<a href="https://kyzylorda-news.kz/">Kyzylorda-news.kz</a>&nbsp; Жыл басында аймақтың бас ұстазының идеясымен бастау алған облыстық байқау өз мәресіне жетті.Өңірдегі білім беру ұйымдары басшыларының инновациялық және кәсіби тәжірибелерін анықтау, тәжірибе алмасу, білім беру жүйесіндегі өзіндік кәсіби имиджді қалыптастыру мақсатында өткен байқау қорытындысымен «Мектеп абсерваториясы» жобасы бойынша Қызылорда қаласындағы 264 мектеп-лицейінің директоры Тұмырзаев Бек ІІІ орынды, «Media studio – оқу үдерісінде» жобасымен Жаңақорған ауданының 286 мектеп директоры Нәлібаева Ляззат ІІ орынды иеленсе, «Құндылықтарға негізделген тәрбие үдерісін модельдеу» тақырыбындағы ұлттық құндылықтарды ұлықтаған жобасымен Қазалы ауданындағы 17 мектептің директоры Сматуллаева Эльмира жүлделі І орынды жеңіп алып, арнайы дипломдармен марапатталып, бағалы сыйлықтар алды.Мұнан бөлек «Ұлттық мектеп» жобасымен Жалағаш ауданындағы 123 мектеп директоры Мыханова Айнұр мен Шиелі ауданындағы 41 мектептің директоры Елжасарова Айгүл «Түлектер қауымдастығы – мектеп өмірінде» жобасымен «Үздік сабақ» көрсетсе, «Мектеп. Кәсіп. Болашақ» жобасымен Қармақшы ауданындағы 85 мектеп-лицейінің директоры Шыңғысова Шаттық пен Қызылорда қаласындағы 101 мектебінің директоры Өткелбаева Айгүл «Жасыл мектеп» жобасымен «Үздік жоба» иегерлері атанды.Байқаудың қорытынды кешіне қатысқан басқарма басшысы Асқарбек Темірбекұлы барлық 23 қатысушыға алғыс хаттар табыстады. &nbsp;

Бәсі биік білім бәйгесі

<a href="https://kyzylorda-news.kz/">Kyzylorda-news.kz</a> &nbsp;4-5 сәуір күні Назарбаев Университетінде «Sustainability Living Lab» бағдарламасының конференциясы өтті. Конференцияға республика бойынша 12 университеттің студенттері қатысып, бағдарлама аясында іске асқан инновациялық экологиялық жобаларын таныстырды.Жобалар сайысында Қорқыт&nbsp; Ата атындағы Қызылорда университетінің студенттері Темірлан Абжанов пен Саят Урикбаев қолданысқа берілген жобалары туралы қорытынды есебін сәтті тапсырды.<blockquote>- Smart Bench - күн сәулесінен қуат алатын «ақылды» орындық. Ол әдеттегі орындықтардан зарядтау станциясы ретінде жұмыс істейтін кіріктірілген күн панелімен ерекшеленеді. Олардың көмегімен бір уақытта бірнеше телефонды зарядтауға болады. Университет қызметкерлері мен студенттеріне арналған инновациялық экожоба бас оқу ғимаратының жанында орнатылды, - деді Саят Урикбаев.</blockquote>Келесі грант иегері Темірлан Абжанов тұрақты жылыжайға бағытталған жоба ұсынды. Жобаның мақсаты – органикалық қалдықтарды өңдеу арқылы топырақты құнарландыруға пайдалану. Сондай-ақ топырақтың төменгі қабаты арқылы суару әдісін қолдану және суару процесін автоматтандыру арқылы су шығынын азайту.<figure class="image image_resized" style="width:41.44%;"><img src="/uploads/yzylordaly_studentterdi_zhobasy_zho_ary_ba_alandy_1_7cdf21fd44.jpg"></figure>Конференцияның алғашқы күні қатысушылар баяндамаларын ұсынып, гидропоникалық қондырғы жасау бойынша шеберлік сағатына қатысты. Сондай-ақ жасыл жобалардың көрмесі ұйымдастырылып, қатысушылар қайта өңделген материалдардан күн панельдерін, жасыл шатырларды, гравитациялық генераторларды, биологиялық ыдырайтын каппа-карраген пленкаларын, су қоймаларынан пластмасса ұстайтын құрылғыларды жасау әдістерін көрсетті. Көрмеге келушілер түрлі экологиялық бастамаларды көріп, студенттердің атқарған жұмыстарымен танысуға мүмкіндік алды.&nbsp;Айта кетейік, «CHEVRON» компаниясы ұйымдастырған «Sustainability Living Lab» жобалар сайысында қызылордалық жастар инновациялық экологиялық жоба ұсынып,&nbsp; әрқайсысы 1млн 300теңге көлемінде арнайы грант иеленген болатын.&nbsp;Қорқыт ата атындағы Қызылорда университетінде инновациялық жобаларды дамыту мен инвестиция тартуда көмек беретін, IT бойынша кадрлар даярлау және тегін&nbsp; білім беру мақсатында жүйелі жұмыстар атқарылып келеді. Кәсіпкерлік орталықтан жалпы кейінгі жылдары 139 резидент шықты, шаралар мен бағдарламалар аясында 7600 жас қамтылып, 73&nbsp;870&nbsp;000 теңге инвестиция тартылды. Бизнес-инкубатор инкубациялау бағдарламаларын, стартаптар хакатондар мен фестивальдер, семинарлар мен курстарды жүргізеді, сонымен қатар салықтық есеп және маркетинг бойынша тегін қызмет көрсетеді.

