Фото: Университеттің баспасөз қызметі&nbsp;<a href="https://kyzylorda-news.kz/">Kyzylorda-news.kz.</a>&nbsp;Еліміз бойынша өңірлік университеттердің ғылым саласындағы жаңалықтары артып, шетелдік ЖОО-лармен халықаралық байланысы нығаюда.&nbsp;Осы орайда Алаштың анасы атанған Сыр еліндегі іргелі білім ордасы – Қорқыт ата атындағы Қызылорда университетінің даму деңгейі туралы оқу орнының Басқарма төрағасы – Ректоры Бейбіткүл Кәрімовамен сұхбаттастық.– &nbsp;Бейбіткүл Сәрсемханқызы, биыл Қорқыт ата атындағы Қызылорда университеті білім, ғылым саласы бойынша қандай межені бағындырды?&nbsp;– 2023 жылы университетте нәтижелі жұмыстар атқарылды деуге толық негіз бар. Алғаш рет университет QS Word University Rankings – 2024 халықаралық рейтинг агенттігінің талдауы бойынша ТОП-1200-1400 орынды иемденді. UI GreenMetric әлемдік рейтингіне қатысып, беделді тізімде 1015 орынға тұрақтады. Аккредиттеу және рейтингтің тәуелсіз агенттігі өткізетін «Сұранысқа ие жоғары оқу орындарының ұлттық рейтингі» қорытындысы бойынша 7-орынды иелене отырып, ҚР ТОП-10 үздік жоғары оқу орнының қатарына кірді.&nbsp; 2019-2020 оқу жылымен салыстырғанда білім алушылар контингенті 5300-ден 10200-ге, яғни 2 есеге, ал мемлекеттік білім гранты негізінде оқитындар саны 3,7 есеге өсті.&nbsp;–Ғалымдардың зерттеу жұмыстарының нәтиже беруі, ел игілігіне жарауы, ғылымды коммерцияландыру қазір өте өзекті. Қорқыт ата университетінде ғылымнан түскен қаржының көлемі қандай?– &nbsp;Университет ғалымдары адамзат игілігіне жарайтын зерттеу жұмыстарымен айналысуда деп толық айта аламыз. Соның бірнешеуін атап өтейін. Күріш экспортымен танымал Қызылорда өңірінде топырақ құнарлылығының төмендеуі, тұздануы байқалады, сондай-ақ, күріш қалдықтарын (қауызы) қайта өңдеу, ағынды суды тазарту технологиясы өте өзекті болып отыр. Университеттегі Инженерлік бейіндегі зертхана қызметкерлері күріштің қауызынан биочар, целлюлоза алу технологиясын әзірледі. Сонымен қатар, Нова Лиссабон университетінің (Португалия) ғалымдарымен бірге Альцгеймер және Паркинсон ауруларының алдын алу үшін дәрі-дәрмек әзірлеуде. Бұдан бөлек, құрамында мұнай бар қалдықтарды қайта өңдеудің инновациялық технологиясын әзірледі. Университет ғалымдары облыстағы "Сығанақ", "Жанкент", "Сортөбе", "Қышқала", "Бәбіш мола", "Асанас" қалашықтарында археологиялық қазба жұмыстарын жүргізуде. Ғалымдар алғаш рет африкалық тары сорттарының перспективалық үлгілерін Арал өңіріне егіп, тұзды топырақта құмай өсіру технологиясын ғылымға енгізгенін айта кету керек.Ғылымнан түскен қаржы да жыл сайын артып келеді. 2022 жылы 17 жоба орындалған болса, 2023 жылы жалпы 26 ғылыми жоба орындалуда. 2020 жылмен салыстырғанда ғылымнан түскен қаржы 5,4 есеге &nbsp;өсті. Тек 2023 жылы ұтып алған &nbsp;гранттық жобалардың құны 1 250 000 000 теңгені құрады.&nbsp;Университет ғалымдары бағдарламалы-нысаналы қаржыландыру жобасы аясында Қызылорда облысында су тапшылығы жағдайында мал азықтық дақылдары мен ағаш екпелерін суару үшін сарқынды суларды қауіпсіз утилизациялау технологиясын әзірлейтін болады. &nbsp;Жобаның жалпы құны – 750 млн теңге. Бұл көрсеткіштер – әрине, ҚР Ғылым және жоғары білім министрлігінің жоғары оқу орындарын жүйелі қолдауының нәтижесі.– Жас ғалымдарды қолдау жұмыстары қалай жүзеге асуда?– Университетте &nbsp;жас ғалымдардың ғылыми-зерттеу жұмысын жүргізуге арналған ректор гранты конкурсы 3 жылдан бері ұйымдастырылап келеді. Биыл үздік деп танылған 8 жобаның авторына 1 250 000 теңгеден грант сертификаты табысталды. Олардың ішінде 5 жаратылыстану-техникалық бағыттағы зерттеу, 3 әлеуметтік-гуманитарлық бағыттағы зерттеу бар.&nbsp; Мысалы, жас ғалымдарға арналган ішкі грантымыз 2021 жылы – 4, 2022 жылы 6 жас ғалымға берілді. Ал енді конкурсқа қатысушылардың саны жылдан жылға көбейіп келе жатқан соң келесі жылдан бастап грант қаржысын 20 миллионға дейін көтеруді жөн көріп отырмыз.– Жуырда университет базасында Сеултех Жасанды интеллект және информатика жоғары мектебі ашылды. Мектептің мақсаты, жұмысы туралы толығырақ айтып берсеңіз…– &nbsp;Қорқыт ата атындағы Қызылорда университетінде Оңтүстік Корея Республикасы Үкіметінің қолдауымен Сеул ұлттық ғылым және технологиялар университетімен (SeoulTech) ынтымақтастық аясында Жасанды интеллект және информатика жоғары мектебі ашылды. Жоғары мектеп жасанды интеллект, киберқауіпсіздік және информатика саласында кадрлар даярлайтын болады. Студенттер Сеултехпен бірлескен бағдарламалар бойынша білім алады, бұл әлемдік IT технологияларға қолжетімділікті қамтамасыз етеді. Жоба аясында оқу орны Кореяның заманауи зертханалық құрылғыларымен жабдықталады, ал студенттер бірнеше тілді меңгеріп, орыс және қазақ тілдерінен бөлек, ағылшын, корей тілдерінде білім алады. 2024 жылдан бастап Сеултех базасында университеттің жас мамандары магистратура мен докторантурада тегін оқуға мүмкіндік алып отыр.&nbsp;– Университеттің өзге елдермен халықаралық байланысы қандай?– ЖОО-ның өзге де шетелдік оқу орындарымен ынтымақтастық байланысы артты. Каннам университетімен (Корей Республикасы), Қытай мұнай университетімен (КХР), Томск политехникалық ұлттық зерттеу университеті, Дубна университеті (Ресей Федерациясы), «Ташкент ирригация және ауылшаруашылығын механикаландыру инженерлері &nbsp;институты» Ұлттық зерттеу университетімен (Өзбекстан Республикасы) бірлескен білім беру бағдарламалары жүзеге асырылуда. Сонымен қатар, алдағы уақытта шетелдік университеттер базасында өкілдік ашып рекрутинг жұмысын, отандастарға грант бөлу және сол университетпен бірлесіп әр түрлі білім беру, ғылыми бағыттағы &nbsp;іс-шаралар өткізбекпіз. &nbsp;– Академиялық ұтқырлық бағдарламасы бойынша оқытушылар мен студенттерге қандай мүмкіндіктер қарастырылған?–Қазір Академиялық ұтқырлық бағдарламасы аясында 70-ке жуық студент шетелдік ЖОО-ларда білім алуда. Оның ішінде, Қытайдағы Хубэй университеті, Польшадағы Лодзь университеті, Түркияның Селджук университеті, Өзбекстандағы «Ташкент ирригация және ауылшаруашылығын механикаландыру инженерлері &nbsp;институты» &nbsp;Ұлттық зерттеу университеті, Оңтүстік Кореядағы Каннам университеті бар. Бұл оқу орындарына студенттерді министрліктен бөлінген қаржымен де, университет өз қаржысы есебінен де жіберуде.&nbsp;– Сұхбат үшін рақмет!&nbsp; &nbsp;

