<a href="https://kyzylorda-news.kz/">Kyzylorda-news.kz</a> Қамыстыбас ауылдық округінде «GLOCAL – Қазақстанда Орнықты даму мақсаттарын (ОДМ) жергіліктендіруін алға тарту жаһандық әрекет» жобасы аясында ауқымды іс-шаралар легі өтті. Еуропалық Одақ делегациясының сапары барысында жергілікті бастамалар таныстырылып, ауылдық деңгейде жүзеге асырылып жатқан жұмыстардың нақты нәтижелері көрсетілді.Сапар аясында делегация мүшелері Қамбаш аумағында болып, жоба қатысушыларымен кездесіп, олардың тәжірибелерімен танысты. Жиында аудан әкімінің орынбасары Н. Бохаев сөз сөйлеп, Қамыстыбас ауылында жүзеге асып жатқан жобалардың маңызын атап өтіп, халықаралық серіктестер мен белсенді тұрғындарға алғыс білдірді. Ал ауылдық округ әкімі атқарылған жұмыстар бойынша есеп беріп, жобаның аралық нәтижелерін ұсынды. Сонымен қатар, қаржылық қолдау алған үш жергілікті ұйым өз бастамаларын таныстырып, GLOCAL жобасының мүмкіндіктерін ерекше атап өтті.Маңызды жаңалықтардың бірі — Қамыстыбас ауылдық округінде Қазақстандағы алғашқы ауылдық SDG Hub-тың ашылуы болды. Бұл алаң мемлекеттік органдар, кәсіпкерлер мен тұрғындар арасындағы тиімді диалогты дамытып, бірлескен шешімдер қабылдауға мүмкіндік береді. Хаб қызметі сапалы білім, гендерлік теңдік, таза су мен санитария, тұрақты елді мекендер, жауапты тұтыну және теңіз экожүйелерін сақтау бағыттарына негізделген. Бұл бастама жергілікті өзін-өзі басқаруды күшейтіп, қоғамның белсенділігін арттыруға бағытталған.Сапар барысында делегация «Арал әйелдері» қоғамдық бірлестігінің бастамасымен жүзеге асырылып жатқан ауылды көгалдандыру жобасына қатысты. Экологиялық акция кезінде 500 түп ағаш отырғызылып, тамшылатып суару жүйесін енгізу жұмыстары жүргізілуде. Бұл бастама ауылдың экологиялық жағдайын жақсартып, тұрғындарды табиғатты қорғауға жұмылдыруға бағытталған.Сонымен қатар, Қамбаш көлінің жағалауында экологиялық тазалық акциясы ұйымдастырылды. Аймақтың маңызды табиғи нысаны саналатын көл бүгінде антропогендік әсердің салдарынан ластану, су сапасының төмендеуі және балық қорының азаю қаупі сияқты мәселелерге тап болып отыр. Акцияның басты мақсаты — қоғам назарын экологиялық проблемаларға аудару және табиғатты қорғау мәдениетін қалыптастыру. Аталған шараны «Жас кәсіпкерлер қоғамы» жастар ұйымы жүзеге асырды.Жоба аясында қаржылық қолдау алушыларға арналған «Жобаны басқару және есептілік» тақырыбында оқыту семинары да өтті. Қатысушылар жобалық менеджмент, стратегиялық жоспарлау және есептілік жүргізу бойынша білімдерін жетілдіріп, өз ұйымдарының әлеуетін арттыруға мүмкіндік алды.Жалпы, GLOCAL жобасы жергілікті бастамаларды қолдап, тұрғындарды белсенді тарту арқылы ауылдық аумақтардың тұрақты дамуына серпін беруде. Бұл бастамалар өңірдің әлеуметтік-экономикалық және экологиялық жағдайын жақсартуға бағытталған нақты қадамдардың бірі болып табылады.

