2023 жылдың қорытындысы бойынша жемқорлардан тәркіленген қаражыға салынған 43 мектеп ашылды, деп хабарлайды <a href="https://kaz.inform.kz/">Kazinform.</a>Оқу-ағарту министрлігінің мәліметінше, осылайша, елімізде үш апатты және 13 үш ауысымды мектеп мәселесі шешілген.<blockquote>«Өңірлерде жаңа білім беру нысандарын іске қосу нәтижесінде тағы 54,4 мың жаңа оқушы орны пайдалануға берілді. Атап айтсақ, Алматы және Түркістан облыстарында&nbsp;— 8 мектептен, ал&nbsp;елордада&nbsp;— 10 мектеп»,&nbsp;— деп жазды ведомстводан.&nbsp;</blockquote>«Білім беру инфрақұрылымын қолдау қоры» есебінен барлығы 76 738 оқушыға арналған 62 мектептің құрылысы қаржыландырылды. Жобалардың жалпы сомасы 96 млрд теңгеден асты. Қаражат жергілікті атқарушы органдардың шоттарына түскен.Жалпы, қордың қызмет ету мерзімі ішінде 150 млрд теңгеден астам қаражат түсті. Олар мектептерді, қосымша ғимараттар мен интернаттарды қайта жаңартуға, сондай-ақ үш ауысымды оқыту, апатты мектептер мәселесін шешуге және оқушы орындарының тапшылығын жоюға жұмсалды.Фото: Нұрболат Нұржаубай&nbsp;

Жемқорлардан тәркіленген қаржыға 43 мектеп салынды

<a href="https://kyzylorda-news.kz/">Kyzylorda-news.kz.</a>&nbsp; «Назарбаев Зияткерлік мектептері» дербес білім беру ұйымы 2024–2025 оқу жылында Назарбаев Зияткерлік мектептерінің 7-сыныптарында оқуға үміткерлерге Қазақстан Республикасы Президентінің «Өркен» білім беру грантын тағайындау үшін конкурс жариялайды.Құжат қабылдау 2024 жылғы 8 қаңтардан 10 ақпанға дейін жүргізіледі. Кешенді тест 2024 жылғы 28, 29 наурыз күндері өтеді.Конкурстық іріктеуге қатысу үшін үміткердің заңды өкілі келесі құжаттарды тапсырады:1) Өтініш2) Сауалнама3) Үміткердің туу туралы куәлігі, үміткердің ЖСН-і, үміткердің жеке куәлігінің (бар болған жағдайда) көшірмесі, заңды өкілінің ЖСН-і көрсетілген жеке куәлігінің көшірмесі.4) Үміткердің 6-сыныптың бірінші жартыжылдықтағы табелінің көшірмесі. Табель тиісті білім беру ұйымы басшысының қолымен расталып, мөрімен бекітілуі қажет.5) Көлемі 3х4 см. үміткердің 1 МБ (мегабайт) аспайтын графикалық файл түріндегі цифрлық фотосуреті немесе құжаттарды тапсыру кезінде қабылдау комиссиясында үміткердің фототүсірілімін орындау.Барлық құжаттар пластикалық папкаға тігіліп тапсырылады.Құжаттар Қызылорда қаласы Сұтан Бейбарыс көшесі 6 мекен-жайы бойынша қабылданады.Жұмыс кестесі:Дс-Жм: сағат 9.00-18.00 аралығындаСб: сағат 9.00-13.00 аралығындаҮзіліс: сағат 12.00-13.00 аралығында.Толық ақпарат <a href="https://l.facebook.com/l.php?u=http%3A%2F%2Fwww.nis.edu.kz%2F%3Ffbclid%3DIwAR0KViIW8a4qfFTVKzbdPBn8iaFSollsIUCKR45nKARSgRJ6UD2HRskA2lo&amp;h=AT1z0qVZCUfQfb44fekxySX7HRNy8XSFdR7vuUd7mc8if-uR2SkXIxGBQxckAwiySJfuPrQHbrE18HDx5Yml7XvB9Hqqy9ytOhCT1UGmKtvYjK26hwhtk0Pj4zAMddHLW8YR&amp;__tn__=-UK-R&amp;c[0]=AT0HOR44sPrZU3s2HWBuLo7Rblza1FL6Ko1NRDOFYWuo0-zaTTMyQTVEEtY3iy-RfQ4bfXTURxnvEV7lNHSIzgaNJ6IEnW3b7wLseKly32gbSKaoV1XIwc-qrzxLyyVePX0BlB5Y0d-ZBf0iFpWId-2nu0u5bpL8nCghIfP9L2xdB9s8mBpiD-fqLA">www.nis.edu.kz</a> веб-сайтындағы «Оқуға түсу» бөлімінен алуға болады.Байланыс телефоны: 8(7242)40-23-75, 40-23-77Фото: NIS

