<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаев мемлекет және қоғам қайраткері Мұхтар Абрарұлы Құл-Мұхаммедпен кездесті. Қайраткердің Сыр елінің дамуына қосқан үлесін атап өтіп, ізгі тілегін білдірді.<blockquote>«Батыр атамыз Бауыржан Момышұлының «Әр адамға бақыт пен бедел ақылмен, көп ізденіспен, адал еңбекпен келеді» деген ұлағатты сөзі бар. Мәнді де мағыналы ғұмыр кешіп, абыройға, сый-құрметке бөленген аға буын арасында Мұхтар Абрарұлының тұлғалық келбеті, адами болмысы өз алдына бөлек.Сіз Қызылорда облысының әкімі ретінде Сыр өңірінің әлеуметтік-экономикалық дамуына тың серпін бердіңіз. Бір ғана мысал, 2007 жылы облыс бюджеті 36 млрд. теңге болса, бір жарым жылда 90 млрд. теңгеге жетті.Аз уақыттың ішінде аймақ экономикасының сан саласындағы өзекті мәселелерді республикалық деңгейде батыл көтеріп, Қызылорда қаласындағы көпқабатты тұрғын үйлердің проблемаларын шешуге, инженерлік инфрақұрылым жүйелерін жаңғыртуға ықпал еттіңіз. Облыс аумағында 21 мектептің, Жаңақорған ауданында жыл бойы жұмыс жасайтын балалар тынығу лагерінің құрылысы басталды, 1 200 орындық 11 іргелі мектеп салынды. Денсаулық сақтау саласында 11 нысанның құрылысы басталып, Арал, Қазалы аудандарында 100 орындық аурухана, Жаңақорған аудандық орталық ауруханасы ғимараттары бой көтерді.Сізді халқымыз мемлекет және қоғам қайраткері ғана емес, Тәуелсіз Қазақстанның құрылуы мен қалыптасу кезеңінен бүгінге дейінгі дамуына сүбелі үлес қосқан көшбасшы азамат, Алаш арыстарының озық идеяларын жалғастырушы тұлға ретінде айрықша құрметтейді, – деді Нұрлыбек Машбекұлы.</blockquote>Мұхтар Құл-Мұхаммедке аймақтың әлеуметтік-экономикалық дамуына сіңірген еңбегі үшін «Қызылорда облысының құрметті азаматы» атағын беру туралы шешім 2022 жылы қабылданған болатын. Сол шешімнің негізінде берілген атақ және Қызылорда облысының Құрмет грамотасы бүгінгі кездесуде табысталып, Сыр жұртшылығының атынан сый-сияпат көрсетілді.М.Құл-Мұхаммед әр жылдары Парламент Сенатының депутаты, Президенттің Баспасөз хатшысы, кеңесшісі, Президент Әкімшілігі Басшысының орынбасары, Мемлекеттік хатшы қызметтерін атқарған. Екі мәрте Сенат депутаты ретінде Парламентте тұрғындардың өмір сүру сапасының жақсаруына бағытталған заңдардың қабылдануына ықпал етті. Төрт мәрте Мәдениет және ақпарат министрі қызметін атқарған уақытта еліміздің мәдени-рухани дамуына, ұлттық құндылықтардың жаңғыруына жол ашты. 2007-2008 жылдары Қызылорда облысының әкімі ретінде ілкімді істердің бастамашысы болып, өңірдің өсіп-өркендеуіне серпін берген жобаларды жүзеге асырды.Кездесуде қоғам қайраткерлері Жарылқасын Шәріпов, Ибрагим Әбибуллаев, Бекмырза Еламанов, Мәжіліс депутаты Мархабат Жайымбетов құттықтауларын жеткізді.Мұхтар Абрарұлы көрсетілген құрметке алғысын білдіріп, ізгі тілегін айтты.Фото: Қызылорда облысы әкімінің баспасөз қызметі

Аймақ басшысы мемлекет және қоғам қайраткері Мұхтар Құл-Мұхаммедпен кездесті

<a href="https://kyzylorda-news.kz/">Kyzylorda-news.kz</a> Қызылорда облыстық прокуратурасы мен Қызылорда облысы бойынша қылмыстық-атқару жүйесі департаментінің ұйымдастыруымен "Заң мен тәртіп" тұжырымдамасын іске асыру мақсатында "Үлкенге құрмет, кішіге ізет" акциясы өтті.Акция аясында есептегі азаматтар ерікті түрде қарттар үйіне барып, тазалық жұмыстарын жүргізіп, қариялардың батасын алды. Бұл іс-шараның басты мақсаты – пробация есебіндегі азаматтардың бойында адамгершілік, ізгілік пен жауапкершілік сезімін қалыптастыру, сонымен қатар олардың қоғаммен байланысын нығайту.&nbsp;<blockquote>— Пробация қызметі тек бақылау емес, сонымен қатар тәрбиелік және әлеуметтік бағыттағы жұмыстарды да жүйелі түрде жүргізеді. "Үлкенге құрмет, кішіге ізет" акциясы – соның айғағы. Мұндай шаралар есептегі азаматтарға өмірге жаңа көзқараспен қарауға мүмкіндік береді, — деп атап өтті қалалық пробация қызметінің бастығы Фариза Сембаева.&nbsp;</blockquote>Аталмыш акцияға 100 ге жуық есептегі азамат қатысты. Сондай-ақ есептегі азаматтардың бірі бүгінгі іс-шара жайлы өз ойын білдірді.<blockquote>— Бүгінгі шара арқылы еңбек пен тәртіптің қадірін түсіндік. Тазалықты сақтау – тәртіпке бастайтын алғашқы қадам. Расында, тәртіп – тазалықтан басталады, — деді есептегі азамат.</blockquote>