Қамбашта GLOCAL жобасы аясында тұрақты дамуға бағытталған ауқымды іс-шаралар өтті

<a href="https://kyzylorda-news.kz/">Kyzylorda-news.kz</a> Партия алаңында облыстық мәслихаттағы “AMANAT” партиясы фракциясының мүшесі Мұхтар Ниязов азаматтарды жеке мәселелері бойынша қабылдау өткізді.Қабылдау барысында тұрғындар тарапынан бірқатар әлеуметтік және жеке сипаттағы мәселелер көтерілді. &nbsp;Атап айтқанда, тұрғындар денсаулыққа байланысты қаржылай көмек көрсету, жұмысқа орналасу, тұрғын үй-коммуналдық мәселелер және инфрақұрылымға қатысты өтініш-тілектерін жеткізді.Фракция мүшесі Мұхтар Ниязов аталған мәселелердің барлығы дерлік “AMANAT” партиясының бақылауына алынып, тиісті шаралар қабылданатынын жеткізді. Алдағы уақытта қаралған мәселелер аясында тексеріс жұмыстарын жүргізіп, тұрғындардың өтініш-тілектері қанағаттандырылатынын айтты.Сонымен қатар, көпбалалы отбасыларға әлеуметтік көмек көрсету, білім алушы жастарға қолдау білдіру, сондай-ақ қайырымдылық көмекке мұқтаж азаматтарға жәрдем беру мәселелері де назарға алынды.&nbsp;Әрбір өтініш бойынша тиісті түсіндірмелер беріліп, заң аясында шешу жолдары қарастырылды. Қабылдау қорытындысы бойынша көтерілген мәселелерге байланысты жауапты мекемелерге нақты тапсырмалар жүктелді. Өтініш иелеріне заң талаптарына сәйкес бағыт-бағдар беріліп, кейбір мәселелер бақылауға алынды.

“AMANAT”: Азаматтарды жеке мәселелері бойынша қабылдау өткізді

<a href="https://kyzylorda-news.kz/">Kyzylorda-news.kz</a> Бүгін Арал ауданы әкімдігінің мәжіліс залында аудан әкімінің міндетін атқарушы Шерхан Есжановтың төрағалығымен әкімдік мәжілісі өтті. Жиында Үкімет отырысының күн тәртібіне сәйкес экономика салаларына жасанды интеллектті енгізу мәселесі қаралып, бірқатар тапсырмалар берілді.Аталған салаға қазіргі таңда ерекше басымдық берілуде. Мемлекет басшысы өткен жылы халыққа арнаған Жолдауында еліміздің цифрлық мемлекетке айналуы стратегиялық басымдықтардың бірі екенін атап өткен болатын. Сондай-ақ 2026 жылдың «Цифрландыру және жасанды интеллект жылы» деп жарияланғаны белгілі.Жиында аудан әкімінің міндетін атқарушы Ш. Есжанов дербес бөлім басшыларына, қала, кент және ауылдық округ әкімдеріне цифрлық технологияларды дамытудың 2026–2030 жылдарға арналған стратегиясы мен цифрлық картада көзделген тапсырмалардың сапалы әрі уақытылы орындалуын қамтамасыз етуді тапсырды.Сонымен қатар жасанды интеллект құралдарын пайдалану дағдылары бойынша оқыту жұмыстарын жандандыру қажеттігін атап өтті.Жиында қала тұрғындарын сапалы байланыс және ғаламтор желісімен қамтамасыз ету жұмыстарын күшейту жөнінде де тапсырмалар берілді. Бұдан бөлек, ауданның санитарлық тазалығы да назардан тыс қалмады. Аудан бойынша «Таза Қазақстан» экологиялық бағдарламасының әлі де толық деңгейде жүзеге аспай отырғаны айтылып, қаланың кейбір аймақтарында анықталған кемшіліктерді жедел жою жөнінде жауапты тұлғаларға нақты міндеттер жүктелді.

