<a href="https://kyzylorda-news.kz/">Kyzylorda-news.kz</a> &nbsp;Денсаулық сақтау министрлігі денсаулық сақтау және білім беру ұйымдарындағы тамақтану стандарттарына өзгерістер енгізетін бұйрық дайындады, деп хабарлайды<a href="https://baq.kz/auruhanalar-men-mektepterde-beriletin-tamaq-turi-ozgeretin-boldy-200005680/"> BAQ.KZ.</a>Құжат балаларды қауіпсіз, сапалы және теңгерімді тамақтанумен қамтамасыз ететін заманауи халықаралық талаптарды ескереді.Министрліктің мәліметінше, бұл түзетулердің негізгі артықшылығы – тұз, қант және майларды тұтынуды азайту, сондай-ақ көкөністер мен жемістерді тұтынуды арттыру.Көкөністер мен жемістер кальций, темір, фолий қышқылы және басқа да витаминдерге бай, олар балалардың денсаулығын қолдап, иммундық жүйесін нығайтады, – делінген құжатта.Министрлік атап өткендей, тұз бен қантты шамадан тыс тұтыну – семіздік, қант диабеті, жүрек-қан тамырлары және онкологиялық аурулар сияқты жұқпалы емес аурулардың пайда болуына негізгі себептердің бірі.Осы құжатты қабылдау балаларды тамақтандырудың қауіпсіздігін, сапасын және қолжетімділігін қамтамасыз етуге бағытталған, сондай-ақ білім беру мекемелеріндегі балалардың тамақтануын ұйымдастыруға бірыңғай талаптарды белгілеуді көздейді, – делінген негіздемеде.Сондай-ақ министрліктің мәлімдеуінше, енгізілген шаралар білім беру және тәрбиелеу ұйымдарындағы тамақтану стандарттарына бірізді тәсілдерді қамтамасыз етіп, асханалары жоқ шағын жинақты мектептерде тамақтануды ұйымдастыру форматын да қарастыруға мүмкіндік береді.Бұдан бөлек, бұл құжатты жүзеге асыру арқылы тамақтан улану мен жұқпалы аурулардың алдын алу механизмдерін енгізу жоспарлануда.Құжат 29 қаңтарға дейін «Ашық НҚА» сайтында көпшілік талқылауы үшін жарияланды.Фото: Нұрболат Нұржаубай&nbsp;

