<a href="https://kyzylorda-news.kz/">Kyzylorda-news.kz.</a> 16 мамырда республика бойынша негізгі ҰБТ басталады. Оны 5 шілдеге дейін екі рет тапсыруға болады. Соның нәтижесі бойынша грантқа түсуге мүмкіндік бар.2023 жылғы тесттің негізгі жаңалығыБиыл Қазақстан тарихы пәні бойынша 20 тест тапсырмасы болады. Олар екіге бөлінген:- 1-ден 10-ға дейін – бір дұрыс жауапты таңдауға арналған;- 11-ден 20-ға дейін – контекстке негізделген бір дұрыс жауапты таңдауға арналған тест тапсырмалары (5 сұрақтан 2 контекстік мәтін).Осылайша, контекстік тест тапсырмаларының саны көбейіп, талапкерлердің білімін терең бағалауға басымдық беріліп отыр. Сосын бұған дейін талапкерлерге оқу сауаттылығынан 20 тест тапсырмасы берілсе, енді 3 мәтін бойынша 15 тест сұрағы ұсынылады. Ал математикалық сауаттылықта бұрыңғыдай 15 тапсырма қала береді.Бейіндік пәндер комбинациясы өзгердіҰБТ-да бейіндік пәндер комбинациясы тізбесіне "Математика-Информатика" енгізілді. Оны "Информатика мұғалімдерін даярлау", "Ақпараттық технологиялар" мен "Ақпараттық қауіпсіздік" бойынша тапсырады. Бейіндік пәндерде басқа өзгеріс жоқ.Бейіндік пәндер тізімі:- математика мен физика;- биология мен география;- биология мен химия;- биология мен география;шет тілі мен дүниежүзі тарихы;- география мен шет тілі;- дүниежүзі тарихы мен құқық негіздері;- дүниежүзі тарихы мен география;- қазақ тілі / орыс тілі мен қазақ әдебиеті / орыс әдебиеті;- химия мен физика; екі шығармашылық.Жауап нұсқалары азайдыҰБТ тапсырмаларында жауап нұсқаларының санын азайтуға шешім қабылданды. Осылайша, бір дұрыс жауабы бар сұрақтарда жауап нұсқалары 5-тен 4-ке дейін, ал бір немесе бірнеше дұрыс жауабы бар сұрақтарда 8-ден 6-ға дейін азайтылды.ҰБТ форматы- 5 пән (3 міндетті + 2 бейіндік);- барлық тест тапсырма саны – 120. ең жоғары балл – 140;- тестілеудің жалпы уақыты: 4 сағат (240 минут);- ерекше қажеттілігі бар адамдар үшін тест уақытын тағы 40 минутқа ұзартып береді; Колледж түлектеріне арналған ҰБТ форматы:- 2 пән (жалпы кәсіптік +арнайы); тестілеудің жалпы уақыты – 2 сағат (120 минут);- тест тапсырмалар саны – 60. Жоғары балл саны – 70;- шекті балл – кемінде 25 балл, ал педагогикалық мамандықтарға – кемінде 35 балл;- әр пән бойынша шекті балл – 5 балл.Айта кетер жәйт, колледжде бітірген мамандығын жоғары оқу орнында ақылы бөлімде жалғастырғысы келетін бітірушілер университеттің қабылдау комиссиясында әңгімелесу арқылы оқуға қабылданады. Ондайда ҰБТ нәтижесі талап етілмейді. Ал колледж түлегі бітірген мамандығын ЖОО-да жалғастырмай, басқа білім беру бағдарламалары бойынша оқуға түскісі келсе, онда толық оқыту нысаны бойынша оқуға қабылданады. Ол үшін 5 пән бойынша ҰБТ тапсыру керек.ҰБТ нәтижесі жойылуы мүмкінТест тапсыру ережелеріне сәйкес, әрбір адам бір компьютердің алдында отырады. Бейнебақылау камерасы да бар. Бірақ аудиторияға кірмес бұрын тест тапсырушы идентификациядан өтеді. Тыйым салынған заттардың бар-жоғы да тексеріледі. Ол үшін арнайы металл іздегіш құрылғы бар. Ал аудиторияда тыйым салынған заттар анықталса, арнайы акт рәсімделеді. Осыдан кейін тест тапсырушыны шығарып жібереді.Тест тапсыру кезінде сөйлесуге, орын ауыстыруға, аудиториядан шығуға, шпаргалка және тағы басқа ақпарат алу жолдарын пайдалануға болмайды. Ереже бұзылған жағдайда тест нәтижесі жойылады. Осы орайда тағы маңызды бір нәрсені айта кеткен жөн, ҰБТ өткеннен кейін бейнебақылау жазбалары жан-жақты зерделенеді.Талапкер жоғары ұпай жинап, грантқа түскен күннің өзінде бейнебақылау жүйесі тыйым салынған заттардың болғанын анықтаса, тест нәтижесі жойылады, ал грант одан кейін тұрған адамға беріледі. ҰБТ кезінде калькулятор, Менделев пен тұздың ерігіштігін көрсететін кестені ғана пайдалануға болады. Бұның барлығы компьютердің интерфейсінде бар.Оқуға түсу үшін қанша ұпай қажет?Жоғары оқу орнының ақылы бөліміне түсу үшін кем дегенде 50 ұпай жинау керек. Ал ұлттық университеттерде шекті ұпайдың саны – 65.Бұдан бөлек, кейбір мамандықтар бойынша ұпайдың қажетті саны белгіленген.- Ауыл шаруашылығы мен биоресурстар, ветеринария – 60 балл;- Педагогикалық ғылымдар, құқық – 75 балл;Сондай-ақ әрбір университет білім беру бағдарламалары бойынша өздігімен шекті ұпай санын қоя алады. Ал грантқа түсу үшін барынша көп ұпай жинау керек.АппеляцияЕгер талапкер өзі тапсырған ҰБТ нәтижесімен келіспесе, аппеляциялық комиссияға шағым түсіре алады. Бірақ арызды келесі күні сағат 13:00-ден кешіктірмеу керек. Аппеляцияға бірден жүгінген дұрыс. Комиссия шағымды бір тәуліктің ішінде қарап, өз шешімін шығарады.Грантқа ұпай жетпесе, не істеу керекБиыл негізгі ҰБТ кезінде екі рет тест тапсыруға мүмкіндік беріліп отыр. Екі куәліктің ішінен ең жоғары ұпайды алып, грант тағайындау конкурсына қатысуға болады. Грантқа өтпей қалсаңыз, ақылы бөлім ғана қалады. Оған да шекті ұпай жетпей тұрса, тамыз айында ақылы тест тапсыруға болады. Бағасы – 4 230 теңге.Негізгі ҰБТ-ны кімдер тегін тапсырады?Биыл ұлттық бірыңғай тестілеуге қатыса алатындар:- 2023 жылдың колледж бен мектеп түлектері;- өткен жылдары колледж бен мектеп бітіргендер;- шетелде 11 (12) сыныпта оқитындар;- қандастар;- шартты түрде оқуға түсетін студенттер;Биыл мектеп бітірген түлектер ҰБТ-ны тегін тапсырады. Қалғаны ақысын төлеуі керек.<a href="https://sputnik.kz/20230513/ubt-2023-biylgy-testtin-negizgi-ozgeristeri-qanday-34849833.html">Sputnik Қазақстан</a>

ҰБТ-2023: Биылғы сынақтың негізгі өзгерістері қандай?