Бейбіткүл Кәрімова: Ғылыми әлеует артып, халықаралық байланыс нығаюда

Фото: облыс әкімінің баспасөз қызметі&nbsp;<a href="https://kyzylorda-news.kz/">Kyzylorda-news.kz.</a>&nbsp; Облыс әкімі Нұрлыбек Нәлібаев, аймақтың мердігер компанияларының жетекшілері Астанада Samruk-Kazyna Construction басшысы Мәулен Айманбетовтың төрағалығымен өткен «Жайлы мектеп» ұлттық жобасының іске асырылуы талқыланған жиынға қатысты.Жас ұрпаққа сапалы білім мен тәрбие беру үшін барлық жағдайы жасалған білім ошақтарын салу – ұлттық жобаның басты мақсаты. Аталған білім беру нысандарын жобалаумен, салумен және жарақтандырумен айналысқан консорциумдар оларды дайын күйінде тапсыруы керек.Жиынға қатысушылар мектептердің сметалық құнына қатысты сауалдарына жауап алды. Мемлекет басшысының тікелей тапсырмасы бойынша жүзеге асырылатын әлеуметтік маңызды жоба барлық нормативтерге сәйкес болуы тиіс.<blockquote>«Президент тапсырмасына сәйкес «Жайлы мектеп» ұлттық жобасы аясында Қызылорда облысында 21 мектеп салынады. Жоба құны – 98 млрд теңге. Қазір 10 мектептің құрылысы жүргізілуде, қалған 11-і келесі жылы басталады. 2025 жылы толық тапсырылады», – деді Н.Нәлібаев.</blockquote>Жиын қорытындысы бойынша Қызылорда облысында облыс әкімінің орынбасары басқаратын жұмыс комиссиясын құру туралы шешім қабылданды. Оған барлық мүдделі тараптардың өкілдері, атап айтқанда басқарма төрағасының орынбасары және Samruk-Kazyna Construction өңірлік өкілі, жобалардың басшылары, ұлттық жобаны іске асыру департаментінің директоры, құрылыс басқармасының басшысы кіреді. Комиссия әрбір жоба бойынша барлық мәселені жеке-жеке жедел шешу үшін күн сайын кеңес өткізуге ниетті.Естеріңізге сала кетейік, 2023-2025 жылдарға арналған «Жайлы мектеп» ұлттық жобасы аясында бүкіл ел бойынша 369 мектеп салу жоспарланған, бұл 740 мыңға жуық оқушыға арналған. Ұлттық жоба апатты мектептерді, үш ауысымды оқытуды және мектеп жетіспеушілігін жоюға бағытталған.Сонымен қатар, аймақ басшысы Ауыл шаруашылығы министрі А.Сапаровпен кездесіп, алдағы егін егу науқаны, су тапшылығы, вегетация кезеңіне дайындық мәселелерін талқылады.<img src="https://knadmin.beoblood.kz/uploads/413008688_662752046046043_4384157074513255410_n_b60328f000.jpg" alt="413008688_662752046046043_4384157074513255410_n.jpg">

