларын орындауды қадағалау;</li><li style="text-align:justify;">Физиологиялық жүктілік кезінде бақылау және патронаж жүргізу;</li><li style="text-align:justify;">Жүкті әйелдерге, босанғандарға және гинекологиялық ауруы барларға үйге барып қызмет көрсету;</li><li style="text-align:justify;">Ауруларды ерте анықтау үшін скринингтер мен профилактикалық тексерулер өткізу;</li><li style="text-align:justify;">Отбасын жоспарлау және репродуктивті денсаулық бойынша кеңес беру;</li><li style="text-align:justify;">Диспансерлік есепте тұрғандарды динамикалық бақылауда ұстауға көмектесу;</li><li style="text-align:justify;">Есепте тұрғандарға арналған тегін дәрі-дәрмекке рецепт жазу.</li></ul>4. Қандай жағдайларда медицина қызметкерін үйге шақыруға болады?Медицина қызметкерін үйге шақыру – адамның жағдайы күрт нашарлаған немесе созылмалы ауруы асқынған кезде, бірақ өміріне қауіп төндіретін белгілер байқалмаған жағдайда жүзеге асырылады.Учаскелік медбике немесе фельдшер тарапынан үйге келіп қызмет көрсету мынадай жағдайларда мүмкін: шақыру кезіндегі дене қызуы 38°C-қа дейін болса; артериялық қысым көтерілгенімен, жалпы жағдайы қанағаттанарлық болса; есінен тану, қан кету, немесе кенеттен жағдайының күрт нашарлауы байқалмайтын жарақаттар мен аурулар кезінде, егер медициналық көмек пен кеңес қажет болса.Учаскелік дәрігер үйге келесі жағдайларда шақырылады: шақыруды қабылдаған тіркеу бөлімі, медбике немесе фельдшер жағдайды дәрігерлік қарауды қажет етеді деп бағаласа; вакцинациядан кейінгі жағдай нашарласа№5 жасқа дейінгі балалар, жүкті әйелдер мен босанған аналарда денсаулығы нашарлаған кез келген жағдайда үйге қызмет көрсетіледі. 65 жастан асқан адамдардың жүріп-тұруында қиындықтар болса, үйде қаралады.&nbsp;5. МӘМС аясында психолог көмегін алуға бола ма?Психологиялық немесе психотерапиялық кеңес – мамандандырылған медициналық көмектің бір түрі. Бұл көмек нақты диагностика мен емдеуді, медициналық оңалтуды қажет ететін ауруларда, сондай-ақ телемедицина құралдарын пайдалана отырып көрсетіледі.Пациент психолог қызметін өз емханасы деңгейінде келесі бағыттар бойынша ала алады:• психологтың қабылдауы;• балалар арасындағы суицидтің алдын алу бойынша сабақтар өткізу;• мінез-құлықтық және психобелсенді бұзылыстарға күдік туған жағдайларда қабылдау;• әлеуметтік бейімделу, жас ерекшелігіне сай қиындықтар бойынша кеңес беру;• созылмалы аурулары бар пациенттерге өзін-өзі басқару тәсілдерін үйрету;• жүкті әйелдерге, жасөспірімдерге және жастарға Жастар денсаулық орталықтарында қызмет көрсету.Психологтың консультациясы ТМККК, МӘМС жүйесі аясында да қолжетімді.

МӘМС бойынша жиі қойылатын 5 сұрақ

<a href="https://kyzylorda-news.kz/">Kyzylorda-news.kz</a> Әлеуметтік медициналық сақтандыру қорында тұрғындар тарапынан МӘМС жүйесіндегі медициналық көмектің сапасы мен қолжетімділігіне қатысты шағымдардың азаюына ықпал еткен шаралар туралы баяндалды.Биылғы бес айда қорға 10363 шағым түсіп, олардың 5073-і қайтары­лып алынған. Бұл көр­сеткіш өткен жылдың осы кезе­ңі­мен салыстырғанда 11,7%-ға төмен. Ол кезде 11 745 шағым тір­келген (5167 қайта­рылған).<blockquote>– Азаматтардың шағым­да­рын азайту және медицина­лық қызмет сапасын жақсарту бағы­тындағы жүйелі жұмыстардың нәтижесінде оң көрсеткішке қол жеткізілді. Осы мақсатта қор медициналық ұйымдар база­сын­дағы пациенттерді қолдау қызметтерімен бірлесіп жұмыс істейді. Қор бұл қызметтер мамандарының кәсіби деңгейін арттыру үшін ай сайын оқыту сессияларын ұйымдастырады, – деді Әлеуметтік медициналық сақтандыру қоры басқарма тө­рағасының орынбасары Индира Саркенова.</blockquote>Оқытулар негізгі бағыттарды қамтиды – беделді басқару (ре­путациялық менеджмент), этика және деонтология, ҚР медицина қызметкерлерінің ар-намыс ко­дексі. Сессия барысында нақ­ты келіп түскен шағымдар талда­нып, қаралады. Бұл теориялық білімді тәжірибеде қолдануға, сондай-ақ халық тарапынан се­німді арттыруға мүмкіндік бе­реді.Халықпен кері байланысты күшейту және еліміздегі меди­циналық көмектің сапа стан­дарт­тарын арттыру жұмыстары жалғасуда.Айта кету керек, егер па­циент медициналық көмек алу кезінде мәселе туындаса, дәрі­гер­дің ем тактикасына қа­тыс­ты шешімімен келіспесе не­месе МӘМС жүйесіндегі мәр­те­бе­ңізге қатысты сұрақтар болса, па­­циенттерді қолдау жә­не ішкі сараптама қызметіне жү­гіне ала­ды. Аталған қызмет әрбір ме­­дициналық ұйымда жұ­мыс істейді. Оның жұмысы Қа­зақ­стан Республикасының «Халық ден­саулығы және денсаулық сақ­тау жүйесі туралы» кодексімен, сондай-ақ ҚР Денсаулық сақтау министрінің бұйрығымен рет­теледі.

