<a href="https://kyzylorda-news.kz/">Kyzylorda-news.kz.</a>&nbsp;Ұлы Жеңіс күні қарсаңында Қызылорда қаласындағы Зияткерлік мектеп қауымдастығы аймақтағы ҰОС ардагерлерінің шаңырағында болып, мерекемен құттықтады.Бүгінде Қызылорда облысында көзі тірі небәрі 6 соғыс ардагері қалды. Соның бірі - Төлеген Жүнісов. Майдан даласында атқыштар полкінде шайқасып, оқ пен оттың арасынан аман қалған қаhaрманмен тілдесу - оқушылар үшін тарихи ұмытылмас сәт болды. Жас зияткерлер ардагерге өз алғыстарын білдіріп,сый-құрмет жасады.<blockquote>«Осындай бейбіт өміріміз бен бақытты болашағымыз үшін ардагерлерімізге алғысымызды білдіреміз. Отан қорғаушылардың ерліктері мәңгілік есте қалады. Және ұрпақтан ұрпаққа үлгі-өнеге болып жалғаса береді. Батырларымызға мықты денсаулық, ұзақ ғұмыр тілейміз», - деп тілегін жеткізді 9 «В» сыныбының оқушысы Айым Тәуекел.</blockquote>Отты жылдардың бел ортасында болып, соғысты басынан өткерген тағы бір тарихи тұлға - Әбдірахман Байтиков. Курск түбіндегі шайқаста көрсеткен ерлігі үшін Ұлы Отан соғысы Батыры атағына ие болған майдангерге оқушылар шапан жауып, мектеп директорының Алғыс хатын жеткізді.«Ардагерлерді ардақтайық» акциясы аясында мектеп қауымдастығы аймақтағы барлық ардагерлердің шаңырағына барып, сый-құрмет көрсетті. Өз кезегінде майдангерлер ризашылықтарын білдіріп, ақ батасын берді.

Қызылордадағы NIS оқушылары ардагерлерге құрмет көрсетті

<a href="https://kyzylorda-news.kz/">Kyzylorda-news.kz.</a>&nbsp;Қызылорда қаласы бойынша білім бөлімінің басшысы Ерлан Теңізбайұлы мен қалалық кәсіподақ комитетінің төрағасы Орынша Міржақыпқызы және қалалық білім бөлімінің мамандары Әли Мүсілімов атындағы №101 мектеп-лицей ұжымымен кезектен тыс педагогикалық кеңес өткізді.&nbsp;Жалпы 2022-2023 оқу жылында мектепте 94 сынып комплектісі бойынша ІІІ ауысымда 2307 оқушы білім алуда. Бүгінде мұнда 89 зерттеуші, 57 сарапшы, 51 модератор мұғалім оқушыларға білім беруде.&nbsp;Жиында мектеп директоры Айгүл Алтынбекқызы өткен жылы атқарылған жұмыстар мен мектептің даму жоспары туралы баяндама жасады.&nbsp;Мектеп-лицейдің жалпы білім беретін пәндер бойынша қалалық, облыстық олимпиададағы жетістіктері мен ғылыми жобалар байқауларындағы толағай табыстары, оқушылар мен ұстаздардың шығармашылық жетістіктері туралы республика, Халықаралық деңгейде мектеп абыройын асқақтатып жүрген шәкірттері туралы сөз етілді.Сонымен қатар педагогикалық кеңесте 2023-2024 оқу жылына арналған мұғалімдердің &nbsp;болжамды сағат жүктемесі мәселесі де талқыланды.&nbsp;Бүгінде Әли Мүсілімов атындағы №101 мектеп-лицейінде салынған 375 орындық бастауыш сыныпқа арналған құрылыс та аяқталуға жақын. Нәтижесінде оқушы тығыздығы, мектеп тарлығынан болған қиындық та шешімін тауып, жаңа, заманауи ғимаратқа кіргелі отыр. Бұл өз кезегінде сынып жетіспеушілік мәселесін шешетін болады.&nbsp;Ерлан Теңізбайұлының ұжымға барып, жұмыс барысымен, оқу ағынымен танысып, ашықтық пен жариялылықта кері байланыс орнатқаны алдағы уакытта да «бір жағадан бас, бір жеңнен қол» шығаратын ынтымақты ұжымның іргелі істері арқылы алғы шептен көрінуіне үлкен серпін бермек.Сонымен қатар жиында мұғалімдердің сағат жүктемесі мәселесі талқыланды. Бөлім басшысы мектеп ұстаздарымен кері байланыс жасап,ұсыныс-пікірлерін білдірді.Әли Мүсілімов атындағы №101 мектеп-лицей &nbsp;қосымша 375 орындық бастауыш сыныпқа арналған қосымша құрылыс жұмыстарының жүргізіліп жатқанын айта кету керек.<img src="https://knadmin.beoblood.kz/uploads/346459291_190038890620561_1148185905292847117_n_8c2b9f6f07.jpg" alt="346459291_190038890620561_1148185905292847117_n.jpg">

Қызылорда қалалық бөлімнің басшысы мектепте кезектен тыс педагогикалық кеңес өткізді

