<a href="https://kyzylorda-news.kz/">Kyzylorda-news.kz</a> Бүгін Жаңақорған ауданында «AMANAT» партиясы жанындағы «Miras» аймақтық кеңесінің көшпелі отырысы өтті. Іс-шараға «AMANAT» партиясы облыстық филиалының төрағасы Жандос Базартай қатысты.Жалпы кеңес отырысының күн тәртібіне екі негізгі мәселе қойылған. Олар Жаңақорған ауданындағы тарихи-мәдени нысандардың жай-күйі және ұрпақ тәрбиесіне қатысты өзекті мәселелер талқылау.Күн тәртібіндегі бірінші мәселе бойынша кеңес мүшелері аудан аумағындағы бірқатар тарихи-мәдени нысандарды аралап, олардың қазіргі жағдайымен танысты. Алдымен делегация Сунақата ауылдық округінде орналасқан ортағасырлық Сығанақ қалашығына барды. Мұнда көне шаһардың сақталу жай-күйі, жүргізіліп жатқан археологиялық зерттеу жұмыстары және тарихи нысанды қорғау бағытындағы шаралар қарастырылды. Сондай-ақ Сығанақ қалашығының туристік әлеуетін арттыру мәселелері көтерілді.Одан кейін кеңес мүшелері Төменарық станциясының солтүстік-батысында орналасқан XI ғасыр ескерткіші – Көккесене сағанасына барып, тарихи-мәдени мұра нысанының қазіргі жағдайымен танысты. Жиын барысында тарихи ескерткіштерді сақтау, қорғау және кеңінен насихаттау мәселелері талқыланды.Айта кетейік, Жаңақорған ауданында мемлекеттік тізімге енгізілген 48 тарихи-мәдени ескерткіш бар. Олардың 6-уы республикалық маңызы бар нысандар қатарына жатады.Іссапар қорытындысы бойынша аймақтық кеңес отырысы Жаңақорған аудандық Руханият орталығында жалғасты. Жиында тарихи-мәдени мұраны сақтау, рухани құндылықтарды дәріптеу, тарихи орындардың инфрақұрылымын жетілдіру және мәдени туризмді дамыту мәселелері кеңінен сөз болды.&nbsp;Бұл бағытта аудандық білім, мәдениет және тілдерді дамыту бөлімінің &nbsp;басшылары аудан көлемінде тарихи-мәдени мұраны сақтау және жастар тәрбиесі бағытында атқарылып жатқан жұмыстарды кеңінен жеткізді.&nbsp;Күн тәртібіндегі екінші мәселе – ұрпақ тәрбиесіне қатысты жасөспірімдер арасындағы құқықбұзушылық, суицид, зорлық-зомбылық және ерте жүктілік мәселелері қозғалды. &nbsp;Кеңес төрағасы Баймырза Қожамберлиев тәрбие мәселесі тек білім беру ұйымдарының ғана емес, тұтас қоғамның ортақ міндеті екенін жеткізді.&nbsp;Партияның облыстық филиалының төрағасы Жандос Базартай тарихи-мәдени мұраны сақтаудың маңыздылығына тоқталды.<blockquote>«Тарихи-мәдени мұраны сақтау – ұлттың рухани өзегін сақтап, оны келер ұрпаққа аман жеткізу «AMANAT» партиясының маңызды міндеттерінің бірі. Қасиетті орындар мен тарихи ескерткіштер – халқымыздың өткені мен болашағын жалғайтын рухани көпір. Сондықтан бұл бағыттағы жұмыстар жүйелі түрде жалғаса беруі қажет, – деді Жандос Базартай.</blockquote>Жиын қорытындысында тарихи-мәдени мұраны сақтау мен ұлттық тәрбиені күшейту бағытында көтерілген ұсыныстар кеңес хаттамасына енгізіліп, тиісті мекемелермен бірлескен жұмыстар жалғасатын болды.

