<a href="https://kyzylorda-news.kz/">Kyzylorda-news.kz.</a> Бүгін Қызылорда қаласында ауа райының қолайсыздығына байланысты 55 мектептегі 31 509 бастауыш сынып оқушы сабақты қашықтан оқитын болады.&nbsp; 💬Қызылорда қаласы бойынша білім бөліміне қарасты білім беру ұйымдарының шешіміне сәйкес 11.01.2023 жылы ауа райының қолайсыздығына байланысты қала мектептерінің 0-4-сынып оқушылары үшін сабақ қашықтан оқыту форматына ауысады», – деді облыстық білім басқармасының бөлім басшысы Нұрлан Дәулеталиев. Айта кетейік, бұл тек бүгінгі күнге қабылданған шешім. Ары қарайғы оқу форматы қосымша хабарланатын&nbsp;болады.

Қызылордада ауа райына байланысты бастауыш сынып оқушылары қашықтан оқиды

<a href="https://kyzylorda-news.kz/">Kyzylorda-news.kz.</a> Зияткерлік мектептер арасында өткен волейболдан желілік спартакиадада Қызылордадағы NIS-тің оқушылары Аружан Мырзабекова «Үздік қорғаушы» және Алихан Байменов «Үздік шабуылшы» номинацияларын жеңіп алды. &nbsp;&nbsp; Елордадағы физика-математика бағытындағы NIS пен халықаралық бакалавриат мектебінде өткен волейболдан желілік спартакиаданың ақтық кезеңіне Қызылорда, Ақтау, Өскемен, Ақтөбе, Тараз, Павлодар, Атыраудан 130-ға жуық жас спортшы жиналды. Екі күндік додада қатысушы командалар өзара сайысқа түсіп, тартысты ойын өрнегін көрсете білді. &nbsp;– Біздің спартакиадалар спортқа деген қызығушылықты арттырып қана қоймай, командалық рухты қалыптастырып, мектептерді біріктіреді, NIS бауырластығын нығайтады, – деп атап өтті Зияткерлік мектептерді дамыту департаменті директорының орынбасары Аида Ағаділ.Желілік спартакиада нәтижесі бойынша ұлдар &nbsp;арасында елордадағы физика-математика бағытындағы Зияткерлік мектеп оқушылары алтын медаль иегерлері атанса, екінші орын тараздық волейболшыларға бұйырды, үшінші орынға астаналық халықаралық бакалавриат мектебінің ойыншылары жайғасты.Ал қыздар ойынында елордадағы физика-математика бағытындағы Зияткерлік мектеп құрамасы жеңіске жетті. Екінші орынды Алматыдағы химия-биологиялық бағыттағы NIS арулары иеленсе, үшінші орынға өскемендік оқушылар тұрақтады.Бірнеше номинациялар бойынша спартакиаданың үздік ойыншылары анықталды. Олардың қатарында қызылордалық &nbsp;Аружан Мырзабекова «Үздік қорғаушы» және Алихан Байменов «Үздік шабуылшы»&nbsp;деп&nbsp;танылды.<figure class="image"><img src="https://knadmin.beoblood.kz/uploads/Izobrazhenie_Whats_App_2023_01_10_v_16_34_2269cb95ee.jpg" alt="Изображение WhatsApp 2023-01-10 в 16.34..jpg"></figure><figure class="image"><img src="https://knadmin.beoblood.kz/uploads/Izobrazhenie_Whats_App_2023_01_10_v_16_3_1a789b40c7.jpg" alt="Изображение WhatsApp 2023-01-10 в 16.3.jpg"></figure>

