<a href="https://kyzylorda-news.kz/">Kyzylorda-news.kz</a> &nbsp;Оқу-ағарту министрлігі 2024–2025 оқу жылының қорытындысы бойынша еліміздегі ең үздік 100 мектептің тізімін жариялады. Бұл туралы <a href="https://stan.kz/kazakstandagi-en-uzdik-100-mekteptin-tizimi-zhariyaland-418594/">Stan.kz </a>ақпарат агенттігі хабарлайды.&nbsp;<a href="https://www.gov.kz/memleket/entities/control/documents/details/847511?lang=kk">Тізім</a> Қазақстандағы орта білім беру сапасына жүргізілген кешенді бағалау негізінде жасалған.Ең үздік мектептерді іріктеу оқу-ағарту министрлігіне қарасты білім саласында сапаны қамтамасыз ету комитетінің талдауы негізінде жүргізілді. Бағалау барысында тек академиялық көрсеткіштер ғана емес, сондай-ақ бірнеше әлеуметтік факторлар да ескерілген:- білім сапасын сырттай бағалау нәтижелері;- PISA және PISA for Schools халықаралық зерттеулеріне қатысуы;- білім жетістіктерін мониторингтеу деректері;- мұғалімдердің біліктілігі мен оқушылардың жетістіктері;- инклюзивті білім беру сапасы;- мектеп ішіндегі микроклимат пен тәрбие беру ортасы;- мектептердің экологиялық, ғылыми және әлеуметтік жобаларға қатысуы.<blockquote>"Бұл жай ғана рейтинг емес, бұл – мектептегі білім беру үдерісіне қатысушы барлық тараптардың: мұғалімдер мен директорлардан бастап, оқушылар мен ата-аналарға дейінгі кәсібилігін бағалау", – дейді комитет төрағасының орынбасары Майра Мелдебекова.</blockquote>Астана қаласында үздік мектептер ретінде келесі білім ордалары танылды:- Жамбыл Жабаев атындағы №4 мектеп-гимназиясы;- №73 мектеп-лицейі;- Шейх Халифа бен Заид Әл Нахаян атындағы №84 мектеп-лицейі;- Әлімхан Ермеков атындағы №38 мектеп-лицейі;- Абай Құнанбайұлы атындағы №87 мектеп-гимназиясы.Алматы қаласында:- Бауыржан Момышұлы атындағы №131 мектеп-лицейі;- №173 мектеп-лицейі;- Мұқағали Мақатаев атындағы №140 гимназия;- №16 лицей;- №15 гимназия.Шымкент қаласында үздік деп танылған мектептер тізімі төмендегідей:- Зоя Космодемьянская атындағы №23 мектеп-лицейі;- Ыбырай Алтынсарин атындағы №65 мектеп-гимназиясы;- А.С. Пушкин атындағы №1 мектеп-гимназиясы;- Н.Д. Оңдасынов атындағы №38 мектеп-гимназиясы;- Өлкетанушы ғалым О. Жолдасбеков атындағы №9 IT лицейі.Үздік мектептердің <a href="https://www.gov.kz/memleket/entities/control/documents/details/847511?lang=kk">толық тізімін</a> министрлік сайтынан көруге болады.Фото: Нұрболат Нұржаубай

