<a href="https://kyzylorda-news.kz/">Kyzylorda-news.kz.</a> Қызылорда облысының әкімі Н.М. Нәлібаевтың қолдауымен облысымызда 2022 жылдың 17-18 желтоқсан күндері өткен «InnoFest» Qyzylorda инновациялық идеялар фестивалінің «Контент&amp;Медиа» секциясының жеңімпазы Темірболат София ұсынған жоба патентке ие болды. ⠀ Жоба атауы – «Cyber City хикаялары» комикс кітабы. Біріккен Ұлттар Ұйымының Балалар Қорының арнайы «Қауіпсіз интернет», «Кибербуллинг ол не және оны қалай тоқтату қажет» кибербуллингке қарсы бағдарламасы мен зерттеулер аясында және толық осы концепцияға сәйкес жасалған. Балаларға қауіпсіз киберкеңістікті аталған кітап арқылы оқыту жоспарланған. Сонымен қатар, цифрлық иллюстрациялар мен комикстерді профессионалды оқыту жоспарланған. Қазіргі таңда кітапты баспаға беруге дайындық жұмыстары жүргізілуде. ⠀ Айта кетсек, «InnoFest» Qyzylorda – «SmartСity», «Контент&amp;Медиа», «Кино&amp;Видео» бағыттары бойынша 24 сағат ішінде идеядан прототипке дейін инновациялық жобаларды жасауды мақсат ететін іс-шара. Фестивальдің негізгі мақсаты – «Ақылды қалалардың» эталондық стандартына сәйкес жобаларды анықтау, облыс тұрғындарының IT-саласына қызығушылығын арттыру және инновациялық IT жобаларды қолдау.

«InnoFest»  жеңімпазының жобасы патентке ие болды

<a href="https://kyzylorda-news.kz/">Kyzylorda-news.kz.</a> «Ақмешіт апталығы» газетінің осы жылдың 21 қаңтарындағы №6 санында «Болашақтың» студенттері далада қалмайды» атты мақала жарияланған болатын. Жазылған мақалаға орай бірнеше оқырманымыз хабарласып, «мақалада қазіргі «Қызылорда технология және қызмет» институты, яғни бұрынғы «Ақмешіт» институты да лизенциясынан айырылғаны туралы жазылыпты, ақпарат қаншалықты рас?» деп сұрау салды.Оқырман сауалына орай мәселенің анық-қанығын білу мақсатында аталған оқу орнының проректоры Ерлан Шынбергеновке жолықтық.<blockquote>– «Қызылорда технология және қыз­мет» институты Сыр өңірінің білім беру ісінде өзіндік орнын қалыптастырған жоғары оқу орнының бірі, – деп бастады әңгімесін проректор.</blockquote>Айтуына қарағанда, бұрын «Ақмешіт» деп аталған жоғары оқу орны 1998 жылы құрылған. Алғашқы жылдары оқу үдерісі «Техника және бизнес» факультетінің «Математика және ақпараттық технология», «Эконо­мика және менеджмент», «Жалпы инженерлік пән­дер», «Әлеуметтік пәндер» кафедра­ларында ұйымдасты­рылған. 25 жылдық тарихы бар оқу орнының материалдық-техникалық базасын нығайту мақсатында атқарыл­ған жұмыс аз емес.Осындай мәліметтерді алға тартқан оқу орнының проректоры Ерлан Әлімжанұлы «Ақмешіт» институтының лицензиясынан айы­рылмағанын,&nbsp; «Қы­зыл­орда технология және қызмет» инс­титуты болып тек атауын ғана өз­герткенін мәлім етті.Проректор берген мәліметке сүйен­сек, «Қызылорда технология және қыз­мет» инс­титуты 2022 жыл­дың маусымын­да Қазақстан Рес­публикасында танылған аккредит­теу органдарының тізіліміне енген Қазақстанның заманауи (элиталық) білім ассоциациясы (KAZSEE) арқылы халық­аралық институционалдық және білім беру бағдарламаларының маман­дандырылған ак­кредиттеуінен өткен. Нәтижесінде институтқа KAZSEE-дің аккредиттеу кеңесінің шешімімен 5 жыл мерзімге институционалдық және білім беру бағдарламаларының маман­дандырылған аккредиттеуінен өт­кендігі туралы сертификаттар беріл­ген. Бүгінде бұл білім ордасы бака­лав­риат­тың 18 білім беру бағдарламасы бойынша ҚР Ғылым және жоғары білім министрлігінің лицензиясына сәйкес жұмыс жасап отыр.Айта кетейік, бұған дейін «Қызыл­орда технология және қызмет» инсти­туты мен «Болашақ» университеті бірігетінін жазғанбыз. «Қызылорда тех­нология және қызмет» инс­титутының бас лицензиясы негізінде екі оқу орны бірігіп, жаңадан «Қызылорда Ашық университеті» құрылады.

