<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаевтың қатысуымен Қармақшы ауданының орталығы Жосалы кентінде әлеуметтік осал топтағы азаматтарға жаңадан салынған тұрғын үйлерді табыстау рәсімі өтті. Оған Парламент Сенаты мен Мәжілісінің депутаттары Руслан Рүстемов, Мұрат Әбенов, Мұрат Ергешбаев, құқық қорғау органдарының бірінші басшылары, ел ағалары мен ауыл тұрғындары қатысты.<img src="https://knadmin.beoblood.kz/uploads/586509170_1145670861087490_4045296712489956090_n_f72f775db1.jpg" alt="586509170_1145670861087490_4045296712489956090_n.jpg">Аймақ басшысы жаңа қоныс иелерін құттықтап, өңірдегі ауқымды жобаларды, құрылыс қарқынын, әсіресе, тұрғын үй құрылысындағы жетістіктерді атап өтті.<blockquote>«Мемлекет басшымыз Қасым-ЖомартКемелұлы халықты баспанамен қамту мемлекеттік саясаттың басым бағыты екенін атап өтті. Өңірімізде құрылыс қарқынды, 2022 жылдан бері 200-ге жуық әлеуметтік нысан салынып, бүгінде тұрғындар игілігіне қызмет етуде.2022-2024 жылдары тұрғын үй кезегінде тұрған азаматтарға 5 мыңнан астам пәтер табысталды. Облысымызда алғаш рет соңғы екі жылда барлық ауданда біржарым мыңға жуық пәтер салынып, жерлестерімізге берілді.Биыл 3600 пәтерлік тұрғын үй салуға бюджеттен 58 млрд. 785 млн. теңге бөлінді. Оның ішінде 322 пәтерлік 161 тұрғын үй аудандарда бой көтеруде.Қармақшы ауданында да 2023-2024 жылдары 2 млрд. 848 млн. теңгеге 207 пәтерлік 103 тұрғын үй сатып алынып, кезекте тұрған азаматтарға берілді.Осы жолы тағы 50 пәтерлік 25 жаңа үйдіөздеріңізге табыстаймыз.Бүгін – мемлекеттің қолдауын сезінген барлығыңыз үшін ерекше қуанышты күн!Баспаналы болу әрбір отбасын жақсылыққа жетелейді. Жаңа қоныстарыңыздың іргетасы берік, қабырғасы мығым, әр шаңырақ татулық пен берекеге толы болғай! Баршаңыздың дендеріңізге саулық, отбасыларыңызға амандық тілеймін!– деді Нұрлыбек Машбекұлы.</blockquote>Айта кетейік, 2023 жылы Қармақшы ауданының Тұрмағамбет, Ақжар, Дүр Оңғар ауылдарында дәрігерлік амбулаториялар пайдалануға берілді. Өткен жылы Қуаңдария,Қармақшы ауылдарында фельдшерлік-акушерлік бекеттер салынып, қазір ел игілігіне қызмет етуде.Өңірімізде жарияланған «Руханият жылы»аясында аудандарда салынған «Руханияторталықтарының» бірі Қармақшы ауданында бой көтерді. «Ауыл – ел бесігі» бағдарламасы аясында Дүр Оңғар, ІІІ Интернационал, Ақай ауылдарындажаңа спорт кешендері салынып, пайдалануға берілді.<img src="https://knadmin.beoblood.kz/uploads/586726379_1145670767754166_3441692585992512801_n_16eb374b09.jpg" alt="586726379_1145670767754166_3441692585992512801_n.jpg">Рәсімде ауданның әлеуметтік-экономикалық дамуына үлес қосқан ардагерлер мен мердігер мекеме қызметкерлері облыс әкімінің Алғыс хатымен марапатталды. Парламент Мәжілісінің депутаты Мұрат Ергешбаев құттықтау сөз сөйледі.<img src="https://knadmin.beoblood.kz/uploads/586918050_1145670804420829_862714182302773181_n_fb0f59f3bd.jpg" alt="586918050_1145670804420829_862714182302773181_n.jpg">Рәсімнен кейін аймақ басшысы ауыл тұрғындарымен, ардагерлермен кездесіп, пікір алмасты. Облыстың әлеуметтік-экономикалық даму бағыты, алдағы бағдар туралы сауалдарға жауап беріп, жиналған жұртшылықтың ұсыныстарын тыңдады.

