<a href="https://kyzylorda-news.kz/">Kyzylorda-news.kz</a> Қызылорда облысында міндетті әлеуметтік медициналық сақтандыру жүйесіне жекеменшік медициналық ұйымдардың белсенді қатысуы&nbsp;арқылы медициналық көмектің қолжетімділігі артып келеді. 2026 жылы Әлеуметтік медициналық сақтандыру қорының филиалы 125 медициналық ұйыммен шарт жасасты, олардың 93-і жекеменшік ұйымдар.Қор филиалының директоры Жақсылық Әбдусаметов атап өткендей, МӘМС жүйесі пациенттерге меншік нысанына қарамастан медициналық ұйымды таңдауға мүмкіндік береді.<blockquote>-МӘМС жүйесінің негізгі қағидаттарының бірі – «қаражат пациенттің соңынан ереді» қағидаты. Бұл азаматтардың Қордың жеткізушілері болып табылатын мемлекеттік те, жекеменшік те клиникалардан қажетті медициналық көмекті алуына мүмкіндік береді. Жергілікті дәрігердің немесе тар буынды маманның жолдамасы болған жағдайда пациент тексеруден өту, кеңес алу немесе емделу үшін медициналық ұйымды өзі таңдай алады, – деді Жақсылық Әбілқасымұлы.</blockquote>Бүгінде өңірдегі Қор жеткізушілерінің құрамында:<ul><li style="text-align:justify;">31 мемлекеттік медициналық ұйым (24,8%);</li><li style="text-align:justify;">93 жекеменшік медициналық ұйым (74,4%);</li><li style="text-align:justify;">1 квазимемлекеттік ұйым (0,8%).</li></ul>Өңірде жекеменшік медициналық ұйымдар мемлекеттік секторға, әсіресе консультативтік-диагностикалық, стоматологиялық және стационарды алмастыратын көмек көрсету бағыттарында айтарлықтай бәсекелестік қалыптастырып отыр. Сонымен қатар оңалту қызметтері, бастапқы медициналық-санитариялық көмек (БМСК) және стационарлық медициналық көмек көрсету салаларында да жекеменшік сектордың белсенділігі жоғары.Филиал басшысының айтуынша, жекеменшік медициналық ұйымдардың МӘМС жүйесіне қатысуы медициналық көмектің қолжетімділігін арттыруға, күту мерзімдерін қысқартуға және пациенттердің таңдау мүмкіндігін кеңейтуге ықпал етеді.<blockquote>- Облыс тұрғындары МӘМС аясында жекеменшік клиникаларда тар буынды мамандардың кеңестерін, диагностикалық зерттеулерді, оңалту қызметтерін және басқа да медициналық көмекті тегін ала алады. Көрсетілген қызметтердің ақысын Әлеуметтік медициналық сақтандыру қоры төлейді, – деп атап өтті Жақсылық Абдусаметов.</blockquote>2026 жылы өңір тұрғындарына медициналық көмек көрсету үшін 125 жеткізушіге 135,9 млрд теңге бөлінді. Бұл қаражат халықты тегін медициналық көмектің кепілдік берілген көлемі (ТМККК) және МӘМС жүйесі аясындағы медициналық қызметтермен қамтамасыз етуге бағытталған.Сондай-ақ Қор филиалының басшысы тіркелген емханада қажетті қызметті көрсету мүмкіндігі болмаған жағдайда дәрігер пациентке осы қызметті көрсету бойынша бірлесіп орындау шарты жасалған басқа медициналық ұйымға жолдама беруі тиіс екенін түсіндірді. Сонымен қатар пациент қажетті қызметті көрсететін Қор жеткізушілерінің ішінен медициналық ұйымды өз бетінше таңдауға құқылы. Мұндай жағдайда жергілікті дәрігердің жолдамасы бірлесіп орындау шартын рәсімдеуге негіз болады.Қор сайтында медициналық қызмет жеткізушілер тізімін қалай пайдалануға болады?ТМККК және МӘМС аясында қызмет көрсететін медициналық ұйымдардың өзекті тізімі Қордың сайтындағы «Жеткізушілер картасы» бөлімінің «Жеткізушілерге» бөлімшесінде орналастырылған. Іздеу үшін өңірді және қажетті медициналық көмек түрін таңдау қажет.Сілтеме: <a href="https://msqory.kz/kk/postavshchikam/kak-stat-postavshchikom/podat-zayavku-dlya-vklyucheniya-v-bazu-postavshchikov-i-soispolniteley/">https://msqory.kz/kk/postavshchikam/kak-stat-postavshchikom/podat-zayavku-dlya-vklyucheniya-v-bazu-postavshchikov-i-soispolniteley/</a>Медициналық қызметтердің сапасы немесе қолжетімділігі бойынша сұрақтар туындаған жағдайда пациенттер медициналық ұйымның Пациенттерді қолдау және ішкі аудит қызметіне немесе Әлеуметтік медициналық сақтандыру қорына 1414 байланыс орталығы, Qoldau 24/7 мобильді қосымшасы және&nbsp;Telegram-дағы SaqtandyryBot&nbsp;арқылы жүгіне алады.

