<a href="https://kyzylorda-news.kz/ru">Kyzylorda-news.kz.</a> Қазақстанда 1-сынып оқушыларына ақпан айында қосымша қысқы демалыс беріледі, деп хабарлайды оқу-ағарту министрлігі.Мектептерде III тоқсан 8 қаңтарда басталған болатын. Үшінші тоқсан 10 оқу аптасынан тұрады.<blockquote>"1-сыныпта білім алатындарға 2024 жылғы 5-11 ақпан аралығында (күнтізбелік 7 күн) қосымша демалыс беріледі", - делінген хабарламада.</blockquote>Айта кетері, бүлдіршіндерге үшінші тоқсанда бір апта қосымша демалыс жыл сайын беріледі. Осылайша 2023-2024 оқу жылында бірінші сынып оқушылары 33 апта, 2-11 (12) сыныптар 34 апта оқиды.<img src="https://knadmin.beoblood.kz/uploads/38635284_0_0_1201_1837_1440x900_80_0_1_157e68b16d3dc947e61aaadcc63bae37_png_195fd8cdf2.webp" alt="38635284_0_0_1201_1837_1440x900_80_0_1_157e68b16d3dc947e61aaadcc63bae37.png.webp">Дереккөз: SputnikФото: Нұрболат Нұржаубай

Мектеп оқушыларына қосымша қысқы демалыс беріледі

<a href="https://kyzylorda-news.kz/ru">Kyzylorda-news.kz.</a> Атырау облысында оң жақ рөлді көліктің жүргізушісі алты оқушыны өз бетімен алып жүрген. Мұны Орал-Атырау тас жолында полиция қызметкерлері Toyota Estima көлігін тоқтатқан кезде анықтаған. Бұл туралы <a href="https://stan.kz/batis-kazakstan-oblisinda-okushilardi-olimpiadaga-oz-be-394483/">Stan.kz </a>ақпарат агенттігі хабарлайды.Дереккөз таратқан ақпаратқа сүйенсек, жүргізушінің Оралға облыстық олимпиадаға бара жатқан алты оқушыны заңсыз тасымалдағаны белгілі болған. Олардың барлығы облыс орталығынан 315 шақырым жердегі Ақжайық ауданы Шабдаржап ауылының тұрғындары болып шықты. Оның үстіне көліктің рөлі оқ жақта екені анықталған. Бұған дейін Батыс Қазақстан облысының полиция департаментінің бастығы Арман Оразалиев такси жүргізушілеріне оң рөлді көліктермен адам тасымалдауға тыйым салған.Жүргізушінің өзі мұғалімдердің өтінгенін, бірақ балаларды өздері ертіп бармай, басқа көлікпен кетіп қалғанын түсіндірген.<blockquote>“Мен такси емеспін, маған тек мұғалімдер өтініш жасады. Жол ақысын алған жоқпын, тек олардың есебінен жанармай құйдым”, – деп келтіреді портал жүргізушінің сөзін.</blockquote>Полицейлер жүргізушіге қатысты "Тиісті тіркеусіз, рұқсатсыз немесе хабарламасыз кәсіпкерлік немесе өзге де қызметпен айналысу, сол сияқты әрекеттерді (операцияларды) жасау" бабы бойынша әкімшілік хаттама толтырған. Оның көлігі айып алаңына қойылып, балаларды патрульдік көлікке мінгізген. Тәртіп сақшылары мектеп оқушыларын өздері жеткізіп салғаны айтылады.Сонымен қатар балаларды бас-көзсіз қауіпті сапарға жіберген Шабдаржап ауылындағы мектеп мұғалімдері де жазаланады.Еске салайық, бұған дейін Ақтөбе облысының Ырғыз ауданында 19 желтоқсанда мектеп оқушылары мұғаліммен бірге олимпиадаға бара жатқан сәтте қайғылы оқиға болған. Жол-көлік апатының салдарынан екі мектеп оқушысы мен бір мұғалім қаза тапқан.Фото: Нұрболат Нұржаубай