Қармақшыда 50 пәтерлік 25 жаңа үй пайдалануға берілді

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаевтың қатысуымен Қармақшы ауданының Дүр Оңғар ауылына газ қосу рәсімі өтті. Оған Парламент Сенаты мен Мәжілісінің депутаттары Руслан Рүстемов, Мұрат Әбенов, Мұрат Ергешбаев, ел ағалары мен ауыл тұрғындары қатысты.Аймақ басшысы тұрғындарды көптен күткен ігіліктің іске асуымен, яғни ауылға көгілдір отынның келуімен құттықтады.<blockquote>«Мемлекет басшымыз «Үкімет газ тартылған елді мекендердің санын барынша арттыруға және 1700 шақырым газ желісін жаңғыртуға тиіс. Бұл 300 мыңнан астам адамды көгілдір отынмен қамтамасыз етуге мүмкіндік береді», – деп атап өтті.Аймағымызда 2021 жылдың соңында газдандыру деңгейі 67 пайыз болатын, 2022-2025 жылдар аралығында 63 млрд. 600 млн. теңгеге 77 жоба жүзеге асырылды.Өткен аптада Сырдария ауданының Шаған ауылына табиғи газ берілсе, Жаңақорған ауданында автоматты газ тарату станциясы іске қосылды. Бүгін Өздеріңізбен бірге Дүр Оңғар ауылы тұрғындарының тұрмыс-тіршілігіне жаңа тыныс беретін іс-шараға, табиғи газға қосу сәтіне куә болудамыз. Осындай жұмыстардың нәтижесінде биыл облысымыздың газдандыру көрсеткішін 83 пайызға жеткіземіз.Жерлестерімізді көптен күткен газдың қосылуымен құттықтаймын! Бұл – бәріміздің ортақ қуанышымыз! Көгілдір отын әрбір отбасының жылуын, Отанымыздың қуатын арттыра берсін!Елдің дамуы ауылдан, ауылдың гүлденуінен басталады. Ауылдың дамуы, келешегінің жемісті болуы – Сіздерге, еңбекқорлықтарыңыз бен ауызбірліктеріңізге байланысты. Баршаңызға мықты денсаулық, отбасыларыңызға бақ-береке, ел игілігі жолындағы қызметтеріңізге сәттілік тілеймін!», – деді Нұрлыбек Машбекұлы.</blockquote>Рәсімде ауданның әлеуметтік-экономикалық дамуына үлес қосқан алдыңғы буын ағалар мен мердігер мекеме қызметкерлері облыс әкімінің Алғыс хатымен марапатталды. Парламент Сенатының депутаты Руслан Рүстемұлы құттықтау сөз сөйледі.Айта кетейік, бүгінде Қармақшы ауданын газдандыру деңгейі 78 пайыз. Екі мыңнан астам тұрғыны бар Дүр Оңғар ауылының газ желісіне қосылуы бұл көрсеткішті 83 пайызға жеткізеді. Аталған жобаға облыстық бюджеттен 7 млрд 200 млн теңге бөлінді.<img src="https://knadmin.beoblood.kz/uploads/588436733_1145528464435063_7118434669885202696_n_b012da5632.jpg" alt="588436733_1145528464435063_7118434669885202696_n.jpg">Ауылға тартылған 62,5 шақырымдық жоғары қысымды газ құбыры Жосалы кентіндегі автоматтандырылған газ тарату станциясынан Сырдария өзені арқылы жүргізілді. Бұл жоба алдағы уақытта 10 мыңнан астам халқы бар 9 елді мекенді кезең-кезеңімен магистральдық газ желісіне қосуға мүмкіндік береді.