<a href="https://kyzylorda-news.kz/">Kyzylorda-news.kz.</a> Қазалы көлік-техникалық жоғары колледжі кітапханасында кітапханашы Сәуле Сүгірованың ұйымдастыруымен «Оқуға кұштар колледж» іс-шаралар жоспарына сәйкес «Тамыры терең, тарихы кенен – Қазалым» тақырыбында таным сағаты өтті.&nbsp;Бұл шараның мақсаты – студенттердің туған жерге, туған ауылға деген сүйіспеншілігін арттыру, туған ѳлкенің байлығы, алуан түрлі табиғаты туралы түсінік беру. Отанынды қорғай білуге, табиғатты аялауға, таланты ақындардың ѳлеңдері мен ата-бабаларымыздың ѳнеге етіп қалдырған даналық сѳздері арқылы студенттерді ұлтжандылыққа, атамекенін кѳздің қарашығындай сақтай білуге тәрбиелеу.<blockquote>«Сыр елінің экономикасы мен әлеуметтік дамуында Қазалы ауданының алар орны ерекше. Астарына үңілсең көптеген деректі кезіктіресіз. Ұлан байтақ қазақ даласында мұндай қастерлі орындар көп. Қазақылықтың қаймағы бұзылмаған Сыр бойында осындай жер-су атаулары жетерлік. Мәселен, өзіміз тұратын аудан туралы «Тарихы терең, тамыры кенен – Қазалы», «Қасиетті Қазалы», «Қазыналы Қазалы» деген тіркестерді жиі қолданамыз. Қазалы атауына байланысты мына бір болжам да аракідік айтылып қалады. Ол көне Жанкент шаһарына қатысты. Бұл қаланың тарихы жайлы айтылар әпсана аз емес. Солардың бірі – Бегім сұлу оқиғасы. Бегім – Жанкенттің билеушісі Санжардың әйелі. Көрікті жарын қызғанған Санжар оның бір қолы мен бұрымын қырқып тастайды. Бегім сұлудың ақтығы дәлелденіп, қолы мен бұрымы бұрынғы қалпына қайта келген екен. Қызының жазықсыз зәбір көргеніне көзі жеткен Қарабура әулие күйеу баласы Санжарға налиды. Жазықсыз жабылған жаладан әйеліне опасыздық жасаған ханның қаласына жыландар шабуыл жасайды. Қайғылы оқиға салдарынан қаза болғандар көп болған екен. Сондықтан бұл аймақ Қазалы аталып кеткен деседі», – деп кітапханашы Сәуле Сүгірова сутденттерге туған өлке тарихынан сыр шертетін бірнеше деректерді тілге тиек етті.&nbsp;</blockquote>Таным сағаты кезінде студенттер арнайы жасақталған көрмені тамашалап,жергілікті ақын-жазушылардың кітаптарымен танысты. Қойнауы құтқа оранған қасиетті топырақ туралы көнекөздерден қалған естелік сөздерді тыңдады.&nbsp;

Туған жерді дәріптеуге арналған таным сағаты

<a href="https://kyzylorda-news.kz/">Kyzylorda-news.kz.</a>&nbsp; Қызылорда қаласындағы №285 мамандандырылған мектеп-лицей-интернатында «Әке – асқар тау» тақырыбында волейболдан жарыс өтті.&nbsp;Жобаның мақсаты білім алушылардың отбасылық және әлеуметтік құндылықтары мен құзыреттерін қалыптастыруда отбасы, мектеп, әлеуметтік серіктестердің өзара ынтымақтастығын орнатуға жағдай жасау, балалар тәрбиесінде отбасы рөлін көтеру.Мектеп-лицей-интернат директоры Балзия Абдуллаева жарысқа қатысушыларға сәттілік тілеп жобаның маңызы зор екенін атап өтті.Жарысқа 4 команда қатысып, ойын қызықты, тартысты өтуіне ат салысты. «Әкелер академиясы» жобасы аясында ұйымдастырылған турнир соңында I орынды 7 «А» сыныбының «Қыран» әкелер командасы, II орынды 8 «А» сыныбының «Көк бөрі» әкелер командасы, III орынды 7 «Ә» сыныбының «Тұлпар» әкелер командасы иеленді. Алғыс хатпен 8 «Ә» сыныбының «Достық» командасы марапатталды және сайыста ерекше ойын тактикасымен көзге түскен Бауыржан Баймаханға «Үздік ойыншы» номинациясы берілді.

«Әкелер академиясы»: Мамандандырылған мектепте волейболдан жарыс өтті

<a href="https://kyzylorda-news.kz/">Kyzylorda-news.kz.</a>&nbsp;Қазіргі таңда балалардың көпшілігінің көңілі компьютерлік ойындарға бейім тұратындығына қарамастан, кітап әлеміне құштарлықты жоққа шығаруға болмайды. Әдеби кітапты оқу арқылы әсерлі сезімге, ерекше көңіл күйге, эстетикалық сұлулыққа бөлену, танымдық, энциклопедиялық білімге ие болу – баға жетпес рухани қазынаны игеру. Кітап оқу – үлкен мәдениет пен интеллектуалдық жетістіктің негізі. Кітап баланың білімін молайтады, көп үлгі-өнеге мен тәрбие береді. Сондай-ақ ой-өрістің кеңеюіне, тереңнен ойлауға үйрете отырып, сөйлеу қабілетін, есте сақтауды, қиял көкжиегін дамытады.Осы мақсатты Қызылорда қаласы бойынша білім бөлімінің ұйымдастыруымен Б.Момынбаев атындағы №278 ІТ мектеп-лицей базасында «Қазіргі уақыт талабы – өскелең ұрпақ бойында кітап оқуға деген құштарлықты қалыптастыру» тақырыбында облыстық семинар өтті.Шараға Қызылорда қаалсы бойынша білім бөлімінің басшысы Ерлан Теңізбайұлы мен облыстық оқу орталығының директоры Сырым Құрманғазыұлы қатысып, сәттілік тіледі.Семинарға қатысушы қонақтар этноауылға саяхат жасады. Онда түрлі тағамдардан дәм татты. Мұнаң соң С.Әлжіков атындағы №144 орта мектебінің «Замануи кітапхана – заман талабы» атты тақырыпта мектеп ішінен жаңадан жабдықталған кітапханамен таныстырды. Ал, М.Шоқай атындағы №187 ІТ мектеп-лицейінің оқушысы QR код арқылы «Алтын ұя» повесінің ұлттық құндылықтарын оқырманға ұсынуға болатынын көрсетті. Сонымен қатар С.Толыбеков атындағы №3 ІТ мектеп-лицейі болса, «Кітап оқып, рухани бай бол» оқуға ұсынылған 17 кітап көрмесін көпшілікке ұсынды.Семинар аясында ақын, жазушылармен «Мәртебелі минуттар» атты ашық сұхбат алаңы ұйымдастырылса, коворкинг алаңында тәжірибе алмасты.Б.Момынбаев атындағы №278 ІТ мектеп-лицейінің оқушылары Т.Жүргеновтің туғанына 125 жыл толуына орай «Құйынды жылдар құрбаны» көрініс көрсетті. Ал, Абай атындағы дарынды балаларға арналған мектеп Б.Соқпақбаевтың «Менің атым Қожа» поесінен үзінді, №268 мектеп кітапханашылары «Кино терапия» кино кейіпкерлерін сомдап көпшілік көңілінен шықты. Шараның қортынды бөлімінде семинарға қатысушы қонақтар пікір алмасып, кері байланыс жасады.