Сырбойылық зияткерлер – волейболдан үздік ойыншы 

<a href="https://kyzylorda-news.kz/">Kyzylorda-news.kz.</a>&nbsp;Бүгін қаңтар айындағы ҰБТ басталды. Ол 10 ақпанға дейін өткізіледі. Тестілеуге қатысуға 125 мыңға жуық өтініш түсті.Өтініш қабылдау ұлттық тестілеу орталығының app.testcenter.kz сайтында 20 желтоқсаннан 6 қаңтарға дейін жүргізілді.Қаңтардағы ҰБТ-ға жоғары оқу орындарына шартты түрде қабылданған студенттер, шығармашылық дайындықты талап ететін БББТ-дан басқа білім беру бағдарламалары тобына ауысуға ниет білдірген ЖОО білім алушылары, ️ ақылы негізде «Педагогикалық ғылымдар» білім саласына ауысуға ниет білдірушілер, сондай-ақ қалауы бойынша ЖОО ақылы негізде оқуға қабылданғысы келетін мектеп түлектері қатысады.Тіркелу кезінде тест тапсырушылар емтихан орнын, күнін және уақытын өздері таңдайды.Айта кету керек, 2023 жылғы ҰБТ-да тестілеу форматы өзгеріссіз қалды.Қазақстан тарихы бойынша тестілеуге қатысушылар 20 тапсырманы, оқу сауаттылығы – 15, математикалық сауаттылық – 15 және екі бейіндік пән бойынша 35 тапсырманы орындайды. Барлығы – 120 сұрақ.Ең жоғары балл – 140. Тестілеудің жалпы уақыты – 4 сағат (240 минут).Сондай-ақ, ерекше білім беру қажеттілігі бар балалар үшін қосымша 40 минуттық уақыт сақталады.Сонымен қатар дистракторлар саны азайды (жауап нұсқалары). Бір дұрыс жауабы бар тест тапсырмаларында нұсқалар саны бестен төртке дейін, бір немесе бірнеше дұрыс жауаптары бар тест тапсырмаларында (үш дұрыс жауаптан көп емес) сегізден алтыға дейін азайтылды.Қаңтардағы ҰБТ-дан бастап «Информатика мұғалімдерін даярлау», «Ақпараттық технологиялар», «Ақпараттық қауіпсіздік» білім бағдарламаларының топтарына түсуге ниет білдірушілер ҰБТ-ны «Математика-Информатика» комбинациясы бойынша тапсырады.<blockquote>«Бүгін 2023 жылғы алғашқы ҰБТ басталды. Біз тестілеу кезінде ғана емес, оған дайындық барысында да жағдай жасауды жалғастырамыз. Мысалы, 11 білім беру орталығы талапкерлерге тегін онлайн сабақ өткізеді. Оқу жылының басында ҰТО сайтында «Қазақстан тарихы» және «Дүниежүзі тарихы» бойынша 100 дата, «Қазақ әдебиеті» және «Орыс әдебиеті» бойынша әдебиеттер тізімі, «Информатикадан» терминдер тізімі орналастырылды. Сондай-ақ ҰБТ сұрақтары мен тест жоспары құрастырылған оқулықтардың тізімі жарияланды. Яғни талапкерлерде тестілеуді сәтті тапсыру үшін барлық мүмкіндік бар», – деп атап өтті ұлттық тестілеу орталығының директоры Руслан Емелбаев.</blockquote>Тестілеу кезінде калькулятор, Менделеев және тұздар ерігіштігі кестелері барлық талапкер үшін компьютер экрандарында қолжетімді болады.Сондай-ақ ҰБТ қатысушыларына өздерімен қалам, су және шоколад алып келуге рұқсат етіледі.<a href="https://www.inform.kz/kz/biylgy-algashky-ubt-bastaldy_a4021610">ҚазАқпарат</a>

