&nbsp;<a href="https://kyzylorda-news.kz/">Kyzylorda-news.kz</a>&nbsp; ҚР Премьер-министрінің тапсырмасы бойынша, су тасқыны жағдайы күрделі өңірлерде оқушылар алдағы сынақтардан босатылды. Бұл туралы Оқу-ағарту министрлігінің ресми өкілі Мереке Амангелдіқызы мәлімдеді, деп хабарлайды&nbsp;<a href="https://egemen.kz/article/362049-qarghyn-su-basqan-onhirlerdinh-oqushylary-synaqtardan-bosatyldy-ministrlik">Egemen.kz.</a>&nbsp;<blockquote>«Атап айтқанда, Атырау және Ақтөбе облыстарының оқушылары үшін БЖБ (өткен материалды бөлу үшін жиынтық бағалау) және ТЖБ (тоқсан бойы жиынтық бағалау) болмайды. Атырау (18), Ақтөбе (6), Қостанай (2) және Батыс Қазақстан (2) облыстарының 28 мектебінде оқушылардың білім жетістіктеріне жасалатын мониторинг жойылды», деп нақтылады Мереке Амангелдіқызы.</blockquote>Оның айтуынша, елдің алты өңірінде ББЖМ (Министрліктің деректері бойынша оқу бағдарламаларының тиімділігін бағалауға, оқу процесінің күшті және әлсіз жақтарын анықтауға мүмкіндік беретін ұлттық зерттеу) өткізу 15 сәуірден 22 сәуірге (Ақмола, Атырау, Ақтөбе, Қостанай облыстары, СҚО және БҚО) ауыстырылады.«Қалған өңірлерде сабақтар штаттық режимде өтеді», деп қосты Мереке Амангелдіқызы.фото: Нұрболат Нұржаубай

