Пяндж өзеніндегі ерлік

Kyzylorda-news.kz. ІІ Дүниежүзілік соғыста хабар-ошарсыз кеткен 7 отандасымыздың мәйіті табылды. Олардың аты-жөндері анықталып, елге жеткізілді. Бұл туралы ҚР Қорғаныс министрінің орынбасары Тимур Дандыбаев мәлім етті, деп хабарлайды ҚазАқпарат.
<blockquote>
 «Жеңістің 80 жылдық мерейтойы қарсаңында өтіп отырған бүгінгі шара соғыс кезінде ерлікпен қаза тапқандардың рухына көрсетілген құрмет. Сол секілді тарихты жаңғырту мен өскелең ұрпаққа өнеге болары сөзсіз. Соғысқа аттанған әрбір солдат тарихқа еніп, жастарды патриот болуға тәрбилеудің құралы. Сонымен қатар бүгінгі конференция екі ел арасындағы достық қарым-қатынастың белгісі. Тарих соғысы бәрібізге ортақ, ондағы ата-бабалардың ерлігі де ортақ. Ұлы отан соғысы кезінде Қазақстан аумағында 12 ату полкі, 4 кавалериялық дивизия, 7 атқыштар бригадасы, 50-ге жуық полк және арнайы бригада құрылып, соғысқа аттанды», – деді Тимур Дандыбаев.
</blockquote>
Тимур Дандыбаевтың дерегінше, соғысқа елімізден 1,5 млн-нан астам адам аттанған.
<blockquote>
 «Олардың 600 мыңы соғыста мерт болып, 271 мың отандасымыз хабарсыз кетті. Осы орайда соғыс кезінде із-түссіз кеткен жандарды іздеушілердің еңбегі зор. Олар отанды қорғауға аттанғандарға қатысты қандай да бір хабарды табу жолында төр төгіп жатыр. Аталған іске жастар да белсене қатысса деген ниет бар, бұл жас ұрпақты патриоттыққа баулиды. Соғыс кезінде хабар-ошарсыз кеткен отандастырымызды іздеу мен оларға қатысты деректерді табу біздің министрлік қызметінің басты бағыттарының бірі. Ресейдің іздеушілер тобымен бірлескен жұмыстың нәтижесінде биыл 7 қазақстандық әскердің мәйіті табылып, олардың аты-жөндері анықталды. Олар елімізге жеткізіліп, тиісті деңгейде қайта жерленді», – дейді ол.
</blockquote>
Айта кетейік, бүгін елордада Ұлы Отан соғысының 80 жылдығына арналған «Әлемді қорғағандарды есте сақтау, ақиқатты жеткізу» атты халықаралық конференция өтіп жатыр. Шара «Atamnyn Amanaty» қоғамдық бірлестгі «Ресейдің іздеу қозғалысы» жалпыресейлік қоғамдық қозғалысымен бірлесіп, Президенттік гранттар қорының қолдауымен ұйымдастырылды.