Ауруханалар мен мектептерде берілетін тамақ түрі өзгеретін болды

<a href="https://kyzylorda-news.kz/">Kyzylorda-news.kz</a> Мемлекет басшысы 2024 жылғы 2 қыркүйектегі Қазақстан халқына Жолдауында: «Үкімет жоғары білім саласын халықаралық білім беру кеңістігімен ықпалдастырып жатыр. Қазірдің өзінде елімізде шетелдің белгілі 23 жоғары оқу орны жұмыс жүргізе бастады. Оларға мейлінше қолдау көрсету керек. Атап айтқанда, маман даярлауға берілетін мемлекеттік тапсырысты біртіндеп көбейткен жөн», – деп атап өтті.34 шетелдік жоғары оқу орнымен серіктестік келісімдер жасалды. Бүгінгі таңда елімізде Ұлыбритания, Италия, Қытай, Ресей, АҚШ, Франция және Оңтүстік Кореяның 23 серіктес жоғары оқу орындары жұмыс істейді. 2025 жылы тағы 11 келісімді іске асыру қажет.Шетелдік серіктестік жоғары оқу орындарында қазақстандық студенттерге арналған 2 090 грант оқуға мемлекет бөлді.Бүгінгі таңда мыңдаған студент 34 мамандық бойынша білім алады, оның ішінде педагогикалық, инженерлік-техникалық және жасанды интеллект сияқты негізгі бағыттар бар. Бұл мақсаттарға мемлекеттік білім беру гранттары (бірлескен білім беру бағдарламалары және қос диплом бағдарламалары) және мемлекеттің қолдауымен оларға жағдай жасау арқылы инвесторлардың қаражаты бөлінеді.Шетелдік серіктес ЖОО-ларды іріктеу жекелеген салалардағы кадрлық қажеттілікке және өңірлердің сұраныстарына негізделеді.Шетелдік жетекші жоғары оқу орындарымен ынтымақтастық атом өнеркәсібі, «жасыл» сутекті әзірлеу, Қазақстанда баламасы жоқ су қауіпсіздігін қамтамасыз ету сияқты аса сұранысқа ие және тапшы мамандықтар бойынша мамандар даярлауға бағытталған.Мемлекет басшысының тапсырмасын орындау шеңберінде Қ.Жұбанов атындағы Ақтөбе өңірлік университеті базасында мұнай инженериясы, электр энергетикасы және компьютерлік инженерия бағдарламалары бойынша британдық Heriot Watt университетінің филиалы ашылды.Химия және химиялық технологиялар саласында кадрлар даярлау үшін М.Дулати атындағы Тараз өңірлік университеті базасында Д.И.Менделеев атындағы Ресей химия-технологиялық университетінің филиалы ашылды.Педагогикалық кадрларды даярлау мақсатында Оңтүстік Қазақстан педагогикалық университеті базасында Гази университетінің (Түркия) филиалы жұмыс істейді.Бейжің тіл және мәдениет университетінің (ҚХР) филиалы Астана халықаралық университеті базасында жұмыс істейді.Квинс университетінің филиалы (Ирландия) Нархоз университеті базасында жұмыс істейді.2025 жылға дейінгі жоғары білім беруді интернационалдандыру стратегиясы шеңберінде шетелдік азаматтарға, соның ішінде Қазақстан Республикасының азаматтары болып табылмайтын қазақ диаспорасының өкілдеріне арналған стипендиялық бағдарлама іске қосылды.2024-2025 оқу жылында шетелдік азаматтарға арналған стипендиялық бағдарлама бойынша Қазақстанның 37 ЖОО-да 550 білім алушы қабылданды (бакалавриат - 490, магистратура - 50, докторантура - 10). Стипендиялық бағдарлама тегін білім алуды және ай сайынғы стипендияны қамтиды.Қазақстанда білім беру туризмін дамыту«Болашақ» халықаралық стипендиясы 30 жыл бойы жүзеге асырылып келеді. Мемлекет басшысының тапсырмасы бойынша «Болашақ» халықаралық стипендиясы техникалық, инженерлік, медициналық және педагогикалық бағыттарға қайта бағытталды.Осы жылдар ішінде стипендия 12&nbsp;727 қазақстандыққа әлемнің жетекші жоғары оқу орындарында білім алуға мүмкіндік берді, оның ішінде 55%-ы гуманитарлық, 36%-ы инженерлік-техникалық, 7%-ы медициналық, 2%-ы мәдениет және өнер бағыты бойынша білім алды.