Жаңақорғанда «MIRAS» аймақтық кеңесінің көшпелі отырысы өтті

<a href="https://kyzylorda-news.kz/">Kyzylorda-news.kz</a> Қазалы ауданында ауданның әлеуметтік-экономикалық дамуына зор үлес қосқан азамат, «Құрмет белгісі» орденінің иегері, еңбек ардагері Жалпақбай Нұрмағамбетовті еске алуға арналған жасөспірімдер арасындағы республикалық турнир басталды.Бүгін Қазалы ауданы орталығындағы спорт кешенінде өткен республикалық турнирдің ашылу салтанатына аудан әкімі Алмасбек Есмаханов қатысып, жарысқа қатысушыларға сәттілік тіледі.<blockquote>– Ұлттық рухымызды ұлықтап, атадан балаға мирас болып келе жатқан тоғызқұмалақ ойынын насихаттауға бағытталған бұл дүбірлі дода — өскелең ұрпақты парасаттылыққа, сабыр мен зеректікке тәрбиелейтін маңызды шаралардың бірі. Биылғы турнирдің мәні мен маңызы ерекше. Бұған дейін екі мәрте облыстық деңгейде ұйымдастырылған жарыс биыл алғаш рет республикалық деңгейде өткізілуде. Бұл — Жалпақбай Нұрмағанбетұлының өнегелі өмірі мен елге сіңірген еңбегіне көрсетілген зор құрметтің айқын көрінісі. Жалпақбай Нұрмағанбетұлы — туған жерінің өсіп-өркендеуіне бар ғұмырын арнаған тағылымы мол тұлға. Еңбек жолын қарапайым мұғалімнен бастап, аудандық оқу бөлімінің инспекторы, мектеп директоры, партия комитетінің нұсқаушысы, шаруашылық басшысы секілді жауапты қызметтерді абыроймен атқарды. Ауыл шаруашылығы саласының дамуына да зор үлес қосып, егін шаруашылығы мен мал өсіру ісін ілгерілетуге ерекше еңбек сіңірді. Елге еңбегі сіңген арда азаматтың есімін ұлықтау — кейінгі ұрпақ үшін үлкен өнеге деп білеміз. Президентімдің қолдауымен өңірмізде спорт инфрақұрылымын дамыту бағытында жүйелі жұмыстар жүзеге асырылуда. Мәселен, биылғы жылдың өзінде аймақты 4 жылдан астам уақыт басқарған Нұрлыбек Машбекұлының қолдауымен «Ауыл – Ел бесігі» бағдарламасы аясында Бекарыстан би ауылында жаңа спорт кешені пайдалануға берлісе, бүгінде Әйтеке би кенті мен Қожабақы ауылында заманауи спорт кешендерінің құрылысы қарқынды жүргізілуде. Биыл аудан орталығында 2 спорт алаңы жөнделіп, жаңадан 2 спорт алаңы салынды. Алдағы уақытта аудан көлемінде бұқаралық спортты дамыту мақсатында облыс әкімі Мұрат Нәлқожаұлының басшылығымен, ауданға жасаған қолдауының нәтижесінде бірқатар ауқымды жобалар жүзеге асатын болады. Тағылымды турнирдің жоғары деңгейде өтуіне атсалысып жүрген ұйымдастырушыларға, Жалпақбай Нұрмағанбетұлының ұрпақтарына, демеушілерге және спорт жанашырларына аудан тұрғындары атынан шынайы алғысымды білдіремін. Республикалық турирдің тартысты әрі қызықты өтуіне тілектеспін, - деді аудан әкімі.</blockquote>Мұнан кейін Жалпақбай Нұрмағанбетұлының ұрпақтарына облыстық мәслихат төрағасы Мұрат Тлеумбетовтің Құттықтауын табыстады.Аудан басшысынан кейін аудандық ардагерлер кеңесінің төрағасы Оразғали Бекпанов, энергетика саласының ардагері Батыржан Қаракөзов, облыстық тоғызқұмалақ зияткерлік федерациясының вице-президенті, Әлем чемпионы, Қазақстанға еңбегі сіңген спорт шебері Хәкімжан Елеусінов мен туыстары атынан Светлана Жалпақбайқызы сөз сөйлеп, Жалпақбай Нұрмағанбетұлы жайында естеліктермен бөлісті.Ұлттық спорт - тоғызқұмалақтан жастар мен жасөспірімдер арасындағы республикалық турнирге еліміздің Ақмола, Қостанай, Ақтөбе және Қызылорда облыстарынан және барлық аудандардан келген 160-қа жуық спортшы қатысуда. Алты күнге жалғасатын жарыста жас спортшылар өзара бақ сынап, ұлттық спорттың дамуына өз үлестерін қосатын болады.