Қызылордалық студенттердің жобасы жоғары бағаланды

<a href="https://kyzylorda-news.kz/">Kyzylorda-news.kz</a> Адам баласының тұлға болып қалыптасуына мектеп қабырғасында алатын тәрбие мен білімнің берері зор. Бұл ретте Қызылорда қаласындағы Тәкей Есетов атындағы №264 мектеп-лицейі өзіндік орнын қалыптастырып, сапалы білім беруде алдыңғы орыннан көрініп келеді.&nbsp; Оқу ордасының іргесі 2007 жылы ««100 мектеп, 100 аурухана» бағдарламасы аясында қаланып, 2010 жылы білім алу үшін толық пайдалануға берілген болатын. Білім саласына қадам басқан азғантай уақытта аталған білім ошағы талай шәкіртті қияға қанат қақтырды. Мыңнан астам орындық оқу ордасы жаратылыстану-математикалық бағытта білім береді. Қазіргі таңда зәулім де биік ғимарат қала көркіне өзіндік ажар, көрік беріп тұрған нысандардың біріне айналды. Мектеп-лицейде 164 сынып кешені, 4032 оқушы білім алып, 417 педагог маман жұмыс жасауда.&nbsp; 14 жылдық тарихы бар білім ордасына білікті басшылар басшылық етті. Мектеп-лицей тарихында білім ошағының алғашқы директоры қызметін Дүйсенбаев Бақытжан Жұмабайұлы атқарды. Алғашқы 2010-2011 оқу жылында 248 орындық білім ошағы 1604 оқушы, 57 сынып жиынтығымен, 187 &nbsp;мұғаліммен, оқуға арналған 50 кабинет, &nbsp;6 лабораториялық кабинеттер, оқулықтармен қамтамасыз етілген кітапхана, оқу залы, &nbsp;4 технология, 3 информатика кабинеттерімен өз жұмысын бастады. Мектеп-лицейде жаратылыстану пәндері тереңдетіліп оқытылды. Мектептің құрылыс жобасы бойынша шетел тілдерін, информатика, технология, физика, химия және биология пәндерін топтарға бөліп оқыту үшін барлығы 12 зертханалық және тәжірибелік кабинеттер, 2 спорт зал және басcейн, медбикелер, процедуралық тіс дәрігерлерінің кабинеттері ашылып, психолог мамандар, оқушыларды бір мезгіл ыстық тамақпен қамтамасыз ету үшін 448 орындық асхана және 24 орындық арнайы буфет жұмыс жасады.&nbsp; Білім беру ісінде мектеп ұжымы баланың жан-жақты дамуында &nbsp;назардан тыс қалдырмады. Мектеп-лицейде балалардың қызығушылығын оятатын түрлі &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;үйірмелер, спорттық секциялар, оның ішінде «Домбыра», «Еркін күрес» үйірмелері, 2011 жылдың 21 ақпан айынан &nbsp;бастап 75 орынға лайықталған мектепке дейінгі шағын орталық - 3 топ, 75 бала, 7 педагог маман жұмыс жасаған. Шағын орталықта оқу-тәрбие жұмысы «Зерек бала», «Біз мектепке барамыз» бағдарламалары негізінде жүргізілді.&nbsp; &nbsp; &nbsp; Алғаш ашылған тұста білім ошағын басқарған Бақытжан Жұмабайұлы &nbsp;мектеп-лицейдің сапалы білім беретін, оқушылардың білім деңгейін көтере алатын дәрежеде жұмыс істеуі үшін бар күшін салады. Мәселен, 2011 жылдың 1 қазанынан бастап мектеп-лицей жанынан «Қосымша білім беру орталығы» өз жұмысын бастайды. Орталықтағы 5 түрлі үйірмені ( ән айту, домбыра, сурет салу, күрес және хор үйірмелері) 9 маман жүргізді. Осылайша, алғашқы жылдан-ақ білім ошағы заман талабына сай білім беруге дайын екендігін дәлелдеді.&nbsp; &nbsp; &nbsp; &nbsp; Мектеп ұжымын 2013 жылдың қараша айынан бастап Ежетаева Күләш Тұрсынқызы жалғастырады. Одан кейін білім ордасының тізгінін Маханова Ұлбосын Ыбырайханқызы қолына алады. Оқу ордасын әр жылдары басқарған директорлар мектеп-лицейдің толыққанды қалыптасуына, қаладағы айтулы білім ордасына айналуына орасан зор үлесін қосты. Ал 2020 тамыз айынан бастап Қызылорда облысының білім басқармасының Қызылорда қаласы бойынша білім бөлімінің «Т.Есетов атындағы №264 мектеп-лицейі» коммуналдық мемлекеттік мекемесінің директоры қызметін Тумурзаев Бек Сұлтанбекұлы атқарып келеді. Қай кезеңде де елдік мұраттың бірі – ұрпақ тәрбиесі. «Адамға ең бірінші білім емес, тәрбие керек. Тәрбиесіз берілген білім – адамзаттың қас жауы» деген әл-Фараби сөзінің жаны бар. Қазіргі таңдағы білім беру саласындағы реформаның басты мақсаты да ой-өрісі биік жеке тұлға тәрбиелеу. &nbsp;Бүгінде №264 орта мектеп–лицейі заман талабына сай соңғы үлгідегі техникалық құрал-жабдықтармен қамтамасыз етілген. &nbsp;Білікті басшы бұрынғы әріптестері қалыптастырған ізді әрі қарай жалғастырып, мектептің көш басында жүруіне сеп болуда. Бұл ретте Т.Есетов атындағы №264 мектеп-лицейдің жеткен жетістіктерін ерекше атап туге болады. Мәселен, 2020 жыл Қызылорда облыстық оқу орталығы (әдістемелік кабинет) «Үздік қосымша білім беру ұйымы-2020», облыстық байқаудың «Шығармашыл ұйым» номинациясын алса, Қазақстан Республикасы таныған шет мемлекеттер табыс еткен білім беру саласындағы жетістіктері үшін мемлекеттік наградалар, оның ішінде &nbsp; 2021 жылы гранттық бағдарлама «Корни и трава». Жапон мемлекеті. 28 миллион грантын жеңсе, «Орта білім беретін үздік ұйым» облыстық грант конкурсының жеңімпазы «Қызылорда қаласы бойынша білім бөлімінің Т.Есетов атындағы №264 мектеп-лицейі» 34 миллион теңге иегері атанды.&nbsp; Осыдан 3 жыл бұрын мектепте жаратылыстану-математикалық сауаттылығын арттыру, физика-астрономия бағытындағы пәндерді тереңдетіп оқыту сапасын жоғарлату мақсатында «Мектеп обсерваториясы» пилоттық жобасы ендірілетін «тірек білім беру ұйымы» ретінде білім басқармасының арнайы бұйрығымен бекітілген. Білім ордасында сондай-ақ, «BIOFLOWERS», «BIOMASTER», «Киностудия» және де «мектеп обсерваториясы» кабинеттері бар.