<a href="https://kyzylorda-news.kz/">Kyzylorda-news.kz</a> Бүгін&nbsp;Қазалы&nbsp;ауданының әкімі Алмасбек Есмаханов денсаулық сақтау саласының ардагерлері Құбыл Ршымбетов, Болат Сәдуов және Омарғали Басымбеков сынды азаматтармен кездесті.Кездесуде аудан әкімі өңірде Президентіміз Қасым-Жомарт Тоқаевтың қолдауымен, облыс әкімі Нұрлыбек Нәлібаевтың басшылығымен медицина саласында атқарылып жатқан игі жұмыстар жайында айтып өтті.<blockquote>- Өздеріңіз білесіздер, аудандағы денсаулық сақтау саласында елдің игілігіне бағытталған ауқымды жұмыстар атқарылып келеді. Бұған дейін ауданымыздағы Абай, Бозкөл және Кәукей ауылдарында «Ауылда денсаулық сақтауды жаңғырту» ұлттық жобасы аясында дәрігерлік амбулториялар пайдалануға берілсе, биыл ұлттық жобасы аясында Қазалы аудандық көп бейінді орталық ауруханасының жанынан 42 төсектік кардиология және инсульт орталығының құрылысы қарқынды жүргізілуде. Аудан халқына жоғары және сапалы медициналық көмек көрсетуге арналған орталықтың құрылысы желтоқсан айының екінші онкүндігінде аяқталатын болады. Жоба бойынша онда бүгінге дейін аудан тұрғындары үшін ең өзекті мәселелердің бірі болып келген МРТ құрылғысы орнатылып, тиісті мамандардың білімі жетілдірілмек. Өткен жылы аймақ басшысының қолдауымен ауданның денсаулық сақтау ұйымдарының автопаркін жаңару мақсатында 25 санитарлық автокөлік алынып, бүгінде халыққа сапалы қызмет етуде. Әрине, мұның барлығы аймақ басшысының денсаулық сақтау саласының дамуына көрсеткен үлкен қолдауының нәтижесі, - деді аудан әкімі.</blockquote>Алмасбек Әбілқасымұлы сала ардагерлерімен кездесу барысында Қазалы ауданының Құрметті азаматы, медицина саласының ардагері Құбыл Ршымбетовті 77 жасқа толған төл мерекесімен құттықтады. Сондай-ақ үлкенге құрмет көрсетудің, адал еңбекті бағалаудың маңызын атап өтті.Айта кетейік, өткен жылы 50 жыл бойы өңірдің медицина саласында қалтқысыз қызмет атқарып, адал еңбегімен халықтың ықыласына бөленген ардақты азамат Құбыл Ршымбетұлына - Президент Жарлығымен Сыр өңірінің медицина саласының дамуына қосқан үлесі үшін мемлекеттік награда - «Ерен еңбегі үшін» медалі табысталған болатын.Басқосуда аудандық мәслихат төрағасы Ғазиз Әліш пен медицина саласының ардагерлері Болат Сәдуов саладағы оң өзгерістер, халықтың денсаулығын жақсарту бағытындағы жұмыстарға алғыстарын жеткізіп, мереке иесіне ізгі тілектерін жеткізді.