Оқушыларды олимпиадаға өз бетімен жіберген мұғалімдер жазаланады

<a href="https://kyzylorda-news.kz/ru">Kyzylorda-news.kz.</a>&nbsp; Түркістан облысы Қазығұрт ауданының мұғалімдері мектепке бұрынғы директордың қайта оралуына қарсылық білдірді. Себебі, білім ошағының 50 жастағы экс-басшысы жас мұғалімдерге қырындап, маза бермейді деп отыр. Бұл туралы Информбюро жаңалықтары мәлімдеді, деп хабарлайды Skifnews.kz ақпарат порталы.Соның кесірінен үш педагогтың шаңырағы шайқалып, мектеп медбикесі өзіне қол салды дейді шулаған жұрт.Қазығұрт ауданы Қызыл ата ауылындағы жалпы орта мектептің мұғалімдері мен ата-аналары білім ошағын тоғыз жыл басқарған бұрынғы директор қайта оралады деген ақпаратты естіп жандарын қоярға жер таппай жүр. Өйткені, экс-басшы жас мұғалімдерге қырындап, соның кесірінен үш педагог күйеуімен ажырасып, мектеп медбикесі өзіне қол салып қайтыс болды дейді тұрғындар.<blockquote>– Құтқарыңдаршы деді. 2019-дан бастап мені осылай қорқытып ұстап жүр деді. Қалаға шығасың пәлен жерге келесің, екеуміз сол жерде кездесеміз. Мен бірнеше рет бармаймын деп те айтты. Бармаймын деп айтып едім мынандай суреттеріңді үйіңе жіберем, күйеуіңе жіберем дегеннен кейін қорыққаннан бірнеше рет шыққаным рас. Бірақ, ең соңында берсеңіз бере беріңіз. Не істесеңіз ол істеңіз. Мен енді бармаймын деп ұрыстым деді. Сөйтіп үйге барып, өз-өзіме қол жұмсағым келді деді, дейді мектеп мұғалімі Базаркүл Беркінбаева.</blockquote>Өзге ұстаздар да бұрынғы басшы кездесуге жиі шақырып, жұмысқа қатысы жоқ тақырыпта смс хат жіберетінін жасырмады.Қызметкердің қазасынан кейін бас көтерген ауыл тұрғындары білім бөлімінен бастап, полицияға да арыз жазған. Сөйтіп, Есіркеп Жұмабаев моральға қайшы әрекеті үшін жұмыстан босатылған. Жақында ол директорлық қызметке қайта келу үшін білім басқармасын сотқа берген екен. Бірақ судья 50 жасты еңсерген бұрынғы басшысының ұсынысын қанағаттандырмады.Мектептің бұрынғы директоры мұғалімдердің айтқандарын жоққа шығарды. Сот шешіміне, ауыл тұрғындарымен келіспеймін деген азамат енді басқа салаға кетуге бел буған.<blockquote>Оған менің ешқандай кінәм жоқ. 100 пайыз кепілдік беремін. Ондай ешнәрсе болған емес. Барған да емеспін. Мектеп құлау алдындағы апатты мектеп еді. 5 жыл қатарынан ақша бөлдіріп. Анда жүгіріп, мында жүгіріп. Оқу базасының бәрін бекіттірдім. Енді біреулерге қажет болған шығар. Менің ол мектепке барғым да жоқ. Көргім де жоқ, дейді "Қызыл-ата" орта мектебінің бұрынғы директоры Есіркеп Жұмабаев.</blockquote>Фото: Нұрболат Нұржаубай

Мектеп директоры жас мұғалімдерді «кездесуге» шақырды деп айыпталды

Kyzylorda-news.kz. Түркістан облысы Қазығұрт ауданының мұғалімдері мектепке бұрынғы директордың қайта оралуына қарсылық білдірді. Себебі, білім ошағының 50 жастағы экс-басшысы жас мұғалімдерге қырындап, маза бермейді деп отыр. Соның кесірінен үш педагогтың шаңырағы шайқалып, мектеп медбикесі өзіне қол салды дейді жұрт. Бұл туралы 31 арнаның “Информбюро” жаңалықтар қызметі хабарлайды.Қазығұрт ауданы Қызыл ата ауылындағы жалпы орта мектептің мұғалімдері мен ата-аналары білім ошағын тоғыз жыл басқарған бұрынғы директор қайта оралады деген ақпаратты естіп жандарын қоярға жер таппай жүр. Өйткені, экс-басшы жас мұғалімдерге қырындап, соның кесірінен үш педагог күйеуімен ажырасып, мектеп медбикесі өзіне қол салып қайтыс болды дейді тұрғындар.<blockquote>“Құтқарыңдаршы деді. 2019-дан бастап мені осылай қорқытып ұстап жүр деді. Қалаға шығасың пәлен жерге келесің, екеуміз сол жерде кездесеміз. Мен бірнеше рет бармаймын деп те айттым. Бармаймын деп айтып едім мынандай суреттеріңді үйіңе жіберем, күйеуіңе жіберем дегеннен кейін қорыққаннан бірнеше рет шыққаным рас. Бірақ, ең соңында берсеңіз бере беріңіз. Не істесеңіз ол істеңіз. Мен енді бармаймын деп ұрыстым деді. Сөйтіп үйге барып, өз-өзіме қол жұмсағым келді деді”, – мектеп мұғалімі Базаркүл Беркінбаева.</blockquote>Өзге ұстаздар да бұрынғы басшы кездесуге жиі шақырып, жұмысқа қатысы жоқ тақырыпта смс хат жіберетінін жасырмады.<blockquote>“Жүр қалаға барайық, шай ішейік саған айтатын әңгімем көп дейді. Сөйтіп мен қалаға бармаймын, шай ішпеймін сіз маған қандай оймен жазып тұрсыз оны дедім. Мен оған келіспедім. Ол тек бір маған емес осы жердегі бірнеше жас мұғалімге жазды деп естігенмін. Сағатыңды көбейтіп беремін деген сияқты жазады екен. Осы жердегі бірнеше жас мұғалімнен естігенмін”, – дейді мектеп мұғалімі.</blockquote>Қызметкердің қазасынан кейін бас көтерген ауыл тұрғындары білім бөлімінен бастап, полицияға да арыз жазған. Сөйтіп, Есіркеп Жұмабаев моральға қайшы әрекеті үшін жұмыстан босатылған. Жақында ол директорлық қызметке қайта келу үшін білім басқармасын сотқа берген екен. Бірақ судья 50 жасты еңсерген бұрынғы басшысының ұсынысын қанағаттандырмады.<blockquote>“Оған менің ешқандай кінәм жоқ. 100 пайыз кепілдік беремін. Ондай ешнәрсе болған емес. Барған да емеспін. Мектеп құлау алдындағы апатты мектеп еді. 5 жыл қатарынан ақша бөлгізіп, анда-мұнда жүгіріп оқу базасының бәрін бекіттірдім. Енді біреулерге қажет болған шығар. Менің ол мектепке барғым да жоқ. Көргім де жоқ”, – дейді "Қызыл-ата" орта мектебінің бұрынғы директоры Есіркеп Жұмабаев.</blockquote>Мектептің бұрынғы директоры мұғалімдердің айтқандарын жоққа шығарды. Сот шешіміне, ауыл тұрғындарымен келіспеймін деген азамат енді басқа салаға кетуге бел буған.Фото: Нұрболат Нұржаубай