&nbsp; Жалпы аталған мектеп-лицейде білім алғысы келетін оқушылар көп. Сұраныстың артуынан былтырға дейін білім ошағы үш ауысымда білім берген болатын. Өткен жылы бұл мәселе оң шешімін тапты. Үш ауысымда білім беруді жою мақсатында өткен жылы 550 орындық, 22 сынып кешені бар қосымша ғимарат салынды. Өткен оқу жылында Тәкей Есетов атындағы № 264 мектеп-лицей жанындағы қосымша білім беру орталығына қыркүйек айында 300 оқушы &nbsp;үйірмеге қабылданса, қазіргі таңда 315 оқушы білім алуда. Орталықта эстетикалық көркемөнер (домбыра, хор, би), &nbsp;қолданбалы өнер (сурет), &nbsp;спорт &nbsp;(күрес) сынды &nbsp;үш бағытта бес үйірме жұмыстарын жүргізуде. &nbsp; Әр үйірмеде &nbsp;IV топ бар. Оның ішінде, домбырада - 62, хорда – 63, биде – 60, суретте – 64, күресте – 66 оқушы қамтылған. &nbsp; &nbsp; Үйірме мүшелері білімдері мен өнерлерін шыңдай отырып, мектепішілік, қалалық іс-шараларға, қалалық, облыстық байқауларға қатысып, жүлделі орындарды иеленуде. &nbsp; &nbsp; &nbsp; &nbsp; – Жаңа оқу жылы басталар тұста үйірме қызметкерлерімен кеңес өткізіліп, онда үйірме жетекшілерінің 2023-2024 оқу жылында атқарылатын оқу- тәрбие жұмысына бағыт-бағдар беріліп, күнтізбелік оқу жоспарлары, сабақ кестелері құрылып, бекітіледі. Сыныптарды дайындау және ағымдағы &nbsp;мәселелер қаралып, толықтырылады. Сонымен бірге, қазіргі таңда білім беру үрдісіне инклюзивті білім беру жүйесі қосылуда. Бұл заман талабы. Инклюзивті білім берудің мақсаты – оқушылардың жеке ерекшеліктерін зерделеу, қажеттілігіне қарай бейімдеу, тең білім беру мүмкіндіктерімен қамтамасыз ету. Бұл мақсаттарды іске асыру үшін Тәкей Есетов атындағы №264 мектеп-лицейінде 2014 жылдың 1 қыркүйек айынан бастап инклюзивті білім беру бөлімі жұмыс жасап келеді. Аталған бөлім облыстық білім басқармасының №121 бұйрығы негізінде 2022 жылдың 30 мамыр айынан бастап инклюзивті тәжірибені дамыту және тәжірибе алмасу үшін облыстық ресурстық орталық болып қайта бекіді. 2014-2015 оқу жылында инклюзивті қолдаумен қамтылатын 6 оқушы ғана болса, қазіргі таңда ресурстық орталықтағы мамандардың қолдауы және түзете-дамыту сабағымен қамтылған оқушы саны 100-ге жетті. Жыл сайын ерекше біліммен қамтылатын оқушыларға нақты бекітілген оқу бағдарламасы бойынша білім беру, тәрбиелеу, түзете-дамыту барысында 8-12 оқушы аралығында түзетіліп, жалпы сыныптағы жалпы бағдарламаға көшіріліп отырды. Алайда, мектеп-лицейіндегі инклюзивті қолдаумен жұмыс жасайтын облыстық ресурстық орталық болғандықтан облыс көлемінде (Арал, Қазалы, Байқоңыр, Шиелі, Жаңақорған т.б) барлық аудандардан, арнайы мамандар жетіспейтін шалғай ауылдардан ерекше баласы бар ата-аналар мектепке жақын аумақта орналасқан мөлтек аудандардан пәтер жалдап, мектеп-лицейімізге орналасып, арнайы мамандардың түзету сабақтарына мұқтаж болуы, жыл сайынғы ерекше оқушылардың санының артуына әкелуде, – дейді мектеп директоры Бек Сұлтанбекұлы. Қазіргі таңда ресурстық орталықта 24 арнайы маман жұмыс жасайды. Арнайы 6 кабинет (психолог, логопед, дефектолог, сенсорлық, емдік денешынықтыру) техникалық құрал- жабдықтармен жабдықталған. Инклюзивті білім берумен қамтылған 82 оқушы бейімделген бағдарламамен, 6 оқушы жеке оқу бағдарламасы, 12 оқушы жалпы оқу бағдарламасы, бойынша білім алады. Ерекше білім беруді қажет ететін оқушыларға инклюзивті білім бойынша қайта даярлаудан өткен 160 педагог сабақ береді. Ерекше білім алуды қажет ететін оқушылардың әлеуметтік ортаға бейімделуін арттыру мақсатында биофлорес, биомастер кабинеттері, заманауи технологияларды меңгертуге бағытталған робототехника, физикалық бағытта оқушылардың ғылымға деген қызығушылықтарын дамытуға арналған обсерватория, кинотерапия әдістемесі бойынша оқушылар арасындағы достық, сыйластық, адамгершілік қасиеттерге тәрбиелеуге ұмтылдыратын киностудия кабинеті және хор, би, сурет салу өнерлерін насихаттайтын үйірмелермен қамтылған қосымша білім беру орталығы қызмет атқарады. Инклюзивті білім берудің әдістемесін арттыру үшін мектеп-лицейінде ресурстық орталық мамандары мен пән мұғалімдері біріккен командалық жұмысты дамыта отырып, әдістемелерін (авторлық бағдарламалар, әдістемелік құралдар, дидактикалық материалдар, жұмыс дәптерлері т.б) қала, облыс, республика көлеміне ұсынылды. Мектеп-лицей педагогтары инклюзивті білім беру мәдениетін қалыптастырып, дамытуға арналған қазақ тілінде жарық көрген алғашқы кітап авторларының бірі болып саналады. Сонымен бірге, психологиялық-педагогикалық қолдау қызметін тиімді ұйымдастыру арқылы ерекше біліммен қамтылатын оқушылардың қабілетін дамытуға арналған мектеп-лицей педагогтерінің үздік тәжірибелерін облыс, республика көлемінде таратып, практикалық тұрғыда өз әдістемелерімен бөлісіп келеді. <img src="https://knadmin.beoblood.kz/uploads/c09df4a9_994a_4db5_aee7_fa1ba2f6d352_6e397c136e.jpg" alt="c09df4a9-994a-4db5-aee7-fa1ba2f6d352.jpg">