Қазалы: Аудан әкімі денсаулық сақтау саласының ардагерлерімен кездесті

<a href="https://kyzylorda-news.kz/">Kyzylorda-news.kz</a> &nbsp;Қызылорда қаласындағы Достық үйінің мәжіліс залында облыстық Қазақстан халқы Ассамблеясы жанындағы Ақсақалдар кеңесінің төртінші отырысы өтті. Жиынға облыстық, қалалық және аудандық Ақсақалдар кеңестерінің төрағалары мен мүшелері, сондай-ақ «Қоғамдық келісім» КММ қызметкерлері мен этномәдени бірлестіктердің өкілдері қатысты.Отырысты Ақсақалдар кеңесінің төрағасы Нұрмұрат Ерманов ашып, қатысушыларды күн тәртібімен таныстырды. Ол өз сөзінде аймақтағы Ақсақалдар кеңесінің 2023 жылдан бері үздіксіз жұмыс істеп келе жатқанын, түрлі бағытта маңызды жобалар жүзеге асырылғанын атап өтті. Сонымен қатар биылдан бастап жыл қорытындысын шығару мақсатында барлық деңгейдегі кеңестердің атқарған жұмыстары тыңдалатынын жеткізді.Кеңесте екі негізгі мәселе қаралды: Байқоңыр қалалық және Қармақшы аудандық Ақсақалдар кеңестерінің жылдық жұмыстарының есебі.Алғашқы болып Байқоңыр қалалық Ақсақалдар кеңесі төрағасының орынбасары Шайқыбек Сүйеумбетов баяндама жасады. Нұрмұрат Наятұлы оның берген ақпаратын жоғары бағалап, Байқоңырдың стратегиялық маңызы зор аймақ екенін, сондықтан онда атқарылған әрбір бастама аса жауапкершілікпен жүргізілетінін атап өтті. Қалалық кеңестің биылғы жылдағы жұмысы жүйелі ұйымдастырылғанын айтып, алдағы қызметтеріне сәттілік тіледі.Одан кейін Қармақшы аудандық Ақсақалдар кеңесінің төрағасы Шегебай Құндақбаев жыл көлемінде атқарылған жұмыстар жөнінде баяндама жасады. Кеңес мүшелері Қармақшыдағы қоғамдық келісім мен рухани тәрбие бағытындағы бастамаларды ерекше атап өтіп, пікірлерін ортаға салды.Пікір алмасу бөлімінде қатысушылар өңірдегі қоғамдық тұрақтылықты нығайту, ұрпақ тәрбиесін жетілдіру, ауылдық жерлердегі үйлестіру жұмыстарын арттыру жөнінде ұсыныстар айтты. Әсіресе жастар арасындағы тәрбиелік кездесулер мен этносаралық татулықты сақтау бағытындағы шараларды күшейту қажеттігі қозғалды.Жиын қорытындысында Ақсақалдар кеңесінің төрағасы Нұрмұрат Ерманов баяндамашылардың көтерген мәселелері бойынша тиісті ұйымдарға ресми ұсынымдар жолданатынын жеткізді. Сондай-ақ алдағы уақытта қосымша мәліметтерді дер кезінде ұсыну қажеттігін еске салды.Отырыс мазмұнды пікірталаспен өтіп, өңірдегі қоғамдық келісім саласындағы жұмыстардың жаңа бағыттары айқындалды, сондай-ақ Ақсақалдар кеңесінің бірқатар мүшелері марапатталды.

Қызылордада Ақсақалдар кеңесінің төртінші отырысы өтті

<a href="https://kyzylorda-news.kz/">Kyzylorda-news.kz</a> &nbsp; «Қыс-2025» командалық-штабтық оқу-жаттығуын өткізу кезінде 2025 жылғы 21 қарашада 10 сағат 00 минутта Арал ауданы аумағында «Баршаның назарына!» сигналы бойынша аудандық азаматтық қорғаныстың құлақтандыру жүйесі тексеріледі.Оқу-жаттығу барысында сабырлылық сақтауларыңызды және үрейге бой алдырмауларыңызды сұраймыз!<img src="https://knadmin.beoblood.kz/uploads/whatsapp_image_2025_11_18_at_16_47_04_819931fa1e.webp" alt="whatsapp-image-2025-11-18-at-16.47.04.webp">

«Қыс-2025» командалық-штабтық оқу-жаттығуы өтеді

<a href="https://kyzylorda-news.kz/">Kyzylorda-news.kz</a> &nbsp;Қызылорда облысы аумағында «Мал ұрысы» жедел-профилактикалық іс-шарасы өткізілуде.&nbsp;&nbsp;Мақсат – халық арасында мал ұрлықтарының алдын алуға бағытталған профилактикалық жұмыстар жүргізу, сондай-ақ бұрын және өткен жылдары орын алған мал ұрлықтарын ашу.&nbsp;Полиция қызметкерлері жергілікті атқарушы органдармен бірлесіп, облыс көлемінде мал тасымалдаушы автокөліктерді, одан бөлек мал және ет сату орындарының заң талаптарына сәйкестігіне тексеру жүргізуде. &nbsp;Іс - шараның бір күнінде бұрын орын алған мал ұрлықтарының 3 дерегі, оның ішінде өткен жылдары санатындағы мал ұрлығының 1 дерегі ашылды.Сонымен қатар ауыл шаруашылық жануарларын заңсыз тасымалдаудың 2 дерегі, үй жануарларын белгіленбеген орындарда жаюдың 9 дерегі анықталып, әкімшілік хаттамалары ресімделді.Мысалы &nbsp;Қазалы ауданының полиция бөліміне аудан тұрғыны хабарласып, жайылымдық жерден сиырының жоғалғандығы туралы арызданған.&nbsp; Полицейлер жүргізген жедел шара барысында күдікті ұсталып, қазіргі таңда тергеу әрекеттері жүргізілуде.

