Kyzylorda-news.kz. Сәкен Сейфуллин атындағы 4-ші ІТ лицейдің 2022 жылғы мектеп бітіруші түлектеріне арналған «Түлек – 2022. Жаңа Қазақстанның ертеңі» атты мерекелік кеші өтті.
Арман қанатына жайғасқан түлектерге соңғы қоңырау соғылатын салтанатты шараға Техника ғылымдарының докторы, профессор, ҚР Ұлттық ғылым академиясының академигі, Қазақстанның Еңбек сіңірген қайраткері, атаулы мектептің қамқоршылық кеңесінің мүшесі Қылышбай Бисенов, Облыстық эканомика және қаржы басқармасының басшысы Қордабай Нұрғали, Экономика және бюджеттік жоспарлау бөлімінің басшысы Гүлнар Баймаханова, Қорқыт Ата атындағы Қызылорда университетінің әлеуметтік және тәрбие жұмысы жөніндегі проректоры Жандос Базартай жәнеде барша ата-аналар қатысты.
Шара барасында Қызылорда облыстық мәслихатының депутаты Қылышбай Алдабергенұлы бітіруші түлектерді құттықтап, денсаулығына байланысты үйден білім алатын 5 сынып оқушысы Алданияз Жансаяға бағалы компьютер жинағын тарту етті. Сондай-ақ, мәслихат депутаты өз сөзінде №4 Сәкен Сейфуллин атындағы ІТ лицейінің түлегі екенін мақтанышпен еске алып, ұстаздарына рақметін жеткізді.
<blockquote>
 «1970 жылдың 9 қыркүйегінде 7 сынып қабырғасына қабылдандым. Ол кезде қоғам және мемлекеттік қайраткері, ұлағатты ұстаз, Ұлы Отан соғысының ардагері Қасымбек Ибраев ағамыз басшылық жасайтын. Қасиетті қара шаңырақтың қабырғасында жүріп мұғалімдерімізден алған біліміміз өмір жолында көп көмек тигізді. Қанаттануымызға, қалыптасуымызға әсері орасан болған алтын ұямызға құрметіміз мәңгілік! Жас түлектер, жолдарыңыз ақ болсын! Өмір мектебінде табандарыңыз таймасын!”,-деді академик.
</blockquote>
<img src="https://kyzylorda-news.kz/wp-content/uploads/2022/05/img-20220525-wa0099.jpg" alt="" />
<img src="https://kyzylorda-news.kz/wp-content/uploads/2022/05/img-20220525-wa0101.jpg" alt="" />
Жалғас Шернияз

Қылышбай Бисенов үйден оқитын мектеп оқушысына компьютер алып берді

<a href="https://kyzylorda-news.kz/">Kyzylorda-news.kz</a>.&nbsp; Бүгін соңғы қоңырау оқу жылының 3 597 159 оқушысы үшін соғылды, деп хабарлады Ұлттық статистика бюросы.
Бұл оқушылар саны бойынша соңғы 20 жылдағы ең жоғары көрсеткіш.”Олардың басым көпшілігі Алматы, Түркістан облыстары мен Алматы қаласында”, – делінген хабарламада.
<a href="https://sputnik.kz/20220525/oqu-zhyly-oqushylar-sany-rekord-25056980.html#"></a>Биыл 171 мың түлек мектеп қабырғасынан түлеп ұшты. Олардың 8 139-ы “Алтын белгіден” үміткер.Бүгін білім және ғылым министрі Асхат Аймағамбетов елордадағы мектептердің біріне барып, оқушыларды оқу жылының аяқталуымен құттықтады және түлектерге сәттілік тіледі.
Министр биыл түлектерге мемлекеттік грант үшін жоғары балл алуға екі мүмкіндік берілгенін атап өтті. Сонымен қатар биыл грант саны да 15 мыңға артты. Колледжге түсушілерге 45 мың грант бөлінді.