«Жайлы мектеп»: Қызылорда облысында 21 мектеп салынады

<a href="https://kyzylorda-news.kz/">Kyzylorda-news.kz.</a>&nbsp;Қызылорда ашық университеті шетелдік ЖОО-мен ынтымақтастық аясын кеңейтіп, халықаралық білім кеңістігіне адымдап келеді.&nbsp;Университет Беларуссия Республикасы “Евфросиния Полоцкая” атындағы Полоцкий мемлекеттік университетімен, Болгария мемлекетінің Тракия университетімен екіжақты меморандумға қол қойған. Аталған құжат университеттер арасындағы өзара байланыстарды нығайтуға, оқытушылар мен студенттердің академиялық ұтқырлық бағдарламалары, университет қызметкерлерінің тәжірибе алмасу тағылымдамалары және бірлескен білім беру бағдарламаларын даярлау жұмыстарын жүйелеп, кадрларды даярлауға, педагогтардың, қызметкерлердің біліктілігін арттыруға, ғылыми зерттеулер саласындағы ынтымақтастықтың басым бағыттарын айқындауға сеп болады.Қызылорда ашық университетінің бұған дейін шетелдік университеттермен жасаған ынтымақтастық туралы келісімдері қазірдің өзінде өз жемісін беріп, университетке сыртқы академиялық ұтқырлық бағдарламасы негізінде 4-15 желтоқсан күндері Польша Республикасының Экономика университетінен PhD, профессор Александр Скалий дәріс оқуға келді. Ол педагогикалық ғылымдар саласы бойынша студенттерге «Педагогика», «Тәрбие теориясы мен әдістемесі» бойынша дәріс оқыды. Сонымен қатар, университет оқытушы-профессорлар құрамына «Серіктестік жобаларды жазу: идеялардан іске асыруға дейін» тақырыбында біліктілік арттыру курстарын жүргізді.Халықаралық тәжірибелерге негізделген келісімдер өңір студенттерін мамандандыруда мол септігін тигізбек. Өзге де шетелдік жетекші оқу орындарымен келісімдер ауқымы бұдан да ұлғая түседі.<figure class="image"><img src="https://knadmin.beoblood.kz/uploads/d7384306_46ae_4075_a2f4_18759dc5d409_e34b497790.jpg" alt="d7384306-46ae-4075-a2f4-18759dc5d409.jpg"></figure>

Қызылорда ашық университеті шетелдіктермен байланысты нығайтты

Фото: НЗМ<a href="https://kyzylorda-news.kz/">Kyzylorda-news.kz.</a> Қызылорда қаласындағы Зияткерлік мектепті әр жылдары бітірген түлектер сүйікті мектептеріне бас сұғып, «Samgau» форумында тәжірибелерімен бөлісті.Назарбаев Университетінің 3 курс студенті Гүлдана Сабитова түлектер форумында медицина ғылымдар мектебіне түсу және білім бағдарламасының ерекешліктерімен таныстырды. Сонымен қатар студенттік клубтар жұмысы мен қызықты жобалары туралы баяндады.<blockquote>Кезінде мен де түлектер кездесуінде жоғары оқу орнына түсу туралы ақпарат алып, университет пен мамандық таңдауға ықпалын тигізген болатын. Мектептің беріп жатқан барлық мүмкіндіктерін тиімді пайдаланып, мамандық таңдауда қателеспеу керек дегім келеді.</blockquote>2013 жылдан бері мектептен 920 түлек қанат қақты. Оның 184-і Назарбаев Университетіне, 65-і шетелдік жоғары оқу орындарына, қалғандары отандық университеттерге оқуға түсті. Грантқа түсу көрсеткіші 95.3% құрады.<blockquote>Мен үшін NIS – мүмкіндіктер мекені. Өмірге деген көзқарасымыздың іргетасы, бір идея, бір мақсат аясында біріктірген орта. Бүгін тәжірибемізбен бөлісіп, сүйікті ұстаздарымызбен қауышқаныма қуаныштымын, – дейді 2021 жылдың түлегі Мерей Сембай.</blockquote>Alumni NIS қауымдастығының бастамасымен өткізілген «Samgau» форумында әртүрлі тақырыптық секциялар ұйымдастырылып, жоғары сынып оқушылары кәсіби бағдар алды. Сонымен қатар, Alumni NIS ұйымының жұмыс бағыттары туралы ақпарат беріліп, оқушылар викториналық ойындарда көңіл көтерді.