Өңірдегі 93 жеке клиникалары МӘМС жүйесінде медициналық көмек көрсетеді

<a href="https://kyzylorda-news.kz/">Kyzylorda-news.kz</a> Жаңажол ауылдық округінде халықтың өмір сүру сапасын арттыруға, медициналық қызметтің қолжетімділігі мен сапасын жақсартуға бағытталған жұмыстар тұрақты түрде жүзеге асырылуда. Денсаулық сақтау саласы округтің әлеуметтік дамуындағы басым бағыттардың бірі болып саналады.Округ тұрғындарына алғашқы медициналық-санитарлық көмекті ауылдық амбулатория көрсетеді. Бұл мекеме халықтың денсаулығын қорғау, аурулардың алдын алу және уақтылы медициналық көмек көрсету бағытында үздіксіз жұмыс атқарып келеді.Дәрігер Д.Елеусінованың мәліметінше, ауылдық амбулатория тәулігіне орта есеппен 35 азаматты қабылдайды. Медициналық мекемеде тұрғындарға тек емдеу қызметтері ғана емес, сонымен қатар профилактикалық шаралар да тұрақты түрде жүргізіледі. Атап айтқанда, жоспарлы екпе егу, скринингтік тексерулер, созылмалы ауруларды ерте анықтау және олардың алдын алу жұмыстары жүйелі ұйымдастырылған.Сонымен қатар, ана мен бала денсаулығын қорғауға ерекше көңіл бөлінуде. Жүктілік кезеңіндегі әйелдерге медициналық бақылау жүргізіліп, балаларға профилактикалық тексерулер мен қажетті екпелер уақытылы жасалуда. Бұл бағыттағы жұмыстардың барлығы тұрғындардың денсаулығын нығайтуға және аурулардың алдын алуға бағытталған.Мемлекет тарапынан көрсетіліп отырған қолдаулардың бірі-тегін медициналық көмектің кепілдік берілген көлемі аясында дәрі-дәрмекпен қамтамасыз ету. Осыған сәйкес, округ тұрғындары қажетті дәрі-дәрмекпен толық қамтылып, әлеуметтік осал топтарға ерекше назар аударылуда.Жаңажол ауылдық округінде денсаулық сақтау жүйесін жетілдіру, медициналық қызмет сапасын арттыру және халыққа қолжетімді медициналық көмекті қамтамасыз ету бағытындағы жұмыстар алдағы уақытта да жалғасын табады.<img src="https://knadmin.beoblood.kz/uploads/Zha_azhol_auyly_mediczina_34fe12ec4c.jpg" alt="Жаңажол ауылы медицина.jpg">Қармақшы ауданында елді мекендерді табиғи газбен қамтамасыз ету бағытында бірқатар стратегиялық инфрақұрылымдық жобалар кезең-кезеңімен жүзеге асырылуда. «Көгілдір отын» тарту жұмыстары тұрғындардың өмір сүру сапасын арттыруға және әлеуметтік жағдайды жақсартуға бағытталған.Осы бағытта Дүр Оңғар ауылында ауқымды жоба толық аяқталып, қазіргі таңда нысан пайдалануға берілген және тұрғын үйлер табиғи газға қосылу мүмкіндігіне ие болды. Бұл ауыл тұрғындары үшін тұрмыстық жағдайды жеңілдетіп, экологиялық және экономикалық тиімділікті қамтамасыз ететін маңызды қадам болды.Сонымен қатар, Төребай би ауылында газдандыру жұмыстары жалғасуда. Жоба аясында ұзындығы 21,26 шақырым газ құбырын тарту жоспарланған. Бүгінгі таңда оның 17,5 шақырымы төселіп, жұмыстар қарқынды түрде жүргізілуде. Жоба аясында 98 тұрғын үйге газ нүктелерін орнату көзделсе, қазіргі уақытта 60 үй толықтай қажетті инфрақұрылыммен қамтамасыз етілген. Құрылыс-монтаж жұмыстары бекітілген жоспарға сәйкес кезең-кезеңімен аяқталуда.Ал Иіркөл ауылында да газдандыру жобасы іске асырылуда. 2026 жылы басталған жоба аясында қазіргі таңда құрылыс-монтаж жұмыстары жүргізілуде. Бүгінге дейін 6 шақырымға жуық газ құбыры тартылған. Жобаны 2027 жылға дейін толық аяқтау жоспарланған. Нысан басында қажетті техникалар мен жұмыс күштері толық жұмылдырылып, жұмыстар қарқынды жүргізілуде.Ауданда елді мекендерді табиғи газбен қамтамасыз ету жұмыстары тұрғындардың әлеуметтік тұрмысын жақсартуға, энергия ресурстарын тиімді пайдалануға және өңірдің инфрақұрылымдық дамуын арттыруға бағытталған. Бұл бағыттағы жобалар алдағы уақытта да жалғасын табады.<img src="https://knadmin.beoblood.kz/uploads/arma_shy_gazdandyru_zh_mystary_c04485f246.jpg" alt="Қармақшы газдандыру жұмыстары.jpg">Сонымен қатар, Қармақшы ауданында бұқаралық спортты дамыту және тұрғындардың салауатты өмір салтын қалыптастыру бағытында жүйелі жұмыстар жүргізілуде. Соның айқын көрінісі - ІІІ-Интернационал ауылындағы дене шынықтыру-сауықтыру кешенінің тұрақты жұмыс істеуі.2023 жылы пайдалануға берілген нысан заманауи талаптарға сай жабдықталып, ауыл тұрғындары мен жастар үшін спортпен айналысуға қолайлы орта қалыптастырды. Кешеннің жалпы аумағы 799,4 шаршы метрді құрайды.Бүгінде мұнда күніне орта есеппен 80-ге жуық адам тұрақты түрде спортпен шұғылданады. Жастармен қатар ересек тұрғындар да кешен қызметін белсенді пайдаланып, денсаулықтарын нығайтуға және бос уақыттарын тиімді өткізуге мүмкіндік алуда.Спорт нысанында күрес және жаттығу залдары жұмыс істейді. Сонымен қатар, дзюдо секциясы бойынша жүйелі жаттығулар жүргізіліп, жас спортшылар түрлі деңгейдегі жарыстарға дайындалуда. Білікті жаттықтырушылардың еңбегі нәтижесінде ауыл жастарының спортқа қызығушылығы артып, жаңа буын спортшылары қалыптасуда.Қармақшы ауданы көлемінде мұндай инфрақұрылымдардың дамуы бұқаралық спорттың кеңінен таралуына ықпал етіп, тұрғындардың белсенді өмір салтын ұстануына жол ашуда.ІІІ-Интернационал ауылындағы дене шынықтыру-сауықтыру кешені - бұқаралық спортты дамытуға серпін беріп, салауатты ұлт қалыптастыру жолындағы маңызды әлеуметтік нысандардың бірі болып отыр.<img src="https://knadmin.beoblood.kz/uploads/arma_shy_sport_salasyn_damytu_zh_mystary_4e580fa0fa.jpg" alt="Қармақшы спорт саласын дамыту жұмыстары.jpg">

Қармақшыда халықтың өмір сүру сапасын арттыруға бағытталған жұмыстар жүйелі жүргізілуде

<a href="https://kyzylorda-news.kz/">Kyzylorda-news.kz</a> &nbsp; «Жібек жолы» сауда-ойын-сауық орталығында Әлеуметтік медициналық сақтандыру қорының Қызылорда облысы бойынша филиалының ұйымдастыруымен жыл сайынғы «Денсаулық аралы» акциясы өтті.Іс-шара аясында №1 қалалық емхананың мамандары тұрғындарға тегін экспресс-тексеруден өтіп, денсаулықты сақтау мәселелері бойынша кеңес алу мүмкіндігін ұсынды. Акцияның мақсаты – қауіп факторлары мен ауруларды ерте кезеңде анықтау, сондай-ақ халықтың профилактиканың маңыздылығы туралы хабардарлығын арттыру.Қатысушылардың артериялық қан қысымы, бойы мен салмағы өлшеніп, қандағы қант пен холестерин деңгейі анықталды. Сонымен қатар, саламатты өмір салтын ұстану және созылмалы аурулардың алдын алу бойынша кеңестер берілді.Акция қала тұрғындарының үлкен қызығушылығын тудырды. Көптеген тұрғындар денсаулық көрсеткіштерін тексертіп, медициналық мамандардың ұсынымдарын алуға мүмкіндік алды.Іс-шара барысында Әлеуметтік медициналық сақтандыру қорының облыстық филиалы қызметкерлері МӘМС мәселелері бойынша түсіндіру жұмыстарын жүргізді. Тұрғындарға медициналық сақтандыру жүйесіндегі жаңашылдықтар, сақтандырылған мәртебесін алу тәртібі, жарналар мен аударымдарды төлеу қағидалары, сондай-ақ жүйеге қатысудың артықшылықтары туралы ақпарат берілді.2026 жылдан бастап күшіне енген өзгерістерге ерекше назар аударылды: МӘМС пакетіне диспансерлік есепте тұрған пациенттер үшін бірқатар созылмалы аурулар бойынша емдеу және динамикалық бақылау қызметтері енгізілді. Барлық қатысушыларға ақпараттық материалдар таратылды.Қор филиалының сарапшысы Әлия Убисултанованың айтуынша, МӘМС жүйесі сақтандырылған азаматтарға медициналық қызметтердің кең ауқымын ұсынады, оның ішінде қымбат диагностикалық зерттеулер мен жоғары технологиялық оталар да бар.<blockquote>«Денсаулыққа қамқорлық профилактикадан және медициналық көмекке дер кезінде жүгінуден басталады. Сапалы медициналық қызметтерге қол жеткізіп, емдеуді қаржылық себептермен кейінге қалдырмау үшін МӘМС жүйесінде сақтандырылған болу маңызды», – деп атап өтті маман.</blockquote>