«Мал ұрысы»: Қызылордада 3 мал ұрлығы дерегі ашылды

<a href="https://kyzylorda-news.kz/">Kyzylorda-news.kz</a> &nbsp;Қызылорда қаласы Полиция басқармасының жеке құрамы “Бір тамшы қаным-жанға араша” акциясы аясында Облыстық қан орталығына &nbsp;өз еркімен адамдарға көмектесу мақсатында донор болып, өз көмек қолдарын созып, жақсы бастама көтерді.&nbsp;Игі істі бастамас бұрын барлық донорлар медициналық тексеруден өтеді. Қарсы көрсетілімдер болмаған жағдайда ғана қан тапсыруға болады. Әр донордан 450 мл қан алады. Процедураның өзі дайындықпен бірге 20 минуттан аспайды.<blockquote>- «Бір донор-бір өмір» деп бекер айтылмаған және біздің іс-әрекеттеріміз біреудің анасы мен әкесінің, баласы мен ағасының өмірін сақтап қалуға көмектеседі деп үміттенеміз. Біз азаматтарды қан тапсыруға және адамдарға көмектесуге шақырамыз», - деді полиция майоры Садыбеков Мақсат Тұрымханұлы.&nbsp;</blockquote>

Қызылордалық полицейлер қан тапсырды

<a href="https://kyzylorda-news.kz/">Kyzylorda-news.kz</a> ҚР Парламенті Мәжілісінің депутаты, «Ауыл» партиясының Төрағасы Серік Егізбаев &nbsp;«Қайсар» клубының басшылығы мен спортшыларына «Ауыл» партиясының партия билеттерін салтанатты түрде табыстады.&nbsp;Шара барысында «Қайсар» волейбол және гандбол клубтарының ұжымы толықтай «Ауыл» партиясының қатарына қосылды.&nbsp;<blockquote>«Спорт – бұл тазалық, төзімділік және бірлік. «Қайсар» клубының жетістіктері – сіздердің осы қасиеттеріңіздің дәлелі. Бүгін сіздер тек партия мүшесі ғана емес, ауыл спортының шынайы патриоттары ретінде біздің қатарымызға қосылып отырсыздар. Біз сіздерге әрдайым қолдау көрсетеміз!» – деді С.Егізбаев.</blockquote><img src="https://knadmin.beoblood.kz/uploads/641c2717_f461_470d_80af_4fbc7d32a634_442d7b034f.jpg" alt="641c2717-f461-470d-80af-4fbc7d32a634.jpg">

 «Қайсар» клубы «Ауыл» партиясының қатарын толықтырды

Мен өмірді қалаймын - жарық күнді,Таза аспан, мөлдір ой, анық жырды.Жас жүрек соға берсін шаттықпенен,Есірткіге жол жоқ мүлде құмарлықпен.Мен өмірді қалаймын - күлкі мен нұр,Арманым - асқар таудай биік, ғұмыр.Бір сәттік қызық алдамшы,жалған екен,Сол жалғанға ермеймін, сенімім нық!Мен өмірді қалаймын - еркін таңды,Жарқыраған күн менен көктем сәнді.Есірткіге ерсең егер үміт сөніп,Өміріңнің үзілер өктем әні.Мен өмірді қалаймын - шын өмірді,Адалдық, достық, жүрек төрін білді.Тәнім сау, жаным таза, ойым анық,Сол қасиет мен үшін үлкен бақыт!Мен өмірді қалаймын - мәңгі бақты,Сезінемін бұл ғұмыр неткен тәтті!Есірткіге жол жоқ деп ұран салам,Өмірімді сүйемін - бұл тазалықты!