Қарғын су басқан өңірлердің оқушылары сынақтардан босатылды - министрлік

<a href="https://kyzylorda-news.kz/">Kyzylorda-news.kz</a>&nbsp;«Болашақ» Ғылыми-зерттеу институты Қызылорда «Болашақ» университеті кафедраларынан қоғамдық-гуманитарлық ғылымдар бойынша іргелі және қолданбалы ғылыми зерттеулер жүргізу үшін құралған 4 орталықты біріктіріп отыр. Қазақстандағы ғылым қызметкерлерінің күні қарсаңында аталмыш ғылыми-зерттеу институтының жетістіктерімен таныстыруды жөн санап отырмыз.Қазіргі таңда ҒЗИ орталықтары Ұлттық мемлекеттік ғылыми-техникалық сараптама орталығында тіркелген 7 ынталы жоба бойынша белсенді түрде жұмыстар жүргізуде: «Ұлттық рухани жаңғыру: қоғамдық сана мен тарихи сананы жаңғырту», «Құқықтық мәдениетті арттыру және мемлекеттіліктің негіз қалаушы құндылықтарын құрметтеуді қалыптастыру», «ЖОО-дағы білім беру және тәрбие жұмыстарының психологиялық мәселелері», «Бастауыш сынып оқушыларының шығармашылық қабілеттерін дамыту», «Сыр бойының рухани мұрасы», «Мектепке дейінгі білім беру жүйесіндегі педагогикалық білім беру трендтері», «Зияты зақымдалған балаларға білім беру және сөйлеу тілін түзету жолдары».Ынталы жобалар бағыттары жан-жақты. Мәселен, бір жоба ұлттық рухани дамудың ауқымды мақсаттарына қол жеткізуге ықпал ететін қоғамдық сана мен тарихи сананы жаңғырту жолдарын зерттеуге арналған. Мемлекеттіліктің негіз қалаушы құндылықтарын ынталандыруға бағытталған жобада азаматтық тәрбие, құқықтар мен міндеттер бойынша хабардарлықты дамыту міндеті қойылған. Педагогикалық психология саласына терең үңілген жобада университет жағдайында білім беру және тәрбие тәжірибесінде туындайтын мәселелер анықталады және шешіледі. Бастауыш сынып оқушылары арасында шығармашылық пен инновацияны дамытуға бағытталған жоба оқушылардың шығармашылық әлеуетін ынталандырудың тиімді стратегиялары мен шараларын әзірлеуге ұмтылады. Сыр бойының бай рухани мұрасы зерттеліп отырған жобаға аймаққа ғана тән мәдени дәстүрлер, тарихи ескерткіштер мен материалдық емес мұраларды сақтау және насихаттау міндеті қойылған. Мектепке дейінгі білім беру жүйесіндегі педагогикалық тәсілдердің үрдістері мен инновацияларды зерттейтін жобада балаларды дамыту үшін білім беру саясаты мен тәжірибесін зерттеуге бағытталады. Инклюзивті білім беруге назар аударған жобамызда зияткерлік мүмкіндіктері шектеулі балалардың қажеттіліктері ескеріліп, олардың сапалы білім алуға және коммуникативтік дағдыларды дамытуға қол жеткізуін қамтамасыз ететін оқытудың және түзетудің тиімді әдістемелерін әзірлеу жұмыстары жүріп жатыр. Осы ынталы жобалар арқылы «Болашақ» Ғылыми-зерттеу институты білімді дамытуға, әлеуметтік-саяси мәселелерді шешуге ынталылығын көрсетеді. Бұл жұмыстар институттың өңірдегі ғылыми зерттеулерге, инновацияларға және әлеуметтік прогреске ықпалындағы шешуші рөлін танытады.Аталмыш жобалар шеңберінде жоба орындаушылары соңғы 4 жылда 197 жарияланымға қол жеткізді. Оның ішінде, «Скопус» базасында индекстелетін журналдарда 7 мақала, Қазақстан Республикасы Ғылым және жоғары білім министрлігінің Ғылым және жоғары білім саласындағы сапаны қамтамасыз ету комитеті Тізіміндегі журналдарда 20 мақала жарияланды. Сонымен қатар, 4 монография, 1 оқулық және 4 оқу құралы жарық көрді, 5 авторлық куәлік алынды.Ғылыми-зерттеу институтының 10 жылдық ынтымақтастығы шеңберінде Ресейдің «Социосфера» Ғылыми-баспа орталығымен бірлесе отырып жыл сайын 8 Халықаралық ғылыми-тәжірибелік конференция ұйымдастырылып келеді: Қоғамды ақпараттандыру: әлеуметтік-экономикалық, әлеуметтік-мәдени және халықаралық аспектілер; «Еуразия халықтары: тарихы, мәдениеті және әрекеттестік мәселелері»; «Ақпараттық-коммуникациялық кеңістік және адам»; «Мәдениет, өркениет, қоғам: зерттеу парадигмалары және әрекеттестік үрдістері»; «Қазіргі шарттардағы тәрбиенің мақсаттары, міндеттері мен құндылықтары»; «Тұлға, қоғам, мемлекет, құқық: өзара қатынас және әрекеттестік мәселелері»; «Бәсекеге қабілетті маман даярлау заманауи білім берудің мақсаты ретінде»; «Экономика мен басқаруды дамытудың мәселелері мен перспективалары». Сондай-ақ, институт ресейлік «Молодой ученый» журналының арнайы шығарылымдарын дайындайды. Осы уақытқа дейін институт журналдың 43 арнайы нөмірін жарыққа шығарды. Ғылыми-зерттеу институты тұрақты түрде өткізіп отыратын «Заманауи ғылым және инновациялар» Халықаралық конференциясының нөмірлерін университет құрылтайшысы қаржыландырып отырады.Қорыта айтқанда, «Болашақ» Ғылыми-зерттеу институты орталықтары жүзеге асырып жатқан ынталы ғылыми жобалары қоғамда бар проблемаларға жауап іздеп қана қоймай, нәтижелерін оқу процесіне үздіксіз енгізіп жатыр. Бұл тәсіл пайда болатын үдерістер мен мәселелерді алдын алу үшін маңызды. Зерттеу қорытындыларына негізделген ғылыми шараларды ұйымдастыру институттың нәтижелерді таратуға және қоғаммен өзара әрекеттесуге ұмтылысын көрсетіп отыр.