"Үш мұғалімнің шаңырағы шайқалды": Түркістанның тұрғындары бұрынғы директордың мектепке келуіне қарсы

Фото: Halyq UniKyzylorda-news.kz. ҚХА жанындағы республикалық Аналар кеңесі төрағасының орынбасары Баян Ақатай Halyq Uni ютуб-арнасына берген сұхбатында елімізде вейп нарығын мүлде тыйып тастауға қарсылық білдіріп отырған ат төбеліндей, бірақ тегеурінді мүдделі топ бар екенін мәлімдеді.Оның айтуынша, Қазақстанда темекі компаниялары қаржыландырып және солардың мүддесін қорғап отырған 11 ҮЕҰ бар.«Денсаулық» деп аталатын ұйымды басқаратын Бақыт Түменова қара нарық барынша көбейеді дегенді көп айтады. Егер қара нарық көбейеді дейтін болсақ, онда есірткіні заңдастырайық, салық алайық. Ақшаның көкесі сонда жатыр, синтетикада, мефедронда жатыр. «Ересек адамдарға таңдау беріңіздер, құқын шектемеңіздер» деген уәж айтады. Онда біз балалар денсаулығын, балалар құқығын қайда қоямыз?! – дейді Баян Ақатай.Сонымен қатар, Мәжіліс комитетінде талқыға түскенде вейп нарығын тыюға қарсы шыққан депутаттарды да атап берді.<blockquote>Мәжіліс депутаты Бақытжан Базарбек ашық қарсы шықты. Оның арғы жағында тағы бір топ депутат (Ерболат Саурықов, Мұқаш Ескендіров пен Ерлан Стамбеков – ред.) бар. Осы вейп мәселесіне келген кезде бізге осындай аяқтан шалу болды. Бірақ ол ешқандай кедергі болған жоқ. Сол комитетте көпшілік дауыспен бірауыздан қабылданды, – деді ол.</blockquote>Одан бөлек, Баян Ақатайдың сөзінше, бір депутатқа вейп-индустрияны қолдау үшін 60 мың долларға дейін ұсынылғанын да жеткізді.

«Ат төбеліндей лоббистер бар». Вейпке тыйым салуға қай депутаттар қарсы болды?