    Мен өмірді қалаймын

<a href="https://kyzylorda-news.kz/">Kyzylorda-news.kz</a> Ұлттық суперкомпьютер «Alem.Cloud» әлемдегі ең қуатты есептеу жүйелерінің халықаралық рейтингі TOP500 тізімінде 86 орынды иеленді. Бұл рейтингке тек HPL (High-Performance Linpack) стандарты бойынша тәуелсіз тестілеуден өткен, яғни әлемдік деңгейде мойындалған есептеу өнімділігіне ие кластерлер ғана енгізіледі.«Alem.Cloud» ұлттық суперкомпьютер кластері Мемлекет басшысының тапсырмасы бойынша Жасанды интеллект және цифрлық даму министрлігіне қарасты «Ұлттық ақпараттық технологиялар» АҚ инфрақұрылымының негізінде құрылған болатын. Суперкомпьютер жасанды интеллект, жоғары өнімді есептеулер және үлкен деректерді талдау бағыттарындағы жобаларды іске асыруға арналған. Кластердің архитектурасы жоғары тығыздықтағы бірыңғай GPU-кешеніне біріктірілген 64 HPE Cray серверінің базасында іске қосылған. Әрбір есептеу торабы жоғары жылдамдықты қамтамасыз ететін NVIDIA H200-бен жабдықталған.Alem.Cloud суперкомпьютері жобасы Біріккен Араб Әмірліктеріндегі G42 тобына кіретін Presight халықаралық технологиялық компаниясымен бірлесіп жүзеге асырылды. Presight жоғары өнімді есептеу кластерлерін жобалау мен AI экожүйесін дамытуға техникалық қолдау көрсетіп, әлемдік үздік тәжірибелерді Қазақстанның қажеттіліктеріне бейімдеуге мүмкіндік берді.Жүйе жоғары петафлопс диапазонында өнімділікті қамтамасыз етеді және Қазақстан мен Орталық Азия аймағындағы ең қуатты есептеу платформасы болып саналады. Суперкомпьютер бағдарламалық жасақтамасы SUSE Harvester (виртуализация және таратылған есептеулерге арналған жаңа буын гипервизоры), SUSE Rancher (Kubernetes пен AI-жүктемелерін орталықтан басқару платформасы) технологияларын қамтиды. Кластердің қауіпсіздігін қамтамасыз ету үшін SUSE NeuVector (контейнерлік қауіпсіздік, желілік бақылау және рантайм-қорғау жүйесі), Palo Alto Networks желілік сегментация және киберқауіпсіздік шешімдері, сондай-ақ Thales криптографиялық және аппараттық шифрлау құралдары қолданылады.Бұған дейін «ҰАТ» АҚ техникалық мамандары халықаралық серіктестермен бірлесіп, HPL (Linpack) әдістемесі бойынша кешенді тестілеу жүргізді. Мақсаты – жүйенің нақты есептеу өнімділігін өлшеу және оның TOP500 рейтингінде тіркеуге дайын екенін растау. Нәтижесінде суперкомпьютер қажетті көрсеткіштерге жетіп, Қазақстанның жаһандық TOP500 рейтингіне ресми түрде өтінім беруіне мүмкіндік берді.