Биыл оқу жылын аяқтаған оқушылар саны рекордтық көрсеткішке жетті

<a href="https://kyzylorda-news.kz/">Kyzylorda-news.kz</a>. Бүгін облыс әкімі Нұрлыбек Нәлібаев Б.Момынбаев атындағы №278 мектеп-лицейінде өткен «Соңғы қоңырау» салтанатты іс-шарасына қатысып, үлкен өмірге қадам басқалы тұрған түлектерге ақжолтай тілегін арнап, ұстаздарды мерекемен құттықтады.
<blockquote>
 «Құрметті түлектер, сіздермен үлкен өмірге аттанар сәттеріңізде жүздескеніме қуаныштымын. Бұл күн түлектер үшін ерекше толқынысқа толы мерейлі сәт! Мектеп бітірушілердің көңілінде қуанышпен қатар қимас сезім де бар. 
 Дана халқымызда «Қатарыңның алды бол» деген баталы сөз бар. Үлкен азаматтық өмірге қадам басқан сәтте баршаңызға осы сөзді ерекше арнағым келеді. 
 Бар білімдеріңізді Тәуелсіз Қазақстанның, туған жерлеріңіз Сыр өңірінің өсіп-өркендеуіне жұмсап, үлкен жетістікке жете беріңіздер. 
 Қанаттарыңыз талмай, бейбіт еліміздің көгінде шарықтап, ата-аналарыңыздың үмітін ақтаңыздар», – деді облыс әкімі.
</blockquote>
Салтанатты жиында мемлекет және қоғам қайраткері Бақберген Досманбетов білім ұясынан қанат қаққан жастарға ақ жол тілесе, ата-аналар атынан сөз сөйлеген Мереке Елеуова риясыз алғысын білдірді. Сондай-ақ, FLEX бағдарламасының грант иегері Бітімбай Тұмар құрдастарына ізгі тілектерін арнады.
«Соңғы қоңырау» соғу рәсімінен кейін аймақ басшысы мектептегі «Кәсіпкерлік мектебі» пилоттық жобасы аясында ашылған оқу-өндірістік комбинатының жұмысымен танысты. Мұнда «тігінші», «аспазшы», «жүргізуші» біліктілігіне кәсіптік даярлау мақсатында жүргізілетін қолданбалы курстардың білім беру бағдарламаларын іске асырады. Бұл үшін білім ордасы мен Қызылорда қызмет көрсету және сервис колледжі арасында ынтымақтастық меморандумы бар. 
Облыс әкімі оқушылармен тілдесіп, мектеп ішінде маңызды жобалар жасауға талпынысы ерекше жастарға әрдайым қолдау болатынын жеткізді. 
Айта кетейік, биыл 7505 түлек мектеп бітіреді. Оның ішінде 430-ы «Алтын белгіге» үміткер, 720 оқушы «Үздік аттестатқа» үміткер.
<img src="https://kyzylorda-news.kz/wp-content/uploads/2022/05/283915284_308991951422056_3378719155396177761_n.jpg" alt="" />
<img src="https://kyzylorda-news.kz/wp-content/uploads/2022/05/283966845_308991841422067_498524066649896372_n.jpg" alt="" />
<img src="https://kyzylorda-news.kz/wp-content/uploads/2022/05/283980791_308991888088729_411608400782501206_n.jpg" alt="" />
<img src="https://kyzylorda-news.kz/wp-content/uploads/2022/05/284074981_308991791422072_3197664717280999484_n.jpg" alt="" />
<img src="https://kyzylorda-news.kz/wp-content/uploads/2022/05/284093865_308992024755382_1712334989011403671_n.jpg" alt="" />