Қызылорда: ІТ мектеп-лицейде облыстық семинар өтті

<a href="https://kyzylorda-news.kz/">Kyzylorda-news.kz.</a> Жыл сайын білім беру үдерісіне өзгерістің енуі қалыпты жағдайға айналды. Саладағы жаңа жобалар заман талабы екенін айқындай түседі. Мәселен алдағы уақытта білім беру саласы цифрландыруға бағыт алмақ. Атап айтқанда, ұстаздар мен оқушылардың жеке мәліметтері енгізілген цифрлы портфолиосы әзірленеді. Ал аттестаттар мен дипломдар QR-код арқылы цифрлы форматта беріледі. Оқулықтар электронды форматта болады. Осылайша оқушылардың ауыр сөмкесі планшетке ауыстырылуы мүмкін.Соңғы жылдары бастауыш сыныптың оқушыларының арқалайтын ауыр сөмкесі денаулығына зиян екені жиі айтыла бастады. Десе де бұл мәселе өз шешімін тапқандай болатын. Нарықта плекс мұқабалы, яғни жеңіл оқулықтар пайда болды. Ереже бойынша бастауыш сыныптар үшін кітаптың салмағы 300, 5-6 сыныптарға 400, 7-9 сыныптарға 500 граммдық өлшеммен бекітілген. Алайда болашақта мектеп оқушылары оқулықтарды мүлдем қажетсінбеуі ғажап емес. Себебі кітаптардың орнын электронды оқулықтар алмастыруы бек мүмкін. Барлық пәннің оқулығын электронды түрге ауыстырудың пайдасы қандай болмақ?Жаһандану заманында баланың қолында сөмке емес планшеттің болуын бүгінде көптеген дамыған, дамушы мемлекеттер қолдап отыр. Мамандар электронды оқулықтардың қарапайым кітаптардан бірнеше &nbsp;артықшығын алға тартады. Электронды оқулықтардың, дәстүрлі қағаз кітаптардан айырмашылығы біріншіден «жанды» болып келеді. Екіншіден, ол оқушыға ешқандай салмақ түсірмейді, бір құрылғының ішінен кез-келген уақытта кез-келген пәнді ақтарып, оқуға мүмкіндігі бар. Үшіншіден, республикалық мектептерде кітап санының жетіспеушілігі байқалады. Сондықтан ата-аналар әр оқулықты кем дегенде 800-1000 теңгеден сатып алатыны анық. Егер электронды оқу үрдісіне көшкен жағдайда кітапқа шығындала қоймайсыз. Төртіншіден, баланың жастайынан технологияны жетік меңгеріп кетуіне жол ашылады. Оқушы электронды оқулықпен жеке жұмыс жасайды. Мысалы, оқушы физика, химия, биология пәнінен тәжірибелер жүргізіп және зертханалық жұмыстарын үйінде отырып компьютерде орындай алады.Қарыштап дамып келе жатқан еліміздің шәкірттері &nbsp;заманға сай білім алғаны әрине, құптарлық. Дегенмен электронды құрылғымен оқушылардың көп жұмыс жасауы, ұдайы пайдалануы олардың денсаулығына, физилогиялық дамуына кері әсерін тигізетінін ғалымдар дәлелдеп отыр. Соған қарамастан электронды кітаптар дәстүрлі кітаптардың &nbsp;орнын түгелімен &nbsp;алмастыра ала ма?Цифрлық даму, инновациялар және аэро-ғарыш өнеркәсібі министрі Бағдат Мусиннің айтуынша, мұндай әдіс бірқатар дамыған елдерде, оның ішінде Ұлыбритания, Норвегия, Оңтүстік Корея және Түркия мектептерінде жақсы нәтиже көрсеткен. Сонымен қатар бұл оқушылар үшін шығармашылық пәндер бойынша өз контентін жасауға мүмкіндік береді.Оқу-ағарту министрлігінің мәліметіне сүйенсек, электронды планшеттер оқушылардың оқуына қосымша мүмкіндіктер береді. Сондай-ақ мектеп сөмкесінің салмағын жеңілтеді. Яғни кішкентай балалар ауыр сөке көтеріп жүрмесе де болады.<blockquote>«Планшеттердің көмегімен балалар цифрлы сабақтарға, жаттығулар мен тапсырмаларға қосымша қол жеткізе алады. Интернеті нашар өңірлер үшін жүктелген цифрлы сабақтарды, тапсырмаларды, білім беру ресурстары және оқулықтарды офлайн пайдалану мүмкіндігі болады. Егер қандай да бір себептермен бала планшеттерді қолданғысы келмесе, онда ол әдеттегідей дәстүрлі оқулықтарды және стационарлық құрылғылардан білім беру ресурстарына қол жеткізе алады. Яғни планшеттер оқулықтарды алмастырмайды, бұл – оқудың қосымша ресурсы. Таңдау ата-аналар мен оқушылардың еншісінде болады», – деді оқу-ағарту вице-министрі Айбат Ілиясов.</blockquote>Айта кетейік, өткен жылдың соңында Цифрлық даму, инновациялар және аэроғарыш өнеркәсібі министрі Үкімет отырысында сервистік модель механизмі арқылы 2023 жылы бірінші сыныпқа баратын 400 мың қазақстандық баланы Қазақстанда жасалған планшеттермен қамтамасыз ету жоспарланып отырғанын мәлімдеген болатын.<blockquote>«Қазірдің өзінде баламызға кітапты зорға аштырамыз. Болашақта оқулық бірте-бірте ысырылып қалмай ма? Қазіргі балалардың өзі ұялы телефонға әуес. «Мектепте планшетпен оқиды» дейді. Бұл балаға зиян емес пе? Тым болмаса сабақ уақытында телефоннан алшақтайтын еді. Енді мектепте де гаджет пайдаланса не болмақ? Оқулықпен оқығаны, бұрынғыдай бағаны күнделікке қойдырғаны жақсы еді», – дейді ата-ана Аружан Исаева.</blockquote>Жаңа бастаманы бірі қолдаса, бірі цифрлыққа көшіруге әлі ерте дейді. Өйткені аз уақытта оқулықты планшетке ауыстыруға интернеттің әлсіздігі әсер етпей қоймайтыны тағы бар. Көпті толғандырып, талқыға түскен бұл жобаның қалай жүзеге асып, тапсырмалардың уақытылы орындалуы болашақтың еншісінде. Еліміздің дамуы білімді жастардың қолында &nbsp;екені анық. Сондықтан олардың бәсекеге қабілетті білім алуы да міндет.