Қазалыда тоғызқұмалақтан республикалық турнир өтті

<a href="https://kyzylorda-news.kz/">Kyzylorda-news.kz</a> «AMANAT» партиясы облыстық филиалының төрағасы Жандос Базартай Шиелі ауданына жұмыс сапары барысында «Уран Энерго» ЖШС еңбек ұжымымен кездесті.Кездесу аясында кәсіпорынның өндірістік қызметімен танысып, мекеменің жұмыс барысы мен еңбек ұжымының тыныс-тіршілігін көрді. Жиында өндіріс саласындағы еңбек адамдарының рөлі, кәсіпорынның өңір экономикасына қосып отырған үлесі және жұмысшылардың әлеуметтік жағдайы жөнінде пікір алмасты.Сонымен қатар партияның алдағы міндеттері мен ел дамуына бағытталған бастамалары кеңінен түсіндірді. Кездесу барысында партия қатарына жаңадан қабылданған қызметкерлерге партиялық билеттер табысталып, қоғамдық жұмыстарға белсенді қатысып жүрген бірқатар азаматтарға Алғыс хаттар берілді.Сондай-ақ мекеме базасында «Уран Энерго» бастауыш партия ұйымы құрылып, оның алдағы жұмыс бағыттары талқыланды. Бұл бастама еңбек ұжымдары арасындағы партиялық жұмысты жандандырып, азаматтардың қоғамдық белсенділігін арттыруға мүмкіндік береді.«Уран Энерго» ЖШС - электр энергиясын тасымалдау және тарату, электр жабдықтарын монтаждау және жөндеу, электр желілері мен қосалқы станцияларды іске қосу бағытында қызмет көрсететін ірі өндірістік мекемелердің бірі.Кәсіпорын сондай-ақ әуе және кабельдік электр желілерінің құрылысын жүргізу, трансформаторлық қосалқы станциялар мен тарату құрылғыларын орнату, реле қорғанысы және автоматтандыру жүйелерін іске қосу жұмыстарын атқарады. Бұдан бөлек, жүк көтергіш техникалар мен механизмдерді пайдалану, жылу энергиясын өндіру және тарату, сумен жабдықтау және кәріз жүйелері қызметтерін көрсету салаларында тұрақты жұмыс жүргізіп келеді.Кездесу соңында Жандос Базартай өндіріс саласының дамуына үлес қосып жүрген мамандардың еңбегін жоғары бағалап, ұжым жұмысына табыс тіледі.<img src="https://knadmin.beoblood.kz/uploads/Amanat_e_bek_zhymymen_kezdesu_2_7608966160.jpg" alt="Аманат еңбек ұжымымен кездесу 2.jpg">

Еңбек ұжымымен кездесіп, пікір алмасты

<a href="https://kyzylorda-news.kz/">Kyzylorda-news.kz</a> «AMANAT» партиясы Қызылорда облыстық филиалының мобильді көшпелі қоғамдық қабылдау тобы Шиелі ауданындағы Бәйгеқұм ауылы мен Талаптан ауылдық округіне қарасты Бала би ауылында болып, жергілікті тұрғындардың өтініш-тілектерін тыңдады.Көшпелі қоғамдық қабылдауға партияның облыстық филиалының төрағасы Жандос Базартай қатысып, арнайы келген мобильді топ мүшелерін таныстырды. Сонымен қатар, партия жүзеге асырып жатқан жобалар мен мобильді қоғамдық қабылдаудың маңызына тоқталып өтті.<blockquote>«Көшпелі қоғамдық қабылдаудың басты мақсаты – ауыл тұрғындарымен тікелей кездесіп, олардың өзекті мәселелері мен ұсыныстарын тыңдау, түйткілді түйіндердің шешілуіне ықпал ету. Осындай қабылдаулар арқылы халық пен билік арасындағы байланысты нығайтып, азаматтардың талап-тілектеріне жедел назар аударуға мүмкіндік туады. Біздің басты міндетіміз - халықпен етене араласып, олардың мәселесіне бейжай қарамау. Әрбір тұрғынның өтініші назарға алынып, тиісті мемлекеттік органдармен және жауапты мекемелермен бірлескен жұмыстар жүргізіледі. Мобильді қабылдау - ел ішіндегі нақты проблемаларды көзбен көріп, тұрғындардың пікірін тікелей тыңдауға мүмкіндік беретін тиімді алаң» деді Жандос Базартай.</blockquote>Қабылдау барысында тұрғындар әлеуметтік қолдау, тұрғын үй, инфрақұрылым, жұмыспен қамту, денсаулық сақтау, білім беру, жер мәселелері, жол жөндеу, жаңа балабақша салу, несие және «Қарызсыз қоғам» жобасына қатысты ұсыныс-пікірлерін жеткізді.Мобильді топ мүшелері әрбір азаматтың мәселесіне жеке тоқталып, заң аясында кеңестер беріп, көтерілген мәселелердің шешілу жолдарын түсіндірді. Сондай-ақ тұрғындарға мемлекеттік бағдарламалар мен заңнамадағы өзгерістер жөнінде ақпараттық-түсіндіру жұмыстары жүргізіліп, қажетті құқықтық және консультативтік көмек көрсетілді.Жалпы, Бәйгеқұм және Бала би ауылдарында өткен мобильді қабылдауға 80-нен астам тұрғын қатысып, өз өтініштері мен ұсыныстарын білдірді. Ауыл тұрғындары мұндай көшпелі кездесулер шалғай елді мекендердегі мәселелерді дер кезінде көтеріп, олардың оң шешілуіне ықпал ететінін атап өтті.«AMANAT» партиясының мобильді қоғамдық қабылдауы алдағы уақытта да жалғасып, тұрғындардың талап-тілектерін назарға алу бағытындағы жұмыстар жүйелі түрде жүргізіле бермек.