ІІ Дүниежүзілік соғыста мерт болған 7 қазақстандықтың мәйіті елге жеткізілді

<a href="https://kyzylorda-news.kz/ru/obshestvo/">Kyzylorda-news.kz</a>. *«Азаматтарға арналған үкімет» мемлекеттік корпорациясы» Қызылорда облысы бойынша филиалы кадрлық саясатқа көп көңіл бөледі. Мақсаты персоналды тиімді басқару, оны дамыту, жалпы корпоративтік құндылықтар мен біріктірілген кәсіби және тату команданы құру.*
Филиалда 870 адам еңбек етеді, персоналдың үштен бір бөлігін 30 жасқа дейінгі жас мамандар құрайды. 744 жұмыскерінің жоғары кәсіби білімі бар. Филиал жұмыскерлерінің орта жасы – 37 жас.
Міндеттерді шешу кадр саясатының практикалық қызметінің мәнін құрайды кадрлық жұмыс. Осында қызметі жатады жоспарлау, іріктеу, даярлау, орналастыру, қайта даярлау, бағалау, тәрбиелеу және ұтымды пайдалану. Кадр жұмысы, осылайша, құралы болып табылады кадр саясатын іске асыру.
Ұғым «кадрлармен жұмыс қамтиды барлық персоналдың әлеуметтік басқару және болжайды шартты түрде оларды бөлу үлкен үш топқа бөлінеді: бірінші жасасады талдау жасап, санаттары мен лауазымдардың, жоспарлау және болжау саласындағы кадрларды анықтау, қалыптастыру және қанағаттандыру көздерін кадрлық қажеттіліктерін; екінші – іріктеу, орналастыру, даярлау және кадрлардың біліктілігін арттыру; үшіншісі – ұйымдастыру мәселелері мен еңбегін бағалау, қалыптастыру тұрақты ұжымдарының күшейту және т. б.
Принципі тиімді пайдаланудың адами фактордың әлеуметтік-экономикалық дамуы негізінде жатқан кадрлармен жұмысты ұйымдастырудың қазіргі кезеңдегі іске асырылуда, үш негізгі бағыт бойынша:
бірінші – үшін қажетті жағдайлар жасау, жан-жақты және үйлесімді дамуы барлық қабілетін адам, оның кәсіптік қызметі;
екінші – қамтамасыз ету арттыру өнімділік және еңбек сапасын дамыту есебінен арнайы қабілеттері мен кәсіби шеберлігін жетілдіру негізінде жоғары кәсіби дайындық және жалпы мәдениет.
үшінші – жүйелі және жүйелі түрде жаңарту және толықтыру кәсіби білім, білік және дағдыларды, барлық санаттағы қызметкерлерді жоспарлау және жүзеге асыру, тұрақты кәсіби-біліктілік өсу.
Филиал қызметінің табысты болуы көбінесе кәсіпорынның алға қойған стратегиялық мақсаттары мен міндеттеріне жету үшін нарықтың өзгеріп отыратын талаптарына дер кезінде әрекет ете алатын қызметкерлерінің біліктілік деңгейімен анықталады. Сондықтан персоналды таңдау Филиал кадр саясатының басым міндеттерінің бірі болып табылады.
Филиалдың қажеттілігіне сәйкес персоналдың саны мен сапасының жаңаруы мен сақталуының оңтайлы балансын құру үшін Филиалда персоналды іздеу, таңдау және бейімдеудің ашық жүйесін қамтамасыз ететін персоналды конкурстық таңдау қағидалары енгізілді. Қабылдануға үміткерлер міндетті іріктеу кезеңдерінен өтеді: тестілеу, Филиалдың конкурстық комиссияда сұхбат.
Жұмысқа қабылданған жұмыскерлерді бейімдеу мақсатында еңбек ұжымына енуді, қарым-қатынастардың белгіленген нормаларын қабылдауды жеңілдететін және кәсіби білім мен дағдылар жүйесін игеруге жәрдемдесетін бейімдеу бағдарламасы әзірленді. Ауысым бойынша аға буын басшыларының, мамандардың және жұмысшылардың орнына кадрлық резерв құрылды, оларды тағылымдамадан өткізу, оқыту және аттестаттау тәртібі анықталды. Кадрлық резерв үнеміжаңартылыпотырады.
Маржан Қазанқапова,
«Азаматтарға арналған үкімет» мемлекеттік корпорациясы» Қызылорда облысы бойынша филиалының Кадр жұмысы басқармасының Бас сарапшысы

