<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz.</a>&nbsp; Ақтөбеде магистратураға түсуге көмектесемін деп жалған уәде берген әдіскер ұсталды, &nbsp;деп хабарлайды <a href="https://kyn.kz/33257/pavlodarda-balalar-a-merzimi-tip-ketken-ekpe-salyn-an">Polisia.kz.</a></h4>Полицияға облыстың бірнеше тұрғыны белгісіз әйелге алданғаны туралы арызданды. Жәбірленушілердің айтуынша, күдікті өзі әдіскер болып жұмыс істейтін Ақтөбедегі жоғары оқу орнына магистратураға түсуге көмектесуге уәде беріп, олардан белгілі бір сомаға ақша алған, алайда уәдесін орындамаған. Қазіргі уақытта күдіктіге 300 мыңнан 1 млн теңгеге дейінгі сомада ақша берген 11 жәбірленуші анықталды. Алаяқтық фактісі бойынша сотқа дейінгі тергеп-тексеру жүргізіліп жатыр. Полиция департаменті жоғары оқу орындарының магистратурасына оқуға түсу конкурстық негізде жүргізілетінін, ал ақшалай сыйақыға түсу заңсыз болып табылатынын еске салады.Фото: Нұрболат Нұржаубай

Магистратураға түсірем деген әдіскер 11 адамнан млн теңгеге жуық ақша алған

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz.</a> Оқыс оқиға 3 ақпан күні Ақжайық ауданы аумағында болды. 17 жастағы оқушы шұғыл ауруханаға жатқызылды. Бұл туралы<a href="https://stan.kz/kozine-betine-zhane-moynina-tigen-batis-kazakstanda-oku-394990/"> Stan.kz</a> ақпарат агенттігі хабарлайды.&nbsp;</h4>11-сынып оқушысы ағасымен бірге аң аулауға барған. 30 жастағы ер адам інісіне абайсызда оқ атқан.“Кәмелетке толмаған бала ауруханаға жатқызылды. Қылмыстық кодекстің 114-бабы (Денсаулыққа абайсызда зиян келтіру) бойынша сотқа дейінгі тергеу амалдары жүргізілуде”, – деп мәлімдеді облыстық полиция департаменті.Білім басқармасының мәлімдеуінше, олар оқиғаның қалай болғанынан бейхабар. Алайда оқ баланың көзіне, бетіне және мойнына тиген. Ата-ананың тарапынан ешқандай шағым түспеген.Оқыс жағдайға қатысты аудан әкімі де пікір білдірді.“Аңға шыққандардың арасында кәмелет жасқа толмаған тек бір бала болған. Қалғандары ересек адамдар. Аңшылардың қару қолдануға барлық рұқсаты бар”, – дейді шенеунік.Батыс Қазақстан денсаулық сақтау басқармасындағылар оқушының жағдайы туралы кейінірек түсініктеме беретінін айтты.Фото: Нұрболат Нұржаубай

"Көзіне, бетіне және мойнына тиген": Оқушы оқ жарақатын алды

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz.</a> Мемлекет басшысының Жарлығымен Ғани Бектайұлы Бейсембаев Қазақстан Республикасының Оқу-ағарту министрі лауазымына тағайындалды.</h4>

ҚР Оқу-ағарту министрі тағайындалды

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz.</a> Басылымның хабарлауынша, бюджет қаражатын жымқыру фактісі бойынша Ақтөбедегі №55 мектебінің бас бухгалтері ұсталған. Қылмысын ол 2015-2023 жылдар аралығында жасап, жалпы шығын 413 миллион теңгені құраған. Жымқыру кезінде директордың электронды санды қолтаңбасы қолданылған. Ақыры, қылмысы ашылып, қаржыгер ұсталды.</h4>Сотта істің таңғаларлық егжей-тегжейі айтылған. Мемлекет ақшасын ұрласа да бухгалтер байымай, букмекерлерге ставка жасап, бәрінен айырылған. Сотта оның жылдар бойы құмар ойынға тәуелді болғаны анықталды. Адвокаты жұмысқа орналасқанға дейін сотталушы құмар ойындардан зардап шегіп, несиеге батқанын айтқан.Адвокаты сотталушының антикормен ынтымақтасқанын және соның арқасында басқа адамдарға қатысты құқықбұзушылықтарды анықтауға қол жеткізілгенін ескеру қажет екенін атап өтті.<a href="https://diapazon.kz/">diapazonnews</a> басылымының &nbsp;хабарлауынша, сот жарыссөзінде адвокат сотталушы психиатриялық аурумен (лудомания) ауырады деп мәлімдеді. Бухгалтер ұрлық жасағанын мойындады, бірақ айыптау бабын қайта қарауды сұрап отыр. Сот әлі аяқталған жоқ.Фото: Нұрболат Нұржаубай

