<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университеті және Набережные Челны мемлекеттік педагогикалық университетінің ұйымдастыруымен «Педагогикалық қызметтің теория мен практикасы: білім беру жүйесіндегі заманауи инновациялық технологиялар» атты халықаралық ғылыми-тәжірибелік онлайн-конференция өтті.Жиынға Басқарма мүшесі – Ғылыми жұмыстар және халықаралық байланыстар жөніндегі проректор Майнұр Бөрібаева қатысып, Набережные Челны мемлекеттік педагогикалық университетімен өзара тәжірибе алмасу мақсатында жұмыстар жүргізілгенін атап өтті. Сондай-ақ, еліміздегі білім беру саласының дамуына, кәсіби білікті маман даярлауға қосқан үлес үшін Набережные Челны мемлекеттік педагогикалық университетінің ректоры Альфинур Галиакбероваға «Қорқыт Ата атындағы Алтын медаль» табысталатынын жеткізді.Өз кезегінде Альфинур Азатқызы Набережные Челны мемлекеттік педагогикалық университетіндегі білім беру процесі, инновациялық технологияларды қолдану бағытында атқарылған жұмыстарға тоқталды.Жиынға «Практикалық ағылшын тілі» кафедрасының меңгерушісі Ербол Бекіш модераторлық етті. Конференцияда қатысушылар білім беру процесінде инновациялық технологияларды қолдану әдістемелері бойынша тәжірибе алмасты.Халықаралық конференцияда «Тәлімгерлік және тәлімгерлік моделін жүзеге асыру тәжірибесі», «Педагогикадағы сандық білім беру ортасы, цифрлық технологиялар және цифрлық білім ортасы», «Білім беру ұйымындағы &nbsp;қауіпсіз білім беру ортасын қалыптастыру, буллингтің алдын алу: нормативтік-құқықтық және тәрбиелік аспектілер», «Заманауи оқытушы студенттердің көзқарасымен: құзыреттілік және кәсіби даму», «Қазақстан және Ресей ағартушыларының педагогикалық мұрасы» сынды бағыттар қамтылды.Шараға отандық және шетелдік ғалымдар, ғылыми ұйымдардың қызметкерлері мен ЖОО оқытушылары, докторанттар, аспиранттар және магистранттар қатысты.<figure class="image"><img src="https://knadmin.beoblood.kz/uploads/IMGL_4974_8bc0f5ec81.jpg" alt="IMGL4974.jpg"></figure>

