<a href="https://kyzylorda-news.kz/">Kyzylorda-news.kz.</a> Президент Қасым-Жомарт Тоқаев әскерге барған жастарға берілетін жеңілдіктерді тәптіштеп шықты, деп хабарлайды <a href="https://sputnik.kz/20230505/prezident-askerge-bargan-zhastarga-qanday-zhenildik-beriletinin-aytty-34606386.html">Sputnik Қазақстан</a>.Бүкілармиялық кеңеске қатысқан мемлекет басшысы әскери қызметте “әлеуметтік лифттің” болуы маңызды екенін ерекше атап өтті. Сол арқылы жастардың қоғамнан өз орнын табуға мүмкіндік берілуі керек.<blockquote>“Қазір осы бағытта нақты жұмыс жасалып жатыр. Әскери борышын өтеп келген азаматтар енді жоғары оқу орнына жеңілдікпен түседі. Мерзімді әскери қызметтегі сарбаздар несиесін төлеу міндетінен уақытша босатылады. Сондай-ақ олар өздері қаласа, армия қатарынан нақты мамандық алып шығады. Жалпы, сарбаздарды әлеуметтік қолдау шараларын мейілінше көбейту қажет”, - деді Тоқаев.</blockquote>Жоғары Бас қолбасшының айтуынша, әскерде жүрген жастар нағыз сарбаз, нағыз маман болып шығуға міндетті.<blockquote>“Олар өскелең ұрпаққа үлгі-өнеге болуға тиіс. Әскери қызметшілерге жақсы жалақы төленуі керек. Үкімет Күштік құрылымдарға еңбекақы төлеудің бірыңғай жүйесіне көшкен кезде осыны ескеруге тиіс”, - деп атап көрсетті Президент.</blockquote>Айта кетері, бүгінгі жиында Тоқаев әскери атақ үшін ай сайынғы ақыны 30 процентке көтеруді тапсырды. Бұдан бөлек, осы салада бірқатар мамандардың жалақысы көтеріледі.&nbsp;

Президент әскерге барған жастарға қандай жеңілдік берілетінін айтты

<a href="https://kyzylorda-news.kz/">Kyzylorda-news.kz.</a> Қызылорда қаласы бойынша білім бөлімінің басшысы Ерлан Теңізбайұлы М.Сужиков атындағы №6 орта мектебінің ұжымымен кезектен тыс пед кеңес өткізді.&nbsp;Кеңесте бөлім басшысы мұғалімдердің сағат бөлінісін дұрыс бөлу, оқушыларға жайлы жағдай жасау, мектеп бітіру кешіне ақша жиналмау керегін қатаң ескертті. Сонымен қатар, оқушылардың білімді, өнерлі болуы білікті ұстаздың қолында екенін жеткізді.&nbsp;Жиында мектеп директоры Асылхан Әміржанұлы атқарылған жұмыстар мен мектептің даму жоспары жайында баяндама жасады.Жалпы 2022-2023 оқу жылында мектепте 914 оқушы білім алуда. Мұғалімдердің біліктілік санаты бойынша педагог-зерттеуші-38, педагог-сарапшы-30, педагог-модератор-31, 1-санат-1 мұғалім оқушыларға білім беруде. «Елбасы медалі» жобасының күміс медалін Тілеуберген Еркебұлан иеленді.&nbsp;Кеңес Одағының Батыры Т.Бигельдиновтің 100 жылдығына орай алғашқы әскери дайындық &nbsp;пәні мұғалімдері арасында әскери-қолданбалы спорт түрлерінен өткізілген қалалық және облыстық сайыста АК-74 оқу қаруының оқжатарын патрондармен жарақтау бойынша жүлделі І орын Жұмахметов Сейітқасым марапатталды.&nbsp;<blockquote>«Әуезовтану» олимпиадасының қалалық кезеңінен 9-сынып оқушысы ІІІ орын иеленді. Республикалық турнирден №6 орта мектеп оқушысы Сәулетбай Айлана, Каратэ-до шотокан спорт түрінен жүлделі І орын иеленді. Жалпы білім беру ұйымдарының 7-8 сынып оқушылары арасында 6 оқушы жүлделі орынға ие болды. Ал, 9-11 сынып оқушылар арасында 10 оқушы жүлделі орыннан көрінді. Математика пәнінен «Алтын сақа» олимпиадасының қалалық кезеңінде оқушылар жүлделі орындарға қол жеткізді», – мектеп директоры.&nbsp;</blockquote>Жиында Ерлан Теңізбайұлы мұғалімдер еңбек демалысына жаңа оқу жылындағы сағатынан хабардар болып кету керектігін де назардан тыс қалдырмады. Бөлім басшысына мектеп ұстаздарымен кері байланыс жасап,ұсыныс-пікірлерін білдірді.<img src="https://knadmin.beoblood.kz/uploads/343641287_578951227683204_7894917129414596566_n_9ad553be94.jpg" alt="343641287_578951227683204_7894917129414596566_n.jpg"><img src="https://knadmin.beoblood.kz/uploads/344449636_539553838383821_9198263325358764761_n_c93fb4cbce.jpg" alt="344449636_539553838383821_9198263325358764761_n.jpg">