Коллаж: El.kzKyzylorda-news.kz. Танымал әнші Жанар Айжанова Adal Adam youtube арнасына берген сұхбатында қызы Айжұлдыз Адайбекованың баласын «немерем» деп атап, желіде үлкен резонанс тудырды. Одан кейін әншіден сұхбат алған журналист Дәурен Сейтжанұлы да қыздан туған баланы жиен емес, немере деп атай беруге болады деген видеосын әлеуметтік желіге жүктеді. Қазақы таным-түсінікте қалыптасып қалған туыстық атауларды шатастыру кейбірлеурге ұнамағаны анық. Бұл ретте &nbsp;El.kz ақпарат агенттігі этнограф-ғалым Болат Бопайұлының пікірін жариялады, деп жазады Skifnews.kz ақпарат порталы.Қазақ халқының туыстық, қандастық &nbsp;қатынасында &nbsp;қыздан туған ұл мен қыз «жиен» деп аталады. Жиен атанған ұл мен қыздың шешесінің әке-шешесі, аға-бауыры,әпеке-сіңлісі қызынан туған ұл мен қызды «жиен» деп атайды, «жиен» деп шақырады, «жиен» деп таниды. Жеті ата салтын берік ұстанған қазақ халқы жиендік тұқым жалғасуында жеті ұрпаққа дейін әдемі атаумен атай білген, - дейді Болат Бопайұлы. Мәселен:1. Қыздан туған ұл мен қыз - Жиен,2. Жиеннің баласы – Жиеншар.3. Жиеншардың баласы – Дегеншар.4. Дегеншардың баласы – Көгеншар,5. Көгеншардың баласы – Көбеңшар,6. Көбеңшардың баласы – Тебеншар,7. Тебеншардың баласы – Өлеңшар деп атаса,Сегізінші ұрпағын «қаймана» дейді екен.Біз бұдан қазақ халқының туыстық тұтастығының тұғыры берік қаланып, берекесі мен сыйластығының және қан тазалығының өте тамаша дәстүрмен жалғасқандығын түсінген үстіне түсінеміз. Әр адамның орны мен туыстық байланысының еш бұзылмай өте жақсы сақталғандығын аңғарамыз. Атам қазақта «Жиен ел болмайды, желке ас болмайды, жиен не ел болмайды жайлы болса, желке неге ас болмайды майлы болса» деген тәмсіл бар, - деп талдап берді.Этнограф жиендерге қатысты дәстүрлерді де атап берді.Ондан сырт «Жиенқұрық» деген тамаша дәстүр бар. Жиен алғаш нағашы жұртына қыдырып келшенде нағашы жұрты жиенге қырық серкеш енші береді. Мал атайды соны «Жиенқұрық» деп атаған. Ал жиен шешесінің барлық туыстарын «нағашы» деп атайды, «нағашы» деп шақырады, «нағашы» деп таниды. Бір ауыз сөзбен тоқ етерін айтқанда ұлдан тұған немере, қыздан туған жиен деп аталады. Оған бола дауласудың да жауласудың да, таласып тартысудың да еш реті жоқ, - деп толықтырды ғалым.Болат Бопайұлы қазақ халқы ертеде ұл мен қыздан туған ұрпақты ажырату үшін осындай атау бергенін түсіндірді.Бұл жерде біз бір ұғымды әрі анық әрі қанық біліп алғанымыз жөн болар. Жиен де немере де ұрпақ. Тек қана ұлдан туған мен қыздан туған ұрпақты ажырата білу үшін қолданған жиен, немере атау. Онымен немерені биік , жиенді төмен қойып отырған жоқ. Ұлдан тараған ұрпақ пен қыздан тараған ұрпақтың ара жігін адастырмай біліп , туыстық сыйластықты берік сақтап, қазақ тілінің мағынасын дұрыс қолданып жүру бәрінен маңызды, - дейді этнограф.Ал журналист Дәурен Сейітжанұлы былай дейді:Жақында Жанар Айжановадан сұхбат алған едім. Әңгіме арасында Жанар апа өзінің қызы Айжұлдыздың баласын «немерем» деп айтып қалды. «Немере жаннан тәтті». Соны тыңдаған көптеген адамдар қыздан туған бала немере болмайды, жиен деп айтады деп ұрсып сөйлеп жатыр. Негізі Жанар апа дұрыс айтады. Қазақ өз перзентінен, мейлі ұл не қыз болсын, туған нәрестені немере деп атаған. Бертінде ғана осы атау бұрмаланған. Білмей жүргендерге айтарым, немере жиен деген сөз жоқ. Бұлай деу өте-мөте қате. Сенбесеңіздер, көне мұраларымызды қарап шығып, үлкен кісілерден сұраңыздар, - дейді журналист Дәурен Сейітжанұлы.Ол жиен деп айтып, ұл мен қыздың балаларын алалауға болмайтынын атап өтті.Демек, қыздан туған бала сол қыздың әке-шешесі үшін немере болса, қалған туыстары үшін жиен болып есептеледі. Мысалы, менің қызымның балалары маған немере, басқа әулетім мен туыстарыма жиен болады. Өздеріңіз ойлап қараңыздар, немере-жиен деп қосақтап айту моральдық-этикалық жағынан да дұрыс емес. Яғни, ұлың мен қызыңды, олардың балаларын алалау боп есептеледі. Жиен деу бауырға тарту емес, керісінше, алыстату сияқты көрінеді. Сондықтан Жанар апаның айтқаны дұрыс. Ол кісі қанша дегенмен қазақтың салт-дәстүрін жақсы біледі, ол сөзден жаңылған жоқ, - деп түйіндеді журналист.

