<a href="https://kyzylorda-news.kz/">Kyzylorda-news.kz</a> 2026 жылдың ақпан айында Қазақстан Республикасы Ішкі істер министрлігінің нұсқауына сәйкес, сондай-ақ Қазақстан Республикасы Президентінің жанындағы Әйелдер істері және отбасылық-демографиялық саясат жөніндегі Ұлттық комиссияның қолдауымен республика көлемінде «СТАЛКИНГТІ ТОҚТАТ!» акциясы жарияланды.Аталған акция аясында Қызылорда облысы Полиция департаментінің Қоғамдық қауіпсіздік және &nbsp;Профилактикалық жұмысты үйлестіру басқармасымен бірлесуімен жастар арасында «Ұлт болашағы – ұрпақ тәрбиесі» атты форум ұйымдастырылды.Форумды Қызылорда облысы Полиция департаменті бастығының орынбасары, полиция полковнигі Абдраманов Ермахан Әділханұлы ашып, қатысушыларға сәттілік тіледі.<img src="https://knadmin.beoblood.kz/uploads/Stalkingti_to_tat_akcziyasy_ef4af2ad41.jpg" alt="“Сталкингті тоқтат!” акциясы.jpg">Іс-шараға спикер ретінде облыстық прокуратураның басқарма прокуроры Асылжан Оңдасынұлы, облыстық қоғамдық даму басқармасы басшысының орынбасары Ибраев Уалихан Серікұлы, Мәншүк Мәметова атындағы Қызылорда педагогикалық жоғары колледжі директорының тәрбие ісі жөніндегі орынбасары Исаева Гүлдана Маралбекқызы, облыстық дін істері басқармасының теолог маманы Оспанов Бахтияр Есенгелдіұлы, облыстық жастар ресурстық орталығының жас маманы Балтабай Әсел Бекжанқызы және Қорқыт ата атындағы университеттің Жастар ісі жөніндегі комитетінің төрағасы Салтанат Бижігітқызы қатысты.Спикерлер форумға қатысқан жастарға құқықтық тақырыптар бойынша түсіндірме жұмыстарын жүргізіп, қоғамдағы өзекті мәселелер жөнінде пікір алмасты.Форум барысында қоғамның болашағына тікелей әсер ететін маңызды мәселелер талқыланды. Атап айтқанда, сталкингтің қауіптілігі, жеке шекараны құрметтеу, адамның еркін таңдау құқығы мен жеке қауіпсіздігін сақтау мәселелері көтерілді.<img src="https://knadmin.beoblood.kz/uploads/Stalkingti_to_tat_1cbf0c126e.jpg" alt="Сталкингті тоқтат.jpg">Қатысушылар сталкингтің адамның жеке кеңістігін бұзу, психологиялық қысым көрсету және қорқыныш тудыру секілді жағымсыз салдары бар екенін атап өтті. Сонымен қатар қыз алып қашу әрекеті кей жағдайда дәстүр ретінде түсіндірілгенімен, шын мәнінде адамның еркін таңдау құқығын шектейтін және зорлық-зомбылықтың бір түрі ретінде бағаланатыны айтылды.Іс-шара барысында адам құқығы, еркін келісім және жеке қауіпсіздік кез келген қоғамның негізгі құндылықтары болуы тиіс екені атап өтілді. Сондай-ақ жастар арасында өзара құрмет, жауапкершілік және құқықтық мәдениетті қалыптастырудың маңыздылығы айтылды.Форум қорытындысында қатысушылар өз орталарында жеке шекараны құрметтеу мәдениетін қалыптастырып, зорлық-зомбылықтың кез келген түріне нөлдік төзімділік қағидатын ұстанудың маңыздылығын атап өтті.Осылайша, жастардың құқықтық сауаттылығын арттыруға бағытталған форум өз мәресіне жетті.

“Сталкингті тоқтат!” акциясы аясында “Ұлт болашағы – ұрпақ тәрбиесі” атты жастар форумы өтті