«Ақмешіт» лицензиядан айырылған жоқ

<a href="https://kyzylorda-news.kz/">Kyzylorda-news.kz.</a>&nbsp;Аймақтағы білім беру ұйымдарында тәрбие жұмысын жандандыру мақсатында облыстық білім басқармасының жанынан жұмысшы тобы құрылып, алғашқы отырысы өткізілді.Жиынға облыстық білім басқармасының басшысы Мейрамбек Шермағанбет, оқу әдістемелік орталық қызметкерлері, білім саласының ардагерлері, колледж, мектеп директорлары, тәрбие ісі жөніндегі орынбасарлар, әлеуметтік педагогтер мен психолог мамандар, бала құқықтары жөніндегі өңірлік уәкіл, құқық қорғау органдарының қызметкерлері мен ҮЕҰ өкілдері қатысты.Отырыста басқарма басшысы құқық бұзушылық, суицид, ерте жүктілік, нашақорлық, әлімжеттіктің алдын алу мақсатында бірінші кезекте тәрбие мәселесіне баса назар аударуды, ол үшін мүдделі органдармен бірлескен арнайы іс шаралар жоспарын әзірлеп, барлық білім беру ұйымдарында жүзеге асыру қажеттігін атап өтті.<blockquote>Қай уақытта да ұрпақ тәрбиесі маңызды. Жеткіншектерге саналы тәрбие беру бүкіл қоғамның, салаға жауапты мамандар мен аға буын өкілдерінің қастерлі міндеті. Сондықтан, құрылған жұмысшы топ құрамына тәжірибелі ардагерлер мен саланың білікті мамандарын енгізіп отырмыз. Статитистикалық мәлімет бойынша, өткен жылдарға қарағанда көрсеткіштер біршама төмендеген. Бірақ мәселе бала тағдырына тікелей қатысты болғандықтан біздің басты мақсатымыз – өңірдің ерекшелігіне сәйкес жас ұрпақты ұлттық тәрбие өзегінде тәрбиелеу, келеңсіз жайттардың алдын алу және болдырмау. Сонымен қатар, сынып жетекшілері мен тәрбие ісіне жауапты орынбасарлардың жұмыстарын жүйелеп, озық тәжірибелерді білім беру ұйымдарына енгізуіміз қажет, - деді М. Шермағанбет.</blockquote>Жиында білім саласының ардагерлері отбасылық тәрбиенің моделі қажеттілігін айтып, оған ғалымдар, осы саламен айналысып келе жатырған мамандарды, социологтар мен ҮЕҰ өкілдері және жастардың өздері де атсалысуы керектігін қаперге салды.<img src="https://knadmin.beoblood.kz/uploads/323883202_1596861957422300_3368727770375106933_n_94c8a3d8fb.jpg" alt="323883202_1596861957422300_3368727770375106933_n.jpg">

Білім беру ұйымдарында тәрбие жұмысын жетілдіруге байланысты жұмысшы тобы құрылды

