<a href="https://kyzylorda-news.kz/ru/obshestvo/">Kyzylorda-news.kz</a>. Жаңа жыл мейрамын ұжыммен бірге атап өтуге рұқсат беретін шешімді қала мен облыстардағы бас санитарлық дәрігерлер қабылдайды, деп хабарлайды «Хабар 24».&nbsp;
Бәрі де өңірлердегі эпидемиологиялық жағдайға байланысты. Бұл туралы ҚР денсаулық сақтау министрі Алексей Цой айтты. Мәселен, қазір Павлодар және Солтүстік Қазақстан облыстары «қызыл» аймақта. Ақмола, Қарағанды, Қостанай облыстары мен Нұр-Сұлтан қаласы «сары» аймақта. Сондықтан белгілі бір шектеулер болуы мүмкін.

Қазақстанда жаңа жылды тойлауға рұқсат беріле ме?

<h4 id="kyzylordanewskzhttpskyzylordanewskzruobshestvo72"><a href="https://kyzylorda-news.kz/ru/obshestvo/">Kyzylorda-news.kz</a>. Әлемде әрбір үшінші адам ағзаға су жетіспегеннен зардап шегеді, бірақ олардың үштен екісі бұл туралы білмейді. Қажетті мөлшерде су ішпеу небір дерттің пайда болуына себеп болуы мүмкін. Ғалымдардың айтуынша, адам сусыз 72 сағаттан артық өмір сүре алмайды. Егер су жетіспесе, адам ағзасы дабыл қаға бастайды</h4>
<h5 id="">Тамақтың құрғауы</h5>
Ауыздың, тамақтың құрғауы, шөлдеу – дегидратацияның ең негізгі белгілері.&nbsp;Бұл сигналдарды жиі елемеу басқа да күрделі проблемаларға әкеп соғуы мүмкін.
<h5 id="-1">Терінің құрғауы мен «сұрлануы»</h5>
Адамға су жетіспейтіні көзге анық көрініп тұрады. Өйткені, дегидратация бірден теріге әсер етеді. Бет пен қол терісі құрғап, икемділігін жоғалтады.
<h5 id="-2">Көздің құрғауы</h5>
Денеге сұйықтық жетіспесе, көздің шырышты қабаты жеткілікті түрде ылғалданбайды, сондықтан көзге құм толғандай жағымсыз сезім пайда болады. Тамақтанар алдында 10 минут бұрын кем дегенде бір стақан су ішу керек.
<h5 id="-3">Көз астының «көлеңкеленуі»</h5>
Көз аймағындағы майлы тін дегидратацияға да, артық сұйықтыққа да сезімтал келеді. Су жетіспеушілігінің жиі кездесетін белгісі – көз астының қараюы.
<h5 id="-4">Жүрек қағысының жиілеуі</h5>
Ғалымдар дегидратация жүрек ырғағына қатты әсер ететінін ұзақ уақыт бойы дәлелдеді. Денедегі сұйықтықтың болмауына байланысты плазма көлемінің төмендеуі қан айналымының жоғарылауына және жедел импульстік ритмге әкеледі.
<h5 id="-5">Бас ауруы және бас айналу</h5>
Егер бас ауырып, айналса, су ішу режиміне назар аудару керек. Өйткені су жетіспесе, миға оттегі мен қан ағыны да азаяды, осылайша бас ауырады.
<h4 id="-6">Жалған дабыл</h4>
Адам көбінесе шөлдеу белгілерін ажырата алмайды, шөлдесе, қарным ашты деп шатастырады.
<h4 id="-7">Бұлшық еттің ауырсынуы</h4>
Бұлшық ет көбінесе су жетіспегеннен ауырсынады. Адамның буыны мен шеміршегі 80% судан тұратынын бәрі бірдей біле бермейді. Судың жетіспеушілігі сүйек арасында үйкеліс тудырады. Демек, буындардың ауыруы, тіпті құрысулардың да себебі дегидратация болуы әбден ықтимал.
<h4 id="-8">Бүйректе тас пайда болады</h4>
Суды аз ішу бүйректе тас пайда болуына себеп болуы мүмкін.
<h4 id="-9">Тез шаршау</h4>
Адам ағзасындағы барлық метаболикалық процестер, соның ішінде жасушалардағы энергия өндірісі сұйықтық жеткіліксіз болса, айтарлықтай баяулайды. Ең көп зардап шегетін – ми, ол 90% судан тұрады және дегидратацияға өте сезімтал. Бұл – шаршау мен бас ауруын тудырады. Сондықтан мамандар дәрі ішуге асықпауға кеңес береді. Кәдімгі бір стақан су жағдайыңызды оңалтуы мүмкін.
<a href="https://turkystan.kz/article/158782-agzaga-su-zhetispegende-baykalatyn-8-belgi/?utm_source=target&utm_medium=target&utm_campaign=target&utm_content=target&fbclid=IwAR0I2Et2wVVd_MNH0OB4sVX2xzmxTsdloE_lt5MdFy2aMJEU7RVIiY6-s7o">Turkystan.kz</a>