Халықаралық ғылыми-тәжірибелік онлайн конференция өтті

<a href="https://kyzylorda-news.kz/">Kyzylorda-news.kz.</a> Кез келген адамның өмірден өзіндік орнын табуға бағыт-бағдар беретін ұлағатты ұстаздың лайықты ізбасары бола білген Ақмарал Жақанова – өз ісінің майталманы саналады. Аяулы ұстаз жақсы менен жайсаңның құтты мекені атанған Сырдария ауданы Ақжарма ауылынының білім ошағында абыройлы қызмет етіп келеді. Өлшеусіз еңбектің жемісін көріп жүрген мақтаулы маманның бойында табандылық пен талапшылдық қасиет басым екенін айта кеткен жөн.Жастайынан өз мамандығын жоғары бағалайтын және шәкірт тәрбиелеу жолында ешнәрседен тайынбайтын Ақмарал Жақанованың 9855 күні мұғалімдік қызметке арналғандығын көпшілік біле қоймас. Яғни, аяулы жан 27 жыл бойы география-биология пәні бойынша шәкірттеріне сабақ беріп келеді. Негізгі арманына қанат бітірген білікті ұстаздың тәжірибесі мол. Оқу-ағарту қызметінің бүге-шүгесіне дейін жатқа білетін оның бірнеше сатыдан тұратын еңбек жолы қиындық пен қызыққа толы десек, қателеспейміз.<blockquote>Үйдегі үлкендердің ақ батасын алып, Қызылорда қаласына оқуға аттанған кезім әлі есімде. Әрине, жоғарғы білім алмастан бұрын бір жыл тәлімгерлік қызметте жүргенім мені барынша шыңдай түсті. Өзіңдей жас мамандардың білсем, көрсем деп алға қарай ұмтылысын байқағанда мен де қарап қалмасым анық. Негізгі қалаған мамандық бойынша білім алып, Қызылқұмдағы білім ошағына жұмысқа орналастым. Жайдарлы мінезінен таймайтын Жұматай ағайдың қамқорлығын сезініп, Іңкәрдария ауылында 1 жыл оқушыларға ұстаз ретінде сабақ бердім. Кейіннен Ақжарма ауылындағы №130 Абай атындағы орта мектепке ауысып, білім саласының қазанында қайнауға кірісіп кеттім. Біліктілік пен білімділік сыналар тұста ізденуден жалықпайтын мен үшін қоғамдық қызмет те таңсық көрінбеді. Осылайша, бірнеше жыл қатарынан «Жалын» тынығу лагерінде аға тәлімгер болу міндеті жүктелді, – дейді ұстаз.</blockquote>Иә, бүгінде білім саласында қажырлығымен жақсы нәтижеге қол жеткізген Ақмарал Жақбарқызының бірнеше шәкірті өз саласының білгірі атана білген. Өз кезегінде ардақты ұстаздың шәкірті Фариза Әбзиева ұстазына арнап жылы лебіз білдірген еді.<blockquote>Білікті ұстаз әрі талантты болса, білім ордасының бағы жанары рас. Сондай жан-жақты ұстаздарға бай білім ошағының бірі №130 Абай орта мектебі екендігі мәлім. Іргелі білім ордасында тәлім алған кезімізде Ақмарал Жақбарқызы кәсіби біліктілігімен даралана білді. «Алдыңа келген оқушыны әңгімелесу арқылы немесе ұнататын бағытын тауып, өзіңе қарай баулу, тарту керек» деген қағиданы ұстанған ұстазымыздан шәкіртіне деген шексіз мейірім көреміз. Негізінен, Ақмарал апай жыл сайын мектепішілік, аудандық, облыстық олимпиадаларға оқушыларды дайындауды дағдыға айналдырған. Үлгілі үрдісі кез келген балаға шабыт сыйлайтыны анық. Оған дәлел, Ақмарал апайымның жол нұсқауының арқасында көптеген білім бәсекелерінде жеңімпаз атануым еді. Асылында, Ақмарал Жақбарқызының өзіне тән коммуникативтік және ұйымдастырушылық деңгейдегі үйлесімді қабілеті бар. Ұстазымыз талап қойғыш, оған қоса мейірбан, жауапкершілігі мол жан ретінде танылған. Үнемі ақыл-кеңесін айтудан жалықпайтын мәртебелі мамандық иесі әріптестерінің, оқушылары мен ата-аналарының арасында айрықша беделге ие, – дейді шәкірті Ф.Әбзиева.</blockquote>Бар уақытын халық баласын оқытуға арнаған білікті ұстазға бір жылдары мектеп директорының тәрбие ісі жөніндегі орынбасары қызметін жүргізу міндеті жүктелген болатын. Күн сайын баланың жүріс-тұрысы, тәртібі негізгі қадағалауда болатын бұл қызметте кейіпкерім тосылып қалған емес. Тікелей ата-анамен байланыс орнатып, жауапкершілігі мол саланы ұршықша иіріп әкеткеніне әріптестері куә. Сан түрлі іс-шараның басы-қасынан табылып, үздіктер қатарынан болуға талпынды. Ұйымдастырушылық қабілетін іске қосып, мектептегі тәрбие ісін ақсатпауға тырысты. Мінезі қиын балалармен ортақ тіл табысып, барлық жағынан ұғысты.Кейіннен мектеп директорының оқу ісі жөніндегі орынбасары қызметіне ауысқан кезінде оқушылардың білім сапасын жақсартуға күш салды. Мықты маман ретінде әріптестерінің ыстық ықыласына бөленді.