Түлектер әлемнің 30-дан астам елінде 400-ден астам жетекші шетелдік жоғары оқу орындарында оқыды және тағылымдамадан өтті.2024 жылы бағдарлама түлектері 213 мың медициналық ота жасап, 145 мың білім алушы мен студенттерді оқытып, мыңнан астам ғылыми еңбектерін жариялады.2024 жылы ЖОО контингентіндегі шетелдік студенттердің үлесі 15%-ды құрады, әлемнің 23 елінен 97 университеттермен 245 қос диплом бағдарламасы іске асырылды.Шетелдік студенттер саны 93 елден 31 400 адамды құрады, бұл 2023 жылғы 82 елден 26 800 студентке қарағанда 4 600 адамға көп.Қазақстанның жоғары оқу орындарына оқытушылық қызметке 1600-ден астам шетелдік сарапшы тартылды.2024 жылғы білім беру бағдарламаларының нәтижесінде QS World University Rankings 2024 әлемнің үздік университеттерінің халықаралық рейтингіне 21 қазақстандық ЖОО кірді.«Университет пәндерін оқытудың мазмұны мен әдісін айтарлықтай жаңарту қажет. Болашақ мұғалімдер, дәрігерлер, агрономдар, заңгерлер және салалық мамандар жасанды интеллект бойынша базалық білімді міндетті түрде меңгеруі керек», – деп атап өтті Қасым-Жомарт Тоқаев.Мемлекет басшысының тапсырмасын іске асыру мақсатында еліміздің ғылыми ұйымдары мен ЖОО-на халықаралық дерекқорларға тегін қолжетімділік қамтамасыз етілді.Google компаниясымен бірлесіп еліміздің 15 жоғары оқу орнының 5000 студентіне арналған жасанды интеллект бойынша курстар іске қосылды.Coursera онлайн білім беру платформасы жобасы аясында қазақстандық студенттерге 40 мың лицензия бөлініп, 93 жоғары оқу орнынан 153 мың сертификат берілді.Корея мен Қытайдың жетекші жоғары оқу орындарымен білім беру және мамандарды бірлесіп даярлау бойынша уағдаластықтарға қол жеткізілді.Мемлекет басшысының тапсырмасы бойынша үш қазақстандық ЖОО базасында жасанды интеллект мектептері жұмыс істейді:Қорқыт ата атындағы Қызылорда университетінде Сеул Ұлттық Ғылым және технологиялар университетінің Жасанды интеллект және информатика мектебі ашылды. Қ.И.Сәтбаев атындағы Қазақ ұлттық техникалық зерттеу университетінде City University of Hong Kong филиалы ашылды. Д.Серікбаев атындағы Шығыс Қазақстан техникалық университетінде Лу Бань шеберханасының базасында ЖИ бойынша халықаралық зерттеу орталығы және көлікті басқарудың ақылды технологиялар орталығы ашылды.Отандық жоғары оқу орындарында Google, NVIDIA, Huawei, Coursera және басқа да халықаралық технологиялық алпауыттарының тиісті курстары енгізілді.Coursera, Google, Nvidia, «Huawei Technologies Kazakhstan» LLP, 01 Edu System, Binance Kazakhstan-мен меморандумдарға қол қойылды.AstanaHub технопаркі базасында бағдарламада Қазақстанның 47 жоғары оқу орнынан 700 оқытушыны қамтитын ЖИ бағыттары бойынша ЖОО оқытушыларын оқытуға арналған толыққанды курстар іске қосылды.Жасанды интеллект (ЖИ) саласында университетаралық ЖИ стандарты қабылданды, 20 ЖОО-мен 20 білім беру бағдарламасы әзірленді.Қазақ, ағылшын, орыс тілдерінде 148 миллиард токен негізінде KazLLM тілдік модельді оқыту аяқталды.Модель Nazarbayev University, әл-Фараби атындағы Қазақ ұлттық университеті, Шайсұлтан Шаяхметов атындағы «Тіл-Қазына» Ұлттық ғылыми-практикалық орталығы және т.б. командасының қатысуымен әзірленді.Әзірлеуге 117 сарапшы, оның ішінде 40-тан астам ғылым кандидаттары, PhD және зерттеу институттары мен жоғары оқу орындарының магистрлері тартылды.Министрлік Мемлекет басшысына жасанды интеллект, бағдарламалау және стартап акселерациясын оқитын 100 мың студентті қамтитын басым мамандықтар бойынша барлық деңгейдегі студенттер арасында ЖИ саласындағы дағдыларды жан-жақты дамытуға бағытталған AI-Sana ЖИ бойынша пилоттық бағдарламаны ұсынды.Фото: gov.kz

