Kyzylorda-news.kz. Кеше Сыр еліне ресми сапарымен келген Корея Республикасының делегациясы бүгін генерал Хон Бом Доның сүйегін еліне жерлеу үшін табытын туған жеріне алып кетті.
Арнайы шарада облыс әкімі Гүлшара Әбдіқалықова, орынбасары Серік Ахмет, қала әкімінің міндетін атқарушы Бектас Нұридинов, облыстық Корей этно-мәдени бірлестігінің төрайымы Елена Ким мәртебелі меймандарға құрметін білдірді.
Корея Республикасының патриоттар және ардагерлер жөніндегі министрі Хван Ги Чхоль, Корея Республикасының Қазақстан Республикасындағы Төтенше және Өкілетті Елшісі Ку Хонг Сок, «Генерал Хон Бом До мемориалы» қорының Төрағасы У Вон Шик, актёр Чо Вон Джун Сыр жұртының қаһарман тұлғаға деген ерекше құрметі үшін ризашылығын білдіріп, бұл сапар ынтымақтастық бағытындағы екіжақты әріптестікті, достықты одан әрі нығайтуға мүмкіндік беретінін айтып, алғысын жеткізді.
Шарада Қазақстан Республикасының сарбаздары Хон Бом Доның сүйегін табыстау рәсімін өткізіп, генералдың табытын Корея Республикасының сарбаздарына табыс етті.
Іс-шараға қатысушылар Хон Бон Доның құрметіне қоштасу рәсімін жасап, бас иді. Мәртебелі меймандар Қазақстан делегациясымен қоштасып, арнайы құрметін жеткізді.
Айта кетейік, шетелдік делегация сапарының басты мақсаты – өткен ғасырдың басында жапон басқыншыларына қарсы корей партизандық қозғалысының батыры болған, генерал Хон Бом Доның сүйегін туған жеріне алып кету және екі ел арасындағы ынтымақтастықты дамыту бағытында бірлескен жобаларды талқылау.
Ресми сапардың алғашқы күнінде мәртебелі меймандар «Хон Бом До» мемориалдық кешеніне барып, генерал Хон Бом Доның рухына тағзым етті. Сондай-ақ, жергілікті корей халқының рәсімі бойынша еске алу шарасынан кейін Хон Бом Доның қабіріндегі сүйегін Қазақстандық құрмет қарауылының қатысуымен ресми шығарып салу рәсімін өткізді.
Мұнан кейін облыстық мекемелер үйінде облыс басшылығы Корея Республикасы делегациясы өкілдерімен кездесті. Қос тарап өзара байланысты дамытуға бағытталған маңызды мәселелер қаралды. Білім, ауыл шаруашылығы, денсаулық сақтау салаларындағы өзара іс-қимылды кеңейту, туризм саласын дамыту және инвестициялық жобаларды жүзеге асыру бағытында бірлескен жобалар талқыланды.
<img src="https://kyzylorda-news.kz/wp-content/uploads/2021/08/fb_img_1629010704862.jpg" alt="" />
<img src="https://kyzylorda-news.kz/wp-content/uploads/2021/08/fb_img_1629010709248.jpg" alt="" />