<blockquote>Менің әріптесім Ақмарал – адамгершілігі жоғары, кәсіби біліктілігін ақыл-парасатымен ұштастыра білген жан. Бірнеше абыройлы қызметті атқара жүріп, республика көлемінде танылып, педагогикалық іс-тәжірибенің озық үлгісін көрсете білді. Жастайынан тәрбие ісі жөніндегі орынбасарлық қызмет атқарып, облыс көлеміндегі бірқатар семинарды жоғары деңгейде өткізді. Бірнеше жыл мектеп директорының оқу ісі жөніндегі орынбасары қызметін де атқарып, біліктілігін тағы бір мәрте дәлелдей түсті. Өзінің тыңғылықты ізденімпаздылығының арқасында әрдайым оқушыға сапалы білім нәрін беретін мұғалім ретінде танылды. Республикалық деңгейдегі марапаттары Ақмаралдың кәсіби деңгейінің жоғары, тәжірибесінің мол екендігіне дәлел бола алады. Мінезі ақжарқын, өз ісіне тиянақты, адал. Сонымен қатар өзінің мұғалімдік іс-тәжірибесіне арқа сүйейтін ол ұжым арасында зор құрметке бөленіп жүр. Ұстаздық қызметінен бөлек ән айтатын қабілеті бар, қазақилығымен ерекшеленетін өнерлі жан. Бірқатар мәдени іс-шараның жоғары деңгейде өтуіне себепші болып, бастама көтеріп жүрген ұлағатты ұстаздардың санатына кіреді. Ұстаздық қызметімен қатар Ақмарал – отбасында сүйікті жар, аяулы ана. Бүгінде 3 баланың анасы отбасының ұйытқысы ретінде берекені келтіріп отыр. Білімін біліктілігімен көрнектей білген ұстазға алдағы еңбек жолының табысты, жемісті болуы үшін тілектестік білдіремін, – дейді әріптесі, қазақ тілі мен әдебиеті пәнінің мұғалімі Айнұр Сәркеева.</blockquote>Оқу-ағарту жүйесінде көптеген реформа жасалып жүргені көпке аян. Баланың білім деңгейін көтеру жолында ұстаздың кәсіби біліктілігін жоғарылату маңызды рөл ойнайды. Әрқашан педагогтың білім сапасын жақсартуға барлық мүмкіндік қарастырылғаны жөн. Осындай біршама талапты орындай білген Ақмарал апай мектепке келген жас ұстазды жігерлендіріп, ынталандырып отырады. Мәселен, математика пәнінің мұғалімі Перизат Әлиакбарова білікті маманнан үйренері көп екендігін алға тартады.<blockquote>Осыдан 9 жыл бұрын №130 Абай атындағы орта мектепке мұғалім болып келгенімде Ақмарал апай мектеп директорының оқу ісі жөніндегі орынбасары еді. Жас маманға деген талабы мол, тәртібі мен қаталдығының арқасында көптеген өзім сияқты жас мамандар айқын тәжірибесін қалыптастыра білді деп ойлаймын. Ол – өз ісіне жауапкершілікпен қарайтын ұстаз. Тапсырылған кез келген істі тыңғылықты тындыруға асығады. Өз басым алтын жүректі ұстазды – жаны таза, ұқыпты адам ретінде бағалаймын. Эстетикалық талғамы жоғары, адамгершілігі биік. Ақыл-парасаты өмірде көрген-білгендігімен ұштасып жатады. Әріптестерімен тату, керек жағдайда көмек қолын соза біледі, ешкімге жамандық ойламайды. Орынды әзіл-қалжыңды сүйеді. Өзіндік мәдениеті жоғары деңгейде екендігін байқата білетін ұстаз, – дейді П.Әлиакбарова.</blockquote>Әр жылдары жоғарғы бірнеше марапатқа қол жеткізе білген Ақмарал Жақанова қазіргі уақытта №130 Абай атындағы орта мектебінің кәсіподақ комитетіне тікелей жауапты. Отбасында ата-ененің, отағасының бабын тапқан кәсіби маман орасан жетістіктерге қол жеткізе бермек. Еңбекқор жан үшін шәкіртінің тілегінен асқан жетістік жоқ екені аян.<blockquote>Ақмарал апай біздерге білім беріп қоймай, барлық жағынан үлгі болды. Асыл апайымыз бізге 2001-2007 жылдар аралығында биология пәнінен сабақ берді. Біз мектепте биология пәнінен тереңдетіліп оқытылған сынып болған едік. Әрбір сабағын өзгеше етіп, топтық жұмыстармен, пікір алмасу түрінде, тест түрінде жалықтырмай, шеберлікпен қызықты етіп өткізетін. Ұстаздың өз мамандығына деген қызығушылығының жоғары болуынан сыныпта барлық оқушының ерекше ынталанып, қызыға оқитын пәні биология болды. Ол кісі үй тапсырмасына тақырыпқа сай кітапша құрастыруға беретін еді. Сан түрлі әдіс-тәсіл оқушылардың пәнге деген қызығушылығын арттырып, ізденіс пен шығармашылық қабілетімізді оята білді. Ақмарал апайдың оқушылары көптеген олимпиадаларда, білім бәсекелерінде жүлделі орын алып, өзі қалаған мамандықтары бойынша грантпен оқуға түседі. Бұл ұстазымыздың тәжірибелі маман екенін білдіреді және тынымсыз еңбегінің жемісі десек артық айтқандық емес, – дейді шәкірті Салтанат Қожахмет.</blockquote>Қолымызға қалам алып, мақаланы жазу барысында бізге пікір білдіріп, білім қызметкері туралы орамды ойлар айтқан ұстаздың қос шәкірті – жоғары білімді жандар. Бірі – мұғалім болса, екіншісі – дәрігер.Білікті маман Ақмарал Жақбарқызының жолдасы Серік Мұстафаев – музыка пәнінің мұғалімі. Жарасымды отбасындағы қос ұстаздың перзенттері оқуда озат, өнерге құштар. Мамандығынан ерекше серпіліс алатын ардақты ұстаздың жұмысына сәттілік тілейміз!&nbsp;