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінде Қазақстанның еңбек сіңірген қайраткері, жырау, өнертанушы, профессор Алмасбек Нұрмаханұлы Алматовтың 70 жылдық мерейтойына арналған Ғылыми кеңестің кеңейтілген салтанатты мәжілісі өтті.Жиынды университеттің Басқарма төрағасы – Ректоры Наурызбай Байқадамов ашып, мерейтой иесінің қазақтың жыраулық дәстүрін дамыту мен насихаттаудағы, сондай-ақ ұлттық өнерді ғылыми тұрғыда зерттеп, жас ұрпаққа жеткізудегі еңбегін ерекше атап өтті.Алматов Алмасбек Нұрмаханұлы – профессор, жырау, педагог, өнертанушы. Ол 1956 жылдың 13 ақпанында Қызылорда облысы Қармақшы ауданы, Қорқыт станциясында дүниеге келген. №185 орта мектептің түлегі. Еңбек жолын туған ауылында жұмысшы болып бастап, кейін ұлттық өнер мен ғылым саласында үлкен жетістіктерге жетті.Алмасбек Нұрмаханұлы университет тарихында алғаш рет «Дәстүрлі өнер – жыр» мамандығы бойынша «Дәстүрлі музыкалық өнер» кафедрасының іргетасын қалап, оның алғашқы меңгерушісі болып қызмет атқарды. Оның бастамасымен ұлттық өнерді ғылыми тұрғыда зерттеу мен жүйелеуге бағытталған маңызды жұмыстар жүзеге асырылды.Салтанатты жиын барысында Алмасбек Нұрмаханұлына Қорқыт ата атындағы Қызылорда университетінің құрметті профессоры аттестаты табысталып, арнайы профессор мантиясы кигізілді.Іс-шараға жазушы, тарихшы-этнограф Қойшығара Салғараұлы, Қазақстанның Халық жазушысы Жүрсін Ерман, ҚР Парламенті Мәжілісінің депутаты Жанарбек Әшімжан, академик Қылышбай Бисенов және мәдениет пен өнер саласының белгілі өкілдері қатысты. Сонымен қатар жиынға университеттің профессор-оқытушылар құрамы мен Ғылыми кеңес мүшелері де қатысты.Кездесу барысында қонақтар мерейтой иесінің шығармашылық жолы мен ғылыми еңбектеріне тоқталып, қазақ руханиятына қосқан үлесіне жоғары баға берді. Сонымен қатар ғалымның алты томдық шығармалар жинағының тұсаукесер рәсімі өтті.Шара барысында Алмасбек Алматовтың шәкірттері мен жас өнерпаздар жырдан шашу шашып, ұстазға құрмет көрсетті. Жиын соңында мерейтой иесі сөз сөйлеп, көрсетілген құрмет пен жылы лебіздер үшін алғысын білдірді.Бүгінде Алмасбек Алматов жыраулық дәстүрді жаңғыртып, оны ғылыми тұрғыда зерттеп, жас ұрпаққа насихаттап келе жатқан көрнекті тұлғалардың бірі ретінде танылып отыр.

Ұлт руханиятына үлес қосқан тұлға: Алмасбек Алматовтың 70 жылдығы аталып өтті

<a href="https://kyzylorda-news.kz/">Kyzylorda-news.kz</a> &nbsp;Қызылорда облысында «Есірткісіз болашақ!» ұранымен жастар арасында танымдық әрі профилактикалық іс-шара ұйымдастырылды. Шара мектеп оқушылары мен орта арнаулы оқу орындарының студенттері арасында өткізіліп, қатысушылар командалық «Мафия» интеллектуалдық ойынында бақ сынады.Іс-шараның мақсаты – жастардың бос уақытын тиімді ұйымдастыру, логикалық ойлау қабілетін дамыту, бірлік пен жауапкершілікке тәрбиелеу, сондай-ақ салауатты өмір салтын насихаттап, есірткіге қарсы иммунитет қалыптастыру.Ойын барысында қатысушылар өзара пікір алмасып, талдау жасап, шынайылық пен әділдікті анықтауға бағытталған шешімдер қабылдады. Мұндай интеллектуалдық ойындар жастардың уақытын пайдалы өткізуіне ықпал етіп, оларды зиянды әдеттерден, соның ішінде есірткіден аулақ болуға үндейді.Іс-шараны Қызылорда облысының ПД Есірткі қылмысына қарсы іс-қимыл басқармасы ұйымдастырды.Байқау қорытындысы бойынша жүлделі орындар келесідей анықталды: І орын – Арал ауданы №292 орта мектеп, Қармақшы ауданы №279 мектеп-лицей, Қармақшы ауданы №111 орта мектеп, Шиелі ауданы №243 орта мектеп; ІІ орын – Арал ауданы №83 орта мектеп, Шиелі ауданы №207 орта мектеп, Жаңақорған ауданы №184 орта мектеп, Жаңақорған ауданы №195 мектеп-гимназия; ІІІ орын – Қазалы ауданы №16 мектеп-лицей, Жалағаш ауданы №122 орта мектеп, Сырдария ауданы №191 орта мектеп, М.Маметова атындағы Қызылорда жоғары педагогикалық колледжі.Іс-шара соңында мұндай бастамалар жастардың бос уақытын мазмұнды өткізуге, салауатты өмір салтын ұстануға және қоғамда есірткіге қарсы мәдениетті қалыптастыруға ықпал ететіні атап өтілді.Фото: Полиция департаменті