Маржан Қазанқапова: Корпорация кадр саясатына ерекше назар аударады

Kyzylorda-news.kz. Бүгін Қызылорда облысының әкімі Гүлшара Әбдіқалықова өңірдегі азық-түлік өнімдерінің бағаларын бақылау үшін қаладағы бірқатар ірі сауда орындары мен әлеуметтік дүкендерді аралады.
Айта кету керек, аймақ басшысы осы кезге дейін әлеуметтік маңызы бар 19 түрлі азық-түлік өнімдердің шекті бағадан асырмау, әлеуметтік дүкендер желісін көбейту жөнінде нақты тапсырмалар берді. Нәтижесінде бағаның негізсіз өсуіне жол бермеу үшін облыстың тұрақтандыру қорынан тауарлық интервенциялар жүргізу, сондай-ақ «айналым» схема бойынша бағаны тұрақтандыру механизмі аясында заем беру шаралары қабылданды.
Қазіргі таңда тұрақтандыру қорында 1042,9 тонна өнім көлемі сақталып, төмен бағада сатылуда, оның ішінде бірінші сортты бидай ұны – 616,5 тонна, күріш – 96,8 тоона, қант – 235,4 тонна, макарон – 72,3 тонна, қарақұмық жармасы – 21,9 тонна бар.
Ірі азық-түлік сауда орындарын аралаған өңір басшысы алдымен «Small» сауда үйіне барып, халық жиі тұтынатын әлеуметтік маңызы бар азық-түлік өнімдерінің бағаларын саралады. Сауда сөрелерінде тұрған ұн, қант, күнбағыс майы мен көкөніс өнімдерін бағасын бекітілген тізіммен сәйкестігін тексерді.
Мұнан кейін «Магнум» ірі сауда маркетіне барып, тауарлар қорын бақылап, бірқатар жергілікті өнімдердің бағасын саралап, тұрғындардың пікірін тыңдады. Сондай-ақ, Ә.Бөкейханов көшесіндегі «Аль-асад» сауда кешенінде болып, халық бірінші кезекте қажет ететін азық-түлік өнімдерінің бағаларын бағдарлады.
Жалпы әлеуметтік дүкендер мен бұрыштарда әлеуметтік маңызы бар азық-түлік тауарлары нарықтан біршама төмен бағада сатылуда. Қала ішіндегі сауда нүктелерін аралау барысында облыс әкімі әлеуметтік дүкендерді де бақылап қайтты.
Гүлшара Әбдіқалықова әлеуметтік дүкендердің желісін көбейту арқылы халыққа қолжетімді бағада өнім ұсынуға мүмкіндік кеңейетінін алға тартып, тиісті сала басшыларына жергілікті өнімдерді көбейту қажеттігін қаперге салды.
Бүгінде Тұрақтандыру қорының өнімдері мен айналым схемасы бойынша қамтамасыз етілетін өнімдер «Байқоңыр» ӘКК» АҚ-на қарасты 34 әлеуметтік дүкенде және қосымша Қызылорда қаласында орналасқан 5 ірі супермаркеттерінде («Мирас», «Аль-Асад» 8 филиалында, «Ажар Сити» 2 филиалында, «Анвар», «Қызылорда Оптомаркет») келісім бойынша ашылған әлеуметтік бұрыштарда сатылуда.
Ал, әлеуметтік дүкендердің желісін кеңейту мақсатында биыл 10 әлеуметтік дүкеннің құрылысы жүргізіліп, оның ішінде 5 дүкен іске қосылды.
<img src="https://kyzylorda-news.kz/wp-content/uploads/2021/09/fb_img_1631964816686.jpg" alt="" />
<img src="https://kyzylorda-news.kz/wp-content/uploads/2021/09/fb_img_1631964836231.jpg" alt="" />
<img src="https://kyzylorda-news.kz/wp-content/uploads/2021/09/fb_img_1631964819141.jpg" alt="" />
<img src="https://kyzylorda-news.kz/wp-content/uploads/2021/09/fb_img_1631964821844.jpg" alt="" />
<img src="https://kyzylorda-news.kz/wp-content/uploads/2021/09/fb_img_1631964841792.jpg" alt="" />

Гүлшара Әбдіқалықова ірі сауда орындарындағы азық-түлік бағаларын бақылады

<a href="https://kyzylorda-news.kz/">Kyzylorda-news.kz</a>. Қызылорда облыстық білім басқармасының басшысы Ақзира Қасымова «Абай оқулары» байқауының жүлдегерлері мен олардың ұстаздарын құттықтады.
Қызылорда облыстық білім басқармасының басшысы Ақзира Қасымова жалпы білім беру ұйымдарының 8-11 сынып оқушылары арасында өткен ХХІІ республикалық «Абай оқулары» байқауының жеңімпаздары І орын, алтын медаль иегері Әзен Аяулым мен ІІІ орын, қола медаль иегері Қуатбай Алтынды және олардың жетекші мұғалімдерін ZOOM платформасы арқылы құттықтады.
Онлайн жүздесуде басқарма басшысы Сыр өңірінің рухани-мәдени, ғылыми жетістіктерге қол жеткізуінде дарынды оқушылар мен мұғалімдердің үлесі зор екендігін атап өтіп, талантты оқушыларға мемлекет тарапынан жасалатын қолдаудың жалғаса беретіндігін жеткізіп, республикалық «Абай оқулары» байқауының жүлдегерлеріне ҚР Білім және ғылым министрлігінің дипломын табыстады, сонымен қатар, шәкірттерге білім беріп, ғылымға баулыған жеңімпаз оқушылардың жетекші ұстаздар Омарова Майраны, Амандос Мадинаны, Құттымұратова Лаззатты облыстық білім басқармасының алғыс хатымен марапаттады.