Қармақшы ауданындағы Дүр Оңғар ауылы газға қосылды

<a href="https://kyzylorda-news.kz/">Kyzylorda-news.kz</a> Қазіргі таңда әр балада бір смартфон бар. Тіпті бесіктегі балалар да оған тәуелді. Оны бермесеңіз, тағы болмайды. Балалар гаджетке соншалықты үйреніп кеткен,&nbsp;тіпті&nbsp;оны қасынан бір елі қалдырмайды. Бірақ бұл жағдайдың салдары балалардың көзіне үлкен әсер етуде.&nbsp;Соңғы кезде офтальмологтарға жүгінетіндер саны күннен-күнге артып келеді. Мысалы, мектеп оқушыларының 70-80 пайызының көзі дұрыс көрмейді. Бұл, өз кезегінде, көзілдірік киетіндер санының артқанына себеп болып отыр.Статистика бойынша, елімізде әрбір бесінші бала алыстан көрмейді. Дәрігерлер балалар арасында миопияның, яғни алыстан көрмеушіліктің жылдан-жылға көбейіп жатқанын айтады. Офтальмологтар бұл жағдайды көзге шектен тыс салмақ түсірумен байланыстырады. Олар балалардың көз жанарын сақтау үшін гаджеттерді қолдануды шектеуді ұсынып отыр. Бірақ өкінішке орай, бұл мәселені еститін құлақ аз.Мамандардың айтуынша, смартфон немесе компьютерді ұзақ пайдаланғаннан кейін көзге міндетті түрде демалыс қажет. Әр 20 минут сайын көзге аздаған үзіліс жасап, мүмкін болса таза ауаға шығып, тынығып алған жөн. Бұл көздің шаршауын басып, тамырлардың босаңсуына көмектеседі. Дәрігерлер көз ауруын дер кезінде емдемесе, оның асқынып, су қараңғылыққа дейін әкелуі мүмкін екенін ескертеді. Мұндай жағдайда әлемнің дамыған медицинасы да дәрменсіз болуы ықтимал. Дүниежүзілік денсаулық сақтау ұйымының мәліметіне сәйкес, әлемде әр минут сайын бір бала, ал әр бес секунд сайын бір ересек адам көру қабілетінен айырылады.Батыс Қазақстан аймағында балалар мен жасөспірімдердің аурушаңдық көрсеткіштері бағаланды. «М.Оспанов атындағы Батыс Қазақстан медициналық университеті» КеАҚ (Ақтөбе қ.) және М.Гераци атындағы Ереван мемлекеттік медицина университетінің ғалымдары 2014-2018 жылдар аралығында 11, 13 және 15 жас аралығындағы балалар мен жасөспірімдердің аурушаңдығына талдау жүргізді. Зерттеу нәтижелері бойынша балалар мен жасөспірімдер арасындағы аурушаңдық құрылымында бірінші орынды тыныс алу жүйесі аурулары алады. Екінші орында – асқорыту жүйесі аурулары, үшінші орында – көз аурулары, төртінші орында – қан жүйесі аурулары, бесінші орында – жүйке жүйесі аурулары, ал алтыншы орында эндокриндік жүйе аурулары тіркелді.<blockquote>«Денсаулық сақтау жүйесінің негізгі міндеттерінің бірі – балалық шақтағы тұрғындардың денсаулығын сақтау және оны одан әрі жақсарту. Осы тұрғыда жиі және ұзақ ауыратын (ЖҰА) балалардың денсаулығын қорғау мәселесі ерекше ғылыми әрі тәжірибелік маңызға ие. Өйткені бұл топтағы балалардың аурушаңдық деңгейі жалпы балалар арасындағы сырқаттанушылық көрсеткіштерін айқындайды. Сондықтан аталған қатерлі топты дер кезінде анықтау және олармен жүйелі сауықтыру шараларын жүргізу балалардың жалпы аурушаңдық деңгейін едәуір төмендетуге мүмкіндік береді, – дейді ғалымдар зерттеуінде.</blockquote>Ал дәрігерлердің айтуынша, балаға ерте жастан смартфон беру – көзге елеулі зиян келтіруі мүмкін. Бас ішілік қысымның жоғарылауынан туындайтын асқынулар, гипертензиялық типтегі ангиопатия және көру жүйкесінің ісінуі көз түбінде өзгерістер тудырады. Осыдан-ақ бас ауруының көру мүшесіне қалай әсер ететінін аңғаруға болады. Сонымен бірге эндокриндік аурулардың (мысалы, зоб), сондай-ақ бүйрек дерттерінің де көзге кері ықпал ететіні белгілі.Облыстық балалар ауруханасының дәрігері Айжан Бақбергенованың айтуынша, миопияның дамуы баланың иммундық жүйесі мен жалпы соматикалық денсаулық жағдайына тікелей байланысты.<blockquote>– Колобома, катаракта, микрофтальм сияқты ақаулар туа бітті пайда болады. Шала туған нәрестелерде туа біткен миопия, гиперметропия, аралас астигматизм және глаукома жиі кездеседі. Көру қабілетінің алыстан нашарлауы – миопия деп аталады және ол балалар арасында өте жиі ұшырасады. Миопия тұқым қуалаушылық арқылы берілуі немесе бала туғаннан оған бейім болып келуі мүмкін. Уақыт өте келе көзге дұрыс күтім жасалмаса, бұл ақау үдеп, баланың жасына байланысты күшеюі ықтимал.&nbsp;Минус рефракцияның 40 жасқа дейін өсуі мүмкін екені де айтылады, – дейді дәрігер.</blockquote>Ата-аналардың шағымы көп. Дәрігерге барсаңыз, ұзын-сонар кезек.<blockquote>– Баламның қолынан смартфон түспейтін. Қолынан алсам жылайтын, ал мен тыныш болсыншы деп ұзақ уақыт бере бердім. Кейін оның телефонға тәуелді болып қалғанын түсіндім. Смартфонды тартып алсам жылап, қайта-қайта сұрайтын болды. Амалсыз қайта беріп жүрдім. Бір күні қасында тұрған затты алып беруін сұрасам, дәл жанында тұрғанын таба алмай қойды. Әуелде байқамаған шығар деп ойладым, бірақ көзінің дұрыс көрмейтінін аңғардым. Дәрігерге барғанымызда, уақытында келгенімізді айтты. «Бұдан былай смартфон ұстатпаңыз» деп қатаң ескертті. Содан бері мүлдем бермеймін. Жыласа да көнбеймін, өзі де үйренді. Ең бастысы – көз жанарын дер кезінде сақтап қалдық, әйтпесе ота жасатуға дейін баруы мүмкін екен, – дейді&nbsp;Ләззат Серікбайқызы.</blockquote>Қазір екі баласы да смартфон ұстамайды. Тек 8-сыныпта оқитын үлкен ұлы сабаққа қажет кезде ғана қолданады, ал бос уақытта телефонға әуес емес.&nbsp; P.S&nbsp;Балаға смартфонды тым ерте жастан беру – оның көру мүмкіндігіне елеулі қауіп төндіреді. Сондықтан ата-аналар гаджет қолдану уақытын шектеуі, үзіліс жасатуды қадағалауы және баланың көру гигиенасын қорғауы аса маңызды.Мөлдір САБЫРЖАНФото: freepik.com&nbsp;