<a href="https://kyzylorda-news.kz/">Kyzylorda-news.kz.</a>&nbsp; Қорқыт ата атындағы Қызылорда университетінде &nbsp;профессор, филология ғылымдарының кандидаты Өскенбай Көзбеков атындағы дәрісхананың ашылу салтанаты өтті. Бұл – соңғы үш жылда демеушілер есебінен ашылған он төртінші дәрісхана.Жиында Басқарма төрағасы-ректор Бейбіткүл Кәрімова ғалымның еліміздегі білім мен ғылым саласына қосқан еңбегін атап, университеттің стратегиялық дамуына қосқан үлесі үшін Өскенбай Арысбайұлының ұлы Ерсұлтан Өскенбайұлын «Қорқыт Ата атындағы Алтын медальмен» марапаттады.&nbsp;Тұсаукесер салтанатында лента қию рәсімі университет ректоры Бейбіткүл Сәрсемханқызы мен профессор Жеңіс Сәдуақасұлына берілді. Салтанатты шарада ғалымның шығармашылығы мен естеліктері баяндалды. Басқосуға Ахмет Яссауи атындағы халықаралық қазақ-түрік университетінің вице-президенті Асқар Әбдуәлиұлы, облыстық мәдениет және спорт басқармасы басшысының міндетін атқарушы Қуаныш Қуантқанұлы, Қазақ тілі мен әдебиеті және журналистика кафедрасының ғалымдары Жеңіс Сәдуақасұлы, Ұлжан Нахатқызы, Сара Тамшыбайқызы, Ғабит Әнешұлы, зиялы қауым өкілдері, ардагер ұстаздар, профессор-оқытушылар мен білім алушылар, ғалымның отбасы, достары және шәкірттері қатысты.<blockquote>Жаңа дәрісхана әдебиеттану теориясына арналған. Дәрісхана интерактивті тақтамен қамтылған, онда еліміздегі ғалымдардың Өскенбай Көзбеков туралы ең үздік лекциялары жинақталды. Мұндағы барлық көрнекілік білім алушыларға замануи білім беруге негізделген, – деді «Қазақ тілі мен әдебиеті және журналистика» кафедрасының қауымдастырылған профессоры Аман Абасилов.</blockquote>Өскенбай Көзбеков еңбек жолын 1991-1992 оқу жылында Қорқыт ата атындағы Қызылорда мемлекеттік университетінде оқытушылық қызметтен бастаған. Ұстаздық қызметін ғылыммен байланыстырып, 1998 жылы «О.Бөкеев прозасының поэтикасы» тақырыбында қазақ әдебиеті мамандығы бойынша кандидаттық диссертациясын сәтті қорғады.&nbsp;&nbsp;Профессор әдебиетті оқыту әдістемесі мәселелерімен де айналысып, «Әдебиеттануға кіріспе» пәні бойынша әдістемелік нұсқаулық әзірлеген. Сонымен қатар, «Орыс әдебиетінің тарихы» атты типтік оқу бағдарламасын құрастырды. Өскенбай Арыстбайұлы – 30-дан астам ғылыми-әдістемелік мақаланың авторы. &nbsp; &nbsp;<figure class="image"><img src="https://knadmin.beoblood.kz/uploads/de013775_0801_40c7_a4ad_1bbd60f2be54_fecd310e30.jpg" alt="de013775-0801-40c7-a4ad-1bbd60f2be54.jpg"></figure>&nbsp;<figure class="image"><img src="https://knadmin.beoblood.kz/uploads/609869ba_dabe_448c_a09f_06aa958d4d3f_40c1ffb12e.jpg" alt="609869ba-dabe-448c-a09f-06aa958d4d3f.jpg"></figure>&nbsp;<figure class="image"><img src="https://knadmin.beoblood.kz/uploads/ada3d9b8_28cc_45e3_b29d_16e6205b731e_f8899110ed.jpg" alt="ada3d9b8-28cc-45e3-b29d-16e6205b731e.jpg"></figure>