Корея делегациясы генерал Хон Бом Доның табытын туған еліне алып кетті

<a href="https://kyzylorda-news.kz/">Kyzylorda-news.kz</a>. Токио төрінде өтіп жатқан Олимпиада ойындарының кезекті жарыс күнінде қазақстандық спортшылар спорттың төрт түрі бойынша сайысқа түседі.
Нұр-Сұлтан мен Токио арасындағы уақыт айырмашылығы +3 сағатқа тең.
Ертең қазақстандықтар өнер көрсететін спорт түрлері мынадай:
08:30 Су добы.&nbsp;Ерлер
Алдын ала іріктеу раунды. Қазақстан — Испания
12:00 Теннис.&nbsp;Әйелдер. Жеке разряд, Жартылай финал.
Елена Рыбакина — Белинда Бенчич (Швейцария)
14:15 Бокс.&nbsp;Ерлер
75 кг. 1/8 финал. Әбілхан Аманқұл — Фанат Кахрамонов (Өзбекстан)
14:18 Садақ ату.&nbsp;Ерлер
1/32 финал. Ильфат Абдуллин — Джеймс Вудгейт (Ұлыбритания)
15:51 Бокс.&nbsp;Ерлер.
+91 кг. 1/8 финал. Қамшыбек Қоңқабаев — Юсри Резк Мұстафа Хафез (Египет).
<a href="https://lenta.inform.kz/kz/tokio-2020-kazakstan-sportshylarynan-kimder-sayyska-tusedi_a3817496">ҚазАқпарат</a>

Токио-2020: Бүгін жарыс алаңына Қамшыбек Қоңқабаев шығады

<a href="https://kyzylorda-news.kz/">Kyzylorda-news.kz</a>. Қармақшы ауданы Жосалы кентінде құтқарушылар Сырдария өзенінде қалқып жүрген мәйітті жағаға шығарды.
<blockquote>
 «Белгісіз адамның мәйіті кенттегі «Батыс Қытай-Батыс Еуропа» тас жолының бойына орналасқан көпір маңында табылды. Рейдтік шаралар өткізіп жүрген төтенше жағдайлар саласының мамандары өзен үстінен белгісіз адамның мәйітін тауып, оны жағаға шығарды», – дейді облыстық төтенше жағдайлар департаменті өрт сөндіру және авариялық құтқару жұмыстары қызметінің маманы Әлия Ережепова.
</blockquote>
Кейіннен белгілі болғанындай, оның Қармақшы ауданының 1984 жылғы тұрғыны екендігі анықталды.

Қармақшы: Дарияда қалқып жүрген мәйіт табылды

<a href="https://kyzylorda-news.kz/">Kyzylorda-news.kz</a>. Қуаңшылық орнаған Арал ауданындағы ағайынға көмек беру жұмыстары Шиелі ауданында күннен күнге жанданып келеді. Бірнеше күн бұрын «Халық» шаруашылығы бастаған бұл істі бүгінде «Ақмая» шаруа қожалығы қолдап, тіркеме жегілген 2 камаз көлігін жөнелтті.
<blockquote>
 «Бұл керуен Аралдық ағайынға тегін үлестірілмек. «Көп түкірсе көл» деген. Аралдағы ағайынға аздаған болса да көмегіміз тисе, біз үшін сол нағыз бақыт» дейді«Ақмая» шаруа қожалығының төрағасы Дәулет Жұмбеков.
</blockquote>
Ал аудан әкімінің орынбасары Е. Апетовтың айтуынша, алдағы уақытта да шөп тиелген керуендер қуаңшылықтан зардап шеккен аудан жұртына жөнелтіле бермек. Бастысы елдің басына түскен қиындықты бірге еңсерсек болғаны.

«Ақмая» шаруа қожалығынан Аралдың бірнеше ауылына тегін шөп жөнелтілді

МӘМС: сақтандырылу мәртебеңізді қалай тексері аласыз?