Экономика салаларына жасанды интеллектті енгізу мәселесі қаралды

<a href="https://kyzylorda-news.kz/">Kyzylorda-news.kz</a> Бүгін Сырдария ауданының әкімі Берік Сәрменбаевтың төрағалығымен мәжіліс өтіп, цифрландыру және жасанды интеллект саласын дамыту мәселесі қаралды.Мәжіліс барысында аудан әкімі ауданда цифрландыру бағытында атқарылып жатқан жұмыстарға тоқталды.&nbsp;<blockquote>– Цифрландыру – экономиканың барлық саласының тиімділігін арттыратын негізгі құрал. Сондықтан біз әрбір мекемеде цифрлық шешімдерді кеңінен енгізіп, халыққа көрсетілетін қызметтердің сапасын жаңа деңгейге көтеруіміз қажет, – деді Берік Әбдіғаппарұлы.</blockquote>Мәжілісте аудан әкімі барлық бөлімдер мен мекемелерге &nbsp;қызмет сапасын арттыру мен ашықтықты қамтамасыз етуде цифрлық жүйелерді жетілдіруді тапсырды.Аталған салаға қазіргі таңда ерекше басымдық берілуде. Мемлекет басшысы өткен жылы халыққа арнаған Жолдауында еліміздің цифрлық мемлекетке айналуы стратегиялық басымдықтардың бірі екенін атап өткен болатын. Сондай-ақ 2026 жылдың «Цифрландыру және жасанды интеллект жылы» деп жарияланғаны белгілі. Сонымен қатар жасанды интеллект құралдарын пайдалану дағдылары бойынша оқыту жұмыстарын жандандыру қажеттігін атап өтті.Жиында аудан тұрғындарын сапалы байланыс және ғаламтор желісімен қамтамасыз ету жұмыстарын күшейту жөнінде де тапсырмалар берілді.&nbsp; &nbsp;<img src="https://knadmin.beoblood.kz/uploads/Syrdariya_ekonomika_salasy_2_007504157f.jpg" alt="Сырдария экономика саласы 2.jpg">

Экономика салаларын цифрландыру бағыты қаралды

<a href="https://kyzylorda-news.kz/">Kyzylorda-news.kz</a> «Заң мен тәртіп» тұжырымдамасы аясында өңіріміздегі құқықтық қызмет саласы қызметкерлері арасында Қорқыт Ата атындағы Қызылорда университетінің «Құқықтану» кафедрасының негізін қалаушы, ф.ғ.к, профессор, Қызылорда қаласы мен Қазалы ауданының «Құрметті азаматы» Матаев Мұстафа Матайұлын еске алуға арналған турнир өтті.Жарыс спорттың алты түрі бойынша (шахмат, шағын футбол, үстел теннисі, дартс, жүзу эстафетасы, арқан тарту) ұйымдастырылып, айналым жүйесі бойынша өткізілді.<img src="https://knadmin.beoblood.kz/uploads/Whats_App_Image_2026_04_28_at_15_41_18_4a6202d082.jpeg" alt="Турнир.jpeg">Турнир нәтижесінде:Шахмат<ul><li style="text-align:justify;">1-орын ҚР Ұлттық қауіпсіздік комитеті Қызылорда облысы және Байқоңыр қаласы бойынша департаменті&nbsp;</li><li style="text-align:justify;">2-орын Қорқыт ата атындағы Қызылорда университеті</li><li style="text-align:justify;">3-орын Қызылорда облыстық Төтенше жағдайлар департаменті</li></ul>Шағын футбол<ul><li style="text-align:justify;">1-орын ҚР Ұлттық қауіпсіздік комитеті Қызылорда облысы және Байқоңыр қаласы бойынша департаменті командасы</li><li style="text-align:justify;">2-орын Қызылорда облыстық Төтенше жағдайлар департаменті</li><li style="text-align:justify;">3-орын ҚР Ұлттық Ұлан 5547 әскери бөлімінің командасы</li></ul>Үстел теннис&nbsp;<ul><li style="text-align:justify;">1-орын Қызылорда облыстық Төтенше жағдайлар департаменті</li><li style="text-align:justify;">2-орын «Азаматтарға арналған үкімет» мемлекеттік корпорациясы КЕАҚ Қызылорда облысы бойынша филиалы командасы</li><li style="text-align:justify;">3-орын Қорқыт ата атындағы Қызылорда университеті</li></ul>Дартс&nbsp;<ul><li style="text-align:justify;">1-орын Қызылорда облыстық Төтенше жағдайлар департаменті</li><li style="text-align:justify;">2-орын Қорқыт ата атындағы Қызылорда университеті</li><li style="text-align:justify;">3-орын Қазақстан Республикасы Сот әкімшілігінің Қызылорда облысы бойынша департаменті</li></ul>Жүзу эстафетасы<ul><li style="text-align:justify;">1-орын Қызылорда облысының Полиция департаменті</li><li style="text-align:justify;">2-орын</li><li style="text-align:justify;">3-орын Қорқыт ата атындағы Қызылорда университеті</li></ul>Арқан тарту<ul><li style="text-align:justify;">1-орын ҚР Ұлттық қауіпсіздік комитеті Қызылорда облысы және Байқоңыр қаласы бойынша департаменті</li><li style="text-align:justify;">2-орын Қызылорда облыстық адвокаттар алқасы</li><li style="text-align:justify;">3-орын Қызылорда облыстық Төтенше жағдайлар департаменті</li></ul>Спорт түрлерінен жарыстың жеңімпаздары мен жүлдегерлері Қорқыт Ата атындағы Қызылорда &nbsp;университетінің Кубогімен, І,ІІ,ІІІ дәрежелі дипломдармен және бағалы сыйлықтармен марапатталады. Жарыс жеңімпаздары мен барлық қатысушыларды шын жүректен құттықтаймыз!Осындай тағылымды әрі мазмұнды іс-шаралар әріптестер арасындағы бірлікті нығайтып, жастарға үлгі болары сөзсіз.<img src="https://knadmin.beoblood.kz/uploads/Whats_App_Image_2026_04_28_at_15_41_14_1abc9fe286.jpeg" alt="Турнир.jpeg">