Оқулықты планшет алмастыра ма?

<a href="https://kyzylorda-news.kz/">Kyzylorda-news.kz.</a>&nbsp;Қызылорда қаласы бойынша білім бөлімінің басшысы Ерлан Теңізбайұлы М.Сужиков атындағы №6 орта мектебінің ұжымымен кезектен тыс пед кеңес өткізді. Кеңесте бөлім басшысы мұғалімдердің сағат бөлінісін дұрыс бөлу, оқушыларға жайлы жағдай жасау, мектеп бітіру кешіне ақша жиналмау керегін қатаң ескертті. Сонымен қатар, оқушылардың білімді, өнерлі болуы білікті ұстаздың қолында екенін жеткізді.Жиында мектеп директоры Асылхан Әміржанұлы атқарылған жұмыстар мен мектептің даму жоспары жайында баяндама жасады.Жалпы 2022-2023 оқу жылында мектепте 914 оқушы білім алуда. Мұғалімдердің біліктілік санаты бойынша педагог-зерттеуші-38, педагог-сарапшы-30, педагог-модератор-31, 1-санат-1 мұғалім оқушыларға білім беруде.<blockquote>«Елбасы медалі» жобасының күміс медалін Тілеуберген Еркебұлан иеленді. Кеңес Одағының Батыры Т.Бигельдиновтің 100 жылдығына орай алғашқы әскери дайындық пәні мұғалімдері арасында әскери-қолданбалы спорт түрлерінен өткізілген қалалық және облыстық сайыста АК-74 оқу қаруының оқжатарын патрондармен жарақтау бойынша жүлделі І орын Жұмахметов Сейітқасым марапатталды. «Әуезовтану» олимпиадасының қалалық кезеңінен 9-сынып оқушысы ІІІ орын иеленді. Республикалық турнирден №6 орта мектеп оқушысы Сәулетбай Айлана, Каратэ-до шотокан спорт түрінен жүлделі І орын иеленді. Жалпы білім беру ұйымдарының 7-8 сынып оқушылары арасында 6 оқушы жүлделі орынға ие болды. Ал, 9-11 сынып оқушылар арасында 10 оқушы жүлделі орыннан көрінді. Математика пәнінен «Алтын сақа» олимпиадасының қалалық кезеңінде оқушылар жүлделі орындарға қол жеткізді», – мектеп директоры.</blockquote>Жиында Ерлан Теңізбайұлы мұғалімдер еңбек демалысына жаңа оқу жылындағы сағатынан хабардар болып кету керектігін де назардан тыс қалдырмады. Бөлім басшысына мектеп ұстаздарымен кері байланыс жасап, ұсыныс-пікірлерін білдірді.