Тағы бір бухгалтер  400 млн-ды құмар ойынға салып жіберген

<h4 style="margin-left:0px;"><a href="https://kyzylorda-news.kz/">Kyzylorda-news.kz.</a> Батыс Қазақстан облысында педагогтарға 250 млн астам теңге үстемеақы төленбеген, - деп хабарлайды <a href="https://todayinfo.kz/bqo-da-pedagogtargha-250-mln-tenggeden-astam-uestemeaqy-toelenbegen/">todayinfo.kz</a></h4>ҚР Сыбайлас жемқорлыққа қарсы іс-қимыл агенттігі БҚО бойынша департаментінің баспасөз қызметінен мәлім еткеніндей, мониторинг барысында Сырым ауданының педагогтарына 259 млн тенге көлемінде үстемеақы төлемеу фактілері анықталды.<blockquote>«Азаматтық қызметшілерге мемлекеттік бюджет қаражаты есебінен ұсталатын ұйымдардың және қазыналық кәсіпорындардың қызметкерлеріне еңбекақы төлеу жүйесіне сәйкес осы тұлғаларға ерекше еңбек жағдайлары үшін лауазымдық жалақының 10 пайызы мөлшерінде үстемеақы белгілеу қажет. Алайда Сырым ауданының білім бөлімі 2020-2023 жылдар кезеңінде 26 білім беру ұйымының 1 195 қызметкеріне ерекше еңбек жағдайлары үшін лауазымдық жалақының 10 пайызы мөлшерінде жалпы сомасы 259 млн теңге көлемінде үстемеақыны төлемеген. Департаменттің араласуымен Сырым ауданының білім бөлімі тарифтік тізімге өзгерістер енгізіп, жалақыны қайта есептеді, кінәлі тұлғалар тәртіптік жауапкершілікке тартылды» деп хабарлады ведомстводан.</blockquote>Еске сала кетейік, бұдан бұрын жемқорлық туралы хабарлаған БҚО-ның 4 тұрғыны 5 млн теңге сыйақы алған еді.Фото: Нұрболат Нұржаубай

Педагогтарға 250 млн теңгеден астам үстемеақы төленбеген

<h4 style="margin-left:0px;"><a href="https://kyzylorda-news.kz/">Kyzylorda-news.kz</a>. Түркістан облысында бір мектепте 29 оқушы мен 10 мұғалім уланды, деп хабарлайды &nbsp;<a href="https://sputnik.kz/">Sputnik Қазақстан</a></h4>Облыстық білім беру басқармасы таратқан мәліметке сәйкес, кеше 9-шы мектепте оқушылар мен мұғалімдер өзін жайсыз сезінген. Мектептің медбикесі шұғыл жедел жәрдем шақырған. Дәрігерлер 29 бала мен 10 педагогты ауруханаға алып кетті.<blockquote>"Олардың жағдайы жақсарғаннан кейін үйіне жіберілді. Қазіргі кезде 2 мұғалім ауруханада дәрігерлердің бақылауында қалып отыр", - делінген ресми хабарламада.</blockquote>Барлық оқушы үш күнге қашықтан оқыту форматына ауыстырылды. Аудандық прокуратура тексерісті бастап кетті. Мектеп директоры мен оның орынбасарларына қатысты тиісті шаралар қабылданады.Бұған дейін әлеуметтік желіде дәл сол мектепте түсірілген видео тарады. Оқушылар екінші және үшінші қабатта терезе жуып жүр. Ал мұғалімдер ішін бояп жатқан. Олардың арасында жүкті әйелдер де болды.Фото: Нұрболат Нұржаубай