Зияткерлік мектептің түлектері «Samgau» форумында тәжірибелерімен бөлісті

фото: krasnoyarsk-news.net<a href="https://kyzylorda-news.kz/">Kyzylorda-news.kz.</a> Қазақстандық мектептерде екінші тоқсан аяқталуда. Қысқы демалыс 2023 жылдың 29 желтоқсанынан 2024 жылдың 7 қаңтарын қоса алғанда 10 күнге созылады.Қазақстан Республикасы Оқу-ағарту министрлігі мектеп оқушыларының қысқы демалысын және бос уақытын тиімді, әрі тұлғалық дамыту мақсатында мектепішілік қысқы каникул іс-шараларының жоспарын әзірлеуде «Біртұтас тәрбие бағдарламасын» негізге алуды ұсынады.

Қазақстандық оқушылар қысқы демалыста неше күн демалады?

<a href="https://kyzylorda-news.kz/">Kyzylorda-news.kz.</a> Сырдария ауданындағы &nbsp; №36 Ә.Тәжібаев атындағы мектеп-лицейінде 8-9 сынып оқуышларына арнап «Жас құтқарушы» атты кадет сыныбының салтанатты ашылуы өтті.Іс-шараға Сырдария ауданының әкімі Берік Сәрменбаев, Қызылорда облысы Төтенше жағдайлар департаментінің бастығының орынбасары Жасұлан &nbsp;Түйменов, азаматтық қорғау органының қызметкерлері, ата-аналар мен мектеп ұжымы қатысты.Кадет сыныбын құрудың мақсаты &nbsp;-табиғи және техногендік сипаттағы түрлі төтенше жағдайлар кезінде жедел дұрыс шешім қабылдау білімі мен дағдыларын дамыту, өрт қауіпсіздігі саласындағы алдын алу, зардап шеккендерге алғашқы медициналық көмек көрсету бөлігінде жас ұрпақты патриоттық тәрбиелеу болып табылады.Аудан әкімдігінің қолдауымен кадет 8-9-шы сынып оқушылары үшін құтқарушылардың үлгісі бойынша арнайы 20 нысанды киім және 20 әскери парадқа киетін нысанды киім әзірленіп, тігілді. Сынып кабинеті арнайы стендтермен және өрт-сөндіру және құтқару құрал-жабдықтарымен қамтамасыз етілді.&nbsp;Қызылорда облысының білім басқармасының келісімі бойынша оқушылардың осы санаттағы оқу бағдарламасына азаматтық қорғау, алғашқы әскери даярлық, осы бағыттар бойынша мамандарды, оның ішінде ТЖД &nbsp;қызметкерлерін тарта отырып, алғашқы дәрігерге дейінгі медициналық көмек көрсету саласында қосымша сабақтар мен факультативтік сабақтар енгізілді.Кадет сыныбында оқу оқушылардың үлгерім деңгейіне және жалпы тәртіпке оң әсер етті. Жас кадеттер саптық дайындықпен оңай оқиды және айналысады, мектеп және ведомстволық іс-шараларға белсенді қатысады. Нәтижесінде мұндай сыныптардың танымалдығы артуына ықпал етуі мүмкін.11-сыныпты бітіргенге дейін оларға кураторлық жасау мектептің әскери басшысына жүктелген. &nbsp;

Алғаш рет жас құтқарушылардың кадет сыныбы ашылды 

<a href="https://kyzylorda-news.kz/">Kyzylorda-news.kz.</a>&nbsp; Қызылорда облыстық білім басқармасы және Қорқыт ата атындағы Қызылорда университеті, облыстық «Qyzylorda» телеарнасы бірлесіп ұйымдастырған «Зияткер» телевизиялық білім бәйгесінің финалдық кезеңі өтті.Білім сайысының қорытынды кезеңіне Қызылорда облысының аудандары мен қаласындағы мектеп оқушылары қатысып, бақ сынады. Қатысушыларға еліміздің және шет елдердің тарихы, мәдениеті, экономикалық жағдайына қатысты түрлі сұрақтар қойылып, логикалық тапсырмалар берілді.Сайыстың нәтижесі бойынша І орынды Қазалы ауданы, Е.Бозғұлов атындағы №249 мектеп-лицейінің оқушысы Батырхан Мадияр жеңіп алса, ІІ орын Қызылорда қаласы, С.Лапина атындағы №261 орта мектебінің оқушысы Әмір Ізбасарға бұйырды. Ал ІІІ орынды Қазалы ауданы, Е.Бозғұлов атындағы №249 мектеп-лицейінің оқушысы Олжабай Мадияр иеленді.Байқаудың финалдық бәсекесіне облыстық «Дарын» оқу орталығының директоры Баян Бақытжанқызы, Қорқыт ата атындағы Қызылорда университетінің ректоры Бейбіткүл Кәрімова мен облыстық «Qyzylorda» телернасының телеарнасы бас редакторының орынбасары Бекзат Есқали қатысып, жеңімпаздарды марапаттады.&nbsp;Сондай-ақ, жеңімпаз болып танылған үш үздік қатысушыға Қорқыт ата атындағы Қызылорда университетінің білім гранты табысталады.