Оқушының білімді болуы білікті ұстаздың қолында

<a href="https://kyzylorda-news.kz/">Kyzylorda-news.kz.</a> Қазалы қаласында көрген көзді сүйсінтер зәулім ғимарат бар. Ауласы әсем гүлмен, жасыл-желекпен көмкерілген бұл ғимарат – бүлдіршіндердің бақыт мекені. Еңселі әрі көрікті балабақша былтыр ғана пайдалануға берілді. Қазіргі таңда ел игілігін көруде.&nbsp;140 балаға арналған жаңа типтік балабақшада 1 мен 5 жас аралығындағы 8 топ бар. Балақайларға жоғары білімді алты педагог сарапшы, екінші санатты 5 тәрбиеші тәрбие беріп, білім нәрімен сусындатады. Заманауи құрал-жабдықтармен жабдықталған орында музыка залы, дене тәрбиесі, STEM бағытындағы үйірме кабинеті, эко кабинеті, ұлттық кабинеттер жұмыс жасайды.&nbsp;Ауласынан бастап әсемдік тұнып тұрған тәрбие ордасы тәрбиеленушілерді есіктен енгеннен-ақ ерекше дүниелермен қарсы алады. Әр қабат, әр бөлме сәні мен салтанаты келіскен сарай іспеттес. Балаларға барлық қажетті жағдай жасалынған. Жан-жақты, танымдық, зияткерлік, шығармашылық дағдыларын &nbsp;дамытуға арналған «Әнші балапан», «Сымбат» би, «Ұлттық спорт», «Жас зерттеушілер», «Жас математик», «Шахматшылар» үйірмелері мен «Жас шеберлер» шеберханасы балаларды өнерге баулып, шығармашылықтарын шыңдай түсуде. Үнемі ізденіс үстінде жүретін тәрбиешілер кішкентайларды үлкен сахнаға шығаруда аянбай еңбек етіп келеді. Аудан көлемінде қандай іс-шара болмасын басы-қасынан табылатын өрімталдық өрендердің өнеріне көпшілік бұрыннан тәнті. Облыс, республика тіпті халықаралық деңгейдегі сайыстарды топ жарып жүрген тәрбиеленушілер жетерлік. Жетістіктер қоржынын ай сайын емес, апта сайын толтырып отыратын өнерлі өрендердің ата-аналары да балабақша ұжымына дән риза.&nbsp;Балабақшада 2022 жылдың қараша айында Мектепке дейінгі білім беру ұйымдардын арасында ұйымдастырылған «Үздік жоба – 2022» облыстық байқауының аудандық кезеңде балабақша тәрбиешілері Құралай Жүсіпова, Айман Тұрсынбай жүлделі ІІІ орын иеленді. Қызылорда облысының білім саласы қызметкерлері кәсіподағының ұйымдастыруымен өз саласында елеулі жетістікке жетіп, кәсіби қызметінде жасаған еңбегі мен атқарған қызметі үшін балабақша тәрбиешісі Айшагүл Жолмырзаева «Жыл үздігі – 2022» номинациясын жеңіп алды. ҚР Оқу ағарту министірлігі балаларды ерте дамыту институтының ұйымдастыруымен 1-15 желтоқсан арасында өткізілген «Ән шырқайық, бәріміз» республикалық патриоттық әндерді хормен айту челленджге музыкант Роза Ахметованың жетекшілігімен ересек «Ертөстік» тобының тәрбиеленушілері балабақша педагогтары мен бірге «Менің Қазақстаным» атты патриоттық әнін орындап, жүлделі ІІ орынды қанжығаға байлады.&nbsp;Білім құмар балаларға арналған республикалық «Үркер» зияткерлік марафонның жүлдегері Ерасыл Әділбек, Назарбек Сражадин арнайы дипломмен марапатталды. ҚР оқу ағарту министірлігі «Балаларды ерте дамыту» институтының жылдық жоспарына сәйкес өткізілген «Шымырлық пен шеберлік күні» республикалық байқауының «Ханталапай» ұлттық ойындар бойынша ересек топ бүлдіршіндері Байғани Досымұлы, Назарбек Сражадин, Ақмедияр Өмірбекұлы қатысып, аудандық «Ләңгі» ұлттық ойын сайысында бірінші, облыстық кезеңінде үшінші орын иеленді. Жетекшісі хореограф Мереке Дәрібаева.ҚР оқу ағарту министірлігі «Балаларды ерте дамыту» институтының жылдық жоспарына сәйкес өткізілген республикалық «Анам, әжем және мен» байқауында тәрбиеленушіміз Жансая Ілиясова, анасы Жақсыгүл Қуандықова, әжесі Сара Сатаймен қатысып аудандық және облыстық кезеңде де жоғары дәрежелі бірінші орынға лайық деп танылды. Республикалық кезеңінде «Үздік» номинациясымен марапатталды. Жетекшісі тәрбиеші Феруза Толыбаева.Мектепке дейінгі ұйым педагогтары мен тәрбиеленушілеріне арналған «Ән шырқаймыз, бәріміз!» облыстық челленджінде ІІІ орын иеленді. Балалардың ән әлемінде еркін самғап, әсем үндерімен тыңдарманын баурап алуына бар күшін сарқитын музыка жетекшісі Роза Ахметованың еңбегі ерекше.&nbsp;«Атадан-мұра» қоғамдық қорының бүлдіршіндер, мектеп оқушылары мен жасөспірімдер арасында ұйымдастырылған «Ана туралы жыр» халықаралық байқауында «Вокал» номинациясы бойынша балабақшамыздың ересек топ бүлдіршіндері Раяна Әділ, Көзайым Аралбаева, Ақнұр Серғазы, Жансая Ілиясова, Дария Аралбек, Мақсат Бақытбек, Ақмедияр Өмірбек, Аман Кеңес, Еркесұлу Ермырза үздік өнер көрсеткені үшін «Әнші балапан» тобы жүлделі үшінші орынмен, жетекшісі Роза Ахметова «Атадан – мұра» қоғамдық қорының Алғыс хатымен марапатталды.&nbsp;Аталған байқауда «Көркем сөз» номинациясы бойынша Дария Аралбек үздік өнер көрсетіп, «Бас жүлде» иеленді. Жетекшісі Алия Сембиева «Атадан – мұра» қоғамдық орының Алғыс хатымен марапатталды.&nbsp;<blockquote>«Балабақшаға балалар қызығып келуі үшін ұжым болып күш-жігерімізді жұмсаймыз. Біздің мақсат – жас ұрпақты жан-жақтылыққа, біліммен қоса өнерге баулу. Олардың өз ойын еркін әрі ашық жеткізе алатын тәуелсіз елдің ұл-қыздары екенін ерте бастан бойына сіңіру. Әрбір тәрбиеленушіге бала деп қарамай, олардың іс-әрекетімен, ойымен санасуды тәрбиешілер жақсы меңгерген. Кез келген бүлдіршіннің ішінде бүгіп жатқан таланты, дарыны болады. Оны жарыққа шығарып, дамытуда балабақшаның қосар үлесі зор. Осы орайда әріптестерім елеулі еңбек сіңіріп келеді деп сеніммен айта аламын», – дейді «Өрімтал» бөбекжай-балабақшасының меңгерушісі Рабиға Қарымсақова.</blockquote>