Өскенбай Көзбеков атындағы әдебиет теориясы дәрісханасы ашылды

<a href="https://kyzylorda-news.kz/">Kyzylorda-news.kz.</a>&nbsp; Қорқыт ата атындағы Қызылорда университетінде жоғары білім беру ұйымдарының қызметін бағалау тәртібіне енгізілген жаңа ережелер мен өзгерістерге сәйкес «Таза парақтан реттеу саясаты туралы» семинар-кеңес өтті. Семинарды ҚР Ғылым және жоғары білім министрлігінің Ғылым және жоғары білім саласындағы сапаны қамтамасыз ету комитеті төрағасының орынбасары Артур Еділханов жүргізді.Жиында білім беру қызметіне қойылатын біліктілік талаптары (КВТ) және оларға сәйкестікті растайтын құжаттар тізбесі таныстырып, негізгі өзгерістер талқыланды. Семинарға университеттің барлық әкімшілік басқару қызметкерлері, құрылымдық басшылар, институт директорлары мен кафедра меңгерушілері қатысты.&nbsp;Университеттің Басқарма төрағасы – ректоры Бейбіткүл Сәрсемханқызы аталған өзгерістердің білім сапасын арттырудағы маңыздылығын ерекше атап өтті.&nbsp;Жиында Артур &nbsp;Жауханұлы &nbsp;мемлекет тарапынан жүргізілетін мемлекетті бақылау шараларын жоспарлау ерекшеліктеріне, білім беру қызметінің сапасын сырттай бағалау әдістеріне және мемлекеттік бақылау жүйесін автоматтандыру мәселесіне тоқталды.&nbsp;Сонымен қатар, академиялық ұтқырлық бағдарламасын жүзеге асыру талаптарына, шетелдік ғалымдарды оқу үдерісіне тарту мәселесіне, ғылыми жобалардың гранттық негізде қаржыландырылуына, докторанттардың диссертациялық жұмыстарын уақытылы қорғауына, білім беру бағдарламаларының нарық сұранысына сәйкес болуы сынды көптеген маңызды тармақтарға жеке тоқталды. Жоғары оқу орындары ғылыми-инновациялық жұмыстарға басымдық беруі керектігі де өтап өтілді.Университеттің академиялық қызметкерлері, кафедра меңгерушілері профилактикалық бақылау мен тексеру шараларына қатысты сұрақтарын қойып, көкейдегі толғандырып жүрген ойларына тұшымды жауаптар алды.Семинар соңында министрліктің де, жоғары оқу орындарының да ортақ мүддесі &nbsp;бұл – сапалы білім беруге қол жеткізу екендігі айтылып, ортақ мақсатқа қол жеткізу үшін осы бағыттағы ақпараттық-түсіндіру жұмыстарының жүйелі ұйымдастырылуы қажет екендігі айтылды. <img src="https://knadmin.beoblood.kz/uploads/b6a3af51_4764_4eb4_bed6_b2d834077470_d21665430f.jpg" alt="b6a3af51-4764-4eb4-bed6-b2d834077470.jpg"><img src="https://knadmin.beoblood.kz/uploads/751eca6d_9534_49ed_9974_4ff129dae99b_b9049a81d0.jpg" alt="751eca6d-9534-49ed-9974-4ff129dae99b.jpg">

Жоғары білім беру ұйымдарының қызметін бағалау талаптарына қатысты семинар өтті

<a href="https://kyzylorda-news.kz/">Kyzylorda-news.kz.</a> Қызылорда қаласындағы Мырзабек Дүйсенов атындағы №15 мектеп-лицейінің жоғары сынып оқушыларымен «Айбынды жастар – ел тірегі!» тақырыбында ерлік сабағы ұйымдастырылды.Ерлік сабағына Қызылорда облыстық қорғаныс істері жөніндегі департаменті бастығының орынбасары подполковник Алмат Жақыпов, «Жас сарбаз» жасөспірімдер әскери-патриоттық қозғалысы, Республикалық қоғамдық бірлестігі Қызылорда облыстық филиалының төрағасы Әкімжан Төлебай, Қызылорда қаласындағы шығыс жекпе-жегі мектебінің жаттықтырушысы Қуандық Мырзабекұлы және Ресей Федерациясы Тверь қаласындағы Әуе ғарыштық қорғаныс әскери академиясының курсанты Азат Арманұлы, Алматы қаласындағы Бауыржан Момышұлы атындағы «Жас ұлан» республикалық мектебінің курсанты Бексұлтан Шермұхаммадұлы мен Шымкент қаласындағы Кеңес Одағының батыры, генерал Сабыр Рахымов атындағы «Жас ұлан» республикалық мектебінің курсанты Мағжан Ержанұлы қатысты.Іс-шараның мақсаты болашақ жастардың туған еліне, Қарулы күштерге деген патриоттық және мақтаныш сезімін қалыптастыру, әскери оқу орындарын таныстыру мен насихаттау болды.Ерлікке бағдар болған сабақ барысында мектеп оқушылары әскери қызметшілер мен курсанттар тарапынан ойларындағы барлық сұрақтарына жауап алды. Жиын кезінде жалпы еліміздің әскері жайлы және жоғары әскери оқу орындарына түсу тәртібі сөз болды.<blockquote>«Жоғары сынып оқушыларымен маңызды ерлік сабағы өтті. Осындай іс-шаралар жастарымызға күш-жігер берері анық. Курсанттармен бірге оқушылардың барлық сұрақтарына жауап беріп, әрбір азаматтың Отан алдындағы міндеттерін талқыладық», – дейді подполковник Алмат Жақыпов.</blockquote>Іс-шара соңында №15 мектеп-лицейінің басшылығы әскери қызметшілерге, курсанттарға және қатысушы қонақтарға жастарға патриоттық тәрбие беру жолындағы еңбектеріне алғысын білдірді.<figure class="image"><img src="https://knadmin.beoblood.kz/uploads/Whats_App_Image_2023_01_20_at_10_13_33_1_2f734b7c19.jpeg" alt="WhatsApp Image 2023-01-20 at 10.13.33 (1).jpeg"></figure>