Ғылым мен әлеуметтік прогресті ілгерілету: «Болашақ» ҒЗИ бастамалары

&nbsp; <a href="https://kyzylorda-news.kz/">Kyzylorda-news.kz</a> &nbsp; Қазалы ауданында А.С.Пушкиннің 225 жыл толуына орай оқушылардың орыс тіліне қызығушылығын арттыру, орыс тілін меңгерген дарынды оқушыларды анықтау және қолдау, сөйлеу мәдениеті деңгейін көтеру мақсатында жуырда Қаныш Сәтбаев атындағы №216 орта мектепте «Пушкинские чтения - 2024» байқауы өтті.Сайысқа 2-10 сыныптар аралығында 79 оқушы қатысып, екі бағам бойынша өткізілді.Атап айтқанда, көркем оқу сайысы: 4-5 сыныптар – табиғат тақырыбы, 6-7 сыныптар – достық тақырыбында А. С. Пушкинннің 5 шығармасын бағалау критерийлер бойынша оқу өнерлерін көрсетуі қажет болды.Оқу шебері сайысында 8-10 сыныптар аралағында А.С.Пушкин прозаларынан 5 минуттік монолог оқу шеберлігін көрсету тапсырылды.Осы ретте, байқау қорытындысы бойынша: 4-5 сыныптар арасында бірінші орын Ержігіт Бозғұлов атындағы №249 мектеп-лицейдің 4-сынып оқушысы Алина Кенжебекқызы жеңіп алса, екінші орынды №266 мектеп-лицейлік 4-сынып оқушысы Айнара Балғабай, №276 орта мектептің 5-сынып оқушысы Жүсіпбек Нұраділ, №226 мектеп-гимназия 5-сынып оқушысы Асылбек Камила иемденді. Үшінші орын №204 орта мектептің 5-сынып оқушысы Жеткербай Мирас, №216 орта мектептің 4-сынып оқушысы Сарсенбай Раяна, №90 орта мектеп 5-сынып оқушысы Жарылқасын Аягөзге бұйырды. Ал, 5-сынып оқушылары №170 орта мектептен Бадаш Қажымұқан, №70 орта мектептен Сертай Айбол және №24 орта мектептен 4-сынып оқушысы Алдаш Нұрислам Алғыс хатпен марапатталды.Сонымен қатар, 6-7 сынып оқушылары – №204 орта мектеп атынан қатысқан Тасболсын Алижан жеңімпаз атанды. &nbsp;№266 мектеп-лицейлік Ерфайз Даниял, №226 мектеп-гимназиядан Ерсайын Аянат, екінші орынды қанжығасына байлады. С.Сейфуллин атындағы №165 орта мектептен келген Шарапат Кәусар, №93 орта мектеп Бақыт Тілеукелді үшінші орынды қанағат тұтты. Сондай-ақ, №70 орта мектеп атынан келген Жұмабек Инабат пен №24 орта мектептің оқушысы Әбдіғани Ақзер Алғыс хатпен марапатталды.Сонымен бірге, 8-10 сыныптар аралығындағы – №70 орта мектептен Жақсыберген Ақмарал бірінші орынға көтерілді. №204 орта мектептен бақ сынаған Шайхислам Алина мен №266 мектеп-лицейлік Балмаханова Арайлым екінші орынды жеңіп алды. №226 мектеп-гимназиялық Қайып Балауса мен №95 орта мектептен Ақтан Жұлдыз және №24 орта мектептің талапкері Жаулыбай Сауран үшінші орынды місе тұтты. №104 орта мектеп жіберген Нағидулла Нұрай Алғыс хат иемденді.

Оқушылар байқауда бақ сынады 

Экономиканың ілгерлеуі ғылымның дамуымен байланысты

<a href="https://kyzylorda-news.kz/">Kyzylorda-news.kz</a>&nbsp; Кеше Сырдария аудандындағы №139 орта мектеп базасында әдістемелік кабинеттің жоспарына сәйкес «Заманауи білім жүйесіндегі ұлттық құндылық пен патриотизм» тақырыбында жалпы білім беру ұйымдарының мұғалімдеріне арналған дебат ойындары өтті.&nbsp; &nbsp; Тағылымды іс-шараны ұйымдастырудағы басты мақсат – қазіргі заманғы білім жүйесінде дәстүрлі ұлттық құндылықтарымызды дәріптеу, мұғалімдеріміздің патриоттық сезімін ояту және шығармашылығын шыңдау болып табылады. Мұғалімдер арасында өткізілген дебат ойындары өте жоғары деңгейде өткізілді. Ұстаздар қауымы топ топқа бөлініп, берілген ереже бойынша пікірталасқа түсті. Пікірталас барысында ұлттық құндылықтарымыз жайында біраз тақырыптар талқыланып, ұстаздарымыз ортаға өз ой-пікірлері мен ұсыныстарын тастады. Ұстаздар қауымы бір-бірінен оза шауып, керемет сөз саптаулары мен шеберліктерін көрсете білді. Дебат ойындары өте тартысты әрі қызу пікірталастарға толы болды. Тартысты ойынға жасы үлкен тәжірибесі мол мұғалімдер де, сонымен қоса жас мамандар да қатысып, &nbsp;өте жақсы ойын көрсете білді. Және алдағы уақыттарда да осындай патриоттық мәні бар іс-шаралар жиі-жиі ұйымдастырылып отыруы керек деген ұсыныс-пікірлерін де білдірді.&nbsp; &nbsp; Пікірсайыс нәтижесінде ойын көрсеткен: №42, №44, №131, №139, №147, №174, №210 мектеп ұстаздарынан құралған фракциялар өздерінің&nbsp;шеберлігімен көзге түсіп, жоғары деңгейде ойын түрін &nbsp;көрсете білді.&nbsp; &nbsp; Жалпы ойын барысында барлық мектептерде дебат ойындары жақсы жолға қойылғандығы айқын көрініс тапты.