Су жетіспесе ағзада қандай өзгеріс болады?

<a href="https://kyzylorda-news.kz/ru/obshestvo/">Kyzylorda-news.kz</a>. Жыл басынан бері облыстық бюджеттен 3124 тонна өнім сатып алуға 900 млн. теңге қаржы бөлінді. Бұл туралы аймақ басшысы Гүлшара Әбдіқалықова ҚР Орталық коммуникациялар қызметінің алаңында өткен брифингте айтты.
<blockquote>
 «Әлеуметтік маңызы бар азық-түлік тауарларының бағасын тұрақтандыру мақсатында Тұрақтандыру қоры жұмыс жасауда, айналым схемасы бойынша қарыз қаражаты берілуде.&nbsp;Соңғы 2 жылда осы схема бойынша 15 кәсіпкерлік субъектісіне 1083 млн. теңге бөлінді», – деді Гүлшара Наушақызы.
</blockquote>
Айта кетейік, кәсіпкер қарыз есебінен халықты нарықтық бағадан төмен бағамен азық-түлікпен қамтамасыз етеді, сондай-ақ, облыстың кез келген ірі дүкенінде өзінің әлеуметтік бұрышын аша алады. Қарыз қаражаты тауар өндірушілерге ауыл шаруашылығы өнімдерімен не оны қайта өңдеу өнімдерімен қамтамасыз ету үшін тікелей де беріледі. Субъект алған қарызын «Байқоңыр» ӘКК-ге кері қайтарады.
<blockquote>
 «Жыл бойы тұрақты түрде 36 ауыл шаруашылығы жәрмеңкесі өткізілді. Азық-түлік тауарлары нарық бағасынан 15-20% төмен бағамен сатылды. Азық-түлік тауарларын өндірушілер және сауда субъектілерімен бағаның негізсіз өсуіне жол бермеу туралы 300-ге жуық меморандумға қол қойылды, сондай-ақ, өндірушілер, көтерме жеткізушілер және ірі сауда желілерімен 13 монополияға қарсы комплаенс жасалды. Нәтижесінде әлеуметтік маңызы бар тауарларға баға индексі бүгінде орташа республикалық деңгейден аспайды», – деді аймақ басшысы.
</blockquote>

Қызылордада 3124 тонна өнім сатып алуға 900 млн. теңге қаржы бөлінді

<a href="https://kyzylorda-news.kz/ru/obshestvo/">Kyzylorda-news.kz</a>. Бұқаралық спортты дамыту мақсатында Қызылорда облысында 7 спорт кешені пайдалануға берілген.
Аймақ басшысының айтуынша, қазіргі таңда 6 спорт кешенінің құрылысы жалғасуда.
<blockquote>
 «Мемлекет басшысының тапсырмасына сәйкес облыста 2156 баланы қамтитын мемлекеттік спорттық тапсырысты қаржыландыруды 2021 жылғы 212 млн. теңгеден келесі жылы 4312 балалар үшін 638 млн. теңгеге ұлғайтуды жоспарлап отырмыз. Биыл Қазақстан Олимпиада құрамасының ту ұстаушысы, боксшы Қамшыбек Қоңқабаев қола жүлдегер атанды», – деді Гүлшара Наушақызы.
</blockquote>
Сыр спортшылары Әлем және Азия чемпионаттарында 66 медаль (24 алтын, 9 күміс, 33 қола), республика чемпионаттары мен кубоктарында 851 медаль (270 алтын, 245 күміс, 336 қола) жеңіп алды.