NIS-те білім алу үшін конкурстық іріктеуге құжат қабылдау қашан басталады?

<a href="https://kyzylorda-news.kz/">Kyzylorda-news.kz.</a>&nbsp; Қызылорда қаласындағы Зияткерлік мектептің оқушысы Нұрислам Дамирұлы республикалық лингвистикалық олимпиаданың қорытындысы бойынша жүлделі 3-орынды иеленді.Еліміздің 8-11-сынып оқушыларын жинаған ұлттық зияткерлік сайыста қатысушылар қолданбалы филология бағытында білімдерін сынады. Әртүрлі лингвистикалық тапсырмаларды орындай отырып, тіл саласындағы өзекті мәселелер бойынша өз тұжырымдарын жасады.Қызылордадағы зияткерлік мектептің намысын қорғаған Нұрислам Дамирұлы қарсыластарынан оза шауып, қоладан медаль тақты.<blockquote>Бұл олимпиада лингвистикалық білімнен гөрі логика мен сыни ойлауды қажет етеді. Мен үшін тапсырмалар қызықты болды. Тіл саласындағы білім көкжиегімді кеңейте түсті, - деді Нұрислам Дамирұлы.</blockquote>

Лингвистикалық олимпиада: Сырбойылық зияткер жүлделі оралды 

<a href="https://kyzylorda-news.kz/">Kyzylorda-news.kz.</a> ҚР Парламенті Сенатының депутаты Руслан Рүстемов пен ҚР Парламенті Мәжілісінің депутаты, «AMANAT» партиясы фракциясының мүшесі Мұрат Ергешбаевтың Шиелі ауданындағы сапары Жаңатұрмыс ауылдық округіндегі Байсын ауылында ел игілігіне табысталған 250 орындық мектептің жұмысымен танысу бағытында жалғасты.Биыл облыста «AMANAT» партиясысының сайлауалды бағдарламасы аясында 2700 орындық 6 жаңа мектеп пайдалануға берілсе, 4 мектепке 1 850 орындық қосымша ғимарат салынды. Соның бірі осы Байсын ауылындағы 250 орындық мектеп.Жаңа білім ордасының сапасын көрген депутаттар ұжымның еліміздің болшағын тәрбиелеудегі қызметтеріне табыс тіледі.Жалпы атап өтейік өңірде партияның сайлауалды бағдарламасы аясында 2-6 жастағы балалардың мектепке дейінгі тәрбие мен оқытумен қамтылуы 90,2% құрап, 2023 жылғы жоспар толығымен орындалды.Мектептерді жаңа модификациялық пәндік кабинеттермен қамту бойынша 2023 жылы 51 пәндік кабинет алуға 403,4 млн. теңге бөлініп, 14 биология, 20 химия, 17 физика кабинеттері жеткізілді. Көрсеткіш 91% құрайды.Сондай-ақ Президент қолдауымен аймақта «Жайлы мектеп» ұлттық жобасы аясында құны 98 млрд теңге болатын 21 мектеп салынатын болса, оның біреуі Шиелі ауданында бой көтермек. Бүгінгі күні жоба аясында 10 мектептің құрылысы жүріп жатыр.<figure class="image"><img src="https://knadmin.beoblood.kz/uploads/417410910_771242365041402_2761496640395823044_n_f55f154a63.jpg" alt="417410910_771242365041402_2761496640395823044_n.jpg"></figure>