«Заң мен тәртіп» тұжырымдамасы аясында турнир өтті

<a href="https://kyzylorda-news.kz/">Kyzylorda-news.kz</a> Өткен жексенбі күні Қазалы ауданының әкімі Алмасбек Есмаханов Қарақұм беткейінде орналасқан елді мекендер мен мал шаруашылықтарын аралап, олардың бүгінгі тыныс-тіршілігімен танысты. Елді мекендерге жасаған жұмыс сапары барысында Қожақазған, Аққұдық, Тапа, Шилі, Шәкен және Шөлқұм елді мекендеріне арнайы барып, жергілікті тұрғындармен кездесті.Аталған аймақтағы халықтың негізгі кәсібі – мал шаруашылығы. Жалпы аудан бойынша 200 мыңнан астам төрт түлік мал болса, соның шамамен 60 пайызы, яғни 120 мыңнан астамы Қарақұм беткейінде шоғырланған. Бүгінде бұл өңірде 235 шаруашылық мал өсірумен айналысып келеді. Бұл – аудан экономикасының маңызды саласының бірі екенін айқын көрсетеді.Аудан әкімі Алмасбек Есмаханов елді мекендерді аралау барысында шаруалардың жай-күйімен танысып, олардың күнделікті жұмыс барысын көзбен көрді. Сонымен қатар, тұрғындармен пікір алмасып, өзекті мәселелерін тыңдады. Кездесулер барысында бірқатар түйткілді мәселелер көтерілді. Атап айтқанда, мал суаруға арналған су ұңғымаларын қазу қажеттілігі, Байқоңыр ғарыш айлағына жақын орналасқан шаруашылықтарда жабайы иттердің малға шабуылы, қасқырдың қауіпі, сондай-ақ алдағы уақытта шегірткелердің көбею қаупі сөз болды.Өз кезегінде аудан әкімі көтерілген мәселелердің барлығы назарға алынатынын атап өтіп, жауапты сала басшыларына нақты тапсырмалар жүктеді. Атап айтқанда, аудандық ауыл шаруашылығы бөлімі, ветеринариялық инспекция және ветеринариялық станция басшыларына мал қауіпсіздігін қамтамасыз ету, су көздерін көбейту, зиянкестерге қарсы күрес шараларын күшейту және аудандық полиция бөлімі мен елді мекендердегі учаскелік полиция инспекторларына жергілікті жердегі мал ұрлығының алдын алу бойынша тиісті жұмыстар жүргізуді тапсырды.<img src="https://knadmin.beoblood.kz/uploads/azaly_sharuashyly_tardy_aralau_2_8ce2f1897e.jpg" alt="Қазалы шаруашылықтарды аралау 2.jpg">