Қызылордада көш бастаған білім ошағы

<a href="https://kyzylorda-news.kz/">Kyzylorda-news.kz</a> &nbsp;Білімді ұрпақ бар кезде халықтың болашағы бұлыңғыр болмасы анық. Ел болашағы – білімді ұрпақтың қолында. Бүгінгі жас толқын &nbsp;– ертеңгі елдің тірегі. Жас ұрпаққа тәлімді тәрбие мен сапалы білім беру – қазіргі күннің басты талабы. №131 Талғат Қозыбаев атындағы орта мектептің 10 сынып оқушылары Жансая Әбиболлақызы мен Нұрдәулет Нұрмағанбетов – болашағынан зор үміт күттіретін озат оқушылар.Білім мен тәрбие – егіз ұғым. Осы қос ұғымды бір арнаға тоғыстырып, қатар алып жүрген 10 сыныпта оқитын Жансаяның арманы асқақ, мақсаты айқын. Қоғамдық жұмыстарға өте белсенді әрі ұйымдастырушылық қабілеті жоғары бойжеткен сыныпты үнемі алға тартып, барлығын ұйымдастырып отырады. Ең бастысы, кітап оқуға, сабаққа деген белсенділігі өте жоғары.<blockquote>– Жансая – өте үлгілі, тәртіпті, тәрбиелі, мінезі салмақты, бір сөзбен айтқанда бетке ұстар оқушыларымның бірі. Үлкенді құрметтеп, кішіні сыйлай алатын қасиетінің арқасында адамдармен тез тіл табысып алады. Әркез үй жұмысын уақытылы әрі жүйелі түрде орындап келеді. Талабы таудай Жансаяның байқағыштық қасиеті өте жақсы дамыған. Оның бойынан қыз балаға тән қасиеттің барлығы табылады. Сабақ үстінде де, сыныптан тыс жұмыстарда да өзін байсалды, жинақы ұстайды. Осы уақытқа дейін жаман қылығын байқаған емеспін. Жансая көбінесе гуманитарлық бағыттағы пәндерге жақын және осы бағыттағы байқаулардан марапаттары бар. Үлгілі оқушымның жан-жақты қабілетінің нәтижесінде жеткен жетістіктері де аз емес. «Сыбайлас жемқорлықпен күрес – жарқын болашақтың кепілі» атты онлайн түрдегі сурет салу және эссе жазу байқауына қатысып, жүлделі 2 орынды иеленді. Сонымен қоса жалпы білім беру ұйымдарының білім алушылары арасында «Қазақстан – бақытты балалар мекені» тақырыбындағы дебат турнирінің аудандық кезеңінде «үздік оратор» номинациясын жеңіп алған болатын. Аудан әкімінің алғысымен марапатталған Жансая – мектебіміздің мақтанышы, – дейді озат оқушының сынып жетекшісі Арайлым Жақсылықова.</blockquote>Жоғарыда айтып өткеніміздей, Жансая шығармашы­лыққа жақын оқушылардың бірі. Шығармашылық қабілет­тілігін шыңдау мақсатында Қазақстан және КСРО халық әртісі Сәбира Майқанованың туғанына 110 жыл толуына орай «Сахна тарланы – Сәбира» атты аудандық оқушылар арасында өткен монолог орындаушылар байқауына қатысып, 2 дәрежелі дипломмен марапатталды. Сонымен қатар өзі сүйіп оқитын орыс тілі мен әдебиеті пәнінен республикалық олипиаданың 2-кезеңі бойынша 3 орын иеленген ол бұған дейін де аудандық, облыстық, республикалық олимпиадалар мен түрлі білім сайыстарында бақ сынап жүр.<blockquote>– Орыс тілі мен әдебиеті пәні менің ең сүйікті пән­дерімнің бірі және болашақта осы пән бойынша мұғалім болғым келеді. Алдағы уақытта Алматы қаласындағы Қазақ Ұлттық қыздар педагогикалық үниверситетіне оқуға түскім келеді. Ең басты арманым әрі мақсатым «Алтын белгі» иегері атанып, ұлттық бірыңғай тестілеуден жоғары нәтиже көрсетіп, мемлекеттік грант ұтып алу, – дейді білімге құштар Жансая.</blockquote>Нұрдәулет Нұрмағанбетов те – мектептің бетке ұстар үздік оқушыларының бірі. Оның бойынан жігітке тән салмақтылық, сабырлылық, байсалдылық қасиеттерінің барлығы табылады. Оқу үлгерімі бойынша үздік.<blockquote>– Нұрдәулет ұстаздармен де, оқушылар және достарымен де жақсы қарым-қатынаста. Ол өзін кез келген жерде, кез келген уақытта жақсы жағынан көрсете біледі. Нұрдәулет жан-жақты, ізденімпаз, білімді оқушыларымның бірі. Осы қасиетімен өзгелерден ерекше және ортасына сыйлы. Оқушыларымды қай кезде де қолдап, үнемі бағыт-бағдар беріп отырамын. Нұрдәулет математика пәнін жақсы көреді және осы пән бағыты бойынша жыл сайын өтетін олимпиада байқауларына қатысып, жоғары нәтиже көрсетіп келеді. Ол республикалық «Дарын» ғылыми жобалар конкурсына қатысып, математика пәнінен облыстық кезеңде 3 орын, республикадан 2 орын иеленді. Сонымен қоса «Алтын түлек» байқауында математика пәнінен облыстан 1 орын, республикадан 2 орынды жеңіп алды. Осы тұста пән мұғалімі әрі олимпиадаға дайындап жүрген жетекшісі Жұмагүл Нұрымованының еңбегін атап өту орынды деп есептеймін. Үлгілі оқушы мектептегі қоғамдық жұмыстарға да белсене араласып, өзінің жан-жақтылығын көрсете білгенінің арқасында биылғы оқу жылында мектеп президенті атанды. Нұрдәулеттің ата-анасы да, ұстаздары да оның болашағынан зор үміт күтеді, – дейді сынып жетекшісі А.Жақсылықова.</blockquote>Жансаядай үлгілі, Дәулеттей білімді өскелең ұрпақ барда ел болашағы жарқын, келешегі кемел болатынына сенімдіміз. Жастарға сапалы білім беріп, саналы азамат етіп тәрбиелеу – ел мүддесі үшін жасайтын баршаға ортақ парыз.&nbsp;Ел сенімін, үмітін ақтау – жастардың қолында.