Қазақстанның жоғары оқу орындарын интернационалдандыру: халықаралық білім беру стандарттарына жасалған қадам

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаев Қызылорда қаласындағы 600 орындық мектептің ашылу рәсіміне қатысты. Білім ошағы «Жайлы мектеп» ұлттық жобасымен салынған.Оған облыстық мәслихат төрағасы Мұрат Тілеуімбетов, ардагерлер кеңесінің төрағасы Серік Дүйсенбаев, қоғамдық кеңес төрағасы Әріп Хожбанов, зиялы қауым өкілдері мен жауапты сала басшылары және қала тұрғындары қатысты.Аймақ басшысы жиналған жұртшылықты еңселі де сәулетті мектептің ашылуымен құттықтап, ізгі тілегін жеткізді.<blockquote>«Президентіміз «Орта білімнің сапасы – табысты ұлт болудың тағы бір маңызды шарты. Әрбір оқушының білім алып, жан-жақты дамуы үшін қолайлы жағдай жасалуға тиіс. Сол үшін «Жайлы мектеп» ұлттық жобасы қолға алынды» деген болатын.Жаңа мектептердің ашылуы – бұл жай ғанағимараттардың салынуы емес, жаңа дәуірде білім алатын оқушыларға жаңа мүмкіндіктер сыйлау. Мемлекет басшысының бастамасымен жүзеге асқан «Жайлы мектеп» ұлттық жобасы аясында өңірде 6 900 орынға арналған 10 мектеп салу жоспарланып, оның алғашқы 900 оқушыға арналған мектебін өткен жылдыңқазан айында сол жағалаудан табыстадық.Осы айдың басында Жаңақорған ауданының Жаңарық ауылында және Арал қаласында 300 орындық 2 жайлы мектеп ашылды. Бұл арқылы Жаңарық ауылындағы бейімделген ғимаратта орналасқан, Арал қаласындағы үш ауысымды оқытуға көшуі мүмкін мектептердегі орын тапшылығы мәселесі шешімін тапты.Бүгін міне, «Самұрық-Қазына» акционерлік қоғамының үйлестіруімен жүзеге асқан, құны 4 млрд 732 млн теңге болатын 600 орындық «Жайлы мектепті» шәкірттер мен ұстаздаригілігіне береміз. Жаңа нысанды салу арқылыбейімделген ғимаратта орналасқан Әбу Құдабаев атындағы №197 орта мектептің мәселесін шештік. Құрылыс басталғалы бері балаларымызға қала ішіндегі басқа мектепте оқуына тура келді. Ұрпақ игілігіне бағытталғанортақ істе түсіністік танытқан барша ата-аналарға алғысымызды білдіреміз. Жасампаз істердің жаршысы болатын жеткіншектерімізенді қолайлы әрі қауіпсіз, заманауи жабдықталған, кең де жайлы мектепте білім алатын болады. Бүгін табысталған жаңа білім ғимаратынан алдыңғы буынның ізгі жолын жалғаған білімді, талантты шәкірттер шығатынына сеніміміз мол. Санасы сергек, ойы ұшқыр, бәсекеге қабілетті оқушыларымыз көп болғай», – деді аймақ басшысы.</blockquote>Салтанатты іс- шарада білім саласының ардагері, ҚР Білім беру ісінің үздігі, Қызылорда қаласының Құрметті азаматы Алтынсары Шүренов жиылған жұртшылықты құттықтады. Еңбек ардагері, Қызылорда облысының Құрметті азаматы, Қазақстан Республикасының еңбек сіңірген қайраткері, «Құрмет» орденінің иегері Қорғанбек Қайроллаұлы батасын берді. Сондай-ақ, аймақтың әлеуметтік-экономикалық дамуына үлес қосқан азаматтар мен құрылыс мекемесінің мамандары марапатталды.Айта кетейік, 2024 жылы білім саласына бөлінген қаржы 264 млрд теңгеге, алдыңғы жылмен салыстырғанда 9,3 пайызға ұлғайды. Саланың биылғы бюджеті 308 млрд 134 млн теңге, бұл өткен жылмен салыстырғанда 16,9 пайызға арттық.Былтыр аймақта 6 мектеп, 5 мектепке қосымша ғимарат салынып, іске қосылды.Нәтижесінде Арал ауданы Тоқабай ауылындағы №248, Шиелі кентіндегі №252 және Жансейіт ауылындағы №133 апатты мектептердің мәселесі шешілді.«ҚазГермұнай» компаниясының демеушілігімен Қызылорда қаласында заманауи үлгідегі «Оқушылар сарайы»,Жаңақорған ауданында «Оқушылар үйі» мен «Өнер мектебі» ел игілігіне табысталды.Балалар мен жасөспірімдердің шығармашылығын шыңдау мақсатында облыс орталығынан «Шығармашылық академиясы»,дарынды балаларға арналған физика-математика мектеп-интернаты, «Саутс Ойл» компаниясының демеушілігімен музыкалық колледждің жаңа ғимараты бой көтеруде. Жыл ішінде Шиелі ауданында да «Оқушылар үйі»мен «Өнер мектебі» жұмысын бастайды.Биыл «Білім беру инфрақұрылымын қолдау қоры» есебінен Арал ауданының Жалаңаш ауылынан 150 орындық мектеп салынады.Былтыр 8 мектеп ғимаратына күрделі жөндеу жүргізілді. Мемлекет басшысының 1300 мектепті күрделі жөндеу тапсырмасына сәйкес 3 жыл ішінде облыстағы 51 мектеп, биылсоның 9-ы күрделі жөндеуден өтеді.<img src="https://knadmin.beoblood.kz/uploads/yzylorda_alasynda_Zhajly_mektep_ashyldy_3_840a2a807f.jpg" alt="Қызылорда қаласында «Жайлы мектеп» ашылды 3.jpg"><img src="https://knadmin.beoblood.kz/uploads/yzylorda_alasynda_Zhajly_mektep_ashyldy_1_520fff42e9.jpg" alt="Қызылорда қаласында «Жайлы мектеп» ашылды 1.jpg"><img src="https://knadmin.beoblood.kz/uploads/yzylorda_alasynda_Zhajly_mektep_ashyldy_2_eb948a7c73.jpg" alt="Қызылорда қаласында «Жайлы мектеп» ашылды 2.jpg">Фото: Қызылорда облысы әкімінің баспасөз қызметі