Қазақстан әлемдегі ТОП-100 суперкомпьютер қатарына енді

<a href="https://kyzylorda-news.kz/">Kyzylorda-news.kz</a> &nbsp;Бүгін Арал ауданы әкімдігінің мәжіліс залында аудан әкімі Аманжол Оңғарбаевтың төрағалығымен 2025 жылғы 20-21 қараша аралығында Арал қаласында өткізілетін «Қыс - 2025» облыстық командалық-штабтық оқу-жаттығуын ұйымдастыруға арналған арнайы жиын өтті.«Қыс - 2025» оқу-жаттығуын дайындау және өткізу жөніндегі нұсқаулыққа сәйкес, биылғы оқу-жаттығудың өткізу орны ретінде Арал қаласы белгіленген болатын. Себебі ауданның күрт континенттік климаты, қыста боран, үскірік, қатты аяз, қарлы жаңбыр секілді табиғи құбылыстардың жиі болуы техногендік және табиғи сипаттағы төтенше жағдайлар туындау қаупін арттырады.Аудан аумағында алғаш рет өткізілгелі отырған облыстық деңгейдегі бұл оқу-жаттығуға дайындық барысы туралы аудандық төтенше жағдайлар бөлімінің бастығы А.Сыдықов хабарлама жасады.Аудан әкімі Аманжол Сақыпұлы оқу-жаттығудың маңыздылығына тоқталып, оны жоғары деңгейде ұйымдастыру қажеттігін атап өтті. Сондай-ақ аудандық азаматтық қорғау қызметтерінің дайындығын жан-жақты пысықтап, әр мекеме басшысына өз бағыты бойынша нақты жоспар құрып, жауапкершілікпен жұмыс істеуді тапсырды.Жиында аудан басшысы тарапынан оқу-жаттығу кезеңінде орындалатын нұсқаулықтарды қатаң сақтау, кезекшілік қызметтерін күшейту, қажетті техника мен құрал-жабдықтарды әзірлеу, халықты ақпараттандыру жұмыстарын пысықтау керектігі жауаптыларға жүктелді.Фото: Арал ауданы әкімінің баспасөз қызметі

«Қыс – 2025» оқу-жаттығуға дайындық барысы пысықталды

<a href="https://kyzylorda-news.kz/">Kyzylorda-news.kz</a> Астанада тұрғын үй ғимаратының қасбеті құлаған кезде өзгелерге көмектесемін деп өзі ауыр жарақат алған 23 жастағы фельдшер Ұлдана Мырзуан көз жұмды. Бұл туралы<a href="https://stan.kz/astanada-tyrgin-uy-kasbetinin-kylaui-auir-zharakat-alga-426379/"> Stan.kz</a> ақпарат агенттігі хабарлады.Астананың қоғамдық денсаулық сақтау басқармасы хабарлауынша, 8 қарашада үстіне&nbsp;кондиционер құлап, ауыр жарақат алған Ұлдана 18 қарашада көз жұмды.Ұлдана бес жыл бойы фельдшер болып жұмыс істеген. Туыстары оны мамандығын өзгертуге көндіргісі келген. Бірақ ол сүйікті ісінен бас тарта алмаған. Сонымен қатар&nbsp;ол небәрі бірнеше апта бұрын тұрмысқа шыққан еді."Егер ол мені қазір естіп тұрса, мен оған&nbsp;сағынғанымды және қатты жақсы көретінімді айтқым келеді", – деді күйеуі.Астананың бас емхана басшысы Алия Рустемова Ұлдананың өлімін растап, көңіл айтты.<blockquote>"Өте қапалы түрде хабарлаймын, 18 қарашада біздің әріптесіміз, фельдшер Ұлдана Мырзуан көз жұмды. Ол кәсіби міндетін атқара отырып, тұрғын үй кешенінің сыртындағы кірпіш қаптау құлап, жарақат алған. Ұлдана зардап шеккендерге көмек көрсетпек болып, өзі қираған заттардың астында қалып, ауыр жағдайда ауруханаға жеткізілді.8 қарашадан бері дәрігерлер оның өмірі үшін күресті, бар күшін салды. Бірақ, өкінішке қарай, жарақаты&nbsp;өте ауыр болды. Бұл – біздің медициналық ұжым үшін орны толмас шығын. Ол өз ісіне адал, батыл, мейірімді, нағыз кәсіби маман болды. Соңғы сәтке дейін адамдарға көмектесті. Өз атымнан және барлық ұжым атынан, медициналық қауымдастықтан оның отбасы мен жақындарына шын жүректен көңіл айтамыз. Сіздердің қайғыларыңызға ортақпыз. Біз әріптесімізді әрдайым есте сақтаймыз", –&nbsp;деді ол.</blockquote>Фото: Әділет Зейнелдің жеке архивінен