Смартфонның салдары: Көз аурулары үшінші орында тұр

<a href="https://kyzylorda-news.kz/">Kyzylorda-news.kz</a> Форум халық пен партияның байланысын күшейтіп, маңызды мәселелерді талқылауды және алдағы мақсаттарды айқындауды көздейді.Жұмысшы мамандықтар жылы аясында ұйымдастырылған «Еңбек адамы – 2025» республикалық байқауы аяқталып, түрлі салада үздік атанған мамандар марапатталды. Сонымен қатар, жаңа партия мүшелеріне партиялық билеттер табысталды.Форумда еліміздің әлеуметтік мәселелері, аймақтардың дамуы, азаматтардың құқықтары мен күнделікті өмірін жақсарту жолдары талқыланды. Әр спикердің ойы – нақты, мәселеге бағытталған, ал қатысушылардың энергиясы – ерекше.<img src="https://knadmin.beoblood.kz/uploads/37d24e9e_60ca_4d51_b690_2d998c5a8039_6b0e495dce.jpg" alt="37d24e9e-60ca-4d51-b690-2d998c5a8039.jpg">

Қызылордада Қазақстан Халық партиясы Жақтастарының форумы өтті

<a href="https://kyzylorda-news.kz/">Kyzylorda-news.kz</a> &nbsp;Мемлекет басшысының «Таза Қазақстан» жалпыұлттық бастамасы аясында және «AMANAT» партиясы Қызылорда облыстық филиалы жанындағы «Жастар Рухы» Жастар қанаты, Қызылорда медициналық жоғары колледжі мен Қызылорда облыстық полиция департаменті Есірткі қылмысына қарсы іс-қимыл басқармасы бірлесіп, Сырдария өзенінен Қызылорда қаласы сол жағалауына өтетін аспалы көпір және өзен жағасына тазалық жұмыстарын жүргізді. Ұйымдастырушылар тазылық пен қатар вандализм мен есірткіге қарсы бүлінген және жарнама жазылған қабырғалардағы жазуларды өшірді.Іс-шараға «AMANAT» партиясы облыстық филиалының төрағасы Жандос Базартай қатысты. Ол «Таза Қазақстан» жалпыұлттық бастамасы мен «Есірткіге жол жоқ», «Вандализмге жол жоқ» акцияларының маңыздылығына тоқталып, тұрғындарды тазалық мәдениетін сақтауға, жастарды бұрыс қылықтардан қашық болуға шақырды.Мұнан соң облыстық Есірткі қылмысына қарсы іс-қимыл басқармасының жедел уәкілі Темірхан Ахмет сөз алып, қазіргі таңда күн тәртібінен түспей тұрған жастар арасындағы мәселелерді баяндап, осы бағытта басқарма тарапынан атқарылып жатқан жұмыстарды сөз етті.Тазалық шарасына 70 ке жуық ерікті қатысты. Олар аспалы көпір астындағы Сырдария өзенінің жағасына тазалық жұмыстарын жүргізіп, граффити жазбаларын жою бойынша жұмыстар жасады.Айта кетейік, «AMANAT» партиясының аймақтық және аумақтық филиалдары Мемлекет басшысының «Таза Қазақстан» эко акциясына қолдау мақсатында әр бейсенбі сайын «Таза бейсенбі» акциясын ұйымдастырып келеді. Жыл басынан бері «Жастар Рухы» Жастар қанаты облыстық филиалының ұйымдастыруымен тарихи, мәдени, табиғи мұраларды сақтауға бағытталған «Вандализмге жол жоқ!» акциясы аясында ескерткіштермен табиғи қорықтарды тазарту бойынша 40-тан астам іс-шара өткізілді. Аталған акцияға мәслихат депутаттары, облыстық партия төрағасы, қоғамдық пікір көшбасшылары, журналисттер мен блогерлер және 800-ден астам белсенді жастар ат салысты. Сонымен қатар «Есірткіге жол жоқ!» акциясы негізінде жастар түрлі форматтағы кездесу жиындары мен тексеріс жұмыстарын жүргізді. Белсенділер синтетикалық есірткі құралдарын сатып алуға арналған жарнама графитилеріне қала көлемінде рейд жүргізіп, арнайы мектеп оқушыларымен кездесулер ұйымдастырды.&nbsp;