Қызылорда қаласында «Жайлы мектеп» ашылды

<a href="https://kyzylorda-news.kz/">Kyzylorda-news.kz</a> Қызылорда қаласындағы NIS-тің география пәні мұғалімі Арай Нұрбаева республикалық «Педагогикалық идеялар фестивалі» республикалық байқауында ІІІ орын иеленді. Ол танымал Minecraft платформасы арқылы географияны қызықты және интерактивті түрде оқытудың нновациялық жобасын таныстырды.Арай Талғатқызының ұсынған оқыту әдістемесі оқушыларды географиялық объектілер мен үдерістерді виртуалды ортада модельдеуге мүмкіндік береді. GeoFuture-Minecraft – мұғалімдерді оқытудың дәстүрлі емес тәсілдерін қолдануға және заманауи технологияларды оқу үдерісіне енгізуге шабыттандыратыны сөзсіз.<blockquote>«Педагогикалық идеямның мақсаты – география сабағын заманауи және қызықты өткізу. Бұл формат білім алушыларды әлемдік тұрақты даму мақсаттарын зерттеуге көмектеседі. Сонымен қатар, цифрлық сауаттылықты арттырады. Оқушылар сабақта алған теориялық білімдерін Minecraft-та нақты жобалар жасау арқылы тәжірибеде қолданады. Экологиялық тұрақты қалаларды жоспарлау, баламалы энергия көздерін алу және климаттың өзгеруін зерттейді», – дейді Арай Талғатқызы.</blockquote>Фото: Назарбаев зияткерлік мектебі

Сырбойылық мұғалім география пәнін Minecraft ойыны арқылы оқытып жүр

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінде жаңа 50 орындық асхана мен өңір жастарына арналған BIC (business incubation center) коворкингінің салтанатты ашылуы өтті.Жаңа нысанның тұсаукесер рәсіміне Басқарма төрағасы-Ректор Бейбіткүл &nbsp;Каримова, университеттің ардагерлер кеңесінің &nbsp;төрағасы Бақыт Қалиев пен университеттің ардагері, техника ғылымдарының докторы, профессор Серікбай Қошқаров және университет ұжымы қатысты. Жаңа асхана бір уақытта 50 адамды қабылдауға арналған. &nbsp;Білім алушылар мен оқу орны қызметкерлерінің денсаулығы және жайлылығы үшін заманауи талаптарға сай жабдықталған. Асханада ыдыс жуатын, тоңазытқыш орналасқан, қызметкерлерге арналған арнайы бөлмелер мен қосымша аймақтар жоғары санитарлық талаптарға сәйкес орналасқан. Жаңа асханада тек дәмді әрі пайдалы тағамдармен ғана емес, жайлы әрі тыныш атмосферада сабақ оқуға да мүмкіндік бар.BIC коворкингі 500 шаршы метр аумақты қамтиды. Орталық технологиялық кәсіпкерлік, IT, инновациялар және жасанды интеллект бағытында білім мен дағдыларды дамытуға зор мүмкіндік ұсынады. Онда 35 аса қуатты компьютер, LED панель, интерактивті панель, 500 Мб/сек жылдамдықтағы жоғары сапалы интернет сынды жоғары технологиялық құралдармен жабдықталған. Коворкинг орталығында &nbsp;конференц-зал, ашық жұмыс кеңістігі (open space), GameDev center, Digital creativity, Hardware және CyberSport, ас бөлмесі &nbsp;орналасқан.<blockquote>“Соңғы замануи үлгідегі коворкинг өңір жастарының кәсіби және шығармашылық әлеуетін арттыруға бағытталған. Қызығушылық танытқан кез келген жас &nbsp;тегін білім беру курстарына, шеберлік сыныптарына қатысып, тәжірибелі мамандардан кеңес ала алады. Сонымен қатар, &nbsp;инкубациялық бағдарламалар мен стартап жобаларды дамытуға мүмкіндік алады”,-деді «KyzylordaHub» бизнес инкубаторының жетекшісі Жанарыс Түбекбаев.</blockquote>Коворкингтің басты мақсаты – жастарды технологиялық кәсіпкерлікке баулу, заманауи құралдарды тиімді пайдалануға үйрету және олардың идеяларын жүзеге асыруға көмектесу.Айта кетейік, асхана мен коворкинг орталық бас оқу ғимаратының жанынан салынған жаңа нысанда орналасқан. Қазіргі таңда университетте заманауи инфрақұрылымды дамытуға арналған жобалар қарқынды жүзеге асырылуда. Бұл өз кезегінде оқу орнының сапасын арттыруға, білім алушылар мен қызметкерлерге ыңғайлы жағдай жасауға арналған.<img src="https://knadmin.beoblood.kz/uploads/or_yt_ata_atynda_y_yzylorda_universitetinde_zha_a_nysan_ashyldy_f87d1991f0.jpg" alt="Қорқыт ата атындағы Қызылорда университетінде жаңа нысан ашылды.jpg"><img src="https://knadmin.beoblood.kz/uploads/or_yt_ata_atynda_y_yzylorda_universitetinde_zha_a_nysan_ashyldy_4_1f84cc5c80.jpg" alt="Қорқыт ата атындағы Қызылорда университетінде жаңа нысан ашылды 4.jpg"><img src="https://knadmin.beoblood.kz/uploads/or_yt_ata_atynda_y_yzylorda_universitetinde_zha_a_nysan_ashyldy_3_3c26bcb0fc.jpg" alt="Қорқыт ата атындағы Қызылорда университетінде жаңа нысан ашылды 3.jpg"><img src="https://knadmin.beoblood.kz/uploads/or_yt_ata_atynda_y_yzylorda_universitetinde_zha_a_nysan_ashyldy_1_819bb43e87.jpg" alt="Қорқыт ата атындағы Қызылорда университетінде жаңа нысан ашылды 1.jpg">