<a href="https://kyzylorda-news.kz/">Kyzylorda-news.kz.</a>&nbsp; Биылғы оқу жылының түлектері екі мәрте Ұлттық Бірыңғай тестілеуге қатысып, бақ сынады. Алда екі мәрте мемлекеттік грантқа оқуға түсу үшін білім бәйгесіне түседі. Бұл екі мүмкіндік түлектерге мамыр және маусым айында беріледі. Осы жылдың сәуір айының 28-нен бастап грант негізінде оқуға түсу үшін талапкерлерден ҰБТ-ға өтініш қабылдау жүзеге асуда.Жалпы талапкерлерге биыл да ұлттық бірыңғай тестті бес рет тапсыру мүмкіндігі берілетіні белгілі. Оның үшеуі ақылы негізде оқуға түсу үшін болса, екеуі грантпен оқуға түсу үшін талаптанады.&nbsp;Осы уақытқа дейін оқушылар екі рет ақылы негізге оқуға талаптанды, алда негізгі тест сынағы тұр. Мамыр-маусым айында мектеп бітірушілер бақ сынап, ең жоғарғы нәтижеге қол жеткізуге тырысады. Себебі осы жолғы ҰБТ-дан жинаған ұпаймен грант конкурсына қатысып, қалаған жоғарғы оқу орнына түсуге мүмкіндік алады.<blockquote>– «ҰБТ-2023» форматында айтарлықтай өзгерістер жоқ. Дегенмен міндетті пәндер қатарындағы «Қазақстан тарихы» мен «Оқу сауаттылығы» бойынша тапсырмалар саны өзгерген. Яғни, Қазақстан тарихынан – 20, оқу сауаттылығынан – 15, математикалық сауаттылықтан – 15 және екі бейіндік пәндер бойынша 35 сұрақ ұсынылады. Талапкер барлығы 120 сұрақ¬тан ең жоғарғы ұпай – 140 балды жинауына болады. Тестілеуге 4 сағат уақыт берілсе, ерекше білім беру қажеттілігі бар балаларға қосымша 40 минут қарастырылған, – деген болатын ҚР Ұлттық тестілеу орталығының директоры Руслан Емелбаев.</blockquote>Тағы бір ескеретін жайт – жауап нұсқаларының санының азайғанында. Бір дұрыс жауабы бар тест тапсырмаларында нұсқалар саны 5-тен 4-ке дейін, бір немесе бірнеше дұрыс жауабы бар тест тапсырмаларында нұсқалар саны 8-ден 6-ға дейін азайған.Биылғы жылдың талапкерлері үшін ең басты жаңалық «Информатика мұғалімдерін даярлау», «Ақпараттық технологиялар», «Ақпараттық қауіпсіздік» мамандығын таңдаған талапкерлер тестті таңдау пәні бойынша математика және информатика пәндерінен сынақ тапсырады.<blockquote>– Бұған дейін IT саласына түсушілер «Математика-физика» пәндерін таң-дайтын. Тестілеуге дайындықты жақсарту үшін оқу жылының басында информатика бойынша ҰБТ-да кездесетін терминдер тізімін жарияладық. Қазақ тілінде тапсырушылар үшін терминдердің орысша және ағылшынша, орыс тілінде тапсырушыларға – қазақша және ағылшынша, ағылшынша тапсырушыларға – қазақша-орысша аудармасы ұсынылады. Сондай-ақ барлық талапкерге компьютер экрандарында калькулятор, Менделеев және ерігіштік кестесі қолжетімді. Тестілеу орталығы кестелерді қағаз түрінде де таратады, оқушылардың өздеріне әкелуге рұқсат жоқ, – деп түсіндірді орталық директоры брифингте.</blockquote>2022-2023 оқу жылынан бастап ІТ-мамандықтарға түсуші талапкерлер қа-жетті пәндердің бірі ретінде информатикадан тест тапсыратыны туралы ҚР цифрлық даму, инновациялар және аэроғарыш өнеркәсібі министрі Бағдат Мусин пікір білдірген.<blockquote>– Бүгінгі таңда ҰБТ-ға дайындық – бұл жоғары сынып оқушыларын алаңдататын басты мәселе. Информатиканы қажетті пәндердің тізбесіне кіргізу арқылы пәнді оқуға қызығушылық таныт¬қан оқушылар санын ұлғайтуға мүмкіндік болады. Бұл өз кезегінде информатика мұғалімдері кәсібінің беделі мен мәртебесін арттырады, – дейді министр.</blockquote>Министр болашақта барлық мамандық ІТ саласымен байланысты болады дейді. Соған орай әрбір адам математиканы білгені сияқты бағдарламалау негіздерін де білуі керек.<blockquote>– Адам бағдарламауды білсе, бұл оның логикалық ойлауды жетік меңгергенін білдіреді. Осы ретте ол бәсекеге қабілетті бола алады. Өйткені ол информатика біліміне негізделген идеялар мен түрлі гипотезаларды іс жүзінде жүзеге асыра алады. ІТ саласының негіздерін үйрену – бұл тек мамандықты меңгеруде ғана емес, өмірде де пайдалы болары анық, – деді Бағдат Мусин.</blockquote>Жалпы талапкерлер үшін ҰБТ-ға дайындықты жақсарту мақсатында Ұлттық тестілеу орталығы өз сайтында және әлеуметтік желілерінде тест жоспарын, ҰБТ-да кездесетін Қазақстан тарихы мен дүниежүзі тарихынан 100 тарихи датаны, информатика пәнінен терминдер тізімін, қазақ әдебиеті және орыс әдебиеті пәндерінен сұрақтар келетін шығармалар тізімін жариялаған.Сырдария ауданында 2022-2023 оқу жылында 471 оқушы мектеп бітіреді. Оның 345-і осы уақытқа дейінгі ҰБТ-ға қатысқан. Қаңтар айында тапсырған ҰБТ қорытындысында орташа балл – 81,8 болса, наурыз айында – 78 балды көрсетті. 100 және одан жоғары балл жинаған талапкерлердің саны – 54, шекті балдан өтпегендер – 21. Осы күні негізгі сынаққа дайындық мәселелері қаралып, пысықталуда. Ата-аналарға балаларына барынша жағдай жасау мәселесі де тапсырылған.Наурыз айындағы ҰБТ бойынша ауданда ең жоғарғы 128 балды №44 орта мектептің оқушысы Мерей Жалғас жинаса, одан кейін 127 балды №37 мектептен Айжан Рамазан алды. Биыл ауданда 28 «Алтын белгіге» және 35 «Үздік аттестатқа» үміткер бар.

 Сырдариялық оқушылардың ҰБТ-ға дайындығы қалай?

<a href="https://kyzylorda-news.kz/">Kyzylorda-news.kz.</a> Жақында Ақжар ауылындағы №28 орта мектепте «Өрлеу» біліктілікті арттыру ұлттық орталығы еліміздің білім беру саласында табысты еңбек еткен ардагер-ұстаздардың есімін білімді жастардың жадында қалдыру мақсатында «КСРО Білім беру ісінің үздігі», ұлағатты ұстаз Сәден &nbsp;Нұртаев атындағы цифрлық форматтағы дәстүрлі республикалық пәндік олимпиадасы өтті.Тәуелсіз Қазақстанның салт-дәстүрі мен мәдениетін, тереңге бойлаған тарихын түгендеп, өзі туып-өскен жерінің тарихын зерттеп, оны ұрпақ &nbsp;санасында жаңғыртуда ауданда алғашқылардың бірі болған Сәден Нұртаевтың еңбегі ерен. Ұлағаты ұстаз аудан орталығынан шалғай, Қызылдың қиясында орналасқан КСРО Батыры Тәйімбет Көмекбаев ауылындағы №185 орта мектепте шәкірттерге тарих пәнінен дәріс беріп жүріп, сол елді мекен маңындағы ескі қала орындарынан табылған құнды жәдігерлерді &nbsp;тарих сабағына көрнекі құрал ретінде қолданып, әрбір шәкірттің таным-түсінігін кеңейтті. Әрине, сол еңбегі үшін де аудандық, облыстық, республикалық &nbsp;марапаттарға ие болды. КСРО Білім министрлігінің де құрметіне бөленді. Одақтық «Наука и жизнь» журналына мақаласы да жарияланды.&nbsp;Міне, осындай ұлағатты ұстаздың құрметіне арнап 2018 жылдан бері ұстаздың ұрпақтарыының демеушілігімен оқушылардың» Қазақстан тарихы» пәніне деген интеллектуалды-шығармашылық қабілетін дамыту, дарынды оқушыларды қолдау, олардың ғылымға деген қызығушылығын арттыру &nbsp;мақсатында 9-10 сынып оқушылары арасында цифрлық форматтағы республикалық олимпиаданы өткізіп келеді.Биыл сол білім бәсекесі 6 рет өткізілді. Оған Сыр бойы дарынды оқушыларымен бірге көршілес облыстардың білім беру ұйымдарының үздік оқушылары қатысып, білімдерін ортаға салды. Нәтижесінде 3 тур бойынша өткізілген білім бәсекесінде 9 сыныптар арасында бас жүлдені Шиелі ауданының жас білімгері Алихан Зұлқарнайұлы &nbsp;жеңіп алса, қалған орындарға Әсем Перузхан (Қызылорда), Нұрай Ерболқызы (Жалағаш), Ерғали Қосан (Арал), Гүлмира Тоқтақұлова (Түркістан облысы) көтерілді. Ал, 10 сынып оқушылары арасында өткен білім бәсекесінде бас жүлдені жалағаштық Мұхаммед Әбдірахман жеңіп алса, І орынды &nbsp;№277 мектеп-лицейінің 10 сынып оқушысы Аружан Жансейітова, ІІ орынды қазалылық Айнұр Әйекешова, ІІІ орынды Түркістан облысының білімгері Алтынай Қадір иеленді.&nbsp;Сонымен қатар, жерлестеріміз арасында өзінің білімділігімен танылған №28 орта мектептің оқушылпры Зухра Қанағат, Асылзат Сәбитова Алғыс хатқа, номинацияға ие болса, №29 орта мектептің енді бір шәкірттері Саят Айтжанов, Дарын Төребеков, №105 мектеп-лицейінің оқушысы Нұргүл Сейітбекқызы арнайы сертификатпен марапатталды.