«Таза Қазақстан» эко акциясы аясында тазалық жұмыстары жүргізілді

<a href="https://kyzylorda-news.kz/">Kyzylorda-news.kz</a> «Азаматтарға арналған үкімет» мемлекеттік корпорациясы мемлекеттік органдардың ақпараттық жүйелеріндегі ағымдағы жағдай мен жоспарлы профилактикалық жұмыстар жөнінде жедел ақпарат беретін жаңа сервисті іске қосты.Енді азаматтарға жекелеген қызметтердің уақытша қолжетімсіз болу себептерін білу үшін ХҚКО қызметкерлеріне жүгінудің қажеті жоқ. Қажетті мәліметтің барлығы «ЦОН» мобильді қосымшасында, мемлекеттік корпорацияның ресми сайтында және халыққа қызмет көрсету орталықтарындағы электронды таблоларда көрсетіледі.Сервис ақпараттық жүйелер мен мемлекеттік деректер базаларының техникалық жай-күйін автоматты түрде көрсетіп отырады. Осылайша азаматтар мемлекеттік қызметтердің мәртебесі туралы сенімді әрі өзекті мәліметті уақытылы алып, ХҚКО немесе МХҚКО-ға бару уақытын алдын ала жоспарлай алады.<blockquote>«ХҚКО-ның интеграцияланған ақпараттық жүйесі – азаматтардың өтініштерін қабылдап, мемлекеттік органдардың деректер базаларымен ақпарат алмасуды жүзеге асыратын негізгі арна. Жаңа сервис осы базалар арқылы көрсетілетін қызметтердің уақытша қолжетімсіздігін алдын ала біліп, ХҚКО-ға баруды соған қарай жоспарлауға мүмкіндік береді. Бұл – цифрлық ашықтықты арттыруға, айқындықты күшейтуге және мемлекет пен азамат арасындағы сенімді нығайтуға бағытталған тағы бір қадам», – деді Арман Кенжеғалиев, «Азаматтарға арналған үкімет» мемлекеттік корпорациясының Басқарма Төрағасы.</blockquote>Жаңа сервис Қазақстан азаматтарына мемлекеттік қызметтерді көрсету сапасы мен тиімділігін арттыруға бағытталған ашық, сенімді әрі қолайлы цифрлық шешімдерді дамытудың келесі кезеңі болды.Айта кетейік, сервис «ЦОН» мобильді қосымшасында (App Store/Google Play) ЖСН мен телефон нөмірі арқылы авторизациядан кейін қолжетімді.

Жаңа хабарландыру сервисі: азаматтар мемлекеттік қызметтердің қолжетімділігі туралы алдын ала біле алады

<a href="https://kyzylorda-news.kz/">Kyzylorda-news.kz</a> &nbsp;21 қараша күні Қызылорда облыстық жастар ресурстық орталығының ұйымдастыруымен жастардың шығармашылығы мен мәдениетін дәріптейтін ерекше форматтағы «Diamond Show» студенттік балы өткізілді.Аталған шараның негізгі мақсаты – жастардың эстетикалық талғамын арттыру, шығармашылық әлеуетін дамыту, ұлттық-рухани құндылықтарды насихаттау және жастар арасында достық пен бірлікті нығайту.Салтанатты кешке облыстық жастар ұйымдарының жетекшілері, түрлі салада белсенділік танытып жүрген жастар, студенттер мен арнайы шақырылған мәртебелі қонақтар қатысты. Құрметті қонақ ретінде Қызылорда облыстық қоғамдық даму басқармасының басшысы Руслан Мұхамедәліұлы Каюпов қатысып, студенттерге жүрекжарды құттықтауын жеткізді.Би кешінде 5 жоғары оқу орнынан іріктелген 8 жұп арнайы дайындықтан өтіп, жұптық вальс биін сахнада орындады. Әр жұп өз оқу орнының намысын қорғап, жоғары деңгейдегі дайындықтарын паш етіп, көрерменнің ыстық ықыласына бөленді. Жүлделі орын иегерлері<ul><li>І орын (50 000 теңге) — Әділбек &amp; Сандуғаш жұбы (№2)</li><li>ІІ орын (30 000 теңге) — Нұржігіт &amp; Мөлдір жұбы (№4)</li><li>ІІІ орын (20 000 теңге) — Дәулет &amp; Дильназ жұбы (№3)</li></ul>Сонымен қатар, кеш барысында ерекше көзге түскен қатысушыларға арнайы номинациялар табысталды. Атап айтқанда, «Тартымды жұп», «Ерекше жұп», «Жарасымды жұп», «Өнерлі жұп» және «Сүйкімді жұп» аталымдары бойынша үздіктер марапатталды.«Diamond Show» жастар балы — студенттердің рухани дамуына, өнер мен мәдениетті бойына сіңіруіне, шығармашылық әлеуетін арттыруға бағытталған маңызды жобалардың бірі ретінде жоғары деңгейде өтті. Шара соңы әсем әуен мен жастардың көңілді би кешіне ұласты.