Депутаттар Байсын ауылындағы жаңа мектепте болды

<a href="https://kyzylorda-news.kz/">Kyzylorda-news.kz.</a>&nbsp; Қызылорда қаласындағы Зияткерлік мектеп ұстаздары Кармақшы ауданындағы Т. Көмекбаев атындағы №250, Арал ауданындағы Ж. Әбдірашев атындағы №62, Жаңақорған ауданындағы №286 мектептерге барып, кезекті әдістемелік қолдауларын білдірді.Сапар барысында оқу үдерісінде сандық ресурстарды тиімді қолдану бойынша практикумдар ұйымдастырылды. NIS педагогтері ауыл ұстаздарына сыныпта оқу экраны ретінде пайдалануға болатын - Classroomscreen, қысқа уақыт ішінде тест тапсырмаларының үлкен көлемін тексеруге көмектесетін - ZipGrade қосымшаларының жұмыс істеу үдерісін үйретіп, Google платформасының мүмкіндіктерін таныстырды. Қатысушылар бұл қосымшалардың сабақты өткізу және оқушы жұмысын бағалау кезінде ыңғайлы және тиімді екенін атап өтіп, оң пікірлерімен бөлісті.Ал Зияткерлік мектептің зерттеушілер тобы әріптестеріне Action Research және Lesson study зерттеушілік тәжірибелерімен бөлісті. Кері байланыс кезінде қатысушылар зерттеу түрлері мен кезеңдері туралы білімдерін молайтып, зерттеу сұрағын қалай құрастыруды үйренгендіктерін атап өтті және бұл жұмыстар мектептегі білім сапасын жақсарту үшін таптырмас құрал екендігін алға тартты.Педагог-кураторлар жүргізген практикумда қатысушылар тәрбие бағытындағы танымдық жобаларды жүргізуді ұйымдастыру және «100 кітап» жобасы арқылы оқушылардың оқу мәдениетін арттыру бойынша біліктіліктерін арттырды.<figure class="image"><img src="https://knadmin.beoblood.kz/uploads/416059645_3529845760678666_2852240465002602199_n_526b5be14c.jpg" alt="416059645_3529845760678666_2852240465002602199_n.jpg"></figure>

Сыр өңіріндегі NIS тірек мектептерге сандық ресурстарды қолдану әдістемесін көрсетті

Фото: ашық дереккөз<a href="https://kyzylorda-news.kz/">Kyzylorda-news.kz.</a> Қаңтар айында өтетін ҰБТ-ға қатысу үшін өтініш қабылдау 29 желтоқсанда басталып, 6 қаңтарға дейін жалғасады. ҰБТ-ға тіркелу Ұлттық тестілеу орталығының&nbsp;<a href="https://app.testcenter.kz/">app.testcenter.kz</a>. сайтында немесе UTO қосымшасы арқылы жүргізіледі, деп хабарлайды ҚазАқпарат.&nbsp;Тестілеудің өзі 18 қаңтар мен 10 ақпан аралығында өтеді. Естеріңізге сала кетсек, қаңтардағы ҰБТ-ға шартты түрде ақылы негізде күндізгі оқу нысаны бойынша жоғары оқу орындарына қабылданған, жазғы ҰБТ нәтижелері бойынша шекті балл жинамағандар, шығармашылық ББТ-дан басқа дайындық бағыттарына, педагогикалық бағытқа ақылы негізде ауысқысы келетіндер, сондай-ақ мектеп бітіретін түлектер жоғары оқу орындарына ақылы негізде түсу үшін қатысады. Қатысушылар тестілеу өткізілетін орынды, күнді және уақытты өздері таңдайды.

