<a href="https://kyzylorda-news.kz/">Kyzylorda-news.kz</a> &nbsp;Тіл туралы жазу, ол туралы айтудан қашпау да, жалықпау да керек. Себебі тіл – бүкіл бір халықтың жүрегі. Оның бойында ұлттық болмыс, ұлттық рух, дәстүр мен салт жатыр. Сондықтан әр халық өз тілінде мақтанып қана қоймай, оны дамытып, жұмыс жасауы керек. Осы ретте тіл мәртебесі үшін талмай еңбектеніп жүрген халықаралық «Қазақ тілі» қоғамын атауға болады. Жыл сайын тілдің абыройын асқақтату үшін түрлі іс-шара, дөңгелек үстел, байқау ұйымдастырып қана қоймай, өз саласында мемлекеттік тілді дамытуда күш салып жүрген қызметкерлерді елеп-ескеруді де ұмытқан емес. Мерейлі мерекелерінде түрлі сала мамандарын арнайы құттықтауды әдетке айналдырған.Бейсенбі күні халықаралық «Қазақ тілі» қоғамының Қармақшы аудандық филиалында келелі кездесу болды. Онда ұрпағымыздың алғашқы білім баспалдағында еңбек ететін балабақша мамандары арнайы шақырылған. Кездесуге «Қазақ тілі» қоғамы аудандық филиалының төрағасы Гүлжауһар Раева, осы қоғамның алқа мүшелері Әбдірахман Құлдүйсенов пен Бауыржан Қайырбаевтар қатысты.&nbsp; Алғы сөз берілген ауданның белгілі азаматы Әбдірахман Құлдүйсенов тіл тақырыбында тағылымды дүниелер айтып, ұрпақ тәрбиелеуде ерекше үлес қосып жүрген мамандарға алғысын жеткізді. Ал осы қоғамның аудандық филиалының төрағасы ГүлжауҺар Төлегенқызы бұл жиынның басты мақсатына тоқталып, тіл төңірегінде толымды ой айтты.<blockquote>– Қазақ тілі – Қазақстан Республикасының мемлекеттік тілі. Ол – әлемдегі тілдердің ішіндегі ең бай, қолданыс аясы кең тілдердің бірі. Қазақ тілі қазақ халқының – ана тілі. Тіл қай елде, ұлтта болсын қастерлі, қасиетті, құдіретті. Тіл әрбір азаматқа ана сүтімен беріледі. Ана сүтімен бойға енген қасиет туған тілдің құдіретімен дамиды. Туған тілге деген құрмет пен сүйіспеншілік бала кезден басталуы керек. Айналада адамдарға, өзіңнің өскен ортаңа, Отанға деген ерекше сезім мен көзқарас туған тіліңді білуден басталады.&nbsp;Соған &nbsp;байланысты &nbsp;балаларды қорғау күніне орай балабақшада &nbsp;қызмет атқарып тілімізге құрметпен қарап белсенділік танытқан, &nbsp; нақты істерімен үлес қосқан сала қызметкерлерімен кездесіп, пікір алмасу мақсатында өткізіп отырмыз. «Ұлтқа тілінен қымбат нәрсе болмақ емес, бір ұлттың тілінде сол ұлттың сыры, тарихы, тұрмыс-тіршілігі, мінезі айқын көрініп тұрады.&nbsp;Ата-аналар баланы тәрбиелегенде дәл өзіңдей етіп тәрбиелеуге тырыспау керек, олар баланы өзінен күшті етіп тәрбиелеуі тиіс. Өйткені олардың заманы ата-аналарының &nbsp;өмір сүріп отырған заманына қарағанда анағұрлым күрделі, талабы жоғары болатынын ұмытпау керек»&nbsp;деген еді біртуар ақын&nbsp;Мағжан Жұмабаев. &nbsp;Болашақ ұрпағын ой тереңдігіне, сезімталдыққа, қиял ұшқырлығына баули тәрбиелеуді мақсат ететін ата-ана педагог-тәрбиешіден қажымас жігер, талмас талап, шексіз төзімділік пен әдісті талап етеді. Жас жеткіншектерді ана тілінің сөз мәйегінің інжу-маржанын ұрпаққа дарытып, өз шығармашылықтары арқылы түйген-білгенін, оқыған-үйренгенін уақыт талабымен үйлестіріп, жаңашалап бала бойына сіңіру – сіздерге артылған міндет. Осы парызды арқалап, жауапкершілігі жоғары еңбекті атқарып жүргендеріңіз үшін мың алғыс. Себебі халықтың болмысы, өркениеттілігі, саналылығы және сауаттылығы оның тіл мәдениетімен, сол тілдің қолданыс ауқымының кеңдігімен, оралымдылығымен және ұтымдылығымен өлшенеді. Сіздердің тынымсыз еңбектеріңіз арқылы тілдің ауқымы кеңейіп, ұрпақ жадында сақтала бермек, – деген Гүлжауһар Раева біршама қызметкерге алғыс хат табыстап, сый-сияпат ұсынды.</blockquote>&nbsp; Жиында балабақша тәрбиешілері іс-шараны ұйымдастырушыларға алғысын білдірсе, тәрбиеші Мөлдір Бекұзаққызы әдемі кездесуді тіл туралы өлеңімен қорытындылады. Тілдің деңгейі мұндай жандар тұрғанда тұғырынан түспек емес. Десе де, тіл туралы толғану баршамызға міндет.&nbsp; Бұл ретте халық қаһарманы, жазушы Бауыржан Момышұлы «Анамыздың ақ сүтімен бойымызда дарыған тілімізді ұмыту – бүкіл ата-бабамызды,тарихымызды ұмыту» деп ой түйеді. Ана тілін сүю, оны құрметтеу әрбір жас ұрпақтың міндеті. Әркім өз анасынан туа үйренген тілімен сөйлеуге тырысуы керек. Қазақ даналығында «Әр ұлттың ана тілі – білімнің кілті» деп тегін айтылмаса керек. Кез келген халықтың мәңгілік сара жолы,өркендеу жолы ана тілінде.&nbsp;Ана тілі – халқымыздың рухани байлығы, баға жетпес асыл мұрасы. Оның қасиеті туралы қанша айтсақ та таусылмайды. Азаматтың қолындағы барлық асыл заты тозады, жоғалады, ал тіл тозбайтын ең қымбатымыз. Қынжылтатыны, қазір туған тілімізді шұбарлап, аралас сөйлейтіндер көп. Басқа халықты айтпағанда, өз ішіміздегі шала қазақтарды таза қазақ қылатын кез болды. Бүгінде кейбір адамның қазақ тілін білмеуі, білсе де сөйлемеуі – қазақ тіліне зиян шектіруде.&nbsp; Тіл – ұлттың жаны. Ал ұлттың болашағы – оның ана тілі. Ал ана тілін жақсы білмейінше сауатты сөйлеп, сауатты жазбайынша, шын мәніндегі мәдениетті адам болмайсыз. Тіл тағдыры – елдің тағдыры. Әр адам ана тілін біліп, оны құрметтеуі парыз.

