<a href="https://kyzylorda-news.kz/">Kyzylorda-news.kz</a> Бүгін қала әкімі Нұржан Ахатовтың төрағалығымен жиын өтіп, онда бірқатар өзекті мәселе талқыланды. Өздеріңізге белгілі, қазіргі таңда барлық өңірлерде күн райы құбылып, табиғат тосын мінез танытуда.&nbsp;Салдарынан қалың тұман түсіп, көктайғақ орын алуда. Біздің аймақта да күннің суытуына байланысты шұғыл шаралар қабылдануда. Шаһар басшысы көктайғақтың алдын алу, сақтық шараларын күшейту және жол-көлік оқиғаларын болдырмау амалын жасауды қалалық полиция басқармасы мен коммуналдық мекемелердің басшыларына тапсырып, жолдарды ұдайы тазартып отыру, сондай-ақ тұрғындарға ауыз су, газ, жарықтың үздіксіз берілуіне баса назар аудару керектігін айтты.Бүгінде қалада жол құрылысы қарқынды жүруде. Облыс әкімінің тапсырмасына сәйкес, бұл бағыттағы жұмыстарға және құрылыстардың сапасына қатаң қадағалау жасалуда. Нұржан Сәбитұлы салаға жауапты басшыларға жол құрылыстарының мерзімінде әрі сапалы орындалуы үшін бақылау шараларын күнделікті жүргізуді жүктеді.

Мезгіл мәселесі 

<a href="https://kyzylorda-news.kz/">Kyzylorda-news.kz</a> &nbsp;2025 жылы көлік саласының негізгі көрсеткіштері тұрақты өсуді көрсетеді. Бұл туралы Үкімет отырысының қорытындысы бойынша өткен баспасөз мәслихатында ҚР көлік министрі Нұрлан Сауранбаев мәлімдеді.Ол елдің транзиттік әлеуеті мен логистикалық мүмкіндіктері кеңейіп, қызмет көрсету сапасы артып келе жатқанын атап өтті. Осы жұмыс аясында бірқатар шаралар мен ірі инфрақұрылымдық жобалар жүзеге асырылды.«Жол инфрақұрылымын дамыту шеңберінде биыл 13 мың шақырым жол жөндеу жұмыстарымен қамтылды. Бұл рекордтық көрсеткіш. Оның 4 мың шақырымы облыстық және аудандық жолдар. Жөндеу жұмыстарының нәтижесі бойынша жергілікті жолдардың нормативтік жағдайы 91%-ды құрайды», — деді Нұрлан Сауранбаев.Биыл «Қалбатау – Майқапшағай», «Ұзынағаш – Отар» және «Қызылорда – Жезқазған» жобалары аяқталатыны атап өтілді. Орташа жөндеу жұмыстары шеңберінде Жезқазған – Петропавл және Қарағанды – Қарқаралы республикалық жолдарында жөндеу жұмыстары аяқталды.

Президент тапсырмаларын жүзеге асыру: жергілікті жолдардың нормативтік жағдайы 91%-ға жетті

<a href="https://kyzylorda-news.kz/">Kyzylorda-news.kz</a> Кәсіпкерлік саласы өңірдің экономикалық қарқынын арттыратын маңызды бағыттардың бірі. Табанды еңбек пен тұрақты ізденістің нәтижесінде бүгінде отандық бизнес қарқынды дамып, өз орнын айқындап келеді. Осы салада ерекше жетістікке жетіп, өңірдің абыройын асқақтатып жүрген қызылордалық кәсіпкерлер Мемлекет басшысының қолынан “Алтын сапа” мен “Парыз” сыйлықтарын иеленді. Жеңімпаздар бүгін Өңірлік коммуникациялар қызметінің ақпарат алаңына келіп, жетістікке жету жолындағы тәжірибелері мен әсерлерімен бөлісті.<blockquote>- Биыл шілде айында өзіміздің өңірде «Қазақстанның үздік тауары» көрме-конкурсы өткізіліп, 9 жеңімпаз анықталды. Ал, 12 тамыз күні облыс бойынша өңірлік сараптама тобының отырысы өткізіліп, «Алтын сапа» сыйлығын алуға арналған конкурсқа қатысушылардың материалдары қаралды. Өңірден «Асыл Дән» ЖШС, «Марал-Нұр» ЖШС, «Таң LTD» ЖШС өтінім берді. Нәтижесінде «Жылдың үздік азық-түлік өнімдері / ауыл шаруашылық өнімдерін шығаратын кәсіпорын» номинациясы бойынша «Асыл дән LTD» ЖШС, ал «Қызмет көрсететін үздік кәсіпорын» номинациясы бойынша «Марал-Нұр» ЖШС жеңімпаз атанды. Сондай-ақ, “Парыз-2025” байқауы бойынша «Қазатомпром» АҚ-ның еншілес кәсіпорны – «СКЗ-U» ЖШС-нің «Экологияға қосқан үлесі үшін” номинациясын иеленді,- деді облыстық кәсіпкерлер палатасының директоры Пірмұхаммед Сыздық.</blockquote>Кәсіппен талай жылдан бері айналысып келе жатқан кәсіпкерлердің еңбегі ақталды.&nbsp;<blockquote>– Қазақта «Бейнеттің зейнеті бар» деген сөз бар, міне, біз бірнеше жыл маңдай терімізді төгіп жасаған еңбегіміздің нәтижесін мемлекетіміз қолдап, лайықты марапатқа ие болдық. Біз өте қуаныштымыз. «Марал-Нұр» компаниясы Қызылорда облысында ең бірінші болып теміржол көлігімен жолаушылар тасымалы қызметімен айналысамыз. Бұл салада еңбек етіп келе жатқанымызға 15 жылдан астам уақыт болды. Бүгінде 226 адамды тұрақты жұмыспен қамтып ғана қоймай, 5 облысты қамтитын екі облысаралық бағытта жолаушылар тасымалын жүзеге асырып, жыл сайын 800 мыңнан аса жолаушыға қызмет көрсетеміз,- деді «Марал-Нұр» ЖШС-нің құрылтайшысы Мұрат Нұрсейітов.</blockquote>“Марапат біздің компания үшін үлкен мәртебе” дейді Нұрлан Алдамжаров.<blockquote>– Бұл марапат біздің компаниямыз үшін үлкен мәртебе, ерекше жетістік. Осы «Үздік тауар» атағын алу үшін біз бірнеше тексерістерден өтіп, тауарымызды сертификаттадық. Бұл атақ алдағы бес жылда бізге өз көмегін көрсететін болады. «Асыл дән LTD» ЖШС 2013 жылы құрылды. Ол еліміздегі жетекші күріш өңдеу кәсіпорындарының бірі әрі бірегейі. Бүгінгі таңда компанияда 63 білікті маман еңбек етеді. Компания «Лидер», «Янтарь», «Элита», «Баракат» сортты жылтыратылған күрішті, сондай-ақ терең өңделген күріш ұнтағы, жарма сындықтары, қауыз және тары секілді өндіреді. Сапаны қатаң бақылау мен өндіріс процестерін үздіксіз жетілдірудің арқасында компаниямыздың өнімдері Қазақстан аумағында және шет елдерде тұрақты сұранысқа ие,- деді «Асыл дән LTD» ЖШС директоры Нұрлан Алдамжаров.</blockquote><img src="https://knadmin.beoblood.kz/uploads/yzylordaly_k_sipkerler_7b66e26b39.jpg" alt="қызылордалық кәсіпкерлер.jpg">Фото: Нұрболат Нұржаубай