Қазақстандағы ең үздік 100 мектептің тізімі жарияланды

<a href="https://kyzylorda-news.kz/">Kyzylorda-news.kz</a> &nbsp;Қорқыт ата атындағы Қызылорда университетінде ұлағатты ұстаз, тарихшы ғалым, тарих ғылымдарының кандидаты, профессор Меруерт Нағыметқызы Аңсатованы еске алуға «Отан тарихының іргелі мәселелері: алаштану, тұлғатану және тарихнамалық зерттеулер» тақырыбында республикалық семинар өтті.&nbsp; &nbsp;Жиынға зиялы қауым өкілдері, профессор-оқытушылар құрамы, ұстаздың шәкірттері, әріптестері мен туған-туыстары қатысты.Конференцияда Ғылыми жұмыстар және халықаралық байланыстар жөніндегі проректор Майнура Бурибаева Меруерт Нағыметқызының ғылымдағы жолы мен қоғамға сіңірген еңбектеріне тоқталды.Меруерт Аңсатова – саналы ғұмырын білім мен ғылымға арнап, бірнеше буын тарихшы мамандарын даярлаған ұлағатты ұстаз. Ұстаздық қызметімен қатар, ғылыми-зерттеу жұмыстарын да қатар алып жүрген ол отандық тарих ғылымының дамуына елеулі үлес қосты. Ғалымның халықаралық және республикалық басылымдарда 120-дан астам ғылыми мақаласы, 20-ға жуық ғылыми-әдістемелік құралы жарық көрген. Облыс тарихшыларымен бірлесіп «Сыр өңірі тарихы» ұжымдық еңбегін дайындауға атсалысқан.Ұстаздың еңбегі елеусіз қалған жоқ. Ол «Қазақстан Республикасының білім беру ісінің үздігі», Ыбырай Алтынсарин төсбелгісінің иегері, Қазақстан Республикасы Президентінің және министрлік деңгейіндегі бірнеше Құрмет грамоталары мен Алғыс хаттарымен марапатталған. 2019 жылы Қазақстан Республикасы жоғары оқу орындары қауымдастығының шешімімен «Жоғары және жоғары оқу орнынан кейінгі білім саласының үздік педагогы» атағын иеленді. Сонымен қатар, Қазақстан педагогикалық ғылымдар академиясының корреспондент мүшесі және облыс әкімінің 2012 жылғы стипендианты, «Қорқыт ата атындағы Алтын медаль» иегері.Семинарда Қорқыт ата атындағы Қызылорда университеттің «Тарих және археология» білім беру бағдарламасының аға оқытушысы, тарих ғылымдарының кандидаты Айтжан Оразбақов, Сәкен Сейфуллин атындағы Қазақ агротехникалық зерттеу университетінің Қазақстан тарихы кафедрасының қауымдастырылған профессоры, тарих ғылымдарының кандидаты Ляззат Джумалиева, әл-Фараби атындағы Қазақ ұлттық университетінің «Археология, этнология және музеология» кафедрасының қауымдастырылған профессоры Гүлжан Мейрманова, педагогика ғылымдарының магистрі, Қызылорда облыстық тарихи-өлкетану музейінің бөлім меңгерушісі Айгерім Беккулиева, Анкара Хажы Байрам Вели университетінің профессоры, тарих ғылымдарынын докторы Гүлжанат Құрманғалиева, Қорқыт ата атындағы Қызылорда университетінің су шаруашылығы және жерге орналастыру білім беру бағдарламасының профессоры, техника ғылымдарының докторы Серікбай Қошқаров, университет ардагері тарих ғылымдарының кандидаты, профессор Минсара Караманова, «Қазақ тілі мен әдебиеті және журналистика» білім беру бағдарламасының оқытушысы, доцент, филология ғылымдарының кандидаты Алдажар Әбілов және профессордың сіңілісі Фарида Ансатова, Гуманитарлық-педагогикалық институтының директоры, тарих ғылымдарының кандидаты, доцент Сағат Тайман ғалымның өмірі мен ғылыми мұрасы жайлы кеңінен баяндады.Конференция – ұлағатты ұстаздың жарқын бейнесін ұлықтап, оның ғылым мен қоғамдағы ізі мен өнегелі жолын кейінгі ұрпаққа үлгі етуге арналған тағылымды басқосу болды.

 Ұлағатты ұстаз Меруерт Аңсатованы еске алуға арналған республикалық конференция өтті

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінде “Электр энергетикасы, техносфералық қауіпсіздік негіздері және экология” білім беру бағдарламасының ұйымдастыруымен 5 маусым – Дүниежүзілік қоршаған ортаны қорғау күніне орай семинар өтті.Іс-шараның мақсаты – экологиялық мәдениетті қалыптастыру, қоршаған ортаны қорғаудың маңыздылығын түсіндіру және болашақ мамандардың экологиялық сауаттылығын арттыру болды.Семинарға Қызылорда облысы бойынша экология департаментінің мемлекеттік экологиялық бақылау бөлімінің бас маманы Қуаныш Бурибай, Санитарлық-гигиеналық зертхана меңгерушісі Айнұр Шойбекова, Инженерлі-технологиялық институтының директоры Бақытбек Абжалелов, сонымен қатар “Электр энергетикасы, техносфералық қауіпсіздік және экология” білім беру бағдарламасының профессор-оқытушылары мен студенттері қатысты.Жиын барысында сала мамандары қазіргі экологиялық жағдайға, табиғи ресурстарды ұтымды пайдалану жолдарына, өндірістік мекемелердің экологиялық жауапкершілігіне және жас ұрпақтың табиғатты аялаудағы рөліне тоқталды.Семинарда студенттер өздерін қызықтырған сұрақтарға сала мамандарынан нақты жауап алды. Сондай-ақ, кездесуде экологиялық мәселелерді шешуде жастардың белсенділігін арттыру қажеттілігі айтылды.Іс-шара соңында ғылыми-зерттеу жұмыстарында үздік нәтиже көрсеткен студенттерге алғыс хат табысталды.