Білім сапасы - білікті ұстаздың қолында

<a href="https://kyzylorda-news.kz/">Kyzylorda-news.kz.</a> Баланың даму жолында өз қатарластарынан артта қалу сынды жағдайлар жиі кездеседі. Дегенмен бұл соншалықты алаңдайтын дүние емес. Себебі мемлекет мұнымен күресудің жолдарын қарастырып қойған. Бүгінде дамуында кешеуілдеу байқалатын балалардың интелектуалды қабілетін артттырып, олардың өмірге әлеуметтік және физикалық тұрғыда бейімделуіне мүмкіндік беретін түзету сыныптары жұмыс жасайды.Сондай сыныптардың бірі аудандағы Ж.Жабаев атындағы №234 орта мектеп базасында қарастырылған. Түзету сыныбы 2005-2006 оқу жылындағы ПМПК қорытындысына сәйкес «Психикалық дамуы тежелген» диагнозындағы балалар үшін ашылған. Мұнда ерекше білімді қажет ететін балалар дені сау қатарластарымен бірге білім алады. Олар өз ата-анасынан алшақтамай, яғни арнайы мектеп-интернаттарда тұрып оқуға мәжүр болмай, тұрғылықты жерден мектепке қатынайды. Соның арқасында олар қоғаммен біте қайнасып, әлеуметтік жағынан бейімделуде. Ал ата-аналар балаларының дамуы мен тәрбиесіне белсене араласа алады.Мектеп директорының тәрбие ісі жөніндегі меңгерушісі Рабиға Игілікованың айтуынша, биылғы оқу жылында 13 сыныпта барлығы 93 оқушы, ал денсаулығына байланысты үйден оқитын 25 оқушы дәріс алып жатыр.<blockquote>«Түзету сыныбында оқитын балалармен жұмыс арнайы бағдарлама негізінде жүзеге асады. Мұнда балаға оқу процесі баспалдақ негізінде ұйымдастырылады. Яғни тапсырмалар ең қарапайым жаттығулардан басталып, күрделіге қарай ауысып отырады. Бұл оқушылардың төменнен жоғары қарай сатымен көтерілуіне мүмкіндік береді. Осындай жұмыстардың аясында түзету сыныбында оқитын тәрбиеленушілеріміз оң нәтиже көрсетіп, білім де де, өнер де, спортта да жетістіктерге жетіп жүр», – дейді Рабиға Игілікова.</blockquote>Расымен, түзету сыныбында оқитын балалардың шыққан шыңдары аз емес. Арнайы педагикалық-спихологиялық қолдаудың арқасында олар аудандық, облыстық «Бәрімен бірдей», «Шексіз әлем», «Біздің қолымыздан бәрі келеді», «Жұлдызай» сынды байқаулардың жеңімпаздары атанған.Жұлдызай – 2022» ұлттық инклюзивті ойындарында «Асық ату» бағамы бойынша 8 сынып оқушысы Ерқанат Нұржан облыстық кезеңде I орын алып, республикалық байқауға жолдама алды. Кейін республикалық кезеңде де топ жарып, I орын иеленді. «Жұлдызай – 2023» республикалық балалар шығармашылық байқауының аудандық кезеңіне «Хореография» бағамы бойынша 4 «д» сынып оқушысы Арай Ерғалиева Арай I орын иемденді. Облыстық кезеңде III орынды қанжығалап, байқаудың республикалық кезеңіне жолдама ұтқан. Иә, бұл мектеп ұжымының жеткен жетістіктердің бір парасы десек болар. Ал сондай жетістіктерге жетелеп, балалардың жан-жақты дамуына барынша күш салып жүрген педаогтар екені даусыз. Мұндағы мұғалімдер өз мамандығына шын берілген жандар. Олар үнемі ізденісте үстінде, білімдерін тұрақты жетілдіріп жүр. Түзету сыныбында дәріс беретін ұстаздар облыстық, республикалық курстарынан өткен. Соның нәтижесінде арнайы психологиялық, педагогикалық, коррекциялық жұмыстар бірізділікке түскен.Ерекше білім беруді қажет ететін сыныптарда кәсіптік бағдар беру жұмысы да жолға қойылған. Мұғалімдер кәсіптік бағдар беру қоғамның қажеттілігіне қарай, әрбір оқушының қабілеттілігі мен бейімділігін ескере отырып, кәсіпке қызығушылығын қалыптастыруға және болашақ мамандығын саналы түрде таңдауға көмектесіп келеді. Соның нәтижесінде 2019-2020 оқу жылында 7 оқушы, 2020-2021 оқу жылында 7 оқушы, 2021-2022 оқу жылында 8 оқушы кәсіптік-техникалық колледждерге қалаған мамандықтары бойынша оқуға түскен. Сонымен қатар мектепте «Жас қолөнершілер», «Жас тігіншілер» үйірмелері жұмыс жасайды.Мамандардың қолжетімді еңбек етуі үшін мектепте кабинет қарастырылған. 2021-Арнайы оқу кабинеті 2022 оқу жылында облыстық өңірлік «Жол картасы» аясында «Ерекше балаларға – ерекше қолдау» мақсатында пайдалануға берілген. Сынып оқу әдістемелік, сондай-ақ қажетті құралдармен жабдықталған. Сонымен бірге түзету сыныбында оқитын балаларды мектепке тасымалдайтын арнайы көлік те қарастырылған. Айта кеткен жөн, жуырда ғана Оқу ағарту министрі Ғани Бейсенбаевтың Қазалы ауданына сапары кезінде түзету сыныптарында оқитын оқушылар үшін заманауи үлгідегі жаңа автобус табыс етілді.Ерекше білімді қажет ететін балаларға қолдау қашан да маңызды. Балаларға қолайлы орта қалыптастырып, қабілетін шыңдауды мақсаты санайтын білім ордасының жұмысы одан әрі жанданса, мұнда білім алатын шәкірттер қоғамда өзіндік мүмкіндіктерін жан-жақты көрсетіп, тұлға болып шығары анық.