«DIAMOND SHOW» студенттік жастар балы жоғары деңгейде ұйымдастырылды

<a href="https://kyzylorda-news.kz/">Kyzylorda-news.kz</a> &nbsp;Бүгін Қызылорда қаласындағы СПМК-70 шағын ауданында 1500 орындық «Келешек мектебінің» ашылу рәсімі өтті. Оған ҚР Оқу-ағарту министрі Жұлдыз Сүлейменова, Парламент Сенаты мен Мәжілісінің депутаттары Руслан Рүстемов, Мұрат Әбенов, Мұрат Ергешбаев, құқық қорғау органдарының бірінші басшылары, зиялы қауым өкілдері, ел ағалары қатысты.<img src="https://knadmin.beoblood.kz/uploads/4_yzylordada_1500_oryndy_Keleshek_mektebi_ashyldy_d4c7c3c437.jpg" alt="4Қызылордада 1500 орындық «Келешек мектебі» ашылды.jpg">Аймақ басшысы қала тұрғындарын, ұстаздар мен оқушыларды жаңа мектептің ашылуымен құттықтап, жиналған жұртшылыққа ізгі тілегін айтты.<blockquote>«Президентіміз «Баланың бәрі бірдей. Ауыл баласы мен қала баласының білім алу мүмкіндігі де бірдей болуы керек. «Келешек мектептері» жобасының негізгі мақсаты да – осы», деген болатын. Бәсекеге қабілетті, заманның жаңа шақыртуларына дайын, озық ойлы ұрпақ тәрбиелеу – мемлекет алдындағы стратегиялық маңызды мәселе.Сыр өңірінде Президентіміздің, Үкіметтің ерекше қолдауымен білім саласында ауқымды жобалар мен тың бастамалар жүзеге асуда. Аймағымыздың білім беру саласына соңғы үш жылда 812 млрд. 245 млн. теңге, биыл 346 млрд. 800 млн. теңге бөлінді. Өткен жылы 31 млрд. 800 млн. теңгеге 13 білім беру ұйымы жаңадан ашылды.Баршаңызды жаңа мектептің ашылуымен құттықтаймын! Бұл – жай ғана ғимараттардың салынуы емес, жаңа дәуірде білім алатын озат оқушыларға жаңа мүмкіндіктер сыйлау. Жаңа мектеп әрбір оқушының асыл арманын оятатын, биік мақсатқа жетелейтін ізгі орын болсын! Санасы сергек, ойы ұшқыр, бәсекеге қабілетті оқушыларымыздың қатары көбейсін!», – деді Нұрлыбек Машбекұлы.</blockquote><img src="https://knadmin.beoblood.kz/uploads/3_yzylordada_1500_oryndy_Keleshek_mektebi_ashyldy_9e9077a130.jpg" alt="3Қызылордада 1500 орындық «Келешек мектебі» ашылды.jpg">Қызылорда облысында «Келешек мектептері» ұлттық жобасы аясында 54 млрд. 391 млн. теңгеге 10 жаңа мектеп салынды. 2023 жылдан бері 5 млрд. 700 млн. теңгеге 9 мектептің жанынан қосымша ғимарат бой көтерді. Бұл арқылы өңірдегі үш ауысымдық мектептер мәселесі түбегейлі шешімін тапты.<img src="https://knadmin.beoblood.kz/uploads/1_yzylordada_1500_oryndy_Keleshek_mektebi_ashyldy_b36ef60413.jpg" alt="1Қызылордада 1500 орындық «Келешек мектебі» ашылды.jpg">​Салтанатты шарада білім беру саласының дамуына елеулі үлес қосқан ұстаз қауымы мен «Келешек мектебін» сапалы етіп салған мердігер мекеме қызметкерлері облыс әкімінің Алғыс хатымен марапатталды.<img src="https://knadmin.beoblood.kz/uploads/2_yzylordada_1500_oryndy_Keleshek_mektebi_ashyldy_63c8dcffa2.jpg" alt="2Қызылордада 1500 орындық «Келешек мектебі» ашылды.jpg">Оқу-ағарту министрі Жұлдыз Досбергенқызы, Парламент Мәжілісінің депутаты Мұрат Абдуламитұлы, мемлекет және қоғам қайраткері, Қызылорда облысының құрметті азаматы Мұрат Бақтиярұлы рәсімге қатысушыларды құттықтап, ізгі тілек білдірді.Фото: Қызылорда облысы әкімінің баспасөз қызметі