Ақзира Қасымова «Абай оқулары» байқауының жүлдегерлерін құттықтады

Kyzylorda-news.kz. Қарулы Күштерде әскерлерді қауырт тексеру басталды, деп хабарлайды ҚР Қорғаныс министрлігінің баспасөз қызметі.
Ел Президенті Қасым-Жомарт Тоқаевтың 2021 жылғы 1 қыркүйектегі Қазақстан халқына Жолдауында, сондай-ақ 2020 жылғы қарашада Қорғаныс министрлігінің алқасында белгіленген тапсырмаларын іске асыру аясында бірқатар өңірлік қолбасшылықтардың әскери бөлімдері, Десанттық-шабуылдау әскерлері, Әскери-теңіз күштері, Әскери-әуе күштері жауынгерлік әзірлікті тексеру мақсатында дабыл бойынша көтерілді.
Әскерлерді елдің өзге аймақтарына жіберуге бұйрық берілді.
Әскери қызметшілер әскери техникамен бірге теміржол эшелондарымен, әскери-көлік авиациясымен алыс жерлерге жіберіледі. Бұдан басқа, оқу-жаттығу мақсатында жеке құрамды тасымалдауға азаматтық авиакомпаниялардың ұшақтарын тарту жоспарланған.
Кейбір запастағы әскери міндеттілерді шақыруды жүзеге асыру үшін жергілікті әскери басқару органдарына нұсқау берілді. Бірнеше азаматқа әскерге шақыру қағаздары табыс етілді. Оның негізінде әскери бөлімдерді жасақтау үшін олар жинау пункттеріне келуі тиіс болды. Осылайша әскери-оқытылған резервті жұмылдыру мүмкіндіктері тексеріледі.
Белгіленген аудандарға келгеннен кейін әскерлер жауынгерлік оқу-жаттығу тапсырмаларын орындайды. Аталған тапсырмалардың мазмұны оларға қосымша жеткізіледі.

Әскерлерді қауырт тексеру басталды

<a href="https://kyzylorda-news.kz/">Kyzylorda-news.kz</a>.&nbsp;«ҚазТрансГаз Аймақ» АҚ Қызылорда өндірістік филиалы құбыр жолдары арқылы газды тасымалдау қызметін көрсетеді және Қызылорда облысы бойынша барлық санаттағы тұтынушыларға газды өткізу қызметін іске асырады. Қазіргі уақытта Қызылорда облысы бойынша газдандырылған абоненттер саны – 120 194 құрайды. Оның ішінде 117 473 тұрғын. 2021-2022 жылдарға арналған жылыту маусымына филиалдың меншігіндегі нысандар бойынша дайындығы 86 пайызды құрайды. Бұл туралы бүгін Өңірлік коммуникациялар қызметінде өткен баспасөз конференциясында «ҚазТрансГаз Аймақ» АҚ Қызылорда өндірістік филиалы директорының бірінші орынбасарының міндетін атқарушы Нұрлан Құрманбаев мәлімдеді.
<blockquote>
 «Дегенмен, бүгінде облыс бойынша тұтынушылардың дайындығы нашар. Кейбір жеке және заңды тұлғалардың әлі күнге дейін газ жабдықтарына техникалық қызмет көрсетуге арналған шартқа отырған жоқ. Сондай-ақ, газ тұтыну жүйелеріне және газ жабдығына техникалық қызмет көрсетуге арналған шарт жасаспай, оларды пайдалануға тыйым салынады», – деді Н.Құрманбаев.
</blockquote>
Сондай-ақ Нұрлан Құрманбаев қазіргі уақытта облыс бойынша тұтынушылардың пайдаланылған газ үшін қарызы шамамен 1 млрд теңгені құрайтындығын атап өтті. Сонымен қатар, филиал смарт-картамен алдын ала төлеуді жүзеге асыратын электрондық тұрмыстық газ есептегіштерін пайдаланатын тұтынушыларға тегін негізде электрондық көрсеткіштен механикалық көрсеткішке ауысуды ұсынды.
<blockquote>
 «Электрондық газ есептегіші ұзақ уақыт пайдаланылатындығына және батареяның тозуына байланысты, есептегіш істен шығады, осы ретте газ есептегішінің клапаны іске қосылып, газ беру автоматты түрде тоқтайды. Көбінесе бұл жағдай әр айдың аяқталу күнінде немесе әр айдың 1-күніне ауысу кезеңінде болады. Сондықтан, тұтынушылардың осындай көптеген өтініштері болған кезде, осы саланың мамандары газ беруді қалпына келтіру үшін есептегіштерді электронды түрде механикалыққа ауыстыруға бір уақытта орындауы мүмкін емес. Механикалық есептегішті қолданудың артықшылығы – газ берудің тұрақтылығы, кассаға кезекте тұрудың қажеті жоқ, бұл абонентке үйден шықпай-ақ, Халық және Каспи банктерінің мобильді қосымшалары арқылы тұтынылған газ үшін ақы төлеуге мүмкіндік береді», – деді Н.Құрманбаев.
</blockquote>