«Есірткісіз болашақ!» ұранымен «Мафия» интеллектуалдық ойыны өтті

<a href="https://kyzylorda-news.kz/">Kyzylorda-news.kz</a> &nbsp;15 наурыз күні еліміз бойынша республикалық референдум өткізіледі. Маңызды саяси науқанда Қызылорда өңірінің 492 524 азамат дауыс беруге құқылы. Жауапты кезенде аймақта 9 аумақтық, 378 учаскелік комиссия құрылып, 2705 комиссия мүшесі қызметке тартылды.Референдум процесін заң шеңберінде ашық әрі алқалы түрде өткізу және дауыс беруді ұйымдастыру — комиссия мүшелерінің тікелей міндеті.Облыста комиссия мүшелері үшін 157 семинар ұйымдастырылды. Оған 3252 комиссия мүшесі оқытылды.Қызылорда облысының аумақтық референдум комиссиясы қала және аудандарда көшпелі оқыту жүргізді.Президент жанындағы мемлекеттік басқару академиясының Қызылорда облыстық филиалымен бірлескен оқыту семинарында кәсіби лекторлар пулы жасақталып, референдумды өткізу тәртібі, дауыс беруші азаматтармен жұмыс жасау, қоғамдық бірлестік өкілдері және БАҚ өкілдерімен жұмыс жасау алгоритмі туралы дәріс берілді. Сонымен қатар комиссия мүшелері практикалық кейстерді талқылады.Оқытуға комиссия төрағасы, төраға орынбасары және хатшылар қатысты. Ал, қалған комиссия мүшелері каскад әдісі арқылы білімін жетілдірді.Семинар комиссия мүшелерінің заңнаманы білуіне, дауыс беруді ұйымдастырудың тәртібіне негізделген. Сондай-ақ, практикалық кейстер мен рөлдік ойындарға басымдық берілді.Басқосуларда Қызылорда қаласындағы және аудандардағы құқық қорғау саласының өкілдері референдум кезінде құқық бұзушылықты болдырмау, дауыс беру учаскелерінде тәртіп ережелерін сақтау мәселелері бойынша негізгі ережелерді түсіндірді.Еске салайық, Қызылорда өңірінде дауыс беруші азаматтардың өз учаскесін анықтау үшін referendum.orda.kz сайты және 109 бірыңғай байланыс орталығы іске қосылды. Сондай-ақ, тізімге тіркелген әрбір дауыс беруші азаматқа шақыру қағаздары мен смс хабарламалар жіберілуде.