Қызылордада 1500 орындық «Келешек мектебі» ашылды

<a href="https://kyzylorda-news.kz/">Kyzylorda-news.kz</a> &nbsp; Санитарлық дәрігерлер «Балдәурен» бөбектер бақшасында санитарлық нормалардың бұзылғанын анықтаған. Азық өнімдерін сақтауға, кесу құралдарын таңбалауға, сондай-ақ дезинфекциялық режимге қатысты кемшіліктер <a href="https://kaz.inform.kz/news/balalar-tamaktan-ushingan-balabakshanin-brneshe-kizmetker-zhumistan-shettetld-5132b5/">тіркелген.</a>Павлодар облысы Шарбақты ауданындағы «Балдәурен» бөбектер бақшасында тамақтан ұшынған бір топ балаға алдын ала қойылған диагноздар расталмаған.<blockquote>– Балаларға алдын ала қойылған «Анықталмаған гастроэнтерит пен инфекциялық колит және басқалары» диагноздары расталмады. Оларға «Ас қорытудың анықталмаған функционалды бұзылуы» және «Ротавирустық энтерит» диагноздары қойылды, - деп хабарлады өңірлік санитарлық-эпидемиологиялық бақылау департаменті басшысының орынбасары Зәмзагүл Досжанова.</blockquote>Санитарлық қызмет мамандары аталған балабақшада кейбір санитарлық нормалардың дұрыс сақталмайтынын анықтаған. Атап айтқанда, азық-түлікті сақтау, кесу құралдарын таңбалау, дезинфекциялық режимге қатысты кемшіліктер тіркелген.<blockquote>– Медициналық тексеруден уақтылы өтпеген қызметкерлер бар екені белгілі болды. Олар жұмыстан уақытша шеттетілді. Тексеру шаралары әлі аяқталған жоқ, - деп қосты басқарма өкілі.</blockquote>Фото: pixabay.com

Балалар тамақтан ұшынған балабақшаның бірнеше қызметкері жұмыстан шеттетілді  

<a href="https://kyzylorda-news.kz/">Kyzylorda-news.kz</a> Қызылорда облысы Полиция департаментінің Есірткі қылмысына қарсы іс-қимыл басқармасы мен Ұлттық Республикалық Киокушинкай-кан каратэ федерациясының Қызылорда облыстық филиалы бірлесіп, балалар мен жасөспірімдер арасында ірі спорттық жарыс өткізді. Турнир «Қабылан» спорт клубында өтіп, 5 пен 17 жас аралығындағы қатысушыларды 12 салмақ дәрежесі бойынша біріктірді.Іс-шараның мақсаты – өскелең ұрпақ арасында салауатты өмір салтын насихаттау, қайсарлық пен тәртіпке баулу, сондай-ақ зиянды әдеттердің алдын алу.<img src="https://knadmin.beoblood.kz/uploads/karate_upn_7dbfe67907.jpeg" alt="каратэ упн.jpeg">Жарыс Қазақстан Республикасының мемлекеттік әнұранымен басталды. Ашылу салтанатында Қызылорда облысы Полиция департаменті Есірткі қылмысына қарсы іс-қимыл басқармасының бастығы, полиция подполковнигі Бағисов Біржан Бабырұлы және Ұлттық Республикалық Киокушинкай-кан каратэ федерациясының Қызылорда облыстық филиалының директоры Мұханов Бауыржан Оразбекұлы сөз сөйлеп, балалар спортының есірткі қылмысының алдын алудағы маңызды рөлін атап өтті.Жарыс қорытындысы бойынша жеңімпаздар мен жүлдегерлер І, ІІ, ІІІ дәрежелі дипломдармен және медальдармен марапатталды. Сонымен қатар қатысушыларға естелік сыйлықтар мен алғыс хаттар табысталды.Шара ұйымдастырушылары мұндай спорттық сайыстар жастардың дұрыс құндылықтарын қалыптастыруға, теріс ықпалдарға қарсы иммунитетін күшейтуге және спортқа қызығушылығын арттыруға ықпал ететінін атап өтті.