Алғашқы ҰБТ басталды

Kyzylorda-news.kz. Облыс әкімінің орынбасары Н.А.Сақтағановтың төрағалығымен суицидтің және құқық бұзушылықтың алдын алу бойынша мәжіліс өтті.Жиынға құқық қорғау органдарының өкілдері, білім, денсаулық сақтау саласының басшылары, мектеп және колледж директорлары, олардың тәрбие ісі жөніндегі орынбасарлары мен психолог мамандар қатысты.Күн тәртібінде кәмелетке толмағандар арасындағы суицидтің, зорлық-зомбылықтың пен ерте жүктіліктің, жасөспірімдер арасындағы құқық бұзушылықтың алдын алу шаралары бойынша мәселелер қаралды.Облыстық денсаулық сақтау басқармасы басшысының орынбасары М. Мырзанова жасөспірімдердің суицидке бару әрекетінің алдын алу, өмірге құштарлықты арттыру, өмірде кездесетін қиындықтар мен стрестік жағдайлар, психиканың бұзылуы, жалғыздық кезінде қиындықтардан шығу жолдары бойынша баяндама жасады.Мұнан соң облыстық білім басқармасының басшысы М. Шермағанбет суицидтің алдын алу бойынша білім беру ұйымдарымен атқарылған жұмыстарға тоқталып, ағарту-профилактикалық шараларды және тәрбие бағытындағы жұмыстарды күшейту бойынша нақты ұсыныстар білдірді.Жергілікті полиция қызметі басқармасы басшысының орынбасары Б. Молдабеков өткен жыл көлемінде кәмелетке толмаған жасөсіпірімдермен жасалған құқық бұзушылықтар барысын баяндап, оның алдын алу және жол бермеу бойынша салалық басқармалармен іс-шараларды бірлесіп іске асырудың маңыздылығын атап өтті.Жиын соңында басқарма басшысы М. Шермағанбет мектеп және колледж директорларына білім беру ұйымдарында ұлттық тәрбие, құқықтық тәрбие беруді күшейтіп, ата-аналармен тығыз байланысты орнатуды, алдын алу және болдырмауды тапсырды. Сондай-ақ білім беру ұйымдарында тәрбие жұмысын күшейтуді, үнемі талдау жасауды тапсырды.Сонымен қатар, кәмелетке толмағандар арасындағы құқық бұзушылықтың, суицидтің, ерте жүктіліктің алдын алу бойынша Қазалы, Қармақшы, Жалағаш, Сырдария, Жаңақорған аудандары бойынша білім бөлімдерінің ұйымдастыруымен мәжіліс болып өтті.Шара барысында жасөспірімдер арасындағы құқық бұзушылықты болдырмау және оның алдын алу бойынша мәселелер қаралды.​<img src="https://knadmin.beoblood.kz/uploads/FB_IMG_1673121985508_43a7e60c45.jpg" alt="FB_IMG_1673121985508.jpg"><img src="https://knadmin.beoblood.kz/uploads/FB_IMG_1673121988231_65727cd25b.jpg" alt="FB_IMG_1673121988231.jpg">

Суицидтің және құқық бұзушылықтың алдын алу бойынша мәжіліс өтті

<a href="https://kyzylorda-news.kz/">Kyzylorda-news.kz.</a> 1 қаңтардан бастап балабақша тәрбиешілері, мектеп және колледж мұғалімдерінің жалақысы 25%-ға өсті, деп хабарлады оқу-ағарту министрлігі.2020 жылғы қаңтардан бастап мұғалімдердің жалақысы жыл сайын 25 пайызға көтеріліп келеді. Осы уақытқа дейін мұғалімдердің жалақысы екі есеге артты.<blockquote>«Сонымен қатар олардың жалақысына қосымша төлемдер белгіленді. Бұл – біліктілік санаты, магистр дәрежесі, пәндерді ағылшын тілінде жүргізу, дәптер тексеру, сынып жетекшілігі, жаңартылған мазмұндағы жұмыс және тәлімгерлік үшін қосымша төлемдер. Педагог мамандығына университеттің үздік түлектері мен «Алтын белгі» иегерлері келе бастады», - деді оқу-ағарту министрі Ғани Бейсембаев.</blockquote>