Қармақшыда республикалық пәндік олимпада өтті

<a href="https://kyzylorda-news.kz/">Kyzylorda-news.kz.</a> Мектеп кітапханасын қорын толықтыру, жастарды оқуға тарту мақсатында «Кітапханаға кітап сыйла!» акциясы өтті.Бұл рухани шара аясында М.Шоқай атындағы №187 ІТ мектеп лицейінің мектеп директорының ғылыми әдістемелік жұмыстар жөніндегі орынбасары Сәуле Әбутәліпқызы мен ағылшын тілі пәнінің мұғалімі, педагог-зерттеуші Жанна Кешабадинқызы мектеп кітапханасына көркем әдеби кітаптарды сыйға тартты.Адамзат баласының қол жеткізген игілігінің бірі – білім қазынасы. Дана халқымыз «Батыр бірді жығады, білімді мыңды жығады» деп бекер айтпаса керек. Кітап білімімізді молайтады, үлгі-өнеге мен тәрбие береді. Кітап оқу – адамға өзіндік әсер етіп, оның қалыптасуына маңызды рөл атқарады. Кітап оқу мен кітапханаларды қолдаудан оқушылар да тыс қалмады. Олар кітапхана қорын әр саладағы көркем әдебиеттермен толықтыру, жас оқырмандарға қазақ әдебиетінің кітаптарын насихаттау, жастарды рухани және патриоттық тәрбиеге баулу, оқырмандарды кітап оқуға тарту мақсатымен керемет кітаптарды тарту етті.Игілікті бастама басқа да жанашыр жандардың тарапынан кеңінен қолдауға ие болуда. Алдағы уақытта оқушыларға бос уақыттарын тиімді пайдаланып, үнемі іздену арқылы тұлғалық болмысын дамыту үшін жаңаша жетістіктерге жетелейтін көркем әдебиеттер мен ғылыми әрі танымдық кітаптарды жиі оқуды тұрақты дәстүрге айналдырса білім биігін бағындырар еді.

Көркем әдебиетке толы кітапхана

<a href="https://kyzylorda-news.kz/">Kyzylorda-news.kz.</a> Жақында Төретам кентіндегі Т.Жүргенов атындағы №80 мектеп-гимназиясында ертеңгі ел болашағы болып саналатын мектеп оқушыларының математика пәніне деген қызығушылықтарын ояту, өз заманында математика ғылымының майталманы, ұлағатты ұстаз, өз ұжымының кемеңгер басшысы бола білген тұлға Қуандық Игенбаевты еске алу мақсатында 7-сыныптарға арналған Қ.Игенбаев атындағы ХІІ облыстық олимпиада өткізілді.Оған облыс бойынша әр ауданнан 42 оқушы қатысты. Білім бәйгесінде бақ сынаған оқушыларымыздың білімін Қорқыт ата атындағы Қызылорда университетінің профессорлары мен қаладағы білім инновациялық лицейінің ұстаздары саралап, әділ шешім шығарды. Облыс көлеміндегі іс-шараға «Дарын» қосымша білім беру орталығының басшысы Айжан Тұрғанбекқызы, 80 мектеп-гимназияның ардагер ұстаздары Мейіткүл Аралбаева, Сәуле Серікбаева, Керейтбай Дүйсенов, Әбжали Жорықбаев, ата-аналар комитетінің төрағасы Абдимуталап Ниязбаев, ағайдың балалары Серік, Ержан Игенбаевтар қатысты.&nbsp;Кейінгі ұрпаққа мәңгі өлмейтін мағыналы із қалдырған біртуар азаматтың мәртебесін асқақтатып, киелі шаңырақтың төрінде Қуандық Игенбаевтың құрметіне қойылған ескерткіштің салтанатты түрде ашылуына барша жұрт куә болды. Ескерткішті салтанатты түрде ашу құрметі бірге жұмыс жасаған әріптестері, ардагер ұстаздар Керейтбай Дүйсенов пен Әбжали Жорықбаев және мектептің ата-аналар комитетінің төрағасы Абдимуталап Ниязбаевтарға ұсынылды.&nbsp;Дәстүрлі математикалық олимпиадаға қатысушы оқушыларға, қадірменді қонақтарға олимпиаданың арнайы төсбелгісі тағылды. Білім сайысы аясында Қуандық ағайдың ұрпақтарының демеушілігімен қайта жабдықталып, жаңа деректермен толыққан мектебіміздегі мұражай оқушылардың таныстырылымын білім ұясының шәкірттері жасады. Талай ұрпақтың жадында мәңгілікке жазылып қалған ұстаздар, абзал жүректі ұлағат иелері аз емес. Осындай ұлағатты жан Қуандық Игенбаевты еске алып, еңбегін дәріптеу мақсатында Индира Ахметова «Тұғыры биік нар тұлға!» атты ғылыми-танымдық конференция өткізді. Оған ұлағатты ұстаздың отбасы, ардагер ұстаздар, білім нәрімен сусындатқан шәкірттері, өмірдің ызғары мен ыстығын бірге сезінген қызметтес достары және 11-сынып оқушылары қатысты. Іс-шарада ағайдың өнегелі өмірі, бойындағы ерекше қасиеттері, бітім-болмысы, бала тәрбиесіндегі басты ұстанымы туралы келген қонақтар кеңінен тоқталды. Ауылдастары мен шәкірттерінің ыстық ықыласына бөленген азаматтың айтқан әзіл әңгімелері қызметтес әріптестері Райхан Байшораева, Оразкүл Досанова, Пазыл Төлемісов және Қазалы ауданынан келген шәкірті, өзі де осы олимпиадаға шәкіртін үкілеп қатыстырып отырған Жібек Досжановалар сағынышпен еске алды. Сондай-ақ, 11-сынып оқушылары Руслан Нұрашев пен Жұлдыз Жұмабекова &nbsp;олимпиада қатысушыларына сәттілік тілеп, келген қонақтарға өздерінің ыстық &nbsp;лебіздерін білдірді.Халқымыздың келешегін жарқын етер, үкілеген үміт иелері – жас жеткіншектердің басын бір арнаға тоғыстырып, қыз-қыз қайнаған білім бәсекесінде тереңнен шыңдай түскен математика олимпиадасында дарабоз дарындыларды марапаттау «Дарын» қосымша білім беру орталығының басшысы Айжан Тұрғанбекқызына тапсырылды. Шашасына шаң жұқтырмай оза шапқан дарындарға бағалы сыйлықтармен қатар мақтау қағаздары табысталды. Аталған олимпиадада Т.Жүргенов атындағы №80 мектеп-гимназиясының 7 сынып оқушысы Дильназ Отарбай қанжығасына І орынды байлап, жеңімпаз атанды.

Есепке жүйрік өрендердің есебі түгенделді

<a href="https://kyzylorda-news.kz/">Kyzylorda-news.kz.</a> Қазалы ауданындағы Жамбыл Жабаев атындағы №234 орта мектепте білім бөлімінің ұйымдастыруымен «Педагогикалық идеялар» байқауы өтті.Сайыстың мақсаты - педагогтардың шығармашылығын шыңдау, өзін-өзі жүзеге асыруын және кәсіби өсуін ынталандыру, озық педагогикалық тәжірибелерді анықтау және заманауи инновациялық білім беру технологияларын насихаттау болып табылады.Аталған байқауға педагог-психологтар және дефектолог мамандар қатысты. Сайыс ережесі бойынша педагог-психологтар мен дефектологтар «Психолог сандықшасы» бөлімінде өз іс-тәжірибелерімен бөлісті. Талапкерлер түрлі тренингтер өткізіп, бұған дейін жұмыс барысында кездескен тәжірибелерін ортаға салды. Адам жанын түсінуге асық мамандық иелері бүгінгі қоғамның бет-бейнесі мен келешек келер күнге шолу жасады.&nbsp;Тартысты бәсеке қорытындысына сәйкес, І орынмен №95 орта мектеп психологі Аққоянова Дамира, ІІ орынмен №25 орта мектеп психологі Қожахмет Гүлбағым, ІІІ орынмен Утелбаева Жадыра марапатталды. Жұбаназар Айгүлге Алғыс хат бұйырды.Арнайы мамандар арасындағы сайыста І орынмен №204 орта мектептің дефектологі Елубайқызы Толқынай, ІІ орынмен №216 орта мектеп дефектологі Сансызбаева Дина, ІІІ орынмен №104 орта мектептің дефектологі Алиева Ақкүл марапатталды