«Денсаулық аралы»: МӘМС жүйесіндегі жаңашылдықтар түсіндірілді

<a href="https://kyzylorda-news.kz/">Kyzylorda-news.kz</a> Қазақстанның Денсаулық сақтау министрлігі МӘМС пен ТМККК жүйесіндегі қызмет көрсетушілерге қойылатын талаптарды <a href="https://kaz.inform.kz/news/elde-mams-ayasindagi-kizmet-korsetushlerge-zhana-talaptar-engzled-7ea5df90">күшейтеді.</a>Денсаулық сақтау министрлігі Тегін медициналық көмектің кепілдік берілген көлемі (ТМККК) және Міндетті әлеуметтік медициналық сақтандыру (МӘМС) шеңберінде медициналық көмек көрсететін денсаулық сақтау субъектілерін есепке алу қағидаларына өзгерістер енгізу туралы бұйрық жобасын қоғамдық талқылауға шығарды.Құжат медициналық ұйымдарды есепке алу қағидаларын жетілдіруді көздейді және медициналық көмектің сапасы мен қауіпсіздігін арттыруға бағытталған.Жобаға берілген түсіндірмеде ұсынылып отырған өзгерістер ТМККК және МӘМС жүйесінде жұмыс істейтін барлық медициналық ұйымдар үшін бірыңғай әрі ашық талаптар қалыптастыруға, сондай-ақ тұрғындардың өңіріне қарамастан сапалы медициналық қызметтерге тең қолжетімділігін қамтамасыз етуге бағытталғаны атап өтілген.Атап айтқанда, жоба аясында «Халық денсаулығы және денсаулық сақтау жүйесі туралы» кодекске сәйкес бірқатар нормалар жаңартылмақ. Соның ішінде денсаулық сақтау инфрақұрылымын дамытудың өңірлік перспективалық жоспары ұғымы нақтыланады.Сонымен қатар ТМККК мен МӘМС аясында медициналық көмек көрсететін ұйымдарға қойылатын бірыңғай талаптарды бекіту ұсынылып отыр. Олар қажетті материалдық-техникалық базаның, заманауи медициналық жабдықтардың, жеткілікті кадрлық әлеуеттің болуын және белгіленген стандарттардың сақталуын қамтиды.Денсаулық сақтау министрлігінің мәліметінше, өзгерістерді іске асыру медициналық ұйымдарды есепке алу жүйесінің ашықтығын арттыруға, адал қызмет көрсетушілер үшін тең жағдай жасауға, бюджет қаражатын пайдалану тиімділігін арттыруға және азаматтардың денсаулық сақтау жүйесіне деген сенімін нығайтуға мүмкіндік береді.Ведомство ұсынылып отырған түзетулер пациенттердің медициналық көмек алу құқығына әсер етпейтінін, медициналық қызмет көлемін қысқартуды көздемейтінін және азаматтарға қосымша міндеттемелер жүктемейтінін атап өтті.Бұйрық жобасын қоғамдық талқылау «Ашық НҚА» порталында 2026 жылғы 17 маусымға дейін жалғасады.Фото: freepik

Елде МӘМС аясындағы қызмет көрсетушілерге жаңа талаптар енгізіледі 

<a href="https://kyzylorda-news.kz/">Kyzylorda-news.kz</a> &nbsp;Өңірде балалар денсаулығын сақтау және оларға көрсетілетін медициналық көмектің сапасын арттыру бағытында жүйелі жұмыстар жүргізілуде. Бұл туралы Өңірлік коммуникациялар қызметінің ақпарат алаңында өткен брифингте Облыстық денсаулық сақтау басқармасы басшысының ана мен бала денсаулығын қорғау жөніндегі орынбасары Мая Мирзанова мәлімдеді.Спикердің айтуынша, бүгінде облыс бойынша 18 жасқа дейінгі 322 597 балаға медициналық қызмет көрсетіледі. Балаларға сапалы әрі қолжетімді медициналық көмек көрсету мақсатында өңірде 29 стационарлық мекеме, 24 амбулаториялық-емханалық ұйым, 101 дәрігерлік амбулатория, 29 фельдшерлік-акушерлік пункт және 93 медициналық пункт жұмыс істейді.<blockquote>– 2026 жылдың алғашқы бес айында облыста 5 832 нәресте дүниеге келді. Бұл көрсеткіш өңірдегі демографиялық өсімнің тұрақты екенін аңғартады. Балаларға медициналық көмектің қолжетімділігі мен сапасын арттыру мақсатында Педиатрия және балалар хирургиясы ғылыми орталығының мамандарымен бірлескен тәжірибелік жұмыстар жүргізіліп, оңалту қызметтері кеңейтілуде. Сонымен қатар, өңірде ерте араласу орталықтары мен ерте дамыту кабинеттері жұмыс жасап, мыңдаған бала қажетті қызметтермен қамтылуда. Сондай-ақ, өңірде Дүниежүзілік денсаулық сақтау ұйымының ұсынымдарына сәйкес «Балаға мейірімді аурухана» қағидаттары кезең-кезеңімен енгізіліп жатыр. Осы бағытта медицина қызметкерлерінің біліктілігін арттыру жұмыстары жүргізілуде. Бұдан бөлек, Балалар құқығын қорғау комитетімен бірлесіп, ерте дамыту және ерте араласу қызметтерін жетілдіру мақсатында Португалияның жетекші мамандарының қатысуымен өңірдің 40 маманына арналған арнайы оқыту тренингі ұйымдастырылған, - деді Мая Миранбайқызы.</blockquote>Брифинг барысында балалар денсаулығын нығайту, аурулардың алдын алу және медициналық көмектің қолжетімділігін арттыру бағытындағы жұмыстар алдағы уақытта да жалғасатыны атап өтілді.<img src="https://knadmin.beoblood.kz/uploads/yzylordada_balalar_a_k_rsetiletin_mediczinaly_yzmetti_sapasy_artyp_keledi_c539e20e48.jpg" alt="Қызылордада балаларға көрсетілетін медициналық қызметтің сапасы артып келеді.jpg">Фото: &nbsp;freepik com