Ақмарал Жақанова: Білікті ұстаз әрі талантты болса, білім ордасының бағы жанады  

<a href="https://kyzylorda-news.kz/">Kyzylorda-news.kz.</a> Еліміздің ғылым саласында жағымды жаңалық жарияланды. 2023 жылы 27 наурызда ҚР Президенті «ҚР Ұлттық ғылым академиясының кейбір мәселелері туралы» Жарлыққа қол қойды. Сол бойынша Ұлттық Ғылым академиясына мемлекеттік мәртебе беріліп, ғылым ордасы «ҚР Президентінің жанындағы Ұлттық ғылым академиясы» деп аталды. Ұлттық ғылым академияның басшысын Президенттің өзі тағайындайды және қызметтен босатады деп көрсетілді. Соған ілесе 8-ші сайланған ҚР Парламентінің 1 сессиясының ашылуында сөйлеген сөзінде Мемлекет басшысы Қасым-Жомарт Тоқаев еліміздегі ғылымның дамуы туралыатап өтті.&nbsp;Мемлекет басшысы: &nbsp;Қазақстан экономикасы ғылыми жетістіктерді негізге алу керек, зерттеу жүргізіп, патент алу жеткіліксіз,ғылыми &nbsp;жаңалықтарды өндірісте пайдалану қажет, - деді. Экономиканы әртараптандыру ғылыми негізделуі керектігін, әсіресе өңдеу өнеркәсібін инновация мен жоғары технология арқылы дамытукеректігін атап көрсетті. Сонымен бірге, ғылымды жан-жақты дамыту үшін заң қабылдау туралы тапсырма берілді.&nbsp;Осы орайда айта кету керек, қазіргі таңда министрлік &nbsp;тарапынан ғылым мен өнеркәсіпті байланыстыру үшін үлкен жұмыстар жүргізілуде. Министрлікте жаңа заң жобасы дайындалуда. Сондай жұмыстардың &nbsp;бірқатары -Ғылым туралы заңға өзгерістер енгізу және отандық өндіріспен байланысты нығайту, ғылыми нәтижені өндіріске енгізу, өндірісте жаңа технологияларды белсенді қолдану, әсіресе экономика салалары бойынша ақпараттық технологияларды енгізу қолға алынып, үлкен жұмыстар жүргізілуі қажет. Осының бәрі отандық ғылымды дамытудың негізгі бағыттары.&nbsp;Өткенжылы ҚР Ұлттық Ғылым академиясының 75 жылдығына арналған салтанатты жиында Мемлекет басшысы Қасым-Жомарт Тоқаев ғылыми қызметпен тікелей айналысатын ғалымдарға қолдау көрсету керектігін, егер біз ғылымды таңдамасақ, ғылымды таңдаған ел бізді таңдайды деген қағиданы басшылыққа алмасақ, озық елдерге тәуелді болып өмір сүру жалғаса беретінін, Ұлттық ғылым академиясы ғылыми ой-тұжырым орталығына және сараптама жасайтын беделді мекемеге айналуға тиіс екенін айтқан болатын.&nbsp;Міне, соңғы уақыттарда еліміздің ғылымына, ғалымдарға мемлекет тарапынан жасап жатқан қолдаулар қоғамда ерекше орын алатын, ғылымның дамуына жаңа серпін әкелетін, ғалымдар көптен күткен айтулы жаңалық болып отыр.Қылышбай БИСЕНОВ, техника ғылымдарының докторы, профессор, ҚР ҰҒА академигі, Қазақстан Ұлттық құрылтайының мүшесі.

Қазақстан ғылымын дамытудағы тарихи шешім

<a href="https://kyzylorda-news.kz/">Kyzylorda-news.kz.</a> 1 сәуірден бастап бірінші сыныпқа қабылдау үшін өтініш беру басталып, тамыздың 1-не дейін жалғасатын болады. Мемлекеттік білім беру қызметі egov.kz электрондық үкімет веб-порталы арқылы мен жергілікті атқарушы органдардың ақпараттық жүйелерінде қолжетімді.&nbsp;Балалар бірінші сыныпқа алты жастан бастап ата - анасы немесе заңды өкілінің өтініші негізінде қабылданады. Өтінішпен бірге &nbsp;№065у формасындағы денсаулық жағдайы туралы анықтама, 026/у-3 баланың денсаулық паспорты және баланың екі дана 3*4 фотосуреті болу керек. Өтініш демалыс және мереке күндерді қоспағанда, дүйсенбіден жұмаға дейін қабылданады. Сондай – ақ 1-2 сәуір демалыс күндері, демек өтініштер 3 сәуірден бастап қаралады, –деді облыстық білім басқармасының мектепке дейінгі және орта білім бөлімінің бас маманы Қарлығаш Әнуарова.Айта кетейік, облыс бойынша алдағы жаңа оқу жылында 17 543 қызылордалық бала бірінші сыныпқа барады деп күтілуде.

Қызылорда: Жаңа оқу жылында 17 мыңнан астам бала бірінші сыныпқа барады

<a href="https://kyzylorda-news.kz/">Kyzylorda-news.kz.</a> Өзбекстан Республикасының Алматы қаласындағы Бас консулы Аброр Фатхуллаев Қызылорда облысына жұмыс сапарымен келді. Сапар барысында Аброр Джахангирұлы Қорқыт ата атындағы Қызылорда университетінің профессор-оқытушылары, білім алушыларымен кездесті.Жиында Басқарма мүшесі – Ғылыми жұмыстар және халықаралық байланыстар жөніндегі проректор Майнұр Бөрібаева Өзбекстан Республикасының жетекші университеттерімен байланыс нығая түскенін атап өтті.Университет делегациясы жуырда Өзбекстан Республикасына жұмыс сапарымен барып, жоғарғы оқу орындарымен бірлескен білім беру бағдарламасын жүзеге асыру туралы келісімге келді.&nbsp;<blockquote>«Ташкент ирригация және ауыл шаруашылығын механизацияландыру инженерлері институты» Ұлттық ғылыми-зерттеу университетімен қос дипломды/мамандарды даярлау бойынша келісім жасалды. Алдағы уақытта қос университет 7 білім беру бағдарламасы бойынша маман даярлайды. Сондай-ақ, бірқатар жоғарғы оқу орындарымен ынтымақтастық туралы меморандумға қол қойылды», – деді Майнұр Бөрібайқызы.</blockquote>Кездесу барысында Аброр Фатхуллаев екі елдің достығы жарасқан, бауырлас халықтар екенін ерекше атап өтті. Қызылорда облысында су шаруашылығы, мелиорация, аграрлық технология салалары бойынша жоғары білікті, кәсіби мамандар даярланатынына тоқталып, бірлескен жұмыс өз нәтижесін беретініне сенім білдірді.Жиында екі елдің білім саласындағы ынтымақтастығын арттыру мәселелері талқыланды.&nbsp;Айта кету керек, қазіргі уақытта Өзбекстан Республикасынан келген бірнеше студент Қорқыт ата атындағы Қызылорда университетінде білім алуда.&nbsp;<figure class="image"><img src="https://knadmin.beoblood.kz/uploads/Whats_App_Image_2023_03_30_at_18_27_09_ac923ba5a6.jpeg" alt="WhatsApp Image 2023-03-30 at 18.27.09.jpeg"></figure><figure class="image"><img src="https://knadmin.beoblood.kz/uploads/Whats_App_Image_2023_03_30_at_18_27_10_1_4145a01869.jpeg" alt="WhatsApp Image 2023-03-30 at 18.27.10 (1).jpeg"></figure>