Қаңтар айында өтетін ҰБТ-ға қатысу үшін өтініш қабылдау басталды

<a href="https://kyzylorda-news.kz/">Kyzylorda-news.kz.</a> Қазіргі уақытта өнерге жақын жас балғындар әрбір ауылда қаулап өсіп келеді. Болашағынан зор үміт күттіретін кез келген өнерлі өреннің шын мықты екеніне көз жеткізіп жүрміз. Бір жағынан алдыңғы буынның ізбасарына айналған жалынды жастар жанып тұрған жарық жұлдыз іспетті. Осыдан 2 жыл бұрын ашылған «Сұлу-ай» шығармашылық өнер орталығында 26 үйірмеде 400-ге жуық бала өнерін шыңдауда.Сырдария ауданына қарасты 8 ауылда өз үйірмелерін ашқан орталық жылды табысты қорытындылап отыр. Мемлекеттік бағдарлама шеңберінде ашылған орталықта өнерпаздар ән, би, аспапта ойнау, қолөнер, көркем сөз, хор, шешендік өнер, бейнелеу секілді бірнеше бағытта тәжірибелі ұстаздардан білім алуда. Аптаның 6 күнінде кестеге сәйкес, сабақтар өткізіліп, үйірме мүшелерінің толықтай қатысуы ұдайы басшылық тарапынан қадағалануда.Жыл көлемінде орталықта біршама жағымды жаңалықтар орын алды. Ең алдымен, бірқатар ауылдағы үйірме сабақтары өткізілетін бөлмелердің материалдық базасы кеңейтілді. Сонымен қатар арнайы бөлмелерге жөндеу жұмысы жүргізіліп, үйірме сабағының өтуіне лайықтандырылды. Орталық құрылтайшысының және жекелеген демеушілердің, ата-аналардың қолдауының арқасында сахналық киімдер тіктірілді. Әрине, сала мамандарның кәсіби біліктілігі, жауапкершілігі – маңызды рөл ойнайды. Өз кезегінде жекелеген үйірме жетекшілері ауыстырылып, сала мамандарымен әріптестік байланыс орнады. Бұл бағытта балғын балалардың үнемі бабында болуына барлық жағдай жасалуда.Жақында Мемлекет басшысы Қасым-Жомарт Тоқаев Сыр еліне сапары барысында Қызылорда қаласында жаңадан ашылған «Анаға тағзым» орталығына барған болатын. Орталықтың жұмысымен танысқан ел Президенті айдарлылық жас ұстазымыз Ақмарал Бегалының өнеріне жоғары баға берді. Жас ұстаз, қолөнер шебері Ақмарал Бегалы оқушысы Қырмызы Аманкелдімен бірге Мемлекет басшысына түкті кілемнің жасалу технологиясын таныстырды. Негізінен, Ақмарал Бегалы «Сұлу-ай» шығармашылық өнер орталығында «Бисермен өру» және «Кесте тігу» үйірмелеріне жетекшілік етеді. Өз кезегінде «Жаңа Қазақстан» республикалық қоғамдық бірлестігінің ұйымдастыруымен Мемлекет басшысы Қасым-Жомарт Тоқаевтың «Әділетті Қазақстанның эканомикалық бағдары» атты Қазақстан халқына Жолдауын қоғамға кеңінен насихаттау мақсатында өткізілген «Қазақстан Республикасының мәдениет және өнер саласының үздігі» атты байқауға қатысқан әріптесіміз Айкерім Жұмабекова жүлделі І орынды иеленді.<img src="https://knadmin.beoblood.kz/uploads/414095926_385098427342506_8344890411952746867_n_8871f6b821.jpg" alt="414095926_385098427342506_8344890411952746867_n.jpg">Айта кетейік, жыл көлемінде «Сұлу-ай» шығармашылық өнер орталығының шәкірттері аудандық, облыстық, республикалық, халықаралық байқауларда жеңімпаз атанды. Бесарық ауылдық мәдениет үйінің маманы Гүлсара Қарғабайқызының құрметіне арналып, «Гүлсара» би тобы құрылды. Орталық басшысының демеушілігінің есебінен Айдарлы және Жетікөл ауылының ардагерлері Түркістан қаласына сапар шегіп, киелі жерлерді аралап көрді. Ал Асқар Тоқмағамбетов ауылындағы «Домбыра» үйірмесінің мүшесі Арайлым Бағдатқызына Арал ауданындағы «Қамбаш» лагері және қосымша білім беру орталығына жолдама берілді. Баспасөзге жазылу маусымында аудандық «Тіршілік тынысы» газетін Айдарлы ауылының 10 ардагеріне тегін жазып беру жүзеге асырылды.<blockquote>Мемлекеттік бағдарлама шеңберінде халық баласын өнерге баулу – басты міндетіміз. Әрине, кез келген саланың жылдық қорытындысы шығарылады. Бізде жылды табысты қорытындылап, кемшін тұстарды таразылап, үздіктер қатарынан болуға ұмтылып келеміз. Шәкірттеріміз өнерде өзіндік орнын тауып, шын талантқа айналса игі. Әрбір баланың болашағын бағдарлап, жол көрсетуге мүдделіміз, – дейді «Сұлу-ай» шығармашылық өнер орталығының құрылтайшысы Анар Қалдыбаева.</blockquote>