Қорқыт ата атындағы Қызылорда университетінде жаңа нысан ашылды

<a href="https://kyzylorda-news.kz/">Kyzylorda-news.kz</a>&nbsp; Әлеуметтік желіде ақпарат тарады. Онда қала мектептерінің бірінде бастауыш сыныпта сабақ беретін әйелдің кісі қолынан қаза тапқаны айтылған.&nbsp;Бұл оқиғаның болғанын облыстық полиция департаменті растап, төмендегіше түсініктеме берді деп хабарлады<a href="https://kaz.inform.kz/news/kizilordada-mugalm-ayel-ks-kolinan-kaza-tapti-5e0d05/"> kaz.inform.kz</a><blockquote>– Аталған дерек бойынша тергеу жүргізілуде. Күдікті ұсталып, уақытша ұстау изоляторына қамалды. Қазақстан ҚР Қылмыстық кодексінің 201-бабына сәйкес өзге ақпарат тергеу мүддесіне орай жария етілмейді, – деп мәлім етті департаменттен.</blockquote>Фото: Нұрболат Нұржаубай&nbsp;

Қызылордада мұғалім әйел кісі қолынан қаза тапты 

<a href="https://kyzylorda-news.kz/">Kyzylorda-news.kz</a> Бүгін оқушылар ұлттық бірыңғай тестілеуден өтіп жатыр. Бұл – сынақтың бірінші кезеңі, – деп хабарлайды <a href="https://kaz.inform.kz/news/elmzde-biilgi-ubt-bastaldi-adce02/">Қазақпарат.</a>Бұл туралы Ұлттық бірыңғай тестілеу орталығының әлеуметтік желідегі ресми парақшасында айтылды.- Қаңтар ҰБТ-сы басталды. Сәттілік! – делінген желіде.Айта кетейік, ҰБТ-дағы пәндердің саны өзгеріссіз қалды, яғни үшеуі міндетті және екеуі таңдау бойынша. ҰБТ тапсырмалар саны өзгеріссіз қалды, жалпы 120 сұрақ. Оның ішінде «Қазақстан тарихынан» 20 тапсырма, «Оқу сауаттылығынан» 10 тапсырма, «Математикалық сауаттылықтан» 10 тапсырма және екі бейіндік пән бойынша 40 тапсырма. Жоғары балл – 140.Тестілеу уақыты – 4 сағат (240 минут). Бұл ретте ерекше білім беру қажеттіліктері бар балаларға қосымша 40 минут уақыт беріледі.Еске сала кетейік, қаңтар айында өтетін ҰБТ-ға өтініш қабылдау 20 желтоқсанда басталған еді.&nbsp;Фото: Виктор Федюнин/ Kazinform