Қазалының мектебінде мұғалімдер педагогикалық идеяларды ортаға салынды

<a href="https://kyzylorda-news.kz/">Kyzylorda-news.kz.</a>&nbsp; Сырдария ауданында білім беру саласы бойынша 53 білім беру ұйымы жұмыс жасайды. Оның ішінде 30 мектепке дейінгі білім беру ұйымдары бар. Яғни 17 мемлекеттік бала бақша, 6 мектеп жанындағы шағын орталық, 7 жеке бала бақшада бүлдіршіндер тәрбиеленеді. Сонымен қатар ауданда 17 мектеп, 6 қосымша білім беру ұйымдары, 1 жалпы білім беретін кешкі мектеп жұмыс жасайды.Аудандық білім бөлімінің басшысы Берік Жәнібековтың айтуынша 2023 жылға бюджеттен бөлінген қаржы 13,1 млрд теңгені құраса, бұл өткен жылмен салыстырғанда 2,5 млрд теңгеге артық, яғни 2022 жылы 10,6 млрд теңге бөлінген.Ауданда мектепке дейінгі мекемелермен бүлдіршіндерді қамтуда ешқандай мәселе жоқ. 17 мемлекеттік балабақша, 7 жеке балабақша және 6 мектеп жанындағы шағын орталыққа &nbsp;2050 бала қамтылған. Балалардың қамтылу көрсеткіші &nbsp;1-6 жас 82 пайыз, 3-6 жас 100 пайыз. Ата-аналар балаларын бала бақшаға орналастыру үшін өтінішті электронды түрде бере алады немесе Халыққа қызмет көрсету орталығына барып, өз өтініштерін өткізеді.Ауданда жыл сайын жеке бала бақша саны да артып келеді. Мәселен, 2022 жылы &nbsp;80 орынға арналған 1 жеке балабақша ашылса, биылғы жылы Бесарық ауылынан 50 орындық 1 жеке балабақша ашу жоспарлануда. Сонымен қатар бірқатар &nbsp;бала бақшалардан &nbsp;қосымша 30 орын ашылады деп күтілуде.Мемлекет тарапынан бала бақша жұмысына бақылау жүргізу мақсатында және қауіпсіздікті қамтамасыз ету үшін 2022 жылы 13 балабақшаға &nbsp;бейнебақылау камералары орнатылды. Бұл мақсатта бюджеттен 15,9 млн теңге қаржы жұмсалған. Сондай-ақ, 7 балабақшаға 21 млн теңге қаржыға инклюзивтік кабинеттер сатып алынып, пайдалануға берілген.&nbsp;<blockquote>Аудан бойынша 2022-2023 оқу жылында 17 мектепте 8219 оқушы білім алуда. Мектептердің &nbsp;5-і инновациялық мектеп-лицейлер. Мектептерде 1309 мұғалім сабақ береді. Олардың 1251-і жоғарғы, 58-і арнаулы білімді. Мұғалімдердің 207-і педагог-зерттеуші, 490-ы педагог-сарапшы, 300-і педагог-модератор дәрежесі бар.&nbsp; Ауданның білім саласында айтарлықтай мәселе жоқ. Ең қуаныштысы ауданда апатты жағдайда және 3 ауысымда жұмыс істейтін мектеп жоқ. Көптен бері ұсыныс ретінде айтылып жүрген жаңа мектеп салу мәселесі де шешімін тапты. «Жайлы мектеп» жобасы аясында 2024 жылы Тереңөзек кентінен 300 орындық мектеп құрылысы салыну жоспарлануда, – дейді аудандық білім бөлімінің басшысы Берік Съездұлы.</blockquote>Өткен жылы білім саласында атқарылған жұмыстардың қатарында Аманкелді ауылындағы №42 Қ.Баймағамбетов атындағы мектеп-лицейінің от жағатын ғимаратына күрделі жөндеу жүргізуіне қаржы бөлінгені. Бөлінген 12,8 млн. теңге қаржыға тиісті жұмыстар жүргізілген.&nbsp;Сондай-ақ, пәндік кабинеттер сатып алуға 24,6 млн.теңге қаржы бөлініп, №131, №137, №210 мектептер жаңа модификациялық кабинеттермен жарақтандырылды. 2023 жылы 23,1 млн теңгеге №44,139,191 мектептерге жаңа модификациялық кабинет алынады. Бұл өз кезегінде білім сапасын арттыруға берілетін үлкен мүмкіндік.Оқушылардың қауіпсіздігін қамтамасыз ету мақсатында №37, №126, №132, №135, №137 мектептерге жаңа стандартқа сәйкес бейнекамера орнатылды, бұл мақсатта &nbsp; 36 млн. теңге қаржы бөлінді. №37, №42, №129 мектеп-лицейлерге 9000 млн. теңге қаржыға инклюзивтік кабинеттер алынды.&nbsp;Жаңа оқу жылына оқулықтар мен оқу-әдістемелік кешендерін сатып алуға барлығы облыстық &nbsp;бюджеттен 64,8 мың теңге қаржы бөлініп, оқулықтар толық алынып, оқушыларға таратылып берілген. 2023 жылы оқулықтар алуға 78,5 мың теңге бөлініп тұрғанын айту керек. Ауданда 5 қосымша білім беру ұйымдары жұмыс жасайды, олардың 4-і әуез мектебі, 1-і Оқушылар Үйі. Қосымша білім беру ұйымдарына &nbsp;1169 оқушы &nbsp;қатысады, ол барлық оқушылардың 13,4 пайызын құрайды. &nbsp;Қалған 6 елді мекендерде филиалдар жұмыс жасайды. &nbsp;

Сырдарияда 5 инновациялық мектеп-лицей бар

<a href="https://kyzylorda-news.kz/">Kyzylorda-news.kz.</a> Қазалы қаласындағы №1 «Ақерке» балабақшасы 2009 жылы пайдалануға берілген. Балабақша 90 орындық, 2 қабатты, жаңа типті жобада салынған. Қазіргі таңда 5 топта 90 бала тәрбиеленуде.&nbsp;Заман талабына сай құрал-жабдықтармен қамтылған тәрбие ошағында бүлдіршіндерге қажеттінің барлығы бар деуге болады. Әр топта балаларға арналған жатын, ойын, киім шешетін, жуынатын бөлмелер, әжетхана, спорттық зал және үйірме жұмыстары жүргізілетін арнайы кабинеттер жабдықталған. Ойын бөлмелерінің жылуы еден асты арқылы беріледі. Бұл балалар үшін өте қолайлы.&nbsp;Балабақша ұжымы жылдық жұмыс жоспарына сәйкес әрекет етеді. Балалардың өмірі мен денсаулығын қорғау, сауықтыру іс-шаралары, тәрбиеленушілерді дене шынықтыруға дайындығы мен физикалық дамуға, мәдени-тазалық дағдылығына баулу, ұлттық құндылықтарды бойларына сіңіру – тәрбиешілердің басты мақсаты. Осы орайда түрлі іс-шаралар, сайыстар, мерекелік кештерге арналған ертеңгіліктер, ата-аналармен бірігіп, спорттық жарыстар жиі ұйымдастырылады.&nbsp;<blockquote>«Өткен жылы «Ақерке» бөбекжай-балабақшасының мамандарының іс-тәжірибиесі бойынша «Ерте жастан бастап балалардың командада жұмыс істей білу дағдыларын дамыту» тақырыбында облыстық әдістемелік вебинары өткізілді. Вебинарға бірнеше аудан мен Қызылорда қаласының 80-ге жуық маманы қатысты. Вебинардың бағдарламасына сәйкес «Алақай, жайдарлы жаз келді», «Джунглидегі қызықты ойындар» «Томпақпен бірге квестпен ойындары» «Не? қайда? Қашан?» интеллектуалдық ойын, «Мультстудия» үйірмесі,» «Зерде» зияткерлік-танымдық сайыс өткізілді. Балабақша логопеді «Орманға саяхат», психолог ата-аналармен «Бала біздің болашағымыз» атты тренинг жүргізді. Шара барысында көрсетілген жұмыстардың барлығы ойын түрінде болды. Оған қатысқан МДҰ мамандары жылы лебіздері мен ұсыныс-пікірлерін білдірді», – дейді балабақша меңгерушісінің міндетін атқарушы Гүжазира Жүсіпова.&nbsp;</blockquote>Балабақшада 15 педагог бар. Оның 11-і тәрбиеші. Бұдан бөлек әдіскер, психолог, логопед, ән және дене тәрбие жетекшісі жұмыс жасауда. Балабақша әдіскері Нұргүл Санкебаева өткен жыл жемісті болды дейді.&nbsp;<blockquote>«Оқу жылының басында ата-аналар жиналысында мектепке дейінгі ұйымның стандандарт нұсқаулық, бағдарлама бойынша көптеген өзгерістер айтылды. Соған сәкес балабақшаларда ұлттық құндылықты, қазақы салт дәстүрімізді дәріптеп, қазақы бұрыштар жасалынды және кітап бұрышы қойылып, көптеген ертегі кітаптармен жыр дастандар балаларға күнделікті оқылып берілуде. Қазіргі таңда балалар күнделікті ойын арқылы дағдыларын қалыптастыруда. Бірінші жартыжылдықта «Балдәурен» тобының тәрбиеленушілері Аяна Ертай, Сырым Сұлтанғалиев және Айғаным Бейсенбаева 25 қазан – Республика күніне орай республикалық сурет байқауынан бірінші орын иеленіп, дипломмен марапатталды. Балаларға жетекшілік еткен «Балдәурен» тобының тәрбиешісі Әйгерім Шманова «Үздік педагог» номинациясын алды. «Балапан» тобының тәрбиеленушісі Қайсар Жамиғат сурет байқауы бойынша республикалық байқаудан ІІ дәрежелі дипломмен марапатталып, жетекшісі Гүлжазира Жүсіпова «Алғыс» хатпен марапатталды. Жақсылық Ибрахим мен Фатима Бақтиярқызы «Тәуелсіздік биік болсын тұғырың!» атты республикалық патриоттық байқауында Ибрахим І, Фатима ІІ дәрежелі дипломмен марапатталып, жетекшілік еткен Гүлзат Ильясова «Құрмет» граматомасымен марапатталды», – деп жетістіктермен бөлісті.&nbsp;</blockquote>Бұдан бөлек өнерлі өреннің бірі – Қайыржан Базарбай «Тәуелсіздік, биік болсын тұғырың!» атты республикалық патриоттық байқауында бірінші дәрежелі, жетекшісі Айсауле Төлегенова «Құрмет» грамотасын иеленген. Республикалық «Жас дарын» дарынды балалар орталығы сурет байқауынан І орын дипломымен марапатталған.Үнемі ізденіс үстінде жүретін балабақша психологы Фарида Тлеумбетова «Отбасы мен балабақша ынтымақтастығы» және «Психологиялық әдіс-тәсілдер аукционы» тақырыбында өз іс-тәжірибиесімен бөлісіп, «Алғыс» хатқа ие болды.&nbsp;Тәжірибелі тәрбиеші Гүлжазира Жүсіпова «Бақытты балабақша» және «Балапан бояулар әлемі» атты байқаудан І дәрежелі дипломмен марапатталды. «Шебер тәрбиеші халықаралық сайысында да І дәрежелі диплом иеленді. 5-6 жастағы балаларда көркем жазу дағдылырын қалыптастыру және жетілдіру жолдары тақырыбында әдістемелік нұсқаулық кітапшасының авторы. Қазақ білім журналына мектепке дейінгі ұйымда қазақ тілін үйретудің маңыздылығы атты мақаласы жарық көрді.&nbsp;Тәрбиеші Анар Ахметова халықаралық «Шебер тәрбиеші» байқауында бірінші, Жазира Ақбердиева «Менің мамандық тәжірибием» атты эссе номинациясы бойынша республикалық екінші дәрежелі дипломмен марапатталған.<blockquote>«Жалпы педагогтер өз білімдерін үздіксіз жетілдіруде. Жазира Толыбай мен Жазира Ақбердиева Қызылорда обылысының оқу орталығына барып, «Мектепке дейінгі білім беру ұйымдары педагогтарінің ойын құзіреттілігін дамыту» тақырыбында 72 академиялық сағат, тәрбиеші Айнұр Сембаева мен Лиза Ашықбаева обылыстық педагогикалық шеберлік орталығынан «Баланы ерте дамыту бағдарлары» бағдарламасы бойынша 170 академиялық сағат, психолог Фарида Тілеуімбетова «Баладағы невроз және оны коррекциялау» курсына қатысып, 30 академиялық сағатпен білімін жетілдірді. Алдағы уақытта да тәрбиеленушілерге сапалы білім беріп, тәлімді тәрбиені бойларына сіңірту үшін педаготарымыз ізденуден жалықпайды», – дейді балабақша әдіскері Нұргүл Шорақызы.&nbsp;</blockquote>