Мектепте оқушылар мен ұстаздар жаппай уланды

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz.</a> Батыс Қазақстан облысындағы ауыл педагогтарына 250 миллион теңге үстемеақы төленбеген, деп хабарлайды <a href="https://steppenews.kz/">Steppenews</a> ақпараттық агенттігі.</h4>Мұндай заңсыздықтар Сырым ауданындағы балабақшалар мен мектептерде анықталған. Сыбайлас жемқорлыққа қарсы қызмет өкілдерінің айтуынша, 3 жылда 1200-ге жуық білім саласының қызметкері тиісті төлемақыларынан қағылған. Олардың жалақысына 10 пайыздық үстеме қосылуы тиіс болған. Заң бұзғандар тәртіптік жауапкершілікке тартылды.<blockquote>«Ерекше еңбек жағдайлары үшін лауазымдық жалақының 10 пайызы мөлшерінде үстемеақы белгілеу қажет. Алайда Сырым ауданының білім бөлімі 2020-2023 жылдар кезеңінде 26 білім беру ұйымының 1195 қызметкеріне осы үстемеақыны төлемеген. Департаменттің араласуынан кейін білім бөлімі тарифтік тізімге өзгеріс енгізіп, жалақы қайта есептелді», – деді Сыбайлас жемқорлыққа қарсы іс-қимыл департаменті басшысының орынбасары Мұратбек Қасымов.</blockquote>Фото: Нұрболат Нұржаубай