Дүниежүзілік қоршаған ортаны қорғау күніне орай семинар өтті

<a href="https://kyzylorda-news.kz/">Kyzylorda-news.kz</a> Ғылым және жоғары білім министрі Саясат Нұрбек Назарбаев зияткерлік мектебі оқушысының мектептен шығарылуына байланысты даулы оқиғаға пікір білдірді. &nbsp;Бұл туралы kaz.inform.kz хабарлады.<blockquote>– Мәселе күрделі. Академиялық адалдық мәдениетін қалыптастыру қажет. Көшіру – өзіңе-өзің зиян тигізу, дипломдық жұмысты көшіру – өзіңе кесел. Бұл студент немесе мектеп оқушысының өзі алмаған білім. Қазір Назарбаев зияткерлік мектебінен оқушының шығарылуына қатысты даулы оқиға өрбіп жатыр және де бұл дұрыс шешім. Өйткені, мықты академиялық адалдықсыз сапалы білім қалыптастыру мүмкін емес. Барлық ең мықты білім жүйесі – канадалық, солтүстікамерикалық, жапондық жүйе академиялық адалдық қағидаты негізінде қалыптасқан. Егер плагиат қабылданбаса және антиплагиат мәдениеті өте қатаң түрде қалыптасса, онда сапа да болады. Сондықтан мұны дұрыс болды деп есептеймін. Мұндай кез келген жағдайда академиялық адалдық қағидатынан таймау қажет, – деді министр елордада өтіп жатқан Астана халықаралық форумы аясында.</blockquote>Фото: primeminister.kz

Саясат Нұрбек NIS оқушысының мектептен шығарылуы жайында: дұрыс шешім   

<a href="https://kyzylorda-news.kz/">Kyzylorda-news.kz</a> Назарбаев Зияткерлік мектебінің (NIS) өз оқушысына қатысты қабылдаған шешіміне бағынуымыз керек. Мәжіліс депутаты Асхат Аймағамбетов осындай пікір білдірді. Бұл туралы<a href="https://kaz.inform.kz/news/nazarbaev-ziyatkerlk-mektebnn-okushiga-katisti-sheshmne-kurmetpen-karau-kerek-aymagambetov-25b282/"> kaz.inform.kz</a> хабарлады.<blockquote>– Бұл мәселеге қатысты баға бере алмаймын. Жалпы, осы шешімге де баға беріп жатқан жоқпын. Мектеп деңгейіндегі және оқу орнының құзыретіндегі мәселе болғаннан кейін, оған қатысты ешқандай пікірімді білдірмедім. Атап айтқанда, мектеп шешім қабылдады және осы шешімге құрметпен қараймын. Осы шешім аясында ары қарай жұмыс жалғасады деп санаймын, – деді Асхат Аймағамбетов Парламент Мәжілісінің жалпы отырысынан кейін тілшілер сұрағына жауап бере отырып.</blockquote>Оның айтуынша, аталған оқиғада мұғалім мәртебесіне нұқсан келді.<blockquote>–&nbsp;Егер әр баланың тәртіп бұзу әрекетіне көз жұма қарасақ, онда не&nbsp;болады? Сондықтан мектеп тиісті шешімін қабылдады. Мен ол&nbsp;шешімге баға бермеймін. Бірақ академиялық адалдық пен мұғалім мәртебесі бойынша құқық бұзу дерегі болды. Мұғалім мәртебесін қолдап, академиялық адалдық бойынша жағдай жасау қажет,&nbsp;– деді депутат.</blockquote>Фото: &nbsp;primeminister.kz

NIS-тің оқушыға қатысты шешіміне құрметпен қарау керек – Аймағамбетов 

<a href="https://kyzylorda-news.kz/">Kyzylorda-news.kz</a> &nbsp;Алматы облысында мектеп бітіру кешінде оқушыны шампурмен өлтіру оқиғасына қатысты ішкі істер министрінің орынбасары түсініктеме берді, деп хабарлайды <a href="https://el.kz/oqushyny-shampurmen-oltirdi-mektep-direktory-qyzmetinen-bosatyldy_400025293/">El.kz </a>ақпарат агенттігі.<blockquote>Аталған факті бойынша қасақана кісі өлтіру бабымен қылмыстық іс қозғалды. Тергеу тобы жұмыс істеп жатыр. Қазіргі таңда белсенді тергеу амалдары жүргізілуде. Бүгінгі күні мектеп директоры қызметінен босатылды, оқу ісінің меңгерушісі мен екі сынып жетекшісіне қатаң тәртіптік шара қолданылды, – деді Санжар Әділов.</blockquote>Ол сондай-ақ күдікті жасөспірімге қатысты соттың санкциясымен екі айға қамауға алу бұлтартпау шарасы қолданылғанын хабарлады.Фото: pixabay.com