«Сұлу-ай» шығармашылық өнер орталығында 400-ге жуық бала тәрбиеленуде

Фото: университеттің баспасөз қызметі<a href="https://kyzylorda-news.kz/">Kyzylorda-news.kz.</a>&nbsp;&nbsp; Қорқыт ата атындағы Қызылорда университетінің 3 ғалымы мемлекеттік ғылыми стипендия иегері атанды.Қазақстан бойынша жыл сайынғы 75 мемлекеттік ғылыми стипендияның 50 мемлекеттік ғылыми стипендиясы талантты жас ғалымдарға арналған.Мемлекеттік ғылыми стипендияның иегерлері:Аппазов Нұрбол Орынбасарұлы - «Инжинирингтік технологиялар» білім беру бағдарламасының зерттеуші-профессоры, химия ғылымдарының кандидаты, профессор.Тохетова Лаура Ануарқызы - «Аграрлық технологиялар» білім беру бағдарламасының профессоры, ауыл шаруашылығы ғылымдарының докторы.Талантты жас ғалымдарға арналған ғылыми стипендияның иегері: Ақылбеков Нұрғали Икрамұлы - химия ғылымдарының кандидаты, философия докторы (PhD), «Физика-химиялық талдау әдістері» инженерлік бейіндегі зертхана жетекшісі. &nbsp;

 Қызылордалық ғалымдар мемлекеттік ғылыми стипендия иегері атанды

<a href="https://kyzylorda-news.kz/">Kyzylorda-news.kz.</a>&nbsp;Жүсіп Баласағын атындағы Қырғыз ұлттық университетінің базасында Қорқыт ата атындағы Қызылорда университетінің өкілдігін ашу туралы келісімге қол қойылды.Қырғыз серіктестер 2023 жылдың 7 шілдесінде жасалған ынтымақтастық туралы меморандум негізінде университеттің өкілдігі үшін кабинет пен материалдық-техникалық базаны тегін ұсынды.Келісім шеңберінде тараптар бірлескен ғылыми-білім беру іс-шараларын: білім алушылар мен оқытушылардың академиялық ұтқырлығы, магистрант, докторанттардың ғылыми тағылымдамаларын өзара кеңейтуге, бірлескен білім беру бағдарламаларын құруға, халықаралық рейтингтерге қатысуға, шетелдік студенттерді жалдауға, сондай-ақ мәдени байланыстарды дамытуға бағытталған қызметті жүзеге асыруға келісті.Жүсіп Баласағын атындағы Қырғыз ұлттық университетіне Қырғыз Республикасы Президентінің 2022 жылғы 18 шілдедегі №243 Жарлығымен кең ұйымдастырушылық, қаржылық және академиялық дербестікті көздейтін ерекше мәртебе берілді. Сонымен қатар, осы университетке Қырғыз мемлекеттік заң университеті қосылды. Университетте 28 мыңға жуық студент бар, оқыту бакалавриат, магистратура және докторантура деңгейінде 145-тен астам білім беру бағдарламалары бойынша жүргізіледі.Болашақта Жүсіп Баласағын атындағы Қырғыз ұлттық университетімен қос дипломды білім беру бағдарламаларын құру жоспарлануда.<figure class="image"><img src="https://knadmin.beoblood.kz/uploads/414662169_349375797844785_1462887913931237134_n_8bf9f6de8b.jpg" alt="414662169_349375797844785_1462887913931237134_n.jpg"></figure>&nbsp;<figure class="image"><img src="https://knadmin.beoblood.kz/uploads/414331195_349375847844780_4058346691108298142_n_3652707ce6.jpg" alt="414331195_349375847844780_4058346691108298142_n.jpg"></figure>