Қызылордада есірткіге қарсы акция аясында карате жарысы өтті

<a href="https://kyzylorda-news.kz/">Kyzylorda-news.kz</a> Қазақстанда әйгілі актер Джеки Чанның фильмнің түсіріліміне дайындық басталды. Негізгі түсірілім алаңы ретінде Маңғыстау облысы қарастырылып отыр, деп хабарлайды&nbsp;<a href="https://azattyq-ruhy.kz/">Azattyq Rýhy</a>.Облыстық туризм басқармасының мәліметінше, әйгілі «Armour of God: Ultimatum» франшизасының жаңа бөліміне жауапты түсірілім тобы Ақтауға келіп, қаладағы және аймақтағы табиғи локацияларды қарап жүр.1986 жылы алғаш көрсетілген бұл фильм Джеки Чанның шығармашылығындағы ең маңызды жобалардың бірі саналады. Аңызға айналған фильмнің ондаған жылдардан кейін қайта қолға алынуы әлем жанкүйерлерінің қызығушылығын арттырып отыр. Маңғыстаудың түсірілім алаңы ретінде таңдалуы – қазақстандық киноиндустрия үшін айтулы оқиға болуы мүмкін.Түсірілім тобы өңірге келген күні Маңғыстау облысының әкімімен кездесті. Жиында түсірілім процесін өңірде ұйымдастыруға қатысты мәселелер және қажетті қолдау шаралары талқыланды.Жоба толық бекітілген жағдайда, Маңғыстау әлемдік кино тарихында өз орнын алады – өңір Джеки Чан қатысатын ірі халықаралық экшн-фильмге алғаш рет түсірілім алаңы болмақ.

Джеки Чанның жаңа фильмі Маңғыстауда түсірілуі мүмкін

<a href="https://kyzylorda-news.kz/">Kyzylorda-news.kz</a> Жақсықылыш ауылындағы №19 мектеп соңғы күндері ерекше жылулыққа толы. Мектептің бір бөлмесінде жаңа компьютерлер, интерактивті тақта және жаңа үлгідегі техникалар орнатылды. Балалар кабинетке асықпай кіріп, әр құрылғыны қолымен ұстап көріп, таңданып, тамсанып жүр. Бұл бөлме олар үшін жаңа әлемге ашылған шағын терезе секілді.Мұның барлығы «Аралтұз» компаниясының қолдауы арқылы мүмкін болды. Бірақ ең әсерлісі — бұл емес. Компания мектепке ғана емес, денсаулық жағдайына байланысты үйде оқитын барлық балаларға интернеті бар компьютерлер сыйлады. Мұндай балалар үшін қарапайым сабақтың өзі кейде үлкен қиындыққа айналады. Енді олардың толыққанды білім алуына мүмкіндік туып, онлайн сабақтарға қатыса алады, мұғалімдерімен байланыс орнатып, өз сыныптастарынан оқшау қалмайды.Мұғалімдер мұны жай техника деп емес, балаларға әлеммен қайта байланысуға берілген мүмкіндік деп қабылдап отыр.Мектеп директоры Ләззат Есжанова компанияның көп жылдан бері қолдау көрсетіп келе жатқанын айтады.<blockquote>«Бұл біздің балалар үшін өте үлкен қадам. Әсіресе үйден оқитын оқушылар үшін. Енді олардың алға жылжуға қажеттінің бәрі бар», – дейді ол.</blockquote>Сондай-ақ, мектептің АКТ залында да жаңа дыбыс аппаратурасы кеңістікті таза әрі анық үнге толтырды. Балалар ән жаттап, ой бөлісіп, алда өтетін мерекелік іс-шараға дайындалуда.«Аралтұз» компаниясының өкілі Самал Думанова компанияның қолдауға мұқтаж балаларға ерекше көңіл бөлетінін айтты.<blockquote>«Бала үйде оқуға мәжбүр болса, оның ұмыт қалмағанын сезінуі маңызды. Біз мұндай балалардың да өз қатарластарымен тең мүмкіндіктерге ие болғанын қалаймыз», – деді ол.</blockquote>Соңғы жылдары компания көптеген әлеуметтік жобаларды жүзеге асырды. Әр жоба – балалардың болашағына, олардың өз күшіне деген сеніміне бағытталған шынайы қамқорлық.Жақсықылыш – дәл осындай тыныш, бірақ өмірді жақсартатын оқиғалар туатын жерлердің бірі. Олар баяу, мейіріммен, адамдық жылулықпен жасалады – бірақ шын мәнінде үлкен өзгерістер әкеледі.<img src="https://knadmin.beoblood.kz/uploads/Kak_v_Zhaksykylyshe_poyavilsya_kabinet_kuda_deti_zahodyat_s_ulybkoj_i_pochemu_eto_vazhnee_chem_kazhetsya_1_e88d3e4b4f.jpg" alt="Как в Жаксыкылыше появился кабинет, куда дети заходят с улыбкой — и почему это важнее, чем кажется 1.jpg">

Архив