Қызылордада 6 спорт кешенінің құрылысы жалғасуда

<a href="https://kyzylorda-news.kz/ru/obshestvo/">Kyzylorda-news.kz</a>. Бүгін облыс әкімі Гүлшара Әбдіқалықова аймақтағы экономика және қаржы саласының қызметкерлерін «ҚР Ұлттық валютасы-теңге күнімен» тұспа-тұс келетін кәсіби мерекесімен құттықтады.
Аймақ басшысы қаржыгерлерді Ел Тәуелсіздігінің 30 жылдығымен және сала органдарының 100 жылдық мерейтойымен құттықтап, облыстың экономикалық серпінді дамуына қосқан ерекше үлесін атап өтті.
<blockquote>
 «Мемлекеттік маңызды істердің алға басуына республика өңірлерінің, соның ішінде Қызылорда облысының қосқан үлесі зор. Бір ғасырлық кезеңде Сыр өңірінің қаржыгерлік мектебі де қалыптасып, өсіп-өркендеді. Камал Шөкенов, Бименді Баймаханов, Құттықожа Ыдырысов ағаларымыздың есімдері бүгінгі күні өңірдің қаржы тарихына алтын әріппен жазылып қалса, Сейітсұлтан Әйімбетов, Қалқазбек Әжібеков, Дайрабай Ысқақов, Мырзахмет Ауанов, Болатбек Жасақбаев, Майдан Мәселеева, Райхан Ысқақовалар қоғамдық деңгейде белсенді үлес қосуда. Ел экономикасының дамуына аянбай күш-жігерін жұмсап, жауапкершілік жүгін арқалап, адалдықпен еңбек еткен қаржы саласының ардагерлері мен сала мамандарына алғысымды білдіремін», – деді облыс әкімі.
</blockquote>
Шара барысында Қызылорда облысы әкімдігі мен облыстық мәслихатының бірлескен шешіміне сәйкес, белгілі экономист-қаржыгер, мемлекет және Сейітсұлтан Әйімбетовке «Қызылорда облысының құрметті азаматы» атағы берілді.
Айта кетейік, Сейітсұлтан Сүлейменұлы Әйімбетов 1947 жылы 15 шілдеде Қызылорда облысы Сырдария ауданында дүниеге келген. Алғашқы еңбек жолын ҚазССР Қаржы министрлігінің бақылау-ревизиялық басқармасының бақылаушы-ревизоры ретінде бастап, Қазақстан Республикасының Мемлекеттік қаржылық бақылау комитетінің төрағасы, Әділет вице-министрі қызметтерін атқарған. ҚР Парламенті Мәжілісінің IV шақырылымның депутаты болып сайланған. Бірнеше медальдар мен «Құрмет» орденінің кавалері. 
Сондай-ақ, аймақ басшысы бірқатар сала қызметкеріне ҚР Ұлттық экономика министрлігінің «Құрмет грамоталары» мен ҚР Қаржы министрлігінің және облыс әкімінің Алғыс хаттарын табыстады. 
Мерекелік іс-шара жергілікті өнер жұлдыздарының концертімен аяқталды.
<img src="https://kyzylorda-news.kz/wp-content/uploads/2021/11/256604816_184572283864024_6828583246607139767_n.jpg" alt="" />
<img src="https://kyzylorda-news.kz/wp-content/uploads/2021/11/256384497_184572233864029_1905414289328793686_n.jpg" alt="" />
<img src="https://kyzylorda-news.kz/wp-content/uploads/2021/11/255912885_184572390530680_8189319735611666705_n.jpg" alt="" />
<img src="https://kyzylorda-news.kz/wp-content/uploads/2021/11/256675138_184572280530691_1425954427771562855_n.jpg" alt="" />
<img src="https://kyzylorda-news.kz/wp-content/uploads/2021/11/256716037_184572297197356_5682987525643968768_n.jpg" alt="" />
<img src="https://kyzylorda-news.kz/wp-content/uploads/2021/11/257108492_184572377197348_1021087116765272695_n.jpg" alt="" />