Қызылордалық кәсіпкерлердің еңбегі жоғары бағаланды

<a href="https://kyzylorda-news.kz/">Kyzylorda-news.kz</a> «Қоғамдық келісім» КММ-нің облыстық ҚХА жанындағы Ассамблея жастары қызметін ұйымдастыру әленуметтік жобасы аясында TEDx BASTAU байқауы өткізілді.TEDx BASTAU шарасына 12 мен 24 жас аралығындағы 50 жас қатысып, өздерінің білім деңгейін ортаға салды.Шараның негізгі мақсаты Қызылорда қаласындағы жастардың зияткерлік әлеуетін арттыру, шешендік қабілетін дамыту және пікірсайыс мәдениетін қалыптастыру мақсатында Bastau DC дебат клубы TEDx BASTAU форматындағы кең көлемді конференция ұйымдастырды. Бұл іс-шара өңір жастарының өзін-өзі дамытуына, ашық ой айтуына, жаңа идеяларды қабылдауына және заманауи қоғамдық трендтерге бейімделуіне бағытталды.Бұл бағыттағы шаралар алдағы уақыттада өз кезегінде жалғасын табатын болады.<img src="https://knadmin.beoblood.kz/uploads/597473521_4263455387306942_1750196628682483586_n_d7d9d286ec.jpg" alt="597473521_4263455387306942_1750196628682483586_n.jpg">

TEDx BASTAU байқауы өткізілді

<a href="https://kyzylorda-news.kz/">Kyzylorda-news.kz</a> Жылу беру маусымы басталғалы облыс көлеміндегі тұрғын секторларда 34 өрт оқиғасы орын алған. Ал, жыл басынан бері тілсіз жаудың 432 оқиғасы тіркелді. Қатердің алдын-алу мақсатында әр аптаның сәрсенбі, жұма және сенбі күндері облыс бойынша жергілікті атқарушы органдар мен полиция өкілдерімен, қоғамдық бірлестіктердің волонтерлермен бірлесіп профилактикалық жұмыстар атқарылуда. Бүгінгі күнге дейін 74 463 тұрғын үй араланған. Бұл туралы облыстық ТЖД Мемлекеттік өрт бақылау басқармасы бастығының орынбасары Арман Дастенов мәлімдеді.<blockquote>- Тұрғындармен 200 рет кездесу ұйымдастырылып, соның ішінде электр және газ баллон жабдықтарын, пешті және газ пештерін орнату, қолдану туралы өрт қауіпсіздігі талаптары бойынша түсіндіру жұмыстары жүргізіліп қамтылды. Қазіргі таңда жергілікті атқарушы органдардан алынған тізімге сәйкес әлеуметтік осал топтағы 6 825 отбасы нақтыланған. Аталған отбасылардың қауіпсіздігін қамтамасыз ету мақсатында жергілікті бюджет қаражаты есебінен сатып алынған 484 дана табиғи газды анықтайтын датчик орнатылып, тұрғындарға пайдалану ережелері түсіндірілді. Сонымен қатар 1-5 желтоқсан аралығында облыс төңірегінде Полиция департаментімен бірлескен «Газ баллон» акциясы ұйымдастырылып, газбен жабдықталған автокөлік иелеріне, газ құю бекеттерінің өкілдеріне және тұрғын секторларын аралау арқылы тұрғындарға газ баллон қолдану кезіндегі қауіпсіздік ережелері насихатталды. Акция кезінде барлығы 28 рейд ұйымдастырылып, 5000-нан астам тұрғынға өрттің алдын алу шаралары түсіндірілді,- деді Арман Мамайұлы.</blockquote><img src="https://knadmin.beoblood.kz/uploads/rtti_aldyn_alu_sharalary_k_shejtildi_99d7e03188.jpg" alt="Өрттің алдын-алу шаралары күшейтілді.jpg">Фото: Нұрболат Нұржаубай