<h4 id="kyzylordanewskzhttpskyzylordanewskz202026215"><a href="https://kyzylorda-news.kz/">Kyzylorda-news.kz</a>. «Қызылорда электр тарату тораптары компаниясы» акционерлік қоғамының 2020 жылдың қорытындысы бойынша тарифтік сметасының орындалуына жүргізілген талдау барысында, «Табиғи монополиялар туралы» Қазақстан Республикасы Заңының 26-бабының 2-тармағының 15) тармақшасы, яғни бекітілген тарифтік сметаны орындау талабының сақталмағандығы анықталды.</h4>
Қайта қаржыландыру ставкасын қоса есептегенде «Қызылорда электр тарату тораптары компаниясы» акционерлік қоғамының электр энергиясын беру қызметі бойынша негізсіз алынған табысының сомасы 82 709 745 теңге болды.
ҚР ҰЭМ Табиғи монополияларды реттеу комитетінің Қызылорда облысы бойынша департаментімен «Қызылорда электр тарату тораптары компаниясы» акционерлік қоғамының электр энергиясын беру қызметіне 1 кВт.сағат ҚҚС-сыз енгізілу және қолданылу мерзімі 2021 жылдың 1 тамызынан 2021 жылдың 31 желтоқсаны аралығына 4,893 теңге мөлшерінде немесе қолданыстағы тарифтермен 4,976 теңге салыстырғанда 1,7 пайызға және 2022 жылдың&nbsp;1 қаңтарынан 2022 жылдың 31 шілдесі аралығына 4,810 теңге мөлшерінде немесе қолданыстағы тарифтермен 4,893 теңге салыстырғанда 1,7 пайызға төмендетіліп уақытша өтемдік тарифтер бекітілді.
ҚР ҰЭМ Табиғи монополияларды реттеу комитетінің Қызылорда облысы бойынша департаменті

Қызылордада электр энергиясының тарифі төмендеді

Kyzylorda-news.kz. «Қазгидромет» мамандары 6 шілде күні Қазақстан аумағында ауа райы қандай болатынын айтты.
Ведомствоның мәліметінше, республиканың басым бөлігінде атмосфералық фронттардың әсерінен ауа райы тұрақсыз болады.
Найзағай жарқылдап, бұршақ жауады. Жел күшейіп, өткінші жаңбыр жауады.

6 шілдеге арналған ауа райы болжамы

<a href="https://kyzylorda-news.kz/">Kyzylorda-news.kz</a>.&nbsp; Шілде&nbsp;айында ауаның орташа айлық температурасы республиканың басым бөлігінде нормадан 1-2° жоғары, еліміздің солтүстік жартысында норма шамасында болады деп күтілуде.
Ай бойы Қазақстан аумағы бойынша ауа райының антициклоналды түрі басым болады деп болжанады, ыстық және жауын-шашын аз болуы күтілуде, тек жекелеген күндері циклондардың өтуімен қысқа мерзімді найзағаймен жазғы жаңбыр күтіледі, желдің 15-25 м/с күшеюі болжанады.
Республиканың батысында&nbsp;шілде&nbsp;айының бірінші онкүндігінде ауа температурасының біртіндеп төмендеуі болжанады, түнгі сағаттарда термометр бағаналары +19+28°С-тан +12+23°С-қа дейін,&nbsp;күндіз&nbsp;+30+38°С, оңтүстік-батыста +41°С-тан +24+32°С-қа дейін төмендейді.
Қазақстанның&nbsp;солтүстік-батысында,&nbsp;солтүстігінде&nbsp;және&nbsp;орталығында&nbsp;ауа температурасы:&nbsp;түнде&nbsp;+15+25°С,&nbsp;күндіз&nbsp;+33+38°С, кей жерлерде +41°С;&nbsp;еліміздің&nbsp;оңтүстік жартысында түнде&nbsp;+20+30°С,&nbsp;күндіз&nbsp;+37+45°С, таулы аудандарда +30°С, бірінші онкүндіктің соңында ауа температурасының 10-15°С төмендеуі болжанады.
Ыстық ауа райы ҚР&nbsp;шығысына&nbsp;жетеді ауа температурасы&nbsp;түнде&nbsp;+12+20°С-тан +20+28°С-қа дейін,&nbsp;күндіз&nbsp;+27+35°С-тан +33+41°С-қа дейін жоғарылайды, онкүндіктің соңында ауа температураның 7-10°С-қа төмендеуі болжанады. Бірінші онкүндікте қысқамерзімді найзағаймен жазғы жаңбыр, желдің күшеюі (дауыл, шаңды дауыл) айдың басында еліміздің батысында және солтүстік-батысында, 5-7 шілдеде Қазақстанның солтүстігі мен орталығында, онкүндіктің аяғында оңтүстік және шығыс бөліктерінде болуы мүмкін.
Шілде айының екінші онкүндігінің басында алдымен ҚР батысы мен солтүстік-батысында ауа температурасының жоғарылауы болжанады, содан кейін онкүндіктің ортасынан республиканың барлық аумағында температуралық фонның жоғарылауы болжанады. батыста және солтүстік-батыста:&nbsp;түнде&nbsp;+22+30°С-қа дейін,&nbsp;күндіз&nbsp;+33+43°С-қа дейін; солтүстікте, орталықта және шығыста:&nbsp;түнде&nbsp;+15+23°С-қа дейін,&nbsp;күндіз&nbsp;+28+39°С-қа дейін; оңтүстік және оңтүстік-шығыста:&nbsp;түнде&nbsp;+18+27°С-қа дейін,&nbsp;күндіз&nbsp;+35+43°С-қа дейін;
Үшінші онкүндікте еліміздің оңтүстік бөлігінде ауа температурасының&nbsp;түнде&nbsp;+10+17°С-тан +17+25°С-қа дейін,&nbsp;күндіз&nbsp;+22+33°С-тан +30+38°С-қа дейін, солтүстік жартысында&nbsp;түнде&nbsp;+5+13°С-тан +13+20°С-қа дейін,&nbsp;күндіз&nbsp;+18+26°С-тан +26+33°С-қа дейін ауытқуы күтіледі.