Заманауи құрал-жабдықтармен жабдықталған балабақша

<a href="https://kyzylorda-news.kz/">Kyzylorda-news.kz.</a> Қазалы көлік-техникалық жоғары колледжінің тарихы сонау 1901-1906 жылдар аралығында Орта Азиямен Ресейдің орталығын қосатын Орынбор-Ташкент теміржолының салынуынан бастау алады.&nbsp;КСРО-ның тарихи архивінен алынған мына құжатта 1905 жылғы 17 шілдеде жолаушылар қозғалысы үшін Қазалы өңірінде шағын жөндеу шеберханасы салатыны жоспарланған болатын. 1929 жылы Қазалы паровоз депосының жанынан ФЗУ болып ашылған колледж өмір ағымына қарай ЖУ, ЖДУ, ГПТУ, СрПТУ, ПТУ, мектеп лицей,колледж, жоғары колледж атауларына ие болды. Ұлы Отан соғысының батыры Я.Д.Михайлюк 1938 жылы колледжге оқуға түсіп, 1941-45 жылдары жауынгерлік ерлігі үшін Совет Одағының Батыры атағын алуы біз үшін үлкен мақтаныш.1939 жылы Қазалы теміржол бөлімшесі училищесіне 210 орынды екі қабаттық оқу орны салынып берілді. 1929 жылдан бастап әр жылдары училищені &nbsp;П.С.Никеров, А.В.Харьков, Ə.Ұзақбаев, П.П.Сиснев басқарды. 1976-1981 жылдары училищені Қазақстан Республикасы кəсіптік білім беру саласының үздігі, Еңбек Қызыл Ту орденінің иегері Оразғали Бекбанов басқарды.1981-1985 жылдары училищені КСРО жəне Қазақ КСР кəсіптік білім беру ісінің үздігі Молдабай Ақниязов басқарды. М.Ақниязов 1990 жылы осы училищеге қайта басшы етіп тағайындалды. Училищеге Ресейден, Украинадан, Белоруссиядан Молдавиядан, Башқұртстаннан жастар келіп теміржол мамандықтарын оқыды. Өйткені, Қазалы теміржол училищесі Одақтағы теміржол мамандарын даярлайтын санаулы оқу орындарының бірі еді. 1978 жылы училище КСРО кезінде кəсіптік-техникалық білім беру орталық комитетінің «Құрмет грамотасымен» марапатталды. 1979 жылы 410 оқушыға арналған 4 қабатты оқу корпусы жоспарланып, 1981 жылы желтоқсан айында жаңа ғимарат пайдалануға берілді. 1981-1985 жылдары колледж Бүкілодақтың Ленин комсомолы сыйлығының лауреаты атағын жеңіп алды. Сол комиссияның ұсынысымен Молдабай Ақниязұлы одақ бойынша «Ең үздік оқу-өндірістік жұмысты ұйымдастырушы» деген баға алды. Училищенің озат тəжірибесі білім саласында одақ бойынша тарады.&nbsp;1977 жылы Училище əр бес жылдықта мемлекеттік жоспарды асыра орындағаны үшін ССРО кəсіптік техникалық білім беру комитетінің «Құрмет грамотасымен» марапатталды. 1984 жылдың қорытындысымен Қызылорда облысының Коммунистік партиясының «Құрметграмотасымен» марапатталды. Бірнеше дүркін облыс аралық кəсіптік-техникалық басқармаларының Қызылтуы мен ақшалай сыйлығымен марапатталды.&nbsp;1985 жылдан бастап училищеге Балғараш Тəженов басшылық жасады. Бұл жылдарда училищенің материалдық-техникалық базасы нығайды. Жаңа типтік асхана, 210 орындық жатақхана іске қосылды. 2003 жылдың қараша айынан №5 кəсіптік мектепке Б.Жолтаев директор болып келді. 2007 жылдың қараша айында №5 кəсіптік мектепке Қазақстан Республикасы кəсіптік білім беру жүйесінің үздігі Е.Құрмарзаев директор болып тағайындалды.&nbsp;Колледж 2009 жылы І дəрежелі «Үздік кəсіптік лицей-2009» жəне «Үздік ұжым» атағымен марапатталды.&nbsp;2010 жылы желтоқсан айынан бастап №5 кəсіптік лицей директоры болып Б.Ахметов тағайындалды. Басшының алға қойған мақсаты педагог кадрлардың кəсіби деңгейін көтеру, əлеуметтік серіктестікті дамыту жəне білім ордасының материалды-техникалық жағдайын жақсарту болды. Білім ордасы көптеген байқаулардың жеңімпазы атанды, атап айтсақ, Қазалы көлік-техникалық колледжі Қазақстан Республикасы мен Халықаралық қайта құру және даму банкі арасындағы «Техникалық және кәсіптік білімді жаңғырту» Жобасына қатысып,«1108000-Теміржол жылжымалы құрамдарын пайдалану және техникалық күту» мамандығын дамыту үшін жалпы сомасы 57 000 000 теңге кіші-грантты жеңіп алды.Теміржол саласын білікті мамандармен қамтамасыз етуде ҚР Білім және ғылым министрлігі мен «Қазақстан темір жолы ҰК» АҚ-ы арасында дуальды оқыту жүйесін жүзеге асыру бағытында атқарылған жұмыстардың нәтижесінде, әлеуметтік әріптес «Қамқор вагон» ЖШС» Қазалы вагон жөндеу депосының басшысы Т.Ә.Әліпбаев ҚР Білім және ғылым министрінің &nbsp;«Әріптестік көшбасшы-2013» дипломымен марапатталды. Облыстық «Үздік техникалық және кәсіптік білім беру оқу орны 2014» атағын иеленген оқу орны 2015 жылы Ұлттық бизнес рейтинг нәтижесі бойынша алтын рейтинг қатарына шығып «Көшбасшы кәсіпорын-2015» қабырғалық медалімен марапатталды және арнайы ұлттық Сертификат иеленді. Колледждің оқу материалдық базасында 410 орындық оқу корпусы, оқу-өндірістік шеберхана мен зертханалар, 100 орындық асхана және жатақхана, жазғы спорт алаңы, оқу-жаттығу залы, фитнес клуб және жылыжай бар. Жас жұмысшыларды өз мамандығына тәрбиелеуде слесарлық, ағаш ұстасы, газэлектрмен дәнекерлеу және токарлық шеберханалар, физикалық және химиялық лабораториялық кабинеттер, компьютерлік орталық,мамандықты оқытуға арналған 36 оқу кабинеті, оның ішінде: 24 арнаулы пән (заманауи құрылғылармен жабдықталған 6 арнайы пән) кабинеттері, 12 жалпы білім беретін пән кабинеттері, 6 шеберхана, 4 зертхана және 3 полигон, 150 орынды мәдени орталық, 100 орындық ғылыми-әдістемелік орталық, 19287 кітап қоры бар 10 орынды электронды кітапхана жұмыс жасайды. Теориялық білімді практикамен ұштастыру мақсатында 31 әлеуметтік серіктестіктермен келісім-шарт жасалды. Инженер-педагогтар өз біліктіліктерін Корея, Франция, Германия, Чехия елдерінде және Мәскеу, Минск қалаларында арттырды.&nbsp;Қазалы көлік-техникалық жоғары колледжі «Жас маман» жобасына қатысып республикалық үздік 180 колледждің қатарына енгізілді. 2021 жылы республикалық бюджеттен 320 000 000 теңге бөлінді.&nbsp;Аталған қаржыға «Локомотивті жөндеу жөніндегі &nbsp;слесарына» 142 млн, «Вагон &nbsp;жөндеу слесарына 133 млн және «Электр жабдықтарын жөндеу жөніндегі электр слесары» біліктілігі бойынша 45 млн теңгеге заманауи құрал-жабдықтар сатып алынды.Жоба аясында 3 шеберхана, 3 арнайы пән кабинеті, 1 интерактивті класс, 1 мультимедиялық орталық жабдықталып, 22 электрленген стенд, 6 электрленген макет, 3 тренажерлық кешен, 6 виртуалды 3Д конструктор, 8 оқу-лабораториялық кешен, виртуалды көзілдірік және 14 станок сатып алынды.Заманауи құрал жабдықтарды игеруде 25 инженер-педагог өз біліктіктерін көтеріп сертификатталды.