Пациенттер шағымы 11,7%-ға азайды

<a href="https://kyzylorda-news.kz/">Kyzylorda-news.kz</a> Жаздың келуімен жедел ішек инфекцияларының таралу қаупі күшейеді. Әсіресе дұрыс сақталмаған тағамдар мен жуылмаған көкөніс-жемістер арқылы ауру жұғуы мүмкін. Мамандар жеке бас гигиенасын қатаң сақтау, қауіпсіз сауда орындарынан ғана өнім сатып алу және тамақтану барысында мұқият болу қажет екенін ескертеді. Бұл туралы бүгін Өңірлік коммуникациялар қызметінің ақпарат алаңында Қызылорда облыстық санитариялық-эпидемиологиялық бақылау департаментінің басшысы Гүлмира Сыздықова мен облыстық жұқпалы аурулар ауруханасы бас дәрігерінің орынбасары Шарипа Алиева мәлімдеді.<blockquote>– Жаз мезгілі – табиғаттың жаңарып, жеміс-жидек пен көкөніс өнімдері молаятын кезең. Осындай уақытта тамақ өнімдерін дұрыс тұтыну мен санитариялық талаптарды сақтау өзекті бола түседі. Ауа райының жылынуы тағам өнімдерінің сақталу жағдайына, әсіресе көкөніс пен жемістердің сапасына ерекше көңіл бөлуді қажет етеді. Қызылорда облысында қазіргі таңда жедел ішек инфекциялары бойынша жағдай тұрақты. Анықталған жағдайларды зерделеу барысында көбінесе дұрыс сақталмаған немесе үй жағдайында дайындалған тағам өнімдерін тұтыну, жеке тазалық шараларына жеткілікті көңіл бөлмеу сияқты жайттар кездесетіні байқалды. Сонымен қатар көктем және жаз мезгілінде ерте піскен бақша өнімдерін мөлшерден тыс тұтыну да ағзаға жайсыздық тудыратыны белгілі болды. Жалпы, осы кезеңде азық-түліктің сапасына, жеміс-жидек пен көкөністің тазалығына мән беру, су көздерінің тазалығын қадағалау және тұрмыста санитариялық талаптарды сақтау маңызды. Қызылорда облысының санитариялық-эпидемиологиялық бақылау қызметі өз тарапынан қауіпсіз өнімдерге тұрақты бақылау жүргізуде. Сауда орындарынан сатып алынған өнімдердің сапасы мен талаптарға сәйкестігі зертханалық тұрғыда тексеріліп, қажетті шаралар қабылданып жатыр. Біздің мақсат - халықтың сапалы әрі қауіпсіз өнім тұтынуына жағдай жасау және тұрғындар денсаулығын қорғау. Баршаңызды санитариялық талаптарды сақтауға және күнделікті өмірде тазалық мәдениетін ұстануға шақырамын,– деді Гүлмира Жамбылқызы.</blockquote>Жедел ішек инфекциялары - әсіресе жаз мезгілінде жиі кездесетін жұқпалы аурулардың бірі.&nbsp;– Бұл дерттің негізгі белгілері - дене қызуының көтерілуі, іш өту, құсу және жалпы әлсіздік. Мұндай жағдайда науқас міндетті түрде дәрігерге жүгініп, уақытылы медициналық көмек алуы қажет. Өзін-өзі емдеуге жол бермеу керек. Біздің ауруханаға жедел ішек инфекциясының белгілерімен түсетін науқастардың басым бөлігі - балалар. Әсіресе жазғы мезгілде олар көбірек бақша өнімдерін, жеміс-жидек пен балмұздақ сияқты тағамдарды жиі тұтынады. Кей жағдайларда дұрыс жуылмаған немесе дұрыс сақталмаған тағам өнімдері аурудың себебіне айналып жатады. Жедел ішек инфекциясының алдын алудың ең маңызды жолы - қарапайым тазалық ережелерін сақтау. Әсіресе балалар арасында жеке бас гигиенасын қалыптастыру, қолды жиі жуу және дұрыс тамақтану мәдениетін үйрету маңызды. Медициналық мекемелерде науқастарға тиісті емдік шаралар уақытылы көрсетіліп келеді. Қазіргі таңда қажетті дәрі-дәрмек пен орын жеткілікті. Біздің міндетіміз - ауруды емдеумен қатар, оның алдын алуға да баса мән беру. Сондықтан баршаңызды санитариялық-гигиеналық талаптарды орындауға, таза тағам тұтынуға және денсаулыққа мұқият болуға шақырамыз,– деді Шарипа Жақсылыққызы.Фото: Нұрболат Нұржаубай<img src="https://knadmin.beoblood.kz/uploads/Zhedel_ishek_infekcziyalarynan_sa_bolu_ma_yzdy_7ad22956a4.jpg" alt="Жедел ішек инфекцияларынан сақ болу маңызды.jpg">