Сыр елінде экономика және қаржы саласы органдарының 100 жылдығын атап өтті

Kyzylorda-news.kz. «Азаматтарға арналған үкімет» мемлекеттік корпорациясы» КЕ АҚ Қызылорда облысы бойынша филиалының басшылығы тіркеу және жер кадастры бойынша Қызылорда қалалық бөлімінің басшысы Баймаханов Қажденбек Сәдуақасұлын зейнетке шығарып салды.
Еңбек жолын қарапайым жұмысшыдан бастап, республика көлемінде жауапты басшылық қызметтерді абыроймен атқарған Қажденбек Сәдуақасұлы, 2016 жылдан «Азаматтарға арналған үкімет» МК КЕАҚ Қызылорда облысы бойынша филалының Жер кадастры және жылжымайтын мүлікті техникалық тексеру департаменті директорының орынбасары ретінде жалғастырған. Қажденбек Сәдуақасұлының кәсіби біліктілігі мен іскерлігі бір арнада тоғысып, жылжымайтын мүлік, жер кадастры саласында халыққа риясыз қызмет көрсетіп, табанды жұмыс жасап, корпорацияның мақсат-міндеттерін жүзеге асыруға адал қызмет етіп, көпшіліктің ықыласына бөлене білген азамат.
Филиал ұжымы мен директоры Айнұр Тобаева Қажденбек Сәдуақасұлын Корпорация жұмысының өңірлік филиалының дамуына қосқан ерекше үлесі үшін алғысын білдіріп, филиал директоры мен жергілікті кәсіподақтың алғыс хатын және облыс әкімінің құрмет грамотасы мен естелік сыйлықтарын табыстап, құрметті зейнет демалысына шығарып салды.

Зейнетке шығарып салды

6 қарашада ауыл шаруашылық өнімдерінің жәрмеңкесі өтеді

Қызылордада тағы жәрмеңке өтеді

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Қызылорда облыстық мәслихаттың кезекті VI сессиясында Қызылорда облысындағы жасыл екпелерді күтіп-ұстау және қорғау қағидаларына өзгерістер енгізу туралы облыстық табиғи ресурстар және табиғат пайдалануды реттеу басқармасының басшысы Бауыржан Шаменов баяндама жасап, жасыл екпелерді күтіп-ұстау және қорғау бағытында талаптар күшейтілетіндігін мәлімдеді.
Аталған Қағидаға түзетулер ҚР Индустрия және инфрақұрылымдық даму министрінің бұйрығымен Жасыл екпелерді күтіп-ұстаудың және қорғаудың Үлгілік қағидаларына енгізілген өзгерістер негіздеме болды. 
Ендігі кезде, Қағидаға енгізілген өзерістер бойынша:
1) Ағаштарды заңсыз кесу, жою, бүлдіру немесе жасыл желектерді күтіп-ұстау және қорғау қағидаларын бұзған жеке немесе заңды тұлғалар әкімшілік жауапкершілікке тартыла отырып, 20 есе мөлшерде өтемдік ағаштарды отырғызуға міндетті. Ал, ҚР Қызыл кітабына енгізілген ағаштар заңсыз кесілген, жойылған, бүлінген жағдайда ағаштарды өтемдік отырғызу мөлшері 30 есеге белгіленді;
2) Заңды және жеке тұлғалар ағаштарды қайта отырғызған кезде өтемдік отырғызу жүргізбейді. Алайда, қайта отырғызылған ағаштар солып қалуына әкеліп соққан жағдайда, 5 есе көлемдегі өтемақы белгіленеді;
3) Іргелес аумақтағы жасыл желектер жойылған жағдайда, қарамағында осы аумақ бар заңды немесе жеке тұлға өтемдік отырғызуды 10 есе мөлшерде жүргізеді;
4) Ағаштарды кесу кезінде өтемдік отырғызу аудан, қала әкімдігінің рұқсаты бойынша және (немесе) ағаштарды заңсыз кесу, жою немесе бүлдіру кезінде кесу, ағаштарды жою немесе бүлдіру орнынан 1 километр радиуста аумақта жүргізіледі.
Бұл ретте, өтемдік отырғызу үшін кесу орнынан 1 километр радиуста бос орын болмаған кезде, өтемдік отырғызу аумағын аудан, қала әкімдігі жазбаша түрде көрсетеді;
5) Ағаштарды өтемдік отырғызу параметрлері енгізілді:
Атап айтқанда, биіктігі кемінде 2,5 метр топырақпен немесе биіктігі кемінде 2 метр топырақпен қылқан жапырақты ағаштардың көшеттерін отырғызу арқылы жүргізіледі.
Сонымен қатар, көшеттердің жоғарғы тамыр жүйесінен діңінің диаметрі кемінде 3 сантиметр, дің бөлігінің 1,3 метр биіктігінде болуы тиіс.
6) Аудан, қала әкімдігінің рұқсатынсыз ағаштарды амалсыз кесуге болатын екі жағдай ғана айқындалды, бұл:
– адамдардың өмірі мен денсаулығына, ғимараттар мен құрылыстардың бүлінуіне, коммуникацияларға қауіп төндіретін ағаштардың, сондай-ақ олардың бұтақтарының құлауы;
– жол қозғалысы қауіпсіздігіне кедергі жасау, оның ішінде жол белгілерін визуалды шолуды жабу;
7) Ағаш кесу мүддесіне орай жүргізілген адамдардың ағаштарды өтемдік отырғызғаннан кейін көшеттерді 2 жыл бойы күтіп-ұстау және қорғау жөніндегі іс-шаралар (кепілдік беру кезеңі) нақтыланды;
Аудан, қала әкімдігі ағаштарды өтемдік отырғызу сәтінен бастап 2 жыл өткен соң (кепілдік кезеңі) жасыл екпелер тізіліміне енгізеді.
Атап өту керек, Әкімшілік құқық бұзушылық туралы Кодексінің 386-бабына сәйкес облыстық мәслихат белгiлейтін жасыл екпелердi күтiп-ұстау және қорғау қағидаларын бұзғаны үшін ескерту жасауға немесе жеке тұлғаларға – 15, шағын кәсiпкерлiк субъектiлерiне немесе коммерциялық емес ұйымдарға – 30, орта кәсіпкерлік субъектілеріне – 50, iрi кәсiпкерлiк субъектiлерiне 150 айлық есептік көрсеткіш мөлшерiнде айыппұл салуға әкеп соғады.
Бұл ретте, әкімшілік жазаларды полиция, аудандық маңызы бар қала, кент, ауыл әкімдері қолданатын болады. 
Аталған өзгерістерді енгізу жөнінде облыстық маслихат депутаттары мақұлдады.