Болашағынан зор үміт күттіретін озат оқушылар 

&nbsp;<a href="https://kyzylorda-news.kz/">Kyzylorda-news.kz</a> Ұлт ұстазы Ахмет Байтұрсынұлы: "Мұғалімі қандай болса – мектебі де сондай болмақ" деп айтқан. Өскелең ұрпаққа білім мен тәрбие беретін ұлағатты ұстаздар шоғыры қашанда биік. Ұстаздар еліміздің ертеңі мен болашағын тәрбиелеп, білім нәрімен сусындатуда. Шын мәнінде ХХІ ғасыр – білімділер ғасыры. Ал білім мен ғылымның негізі мектеп қабырғасында қаланады. Мұғалімнің ізденісі мен шеберлігі небір талантты да дарынды оқушыларға жарық сәуле сыйлап, болашақтың кірпіші болып қалануына бағыт береді. Кентпен іргелес жатқан О.Мәлібаев елді мекенінде орналасқан білім ордасы №131 Т.Қозыбаев атындағы орта мектеп сексен жылдан бері ұрпақ тәрбиесіне үлес қосып келеді. Жиырма жылдан кейін ғасыр тойын тойлайтын мектеп тарихы неғұрлым тереңде болса, онда білім алған ұрпақ пен еңбек еткен ұстаздар туралы да тереңнен сыр шертуге болады. Ұстаздық жолда қырық жылдық тәжіри­бесі бар ұлағатты ұстаз, ардақты ана Алтын Нұртаевамен пікірлесіп, білім ордасы туралы сыр шертуін сұрадық. &nbsp; &nbsp; &nbsp;– 1975 жылы тұрмыс жағдайына байланысты №131 орта мектепке ауыстым. Ұстаздық жолдағы жалпы еңбек өтілім 41 жылды құраса, 40 жылын бүгін сіз бен біз сөз етіп отырған білім ордасында өткіздім. Яғни атаулы білім ордасының өткені мен бүгіні көз алдымда десем, артық айтқандық емес. Жас маман болдық, білікті басшы, тәлімді ұстаздардың тәрбиесін алдық. Білгенімізді, жинаған тәжірибемізді кейін жас буынмен бөлістік. Біз жұмыс жасағанда бір директор, бір оқу ісінің меңгерушісі болатын. Оқу ісінің меңгерушісі Пірназар Көзейбаев ағай тәрбие ісін де, үйірмелерді де бір өзі алып жүрген екен-ау. Сол кісінің бір дауыс көтеріп ұрысқанын көрген емеспіз. Қабағымен ықтыратын. Сондай-ақ Ұлбосын Ералиева, Жұмакүл Мұханова, Күнила Баймұратова, Жұмакүл Көшербаева, кейінгі толқын Гүлшат Қалмағанбетова, Айман Әбілдаева сияқ­ты ұлағатты ұстаздармен етене араласып, түсіністікпен, сыйластықпен жұмыс істедік. «Қырық бес жыл ұстаздық етсең де, қырық бес минуттық сабаққа дайындықсыз барма» деген. Көрнекі­лік құралдарын қолдан дайындап, әр сабаққа ерекше ынта-ықыласпен баратын едік. Үлгерімі төмен оқушыны үздік оқушыға қосып, тәрбие мен білімді тең ұқтыруға жұмыс жасадық. Шүкір, мектеп түлектері елімізге елеулі, халықтың қамы үшін түрлі салада жұмыс істеуде. Біз шәкірттерімізбен мақтанамыз. Өзіміз оқытқан оқушылар сәлем беріп, жағдайымызды сұрасаақ марқайып қаламыз. Бүгінгі білім беру саласында жаңашылдық, өзгеріс баршылық. Білім ордасы жаңарып, жасарып, білікті мамандар заман талабына сай жұмыс жүргізуде. Зейнет демалысына шықсақ та, күні бүгінге дейін мектеп өмірінен қол үзген емеспін. Тірлі іс-шараларға құрмет­теп шақырады. Құрметті қонақ етіп, ақыл-кеңес, бата беруімізді сұрайды. Біз үшін қазір бала-шағамыздың, келешек ұрпақ­тың ортасында солардың жетістігіне қуанып, ел-жұртқа тілеулес болып отырудан асқан бақыт жоқ, – дейді ұлағатта ұстаз-ана. Ғасырға жуық тарихы бар білім ордасы бүгінде жаңаша кейіп алып, жанданып келе жатыр. Ұстаздар қауымы әркез білімін жетілдіріп, білім беруде ұтымды тәсілдерді салаға енгізсе, соған сай оқушылар да түрлі деңгейдегі байқау­ларда топ жарып, жоғары оқу орнына түсіп, ұстаз бен ата-ананың үкілеген үмітін ақтап жүр. Орта мектеп 2005 жылы қазіргі ғимаратына көшірілгенін де айта кету орынды. 2016 жылы желтоқсанда ҚР Үкіметінің қаулысымен ІІ дәрежелі «Айбын» орденінің иегері, полиция аға лейтенанты Талғат Қозыбаевтың есімі білім ұясына берілді. Биылғы оқу жылында 310 балаға білім беріп отырған киелі орданы 2021 жылдан бастап білікті маман Айнұр Әлиева басқаруда. – Мектептің сыйымдылығы – 240 орындық. Биыл 310 оқушы тәлім алса, 54 мұғалім қызмет етуде. Мұғалімдеріміздің 52-сі жоғары білімді, 2-еуі арнаулы орта білімді педагогтар. Білім ордасы қаншама түлектің алтын ордасына, ыстық ұясына айналған. Талай ұрпақты білім нәрімен сусындатып, ел дамуына өзіндік үлес қосқан мектебімізде оқушының білім алуына жан-жақты жағдай жасалған деп айтуға негіз бар. Арнайы оқу кабинеттері мен кітапхана, спорт залы, акт зал мен асхана секілді оқушы қажеттілігін өтейтін арнайы құрылымдар жасақталған, – дейді мектеп директоры бізбен әңгімесінде. Айта кетейік, биыл №131 Талғат Қозыбаев атындағы орта мектеп «Білім бәйтерегі» аталымымен қоса бір миллион теңгенің сертификатын жеңіп алған болатын. Әрине бұл жетістік – ұстаз бен оқушы еңбегінің бірлескен жеңісі. Осы ретте мектепте түрлі буын ұстаздары бірлесе жұмыс жасайтынын айтып өту керек. Үлкендер жағы кейінгі буынға білгенін үйретсе, жастар білім саласына жаңаша леппен енуде. Жұмагүл Нұрымова, Жазира Оразалиева, Сапура Оспанова, Айгүл Нұрышева, Уәлихан Таңсықбаев – мектептің бетке ұстар ұстаздары деп айтуға болады. Ұстазы талантты болса, шәкірті талапты болады. Білікті ұстаздардан білім алған оқушылар да осал емес. Республикалық, пәндік олимпиадалардан жақсы жетістікке жетіп жүрген оқушылар баршылық. Әлішер Әділбекұлы, Қалданазиз Ибрайм, Мирас Үсенов, Айару Есенгелді, Мейіржан Сламбеков, Дәулет Жұмабеков, Нұрдәулет Қайратұлы, Нұрасыл Дәуітбаевтардың есімін ерекше атап өтуге болады. Білім ордасының оқушылары тек білім сайыстарында ғана емес, мәдени іс-шаралар мен спорттық сайыстарда да белсенді. Мектепте «Футбол» спорттық үйірмесі, «Балауса» би үйірмесі, «Көңілашар» домбырашылар үйірмесі, «Өнерлі өрендер» хор үйірмесі, «Шебер қолдар» ағаш өңдеу үйірмесі, бастауыш сыныптар арасында «Көркем жазу» үйірмесі жұмыс жасайды. Сондай-ақ оқушылар дарынын өз қызығушылығы негізінде түрлі бағытта шыңдап жүр. Оқушы­лардың бос уақытын тиімді өткізуі маңызды. Осы ретте мектепте «Мектеп парламенті», «Өркен» дебат клубы, «Таңшолпан» мектеп театры, «Оқуға құштар мектеп» жобаларымен бірге «Жеткіншектің жеті жарғысы», «Балалар кітап­ханасы», «Ұрпаққа аманат», «Ұлттық мектеп лигасы» жобалары жұмыс жасайды. Сексен жылдық тарихы бар мектеп тарихы мен жетістігін бір мақалаға түгел арқау ете алмаймыз. «Егіншінің еңбегі жинап алған өнімінен көрінсе, мұғалім еңбегінің нәтижесі оқушының білім деңгейімен өлшенеді» деген. Білім тірегі – мектеп болса, оның жүрегі – ұстаз бен оқушы. Ұстазы талапты, шәкірті талантты білімнің қара шаңырағынан берідегі жүз жылдық пен әрідегі мыңжылдықтарда ел ертең­дері сапалы тәрбиемен сусындай бермек. &nbsp;