Референдум: 3252 комиссия мүшесі арнайы оқытудан өтті

<a href="https://kyzylorda-news.kz/">Kyzylorda-news.kz</a> Бүгін «Өнер орталығында» Қазақстанның еңбек сіңірген қайраткері, Қазақ ұлттық консерваториясының құрметті профессоры, жырау Алмасбек Алматовтың 70 жас мерейтойына арналған «Жыр керуен» атты шығармашылық кеш өтті.Оған облыс әкімі Нұрлыбек Нәлібаев, жазушы, тарихшы-этнограф, Қазақстанның еңбек сіңірген қайраткері Қойшығара Салғараұлы, Халық жазушысы, Қазақстанның еңбек сіңірген қайраткері, Айтыс ақындары мен жыршы-термешілердің халықаралық одағының төрағасы Жүрсін Ерман, ақын, Парламент Мәжілісінің депутаты Жанарбек Әшімжан, Алмасбек Нұрмаханұлының үзеңгілес әріптестері мен елімізге белгілі шәкірттері, жауапты сала басшылары, зиялы қауым өкілдері қатысты.Аймақ басшысы мерейтой иесінің төл өнерді өркендетуге қосқан үлесін атап өтіп, барша Сыр жұртшылығының атынан сый-құрмет көрсетіп, автокөлік кілтін тарту етті.<img src="https://knadmin.beoblood.kz/uploads/Almasbek_Almatovty_merejtojyna_arnal_an_Zhyr_keruen_atty_shy_armashyly_kesh_tti1_c11efef633.jpg" alt="Алмасбек Алматовтың мерейтойына арналған «Жыр керуен» атты шығармашылық кеш өтті1.jpg">Сондай-ақ кеште Жанарбек Әшімжан өнер қайраткеріне Мәжіліс төрағасы Ерлан Қошановтың құттықтауын табыстады.<blockquote>«Сыр өңірі – талай марғасқа жыраулар мен тума таланттарды өмірге әкелген, жыраулық өнердің түп қазығы, алтын көмбесі, алып тайқазаны саналатын құтты мекен.Мемлекет басшымыз Қасым-Жомарт Кемелұлы Қызылордада өткен Ұлттық құрылтайдың бесінші қорытынды отырысында «Жалпы, «Сыр елі – жыр елі» деп бекер айтылмайды. Қорқыт ата заманынан жалғасып келе жатқан жыраулық-жыршылық және күйшілік өнер бұл аймақта кең қанат жайған. Жиенбай, Нұртуған, Нартай сынды саңлақтар негізін қалаған жыршылық мектептерді бүкіл еліміз біледі», – деп ерекше атап өткен болатын.Сыр бойындағы жыраулық өнердің көрнекті өкілі, Сыр сүлейлерінің ізін жалғаушы, Қазақстанның еңбек сіңірген қайраткері, зерттеуші-ғалым, «Парасат», үшінші дәрежелі «Барыс» ордендерінің иегері, Қызылорда облысының құрметті азаматы Алмасбек Нұрмаханұлы Алматов мерейлі 70 жасқа толды.Алмасбек Нұрмаханұлы – дәуір көшінде дара із қалдырған жыр алыптарының мұрагері, Сыр өңіріне ғана тән жыраулық дәстүрдің сабақтастығына айрықша еңбек сіңірген өнер қайраткері. Ағамыз жастайынан қолына домбыра алып «Алпамыс батыр», «Қобыланды батыр», «Қыз Жібек» сияқты елге кең тараған дастандарды жырлап, «жас жыршы» атанды. «Сыр сұлуы» ансамблі құрамынан басталған шығармашылық жолы белгілі жырау, ұлағатты ұстаз, өнер зерттеушісі, ғалым, қоғам қайраткері ретінде биік белестерге шығарды.Егемендік алған жылдар ішінде ұлттық өнердің бұл түріне ерекше көзқарас қалыптасып, ата-бабаларымыздың асыл қазынасы жарқырай түсті. Алдағы уақытта да ұлттық өнеріміздің шамшырағы болып, келер ұрпаққа рухани мұра сыйлай беріңіз»,– деді Н.Нәлібаев.</blockquote>Өнер кешінде айтыскер ақын Мұхтар Ниязов мерейтой иесіне арнау айтып, Қазақстанның еңбек сіңірген қайраткерлері Елмұра Жаңабергенова, Айгүл Елшібаева және басқа да ақын-жыршылар өнер көрсетті. Жыраудың өзі «Жыр бастауын» орындады.<img src="https://knadmin.beoblood.kz/uploads/Almasbek_Almatovty_merejtojyna_arnal_an_Zhyr_keruen_atty_shy_armashyly_kesh_tti2_9a301bbab6.jpg" alt="Алмасбек Алматовтың мерейтойына арналған «Жыр керуен» атты шығармашылық кеш өтті2.jpg">Алмасбек Алматов Сыр бойында мақам-саз ерекшеліктеріне қарай жыраулық мектептердің қалыптасуына, атадан балаға мирас болған төл өнерімізді жаңа дәуірге жеткізуге ерен еңбек сіңірді. Жыраулық өнер академиялық білім беру жүйесіне енгізіліп, «Дәстүрлі өнер – жыр» мамандығы ашылды. Құрманғазы атындағы Қазақ ұлттық консерваториясындағы, Қазақ ұлттық өнер университетіндегі, Қорқыт ата атындағы Қызылорда университетіндегі кафедраларда жыршы-жыраулар кәсіби тұрғыда қалыптасты. Дәстүрлі жыр орындаушыларды маман етіп даярлау арқылы өткеннің өзегін бүгін мен ертеңге жалғап, жүздеген шәкірт тәрбиелеп, өнер аламанына қосты. АҚШ, Франция, Италия, Швейцария, Ұлыбритания, Египет, Моңғолия және басқа да шет мемлекеттерде ұлттық мұрамызды ұлықтап, ел мерейін асқақтатты. Бүгінде мерейтой иесі тәрбиелеген шәкірттер халықаралық, республикалық байқаулардың жеңімпазы атанып, еліміздің әр өңірінде жыраулық дәстүрдің алтын арқауын жалғастырып келеді.<img src="https://knadmin.beoblood.kz/uploads/Almasbek_Almatovty_merejtojyna_arnal_an_Zhyr_keruen_atty_shy_armashyly_kesh_tti3_0686d4abcb.jpg" alt="Алмасбек Алматовтың мерейтойына арналған «Жыр керуен» атты шығармашылық кеш өтті3.jpg">Айта кету керек, Алмасбек Алматовтың 70 жас мерейтойы аясында Қорқыт ата атындағы университеттің Студенттер сарайында V томдық таңдамалы шығармаларының тұсаукесер рәсімі, Қармақшы ауданында «Асыл жырдың Алмасы» атты республикалық жыршы-жыраулар фестивалі өтуде.Фото: Қызылорда облысы әкімінің баспасөз қызметі