Қармақшыда балабақша мамандары марапатталды

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz</a> &nbsp;Ұстаздық ұлы жолды таңдап, мамандық ету бар да, сол құрметті қызметті жан-дүниесімен сезініп, ұлтқа адал қызмет ету бар. Қарап тұрсаңыз, екеуі екі бөлек нәрсе. Мамандығына шын беріліп, "ұлтқа қызмет қылсам, ел болашағын тәрбиелесем" деп ұлы жолға өмірін арнап келе жатқан білікті ұстаз Айгүл Төреханқызы – бүгінгі ой-толғауымыздың басты кейіпкері.</h4>Айгүл апайды қызметіне шын берілген жан деп айтуға негіз бар. Бұл сөзді Айгүл мұғалімнің 20 жылға жуық қызмет етіп келе жатқан аудан орталығындағы білімнің қара шаңырағы №210 Оспан Әбілпаттаев атындағы мектептің түлегі ретінде айта аламыз. Ұстаздың тәлімін, тәрбиесін алып өстік.Ең алдымен Айгүл Жаңабергенованың адами қасиеттері оқушының бойында, ойында өмірлік сабақ қалыптастырады. Шынайы, адал, үлкеннің де, кішінің де тілін таба білетін нағыз педагогке тән қасиеттерге ие. Бұл тұста біз апайды мақтап, сөзді көбейтуді мақсат етпейміз. "Жақсының жақсылығын айт, нұры тасысын" дейді халық даналығы. Сол айтпақшы, талай жыл тәлім мен тәрбие беріп, қаншама шәкірт тәрбиелеп келе жатқан ұстаз жайлы қалам тербемеуге болмайды.Ұстаздың және бір қасиеті – турашылдық. Бұл қазіргі кезде екінің бірінің бойынан табыла бермейтін қасиет, сірә. Мектепте қандай іс-шара болса, Айгүл апай басы-қасынан, ұйымдастырушылар қатарынан табылады. Қандай білім сайысы болса, Айгүл апайдың дайындаған оқушылары жеңістің тұғырына қарсыластарына дес бермей жететін. Бұл әлі күнге солай.Айгүл апай қаншалықты тік, турашыл болса, соншалықты жүрегі нәзік, көңілі баладай. Тек өзінің оқушылары емес, бүкіл мектеп оқушыларын ойлап, жаны ашып жүретін қасиеті және бар. Үлкенмен үлкенше кеңессе, баламен баладай тіл табыса алады. Бұл – педагог бойынан табылуы қажет ең маңызды қасиет болса керек.Айгүл апай – айдынды Арал өлкесінің қызы. Арал ауданындағы Қарақұм кеңшарында дүниеге келген. Балалық шағы осы өңірде өтіп, кейін арман қуып, білім іздеп Қызылорда қаласында Н.В.Гоголь атындағы педагогикалық институтқа оқуға түскен. Небір азулы ұстаз, білікті мамандарды тәрбиелеп шығарған білім ордасында білім алып, ұстаздықтың қыр-сырын меңгерген. "Ұстазы жақсының ұстанымы жақсы" деген, Айгүл апай өзінің білім һәм өмір жолында тәлім берген ұстаздарын ұмытқан емес. Бүгінгі келбетінің қалыптасып, өмірден өз орнын табуға үлескер болған өмірлік ұстаздарына әркез ризашылығын білдіріп отырады.Бүгінде жоғары санатты мұғалім Тереңөзек кентіндегі №210 орта мектеп директорының оқу ісі жөніндегі орынбасары қызметін абыроймен атқарып келеді. Негізгі мамандығы – тарихшы. Тарих демекші, Айгүл Төреханқызының дәрісін тыңдаған адамның бойында ерекше патриоттық сезім орнайтын еді. Сөзімізді ұстаздың әр жылдардағы шәкірттері де қуаттай түседі.<blockquote>– Айгүл Жаңабергенова менің әрі ұстазым, әрі сынып жетекшім болды. Ол кісі тарих пәнінен сабақ беретін. Айгүл апай сабаққа кіргенде сыныпта ұйықтап, ойы далада отыратын бала қалмаушы еді. Апайдың жарқын-жарқын даусы оқушы біткенді селт еткізіп, ойын сабаққа бұрып қоятын. Одан бұрын апай тақырыпты түсіндіргенде миыңды ашып, білімді құйып жібергендей әсер ететін. 11 сыныпқа келгенде барлық түлектің бір-ақ мақсаты болады ғой өзі. "Ұлттық бірыңғай тестілеуден жоғары балл жинап, жоғарғы оқу орнына түсу" деген. Міне, біз де сол арманмен 11 сыныпқа көшкенде Айгүл апай тарих пәнінен дайындады. "Дым білмеді" деп келген оқушының өзі бір жылдың ішінде тарихқа сонша қызығып, жоғары ұпайға қол жеткізіп жататын. Мысалы біз мектеп бітірген жылы ҰБТ-да бірде-бір бала төрттік баға алмай, барлығы жоғары ұпай жинаған болатын. Ең бастысы ұстаз баланың жанын түсініп, оның қызығушылығын оятып, өзіне елітіп әкете алатын. Мектеп бітіргенімізге бірнеше жыл өтті. Қазір өзіміз де ұстаздық жолды таңдап, мұғалім атандық. Осы жолда Айгүл Жаңабергенова апайымыздан алған үлгі-тәрбиеміз әлі күнге азық болып келеді, – деп пікір білдірді бізге мектеп түлегі А.Мұқанова.</blockquote>Айгүл Төреханқызы отыз жылдан астам&nbsp;уақытын ұстаздық қызметке арнап келеді. Жоғары санатты педагог зерттеуші, тарих пәнінің мұғалімі шығармашылық пен жаңа заман талабына сай жұмысты қатар, жүйелі ұйымдастырып келеді. Ұлағатты ұстаздың ұзақ жылдан бергі елеулі еңбегі, ұрпақ тәрбиелеу ісіндегі өлшеусіз қызметі лайықты құрмет алып келеді. Атап айтар болсақ, бұған дейін облыстық білім басқармасының Құрмет грамотасымен, НЗМ директорының арнайы алғыс хатымен, сондай-ақ "Аманат" партиясы облыстық филиалының төрағасының, іргелі жоғарғы оқу ордаларының ректорларының дипломымен марапатталған. 2019, 2023 жылдары "Үздік оқу ісі жөніндегі орынбасар" байқауының жүлдегері атанған. "Сырдария ауданының 90 жылдығы" мерекелік медалі кеудесінде жарқырайды. ҚР Білім және ғылым министрлігінің, облыстық білім басқармасының "Алғыс хаттары" ұстаздың бүгінгі күнге дейін жеткен жетістіктерінің бір парасы.<blockquote>– Ұстаздық – ұлы жол деп жатамыз. Себебі ұстаз бір ғана буынды емес, тұтас ұлтты тәрбиелейді. Мен кішкентай кезімде құқық қорғау саласына қатты қызығатынмын. Бірақ есейе келе мұғалімдік жолға қызығушылығым басым болды. Солай бала күнгі армандарымды қорытып, тарих, құқық пәндері бойынша мұғалімдік саланы таңдадым. Үлкендердің айтуынша, бала күнімде желмен аспанға ұшқан қағаздарды отқа жаққызбай, аула ішіне қапқа салып жинатқызып қояды екенмін. Жинаулы тұрған қағаздан біреу бір парағын алып, отқа жақса, қиғылық салады екем. Қызылдың қиясындағы шалғай ауылда мұғалім болған марқұм Боран ағай "бұл бала ғалым болады" деп болжапты. Қазір, міне, ғалым болмасам да, білім саласында елеулі еңбек етіп, ғалымдарды тәрбиелеп келемін. Бұл балалық арманның ақиқатқа айналуы болса керек.</blockquote>Бүгінгі күні ғана емес, бұрнағыдан ұстазға артылар жүк жеңіл емес. Қазіргі күннің талабы тіпті күшті. Өмір өзендей ағып жатыр. Осы салада жүргеніме отыз жылдан асқан екен. Қаншабір буын, қанша оқушы түлеп ұшты. Мақсатымыз – ел ертеңіне айналар шәкіртке тәлімді тәрбие бере алу. Қазіргі таңда үлкен қызметке араласып, өмірден өз орнын тапқан шәкірттеріміз жетерлік. Мұғалім алдынан өткен оқушыны ешқашан ұмытпайды, әркез тілекші болып отырады. Ұстаз үшін өзі тәрбиелеген шәкіртінің жетістігін көруден асқан бақыт жоқ, – деді ұлағатты ұстаз бізбен әңгімесін қорытындылап.Аружан МҰХАНБЕТҚАЛИ