Шілдеде ауа райы қандай болады?

<a href="https://kyzylorda-news.kz/">Kyzylorda-news.kz</a>. Қазақстанда үнді штаммын (SARS-CoV-2-нің дельта нұсқасы) жұқтырғандар алғаш рет 21 маусымда елордада анықталды. Кейін вирустың Алматыға жеткені хабарланды.
“Дельта” деп аталуына себепші болған COVID-19-дың бұл қос мутациясы 2021 жылдың наурызында Үндістанда анықталды. Ол коронавирустың антиденелерге төзімділігін арттырады. Сондықтан екпе салдырғандар да COVID-19 жұқтыруы мүмкін.
<img src="https://kyzylorda-news.kz/wp-content/uploads/2021/06/17450104.png" alt="" />
<h3 id="">Коронавирустың үнді штаммы: белгілері</h3>
Үнді штаммын жұқтырған кезде науқастың буындары мен іші қатты ауырып, жүрегі айнып, құсуы мүмкін және бұл дерт кереңдік пен аяқ-қолда қанның ұйып қалына әкелуі ықтимал.
Инфекционист Абдул Гафур вирус жұқтырғандарда диарея жиі байқалатынын айтты. Эпидемияның бірінші толқынында іш өту өте сирек кездескен болатын.
Ресей билігі жаңа мутацияның келесі симптомдарын атады: мұрын біту, тамақтың ауырсынуы, бастың ауыруы.
Алматының бас санитар дәрігері Жандарбек Бекшин науқастың иіс сезуі нашарламауы мүмкін екенін және бастапқыда оның жағдайы кәдімгі тұмауға ұқсас болатынын айтты. Суық тиюдің алғашқы белгілері пайда болғаннан-ақ үнді штаммының ықтималдылығын жоққа шығармай, тез арада оқшауланып, дәрігер шақыру керек. Себебі жаңа штамм тез асқынады және аса қауіпті.
<blockquote>
 “Ғылыми журналдардағы мәліметтер бойынша, бүгінде Ұлыбританияда “Дельта” штаммы 99% көрсеткішпен басым түсіп отыр және Мәскеудегі ресейлік әріптестеріміз анықталған штаммдардың 90%-і “Дельта” штаммы екенін хабарлады”, – деді Бекшин.&nbsp;
</blockquote>
Қазақстан үкіметі адамдардың өздерін қорғау және ауру жұқтыру қаупін төмендетудің ең қарапайым әдісі – коронавирусқа қарсы вакцина салдыру екенін жеткізді.&nbsp;
<a href="https://sputnik.kz/infographics/20210626/17447983/undi-shtammy-turaly.html">Sputnik Қазақстан</a>

Үнді штаммы туралы не білеміз?