Өзбекстан Республикасының Алматы қаласындағы Бас консулымен кездесу өтті

<a href="https://kyzylorda-news.kz/">Kyzylorda-news.kz.</a> Адам баласы үшін ұстаздан асқан ұлы мамандық, мұғалім болудан үлкен мәртебе жоқ. Себебі шәкірті бір белесті бағындырып, діттеген арман-мақсатына жетіп жатса, дереу ұстазының еңбегі екенін айтар еді. Міне, сондай ұлағатты жанның бірі – Сәрсен Тәжиев.Ол өзі таңдаған төл мамандығы – дене тәрбиесі мұғалімі болып 40 жылдан астам уақыттан бері еңбек етіп келеді. Бұл пән басқа пәндерден өзгерек. Иә, жасыратыны жоқ, көбі дене шынықтыру пәнінен оңайы жоқ деп ұғынар. Алайда, бойын билей алмаған жан, ойын да билей алмайды деген тәмсілді ұмытпаған ләзім. Қашанда «Бірінші байлықты – денсаулық» деп ұғынған біздер үшін дене тәрбиесі пәнінің бәсі биік.Сәрсен Жахманұлы 1960 жылы 3 қаңтарда Майлытоғай ауылында дүниеге келген. Ол жастайынан білімге құштар, еңбекке икемді болып өсті. 1967-1977 жылдары «КИМ» орталау мектебін оқып, тәмәмдаған. Алғаш еңбек жолын 1979 жылы №141 «КИМ» орта мектебінің жанындағы интернатта тәрбиеші болып бастаған. Дәл сол жылдан бастап 1981 жылға дейін Отан алдындағы борышын адал атқарып келеді. Келгеннен соң 1982-1984 жылдар аралығында Қарағанды дене шынықтыру және спорт техникумында «Дене тәрбиелеу мұғалімі» мамандығы бойынша білім алады. 1984 жылдан бастап №153 Тартоғай орта мектебінде дене шынықтыру пәні мұғалімі болып қызмет етеді. Білім ордасында 1 жыл жұмыс атқарғаннан кейін 1985 жылы аталған мамандығы бойынша №141 «КИМ» орта мектебіне ауысады. Араға жылдар салып, өз біліктілігін арттыру үшін Қазақстан-Ресей университетінде «Дене шынықтыру бойынша педагог» жоғары білімін оқыпты.Ұлағатты ұстаз пікірінше, дене тәрбиесі баланы бәрінен де бұрын адалдыққа, шыдамдылыққа, төзімділікке тәрбиелейді екен. Тиісінше кейіпкеріміз де өмір бойы адал еңбекті пір тұтыпты. Солармен қосыла жаттығып, жүгірудің техникасын талмай үйретіп, теория мен практиканы ұштастыра білген оның бірде-бір сабағы қызықсыз өтіп көрмеген-ді. Өйткені ол сабақ жоспарын, яғни өзге пәндердей кіріспе, негізгі, қорытынды бөлімнен тұратын міндеттемені жүз процент меңгеруге күш салды. Бүгінгі таңда кейіпкеріміздің бағындырған белестері мен жеткен жетістіктері де аз емес. Қазақта «Ұстазы жақсының ұстамы жақсы» деген нақыл бар. Осы сөз Сәрсен Тәжиевке арналғандай көрінеді. Себебі оның шәкірттері де шетінен мықты. Талай білім сайыстары мен олимпиадаларда топ жарып жүр. Өзі тәрбиелеген Н.Асанов, А.Шаймерденов, Ш.Бекболатов, Қ.Тұрсынбай, Б.Шерғазиев сынды бірқатар шәкірттері ұстаз жолын қуып, дене шынықтыру пәнін таңдаған. Ол өзі 2016 жылы аймақтық волейбол жарысында жүлдері ІІІ орын иеленді. 2018 жылы Қызылорда облысы волейбол федерациясының Алғыс хатымен марапатталған. Бір сөзбен айтқанда, 1979-2023 жылдар аралығында түрлі деңгейдегі спорттық жарыстардан жүлделі орындарды олжалап жүр.<blockquote>«Жалпы ұстаз болу – кез келгеннің қолынан келе бермейтін ауыр міндет. Біз оқушыға тек ұстаз ретінде ғана емес, ата-анасындай болуға да тырысамыз. Шәкірт тәрбиелеу дегеніміз – оны биікке жетелеу, қанаттандыру, оған бойыңдағы бар біліміңді беру деген сөз. Бұл тек ұлағатты ұстаздың ғана қолынан келетін қасиет. Ұстаз – білмегеніңді үйрететін, қатені түзейтін, бар білімін шәкірт санасына құятын адам. Міне, әр ұстаз осыған лайық болуға тырысады», – дейді Сәрсен Жахманұлы.</blockquote>Сәрсен Жахманұлы бүгінде тамыры терең, жапырағы жайқалған бәйтерек іспетті. Ошақтың отын бірге тұтатқан ­зайыбы Зураш Бегалықызымен 3 ұл, 1 қыз сүйіп, мол тәрбиесін беріп, барлығын жоғары білімді азамат етіп шығарды. Балаларының бәрі өмірде өз орнын тапқан, бір-бір шаңырақ иелері. 11 немеренің сүйікті атасы. Бір өкініштісі, бірнеше жыл бұрын құдай қосқан қосағы Зураш жеңгей өмірден озды. Шерағаң айтқандай, бір кем дүние!Әңгімемізді тұжырымдай келе, қадірлі ұстаз, пайғамбар жасына келген жайсаң жан Сәрсен Тәжиевке және ұрпақтары мен жақын-жуықтарына аманшылық пен көңіл-хошын тілейміз. Бұл ақжарма тілекке кейіпкерімізді білетін жұртшылық пен ұжымдары да қосылады деп білеміз.