Ерекше бала ескерусіз емес

<a href="https://kyzylorda-news.kz/">Kyzylorda-news.kz.</a>&nbsp;Қызылорда қаласы бойынша білім бөлімінің ұйымдастыруымен Н.Ергешбаев атындағы №172 орта мектепте «Жалпы адамзаттық және ұлттық құндылықтар арқылы оқыту мен оқудың сапасын арттырудағы тәрбиенің рөлі» тақырбында семинар-практикум өтті.&nbsp;Семинарға қалалық білім бөлімінің әдістемелік кабинет меңгерушісі &nbsp;Жомартбек Құлмағанбетұлы мен әдіскер Нұрқанат Ақылбайұлы, Білім басқармасы оқу әдістемелік кабинетінің бөлім меңгерушісі Гүлайым Ермекбайқызы, Қорқыт Ата атындағы Қызылорда университетінің дәстүрлі музыка өнері және хореография кафедрасының аға оқытушысы Мақпал Иманайқызы, Қорқыт Ата атындағы Қызылорда университетінің дәстүрлі музыка өнері және хореография кафедрасының аға оқытушысы, философия PHD докторы Ғани Бекқожаұлы және Өрлеу біліктілік арттыру институтының аға оқытушысы Ұлбала Хамитқызы қатысты.&nbsp;Мектеп оқушылары семинарға қатысушы қонақтарға «Creative gallery» атты мектеп ауласындағы мәдени-танымдық іс-шарасы өтіп, 9-10 сынып оқушылары қазақтың ұлттық киімдерінен дефиле, ұлттық жәдігерлерінен демонстарция жасады. «Алаш зиялыларының» ұлағатты сөздерінен 7-10 сынып оқушылары көрініс көрсеткен соң, «Жас ұландардан» дайындалған заманауи флешмоб биі, «Мереке» домбыра үйірмесінің орындауымен қазақтың күйі орындалды. Сонымен қатар, ұлттық ойындар, теннис, шахмат, «Қалқалам» үйірмесі жұмыстары көпшілік назарына ұсынылды.&nbsp;Сондай-ақ, мектеп мұғалімдері үйірме жұмыстарын тиімді ұйымдастыру: іс-әрекет, тәжірибе, ізденіс», «Оқу-тәжірибе мен TED talks алаңы – тәрбие көзі» тақырыптарында жаңа заман баласының бойына ұлттық құндылықтарымызды сіңіре отырып, еліміздің патриот жастарын тәрбиелеуді мақсат тұтқан ұстаздар өз тәжірибелерімен бөлісті.&nbsp;Өскелең ұрпақтың бойына ұлттық құндылықтарымызды сіңіруде мектептің алар орны ерекше. Бұл ретте, балалардың жеке басының қалыптасуы мен дамуына педагогтардың түрлі тәсілдерді қолдана білу сауаттылығына байланысты екені даусыз. Осы орайда, ата-аналардың да қолдауы қажет-ақ. Бұл ретте мектеп ұжымы ұстаз, бала, ата-ана арасында тығыз байланыс орнатқан.«Flash practice және TEDх» кезеңінде Ағылшын тілі пәні мұғалімдері Г.Сатыбалдиева, Г.Нуржанова және математика пәні мұғалімі А.Шынтемір панорамалық әдістемелік көмек пен тәжірибе алмасу сабақтарын ұйымдастырды.Семинар соңы марапатқа ұласып, жақсы әсер, керемет көңіл-күймен аяқталды. Ұстаздардың ойына ой салатын, шығармашылығын шыңдайтын, ізденіске бастайтын, мектептегі жолға қойылған жұмысты одан әрі жандандыруға түрткі болатын осындай керемет жұмыстар, тәжірибе алмасулар,семинарлар жалғасын табатын болады.<img src="https://knadmin.beoblood.kz/uploads/345052293_103058502789683_6636644703184893162_n_b855be46b7.jpg" alt="345052293_103058502789683_6636644703184893162_n.jpg"><img src="https://knadmin.beoblood.kz/uploads/344230052_2276374315878264_1057742881303797020_n_1d21510892.jpg" alt="344230052_2276374315878264_1057742881303797020_n.jpg"><img src="https://knadmin.beoblood.kz/uploads/344866971_1387590208731475_4906226567863787942_n_284467c4bc.jpg" alt="344866971_1387590208731475_4906226567863787942_n.jpg"><img src="https://knadmin.beoblood.kz/uploads/345070008_206002922225445_7051667340006562928_n_650019acab.jpg" alt="345070008_206002922225445_7051667340006562928_n.jpg">