Алмасбек Алматовтың мерейтойына арналған «Жыр керуен» атты шығармашылық кеш өтті

<a href="https://kyzylorda-news.kz/">Kyzylorda-news.kz</a>&nbsp;2026 жылдың 16 ақпаны мен 4 наурызы аралығында жүргізілген қоғамдық пікір сауалнамасының нәтижелеріне сәйкес, Қазақстан халқы конституциялық реформаны талқылау процесінен жоғары деңгейде хабардар және оны талқылауға белсенді қатысып отыр. Зерттеу 17 облыс пен республикалық маңызы бар 3 қалада тұратын 18 жастан асқан 8 000 респондентті қамтыды.Сауалнамаға қатысқандардың жартысынан көбі (67,1%) жаңа Конституция жобасының мазмұнымен толық немесе ішінара таныс екенін айтқан. 27,3%-ы жаңа Конституция жобасы талқыланып жатқанын естігенін жеткізген.Респонденттердің басым бөлігі (90,9%) жаңа Конституцияны қабылдауды қолдайтынын білдірген. Олардың ішінде 67,1% – толық қолдайды, ал тағы 23,8% – көбіне қолдайды.Жаңа Конституция жобасындағы жекелеген ережелердің ішінде қоғамның негізгі құндылықтарын нығайтуға және азаматтардың құқықтарын қорғауға бағытталған нормалар ең жоғары қолдауға ие болып отыр.&nbsp;Атап айтқанда:<ul><li style="text-align:justify;">табиғатқа ұқыпты қарау қағидатын бекіту – 95,0%;</li><li style="text-align:justify;">мәдениет, білім, ғылым және инновация құндылықтарын бекіту – 91,6%;</li><li style="text-align:justify;">цифрлық ортада азаматтардың дербес деректерін қорғау – 89,9%;</li><li style="text-align:justify;">некені ер мен әйел арасындағы ерікті әрі тең құқықты одақ ретінде айқындау – 86,7%.</li></ul>Конституциялық реформа көбіне бейресми ортада талқыланады: отбасы мүшелері арасында (40,1%), достар мен таныстар арасында (29,9%), әріптестер арасында (24,2%).Жаңа Конституция туралы өз пікірін қалыптастыру барысында азаматтар көбінесе осы саладағы мамандарға, яғни заңгерлерге, сарапшылар қауымдастығына, оның ішінде саясаттанушыларға, әлеуметтанушылар мен аналитиктерге, журналистерге, азаматтық қоғам өкілдеріне, сондай-ақ депутаттар мен мемлекеттік қайраткерлерге сенім артады.2026 жылдың 15 наурызына белгіленген республикалық референдум қарсаңында халықтың электоралдық белсенділігінің жоғары екені анықталып отыр. «Еліміздің жаңа Конституциясын қабылдау бойынша республикалық референдум 2026 жылдың 15 наурызында өтеді. Айтыңызшы, сіз референдумға барып, дауыс бересіз бе?» деген сұраққа респонденттердің 74,8%-ы дауыс беруге қатысуға ниетті екенін мәлімдеген.Дауыс беруге қатысуды жоспарлап отырғандардың ішінде «Егер Сіз жаңа Конституцияны қабылдау жөніндегі референдумға қатыссаңыз, қалай дауыс беруді жоспарлап отырсыз?» деген сұраққа респонденттердің 90,9%-ы жаңа Конституцияны қабылдауды «ҚОЛДАЙМЫН» деп жауап беретінін айтқан. Жаңа Конституцияға қарсы екенін білдіргендер саны небәрі 4,6%. Сондай-ақ респонденттердің аз ғана бөлігі (4,5%) әлі де өздерінің соңғы таңдауын жасамаған.Азаматтар үшін Референдум туралы негізгі ақпарат көздері цифрлық медиа мен дәстүрлі БАҚ болып табылады. Сауалнамаға қатысқандар көбінесе ақпаратты әлеуметтік желілердегі жазбалардан (34,8%), интернет-БАҚ жаңалықтарынан (32,1%) және теледидар жаңалықтарынан (30,6%) алады. Әр бесінші респондент әлеуметтік желілердегі қысқа видеоларды атап өтті.Алынған деректер халықтың азаматтық белсенділігінің жоғары екенін және олардың елдегі маңызды мемлекеттік үдерістерге қызығушылық танытып отырғанын көрсетеді. Респонденттердің басым бөлігі жаңа Конституция жобасын әзірлеу барысында қарапайым азаматтардың пікірі ескерілді деп есептейді.Әлеуметтік сауалнама 2026 жылдың 16 ақпаны мен 4 наурызы аралығында Демократия институтының жеке қаражаты есебінен жүргізілді. Іріктеме репрезентативті. Іріктелген жиынтық көлемі 8 000 респондентті құрады. Зерттеуге 17 облыстан және республикалық маңызы бар 3 қаладан (Астана, Алматы және Шымкент) 18 жастан асқан азаматтар қатысты.Статистикалық қателік +-3,02% құрайды. Сауалнама Орталық сайлау комиссиясының жазбаша хабарламасымен жүргізілді.