Қызылордада ағаштарды заңсыз кескені үшін жауапкершілік күшейтілді

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp; Токио олимпиадасынының қола жүлдегері Софья Берульцева және Мөлдір Жаңбырбай Мәскеуде өткен Karate 1 Premier League жарысында алтын медаль алды.
Софья бірнеше жылдың ішінде +68 келінің лидеріне айналып үлгерді. Ол финалда ресейлік Вера Ковалеваны жеңді. Берульцева осымен төртінші рет Karate 1 Premier League жарыстарында алтын медаль иеленіп отыр. Ол осыған дейін Шанхай мен Мадрид (2019 жыл) және Стамбул (2021) премьер-лигасында жеңіске жеткен. Софья қарашада Дубайда өтетін әлем чемпионатына фаворит ретінде барады.
Мөлдір Жаңбырбай 50 келіде финалда австриялық Веттина Планкты жеңіп, Мәскеудегі жарыстың чемпионы атанды. Мөлдір биыл Лиссабон (Португалия) премьер-лигасында күміс медаль иеленген.
Ерлер арасында 60 келіде финалда қазақстандық Қайсар Алпысбай ресейлік Евгений Плахутиннен басым түсіп, Мәскеудегі премьер-лиганың алтынын алды. Алпысбай 2020 жылы Сантьяго (Чили) премьер-лигасында жеңімпаз атанған.
Ал Сабина Захарова (әйелдер арасында 55 келі) финалда ресейлік Анна Чернышевадан жеңіліп, екінші орын алды.
Karate 1 Premier League – WKF (Әлемдік каратэ федерациясы) ұйымдастыратын деңгейі жағынан әлем чемпионатынан кейінгі екінші жарыс.