Сәрсен Тәжиев: Дене тәрбиесі - адалдыққа, төзімділікке тәрбиелейді 

Жарқын болашақ – сапалы білімде

<a href="https://kyzylorda-news.kz/">Kyzylorda-news.kz.</a>&nbsp; Жаңа оқу жылында 400 мыңнан астам бала бірінші сыныпқа барады. Бірінші сыныпқа қабылдау үшін өтініш беру 1 сәуірде басталып, тамыздың 1-не дейін жалғасады, деп хабарлайды ҚР Оқу-ағарту министрлігінің баспасөз қызметі.Мемлекеттік білім беру қызметі&nbsp;<a href="http://egov.kz/">egov.kz</a>&nbsp;электрондық үкімет веб-порталы арқылы мен жергілікті атқарушы органдардың ақпараттық жүйелерінде қолжетімді.<blockquote>«Балалар бірінші сыныпқа алты жастан бастап ата-анасы немесе заңды өкілінің өтініші негізінде қабылданады. Өтінішпен бірге №065у формасындағы денсаулық жағдайы туралы анықтама, 026/у-3 баланың денсаулық паспорты және баланың екі дана 3*4 фотосуреті болу керек. Өтініш демалыс және мереке күндерді қоспағанда, дүйсенбіден жұмаға дейін қабылданады. Сондай – ақ 1-2 сәуір демалыс күндері, демек өтініштер 3 сәуірден бастап қаралады», –дейді орта білім комитетінің бас сарапшысы Ерлан Маемеров.&nbsp;</blockquote>Жаңа оқу жылында 400 мыңнан астам қазақстандық бала бірінші сыныпқа барады.

Балаларды 1-сыныпқа беру туралы өтінішті қабылдау мерзімі жарияланды

<a href="https://kyzylorda-news.kz/">Kyzylorda-news.kz.</a>&nbsp;&nbsp; Күлбарам Сәдуақасқызы атындағы химиялық білім беру ғылыми-әдістемелік орталығында Қорқыт ата атындағы Қызылорда университеті мен Абылай хан атындағы №140 қазақ орта мектебінің бірлескен «Жаратылыстану пәніндегі киберпедагогика әдіс-тәсілдері» атты облыстық көшпелі тәжірибе алаңы өтті.&nbsp;Көшпелі тәжірибе алаңының кіріспе сөзін Академиялық мәселелер бойынша Басқарма мүшесі – проректор Дана Абдрашева &nbsp;алды.<blockquote>- ХХІ ғасырдағы адамды тәрбиелеу мен оқытудың өзекті мәселелерін шешуде, тиімді білім беруде киберонтологиялық тәсілді қолдану өте маңызды. Киберкеңістік адам өмірінің жаңа ортасы және әлеуметтік өзгерістер факторы ретінде сипатталатындығы барлығымызға аян, - деді Дана Мирамқызы.</blockquote>Тәжірибе алаңында &nbsp;жаратылыстану пәндерін, оның ішінде &nbsp;химия, биология, география пәндерін оқытуда киберпедагогика әдіс–тәсілдерін меңгертуге бағыт-бағдар беру, жан-жақты методикалық көмек беру бағыттары талқыланды.Химия пәнінде зертханалық жұмыстар, биологияда метатанымдық үдерістер, ал география саласында жалпы геосфералық өзгерістер мен практикалық қолданыстар тақырыптары қазіргі таңда білім беру жүйесінде өте өзекті. Осы тақырыптардың жан-жақты ашылуы мақсатында «Биология, география және химия» кафедрасының оқытушылары, &nbsp;х.ғ.к. Г.Балықбаева «Химиядағы аналитикалық әдістер», п.ғ.м Г.Р. Унгарбаева &nbsp;«Биологиялық білім берудегі метапәндік нәтижелер», г.ғ.к., О.Т.Айдаров «Цифрлық білім беру геосферасы» тақырыптарында шеберлік сыныбын көрсетті. Әріптестік тәжірибе алмасып, мектеп ұстаздарына пәнді оқытудағы методикалық әдіс – тәсілдерімен бөлісті. Қатысушалардың ұсыныс-пікірлері тыңдалып, талқыланды.Кездесуде Қорқыт &nbsp;ата атындағы Қызылорда университетінің «Химия, биология, география» кафедрасының зертханалық-техникалық базасымен танысты. Қорытындылай келе, Жаратылыстану институтының директоры, х.ғ.к. Нұрлыбек Ахатаев қатысушы әріптестерге алығысын білдіріп, алдағы уақытта өндірістік байланысты нығайтуға шақырды.<figure class="image"><img src="https://knadmin.beoblood.kz/uploads/Whats_App_Image_2023_03_27_at_12_27_02_e049435f3c.jpeg" alt="WhatsApp Image 2023-03-27 at 12.27.02.jpeg"></figure>&nbsp;<figure class="image"><img src="https://knadmin.beoblood.kz/uploads/Whats_App_Image_2023_03_27_at_12_26_58_f33d44abb0.jpeg" alt="WhatsApp Image 2023-03-27 at 12.26.58.jpeg"></figure>