Референдумға қазақстандықтардың 70%-дан астамы қатысуға ниетті

<a href="https://kyzylorda-news.kz/">Kyzylorda-news.kz</a> Бүгін ҚР Премьер-министрі Олжас Бектеновтің төрағалығымен Үкімет отырысы өтті. Күн тәртібінде тұрғын үй құрылысын дамыту және саланы цифрландыру мәселесі қаралды. Оған облыс әкімі Нұрлыбек Нәлібаев селекторлық режим арқылы қатысты.Үкімет отырысынан кейін өткен мәжілісте осы мәселелер жан-жақты талқыланып, жауапты сала басшыларына бірқатар тапсырма жүктелді.<blockquote>«Тұрғын үй құрылысына және пәтер сатып алуға бөлінген қаржының толық әрі тиімді игерілуін қамтамасыз етіңіздер. Үйлердің сапасы және белгіленген мерзімде пайдалануға берілуі қатаң бақылануы тиіс. Баспаналарды кезектілік тәртібімен табыстауды 20 наурызға дейін аяқтау керек.Өткен аптада аппарат инспекторлары аудандарда пайдалануға берілген үйлердің жай-күйін зерделеп, бірқатар кемшілікті анықтады. Аудан әкімдеріне кемшіліктерді жою жөнінде бұған дейін бірнеше рет тапсырма берілген болатын. Алайда тапсырма толық орындалмаған. Сондықтан мердігер мекемелерді тартып, анықталған олқылықтарды 3 күн ішінде шұғыл қалпына келтіріңіздер», – деді Н.Нәлібаев.</blockquote>Айта кетейік, өткен жылы өңірде тұрғын үй құрылысына 36 млрд. теңге қаржы бөлініп, 939,3 мың шаршы метр тұрғын үй пайдалануға берілді. 2024 жылдың сәйкес кезеңімен салыстырғанда 108,4 пайызға өсім қалыптасты.<img src="https://knadmin.beoblood.kz/uploads/Rassmotreny_voprosy_razvitiya_zhilishhnogo_stroitelstva_i_czifrovizaczii_otrasli_b51a1a12e9.jpg" alt="Рассмотрены вопросы развития жилищного строительства и цифровизации отрасли.jpg">Жыл қорытындысымен 2577 пәтер табысталып, 10 мыңнан астам тұрғын баспанамен қамтылды.Биыл тұрғын үй құрылысы мен пәтер сатып алуға 55 млрд 600 млн. теңге қаржы бөлінген.Фото: Қызылорда облысы әкімінің баспасөз қызметі

Тұрғын үй құрылысын дамыту және саланы цифрландыру мәселесі қаралды

<a href="https://kyzylorda-news.kz/">Kyzylorda-news.kz</a> &nbsp;Қазанғап атындағы музыкалық колледж ұжымымен жаңа Конституция жобасының мән-маңызын түсіндіруге арналған кездесу өтті. Жиынға жалпыұлттық коалиция өкілдері Ибадулла Құттықожаев, Жұмабек Әлиев, Талғат Телеубаев, Мұса Әбдіқалықов, Еркемай Саниязова және Жанар Бимұратқызы қатысып, колледж қызметкерлерімен мазмұнды пікір алмасты. Кездесудің басты мақсаты – жаңа Ата заң жобасының негізгі бағыттарын түсіндіру және барша азаматтарды 15 наурыз күні өтетін республикалық референдумға белсенді қатысуға шақыру болды.Жиынды ашқан Ибадулла Құттықожаев Конституция – мемлекеттің іргетасын қалыптастыратын ең маңызды құжат екенін атап өтті. Оның айтуынша, ұсынылып отырған жаңа Конституция жобасы елдің саяси жүйесін жаңғыртып, қоғамдағы әділеттілік пен жауапкершілік қағидаттарын нығайтуға бағытталған.<blockquote>– Конституция – мемлекеттің даму бағытын айқындайтын негізгі құжат. Жаңа жобада азаматтардың құқықтары мен бостандықтарын қорғау, мемлекеттік басқару жүйесін жетілдіру және қоғам мен билік арасындағы сенімді арттыру мәселелері кеңінен қамтылған. Сондықтан әрбір азамат бұл тарихи шешімге бей-жай қарамай, 15 наурыз күні референдумға қатысып, өз таңдауын жасауы тиіс, – деді ол.</blockquote>Кездесу барысында Жұмабек Әлиев жаңа Конституция жобасының демократиялық институттарды дамытудағы маңызына тоқталды. Оның айтуынша, жаңа құжатта билік тармақтары арасындағы тепе-теңдікті сақтау, заң үстемдігін күшейту және азаматтардың мемлекеттік басқаруға қатысу мүмкіндігін кеңейту мәселелері қарастырылған.Ал Талғат Телеубаев өз сөзінде жаңа Ата заң жобасының ел болашағы үшін стратегиялық маңызы бар екенін атап өтті. Оның айтуынша, құжатта мемлекет пен қоғам арасындағы ашық диалогты дамытуға және басқару жүйесінің тиімділігін арттыруға бағытталған нормалар бар.Кездесу соңында колледж басшысы Мүсілім Әмзе спикерлерге кең көлемді түсіндірме жасағаны үшін алғыс айтып, жаңа Конституция жобасына қатысты пікірін білдірді.Жиын соңында коалиция өкілдері колледж қызметкерлерін ел болашағына бей-жай қарамай, 15 наурыз күні өтетін республикалық референдумға белсенді қатысып, өз таңдауын жасауға шақырды.Фото: Қазанғап атындағы музыкалық колледж