Оқушыны шампурмен өлтірді: мектеп директоры қызметінен босатылды

<a href="https://kyzylorda-news.kz/">Kyzylorda-news.kz</a> Қызылордада Ұлттық бірыңғай тестілеудің алғашқы күні үлкен даумен басталды. Сынақ тапсыратын орталықта қайта-қайта жарық сөніп, 160-қа жуық түлек қиындыққа тап болған. Тіпті соның кесірінен жинаған ұпайымыз аз көрсетіліп, дайындығымыз зая кетті дейді оқушылар. Ал ата-аналар тест орталығында бірнеше мәрте сөнген жарық ақаудан емес, қасақана жасалды ма деп күмәнданады. Бұл туралы <a href="https://stan.kz/4-sagatta-ortalikta-zharik-ush-ret-oshken-kizilordada-y-418497/">Stan.kz </a>ақпарат агенттігі <a href="https://www.youtube.com/watch?v=AQkYY5aDp8Q">Информбюро</a> бағдарламасына сілтеме жасап хабарлайды.Тест орталығынан көңілі құлазып шыққан түлектердің бірі Данара Омарова. Ол жарықтың жиі сөнгені білгенімізден жаңылдырды деп күйінеді. Көп сұраққа дұрыс жауап бергеніне сенімді болған бойжеткен нәтижені көріп өз көзіне өзі сенбепті.<blockquote>"Басында санап отырдым, жалпы 39 балл шықты. Оған нақты сенімдімін. Сосын бітіргеннен кейін қарасам 24 балл болып тұр. Оған сенбедім. Шынымды айтсам, жарықтың өшкені қатты әсер етті", –&nbsp;деді мектеп түлегі Данара Омарова.</blockquote>155 түлектің басым бөлігі сынақтан өте алмай қалған. Мектеп бітірушілердің айтуынша, тестілеуге бөлінген 4 сағатта орталықта жарық үш рет өшкен. Бұл үзілістер оқушылардың көңіл күйі мен зейініне теріс әсер еткенін айтады ата-аналар. Олардың сөзінше, бүкіл қалада жарық бар болғанымен, тек тестілеу орталығында ғана жарықтың өшкені түсініксіз жайт болып отыр.Қызылорда қаласының тұрғыны Гүлмейрам Нұрмағамбетова бұл жағдай балаларға кері әсер еткенін айтады.<blockquote>"Балалар жылап жатқанда ата-аналар шыдай алмай, жан-жаққа тарауға мәжбүр болды. Алайда министрлік бұл жағдай тек 5-9 минутқа ғана созылды деп хабарлап отыр. Бұл шындыққа жанаспайды. Себебі балалар өтірік айтпайды. Бір-екі бала емес, барлығы бұл жағдайдың 25-30 минутқа дейін жалғасқанын айтып отыр", –&nbsp;деді ата-ана Гүлмейрам Нұрмағамбетова.</blockquote>Орталықтың қызметкерлері ғимараттағы электр желісі құрылғылардың жүктемесін көтере алмады дейді. Сондықтан түлектерге қосымша уақыт берілді деп отыр. Ал бір сөніп, бір қосылған компьютерлер баллды төмендетіп көрсетті деген күмәнді жоққа шығарды.Ұлттық тестілеу орталығының бас сарапшысы Ақбота Байқоңырова түлектерге берілген 240 минут толық пайдаланылғанын айтып, жарықтың сөніп қалуы айтарлықтай кедергі келтірмеді деген пікір білдірді. Оның айтуынша, электр қуаты екі рет, яғни 9 минутқа және 5 минутқа сөнген. Компьютерлерді қолмен қайта қосуға біраз уақыт кеткенімен, тестілеу үдерісі жалғасқан.Алайда кейбір ата-аналар мен түлектер бұл ақпаратпен келіспейді. Олардың айтуынша, жарықтың өшуі 25-30 минутқа дейін созылған, ал бұл алғашқы сынақ мүмкіндігінің зая кетуіне себеп болды. Түлектер енді әділдік талап етіп, сынақты қайта тапсыруға мүмкіндік беруді сұрап отыр.Фото: Видеодан скрин