Аймақ басшысы түлектердің соңғы қоңырау салтанатына қатысты

<h4 id="kyzylordanewskzhttpskyzylordanewskznbsp"><a href="https://kyzylorda-news.kz/">Kyzylorda-news.kz</a>. Бүгін еліміздің мектептерінде тағы бір оқу жылы аяқталып, соңғы қоңырау соғылды.&nbsp;</h4>
Қызылорда облысында биыл 295 білім беру ұйымында 176 771 шәкірт оқу жылын аяқтады. Мектеп бітіріп жатқан 7 505 түлектің&nbsp;430-ы «Алтын белгіге», 720-ы «Үздік аттестатқа» үміткер. Оларды күтіп тұрған алғашқы асу – ҰБТ. Биыл аймақтан 6 404 оқушы ұлттық тестке қатысады. Ал, 9 сыныпты 14 682 оқушы бітіріп жатыр.&nbsp;
<img src="https://baq.kz/userfiles/images/d19f3379-7eac-4152-bf8a-5e03916f32ab.jpg" alt="" />
Қызылорда қаласындағы «Зерде» интеллектуалды мектебінде алғашқы рет соңғы қоңырау рәсімі өтті. Мұнда 500-ге жуық оқушы білім алып жатыр.&nbsp;Салтанатты жиында оқу жылының қорытындысы бойынша білім, спорт, өнер биігінен көрінген шәкірттер марапатталды.
<img src="https://baq.kz/userfiles/images/3743a7a3-bbce-46d8-bd97-8df36811204e.jpg" alt="" />
<blockquote>
 Азаматтар елге жасаған қызметінің қайтарамын күтпеу керек. Себебі біздің бұл қызметіміз болашаққа салынған, өскелең ұрпақтың білім ауына бағытталған инвестиция. Сондықтан мен тәуекелге бел буып 7 мектеп, 4 балабақша салдым. Біздің балабақшада тәрбиеленген бүлдіршіндерімізге «Зерде» интеллектуалды мектебінде есік ашық. Бұл мектепті бітірген оқушыларымызға колледжге түсуіне мүмкіндік бар. Міне біз осы арқылы үздіксіз білім сапасын дамытамыз. Осылай білім алып, саналы, тәрбиелі ұрпақты қатарға қосуға үлесімізді қосып жатырмыз. Міне бүгін алғаш рет соңғы қоңырау рәсімін өткізіп жатқан «Зерде» интеллектуалды мектебінде&nbsp;2021-2022 оқу жылын 500-ге жуық оқушы сапалы білім алды.&nbsp;Оқу жылының қорытындысы бойынша оқушылардың 35%&nbsp;үздік, 40%&nbsp; екпінділер қатарынан көрінді. Түрлі білім олимпиадалары мен спорт жарыстары, өнер байқауларының жеңімпаздары мен жүлдегерлері атанды. Осы орайда мен мектептің педагогикалық ұжымына алғысымды білдіремін, – деді&nbsp;«Зерде» интеллектуалды мектебінің құрылтайшысы Сейтқали Алшынбаев.
</blockquote>
<img src="https://baq.kz/userfiles/images/4303366e-cfac-420d-b3b9-2fa2b5061d1e.jpg" alt="" />
500 орындық білім ошағы осыдан 2 жыл бұрын ашылған-ды.&nbsp;Мектептің материалдық-техникалық базасы білім берудің жаңа технологиялық құралдарымен жабдықталған. Оқушыларға екі ауысымда қызмет етеді. Оқушының сапалы білім алуына, демалуына, 4 мезгіл тамақтануына мүмкіндік қарастырылған. Математика және ағылшын тілдері тереңдетіліп оқытылады. Хореография, Алтын домбыра, дзю-до, бокс, футбол, интеллектум, теннис, ІТ класс, тоғызқұмалақ, вокал, Арт дизайн клубтары жұмыс істейді.&nbsp;
<img src="https://baq.kz/userfiles/images/28e67b5e-b0f3-4347-aa36-270256bdcd35.jpg" alt="" />
<img src="https://baq.kz/userfiles/images/ea6bc5cc-54c7-43d9-8838-ef76b94972d8.jpg" alt="" />
<blockquote>
 Балам 1-сыныпты бітіріп жатыр. Оқу үздігі, спорттық жарыстардың жеңімпазы. Бір жылда үлкен нәтиже көрсетті. Сабақ уақыты азаннан кешке дейін. 3 мезгіл тамақтанып, қосымша үйірмелерге қатысады. Математика, ағылшын пәндерінен тереңдетіліп оқытылады. Мектеп талап пен тәртіпті қатар қойып, баланың жан-жақты дамып, интеллектуалды қалыптасуына үлкен еңбек сіңіріп жатыр, – дейді ата-ана Ғазиза Жетпісбайқызы.&nbsp;
</blockquote>
<img src="https://baq.kz/userfiles/images/622c1626-4581-442c-b7a7-243799d84eb3.jpg" alt="" />
<a href="https://baq.kz/qyzylorda-oblysynda-7-505-tulek-mektep-bitirdi_279121/">BAQ.KZ</a>