Батыс Қазақстан облысында ауыл педагогтарына 250 млн теңге үстемеақы төленбеген

<a href="https://kyzylorda-news.kz/">Kyzylorda-news.kz.</a>&nbsp;«Педагог мәртебесі туралы» заң жобасында мұғалімдерге қойылатын талап қатаңдатылмақ. Айталық, «тәрбиелеу жөніндегі міндеттерді орындамағаны немесе тиісінше орындамағаны үшін» әкімшілік және қылмыстық жазалау шаралары енгізілмек. Екі мың айлық есептік көрсеткішке дейінгі мөлшердегі айыппұлды айтпағанда, түзеу жұмыстарына тарту немесе екі жылға дейінгі мерзімге шектеу не бас бостандығынан айыру қарастырылып отыр. Бұл туралы Премьер-Министр Әлихан Смайылов Сенат депутаттарының сауалына берген жауабында айтқан, - деп хабарлайды <a href="https://nege.kz/news/okushi-kilmis-zhasasa-mugalm-sottala-ma-183454?fbclid=IwAR31FvvvENlA-0FhBi-2brUeoefZurPUAA7T_-ZVrbKOHY_NML7aWq_Bz8Q">Неге.кз.</a><blockquote>«Қазақстан Республикасының кейбір заңнамалық актілеріне әйелдердің құқықтарын қамтамасыз ету және балалардың қауіпсіздігін қамтамасыз ету мәселелері бойынша өзгерістер мен толықтырулар енгізу туралы» заң жобасында педагог кәмелетке толмағанды тәрбиелеу жөніндегі міндеттерін орындамағаны немесе тиісінше орындамағаны үшін әкімшілік және қылмыстық жазалау шаралары (екі мың айлық есептік көрсеткішке дейінгі мөлшердегі айыппұл, түзеу жұмыстары, екі жылға дейінгі мерзімге шектеу не бас бостандығынан айыру) енгізіледі. Педагогтардың жауапкершілігіне қойылатын талаптарды қатаңдату білім беру ұйымдарындағы балаларды барынша қорғауға мүмкіндік береді», – деді Үкімет басшысы.</blockquote>Тәрбие жұмыстарына қатысты қылмыстық жауапкершілікке тарту мәселесі мұғалімдерді қатты қобалжытып отыр. Ұстаздар «міндеттерді нақтылау керек» дегенді алға тартады.Аягүл МИРАЗОВА, Қазақстанның еңбек сіңірген қайраткері, Білім беру ісінің құрметті қызметкері:<blockquote>– Біздің заңдарда ата-ананың, оқушының және ұстаздың жауапкершілігі тайға таңба басқандай анық жазылмаған. Мына жерде ұстаздарды кәмелетке жетпеген жасөспірімдерді тәрбиелеу міндеттерін орындамаған үшін жазғырады екен. Бірақ қандай міндеттер екені ашық көрсетілмеген. Ертең мұғалімсіз қалуымыз мүмкін. Бір өңірлерде мектеп директорлары жетіспейді екен. Себебі, ешкімнің директор болғысы келмейді. Қазір орынсыз жала жабу көбейді. Күнде қалтырап-дірілдеп, кім не айтар екен деп отыру кімге керек?Оқушыға қол көтеріп жүрген мұғалімдерді теледидарлардан көріп жүрміз. Бұған тыйым салыну керек. Бірақ мұғалім қандай міндеттерді орындау керек екенін нақтылап, содан кейін ғана талап қоюға болады. Ата-ананың міндеті де көрсетілуі тиіс. Қазір ата-ананың міндеті мұғалімге жүктеліп жатқан кездер де бар.Көрші Тәжікстанда балаға ат қойылған бастап, мектеп бітіргенше ата-ананың міндеттері нақты бекітілген. Мұғалімдердің де міндеттері айқындалған. Ол заңды оқып: «Шіркін-ай, бізде неге осылай болмайды? Неге біз біріміздің міндетімізді біріміз мойнымызға артып жүрміз?», – деп ойлайсыз.</blockquote>Сұлтан СҮЛЕЕВ, мұғалім:<blockquote>– Оқушының іс-әрекеті үшін мұғалім ешқашан қылмыстық жауапкершілікке тартылмауы тиіс. Мектептен тыс жердегі әрекеті үшін педагог әкімшілік жауапкершілікке тартылмайды. Оқушы теріс іс-әрекетін мектептің ішінде жасаса, сонда ғана педагог жауап береді.Бізде түнгі сағат 12-де оқушыны көшеден, түнгі клубтан ұстап алса, педагогты жазалауға үйреніп алған. Бұл дұрыс емес. Бұған ата-анасы кінәлі болуы тиіс. Ата-ананы жауапкершілікке тарту қиын. Оңайы – мектеп директоры мен мұғалімі.Халықтық талқылауға түссе, бұл заң жобасы қабылданбайды. Өйткені, дұрыс емес. Әрине, балаға қол жұмсаса, педогог қылмыстық жауапқа тартылуы керек. «Тәрбие жұмысын дұрыс жүргізбеді» деген тым ауқымды дүние. Мұғалім оқушыларға: «ұрлық жаса, біреуді ұрып кет» деп ешқашан айтпайды.</blockquote>Фото: Нұрболат Нұржаубай