Қызылорда: «ҚазТрансГаз Аймақ» жылыту маусымына 86 пайыз дайын

<a href="https://kyzylorda-news.kz/">Kyzylorda-news.kz</a>. Жамбылда әскери бөлімшеге жақын орналасқан дәмхананың бейнебақылау камерасына жазылған жарылыстың видеосы жарияланды.
Видео AIBAT жаңалықтар қызметі instagram-да хабарлады. Таспада жойқын жарылыс екпіні дәмхана қонақтарын бірнеше метрге ұшырып жібергені бейнеленген.
«Камераға сондай-ақ сауық кешенінің жабық қақпасынан секіріп өтіп қашқан әскери форма киген адамдар түсіп қалған», – делінген.
<a href="https://24.kz/kz/zha-aly-tar/o-am/item/495706-tarazda-y-zharylys-s-ti-video-a-t-sip-al-an">Хабар 24</a>

Тараздағы жарылыс сәті видеоға түсіп қалған (ВИДЕО)

<a href="https://kyzylorda-news.kz/">Kyzylorda-news.kz</a>. Қызылорда облысында мемлекеттік көрсетілетін қызметтер заңнамасын бұзған басшылар әкімшілік жауапкершілікке тартылды.
Жыл басынан Қызылорда облысында қызмет көрсету талаптарын бұзған мемлекеттік органның басшыларына жалпы сомасы 393&nbsp;795 теңгеге 10 әкімшілік айыппұл салынған. Бұл жөнінде ҚР Мемлекеттік қызмет істері агенттігінің Қызылорда облысы бойынша департаментінің басшысы Рафхат Бисенов баспасөз мәслихаты барысында хабарлады.
Мемлекеттік қызметтерді көрсету барысында кездесетін заңбұзушылықтардың негізгі себептері – мерзімдерді сақтамау және қызмет көрсетуден негізсіз бас тарту болып отыр.
Айыппұл арқалаған басшылардың қатарында кент әкімі, аудандық бөлім басшыларынан бастап облыстық басқарма басшысы мен Қызылорда қаласының басшылығы да бар.
Атап айтар болсақ, жер учаскесінің нысаналы мақсатын өзгертуге шешім берудің мерзімін бұзғаны үшін Қызылорда қаласы әкімінің міндетін атқарушыға 3 әкімшілік хаттама толтырылып, айыппұлдар салынған.
Сондай-ақ, жер учаскелерін қалыптастыру жөнінде жерге орналастыру жобаларын бекіту қызметінің тәртібі мен мерзімін бұзғаны үшін облыстық жер қатынастары басқармасының басшысы 2 рет әкімшілік айыппұл төлеген.
Бұдан басқа Жаңақорған ауданының сәулет, қала құрылысы және құрылыс бөлімінің басшысы мемлекеттік қызметті көрсету мерзімдерін үш ай ішінде екі рет бұзып, айыппұлдар арқалаған.
«Жыл басынан бері Қызылорда облысында мемлекеттік көрсетілетін қызметтер саласындағы заңнама талаптарын бұзғаны үшін әкімшілік жауапкершілікке тартылғандар саны өткен жылдың ұқсас кезеңімен салыстырғанда екі есеге артқан.
<blockquote>
 «Департамент мемлекеттік көрсетілетін қызметтер көрсету саласына бағалау және бақылау жүргізетін уәкілетті орган ретінде ай сайын мемлекеттік органдармен көрсетілетін қызметтерге тұрақты түрде мониторинг жүргізіп, бұзушылықтарды анықтап, жауапты тұлғаларды әкімшілік және тәртіптік жауапкершіліктерге тартып отырады. Бұл бағыттағы жұмыстар жалғасын табады», – деді Рафхат Бисенов.
</blockquote>
Айта кету керек, мемлекеттік қызметтерді көрсету барысында заңбұзушылықтарға жол бергені үшін 2020 жылы 12 әкімшілік хаттама толтырылып, 437&nbsp;257 теңге өндірілген болатын. Соның ішінде, Қызылорда қалалық сәулет және қала құрылысы бөлімінің басшысы 4 рет, Қызылорда облысының табиғи ресурстар және табиғат пайдалануды реттеу басқармасының бөлім басшысы 3 рет әкімшілік жауапкершілікке тартылған.