Білікті маманнан білімді бала шығады

<a href="https://kyzylorda-news.kz/">Kyzylorda-news.kz.</a>&nbsp;Енді біршама уақыттан соң барлық білім ошағы соңғы қоңырау соғып, түлектерін қанат қақтырады. Тарыдай болған қалпынан таудай өрен етіп қалыптастырған алтын ұясынан түлеп ұшу әрбір шәкірттің жүрегіне қимастық сезім ұялатары анық.«Тойдың боларынан боладысы қызық» демекші, баласының мектеп бітіруі ата-ана үшін де уайым. Оқу жылын ойдағыдай аяқтағанымен алдағы сынақ сәттері, салтанатты шараларды өткізудің өз жауапкершілігі бар. &nbsp;Алайда биыл мектеп бітіру кешін өткізуге тыйым салынды. Енді соңғы қоңырау шарасы талапқа сай өткізіліп, бітіру кеші бұрынғыдай кең көлемде атап өтілмейді. Бұл туралы биылғы оқу жылының мектеп бітіру кештерін ұйымшылдықпен өткізу, бітірушілердің өмірі мен денсаулығын қорғау, құқық бұзушылықты болдырмау және сыбайлас жемқорлық тәуекелдерін жою мақсатында облыстық білім басқармасының 2023 жылғы 3 сәуірдегі №56 бұйрығы шыққан. Онда оқу жылын аяқтау шараларын ұйымдастыруға және мектепке жөндеу жұмыстарын жүргізуге оқушылар мен ата-аналардан, педагогтардан ақша жинауға қатаң түрде тыйым салынған.Бүгінде бұл бағытта мектеп директорлары мен мұғалімдерге, ата-аналарға түсіндірме жұмыстары жүргізілуде. Қалалық білім бөлімінің басшысы Ерлан Теңізбайұлы мектеп ұжымдарымен кездесу өткізіп, мәселенің мән-жайын түсіндірді.<blockquote>«Қатаң түрде ескертетін жайт, мектеп бітіру кеші міндетті түрде білім ошағында немесе ауласында өтуі, түлектердің мектеп формасымен қатысуы және барынша қарапайым түрде болуы міндеттеледі. Сондай-ақ соңғы қоңырау барысы бітірушілер мен қызметкерлердің өмірі мен денсаулығына қауіпсіз болуы жүктеледі. Бітіру кешін үйде не мейрамханада, ойын-сауық орындарында өткізуге және түлектердің автокөліктермен кортежге шығуына жол берілмеуі тиіс. Оқушылардың қауіпсіздігі мен құқық бұзушылықты болдырмау және алдын алу бағытында медицина, өрт қызметтері, ішкі істер органдарымен бірлесіп шара қабылданады. Сонымен бірге кешті ұйымдастыру үшін ана-аналардан ақша жинамау, ата-аналар тарапынан мектеп әкімшілігі мен мұғалімдерге сыйлықтар беруге қатаң тыйым салынады. Салтанатты шараларды мектептің қолда бар мүмкіндігімен ұйымдастыру керектігі ескертіледі. Сондай-ақ табиғат аясына серуендеуге, өзен-көлдерге, шағын су алаптарына суға түсуіне де тыйым салынған. Бұл ретте төтенше жағдай бөлімімен бірлесіп кезекшілік ұйымдастыру, бітірушілер, ата-аналар және педагогтар арасында ақпараттық-түсіндірме жұмыстарын қамқоршылық кеңес мүшелерімен бірлесіп белсенді түрде жүргізу керек», – деді бөлім басшысы.</blockquote>Бөлім басшысы айтқан талаптар бұйрықта нақты көрсетілген. Сондықтан соңғы қоңырау кеші талапқа сай ұйымдастырылады. Ал бітіру кешін өткізуге мүлде тыйым салынған.Әлеуметтік желіде бұл жаңалықты қолдаушылардың қарасы қалың. Расымен, мектеп бітіру кеші жастар үшін есте қаларлық қуанышты сәт болғанымен, шараның ойдағыдай өтуі, оқушылардың қауіпсіздігі мұғалімдерге де, ата-анаға да үлкен жауапкершілік жүктейді. Баласы үшін барын аямайтын ата-ана қарызданса да қатарынан қалдырмауға тырысады. Осылайша, күні бүгінге дейін мектеп бітіру ата-аналар үшін әрі қуаныш, әрі уайымға айналған.<blockquote>«Осыдан 10 жыл бұрын қызым мектеп бітірді. Ол кез¬де де мектеп бітіру кешін өткізуге, мейрамханада атап өтуге тыйым салынған-ды. Бірақ ата-анасының қадағалауымен тойлауға рұқсат ететін. Кешке киетін киіміне, ұстаздарға сыйлығына әжептәуір қаржы жұмсалды. Екі жыл бұрын ұлым мектеп бітірді. Карантиннен кейінгі кезең болғандықтан тек соңғы қоңырау салтанаты өтті. Бітіру кештерін дүркіретіп атап өтпесек те ол кезде де біршама қаржы жұмсағаным есімде. Жалпы балаң мектеп бітіреді дегеннен ақша жинап отырасың. Қанша тыйым салу болса да қаржысыз болмайды. Енді биыл бітіру кеші атап өтілмейді дейді. Сыйлық беруге тағы да басқа шараларды өткізуге тыйым салынған. Бұл нақты іске асса, құба-құп болар еді. Өз басым мұны қолдаймын. Бір жалақыға күн көріп отырған ата-ана үшін бұл үлкен көмек болар еді», – дейді Жәмила есімді ата-ана.</blockquote>Оқушы кезең қайта келмес шақ. Өмірде бір-ақ рет алтын ұя табалдырығын аттап, түлеп ұшасың. Он бір жыл бір сыныпта білім алған достарың да арман қуып жан-жаққа кетеді. Әрі қарай әркім өз тіршілік ағынымен алыстай береді. Сондықтан түлектер сыныптастармен өткізетін соңғы бітіру кешін ойдағыдай атап өткенді қалайды. Десе де талап орындалуы тиіс.<blockquote>«Биыл он бір жыл тәлім алған түлектерімді қанат қақтырғалы отырмын. Олардың әрқайсысының асқақ арманы, ойлаған мақсаты бар. Еліміздің болашағы – осы білімді балаларымыз. Олардың мектеп қабырға¬сынан аман-есен түлеп ұшқанын кез келген ұстаз, сынып жетекшісі қалайды деп ойлаймын. Биыл жылдағыдай – мектеп бітіру кешін атап өтуге тыйым салынды. Бұл өте дұрыс шешім. Әсіресе балалардың қауіпсіздігі үшін қажет. Қазіргі таңда ата-аналарға түсіндірме жұмыстары жүргізілуде. Бүгінгі ұрпақ білімді, көзі ашық. Сондықтан бұған көңілі түспейді деп ойлаймын», – дейді Ж.Махамбетов атындағы №43 орта мектебінің мұғалімі Анар Күзембаева.</blockquote>Үлкен өмірге қадам бастым деп қызықтың жетегіне еріп, оқыс жағдайға ұшырағандар бар. Иә, мектеп бітіру кеші оқушылардың бірінің өмірін қиып, бірінің тағдырын тәлкек еткен оқиғалар жетерлік. Осыдан біраз уақыт бұрын Талдықорған мен Маңғыстау қаласының бітіруші түлектері мінген көлік апатқа ұшырап, оқушылардың өміріне қауіп төнген оқиғаны жұртшылық ұмыта қойған жоқ. Жеңіл көлікпен серуенге шыққан оқушылардың өмірі әп-сәтте астаң-кестең болған-ды. Мұндай оқиғалар кім-кімге де сабақ болуы тиіс. Арман қуып, жаңа өмірге қадам басқалы тұрған сәтте әрбір өреннің сол арманы аласармаса екен дейсің. Ұстаздың да, ата-ананың да қалауы сол.