Оқушы қылмыс жасаса мұғалім соттала ма - Премьер-Министр жауап берді

<a href="https://kyzylorda-news.kz/">Kyzylorda-news.kz.</a> Отбасы банк мемлекеттік білім беру жинақтау жүйесінің (МББЖЖ) қатысушысы болды және бүгін онда алғашқы "AQYL" білім беру жинақтау салымдары ашылды.Алғашқылардың бірі болып Отбасы банкінде бұл салымды өз балаларына Астана қаласының тұрғыны Ақмаржан Шакупова ашты. Оның егіздері Айбол мен Айбек жақында бір жасқа толған. Енді олардың анасы ұлдарының болашақ біліміне белсенді түрде ақша жинауды жоспарлап отыр."AQYL" депозитінің мақсаты – азаматтарымыздың өз біліміне немесе балаларының біліміне қаражат жинау. Оның көмегімен қазақстандық немесе шетелдік білім беру мекемелерінде оқу ақысын төлеуге болады."AQYL" білім беру жинақтау салымын кемінде 3 жыл немесе 5 жыл мерзімге ашуға болады. Егер депозит кемінде үш жыл мерзімге ашылса, онда депозит бойынша мөлшерлеме жылдық 12% (ЖТСМ 13,1% дейін)тең болады.Егер депозит кемінде 5 жыл мерзімге ашылса, онда депозит бойынша мөлшерлеме 9,5% (ЖТСМ10,1% дейін) тең болады. Банктің есептелген сыйақысы ай сайын капиталдандырылады.Депозит мерзімі аяқталғаннан кейін ол автоматты түрде жаңартылады.<blockquote>- Банк жұмысының алғашқы сағаттарынан-ақ депозиттерді 50-ден астам қазақстандық ашып үлгерді. "AQYL" - бұл ата-аналарға балаларының оқуына қаражат жинауға көмектесетін ерекше құрал. Шынымен де, бала дүниеге келісімен әр отбасы ұрпағының қандай білім алатынын, ұлын немесе қызын шетелдік жоғары оқу орнында немесе қазақстандық институтта оқытатынын ойлайды. Егер бала грантқа түссе, онда "AQYL" депозитіндегі жинақтарды шешіп алып, оларды кез келген өзге мақсатқа, соның ішінде тұрғын үй сатып алуға жұмсауға болады, - деп атап өтті "Отбасы банк" Басқармасының төрағасы Ләззат Ибрагимова.</blockquote>Қазақстандық балалардың білімге қаражат жинақтау ісіне өз үлесін қосып, жыл сайын жинаққа сыйлықақы есептеп отырған мемлекеттіңмұндағы көмегі өте маңызды.Салымшылардың барлық санаттары үшін ол 5% құрайды. Ал жетім балаларға, ата-анасының қамқорлығынсыз қалған балаларға, мүмкіндігі шектеулі балаларға, көп балалы отбасылардан шыққан және жан басына шаққандағы табысы аз, яғни азық-түлік себетінен төмен отбасыларға ашылған депозиттерге мемлекеттік сыйлықақы 7% мөлшерінде есептеледі. Жыл сайын депозитке есептелетін сыйлықақының ең жоғары мөлшері 100 АЕК-тен (2024 жылға 369 200 теңге) аспауға тиіс. Мемлекеттік сыйлықақы жинақтаудың ең аз мерзімі 1 жыл болғанда есептеледі, яғни мемлекеттік сыйлықақыны есептеу үшін салым бір жылға толуы тиіс.Депозит ашылған кезде міндетті түрде жасалатын бастапқы жарнаның мөлшері үш айлық есептік көрсеткішке немесе 11 076 теңгеге (2024 жылы) тең болуы керек.&nbsp;Болашақта депозиттің ай сайынғы аударымдар мөлшерін сіз өз мүмкіндігіңізге қарай анықтайсыз.&nbsp;"AQYL" депозитін Отбасы банкініңжаңа мобильді қосымшасында 6 ақпаннан бастап ашуға болады. Ол үшін App store/Play market дүкенінен "Otbasy bank lite" мобильді қосымшасын жүктеп алу қажет. Сондай-ақ Баспана маркет порталында (otbasybank.kz), банк бөлімшелерінде, кеңесшілердің көмегімен немесе банктің сайтына өтіп (hcsbk.kz), бейне қоңырау арқылы шот ашуға болады. Салымшының бір ғана қолданыстағы білім беру депозиті болуы мүмкін."AQYL" білім беру жинақтау салымы мемлекет пен үшінші тұлғалардың өндіріп алуынан қорғалған, сондай-ақ ол Қазақстандық депозиттерге кепілдік беру қорында сақтандырылған. Грант алған кезде жинақтаушы депозитті жабуға және мемлекеттік сыйлықақыны қоса алғанда, жинақтаудың барлық сомасын алуға болады.Отбасы банкіндегі "AQYL" депозитін Ұлттық қордан алынған жинақтармен толықтыруға болады. Бұл төлемдерді биыл 18 жасқа толған қазақстандықтар қолдана алады. Оны "Ұлттық қор – балаларға"жобасы аясында enpf-otbasy.kzплатформасы арқылы жасауға болады. Қазақстандықтар Ұлттық қордан берілетін төлемдерді екі мақсатқа – тұрғын үй жағдайларын жақсарту және оқу ақысын төлеу үшін пайдалана алады. "Оқу ақысын төлеу" мақсаты "AQYL"депозитін толықтыруды көздейді.Фото: Нұрболат Нұржаубай &nbsp;