Өрттің алдын-алу шаралары күшейтілді

<a href="https://kyzylorda-news.kz/">Kyzylorda-news.kz</a> Достық үйінде «Заң мен тәртіп – Қауіпсіз Қазақстан үшін» тақырыбындағы Қызылорда облысының прокуратурасымен бірлескен кездесу өтті.Кездесуді Қазақстан Республикасы Бас прокуратурасы Құқықтық статистика және арнайы есепке алу жөніндегі комитетінің Қызылорда облысы бойынша департаменті бастығының орынбасары Ф.Т. Иманғалиев ашып берді және де прокуратура қызметкерлері өз бағыттары бойынша жастарға ақпараттық түсініктемелер берді.Кездесу барысында, заңның қоғамдағы рөлі, әділеттілік пен тәртіптің негізі ретіндегі маңызы туралы сөз қозғалды.Кездесудің мақсаты – қоғамдағы заңсыздықтың алдын алу, жастарды отансүйгіштік пен адал азамат болып қалыптасуға шақыру болып табылды.Шара соңында қатысушылар заң мен тәртіпке негізделген әділетті қоғам қалыптастыруда әр азаматтың рөлі маңызды екенін атап өтті.<img src="https://knadmin.beoblood.kz/uploads/597542890_4263501510635663_7162846060918059275_n_c663fd00c0.jpg" alt="597542890_4263501510635663_7162846060918059275_n.jpg">

«Заң мен тәртіп - қауіпсіз Қазақстан үшін» тақырыпта кездесу өтті

<a href="https://kyzylorda-news.kz/">Kyzylorda-news.kz</a> &nbsp;92,5 пайыз. Бұл жол сапасы жөніндегі жүзеге асырылған 100-ге жуық жобаның арқасындағы сапалы жолдардың үлесі һәм нәтижесі. Қызылорда қаласындағы Шіркейлі, Сыздық және Жаңадария каналдарындағы көпір өткелдерін кеңейту, Тәуелсіздік даңғылы бойындағы Қызылжарма каналы арқылы өтетін көпір өткелен салу, Сұлтан Бейбарыс көшесі мен Жаппасбай батыр көшесіндегі темір жол үсті көпірін күрделі жөндеу, Тәуелсіздік 25 жыл даңғылы, Әуежайға кіре беріс жолдарын кеңейту, Әбілхайырхан көшесінен Саламатов көшесіне дейін Сырдария бөгеті бойымен 4 - жолақты жол салу жұмыстары биылғы жылдың еншісіне бұйырған байыпты бастама болды.&nbsp;Әрине, жол сапасын жақсарту маңызды. Себебі сәтті сапар сапалы жолдан басталады. Жол сапасындағы жемісті жұмыстарды облыстық жолаушылар көлігі және автомобиль жолдары басқармасының басшысы Жәнібек Сыздықов баяндап берді.<blockquote>- Биылғы жылы жүзеге асырылып жатқан 124 жобаның аясында облыс бойынша Қызылорда облысының жолаушылар көлігі және автомобиль жолдары басқармасымен 37,1 км құрайтын 16 жоба, ал, Қызылорда қаласында ұзындығы 65 км құрайтын 26 жоба, Арал ауданында ұзындығы 42,5 км құрайтын 13 жоба, Қазалы ауданында ұзындығы 30,3 км құрайтын 12 жоба,Қармақшы ауданында ұзындығы 14,6 км құрайтын 8 жоба, Жалағаш ауданында ұзындығы 23,6 км құрайтын 7 жоба, Сырдария ауданында ұзындығы 21 км құрайтын 6 жоба, Шиелі ауданында ұзындығы 33,1 км құрайтын 7 жоба және Жаңақорған ауданында жалпы саны 29 жоба жүзеге асырылып, ұзындығы 61,9 км құрайтын автомобиль жолдары, көшелер мен көпір өткелдері жөндеуден өткізіліуде. аймақ басшысының бастамасымен мамыр айында Арал қаласында құны ұзындығы 940 метр болатын аспалы көпір ел игілігіне табысталды.Шілде айында тұрғындардың ұзақ жыл күткен Жаңақорған кентіндегі темір жол үстінен өтетін көпір пайдалануға берілді. Осы жобалардың жалғасы ретінде Қызылорда қаласында Жанқожа&nbsp;батыр көшесі арқылы өтетін теміржол асты автожолы құрылысы қарқынды жүруде. Сонымен қатар, келер жылы Қармақшы ауданы Жосалы кентінде темір жол үсті көпірінің құрылысы басталады. Халқымыздың көп жылдар бойғы арманына айналған республикалық маңызы бар «Қызылорда -Жезқазған» автомобиль жолын қайта жаңғырту жұмыстары 2022 жылы басталған болатын. Бүгінгі күні облыс аумағына тиесілі 191 шақырымы толық аяқталды. Таяуда ғана пайдалануға берілді,- деді Жәнібек Шәкімбайұлы.</blockquote><img src="https://knadmin.beoblood.kz/uploads/S_tti_sapar_sapaly_zholdan_bastalady_d167672eb7.jpg" alt="Сәтті сапар сапалы жолдан басталады.jpg">

Сәтті сапар сапалы жолдан басталады

<a href="https://kyzylorda-news.kz/">Kyzylorda-news.kz</a> Үкімет отырысында Премьер-министр Олжас Бектенов Президент тапсырмасына сәйкес, желтоқсан айында мемлекеттік шекара арқылы өткізу пункттерін жаңғырту жұмыстары аяқталатынын атап өтті.<blockquote>«Мемлекет басшысының тапсырмасына сәйкес, желтоқсан айында мемлекеттік шекара арқылы өткізу пункттерін жаңғырту жұмыстары аяқталады.Жақын арада 5 өткізу пункті іске қосылады. Осылайша, Еуразиялық экономикалық одақтың сыртқы контурындағы барлық өткізу пункттері халықаралық стандарттарға сай болып, жүктердің жылдам өтуін қамтамасыз етеді», – &nbsp;деп атап өтті Олжас Бектенов.</blockquote>Премьер-министр Көлік министрлігіне «ҚазАвтоЖол» компаниясымен бірге жұмыс қарқынын жеделдетіп, өткізу пункттерінің құрылысын белгіленген мерзімде аяқтауды тапсырды.Аталған мәселе Премьер-министрдің тікелей бақылауында.