Қызылордада балаларға көрсетілетін медициналық қызметтің сапасы артып келеді

<a href="https://kyzylorda-news.kz/">Kyzylorda-news.kz</a> 2026 жылдың алғашқы төрт айында Қызылорда облысының күндізгі және тәулік бойы жұмыс істейтін стационарларында 3 912 пациент медициналық оңалтудан өтті. Амбулаториялық деңгейде 13 789-ға жуық оңалту қызметі көрсетілді. Бұл туралы Әлеуметтік медициналық сақтандыру қорының Қызылорда облысы бойынша филиалының директоры Жақсылық Абдусаметов мәлімдеді. Оның айтуынша, міндетті әлеуметтік медициналық сақтандыру жүйесінің арқасында өңірде оңалту көмегін қаржыландыру көлемі жыл сайын артып келеді.<blockquote>«Егер 2022 жылы оңалту көмегіне 2,7 млрд теңге бөлінсе, 2026 жылы қаржыландыру көлемі бір жарым еседен астам өсіп, 4,1 млрд теңгені құрады. Биылғы жылдың алғашқы төрт айында медициналық оңалту қызметтерін көрсетуге 1,2 млрд теңге бағытталды», – деді филиал басшысы.</blockquote>Денсаулықты қалпына келтіру – емдеудің маңызды бөлігіМедициналық оңалту пациенттерге ауыр аурулардан, жарақаттардан және хирургиялық араласулардан кейін ағзаның жоғалған функцияларын қалпына келтіруге, күнделікті өмірге қайта оралуға мүмкіндік береді. Көптеген азаматтар мұндай көмекті қымбат әрі қолжетімсіз деп есептейді. Алайда медициналық көрсетілімдер болған жағдайда оңалту қызметтері МӘМС аясында тегін көрсетіледі.<img src="https://knadmin.beoblood.kz/uploads/reabilit_2_ba6726e4af.jpg" alt="осмс">Медициналық оңалтудан кімдер өте алады?Медициналық оңалту мынадай жағдайларда тағайындалады:<ul><li style="text-align:justify;">негізгі немесе созылмалы ауруды емдеу кезінде;</li><li style="text-align:justify;">жедел жағдайлардан кейін;</li><li style="text-align:justify;">хирургиялық оталардан кейін;</li><li style="text-align:justify;">жарақаттардан кейін;</li><li style="text-align:justify;">өмір сүру белсенділігін шектейтін жағдайларда.</li></ul><img src="https://knadmin.beoblood.kz/uploads/2024_07_29_11_42_57_a7544f0c41.png" alt="осмс">Медициналық оңалту қай кезде тегін көрсетіледі?Қалпына келтіру емі келесі жағдайларда тегін жүргізіледі:<ul><li style="text-align:justify;">тегін медициналық көмектің кепілдік берілген көлемі (ТМККК) шеңберінде – негізгі ауруды, сондай-ақ туберкулезбен ауыратындарды емдеу кезінде;</li><li style="text-align:justify;">міндетті әлеуметтік медициналық сақтандыру жүйесінде (МӘМС) – аурулар мен проблемалардың халықаралық жіктемесі бойынша аурулар тізбесіне сәйкес.</li></ul><img src="https://knadmin.beoblood.kz/uploads/2024_07_29_11_47_07_3eb7aa3ccf.png" alt="осмс">Пациент бұрын оңалтудан өтпеген. Неден бастаған жөн?1. Ең алдымен тұрғылықты жеріндегі емханаға барады.2. Емдеуші дәрігер реабилитолог маманға немесе мультидисциплинарлық топ мамандарына жібереді.3. Олар аурудың пайда болуы мен күшеюі, сырқаттың денсаулық жағдайына байланысты мәліметтерді ескере отырып, оңалтуға деген қажеттілікті айқындайды. Бастапқы реабилитациялық диагноз қойып, пациент денсаулығын қалпына келтіру жоспарын, курстың мерзмін т.б. анықтайды.4. Егер кешенді тексеру нәтижесінде реабилитация тиімді деп табылса, пациент оны амбулаторияда, стационарда, стационарды алмастыратын емдеу мекемесінде, үйде немесе санатория-курорттарда өте алады. Жоспарлы түрде ем қабылдайтын пациент стационарға «Ауруханаға жатқызу бюросы» порталы арқылы жатқызылады.<img src="https://knadmin.beoblood.kz/uploads/Whats_App_Image_2023_05_16_at_11_52_57_32bc00b764.jpeg" alt="осмс">Медициналық оңалту үш кезеңнен тұрады:Біріншісі ауруы асқынып тұрған науқастарға, хирургиялық операция жасатқан, жарақат алған адамдарға арналған. Ол стационарлардың құрылымдық бөлімшелерінде жүргізіледі.Егер ауруханаға жатқызу қажет болмаса, медициналық көмек көрсетілгеннен кейін және негізгі ауру емделіп болғаннан кейін пациент оңалтудың екінші немесе үшінші кезеңіне жіберіледі.Оңалтудың екінші кезеңі мамандандырылған бөлімшелерде немесе республикалық денсаулық сақтау ұйымдары, мамандандырылған оңалту орталықтары мен көпбейінді стационарлар базасында өтеді. Бұл кезең ауру басталған сәттен бастап тоғыз ай ішінде жүргізу қажет. Курстың ұзақтығы мен жиілігі нозологияға, науқасты денсаулық жағдайына тағы да басқа факторларға байланысты болмақ.Үшінші кезеңде медициналық оңалту емхана-амбулатория деңгейінде, күндізгі және тәулік бойғы стационарларда, оңалту орталықтарында, санаторийлер мен курорттарда, үйдегі стационар жағдайында, сондай-ақ қашықтықтан жүргізіледі. Курстың жиілігі мен ұзақтығы пациенттің денсаулығына қарай белгіленеді. Оңалтудан алынған нәтиже міндетті түрде ескерілуі тиіс.<img src="https://knadmin.beoblood.kz/uploads/Whats_App_Image_2022_06_07_at_17_36_08_56b6beea5d.jpeg" alt="осмс">Оңалтудан бас тартуға мынадай жағдайлар себеп болуы мүмкін:* көп қан кету;* дене қызуының көтерілуі және ұзақ уақыт бойы қалыпты жағдайдан асып кетуі;* өткір жұқпалы аурулар;* өткір остеомиелит;* көктамыр тромбозы* жүрек жеткіліксіздігі;* эпилепсия талмасы ұстаған кезде;* қатерлі ісік, туберкулез, қант диабеті, тиреотоксикоз, бауыр қызметі тапшылығы, ІІІ деңгейлі ұйқы безі тапшылығы, адамның көңіл-күйі мен мінезінде ауытқулар тудырған психикалық аурулар, іріңді және жұқпалы тері аурулары, 2-3-дәрежелі анемия, 3-дәрежелі дистрофия сынды аурулар себеп болуы мүмкін.Оңалту пациенттің өз өтініші бойынша тоқтатылуы мүмкін. Сонымен қатар, ем-шаралардан кейін сырқаттың жағдайы нашарлаған жағдайда немесе негізгі, қосалқы аурулары күшейіп кеткен жағдайда дәрігер ем-шараны тоқтату туралы шешім қабылдайды.<img src="https://knadmin.beoblood.kz/uploads/rcz_4_92a83468ab.jpeg" alt="осмс">Оңалту қызметтерін кімдер көрсетеді?2026 жылы Қордың облыстық филиалы өңірдегі оңалту қызметтерін көрсететін 33 медициналық ұйыммен келісімшарт жасасты. Оның ішінде:<ul><li style="text-align:justify;">18 мемлекеттік медициналық ұйым;</li><li style="text-align:justify;">14 жеке медициналық ұйым;</li><li style="text-align:justify;">1 квазимемлекеттік ұйым.</li></ul>2026 жылы оңалту көмегін қаржыландыруға 4,1 млрд теңге қарастырылған. Оның ішінде 3,5 млрд теңге тәулік бойы және күндізгі стационарлардағы қызметтерге бағытталған.Сұрақтар туындаған жағдайда қайда жүгінуге болады?Медициналық көмек алу мәселелері бойынша азаматтар өз емханаларындағы Пациенттерді қолдау қызметіне жүгіне алады.Егер мәселені сол жерде шешу мүмкін болмаса, Әлеуметтік медициналық сақтандыру қорына келесі байланыс арналары арқылы өтініш жолдауға болады:<ul><li style="text-align:justify;">Qoldau 24/7 мобильді қосымшасы;</li><li style="text-align:justify;">msqory.kz ресми сайты;</li><li style="text-align:justify;">@SaqtandyrýBot Telegram-боты;</li><li style="text-align:justify;">1414 байланыс орталығы.</li></ul>