Отбасы банкінде алғашқы "AQYL" білім беру жинақтау салымдары ашылды

<a href="https://kyzylorda-news.kz/">Kyzylorda-news.kz.</a>&nbsp; Жетісу облысының прокурорлары бюджет қаражатын жымқыру фактілерін анықтады, деп хабарлайды Zakon.kz.Жетісу облысының прокуратурасы берген ақпаратқа сай, мәселен, Жетісу облысы Кербұлақ ауданының білім бөлімінің есепшісі мұғалімдерге жалақы мен демалыс ақысын жоғарылатып заңсыз төлеу арқылы, сондай-ақ бұл ұйымда мүлдем жұмыс істемейтін адамдарға 34 миллион теңге бюджет қаражатын жымқырды деген күдікке ілінді.Екінші бір жағдайда Сарқан ауданының әкімдігі туристік орындардағы орнатылмаған санитарлық-гигиеналық тораптар үшін 29 миллион теңгеден астам ақша төлеген.Фото: Нұрболат Нұржаубай

Ұстаздарға заңсыз жалақы мен еңбек демалысын жоғарылатып төлеген

<a href="https://kyzylorda-news.kz/">Kyzylorda-news.kz.</a>&nbsp; &nbsp;Заң жобасында педагог кәмелетке толмағанды тәрбиелеу жөніндегі міндеттерді орындамағаны немесе тиісінше орындамағаны үшін әкімшілік және қылмыстық жазалау шаралары (екі мың айлық есептік көрсеткішке дейінгі мөлшердегі айыппұл, түзеу жұмыстары, екі жылға дейінгі мерзімге шектеу не бас бостандығынан айыру) енгізілетіні айтылған, - деп хабарлайды <a href="https://inbusiness.kz/kz/news/mugalimi-kurmetti-elderdin-bilim-korsetkishi-ozyk-pa?fbclid=IwAR0K2DBBv-Invitf0f2fZRF88nfeuEh6Jlv7yCSf4_KlI7fAgHt2CbOp4ik">inbusiness.kz</a>Қазақстандық мұғалімдер жас ата-аналардың мұғалімнің білім беру процесіне шектен тыс араласып, білім сапасына кері әсер етіп жатқанын айтады.Олар енді дұрыс тәрбие бермегені үшін қылмыстық жауапкершілікке тарту мәселені ушықтырып жібере ме деп қорқады. Мәселен, ақтөбелік мұғалім Жаңылсын Қуанышбайқызы жас ата-аналар ұстаздарды басынатын еді, мына заң мүлдем жақсы болды деп отыр.<blockquote>"Бала тәрбиесіне ата-ана өзі жауапты болуы керек. Мұғалім мектепте сабақ беріп, сол уақытта баланың амандығын қадағалап, сабағы аяқталған соң ата-анасы жауапты болуы керек. Қазіргі ата-аналарға да заңды қарастыру керек. Шыны керек, баланы өмірге әкелгенімен, сауатсыз, сөз саптау білмейтін, тисе терекке, тимесе бұтаққа деп мұғалімге тиісе беретін ата-аналар бар! Заң бәріне ортақ болсын", - дейді ол.</blockquote>Мұғалім мәртебесі талқысы көп тақырып екені даусыз. Осы ретте мұғалімге деген құрмет пен оқушының білім сапасының байланысын зерттеп көрдік.Әр түрлі елдердегі мұғалімдердің мәртебесі туралы соңғы жаһандық зерттеуді 2018 жылы The Varkey Foundation жүргізді. Varkey Foundation – Global Teacher prize мұғалімдер сыйлығының негізін қалаушы Санни Варки мұғалімдерге деген құрмет пен білім сапасы арасында қандай байланыс барын зерттеп көрді. Бір қызығы, зерттеу нәтижелері мұғалім мамандығы құрметті саналатын елдерде білім көрсеткіштерінің де жоғары екенін дәлелдеген.Ол: "Біз инстинктивті түрде білетін көрсеткіш ғылыми тұрғыдан дәлелденді. Қоғамдағы мұғалімдердің мәртебесі мен балалардың білім сапасы арасында байланыс бар. Қазір біз мұғалімдерді құрметтеу тек моральдық парыз ғана емес, сонымен қатар елдің білім беру нәтижелері үшін қажеттілік деп айта аламыз", - деп жазды ол.Мұғалімдер туралы зерттеу нені көрсетті?Азияда мұғалімдер Еуропа елдеріне қарағанда көбірек құрметтеледі. Мұғалімдердің беделі ең жоғары елдер – Қытай, Малайзия және Тайвань.Мәртебесі бойынша Бразилия мен Израильдегі ең төмен мұғалімдер.Мұғалімді құрметтеудің орташа көрсеткіші 14 кәсіптен 7-орында, бұл әлемдегі кәсіптің орташа рейтингін көрсетеді. Еуропа елдеріндегі оқытушылардың көпшілігі оқушылар мұғалімдерді құрметтемейді деп санайды. Ал Қытайдағы ұстаздар өздерінің құрметті екеніне сенімді (80% мектеп оқушыларының құрметіне сенімді).Қытайдағы, Үндістандағы, Ганадағы және Малайзиядағы ата-аналардың 50%-дан астамы болашақта балаларының білім беруге саласын таңдағанын қалайды, ал Израиль мен Ресейде 8%-ы ғана осылай ойлайды.Сондай-ақ көптеген елдерде сауалнамаға қатысқандар мұғалімдердің нақты жалақысы жұмысына сай әділетті емес деп санайды.