Қызылордада қызмет көрсету талаптарын бұзған басшыларға айыппұл салынды

<a href="https://kyzylorda-news.kz/">Kyzylorda-news.kz</a>.&nbsp;«Ауыл – ел бесігі» бағдарламасы аясында Сырдария ауданындағы елді мекендерде 2 көше құрылысы мен 3 көшені жөндеу жұмыстарына 469 млн. теңге бөлінді. Бүгінде мемлекеттік сатып алу жұмыстары жүргізілуде. Бұл туралы аудан әкімі Мұрат Ергешбаев айтты.
Аудан әкімі Мұрат Нәлқожаұлының айтуынша, ауданда жарықтандыру жұмыстары – өзекті мәселелердің қатарында.
<blockquote>
 «Бүгінде ауданға қарасты елді мекендердің электр желілерінің 70 пайызының тозығы жетіп тұр. Олардың ішінде электр желілерін шұғыл жаңғыртуды қажет ететін Шаған, Аманкелді, Қоғалыкөл, А.Тоқмағамбетов ауылдары бар. Аталған мәселе бойынша қажетті материалдар есептілігі әзірленуде», – дейді аудан әкімі.
</blockquote>
Бұдан бөлек аудандық бюджеттен елді мекендердегі тозығы жеткен трансформаторларды жаңалау үшін 25,8 млн. теңге бөлініп, «Кентау трансформатор зауыты» серіктестігімен 10 дана трансформатор сатып алынды.
Сондай-ақ, биыл ақпан айында Тереңөзек кенті көгілдір отынға қосылды. Қазіргі таңда, аудан орталығында 710 жеке және 11 көпқабатты тұрғын үй, 18 бюджеттік және кәсіпкерлік нысан табиғи газдың пайдасын көруде. Қазіргі уақытта газдандыру көрсеткіші 30 пайызды құрайды. Жыл аяғына дейін бұл көрсеткішті 60 пайызға дейін жеткізуге жұмыс жүргізілуде.
Тағы бір айта кетерлігі А.Тоқмағамбетов, Қалжан ахун, С.Сейфуллин, Шаған елді мекендерін газдандыру жұмыстарына жоба-сметалық құжаттарын әзірлеуге 30 млн. теңге жергілікті бюджеттен қаржы бөлініп, жоба әзірленуде.