Қазалы: Ауылдық елді мекендерді аралап, тұрғындармен жүздесті

<a href="https://kyzylorda-news.kz/">Kyzylorda-news.kz</a> ҚР Премьер-министрі Олжас Бектеновтің төрағалығымен Үкімет отырысы өтті. Күн тәртібінде экономика салаларына жасанды интеллектіні енгізу мәселесі қаралды. Оған облыс әкімі Нұрлыбек Нәлібаев селекторлық режим арқылы қатысты. Үкімет отырысынан кейін осы және өзге де мәселелер талқыланды.<blockquote>«Мемлекеттік қызметкерлердің жасанды интеллект дағдылары бойынша 100% оқудан өтуін бақылау керек. Денсаулық сақтау ұйымдарының жұмысына цифрлық технологиялар мен жасанды интеллектіні енгізу қарқынын жеделдетіңіздер. Жасанды интеллект көмегімен инсульттің алдын алуда нәтиже көрсеткен «Церебра» жобасын өңірімізде енгізу үшін зерделенген нақты ұсыныс беріңіздер. Құқықбұзушылық пен қылмыстың алдын алуда тәулік бойы жұмыс жүргізіп, рейдтік шараларды күшейту қажет. Интернет алаяқтықпен күресіп, киберқауіпсіздікті қамтамасыз ету үшін цифрлық технологиялар мен жасанды интеллект мүмкіндіктерін кеңінен пайдаланып, тұрақты мониторинг жүргізу керек», – деді Нұрлыбек Машбекұлы.</blockquote>Бұдан бөлек, аймақ басшысы инвестициялық жобаларды, бюджет қаражатының мақсатты әрі тиімді жұмсалуын, жол бойындағы нысандар мен жол белгілерінің жай-күйін бақылау, тазалықты күнделікті қадағалауды тапсырды.Өңірде 2023 жылдан бері Қорқыт Ата университеті базасында Сеул ұлттық ғылым және технология университетімен бірлесіп ашылған Жасанды интеллект институты жұмыс істейді. Онда 240 студент білім алады, түлектер өндіріс, білім беру, денсаулық сақтау және қызмет көрсету салаларына жасанды интеллектіні енгізумен айналысады.Қоғамдық қауіпсіздікті арттыруда 7 аудан орталығы мен Байқоңыр қаласында 616 бейнекамера, 54 жылдамдық өлшегіш орнатылған, облыс орталығында 1400 камера, 80 «зияткерлік қиылыс», 96 стационарлық құрылғы бар.Биыл сәуір айынан бастап өңірлер арасында алғашқы болып 10 «Сұңқар» құрылғысы іске қосылды. Оның көмегімен қауіпсіздік белдігінің тағылмауы, жүргізушінің ұялы телефонмен сөйлесуі автоматты режимде анықталады. «Қазақтелеком» компаниясымен бірлесіп, қолданыстағы бейнебақылау камераларын Ұлттық бейнебақылау жүйесіне қосу жоспарлануда.Бас прокуратураның бастамасымен қолға алынған «Цифрлық қадағалау» пилоттық жобасы елімізде бірінші болып Қызылорда облысынан бастау алды. Жедел әрекет ету орталығының «109-Бірыңғай байланыс орталығы», «112 – Бірыңғай кезекшілік-диспетчерлік қызметі» ақпараттық жүйелерімен интеграция жүргізілді.