Мұғалім – халықтың шамшырағы

14 мамыр күні Жетісу облысы Жаркент қаласындағы "Жаскент" жекеменшік балабақшасында тәрбиешілер мен бала күтушілер бүлдіршіндерге қатыгездік танытып, оларды ұрып-соққан. Бұл туралы <a href="https://stan.kz/zharkent-kalasindagi-zhaskent-zhekemenshik-balabakshasi-401381/">Stan.kz </a>ақпарат агенттігі хабарлайды.Ата-аналар тәрбиешілердің балаларды қамап, қолын күйдіріп, тіпті тұншықтырып ұйықтатқанын айтты.<blockquote>“Ұйықтап тұрғаннан кейін бұтында бір памперспен санузелге қызымды 40 минутқа қамап қояды. Қызым ана жерде жылап жатыр. Балаларды тұрғызып, төсектерін жинап, бәрін реттеген соң ғана қызымды шығарады. Памперсін ауыстырған кезде ұрып, қызым басын соғып алады. 10 мамыр күнгі видео жазбада шашынан жұлып, аузына қасықпен тамақты тыққан. Бәрі ұйықтайтын кезде, менің қызым ұйықтамай жылап отырғанда, бетінен ұрып, тұншықтырған”, – дейді ата-ана Гүлназ Шәймерденова.</blockquote>“Балам қарны ашқаннан ба, тәрбиешінің&nbsp;тамақты құйып&nbsp; жатқанына&nbsp;жай қарап тұрған. Гүлмира (тәрбиеші) баланы өзіне тартып, тамақ құйып жатқан ожаумен қолын күйдірді. Ешкім тексерген жоқ, әр тәрбиеші өз білгенін істеген ғой. Видеоларды қарасаңыз, балаларға ойыншық бермейді, олар кілемнің үстінде жай жатады,&nbsp;тек мультфильм қосып қояды”, –&nbsp;деді&nbsp;Зарина АликееваАл&nbsp;тағы бір ата-ана тілі шықпаған баласын төсекке лақтырып жатқызып, тұншықтырғанын айтады.<blockquote>“Тып-тыныш соскасын сорып, теледидар көріп отырған жерінен шапалақпен шарт еткізгенін көрдім. Балаларды ұйықтататын кезде де, оларды төсекке лақтырып, киімдерін жұлқып шешіп, көрпені бетіне толық жауып тастаған. Ол тұншығып жатыр ма, талып қалды ма білмеймін”, –&nbsp;дейді&nbsp;Ләззат Сәрсебекова</blockquote>Ал&nbsp;балаларды ұрған тәрбиеші&nbsp;Гүлмира Жұманова бұл әрекетке бала саны&nbsp;көп болғандықтан барғанын айтты.<blockquote>“Мына жерде халық тек мені қаралап жатыр. Бұл жерде тек менің емес, балабақшаның да кінәсі бар. Бізді дұрыс қадағалап, топтарды аралап балалардың денсаулығын маған табыстаса, бір жағыма шығып көмектессе, мұндай жағдайға жетпес пе едік. Бала саны өте көп. Бізге көмек көрсетілсе, қосымша адамдар берілсе…&nbsp;Мен өзімді ақтамаймын, бірақ қажет&nbsp;жағдай жасалса, мұндай деңгейге жетпес едік...” – дейді Гүлмира Жұманова.&nbsp;</blockquote>Ал&nbsp;балабақшаның құрылтайшысы Көлшібаева Тұрсын Нұрмахамбетқызы екен. Оның меншігінде 6 бөбекжай бар. Сол үшін мемлекеттен ай сайын 13 миллионға жуық ақша алады. Алайда&nbsp;оның қарамағындағы балабақшаларды тексеруге ешкімнің тісі батпайтын көрінеді.&nbsp;Айта кетейік, бұған дейін аталған мәселе&nbsp;бойынша&nbsp;Қылмыстық кодекстің&nbsp;140-бабы&nbsp;3-тармағы бойынша <a href="https://stan.kz/zhetisu-oblisinda-tarbieshiler-balalardi-kilkindirip-so-400255/">қылмыстық іс қозғалған еді.</a>Фото: видеодан кадр