"39 балым 24 балл болып шықты": Қызылордада ҰБТ-ның алғашқы күні үлкен даумен басталды

<a href="https://kyzylorda-news.kz/">Kyzylorda-news.kz</a>&nbsp; Оқу-ағарту министрлігі Назарбаев зияткерлік мектебінен&nbsp;оқу жылының аяқталуына екі күн қалғанда&nbsp;шығып қалған&nbsp;11-сынып оқушысының жағдайына қатысты пікір білдірді.&nbsp;Бұл туралы&nbsp;<a href="https://stan.kz/news-418454/">Stan.kz</a>&nbsp;ақпарат агенттігі хабарлады.Министрлік ресми мәлімдеме жасап, Қазақстанда мұғалім мәртебесі заңмен бекітілгенін және оның қоғамдағы ерекше рөлін&nbsp;атап өтті.<blockquote>"Ата-аналар мен оқушылар ұстаздарды құрметтеуге&nbsp;тиіс, өйткені білім беру жүйесіне деген сенім ұстаздарға деген сенімнен басталады. Оқу-ағарту министрлігі олардың мәртебесіне нұқсан келтіретін кез келген әрекетті айыптайды. НЗМ тек ішкі тәртіп ережелеріне емес, адамгершілік пен кәсібилік қағидаттарына негізделген шешім қабылдайды деп сенеміз", – делінген хабарламада.</blockquote>Фото: Нұрболат Нұржаубай

"Ұстаздарды құрметтеу керек": Оқу-ағарту министрлігі Назарбаев мектебінен шығып қалған оқушының дауына қатысты пікір білдірді