«Заманауи білім жүйесіндегі ұлттық құндылық пен патриотизм» тақырыбында дебат өтті

<a href="https://kyzylorda-news.kz/">Kyzylorda-news.kz</a>&nbsp; Өздеріңізге белгілі, жас интеллектіні қазақша сөйлетіп жүрген сырдариялық жас өнертапқыш ІТ саласы бойынша түрлі жобалардың авторы Асылжан Абдуллаевты танымайтын адам кемде-кем.Асылжан қазіргі заман талабына сай жасанды интеллектіні қазашқа сөйлетіп, оны бірнеше платформаға интеграциялады. Одан бөлек цифрландыру министрлігінің қолдауымен агро жобаларды жасауда.Асылжанның ойлап тапқан QazaqGPT бағдарламасын осы күнге дейін 2000-нан астам адам қолданып үлгерген. Жас ғалымның бұл жобасы американдық ғалымдардың қызығушылығын тудырып, Асылжанды бірлесе жұмыс жасауға шақырып отыр. Асылжан ЖИ-ді қазақ тіліне қолайлы ету үшін, бағдарламаға 300 000 астам ана тіліміздегі сөз бен 227 млрдқа жуық ақпарат енгізген. Бұл әрине іргелі де, ірі жетістік болып отыр. Мектепті енді тәмамдағалы отырған жас өнертапқышқа қазірдің өзінде еліміздегі ең ірі 3 ЖОО білім грантын ұсынып отырғанын мақтанышпен айтып өту керек.Қазақта «Болам деген баланың бетін қақпа, белін бу» дегендей, бүгінгі таңда, Асылжан «Enactus National Expo Championship 2024» ұлттық чемпионатының жартылай финалына қатысуда. Осы финалдан жеңімпаз атанса, Нидерланды елінде өткізілетін EWC (Enactus World Cup -24) әлем чемпионатына қатысуға мүмкіндік алады.Ұлттық чемпионаттың жартылай финалына қатысуға да қажетті материалдарды жасау қаржыны талап ететіні анық.Осы орайда, «Amanat» партиясы аудандық филиалының қолдауымен, аудандық мәслихат депутаты Ералиев Дархан Жұмашұлы жастардың дамуына жағдай жасау, азаматтық парызы екенін айтып, демеушілік көрсетті.Сауаптар еселеніп жазылатын берекелі айда, игі іске атсалысып, қолдау көрсеткен Дархан Жұмашұлына алғыс білдіреміз!

Аудандық мәслихат депутаты жастарды қолдауда

<a href="https://kyzylorda-news.kz/">Kyzylorda-news.kz</a>&nbsp; 2024 жылдың 11 сәуір күні жалпы білім беру ұйымдарының 5-8 сынып оқушылары арасында «ProEco» экологиялық жобалар байқауының облыстық кезеңі өткізілді.&nbsp; &nbsp; &nbsp; &nbsp;Конкурс оқушылардың назарын экологиялық проблемаларға аудару, жобалау-зерттеу қызметін ұйымдастыру арқылы оқушылардың экологиялық құзыреттілігін дамыту, туған өлкенің табиғатына экологиялық мәдениет пен оң экологиялық қатынасты қалыптастыру мақсатында ұйымдастырылып отыр. Конкурстың тағы бір басты мақсаты – оқушыларды әлеуметтік жауапкершілікке тәрбиелеу және экологиялық сауаттылықтарын арттыру, экологиялық мәдениет қалыптастыру, оқушыларды әлеуметтік жауапкершілікке тәрбиелеу және экологиялық мәдениетке баулу, табиғатты қорғау қызметіне бейімдеу, экологиялық мәдениетпен туған өлке табиғатына оң экологиялық көзқарас қалыптастыру және мектеп оқушыларының интеллектуалдық-шығармашылық әлеуетін ынталандыру болып табылады.&nbsp; &nbsp; &nbsp; Конкурсқа қатысушылар 4 бағыт бойынша жасаған жұмыстарын ұсынды. «Туған өлке табиғаты», «Мені қоршаған әлем – ғажайып әлем», «Үздік экологиялық бастама», «Таза қала сізден басталады». Ережеге сай жеңімпаздар мен жүлдегерлер жас ерекшеліктеріне қарай 5-6 және 7-8 сынып аралығында анықталды.&nbsp; &nbsp; &nbsp; &nbsp;Облыстық конкурс 4 бағыт бойынша өткізіліп, аудан намысын қорғаған оқушыларымыз соның ішінде 2 бағыт бойынша жүлделі 2,3 орын иегері атанды. &nbsp;«Мені қоршаған әлем-ғажайып әлем» бағыты бойынша: №139 орта мектептің &nbsp;8-сынып оқушысы Ыбыраш Қарақат ІІ дәрежелі дипломымен (жет: М.Тәжекеев); «Үздік экологиялық бастама» бағыты бойынша: &nbsp;№210 орта мектептің &nbsp;7-сынып оқушылары Бектауов Мейрамбек және Қанжарбаев Нұрдәулет ІІІ дәрежелі дипломымен марапатталды (жет: Ж.Бедебекова)