Қызылорда облысында медициналық оңалту көмегіне 4,1 млрд теңге бөлінді

Қызылорда облысында 2026 жылдың алғашқы үшемi дүниеге келді. Облыстық перинаталдық орталығында дүниеге келген &nbsp;сәбилердi арнайы құттықтауға облыстық денсаулық сақтау басқармасының ана мен бала денсаулығын қорғау бөлімінiң басшысы Айгүл Асылбекқызы барып, үшем ата-анасына басқарма тарапынан арнайы сыйлықтар табыс еттi.Ағымдағы жылдың 27 наурызы күні жүктіліктің 32 аптасында өмiрге келген сәбилерге Хадия, Дария және Жәния есімдері берілді.1210, 1470 және 980 грамм болып туылған шақалақтар екі ай бойы ана мен бала орталығының жоғары тәуелділіктегі нәрестелерге арналған арнайы күтім бөлімшесінде ем қабылдап, дәрігерлердің үздіксіз бақылауында болды. Мамандардың білікті көмегі мен заманауи медициналық күтімiнің нәтижесінде сәбилердің жағдайы тұрақталып, салмақтары айтарлықтай артты. Яғни 2390, 3390 және 2060 граммға жеттi.Сәбилердің анасы 32 жастағы Бекбаулы Мөлдір, әкесі – 34 жастағы Берікбол Нұрсұлтан. Сырдария ауданына қарасты Басарық ауылының Баймановтар отбасы бұған дейін де екі бала тәрбиелеп отырған отбасы.

Қызылордада үшем дүниеге келді

<a href="https://kyzylorda-news.kz/">Kyzylorda-news.kz</a> Әлеуметтік медициналық сақтандыру қоры денсаулық сақтау саласындағы қаржы ағындарын басқарудың кешенді цифрлық моделіне көшуде.Мемлекет басшысының тапсырмасы мен ҚР Премьер-Министрінің тапсырмасын орындау аясында жаңа цифрлық Qalqan жүйесі қалыптастырылуда. Жоба Қор қызметін толық цифрландыруға, технологиялық алшақтықтарды жоюға және қолмен орындалатын операцияларды болдырмауға бағытталған. Бұл саладағы барлық негізгі шешімдердің бірыңғай әрі сенімді деректер негізінде қабылдануын қамтамасыз етеді.Qalqan платформасының басты ерекшелігі – оның ҚР Қаржы министрлігінің контурындағы заманауи технологиялық платформада орналастырылуы. Бұл дайын мемлекеттік IT-шешімдерді пайдалануға және денсаулық сақтау жүйесінің бюджетіне қосымша шығын түсірмей интеграциялауға мүмкіндік берді. Сонымен қатар, платформа медициналық ақпараттық жүйе болып табылмайды, емдеу-диагностикалық&nbsp;үрдісіне араласпайды және дәрігерлерге қосымша әкімшілік жүктеме түсірмейді. Оның негізгі мақсаты – қаржының абсолютті ашықтығын қамтамасыз ету, көрсетілген қызметтерді верификациялау және МӘМС қаражатына қатаң бақылау орнату.<blockquote>«Қазіргі уақытта Қор қызметі тек ішінара цифрландырылған, бұл процестердегі белгілі бір алшақтықтардың сақталуына және кейбір операциялардың қолмен орындалуына әкеліп келді. Qalqan платформасы – біздің түбегейлі жаңа деңгейге өтуіміз: жекелеген операцияларды жай есепке алудан бастап шығындар мен олардың тиімділігін толық басқаруға дейінгі жол. Біз медициналық ақпараттық жүйелерді, клиникалардың бухгалтерлік бағдарламаларын және мемлекеттік дереккөздерді байланыстыратын бірыңғай модель қалыптастырып жатырмыз. Бұл бізге тарифтерді жедел түзетуге және олардың бюджетке әсерін бірден көруге мүмкіндік беретін бірегей&nbsp;«бюджетті оркестрлеу»&nbsp;құралын енгізуге жол ашады. Ең бастысы – жүйе әрбір нақты пациентке жұмсалған шығындарды толықтай дараландырып, бұл ақпаратты оның жеке цифрлық ресурстарына шығаруды қамтамасыз етеді», – деп атап өтті ӘМСҚ басқарма төрағасының орынбасары Индира Ерденова.</blockquote>Qalqan платформасының пилоттық іске қосылуы 2026 жылғы 16 наурызда өтті. Бүгінде жүйеге еліміздегі барлық медициналық ұйымдар – 1700-ден астам клиника мен шамамен 5 000 бірлесіп орындаушы тартылған. Қазіргі уақытта оларды толық цифрландыру кезеңі жүріп жатыр: медициналық ұйымдар жүйеге лицензиялары, инфрақұрылымы (өндірістік базалары) және өзге де ресурстары туралы верификацияланған мәліметтерді енгізуде. Бұл еліміздегі медициналық қызмет көрсетушілердің алғашқы бірыңғай әрі сенімді базасын қалыптастыруға мүмкіндік береді.Qalqan платформасы аясында жүйеге деген ұзақ&nbsp;мерзімді сенімнің негізіне айналатын озық бақылау құралдары енгізілуде. Атап айтқанда, тіркелмеген қызметтерді болдырмау үшін медициналық көмектің нақты көрсетілгенін QR-код арқылы растау тетігі енгізілуде. Бұл ретте eGov инфрақұрылымы мен екінші деңгейлі банктердің үйреншікті сервистері пайдаланылады, бұл құралдың қосымша жүктемесіз жаппай қолданылуын қамтамасыз етеді.Платформа медициналық ақпараттық жүйелерге (оның ішінде Damumed, «Надежда» МАЖ және т.б.) тікелей қосылады. Қазіргі уақытта тестілеу кезеңі аяқталуға жақын, бұл бастапқы деректерді тікелей алуға мүмкіндік береді.Сонымен қатар, ауруханалардың ішкі бухгалтерлік жүйелерін (оның ішінде 1С базасындағы жүйелерді) қосу жұмыстары жүргізілуде. Осы деректер негізінде автоматтандырылған «тарифтік экономика» блогы әрбір медициналық қызметтің нақты өзіндік құнын есептейтін болады.Qalqan платформасын енгізу медицинадағы қаржылық бақылау жүйесін түбегейлі өзгертіп, оны мемлекет, медициналық ұйымдар және Қазақстанның әрбір азаматы үшін барынша ашық етеді.