Қызылордада ұлттық құндылықтар дәріптелген семинар өтті

<a href="https://kyzylorda-news.kz/">Kyzylorda-news.kz.</a> 7 мамыр – «Отан қорғаушылар күні» мерекесіне орай Қызылорда қаласындағы Байзақ Момынбаев атындағы №278 IT мектеп-лицейінде «Бүгінгі оқушы – ертеңгі Отан қорғаушы» атты 7-сынып оқушылары арасында әскери саптық жүріс бойынша сайыс ұйымдастырылды.Саптық жүріс сайыс әскери қызмет туралы оқушылар арасында оңтайлы көзқарас қалыптастыру, жастарды Отанға қызмет етуге әркез дайын болуға шақыру және отансүйгіштікті қалыптастыру мақсатында жүзеге асырылды.&nbsp;<blockquote>«Мектеп оқушылары бұл сайысқа алдын-ала ауқымды дайындық жұмыстарын жүргізді. Сынып жетекшілері оқушыларымен бірге орындайтын ән, командаға бірыңғай киім түрін таңдады. Саптық командаларды орындаудың үйлесімді шығуы үшін көптеген жаттығулар орындалды. Жас әскер жасақтарын даярлаудың өзі салмақты және жауапты тәсілімен қызықты болды», − дейді мектеп директоры Эльмира Азатбаева.</blockquote>Сайыс барысында барлық командалар лайықты өнер көрсетті. Олардың арасында ерекше саптық жүрістерге жаттыққан командалар көрермен көзайымына айналды. Командаларды даярлау жұмысы он ұпайлық меже және бірнеше критерийлер бойынша бағаланды. Соның ішінде оқушылар баяндауының анықтығы, киім нысаны, бұйрықты дұрыс беру, сапта жүру және саптық жүріс элементтерін орындау қабілеттері бойынша сыналды.Үздік деп танылып, жеңіске жеткен мектеп оқушылары дипломдармен және арнайы номинациялармен марапатталды.