Астанада тұрғын үй қасбетінің құлауы: Ауыр жарақат алған фельдшер көз жұмды

<a href="https://kyzylorda-news.kz/">Kyzylorda-news.kz</a> Президенттің тапсырмасы бойынша Түркістан облысындағы өртке байланысты Үкіметтік комиссия құрылғаны анықталды. Бұл туралы Үкіметтің баспасөз қызметі мәлім <a href="https://kaz.inform.kz/news/turkstan-oblisindagi-12-adamnin-kazasi-ukmettk-komissiya-kurildi-481fbe/">етті.</a>Ведомство мәліметінше, Премьер-министрдің орынбасары Қанат Бозымбаевтың төрағалығымен құрылған комиссия құрамына Төтенше жағдайлар, Ішкі істер, Денсаулық сақтау, Еңбек және халықты әлеуметтік қорғау министрліктерінің, Түркістан облысы әкімдігінің басшылығы енгізілді.<blockquote>– Мемлекет басшысының тапсырмасы бойынша Түркістан облысы Жетісай ауданы Алғабас ауылындағы жеке үйде болған өрттің себептерін тергеу жөніндегі Үкіметтік комиссия құрылды. Премьер-министрдің орынбасары Қанат Бозымбаевтың төрағалығымен құрылған комиссия құрамына Төтенше жағдайлар, Ішкі істер, Денсаулық сақтау, Еңбек және халықты әлеуметтік қорғау министрліктерінің, Түркістан облысы әкімдігінің басшылығы енгізілді. Зардап шеккендер мен қаза тапқандардың отбасыларына барлық қажетті медициналық және психологиялық көмек көрсетіледі. Әкімдікке өрт салдарынан қаза тапқандарды жерлеуді ұйымдастыруға жәрдемдесу тапсырылды. Тергеу қорытындысы бойынша қосымша шешімдер қабылданатын болады. Комиссияның жұмысы ерекше бақылауда,&nbsp;– делінген ресми ақпаратта.</blockquote>Еске салсақ, Түркістан облысы Жетісай ауданының Алғабас ауылында екі қабатты жеке тұрғын үй өртеніп, 12 адам мерт болды. Оның 9-ы бала.Президент Қасым-Жомарт Тоқаев өрт салдарынан көптеген адамның қаза табуына байланысты көңіл айтып, Үкімет пен Түркістан облысының әкіміне зардап шеккен азаматтардың туған-туыстарына барлық қажетті көмек көрсетіп, қайғылы оқиғаны жан-жақты тексеруді тапсырды.ҚР Бала құқықтары жөніндегі уәкіл Динара Зәкиева өрт шыққан үйде&nbsp;екі отбасы, ата-аналары мен балалары тұрғанын хабарлады.Фото: ҚР Үкіметі

Түркістан облысындағы 12 адамның қазасы: Үкіметтік комиссия құрылды  

<a href="https://kyzylorda-news.kz/">Kyzylorda-news.kz</a> Енді қаржы мекемелері берешекті бір күн кешіктірген азаматтарға несие бермейді. Қаржы нарығын реттеу және дамыту агенттігі тұтынушы несиесін шектеуді көздейтін қаулы қабылдады, деп хабарлайды Алматыдағы <a href="https://baq.kz/endi-qaryzdy-bir-kun-keshiktirgen-azamattarga-nesie-berilmeydi-200025635/">BAQ.KZ </a>тілшісі.Құжатта кейінгі 12 айда 90 күн төленбеген қарызы бар азаматтардың борыш жүктемесі коэффициенті (БЖК) 0,5-тен 0,25-ке дейін төмендету көзделген. Мұндай шара тұрғындардың берешегі шамадан тыс көбейіп кетпес үшін жасалып отыр.Агенттік кепілсіз кредит қандай жағдайда берілмейтінін түсіндірді:<ul><li style="text-align:justify;">банкке қарыз 30 күннен асса, микрокредиттер бойынша 1 күннен аса төлем мерзімі өткен кезде;</li><li style="text-align:justify;">2025 жылғы 1 шілдеден бастап кейінгі 36 айда негізгі борыш және сыйақы бойынша толық кешірілген берешек болған кезде;</li><li style="text-align:justify;">кейінгі 12 айда қарыз алушының өз міндеттемелерін тиісінше орындауына ықпал етпеген қайта құрылымдау жүргізілсе.</li></ul>Мұндай өзгеріс келесі аптада, яғни 2025 жылғы 24 қарашадан бастап күшіне енеді.Фото: Fingramota.kz

Архив