Тәрбиешілер мен мұғалімдердің жалақысы 25 пайызға өсті

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінде &nbsp;жас ғалымдардың ғылыми-зерттеу жұмысын жүргізуге арналған ректор грантына конкурс ұйымдастырылды. Байқауға университет бойынша 22 жоба ұсынылып, оның ішінде 6 жас ғалымның жобасы үздік деп танылды.Конкурс талабына сәйкес, білім ордасының 40 &nbsp;жасқа дейінгі ғалымдары мен 1, 2 курс докторанттары жаңа зерттеулерін ұсынды.&nbsp;Айталық, жас ғалым, аға оқытушы Дархан Орынбеков заманауи Arduino технологиясымен «Smart ботаникалық бақ» жасақтамақ.<blockquote>– &nbsp;«Smart ботаникалық бақ» – әлемдік және жергілікті бірегей флора туралы қазіргі заманғы деректерді қамтитын жоба. &nbsp; &nbsp; &nbsp; &nbsp; Arduino – арнайы білімі жоқ, бірақ қызығушылығы жоғары қолданушыға арналған автоматика және робототехника салаларындағы әртүрлі электронды құрылғыларды жасауға арналған құрал. &nbsp;Arduino бөлшегі &nbsp;датчиктерден сигнал қабылдап, құрылғыларды басқара алады. Ол автономды режимде немесе компьютермен бірге жұмыс істейді.&nbsp;Бақта өсімдік топырағына ылғалдылықты анықтайтын датчик қойылады. Сол датчик көрсеткіштері арқылы автоматты түрде суару қосылады. Өсімдіктердің суару жүйесі автоматтандырылған. 24 сағатта бір рет 10-15 минут суарылады. Ол өсімдіктің түріне де байланысты, – деді грант иегері Дархан Даниярұлы.</blockquote>Ал, университеттегі «Археология және этнография» орталығының ғылыми қызметкері, PhD Ислам Құрманиязов Ежелгі Асанас, Қышқала, Арал-асар ескерткіштерінен табылған остеологиялық материалдарды ғылыми талдау және аймақтық ортағасырлар кезеңіндегі жануарлар әлемі мен өсімдіктер дүниесін зерттеу жұмысын қолға алғалы отыр.&nbsp;Сондай-ақ, «Мәдениеттану» мамандығы бойынша философия докторы Жарқынбек Әбікенов оңтүстік өңір тұрғындарының коммуникациялық мәдениетіндегі үдерістерді зерттеу жұмысымен айналыспақ. Ғалым Қызылорда, Түркістан, Жамбыл, Жетісу, Алматы облыстары мен Алматы, Шымкент қаласы тұрғындарының коммуникациялық дағдыларын басты назарға алуды жоспарлауда.Гранттық жобаларды іріктеуде жоба тақырыбының маңыздылығына, ашықтығына, өзектелігіне ерекше басымдық берілді. Қазақ халық педагогикасындағы дене шынықтыру дәстүрлерін терең зерттеп, студенттерді патриоттық тәрбиелеу жұмысы туралы PhD Талант Бимахановтың жобасы да конкурста қолдау тапты.Ал, педагогика ғылымдарының магистрі, аға оқытушы Ербол Бекіш XIX ғасырдың екінші жартысы мен XX ғасырдың басындағы қазақтың рухани және зайырлы интеллигенциясының ағартушылық-педагогикалық қызметін зерттемек.&nbsp;Сондай-ақ, конкурс барысында тіл мәселесі де назардан тыс қалмады. Бастауыш, орта және жоғары мектеп мұғалімдеріне арналған психологиялық-педагогикалық терминдердің үш тілде глоссарийін әзірлеу туралы Жанна Ізтілеуованың жобасы да қолдауға ие болды.Жобалары үздік деп танылған ғалымдар осы жылдың желтоқсан айына дейін зерттеу жүргізіп, республикалық және халықаралық ғылыми басылымдарға мақалалар жариялайды. Оларға осы жұмыстарды жүргізу үшін жалпы қаржы көлемі 10 млн теңгелік сертификаттар табысталды.&nbsp;Айта кетейік, 2021 жылы жалпы қаржы көлемі 10 млн теңгелік 4 жоба университеттің грантын иеленген болатын. Жас ғалымдарға арналған бұл конкурс дәстүрлі түрде жалғасын тауып келеді.&nbsp; Университеттің ғалымдарға деген қолдауы зерттеушілердің ғылымға деген қызығушылығын арттырып, жаңа жобалардың ашылуына жол ашпақ.<figure class="image"><img src="https://knadmin.beoblood.kz/uploads/durys_26_26f333c436.JPG" alt="дурыс (26).JPG"></figure> &nbsp;