"Қолын күйдіріп, тұншықтырған": Жаркенттегі балабақшада балаларды ұрып-соққан тәрбиеші бұл әрекетке не үшін барғанын айтты

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz</a> Жалағаш ауданындағы «Ақтерек» тынығу лагерінің бірінші маусымы салтанатты түрде ашылды. Лагерьдің ашылуында сөз алған аудан әкімінің орынбасары Ғани Сүлейменов оқушылардың көтеріңкі-көңіл күймен демалуларына өз тілектестігін білдіріп, лагерь жұмысына сәттілік тіледі.</h4><blockquote>– Сіздерді «Ақтерек» сауықтыру лагерінің жаңа маусымының ашылауымен шын жүректен құттықтаймын! Сіздер үшін әрбіріңіздің асыға күтетін жазғы демалыстың орны бөлек. Бұл жерде демалушыларға барлық жағдайлар жасалған. Осынау дәстүрлі қалыптасқан мерекеге қатысушыларға көтеріңкі көңіл, шалқар шабыт тілеймін.Лагерь базасында сіздер үшін аудандық оқушылар үйінің үйірмелері жұмыс істейді, мәдениет және спорт бөлімінің спортшылары мен өнерпаздары арнайы бағдарламалары арқылы демалыстарыңыз сәтті, көңілді өтетін болады. Лагерьде жаңа достар тауып, ауызбіршілік пен ынтымақтың ұйытқысы бола біліңіздер. Дендерің сау, оқуда озат болыңыздар! Лагерь қабырғасындағы демалыс күндеріңді есте қаларлықтай өткізіп, келесі жаңа оқу жылына тамаша көңіл-күймен оралуға тілектеспін!, – деп аудан әкімінің орынбасары Ғани Сүлейменов.</blockquote>Ашылу салтанатында жиылған жұртшылық, лагерь тынығушылары бүлдіршіндердің қойылымдарын тамашалап, түрлі ойындар ойнады. Сондай-ақ жас өнерпаздар әннен шашу шашып, мың бұралған билерімен көрермендердің қошеметіне бөленді.Айта кетейік, биыл «Ақтерек» лагерінде 6 ауысымда 442 бала демалатын болады. Оның ішінде, 402 бала міндетті оқу қоры есебінен, 40 бала кәсіподақ есебінен демалады. Ауысым ұзақтығы 10 күн.&nbsp;Жазғы тынығу лагерінде балаларға түрлі деңгейдегі шаралар ұйымдастырылып, демалыс уақытын тиімді әрі көңілді өткізуіне жағдай жасалады. Балалар үшін үйірмелер жұмыс жасап, денсаулықтары тұрақты түрде бақылауда болады.Еске сала кетейік, жуырда Жалағаш ауданының әкімі Ардақ Ибраимов «Ақтерек» сауықтыру лагерінің жұмысымен танысқан болатын. Ол аудан бойынша балалар тынығуға арналған лагердің ас мәзірін, төсек орындары мен ойын алаңдарының қызмет сапасы жақсарту тапсырды.Сондай-ақ балалардың тынығуына қолайлы болу үшін қажетті заттарды демеушілер арқылы шешу мүмкіндіктері қарастырылатын болады.Лагердегі балалар қауіпсіздігін қатаң сақтап, білікті мамандардың жоғары жұмыс жасауын тапсырды.&nbsp;Қорлан САРЫ Фото:aqmeshit-zhastary.kz

«Ақтерек» тынығу лагері өз жұмысын бастады

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz</a> Жосалы кентіндегі Д. Мырзағалиева көшесінде жаңадан салынған&nbsp;спорт және ойын алаңының ашылу рәсімі өтті. Іс-шараға аудандық мәслихат төрағасы, ардагерлер, кент әкімі мен бөлім басшылары және көше тұрғындары мен балдырған балалар қатысты.</h4>Шара барысында Жосалы кентінің әкімі А.Досмұратов, Жосалы кенті ардагерлер кеңесінің төрағасы Е.Ұзақбаев, спорт саласының ардагері Е.Атабаев жиылған жұртшылықты мерекемен құттықтап, ізгі лебіздерін жеткізді.Сондай-ақ көше тұрғындарының атынан Кенішкүл анамыз ризашылығын жеткізсе, аудан ардагері Сариев Орынбасар балғын бөбектерді мерекесімен құттықтап, батасын берді.Шара соңында балдырғандарға мерекелік сыйлықтар үлестіріліп, концерттік бағдарламамен жалғасты.Айта кетейік, соңғы 3 жылда аудан көлемінде 17 балалар және спорттық ойын алаңындары салынып, пайдалануға берілген. Оның ішінде, аудандық бюджет есебінен 10, демеушілер есебінен 7 ойын алаңдары салынды.Биылғы жылы Жосалы кентіндегі Дәмегүл Мырзағалиева және Әбдуәли Жаназаров көшелерінде балалар және футбол алаңдары пайдалануға берілсе, Т.Көмекбаев, Алдашбай ахун ауылдарында құрылыс жұмыстары жүргізілуде.&nbsp;Қорлан САРЫФото:aqmeshit-zhastary.kz