«AMANAT»: Ауыл тұрғындарының өзекті мәселелері назарға алынды

<a href="https://kyzylorda-news.kz/">Kyzylorda-news.kz</a> Бүгін Шиелі ауданының әкімі Айтбай Жандарбековтың төрағалығымен жастар істері жөніндегі кеңес отырысы өтті. Жиынға аудан әкімінің орынбасарлары, дербес бөлім басшылары, ауылдық округ әкімдері мен жауапты сала мамандары қатысты.Кеңес отырысының күн тәртібінде жастар саясатын жүзеге асыру, шығармашылықты дамыту, жастар денсаулығы мен жұмыспен қамту бағытындағы негізгі 4 мәселе қаралды.Алғашқы мәселе бойынша аудан жастарының шығармашылық әлеуетін арттыру мақсатында атқарылып жатқан мәдени жұмыстар туралы Шиелі ауданының мәдениет және тілдерді дамыту бөлімінің басшысы Аруна Әзімхан хабарлама жасады.Баяндама барысында жастарға арналған би, вокал, домбыра, музыкалық аспаптар, қолданбалы өнер, сахна тілі мен актерлік шеберлік, айтыс, жас ақындар мен термешілер, бейнелеу өнері және көркем сөз оқу бағытындағы үйірмелердің жұмысы кеңінен таныстырылып, жастардың өнерге қызығушылығын арттыру бағытындағы жұмыстарға тоқталды.Келесі кезекте Шиелі аудандық көпбейінді орталық ауруханасының бас дәрігері Еркін Жаңабайұлы жастардың репродуктивті денсаулығын сақтау, зиянды әдеттердің алдын алу және жасөспірімдер арасындағы суицидтің алдын алу бағытында атқарылып жатқан жұмыстар жөнінде баяндады. Сонымен қатар, жастар арасында түсіндірме жұмыстары тұрақты жүргізіліп, психолог мамандардың қатысуымен түрлі кездесулер мен профилактикалық шаралар ұйымдастырылып жатқанын атап өтті.Үшінші мәселе бойынша Ақтоған ауылдық округінің әкімі Ержанбек Ахметов мемлекеттік жастар саясатының жүзеге асырылу барысы туралы есеп берді. Атап айтқанда, NEET санатындағы жастардың тізімін қайта жасақтау, олармен жекелей жұмыстар жүргізу, жастар кәсіпкерлігін дамыту және жұмыспен қамтудың белсенді шараларына тарту бағытында атқарылған жұмыстарға тоқталды.Сондай-ақ, Алмалы ауылдық округінің әкімі Нұрдаулет Абсултанов өз округіндегі мемлекеттік жастар саясатының орындалу барысын баяндап, NEET санатындағы жастармен жұмыс, кәсіпкерлікке баулу, мемлекеттік бағдарламалар арқылы тұрақты жұмыспен қамту бағытындағы атқарылған шараларды атап өтті.Кеңес барысында аудан әкімі Айтбай Жандарбеков жастар мәселесі қоғамның маңызды бағыты екенін атап өтіп, жауапты сала басшылары мен ауыл әкімдеріне нақты тапсырмалар жүктеді. Әсіресе, жастардың бос уақытын тиімді ұйымдастыру, шығармашылық және спорттық үйірмелерге тарту, NEET санатындағы жастармен жүйелі жұмыс жүргізу, құқықбұзушылық пен суицидтің алдын алу бағытындағы жұмыстарды күшейту қажеттігін айтты.Жиын қорытындысында көтерілген мәселелер бойынша тиісті сала басшыларына нақты міндеттер жүктеліп, тапсырмалардың орындалуы тұрақты бақылауда болатыны ескертілді.