Қызылорда университеті мен Қырғызстан университеті қос дипломды білім беру бағдарламасын іске асырады 

<a href="https://kyzylorda-news.kz/">Kyzylorda-news.kz.</a>Қорқыт ата атындағы Қызылорда университетінде «Құқықтану» білім беру бағдарламасының аға оқытушысы, сот саласының ардагері, білікті заңгер Тілектес Өміржанов атындағы «Алқа билер кеңесі» орталығының салтанатты ашылуы өтті.Жиында Қорқыт ата атындағы Қызылорда университетінің Басқарма төрағасы – Ректор Бейбіткүл Кәрімова аға оқытушының атқарған қызметі мен оқу орнының стратегиялық дамуына қосқан үлесін атап өтті.<blockquote>– Тілектес Өміржанұлы ұзақ жылдар бойы сот саласын дамытуға, қазіргі таңда университеттің материалдық-техникалық базасының нығаюына атсалысып, жас ұрпақтың кәсіби маман, тегеурінді тұлға болып қалыптасуына үлес қосып келеді. Кейінгі жылдары университетте дәрісханалар демеушілер есебінен көптеп ашылуда. Тұлғаларды ұрпаққа үлгі етіп, өнегелі істері мен мол мұраларын насихаттау мақсатында «Алқа билер кеңесі» орталығының ашылуы болашақ заңгерлердің білікті маман болып қалыптасуына ықпал ететіні сөзсіз, - деді Бейбіткүл Сәрсемханқызы.</blockquote>Салтанатты шарада Тілектес Өміржанов «Қорқыт Ата атындағы Алтын медальмен» марапатталды.Жиынға университеттің философия ғылымдарының докторы, профессор, Баймырза Қожамберлиев, Қызылорда облыстық адвокаттар алқасы төрағасының орынбасары Байжан Иманалиев, прокуратура саласының ардагері, «Құқықтану» білім беру бағдарламасының аға оқытушысы Шынтемір Дарбаев, Қызылорда облыстық сотының азаматтық істер жөніндегі сот алқасының судьясы Света Жуынтаева, профессор-оқытушылар мен білім алушылар қатысты. Сот саласының ардагерлері Амангелді Әнуарбеков, Мырзамұрат Имандосов, Қайыркелді Темірбаев, Зейнолла Нұрсейітов қатысып, ғалымның еңбек жолына тоқталып, жылы лебіздерін білдірді.Айта кету керек, Тілектес Өміржанұлы 1985-1998 жылдары Арал аудандық сотында «аға сот орындаушы», «заң кеңесшісі» қызметтерін атқарған.1997-2002 жылдары ҚР Президентінің Жарлығы бойынша Байқоңыр қалалық сотының судьясы, 2002-2010 жылдары Қызылорда облыстық сотының судьясы болып қызмет еткен.2010-2014 жылдары «БТА Банк» АҚ заңгері болып, 2014 жылдан бастап кәсіби адвокат жұмысын атқаруда.2021-2022 оқу жылында Қорқыт ата атындағы Қызылорда университеті «Құқықтану» білім беру бағдарламасының аға оқытушысы болып қызметке қабылданды.<img src="https://knadmin.beoblood.kz/uploads/414178226_895744875628379_6611325608621900186_n_bbbfffac80.jpg" alt="414178226_895744875628379_6611325608621900186_n.jpg"><img src="https://knadmin.beoblood.kz/uploads/414332590_895744355628431_4107412290193818207_n_9695ecd58f.jpg" alt="414332590_895744355628431_4107412290193818207_n.jpg">