Зерттеуге сәйкес, Бразилиядағы, Израильдегі және Италиядағы мұғалімдер мәртебе бойынша соңғы орындарда.Батыс Еуропа елдері арасында Ұлыбритания рейтингте жоғарғы орында.&nbsp;Атап айтқанда, бұл елде мұғалімдер АҚШ, Франция және Германияға қарағанда көбірек құрметтеледі.Құрмет мәдениетіЕуропа мен Оңтүстік Америкада "оқушылардың мұғалімдерге деген құрметіне қатысты пессимизмнің жоғары деңгейі" байқалды. Құрмет мәдениеті әсіресе Азия елдерінде, Оңтүстік Корея мен Сингапурда айқын көрінді. Бұл елдердегі студенттер халықаралық сынақтарда да жақсы нәтиже көрсетеді.Зерттеушілердің пікірінше, талантты білім алушыларды тартатын мұғалім мамандығына деген құрмет жоғары оқу стандарттарымен бірге жүреді.Оқытушылық мансаптың беделін анықтау үшін зерттеуде адамдар балаларының мұғалім болғанын қалайтыны да сұралды. Қытайда, Үндістанда және Ганада көптеген отбасылар балаларына мұғалім мамандығын таңдау идеясын құп көреді. Бірақ Ресейде, Израильде және Жапонияда ата-аналар балаларды мұндай жолдан бас тартуға көбірек бейім.Зерттеуде респонденттерден мұғалімдер жұмысқа қанша уақыт жұмсайтыны сұралды.Көптеген елдерде бұл көрсеткіш бағаланбаған, бірақ екі елде – білім беру жүйелері әлемдегі ең табысты елдердің бірі болып саналатын Канада мен Финляндияда – мұғалімдер іс жүзінде мектепте өткізетін уақытынан да ұзақ жұмыс істейтініне жұртшылық сенімді болды.Қытайда мұғалімдер жоғары бағаланадыАл мұғалім мамандығы "қасиетті" саналады. Оқушылар кез келген мұғалімді көргенде, тағзым етеді. Ал мұғалімдерге арналған заңда олардың орташа жалақысы мемлекеттік қызметкердің орташа жалақысынан кем болмауы немесе одан көп болуы керек делінген. Қазір Қытайдағы мұғалімнің жалақысы айына 1000 доллардан басталады. Сонымен қатар Қытайда Мұғалімдер күні салтанатты түрде атап өтіледі. Онда 10 қыркүйекте салтанатты кездесулер және марапаттау рәсімдері өткізіледі. Оқушылар мұғалімдерге сыйлықтар мен гүлдер сыйлайды.Түркияда мұғалімдердің қолын сүйіп амандасадыТүрік ата-анасы баланы мектепке әкелгенде мұғалімге "ол сенікі" деп, оқушы мен мұғалім арасындағы қарым-қатынасқа килікпейді.Олар мұғалімдермен достық қарым-қатынас орнатуға тырысады, қонаққа шақырады, ал мереке кезінде балаларды сыйлықтармен жібереді.Мұнда "менің мұғалімім" деп айту әдетке айналған. Түлектер алғыс пен сүйіспеншілік білдіру үшін мұғалімдердің қолын сүйеді. Білім алушының&nbsp; мұғалімнің қолын осылай сүюіне Түркияда ешкім таң қалмайды. Бірақ төмен бағалар үшін оқушыға үйретпеген мұғалім жауапкершілік. Ал мектеп әкімшілігі оны қосымша жұмыс уақытымен айналысуға мәжбүр етуі мүмкін.АҚШ-та мұғалімдердің миллиондаған сақтандыруы бар және 2 ай демаладыАҚШ-тағы мұғалімнің айына орташа жалақысы 4 800 долларды құрайды, бірақ мектепте жұмысқа орналасу үшін университетті бітіріп қана қоймай, арнайы оқытушылық лицензия алу керек. Американдық мұғалімдер жазда екі ай демалады, ал медициналық сақтандыру шығындардың 70% жабады. Мұғалімнің орташа жүктемесі – аптасына 40 сағат. Мұғалім оқушының ата-анасымен мектептің электрондық поштасы немесе сайты арқылы байланысуы керек. Алайда оқушылар мұғалімдерді сотқа бере алады. Балалар мен жасөспірімдер тәрбиешіні жыныстық қудалау, нәсілшілдік немесе қорқыту үшін оңай айыптай алады. Сондықтан кәсіподақтар оқытушыларды миллион долларлап сақтандырады.Израильде оқушылар мұғаліммен дауласадыБұл елде мұғалімнің беделі тым төмен. Балалар оны тыңдауы үшін ерекше нәрсеге қызықтыруы керек. Бір қызығы, Израильде Украинадағыдай бастауыш сыныптарда мұғалімдермен орнынан тұрып амандасады. Бірақ балалар пікірін еркін айта алады. Сонымен қатар израильдік оқушылар мұғаліммен көп дауласады және кез келген тақырыпты талқылай алады.&nbsp;Бұл елде балаға бір әрекетке тыйым салу баланың дамуына кедергі келтіреді деп есептейді. Сауалнамалар көрсеткендей, Израильдегі мектеп оқушылары өзіне деген сенімділік пен стресске төзімділіктің ең жоғары деңгейіне ие.Фото: Нұрболат Нұржаубай