Жедел ішек инфекцияларынан сақ болу маңызды 

<a href="https://kyzylorda-news.kz/">Kyzylorda-news.kz</a> &nbsp;Әлеуметтік медициналық сақтандыру қорында халық тарапынан МӘМС жүйесіндегі медициналық көмектің сапасы мен қолжетімділігіне қатысты шағымдардың азаюына ықпал еткен шаралар туралы баяндалды.&nbsp; 2025 жылдың алғашқы бес айында Қорға барлығы 10 363 шағым түсті, олардың 5 073-і қайтарылып алынды. Бұл көрсеткіш 2024 жылдың осы кезеңімен салыстырғанда 11,7%-ға төмен. Ол кезде 11 745 шағым тіркелген еді (5 167 қайтарылған).<blockquote>«Азаматтардың шағымдарын азайту және медициналық қызмет сапасын жақсарту бағытындағы жүйелі жұмыс нәтижесінде оң нәтижеге қол жеткізілді. Осы мақсатта Қор медициналық ұйымдар базасындағы пациенттерді қолдау қызметтерімен бірлесіп жұмыс істейді. Қор бұл қызметтердің мамандарының кәсіби деңгейін арттыру үшін ай сайын оқыту сессияларын ұйымдастырады», – деді Әлеуметтік медициналық сақтандыру қоры басқарма төрағасының орынбасары Индира Саркенова.</blockquote>Оқытулар негізгі бағыттарды қамтиды – беделді басқару (репутациялық менеджмент), этика және деонтология, ҚР медицина қызметкерлерінің ар-намыс кодексі. Сессия барысында нақты келіп түскен шағымдар талданып, қаралады. Бұл теориялық білімді тәжірибеде қолдануға, сондай-ақ халық тарапынан сенімді арттыруға мүмкіндік береді.Халықпен кері байланысты күшейту және еліміздегі медициналық көмектің сапа стандарттарын арттыру жұмыстары жалғасуда.Еске саламыз: Егер сіз медициналық көмек алу кезінде мәселе туындаса, дәрігердің ем тактикасына қатысты шешімімен келіспесеңіз немесе МӘМС жүйесіндегі мәртебеңізге қатысты сұрақтарыңыз болса, Пациенттерді қолдау және ішкі сараптама қызметіне жүгіне аласыз. Аталған қызмет әрбір медициналық ұйымда жұмыс істейді. Оның жұмысы Қазақстан Республикасының «Халық денсаулығы және денсаулық сақтау жүйесі туралы» Кодексімен, сондай-ақ ҚР Денсаулық сақтау министрінің 2020 жылғы 3 желтоқсандағы № ҚР ДСМ-230/2020 бұйрығымен реттеледі («Медициналық қызметтердің (көмектің) сапасына ішкі және сыртқы сараптама жүргізу қағидаларын бекіту туралы»).

Пациенттердің шағымдары 11,7%-ға азайды

<a href="https://kyzylorda-news.kz/">Kyzylorda-news.kz</a> Әлеуметтік медициналық сақтандыру қорының Қызылорда облысы бойынша филиалының мамандары кең көлемде ақпараттық-түсіндіру жұмыстарын жүргізуде.Онлайн/офлайн форматта өңірдегі жүйелік маңызы бар кәсіпорындар мен екінші деңгейлі банктер, «Қазпошта» АҚоблыстық филиалының ұжымдарымен өткен кездесулерде сарапшылар міндетті әлеуметтік медициналық сақтандыру жүйесінің бағыттары, қағидаттары мен артықшылықтары туралы түсініктеме береді.Атап айтқанда: &nbsp;<ul><li style="text-align:justify;">ТМККК (тегін медициналық кепілдендірілген көмек) және МӘМС медициналық пакеттері туралы;&nbsp;</li><li style="text-align:justify;">МӘМС жарналары мен аударымдарын қалай дұрыс төлеу және қате төленген қаражатты қайтару тәртібі туралы;&nbsp;</li><li style="text-align:justify;">МӘМС жүйесінде сақтандырылу мәртебесін қалай тексеруге болады;&nbsp;</li><li style="text-align:justify;">МӘМС жарналарын және аударымдарын қалай төлеуге болады;&nbsp;</li><li style="text-align:justify;">МӘМС мәселелері бойынша кері байланыс арналары жөнінде мәліметтер беріп отырды;</li><li style="text-align:justify;">Кездесулер барысында Қор филиалының мамандары қызметкерлердің сұрақтарына толыққанды жауап берді.</li></ul>Айта кетейік, МӘМС жүйесі туралы толығырақ ақпаратты Қордың ресми сайты – msqory.kz және Қор филиалының ресми парақшасы – msqory_kzo арқылы білуге болатынын хабарлап отырады.