Мөлдір Жаңбырбай Мәскеуде өткен жарыста алтын медаль алды

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Қызылорда облысы бойынша Қылмыстық-атқару жүйесі&nbsp;департаментінің ұжымы мен ҚАЖ ардагерлері қазыналы қарттарды мерекемен құттықтады.
ҚАЖ департаментінің&nbsp;бастығы әділет подполковнигі Шаймерден Тәжіқұлұлы «Қызылорда арнаулы әлеуметтік қызметтер көрсету орталығындағы» қарияларды мерекемен құттықтап, сый-құр­мет көрсетті. &nbsp;
Орталықтың «Қарты бар елдің, қазынасы бар» атты мерекелік шарасында сөз алған Шаймерден Тәжіқұлұлы қоғамның дамуына сүбелі үлес қосқан асыл жандарға мықты денсаулық, отбасыларына береке-бірлік, таусылмас күш-қуат тіледі.
Мерекеге орай орталықта қариялардың белсенді өмір сүруі сапасын арттыру, дене қозғалысының ширақ та, шымыр болып салауатты өмір салтын қалыптастыру мақсатында ашылған спорт алаңына департамент ұжымы&nbsp;үстел теннисін сыйға тартты. &nbsp;&nbsp;
Асыл қазынамыз – қарттарымызды мереке сайын&nbsp;құттықтап, демеушілік&nbsp; көрсетіп жүрген департамент ұжымына орталық директоры Л.Карибаева өз ризашылығын&nbsp;білдіріп, департамент бастығы Шаймерден Тәжіқұлұлын Алғыс хатпен марапаттады.
<img src="https://kyzylorda-news.kz/wp-content/uploads/2021/10/whatsapp-image-2021-10-01-at-14.00.27.jpeg" alt="" />
<img src="https://kyzylorda-news.kz/wp-content/uploads/2021/10/whatsapp-image-2021-10-01-at-14.02.02-3.jpeg" alt="" />