Университетте облыстық көшпелі тәжірибе алаңы өтті

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университеті Өзбекстанның жетекші университеттерімен меморандумға қол қойды. Бұл туралы Өңірлік коммуникациялар қызметінің ақпараттық алаңында өткен брифингте Қорқыт ата атындағы Қызылорда &nbsp;университеттің &nbsp;проректоры Майнұр Бөрібаева хабарлады.&nbsp;<blockquote>«Ташкент ирригация және ауыл шаруашылығын механизацияландыру инженерлері институты» Ұлттық ғылыми-зерттеу университетімен қос дипломды мамандарды даярлау бойынша бірлескен білім беру бағдарламасын жүзеге асыру туралы келісім мен іс-шаралар жоспары жасалды. Алдағы уақытта қос университет 7 білім беру бағдарламасы бойынша білім береді. Бұған қоса, &nbsp;Ташкент мемлекеттік экономика университеті жанындағы Профессор-оқытушылар құрамын қайта даярлау және біліктілігін арттыру салалық орталығы арасында ынтымақтастық туралы меморандумға қол қойылды. Сондай-ақ, осы орталықтың базасында Қорқыт ата атындағы Қызылорда университеті өкілдігін ашу туралы келісім жасалды. Мұнан өзге, әлемнің 30-дан астам тілінде тілдік лингвистикалық оқытуды қамтамасыз ететін Самарқанд мемлекеттік шет тілдер институтымен SamSIFL ынтымақтастық туралы меморандумға қол қойылды. Сапар барысымен барған қызылордалық делегация Өзбек мемлекеттік әлем тілдері университетіне де барып, бірлескен білім беру бағдарламаларын құру мүмкіндіктері туралы келісімге қол жеткізілді», - деді Майнұр Әбілтайқызы.&nbsp;</blockquote>Брифингте университеттің Коммерцияландыру бөлімінің басшысы Нұржан Еділбаев университет өкілдері Орталық Азиядағы ең ірі технопарк қызметімен танысып, білім алушыларды &nbsp;тәжірибеден өткізу, қызметкерлердің білікітілігін арттыру және т.б бағыттар бойынша өзара жұмыс жүргізу жөнінде келісімге келгенін атап өтті.&nbsp;Айта кету керек, өткен оқу жылында шетелдегі қазақ жастарына арнап 10 білім грант бөлінсе, биыл 100-ге жуық білім гранты тағайындалмақ. Осылайша, Қорқыт ата атындағы Қызылорда университеті Өзбекстан Республикасындағы университеттер мен ұйымдардың инфрақұрылымымен, ғылым мен инновациядағы жетістіктермен, университеттердің академиялық саясатының ерекшеліктерімен танысып, шетелдік мықты университеттермен байланысты нығайта түсті.<figure class="image"><img src="https://knadmin.beoblood.kz/uploads/l_ef299819c8.jpg" alt="л.jpg"></figure>

Қорқыт ата атындағы Қызылорда университеті Өзбекстанның жетекші университеттерімен байланысты нығайтуда