Қызылордалық жас ғалым «Smart ботаникалық бақ» жасамақ

<a href="https://kyzylorda-news.kz/">Kyzylorda-news.kz.</a> Сапасыз білім берген жоғары оқу орындарын қатаң реттеу принципі қолданылады. Бұл туралы ҚР Ғылым және жоғары білім министрі Саясат Нұрбек мәлімдеді, деп хабарлайды <a href="https://www.inform.kz/kz/biyl-15-universitet-tekseriledi-sayasat-nurbek_a4020574">ҚазАқпарат</a>.Ведомствоның кеңейтілген алқа мәжілісінен кейін БАҚ өкілдерінің сауалына жауап берген министр жоғары оқу орындары лицензиясынан тек соттың шешімен айырылатынын баса айтты. Ал Конституцияға сәйкес Үкімет те, атқарушы билік те соттың шешімін өзгерте алмайды.<blockquote>«16 жоғары оқу орны лицензиясынан айырылды. Биыл 15 университет тексеруде тұр. Алайда 2023 жылдан бастап жоғары оқу орындарын мемлекеттік бақылау моделі өзгереді. Осылайша, жаңа реттеу саясаты енгізіледі. Біз бұл мәселені мұқият қарастырамыз. Университетті бұрынғыдай тез жабуға мүмкіндік болмайды. Себебі, заңдағы принцип өзгереді. Бірақ, бұл жұмысты жалғастырамыз. Президент нақты тапсырмалар берді. Оған қатысты саясат өзгерген жоқ. Сапасыз білім берген жоғары оқу орындарын қатаң реттеу принципі қолданылады», - деді Саясат Нұрбек.</blockquote>Айта кетерлігі, Ғылым және жоғары білім министрлігінің мәліметінше, бүгінде 5 жеке университетке қатысты сот процесі жүріп жатыр. &nbsp;

Саясат Нұрбек: 16 жоғары оқу орны лицензиясынан айырылды

<a href="https://kyzylorda-news.kz/">Kyzylorda-news.kz.</a> Ғылым және жоғары білім министрі Саясат Нұрбек министрліктің кеңейтілген алқа отырысында 2025 жылдан бастап елімізде оқу ақысы қымбаттайтынын мәлімдеді, деп хабарлайды <a href="https://stan.kz/kazakstanda-aldagi-zhildari-oku-akisi-kimbattaydi-375765/">Stan.kz</a>.<blockquote>«Бюджеттегі тиісті қаржы көлемін ескеру керек. Біз біртіндеп грант құнын арттырамыз. Себебі, жоғары оқу орындары стипендия мен оқытушылардың жалақысын өсіруге мүмкіндік берілуге тиіс. Екіншіден, барлық студенттің халықаралық цифрлық кітапханаларға тегін қосылуына жағдай жасау қажет. Бұл білім алу үшін маңызды», - деді министр.</blockquote>Бұнымен қоса, Саясат Нұрбек өткен жылы үш университет Times Higher Education рейтингіне енгенін, шетелде қазақстандық жоғары оқу орнының 3 филиалы ашылғанын атап өтті.