Қызылорда облысында 7 505 түлек мектеп бітірді

<a href="https://kyzylorda-news.kz/">Kyzylorda-news.kz</a>. Бүгін Қызылордадағы NIS-те 109 түлек үшін қоңырау соңғы рет соғылды.
Оқу жылының аяқталуына арналған салтанатты шара биыл дәстүрлі форматта өтті. Мерекелік жиынға барлық сыныптар, ұстаздар мен ата-аналар қатысты. Шараның басты кейіпкерлерін мектеп қауымдастығы жұлдызды шеруде қарсы алып, әрқайсысының жетістіктерін еске түсірді. Мектеп директоры Бахыт Жұматай түлектерді алғашқы болып құттықтап, сәт сапар тіледі.
<blockquote>
 «Заманауи мектеп ғимараты, халықаралық стандартқа сай оқу бағдарламасы, мықты ұстаздар қауымы, ерекше бағалау жүйесі, әртүрлі элективті курстар мен әлеуметтік жобалар түлектеріміздің жоғары мәденитетті, терең академиялық білімі бар, түрлі дағдыларды игерген, мықты университеттерге түсе алатын, саналы ұрпақ тәрбиелеуге негіз болатыны сөзсіз. Осы мүмкіндіктерді тиімді пайдаланып, алдағы уақытта Жаңа Қазақстан құруға өз септігін тигізетін тұлға болатындарыңызға сенімдіміз. Үлкен өмірге жасаған алғашқы қадамдарыңыз құтты болсын! 
 Концерттік бағдарлама естеліктерге толы болды. Халықаралық байқаудың жеңімпаздары «Самға» би тобы қазақи нақыштағы музыкалық қойылым ұсынса, аспаптар ансамблі танымал күйлермен келушілердің көңіліне қуаныш ұялатты», – деді Бахыт Жұматай.
</blockquote>
Мектептің мақтанышы – түлектер. Ашылғалы бері Сыр өңіріндегі NIS-тен 736 оқушы түлеп ұшты. Олардың 139-ы Назарбаев Университетіне, 48-і АҚШ, Германии, Италии, Онтүстік Корея, Чехия, Қытай, Гонконг, Венгрии, Түркия и Ресей мемлекеттерінің жоғары оқу орындарына қабылданды. Қалған түлектер еліміздің беделді университеттерінде білімдерін жалғастыруда.
Жангерей Зинелов үшін мектепте өткізген әрбір минут тарихи сәт болып қалмақ. Бүгінде оның өмірде жеткен жетістігі үшін ең алдымен ұстаздарына және қолдау көрсеткен сыныптастарына алғысы шексіз.
<blockquote>
 «Менің бүгінгі басты жетістігім – ол жылдар бойы жинаған білімнің арқасында әлемдегі озық 4 университетке шақырту алдым. Алдағы уақытта солардың бірінде білімімді жалғастырып, ғылымдағы IT-саласының маманы болуға жұмыс жасайтын боламын», – деді Жангерей Зинелов.
</blockquote>
Балаларымен бірге бүгін ата-аналар да қобалжу мен қуаныш сезімдеріне бөленді. Алмагүл Әбілхаированың үш бірдей баласы NIS-те оқиды. Оның үлкені бүгін өмірдің жаңа кезеңіне аяқ басты.
<blockquote>
 «Білім мен ізгіліктің, тәлім мен тәрбиенің, руханият пен парасаттың ордасы болған NIS-те балаларымыздың өткізген әрбір сәтіне қуә болдық. Мұғалімдерге үлгі-өнегелері, үш тілді жетік меңгертіп, зияткерлерді дайындауға жұмсаған қажырлы еңбектері үшін алғысымызды айтамыз. Түлектеріміз беделді оқу орындарына түсіп, қалаған мамандық иесі болуларына тілектеспіз. Болашақта ел тізгінін ұстайтын азамат болады деп сенеміз», – деді Алмагүл Әбілхаирова.
</blockquote>
Дәстүр бойынша соңғы қоңырау соғылып, түлектер өз ізбасарларына білім кілтін табыстады. Шара соңында бүгінгі күннің басты кейіпкерлері бітіру кешінің символы – мектеп вальсін билеп, бір-біріне деген қимастық сезімдерін жеткізді.
<img src="https://kyzylorda-news.kz/wp-content/uploads/2022/05/283697152_3100101576986422_4202299150292583540_n.jpg" alt="" />
<img src="https://kyzylorda-news.kz/wp-content/uploads/2022/05/283780575_3100101560319757_366397025730321412_n.jpg" alt="" />
<img src="https://kyzylorda-news.kz/wp-content/uploads/2022/05/283912634_3100101360319777_5938356742038973812_n.jpg" alt="" />

Қызылорда: Назарбаев зияткерлік мектебінде 109 түлекке соңғы қоңырау соғылды

<a href="https://kyzylorda-news.kz/ru/">Kyzylorda-news.kz</a>. “Қазақстан халқына” қоры студенттер үшін білім беру гранттары түрінде қайырымдылық көмек көрсету бағдарламасын әзірлейді.
Сейсенбіде қор төрағасы Болат Жәмішевтің білім және ғылым министрлігі өкілдерімен және ЖОО ректорларымен онлайн-кездесуі өтті. Бұл туралы қордың баспасөз қызметі хабарлады.
Ол студенттерге грант түрінде қайырымдылық көмек көрсету бағдарламасын таныстырды. Мұндай гранттарды іріктеу критерийлері, бөлу тетіктері мен әдістері білім министрлігімен бірлесіп жоғары оқу орындарының белсенді қатысуымен пысықталады.
Бағдарламаны 1 қыркүйекке дейін іске қосу жоспарланып отыр. 
Сондай-ақ, қор қазақстандықтардан университеттерде оқу ақысын төлеу туралы көптеген өтініш түсетінін хабарлады.
Еске сала кетсек, “Қазақстан халқына” қоры президент Қасым-Жомарт Тоқаевтың тапсырмасы бойынша құрылған. Қайырымдылыққа қаражатты ірі бизнес нысандары бөледі.
<a href="https://sputnik.kz/20220525/qazaqstan-studentter-grant-25050863.html">Sputnik</a>