Оқушыларға арналған ерлік сабағы өтті

<a href="https://kyzylorda-news.kz/">Kyzylorda-news.kz.</a>&nbsp; Ғылым және жоғары білім министрінің жастар ісі жөніндегі кеңесшісі – студенттік омбудсмен Айсұлу Ерниязова Қорқыт ата атындағы Қызылорда университетінің студенттерімен кездесті.Жиында жаңа идеялар мен жастарға қатысты мәселелер талқыланды.<blockquote>«Студенттер құқығының қорғалуы, сапалы білім алуы, жатақханамен қамтылуы, шығармашылықпен еркін айналысуы – біздің басты назарымызда. Әртүрлі жоғары оқу орнында оқыса да белсенді білім алушылар бір-бірімен байланыс орнатып, жаңа идеяларды жүзеге асыруы керек. Өйткені, жастардың жарқын ойлары, күш-жігері қоғамға оң өзгеріс әкеледі. Былтыр Түркістанда өткен халықаралық жастар форумы студенттерге үлкен серпіліс берді. Мұндай ауқымды шара биыл да ұйымдастырылмақ», – деді Айсұлу Ерниязова.</blockquote>Айта кету керек, кездесуде университеттің Кәсіпкерлік орталығының жетекшісі Жанарыс Түбекбаев пен жастар ісі жөніндегі комиет төрағасы Нәбиден Марат&nbsp; жаңа жобалармен таныстырды.Жиын барысында студенттер сұрақ-жауап алмасып, ұсыныстарын жеткізді.<figure class="image"><img src="https://knadmin.beoblood.kz/uploads/16b7117db0d795e520c3f3fcc62b3b70_d51d0d50dd.png" alt="16b7117db0d795e520c3f3fcc62b3b70.png"></figure>