Қызылордалық оқушылар саптық жүріс бойынша сайысқа қатысты

<a href="https://kyzylorda-news.kz/">Kyzylorda-news.kz.</a> Астана қаласында өткен «ENACTUS KAZAKHSTAN NATIONAL EXPO 2023» аясында мектеп кəсіпкерлігінің IV Республикалық чемпионатына Қызылорда қаласындағы Тұрар Рысқұлов атындағы №222 &nbsp;мектеп командасы қатысты.&nbsp;Құрамында 10 «Ә» сынып оқушысы, команда капитаны Ертай Жансезім, вице-капитан Жібек Бақбергенова, RP-менеджер Бегімсал Ақсүйрік, НR-менеджер Кенжалы Ғазиз жетекшілері эдвайзер Ержан Кенжеевпен жоғары жетістікке жетті. Олар бұл жарыста жартылай финалға шықты.Еліміздің барлық өңіріндегі НЗШ және БИЛ мектептерінен 70-ке жуық команда қатысқан сайыста жартылай финалға шығу орта мектеп үшін жоғары жетістік.&nbsp;<blockquote>«Бұл сайыс біз үшін тәжірибе алаңы болғанын, қорғаған жобаларын көптеген шетелден келген бірнеше қазылар алқасының жоғары бағалады. Одан бөлек басқа қалалардан келген командалардың мықты екенін де мойындаймыз. Ал бұл сайыс кәсіпкерлік бағыттағы кез келген жобаны қорғауда кәсіби мүмкіндігіміздің бар екенін бағамдап берді. Келесі жылы да мықты дайындықпен қатысуға бел буып отырмыз», - дейді сайысқа қатысушы оқушылар.</blockquote><blockquote>«Оқушылар берілген тапсырмаларға барлық күш жігерлерін салды, өз мүмкіндіктерін аяған жоқ. Тақырыбымыз да казіргі заманға өте қажетті және маңызды еді. Оқушыларыммен бірігіп Қарауылтөбе ауылында көп тәжірибелік экперименттер жасадық. Бұл эксперименттер оқушылардың жоба қорғауда әр қойылған сұраққа оңай жауап беруіне мүмкіндік сыйлады», - дейді команда жетекшісі, физика пәнінің мұғалімі Ержан Сұлтанбекұлы.</blockquote>Ал Қызылорда қалалық №222 мектеп ұжымы Ержан Сұлтанбекұлы мен оның шәкірттерін бұл жетістіктерімен құттықтап, келесі жылғы сайысқа сәттілік тіледі.

Қызылордадағы №222 мектеп оқушылары кәсіпкерлік бағыттағы сайысқа қатысты

&nbsp;<a href="https://kyzylorda-news.kz/">Kyzylorda-news.kz.</a> «Ақтабан шұбырынды, Алқакөл сұлама» тарихи оқиғасына 300 жыл және Бұқар жырау Қалқаманұлының туғанына 355 жыл толуына орай Е.А.Бөкетов атындағы Қарағанды университетінің ұйымдастыруымен өткізілген «Рухани KZ» танымдық керуені мен «Buketov runners» эстафеталық ультрамарафоны Қызылорда облысына келді.Марафоншылар Қорқыт ата атындағы Қызылорда университетінің профессор-оқытушылары және білім алушыларымен кездесіп, оқу орнындағы Археология және этнография ғылыми зерттеу орталығының көрме залымен танысты.Жиында Әлеуметтік және тәрбие жұмыстары жөніндегі проректор Жандос Базартай марафонның маңыздылығына тоқталды.<blockquote>Тарихи оқиғаларды ұрпақ жадында қайта жаңғырту үшін бұл марафонның маңызы жоғары. Тарихи орындарды аралау барысында жастардың елге деген құрметі, сүйіспеншілігі арта түсетіні анық. Сондай-ақ, салауатты өмір салты кеңінен насихатталуда. Осы шаралар аясында екі университет арасында меморандум жасалуда. Меморандум арқылы әріптестік байланыс нығайып, спорт және өзге де салалар бойынша ауқымды жұмыстарды бірлесіп жүргіземіз, – деді Жандос Нұртайұлы.&nbsp;</blockquote>Айта кету керек, кездесу барысында Қорқыт ата атындағы Қызылорда университеті мен Е.А.Бөкетов атындағы Қарағанды университеті дене шынықтыру және спорт саласындағы ынтымақтастық туралы меморандум жасасты. Меморандум аясында бұқаралық спортты дамытуға бағытталған жұмыстар жүзеге асырылмақ.&nbsp;Кездесуде Е.А.Бөкетов атындағы Қарағанды университетінің «Дене мәдениеті және спорт» факультетінің деканы Қуанышбек Аданов марафоншылар 1400 шақырымнан астам жол жүретінін атап өтті.Жобаға тарихшылар, спортшылар, қоғам белсенділері және студенттер қатысуда. Олар Қарағанды, Ұлытау, Қызылорда, Түркістан облыстары бағытында жүгіреді және тарихи-мәдени орындарды аралайды. Сонымен қатар, ЖОО-лардың ұжымы және білім алушыларымен кездесуде.&nbsp; &nbsp;<figure class="image"><img src="https://knadmin.beoblood.kz/uploads/P2222107_8de2daf238.JPG" alt="P2222107.JPG"></figure>&nbsp;<figure class="image"><img src="https://knadmin.beoblood.kz/uploads/P2222247_56bf9c47f2.jpg" alt="P2222247.jpg"></figure>&nbsp;<figure class="image"><img src="https://knadmin.beoblood.kz/uploads/P2222297_def86755eb.jpg" alt="P2222297.jpg"></figure>