Жаңа Ата Заң жобасы түсіндірілді

<a href="https://kyzylorda-news.kz/">Kyzylorda-news.kz</a> Қызылорда қаласында балалар, жасөспірімдер және қыздар арасында киокушинкай-кан каратэден облыстың ашық турнирі өтті. Жарыс «Киокушин – нашақорлыққа қарсы!» ұранымен ұйымдастырылып, жастар арасында салауатты өмір салтын насихаттауға бағытталды.Аталған спорттық шараның негізгі мақсаты – Қызылорда облысында киокушинкай-кан каратэ спорт түрін дамыту, жас спортшылардың шеберлігін арттыру, сондай-ақ балалар мен жасөспірімдердің спортқа деген қызығушылығын күшейту болып табылады. Сонымен қатар турнир жас буынды тәртіпке, табандылыққа тәрбиелеуге және олардың бос уақытын тиімді ұйымдастыруға мүмкіндік береді.Жарысқа 5–15 жас аралығындағы балалар мен жасөспірімдер қатысып, әртүрлі жас және салмақ дәрежелері бойынша өзара бақ сынасты. Қатысушылар киокушинкай-кан ережелеріне сәйкес өткізілген жекпе-жектерде күш-жігерін, шеберлігі мен төзімділігін көрсетті. Турнир барысында тартысты әрі қызықты айқастар өтіп, жас спортшылар өздерінің дайындық деңгейін дәлелдеді.Іс-шараны ұйымдастыруға Ұлттық республикалық киокушинкай-кан каратэ федерациясы, оның Қызылорда облыстық филиалы және Қызылорда облысы Полиция департаментінің Есірткі қылмысына қарсы іс-қимыл басқармасы бірлесіп атсалысты.Жарыс қорытындысы бойынша үздік өнер көрсеткен спортшылар марапатталып, жеңімпаздар мен жүлдегерлерге І, ІІ, ІІІ дәрежелі дипломдар мен медальдар, сондай-ақ бағалы сыйлықтар табысталды.Мұндай спорттық іс-шаралар жасөспірімдер арасында дене шынықтыру мен спортты дамытуға, салауатты өмір салтын қалыптастыруға және жастарды зиянды әдеттерден аулақ болуға тәрбиелеуге зор ықпал етеді.Фото: Полиция департаменті

Қызылордада облыстың ашық біріншілігі өтті

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаевтың төрағалығымен өткен кадрлық өзгерістерге байланысты мәжілісте Оқу-ағарту министрлігінің бұйрығымен Қызылорда облысының білім саласында сапаны қамтамасыз ету департаментінің басшысы лауазымына тағайындалған Бекмағанбетов Мәди Бауыржанұлы таныстырылды.<img src="https://knadmin.beoblood.kz/uploads/yzylorda_oblysyny_bilim_salasynda_sapany_amtamasyz_etu_departamentini_basshysy_tanystyryldy1_48e944864a.jpg" alt="Қызылорда облысының білім саласында сапаны қамтамасыз ету департаментінің басшысы таныстырылды1.jpg">Нұрлыбек Машбекұлы жаңа басшыға игі тілегін білдіріп, саладағы мемлекеттік саясатты тиімді іске асыру, білім сапасын арттыруға бағытталған жұмысты жүйелеу қажеттігін атап өтті.<blockquote>«Білім сапасын әділ бағалаудың тәуелсіз тетіктерін енгізуде, жүйенің ашықтығы мен қоғамдық сенімді нығайтуда кешенді шаралар қабылдау қажет. Білім беру, әсіресе жекеменшік білім беру ұйымдарының біліктілік талаптарына сәйкестігіне қатаң бақылау орнатуды тапсырамын», – деді аймақ басшысы.</blockquote>Мәди Бекмағанбетов еңбек жолын білім беру ұйымдарында бастаған. Әр жылдары облыстық ішкі саясат басқармасында маман, облыстық білім басқармасының бөлім басшысы лауазымдарында қызмет атқарған.2020-2023 жылдар аралығында облыс әкімі аппаратында ұйымдастыру-инспекторлық жұмыс және аймақтық даму бөлімінің бас инспекторы, бөлім басшысы болған. 2023 жылдан бүгінге дейін облыс әкімі аппараты басшысының орынбасары қызметін атқарып келді.Фото: Нұрболат Нұржаубай

Қызылорда облысының білім саласында сапаны қамтамасыз ету департаментінің басшысы таныстырылды