«ProEco» экологиялық жобалар байқауының облыстық кезеңі өтті

<a href="https://kyzylorda-news.kz/">Kyzylorda-news.kz</a> &nbsp;Көптеген елде 12 сәуір ғарышкерлер күні ретінде атап өтіледі. Бұл датаның ерекшеленуіне Байқоңыр ғарыш айлағының тікелей ықпалы бар. Себебі осыдан 63 жыл бұрын, 12 сәуірде дәл осы айлақтан Юрий Гагарин «Восток-1» ғарыш кемесімен жер орбитасын айналып шыққан еді. Кеңістіктегі бұл шолу әлі күнге дейін адамзаттың ғарышты ашудағы ірі жетістіктерінің бірі ретінде саналады. Бұдан кейін де Байқоңыр айлағы көп жаңалықтың жаршысы болды. Еліміз түркітілдес мемлекеттер арасынан алғаш болып азаматын осы жерден ғарышқа ұшырды. Айтулы күннің қарсаңында Байқоңыр ғарыш айлағының тарихтағы орны мен саланың дамуына қосқан үлесін бір шолып өтуді жөн санадық. &nbsp;&nbsp;Ел атын әйгілеген айлақҚазақстан тәуелсіздік алған 30 жылдан астам уақытта ғарышқа азаматтарды ұшырған алғашқы 40, жасанды жер серігін шығарған 70 мемлекеттің қатарына қосылып үлгерді. Әдетте ғарышты игеруге қатысып жатқан мемлекеттерді көбіне бейресми түрде ғарышқа ұшқан ғарышкерлерінің және жер серіктерінің санымен бағалайды. Ал еліміз тәуелсіздік алған кезде жер серігі де, ғарышкері де жоқ мемлекет болатын. Алайда әлемдегі тұңғыш ғарыш айлағы – Байқоңыр біздің елде. 1961 жылдан бері ғарышқа адам ұшырып келе жатқан айлақтан қазақ түгілі түбі түркінің бірде-бір перзенті ғарышқа ұшпады. Алпауыттар қатарына қосылған Түркияның өзі алғашқы ғарышкерін осы жылдың басында ғана ұшырғанын ескеріңіз. Кеңес одағы ыдырайтын кезде осынау олқылықтың орнын толтыруға еліміз мықтап кірісті. Сөйтіп 1991 жылы қазанда Тоқтар Әубәкіров ғарышқа ұшқан еді. Көп ұзамай 1994 жылы Талғат Мұсабаев зеңгір көкке самғаса, беріректе, 2015 жылы Айдын Айымбетов жер төңірегінде ұшып жүрген халықаралық ғарыш стансасына барып қайтты. Бұл тұста Талғат Мұсабаевтың ғарышқа бір емес, үш рет ұшқанын атап өткен жөн.Еліміз 90-жылдардағы әлеуметтік-экономикалық қиын кездерге қарамастан, ғарыш саласын назардан тыс қалдырмады. Байқоңыр ғарыш айлағын 1994 жылы Ресейге алдымен 50 жылға, кейін 2050 жылға дейін жалға бере отырып, қалай болғанда да бірегей кешенді ғылыми негізде сақтап қалуға ұмтылды. Себебі адамзаттың ғарышты ашуға деген ұмтылысында айлақ үздік саналады. Біріншіден, экватор бойынша барлығы тең есептелген. Осы жерден ең ауыр жүктер ғарышқа ұшырылады. Адамның ғарышқа ең жылдам жетуі де осы жерден оңай. Сондықтан ел билігі Байқоңырдың маңызы мен оны сақтап қалудың өзектілігін жақсы түсінді. Байқоңыр – әлем үшін ғылыми-техникалық прогреске, ал адамзат үшін ғарышқа жол ашқан айлақ. Дәл осы ғарыш алаңынан ғарыш дәуірінің басталуын жариялаған алғашқы спутник ұшырылды.