Қазалы: Шеберлер ұстаханасы

<a href="https://kyzylorda-news.kz/">Kyzylorda-news.kz.</a>&nbsp;Қазалы қаласындағы Қ.Нұрмаханов атындағы №95 мектептің 8 сынып оқушысы Ерасыл Сапарбек әйнекке сурет салу өнерімен айналысады.Ерасыл мектептегі «Жас қолөнершілер» үйірмесінің мүшесі. Үйірме жетекшісі, технология пәнінің мұғалімі Ғани Итеғұловтың айтуынша, ол алғыр әрі ұқыпты шәкірт. Қабілетті оқушының бойындағы талантын таныған ұстазы әйнекке сурет салуға машықтандырып келеді. Үздік оқушы алгебра мен қазақ әдебиеті пәнін ерекше сүйіп оқиды. Сабақтан тыс кезде достарымен шахмат, волейбол ойнағанды жақсы көреді. Әйнек бетіне сурет салу өнерін ең алғашқы болып меңгерген Ерасыл қазір бос уақытының көпшілігін осыған арнайтын көрінеді.<blockquote>«Әйнекке сурет салуға қатты қызығамын. Үнемі қалай өзгешелік енгізуге болады деп ойланып жүремін. Ағай екеуміз ойласа келе әйнектің астына қоятын тұғыр жасадық. Оған арнайы тоқ орнатылды. Жарық көзіне қосқанда әйнектегі сурет анық әрі әдемі көрінеді», – дейді өнерлі жас.</blockquote><blockquote>«Балалар ағаштан, темірден түрлі бұйымдар жасауды біледі. Әсіресе сымнан адамның, аңның, гүлдің, тағы басқа бейнелер шығаруды жақсы меңгерген. Іздене келе оқушыларға тың дүние үйреткім келді. Сөйтіп жуырда ғана әйнекке сурет салу өнерін қолға алдық. Интернет арқылы жұмыстың қалай жүргізілетіндігімен таныстым. Қандай жұмыс болмасын қауіпсіздік ережесі бас¬ты назарда. Әйнекпен жұмыс істеуде аса сақтық қажет. Сондықтан баланың қолына бермес бұрын оның жан-жағын скотчпен қаптап аламын», – дейді үйірме жетекшісі Ғани Итеғұлов.</blockquote>Сурет салу үшін әйнектің кез келген түрі жарайды екен. Оған арнайы аппарат арқылы қалаған бейнеңізді түсіре аласыз. Құрылғыны Алматы қаласынан тапсырыспен алдырған. Үйірме жетекшісі арнайы бояуы мен желімі жеткізілсе, оқушылардың қолынан әлі талай керемет туындылардың шығатынына сенімді.Аптаның 4-5 күндері жұмыс жүргізетін үйірмеге қатысуға ниетті шәкірттер саны күннен күнге артып келеді. Өнерге деген талпынысы таудай балаларға білгенін үйретуге үйірме жетекшісі қашанда әзір. Жақында ғана аудандық мәдениет орталығы ұйымдастырған «Талантыңмен таң қалдыр» атты өнер байқауында үздік деп танылып, І дәрежелі диплом және бағалы сыйлықты иеленген Ерасыл Бахтиярұлы болашақта әйнекке құммен сурет салуды да үйренгісі келетіндігін жасырмады.

Қазалылық оқушы әйнекке сурет салады

<a href="https://kyzylorda-news.kz/">Kyzylorda-news.kz.</a>&nbsp;Бала тәрбиесi – өзекті мәселе. Қазіргі таңда шәкірттерді жан-жақты дамыту мақсатында мектептерде түрлі үйірме жұмысы жолға қойылған. Мәселен, Қазалы қаласындағы М.Горький атындағы №16 мектеп-лицейде 35 үйірме бар. Оған мектептегі жоғары сыныптардан 607 оқушы тартылған. Соның ішіндегі «Қыш құмыра» үйірмесінің жұмысымен танысып, жас қолөнер шеберлерінің туындыларына куә болдық.Жиырма жылға жуық жұмыс тәжірибесі бар Тілектес Көпжасаров ер балаларға ағаш пен темірден тұрмысқа қажетті бұйымдар және түрлі макет дайындауды үйретеді. Сондай-ақ заман талабына сай робот жасап шығаруды да қолға алған. Ерекше атап өтер жайт «Қыш құмыра» үйірмесінің мүшелері саз балшықтан қыш ыдыстар жасайды. Бұйымға қажетті саз топырақты Қуаң бойынан арнайы барып әкеледі екен. «Бұндай саз топырақ Қазақстан бойынша Шымкент және Талдықорған өңірінде ғана кездеседі. Бала күнімде үлкендерден Қуаңдария жағасында саздың сапалы түрі барын еститінмін. Арнайы іздеп барып, таптым. Қазір сол топырақтан балаларға қыш ыдыстар жасауды үйретудеміз. Алдымен сазды он күн жібітеміз. Одан кейін целлофанда 20 күн сақтаймыз. Бұдан соң саз топырақ қоюланып, иленеді әрі түрлі бейне жасауға икемделеді. Топырақты біріктіріп, нығайтып ұстап тұру үшін қоғаның үпілдірігін араластырамыз» – дейді үйірме жетекшісі.«Үлгісі көптің өрнегі көп, өрнегі көптің ермегі көп» деп халық тәмсілінде айтылғандай бұл үйірменің берері мол, жеткен жетістіктері де аз емес.&nbsp;Үйірме мүшесі мектеп-лицейдің түлегі Оңталап Сырлыбай «Зерде» республикалық ғылыми жобалар байқауының аудандық кезеңінде «Этномәдениеттану» бөлімі бойынша жүлделі бірінші орынды жеңіп алған. Ол жетекшісі Тілектес Көпжасаровпен «Баламалы энергетика – болашақ бастауы» атты жобаның макетін дайындаған. Түрлі аудандық, облыстық тіпті республикалық деңгейдегі байқауларда да шебер қолды шәкірттер бақ сынап жүр. Олардың қатарында республикалық «Алтын қазына» көркем және сәндік-қолданбалы өнер балалар шығармашылық байқауының бірінші орын иегері 8 «б» сынып оқушысы Мерей Нұржан да бар.<blockquote>«Үйірмеге 30 оқушы келеді. Олар 5 сыныптан бастап қабылданады. Балалардың көпшілігі саз балшықтан ыдыс дайындауға қызығады. Үйірме жұмысы сенбі күні түске дейін жүреді. Алайда, сабақтан тыс уақытта балалардың: «Ағай, шеберханаға барайықшы» деп келіп тұрғанын жиі байқаймын. Бізді оқушылардың осындай ынтасы қатты қуантады», – дейді үйірме жұмыстарын ұйымдастырып, оқушылардың белсенділігін арттыруға атсалысып жүрген мектептің косымша білім беру педагогы Ғалия Нұрсейітова.</blockquote>Расында шәкірттердің қыш ыдыстарға деген қызығушылығы жоғары екені байқалады. Біз шеберханада отырған оқушылардың епті қимылдарына сүйсіндік. Өздерін Еңлік Жолшара, Үміт Ерсайынова, Зарина Алтынбек деп таныстырған олар 5 «в» сыныбында оқиды екен.<blockquote>«Мен саз балшықты илеп, одан кесе жасадым. Маған қатты ұнайды. Келешекте ыдыстардың сыртына ою-өрнек салуды да меңгергім келеді», – дейді 5 «в» сынып оқушысы Ерасыл Махмуджан.</blockquote>«Бұлақ көрсең, көзін аш» демекші, балаға дер кезінде бағдар беру, қабілетін анықтау, оның бойындағы күш-қайраты мен жігерін орынды жұмсауға үйретуші – алдымен ата-ана, онан соң ұстаздар қауымы екені анық. Осы міндет үдесінен шығып жүрген үйірме жетекшісінің ісі көпке үлгі-өнеге.