Марафоншылар қызылордалық білім алушылармен кездесті 

<a href="https://kyzylorda-news.kz/">Kyzylorda-news.kz.</a>&nbsp; «WorldSkills» – «Әлемдік бағыт» деген мағынаны білдіретін әлемнің 80 мемлекетіне таралған Халықаралық қозғалыс. Еліміз бұл қозғалысқа 2014 жылдан бастап енген. Жұмысшы мамандықтарының мәртебесін арттыруға және шеберлік дағдыларын дамытуға арналған кәсіби шеберлік конкурсы аудан шәкірттерінің де білімі мен білігін арттыруда елеулі үлес алатыны айқын дүние.Осы уақытқа дейін де іріктеу кезеңі өткені туралы айтқан болатынбыз. Ал өткен аптада Арал индустриалды-техникалық колледжі базасында техникалық және кәсіптік білім беру оқу орындары студенттері арасында WorldSkills кәсіби шеберлік байқауының облыстық кезеңі өтті. «Сән технологиясы» мен «Дәнекерлеу технологиясы» құзіреттілігі бойынша өткен бірнеше модульдік кезеңдерді қамтыған байқауда аталған екі құзіреттілік бойынша 21 қатысушы бақ сынасты.Шараның ашылуына арнайы келген аудан әкімінің орынбасары К.Бержанов кәсіби білім беруді жаңа деңгейге көтеріп, білім алушылардың бәсекелестігін арттыратын байқау жайлы сөз қозғап, баршы қатысушыға сәттілік тіледі. Сондай-ақ колледж директоры Р.Айназаров та кәсіби білім беруге бағытталған білім ордасының жетістіктеріне тоқтала өтіп, «WorldSkills Kazakhstan – 2023» байқауының аймақтық кезеңіне қатысушыларға зор сенім білдірді.Тағы бір айта кетерлігі, қала мектептерінің бітіруші түлектері байқаудың ашылу салтанатын тамашалаумен қатар, кәсіби шеберлік додасының басталуына куә болды.Аталған байқаудың қорытындысында «Сән технологиясы» құзыреттілігі бойынша Абылай хан атындағы жоғары колледжінің қатысушысы Жансая Абдуллаева жеңімпаз атанса, Арал индустриалды-техникалық колледжінің намысын қорғаған Райхан Байзақова ІІ орынды, Сырдария аграрлы-техникалық колледжінің қатысушысы Айымжан Хамитова ІІІ орынды иеленді.Ал «Дәнекерлеу технологиясы» құзыреттілігі бойынша Шиелі индустриалды-аграрлық колледжінің шәкірті Ержан Сарыбаев қарсыластарынан оқ бойы озық шықса, Арал индустриалды-техникалық колледжінің қатысушысы Саят Мұратбаев пен Жаңақорған аграрлы-техникалық колледжінің студенті Нұрбақыт Қонысбеков сәйкесінше ІІ және ІІІ орындарды қанағат тұтты.

Аралда WorldSkills кәсіби шеберлік байқауының облыстық кезеңі өтті

<a href="https://kyzylorda-news.kz/">Kyzylorda-news.kz.</a> Қызылорда қаласындағы NIS-те Замандастар жобасы аясында «Сыр шерткен сыр саңлақтары» атты әдеби-шығармашылық кеш өтті.&nbsp;Өңірдегі жас ақын-жазушылардың шығармашылығымен оқушыларды таныстыруды мақсат еткен шараға айтыскер ақын, ұстаз Ержеңіс Әбдіұлы мен айтыскер ақын, &nbsp;жырау Бексұлтан Орынбасар қатысты. &nbsp;Бексұлтан Орынбасар &nbsp;оқушыларға сыр өңіріндегі жыраулар мектебі, &nbsp;айтыс өнері, өзінің шығармашылық дамуы жайлы танымдық ақпарат берсе, Ержеңіс Әбдіұлы жазба ақын қырағы, ізденімпаз, еңбекқор, адал, жан-жақты болуы керектігіне тоқталып, ақынның өлеңдері елге, қоғамға пайдасы тисе ғана өміршең болатындығы жөнінде әңгіме өрбітті.&nbsp;Мектебіміздің жас ақындары 9 «D» cынып оқушылары Балнұр Жақсыбай «Абай атаға арнау», «Аралым», Бақдәулет Ибайдулла «Әуезовке арнау», 10 «С» сынып оқушысы Бекжан Бектұрған «Тәуелсіздікке тарту», &nbsp;11 «С» сынып оқушысы &nbsp;Нұрназар Түрікбен «Мейірімнің үні» &nbsp;сынды әр алуан тақырыпта өлең оқып, алдыңғы буын ағаларының батасын алды. Ал 7-8 сынып оқушылары ақындар жырларының желісін суретпен жеткізді. &nbsp;&nbsp;Шығармашылық кеш соңы қос айтыскердің кітап пен телефонның пайдасы туралы тартысты айтысына ұласты.