Ғылым мен ғарыш – егіз ұғымҚазір әлемнің дамыған елдерінің түгелі дерлік ғарыш саласына бас қойды. Берісі айға, әрісі Марс секілді планеталар мен жұлдыздар кеңістігіне дейін зерттеу жүргізілуде. Мемлекеттер, жекелеген компаниялар осы мүддеге жұмылды. Бұл тұрғыда Қазақстан да елеулі жұмыстар атқара алды. Мәселен, еліміздің ғарыштық байланыс жүйесін қамтитын KazSat-2 мен KazSat-3 бар. Олар Қазақстанның телехабар тарату мен байланыс саласындағы қажеттілігін толық қамтамасыз етеді. Олардың көмегімен еліміздің барлық аумағында орналасқан мемлекеттік мекемелерге байланыс, деректер беру қызметі мен интернет желісі ұсынылады. Сондай-ақ кейінгі жылдары байланыс спутниктері арқылы шалғай аудандардың тұрғындары үшін интернет тарату ісі жүзеге асырылуда.2019 жылы елімізде ғарыш аппараттарын құрастыру-сынау кешенінің құрылысы аяқталды. Ал 2020 жылы халықаралық стандарттарды және ғарыш аппараттарын құрастыру мен сынауға дайындығын растау үшін кешеннің операциялық біліктілігі тексерілді. Кешен жобалаудан бастап, спутниктерді құрастыруға және сынауға, сондай-ақ бөлшектерін дайындауға дейінгі жұмыстардың толық циклін жүргізуге мүмкіндік беріп отыр.Әріге барар болсақ, 2005 жылы жарғылық капиталын 100 пайыз мемлекет өз мойнына алған «Қазкосмос» ұлттық компаниясы құрылған еді. Компания 2007 жылы «Қазақстан ғарыш сапары» ҰК» акционерлік қоғамы болып қайта жасақталды. Сол кезден бері бұл компания елге қызмет етіп келеді. Жерді қашықтан зондтау, ғарыш технологиясын дамыту, шетелдік компаниялармен бірлескен жобалар әзірлеу тәрізді қызметтерді осы компания атқарады. Қазір ғарыш саласындағы көптеген компаниялармен тізе қоса отырып жұмыс істеп жатқан жайы бар. Тіпті «Қазақстан ғарыш сапары» отандық ғарыш қызметін үйлестіруші деуге де болады. Өйткені компанияның бірнеше еншілес кәсіпорны бар. Жерді қашықтан зондтау, мониторинг, аэроғарыштық түсірілімдер қатарлы қызметтер осы компанияның еншісінде. Мәселен, 2021 жылдың басында компания Қазақстанда 1 млн гектардан астам егіс алқабының пайдаланылмай жатқанын ғарыш арқылы анықтаған. Жалпы, компания жер серіктерінің көмегімен ондаған миллион жерді цифрландырған. Сөйтіп, жер теліміне қатысты ақпаратты жүйелеп отыр. Демек, енді ол жерлерді заңсыз басып алу, игермей қою сияқты деректерді көзден таса қылмайды. Бұдан бөлек, отандық жер серігі 2019 жылы ел аумағынан заңсыз қоқыс төгілген 9628 орынды тапқан. Оның үстіне жыл сайын өрт шыққан жерлерді анықтап отырады. Қай маңда қандай нысан өртеніп жатқанын анық түсірілген суреттерімен қоса ұсына алады.Сөз соңында, 2016 жылы елімізде алғаш рет «аэроғарыш өнеркәсібі» термині ресми мекеме атауларының қатарына енгенін айтсақ. Осы арқылы Қазақстан аэроғарыш саласы ел экономикасындағы маңызды бағыттардың қатарына қосылғанын паш етті. Ал жоғарыда тізбектеген қаншама жетістіктің бастауында Байқоңыр ғарыш айлағы тұрғанын ұмытпаған абзал. Қайткен күнде де айлақ келешекте ел үшін маңызды саналатын ауқымды жобаларды жүзеге асыруға себепші боларына сенім мол.&nbsp;