Президент тапсырмаларын жүзеге асыру: Үкімет тағы 5 шекаралық өткізу пунктін жаңғыртуды аяқтауда

<a href="https://kyzylorda-news.kz/">Kyzylorda-news.kz</a> &nbsp;«Инвестициялық платформалардың» және «халықаралық брокерлердің» жарнамасы «мен мұндалап» әлеуметтік желілерде, мессенджерлерде, жарнамалық желілерде қазақстандықтардың қыр-соңынан &nbsp;қалмайтын болды. Олар жоғары пассивті кіріске, «кепіл берілген" пайдаға кенелуге, IPO-ға және әлемдік алпауыттардың акцияларына, криптовалюталарға және тіпті "мемлекеттің қолдауымен арнайы бағдарламаларға" қол жеткізуге &nbsp;уәде береді. Алайда, &nbsp;егер сіз осы таңғажайып &nbsp;уәделерге кәміл сенетін болсаңыз, &nbsp;онда сізді барлық ақшаңызды жоғалып алу қаупі күтіп тұр. Бұған жол бермеу үшін Fingramota.kz-тің материалын оқыңыз.Жалған брокерлер — бұл лицензиялары жоқ жалған инвестициялық &nbsp;компаниялар мен жеке «мамансымақтар». Олардың көздегені бір: аңғал азаматтардан неғұрлым көп ақша алып, қарасын жоғалту. Мұндай алаяқтардың барлығына &nbsp;тән белгі — &nbsp;бағалы қағаздармен операцияларға лицензияның жоқтығы.Жалған брокерлерлер қалай жұмыс істейді &nbsp;Агрессивті жарнамаАлаяқтар әлеуметтік желілерді белсенді пайдаланады, сондықтан ол жерде қысқа мерзім ішінде тіпті азғантай сомадан орасан зор пайда табуға уәде беретін платформалар немесе биржалар туралы жарнамаларды жиі кездестіруге болады. Көп жағдайда алаяқтар өздерінің айла-шарғы схемаларына назар аударnу үшін танымал блогерлермен, саясаткерлермен және тіпті қаржы ұйымдарының топ-менеджерлерімен дипфейктерді пайдаланады.Әлеуметтік инженерияАдам алаяқтар әлеуметтік желіде ұсынатын сілтеме бойынша өтіп, нөмірін қалдырса болды, оған бірден қоңырау түседі. Менеджер асқан биязылықпен &nbsp;оны "акция әрекет еткенше үлгеріңіз" немесе "Қазақстан үшін лимит таусылғанға дейін" деген сөздермен шот ашуға көндіреді. Біз бірнеше рет айтқанымыздай, алаяқтар адамның психологиясын жақсы біледі және өз дегендеріне жету үшін қалай қысым жасау керектігін біледі.Тартымды жалған сайт және зиянды БҚАлаяқтар көз тартатын сайттардың суретін салуды үйренді немесе ресми брокерлер мен компаниялардың нақты көшірмесін жасайды. Бір қарағанда, адам оның алдында алаяқтардың қолынан шыққан жұмыстың нәтижесі екенін бірден түсінбейді. Сондықтан сайтқа немесе платформаға кірген кезде сіздің алдыңызда түпнұсқаның өзі екеніне көз жеткізу маңызды.Әлеуетті клиентке сайтта немесе қосымшада тіркелу және, әрине де &nbsp;шотты толтыру ұсынылады. Алдымен адам жеке кабинетте «күннен күнге өсіп жатқан» ақшасын, сәтті мәмілелерді және көптеген цифрлармен әдемі графиктерді көреді. Шындығына келгенде, мұның бәрі нақты мәмілелер мен пайдаға ешқандай қатысы жоқ жай ғана әдемі суреттер.Екінші нұсқасы да &nbsp;болуы мүмкін: жалған брокерлер сізден жұмыстың сәтті болуы үшін қажет деген сылтаумен бөгде бағдарламалық қамтылымды (БҚ) &nbsp;орнатуды сұрайды. Егер клиент оны орнатса, онда алаяқтар оның барлық құрылғыларына қашықтан қол жеткізе алады және ақшаны шеше &nbsp;алады, жеке деректерді ұрлайды, кредит ресімдей &nbsp;және т.б..Жаңа толықтыруларға тартуАдам пайда тапқысы келгенде, алаяқтар, әрине, қызығушылық танытпайды және клиенттің назарын аударады. Мысалы, оған көрсеткіштерді алтын/платина мәртебесіне дейін жеткізу не аударымды сақтандыру немесе биржаға комиссия мен салық төлеу сұралуы мүмкін. Егер адам алаяқтардың айтқанын істесе, онда олар одан да көп ақша алады.Құпия жоқ болуАлаяқтар сенімді клиенттен бар ақшасын алғанын түсінгеннен кейін, байланыс жоқ болады. Сайт енді ашылмайды, менеджер нөмірді бұғаттайды, қолдау қызметі жауап бермейді. Ақша шетелде тіркелген шоттарға немесе жалған бөгде адамдарға кетті.Қазақстанда жалған брокерлердің ең танымал схемасыЖалған IPO және ірі компаниялардың акцияларыАдамдарға «брокер өкілдерінің» атынан қоңырау шалынады немесе хабарлама жібереді және белгілі компаниялардың биржасына немесе қағаздарына шыққанға дейін акцияларға «жабық жазылуды» ұсынады. Шындығында, оларда брокер де, нақты сауда-саттыққа қол жетімділік те жоқ.