Қызылордада ҚАЖ қызметкерлері қарттарға құрмет көрсетті

<a href="https://kyzylorda-news.kz/ru/obshestvo/">Kyzylorda-news.kz</a>. Әлеуметтік медициналық сақтандыру қоры жанындағы Қоғамдық-консультативтік кеңестің кезекті отырысында азаматтарды әлеуметтік медициналық сақтандырумен қамту бойынша жаңа тәсілдер талқыланды. 2021 жылғы 1 қыркүйекте МӘМС жүйесінде сақтандырылған қазақстандықтардың саны шамамен 15,7 млн адамды немесе еліміздегі жалпы халықтың 82,6% – ын құрады.
ҚКК-тің отырысында Басқарма Төрағасының орынбасары Ілияс Мұхамеджан халықты МӘМС жүйесіне тарту мәселесі бойынша мәлімдеме жасап, сонымен қатар сақтандырылмаған адамның «портретін» ұсынды-атап айтсақ, жалдамалы қызметкерлер, жүйеден жиі «түсіп қалатын» БЖТ төлеушілер және МӘМС-ке жарналарды мүлдем жасамаған азаматтар.
Осылайша, 1-қыркүйектегі жағдай бойынша сақтандырылған халық саны шамамен 15,7 млн адамды құрайды (статистикалық деректерге сәйкес халықтың 82,6%-ы). Оның ішінде 11,2 млн-ын олар үшін мемлекет төлем жасайтын жеңілдік санатындағы өкілдер құрайды. 5,5 млн-нан астам сақтандырылған адамды жалдамалы жұмысшылар құрайды. 1,4 млн – нан астам азамат-бұл жеке кәсіпкерлер және азаматтық-құқықтық сипаттағы шарттар бойынша жұмыс істейтіндер.
Талдау көрсеткендей, БЖТ төлеушілер МӘМС жүйесінен тыс қалатындықтары көрсетіледі (сақтандырылмағандардың үштен бірінен көбі). Төлемді уақтылы жасамағандықтан (БЖТ тек ағымдағы және болашақ айлар үшін төленуі мүмкін), олар сақтандырылған мәртебесін жоғалтады.
Сақтандырылмағандардың тағы 30%-ы жалдамалы жұмысшыларға тиесілі. Жалпы себеп-жұмыс берушілер өзінің жұмысшылары үшін жарналар мен аударымдарды төлеуден жалтарады немесе төлемді кешіктіріп жасайды, осылайша өз қызметкерлерінің құқықтарын бұзады.
Бірақ, олардың айтуынша, деректер үнемі өзгеріп отырады, өйткені келесі кезеңде бұл адамдар үшін жарналар түспей қалуы мүмкін. Себептері-қызметкер жұмыстан кетті немесе жалақысы сақталмайтын демалысқа кетті, азамат БЖТ немесе жарнаны дербес төлеуші ретінде уақтылы төлеуді ұмытып кетті, жеңілдікті санаттың өкілі жеңілдікті мәртебесін жоғалтты және өз бетінше төлем жасамады, азаматтардың бір санаттағы төлеушілерден екіншісіне ауысуы және т.б.
Бұл ретте Қор ай сайын МӘМС жүйесіндегі төлеушілердің соңғы мәртебесі туралы ақпаратты талдайды және оның негізінде әрбір өңірде сақтандырылмаған тұлғаның болжамды портреті қалыптастырылып отырады. 
Бұл бағыт бойынша өңірлерде мемлекеттік кірістер департаменттерімен және әкімдіктермен іс-шаралар (жұмыс берушілермен бірлескен кездесулер өткізу) жоспарланған.
<blockquote>
 «Сондай-ақ, жұмысқа жақында орналасқан және жұмысқа орналасқанға дейінгі кезеңге берешегі бар болғандықтан әлі сақтандырылмаған қызметкерлер үшін мәртебе алудың маңыздылығын атап өткен жөн. Жоспарлы медициналық көмек көрсету, диагностикалық процедуралардан, скринингтерден өтуде, ауруханаға жатқызу қажет болған жағдайда мәртебенің болмауы қиындық туғызады. Сондықтан жұмыс берушілер бұл жайттарды жаңадан келген қызметкерлерге түсіндіруі тиіс», – деп атап өтті І.Мұхамеджан.
</blockquote>
Сақтандырылмаған азаматтардың төрттен бір бөлігі (шамамен 800 мың азамат) ешқашан МӘМС үшін жарна төлемеген. Оларды сәйкестендіру және МӘМС жүйесіне тарту бойынша медициналық ұйымдардың учаскелік қызметтерін, мемлекеттік кіріс органдарын, әлеуметтік қызметтер мен әкімдіктерді тарта отырып, оның ішінде аулаларды аралау кезінде ауқымды жұмыс жүргізілуде.
Осындай тәсіл арқылы басқа өңірге немесе Қазақстаннан тыс жерлерге тұрақты тұруға кеткен өзін-өзі жұмыспен қамтығандар, қайтыс болғандар, емхананың қызмет көрсету аумағында тұрмайтын және басқа өңірлерден тұрақты тұруға келген, бірақ тұратын өңірдің медициналық ұйымына бекітілмеген адамдар анықталады. Сондай-ақ жеңілдікті санаттарға енгізілуі мүмкін адамдардың саны анықталады.
Күндізгі оқу нысаны бойынша оқитын студенттер туралы мәліметтерді өзектендіру бойынша жұмыс жеке жүргізіледі. Өңірлердегі барлық оқу орындарында түсіндіру тұрғысында кездесулер өткізіледі және оларға тұрақты негізде ақпараттық материалдар жіберіледі.
Сонымен қатар, мемлекеттік органдармен өзара іс-қимыл кезінде Қорға жарналар төлеуден босатылған тұлғалар бойынша олардың салалық ақпараттық жүйелерінде мәліметтерді өзектендіру үнемі жүргізіліп отырады. Жасаған баяндамасының барысында спикер Қордың медициналық сақтандыру реформасын іске асыруға қоғамның барлық топтарын тарту жөніндегі ұсыныстарын атап өтті. Олардың ішінде-әкімдіктер жанынан МӘМС жүйесінде сақтандырылған мәртебесін алу бойынша халықтың мәселелерімен айналысатын тұрақты жұмыс істейтін топтар құру.
<blockquote>
 «Топтардың құрамына жергілікті атқарушы органдардың, медициналық сақтандыру қорының, медициналық ұйымдардың, үкіметтік емес ұйымдардың барлық өкілдерін және волонтерлерді қосу қажет. Нақты кейстерді қарастыру – мәселені шешу, тиісті тапсырмаларды әзірлеу және мерзімдерін белгілей отырып, апта сайын жүргізу қажет деп санаймыз»,–деп атап өтті Ілияс Мұхамеджан.
</blockquote>
Қор халықты МӘМС жүйесіне тартуда жергілікті атқарушы органдардың рөлін күшейтуді ұсынады, өңірлердің денсаулық сақтау басқармалары мен медициналық ұйымдардың халыққа МӘМС жүйесінде медициналық көмекті уақтылы және толық ұсыну бөлігіндегі жауапкершілігін арттыруды көздейді.

Қазақстан және Қызылорда облысының жаңалықтары: Рубрикасыз