Соңғы қоңырау: Қызылорда да мектеп бітірушілер қалай тойлайды?

<a href="https://kyzylorda-news.kz/">Kyzylorda-news.kz.</a>&nbsp;Алғаш іргесі қаланып, ашылған тұста 200 балаға тәлім берген білім ұясы бүгінде жарты ғасырдан астам уақытты артқа тастаған. Ә.Молдағұлова атындағы №173 орта мектебінде қазіргі кезде 1570 оқушы білім алуда.Жарты ғасырдан астам тарихы бар білім ошағы осы уақыт ішінде талай шәкіртті қанат қақтырып, үлкен өмірге қадам бастырды. Талай шәкіртті тұлға етіп қалыптастырды. Өзіндік мол тарихы бар оқу ордасына еліміз тәуелсіздік алған жылы халқымыздың батыр қызы Әлия Молдағұлованың есімі берілген екен. Содан бері білім бәсекесінде білікті ұстаздар мен білімді шәкірттерді тоғыстырып келеді.Іргесі қаланғанына 60 жыл болған бұл мектепке әр жылдары білікті ұстаздар басшылық етті. Олар тек шәкірт тәрбиелеп, білім беруді емес білім ордасының материалдық-техникалық базасын нығайтып, оқушыларға қолайлы жағдай жасау мүмкіндігін де қарастырды. Осылайша бұл оқу ордасы 1985 жылы осы күнгі көпқабатты ғимаратқа көшірілген.Бүгінде Ә.Молдағұлова атындағы №173 орта мектеп ұжымы ғасыр көшіне ілесіп, білім саласындағы жаңа жүйеге сай қызмет етуді мақсат еткен. Мұндағы &nbsp;1500-ден аса оқушы білім нәрімен сусындайды. Олар заманауи үлгідегі технологияны пайдаланып, ғылыми ізденістер жасайды. Зерттеулер жүргізеді. Соған сәйкес физика, химия, еңбек технологиясы, мультимедиалық кабинеттер қажетті құрылғымен жабдықталған.Сапалы білім беру, саналы ұрпақ тәрбиелеуде 161 педагог аянбай еңбек етіп келеді. Олардың қатарында түрлі деңгейде әдістемелік құралдардың, оқулық авторы, авторлық бағдарламалардың иелері бар. Қалалық, облыстық дең-гейдегі үздік пән мұғалімдері де осы ұжымнан табылады. Осы орайда басшылық тарапынан көрсетілетін қолдаудың маңызды екенін атап өткен жөн. Білім саласында 30 жылдық тәжірибесі бар ұстаз Гүлмира Қоңырбаева ұжымды төрт жылдан бері басқарып келеді. Бұған дейін Абылай хан атындағы №140 мектепке басшылық жасап, баланың сапалы білім, өнегелі тәрбие алуына еңбек сіңірген оның іскерлігін көпшілік жақсы біледі. Білім мен біліктілігінің арқасында «Ы.Алтынсарин» төсбелгісімен марапатталған, «Білім беру саласындағы 100 жаңа есім» жобасына енген, бұдан өзге де лайықты марапат иегері атанған.<blockquote>«Ұжымды басқарғаныма 4 жыл болыпты. Мектеп ұжымының ауызбіршілігі мол, өзі ісін сүйетін мамандар. Алпыс жылдық тарихы бар білім ордасы ғой. Басшылыққа алғаш келгенде мектепке жөндеу жұмысы қажет екендігін ұқтым. Келе сала қолға алған ісім де сол болды. Солай 2020 жылы білім ошағына мемлекеттік бағдарлама аясында күрделі жөндеу жүргіздік. Айналасын қоршадық. Көркейту-көгалдандыру жұмыстарын қолға алдық. Дегенмен аяқсудың тапшылығы салдарынан бұл жұмыстар әлі де жандандыруды қажет етеді», – дейді мектеп басшысы.</blockquote>Бәсекеге қабілетті елдер көшіне ілесу үшін ең бастысы – сауатты, саналы ұрпақ тәрбиелеу. Оның кепілі сапалы білімде. Бұл ретте ұстаздарға қойылар талап күшейген. Соның үдесінен шығуда оларға талмай ізденіс керек. Шәкірттерінің қызығушылығын арттыру, алға жетелеу, танымын кеңейту, онымен етене жұмыс жасау қай кезде де мұғалімнің негізгі міндеті саналады. Үздік атанған әрбір оқушының жетістігінде оның маңдай тері, жылдар бойы еткен еңбегі бар. Сол еңбектің еш кетпегені ол үшін бәрінен қымбат. Осы орайда, мектеп ұжымын абырой биігінен көрсетіп жүрген шәкірттер баршылық. Олар тек қалалық, облыстық емес, республикалық, халықаралық деңгейдегі білім додаларының жеңімпаздары.<blockquote>«Білім сапасына баса көңіл бөлу – басты міндет. Мұны ұстаздар қауымына үнемі айтып отырамын. Ұжымда мектеп мақтанышына айналған білімді, білікті мамандар баршылық. Мәселен, Баян Салходжинова, Алтынбек Қадырбекұлы, Мария Тоқбаева есімді ұстаздар «Білім беру ісінің үздігі» атанған. Мұғалімдердің кәсіби біліктілігін арттыруда түрлі байқауларға қатысып, «Үздік жас маман», «Үздік математика пәні мұғалімі» аталымының иегерлері де біздің ұжымда. Бұдан бөлек оқулық, әдістемелік құралдар авторлары да бар. Оқушыларымыздың жетістігі де қуантарлықтай. Респуб-ликалық «Алтын тобылғы» зияткерлік олимпиадасында әр сынып бойынша қатысқан шәкірттеріміз оза шауып, жүлделі орындарға ие болды. Сонымен бірге оқушылар «Ақбота», «SAPSAN» сынды республикалық олимпиаданың облыстық деңгейдегі жеңімпазы атанды. &nbsp;Ғылыми жоба, түрлі байқаулар мен жыр мүшәйраларына қатысқан шәкірттеріміз үнемі өздерінің білімді, өнерлі екендігін жүлделерімен дәлелдеуде. Сондай-ақ пікірталас алаңдарында бойынша оқушыларымыз аймақта үздіктер қатарында. Спорттық жарыстарда да жетістігіміз мол. Мектебімізде болашағынан үлкен үміт күттіретін спортшы оқушыларымыз жетерлік», – дейді ұстаздар мен оқушылардың жетістігімен бөліскен Гүлмира Рәсілқызы.</blockquote>Оқушының білім деңгейін арттыруда оқытудың жаңа технологиялық әдістерін қолдану өз кезегінде нәтижесін беріп келеді. Мұны мектеп түлектерінің жеткен жетістіктерінен байқауға болады. Білікті басшы білім ордасын барынша заман талабына сай жабдықтап, мұғалімнің сабақ беруіне, оқушының білім алуына қолайлы жағдай жасауды мақсат еткен. «Алда атқарылатын жұмыс көп, соған сәйкес жоспар да бар деген» мектеп директоры Гүлмира Қоңырбаева кемшін тұстарды да жасырмады.<blockquote>«Мектеп ауласы өте кең. Соны тиімді пайдалансақ деймін. Жоғары сынып оқушылары мен бастауыштағы балаларға арналған спорттық алаң салсақ деген жоспар бар. Қаржы мәселесі қолдау тапса, жуық арада жүзеге асады деп ойлаймын. Сонымен қатар «Жасыл мектеп» жобасын іске асыру мақсатында жылыжай салуды көздеп отырмыз. Мұны іске асырудың өзіндік талаптары бар. Сол мәселелер шешім тапса, тағы бір мақсатымыз орындалады», – дейді ол.</blockquote>Былтыр білім ордасының ашылғанына 60, ал Ә.Молдағұлова есімі берілгеніне 30 жыл толған. Бұл мерейлі күнді мектеп ұжымы өз деңгейінде атап өтті. Осы мақсатта мектеп қабырғасынан қазақтың қаһарман қызы Ә.Молдағұлованың мұражайын ашқан. Сондай-ақ батыр қыздың Ақтөбе қаласындағы мемориалдық орталық мұражайымен екіжақты меморандумға отырып, мектеп мұражайын құнды мұралармен толықтыруда.Білім мен өнерді, спортты қатар алып жүрген өрендердің қоғамда өз орнын қалыптастырары анық. Бұл ретте оқу ордасында спорт және өнер бағытында 17 үйірме мен секция жұмыс істейді. Бүгінде оған қатысушы оқушылар волейбол, футбол сынды спорттық жарыстарда қалалық турнир жеңімпаздары. Сонымен бірге домбыра, жас ақындар үйірмесінің өнерпаздары да үздіктер қатарынан көрініп келеді.Бала тәрбиесінде тек білім беріп қана қоймай, оны рухани азықтандырып, танымын кеңейтуді де көздеген ұжымның білім бәсекесіндегі бәсі жоғары.