Қазақстанда студенттерге арналған гранттың жаңа түрі пайда болады

<a href="https://kyzylorda-news.kz/ru/">Kyzylorda-news.kz</a>. Қорқыт ата атындағы Қызылорда университетінде филология ғылымдарының кандидаты, доцент, ғалым Шанжархан Бекмағамбетовтің педагогикалық қызметіне 55 жыл толуына орай Гуманитарлық-педагогикалық институты Кеңесінің салтанатты мәжілісі өтті.
Ғылыми кеңесте Әлеуметтік және тәрбие жұмыстары жөніндегі проректор Жандос Базартай ғалымның ғылым мен білім саласына қосқан үлесін ерекше атап өтті.
<blockquote>
 «Шанжархан Бекмағамбетов – Қорқыт ата атындағы Қызылорда университетінің білім мен ғылым, тәрбие беру қызметіне, кәсіби маман дайындау ісіне айрықша үлес қосып келе жатқан тәжірибелі ұстаз. Ғалым тіл теориясы, тіл генетикасы салалары бойынша ширек ғасырдан бері еңбек етіп келеді. Ол адамзат тілінің пайда болуы мен қызметі туралы жаңа ғылыми бағыт – генетикалық тіл ғылымының авторы болып есептеледі», – деді Жандос Нұртайұлы.
</blockquote>
Айта кету керек, жиынға зиялы қауым өкілдері, университеттің ғылыми кеңес мүшелері қатысты.
Салтанатты шарада Шанжархан Бекмағамбетов ҚР Жоғары оқу орындары қауымдастығының шешімімен Қазақстанның білім және ғылым жүйесінің дамуына қосқан айрықша үлесі және білікті мамандарды дайындаудағы ерен еңбегі үшін А.Байтұрсынұлы атындағы ордені, Қорқыт ата атындағы Қызылорда университетінің «Үздік оқытушысы» медалімен марапатталды.
Шанжархан Бекмағамбетов университетте «Құрмалас сөйлем синтаксисінің теориялық мәселелері», «Қазақ тілінің тарихи грамматикасы және жазу тарихы», «Генетикалық тіл біліміне кіріспе» пәндерінен дәріс оқыды.
«Қазақ тіліндегі түсіндірмелі қатынастағы құрмаластардың құрылымдық-мағыналық ерекшеліктері» атты оқу-әдістемелік құралдың, 50-ден аса ғылыми мақалалардың авторы.
Сондай-ақ, «Тілдік таным негіздері және тілдік символдар», «Тіл генетикасы: тілдік таңба-нышандық жүйе» атты ғылыми монографиялар мен «7 Лекций по теории генетической лингвистики» атты ЖОО студенттеріне арналған оқу құралдарын даярлады.
Ғалым тіл теориясы мен тіл философиясы, семиотика салалары бойынша тың ғылыми идеяларды жүзеге асыру, генетикалық тіл ғылымы идеяларын өмірге ендіру (оқыту) бағытында ширек ғасырдан бері еңбек етіп келеді.
2010 жылы «Жүректегі жазулар» атты жыр жинағы жарық көрді. Бүгінде жас әдебиетшілерді қолдау бағытындағы «Құс қанаты – Қызылорда» қоғамдық қорының төрағасы.
Ол – «Бейбітшілік әлемі» (Планета Мира – Worldof Pease) Халықаралық қазақ творчестволық бірлестігі халықаралық жазушылар одағының мүшесі. Халықаралық «М.Шолохов» медалі, университеттің Қорқыт ата атындағы Алтын медалі және Қызылорда облысы әкімінің Алғысымен марапатталған.
<img src="https://kyzylorda-news.kz/wp-content/uploads/2022/05/imgl9383-scaled.jpg" alt="" />