Байқоңыр айлағы жаңалықтың жаршысы болды

<a href="https://kyzylorda-news.kz/">Kyzylorda-news.kz</a>&nbsp; Арал ауданындағы №83 орта мектептің мұғалімі Ақмарал Нұрадинова жапондық кинусайга әдісі арқылы оқушыларды қолөнерге баулып келеді. Бұл қалдық маталардан инесіз құрақ құрау дегенді білдіреді.Бұрын музыка пәні мұғалімі болған ол &nbsp;кейінгі екі жылда көркем еңбек сабағынан дәріс береді. Бүгінде «Дарындылар палитрасы» атты үйірмеде 30 шәкірті қолөнердің түрлі әдісін меңгеріп, байқауларда жеңімпаз атануда. Қалдық маталарды тастамай, оларға жан бітірген ұстаздың қолынан шыққан дүниелері көз тартады. Бейнебір суретшінің түрлі-түсті бояумен салған картинасындай.<blockquote>– Оқушыларды қолөнерге баулу үшін алдымен өзімнің шеберлігімді дамытып, түрлі әдістерді меңгеруім керек болды. Сондықтан кинусайганы әлеуметтік желі арқылы үйрендім. Қажет емес мата қиындыларын пайдаға жаратуда таптырмас әдіс. Ол үшін пенопласт, пышақ, желім керек. Бірінші қалтқыға сурет саламыз, содан кейін оның үстінен тесіктер жасаймыз. Оған мата қиындыларын жапсырамыз. Үйірмеде оқушыларым жіп графикасы арқылы да басқа дүниелер жасауды меңгеруде. Аты айтып тұрғандай, мұнда жіп қолданылады. Қатты затқа жіңішке жіптерді түстердің үйлесіміне қарай жапсыру арқылы әдемі картина шығаруға болады. Моншақтан тақия тігуді де үйреніп алғандары бар. Қажетті құрал-жабдықтың барлығын өзім алып беремін. Дайын өнімдерді ақшаға сатып алғысы келетіндер бар. Бірақ мен одан табыс табуды ойламаймын. Менің мақсатым – қолөнерді шәкірттеріме дарыту, – дейді.</blockquote>Қазір кесте тігіп, ою ойып, қолөнермен айналысатын қыз балаларды кездестіре бермейміз. Оның орнына телефонмен тик-ток түсіруге бейім. Ақмарал апайдың айтуынша, балаларды қызықтыра білсе, қолөнер – баға жетпес құндылық. Бұл ең бірінші қыз баланы әсемдікке, шеберлікке, тігін тіге білуге және үйлесімділікке үйретеді.Қазір шәкірттері аудан, облыс көлеміндегі көрмелерге қатысып, жүлделі орындарды иеленуде. Алдағы уақытта мұғалімнің қолынан шыққан бұйымдардан көрме ұйымдастырылмақ. &nbsp;

Аралдық мұғалім кинусайга әдісі арқылы оқушыларды қолөнерге баулып келеді

&nbsp;<a href="https://kyzylorda-news.kz/">Kyzylorda-news.kz</a> &nbsp;Қызылорда қалалық орталықтандырылған кітапханалар жүйесінде қарасты № 8 кітапхананың ұйымдастыруымен «Адал адам» мәдени-тәрбие орталығы «Әлем ВООК» жобасы аясында ақын Қарасақал Ерімбеттің туғанына – 180 жыл толуына орай №143, №268 мектеп-лицей оқушылары қатысуымен «Нұсқалы сөздің кестесі» атты танымдық сағаты өткізілді.&nbsp;Шараға тәлімгерлер Рахманқұлова Набат пен «Дәстүрлі ән-жыр» домбыра үйірме жетекшісі Маханбетжанов Мейірімжан қатысып, оқырмандарға Қарасақал Ерімбеттің өмірі мен ақындық өнер жолдары туралы айтты.Шараның мақсаты – шығыстық дидактика-философиялық мазмұндағы әдеби дәстүрді дамытып, ислам дінінің гуманистік- ағартушылық идеяларын қазақ поэзиясының поэтикалық өзегімен тұтастыра жырлаған, қазақтық дәстүрлі айтыс өнеріне өзіндік ерекшелігімен үлес қосқан, даналық мұхитына терең бойлаған Шайыр есімін ардақтауға, өмірі мен ақын шығармаларын таныстыра отырып, жас ұрпақты мейірімділікке, адалдыққа тәрбиелеу.Шара барысында жас оқырмандар Қарасақал Ерімбеттің « Нақыл сөз», « Әй, балам, саған насихат», «Мұратқа ешкім қолдан жеткен емес» атты өсиетті өлеңдерін оқып, «Дәстүрлі ән-жыр» домбыра үйірме оқушылары Қарасақал Ерімбеттің «Сыр сүлейлері» атты термесін орындады.