Балаларға арналған спорт және ойын алаңы ашылды

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz</a> Биыл Қазалы қаласындағы «Шағала» балаларды сауықтыру демалыс орталығы жылдағы дәстүрге сай өз жұмысын бастады.</h4>Демалыс лагерінің жазғы маусымының ашылу салтанатына аудан әкімі Мейрамбек Шермағанбет қатысып, өнерлі жеткіншектердің концерттік бағдарламасын тамашалады. Сондай-ақ жазғы демалыс кезінде балалардың жақсы тынығып, уақыттарын тиімді пайдалануларына тілектестігін білдірді.Қазіргі таңда тынығу лагерінде 125 оқушы демалуда. Балалар мұнда бес мезгіл тамақтанады. Олардың уақытты көңілді әрі тиімді өткізуі үшін 8 тәрбиеші еңбек етеді. Сол секілді демалушылардың денсаулығына арнайы дәрігер мен стоматолог жауап береді.Айта кетейік, демалыс лагері биыл жылдағы дәстүрге сай жазғы маусымда 7 ауысым ұйымдастырып, әр ауысым бойынша 125 оқушыдан, 900-ге жуық баланы қабылдамақ. Мұнда балалардың бос уақытын тиімді өткізу үшін 13 үйірме жұмыс жасайтын болады.Аудан басшысы лагердің ашылу салтанатынан кейін демалыс орталығындағы балаларға арналып салынған сахнаны, бассейн, жататын орын мен асхананы аралап көріп, аудандық білім бөлімінің басшысы мен орталық директорына балалардың қауіпсіздігін басты назарда ұстауды тапсырды.&nbsp;Қорлан САРЫФото: Қазалы ауданы әкімінің баспасөз қызметі

«Шағала» жазғы тынығу лагері өз жұмысын бастады

Қызылордалық жастардың журналистика саласына қызығушылығы артуда

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz</a> Қызылорда облысы кәсіпкерлер палатасының алаңында «Жалпыға бірдей оқыту» жобасын қайта жандандыру бойынша ортақ талқылауға арналған отырыс өтті.</h4>Палата директорының орынбасары Дәурен Сейтжанов жүргізген жиынға мемлекеттік орган өкілдерімен қатар жергілікті тауар өндірушілер қатысты.»«Жалпыға бірдей оқыту» жобасын қайта жандандыру «Атамекен" ҰКП тарапынан Мемлекет басшысы Қасым-Жомарт Тоқаевтың 2022 жылы Қазақстан халқына Жолдауы шеңберінде берген тапсырмасы бойынша («мектеп формасын сатып алуға арналған нысаналы мемлекеттік тапсырыстарды отандық жеңіл өнеркәсіпті дамытуға бағыттау қажет») бірнеше рет көтеріліп, мектеп формасын жергілікті тауар өндірушілерден сатып алу бойынша цифрлық платформасын енгізу ұсынылған болатын. Ал тауар өндірушілерде мемлекеттік тапсырыс есебінен мектеп формасын сатып алу тетігі әлі әзірленбеген.2019-2021 жылдары Астана қаласында іске асырылған «Жалпыға бірдей оқыту» бағдарламасының пилоттық жобасының мысалында ЖТӨ-ден мектеп формасын алу бойынша оң үрдіс байқалды.&nbsp;Осы ретте, өңірімізде «Жалпыға бірдей оқыту» бағдарламасының пилоттық жобасының оң тәжірибесін жалғастыру қажет, ол өз ретінде цифрлық формат арқылы мектеп формасын сатып алу жеңіл өнеркәсіпте жаңа жұмыс орындарын құруға, елдегі сатылымның ашықтығын арттыруға, салық түсімдерін арттыруға мүмкіндік береді. Жалпы, қазақстандық өндірушілердің сатылатын сапалы өнімдерінің санын арттыруға мүмкіндік береді.Жобаның әрі қарай іске асу мүмкіндіктері бойынша арнайы облыстық білім басқармасы мен кәсіпкерлік және өнеркәсіп басқармасы өкілдері пікір білдіріп, кәсіпкерлер тиісті сұрақтарын қойды. Аталмыш отырыс алдағы уақытта жалғасын тауып, атқарылған жұмыстар талқыланатын болады.&nbsp;Қорлан САРЫ Фото: ult.kz