«Айбын» орденінің иегері атындағы мектеп

<a href="https://kyzylorda-news.kz/">Kyzylorda-news.kz</a>&nbsp; Ұлттық құндылықтарымызды балаларға дұрыс дәріптеуде білім беру ұйымдарының жұмысы аса маңызды. Бұл ретте Қазалыдағы Ғ.Мұратбаев атындағы № 17 орта мектебі «Құндылыққа негізделген тәрбие беру үдерін модельдеу» жобасын қолға алып, оқушыларды патриотизмге баулуды мақсат етуде.&nbsp;&nbsp;Бұл туралы Өңірлік коммуникациялар қызметі хабарлады.&nbsp;Тың жобаның нәтижесінде білім алушылар ұлттық құндылықтарды қазіргі заманға сай икемдеп, тұлғалық қабілеттері терең дамыған дарынды оқушылар көбеюде. Бұл білім ордасының тағы бір ерекшелігі, іргетасы қаланғанына ғасырға жуық уақыт болса да әлі күнге дейін маңыздылығын жоймаған. Ғани Мұратбаевтың ізі қалған білім ордасы кішігірім музей ретінде қымбат мұрасын сақтап, оқушылардың сапалы білім алуына үлкен басымдық беруде. Аталған білім ордасының негізгі жұмысымен таныс болған БАҚ өкілдері мектеп ауласындағы Ғанибай керуені туралы тарихи көрініске куә болып, оқушылар жасаған ерекше дүниелерге қанық болды.&nbsp;–&nbsp;Біздің мектеп 1958 жылдардың басына дейін көрнекті қайраткер В.И.Молотов атымен аталса, ал 1959 жылдан бастап мектеп шығыс жастарының жалынды жетекшісі, жерлесіміз Ғани Мұратбаевтың есімімен аталды. Қазіргі таңда бізде 485 оқушы білім алады. Сондай-ақ, 74 мұғалім қызмет жасайды. Балалардың жан-жақты дамуы үшін мектепішілік шығармашылық топ «Шеберлер», «Шыңдалу», «Жетілу» жобаларын тұрақты жүргізіп келеді. Бұдан бөлек, заманауи технологияларды игеру мақсатында біздің мектепте арнайы кабинеттер жасақталған. Оқушыларымыз республикалық және облыстық, аудандық білім додаларында жеңімпаз атанып жүр, - деді мектеп директоры Эльмира Сматуллаева.<img src="https://knadmin.beoblood.kz/uploads/435280948_1981953872200115_4434377278849808498_n_eb6787299c.jpg" alt="435280948_1981953872200115_4434377278849808498_n.jpg"><img src="https://knadmin.beoblood.kz/uploads/435282268_1981953738866795_334227804180242903_n_da14c2959c.jpg" alt="435282268_1981953738866795_334227804180242903_n.jpg"><img src="https://knadmin.beoblood.kz/uploads/435406728_1981953878866781_5600365615719291348_n_8d6ebc92fa.jpg" alt="435406728_1981953878866781_5600365615719291348_n.jpg"><img src="https://knadmin.beoblood.kz/uploads/435471656_1981953765533459_6660217546122199205_n_070a3f3fe3.jpg" alt="435471656_1981953765533459_6660217546122199205_n.jpg">Фото:&nbsp;Қызылорда облысының Өңірлік коммуникациялар қызметі