Төрт жыл бұрын Ақтөбе облысында Pepsi, Nike, Microsoft, Ford және BMW халықаралық компанияларының жалған акцияларына азаматтардың ақшасын тартудың алаяқтық схемасы анықталды. Оның үстіне ең төменгі жарна 1 000 долларды құрады, ал зардап шеккендер Астана, Алматы, Шымкент, Ақтөбе және Орал қалаларында тұрды. Схеманы ұйымдастырушылар 3 және 3,5 жылға бас бостандығынан айырылды. &nbsp;Әлеуметтік желілердегі «Инвестициялық платформалар»Жалған брокерлер Instagram, Telegram, TikTok парақшаларын ашады, «тәуекелсіз айына 30-50% кіріс» деген ұғымды жарнамалайды. Ақшаны келісімшарттар мен құжаттарсыз бірден «жетекші» картасына аударуды ұсынады.Осы жылдың қазан айында ҚМА 100% кірістілік кепілдігімен 30-дан 50 мың долларға дейін инвестиция салуды ұсынған инвестициялық жоба түріндегі алаяқтық схеманы ашты. Ұйымдастырушылар заңды етіп көрсету және оң имидж қалыптастыру үшін балалар үйлерінде қайырымдылық акцияларын өткізді. Схема алты бонустық деңгейдегі матрицалық жүйеге негізделген интернет-платформа арқылы жұмыс істеді: VIP-1 – VIP-6). Қатысушыларға cy USDT криптовалютамен төлемдер есептелді-мыс және олардың мөлшері салым сомасына және қатысушылардың анықтамалық сілтемелері бойынша тартылған санына байланысты болды. Алаяқтардың әрекетінен 117 адам зардап шекті.Жалған криптоброкерлерӘлеуетті клиенттерге «болашағы мықты токендерге», «дефай-платформаларға», «төрелікте табыс табуға» қатысуға уәде береді, баға ұсыныстарын өсіп келе жатқандай етіп көрсетеді. Шын негізінде, адам жай ғана &nbsp;алаяқтардың шотын толықтырады, қолында ешқандай монета болмайды.Осы жылғы қарашада криптовалюталық қаржы пирамидасына қатысты тергеп-тексеру аяқталды, оның ұйымдастырушылары азаматтарды Warner Bros трейлерлерін көруден жоғары пайда табуға болады деген сылтаумен жобаларға инвестиция салуға шақырды. Нақты кинокомпания ешқашан ақша табудың мұндай тәсілі туралы жариялаған емес.Салымның орташа сомасы 225 мың теңгені құрады, төлем тек USDT криптовалютасында қабылданып, бонустар есептелді. Шындығында, әрине, зардап шеккен 40 адамның криптоәмияндарына ақша түскен жоқ. Схеманы ұйымдастырушы бес жылға бас бостандығынан айырылды.Жалған брокерлерді қалай анықтауға болады?Лицензияның болмауы және жалған құжаттар: брокер жұмысының заңды екенін Қаржы нарығын реттеу және дамыту агенттігінің сайтында екі-ақ минутта тексеруге болады. Алаяқтар жиі жағдайда жалған сертификаттарды тіркейді немесе басқа біреудің лицензиясын ұрлап, оны өзінікі етіп көрсетеді. Сондай-ақ, құжаттарды ҚНРДА-ның, Қаржылық мониторинг агенттігінің базалары арқылы және қажет болған кезде құқық қорғау органдары арқылы оңай тексеруге болады.Кепілдік берілетін жоғары табыс табуға уәде беру: бірде-бір кәсіби брокер 100% пайда табуға кепілдік бермейді, себебі бұл қаржы нарығының табиғатына қайшы келеді. Егер сізге бір айда ешбір тәуекелсіз 20-30% табыс табуды ұсынатын болса, онда бұл – инвестициялық стратегия емес, бұл – алаяқтардың әдеттегі айласы.Қызықтыратын және агрессивті маркетинг:&nbsp;«Тек бүгін», «Соңғы орындар» немесе «Асығыңыз, мүмкіндікті жіберіп алмаңыз» сияқты сөз тіркестері – жалған брокерлердің сүйікті құралы. Сенімді клиенттер клиентті асықтырмайды, өйткені олар сіздің дереу ақша аударғаныңызды емес, дұрыс шешім қабылдағаныңызды қалайды.Қаражат шығарудағы қиындықтар:&nbsp;егер брокер төлемдерді кешіктірсе, ақшаны шығару үшін қандай да бір комиссияны талап ететін болса немесе қаражатты бұғаттаудан босату үшін қосымша төлемдерді жүктесе – бұл сіздің &nbsp;алаяқтарға тап болғаныңыздың белгісі. Лицензиясы бар брокерлер үшін қаражатты шығару оңай, ашық өтеді және қатаң түрде регламенттеледі.Бөгде бағдарламалар орнату талабы:&nbsp;көмек көрсетуге қажет деген сылтаумен AnyDesk, TeamViewer немесе қашықтан қол жеткізуге арналған басқа да БҚ жүктеуді өтіну – алаяқтықтың айқын белгілерінің бірі. Осылайша, қаскүнемдер сіздің құрылғыңызға, интернет-банкинг пен жеке деректеріңізге қол жеткізе алады, ал нағыз брокерлер ешқашан мұндай бағдарламалар орнату туралы өтініш жасамайды.<img src="https://knadmin.beoblood.kz/uploads/whatsapp_image_2025_12_08_at_091828_1_8cacfc24f5.jpeg" alt="whatsapp-image-2025-12-08-at-091828-1.jpeg">Өзіңізді, өз ақшаңызды сақтаңыз және Fingramota.kz-пен бірге қаржылық сауаттылығыңызды арттырыңыз!fingramota.kz