Жалпыға бірдей оқыту жобасы жүйеленуде

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz</a> Қызылордалық ұстаз Мұхтар Талғатұлының мектеп оқушылары мен мұғалімдерге арнап жасаған математикалық сайты көпшілік арасында үлкен сұранысқа ие болып отыр. Қазіргі күні математикалық сайттың жаһандық желі беттерінде танымалдығы артып келеді.&nbsp;</h4><h4 style="margin-left:0px;text-align:justify;">Ол &nbsp;Қызылорда қаласындағы Назарбаев зияткерлік мектебінің оқытушысы. Оқушылар мен мұғалімдерге арналған қазақша математикалық сайт осымен 7-ші жыл жұмысын үздіксіз жалғастырып келеді. Қазіргі таңда тұрақты 23 мыңнан астам белсенді қолданушысы бар. Осылайша қолданушылар контент мазмұны мен қолжетімділігіне жоғары баға беріп отыр.</h4><h4 style="margin-left:0px;text-align:justify;">Ұстазға сайт құру идеясы бірнеше жыл бұрын пайда болған. Жаһандық желі беттерінен қазақ тіліндегі материалдардың жетіспеушілігін байқаған ол сол арқылы математикадан барлық ресурсты, оның ішінде электронды оқулықтар, дидактикалық материалдар мен тесттер, сонымен қатар есептер жинағын бір сайтқа жинақтауды қолға алады.&nbsp;</h4><h4 style="margin-left:0px;text-align:justify;">Кейіннен әріптестерінің кеңесі бойынша онлайн-платформаны түрлі ресурстар және құралдармен толықтырады. Сайтта әдістемелік нұсқаулықтан басқа, қорытынды емтиханға дайындалуға арналған әртүрлі тест тапсырмалары бар. Сондай-ақ пән бойынша білімді тексеруге арналған олимпиадалық бөлім де ашылған.&nbsp;</h4><blockquote><h4 style="margin-left:0px;text-align:justify;">– Сайттың ең қымбат бөлігі – оның түпкі идеясы, концепциясы. Оны жасай алатын адамдар көп болуы мүмкін, бірақ түпкі идеясын мен жалғыз отырып жасай алмас едім. Яғни, әріптестерімнің қосқан идеяларының арқасында толыққанды контентке айналып отыр.</h4><h4 style="margin-left:0px;text-align:justify;">Бастапқыда оқушылармен команда құру арқылы кішігірім жобалар жасаудан басталса, қазіргі таңда республика бойынша математика пән мұғалімдері арасында команда құрып, әртүрлі жобаларды іске асырудамыз. Соның ішінде сайт дизайнын жасау, теориялық бөлімдер мен тесттер түрлері және құрылымы, сол сияқты есептер шешімдері сияқты командалық жобалар бар. Мектеп оқушыларын жобаға тарту әлі де сәтті жалғасын табуда.&nbsp; Мен үнемі қолданушылардың пікірімен санаса отырып, қай жобаға сұраныс көптігіне анализ жасап отырамын. Сайтта қазіргі таңда мұғалімдерге арналған бөлімдері, оның ішінде Оқушыларды топқа бөлу, Оқушыны таңдау, Кроссворд құрастыру, Филлворд жасау сияқты басқа да құралдар бөліміне сұраныс көп. Бұл құралдарға бейненұсқаулық жасап, әлеуметтік желілерде 200 000-нан астам қаралым жинап жүрген мұғалім-блогерлерге алғысымды білдіргім келеді. Соның арқасында сайттың аудиториясы кеңейіп, басқа пән мұғалімдері үшін де танымалдылыққа ие болды, −дейді ұстаз.&nbsp;</h4></blockquote><h4 style="margin-left:0px;text-align:justify;">Айта кету керек, барлық ресурстарды тегін көрсетуді мақсат еткен сайта ешқандай жарнама элементтері орналастырылмаған және барлық ресурсты тегін жүктеп немесе баспадан шығарып алуға болады.&nbsp;</h4><blockquote><h4 style="margin-left:0px;text-align:justify;">– Алғашқыда, семинарларда сайттың мүмкіндіктері тақырыбында шеберлік сағаттарын өтіп жүрдім. Кейін 2020 жылы авторлық жобамды республикалық Педагогикалық идеялар фестивалінде таныстырдым. Мұнда сарапшылар сайтты жоғары деңгейде бағалады, бұл сайыстан маған бас жүлде табысталды. &nbsp;Сонымен қатар, 2019 жылғы қорытынды аттестаттаудың нәтижесі бойынша менің шәкірттерім математика пәні бойынша жоғары балл жинап, 20 зияткерлік мектеп арасында алғашқы ондықтан көрінді. Ал білім беру жүйесін дамытуға қосқан үлесім мен педагогикалық қызметтегі шығармашылық жетістіктерім үшін Білім және Ғылым министрінің Алғыс хатымен марапатталдым, −дейді.</h4></blockquote><h4 style="margin-left:0px;text-align:justify;">Қазақтілді қоғам қалыптастыру жолында ебек етіп жатқан ұстаздың ұстанымы − қолданушыларға барлық ресурсты қазақ тілінде тауып беру. Сол себепті әріптестерін шығармашылықпен айналысуға және қазақ тілді ресурстар қорын толықтыруға атсалысуға шақырады. Ұстанымы мықты ұстазға өз кзегімізде тек сәттілік тіледік.</h4><h4 style="margin-left:0px;text-align:justify;">Мейрамгүл ДАУЫЛБАЙҚЫЗЫ</h4>

Мұхтар Бегайдаров: Математикалық сайттың мұғалім мен оқушыға берер пайдасы көп

<a href="https://kyzylorda-news.kz/">Kyzylorda-news.kz</a>&nbsp; &nbsp;Қызылорда қаласы әкімі Серік Қожаниязовтың төрағалығымен білім саласындағы өзекті мәселелер талқыланған мәжіліс өтті. Оған қала әкімінің салаға жауапты орынбасарлары, құқық қорғау, құзырлы органдардың басшылары, қалалық білім бөлімінің толық құрамы мен мектеп директорлары қатысты.&nbsp;Жыл өткен сайын білім саласына мемлекет қазынасынан қыруар қаражат бөлінуде. Ұстаздардың жалақысы өсіп, білім беру ұйымдары қажетті жабдықтармен жарақтандырылуда. Облыс әкімінің қолдауымен қала көлемінде үш ауысымды мектептер жойылып, санға емес, сапаға мән берілуде. Оқушылардың білімі мен тәрбиесі және мұғалімдердің мәртебесін көтеруге бағытталған талапты жұмыстар жүргізілуде.&nbsp; 2023-2024 оқу жылының ІV тоқсаны басталмас бұрын жазғы каникулда балалардың қауіпсіздігіне арналған кешенді шаралар даярланды. Жоспарға сәйкес, күнделікті рейдтер ұйымдастырылып, қадағалау жұмыстары күшейтілді. Дегенмен, мектеп оқушылары арасында топтық төбелес, суға кету, сонымен қатар ұстаздардың қатысуымен келеңсіз оқиғалар орын алуда. Бұл білім саласын кері тартқан жағдайлар екені белгілі. Атап айтқанда, ұстаздар арасында адам өлімінің, азғындатушылық әрекет пен заңсыз есірткі айналымына қатысты деген күдіктің туындауы мұғалім мәртебесіне елеулі нұқсан келтірді.Осы жағдайларды болдырмау бағытында қалалық білім бөлімінің басшысы Жанат Сәдуақасова атқарылып жатқан жұмыстардың барысын баяндады.&nbsp;Қала әкімі Серік Салауатұлы білім саласындағы жұмысты босаңсытуға болмайтынын, жаз мезгілінде жасөспірімдердің қауіпсіздігін арттырып, мектеп оқушылары мен педагогтар арасында профилактикалық шараларды күшейтуді тапсырды.&nbsp;Ал, жасөспірімдер арасында құқық бұзушылық, топтық төбелестер, қылмыс жасау фактілерінің өршуі бойынша қалалық полиция басқармасының бастығы Айдар Қасанов мәлімдеді.&nbsp;Шаһар басшысы әлі де қоғамдық тәртіпті күшейту қажеттігін алға тартып, қылмыстың ашылуына емес, оны болдырмауға, барлық патрульдік, учаскелік, ювеналды полиция инспекторларын қаланың аулалары мен шет аймақтарында адресті жұмыс жүргізуі керек деді.&nbsp; Қазір қала көлемінде суға шомылуға тыйым салынған 21 учаске бар. Олардың бәрінде ескерту тақтайшалары қойылған. Десе де, оны балалар елемей, шомылып келеді. Соның зардабынан 2 жеткіншек жақында суға кетті. Осы жағдайларды ескерткен шаһар басшысы қалалық төтенше жағдайлар басқармасы бастығының міндетін атқарушы Ернұр Райымбековтен су айдындарындағы ккезекшіліктің жайын сұрады.&nbsp;Бұған қала әкімі Серік Салауатұлы басқарма тарапынан әлі де болса халық арасында насихаттық жұмыстарды кеңінен жүргізе отырып, мүдделі органдармен бірге кезекшілікті күшейтуді міндеттеді.Өз кезегінде қалалық мәслихат төрағасы Ибадулла Құттықожаев: - Бүгінгі таңда қоғамның алдында тұрған басты міндеттердің бірі – балалар арасындағы құқық бұзушылықты болдырмау, кәмелетке толмағандар арасындағы қылмыстың өсуіне жол бермеу. Қазір оқушылар демалысқа шықты. Бұл жерде ата-аналардың жауапкершілігін арттыру қажет. Өз ортасынан оқшау қалған балалармен жеке жұмыс жүргізіп, оқыс оқиғаларды тыюға болады,- деді.Қала әкімі Серік Қожаниязов бүгінгі мәжілістің маңызын тарқата келе, жауапты қызметкерлерге келеңсіз жағдайлар жер-жерде белең алмауы үшін күшейтілген рейд жұмыстарын ұйымдастыруды, белгіленбеген орындарға суға түспеу бағытында жұмысты үйлестіруді жүктеді.