 Ұлттық құндылықтарды ерекше жаңғыртқан Қазалыдағы білім ордасы

<a href="https://kyzylorda-news.kz/">Kyzylorda-news.kz</a> Қазалы ауданында “Жайлы мектеп” ұлттық жобасы аясында 2 білім ордасының іргетасы қалануда. Соның бірі – ауданға қарасты Жанқожа батыр ауылында 300 балаға арналған Жайлы мектеп салынуда. Мектеп заманауи жабдықтармен жабдықталатын болады. Құрылысы 2023 жылдың қыркүйек айында басталған бұл мектеп биыл ел игілігіне пайдалануға беріледі деп жоспарлануда. Бұл туралы Өңірлік коммуникациялар қызметі хабарлады.&nbsp;Аталмыш нысанның жауапты мердігері – «Аңсар» ЖШС. Бұл білім ордасында балалардың сапалы білім алуына барлық жағдай жасалып, қауіпсіздік толық қамтылатын болады.&nbsp;– Қазіргі таңда мектеп құрылысы қарқынды жүруде. Жалпы бұл мектеп 2 қабаттан тұрады және ішінде спортзал, асхана, кітапхана және басқа да арнайы кабинеттер қамтылған. Сондай-ақ, мектеп ауласында оқушылар үшін арнайы ойын алаңдары салынады. Бұдан бөлек, жарық шамдарда да орнатылатын болады. Бұл нысанды биыл табыстауды жоспарлап отырмыз, – деді “Аңсар” ЖШС қызметкері Амантай Рамазан.&nbsp;Айта кетейік, Қазалы ауданындағы Әйтеке би кентінде де “Жайлы мектеп” ұлттық жобасы аясында 600 орындық білім ордасының құрылысы салынуда.&nbsp;Фото: Қызылорда облысының Өңірлік коммуникациялар қызметі

Жайлы мектеп: Қазалыдағы Жаңқожа батыр ауылында 300 орындық мектеп салынуда

<a href="https://kyzylorda-news.kz/">Kyzylorda-news.kz</a>&nbsp; Қазыналы Қазалы ауданында білім сапасына айтарлық көңіл бөлінген. Соның арқасында аудандағы білім көрсеткіші жыл сайын жоғары нәтижелерге қол жеткізуде. Бүгінде Қазалыда 19 мектепке дейінгі білім беру ұйымы, 39 жалпы мектеп және 2 қосымша білім ордасы қамтылған. Ондағы оқушылардың жалпы саны - 16 мыңнан асады. Аудандағы білім беру ұйымдарында әртүрлі бағыттағы тың жобалар өз жемісін беруде. Облыстық білім басқармасы мен Өңірлік коммуникациялар қызметінің ұйымдастыруымен &nbsp;баспасөз туры өтті.&nbsp;Бұл туралы &nbsp;Өңірлік коммуникациялар қызметі хабарлады. Бақ өкілдерінің алғашқы аялдаған білім ордасы - № 165 орта мектебі “Жасыл мектеп” жобасын қолға алып, оқушылар өз идеялары арқылы экоөнімдер жасап шығаруда. Тіпті, мұнда жылыжай ісі де жанданып келеді. Оқушылар жылыжайда қияр, қызанақ және басқа да көкөністер өсіріп жатыр. Одан әрі аталмыш білім ордасы жас өрендердің ұшқыр қиялынан туған тың туындыларын таныстырып өтті. Сондай-ақ, бірнеше мектептерде үздік деп танылған жобалардың көрмесі өтіп, жас зерттеушілердің шеберханасы таныстырылды. Соның бірі - Қалымбет Ақарыстың қой жүнінен таза табиғи тыңайтқыш жасау жобасын ерекше айтуымызға болады. Жас өрен 2 жыл бұрын қой жүнін тыңайтқыш ретінде пайдалана отырып, әртүрлі өсімдіктерді өсірген.– Қой жүні көп игеріле бермейтіндіктен жетекшіммен бірге өсімдіктерге пайдалануды ойладық. Осылайша қой жүнін зерттеу барысында бұл өнімде өсімдіктерге керекті барлық дәрумендер бар екенін және тыңайтқыш ретінде пайдалануға болатынын білдік. Бұл тыңайтқыш әсіресе бақша өнімдерін сапалы алуға көп көмегін тигізеді екен. Араға уақыт салып қой жүнін түйіршіктелген түрде іске асырып, арнайы құрылғы арқылы дайындадық, - деді № 95 мектептің оқушысы Қалымбет Ақарыс.Тың жобалар мұнымен тоқтамайды. № 165 орта мектебінің 10 сынып оқушысы Бекзат Жаңабайұлы болашақтағы жасыл мектеп жобасын әзірлеген. Осылайша ол болашақта экоқалдықтарды өңдеу шеберханасын жабдықтап, өсімдіктерге бірнеше тәжірбиелер жасап көрмекші.– Бұл жобаның мақсаты – оқушыларды экомәдениетке тәрбиелеу және мектебіміздің ауласын таза ұстап, көгалдандыру. Ал екінші жобамда күн және жел энергиясын телефон арқылы басқару арқылы тоқ көзін үнемдеуге арналады. Электр энергиясы сарқылатын дүние болғандықтан, баламалы тоқ көздерін тиімді пайдалану маңызды болып табылады. Сондықтан да осы жобам арқылы энергия көздерін басқаша әдісте қолдануды жоспарлап отырмын, - деді оқушы.&nbsp;Фото: Қызылорда облысының Өңірлік коммуникациялар қызметі