Жалған брокерлер бас көтерді: өз ақшаңызды жоғалтып алмаудың жолдары

<a href="https://kyzylorda-news.kz/">Kyzylorda-news.kz</a>&nbsp;Қазалы ауданының әкімі Алмасбек Есмаханов аудан орталығынан шалғай орналасқан Тасарық және Қызылқұм ауылдық округтерінің халқымен кездесті.Тұрғындармен өткен кездесулерде аудан әкімі алдымен ауданда аймақ басшысы Нұрлыбек Машбекұлының қолдауымен жүзеге асырылған жұмыстар және келер жылға жоспарланған жобалар жайында айтып өтті. Сондай-ақ елде жасалып жатқан жұмыстардың барлығы аудан халқының ауызбіршілігінің арқасында жасалып жатқандығын айтып өтті.Халықпен кездесулерде кезек ұсыныс-пікірлерге келгенде, Тасарық ауылының тұрғындары тарапынан Бозкөл-Тасөткел-Тасарық бағытындағы аудандық маңызы бар автомобиль жолына күрделі жөндеу жұмыстарын жүргізу, ауылға жедел-жәрдем көлігінің қажеттілігі, ал кәукейліктер елді мекендегі ауылішілік көшелерді асфальттау, электр желілерін жаңғырту сынды мәселелер көтерді.Аудан басшысы айтылған әрбір сауалдар мен ұсыныстарға жеке-жеке жауап беріп, бірқатар мәселелер бойынша тиісті бөлімдер мен мекеме басшыларына нақты тапсырмалар берді.&nbsp;Атап айтқанда, Бозкөл-Тасарық бағытындағы автомобиль жолын жөндеуге, жоба сметалық құжаттары әзірленіп, мерзімі өтіп кеткендіктен жобаны қайта әзірлеуді, Кәукей ауылында келер жылға бір көшені асфальттау жұмыстары жүргізіп, электр желілерін жаңғырту бойынша жұмыстар кезе-кезеңімен жүзеге асырылатынын, әзірге ауыл ішіне трансформатор орнатып беруге жұмыс жасалатындығын жеткізді. Ал, Тасарық ауылына жуық арада жедел-жәрдем көлігі берілетіндігін жеткізді.

Тұрғындармен кездесіп, ұсыныс-пікірлерін тыңдады

<a href="https://kyzylorda-news.kz/">Kyzylorda-news.kz</a>&nbsp;Қармақшы ауданының әкімі Жандос Еркінбек Қармақшы ауылдық округінің халқымен кездесу өткізіп, биыл жүзеге асырылған жұмыстар мен алдағы жоспарлар жөнінде ақпарат берді. Ауылда инфрақұрылым, тұрғындарға қолайлы орта қалыптастыру және ауыл шаруашылығын дамыту бағытында бірқатар маңызды жобалар аяқталып, жаңа бастамалар қолға алынуда.Қызылорда облысында дәстүрлі түрде ұйымдастырылатын «Үлгілі елді мекен» конкурсында Қармақшы ауылы өткен жылы 15 млн теңге жеңіп алған болатын. Осы қаражат есебінен ауылдың орталық алаңы толық абаттандырылып, жұмыстар толық аяқталды.Экологиялық мәдениетті қалыптастыру мақсатында Қармақшы ауылдық округінде 4 шақырымдық жасыл белдеу қоршалып, 800 түп ағаш көшеттері отырғызылды. Бұл жұмыстар ауылдың жасыл келбетін арттыруға үлес қосып отыр.Елді мекенде мал шаруашылығын дамыту бағытында маңызды жұмыс жасалып отыр. Қараөзек арнасындағы «Қожатай» су тоспасы бөгелуде. Бұл жұмыс нәтижесінде Досымкөл, Қызылкөл, Жайынкөл, Тасқын, Кетебай-Масақ, Қаракөл-1, Қаракөл-2 және өзге де көлдерге су жеткізу мүмкіндігі артып, аймақта қолайлы экологиялық ахуал қалыптастыруға мүмкіндік береді.Жиын барысында ауыл тұрғындары атқарылған жұмыстарға оң бағасын беріп, өз ұсыныстарын жеткізді. Кездесу соңында аудан әкімі тұрғындарды жеке қабылдап, тұрғын үй мәселесі, жұмыссыздықты азайту, кәсіпкерлікті қолдау бағыттарында көтерілген сұрақтарды тыңдап, тиісті бөлімдерге нақты тапсырмалар берді.