Қазақстанда алдағы жылдары оқу ақысы қымбаттайды

<a href="https://kyzylorda-news.kz/">Kyzylorda-news.kz.</a> Өткен жылы республикалық бюджеттен 4700 білім гранты бөлінді, оның 1500 гранты медицина саласына, яғни резидентураға арналған, деп хабарлайды <a href="https://egemen.kz/article/331986-meditsinalyq-mamandyqta-oqityn-studentterdinh-shakirtaqysy-osedi?fbclid=IwAR0LEMGXilXPS-tyuRs_TLjfL5rm8nJ759atuIxkZkwDP1vT7ER0w6XgKdE">Egemen.kz</a>.Денсаулық сақтау министрлігінің Ғылым және адами ресурстар департаментінің хабарлауынша, 2023 жылы Мемлекет басшысының тапсырмасын іске асыру мақсатында республикалық бюджет есебінен резидентураға гранттар санын 2500-ге дейін ұлғайту көзделген.Сондай-ақ, 2021 жылы бакалавриат студенттері үшін шәкіртақы екі есеге жуық, интерндер үшін 25 пайызға, резиденттер, магистранттар, докторанттар үшін 15 пайызға өскені хабарланды.<blockquote>«2025 жылға дейін шәкіртақыны жыл сайын 15% және 20% арттыру жоспарланып отыр. Бұл жақсы оқуға қосымша серпін болады және біздің университеттерге мықты талапкерлерді қосымша тартады», деді Ғылым және адами ресурстар департаментінің директоры Дәулет Алдынғұров. &nbsp;</blockquote>

Медициналық мамандықта оқитын студенттердің шәкіртақысы өседі

<a href="https://kyzylorda-news.kz/">Kyzylorda-news.kz.</a> Қызылорда облысында алдағы үш жылда «Жайлы мектеп» жобасы аясында 15 100 орынға арналған 21 заманауи мектеп салынады деп жоспарлануда.&nbsp;Биыл аталған бағдарлама шеңберінде 10 білім нысанының құрылыс жұмыстары басталады. Осының нәтижесінде, өңірдегі апатты мектептер саны азайып, оқушылардың тереңдетілген түрде білім алуына мол мүмкіндік жасалмақ. Бұл туралы Өңірлік коммуникациялар қызметінде өткен брифингте облыстық білім басқармасының басшысы Мейрамбек Шермағанбет хабарлады.<blockquote>«Аймақта өткен жылы 6 жаңа мектеп пен 19 балабақша ел игілігіне пайдалануға берілді. Бұған қоса, өңірдегі 6 мектепке күрделі жөндеу жұмыстары жүргізілді. Ал биыл 5 жаңа білім ордасын халық игілігіне табыстауды жоспарлап отырмыз. Сонымен қатар елді мекендердегі 47 мектепті қайта жаңартып, 51 білім беру ұйымына пәндік кабинеттер жасақталатын болады. Бүгінде облыстағы апатты мектептерді жою - білім саласындағы басты мәселелердің бірі. Осыған сәйкес, былтыр апатты деп танылған 6 мектептің үшеуінің мәселесі шешілсе, &nbsp;қалған 3 мектеп «Жайлы мектеп» жобасы аясында салынатын болады. Жалпы жыл сайын &nbsp;өңірдегі мектептерде орын тапшылығы туындайтыны жасырын емес. Қажеттілікті ескере келе, қаладағы Абай мектебіне 550, &nbsp;№101 мектепке 375 қосымша орын жасақталып, биыл оқушыларға беріледі. Осы арқылы мектептегі үш ауысымға ауысу мәселесі түбегейлі шешетін боламыз. Тағы бір білім саласындағы жаңалық, 2023 жылы 1-4 сынып аралығындағы балаларды ыстық тамақпен қамтуға жергілікті бюджеттен 5,6 млрд.теңгеге жуық қаржы бөлінді. Бұл аймағымыз бойынша алғаш рет жүзеге асырылып отыр», - деді облыстық білім басқармасының басшысы Мейрамбек Шермағанбет.</blockquote><figure class="image"><img src="https://knadmin.beoblood.kz/uploads/Mejrambek_f3cea9da3c.jpg" alt="Мейрамбек.jpg"></figure>