Kyzylorda-news.kz. Пандемия жағдайы мұғалімнің басты қызметі тек ақпарат беру емес, балаларға қолдау көрсету, жанашырлық таныту, оларды ынталандыру, көмек қолын созып, тәлімгер болу екенін де айқындап берді. Бұл пікірді ҚР Білім және ғылым министрі Асхат Аймағамбетов айтты, деп хабарлайды&nbsp;<a href="https://stan.kz/">Stan.kz</a>.
<blockquote>
 “Сіздерді 26 мамыр – 20 маусым аралығында жазғы мектептердің жұмысына белсене қатысуға шақырамын. Биылғы соңғы қоңырау мерекесінде ерекше сезімге бөленгеніңізді білемін. Өйткені, бір жағынан оқу жылы аяқталып жатса, екінші жағынан – жазғы мектептер жұмыс істей бастады. Біз мұндай жағдайдың қайталанбауы үшін қолдан келгеннің бәрін жасаймыз. Қашықтан білім беруде әріптестерім әлеуметтік желілерді белсенді әрі еркін меңгере бастап, өз сабақтарына ойын элементтерін енгізе бастағанын ерекше атап өткім келеді. Біз, әрине, осындай кәсіпқой мамандарымызды үнемі қолдап, оларды басқалар үшін үлгі етеміз. Бұл үрдіс ұмытылмай, керісінше, одан да үлкен әсерге ие болады деп үміттенемін”, – деп жазды министр Facebook желісінде.
</blockquote>
Министр оқушыларға тәрбие беру мәселесі мұғалім жұмысында өте маңызды екенін атап өтті.
<blockquote>
 “Бұл бағытта ата-аналармен бірлесе жұмыс істелуі тиіс. Сіз баламен оның жанында отбасы мен жақындары болмайтын бөтен ортада жұмыс істеп, оқушының бойында болуы мүмкін проблемалары туралы ата-аналарына дер кезінде айта аласыз. Бала отбасында да, мектепте де оған баса назар аударылатынын сезінуі керек. Бұған тек ата-аналармен тығыз байланыста, олармен тең және серіктестік қарым-қатынас құру арқылы қол жеткізуге болады. Балалардың қызығушылығын оятып, оларды қателіктері үшін айыптамаңыз. Керісінше, қателігін түзетуге көмектесіңіз. Сәттілікке ұласпаған әрекетінен кейін үміт пен сенімді жоғалтпауға үйретіңіз. Балалар өзгеше ойлап, өз пікірін білдіргендері үшін олардың ұпайларын төмендетпеңіз”, – деп кеңес берді Білім министрі.
</blockquote>
Сонымен бірге министр қазір балалардың барынша түсіністікпен қарауды аса қажет ететінін, оларға махаббат пен қамқорлық керек екенін айтты.
<blockquote>
 “Біз бүлдіршіндеріміздің мектепке барып, білім алғандарын қалаймыз. Сонымен қатар балаларымызды басқалармен салыстырғанымызды тоқтату керек. Пандемия жағдайы мұғалімнің басты қызметі тек ақпарат беру емес, балаларға қолдау көрсету, жанашырлық таныту, оларды ынталандыру, көмек қолын созып, тәлімгер болу екенін де айқындап берді. Бүгінгінің балалары мүлдем өзгеше, олар өздерін еркін ұстайды. Ендігі кезекте олардың бойларындағы жақсы қасиеттерді сақтап, одан әрі дамыту – біздің басты міндетіміз”, – дейді Аймағамбетов.
</blockquote>
Сөз соңында министр әріптестерін вакциналау науқанына белсенді қатысуға шақырды.
<blockquote>
 “Қымбатты әріптес! Сізді вакциналау науқанында белсенді азаматтық ұстанымыңызды танытып, вакцинация туралы ғылыми деректерді тарату барысында көмек көрсетуіңізді сұраймын. Сондай-ақ аталған тақырып аясындағы жалған ақпаратпен күресуге шақырамын. Мен оқытудың дәстүрлі форматын қолдаймын және бүлдіршіндеріміз үшін мектеп есіктері айқара ашылады деп үміттенемін. Халық вакциналау науқанына неғұрлым белсенді қатысса, әдеттегі өмір ырғағына соғұрлым тезірек оралатынымыз сөзсіз. Ел Президенті Қасым-Жомарт Тоқаевтың тұрақты қолдауының арқасында пандемия зардаптарын азайту мүмкіндігіне ие болдық. Қиындықтарды еңсеріп, оқу үрдісін қамтамасыз ете алдық. Осы қиын-қыстау кезеңде мен Сізбен бірлесе отырып, жұмыс істеу құрметіне ие болдым. Түсіністік танытып, қолдау көрсеткеніңіз үшін және адал қызметіңіз үшін алғыс білдіремін! Баға жетпес ұстаздық еңбегіңіз үшін, жанкешті жұмысыңыз бен кез келген уақытта балаларымызға тіреу болуға деген ізгі ниетіңіз үшін рақмет! Сіз – нағыз батыр, биылғы оқу жылының басты кейіпкері атандыңыз. Сізге сәттілік, мықты денсаулық тілеймін! Өзіңіз бен жақындарыңызға жанашыр болыңыз! Жазғы демалыс кезінде жақсы демалып, жаңа оқу жылына күш-қуатпен оралуыңызды тілеймін. Жаңа оқу жылында жолыққанша!”, – деп атап өтті министр.
</blockquote>