Қызылордадағы Ә.Молдағұлова атындағы мектептің 60 жылдық тарихы бар

<a href="https://kyzylorda-news.kz/">Kyzylorda-news.kz.</a> Осыдан алты жыл бұрын Әйтеке би кентінің шығыс жағында тұрғындардың өтінішімен іргетасы қаланған 300 орындық білім ордасы бүгінде оқушыларға сапалы білім мен саналы тәрбие беріп келеді.&nbsp;Талапқа сай жабдықталған ғимарат 2018 жылы ашылды. Сол тұста облыс әкімінің орынбасары Серік Қожаниязов мектеп директоры Мейрамбек Жұмашовқа білім ордасының кілтін табыстады. Осы жылы 1 қыркүйек – Білім күніне орай аудан әкімі М.Ергешбаевтың қатысуымен «Сыңғырла күміс қоңырау» атты салтанатты жиын өтіп, білім ордасының табалдырығын 316 бала аттады.&nbsp;Жаңа мектепке облыс әкімдігі тарапынан бір, аудан әкімдігі тарапынан да бір және аудандық білім бөлімінің атынан үш интерактивті тақтаны сыйға берді. Мектептің оқу-әдістемелік кеңесі жанынан жаңартылған білім мазмұны бойынша І-ІІІ деңгей оқыған мұғалімдер арасында тәжірибе алмасу мақсатында «Сенім көкжиегі» атты қауымдастық құрылып, пән мұғалімдерінен жасақталған 5 әдістемелік бірлестікке 5 интерактивті тақта қолдануға берілді. Оқу ордасында 18 пән кабинеті, 2 информатика, 1 лингофон, қыз және ер балаларға арналған 2 шеберхана, 521 шаршы метрді құрайтын спорт зал, спорт алаңы, кітапхана, АКТ залы, 100 орындықтан тұратын асхана және жаратылыстану-математика бағытына сәйкес химия, биология, физика пәндерінің зертханалық кабинеттері толықтай қажетті құралдармен жабдықталған. Қазіргі таңда 447 оқушымен толықты.<blockquote>«Білім беру жүйесінің мақсаты – бәсекеге қабілетті маман дайындау. Мектеп – үйрететін орта болса, оның жүрегі – мұғалім. Ізденімпаз мұғалімнің шығармашылығындағы ерекше тұс – оның сабақты түрлендіріп, тұлғаның жүрегіне жол таба білуі. Ұстаз атану, оны қадір тұту, қастерлеу, арындай таза ұстау – әр мұғалімнің борышы. Ол өз кәсібін, пәнін, барлық шәкіртін, мектебін шексіз сүйетін жан. Міне, мектебімізде осындай қасиетті бойына сіңірген 61 педагог, оның ішінде 5 магистр маманы жұмыс жасайды. Басым көпшілігі жас мамандар. Алғашқы оқу жылында 61 педагогтің ішінде жоғарғы және педагог-зерттеуші 4, педагог-сарапшы маман 17, модератор 24. Ұжым мүшелерінің тыңғылықты жұмыс жасауының, дұрыс бағыт-бағдардың, оқу-әдістемелік жұмысқа жұдырықтай жұмыла білудің нәтижесінде білім ордамыз аудан бойынша үшінші орыннан көрінуде», – дейді мектеп директоры Мейрамбек Жұмашов.&nbsp;</blockquote>Ұстаз жетістігі – мектеп мәртебесіОқушыларды түрлі білім додаларына баулу, жан-жақты етіп тәрбиелеу, республикалық, халықаралық деңгейдегі сайыстарға даярлауда ұстаздар аянбай тер төгіп келеді. Бес жыл ішінде білікті мұғалімдер жетістіктерге жетіп, мектеп мәртебесін асырып келеді. Халықаралық А.Жұмаділдаев атындағы математикалық олимпиададан математика пәнінің мұғалімі Құдайберген Төлепберген жүлделі үшінші орын иеленді.Республика көлеміндегі сайыстардан да сүрінбей, жеңімпаз атанғандар жетерлік. 2023 жылы гоеграфия пәнінің мұғалімі Гүлшахар Әймішоваға Қазақстан Республикасының Оқу-ағарту министрі Ғани Бисенбаев мырзаның арнайы «Алғыс хаты» табысталды. «Үздік жас математик маман» байқауынан математика пәнінің мұғалімі Құдайберген Төлепберген жүлделі І орын, қазақ тілі мен әдебиеті пәнінің мұғалімі Сая Утепова «Мәңгілік ел ұстаздары – 2020» атты республикалық байқауда 1000 педагогтің арасынан екінші бағыт бойынша 62 мұғалім іріктеліп, «Үздік педагог» медалімен, куәлікпен және Диплом марапатталды. Тарих пәнінің мұғалімі Бағдат Орымбас Қазақстан Республикасының Президенті Қ.К.Тоқаевтың «Құрмет грамотасы» және Ы.Алтынсарин атындағы төсбелгі иегері атанды. Математика пәнінің мұғалімі Айдана Алшоразова Қазақстандық салалық білім және ғылым қызметкерлерінің кәсіподағы төрағасының «Құрмет грамотасымен», «Абай әлемі» бағыты бойынша буктрейлер сайысында ағылшын пәнінің мұғалімі Әнел Әбдіраш І және бастауыш сынып мұғалімі Ақсұлу Құрман ІІІ орын алды. 2020 жылы «Ұлттық мектеп лигасы» асық ойынынан 7-8 сынып оқушылары арасында ІІ орын (жетекшісі: Құрманбайұлы Ақжол), 2021 жылы Талдықорған қаласында өткен «Ұлттық мектеп лигасы» гандболдан 9-11 сынып қыз балалар ІІ, 2022 жылы 11 республикалық мектеп оқушыларының жазғы гимназиядасында І, 2023 жылы Астана қаласында өткізілген гандболдан 9-11 сынып оқушылары арасында ер балалар ІІІ, қыз балалар ІІ иеленді. Спорт сүйер шәкірттерді шыңдаған жетекшісі Нұркен Жұбатқан.Облыстық жарыстарта ағылшын тілі пәнінің мұғалімі Әнел Әбдіраш «Үздік жас маман – 2019» байқауында бақ сынап, «Үздік ашық сабақ» бағамымен және «Тіл дарын» сайысында ІІ орын иеленді. Жаңақорған ауданында өткен білім қызметкерлерінің спартакиадасында дене тәрбиесі пәнінің мұғалімдері Нұркен Жұбатқан мен Таңшолпан Қаниева аудан намысын қорғап ІІ орын, Таңшолпан Қаниева Білім және ғылым қызметкерлері кәсіподағының облыстық комитетінің «Құрмет» грамотасын алды. «Ұлы даланың жеті қыры – ұлттық тарихи құндылықтарымыз» облыстық семинарына қазақ тілі мен әдебиеті пәнінің мұғалімі Сая Утепова мен орыс тілі пәнінің мұғалімі Алима Асқарова ашық сабақ көрсетіп, оларға арнайы сертификатқа берілді. «Үздік бастауыш сынып мұғалімі – 2020» тақырыбында облыстық байқауда бастауыш сынып мұғалімі Ақгүл Танабергенова «Алғыс хат», «Абай әлемі» атауымен буктрейлер сайысында ағылшын пәнінің мұғалімі Әнел Әбдіраш ІІ, бастауыш сынып мұғалімі Ақсұлу Құрман ІІІ орынға лайық деп танылды. Сондай-ақ жан-жақты, ізденімпаз ұстаз Әнел Әбдіраш Қазақстандағы Фулбрайт ұйымы мен АҚШ елшілігі бірлесе ұйымдастырған ағылшын тілі пән мұғалімдеріне арналған семинарында І орынды жеңіп алды. Тарих пәнінің мұғалімі Раушан Қазбаева мен бастауыш сынып мұғалімі Эльмира Көшербай облыстық кәсіподақ комитетінің Алғыс хатымен, дене тәрбиесі пәнінің мұғалімі Ақжол Құрманбайұлы «Нұр Отан» партиясы Қызылорда облыстық филиалы төрағасының бірінші орынбасарының «Алғыс хатымен», Сыр өңірінің тұрғындарының цифрлық сауаттылығын арттырудағы кәсіби маман ретінде көрсете білгені үшін Ғабит Ақшатау облыс әкімінің орынбасары Н.Байқадамовтың «Алғыс хатымен», облыстық білім басқармасының басшысы А.Қасымованың «Құрмет грамотасымен», облыстық буктрейлер сайысында қазақ тілі мен әдебиеті пәнінің мұғалімі Сая Утепова «Мәриям Хәкімжанованың 115 жылдығы» бағыты бойынша және бастауыш сынып мұғалімі Құрман Ақсұлу «Қажымұқан Мұңайтпасовтың 150 жылдығы» бағыты бойынша І орын берілді.«Үздік сандық білім беру ресурсы – 2021» байқауында тарих пәнінің мұғалімі Алдияр Жамет ІІ, бастауыш сынып мұғалімдеріне арналған «Алтын тұғыр» математикалық олимпиадасында бастауыш сынып мұғалімі Айгүл Досанова ІІІ орын алса, білім беру ұйымдарының директордың оқу-ісі жөніндегі орынбасарларына арналған «Халықаралық зерттеулер бойынша үздік мектеп үйлестіруші – 2022» сайысында оқу-ісі жөніндегі орынбасары Гүлшахар Әймішоваға да үшінші орын берілді. Жалпы білім беру мекемелерінде дене шынықтыру пәні мұғалімдерінің арасында өткізілген «Үздік жас маман – 2022» сайысында Нұркен Жұбатқан оқып бойы оза шауып, бірінші орынды жеңіп алды.Талапшыл мұғалім танымал шәкір тәрбиелейдіМұғалімдері майталман мектептің шәкірттері де білім шыңдары мен өнер белестерін бағындыруда. Республикалық «Қазақтың қара өлеңі – құдіретім» атты Мұқағали Мақатаев шығармашылығына арналған көркемсөз оқу байқауында Ғазиз Жүсіпбек бас жүлде, Елжан Бисенов, Ғазиза Жүсіпбек І дәрежелі, Самұрат Тәңірберген, Амира Нысанжан ІІ дәрежелі дипломдарымен марапатталды. Жетекшілері Анар Бакенова мен Ақгүл Танабергенова. Тараз қаласында өткен ұшқыр доп ұлттық лигасында Әсет Сәдуақас пен Арсен Еркінұлы ІІ орын иеленді. Қазақстан Республикасының Тәуелсіздігі күніне арналған «Мен – репортермін» байқауында 7 сынып оқушысы Балнұр Жаңабай ІІІ орын алды.&nbsp;«Менің кішкентай Отаным» атты республикалық зияткерлік байқауының облыстық кезеңінде 9-сынып оқушысы Бекарыс Әбдіқани ІІ орынға қол жеткізді. Жетекшісі Мейрамбек Жұмашов. «Orda junior – 2018» ғылыми жоба байқауында 3 сынып оқушысы Жансерік Өтеміс пен жетекшісі Гүлмира Сүлеймен ІІІ орын, 5 сынып оқушысы Айнұр Қылышбаева және ұстазы жетекшісі Сая Утепова «Дипломмен марапатталды. 7 сынып оқушысы Фариза Қылышбаева өзін-өзі тану пәнінен жоба қорғап, «Алғыс хат»иеленді. Фаризаның жетекшісі Шаттық Тотанов.&nbsp;1-6 сынып оқушылары арасында өткізілген «Елдік пен ерлік мекені» тқырыбында жас суретшілер байқауында 6 сынып оқушысы Айтұмар Болсын ІІІ орын алды. Өнерлі өреннің жетекшісі Аян Арзы. Пәндік олимпиадада тарих пәні бойынша 6 сынып оқушысы Ерасыл Жеткерген ІІ орын (жетекшісі: Қазбаева Раушан), «Сыр қойнауы» бағдарламасы аясында «Рухани жаңғыру» орталығы мен «Өрлеу» педагогикалық қызметкерлердің біліктілігін арттыру орталығының ұйымдастыруымен «Біздің отбасының құнды жәдігерлері» атты жас зерттеушілер сайысында 10-сынып оқушысы Ақерке Қолдасбай І орын (жетекшісі: Шатуова Бағдат), 9 сынып оқушысы Аяулым Замадинова (жетекшісі: Утепова Сая) ІІ орын иеленді.&nbsp;«Ұстазым, менің ұстазым...» шығармалар байқауында 9 сынып оқушысы Аяулым Абдіқаниева ІІ орын, «Менің ұстазым» эссе байқауынан Фариза Қылышбаева мен Аяулым Абдіқаниева «Алғыс хат», «Қарттарым – асыл қазынам» сурет байқауынан Жабай Дінмұхаммед ІІ орын, 1-4 сынып оқушыларына арналған «Менің отбасым» тақырыбындағы сурет байқауында Ақбота Маханғали І орын, Ямшит Гүлсезім мен Нысанжан Амира ІІ орын, Жеткерген Батырхан ІІІ орынға лайық болды. Бұл оқушыларға бағыт-бағдар беріп жүрген жетекшілері Сая Утепова, Эльвира Өмірзақова, Гүлзат Бақытжановалардың еңбеігі ерекше. &nbsp;<blockquote>«Сонымен қатар, мектеп оқушылары мен педагогтері түрлі қашықтық олимпиадалардың (КИО, «Ақбота» интелектуалды марафон, «Пони», «Тарих ата», «Кенгуру» т.б.) жүлдегерлері. Республикалық «Qaztest» сайтының ұйымдастырумен өткізілген байқауда «Үздік ұжым» кубогімен марапатталдық. 21 мектеп ұстазының мақалалары мен үлгілі сабақ жоспарлары «Тағылым» республикалық ғылыми-әдістемелік журналына жарияланып, арнайы І және ІІ дәрежелі Дипломдар иеленді. Аудан көлемінде, 9 желтоқсан – Халықаралық сыбайлас жемқорлықпен күрес күні «Таңдауымыз – таза қоғам» акциясы аясында өткізілген эстафеталық жарыста ІІ, «Туған жерім – тұнған шежіре» тақырыбындағы аудандық бейнеролик байқауында ІІІ орын, гүлдер мерекесінде «Үздік аула гүлдері» бағамына ие болдық. Әр уақытта бала білімін алға қоюшы ұстаз үлкен көрсеткішке қол жеткізу жолында талмай талаптанып, шаршамай еңбектенеді. Сол кезде ғана еліміз көкке шарықтап, басқа елге елді танытады. Елді өсіретін де, елді төмен түсіретін де – білім. Сондықтан қолда бар амалдарды тиімді пайдана білу біздің басты мақсатымыз», – дейді мектеп басшысы Мейрамбек Мырзағалиұлы.</blockquote>