Қой жүнінен тыңайтқыш жасаған қазалылық оқушы

<a href="https://kyzylorda-news.kz/">Kyzylorda-news.kz</a>&nbsp; Тасқын су салдарынан баспанасыз қалған педагогтер биыл аттестациядан өтпейді.<blockquote>"Төтенше жағдай жарияланған өңірдің педагогтері аттестаттаудан Оқу-ағарту министрлігі белгілеген жекелеген мерзімдерде өтеді. Тасқын су салдарынан баспанасыз қалған педагогтер үшін аттестаттаудан өту келесі жылға ауыстырылады", - делінген Оқу-ағарту министрлігінің хабарламасында.</blockquote>Бұған дейін Премьер-министр Олжас Бектенов Астана қаласының әкімі Жеңіс Қасымбек, Ақмола облысының әкімі Марат Ахметжановпен бірге су тасқыны жағдайын тексергенін <a href="https://massaget.kz/basty-zhaalytar-438/104825/">жазған едік.&nbsp;</a>Фото: Нұрболат Нұржаубай

Су тасқыны: Биыл баспанасыз қалған мұғалімдер аттестациядан өтпейді

<a href="https://kyzylorda-news.kz/">Kyzylorda-news.kz</a> &nbsp;"Білім ұрпақ – ел болашағы". Білім мен ғылым қоғамның басты қозғаушы күші саналады. Елдің дамуы жастардың бәсекеге қабілетті тұлға болып қалыптасуында. Сырдариялық Асылай Бектасқызы болашағынан зор үміт күттіретін жас дарын.Талапкер биылғы жылы аудан орталығындағы №35 Иса Тоқтыбаев атындағы мектеп-лицейдің он бірінші сыныбын бітіреді. Оның бойындағы білімге деген құштарлық қазақ тілі мен әдебиетін ерекше сүйіп оқуға ынтасын арттырды. Мектеп табалдырығын аттамас бұрын әріп танып, шығарма оқыған оқушы жыл сайын ондаған кітапты оқып тауысады. Асылайдың білім ордасындағы ұлағатты ұстаздары да оның ерекше қабілетін байқап, шығармашылық қабілетін шыңдай түсті.<blockquote>– Бастауыш сыныптан үздік оқушы болып келген Асылай көркем шығармаларды сүйіп оқиды. Өз бетінше ізденіп талай кітапты тауысты. Оның ерекшелігі кітапты жәй оқып қана қоймай, талдап, сөздің, сөйлемнің мағынасына байыппен қарайтынында. Кітап оқитын адамның сөздік қоры да мол болады. Асылай өлең шумақтарын жазып, эссе, әңгіме, шығарма жазуға деген талпынысын байқатты. Көркем сөз оқу шебері де атанды. Қазақ тілін өте сауатты меңгерді. Жоғарғы сыныпта оқып жүрген Асылай жыл сайын пән олимпиадаларына қатысып, жүлдегер атанды. Ол болашағын тіл маманымен байланыстырады. Жеңімпаз атанған Асылай болашақта мықты тіл маманы немесе журналист болатынына сенімім мол, – дейді ұстазы Маржан Қалхоразова.</blockquote>Асылай Бектасқызы биылғы жылы 1-5 сәуір аралығында Қостанай қаласында өткен жалпы білім беретін пәндер бойынша өткізілген пәндік олимпиаданың Республикалық кезеңіне қазақ тілі мен әдебиеті пәні бойынша қатысып, І дәрежелі Диплом иегері атанды. Үздік оқушының жетістігі мектеп-лицей, ұстаз, аудан мәртебесін арттырды.Білім сынына түскен дарын иесі пән олимпиадасының қорытындысымен жоғарғы оқу орнынан шақырту алды. Жас түлек еліміздегі Х.Досмұхамедов атындағы Атырау университетінің грантын жеңіп алды.<blockquote>– Шәкіртіне таудай талап арқалатып, топтан оза шабуы, жүзден жүйрік, мыңнан тұлпар атануы ұстазы Қалхоразова Маржан Қайқыбекқызының нәтижелі, жүйелі еңбегінің жемісі, үйретуден жалықпай, өз білімін, уақытын аямай шәкіртіне сыйлаған ұстазға айтар алғысымыз шексіз, – дейді аудандық білім бөлімінің әдіскері Қаракөз Қалжанова.</blockquote>Ертеңгі елдің келешегі – білімді ұрпақта.&nbsp;Республика төрінен Қызылорда облысы, Сырдария ауданы, №35 И.Тоқтыбаев атындағы мектеп-лицей атын шығарып, білімі мен дарыны қатар ұштасқан Асылайдан күтер үмітіміз мол.

Сырдариялық жас түлек республикалық пән олимпиадасында дараланды

<a href="https://kyzylorda-news.kz/">Kyzylorda-news.kz</a> &nbsp; Қызылорда қалалық №20 кітапхана қазақтың ұлтық тағамдарын насихаттау мақсатында «Қазақтың ұлттық асы» атты таным сағатын Ә. Мүсілімов атындағы № 101 мектептің 5-6 сынып оқушылары қатысуымен өткізді. Ондағы мақсат – қазақтың ұлттық асы туралы мағлұмат беріп кітапхана қорындағы кітаптарды таныстыру.Шара барысында жас оқырмандарға ата-бабаларымыздан келе жатқан қазақтың ұлттық тағамдары жайлы мәліметтер айтылды. Ата бабамыз жоғары бағалаған жылқы, сиыр, қой етінен жасалатын тағамдармен қатар арпа, бидай, тары секілді дәнді дақылдарды қалай пайдаланғаны туралы айтылып, малдың сүтінен жасалатын қатық, құрт, ірімшік тағы басқа тағамдар аталды.Ас, тамақ дайындауды қазақ әйелдерге жүктеген. Қазақ әйелдері тағамның алуан түрлерін дайындаумен бірге қыста да, жазда да оның таза әрі бұзылмай сақталуының әдіс-тәсілдері мен жолдарын таба білген.Бұл қағидаларды әйелдер ұрпақтан-ұрпаққа жеткізген. Кәзіргі уақытта көпшілік тез дайындалатын әрі ақзаға зиянды тағамдарды жеуге әуес болғандықтан қазақтың қолдан жасалған дәруменге бай ағзаға пайдалы тағамдары ұмыт бола бастаған. Осыған орай балаларға ұлттық тағамға қатысты арнайы сұрақтар қойылып оның жасалу жолдары мен құндылығы туралы мағлұматтар берілді.Сонымен қатар кітапхана қорына жаңадан түскен кітаптарды насихаттау барысында « Кітап – жан азығы» атты кітап көрмесі таныстырылды.&nbsp;

Қазақстан және Қызылорда облысының жаңалықтары: Білім