Биыл «Жайлы мектеп» жобасы аясында 10 мектеп салынады

Kyzylorda-news.kz. Жас ұрпақтың біліміне салынған инвестицияның еселеп қайтатыны –дәлелдеуді қажет етпейтін аксиома. Құндылықтар алмасып жатқан дәуірде білімнің орны өз биігінен төмендемек емес. Тарихқа еніп бара жатқан жылда 206,8 млрд. теңге білім саласына бөлінді. Жыл ішінде 17 жекеменшік балабақша ашылды, 2 мемлекеттік балабақша жаңа ғимаратқа көшірілді. Күні кеше Қазалыда тағы бір жаңа балабақша іске қосылды. Қазір 2-6 жастағы балғындардың 85,6 %-ы, 3-6 жастағылар 100 % балабақшаға барады.Жекеменшік балабақшалар сияқты жекекеменшік мектептер үлесі артты. Бүгінде 9 мектептің 6-уының (3 мемлекеттік, 3 жеке) құрылысы тапсырылып, 2 апатты мектеп мәселесі шешімін тапты. Үш мектеп 2023 жылға өтпелі. Облыс орталығында бала саны бойынша үш ауысымдық оқытуға ауысуы мүмкін 6 мектеп бар. Қазір екі мектепке қосымша ғимарат құрылысы салынуда, екі мектептің жоба-сметалық құжаттары әзірленуде. Тағы 2 мектептің мәселесі жаңадан пайдалануға берілетіндер есебінен шешілмек. Күрделі жөндеуден, жаңғыртудан өткен мектептер, Жалағаш ауданындағы «Оқушылар үйі», Қызылорда қаласы мен Қармақшы ауданынан ашылған 150 орындық 2 мектеп-интернат бұл саланың жұмысына серпін бергені анық.Бәріңізге белгілі, стратегиялық жоспарлар мен ұзақмерзімді бағдарламалар алдағы жылдар алға тартатын мәселелерді терең зерттеп-зерделеген соң жасалады. Біз де оқушылар санының өсу динамикасы мен апатты мектептерге талдау жүргіздік. Нәтижесінде «Жайлы мектеп» ұлттық жобасы аясында алдағы үш жылда 15 100 орынға арналған 21 мектептің құрылысын салу жоспарланып отыр. Бұл жоба жүзеге асқанда үш ауысымды және апатты мектептер мәселесіне айналып соқпайтын боламыз.Бүгінгі еңбек нарығын зерттеушілердің деректері көп нәрсеге көзімізді жеткізеді. Ақпараттық технологиялар дәуірінің кең алқымына көп мамандық жұтылып кететін тәрізді. Мамандарды оңды-солды оқыта берудің уақыты өткенін байқап жүрміз. Өңір экономикасына қажетті мамандықтар тізбесіне сәйкес колледждерге 4 708 орынға мемлекеттік грант бөлінді. Келесі жылы 425 орындық 4 жатақхананы пайдалануға беру жоспарлануда. Бұл – колледждерде жатақхана мәселесі болмайды деген сөз. Ендігі міндет – еңбек нарығына сай мамандар даярлау.Жас ұрпақтың біліміне салынған инвестицияның еселеп қайтатыны –дәлелдеуді қажет етпейтін аксиома. Құндылықтар алмасып жатқан дәуірде білімнің орны өз биігінен төмендемек емес. Тарихқа еніп бара жатқан жылда 206,8 млрд. теңге білім саласына бөлінді. Жыл ішінде 17 жекеменшік балабақша ашылды, 2 мемлекеттік балабақша жаңа ғимаратқа көшірілді. Күні кеше Қазалыда тағы бір жаңа балабақша іске қосылды. Қазір 2-6 жастағы балғындардың 85,6 %-ы, 3-6 жастағылар 100 % балабақшаға барады.