МӘМС жүйесі әр қызметкер үшін маңызды

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаевтың қатысуымен «Өнер орталығында» Медицина қызметкерлері күніне арналған «Сыр медицинасының ғаламат ғасыры» атты салтанатты шара өтті.Басқосуға жауапты сала басшылары, медицина саласының қызметкерлері мен ардагерлері, зиялы қауым өкілдері қатысты.Аймақ басшысы жиналған қауымды кәсіби мерекемен құттықтап, Сыр медицинасының бүгінгі беталысы мен алдағы жоспарларға тоқталды.<blockquote>«Дәрігер – ең ізгі, ең қастерлі мамандық иесі. Сіздер халқымыздың әл-ауқатын арттыруға, дені сау ұлт қалыптастыруға бағытталған жаңа реформалар мен бағдарламаларды сәтті жүзеге асыру жолында жауапты міндет атқарып келесіздер.Нағыз дәрігер үшін ең жоғары құндылық – халықтың ыстық ықыласы мен алғысына бөлену. Бүгінгі мерейлі мерекеде сіздердің өлшеусіз еңбектеріңізге барша Сыр жұртшылығының, өзімнің атымнан алғыс айтып, зор ризашылығымызды білдіремін.Президентіміз Қасым-Жомарт Кемелұлы Ақордада өткен дәрігерлермен кездесуде «Денсаулық сақтау жүйесін дамыту, ең алдымен, азаматтардың әл-ауқатын көтеруге бағытталған. Өйткені медицинаның деңгейі мен қолжетімділігі – еліміздегі өмір сапасының негізгі көрсеткіші», – деген болатын.Аймағымызда Мемлекет басшымыздың тапсырмасымен, Үкіметтің қолдауымен халық денсаулығын нығайтуға, медицина қызметкерлеріне жан-жақты қолдау көрсетуге бағытталған кешенді шаралар нәтижелі жүзеге асырылуда. Соңғы үш жылда салаға 441 млрд. теңге қаржы бөлініп, халықтың сұранысына сәйкес түйткілді мәселелер шешімін тауып келеді.Президентіміздің бастамасымен қолға алынған «Ауылда денсаулық сақтауды жаңғырту» ұлттық жобасы аясында барлық ауданда 28 медициналық нысан жаңадан салынып, іске қосылды. Төрт көпбейінді аудандық орталық аурухана жанынан қосымша құрылыстар, емханасы мен онкологиялық бөлімшесі бар 300 орындық көпбейінді аурухана бой көтеруде. Соңғы үш жылда 24 медициналық нысан күрделі жөндеуден өтті. Халық сұранысына сәйкес барлық елді мекендегі денсаулық сақтау мекемелері санитарлық автокөлікпен 100 пайыз қамтылып, мәселе түбегейлі шешімін тапты.Жақында Қызылордада өткен халықаралық ғылыми-практикалық конференцияда медицина қызметкерлерін әлеуметтік қолдау, кадрларды тұрақтандыру үшін өңіріміздің денсаулық сақтау саласы қызметкерлеріне арнап 100 пәтерлік тұрғын үй салу туралы шешім қабылдадық. Қазір құрылыс басталды, жыл соңына дейін аяқталып, пайдалануға берілмек.Өткен жылы 15 дәрігер Түркиядағы, биыл 41 маман Германия, Ресей, Литва, Беларусь елдеріндегі алдыңғы қатарлы клиникаларда біліктілік арттырды.Жауапкершілігі жоғары салада уақытпен санаспай, күні-түні жасаған қызметтеріңіз үшін тағы да алғысымызды білдіремін! Халыққа әрдайым адал қызмет етіп, абыройлы болыңыздар!» – деді Нұрлыбек Машбекұлы.</blockquote>Мерекелік басқосуда қажыры мен қайратын, білімі мен біліктілігін ұлт саулығына арнаған медицина қызметкерлері марапат төрінен көрінді. Қызылорда қалалық көпбейінді ауруханасының кеңесші хирург дәрігері Юрий Фотиади «Құрмет» орденімен, «Қазлепрозорий» мекемесі Тасбөгет бөлімшесінің меңгерушісі Анаркүл Нұрғалиева «Шапағат» медалімен марапатталып, сала ардагері Асылбек Тоғызбаевқа «Қазақстанның еңбек сіңірген дәрігері» құрметті атағы табысталды.Мерекеде медицина қызметкерлері Денсаулық сақтау министрлігінің «Еңбек ардагері» медаліне, «Денсаулық сақтау ісінің үздігі» төсбелгісіне ие болды.Кейінгі жылдары өңіріміздің медицина саласына бюджеттен тыс ресурстар да тартылуда. «Қазақстан халқына» қоғамдық қорымен тұрақты әріптестік байланыс орнатылған. Қор соңғы екі жылда өңірдің денсаулық сақтау саласына 4 млрд. теңгеден астам қаржы бағыттады. Бұл қаржыға облыстық балалар ауруханасы базасында, Жаңақорған ауданында «Қамқорлық» оңалту орталықтары ашылды. Жақын күндері Арал ауданында осындай орталық пайдалануға беріледі. Сирек кездесетін дертке шалдыққандарға қажетті дәрі-дәрмек сатып алынды. Қор облыстық онкология орталығына құны 1 млрд. 100 млн. теңге болатын, еліміздегі 3 облыста ғана бар скрининг жүргізуге арналған жылжымалы медициналық кешен табыстады.<img src="https://knadmin.beoblood.kz/uploads/Syr_mediczinasyny_alamat_asyry_1_7546bfedc8.jpg" alt="«Сыр медицинасының ғаламат ғасыры» 1.jpg"><img src="https://knadmin.beoblood.kz/uploads/Syr_mediczinasyny_alamat_asyry_3_5eb42d7f4a.jpg" alt="«Сыр медицинасының ғаламат ғасыры» 3.jpg"><img src="https://knadmin.beoblood.kz/uploads/Syr_mediczinasyny_alamat_asyry_2_ed6961a80a.jpg" alt="«Сыр медицинасының ғаламат ғасыры» 2.jpg">Фото: Қызылорда облысы әкімінің баспасөз қызметі