Қызылордалық ғалымға құрмет көрсетілді

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінде пәндік олимпиада жеңімпаздарын марапаттау салтанаты өтіп, мектеп бітіруші түлектерге 20 білім гранты табысталды.
Пәндік олимпиада университеттің ұйымдастыруымен Ұлттық біріңғай тестілеуде бар 18 пән бойынша 16 сәуір мен 11 мамыр аралығында өткізілген болатын.
Білім бәйгесіне облыстағы мектептерден 1224 оқушы қатысты. Бірінші кезеңде e-univer.korkyt.kz платформасы арқылы тест тапсырса, екінші кезеңде шығармашылық тапсырмалар орындады. Олимпиада нәтижесінде 20 оқушы топ жарып, университеттің 15&nbsp; білім беру бағдарламасы бойынша ішкі білім грантын иеленді.&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;
Жеңімпаздарды марапаттау салтанатында Басқарма Төрағасы – Ректор Бейбіткүл Кәрімова олимпиадада шын мықтылар анықталғанын атап өтті.
<blockquote>
 «Пәндік олимпиада – оқушының қандай мамандыққа бейім екенін айқындайтын, білім көрсеткішін саралайтын сынақ. Мұндай білім бәйгелерінде шын үздіктер анықталады.
 Биыл пәндік олимпиада жеңімпаздарына Қорқыт ата атындағы Қызылорда университетінің 20 гранты тағайындалды.
 Оның ішінде «Қазақстан тарихы», «Қазақ әдебиеті», «Қазақ тілі» пәндері бойынша 3 білім гранты көрнекті мемлекет қайраткері Темірбек Жүргеновтің атынан &nbsp;тағайындалды. Темірбек Жүргеновтің ел үшін атқарған еңбегі, өмір жолы &nbsp;тәуелсіздік тізгінін сеніп тапсыратын болашақ жастарымызға үлкен жауапкершілік жүктейді.
 Университет&nbsp; тарапынан «Математика» пәні бойынша 2 грант Қорқыт ата атындағы Қызылорда университетінде ұзақ жылдар бойы қажырлы еңбек еткен педагогика ғылымдарының докторы, профессор Бақытжан Сайлыбаевтың атынан тағайындалды.
 Алдағы оқу жылында университеттегі білім алушылар қатары дарынды жастармен толығатынына қуаныштымыз. Білімді әрі тәрбиелі, мақсаты айқын білімгерлердің ел үмітін ақтайтын сапалы маман болып шығарына сенімдімін», – деді Бейбіткүл Сәрсемханқызы.
</blockquote>
Салтанатты шараға Т.Жүргенов қоғамдық қорының өкілдері Әмит Жұмағұлов, Артур Сүлейменов, Әмір Шәймағамбетов және Бақытжан Сайлыбаевтың ұлы, құқық қорғау саласының қызметкері Әділ Сайлыбаев қатысып, оқушыларға грант табыстады.
&nbsp;Айта кету керек,&nbsp; «Журналистика», «Биология» пәндері бойынша өңірлік олимпиада Қорқыт ата атындағы Қызылорда университеті мен «Дарын» республикалық ғылыми-практикалық орталығының бірлесуімен өткізілді. Олимпиадаға оқушылардың қатысуын ұйымдастыру Қызылорда облысы білім басқармасының қолдауымен жүргізілді.

Пәндік олимпиада жеңімпаздарына 20 грант табысталды

<a href="https://kyzylorda-news.kz/">Kyzylorda-news.kz.</a> Еліміз бойынша 3,5 млн-нан астам оқушы үшін ертең соңғы қоңырау соғылады.
Сондай-ақ 1 қыркүйек және 25 мамыр қарсаңында мұғалімге гүл сыйлауға болады.
Бұл туралы Мектепке дейінгі және орта білім комитетінің төрайымы Гүлмира Кәрімова мәлімдеді.
Мектеп бітіру кешін білім беру ұйымы өзі ұйымдастырып өткізуі керек.
Аттестатты салтанатты түрде тапсыру рәсімі 2022 жылғы 16-17 маусымда өтеді.