Белгілі этнограф «немере» мен «жиен» атауларына қатысты дауға нүкте қойды

Kyzylorda-news.kz. Сенбі күні облыс әкімі Нұрлыбек Нәлібаев Мемлекет басшысының «Әкімдердің халықпен кездесулерін өткізу туралы» Жарлығына сәйкес Сырдария ауданының Аманкелді, Жетікөл, Айдарлы ауылы тұрғындарымен кездесті.Бүгінде Мемлекет басшысының жұртшылықпен кездесулер өткізу туралы тапсырмасының екі жаққа да тиімділігі айқындалды. Мұндай іс-шараларда тұрғындар өздерін толғандырған мәселелерді көтеріп, атқарылған жұмыстар жайында кеңірек хабардар &nbsp;болады. Көптен түйіні шешілмеген түйткілдерге қозғау салынып, сол жерде талқыланады. Ашықтық, жариялылық қағидатына негізделген мұндай басқосуларға ақсақалдар бастап, ауыл тұрғындары, жастар көп жиналады. Елдік мәселелер, ауылды өркендету жолында қандай &nbsp;бағыт ұстану керектігі айтылады. &nbsp;Халықтың &nbsp;ұсыныстары, талап-тілектері ескеріліп, жауапты басшыларға тапсырмалар жүктеледі.Аймақ басшысы үш елді мекенде өткен кездесуде былтырғы жылдың қорытындылары, жетістіктері туралы қысқаша баяндады, содан соң тұрғындардың ұсыныс-пікірлерін тыңдады.<blockquote>«Жылды жақсы нәтижелермен қорытындыладық. Ал, &nbsp;жаңа басталған жылға арналған жоспарымыз былтырғыдан да ауқымды. &nbsp; Бастамаларымызды әрі қарай жалғастырамыз, соңына дейін жеткіземіз. &nbsp;Жаңа жобалардың да ауқымы кең. Мемлекет басшысы Қасым-Жомарт Кемелұлы қазан айындағы арнайы жұмыс сапары кезінде өңірде атқарылған жұмыстармен танысып, оң бағасын бергенін білесіздер. Сол сапарда Президент облыстың инфрақұрылымын дамытуға қатысты тарихи шешімдер қабылдады. Осы шешімдердің игілігін халық көруі үшін қыруар тірлік атқарылуы тиіс.&nbsp; Аймақта экономиканың барлық негізгі көрсеткіштерінде өсім бар. Өңірлер арасында тамыз айынан бері үздіктер қатарында – алғашқы үштіктеміз. Осыдан бір жарым жыл бұрын облыс бюджеті 387 млрд теңгені құраса, облыстық мәслихат сессиясында 2024 жылдың бюджеті 650 млрд теңге болып бекітілді. Жыл соңына дейін салық түсімдерін арттырып, жаңа өндіріс орындарын ашу арқылы бюджетті 700 млрд теңгеден асырамыз. Бұған резервтеріміз бар. Соңғы жылдары аймағымыз қарқынды құрылыс алаңына айналып, республика бойынша алдыңғы қатардамыз. 2023 жылы 177 жобаны жүзеге асыруға 87,1 млрд теңге бөлініп, 2022 жылмен салыстырғанда 3,5 есе артты. Биыл 110 құрылыс нысанын салуға 94,5 млрд теңге бөлінді. Қаражат жыл аяғына дейін едәуір көбейеді. Бұл қаржы өңірдің сан саласындағы мәселелерді шешуге бағытталмақ», – деді Нұрлыбек Машбекұлы.</blockquote>Кездесуде тұрғындар &nbsp;газдандыру, аурухана салу, ауылдардан қалаға қатынайтын автобус маршрутын ашу &nbsp; мәселелерін көтерді. Аурухана салу туралы тиісті министрлікпен жұмыс жүргізіледі. Биыл жоба жасалып, ұсынылмақ. Алдағы жылы мүмкіндіктер шеңберінде реттілігі қарастырылады. Ал, автобус мәселесінің шешімі табылады. Осылайша жұртшылық өздерін толғандырған сауалдарға жауап алды. Соңында ақсақалдар бата беріп, ардагерлер мен ауыл азаматтарына марапат тапсырылды.<img src="https://knadmin.beoblood.kz/uploads/FB_IMG_1706348535761_59665046f6.jpg" alt="FB_IMG_1706348535761.jpg"><img src="https://knadmin.beoblood.kz/uploads/FB_IMG_1706348538908_42c7017640.jpg" alt="FB_IMG_1706348538908.jpg"><img src="https://knadmin.beoblood.kz/uploads/FB_IMG_1706348547878_5a919a4c24.jpg" alt="FB_IMG_1706348547878.jpg"><img src="https://knadmin.beoblood.kz/uploads/FB_IMG_1706348533229_ef65383491.jpg" alt="FB_IMG_1706348533229.jpg"><img src="https://knadmin.beoblood.kz/uploads/FB_IMG_1706348543014_ae1cfcdf6e.jpg" alt="FB_IMG_1706348543014.jpg">