<a href="https://kyzylorda-news.kz/">Kyzylorda-news.kz</a> Елімізде «Халықтық Конституция қарапайым сөздермен» деп аталатын цифрлық платформа іске қосылды. Жобаны «AMANAT» партиясы фракциясының мүшесі, Мәжіліс депутаты Әбутәліп Мүтәлі таныстырды. Бұл – Қазақстан Республикасы Конституциясындағы өзгерістерді түсінуге және негізгі заңның әртүрлі редакцияларын салыстыруға көмектесетін чат-боты бар AI-сервис.Депутаттың айтуынша, жаңа Конституция жобасына деген қызығушылықты ол өңірлердегі тұрғындармен кездесулер барысында байқаған. Жаңа Конституцияны қолдауға бағытталған Жалпыұлттық коалиция құрамында ол Жамбыл облысы мен еліміздің басқа да бірқатар аймағын аралаған. Сол кездесулерде тұрғындар құжаттың олардың өміріне, жұмысына және өздері тұратын қала мен ауылдардың дамуына қалай әсер ететіні туралы сұрақтар қойып, белсенді түрде пікір білдірген.<blockquote>«Жаңа Негізгі заң – біздің кім екенімізді, қандай қоғам құрып жатқанымызды, қандай құндылықтарды қорғап, балаларымызға қандай болашақ қалдырғымыз келетінін айқындайтын негізгі құжат. Сондықтан жаңа Конституция әрбір азаматқа, әрбір отбасыға, әрбір қала мен ауылға тікелей қатысты. Ал азаматтарға қарапайым, түсінікті әрі нақты жауаптар қажет», – деді Әбутәліп Мүтәлі.</blockquote>Чат-бот мына сілтеме бойынша қолжетімді: https://halykconst.kz/chatПлатформа енгізілген түзетулерді талдау және оларды ұғынықты етіп түсіндіру үшін жасанды интеллект технологияларын пайдаланады. Нақты уақыт режимінде әрбір азамат еркін түрде сұрақ қойып, баптардағы нақты өзгерістерді көріп, олардың мазмұнына қатысты жан-жақты түсіндірме ала алады.Сонымен қатар сервисте AI-көмекші бар. Ол азаматтардың конституциялық құқықтары мен міндеттері, мемлекеттік құрылым қағидаттары және негізгі түзетулер туралы пайдаланушылардың сұрақтарына жауап береді.Чат-бот арқылы кез келген адам жаңа Конституция жобасындағы өзгерістермен танысып, олардың жастарға, мұғалімдерге, дәрігерлерге, кәсіпорын қызметкерлеріне, кәсіпкерлерге, отбасыларға және аға буын өкілдеріне қандай мүмкіндік беретінін біле алады.Жобаны әзірлеушілер платформаның басты мақсаты – Конституция мазмұнын кең аудитория үшін түсінікті әрі қолжетімді ету екенін жеткізді. AI-сервис Жалпыұлттық коалицияның ресми сайтында орналастырылады. Ол Негізгі заңды зерделеуге, ұсынылып отырған өзгерістерді талқылауға және азаматтардың құқықтық сауаттылығын арттыруға арналған ыңғайлы құралға айналады деп күтілуде.Енді Конституцияны оқып түсіну бұрынғыдан да оңай әрі көрнекі бола түсті.

Жаңа Конституция жобасы бойынша AI-платформа таныстырылды

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың төрағалығымен кадрлық өзгерістерге орай мәжіліс өтті. Жиында Мемлекеттік қызмет істері агенттігінің келісімі негізінде облыстық денсаулық сақтау басқармасының басшысы лауазымына тағайындалған Әбілпатта Алмас Әбдіғаппарұлы таныстырылды.Нұрлыбек Машбекұлы &nbsp;денсаулық сақтау басқармасы басшысының жұмысына сәттілік &nbsp;тілеп, бірқатар тапсырма жүктеді.<blockquote>«Ана мен сәби өлімі, қатерлі ісіктерден болатын өлім-жітім көрсеткішін төмендетудегі жұмыстар жүйелі жүргізілуі тиіс. Тұрғындарды профилактикалық, оның ішінде онкологиялық және жұқпалы емес ауруларға тұрақты тексеріп, алдын алу шараларын күшейту керек. Саланы цифрландырып, қағазбастылықты азайтуды тапсырамын. Алмас Әбдіғаппарұлының тәжірибесіне сүйеніп, халықтың медициналық қызметке қолжетімділігін арттыруда аянбай еңбек етеді деп сенім артамыз», –деді Н.Нәлібаев.</blockquote>Алмас Әбілпатта 1987 жылы дүниеге келген. Қарағанды мемлекеттік медицина университетінде «Емдеу ісі» мамандығы бойынша білім алған. Әл-Фараби атындағы Қазақ ұлттық университетінің «Денсаулық сақтаудағы іскерлік әкімшілендіру» магистрі.Еңбек жолын облыстық медицина орталығында қабылдау бөлімшесінің хирург-дәрігері ретінде бастаған. Әр жылдары облыстық көпбейінді аурухананың хирург-дәрігері, бас дәрігердің хирургия жөніндегі орынбасары болып еңбек еткен. 2023 жылдан осы кезге дейін Шиелі аудандық көпбейінді орталық ауруханасының бас дәрігері қызметін атқарып келді.<img src="https://knadmin.beoblood.kz/uploads/Densauly_sa_tau_bas_armasy_ta_ajyndau_2_ef1df79855.jpg" alt="Денсаулық сақтау басқармасы тағайындау 2.jpg">

Архив