«Сыр медицинасының ғаламат ғасыры» атты салтанатты шара өтті

<a href="https://kyzylorda-news.kz/">Kyzylorda-news.kz</a> Қызылордадағы көп бейінді облыстық ауруханада құрсақ қуысы артындағы үлкен түзілімді алып тастау бойынша ота жасалды.56 жастағы Алтынбек Фазылов соңғы бес жылда бүйрегіндегі түзілімді алып тастау үшін үш мәрте ота жасатқан. Жуырда облыстық аурухананың хирургтері құрсақ қуысы артындағы 25 сантиметрлік түзілімді алып тастады. Пациент сауығып, әрі қарай емін жалғастыруда.<blockquote>– Белім ауырып, аяқтарым қатты ісіп, басқа да белгілер мазалады. Отадан кейін жақсымын. МӘМС жүйесі аясында емді тегін алып жатырмын. Хирургтер Жасұлан Баймахановқа, Ербол Серікұлына, Асет Жалмағанбетовке және медбикелерге мың алғыс, – дейді Алтынбек Фазылов.</blockquote>Дәрігерлердің айтуынша, бұл өте сирек кездесетін түзілім. Мұндай жағдай барлық бүйрек ауруларының тек 1%-ында ғана кездеседі.<blockquote>– Егер пациент емін дұрыс жалғастыратын болса, болашақта қайтадан түзілім пайда болмайды. Мұндай отаның құны – 310 мың теңге. Әлеуметтік медициналық сақтандыру қорынан қаржыландырылады. Мысалы, көршілес Өзбекстанда мұндай отаның 90%-ын науқастың өзі төлейді, – дейді көп бейінді облыстықаурухана директорынің орынбасары ЕрболСерікұлы.</blockquote>

Қызылордалық дәрігерлер пациенттен сирек кездесетін түзілім алды

<a href="https://kyzylorda-news.kz/">Kyzylorda-news.kz</a> &nbsp;Қазақстанда немесе шетелде күндізгі бөлімде оқитын студенттер жеңілдік санатына кіреді. Алайда, олардың сақтандырылған мәртебесін алу алгоритмі әртүрлі. Бұл туралы Әлеуметтік медициналық сақтандыру қорында еске салды.Кімдер кіреді?Орта, техникалық және кәсіптік, ортадан кейінгі және жоғары білім беру ұйымдарының күндізгі бөлімінде оқитын студенттер жеңілдік санатындағы азаматтар қатарына кіреді.Сондай-ақ шетелдік жоғары оқу орындарында білім алып жатқан қазақстандықтар да осы санатқа кіреді.Жарна төлеу керек пе?Бұл студенттер үшін МӘМС жарналарын мемлекет төлейді.Егер студент ресми түрде жұмыс істесе, жұмыс беруші оның жалақысынан жарна ұстамайды және өзі де аударым жасамайды.Мәртебені қалай алуға болады?Қазақстанда оқитын студенттер:«Сақтандырылған» мәртебесі автоматты түрде тағайындалады. Бұл үшін ҚР Оқу-ағарту министрлігінің Ұлттық білім беру деректер базасы (ҰБДБ) немесе ҚР Ғылым және жоғары білім министрлігінің Жоғары білім берудің бірыңғай платформасы (ЖББП) негізінде мәліметтер алынады. Бұл ақпараттар оқу орнының ақпараттық жүйесі арқылы жіберіледі. Мұнда ЖОО қызметкерлері студенттердің жеке деректерін, оқу кезеңі мен формасын дұрыс көрсетіп, деректерді уақытында жаңартып отыруы маңызды.Шетелде оқитын студенттер:Мәртебе алу үшін студент өз деректерін электрондық үкімет порталы egov.kz арқылы «Шетелде білім алып жатқан студенттерді тіркеу» мемлекеттік қызметі арқылы өзі ұсынуы керек (<a href="https://egov.kz/cms/ru/services/6-51pass_mon">https://egov.kz/cms/ru/services/6-51pass_mon</a>). Ашылған терезеде өтініш толтырып, оқып жатқанын растайтын құжатты (қазақ немесе орыс тіліне аударылған әрі нотариалды расталған оқу орнынан анықтама) қоса тіркеу қажет. Деректер дұрыс енгізілсе, мәртебе 10 жұмыс күні ішінде беріледі.Мәртебенің берілмеу/жоғалу себептеріҚазақстанда оқитын студент мәртебе ала алмаса, оқу орнындағы ақпараттық жүйедегі мәліметтерді нақтылау үшін ЖОО-ға жүгінуі керек. Мұнда оқу мерзімі қате көрсетілуі немесе ЖСН дұрыс енгізілмеуі мүмкін.Шетелде оқитын студенттерде мәртебе бойынша қиындық туындаса, ҚР Ғылым және жоғары білім министрлігіне жүгінуі қажет. Бұдан бөлек, әр семестр аяқталғаннан кейін egov.kz порталы арқылы өз оқуын растап отыру маңызды.Оқу аяқталғаннан кейінОқу орнын аяқтаған немесе оқудан шығарылған жағдайда студент жеңілдік санатындағылар қатарынан түсіп қалады. Сақтандырылған мәртебесін сақтау үшін ол ресми жұмысқа орналасуы керек (бұл жағдайда жарналар мен аударымдарды жұмыс беруші төлейді) немесе жарналарды дербес төлеуші ретінде өзі төлейді (2025 жылы – ай сайын 4 250 теңге).