Білім министрі мұғалімдерге жүгінді

<a href="https://kyzylorda-news.kz/">Kyzylorda-news.kz</a>.&nbsp; Футболдан 2020 жылғы Еуропа чемпионатының финалдық кезеңі жалауын көтерді.
Аталған турнирдің шымылдығы Түркия және Италия құрамаларының кездесуімен ашылды. Ойын Италия астанасы Рим қаласындағы Олимпиада стадионында өтті.
Айта кетейік, екі құрама бұған дейін 14 мәрте кездескен.
Оның 10-ында италиялық футболшылар басым түссе, 4-еуінде қос құрама тең нәтижені қанағат тұтқан.
Түркиялық футболшылар аталған қарсыласынан ешқашан&nbsp;басым түсіп көрген емес.
Бүгінгі ойында да италиялық футболшылар басымдығын танытты. Кездесудің алғашқы минутынан тізгінді өз қолына алуға тырысты. Нәтижесінде алғашқы болып есеп ашты.
Оны 53-минутта түркиялық Мерих Демирал өзінің қақпасына соғып алды.
Ал 66-минутта Чиро Иммобиле есепті үстемелей түсті. Ал 79-минутта италиялық тағы бір футболшы Лоренцо Инсинье мергендік танытты.
Кездесуде Италия қарсыласынан 3:0 есебімен басым түсті.
Айта кетейік, екі құрама А тобында сынға түседі. Қарсыластары – Уэльс, Швейцария және Италия.
Еуропа біріншілігі ойындары бүгін, 12 маусымда жалғасады.
Бұл күні А тобында Уэльс пен Швейіария (сағат 18:50), В тобындағы Дания мен Финляндия (сағат 21:50), Бельгия мен Ресей (сағат 00:50) құрамалары кездеседі.
<a href="https://lenta.inform.kz/kz/futboldan-europa-chempionaty-italiya-turkiyany-iri-eseppen-zhendi_a3800081">ҚазАқпарат</a>