Қызылордалық зияткерлер айтыскер ақындармен кездесті

<a href="https://kyzylorda-news.kz/">Kyzylorda-news.kz.</a> Астанадағы IT университетінің ұйымдастыруымен өткен республикалық ғылыми жобалар байқауында Қызылорда қаласындағы Зияткерлік мектеп оқушылары І және ІІ орындарды иеленді.&nbsp;Еліміздегі жалпы білім беретін мектептер мен колледждердің жүздеген білім алушыларынан озып шыққан Жұлдызай Мұңайтбасова Arduino платформасында жасап шыққан медициналық құрылғысын ұсынды. Ол әзірлеген электрокардиограф үй жағдайында жүрек жұмысының ауытқуын және ауруларын анықтауға мүмкіндік береді. &nbsp;Жас өнертапқыштың бұл идеясы үздік деп танылып, Astana IT University-нің толық оқу грантын жеңіп алды.&nbsp;Ал екінші орынды иеленген Назгүл Ыдырыс пен Еңлік Мұратбек егін алқаптарын бақылау және өнім көлемін болжау технологиясын ойлап тапты. Бұл автоматты жүйе егіншілердің жұмысын оңтайландырып, арттыруға мүмкіндік береді.&nbsp;<blockquote>«Автоматты қондырғымыз топырақ пен ауа температурасын анықтап, судың мөлшері бойынша ақпарат жинауға мүмкіндік береді. Бұл мәліметтер радио арқылы қабылдағышқа жеткізіліп, ауылшаруашылық саласын жандандыруға септігін тигізеді», – дейді жоба жетекшісі, информатика пәнінің мұғалімі Әділжан Науан.</blockquote>Республикалық IT жобалар додасына «Smart City технологиялары» тақырыбында 100-ге жуық &nbsp;инновациялық жұмыстар ұсынылып, 28 өнертабыс ақтық кезеңде таныстырылды.<img src="https://knadmin.beoblood.kz/uploads/344799241_563820059209095_3891190268982496959_n_ce21b8ade0.jpg" alt="344799241_563820059209095_3891190268982496959_n.jpg"><img src="https://knadmin.beoblood.kz/uploads/344772215_1325130381680666_5354797366763199176_n_ce92393a73.jpg" alt="344772215_1325130381680666_5354797366763199176_n.jpg"><img src="https://knadmin.beoblood.kz/uploads/344798616_643772890916799_1546501639532898230_n_333da07890.jpg" alt="344798616_643772890916799_1546501639532898230_n.jpg">