Қызылордада білім сайысының жеңімпаздарына университет гранты табысталды

Фото: Өңірлік коммуникациялар қызметі<a href="https://kyzylorda-news.kz/">Kyzylorda-news.kz.</a>&nbsp; Мемлекет басшысының Жолдауында келер жылдан бастап «Келешек» бірыңғай жинақтау жүйесін іске асыру туралы айтылған болатын. Бұл жүйе 5 жастан асқан әрбір балаға тиесілі жеке шот болып есептеледі. Тиісінше, бала кәмелеттік жасына толғанда шотына жиналған қаржыны оқуға, баспаналы болуына немесе басқа да жағдай үшін жұмсай алады. Бұл туралы «Ашық» университетінің бірінші проректоры Абайбек Жүнісов хабарлады.<blockquote>«Бүгінде елімізде бала туу көрсеткіші едәуір артып келеді. Соған сәйкес болашақта білім беру жүйесіне түсетін жүктеменің де ұлғаятыны белгілі. Қазіргі таңда мемлекет тапсырысы негізінде мектеп бітіруші түлектердің 40 пайыздан астамын грантпен қамтуға мүмкіндік бар. Дегенмен, 2040 жылға қарай бұл көрсеткіш шамамен 15 пайызға дейін қысқарады деп болжануда. Осыған байланысты Ел Президентінің Жолдауын жүзеге асыру аясында азаматтарға жоғары білімді қолжетімді етудің қосымша тетігі қарастырылады. Дәлірек айтқанда, келер жылдан бастап «Келешек» бірыңғай жинақтау жүйесі әзірленбек. Аталмыш жүйе шеңберінде балаға арнайы шот ашылып, оған мемлекеттен 60 АЕК мөлшерінде бастапқы капитал салады. Бұдан әрі оған ата-аналардың ерікті жарналары, 5-7 пайыз мөлшерінде жыл сайынғы мемлекеттік сыйақы және инвестициялық табыс есебінен қаражат жинақталады. Осылайша, айына ең төменгі мөлшердегі жарна салынып отырса, бала 18 жасқа толғанда шотында кем дегенде 3,3 млн теңгеден астам қаражат жиналмақ», - деді Абайбек Талғатұлы.</blockquote>Айта кетейік, «Келешек» бірыңғай жинақтау жүйесінде халықтың әлеуметтік осал топтарын қолдау шаралары да қамтылады. Әсіресе бұл өзгерістер жетім балалар мен ата-анасының қамқорлығынсыз қалған балаларға қатысты болмақ. Сондай-ақ, жүйеде ақшаның құнсыздануынан қорғау да қарастырылған.

«Келешек» жинақтау жүйесі – бала болашағы үшін маңызды

<a href="https://kyzylorda-news.kz/">Kyzylorda-news.kz.</a>&nbsp; Шетелдік тәжірибеге сүйенер болсақ, әлемдік деңгейдегі университеттер білікті мамандар даярлаумен ғана шектелмейді. Олар кең спектрлі ғылыми зерттеулерді іске асыруға және оларды экономиканың нақты секторына конвертациялауға маманданған. Шетелдік танымал жоғары оқу орындары үшін &nbsp; жетістіктерге жетуде негізгі үш фактор әсер етеді екен. Ол &nbsp;- бір мүддеге жұмыс істейтін ұжым, икемді басқару жүйесі, оқыту мен зерттеулер жүргізу үшін оқытушы-профессор құрамына барынша жағдай жасау.&nbsp;Сонымен, Қазақстан ғылымы мен жоғары білім беруде 2023 жылы болған оң өзгерістерді атап өтейік:Біріншіден, жоғары және жоғары оқу орнынан кейінгі білім беруде гранттар, әсіресе педагогикалық мамандықтар бойынша &nbsp;саны көбейді, Педагогтардың зерттеу дағдылары мен цифрлық құзыреттіктерін дамытуға баса назар аударылды;Екіншіден, 1 қыркүйектен бастап білім алушылардың шәкіртақысы өсті. Қызылорда облысындағы экологиялық коэфицентті есептегенде педагогикалық білім беру бағдарламаларында оқитын студент – 87 360 теңге, магистрант -126 131, докторант – 282750 теңге алады. Бұл деген жас ұрпақтың білім алуына, болашағына деген мемлекеттік капитал деп ұғынуымыз керек.Үшіншіден, Мемлекет басшысының қолдауымен ғалымдардың жалақысы, жас ғалымдарды қолдау шаралары көбейді, сондай-ақ отандық ғылым саласын дамытуға бөлінетін қаражат көлемі де артты;Төртіншіден, Coursera — бұл әлемнің үздік университеттерінің онлайн курстарын ұсынатын онлайн білім беру платформасында білім алушылар кәсіпкерлік, бизнес салалары бойынша тегін курстарға қатысып, сертификаттар алды. &nbsp;Бесіншіден, &nbsp;қазақстандық жоғары оқу орындарының халықаралық білім беру кеңістігінде танылу деңгейі артты. Бір ғана QS WUR 2023 рейтингіне 21 қазақстандық ЖОО кірді, бұрынғы жылдармен салыстырғанда екі есеге өсті;Алтыншыдан, шетелдік ЖОО филиалдарын ашу жалғасты. Тіпті, өңірлердегі жоғары оқу орындарында алға ұмтылушылық, қарқынды даму байқалды. Мәселен, &nbsp;Қызылордада Қорқыт ата атындағы университеті жанынан СеулТех Жасанды интеллект және информатика жоғары мектебі ашылды;Жетіншіден, жас ғалымдардың баспаналы болуына Отбасы банк арқылы жеңілдіктер қарастырылды.Бұл да 1 жылға Қазақстан үшін аз көрсеткіштер емес, Қазақстан бүгінде посткеңестік елдер бойынша білім мен ғылымның дамуы жөнінен алдыңғы қатардан көрініп келеді. 2024 жыл бұдан да нәтижелі болады деген сенім мол.Сағат Тайман,&nbsp;Қорқыт Ата атындағы Қызылорда университетінің Гуманитарлық-педагогикалық институт директоры, тарих ғылымдарының кандидаты, доцент.