Жастар саясатының өзекті мәселелері қаралды

<a href="https://kyzylorda-news.kz/">Kyzylorda-news.kz</a> Арал ауданы әкімінің орынбасары Н.Бохаевтың төрағалығымен өткен жиында &nbsp;Қамбаш көлі жағалауының суға шомылу маусымына дайындық барысы пысықталды. Жиынға Қамыстыбас ауылдық округінің әкімі, аудандық төтенше жағдайлар бөлімінің, Арал ауданы бойынша санитарлық-эпидемиологиялық бақылау басқармасының басшысы, Аудандық мемлекеттік кірістер басқармасы, аудандық дене тәрбиесі, спорт және туризм, &nbsp;аудандық кәсіпкерлік және өнеркәсіп &nbsp;бөлімінің басшылары мен өзге жауапты сала мамандары қатысты.&nbsp;Алдымен Аққұмшық жағажайын жалға алған жеке кәсіпкер А. Балмырзаевқа демалыс аймағында қызмет көрсететін барлық кәсіпкерлердің құжаттары толық рәсімделуі қажеттігін жеткізді. Құжаттандыру жұмыстарын жүргізу жеке кәсіпкерге жыл басында ескертілген болатын.&nbsp;Сонымен бірге, бірінші кезекте қауіпсіздік шараларының сақталуы маңызды екендігі айтылып, балалар мен ересектердің жүзу аймағын белгілеу, суға жүзуге арналған қайықтар мен өзге де су көліктерінің арнайы белгіленген орындарда қызмет көрсетуі тапсырылды.&nbsp;Санитарлық-эпидемиологиялық бақылау басқармасына кәсіпкерлік нысандардың асхана қызметкерлерінде &nbsp;мерзімді медициналық бақылаудан өткені туралы анықтамаларының болуы азық-түлік сақтайтын орындардың болуын қадағалау мәселесі жеткізілді.Жиын барысында жауапты сала басшылары мен Қамыстыбас ауылдық округінің әкіміне демалыс аймағының санитарлық тазалығын сақтау, кәсіпкерлердің белгіленген талаптарға сай қызмет көрсетуін қадағалау, алғашқы медициналық көмек көрсетуге арналған медициналық бекеттің болуын, жағажайдағы сатылатын заттардың бағасының тұрақтылығын бақылау жүктелді.&nbsp;Демалыс аймағында қоғамдық тәртіпті сақтау, қызмет көрсету барысында белгіленген талаптарды орындау, демалушыларға қолайлы жағдай жасау мәселелерін түсіндіру бойынша жұмысшы топ құрылып, тиісті жұмыстар жүргізілетін болады.