Мұрат Ергешбаев: Жарықтандыру жұмыстары &#8211; өзекті мәселелердің қатарында

<a href="https://kyzylorda-news.kz/">Kyzylorda-news.kz</a>. Бүгін Қызылорда облысының әкімі Гүлшара Әбдіқалықованың төрағалығымен өткен мәжілісте егін жинау жұмыстарына дайындық және мал азығын дайындау барысы талқыланды.
Жиынға облыс әкімінің орынбасары Бахыт Жаханов, облыстық ауыл шаруашылығы басқармасының басшысы Талғат Дүйсебаев, облыстық табиғи ресурстар және табиғат пайдалануды реттеу басқармасының басшысы Бауыржан Шәменов, «Қазсушар» республикалық мемлекеттік кәсіпорны Қызылорда филиалы директорының орынбасары Жорабек Ерназаров, Су ресурстарын пайдалануды реттеу және қорғау жөніндегі «Арал-Сырдария» бассейндік инспекциясы басшысы Сейілбек Нұрымбетов, «Байқоңыр» ӘКК» АҚ-ның басқарма төрағасы Ерлан Нұрланбаев, қала және аудан әкімдіктері онлайн селекторлық байланыс арқылы қатысты.
Жиында облыс әкімі аяқ су тапшылығын ескере отыра, ауыл шаруашылығы саласында бірқатар маңызды міндет қойылғанын атап өтті.
<blockquote>
 “Сонғы жылдардағы судың жетіспеушілігі салдарынан облыстың шаруашылық құрылымдары қиын жағдайда жұмыс жасап келеді. Биыл да су тапшылығы қайталанып, ауылшаруашылығы өндірісіне кері әсерін тигізуде. Су тапшылығын ескере отырып, біз күріш көлемін қысқартуға мәжбүр болдық. Дегенмен суды аз қажет ететін ауылшаруашылығы дақылдары есебінен жалпы егіс көлемін өткен жылмен салыстырғанда 3,9 мың гектарға ұлғайттық. Мемлекеттік қолдаудың және дихандардың еңбегінің арқасында көктемгі егін егу жұмыстары оңтайлы жүргізілді. Алда негізгі дақыл – күріштен жоғары өнім жинау міндеті тұр. Сондықтан қолда бар мүмкіндіктерді тиімді пайдаланып, егінді ысырапсыз, мерзімінде жинау және мал азығы қорын дайындау жұмыстарын сапалы атқаруымыз қажет”, – деді аймақ басшысы.
</blockquote>
Отырыста облыстық ауыл шаруашылығы басқармасының басшысы Талғат Дүйсебаев жем-шөппен қамтамасыз ету және егін жинау науқанына дайындық барысын баяндады. Биыл облыс бойынша егінге орақ салу жұмыстары тамыз айының үшінші он күндігінде бастауды және егін жинау науқанын ағымдағы жылдың 10 қазанынан кешіктірмей аяқтау жоспарлануда. Бүгінгі күнге 551,5 мың тонна шөп, немесе қажеттіліктің 71,6%-ы дайындалған.
Мұнан бөлек, 17 мың тонна жемдік астық және күріш өңдеу зауыттарынан 114,7 мың тонна күріш қалдығы өндірілетін болады. Сондай-ақ, басқарма басшысы қалған жетіспейтін жем көлемін «Азық–түлік келісімшарт» ҰК» АҚ арқылы сатып алынатынын жеткізді.
Отырыс барысында Су ресурстарын пайдалануды реттеу және қорғау жөніндегі «Арал-Сырдария» бассейндік инспекциясы басшысы Сейілбек Нұрымбетов Шардара су қоймасындағы су көлемі және төменге су жіберу барысы туралы айтса, аудан әкімдері қысқа мал азығын дайындау жұмыстары барысы бойынша есеп берді.
Жиынды қорытындылаған облыс әкімі сала басшыларына бірқатар тапсырма берді. Мәселен, облыстық ауыл шаруашылығы басқармасына егін жинау және мал азығын дайындау жұмыстарына жеңілдетілген бағамен облысқа бөлінген дизель отынын бекітілген кестеге сәйкес мерзімінде жеткізілуін бақылауды және Арал ауданында апта сайын өтетін жәрмеңкелерге мал азығының бекітілген көлемде жеткізілуін қадағалауды тапсырды. Сондай-ақ, Қызылорда қаласы және аудан әкімдерімен бірлесіп, жиналған өнімді уақытылы әрі тиімді пайдалануын бақылау жүктелді.
Мұнан бөлек, тиісті мекеме басшыларына жұмыстар барысы туралы уақытылы есеп беріп, сапалы жүргізілуін қамтамасыз ету, ауыл шаруашылығы жануарларының ауруын болдырмау және «Азық-түлік келісімшарт корпорациясы» акционерлік қоғамы арқылы жемдік азықтарды сатып алу жұмыстарын үйлестіру жөнінде тапсырма берілді. Ал, Арал ауданының әкімдігіне алдағы уақытта шаруа қожалықтарына жем-шөп қорын дайындауды алдын-ала жүзеге асыру қажеттігін түсіндіру міндеттелді.
<blockquote>
 “Қысылтаяң кезеңде жем-шөп дайындауға көмек көрсетіп, қолдау білдірген Жамбыл, Ақтөбе, Түркістан облыстарына, көрші аудандарға алғыс айтамыз. Дегенмен, алдағы уақытта шаруаларымыз өз бетінше алдын-ала қамдану керек. Жұмыс істеу алгоритмін жасап, жүйелі дайындық шараларын ұйымдастыру қажет”, – деп ескертті аймақ басшысы.
</blockquote>
Жиында көтерілген тапсырмалардың орындалуын бақылау және үйлестіру облыс әкімінің орынбасары Бахыт Жахановқа жүктелді.
<img src="https://kyzylorda-news.kz/wp-content/uploads/2021/08/fb_img_1629471616052.jpg" alt="" />
<img src="https://kyzylorda-news.kz/wp-content/uploads/2021/08/fb_img_1629471623248.jpg" alt="" />

Гүлшара Әбдіқалықова: Егінді ысырапсыз жинау, мал азығы қорын дайындау жұмыстарын сапалы атқаруымыз қажет