<a href="https://kyzylorda-news.kz/">Kyzylorda-news.kz</a> Қазіргі заманғы білім беру жүйесінде ғылыми-техникалық прогресс пен еңбек нарығының қажеттіліктеріне бейімделген жоғары оқу орындарының рөлі артып келеді. Қазақстанның инновациялық даму стратегиясына сәйкес, жоғары білім беру саласын жаңғыртуда ғылыми-зерттеу жұмыстары мен халықаралық серіктестікті кеңейтудің маңызы зор. Осы тұрғыдан алғанда, Халықаралық инженерлік-технологиялық университеті (МИТУ) еліміздегі техникалық және экономикалық мамандарды даярлайтын жетекші жоғары оқу орындарының бірі болып табылады.МИТУ 2001 жылы "Қазақстан инженерлік-технологиялық университеті" ретінде құрылып, бүгінгі таңда білім беру бағдарламаларының кең ауқымын қамтиды. Университет төмендегі бағыттар бойынша жоғары білікті мамандар даярлайды:<ul style="list-style-type:disc;"><li style="text-align:justify;">Инженерлік-техникалық мамандықтар: ақпараттық-коммуникациялық технологиялар, бағдарламалық қамтамасыз ету, радиотехника және электроника, энергетика, технологиялық машиналар мен жабдықтар, стандарттау және сертификаттау, тіршілік қауіпсіздігі.</li><li style="text-align:justify;">Биотехнология және ауыл шаруашылығы: биоинформатика, биотехнология, бау-бақша және агроөнеркәсіптік кешен, топырақтану, химиялық технологиялар.</li><li style="text-align:justify;">Экономика және бизнес: қаржы, есеп және аудит, маркетинг, туризм, экономикадағы инновациялық технологиялар.</li></ul>Университет бакалавриат, магистратура және PhD докторантура бағдарламалары аясында мемлекеттік гранттар негізінде және ақылы бөлімдерде білім беру қызметін жүзеге асырады. Білім беру бағдарламалары халықаралық аккредитация агенттіктерімен сертификатталған, бұл олардың сапа стандарттарына сәйкестігін дәлелдейді.МИТУ ғылыми-зерттеу қызметіне ерекше назар аударады. Университет қабырғасында заманауи технологияларды дамытуға бағытталған бірқатар зерттеу жобалары жүзеге асырылып келеді. Ғылыми зерттеулердің нәтижелері Қазақстанның әлеуметтік-экономикалық дамуына үлес қосып, ұлттық және халықаралық деңгейде мойындалуда. Университет жас ғалымдарды қолдау мақсатында ғылыми-зерттеу гранттарын ұсынуда, бұл студенттер мен докторанттар үшін үлкен мүмкіндік.Университет халықаралық байланыстарды дамытуға белсенді қатысады. Қазақстан мен Қытай арасында өнеркәсіп пен білім беруді интеграциялау мақсатында Цзинши институты ашылды. Бұл жоба HUATEC өнеркәсіптік компаниясының және Шыңжаң қолданбалы технология институтының қатысуымен жүзеге асырылуда. Мұндағы негізгі мақсат – Қытай мен Қазақстан арасындағы академиялық және технологиялық алмасуды дамыту. Цзинши институты "Мұнай-химиялық технология" бағыты бойынша мамандар даярлайды. Институт студенттері Қытай мен Қазақстан университеттерінің ресурстарын пайдалана отырып, заманауи технологиялар мен өндірістік процестер туралы жан-жақты білім алады. Бағдарлама халықаралық деңгейдегі стандарттарға сәйкес әзірленген және студенттерге екі елдің жетекші сарапшыларынан білім алуға мүмкіндік береді.Сонымен қатар, университетте шетелдік сарапшылардың қатысуымен арнайы дәрістер өткізіледі. Глазго университетінің (Ұлыбритания) Adam Smith Business School жоғары оқу орнының аға оқытушысы Ramona Blanes студенттерге "Қаржы технологиялары және олардың саланы дамытуға әсері" тақырыбында дәріс оқыды. Бұл дәріс қаржы технологияларының қазіргі даму тенденцияларын талқылауға мүмкіндік берді. Ramona Blanes дәріс барысында FinTech индустриясының эволюциясын, қаржылық технологияларды енгізудің қиындықтарын, олардың бизнес модельдері мен тиімділігін егжей-тегжейлі қарастырды. Студенттер FinTech-тің болашағы мен оның экономикалық даму үдерісіне ықпалы туралы құнды ақпарат алып, өздерінің сұрақтарын қою мүмкіндігіне ие болды. Сондай ақ, студенттерге қаржылық технологиялар мен олардың бизнеске ықпалы туралы жан-жақты білім алуға мүмкіндік берді.Сонымен бірге, Suleyman Demirel University (Түркия) профессоры Omer Faruk Acar бизнес және кәсіпкерлік саласы бойынша маңызды дәрістер циклын өтті. Оның алғашқы "Бизнеске кіріспе" тақырыбындағы дәрісі студенттерді кәсіпкерліктің негізгі қағидалары мен тұжырымдамаларымен таныстырды. Дәріс барысында ол бизнес ортасының дамуы, басқару стратегиялары, экономикалық үрдістер және кәсіпкерлік қызметтің ерекшеліктері туралы кеңінен баяндады. Сонымен қатар, дәріс интерактивті форматта өтіп, студенттерге нақты бизнес-кейстерді талқылауға және кәсіпкерлік дағдыларын дамытуға мүмкіндік берді. Omer Faruk Acar-дың дәрістері студенттердің халықаралық тәжірибемен танысуына және заманауи бизнес-үрдістерді түсінуге зор ықпал етеді.