Экономика салаларына жасанды интеллектіні енгізу мәселесі қаралды

<a href="https://kyzylorda-news.kz/">Kyzylorda-news.kz</a> &nbsp;Арал&nbsp;ауданы әкімінің міндетін атқарушы Шерхан Есжанов қала әкімі Б.Ұзақовпен бірге Арал қаласында тазалықты қамтамасыз ету мақсатында бірқатар көшелер мен көпшілік орындарды аралап, қаланың тазалығына байланысты жан-жақты зерделеу жұмыстарын жүргізді.Алдымен қала кіреберісіндегі қақпа маңындағы абаттандыру жұмыстары қаралып, оның баяу жүріп жатқаны үшін жауаптыларға қатаң ескерту берілді. Тапсырмаларды уақытында орындамағандарға тиісті шаралар қолданылатыны айтылды.Қала ішін аралау барысында көшелерде ұзақ уақыттан бері жиналып тұрған қоқыстар анықталып, тазалық жұмыстарының жеткіліксіз деңгейде жүргізіліп жатқаны сынға алынды. Кейбір көше бойындағы үйілген қоқыстардың қанша уақыт өтсе де ретке келмегенін көрген аудан әкімінің орынбасары қала әкіміне ескерту жасап, Арал қаласы бойынша тазалық жұмыстары әлі де өз деңгейінде жүргізілмей келе жатқанын атап өтті.Ал кейбір көше бойындағы көріністер қала тұрғындарының тазалық мәдениетіне деген көзқарастары әлі де төмен екенін байқатты. Мұны қаланың кейбір талапшыл тұрғындары да растап отыр.Мәселен, қаланың шанхай мөлтек ауданында орналасқан орыс қорым атанып кеткен аумақтың іші де сырты да толған қоқыс екені көзге алыстан байқалып тұр.Бүгін тазаланған аумақ көзді ала бере лезде қоқысқа толып қалатыны бұған дейін де белгілі болған. Мұны сол маңда тұратын Алматы көшесінің тұрғыны да растады.<img src="https://knadmin.beoblood.kz/uploads/Aral_tazaly_1_408268bd1a.jpg" alt="Арал тазалық 1.jpg">Мән-жайға қаныққан аудан әкімінің міндетін атқарушы Ш.Есжанов қала әкіміне қоқыстар жиі төгілетін аумақтарға жылдам басқарылып, заңбұзушылықты анықтайтын бейнебақылау қондырғыларын орнатуды қолға алу жөнінде тапсырма берді. Сол арқылы қоқыс тастаушы тұлғалар анықталып, әкімшілік хаттамаға сай ірі көлемдегі айыппұлдар салынатын болады.Мұнан өзге қала көшелеріндегі жол жөндеу жұмыстарының барысымен танысып, мердігер мекеме өкілдерімен тілдесу барысында жұмыстардың барлығын сапалы жүргізу жөнінде бірқатар тапсырмалар жүктелді.Қаланың басқа аймақтарында да мұндай жағдайларды болдырмау мақсатында арнайы шаралар қабылданатын болады.Фото: Аудан әкімдігінің баспасөз қызметі

Арал: Тазалық жұмыстары жүргізілді

<a href="https://kyzylorda-news.kz/">Kyzylorda-news.kz</a> Қазіргі таңда табиғатты қорғау – адамзат алдындағы ең маңызды міндеттердің бірі. Қоршаған ортаның ластануы, ормандардың азаюы, жануарлар санының кемуі – бәрі де адамның табиғатқа немқұрайлы қарауының нәтижесі. Дегенмен, табиғатты қорғау үшін үлкен істер ғана емес, күнделікті өмірдегі қарапайым әрекеттер де үлкен рөл атқарады.Ең алдымен, қоқысты дұрыс тастау мәдениетін қалыптастыру қажет. Әр адам қоқысты арнайы жәшіктерге бөліп тастаса (пластик, қағаз, шыны), қайта өңдеу үдерісі жеңілдейді. Бұл табиғи ресурстарды үнемдеуге көмектеседі.Екінші маңызды қадам – суды үнемдеу. Көп жағдайда адамдар суды босқа ағызып қояды. Тіс жуғанда немесе ыдыс жуған кезде суды қажетсіз ағызбай, үнемдеп пайдалану – табиғатты қорғаудың қарапайым әрі тиімді тәсілі.Сонымен қатар, электр энергиясын үнемдеу де маңызды. Бөлмеден шыққанда жарықты сөндіру, энергия үнемдейтін шамдарды қолдану арқылы біз табиғи ресурстарды сақтай аламыз.Пластик қолдануды азайту да үлкен үлес қосады. Дүкенге барғанда көп реттік сөмке пайдалану, бір рет қолданылатын ыдыстардан бас тарту – қоршаған ортаға деген жанашырлықтың белгісі.Тағы бір қарапайым жол – ағаш отырғызу. Әр отырғызылған ағаш ауа сапасын жақсартып, табиғаттың тепе-теңдігін сақтауға көмектеседі.Қорытындылай келе, табиғатты сақтау әр адамның өзінен басталады. Кішкентай әрекеттердің өзі үлкен өзгерістерге әкелуі мүмкін. Егер әрқайсымыз табиғатқа қамқорлықпен қарасақ, болашақ ұрпаққа таза әрі әдемі әлем қалдыра аламыз.Аяжан МахамбетәліҚорқыт ата атындағы Қызылорда университетінің 4-курс студентіФото: freepik.com