Қармақшы ауданында жаңа жобалар жүзеге асырылып келеді

<a href="https://kyzylorda-news.kz/">Kyzylorda-news.kz</a> 25 қараша мен 10 желтоқсаны аралығында республика аумағында «Зорлық-зомбылықсыз 16 күн» акциясы өтуде.&nbsp;Мақсат – тұрмыстық зорлық-зомбылықтың алдын-алу және оған жол бермеу, осы бағытта атқарылып жатқан шаралар туралы халықты кеңінен хабардар ету, сондай-ақ қоғамдағы отбасының рөлін нығайтып, құқықтық мәдениетті арттыру.Тұрмыстық зорлық-зомбылық – отбасы-тұрмыстық қатынастар аясында бір адамның екіншісіне дене немесе психикалық зардап келтіретін, не осындай қауіп төндіретін құқыққа қарсы қасақана әрекет. Көп жағдайда оның құрбандары әйелдер мен балалар болып&nbsp;жатады.Отбасындағы зорлық-зомбылыққа ұшырағандардың басым бөлігі моральдық қысымнан, қоғамның айыптауынан қорқып, құқық қорғау органдарына жүгінуден бас тартады. Осыған байланысты әйелдер мен қыз-келіншектер арасында құқықтық сауаттылықты арттыру, зорлық-зомбылықтың түрлері мен себептерін түсіндіру, сондай-ақ мұндай қылмыстық әрекеттердің алдын алу бағытында кешенді профилактикалық жұмыстар жүргізілуде.Отбасы – кішігірім мемлекет. Оның тату-тәтті өмір сүруі ең алдымен ерлі-зайыптылардың өзара сыйластығы мен түсіністігіне байланысты. Балаға берілетін тәрбие де, отбасы ішіндегі жауапкершілік те екеуінің бірдей атқаратын міндеті. «Ыдыс-аяқ сылдырламай тұрмайды» дегендей, әр отбасында түсініспеушілік болуы мүмкін. Алайда бүгінде тек ұсақ-түйек жанжал емес, тұтас отбасының шайқалуына себеп болатын жайттар жиілеп кетті.Әлеуметтік желілерден күйеуінен таяқ жеген, өз-өзіне қол салуға талпынған, тіпті бала-шағасына да қол көтеретін оқиғаларды жиі көреміз. Осындай қиындықтарға қарамастан, көп әйел отбасыны сақтап қалу үшін өздерін құрбандыққа шалып жатады. «Бір күні бәрі жақсы болады» деген үмітпен өмір сүретін әйелдер қаншама…Осы және өзге де тақырыптар аясында кәсіби отбасы және балалар психологы,&nbsp;ҚР дәрежесіндегі консультант-тренері&nbsp;Эльзара Нұрланқызы пікір білдірді.<figure class="image"><img src="https://knadmin.beoblood.kz/uploads/4b291a2b_6f8c_48c1_aa21_3715975ef650_157e3c4784.jpg" alt="Стамкулова Эльзара Нұрланқызы"><figcaption>Стамкулова Эльзара Нұрланқызы,Кәсіби отбасы және балалар психологы. ҚР дәрежесіндегі консультант-тренер:</figcaption></figure><blockquote>– Отбасының берік болуы сол үйдің басшысына, ер азаматына байланысты. Еркегі мықты отбасының іркетасы әрдайым мықты болады. Себебі басшы жақсы болса, қосшы әрдайым қызметте. Әйелмен еркек арасында қазіргі таңда мәміле бірең-саран, тіпті жоқ десең де болады. Отбасылық құндылық – отбасылық механизм сияқты. Отбасының ішінде әке, ана, бала, ата-әже бәрінің өзіндік рөлі бар, әркім өз рөлінде өз орнында, өз қызметінде болса отбасы да ұрыс-керіс болмайды. Құрмет пен сыйластық бар жерде әрдайым береке бар. Ажырасу бірден келетін дүние емес, ажырасуға көп отбасы, көп уақыт бойы шешілмеген мәселелер, талқыланбаған әңгімелерден туындайды. Әйел гүл ғой, оны қанша мәпелем аяласаң, сонша құлпырып жан-жағына нұрын шашады. Сол үшін әр отбасы үнемі алға қарай қадам басар алдын құндылығын көтеруді де ұмытпау қажет. Құндылық – бұл отбасы. Махаббатта, жылулықта сеніммен байланысып қаланады.Жас отбасы тату-тәтті өмір сүру үшін оларға бастапқы 5-жыл кезеңінде тыныштық беру керек. Себебі еркекте, әйелде екі түрлі жаратылыс, екі түрлі жеке тұлға. Екі тұлға бірігіп бір кемеде жүзуді үйренгенге дейін оларға ешкімнің дауылда, таста болмағаны дұрысырақ. Баяғы заманда ата-ене, қайын-әпке, сіңлілер әрдайым қолдап барын берсе, қазіргі таңда ең жақын адамдардың отбасының ортасына кірігіп, шаңырақты шайқалтып жатқаны көңілді түсіреді. Екі жас отау тіккен соң қиыншылығында, бақытында, сынағында қол ұстасып өтсе ғана мықты отбасы бола алады. Баяғыда ақылды дана, көркем мінезді, мақалдатып сөз астарымен жеткізген аналарымыз азайып кетті. Бәлкім бұл салт-дәстүріміздің, құндылығымыздың төмендегенінен болар. Бірақ шындық әрдайым ащы. Қол көтеруге келетін болсақ, адам дүниеге келген соң ата-анасы, бауыры, ортасы арқылы мінезін қалыптастырады. Ер адам бір рет қол көтерді ме? Екінші рет оған қайтадан ұру қиын болмайды! Денесін, ашуын, мінезін, өзін басқара алмаған адам әрдайым қауіпті, әрдайым шындыққа жанаса бермейді әрекеттері. Сол үшін отбасы болуға дайындалған әрбіз азаматша, қара көз-қыздарымыз көзін жеткізіп, мінезін сынап, ашуын басқара ала ма? Тіпті соған дейін тексеріп алуы керек деп ойлаймын.