Қызылордада оқушыларға «Әлем ВООК» жобасы аясында танымдық сабақ өткізілді

<a href="https://kyzylorda-news.kz/">Kyzylorda-news.kz</a>&nbsp; &nbsp;Қызылорда қалалық орталықтандырылған кітапханалар жүйесінде қарасты А.С.Пушкин атындағы орталық кітапхананың ұйымдастыруымен Қазақстан Республикасының және Ресей Федерациясының ұшқыш-ғарышкері, Қазақстан Республикасының Халық қаһарманы және Ресей Федерациясының Батыры, авиация генерал-лейтенанты, техника ғылымының докторы, «Экология» Қазақстан халық академиясының академигі Талғат Амангелдіұлы Мұсабаевтың - 75 жылдық мерейтойына орай, «Ғарышты бағындырған қыран» атты танымдық сағат кітапхана оқырмандарының қатысуымен өтті.&nbsp;Қазақтың маңдайына біткен батыр ғарышкер Талғат Мұсабаев – қазақтың 2-ші, ал әлемнің 309-шы ғарышқа үш рет ұшқан ғарышкері. 1994 жылғы маусымның 1-інен қарашаның 4-іне дейін «Союз-ТМ» ғарыш кемесінің борт-инженері ретінде ғарышта болып, 2 рет ашық ғарыш кеңістігіне шықты. Осы айтулы мерейтойға арнайы кітап көрмесі ұйымдастырылып, кітапханашы Кенжебаева Мақпал ұшқыш-ғарышкердің өмірі мен қызметінің негізгі кезеңдері туралы және де Талғат Амангелдіұлының жасаған ерліктері туралы материалдарға ерекше тоқталып өтті.Шара барысында «Сейхун» колледжінің бастауыш білім беру педагогикасының әдістеме бөлімінің пән мұғалімі Шырманбаева Ақбота жастарымызға қазақтан шыққан ұшқыштар Т.Әубәкіров, Т.Мұсабаев, А.Айымбетов жайлы ақпараттар айтып, ғарыш әлемі туралы қызықты мәліметтерімен бөлісті. Шараның мақсаты – ғарыш әлемі жайлы және 12 сәуір – ғарышкерлер күні туралы түсінік беру. Жастарымызға Байқоңыр ғарыш аймағы мен ғарыш саласы туралы, егеменді еліміздің тұңғыш ғарышкерлерінің қайталанбас ер тұлғасы мен қаһармандық ерлігін құрметтеуге тәрбиелеу.

Қызылордада кітапханашылар «Ғарышты бағындырған қыран» атты танымдық сағат өтті  

&nbsp;<a href="https://kyzylorda-news.kz/">Kyzylorda-news.kz</a> &nbsp;Бүгін «Қараөзек ауылдық клубы» МКҚК-ның және №39 Қызылөзек орта мектебінің ұйымдастыруымен қазақ әдебитетіне өзгеше өрнек, ғажайып сыр-сипат алып келген көрнекті жазушы Бердібек Соқпақбаевтың 100 жылдығына арналған «Балалар әдебиетінің классигі» атты әдеби-танымдық шарасы өткізілді.Шарада Бердібек Соқпақбаевтың шығармашылығына арналған арнайы кітап көрмесі ұйымдастырылып, оқушыларға тақырыптық дәріс оқылды.Балалар әдебиетін алып бәйтерек десек, оған нәр беріп, құнарландырып тұратын жазушылардыі бірегейі Бердікбек Соқпақбаев деуге негіз бар. «Балалық шаққа саяхат», «Менің атым Қожа», «Өлгендер қайтып келмейді» шығармалары – жазушының шоқтығы биік туындылары саналады. Бұл шығармаларда жазушы өзі өмір сүрген заманның шынайы келбетін суреттейді. «Балалық шаққа саяхат» повесінде жазушы анасының ұзақ ауырып қайтыс болғанын, сәби інісі Тұрдыбектің тоқтаусыз жылап қалғанын жазған. Жұпыны үй ішінде бір үзім нанға зәру күн кешкен қиын тағдыры бейнелеген.Оқушыларға мұндай шара өткізудің берері мол. Олардың кітап оқуға деген қызығушылығын арттыру, танымының толысуына үлкен рухани азық болмақ.

Қазақстан және Қызылорда облысының жаңалықтары: Білім