Табиғатты сақтаудың қарапайым жолдары

<a href="https://kyzylorda-news.kz/">Kyzylorda-news.kz</a> Қазіргі заманда пластик адам өмірінің ажырамас бөлігіне айналды. Ол арзан, жеңіл әрі қолдануға ыңғайлы болғандықтан, тұрмыста, өндірісте және медицинада кеңінен пайдаланылады. Алайда пластиктің пайдасымен қатар, оның қоршаған орта мен адам денсаулығына тигізетін зияны да өте зор.Ең басты мәселе – пластиктің табиғатта өте баяу ыдырауы. Көптеген пластик түрлері жүздеген жылдар бойы жойылмайды. Соның салдарынан жер бетінде, мұхиттарда және ормандарда пластик қалдықтары жиналып, экожүйеге үлкен қауіп төндіреді. Әсіресе теңіз жануарлары пластикті қорек деп ойлап, жұтып қояды, нәтижесінде олардың қырылуы жиілеп барады.Сонымен қатар пластикті жағу кезінде ауаға улы заттар бөлінеді. Бұл заттар адам ағзасына түсіп, түрлі ауруларға әкелуі мүмкін. Кейбір пластик өнімдерінің құрамындағы химиялық заттар тағамға өтіп, денсаулыққа зиян тигізеді.Пластик мәселесін азайту үшін әр адам өз үлесін қоса алады. Біріншіден, бір рет қолданылатын пластик заттардан бас тарту қажет. Мысалы, полиэтилен пакеттердің орнына көп рет қолданылатын мата сөмкелерді пайдаланған дұрыс. Екіншіден, пластик қалдықтарды сұрыптап, қайта өңдеуге тапсыру маңызды. Бұл жаңа пластик өндіру көлемін азайтады. Үшіншіден, экологиялық таза өнімдерді таңдап, табиғатты қорғауға бағытталған әдеттерді қалыптастыру керек.Қорытындылай келе, пластиктің зияны – бүкіл адамзатқа ортақ мәселе. Оны шешу үшін мемлекет деңгейінде де, жеке адам деңгейінде де нақты әрекеттер қажет. Табиғатты қорғау – болашақ ұрпақ алдындағы басты міндетіміз.&nbsp;Аяжан МахамбетәліҚорқыт ата атындағы Қызылорда университетінің 4-курс студенті&nbsp;Фото: ru.freepik.com