Ұлттық бірыңғай тестілеудің алғашқы кезеңі басталды

<a href="https://kyzylorda-news.kz/">Kyzylorda-news.kz</a> &nbsp;Қорқыт ата атындағы Қызылорда университетінде &nbsp;«Академиялық үдерістегі Жасанды интелеклект» тақырыбында 72 сағат көлемінде біліктілігін арттыру курсы ұйымдастырылды.Жасанды интеллект институтының ұйымдастыруымен өткен іс-шара AI-дің академиялық үдерістер мен ғылыми жұмыстардағы рөліне байланысты маңызды мәселелерді қамтиды. Әсіресе, жасанды интеллекттің тиімді әрі этикалық қолданылуы, оның академиялық жазбалардағы ықпалы және плагиаттың алдын алу үшін қолданылатын жаңа технологиялар маңызды орын алады.Сондай-ақ, «Қысқы мектеп» аясында плагиатқа қарсы StrikePlagiarism.com жүйесінің эксперті Ақмарал Кужиева өз тәжірибесімен бөлісуде.Курстың мақсаты — қатысушыларға академиялық жұмыстарда жасанды интеллектті дұрыс қолдану туралы білім беру, сонымен қатар, плагиатпен күрес және ғылыми этиканы сақтау жолдарын таныстыру.Жиынға оқу орнының бөлім басшылары, институт директорлары, БББ жетекшілері, профессор-оқытушылар құрамы, докторанттар мен магистранттар қатысты.<img src="https://knadmin.beoblood.kz/uploads/KORKYT_ATA_UNIVERSITY_YS_Y_MEKTEP_Zh_MYSYN_BASTADY_1_f2c73c037e.jpg" alt="KORKYT ATA UNIVERSITY ҚЫСҚЫ МЕКТЕП ЖҰМЫСЫН БАСТАДЫ 1.jpg">

Korkyt ata university: «Қысқы мектеп» жұмысын бастады  

<a href="https://kyzylorda-news.kz/">Kyzylorda-news.kz</a> &nbsp;Атыраудағы №37 мектептің мұғалімі педагогикалық кеңесте балағат естіген соң өзіне қол салмақ болған. Бұл туралы <a href="https://stan.kz/">Stan.kz</a> ақпарат агенттігі хабарлайды.&nbsp;Әлеуметтік желідегі ақпаратқа сенсек, мұғалімді көпшіліктің көзінше алаяқ деп айыптап, балағаттаған көрінеді."Мені педагогикалық кеңесте балағаттады. Бұған дейін директор оның "қолының сұғанақтығы бар" деп айтқан еді. Бұл – масқаралау, сондықтан басқа амал болмады", – дейді зардап шеккен әйел.&nbsp;Оқу-ағарту министрлігі білім сапасын қамтамасыз ету комитетінің дереіне сәйкес қазір іс бақылауда, арнайы комиссия құрылған.&nbsp;"Құрамында қалалық және Атырау облыстық білім басқармасының өкілдері, оқу-ағарту министрлігінің білім сапасын қамтамасыз ету бойынша аймақтық департаментінің өкілдері бар комиссия құрылды. Министрліктің аймақтық департаменті педагогикалық этика бойынша жоспардан тыс облыстық кеңес өткізеді. Кеңес қорытындысы бойынша тиісті шаралар қабылданады", – делінген министрліктің <a href="https://tengrinews.kz/accidents/uchitelnitsa-pyitalas-pokonchit-soboy-atyirau-sozdana-559420/">Tengrinews.kz</a> портасына берген жауабында.Қазір мұғалімнің жағдайы тұрақты екен. Оған тиісті психологиялық көмек көрсетіледі.Фото: pixabay.com