Оқушыны  дұрыс тәрбиелемеген мұғалім қылмыстық жазаға тартылады

<a href="https://kyzylorda-news.kz/">Kyzylorda-news.kz.</a>&nbsp; &nbsp;Түркістан облысының прокуратурасы «Жетісай ауданының білім бөлімі» ММ бухгалтерлеріне қатысты сотқа дейінгі тергеп-тексеруді бастады, деп хабарлады turkystan.kz.<blockquote>«Тергеу барысында аталған мекеменің бухгалтерлері 2021-2023 жылдар аралығында алдын ала сөз байласқан адамдар тобы болып, мектеп қызметкерлерінің анкеталық мәліметтерін өзгерту арқылы жалақыға бөлінген мемлекет ақшаларын аса ірі мөлшерде жымқырғандары анықталды»,- делінген хабарламада.</blockquote>Келтірілген залалдың соммасы 530 млн теңгені құраған.Сотқа дейінгі тергеп-тексеру басқармасымен 3 күдікті тұлға уақытша ұстау изоляторына қамалып, сот санкциясымен екі айға қамауға алынды.Аталған қылмысқа басқа да тұлғалардың қатыстылығын анықтауға бағытталған тергеу әрекеттері жүргізілуде.Өзге ақпараттар ҚПК 201-бабының талаптарына сәйкес жария етуге жатпайды.Фото: Нұрболат Нұржаубай

Қазақстан және Қызылорда облысының жаңалықтары: Білім