Қамбаш көліндегі демалыс маусымына дайындық пысықталды

<a href="https://kyzylorda-news.kz/">Kyzylorda-news.kz</a> &nbsp;Облыс әкімі Мұрат Ергешбаевтың төрағалығымен өткен мәжілісте «Roca Group» компаниясымен серіктестік орнату мәселелері талқыланды.Оған «Roca Group» компаниясының бас директоры Даниэль Хурадо Эрнандес, облыстық құрылысшылар қауымдастығының төрағасы Манарбек Еспенбетов пен құрылыс компанияларының басшылары қатысты.<img src="https://knadmin.beoblood.kz/uploads/Roca_Group_kompaniyasy_men_oblysty_rylysshylar_auymdasty_y_memorandum_a_ol_ojdy2_82c1f096e2.jpg" alt="«Roca Group» компаниясы мен облыстық құрылысшылар қауымдастығы меморандумға қол қойды2.jpg">Жиында Мұрат Нәлқожаұлы инвестициялық әлеуетті арттыру және шикізат өндірісін дамытуда алдағы міндеттерді атап өтті.<blockquote>«Мемлекет басшысы Қасым-Жомарт Кемелұлы елімізде жаңа инвестициялық кезеңді бастауды, әсіресе заманауи өндірістер ашуды тапсырғаны белгілі. Осының айқын көрінісі ретінде бүгін аймағымыз үшін маңызды жоба – «Roca Group» компаниясының заманауи санитарлық-техникалық бұйымдар шығару зауытының іргетасын қаладық.Компания 170 елде орналасқан 78 өндірістік алаңды басқарады, өнімдерінің жоғары сапасымен, инновацияларымен және еуропалық стандарттарға сәйкестігімен танымал.Зауыт құрылысының басталуы – Қызылорда облысының өндірістік әлеуетін арттырып қана қоймай, аймаққа жаңа технологиялар мен халықаралық тәжірибені алып келетін маңызды қадам. Қазіргі уақытта мемлекеттік қолдау ретінде 24 гектар жер телімі бөлінді. Компания жыл соңына дейін смесительдер мен инсталляциялық жүйелерді құрастыратын өндірісті іске қосады», – деді Мұрат Нәлқожаұлы.</blockquote><img src="https://knadmin.beoblood.kz/uploads/Roca_Group_kompaniyasy_men_oblysty_rylysshylar_auymdasty_y_memorandum_a_ol_ojdy1_28e47987ea.jpg" alt="«Roca Group» компаниясы мен облыстық құрылысшылар қауымдастығы меморандумға қол қойды1.jpg">Мәжілісте «Roca Group» компаниясының өкілдері жұмыстарын таныстырып, Қызылорда облысының құрылысшылар қауымдастығы арасында өзара ынтымақтастық туралы меморандумға қол қойылды.Фото: Қызылорда облысы әкімінің баспасөз қызметі

«Roca Group» компаниясы мен облыстық құрылысшылар қауымдастығы меморандумға қол қойды

<a href="https://kyzylorda-news.kz/">Kyzylorda-news.kz</a> «Бұрын-соңды болмаған геосаяси дүрбелеңдер кезінде мемлекеттеріміз үйлесімді іс-қимыл арқылы экономикаларының орнықты дамуын, әлемдік нарықтағы бәсекеге қабілеттілігін қамтамасыз ете алды. &nbsp;Қазір біздің алдымызда Еуразия экономикалық одағының әлеуетін одан әрі арттырып, қарқынды дамыту жөнінде стратегиялық маңызды міндет тұр. &nbsp;Дүниежүзілік шаруашылық байланыстарының бағдары жаппай өзгеріп жатқан кезеңде біз теріс сипаттағы жаһандық үрдістерге төтеп беру үшін күш-жігерімізді жұмылдыруымыз керек.Әлемдік нарықтағы ахуал күрделі, тіпті көп жағдайда болжап біле алмайсыз. Өзімізге етене таныс экономикалық сынақтарға қоса, цифрлық салада ауқымды өзгерістер болып жатыр. Бұл көп ұзамай «ойын ережесін» толықтай жаңартады. &nbsp;Осыған орай форум тақырыбының өзектілігі арта түсті».&nbsp;<a href="https://t.me/aqorda_resmi">t.me/aqorda_resmi</a>

Қазақстан Президенті геосаяси дүрбелеңдер кезеңінде өтіп жатқан форумның өзектілігіне назар аударды

<a href="https://kyzylorda-news.kz/">Kyzylorda-news.kz</a> &nbsp;Қызылордадағы «Қайсар Арена» стадионында жергілікті «Қайсар» мен Абай облысының «Елімай» футбол командалары арасында Қазақстан Премьер-лигасының 12-тур аясында кезекті матч өтті.Оған облыс әкімі Мұрат Ергешбаев арнайы қатысып, жергілікті командаға қолдау білдірді.Ойын барысында «Қайсар» сапындағы Николла Цуцкич пен Имо Эзикель жасыл алаңда өз шеберліктерін танытып, гол авторы атанды.Дегенмен, аладоп бәсекесінің нәтижесі 3:2 есебімен аяқталып, қарсылас команда ұпай еншіледі.<img src="https://knadmin.beoblood.kz/uploads/ajsar_men_Elimaj_arasynda_tartysty_match_tti_46491c5f2f.jpg" alt="«Қайсар» мен «Елімай» арасында тартысты матч өтті.jpg"><img src="https://knadmin.beoblood.kz/uploads/ajsar_2ff91229e0.jpg" alt="қайсар.jpg">Фото: Қызылорда облысы әкімінің баспасөз қызметі&nbsp;