Қызылордада бала тәрбиесіне қатысты жиын өтті

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz</a> Әлем бойынша тек 17% адам сүйікті ісімен айналысады. Елестетіңізші, қанша адам энергиясы мен уақытын басқа бағытқа жұмсауда. Мұның барлығы қате таңдалған мамандықтың салдары екені мәлім. Ал ең үлкен бақыт − сүйікті ісіңмен айналысу емес пе еді?! Осы орайда қызылордалық жастөспірімдердің кәсіби біліктілігін дамыту үшін «EQ academy» орталығы жұмыс істейді.</h4>«Өскенде кім болғың келеді?». Бұл − балаларға жиі қойылатын сұрақтар тізімінде көш бастап тұрған сауалдың бірі. Мектеп қабырғасында бейқам білім алып жүрген оқушы көзді ашыпжұмғанша түлекке айналады. Осылай ұлттық біріңғай тестілеу мен мамандық таңдау сатысына келеді. Өзін-өзі толық танымаған, дағдылары мен қабілетін қолдана алмайтын, балалық өмірімен қоштасқысы келмейтін жасөспірімге бағыт-бағдар беріп, тіпті асыра сілтейтіндер де баршылық. «Сүйікті мамандығыма грантқа түсе алмаймын, оңай пән таңдап, басқасын оқи беремін» деушілердің көбейетіні хақ.&nbsp;«Жар мен мамандық таңдауда қателеспе» деген сайын ажырасатын отбасы да, жұмысқа құлқы жоқ маман да көбеюде.&nbsp;Жауапкершілікті талап ететін бұл таңдауда бала қиналмау үшін шетелде кәсіптік бағдар беру арнайы пән ретінде қарастырылған. Мәселен, Францияда атаулы бағыт 1 сыныптан бастап оқытылады екен. Қазақстанда жағдай, әрине, басқа. Бірақ оқушының дамуына көмек беретін орталықтар бар. Осы орайда Қызылордада жұмыс істейтін «EQ academy» орталығымен танысуды жөн көрдік.&nbsp;EQ академиясы − 14 пен 17 жас аралығындағы жасөспірімдерге өмірлік таңдауын нақтылап, эмоциясымен жұмыс істеу арқылы дағдыларына сәйкес дамуына бағыт беретін әрі коучингтік тәсілді пайдаланатын орталық. Бұл академия қызылордалық нарыққа 2021 жылы келген. Жыл сайын аралық және қорытынды есеп беру кешін ұйымдастырады. 2023-2024 оқу жылындағы жаңалықтары мен жетістіктеріне куә болу үшін қорытынды кештің арнайы қонағы болдық.<blockquote>− Өздеріңіз білетіндей, жасөспірімдер ҰБТ кезінде сыртқы күштің қысымына тап болып қиналады. Мамандық таңдаудың өзі 2 психологиялық аспектіге тіреледі.&nbsp;Бұл таңдауда иә, кез келген салаға бет бұруға болады. Бірақ болашақта қызығушылығы артып, қиындықтарға төтеп бере алатын, қоғамға пайдасы тиетін маман болу үшін бала ішкі құндылығын түсініп, өзін жаксы тану керек. «Мен кіммін?», «менің қандай әлсіз, жақсы тұстарым бар?», «мен қандай салада дами аламын?» деген сауалға жауап іздеуі керек. Келесі кезекте сенімділік, бүгінгі тілмен айтқанда «самооценка» маңызды рөл атқарады. Мамандықты дұрыс таңдау үшін бала қолдаушы ортада жетілуі керек, сол кезде өзіне деген сенімділік қалыптасады, – деді «EQ academy» жобасының жетекшісі Жазира Темірбекова.&nbsp;</blockquote>Іс-шараға жасөспірімдер, ата-аналар мен БАҚ өкілдері қатысты. Бір сарынды немесе жаттанды сценариймен емес, шынайылыққа басымдық берген ұйымдастырушылар ақ қағазға жазылған қарапайым сұрақтың өзімен-ақ қонақтардың нағыз эмоцияларын шығара білді. Ән мен биді де ерекше стильде көрсетті. Мамандық таңдаудағы қателіктер, сыртқы қысым, адамның қабылдау каналы секілді құнды ақпараттар айтылды.&nbsp;Биылғы оқу жылында академияда 30 оқушы білім алған. Бұл туралы жоба жетекшілері кеш барысында хабарлады. Ұйымдастырушылардың айтуынша, мұндай ауқымды форматтағы жиын алғаш рет өтуде.<blockquote>– 3 жыл ішінде 50-ге жуық оқушымен жұмыс істедік, мұнан бөлек жеке консультацияға да келеді. Сондай-ақ 8 айлық курс пен кәсіптік білім жиынтығы бар. Жоба топтық форматта өтеді. Бұл – үлкен платформа. Себебі мақсаты бір, проблемасы бір, қызығушылығы мен сұранысы ортақ жасөспірімдер бір алаңда тоғысуда. Бүгінгі іс-шарадан күтеріміз көп. Жерлестеріміз академия туралы білсе екен, ата-аналар балаларына эмоционалдық тұрғыдан қолдау көрсетуді үйренсе екен дейміз. Осы мақсатқа жетсек, бүгінгі меже орындалды деп ойлаймын. Бұл эмоцияға толы, сезінуді қажет ететін жоба, сондықтан қолмен ұстауға келмейді. Адам өз ісіне қызығушылығы болмаса түбі күйзеліске әкеледі, – деді психолог Жазира Темірбекова.&nbsp;</blockquote>Расымен, адамның эмоциясы – алапат күш. Тасты қақ жаратын да қауқары бар. Әрине, орынды қолдана білсе.&nbsp;Эмоционалды интеллект дегеніміз – адамның өз эмоциясын қабылдап, кез келген мәселені тиімді шешуде оң эмоцияны игеріп, саналы шешім қабылдау дегенді білдіреді. Жеке тұлға ретінде қалыптасуда, өзіңді тануда бұл интеллектінің маңызы зор. EQ академиясында мамандар жасөспірімдерге кәсіби біліктілік бойынша ғана көмектеспейді, баланың эмоционалдық интеллектісін де дамытуға күш жұмсайды. Өзінің қабілеті мен дағдыларын білетін оқушы мамандық таңдауда да, өмірлік ұстанымында да қателеспесі анық.&nbsp;Осы секілді іс-шаралар ұйымдастырып, бала психологиясын терең зерттейтін орталықтың алдағы жоспары ауқымды. Мемлекеттік гранттарға қатысып, мектеп ретінде ашылуды қалайды.&nbsp;Жоғарыда көрсеткен 17%-ды жеткілікті деңгейге көтеру үшін кәсіби бағдар беру жұмыстарын қарқынды жүргізу қажет. Кәсіптік бағдар жүйесі жасөспірімдерге шалыс басып, басқа саланың жетегінде кетпеудің алдын алуға көмектеседі. Себебі, мамандық таңдау – адам өміріндегі маңызды қадам, өмір жолыңды айқындау һәм жарқын болашақтың кепілі.&nbsp;&nbsp;А.ТекебайФото: EQ academy