Қазалы ауданы: Білім ордасындағы бес жылдық белес

<a href="https://kyzylorda-news.kz/">Kyzylorda-news.kz.</a>&nbsp; Жақында &nbsp;«Тағзым алаңыда» Сырдария ауданы бойынша білім бөлімінің, аудандық қорғаныс істері жөніндегі бөлімінің ұйымдастыруымен және аудандық кәсіподақ комитетінің қолдауымен АӘТД пәні мұғалімдері арасында әскери-қолданбалы спорт түрлері арасында аудандық жарыс өткізілді. &nbsp;Аудандық жарысқа аудан әкімі Берік Сәрменбаев қатысып, сөз сөйледі.<blockquote>Біз ер мұғалімдердің мәртебесін биіктетуге бар мүмкіндікті жасауымыз керек. Олардың &nbsp;шәкірттерін тәрбиелеу жолында &nbsp;аянбай етіп келеді. Асылында, білім саласындағы негізгі бағыттардың бірі ойқушыларды әскери өмірге дайындау, Отан қорғауға бейімдеу болып табылады. Осы жолда біздің ұстаздарымыз барын салуда. Бүгінгі байқаудың маңыздылығы жоғары. Себебі, болашақ Отан қорғаушыларды тәрбиелеп келе жатқан ұстаздарымыз өз мықтылықтарын танытады. Өзара үздікті анықтайды, – деді аудан әкімі.</blockquote>Негізінен, аталған жарыстың мақсаты – әскери-қолданбалы спорт түрлері арқылы мұғалімдерді салауатты өмір салтын насихаттау. Мұғалімдер арасында облыстық, республикалық жарыстарға құрама жасақтау болып табылады. &nbsp;АК-74 оқу қаруын толық емес бөлшектеп жинақтау сайысы бойынша жүлделі І орын №44 орта мектептің АӘТД пәнінің мұғалімі Н.Коспаков ІІ орынды №139 орта мектептің АӘТД пәні мұғалімі А.Базаров, ІІІ орын N126 орта мектептің АӘТД пәні мұғалімі М.Бөдеев еншіледі. АК-74 оқу қаруының оқжатарын патрондармен жарақтау сайысы бойынша жүлделі І орынды №132 орта мектептің АӘТД пәні мұғалімі С.Есжанов, ІІ орынды № 42 мектеп-лицейдің АӘТД пәні мұғалімі Ж.Кұлымбетов, ІІІ орынды №130 орта мектептің АӘТД пәні мұғалімі Г.Караев қанжығасына байлады. &nbsp;ИЖ-38 пневматикалық винтовкасынан нысанаға ату сайсы бойынша жүлделі І орынды &nbsp;№ 36 мектеп-лицейдің АӘТД пәні мұғалімі Ж.Жарасов, ІІ орынды №137 орта мектептің АӘТД пәні мұғалімі Р.Зейнуллаев, ІІІ орынды №44 орта мектептің АӘТД пәні мұғалімі Ж.Қасымов жеңіп алды. &nbsp;ЖҚЖ-ны плащ түрінде және жарақтарды кию сайысы бойынша жүлделі І орынды №210 орта мектептің АӘТД пәні мұғалімі Е.Садықов, ІІ орынды №135 орта мектептің АӘТД пәні мұғалімі Ғ.Бағдатов,ІІІ орынды №131 орта мектептің АӘТД пәні мұғалімі Ж.Кеукенов иеленді.Жалпы сайыстардың қорытындысы бойынша жүлделі І орын №210 орта мектептің АӘТД пәні мұғалімі Е.Садықов, ІІ орын №135 орта мектептің АӘТД пәні мұғалімі Ғ.Бағдатов, ІІІ орынды №42 мектеп-лицейдің АӘТД пәні мұғалімі Ж.Кулымбетов иеленді. Барлық АӘТД пәні мұғалімдері аудандық білім бөлімі және аудандық кәсіподақ комитетінің дипломдарымен және бағалы сыйлықтарымен марапатталды.&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;

Қазақстан және Қызылорда облысының жаңалықтары: Білім