<a href="https://kyzylorda-news.kz/">Kyzylorda-news.kz</a>.&nbsp;Арал теңізінің құрғаған ұлтанында бұрын жүргізілген орман мелиорациялық екпелерді және алдағы уақыттарда орман мелиорациялық екпелер егу жоспарланған аумақтар бойынша көшпелі кеңес өтті.
Биылғы жылдың 10-12 тамызы аралығында ҚР ЭГжТРМ Орман шаруашылығы және жануарлар дүниесі комитеті төрағасының міндетін атқарушы Е.Құтпанбаев, Қызылорда облысы әкімінің орынбасары Б.Жаханов, «Республикалық орман селекциялық тұқым өсіру орталығы» РМҚК-ның директоры Ә.Ғазизұлы, Қызылорда облыстық орман шаруашылығы және жануарлар дүниесі аумақтық&nbsp; инспекциясы басшысының міндетін атқарушы И.Абдразахов, Қызылорда облысының табиғи ресурстар және табиғат пайдалануды реттеу басқармасы басшысының орынбасары Б.Оспанов болып, Арал теңізінің құрғаған ұлтанында бұрын егілген орман мелиорациялық екпелер және алдағы уақыттарда орман мелиорациялық екпелер егу жоспарланған аумақтар бойынша көшпелі кеңес өткізді.
Көшпелі кеңес жұмысы 10 тамыз күні Қызылорда облысы әкімдігінде басталды. Осы күні&nbsp; кеңеске қатысушылар, Арал, Қазалы орман және жануарлар дүниесін қорғау жөніндегі мемлекеттік мекемелерінің материалдық-техникалық базасымен танысты.
Келесі күні көшпелі кеңеске қатысушылар Арал теңізінің құрғаған ұлтанында Арал орман мекемесі Қасқақұлан орманшылығының № 83 орамында орналасқан 2013 жылғы 2580 гектар, № 87 орамында орналасқан 2019 жылғы 5000 гектар орман екпелерімен танысты.
Кеңеске қатысушылар, биылғы жылға жоспарланған 100 мың гектар жерге әуеден тұқым себілетін аумақтарда және Су қорынан Арал орман мекемесіне берілген 500 мың гектар жер учаскелерінде болды.
Сонымен қатар көшпелі кеңес мүшелері «Республикалық орман селекциялық тұқым өсіру орталығы» РМҚК-ны Оңтүстік-батыс аймақ филиалының орман тұқымбағында биыл атқарылған жұмыстармен танысты.
<img src="https://kyzylorda-news.kz/wp-content/uploads/2021/08/1-10.jpg" alt="" />
<img src="https://kyzylorda-news.kz/wp-content/uploads/2021/08/3-6.jpg" alt="" />
<img src="https://kyzylorda-news.kz/wp-content/uploads/2021/08/4-4.jpg" alt="" />

Қазақстан және Қызылорда облысының жаңалықтары: Рубрикасыз

Пяндж өзеніндегі ерлік

ІІ Дүниежүзілік соғыста мерт болған 7 қазақстандықтың мәйіті елге жеткізілді

Маржан Қазанқапова: Корпорация кадр саясатына ерекше назар аударады

Гүлшара Әбдіқалықова ірі сауда орындарындағы азық-түлік бағаларын бақылады

Ақзира Қасымова «Абай оқулары» байқауының жүлдегерлерін құттықтады

Әскерлерді қауырт тексеру басталды

Қызылорда: «ҚазТрансГаз Аймақ» жылыту маусымына 86 пайыз дайын

Тараздағы жарылыс сәті видеоға түсіп қалған (ВИДЕО)

Қызылордада қызмет көрсету талаптарын бұзған басшыларға айыппұл салынды

Мұрат Ергешбаев: Жарықтандыру жұмыстары – өзекті мәселелердің қатарында

Гүлшара Әбдіқалықова: Егінді ысырапсыз жинау, мал азығы қорын дайындау жұмыстарын сапалы атқаруымыз қажет

Арал теңізін орманшылар да құтқара алады

Қазақстан және Қызылорда облысының жаңалықтары: Рубрикасыз

Пяндж өзеніндегі ерлік

ІІ Дүниежүзілік соғыста мерт болған 7 қазақстандықтың мәйіті елге жеткізілді

Маржан Қазанқапова: Корпорация кадр саясатына ерекше назар аударады

Гүлшара Әбдіқалықова ірі сауда орындарындағы азық-түлік бағаларын бақылады

Ақзира Қасымова «Абай оқулары» байқауының жүлдегерлерін құттықтады

Әскерлерді қауырт тексеру басталды

Қызылорда: «ҚазТрансГаз Аймақ» жылыту маусымына 86 пайыз дайын

Тараздағы жарылыс сәті видеоға түсіп қалған (ВИДЕО)

Қызылордада қызмет көрсету талаптарын бұзған басшыларға айыппұл салынды

Мұрат Ергешбаев: Жарықтандыру жұмыстары &#8211; өзекті мәселелердің қатарында

Гүлшара Әбдіқалықова: Егінді ысырапсыз жинау, мал азығы қорын дайындау жұмыстарын сапалы атқаруымыз қажет

Арал теңізін орманшылар да құтқара алады

Мұрат Ергешбаев: Жарықтандыру жұмыстары – өзекті мәселелердің қатарында