Студенттер сақтандырылған мәртебесін қалай ала алады?

<a href="https://kyzylorda-news.kz/">Kyzylorda-news.kz</a>&nbsp; Президент жиналған қауымды Медицина қызметкері күнімен құттықтап, осы мерекеге орай дәрігерлермен Ақордада алғаш рет кездесіп отырғанын әрі бұл жиынның мән-мағынасы ерекше екенін атап өтті.<blockquote>– Халқымыз «Бірінші байлық – денсаулық» деп бекер айтпаған. Шын мәнінде, ұлт саулығы – еліміз үшін аса маңызды құндылық. Әлемнің «екінші ұстазы» – Әл-Фараби медицинаны өнер деп бағалаған. Расында, дәрігер болу – жүректің ісі. Бұл – екінің бірі аяқ баса бермейтін жүгі ауыр, күрделі жұмыс. Медицина қызметкерлері – ұлт саулығының сақшылары, ең қадірлі мамандық иелері. Әсіресе, жаһандық індет, яғни, ковид кезінде бүкіл ел дәрігерлердің адал қызметіне куә болды. Күрделі кезеңде медицина мамандары мыңдаған адамды құтқарып қалды. Біз абзал жандардың табанды еңбегін бағалаймыз. Олардың қайсарлығын мақтан тұтамыз. «Бір адамның өмірін құтқару барша адамзатты құтқарумен бірдей». Дәрігерлер ота кезінде, аурухана палатасында күн сайын ерлік жасайды десек, артық болмайды. Жедел жәрдем көлігінде адам өміріне араша түсетін сәттер болады. Сондықтан сіздер, құрметті медицина қызметкерлері, бейбіт күннің батырлары деген атқа лайықсыздар. Мен барша медицина мамандарына зор ризашылығымды білдіремін, – деді Мемлекет басшысы.</blockquote>Қасым-Жомарт Тоқаев қазақ дәрігерлері қай кезде болсын, ел мүддесін бәрінен биік қоя білгенін, ұлт қайраткерлері Халел Досмұхамедов пен Санжар Асфендияровтың белгілі дәрігер болғанын, олар халқымыздың азаттығы үшін де, саулығы үшін де аянбай күрескенін атап өтті. &nbsp;<blockquote>– Бүгінде еліміздің денсаулық сақтау саласында 380 мыңға жуық адам жұмыс істейді. Әр маманның еңбегі орасан зор. Ұлт саулығын сақтауға бүкіл өмірін арнаған тұтас әулеттер бар. Алматыдағы Джувашевтер әулетінен 13 адам медицина саласын таңдаған. Олардың жалпы еңбек өтілі – 375 жыл. Ал Атырау облысындағы Шанаевтар әулетінен 16 дәрігер шыққан. Мұндай еңбек династияларының ғибратты жолы – көпке үлгі-өнеге. Қазір ұлттық медицина саласы қарқынды дамып келе жатыр. Жетістіктеріміз аз емес. Елімізде орташа өмір сүру ұзақтығы 75,4 жасқа жетті. Ана мен бала өлімі шамамен 12 пайызға азайды. Бес жылда 800-ге жуық денсаулық сақтау нысаны, яғни, көптеген емхана мен аурухана салынды. Бұл жұмыс тоқтамайды, мемлекет алдағы уақытта да инфрақұрылымды дамыта береді. Ұлт саулығын жақсарту алғашқы медициналық көмектен басталады. Елімізде ауылдық жердегі медицина жүйесін жаңғыртуға арналған ұлттық жоба жүзеге асырылып жатыр. Бүгінде 469 ғимарат бой көтерді. Жыл соңына дейін тағы 186 нысан салынады. Аудандық ауруханалар заманға сай құралдармен жабдықталып жатыр, – деді Президент.</blockquote>Мемлекет басшысы елімізде медициналық туризм қарқынды түрде дамып келе жатқанын жеткізді. Жыл сайын 45 мемлекеттен шамамен 10 мың адам Қазақстанға емделу үшін арнайы келеді. Бұл еліміздегі дәрігерлік көмектің сапасы жоғары екенін көрсетеді.<blockquote>– Бүгінде көптеген ауруханаларымыз халықаралық аккредиттеуден өткен. Нейрохирургия мен Кардиохирургия ұлттық орталықтары әлемдік клиникалар деңгейінде жоғары технологиялы медициналық қызмет көрсетеді. Қазақстандық дәрігерлер жүрекке жыл сайын мыңдаған ашық операция жасайды. Емделушілердің қатарында тіпті, жаңа туған нәрестелер де бар. Елімізде органдарды трансплантациялау ісі жоспарлы түрде дамып келеді. Жуырда жүрек ауыстыруға арналған жүзінші ота сәтті өтті. Биыл алғаш рет бір мезетте үш адамға үш донордың бүйрегін тоғыспалы трансплантация тәсілімен