Сағат Тайман: Өркениет өлшемі – ғылым мен білімнің даму көрсеткішіне байланысты

Фото: НЗМ<a href="https://kyzylorda-news.kz/">Kyzylorda-news.kz.</a>&nbsp; Астанада өткен «INFORMATICS-ASIA» халықаралық компьютерлік жобалар байқауының қорытындысы бойынша Қызылорда қаласындағы Зияткерлік мектеп оқушылары екі жоба ұсынып, үздік атанды.Ақпараттық технологиялар саласын дамыту және дарынды оқушылардың үздік жобаларына қолдау көрсету мақсатында ұйымдастырылған әлемдік додаға 184 жоба ұсынылды. Сыр өңіріндегі Зияткерлік мектеп атынан қатысқан Жұлдызай Мұңайтбасова, Раушан Тұрғанбай мен Арайлым Әшірмет үй жағдайында жүрек ақауын анықтайтын электрокардиограф және саусақ ізі арқылы адам денсаулығы туралы ақпарат беретін өнертабыстарын таныстырды. Екі жоба да қазылар тарапынан жоғары баға алып, үздік деп танылды. Ал авторлары алтын медальдармен және Алматы Энергетика және байланыс университетінің толық грантымен марапатталды. Сонымен қатар, Арайлым Әшірметке Сүлейман Демирель атындағы университетде білім алуға 50 пайыз жеңілдік табысталды.

Қызылордалық зияткерлер халықаралық байқауда бірінші орын иеленді

Фото: Н.Нұржаубай<a href="https://kyzylorda-news.kz/">Kyzylorda-news.kz.</a> Қызылорда облысының прокуратурасы орта білім беру мекемелерінде тексеру жүргізуде.Алғашқы тексеру нәтижелерімен санитарлық-эпидемиологиялық талаптар мен өрт қауіпсіздігін бұзудың 200-ден астам фактісі анықталды.Кейбір мектептерде бейнебақылаудың «соқыр аймақтары» жойылмаған, жұмыс істемейтін бейнекамералар бар, салдарынан сапалы бақылауға кедергі келтіреді.<blockquote>«Информатика сабақтарында оқушылар бақылаусыз қалып, ересектер мен құмар ойындарға арналған сайттарға еркін кіруге мүмкіндік берілген. 26 мектепте мұғалімдерді конкурс өткізбей жұмысқа орналастыру фактілері анықталып, соттылығы бар және медициналық мекемелердің «Д» есебінде тұрғандар жұмысқа орналастырылған. &nbsp;Сонымен қатар, педагогтар жалған дипломмен жұмысқа қабылданғаны анықталып, олар бойынша қылмыстық іс тіркелді», - делінген облыс прокуратурасының хабарламасында.&nbsp;</blockquote>Мектептерді тексеру жұмыстары жалғасады.

Қызылордалық оқушылар информатика сабағында құмар ойындарының сайттарын еркін пайдаланған 