Бұрынғы заманда әрдайым екі жаққа кетеміз деген отбасыға, екі жақты дана кісілер, аналар ортаға салып екі жақты татуластыруға әрекет етуші еді. Ал қазір мүлдем басқаша түсінік, маған келгендердің басым бөлігі дәл осы қиындықпен күресуде. Ортаға бәрінің араласуы, күйеуінің өз ойы болмауы, жауапкершілікті өз мойнына ала алмауы. Қазіргі уақытта шыдап емес, сынап өмір сүретін заман. Шыдаумен мәселе ешқашан шешілмейді. Ортаға салынып, талқыланылып шешілмесе бәрі бос. Бәрі бекер.Әр әйел – жеке тұлға. Әр әйел құнды, әр әйел бағалы. Әр әйел бірінші орында өзіне жауапты. Әйел өз жаратылысын толық түсінсе, білім алып ізденсе, балаларына өзіне дұрыс тәрбиені бере алса, өзі үшінде арман-мақсатты алдына қоя алса, сол кезде әйелдің бойында әйелдік даналық пайда болады.Саналы өзіне жауапты, өз бағасын білетін, әрдайым өсектен, ғайбаттан тиылып отырған жан, өзін дамытумен әрекет ететін әйел әрдайым зорлық-зомбылықтан алыста болады.Себебі зорлық-зомбылықты өзін қорғай алмайтын, қорқақ, өзін әбден жеп, өзін кінәлап, күйзелістің ішінде жүрген әйелдер көріп жатыр. Яғни жасы үлкен болуы мүмкін, бірақ қорқынышы өте кішкентай баланыкі сияқты. «Өзімді қорғаймын маған бұлай жасауға болмайды» деп нық айтып аяққа тұра алмайтын қыз-келіншектеріміз жапа шегуде. Және жоғарыда айтылғандай «балаларым үшін шыдаймын» деп тіпті мына өмірмен қоштасып кеткендер де аз емес, – дейді психолог.</blockquote>Petrelli Previtera сияқты кейбір рейтингтер бойынша Қазақстан ажырасу деңгейі бойынша әлемде екінші орында, ал ТМД елдері арасында бірінші орында. Алайда Ұлттық статистика басқармасы мұны жоққа шығарып, 2022 жылы ажырасу көрсеткіші 1000 адамға шаққанда 2,27 болғанын, бұл басқа жетекші елдермен салыстырғанда айтарлықтай төмен екенін мәлімдеді.Қылмыстың алдын алу, ерлі-зайыптылар арасындағы жан-жалды шешу, олардың қарым-қатынасын ашып, балаларды қорғау мақсатында да жасалып жатқан жұмыстар аз емес. Аталмыш акцияға байланысты Сыр өңіріңде жүргізіліп жатқан жұмыстарға Қызылорда облысы Полиция департаменті Қоғамдық қауіпсіздік басқармасы отбасы-тұрмыстық зорлық-зомбылыққа қарсы күрес бөлімінің ерекше тапсырмалар жөніндегі аға инспекторы, полиция майоры Замира Сайғондықызы тоқталып өтті.&nbsp;Замира Сайғондықызы, &nbsp;Қызылорда облысы Полиция департаменті Қоғамдық қауіпсіздік басқармасы отбасы-тұрмыстық зорлық-зомбылыққа қарсы күрес бөлімінің ерекше тапсырмалар жөніндегі аға инспекторы, полиция майоры:<blockquote>– «16 күн» акциясы – 25 қараша мен 10 желтоқсанда дейін өткен халықаралық бастама. Оның мақсаты – әйелдер мен қыздарға, жалпы жыныстық/гендерлік зорлық-зомбылыққа (соның ішінде тұрмыстық, кибер-, психологиялық, физикалық және т.б.) қоғамның назарын аудару, алдын алу, құрбандарға көмектесу және нөлдік төзімділік қағидаттарын насихаттау. Биылғы науқанда ерекше назар аударылған тақырып – цифрлық зорлық және балалар мен қыз-қыздарға қатысты цифрлық кеңістіктегі қауіптер. Аймақтарда – әкімдік, полиция және құқық қорғау органдары қатысқан іс-шаралар ұйымдастырылуда (ақпараттық тренингтер, құқықтық түсіндіру, профилактика, қолдау қызметтері туралы ақпарат). Акция – зорлық-зомбылық туралы айтылмайтын, жабық болып келген мәселелерді қоғам назарында ашық қарастыруға – әркімнің қатысуын, қолдауды әкеледі. Бұл – құрбандар үшін моральдық қолдау, ашық сөйлесудің, көмек сұраудың мүмкіндігі.Цифрлық зорлық, балаларды онлайн қауіптен қорғау секілді жаңа тақырыптар науқан аясында көтерілді – бұл замана талабы, әрі маңызды. Әлеуметтік белсенділік, ақпараттық-насихат жұмыстары, құқықтық түсіндіру – бұл азаматтық сана өзгерісіне ықпал етуі мүмкін. Мемлекеттік органдар мен халықаралық ұйымдардың қатысуы – заңнамалық және институционалдық деңгейде де жағдайды жақсарту мүмкіндігін арттырады. &nbsp;Бізбен бірге өткізілген ақпараттар мен шаралар көрсеткендей, «16 күн» акциясы – өте маңызды әрі қажетті бастама. Бірақ – бұл тек бастама, зорлық-зомбылықпен күресу – бір тек 16 күндік оқиға емес, күнделікті, үздіксіз жұмыс.Маңыздысы – акция барысында ғана емес, ол арқылы туындаған құндылықтар – теңдік, құрмет, қауіпсіздік, қолдау – жыл бойы қоғамда өмір сүруі. Заңдар, қолдау орталықтары, білім беру, қоғамдық сананың өзгеруі – бәрі бірігіп, нақты нәтижеге апаруы тиіс, – дейді полиция майоры.</blockquote>Түйін. Әйелдерге қарсы зорлық-зомбылық – қоғамның ең өткір және өзекті мәселелерінің бірі. Бұл тек жеке адамның құқығы мен қауіпсіздігіне ғана емес, тұтас қоғамның тұрақтылығы мен болашағына төнген қауіп. Осыған байланысты жыл сайын өткізілетін халықаралық «Зорлық-зомбылықсыз 16 күн» акциясы әлемнің әр түкпірінде әйелдер мен қыздарға жасалатын зорлық-зомбылықтың барлық түріне қарсы күресті күшейтуді мақсат етеді.Фото: oiyl.kz

Архив