Пластиктің зияны және оны азайту жолдары

<a href="https://kyzylorda-news.kz/">Kyzylorda-news.kz</a> Қазіргі заманда цифрлық технологиялардың қарқынды дамуы білім беру саласына да үлкен өзгерістер әкелді. Соның айқын көрінісі – онлайн білім беру жүйесінің кең таралуы. Бұл формат оқушылар мен студенттерге білім алудың жаңа мүмкіндіктерін ашып, дәстүрлі оқыту тәсілдеріне балама ретінде қалыптасты.Онлайн білім берудің ең басты артықшылықтарының бірі – қолжетімділік. Географиялық орналасуына қарамастан, кез келген адам интернет арқылы әлемнің үздік оқу орындарының курстарына қатыса алады. Сонымен қатар, уақытты тиімді пайдалану мүмкіндігі де маңызды рөл атқарады. Студенттер өздеріне ыңғайлы уақытта оқып, жеке кесте құра алады.Тағы бір артықшылығы – оқу ресурстарының көптігі. Видеодәрістер, интерактивті тапсырмалар, электронды кітаптар білім алушыларға материалды терең меңгеруге көмектеседі. Бұдан бөлек, онлайн оқу қаржылық тұрғыдан да тиімді болуы мүмкін, себебі жол ақысы немесе жатақхана шығындары қажет емес.Дегенмен, онлайн білім берудің кемшіліктері де жоқ емес. Ең алдымен, тікелей қарым-қатынастың болмауы студенттердің мотивациясына әсер етуі мүмкін. Оқытушымен және топтастармен бетпе-бет байланыс болмағандықтан, кейбір студенттер өзін оқшау сезінеді. Сонымен қатар, өзін-өзі бақылау деңгейі жоғары болуы талап етіледі, өйткені онлайн форматта тәртіпті сақтау қиынырақ.Тағы бір мәселе – техникалық қиындықтар. Интернеттің тұрақсыздығы немесе қажетті құрылғылардың болмауы оқу процесіне кедергі келтіреді. Сондай-ақ, барлық пәндер онлайн форматта бірдей тиімді оқытылмайды, әсіресе тәжірибелік дағдыларды қажет ететін мамандықтарда қиындықтар туындайды.Онлайн білім беру – заманауи қоғамның ажырамас бөлігі. Оның артықшылықтары көп болғанымен, кемшіліктерін де ескеру қажет. Ең тиімді нәтиже алу үшін онлайн және дәстүрлі білім беру әдістерін үйлестіре қолдану маңызды.Аяжан Махамбетәлі&nbsp; Қорқыт ата атындағы Қызылорда университетінің 4-курс студентіФото: freepik.com

Онлайн білім берудің артықшылықтары мен кемшіліктері

<a href="https://kyzylorda-news.kz/">Kyzylorda-news.kz</a> &nbsp;Қазіргі заманда адам тек біліммен ғана емес, үнемі дамуға деген ұмтылыспен де ерекшеленеді. Өзін-өзі дамыту – бұл адамның жеке қасиеттерін жетілдіруі, жаңа білім мен дағдыларды меңгеруі, сондай-ақ ішкі әлеуетін толық ашуы. Бұл үдеріс адамның өмір сапасын жақсартып қана қоймай, оны бәсекеге қабілетті, саналы тұлға ретінде қалыптастырады.Ең алдымен, өзін-өзі дамыту адамға өз мүмкіндіктерін тануға көмектеседі. Көп жағдайда адамдар өз қабілеттерін толық білмейді немесе бағаламайды. Ал даму арқылы адам өз күшті және әлсіз тұстарын анықтап, мақсаттарын нақтылай алады. Бұл оның өмірде дұрыс бағыт таңдауына ықпал етеді.Сонымен қатар, өзін-өзі дамыту – табысқа жетудің негізгі кілттерінің бірі. Қандай салада болмасын, үздік болу үшін адам үнемі үйреніп, жаңарып отыруы қажет. Жаңа технологиялар мен ақпараттық өзгерістер дәуірінде білімнің ескіруі өте жылдам жүреді. Сондықтан өз білімін үнемі толықтырып отыратын адам ғана заман талабына сай болады.Тағы бір маңызды қыры – өзін-өзі дамыту адамның сенімділігін арттырады. Жаңа дағдыларды меңгеру, мақсаттарға жету адамға ішкі қанағат сезімін береді. Бұл өз кезегінде оның өзін бағалауына, қоғамда белсенді болуына әсер етеді.Сонымен бірге, өзін-өзі дамыту адамның ой-өрісін кеңейтеді. Әртүрлі кітап оқу, жаңа адамдармен танысу, тәжірибе жинау арқылы адам дүниетанымын байытады. Бұл оның сыни ойлау қабілетін арттырып, күрделі мәселелерді шешуге көмектеседі.Түйін: &nbsp;Өзін-өзі дамыту – табысты әрі мағыналы өмір сүрудің негізі. Өз-өзімен жұмыс істейтін адам ғана өмірде биік жетістіктерге жете алады. Сондықтан әр адам күн сайын өзін жетілдіруге уақыт бөліп, дамуға ұмтылуы қажет.&nbsp;Аяжан МахамбетәліҚорқыт ата атындағы Қызылорда университетінің 4-курс студентіФото: Нұрболат Нұржаубай

Архив