Италия Еуро-2020 ойынының ашылуында Түркияны жеңді

Kyzylorda-news.kz. Қызылорда қаласында 3 жылдан бері қазақтың ұлттық аспаптарын жасайтын шеберхана жұмыс жасайды.
Қызылорда қаласында мемлекеттік бағдарламалар аясында несие алып жұмыс жасап жатқан кәсіпкерлік нысандарға баспасөз туры ұйымдастырылды. Алғашқы бағыт «Жетіген Саз аспаптары» ЖШС болды. Серіктестік директоры Біржан Ділманов 2019 жылы «Нәтижелі жұмыспен қамту жаппай кәсіпкерлікті дамытудың 2017-2021 жылдарға арналған «Еңбек» мемлекеттік бағдарламасы аясында «Қызылорда» өңірлік инвестициялық орталығы» арқылы 6 пайызбен 14 млн теңге несие алған.
<img src="https://kyzylorda-news.kz/wp-content/uploads/2021/06/img-20210603-wa0052.jpg" alt="" />
Кәсіпкердің айтуынша, ол алғашқыда Алматы қаласындағы ұлттық аспаптар шығару шеберханаларында жұмыс жасаған. Біраз уақыттан кейін Қызылорда облысына оралып, Шиелі ауданындағы әкесінің шеберханасында өз ісін жалғастырған.
<blockquote>
 «Бұл кәсіпті ең алғаш әкемнің ағасы бастаған. Сонан соң бауырлары бірінен соң бірі кәсіпті дөңгелетіп әкетті. Мен де әке жолын қуып, қазақтың ұлттық аспаптарын шығаруды қолға алдым. Шиелі ауданында өткен көрмеде облыстың бұрынғы әкімі Қырымбек Көшербаев «мұндай кәсіптің облыс орталығында орналасқаны жөн» деген соң, кәсібіміздің көкжиегін кеңейту мақсатында қалаға көшіп келдік. Қазіргі таңда мемлекеттік сатып алу арқылы түрлі мекемелерден тапсырыс қабылдаймыз. Сонымен қатар өзге өңірлерден де сұраныс түседі. Домбыраның ең арзаны 45 мың теңгеден басталып, ең қымбаты 450 мың теңгеге дейін барады», – дейді кәсіпкер.
</blockquote>
Ұстаның айтуынша, бір домбыраны жасауға бір апта уақыт кетеді. Ал қымбат домбыраларға жарты жылға жуық уақыт жұмсалады. Бүгінде шеберханада 30-дан астам ұлттық аспап жасалады.
Кәсіпкер мемлекет тарапынан алған несиеге сурет, ою-өрнек оятын лазерлік құрылғы, ағашты кесіп-өңдейтін құрал-жабдықтар сатып алған. Қазіргі таңда шеберханада 5 адам жұмыспен қамтылған. Баспасөз-турының келесі бағыты қаладағы «Брусчатка KZO» нысаны болды. Тас төсеніштерді өндіретін цех 2019 жылы жұмысын бастаған. Бұл кәсіпкерлік нысан да аталған мемлекеттік бағдарламасы аясында 10 млн теңге несие алған. мемлекет тарапынан алынған қаражатқа кәсіпкер Назым Анарбекқызы «Камаз» жүк көлігін, өнім шығаруға арналған құрылғылар алып, цех құрылысын жүргізген.
<img src="https://kyzylorda-news.kz/wp-content/uploads/2021/06/img-20210603-wa0056.jpg" alt="" />
Кәсіпкердің әкесі Анарбек Күнтуаров 7 жыл бұрын қалада брусчатка өнімін шығарумен айналысқан. Алайда кәсіпкер қаражаттың жоқтығынан өз ісін жабады. Қазіргі таңда Анарбек Күнтуаров қызының кәсібін дөңгелетуге атсалысып келеді.
<blockquote>