Университетте «Алқа билер кеңесі» орталығы ашылды

Фото: НЗМ<a href="https://kyzylorda-news.kz/">Kyzylorda-news.kz.</a> Қызылорда қаласындағы Зияткерлік мектеп ұжымы өңірдегі Шиелі ауданы Сұлутөбе ауылының №41 Мұстафа Шоқай атындағы орта мектеп кітапханасын жаңа кітап қорымен толықтырды. Сонымен қатар, «Номад» пен «Әйтеке би» шаңырақтарының ата-аналары атынан ауыл мектебіне принтер үйлестірді.Дәстүрлі Вookсrossing акциясына 7-12 сынып оқушылары, ата-аналар, мектеп қауымы қатысып, әлемдік бестселлер мен қазақ әдебиетінің танымды шығармалар топтамасын жинақтады.<blockquote>«BookCrossing – кітап алмасуға арналған халықаралық қоғамдық акция. Оның миссиясы – том-том кітаптарды жинақтап, тарату және кітап оқуға баулу», – дейді NIS-тің педагог-кітапханашысы Гүлмариям Түбекбаева.</blockquote>«Вookсrossing» желілік әлеуметтік акциясы Назарбаев Зияткерлік мектептерінің желісінде 2010 жылдан бастау алған. Бүгінге дейін өңірдегі мектеп ұжымы ауылдық кітапхана қорын 2300-ге жуық әдебиетпен толықтырды.Бұл жолы да мектеп қауымдастығы қазақ, орыс және ағылшын тілдеріндегі көркем шығармалар мен танымдық энциклопедияларды сыйға тартып, жас өрендердің сүйікті кітаптарына айналатынына сенім білдірді.<img src="https://knadmin.beoblood.kz/uploads/413876063_3523982177931691_2189147392226525602_n_5774bd53fa.jpg" alt="413876063_3523982177931691_2189147392226525602_n.jpg">

Вookсrossing: Зияткерлер ауыл мектебіне 200-ге жуық кітап сыйлады 

<a href="https://kyzylorda-news.kz/">Kyzylorda-news.kz.</a>&nbsp;&nbsp; Шетелде кадрлар даярлау жөніндегі республикалық комиссияның 2023 жылғы 20 желтоқсандағы шешіміне сәйкес Қорқыт ата атындағы Қызылорда университетінің 6 оқытушысы «500 ғалым» бағдарламасы бойынша шәкіртақы иегері атанды.&nbsp;Оның ішінде Қамар Бекетова, Серікхан Жүзеев, &nbsp;Есенжол Назаров, Гүлжас Тоқтағанова Ұлыбританияның Рединг университетінде, Эльмира Байниязова Ресейдің Қазан федералды университетінде және Рахат Құрманбаев АҚШ-тың Иллинойс университетінде ғылыми тағылымдамадан өтетін болады.«500 ғалым» бағдарламасы Мемлекет басшысы Қасым-Жомарт Тоқаевтың тапсырмасына сәйкес әлемнің жетекші ғылыми орталықтарында отандық ғалымдардың кәсіби құзыреттерін дамыту мақсатында бекітілген болатын.Атап өту керек, биыл қыркүйек айынан бастап «500 ғалым» бағдарламасы шеңберінде университеттің 12 ғылыми қызметкері Ресей, Әзірбайжан, Германия, Ұлыбритания, Швейцария елдеріндегі жетекші жоғары оқу орындары мен ғылыми орталықтарында археология, физика, электр және жылу энергетикалары, су ресурстары, құрылыс және шетел тілдері мамандықтары бойынша бірлескен ғылыми зерттеулер жүргізуде.«500 ғалым» – ғалымдардың біліктілігін және құзыреттілігін арттыруға бірегей мүмкіндік беретін жоба. Әріптестеріміз қайта оралып, өңірлік мықты университет құруға күш салады деп сенеміз. &nbsp;

Қазақстан және Қызылорда облысының жаңалықтары: Білім