МИТУ сонымен қатар Еуропа, Азия және АҚШ-тың жетекші университеттерімен академиялық серіктестік орнатқан. Оқу орны Erasmus+ бағдарламасы аясында студенттерге шетелде білім алу мүмкіндігін ұсынып, екі дипломдық бағдарламаларды іске асыруда. Бұл білім алушыларға халықаралық деңгейде бәсекеге қабілетті маман атануға жол ашады.МИТУ студенттік өзін-өзі басқаруды дамытуға және ғылыми іс-шараларды ұйымдастыруға ерекше көңіл бөледі. Университет қабырғасында келесі маңызды ғылыми-тәжірибелік шаралар өткізілді:2025 жыл университетте "Өзін-өзі басқару жылы" деп жарияланып, студенттердің бастамаларына қолдау көрсетуге бағытталған жаңа жобалар іске қосылды. Бұл бастама Қазақстан Президенті Қасым-Жомарт Тоқаевтың 2025 жылды "Жұмысшы мамандықтары жылы" деп жариялауын қолдауға бағытталған.&nbsp;Осы бағытта университетте еңбек адамдарын қолдау және студенттердің бастамасына демеу көрсету мақсатында, "Жаһандық студенттік көшбасшылық: дамуы, әсері, әрекеті" халықаралық форумы, онда студенттердің көшбасшылық қабілеттерін жетілдіруге арналған пікірталастар ұйымдастырылды. Форум әртүрлі елдерден келген белсенділерді, жас көшбасшыларды және студенттік ұйым өкілдерін бір алаңға жинады. Форум қонақтары АҚШ, Ұлыбритания, Түркия, Қытай, Ресей мемлекеттерінен қатысуда. Сонымен қатар METU-де Египет, Монғолия, Қытай, Түркия, Ресей, Марокко, Өзбекстан, Қырғызстан және т.б., әлемнің он бес елінен келіп білім алып жатқан шетел студенттері де Студенттік өзін-өзі басқару жылына арналған халықаралық форумға қатысты. Форумда жаһандық білім, рухани құндылықтар және технологиялардың дамуы мен экологияның сақталуы арасындағы баланс мәселелеріне ерекше назар аударылды. Пленарлық сессияларда «Болашақ біліміндегі жаһандық лидерлік», «Бәсекеге қабілетті түлектің атрибуттары» және ғылым мен технологиядағы инновациялық тәсілдер сияқты тақырыптар талқыланды.Университет студенттерінің белсенділігі нәтижесінде бірқатар әлеуметтік жобалар жүзеге асырылуда, олардың ішінде кәсіпкерлік бастамаларды дамыту және жастарды еңбек нарығына бейімдеу шаралары ерекше орын алады.Іс-шара барысында қатысушылар студенттік өзін-өзі басқарудың дамуы, тәжірибе алмасу және жастар көшбасшылығы саласындағы табысты бастамалар тақырыптарын талқылады."Қазіргі заманның әлеуметтік-экономикалық мәселелері: теория және практика" ғылыми-тәжірибелік конференциясы, бұл іс-шара экономикалық даму мәселелері бойынша ғылыми пікір алмасудың маңызды алаңына айналды."Инженерлік-технологиялық инновациялар" халықаралық конференциясы, онда жетекші ғалымдар мен сарапшылар инженерлік ғылымдағы заманауи жетістіктерді талқылады."Жас ғалымдар және болашақ технологиялар" халықаралық симпозиумы, бұл форум аясында студенттер мен жас зерттеушілер өздерінің ғылыми жаңалықтарын ұсынды.МИТУ студенттеріне сапалы білім алумен қатар, қолайлы инфрақұрылым ұсынады. 2019 жылы жаңа заманауи студенттер үйі (жатақхана) пайдалануға берілді. Онда студенттердің жайлы өмір сүруі үшін барлық қажетті жағдайлар жасалған: тегін Wi-Fi, фуршет алаңы, конференц-зал, кір жуу орны және тәулік бойы қауіпсіздік жүйесі.МИТУ студенттік ұйымдары белсенді жұмыс істейді. Олардың қатарына ғылыми-зерттеу клубтары, кәсіпкерлік үйірмелер, шығармашылық студиялар және спорт секциялары кіреді. Университет талантты студенттерді қолдау мақсатында жыл сайын стартап-жобалар конкурстарын өткізіп, инновациялық идеяларды қаржыландырады.Халықаралық инженерлік-технологиялық университеті Қазақстандағы жоғары білім беру саласында көшбасшылық орынға ие. Ол тек техникалық білім беріп қана қоймай, сонымен қатар ғылыми-зерттеу қызметін дамытуға, халықаралық серіктестікті кеңейтуге және білім алушылардың кәсіби және тұлғалық дамуына жағдай жасауға ерекше мән береді. Университет түлектері Қазақстан мен әлемнің әртүрлі салаларында жоғары сұранысқа ие мамандар ретінде танылып, ел экономикасының дамуына айтарлықтай үлес қосуда. Болашақта МИТУ өзінің ғылыми-инновациялық әлеуетін одан әрі арттырып, жаһандық білім беру кеңістігінде беделін нығайтуға ұмтылады.&nbsp;Дильдебаева Жулдуз Турсуновна,&nbsp;«Экономика және бизнес»кафедрасының меңгерушісі,экономика ғылымдарының кандидаты,қауымдастырылған профессор&nbsp; &nbsp; &nbsp; &nbsp; &nbsp;Бердімұратова Құралай Қадырқұлқызы,&nbsp;«Экономика және бизнес»кафедрасының аға оқытушысы