Жекеменшік балабақшалар сияқты жекекеменшік мектептер үлесі артты. Бүгінде 9 мектептің 6-уының (3 мемлекеттік, 3 жеке) құрылысы тапсырылып, 2 апатты мектеп мәселесі шешімін тапты. Үш мектеп2023 жылға өтпелі. Облыс орталығында бала саны бойынша үш ауысымдық оқытуға ауысуы мүмкін 6 мектеп бар. Қазір екі мектепке қосымша ғимарат құрылысы салынуда, екі мектептің жоба-сметалық құжаттары әзірленуде. Тағы 2 мектептің мәселесі жаңадан пайдалануға берілетіндер есебінен шешілмек. Күрделі жөндеуден, жаңғыртудан өткен мектептер, Жалағаш ауданындағы «Оқушылар үйі», Қызылорда қаласы мен Қармақшы ауданынан ашылған 150 орындық 2 мектеп-интернат бұл саланың жұмысына серпін бергені анық.Бәріңізге белгілі, стратегиялық жоспарлар мен ұзақмерзімді бағдарламалар алдағы жылдар алға тартатын мәселелерді терең зерттеп-зерделеген соң жасалады. Біз де оқушылар санының өсу динамикасы мен апатты мектептерге талдау жүргіздік. Нәтижесінде «Жайлы мектеп» ұлттық жобасы аясында алдағы үш жылда 15 100 орынға арналған 21 мектептің құрылысын салу жоспарланып отыр. Бұл жоба жүзеге асқанда үш ауысымды және апатты мектептер мәселесіне айналып соқпайтын боламыз.Бүгінгі еңбек нарығын зерттеушілердің деректері көп нәрсеге көзімізді жеткізеді. Ақпараттық технологиялар дәуірінің кең алқымына көп мамандық жұтылып кететін тәрізді. Мамандарды оңды-солды оқыта берудің уақыты өткенін байқап жүрміз. Өңір экономикасына қажетті мамандықтар тізбесіне сәйкес колледждерге 4 708 орынға мемлекеттік грант бөлінді. Келесі жылы 425 орындық 4 жатақхананы пайдалануға беру жоспарлануда. Бұл – колледждерде жатақхана мәселесі болмайды деген сөз. Ендігі міндет – еңбек нарығына сай мамандар даярлау.(2022 жыл қорытындысы "Сыр бойы" газетінде жарияланған облыс әкімі Нұрлыбек Нәлібаевтің мақаласынан үзінді)

Білімге салынған инвестиция еселеп қайтады

<a href="https://kyzylorda-news.kz/">Kyzylorda-news.kz.</a> Бүгін магистратура бойынша мемлекеттік білім гранты иегерлерінің есімдері белгілі болды.&nbsp;Мемлекеттік гранттар республикалық комиссия отырысының қорытындысы бойынша берілген. Комиссия құрамына мемлекеттік органдардың, үкіметтік емес ұйымдардың өкілдері, журналистер және Қазақстан Студенттер альянсының өкілдері кірді.Білім беру гранттарын тағайындау конкурсына барлығы 2029 адам қатысса, коммиссия қорытындысы бойынша 1774 үміткер мемлекеттік білім беру грантының иегері атанды. Оның ішінде бейіндік магистратура бойынша – 100 грант.Оқуға құжат қабылдау 10 қаңтарға дейін жүзеге асырылады, ал оқу ЖОО-ның академиялық күнтізбесіне сәйкес басталады.Грант иегерлерінің толық тізіммен <a href="https://www.inform.kz/download/2022/magistr292022.pdf">мына</a> сілтемеге өту арқылы танысуға болады. &nbsp;

Қазақстан және Қызылорда облысының жаңалықтары: Білім