Атырауда мұғалім өзіне қол салмақ болған

<a href="https://kyzylorda-news.kz/">Kyzylorda-news.kz</a> Оқу-ағарту министрлігі 9 жастағы қыздан "жынды шығарып" жатқандардың видеосына байланысты мәлімдеме таратты, деп хабарлайды&nbsp;<a href="https://qaz.ulysmedia.kz/">Ulysmedia.kz</a>.&nbsp;МИНИСТРЛІК НЕ ДЕЙДІОқиға Атырау облысында болған.<blockquote>Мұндай оқиғаға мүлде жол беруге болмайды. ҚР Оқу-ағарту министрлігі Балалардың құқықтарын қорғау комитеті бұл жағдайды өз бақылауына алды. Қазіргі уақытта балаға оқиғаның салдарын барынша азайту мақсатында кәсіби психологиялық көмек көрсетілуде, –&nbsp;дейді министрлік.</blockquote>Оқиға орнында балалар құқықтары жөніндегі өңірлік уәкіл жұмыс істеп жатыр.&nbsp;<blockquote>Баланың денсаулығы мен әл-ауқатына қауіп төндіретін кез келген мұндай әрекеттерге жол берілмейтінін атап өту маңызды. Министрлік Қазақстанда балалардың құқықтарын қорғауды қамтамасыз ететін заңдар мен нормаларды сақтау қажеттігін еске салады, –&nbsp;деп ескертті ведомство.</blockquote>Әлеуметтік желіде тараған&nbsp;<a href="https://www.youtube.com/watch?v=QdtZpN_JPOI">видео</a>&nbsp;қызу талқыға түсті. Видеода жерде&nbsp;қолы байлаулы жатқан қызды екі адам ұстап тұрғанын көруге болады. Балаға 19 жастағы Ләззаттың "аруағы" кіріп кетіпті-міс.Өзін емшімін деп атайтын Кейқуат Оспанов сұрақ қойып, оған бала емес, қыздың бойына кіріп алған "жын" жауап беріп жатқанына сенімді.Ulysmedia коллажы

9 жасар қызды “жынын шығарамыз” деп қинаған: Оқу-ағарту министрлігі мәлімдеме жасады

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінің оқытушы-профессорлары мен қызметкерлері арасында «Сергектік және денсаулық – 2025» дәстүрлі спартакиадасының жабылу салтанаты өтті.&nbsp; Турнир жеңімпаздарын марапаттау рәсіміне Әлеуметтік және тәрбие жұмыстары жөніндегі проректор Жандос Базартай қатысып, қатысушылардың тартысты ойын көрсеткенін атап өтті. “Биыл университетішілік спартакида 49 рет ұйымдастырылды. Жыл сайын әртүрлі бағыттар мен спорт түрлерінде өткізіліп, барлық қатысушылардың спортқа деген ынтасы, жігері мен қажырлы еңбегін айқын бейнесін көрсетеді”,-деді Жандос Нұртайұлы. Бес күнге созылған тартысты доданың қорытындысы бойынша жалпы командалық есепте Жаратылыстану институты І орын, Гуманитарлық-педогогикалық институты ІІ орын және Ректорат командасы ІІІ орын иеленді. Сонымен қатар, дене шынықтыру мен спортты дамытуға елеулі үлес қосқан университеттің ардагер спортшылары, үздік ойыншылар арнайы номинациялармен марапатталды. Жеңімпаздарға ұйымдастырушылар тарапынан арнайы дипломдар мен кәсіподақ комитетінің естелік сыйлықтары табысталды.&nbsp; Сайыстың негізгі мақсаты – салауатты өмір салтын насихаттау, оқытушылар мен қызметкерлердің спорттық шеберлігін арттыру. Сайыста университет ұжымы жаңа серпіліс алып, спортқа деген құлшыныстары артты. Айта кету керек, 6 команда спорттың шахмат, үстел теннисі, жүзу, пневматикалық мылтық ату, тоғызқұмалақ, волейбол, футзал, арқан тарту түрлерінен сынға түсті.Фото: Қорқыт ата атындағы Қызылорда университеті

«Сергектік және денсаулық – 2025» дәстүрлі спартакиадасы қорытындыланды

<a href="https://kyzylorda-news.kz/">Kyzylorda-news.kz</a> &nbsp;«AMANAT» партиясының ҚР Парламенті Мәжілісіндегі фракция мүшесі Мұрат Ергешбаев және партияның қалалық филиалының төрағасы Ибадулла Құттықожаев, Қызылорда облысының бақылау жөніндегі басқармасынык басшысы Ғанижан Қалиев, Қызылорда облысының құрылыс, сәулет және қала құрылысы басқармасының басшысы Ерлан Төрәлиев, Самұрық АҚ және мердігер мекеме өкілдерімен «Жайлы мектеп» Ұлттық жобасы аясында салынып жатқан Қызылжарма ауылдық округіндегі 600 орындық мектеп құрылысымен танысты.Бүгінде құрылыс жұмыстары 50%-ға аяқталған. Мердігер мекеме “Асар” ЖШС, «Самрұқ - Қазына» АҚ өкілдері құрылыс жұмыстарының кестеге сәйкес жүргізілуде екенін атап өтті.Фото: Облыстық бақылау жөніндегі басқармасы&nbsp;

Қазақстан және Қызылорда облысының жаңалықтары: Білім