Фото: Н.Нұржаубай<a href="https://kyzylorda-news.kz/">Kyzylorda-news.kz.</a> Қазіргі уақытта республикада Мемлекет басшысының барлық деңгейдегі білім беру саласын нығайту жөніндегі бірқатар маңызды бастамалары іске асырылуда. <a href="https://primeminister.kz/news/zhyl-korytyndysy-zhana-mektepter-men-zhatakkhanalar-bilim-beru-granttary-men-shakirtakylardy-kobeytu-26714">Primeminister.kz</a> аталған салада бір жылда атқарылған жұмыстарға шолу ұсынды.&nbsp;Осы жылдың айшықты оқиғаларының бірі «Жайлы мектеп» ұлттық жобасының басталуы болды, оның аясында 740 мың оқушыға арналған жаңа форматтағы 369 мектеп салынады.<ul><li>Биыл ел бойынша 137 мың оқушыға арналған 165 мектеп пайдалануға берілді. Осылайша, 12 апатты жағдайдағы және үш ауысымда оқытатын 29 мектеп бойынша мәселе шешілді. 210-нан астам мектепте күрделі жөндеу жұмыстары аяқталды.</li><li>«Жайлы мектеп» ұлттық жобасы аясында 461 мың оқушыға арналған 217 мектептің құрылысы басталды (екі ауысымда).</li><li>Білім беру инфрақұрылымын қолдау қоры құрылған сәттен бастап (жемқорлардан қайтарылған қаражат) арнайы шотқа 151,9 млрд теңге түсті. Нәтижесінде жалпы сомасы 96,5 млрд теңгеге 76,7 мың оқушыға арналған 62 мектептің құрылысы қаржыландырылды. Биылғы 1 желтоқсандағы жағдай бойынша 28,6 мың оқушыға арналған 17 мектеп пайдалануға берілді.</li><li>Президенттің Сайлауалды бағдарламасын іске асыру мақсатында 718 мектеп 1 067 заманауи химия, физика, биология, STEM және робототехника кабинеттерімен жабдықталды.</li><li>1 қыркүйектен бастап 1,6 млн бала тегін ыстық тамақпен қамтылды, олардың ішінде 1,4 млн бастауыш сынып оқушысы және әлеуметтік осал топтардан шыққан 200 мыңнан астам бала бар.</li><li>Мемлекеттік білім беру ұйымдарында оқушылардың қауіпсіздігін күшейту үшін тиісті жүйелер, атап айтқанда, бейнекамералар, дабыл түймешелері, турникеттер орнатылып, жұмысы қамтамасыз етілген.</li><li>«Балабақшаға есепке алудың бірыңғай базасы» әзірленіп, іске асырылуда. Екі облыста балабақшаға есепке алу жүйесі пилоттық режимде жұмыс істейді. 2024 жылы толық іске қосу жоспарланған.</li><li>Биылғы қаңтар айында мұғалімдердің жалақысы тағы 25%-ға өсті. Осылайша, 4 жыл ішінде мұғалімдердің жалақысы 2 есе көбейіп отыр.</li><li>Қыркүйек айынан бастап 98 мыңға жуық тәрбиешінің жалақысы 30%-ға артты.</li><li>«Білім берудегі өзгерістердің 1000 көшбасшысы». Президенттік жастар кадр резервінің үлгісі бойынша мықты педагогтар қатарынан кадр резервін іріктеу және даярлау жөніндегі бағдарлама әзірленіп, іске асырылуда.</li><li>Білім беру ұйымдарында тәрбие сапасын арттыру бойынша «Біртұтас тәрбие бағдарламасы» қабылданды.</li><li>Азаматтарға жоғары білімді қолжетімді етудің қосымша тетігі ретінде «Келешек» бірыңғай ерікті жинақтау жүйесін әзірлеу басталды.</li></ul><img class="image_resized" style="width:560px;" src="https://img.inform.kz/kazinform-photobank/media/2023-12-19/e4a4715b-bd48-481e-a12a-b6eb8830d56b.jpeg" alt="мектеп" loading="eager">Қосшы қаласының мектеп-гимназиясы. Оның құрылысына 7,5 млрд теңге жеке инвестиция салынды.Жүйе аясында балаға арнайы шот ашылып, оған мемлекет 60 АЕК (5 жастағы балаларға) мөлшерінде бастапқы білім беру капиталын салады. Онда ата-аналардың ерікті жарналары, 5%-7% мөлшерінде жыл сайынғы мемлекеттік сыйлықақы және инвестициялық табыс қаражаты жиналатын болады.Айына 1 АЕК мөлшерінде ең төменгі жарна салынатын болса, бала 18 жасқа толғанша 3,3 млн теңгеден астам қаражат жиналады. Ата-аналардың ерікті жарналары, мысалы, айына 3 АЕК-ке дейін жетсе, 7 млн теңгеден астам қаражат жинау мүмкін болады.Сонымен қатар жүйе аясында халықтың әлеуметтік осал топтарын қолдау шаралары көзделген. Грантқа түскен жағдайда талапкер жиналған қаражатты тұрғын үй сатып алуға жұмсай алады.<img class="image_resized" style="width:560px;" src="https://img.inform.kz/kazinform-photobank/media/2023-12-19/4910e84f-786b-4d4a-ab68-3fd0255e1a7c.jpeg" alt="мектеп" loading="eager">Мектеп бір ауысымда 1,5 мың оқушыға білім береді. Ол сондай-ақ ерекше білім беру қажеттіліктері бар балаларға бейімделген.<ul><li>2023 жылы жоғары және жоғары оқу орнынан кейінгі білімі бар кадрларды даярлауға 88 мыңнан астам грант бөлінді, бұл 2021 жылмен салыстырғанда 23%-ға артық. Бұл көрсеткіш 2019 жылдан бастап тұрақты түрде өсіп келеді, ол кезде мемлекеттік тапсырыс көлемі 51 мың грант болған.