Облыс әкімі Сырдария ауданының тұрғындарымен кездесті

Kyzylorda-news.kz. KEGOC басқарма төрағасы Нәби Айтжанов журналистердің бірыңғай уақыт белдеуіне көшкеннен кейін қазақстандықтар электр энергиясына көбірек төлей ме деген сұрағына жауап берді. Бұл туралы Stan.kz ақпарат агенттігі хабарлайды.Нәби Айтжановтың айтуынша, тұрғындар бірыңғай уақыт белдеуіне көшкен кезде таңертеңгі және кешкі уақытта электр энергиясын тұтыну артатынын түсінуі керек.<blockquote>"Максималды сағатты қолдануға байланысты, сіз, тиісінше, энергияны да көп жұмсайсыз. Біздің жүйе көтере алса, бір сағат көп уақыт емес. Сондықтан электр желісі үшін алаңдаушылық жоқ", – деді Нәби Айтжанов.&nbsp;</blockquote>Еске сала кетейік, қараша айында мәжіліс депутаты Еркін Әбіл премьер-министрге ерекше сауал жолдаған еді. Ол үкіметтен Қазақстандағы уақыт белдеуі мәселесін шешуді сұрады. Себебі шығысқазақстандықтар жаңа бірыңғай уақыт белдеуіне ауысқысы келмейтінін айтқан. Тұрғындардың наразылығына қарамастан, қаңтар айында Қазақстанда бірыңғай уақыт белдеуі орнатылатыны белгілі болды. 2024 жылғы 1 наурызда сағат 00:00-ден бастап елдің бүкіл аумағында бірыңғай уақыт белдеуі орнатылады. Осылайша Қазақстанның бүкіл аумағына 5-уақыт белдеуі (UTC+5) қолданылады.Фото:freepik.com

Қазақстандықтар бірыңғай уақыт белдеуіне ауысқаннан кейін электр энергиясына көбірек төлей ме?

Kyzylorda-news.kz. Түркістан облысында білім бөлімінің есепшілері мемлекетке миллиардтан астам шығын келтірді. Бұл туралы КТК телеарнасы хабарлайды.Мақтаарал, Бәйдібек және Келес ауданы білім бөлімдерінің есепшілері мұғалімдерге түсуі тиіс қаржыны жылдар бойы өз таныстарына аударып отырған.Қаржы мониторингі агенттігінің қызметкерлері мен прокурорлар аталмыш білім бөлімдерінің есепшілерінің соңғы үш жылда мұғалімдердің карталық есепшоты мен жеке сәйкестендіру нөмірлерінің орнына өз таныстарының шоттарын жазып отырғанын анықтады. Сәйкесінше, ұстаздарға түсуі тиіс аударым есепшілердің туыстары мен әйелдеріне аударылған. Тергеу мәліметінше Мақтарал білім бөлімі 1 миллиард 200 миллион теңге, Бәйдібек ауданы 600 миллион, ал Келес ауданы есепшілері мемлекетке 400 миллион теңге шығын келтірген. Қазір үш аудандағы білім бөлімдерінің қызметкерлері ұсталып, тергеліп жатыр.<blockquote>“Сотқа дейінгі тергеп-тексеру аясында іс бойынша тінту жүргізіліп, жылжитын және жылжымайтын мүлікке тыйым салынды. Қазір іс бойынша жауапкерлер 120 миллион теңге көлемінде келтірілген шығынды өз еркімен өтеп берді”, – деді қаржы мониторингі агенттігінің ресми Әлібек Әбділов.</blockquote>Фото: Нұрболат Нұржаубай

Түркістан облысында есепшілер мұғалімдердің қаржысын жылдар бойы өз таныстарына аударып келген

Kyzylorda-news.kz. "Самұрық-Қазына" қоғамдық кеңесінің отырысында "Самұрық-Қазына" АҚ экономика және қаржы бойынша басқарушы директоры Айдар Рысқұлов зейнетақы қорынан алынатын 1,5 триллион теңгенің нақты қандай жобаларға жұмсалатынын айтты. Бұл туралы Stan.kz ақпарат агенттігі хабарлайды.Айдар Рысқұловтың айтуынша, БЖЗҚ-дан алынатын қаржының бір бөлігі елімізде салынатын үш ЖЭО жобаларын бірлесіп қаржыландыруға жоспарлануда. Бағдарлама операторлары “Бәйтерек” пен “Самұрық-Қазына” холдингі болады.“Біз көмір өндіру жобаларын іске асыратын қаржыны күтіп отырмыз. Өйткені мұндай жобаларды банк тарапынан қаржыландыру лимиті шектеулі. Сол себепті зейнетақы қорынан алынған қаржының бір бөлігін көмір өндіру жобаларына жұмсауды жоспарлап отырмыз”, – дейді Айдар Рысқұлов.Зейнетақы қорынан алынатын қаражат жобаларды жүзеге асыру барысында қажеттілікке қарай бөлінеді. Оның айтуынша, қаражатты бірден алу мүмкін емес.Фото: Нұрболат Нұржаубай

Зейнетақы қорынан алынатын 1,5 триллион теңге Ресей Қазақстанға салып беретін ЖЭО құрылысына жұмсалмақ