Халықаралық инженерлік-технологиялық университет: Инновациялар мен білімнің тоғысуы

<a href="https://kyzylorda-news.kz/">Kyzylorda-news.kz</a>&nbsp; Аталған жағдай бойынша құқық қорғау органдары қылмыстық іс қозғап, тергеу амалдарын жүргізіп жатыр.Оқиға Сайрам ауданында болды. Теспе ауылындағы «Нарымбет ата» ЖШС-не қарасты бөбекжай-балабақшада 26 адам тағамнан уланды. Уланғандардың ішінде 24 бала мен 2 қызметкер бар деп хабарлады<a href="https://kaz.inform.kz/news/turkstan-oblisinda-balabakshadagi-24-bala-tagamnan-ulandi-1d0f9e/"> kaz.inform.kz&nbsp;</a>Облыстық санитариялық-эпидемиологиялық бақылау департаментінің мәліметінше, балабақшада жүргізілген жоспардан тыс тексеру барысында санитариялық талаптардың өрескел бұзылғаны анықталған. Азық-түлік өнімдері мен қызметкерлерден алынған сынамалардан оң нәтижелер шыққан.<blockquote>–&nbsp;Барлық науқастарға алғашқы медициналық көмек көрсетіліп, үйлеріне қайтарылды.Тағамнан улануға асханада технологиялық процестердің бұзылуы, өнімдердің дұрыс сақталмауы және қызметкерлер тарапынан жеке бас гигиенасының сақталмауы себеп болған. Аталған жағдай бойынша құқық қорғау органдары қылмыстық іс қозғап, тергеу амалдарын жүргізіп жатыр,&nbsp;– делінген облыстық санитариялық-эпидемиологиялық бақылау департаменті тарапынан ұсынылған ақпаратта.</blockquote>Фото pixabay.com

Түркістан облысында балабақшадағы 24 бала тағамнан уланды 

<a href="https://kyzylorda-news.kz/">Kyzylorda-news.kz</a> Ақтауда жеке балабақшада қоштасу кеші дүркіреп&nbsp;өтті. <a href="https://www.instagram.com/p/DKHEe0qSwom/?utm_source=ig_web_copy_link">Желіде</a> алты жасар балаларды мейрамханаға ақ түсті&nbsp;лимузинмен&nbsp;әкелген сәт түсірілген видео тарады. Мейрамханада балдырғандарды скрипкашылардың орындауындағы музыкамен қарсы алған.&nbsp;Бұл туралы <a href="https://stan.kz/balabakshamen-koshtasu-418414/">Stan.kz </a>ақпарат агенттігі хабарлады.Мейрамханадағы балабақшамен қоштасу кешіне ұлдар көгілдір түсті&nbsp;классикалық киім киіп барса, қыздар балға киетін көйлек киіп барған. Мейрамхана мерекелік стильде безендірілген. Мерекелік шарада балалар қоштасу вальсін билеп,&nbsp;сыйлыққа&nbsp;мерекелік жиынтық алған.Мереке соңында бүлдіршіндер мантия киіп, файер-шоуды тамашалаған.Видеоға пікір білдірген желі қолданушыларының бірі балабақшамен қоштасу кешіне ата-аналардан ешқандай шығын шықпағанын, барлық шығынды балабақша басшылары көтергенін жазған.<blockquote>"Тігінші –&nbsp;өздерінікі, лимузин&nbsp;– ата-ананікі, жүргізушісі де&nbsp;– ата-ана", –&nbsp;деп жазыпты желі қолданушысы.</blockquote>Фото: видеодан кадр

Лимузин жалдап, мейрамханада өткізген: Ақтауда балақайлардың балабақшамен қоштасу кеші дүркіреп өтті

&nbsp;<a href="https://kyzylorda-news.kz/">Kyzylorda-news.kz</a> Алматы облысында мектеп оқушысын өлтіріп кетті.&nbsp;Бұл туралы&nbsp;Stan.kz&nbsp;ақпарат агенттігі хабарлайды.Облыстық полицияның мәліметінше, бала 11-сынып оқыған.Қаскелеңде&nbsp;түлектер мектеп бітіруін атап өтпек болып, кеш ұйымдастырған. Кеш үшін ата-аналары оларға коттедж жалдап берген."Отырыс кезінде&nbsp;сыныптастар арасында жанжал туындап, сол кезде біреуі екіншісіне сол жақ кеуде тұсына&nbsp;кәуап пісіретін шампур тығып алған.&nbsp;Жәбірленуші сол жерде қаза тапты", – делінген полиция есебінде.Сыныптасын өлтірген оқушы бірден ұсталды.”Кісі өлтіру дерегі бойынша сотқа дейінгі тергеу басталды. Полиция күдіктінің кім екенін анықтап, ол ұсталып, уақытша ұстау изоляторына қамалды. Жасөспірімнің заңды өкілдері бала тәрбиелеудегі міндеттерін тиісінше орындамағаны үшін әкімшілік жауапкершілікке тартылды”, –&nbsp;делінегн хабарламада.Полиция білім басқармасына өз құзыреті шегінде шаралар қабылдау үшін тиісті ұсыныс жолдады."Қазір қылмыстық істің барлық мән-жайын объективті зерттеуге бағытталған қажетті тергеу әрекеттері жүргізіліп жатыр", – деп хабарлады Департамент.Фото: Ru.freepik.com

Қазақстан және Қызылорда облысының жаңалықтары: Білім