Қызылордалық зияткерлердің IT-жобалары республикалық байқауда үздік деп танылды

<a href="https://kyzylorda-news.kz/">Kyzylorda-news.kz.</a>&nbsp; Қызылорда облысының Арал ауданында оқушылар математиканы аяқдоп әдісі арқылы меңгеруде. Ерекше сабақты ойлап тапқан жас ұстаз - Мұқан Төлебаев.Білім берудің бұл тың тәсілінде оқушылар доп қуаламайды, есеп шығару арқылы ақылмен шабуылдап, біліммен қорғанады. Шағын футбол ережесіне сай өтетін сабақта 6 оқушыдан екі топқа бөлініп, бақ сынайды. Ең қызығы оқушылар бұл пәнге футбол жейдесін киіп қатысады. Тіпті, командалар алдын ала жоспар жасап, оны ойын кезінде өзгерте де алады.Математиканы футбол ойынымен байланыстырған жас мұғалім Мұқан Арал қаласындағы 262 мектеп-гимназиясында математика пәнінен сабақ береді. Оның айтуынша бүгінде балалар білім толықтыратын алтын уақыттарын виртуалды әлемге сарп еткізіп жүргендер аз емес. Ал бір сарынды сабақтар оқушыларды тіпті жалықтырып жібереді. Осы әдісті қолданудағы басты мақсатым - оқушылардың қызығушылығын ояту дейді.<blockquote>Бұл ойын әдісі ҰБТ-ге оқушыларды дайындау үшін өте тиімді жұмыс болды. Себебі, балалар сайыса отырып, өздерінің білім деңгейінің қаншалықты екендігін байқайтын болса, сонымен қатар сайыс-сабақ арқасында оқушылар математикалық атмосфера мен бәсекелестікті сезінеді. Жалпы, сабақтағы бәсекелестік оқушылардың алға жылжуына, дайындығын күшейтуіне оң ықпал жасайды. Демек, қарсылас командалар мәреге жету үшін "білектің күшін емес, білімінің күшін" пайдалану қажеттігін ұғынады. Оқытудағы әдіс-тәсілдердің түрлілігі және оны балалардың қызығушылығына қарай бағыттап таңдап алу, мұғалім үшін үлкен жетістік, - дейді Мұқан Төлебаев.</blockquote>Ұстаздың ете бастағанына үш жыл болған 25 жастағы жас мұғалім соңғы 2 жылда ҰБТ-ге осылайша ерекше әдіспен даярлай бастаған. Содан бері оқушылардың тест нәтижелері де жақсара түскен. Алдағы уақытта сабақ өту әдістеріне жастар арасында танымал өзге де ойын ережелерін енгізуді жоспарлауда.<figure class="image"><img src="https://knadmin.beoblood.kz/uploads/344750029_1973876349633240_3953486917642310841_n_c36494ed65.jpg" alt="344750029_1973876349633240_3953486917642310841_n.jpg"></figure>&nbsp;<figure class="image"><img src="https://knadmin.beoblood.kz/uploads/344753891_1300858384176499_6193877937360189379_n_5e9afc51ba.jpg" alt="344753891_1300858384176499_6193877937360189379_n.jpg"></figure>&nbsp;<figure class="image"><img src="https://knadmin.beoblood.kz/uploads/344195930_6501039523252163_7407715477876136144_n_30f4919cc7.jpg" alt="344195930_6501039523252163_7407715477876136144_n.jpg"></figure>

Аралдың оқушылары аяқдоп әдісі арқылы математиканы меңгеруде

<a href="https://kyzylorda-news.kz/">Kyzylorda-news.kz.</a> Биылғы жылы Қызылорда қаласы Тасбөгет кентіндегі Ә.Тыныбаев атындағы №11 мектеп-лицейінде көптеген игі істер қолға алынған. Солардың бірі - мектептің өз бюджеті есебінен үнемделген 26,0 миллион теңге қаражатқа салынған барлық стандартқа сай футбол және баскетбол алаңының ашылуы. Мектеп базасының толығып, жаңа алаңдардың ашылу салтанаты ұйымдастырылды.Спорт нысанының ашылу салтанатына кент әкімі Семсер Сыздықов арнайы қатысып, өз құттықтауын жеткізді.&nbsp;<blockquote>«Бұқаралық спортты дамыту, мемлекеттік саясаттың басым бағыттарының бірі. Біз осы бағытта кент көлемінде ауқымды жұмыстар атқарудамыз. Соңғы жылдарда бірнеше спорт алаңшалары мен балалар ойын алаңдары пайдалануға берілді. Соңғы үлгідегі спорт алаңдары өскін ұрпақтың салауатты өмір салтын ұстанып, тәнін шынықтыратын орынға айналады деп сенеміз», - деді Тасбөгет кентінің әкімі.</blockquote>Еске сала кететін жайт, 2023 жылы 6,2 миллион теңгеге оқу орнының айналасы темірмен қоршалып, ауласына брусчатка төселген болатын. Сонымен қатар, мектеп кітапханасының сөрелері жаңартылып, жаңа жиһаздар қойылды. Технология кабинеті заман талабына сай 5 түрлі станоктармен, жаңа тігін машиналарымен, асхана жиһаздарымен жабдықталған болатын. Бұған қоса оқушылар қажетіне «LED» экран мен компьютер жабдықтары алынды. Сондай-ақ, жеке кәсіпкердің демеушілігі есебінен 3,0 миллион теңгеге мектептің асханасына қажетті жаңа заттар алынып, еденіне толықтай кафель төселді. Мектептің электр желілері толығымен жаңартылып, сигнализация жүйесі толық ауыстырылды.

Қазақстан және Қызылорда облысының жаңалықтары: Білім