 «Цехта күніне 60-100 шаршы метр брусчатка шығарылады. Өнімге қажетті шикізаттар Шиелі, Жаңақорған аудандарынан әкелінеді. Ал өнімнің бағасы түріне қарай шаршы метріне 2500-3000 теңгеден сатылады. Қазіргі таңда өнімге сұраныс көп. Бұған дейін қаладағы мектептерге өз өнімімізді сатып үлгердік», – дейді Анарбек Күнтуаров.
</blockquote>
<img src="https://kyzylorda-news.kz/wp-content/uploads/2021/06/img-20210603-wa0058.jpg" alt="" />
Кәсіпкердің айтуынша, түрлі-түсті тас төсеніштер шаршы метріне 3000 теңгеден сатылса, түссізі 2500 теңгеден сатылуда.
Қаладағы ірі кәсіпкерлік нысандардың бірі «Қыстаубаев» ЖК. Мұнда жиһаз жасалып, сатылымға шығарылады. Бұл кәсіпкерлік нысан да жоғарыда аталған бағдарлама негізінде 15 млн теңге несие алған. Қазіргі таңда мұндағы өнімдерге алыс-жақын шетелдерден де сұраныс бар. Кәсіпкерлік нысанда 6 адам жұмыспен қамтылған.
<img src="https://kyzylorda-news.kz/wp-content/uploads/2021/06/img-20210603-wa0044.jpg" alt="" />
«Нәтижелі жұмыспен қамту жаппай кәсіпкерлікті дамытудың 2017-2021 жылдарға арналған «Еңбек» мемлекеттік бағдарламасының игілігін көрген «Орда Инвест» кәсіпкерлік нысаны да 2019 жылы 8,3 млн теңге несие алып, қала орталығында өз кәсіпкерін жөңгелетіп келеді. Бұл кәсіпкерлік нысан құрылысқа қажетті әк және пескоблок өнімдерін шығаруда.
<img src="https://kyzylorda-news.kz/wp-content/uploads/2021/06/img-20210603-wa0041.jpg" alt="" />
«Орда Инвест» ЖК басшысының орынбасары Азамат Жанақұловтың айтуынша, цехта күніне 4 тонна әк, 1000-1100 дана пескоблок өндіріледі. Кәсіпкерлік нысан бүгінде 13 адамды жұмыспен қамтып отыр.
<blockquote>
 «Пескоблок өніміне шикізат Шиелі ауданында әкелінеді. Алдағы уақытта әк өнімін көбейтуді жоспарлап отырмыз. Сонымен қатар пескоблок өнімін шығаратын тағы 2 құрылғы сатып алу жоспарда бар», – дейді Азамат Жанақұлов.
</blockquote>
<img src="https://kyzylorda-news.kz/wp-content/uploads/2021/06/img-20210603-wa0047.jpg" alt="" />
Баспасөз туры барысында көрген кәсіпкерлік нысандардың барлығы мемлекет тарапынан қолдауға ие болған. Олар алдағы уақытта да мемлекеттік бағдарламалар аясында кәсіптерін кеңейтуді көздейді.
<blockquote>
 Қызылорда қаласы мен қалаға қарасты кент және ауылдық округтер бойынша биыл жоба құны 207 млн 540 мың теңгені құрайтын 23 жоба қолдау алды. Бөлім тарапынан мемлекеттік бағдарламалар аясында жүзеге асырлатын жобаларды сүйемелдеу, қолдау көрсету, түсіндіру, насихаттау жұмыстары тұрақты түрде жүргізілуде», – дейді Қызылорда қалалық кәсіпкерлік, өнеркәсіп және туризм бөлімінің басшысы Бағлан Амангелдиев.
</blockquote>
Айта кетейік, биылғы жылдың мамыр айына дейін облыс орталығында 26 358 шағын кәсіпкерлік нысан тіркелген. Оның ішінде нақты жұмыс жасап тұрғаны 22 518 нысанды құрайды. Бұл көрсеткіш өткен жылдың осы кезеңімен салыстырғанда 3,6% пайызға өсті. Аймақта жұмыс істеп тұрған шағын және орта кәсіпкерлік субъектілерінің 45,5%-ы Қызылорда қаласының үлесінде.

Қазақстан және Қызылорда облысының жаңалықтары: Рубрикасыз