Биыл 170 мыңнан астам түлек мектеппен қоштасады

<a href="https://kyzylorda-news.kz/">Kyzylorda-news.kz.</a>&nbsp; Қызылордада Байзақ Момынбаев атындағы № 278 ақпараттық технология мектеп-лицейінде кәсіпкерлер палатасы мен облыстық білім басқармасының бастамасымен «Оқу-өндірістік комбинат» жобасы жүзеге асырылып жатыр. Жобамен танысқан кәсіпкерлер өңірдегі білім беру ұйымдарында оқу-өндірістік комбинатын қайта жандандыруды ұсынды. Бизнес өкілдері жоба жастардың жұмысшы мамандықтарына қызығушылығын арттырады деп санайды.
Пилот жобаның нәтижесін көруге Қызылорда облысы кәсіпкерлер палатасының директоры Пірмұхаммед Сыздықов, облыстағы қоғамдық тамақтандыру және қызмет көрсету саласы қауымдастығының төрайымы Ақмарал Әбдіразақова мен Жеңіл өнеркәсіп кәсіпорындары қауымдастығының төрайымы Дина Махатова келді.
Мектеп директоры Эльмира Азатбаева жоба аясында аспаз, тігінші, жүргізуші мамандықтарына машықтанып жатқан 60-қа жуық оқушыны, олардың жұмыстарын таныстырды.
Мектепте аталған мамандықтар үшін арнайы өндірістік база, қажетті құрал-жабдықтар бар. Жобаға қатысушы жастар мерекелік кәдесыйлар мен логотип, эмблемаларды, өрнек, жазуы бар футболкалар әзірлеуді, киім тігуді, тәтті тоқаштар пісіруді, көлік жүргізуді үйренген. Кездесуде дайындаған өнімдерін қонақтарға көрсетті.
Білім беру ұйымының басшысы алдағы уақытта оқушылар дайындаған тауарларды монетизациялауды жоспарлап отырғанын жеткізді. Ол үшін мектеп арнайы есепшотын ашып, құжаттарын жасақтап жатыр. Кәсіпкерлер палатасының бизнес-тренері Жеңіс Сүйіндіков оқушыларға біліктілігін кіріс көзіне айналдыруға қатысты шағын тренинг өткізіп, кеңес берді.
<blockquote>
 «Оқушыларға кәсіби бағдар беру – қазіргі уақытта Үкіметте қозғалып жатқан маңызды мәселелердің бірі. Негізгі мақсат – жоғары сынып оқушыларына жұмысшы мамандықтарды таныстыру. Мектепаралық оқу-өндірістік комбинат болашақта түлектің жақсы өмір сүруіне көмектесіп, саналы түрде орта немесе жоғары арнайы білім алуға, мансапқа қол жеткізуге мүмкіндік беретін маман болуға септігі тиеді деп үміттенеміз. Пилот жобаны енгізуге Кәсіпкерлер палатасыбастама жасаған болатын. Жұмыс берушілердің ұсыныстарын ескере келе, оқу-өндірістік комбинаттың қызметін жүргізу үшін нормативтік-құқықтық актілер қабылдауға қатысты тиісті мемлекеттік мекемелерге ұсыныс береміз», – деді Кәсіпкерлер палатасының директоры Пірмұхаммед Сыздықов.
</blockquote>
Танысу жұмыстарынан кейін Палата басшысы мен кәсіпкерлер, облыстық білім басқармасының өкілі Сырым Асқаров жобаны облыстың өзге де білім беру ұйымдарына енгізу мәселесін шешу жолдарын талқылады. Кәсіпкерлер өндірістік базаларын жастарға тәжірибе алаңы ретінде ұсынуға дайын екенін жеткізді.
<img src="https://kyzylorda-news.kz/wp-content/uploads/2022/05/img_5928-scaled.jpg" alt="" />
<img src="https://kyzylorda-news.kz/wp-content/uploads/2022/05/img_5835-scaled.jpg" alt="" />

Қызылордада «Оқу-өндірістік комбинат» жобасы жүзеге асырылып жатыр

<a href="https://kyzylorda-news.kz/">Kyzylorda-news.kz.</a> Мектептерді басқарудың көшбасшылық жүйесін дамыту, экологиялық білімді жетілдіру мақсатында Қызылорда қаласындағы мектептің директорлары Беларусь республикасымен байланыс орнатып, тәжірибе алмасуда.
Оқыту мазмұны Максим Танк атындағы Беларусь мемлекеттік педагогикалық университеті Біліктілікті арттыру және қайта даярлау институтында жүргізілуде. Тәжірибе барысында «Мұғалімнің экологиялық тәрбиенің ұйымдастырушысы» іскерлік ойыны, «Тұрақты даму үшін білім беру: Беларусь Республикасының инновациялық тәжірибесі, және «БПУ» инновациялық білім беру ортасы» тақырыбында&nbsp; жиындар өтіп жатыр.
<blockquote>
 «Бүкіл әлемде экологиялық сауаттылықты арттыру үшін түрлі жобалар немесе «Жасыл мектеп» желілерімен байланыс орнатып, халықаралық деңгейде тәжірибе алмасу үшін Белорусияға келдік. Осы тұрғыда Белоруссия мемлекеті «Жасыл ел» ретінде алғы шепте тұр. Еуропаның тынысы немесе өкпесі деп аталуы да тегін емес екен. 10 жылдан астам уақыт бұл елде “Жасыл балабақша, мектеп, университет” желісін құру жұмыстары қарқынды жүргізіліп келеді екен.
 Жұмыс нәтижелерін бүгін көзімізбен көріп танысып алдағы уақытта өз тәжірибемізге енгізуге жоспарлар құрылды. Негізі байқағаным біздің елмен ұқсастықтары өте көп екен. Біздің негізгі мақсат — өзге елмен тәжірибе алмаса отырып, экологиялық білім беру саласында тиімді білім беру моделін енгізу болып табылады. Осы тағылымдамаға келуге жол ашқан облыстық Қызылорда облысының білім басқармасының бұрыңғы басшысы Ақзира Бақтыбайқызына, облыстық оқу әдістемелік орталық директоры Сырым Асқаров, Қорқыт ата университеті ректоры Бейбіткүл Сәрсемханқызына және ғылыми жетекшіміз Рахат Хамитұлына алғыс айтамыз», – дейді Қызылорда қаласындағы Ә.Мүслімов атындағы №101 мектеп директоры Айгүл Алтынбекқызы.
</blockquote>
Жұмыс сапары барысында директорлар Дзержинск қаласындағы мектептер мен балабақшалардың жұмысымен танысты. Ондағы артықшылық пен білім саласындағы оң бастамаларын аймақта іске асырып көрмек.
<blockquote>
 «Мектептерінде мені қызықтырған үш жұмысқа ғана тоқталайын. Бірінші физика, информатика, химия пән кабинеттерінен бөлек арнайы кабинет бар. Онда жарықтың, жылудың баламалы көздерін қайдан алу керек, қалай алу керек деген сұрақтарға жауап алу үшін жасақталған. Тоқтың бірнеше түрі, бірнеше құрылғылар орналасқан. Оны жасақтауға миллиондаған қаржы да керек емес. Екінші қосымша қаржы көздерін іздеу жақсы жолға қойылған. Гранттарға қатысу, оларды іздеу үшін арнайы ерікті топ құрылған. Үшінші ғылым мәселесі. Ғылыммен айналысуға арнайы бөлме, арнайы мамандар жұмыс істейді», – дейді Серәлі Лапин атындағы №261 орта мектебінің директоры Қарлығаш Әбдірахманова.
</blockquote>
<img src="https://kyzylorda-news.kz/wp-content/uploads/2022/05/281147793_3118755368388456_3443702666568135842_n.jpg" alt="" />
<img src="https://kyzylorda-news.kz/wp-content/uploads/2022/05/281712069_3118150018448991_4152281334668243032_n.jpg" alt="" />
<img src="https://kyzylorda-news.kz/wp-content/uploads/2022/05/282016812_3117999998463993_7578030449876331045_n.jpg" alt="" />
<img src="https://kyzylorda-news.kz/wp-content/uploads/2022/05/282549372_3118755301721796_2794977764869439647_n.jpg" alt="" />