</li><li>1 қыркүйектен бастап студенттердің шәкіртақысы 20%-ға өсіп, 41 898 теңгеге (педагогикалық ғылымдар – 67 200 теңгеге) жетті, магистранттар мен докторанттар шәкіртақылары 15%-ға өсіп, тиісінше 97 024 және 217 500 теңгеге көтерілді.</li><li>Биыл 5,9 мың орынға арналған 25 студенттер жатақханасы пайдалануға берілді. Жыл соңына дейін 5 мың орындық тағы 19 жатақхана ашу жоспарланып отыр. Жалпы барлық көздер есебінен 2028 жылға дейін 55,5 мың орын пайдалануға берілетін болады.</li><li>Колледж студенттерінің стипендиясы 50%-ға көтерілді.</li><li>Колледж студенттеріне арналған жаңадан 13 жатақхана ашылды.</li><li>ТжКБ ұйымдарында мемлекеттік білім беру тапсырысы 133 мың орынға дейін ұлғайтылды.</li><li>Зерттеу экожүйесін құру және серпінді технологияларды дамыту мақсатында Л.Н. Гумилев атындағы ЕҰУ, әл-Фараби атындағы ҚазҰУ және М. Әуезов атындағы ОҚУ зерттеу университеттеріне айналды. Бұл университеттік ғылымның республиканың әлеуметтік-экономикалық дамуына қосар үлесін ұлғайтуға, экономиканың түрлі салаларында жаңа өнімдер мен технологиялық процестерді құруға, ғылыми қызмет нәтижелерін коммерцияландырудан түсетін табысты ұлғайтуға, жаңа кәсіптер мен технологияларды ескере отырып, инновациялық білім беру бағдарламаларын әзірлеуге мүмкіндік береді.</li><li>Халықаралық академиялық рейтингтерге қатысуды кеңейту есебінен қазақстандық жоғары оқу орындарының халықаралық білім беру кеңістігінде танылу деңгейі артты. Мәселен, QS WUR 2023 рейтингіне 21 қазақстандық ЖОО кірді, көрсеткіш 2018 жылмен салыстырғанда екі есеге өсіп отыр. Сондай-ақ Times Higher Education рейтингінде ҚР жоғары оқу орындарының белсенділігі артып келеді.</li><li>Қазақстанда жетекші шетелдік жоғары оқу орындарының филиалдарын ашу жұмыстары жалғасуда:</li></ul>– Қ. Жұбанов атындағы Ақтөбе өңірлік университетінің базасында Хериот-Уотт университетінің (Шотландия) филиалы құрылды;– Шәкәрім университетінің базасында Быдгощ қаласындағы Экономика университетінің (Польша) филиалы ашылды;– І. Жансүгіров атындағы Жетісу университеті мен Марке политехникалық университеті (Италия) арасында филиал құру туралы келісімге қол қойылды;– Yessenov University базасында Қазақ-неміс тұрақты инженерия институты (неміс ЖОО консорциумы) құрылды;– Қ. Сәтбаев атындағы Қазақ ұлттық техникалық зерттеу университеті базасында Гонконг қаласындағы университеттің филиалы ашылды;– Д. Серікбаев атындағы Шығыс Қазақстан техникалық университеті мен Тяньцзинь кәсіби университеті (ҚХР) базасында Лу Бань шеберханасы ашылды;– Әл-Фараби атындағы Қазақ ұлттық университетінде Солтүстік-Батыс политехникалық университетінің (ҚХР) филиалын ашу туралы келісімге қол қойылды.<img class="image_resized" style="width:560px;" src="https://img.inform.kz/kazinform-photobank/media/2023-12-19/aa4d2ab9-6de6-456e-b181-c5a875db17a4.jpeg" alt="автобус " loading="eager">Павлодар облысында балаларды тасымалдау үшін 46 мектеп автобусы сатып алынды. Олар 6 аудандағы ауыл мектептеріне, сондай-ақ Екібастұз және Ақсу қалаларының ауылдық аймақтарына берілді.<ul><li>1 қыркүйектен бастап Қазақстанда педагогикалық білім беру сапасын арттыру үшін Дүниежүзілік банк желісі бойынша пилоттық режимде 30 инновациялық білім беру бағдарламасын іске асыру басталды. Олардың ерекшелігі – педагогтардың зерттеу дағдылары мен цифрлық құзыреттіктерін дамытуға баса назар аударылады.</li><li>Coursera-мен ынтымақтастық аясында пилоттық жоба ретінде курс енгізу мақсатында қазақстандық 25 жоғары оқу орнының тізімі анықталды. Бүгінгі таңда 44 мыңнан астам студент Coursera платформасында 67 мыңнан астам курстан өтіп, тиісті сертификаттар алды. Бұл курстар IT, кәсіпкерлік, физика және бизнес салаларын қамтиды.</li></ul><img class="image_resized" style="width:560px;" src="https://img.inform.kz/kazinform-photobank/media/2023-12-19/76fc02b8-e77a-4d56-85db-f8a98fb0df0f.jpeg" alt="жатақхана" loading="eager">Қарағандыда заманауи студенттер жатақханасы ашылды. Тоғыз қабатты ғимарат екі жыл ішінде Қаржы орталығының қолдауымен университет қаражатына салынды.<img class="image_resized" style="width:560px;" src="https://img.inform.kz/kazinform-photobank/media/2023-12-19/2326a1dc-90cc-4e81-9a2b-9fe361d35acc.jpeg" alt="ЖОО" loading="eager">Қазақ-неміс тұрақты инженерия институты Ақтаудағы Ш. Есенов атындағы Каспий технологиялар және инжиниринг университетінің базасында жұмыс істейді. Түлектер 8 бакалавриат және 6 магистратура мамандығы бойынша қос диплом алады.&nbsp;

Қазақстан және Қызылорда облысының жаңалықтары: Білім