<a href="https://kyzylorda-news.kz/">Kyzylorda-news.kz.</a> Қырғыз Республикасының астанасы Бішкек қаласында «Қазіргі жағдайдағы сот сараптамасының теориясы мен практикасының өзекті мәселелері». Мемлекеттік емес (тәуелсіз) сот сараптамасы Сот төрелігінің балама құралы ретінде" атты бірінші халықаралық конференция өтті.Ауқымды шараға Армения, Беларусь, Грузия, Молдова, Ресей, Өзбекстан және Қазақстанның мемлекеттік және жеке ұйымдарының сарапшылары шақырылды. Еліміздегі Алматы қаласының сараптамалық компаниясының директоры А. Еспаев және Қорқыт ата атындағы Қызылорда университетінің криминалистикалық зертханасының меңгерушісі М.Садықов қатысты.Қырғыз тарапынан заң шығарушы органдар, криминалистика және сот сараптамасы саласындағы жетекші ғалымдар және мемлекеттік емес ұйымдардың сарапшылары жасады. Сот-сараптама қызметі саласындағы заңнамалық базаны жақсарту бойынша идеялар мен ұсыныстар айтылды.Спикерлер республикамызда сот сараптамасының даму деңгейі техникалық жарақтандыру бойынша да, ғылыми әзірлемелердің жай-күйі бойынша да әртүрлі деңгейде екенін атап өтті.Жиында барлық сарапшылар криминалистика және сот сараптамасы саласында бірыңғай сараптамалық ақпараттық кеңістік құру туралы бірауыздан шешім қабылдады.<figure class="image"><img src="https://knadmin.beoblood.kz/uploads/Whats_App_Image_2023_03_24_at_17_56_38_2_d7874638c2.jpeg" alt="WhatsApp Image 2023-03-24 at 17.56.38 (2).jpeg"></figure>&nbsp;<figure class="image"><img src="https://knadmin.beoblood.kz/uploads/Whats_App_Image_2023_03_24_at_17_56_38_dbbbfa043f.jpeg" alt="WhatsApp Image 2023-03-24 at 17.56.38.jpeg"></figure>

Қызылордалық ғалым Қырғызстанда өткен конференцияға қатысты

<a href="https://kyzylorda-news.kz/">Kyzylorda-news.kz.</a> Бүгін М.Мәметова атындағы Қызылорда педагогикалық жоғарғы колледжінде қоғам қайраткері Темірбек Жүргеновтің 125 жылдық мерейтойын атап өту және ұйымдастыру бойынша іс-шаралар жоспарына сәйкес «Тарих. Тағдыр. Тұлға» атты рухани-танымдық шара өтті.Шараның мақсаты – Темірбек Жүргеновтің есімі тек қана қазаққа ғана емес, иісі түркі жұртына мәлім, Орта Азия мен Қазақстанға ортақ тұлға, аса көрнекті қоғам және мемлекет қайраткері, қаламы қарымды сыншы, көсемсөз иесі еңбектерін жас ұрпаққа таныстыру,қазақ мәдениеті мен тарихындағы еңбектерін насихаттау, есімін ұлықтау.Танымдық шараға Т.Жүргенов қоғамдық қорының хатшысы Ә.Жұмағұл, Қызылорда облыстық тарихи өлкетану музейінің бөлім меңгерушісі Э.Н.Сағитжанова, Қызылорда облысының мемлекеттік архивінің қызметкерлері А.Б.Әлиасқарова, А.Н.Елемесова және колледж оқытушылары мен студенттері қатысты.&nbsp;Іс-шара барысында Т.Жүргенов қоғамдық қорының хатшысы Ә.И.Жұмағұл арда азамат туралы арнайы баяндама жасап, қайраткердің республика тарихында алар қоғамдық-саяси орны, қаламгерлік мұрасы, жас ұрпаққа берер өнегесі туралы кең ауқымда әңгімеледі. Сондай-ақ, колледжіміздің тарих пәнінің оқытушысы Н.Бегалиева Т.Жүргеновтің қайраткерлік, қаламгерлік, азаматтық болмысы жайында ой-толғамдарын тарқатып айтып берді. Еліміздегі білім, ғылым, мәдениет саласының дамуына зор үлес қосқан тұлғаның &nbsp;қазіргі белгілі оқу орындар мен театрлардың іргетасын қалауына ұйытқы болуы, ұлттық интеллигенцияның кеңірек қалыптасуына сеп болғаны жайында сөз қозғалды. Сонымен бірге қайраткерлік, ғалымдық қиын да, қызықты жолы мен педагогикалық ұстанымдары, жеке өмірі, отбасы жөнінде тың мәліметтер ортаға шықты. &nbsp;Шара соңында қазақ өнері мен білімін дамытуға үлкен үлес қосқан Темірбек Жүргеновтің тағылымы мол өнегелі ғұмырын кейінгі өскелең ұрпаққа кеңінен насихаттау мақсатында арнайы көрме ұйымдастырылып, облыстық музей қорындағы 60 жуық фотосурет мен архивтік құжаттары мен кітаптары қойылды.&nbsp;<img src="https://knadmin.beoblood.kz/uploads/337521543_912256400096553_3682801673887111668_n_08499893f2.jpg" alt="337521543_912256400096553_3682801673887111668_n.jpg"><img src="https://knadmin.beoblood.kz/uploads/337180470_842676914053429_8248650479774077917_n_4cb8263d34.jpg" alt="337180470_842676914053429_8248650479774077917_n.jpg"><img src="https://knadmin.beoblood.kz/uploads/336919641_916601062794813_7887284240628064418_n_a8288ef847.jpg" alt="336919641_916601062794813_7887284240628064418_n.jpg">

Қазақстан және Қызылорда облысының жаңалықтары: Білім