Қазалылық оқушылар қыштан құмыра жасауда

<a href="https://kyzylorda-news.kz/">Kyzylorda-news.kz.</a>&nbsp;Бүгінде баланы заманға сай жан-жақты, өнерлі етіп өсіргісі келетін ата-аналар саны артып келеді. Бірі биге баулыса, енді бірі әншілік қырын ашуға талпынады. Күнделікті сабақтан тыс өнер мектептеріне балаларын беріп, бойындағы талантын шыңдай түсуге талпынады. Арнайы орындардан бөлек орта білім беретін мектеп жанынан түрлі үйірмелер ашып, шәкірттермен шығармашылық байланыс жасау жүрген ұстаздар да аз еме. Солардың бірі – Ләззат Жүсіпова.Музыка пәнінің мұғалімі Ләззат Жеткербайқызы Ғ.Мұратбаев атындағы №17 мектепте жұмыс істейді. Ол өзінің сабағынан бөлек оқушыларға домбыра үйретуді қолға алған. Үйірменің ашылғанына көп уақыт өте қойған жоқ. Алайда қазақтың қара домбырасында ойнауды меңгерсем деген оқушылардың өте көп екендігін айтады. Қазіргі уақытта отыз оқушы үйірмеге келеді.<blockquote>«Өзім домбыра, баян аспаптарында ойнаймын. Үйірме ашып, дарынды балаларды дамытсам деген ойым болатын. &nbsp;Мектеп директоры Эльмира Сматуллаева «Ләззат, үйірме жұмысын жүргіз. Білгеніңмен бөлісіп, шәкірт тәрбиеле. Бұл сенің қолыңнан келеді. Көптеген талантты балаларымыз бар», – деп қанаттандырды. Міне осылай жұмысымызды бастап кеттік. Домбыраға қызығушылық танытатын шәкірттер саны күннен күнге көбеюде. Олардың талпынысы қуантады. Үнемі үйірмеден қалмай, үйренсем деп тұратын шәкірттерден үлкен үміт күтеміз», – дейді Ләззат Жүсіпова.</blockquote>Бұнда ең алдымен балаларға аспаптың құрылымы таныстырылады. Содан кейін орындаушының отыру мәдениеті көрсетіледі. Қолына домбырасын ұстаған оқушылар қағысты үйренеді. Міне, осылайша кезең-кезеңімен жұмыстар жүргізіледі.<blockquote>«Ләззат нағыз өнер адамы. Әуелете ән салғанда әдемі дауысы тамсандырады. Аспаптарда да керемет ойнайды. Бірнеше ән байқуаларының жеңімпазы. Шәкірт тәрбиелеп те жүр. Біздің басты мақсатымыз – шәкірттерімізге кішкентайынан ұлттық аспаптың қадір-қасиетін таныстырып, ұлттық өнерімізді насихаттау. Жуырда ғана басталғандықтан айтарлықтай нәтижеге жеттік деуге әлі ерте. Дегенмен балалардың бойындағы талпынысы мен құштарлығы ерекше. Алдағы уақытта тағы да берер тәлімі мол, тәрбиесі зор үйірмелер ашсақ деген ниеттеміз», – дейді мектеп басшысы Э.Сматуллаева.</blockquote>Мектепте үйірме ашылады деген күннен бастап дайындыққа кіріскен шәкірттердің бірі – Қуандық Дайрабай. Ол домбыра тартуды бұрыннан үйренгісі келіп жүргенін жасырмады. 5-сынып оқушысы білімді болумен қатар өнерді игеруді мақсат тұтқан.<blockquote>«Нағашы атам домбырасын беріп, талабыма сәттілік тіледі. Үйірмеге үзбей қатысып жүрмін. Үйде әкем домбыра шертетіні бар. Жалпы бұл аспапқа деген қызығушылығым бала кезден қалыптасқан. Ләззат апайға алғысым шексіз. Ұғынықты әрі жеңіл түсіндіреді», – дейді Қуандық Қуанышұлы.</blockquote>

Қазақстан және Қызылорда облысының жаңалықтары: Білім