«Қайсар» мен «Елімай» арасында тартысты матч өтті 

<a href="https://kyzylorda-news.kz/">Kyzylorda-news.kz</a> «Ең алдымен, осы өте маңызды іс-шараға қатысқаны үшін Еуразия экономикалық одағына мүше мемлекеттердің басшыларына, байқаушы елдердің көшбасшыларына және барша қонақтарға шынайы ризашылығымды білдіремін.Еуразия экономикалық форумы еуразиялық интеграцияны дамытудың өзекті мәселелері бойынша кәсіби әрі нәтижелі диалогтың тиімді алаңы ретінде кеңінен танылған. &nbsp;Ортаға салған идеялар, бастамалар мен ұсыныстар Интеграциялық одақ аясындағы өзара тиімді ынтымақтастыққа тың серпін беретініне сенімдімін.ЕАЭО – жай ғана өңірлік интеграциялық бірлестік емес, жаһандық экономиканың маңызды субъектісі екенін түсінген жөн».&nbsp;<a href="https://t.me/aqorda_resmi">t.me/aqorda_resmi</a>

Мемлекет басшысы: «ЕАЭО – жай ғана өңірлік интеграциялық бірлестік емес, жаһандық экономиканың маңызды субъектісі екенін түсінген жөн»

<a href="https://kyzylorda-news.kz/">Kyzylorda-news.kz</a> Бүгін – Қазақстан Республикасының Бітімгер күні. Биылдан бастап елімізде бекітілген бұл кәсіби мереке БҰҰ-ның Халықаралық бітімгерлер күнімен тұспа-тұс келіп отыр.БҰҰ-ның бітімгерлік қызметіне қатысу – Қазақстанның сыртқы саясатының маңызды бағыттарының бірі. Бұл еліміздің халықаралық беделін нығайтып, әлемдік қауымдастық тарапынан сенімді арттыруға ықпал етеді.Халықаралық міндеттемелерді іске асыру аясында 2014 жылдан бері 900-ден аса әскери қызметші БҰҰ-ның түрлі миссиялары құрамында қызмет атқарды.<img src="https://knadmin.beoblood.kz/uploads/armiya_voennye_97c97856d8.jpeg" alt="армия военные Фото: Министерство обороны РК .jpeg">Қазіргі таңда 154 қазақстандық әскери қызметші Таяу Шығыс пен Африка құрлығындағы БҰҰ-ның 11 миссиясының 7-уіне қатысуда. Бітімгерлер Батыс Сахарада, Орталық Африка Республикасында, Конго Демократиялық Республикасында, Ливан Республикасында және Оңтүстік Суданда әскери бақылаушы және штаб офицерлері ретінде қызмет атқарып жүр.Қорғаныс министрлігі Мемлекет басшысының қазақстандық бітімгерлердің БҰҰ миссияларына қатысу ауқымын кеңейту және оны әртараптандыру жөніндегі тапсырмасын жүйелі түрде жүзеге асырып келеді.<img src="https://knadmin.beoblood.kz/uploads/armiya_voennye_1ab4b694cf.jpeg" alt="армия военные Фото: Министерство обороны РК.jpeg">Осылайша, 2024 жылдан бастап ұлттық контингент Голан жоталарындағы «БҰҰ-ның бөлінген аумақты бақылау жөніндегі күштері» миссиясы аясында міндеттерін орындауда. Контингентті орналастыру алдында әскери қызметшілер БҰҰ стандарттарына сәйкес кешенді даярлық пен бағалаудан өтті.Миссия атқару үшін қызметке қажетті жабдықтарымен, заманауи қару-жарақ және әскери техника үлгілерімен жан-жақты қамтамасыз ету бойынша кешенді жұмыстар іске асырылды. Әскери қызметшілерді даярлау Қорғаныс министрлігі Бітімгерлік операциялар орталығының базасында жүргізіледі. Бітімгерлер халықаралық гуманитарлық құқықты, ағылшын тілін, әскери медицинаны, минасыздандыру негіздерін меңгеріп, патрульдеу мен тосқауыл бекеттерінде қызмет атқару машықтарын пысықтайды.<img src="https://knadmin.beoblood.kz/uploads/armiya_voennye_b608331c16.jpeg" alt="армия военные. Фото: Министерство обороны РКjpeg">Қазақстан БҰҰ-дан бітімгерлік миссияға қатысуға дербес мандат алған посткеңестік кеңістіктегі алғашқы әрі жалғыз мемлекет.Голан жоталарында алғашқы ұлттық контингенттің орналастырылуы Қарулы күштеріміздің құзыреттілігі, жауапкершілігі және жоғары дайындық деңгейінің халықаралық деңгейде мойындалғанының айқын дәлелі болды.Миссия қолбасшылығы да өз тарапынан қазақстандық әскери қызметшілердің жоғары кәсібилігі мен бітімгерлік қызметке қосқан үлесін жоғары бағалады.Фото: Қазақстан Республикасы Қорғаныс министрлігі