Қызылордадағы мамандық таңдауға көмектесетін орталықтың жұмысы қарқынды жүруде 

Биыл халық батыры Жанқожа Нұрмұхаммедұлының туғанына 250 жыл толып отыр. Даңқты баба есімін ұлықтау, ұрпақ жадында мәңгі сақтау мақсатында Қазалы ауданында түрлі іс-шаралар жоспары жасалып, атап өту қарекеті басталып кетті.Қазалы ауданындағы баба атымен аталатын ауылда «Жайлы мектеп» ұлттық жобасы аясында мектеп құрылысы бой көтеруде, 300 орындық білім ошағы биыл пайдалануға беріледі. Қазір Жанқожа батыр ауылындағы құрылыс қарқынды жүргізіліп жатыр. Білім ордасының құрылысы толық аяқталғаннан кейін «Жайлы мектеп» жаңа кабинеттермен жабдықталады деп жоспарланған.Оқушылардың сапалы білім алуына, педагогикалық қызметкерлердің біліктілігін арттыруға барлық жағдай жасалмақ. Ұлттық жобаға енгізілген мектептер құрылысының жер учаскелерін нақтылау және орналастыру «Samruk-Kazyna Construction» АҚ-ға жүктелген. Бұл ретте «Samruk-Kazyna Construction» АҚ басқарма төрағасының ұлттық жоба және өңірлік даму жөніндегі орынбасары, басқарма мүшесі Амангелді Саттаров, ұлттық жоба және өңірлік даму департаменті құрылыс бөлімінің өңірлік жоба жетекшісі Ерік Қонақбаев, ұлттық жобаны іске асыру және өңірлік даму департаменті жобалау бөлімінің топ жетекшісі Әнуарбек Хами ауданға арнайы келіп, жұмыс барысын қадағалады.Бүгінде құрылысы аяқталуға жақын нысан жайлы «Samruk-Kazyna Construction» АҚ бас мердігері «Асар» жауапкершілігі шектеулі серіктестігінің жоба жетекшісі Бақытжан Құрұмбековпен сөйлескен едік. – Құрылыс өткен жылдың тамыз айында басталған. Жоспарға сай биыл желтоқсан айында аяқтауға тиіспіз. Дегенмен барынша қызу еңбек етіп, қыркүйекте тапсырамыз деген талпынысымыз бар. Белгіленген учаскенің ауданы – 28546 гектар, ғимараттың жалпы ауданы – 6812,2 шаршы метр, екі қабатты, 300 орындық мектеп 6 блоктан құрылған. Арнайы асханасы, мәжіліс залы, лингофон кабинеттері бар. Әжетханасы ішінде орналасқан. Екі спорт залы бар. Жоғары және кіші сынып оқушылары бір-бірімен тоғыспайтын бөлек-бөлек есіктерден еніп, дербес блоктарда оқитын болады. Мәжіліс залы мен барлық арнайы кабинеттер заманауи жабдықтармен толықтырылады. Дауыс күшейткіш, проектор, интерактивті тақталар орналастырылады. Физика, математика, ағылшын тілі сынды пәндердің өзіндік кабинеттері қарастырылған. Сабақ арнайы сол пән сыныптарында өтеді. Қазір ғимараттың қабырғалары көтеріліп, қыш қалау жұмыстары аяқталған. Ішкі сылақ толық бітті. Жылу жүйесі тартылуда, электр жүйесі жүргізілді. Бірінші және екінші қабаттың терезелері салынуда, – деп жауап берді ол. «Жайлы мектеп» жобасы бойынша Әйтеке би кенті мен Қазалы қаласының аралығында салынатын 600 орындық мектептің құрылысы жақында жүзеге асады деп межеленуде.Жұмабек Табынбаев

Қазақстан және Қызылорда облысының жаңалықтары: Білім