Министрдің жастар ісі жөніндегі кеңесшісі қызылордалық студенттермен кездесті

<a href="https://kyzylorda-news.kz/">Kyzylorda-news.kz.</a> 1 маусымда еліміздің оқушылары Халықаралық балаларды қорғау күнімен қатар соңғы қоңырау мерекесін атап өтеді. Бұл туралы ҚР Оқу-ағарту министрлігі Орта білім комитетінің төрағасы Гүлмира Кәрімова айтты, деп хабарлайды <a href="https://www.inform.kz/kz/okushylardyn-songy-konyrau-merekesi-1-mausymda-otedi_a4025382">ҚазАқпарат</a>.<blockquote>«Қазақстанда оқу жылының ұзақтығы 36 апта. Дәстүр бойынша оқу жылы 1 қыркүйекте басталып, биылдан бастап 31 мамырда аяқталады», - деді Гүлмира Кәрімова министрліктің телеграм каналында жарияланған түсініктемесінде.</blockquote>Оның айтуынша, 31 мамыр – оқу жылының соңғы күні. Бұл күні еліміздің мектептерінде оқушылардың жас ерекшеліктерін ескере отырып, Саяси қуғын-сүргін құрбандарын еске алу күніне арналған сыныптан тыс сағаттар өткізіледі. 1 маусымда еліміздің оқушылары Халықаралық балаларды қорғау күнімен қатар соңғы қоңырау мерекесін атап өтеді.Бұдан бұрын хабарланғандай, кешегі Мәжілістің жалпы отырысында депутат Аманжол Әлтай мектептердегі соңғы қоңырау күнін 30 мамырға немесе 1 маусымға ауыстыруды сұрады.<blockquote>«Елімізде 31 мамыр ашаршылық және саяси қуғын-сүргін құрбандарын еске алу күні болып белгіленді. Бұл күні алаш арыстарының рухына жасап жүрген құрметіміз олардың ескерткіштері мен мемориалдық орындарға гүл шоғын қоюдан аспай тұр. ҚР Оқу-ағарту министрінің 2022 жылғы 12 тамыздағы № 363 бұйрығына сәйкес, орта білім беретін мектептердегі соңғы қоңырау 31 мамыр болып бекітіліп отыр. Алаш арыстарының аманатын ұрпақ санасына сіңіруге тиіс министрліктің 31 мамыр күнінің маңызына мән бермегені қандай өкінішті?! Арыстарымыздың рухына бір күнді де толық қимай, апыл-ғұпыл аза тұтқансып, іле-шала той тойлап, думандатып кете беретін болсақ, елдігіміз қайсы?! Сондықтан мектептердегі соңғы қоңырау күнін 30 мамырға, не болмаса 1 маусымға ауыстыру керек. Бұл – ешқандай талқылауды қажет етпейтін әділетті талап», - деді А. Әлтай Үкімет басшысының орынбасары Алтай Көлгіновтың атына жолдаған сауалында.</blockquote>

Оқушылардың соңғы қоңырау мерекесі 1 маусымда өтеді

<a href="https://kyzylorda-news.kz/">Kyzylorda-news.kz.</a> Облыстық білім басқармасы мен білім және ғылым қызметкерлері кәсіподағы облыстық комитетінің бірлескен шешіміне сәйкес, аймақтық дене тәрбиесі методикалық орталығының 2022-2023 оқу жылының күнтізбелік жоспары бойынша алғашқы әскери және технологиялық дайындық пәні мұғалімдері арасында «Үздік жас маман» байқауы өтті.Байқаудың салтанатты ашылу рәсімін орталық директорының орынбасары Ерғали Алпысбаев ашып қазіргі таңда білім беру ұйымдарында АӘТД пәнінің ролі мен білім алушылардың қызығушылығын арттыру мақсатында жаңа технологилық әдіс тәсілдерді қолдануды ұсынды.Байқауға әр аудан және Қызылорда қаласынан іріктелген 30 жасқа дейінгі бес&nbsp;алғашқы әскери және технологиялық дайындық пәнінің &nbsp;мұғалімдері қатысты.Жас мамандар өзін-өзі таныстыру, панорамалық сабақтар шеруі, идеялар шеруі,&nbsp;портфолио төрт кезең бойынша өтті.Байқау қортындысымен І орын «Абай атындағы үш тілде оқытатын дарынды балаларға арналған сыныптары бар мектептің мұғалімі Айболат Ерназаровқа бұйырды. ІІ орынды Арал ауданы № 64 мектептің мұғалімі Мұхтар Зейнуллаевалды. &nbsp;Ал, &nbsp;ІІІ орынды Шиелі ауданы А.Қыраубаев атындағы № 40 орта мектептің мұғалімі Пернебек Рахымжан иемденді.Жеңімпаз командаларды облыстық Қорғаныс істері жөніндегі департаменті бастығының орынбасары Алмат Жакипов құттықтап облыстық білім басқармасының және білім және ғылым қызметкерлері кәсіподағы облыстық комитетінің арнайы дипломдары мен бағалы сыйлықтарымен марапаттады.<figure class="image"><img src="https://knadmin.beoblood.kz/uploads/670dbc88_4034_4d26_a711_7ed789e3ceea_002267f066.jpg" alt="670dbc88-4034-4d26-a711-7ed789e3ceea.jpg"></figure>&nbsp;