салды. Өздеріне сәйкес келетін органдарды алу үшін пациенттер бір-біріне донор болды. Мұндай күрделі операциялар дүние жүзінде алты елде ғана жасалады. Онкологиялық ауруларды емдеуге сәуле терапиясының озық әдістері қолданылып жатыр. Былтырдан бері елімізде мүлде жаңа бағыт – фетальді медицина дами бастады. Яғни, бұл – ана құрсағындағы шаранаға операция жасау деген сөз. Мұндай бірегей медициналық көмек көптеген баланың дүниеге дені сау болып келуіне мүмкіндік сыйлайды. Сирек кездесетін сырқаты бар адамдарды емдеу мен денсаулығын жақсартуға ерекше мән берілуде. Мемлекеттің алдында мұндай науқастарды шетелдік қымбат дәрі-дәрмекпен қамтамасыз ету секілді күрделі міндет тұр. Осы орайда менің ұсынысым бойынша құрылған «Қазақстан халқына» қоры үлкен қолдау көрсетіп отыр, – деді Қасым-Жомарт Тоқаев.</blockquote>Мемлекет басшысы еліміздің фармацевтикалық өнеркәсіпті дамытуға айрықша назар аударатынын айтты.<blockquote>– Ірі халықаралық инвесторларды тарта отырып, стратегиялық сипат алған бұл саланы дамытуға күш салу маңызды. Алдағы уақытта медицина ғылымының әлеуетін толықтай игеру керек. Ол үшін қазірдің өзінде берік негіз бар. Ғалымдарымыз онкология, трансплантология, неонатология, генетика, биомедицина салаларында тың жаңалықтар ашты. Қан ауруларын емдеуге отандық препараттар қолданылып жатыр. Жасанды интеллект сырқаттарды анықтау мен емдеудің көкжиегін кеңейтеді. Аталған перспективті салада айтарлықтай серпіліс жасау қажет. Ядролық медицинаның мүмкіндігін де барынша пайдаланған жөн. Денсаулық сақтау жүйесін дамыту, ең алдымен, азаматтардың әл-ауқатын көтеруге бағытталған. Өйткені медицинаның деңгейі мен қолжетімділігі – елдегі өмір сапасының негізгі көрсеткіші, – деді Президент.</blockquote>Қасым-Жомарт Тоқаев медицина қызметкерлерін әлеуметтік тұрғыдан қолдау, олардың мәртебесін көтеру – мемлекеттің негізгі міндетінің бірі екеніне тоқталды.<blockquote>– Менің тапсырмаммен былтырдан бастап «Қазақстанның еңбек сіңірген дәрігері» атағы беріле бастады. Бұл – медицина қызметкерлеріне деген айрықша құрметтің белгісі. Соңғы 5 жылда денсаулық сақтау саласындағы жалақы екі есеге жуық өсті. Медицина кадрларын даярлайтын жоғары оқу орындары мен колледждердің шәкіртақысы көбейді. Жас мамандардың білікті дәрігерден тағылым алып, кәсібіне тез бейімделіп кетуіне барынша жағдай жасалуда. Жалпы, денсаулық сақтау ісіне бөлінетін қаржы жыл өткен сайын артып келе жатыр. Биыл оның көлемі 2,6 триллион теңгеге жетті. Мемлекет медицина қызметкерлеріне қолдау көрсете береді. Дәрігерді халықтың қамқоршысы деуге болады. Барша жұрт мұны терең түсініп, оларға әрдайым құрмет көрсетуге тиіс. Өкінішке қарай, қоғамда дәрігердің жұмысына кедергі жасап, тіпті, қоқан-лоқы көрсететін адамдар әлі де бар. Медицина қызметкерінің қауіпсіздігіне қатер төндіретін заңсыз әрекетке жол беруге болмайды. Қоғамдық тәртіпті бұзатын осындай адамдар міндетті түрде заң аясында жауапкершілікке тартылады. Заң мен тәртіп барлық жерде бірдей қатаң сақталуға тиіс. Біз сонда ғана Әділетті әрі Қауіпсіз Қазақстанды құра аламыз. Осы орайда медицина&nbsp;қызметкерінің рөлі айрықша, – деді Мемлекет басшысы.</blockquote>Президент дәрігерлердің еңбегі қашанда лайықты бағалануы керек екенін айтып, медицина майталмандарын мемлекеттік наградамен марапаттау туралы Жарлыққа қол қойғанын жеткізді.Жиында С.Асфендияров атындағы Қазақ ұлттық медицина университетінің кафедра меңгерушісі Құралбай Құрақбаев, еңбек ардагері Жексенбай Нысанов, «Ұлттық биотехнология орталығы» ЖШС филиалының зертхана меңгерушісі Екатерина Остапчук сөз сөйледі.