Qalqan – денсаулық сақтауды қаржыландырудың бірыңғай цифрлық платформасы

<a href="https://kyzylorda-news.kz/">Kyzylorda-news.kz</a> Қазақстанда адам папилломасы вирусына (АПВ) қарсы вакцинациялау жұмыстары кезең-кезеңімен жалғасуда. 2024 жылдан бастап елімізде 11 жастағы қыздарға жоспарлы түрде және 12-13 жастағы қыздар үшін толықтыра иммундау жүргізіліп келеді. Енді бұл профилактикалық шара 14-17 жас аралығындағы қыздарды да қамтиды. Бұл туралы Өңірлік коммуникациялар қызметінің ақпарат алаңында Қызылорда облысының санитариялық-эпидемиологиялық бақылау департаменті басшысының орынбасары Алия Абдикаимованың айтуынша, вакцинациялаумен қамтуды кеңейту халықтың сұранысы мен жасөспірімдердің денсаулығын қорғау қажеттілігіне байланысты қолға алынған.<blockquote>– ҚР Денсаулық сақтау министрлігінің Санитариялық-эпидемиологиялық бақылау комитетіне АПВ-ға қарсы вакцинацияға қатысты азаматтардан көптеген өтініштер келіп түсті. Осыған байланысты ҚР Бас мемлекеттік санитариялық дәрігерінің 2026 жылғы 13 мамырдағы №7 қаулысы қабылданып, 14 жастан 17 жас 11 ай 29 күнге дейінгі қыз балаларды ерікті негізде вакцинациялау енгізілді. Бұл жатыр мойны обырының және АПВ-мен байланысты өзге де қатерлі аурулардың алдын алуға бағытталған маңызды қадам. Қызылорда облысында ағымдағы жылдың басынан бері 11-13 жастағы қыз балаларға АПВ-ға қарсы екі мыңға жуық екпе салынды. Оның ішінде 1604 қыз бірінші дозамен, 1213 қыз екінші дозамен вакцина алды. Мамандардың айтуынша, вакцина алғандар арасында иммундаудан кейінгі қолайсыз жағдайлар тіркелмеген, – деді спикер.</blockquote>Мамандардың мәліметінше, вакцинация барысында 4 валентті «Гардасил» екпесі қолданылады. Бірінші доза кез келген таңдалған күні салынады. Екінші доза алғашқы екпеден кейін 2 айдан соң, ал үшінші доза 6 айдан кейін жүргізіледі.<img src="https://knadmin.beoblood.kz/uploads/Vakczinacziya_tek_bir_balany_or_au_emes_o_am_densauly_yn_ny_ajtu_ffe5443ab5.jpg" alt="Вакцинация - тек бір баланы қорғау емес, қоғам денсаулығын нығайту.jpg">Вакцинация білім беру ұйымдарының медициналық кабинеттерінде және емханалардың егу кабинеттерінде жүргізіледі. Сонымен қатар, шалғай елді мекендер мен қажетті жағдайы жоқ білім беру ұйымдарында арнайы көшпелі егу бригадалары жұмыс істейді.<blockquote>– Вакцинация міндетті емес, тек ата-анасының немесе заңды өкілінің ақпараттандырылған келісімі арқылы жүргізіледі. Басты мақсат – жасөспірім қыздардың денсаулығын сақтап, болашақта онкологиялық аурулардың алдын алу, – деді Алия Абдикаимова.</blockquote>Дәрігерлердің айтуынша, адам папилломасы вирусы әлемде ең кең таралған инфекциялардың бірі. Ол ұзақ уақыт бойы белгісіз өтіп, кейін жатыр мойны обырына және басқа да қауіпті дерттерге әкелуі мүмкін. Сондықтан Дүниежүзілік денсаулық сақтау ұйымы АПВ-ға қарсы вакцинацияны жатыр мойны обырының ең тиімді алдын алу тәсілі ретінде ұсынады.Бүгінде АПВ-ға қарсы вакцина әлемнің көптеген елдерінде кеңінен қолданылып келеді. Оның қауіпсіздігі мен тиімділігі халықаралық зерттеулер арқылы дәлелденген. Мамандардың пікірінше, вакцина жасөспірім шақта салынған кезде ағзада вирусқа қарсы тұрақты иммунитет қалыптастыруға мүмкіндік береді.Сала мамандары ата-аналарды қыз баласының денсаулығына жауапкершілікпен қарап, профилактикалық екпелердің маңызын түсінуге шақырады. Себебі вакцинация тек бір баланы қорғау ғана емес, қоғам денсаулығын нығайтудың маңызды тетігі.Фото: pixabay