Қызылордада «Үздік жас маман» байқауы өтті

&nbsp;<a href="https://kyzylorda-news.kz/">Kyzylorda-news.kz.</a>&nbsp; Облыстық мәслихаттың кезектен тыс ХХIV сессиясының шешіміне сәйкес, аймағымыздың мемлекеттік білім беру ұйымдарында жұмыс жасайтын ұстаздар 2023-2024 оқу жылында медициналық тексеруден тегін өтетін болды.Бұл мақсатта облыс әкімінің қолдауымен бюджеттен 90 млн-нан астам қаржы бөлініп отыр.Айта кетейік, өткен жылы медициналық тексеруден өту тек балабақша қызметкерлеріне ғана тегін болып келсе, енді биылдан бастап білім саласы қызметкерлері толық қамтылады.

Қызылорда облысында білім саласы қызметкерлері медициналық тексеруден тегін өтетін болады

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінің Жаратылыстану институты, «Биология, география және химия» кафедрасы Астана қалалық ботаникалық бағымен әріптестік негізде жұмыс жүргізуде.Осы бағытта «Биология, география және химия» кафедрасының қауымдастырылған профессоры, б.ғ.к. Рахат Құрманбаев Астана қалалық ботаникалық бағының филиал директоры Медеу Ражанов және директордың орынбасары Мархабат Каировамен кездесті.Сондай-ақ, Астана қаласындағы Ботаникалық бақтың шөл және тропикалық өсімдік оранжереяларының түрлік&nbsp; қорымен танысты. Кездесу барысында ғылыми зерттеулер мен ғылыми-әдістемелік жұмыстар туралы екі жақты меморандум жасау жоспарланды. &nbsp;&nbsp;&nbsp;&nbsp;Алдағы уақытта Меморандум &nbsp;аясында екі жақты тәжірибе алмасу, тағылымдамадан өту жолдарын қарастыру, Қорқыт ата атындағы Қызылорда университетіндегі ботаникалық бақтың түрлік қоры толықтырылмақ.Сонымен қатар, кадрларды даярлау және кәсіби практиканы (студент, магистрант және докторанттардың) Орман ресурстары және орман шаруашылығы биология, биотехнология және экология салаларының шеңберінде өткізу, Қызылорда облысының флорасына ғылыми-зерттеу жұмыстарын жүргізу де жүзеге асырылмақ.<figure class="image"><img src="https://knadmin.beoblood.kz/uploads/e487f9f37db839b1fd6f85f7a486e149_fb997fa74a.png" alt="e487f9f37db839b1fd6f85f7a486e149.png"></figure><figure class="image"><img src="https://knadmin.beoblood.kz/uploads/Image01_18_803b9605a1.jpeg" alt="Image01-18.jpeg"></figure>

Астана қалалық ботаникалық бағымен ынтымақтастық туралы меморандум жасалмақ

<a href="https://kyzylorda-news.kz/">Kyzylorda-news.kz.</a>&nbsp; Былтыр Қытай халқының саны 850 мың адамға азайған. Мұндай мәліметті <a href="https://24.kz/ru/news/in-the-world/item/582695-naselenie-kitaya-rezko-sokratilos">"Хабар 24"</a> телеарнасы ҚХР мемлекеттік статистика бюросына сілтеме жасап хабарлайды.Халық санының мұндай мөлшерде азаюы 60 жылдан бері бірінші рет болған. 2022 жылдың желтоқсан айында халықтың саны бір жарым миллиард адам болған. Бала туу көрсеткіші де күрт төмендеп кеткен. Былтыр бұл елде 9,5 миллион бала дүниеге келген, 2021 жылғы көрсеткішпен салыстырғанда 10 пайызға кем.Негізінен елдегі экономикалық даму, өмір сүру қиындауы және білім беру саласының қымбаттауы қатты әсер еткен. Экономистерінің болжамы бойынша, алдағы бес жылда қытай халқының саны тағы азайады екен.

Қазақстан және Қызылорда облысының жаңалықтары: Білім

«InnoFest» жеңімпазының жобасы патентке ие болды