Мектеп директорлары Беларусь мемлекетінде тәжірибеден өтіп жатыр

<a href="https://kyzylorda-news.kz/">Kyzylorda-news.kz.</a>&nbsp; ҚР Білім және ғылым министрлігі білім беру ұйымдарының қауіпсіздігін қамтамасыз ету мақсатында террористік тұрғыдан осал нысандарды қорғау жөнінде нұсқаулық бекітті. Осыған сәйкес, облыстағы білім ордаларын тексеру жұмыстары 13 мамырдан басталады. Бұл туралы Өңірлік коммуникациялар қызметінде өткен брифингте облыстық білім басқармасының бөлім басшысы Берік Мәмбетов мәлімдеді.
<blockquote>
 ҚР Білім және ғылым министрлігімен білім беру ұйымдарында террористік тұрғыдан осал нысандарды қорғау бойынша арнайы қаулы қабылданды. Осының негізінде техногендік сипаттағы қауіпті жою бойынша өзара іс-қимылды ұйымдастыруға қойылатын талаптар, төтенше жағдай орын алғанда қызметкерлер мен білім алушылардың іс-қимыл алгоритмі жан-жақты қарастырылған. Сондай-ақ, 300 адамға дейінгі білім беру ұйымдары жіті бақыланады, – деді Берік Мәмбетов.
</blockquote>
Білім ордалары тиісті талаптарды қатаң түрде сақтауға міндетті. Кемінде 700 адамнан асатын террористік тұрғыдан осал нысандар күзет мекемесімен үш жылға дейін келісшарт жүргізуі тиіс.
<blockquote>
 Өткізу режимінің тәртібін обьектінің әкімшілігі әзірлеп, кіріп шығу тәртібіне сай қатаң бақылануы тиіс. Сондай-ақ, жылдық іс шара жоспары бекітілуі маңызды. Бейнебақылау жүйелері үздіксіз жұмыс істеп, дабыл қағу құралдары орталықтандырылған бақылау пультіне қосылуы керек, – деді облыстық полиция департаментінің экстремизмге қарсы іс-қимыл басқармасының маманы Ілияс Тұрмаханов.
 Аталған нұсқаулық бекітілгеннен бастап сәуір және мамыр айларында облыстық білім басқармасы және полиция департаментімен барлық білім беру ұйымдарының басшыларына түсіндірме жұмыстары жүргізілді. Нұсқаулық негізінде қойылатын талаптар тексеріліп, террористік тұрғыда осал нысандар күшейтілген режимде бақыланады, – деді облыстық жұмылдыру дайындығы басқармасының бөлім басшысы Ардақ Әбішева.
</blockquote>

Қазақстан және Қызылорда облысының жаңалықтары: Білім