900-ден астам қазақстандық әскери қызметші БҰҰ-ның бітімгерлік миссияларына қатысты

<a href="https://kyzylorda-news.kz/">Kyzylorda-news.kz</a> &nbsp;Қызылорда облысында «Мен есірткісіз өмірді насихаттаймын!» ұранымен мұғалімдер арасында байқау өткізілді. Іс-шараны Қызылорда облысы Полиция департаменті &nbsp;Есірткі қылмысына қарсы іс-қимыл басқармасы ұйымдастырды.Сайстың негізгі мақсаты – психоактивті заттарды тарату мен қолдануға теріс көзқарас қалыптастыру, салауатты және қауіпсіз өмір салты құндылықтарын нығайту, сондай-ақ қоғамда есірткіге қарсы тұрақты ұстанымды дамыту. Сонымен қатар, оқушылар мен жастар арасында профилактикалық жұмысты күшейтуге, педагогтердің шығармашылық әлеуетін дамытуға, заманауи цифрлық және медиа форматтарды енгізуге, белсенді әрі салауатты өмір салтын ұстануға ынталандыруға бағытталған.Қатысушылар ретінде Қызылорда облысының білім беру ұйымдарының мұғалімдері өздерінің есірткіге қарсы акцияларын, қоғам мен жастарға арналған үндеулерін, сондай-ақ жасанды интеллект элементтері қолданылған әлеуметтік бейнероликтерін ұсынды.<img src="https://knadmin.beoblood.kz/uploads/efc5d092_82b2_4700_9348_2c93a36eb572_bcaa454416.jpg" alt="«Мен есірткісіз өмірді насихаттаймын!» – Қызылорда облысы мұғалімдер арасында байқау өтті1">Іс-шара барысында қатысушылар жоғары кәсіби деңгейін, шығармашылық көзқарасын және белсенді азаматтық ұстанымын көрсетті. Байқау қорытындысы бойынша жеңімпаздар анықталды: Мешітбай Бағдагүл Дөңесқызы (М. Мәметова атындағы Қызылорда жоғары педагогикалық колледжі, І орын), Амангелдиева Назерке Гайсарқызы (Қармақшы ауданы №113 орта мектеп, ІІ орын), Аймұратқызы Құралай (Жалағаш ауданы №123 мектеп-лицей, ІІ орын), Жәли Айжан Мырзабекқызы (Қармақшы ауданы №273 орта мектеп, ІІ орын), Ермахан Әйгерім Еркінқызы (Жалағаш ауданы №202 орта мектеп, ІІ орын), Ізімғалиева Алтынай Аманжолқызы (Қармақшы ауданы №99 орта мектеп, ІІ орын), Мангулова Салтанат (Шиелі ауданы №156 орта мектеп, ІІ орын), Жүнісова Күнсұлу Алтайбайқызы (Жаңақорған ауданы №56 орта мектеп, ІІ орын), Ағманова Зұлпия Ерікқызы (Жаңақорған ауданы №125 орта мектеп, ІІІ орын), Құрақбай Рабиға (Жалағаш ауданы №118 орта мектеп, ІІІ орын), Әбіш Жадыра Егенбердіқызы (Жаңақорған ауданы №184 орта мектеп, ІІІ орын), Мусаева Сабира Қостайқызы (Жалағаш ауданы №34 орта мектеп, ІІІ орын), Нурсейтова Ғалия Ураковна (Қазалы ауданы білім бөлімінің әдіскері, ІІІ орын), Ахметова Марина Ануарбековна (Жалағаш ауданы №201 мектеп-лицей, ІІІ орын).Іс-шара соңында полиция қызметкерлері мен білім беру ұйымдары арасындағы өзара ынтымақтастықтың маңыздылығы атап өтілді. Бұл әріптестік жастар арасында есірткіге қарсы тұрақты иммунитет қалыптастыруға және салауатты өмір салтын кеңінен насихаттауға бағытталған профилактикалық жұмысты тиімді жүзеге асыруға мүмкіндік беретіні айтылды.

Архив