Қызылорда облысында адам папиллома вирусына қарсы вакцинациялау жалғасуда

<a href="https://kyzylorda-news.kz/">Kyzylorda-news.kz</a> &nbsp;Артериялық&nbsp;гипертензия – әлем бойынша ең кең таралған созылмалы аурулардың бірі және мүгедектік пен&nbsp;мезгілсіз&nbsp;өлім-жітімнің негізгі қауіп факторларының бірі. Қан қысымының жоғарылауы инфаркт, инсульт, жүрек және бүйрек жеткіліксіздігі сияқты ауыр асқынуларға жиі әкеледі.Қызылорда облысында да артериялық гипертония ең жиі кездесетін аурулардың бірі болып тұр.&nbsp;Бұл дерттің пайда болу себептері, оның алдын алу жолдары, дер кезінде диагностика жасау және міндетті әлеуметтік медициналық сақтандыру жүйесі аясындағы заманауи емдеу тәсілдері туралы №6 қалалық емхананың кардиолог дәрігері Таир Бельгибаев сұхбат барысында айтып берді.–&nbsp;Артериялық гипертонияны қазіргі заманның індеті деп атайды. Қазақстандағы статистика қандай, бұл ауру қай жастан бастап дамуы мүмкін және оны қалай анықтауға болады?<blockquote>–&nbsp;Артериялық гипертензия шынымен де әлемдегі ең кең таралған созылмалы аурулардың бірі болып қала береді, Қазақстан да бұл қатардан тыс емес. Денсаулық сақтау&nbsp;саласының деректеріне сүйенсек, елімізде миллиондаған адамда қан қысымының жоғарылауы анықталған. Алайда көптеген пациенттер өз диагнозы туралы ұзақ уақыт бойы білмей жүреді.</blockquote><blockquote>Гипертония қаупі әдетте&nbsp;40 жастан кейін артады деп есептеледі, бірақ бүгінде бұл дерт 25-30 жастағы жастар арасында да жиі кездесуде.Гипертонияның&nbsp;негізгі проблемасы –&nbsp;дерт&nbsp;ұзақ уақыт бойы еш белгісіз өтуі мүмкін. Сондықтан оны анықтаудың ең сенімді жолы – қан қысымын үнемі&nbsp;өлшеу. Қалыпты қысым 140/90 мм сын. бағ.-дан төмен болуы тиіс. Егер көрсеткіш тұрақты түрде жоғары болса, міндетті түрде дәрігерге қаралу қажет.</blockquote>–&nbsp;Қауіп тобына кімдер жатады? Қандай белгілер алаңдатуы керек?<blockquote>–&nbsp;Қауіп тобына артық салмағы, қант диабеті,&nbsp;жоғары&nbsp;холестерині бар, тұқым қуалаушылығы бар&nbsp;пациенттер, сондай-ақ темекі шегетін және аз қимылдайтын адамдар жатады.Бастың ауыруы, әсіресе желке тұсының сырқырауы, бас айналу, құлақтағы шу, жүрек қағысының жиілеуі, әлсіздік, ентігу сияқты белгілерге назар аудару қажет. Алайда гипертония көптеген науқастарда ұзақ уақыт бойы айқын белгілерсіз өтуі мүмкін екенін ұмытпау керек.</blockquote>– Қан қысымының бақылаусыз жоғарылауы немесе төмендеуі несімен қауіпті?<blockquote>– Қан қысымының бақылаусыз жоғарылауы инсульт, миокард инфаркті, жүрек жеткіліксіздігі, бүйрек зақымдануы және көру қабілетінің нашарлауы сияқты ауыр асқынуларға алып келеді. Жоғары қысым қан тамырлары мен ішкі ағзаларды біртіндеп зақымдайды.Ал қысымның күрт төмендеуі, әсіресе егде жастағы адамдар үшін қауіпті. Бұл есінен тануға, құлап қалуға, ми мен жүректің қан айналымының бұзылуына себеп болуы мүмкін. Сондықтан қан қысымындағы кез келген өзгеріс дәрігер бақылауын қажет етеді.</blockquote>– Гипертония белгілері пайда болған жағдайда пациент қандай әрекет жасауы керек? Кардиологпен кеңесу&nbsp;үшін жалпы тәжірибелік дәрігердің жолдамасы қажет пе?– Ең алдымен тіркелген емханадағы жалпы тәжірибелік дәрігерге қаралу қажет.&nbsp;Маман тексеру жүргізіп, қажетті зерттеулерді тағайындайды және қажет болған жағдайда кардиологқа жолдама береді. Айта кету керек,&nbsp;тар буынды&nbsp;маманнаң кеңес&nbsp;алу үшін пациент міндетті әлеуметтік медициналық сақтандыру жүйесінде сақтандырылған болуы тиіс.Егер жағдай өте жоғары қысыммен, қатты бас ауруымен, сөйлеудің бұзылуымен, аяқ-қолдың жансыздануымен немесе тыныс алудың қиындауымен қатар жүрсе, шұғыл түрде жедел жәрдем шақыру қажет.– Демек, шұғыл жағдайда медициналық сақтандыруы жоқ пациент те тегін ем ала ма?<blockquote>– Иә, Қазақстанда шұғыл медициналық көмек МӘМС жүйесіндегі сақтандыру мәртебесіне қарамастан барлық азаматтарға көрсетіледі. Бұл жедел жәрдем шақыруға, шұғыл госпитализацияға және өмірге қауіп төндіретін жағдайларда көрсетілетін медициналық көмекке қатысты.</blockquote>– Артериялық гипертензияға күдік болған жағдайда қандай зертханалық және аспаптық зерттеулерден тегін өтуге болады? МӘМС аясында не қарастырылған?<blockquote>– 2026 жылдан бастап артериялық гипертензияны динамикалық бақылау және емдеу міндетті әлеуметтік медициналық сақтандыру пакетіне енгізілді. Гипертонияға күдік болса сақтандырылған пациенттер мамандардың кеңестеріне, зертханалық талдауларға және диагностикалық зерттеулерге қол жеткізе алады.&nbsp;Көрсеткіштерге байланысты дәрігер жалпы және биохимиялық қан талдауын, зәр талдауын, ЭКГ, эхокардиография, холтерлік мониторинг, тәуліктік артериялық қысым мониторингін, қан тамырларының УДЗ-сын және басқа да тексерулерді тағайындай алады.</blockquote>– Диспансерлік есепте тұрған пациенттерге гипертонияны емдеуге арналған қандай дәрілер беріледі?<blockquote>– Артериялық гипертония бойынша диспансерлік есепте тұрған пациенттер тегін медициналық көмектің кепілдік берілген көлемі және МӘМС аясында тегін дәрілік препараттармен қамтамасыз етіледі.Олардың қатарында АӨФ (ангиотензин-өзгертуші фермент) тежегіштері, бета-блокаторлар, кальций антагонистері, диуретиктер және басқа да заманауи гипотензивтік препараттар бар. Дәрілер пациенттің жағдайына және қатар жүретін ауруларына байланысты тағайындалады. Мысалы, орташа өкпелік гипертензиясы бар пациенттер емханада ай сайын «Бозентан» препаратын алады. Бір қаптамасының құны 400 мың теңгеден асады.Жалпы, диспансерлік есепте тұрған кардиологиялық аурулары бар пациенттер шамамен 30 түрлі дәрілік препаратпен қамтамасыз етіледі.</blockquote>– Нәтиже болмаған жағдайда емдеу әдісін өзгертуге бола ма?<blockquote>– Әрине. Егер тағайындалған ем тиімді болмаса немесе жанама әсерлер туындаса, дәрігер дозаны өзгертіп, дәрі-дәрмекті өзгертеді немесе біріктірілген терапия тағайындайды. Емдеуді өз бетінше өзгертуге немесе тоқтатуға болмайды, өйткені бұл жағдайдың күрт нашарлауына әкелуі мүмкін.</blockquote>– Қандай жағдайда пациент кардиологиялық орталыққа жіберіледі?<blockquote>-Гипертония ауыр түрде өткенде, гипертониялық криздер жиі қайталанғанда, жүрек пен қан тамырлары тарапынан асқынуларға күдік болғанда, жоғары технологиялық диагностика немесе ем қажет болған жағдайда пациент стационарға жолданады. Сондай-ақ стандартты терапия нәтиже бермегенде немесе қатар жүретін жүрек-қан тамырлары аурулары болғанда да жолдама беріледі.</blockquote>– Мен өзімді жақсы сезінсем, қан қысымды күнділікті өлшеуім керек пе? Үй жағдайында қысымды қалай бақылауға болады?– Иә, әсіресе 40 жастан асқан адамдар мен қауіп тобындағы пациенттер үшін маңызды. Өзін жақсы сезінгеннің өзінде қысымды бақылап отырған жөн.Қан қысымыңызды таңертең және кешке бір уақытта өлшеген дұрыс. Өлшеуге дейін 30 минут бұрын кофе ішпеу, темекі шекпеу және физикалық жаттығу жасамау ұсынылады. Көрсеткіштерді өзін-өзі бақылау күнделігіне жазып отырған жөн.– Жасанды интеллектке жиі жүгініп, дәрігерсіз өз бетінше емделуге тырысатын қазақстандықтар көбейді. Сіздің тәжірибеңізде мұндай жағдайлар кездесе ме?<blockquote>– Иә, мұндай жағдайлар жиілеп келеді. Пациенттер интернеттегі кеңестерді оқиды немесе жасанды интеллект көмегімен өзіне диагноз қойып, дәрі таңғдайды. Бірақ ешқандай технология дәрігердің толыққанды тексеруі мен медициналық зерттеуін алмастыра алмайтынын түсіну қажет.Кейде өз бетінше емделу дәрілердің дұрыс таңдалмауына, асқынуларға және уақыт жоғалтуға әкеледі. Жасанды интеллект жалпы ақпарат алуға көмектесуі мүмкін, бірақ емдеу туралы шешімді дәрігер қабылдауы тиіс.</blockquote>– Артериялық қысымды қалыпты деңгейде ұстау үшін қандай профилактикалық шаралар қажет? Өмір салтында нені өзгерту керек?<blockquote>– Алдын алудың негізі – саламатты өмір салты. Тұзды, майлы тағамдар мен қантты шектеу, физикалық белсенділікті арттыру, салмақты бақылау, темекі мен алкогольден бас тарту қажет. Ұйқы кестесін сақтау және күйзеліс деңгейін төмендету де өте маңызды. Сондай-ақ профилактикалық тексерулерден тұрақты өтіп, шағым болмаса да қан қысымын бақылап отырған жөн. Гипертонияны ерте анықтау ауыр асқынулардың алдын алып, өмір сапасын сақтауға мүмкіндік береді.</blockquote>