<a href="https://kyzylorda-news.kz/ru">Kyzylorda-news.kz.</a>&nbsp; Шымкенттің Еңбекші ауылдық полиция басқармасына үш азаматша арызданды,- деп хабарлайды <a href="https://newsroom.kz/83109/12-mln-shymkenttikter-balaba-sha-a-zh-mys-a-ornalasu-shin-alaya-a-oma-ty-arzhy-beripti">newsroom.kz.</a>Жәбірленушілерге бейтаныс әйел балабақша жұмысқа кіргіземін деп уәде берген көрінеді.Айласына арбап, күдікті "еңбегі" үшін азаматшалардан жалпы құны 12 млн теңге қаржы талап еткен.Қылмыс бойынша полиция қызметкерлер шара қолданып, жедел уәкілдер күдіктіні анықтап, ұстады.Ол бұрын осыған ұқсас қылмысы үшін сотталған Түркістан облысының тұрғыны болып шықты.Қазір күдікті әйел қамауда отыр. Полиция департаменті азаматтарға алаяқтардың айласына түспеуді, бейтаныс адамдарға сенбеуді және ақша аудармауды, тек тиісті мекемелерден қызмет алуды ескертеді.Фото: Нұрболат Нұржаубай

Алаяқ балабақшаға жұмысқа орналастыру үшін 12 млн теңге алған

&nbsp;Фото: <a href="https://halyq-uni.kz/kozkaras/28707-memlekettik-bilim-sapasyn-koldan-zhasaimyz-aiatzhan-akhmetzhan/">halyq-uni.kz</a>Сұхбаттасқан Азамат АБИМОЛДА«Сапалы білімді ту етіп, саналы ұрпақ қалыптастыру – асыл мұратым!» дейтін Аятжан Ахметжанның білім саласында орнықты орны бар. Ол – химия пәнінің мұғалімі ғана емес, «Ұлттық мектептің» негізін қалаушы.&nbsp; Жақында білім саласын алға сүйреп жүрген Аятжан Ахметжан Сырға келіп, <a href="https://kyzylorda-news.kz/ru">Kyzylorda-news.kz.</a> сан түрлі сауалдың түйінін тарқатты. - Аятжан аға, сауалды төтесінен қойсақ. Жақында «Министрлік марапат пен аттестацияны ажырата алмайды» дедіңіз. Оған не себеп? - Жалпы, аттестация мен марапат мүлдем екі бөлек нәрсе. Марапат – ынталандыру. Бұл министрліктің құзырындағы шаруа емес. Өйткені министрлікке дейінгі мекемелердің басшысы, білім басқармалары мұғалімді марапаттап, мадақтай алады. Ал, аттестация – мұғалімнің деңгейін өсіріп, көтермелейтін жол, біліктілік деңгейінің көрсеткіші. 5 жылда бір рет мұғалім аттестациядан өту керек. Ал сол аралықта мұғалімнің марапаттың соңынан қууы дұрыс емес.&nbsp; Байқап қарасаңыз, мұғалім бес жылда білімін жаңартып, мақсаттарды белгілі бір деңгейде орындау керек. Содан кейін оған сарапшы, модератор, зерттеуші, шебер деп бөлінетін дәреже беріледі. Осыған қарай жалақыға үстемеақы да қосылады. Ең қызығы, модераторды алсаңыз, автоматты түрде алғыс хат аласыз дегені күлкілі. Сондай-ақ, бірінші рет шеберді алсаңыз, қола «Ыбырай Алтынсарин медалі» беріледі. Екіншісінде күміс, үшінші рет алтын тағады. Қазірдің өзінде «Ғасыр ұстазы», «Алаш ұстазы», «Ұлт ұстазы» деген «жапсырма» қаптап кетті. Егер мемлекетте 5 мың «Алаш ұстазы» болса, онда неге білім саласы Финляндиядағыдай емес? Ал 5 мың «Ыбырай Алтынсарин» медалін кеудеге таққандар болса, неге әлі шешілмеген мәселе бар бізде? Онсызда қоғам &nbsp;атаққұмар. Бұл – қажет емес дүние.&nbsp; Мысалы, мен педагог шебермін. Мемлекеттің талабы бойынша «Ыбырай Алтынсарин» атағын алу керек мұғаліммін.&nbsp;Бірақ алуға ұяламын! Қаншама кітаптың авторы, халықаралық деңгейдегі олимпиада чемпиондарын шығарсам да маған оны алу ерте. Ыбырай Алтынсарин кім? Ол – жоқтан бар жасаған адам. Қазақ даласында мектеп жоқ кезде оқу-құралын шығарды, жоқтан бар құрады. Ал біз бар нәрсені үйлестіре алмай келеміз. - «Өрлеу» орталығы барлық өңірде бар. Жұмысына көңіліңіз тола ма? - Біліктілік арттыру бойынша Назарбаев зияткерлік мектебінің жанындағы екі курсқа да көңілім толмайды. Ең өкініштісі, «Өрлеуде» сан қуалау бар, яғни «Өрлеу» орталығына келген мұғалімдердің бәрі сертификат арқалап шығады. &nbsp;Он бес күннің он күніне қатысып, қалған бес күн үйінде жүріп, сертификат алғысы келетіндер бар. Бұл – &nbsp;сапаны қашыру. Ұстаз мықты, білікті болмаса, онда қоғам ешқашан өрге баспайды.