Мемлекет басшысы Қасым-Жомарт Тоқаев медицина саласы қызметкерлерін марапаттау рәсімінде сөз сөйледі

<a href="https://kyzylorda-news.kz/">Kyzylorda-news.kz</a> Қызылорда медицина ұйымдары арасында жүйелі өткізіліп келе жатқан 57-ші спартакиада өз мәресіне жетті. Биылғы спартакиада медицина саласының ардагерлері Сағындық Шамшиевтің 80 жас, Абдулла Шүленбаевтың 75 жас мерей тойларына арналып, ұрпақтар сабақтастығымен салауатты өмір салтын насихаттаудың басты мақсаттары денебелсенділігін арттыру мен қимыл-қозғалыстың жақсаруы, тиімділігі.&nbsp;Сала қызметкерлерінің кәсіби мерекесі қарсаңында «SENIM» Денсаулық сақтау жүйесі жұмыскерлерінің салалық кәсіптік одағы мен Қызылорда облыстық денсаулық сақтау басқармасының ұйымдастыруымен бір айға жуық спорттың 9 түрінен (шағын футбол, волейбол, арқан тарту, асық ату, бес асық, эстафета, ұзындыққа секіру, тоғызқұмалақ, үстел теннис) ойын түрлерінен тартысты жарыстар облыстық, қалалық, аудандық емдеу-алдын алу ұйымдары және жеке клиникалар мен орта оқу орындары (жоғары мед колледжі, «өркениет колледжі») арасында өткізілді. Барлығы шамамен 900- ге жуық қызметкерлер, жұмыскерлер өз мекемелерінің абыройы үшін тер төкті, тартысты ойын өрнектерін көрсетіп Саламатты өмір салтын кеңінен насихаттады.Жалпы биылғы жылы елімізде Президенттің «Жұмысшы мамандықтар жылы», Ұлы жеңістің 80 жылдығы аясында жоспарланған. Жоспарлы іс-шараның ашылу салтанаты 5-мамыр күні «Локоматив» стадионында өтті. Ашылу салтанатына облыстық денсаулық сақтау басқармасының басшысы О.Искаков құттықтау сөз сөйлеп, спартакиаданың маңыздылығы ұрпақтар сабақтастығы, саламатты өмір салтын ұстану қағидалары, сала ардагерлері С.Шамшиев пен А.Шүленбаевтың мерейлі жастарында өңір халқына жасаған адал еңбектерін кейінгі жас мамандарға дәріптеу, ұлықтау және сала қызметкерлері арасында биыл 57-ші рет жүйелі өткізілгелі отырған спартакиаданың үлкен маңызға ие екенін атап өтті. Өз кезегінде мерей той иелері әріптестеріне алғысын білдіріп, сәттілік тіледі. «SENIM» Денсаулық сақтау жүйесі жұмыскерлерінің салалық кәсіптік одағы РҚБ-нің Қызылорда облыстық филиал төрағасы Сәулебек Ысқақовтың айтуынша Ел Президентінің 2025 жылды «Жұмысшы мамандықтар жылы» деп жариялап, соған орай ауқымды іс-жоспар аясында емдеу алдын-алу мекемелеріндегі бастауыш ұйым жұмыскерлерін барынша жұмылдыру. Жылма-жыл спорт додасы кәсіподақ мүшелерінің қызу қолдауының арқасында ауқымы кеңейіп, қатысышу командалар саны аудандармен жеке клиникалардан да ұсыныстар түсіп, дами түскенін көріп отырмыз.Сондай-ақ биыл Қазақстан кәсіподақтарының құрылғанына 120 жыл айтулы мерекесін басшылыққа алып, сонымен қатар ұлы жеңістің 80 жылдығы да сала қызметкерлері арасында талқыланып, кейінгі ұрпаққа кеңінен насихатталуда.Бұл спартакиаданы өткізудің маңыздылығына медицина қызметкерлерімен жұмыскерлердің тек кәсіби салада ғана емес, спорттық шараларда да белсенділік танытып келе жатқанын атап өтті. Оның айтуынша мұндай шаралар тек дене шынықтыруды ғана емес рухани сергектікті де арттырады, сонымен қатар салауатты өмір салтын насихаттауды ұжымдық рухты нығайту және медицина жұмыскерлері арасында өзара байланысты күшейту мақсатында ұйымдастырылды.Техникалық және төрешілік қызметтерді Қызылорда қаласының дене шынықтыру және спорт бөлімінің мамандары қамтамасыз етті.Жарысқа облыс көлеміндегі емдеу ұйымдарынан 27-і команда өтініш білдіріп, барлығы 900- ге жуық медицина қызметкерлері қатысты. Өз кезегінде қатысушы қызметкерлер кәсіби қызметтегі жауапкершілікті спорттық ойында шеберлікпен үйлестіріп, нағыз командалық рухпен тартысты қолдаудың үлгісін көрсете білді. Жеңімпаз командаларға жүлделі кубоктар, дипломдар, медальдар, ақшалай сыйлықтардың сертификаттары табысталды. Сондай-ақ үздік ойыншылар, ардагер ойыншыларда және белсенді қатысушы командаларда марапаттан құр қалған жоқ.Медицина қызметкерлері арасындағы дәстүрлі спартакиадада тек жарыс қана емес, бір-бірімен тәжірибе алмасуға, ұрпақтар сабақтастығын дәріптеуге, бей ресми жағдайда танысып-білісуге үлкен мүмкіндік берді.Қатысушылардың пікірінше, мұндай спартакиадалар ұжым ішіндегі бірлікті нығайтып, жұмыстан тыс ортада жаңа серпін береді. Ұйымдастырушылар алдағы уақытта дәстүрлі спаркиаданың мазмұнын кеңейтуге ойын ережелеріне өзгерту енгізуге және ұлттық спорт түрлерін насихаттау бағытында жұмыстар жасап, медицина қызметкерлері арасында саламатты өмір салтын насихаттау жұмыстары жүйелі түрде жалғасын таба бермек.

Қазақстан және Қызылорда облысының жаңалықтары: Денсаулық