Артериялық гипертония: МӘМС аясында көмекті қалай алуға болады?

<a href="https://kyzylorda-news.kz/">Kyzylorda-news.kz</a> Қызылорда облысының денсаулық сақтау басқармасының басшысы Әбiлпатта Алмас Әбдіғаппарұлы партия алаңында азаматтарды жеке мәселелері бойынша қабылдады.Қабылдау барысында тұрғындардың денсаулық сақтау, әлеуметтік көмек, емделу, дәрі-дәрмекпен қамту, мүгедектік рәсімдеу және тұрғын үй мәселелеріне қатысты өтініштері тыңдалып, тиісті түсіндірме жұмыстары жүргізілді.Қабылдауға келген азаматтардың бірі өзінің денсаулығына байланысты тұрақты түрде ем қабылдайтынын айтып, дәрі-дәрмекпен қамтамасыз етуге көмек сұрады. Өз кезегінде жауапты мамандар тарапынан азаматқа медициналық мекемелер арқылы қажетті ем алу жолдары түсіндіріліп, мәселе бақылауға алынатыны жеткізілді.Сонымен қатар тағы бір тұрғын баспана мәселесін көтеріп, тұрғын үй кезегіне қатысты көмек сұрады. Осыған байланысты өтініш иесіне қолданыстағы заңнама талаптарына сәйкес түсіндірме беріліп, жауапты мекемелерге жолданатыны айтылды.Сондай-ақ қабылдауға келген азаматтар емханаға тіркелу, жолдама алу, мүгедектік рәсімдеу және әлеуметтік қолдау көрсету мәселелері бойынша да өтініштерін жеткізді. Әрбір мәселе назарға алынып, тиісті сала мамандары тарапынан заң аясында жауаптар берілді.Қабылдау қорытындысында көтерілген мәселелер бойынша тиісті жұмыстар жүргізілетіні айтылып, азаматтардың өтініштері бақылауға алынды.

Облыстық денсаулық сақтау басқармасының басшысы тұрғындарды қабылдады

<a href="https://kyzylorda-news.kz/">Kyzylorda-news.kz</a> Әлеуметтік медициналық сақтандыру қорының Қызылорда облысы бойынша филиалының мәліметінше, 2026 жылдың алғашқы төрт айында өңірде 34 жағдайда жасалған жоғары технологиялық медициналық оталарға 282,4 млн теңге бағытталды.Бүгінде медицина саласында заманауи жоғары технологиялардың көмегімен жасалатын күрделі оталар мен медициналық манипуляциялардың маңызы артып келеді. Міндетті әлеуметтік медициналық сақтандыру жүйесі аясында ай сайын кардиохирургия, нейрохирургия, урология, травматология, онкология және жалпы хирургия және басқа да бағыттар бойынша ондаған жоғары технологиялық&nbsp;оталар жасалуда. Осындай бір&nbsp;отаның орташа құны 8,3 млн теңгені құрайды.<img src="https://knadmin.beoblood.kz/uploads/aral_mczrb_ff79ec704e.jpg" alt="осмс">Филиал директоры Жақсылық&nbsp;Абдусаметовтың айтуынша, өңірде жоғары технологиялық медициналық көмектің қолжетімділігі артып, көрсетілетін қызмет сапасы жақсарып келеді.<blockquote>«Бүгінде өңірде жүрек пен қан тамырларындағы, жүйке жүйесіндегі, есту және көру қабілеттеріне қатысты ауруларды емдеуге, сондай-ақ нәрестелердің туа біткен ақауларын түзетуге арналған заманауи оталарды жасау мүмкіндігі бар», – деді филиал басшысы.</blockquote>2026 жылдың қаңтар–сәуір айларында:- 26&nbsp;кардиохирургиялық оталар&nbsp;жасалып, оған&nbsp;226,4 млн теңге төленді;- 7 нейрохирургиялық&nbsp;оталар орындалып, жалпы құны&nbsp;48,9 млн теңгені құрады;Аталған медициналық қызметтердің барлығы МӘМС жүйесі аясында қаржыландырылады. Нәтижесінде сақтандырылған азаматтар үшін қымбат әрі күрделі&nbsp;оталар тегін әрі қолжетімді болып отыр.Жоғары технологиялық медициналық көмек күндізгі және тәулік бойғы стационар жағдайында көрсетіледі. Бұл пациенттерге заманауи емдеу тәсілдерін қолдануға мүмкіндік беріп, ауыр диагноздар кезінде өмір сапасын жақсартуға және ұзартуға жағдай жасайды.Еске сала кетсек, 2025 жылы МӘМС жүйесі аясында&nbsp;Қызылорда облысында жоғары технологиялық медициналық қызметтерге&nbsp;1,1 млрд теңгеден астам қаржы бағытталған.<img src="https://knadmin.beoblood.kz/uploads/Peresadka_pochek_3_24d9db50a4.jpg" alt="осмс">Жоғары технологиялық медициналық көмектің дамуы&nbsp;-&nbsp;өңірлік денсаулық сақтау жүйесіндегі маңызды бағыттардың бірі. МӘМС арқылы көрсетілетін қызметтер азаматтардың өмірін сақтап қалуға және сапалы медициналық көмекке тең қолжетімділікті қамтамасыз етуге мүмкіндік беруде.

Қазақстан және Қызылорда облысының жаңалықтары: Денсаулық