&nbsp; - Сіздіңше, білім саласындағы үлкен қателік қандай? - Жүйе жоқ. Өзгеріп кете береді. Кеше ғана Аймағамбетовтың бастаған тірлігін бүгін Бейсембаев жалғастырмайды. Әркім өзінің қолтаңбасын қалдырғысы келетіндіктен болар. &nbsp;Екінші қателік – немқұрайлық. Қордаланған мәселені уақытында шешпеу десем болады. Бір ғана дүние. Үш ауысымды мектептің мәселесін шешіміз деп әлі жүрміз. Бұл кез келген облыста бар. Ұлытау облысынан басқа, әрине. Онда бар-жоғы 200 мың халық тұрады. Тіпті ауылдарда да үш ауысымды мектеп бар.&nbsp; &nbsp;Ал әлемнің барлығы бір ауысымды мектеп жүйесін қалыптастырған. Білім саласы дамыған мемлекеттерді айтып жатырмын. Африкамен салыстыру артық. Немесе бізді тек қана ТМД-ның кеңістігінде салыстыруға да қарсымын. Біз есі дұрыс ел боламыз дейміз бе? Онда білім саласы бойынша ондықта тұрған Оңтүстік Корея, Жапония, Сингапур, Қытай, Финляндия, Норвегия, Эстония елдеріне қарап, бой түзейік. Бірақ біз әлі коммунистік идеологияны сүйреп жүрміз. Орындалды ма? Орындалды, қол қойылды, есеп берілді. Мәселе сонымен жабық.&nbsp;<img src="https://knadmin.beoblood.kz/uploads/373670944_276771848558941_2894833814757769065_n_b303d6eebb.jpg" alt="373670944_276771848558941_2894833814757769065_n.jpg">Фото Аятжан Ахметжанұлының парақшасынан&nbsp; - «Ұлттық мектептің» қарқыны қалай? - Орташа. Біздікі идея айналасындағы күрес. «Тәуелсіз Қазақстанның баласы қандай болу керек?» деген сұраққа жауап беру үшін осы ұлттық мектепті қолға алдым. Бірақ идеяны толық іске асыру үшін қаржы қолбайлау. Жеке мектеп болғандықтан мемлекеттен көмек жоқ. Тек оқыған балаға субсидия ала аламыз. Сондықтан бәрін өзіміз жасауға міндеттіміз. Мен миллиардер емеспін. Тіпті миллионер емеспін. Сол себепті барды қанағат етіп, ұмтылыстамыз.&nbsp; Концепциялық, әдістемелік, идеялық негізі секілді 6-7 тармақтан тұратын ғылыми-зерттеу тұрғысынан мектептерді қалыптастыруға күш салып жүрміз.&nbsp; - Тәрбиені мектепке ысырған ата-аналар бар. Бұған не дейсіз? - Қазір тәрбиені кім-кімге ысырмады? Қазақта «Екі түйе соғысса, ортасында шыбын өледі» деген бар. Ұрпақ тәрбиесі бәріне керек емес. Ата-ана мектепке, мектеп қоғамға лақтырады. Неге? Өйткені тәрбие бөлінді. Ол бөлінуге тиіс емес еді. &nbsp; &nbsp;Содан кейін үйдегі ата-ананың, мектепте ұстаздың қарапайым жүріс-тұрысының өзі балаға тәрбие. Мәселе осы тәрбиені бөліп алған соң туындап тұр. Негізі қазақ баласын үш-ақ ауыз сөзбен тәрбиелеген ғой. «Ұят болады, жаман болады, обал болады».&nbsp;«Адам адамнан тәлім алады, ағаш ағаштан мәуе алады» деп те бекер айтпаған. Адамды тәрбиелейтін – орта. - Күйіп тұрған мәселеге келсек. Қазақстанда орыс тілісіз өмір сүруге бола ма? - Болғанда қандай! Болады. Бұған өзім дәлелмін. Орыс тілін білмеймін. Мүлдем. Орыс тіліндегі құжатқа қол қоймаймын. Бұл – ұстанымым. Мен үшін елімізде негізгі тіл – қазақ тілі. Қазақстанның 8 қаласында «QazBilim» орталығы да тек қазақ тілінде жұмыс істейді. Бұл қалаларда 400-ге жуық адам бар. Яғни 400 адам жұмыс істейтін компания қазақ тілін алға қояды.&nbsp; Өткен жылы химиядан PhD докторлық диссертацияны да қазақ тілінде қорғадым. Орыс тілінсіз ғылымда да, басқасында да жетістікке жетуге болады деп есептеймін. Иә, тіл білу – мүмкіндік. Бірақ жетістікке жетудің кілті емес. Негізі бес тілді меңгергенмін. Мен сияқты бес тілді білетін, бірақ жетістікке жетпеген адамдарды білемін.&nbsp; - Сұхбаттасқаныңызға рақмет! &nbsp;

Қазақстан және Қызылорда облысының жаңалықтары: Білім