ҚАЖ: Қарттар үйінде тазалық жұмыстарын жүргізді

<a href="https://kyzylorda-news.kz/">Kyzylorda-news.kz</a> “AMANAT” партиясы облыстық филиалының атқарушы хатшысы Төрешова Ләйлә Бегалықызы қоғамдық қабылдау өткізіп, азаматтардың өтініштерін тыңдады.Қоғамдық қабылдауға келген тұрғындар қоғамдық жерлерде интернет қолжетімділігін арттыру, тұрғын үй-коммуналдық жұмыстар мен әлеуметтік қолдау шаралары бойынша өтініштері мен ұсыныстарын ортаға салды.Айтылған барлық өтініштер бойынша тиісті орындармен байланыс жасалып, заңды кеңестер берілді. Газ құбырын жөндеу өтініші бойынша тиісті шаралар қабылданып, мәселе оң шешілді. "ҚазТрансГаз Аймақ" АҚ филиалымен байланысқа шығып, жөндеу жұмыстарын жүргізуге ықпал етілді.Партия бастамасын жүзеге асырылып жатқан «Ауыл аманаты» және «Қарызсыз қоғам» жобалары жайлы ақпарат беріліп, кәсіп ашуға және қаржылық сауаттылық арттыруға мол мүмкіндіктер қарастырылғаны түсіндірілді.&nbsp;

Қоғамдық қабылдау өткізіп, азаматтардың өтініштерін тыңдады

<a href="https://kyzylorda-news.kz/">Kyzylorda-news.kz</a> Қазақстандықтар инфекциялық ауруханалардағы орын тапшылығына шағымданып жатыр. Әлеуметтік желілерде Астана тұрғындары стационарлардың толып тұрғанын және науқастар санының, әсіресе балалар арасында, өскенін хабарлады.Бір қала тұрғыны 40 градус температурамен баласын жатқызуды бірнеше сағат күткенін айтты. Оның сөзінше, түнде инфекциялық бөлімде бос палаталар болмаған, бірақ кейін орын табылған.Осы мәселеге қатысты ztb_kazakhstan редакциясы министрлікке сауал жолдады. Денсаулық сақтау министрлігі ОРВИ мен тұмаудың маусымдық өсуі байқалатынын, алайда алаңдауға негіз жоқ екенін мәлімдеді.<blockquote>«23–29 қазан аралығында республикада 106 930 ЖРВИ жағдайы тіркелді. Бұл өткен 2024–2025 жылдардағы эпидемиялық маусымның сол аптасымен салыстырғанда 1,5% төмендеу көрсетеді. Қазіргі жылдың 1 қыркүйегінен 29 қазанына дейін 1 128 140 ЖРВИ жағдайы тіркелген. Өткен маусыммен салыстырғанда, бұл көрсеткіш 1,2 есе азайған. Эпидемиялық маусым басталғаннан бері 45 жағдай лабораториялық түрде расталған А типті тұмау (H3N2) тіркелді. Республикада тұмауға қарсы 1 689 178 адам егілді, вакцинация жалғасуда.», - делінген хабарламада.</blockquote>Фото: Нұрболат Нұржаубай

Инфекциялық ауруханаларда орын тапшы: балалар арасында науқастар саны өскен

<a href="https://kyzylorda-news.kz/">Kyzylorda-news.kz</a> Валентина Матвиенкомен кездесу барысында Президент бұл сапарын Қазақстан-Ресей сан қырлы ықпалдастығының айтулы кезеңі ретінде қарастыратынын айтты.<blockquote>– Бұл сапар елдеріміз арасындағы стратегиялық серіктестік пен одақтастық қатынастарды жаңа деңгейге көтеру тұрғысынан тарихи маңызға ие, – деді Мемлекет басшысы.</blockquote>Қасым-Жомарт Тоқаев Владимир Путинмен кездесуі жайында айтып, екі елдің ресми делегация өкілдерінің қатысуымен өтетін келіссөздердің күн тәртібіне назар аударды.<blockquote>– Кеше Владимир Владимировичпен екі сағатқа жуық жүзбе-жүз отырып әңгімелесіп, көптеген мәселені, өзара ынтымақтастықты және халықаралық ахуалды талқыладық, – деді Қазақстан Президенті.</blockquote>Валентина Матвиенко кездесу үшін Мемлекет басшысына ризашылығын білдіріп, Қазақстан Президентінің мемлекеттік сапарына Ресейдің ерекше мән беріп отырғанын жеткізді.<blockquote>– Сіздің сапарыңызға өте үлкен дайындық жүргізілгенін білемін. Мазмұнды бағдарлама мен мемлекетаралық құжаттар пакеті әзірленді. Бүгін бұл құжаттарға мемлекеттер басшылары қол қояды. Аса құрметті Қасым-Жомарт Кемелұлы, Сіздің «Российская газета» басылымына жарияланған мақалаңызды мұқият оқып шықтым. Шынымды айтсам, Ресей-Қазақстан қарым-қатынасына қатысты тұстарына алып-қосарым жоқ. Екі ел арасындағы ынтымақтастықтың тарихы, бүгіні және болашағы жайында өте терең толғам жасағансыз, – деді Ресей Федералды Жиналысы Федерация Кеңесінің Төрағасы.</blockquote>Қасым-Жомарт Тоқаев пен Валентина Матвиенко сауда-экономикалық және мәдени-гуманитарлық ынтымақтастықтың, сондай-ақ парламентаралық диалогтың өзекті мәселелерін талқылады.Жоғары деңгейде қол жеткізілген барлық келісімге заңнама тұрғысынан сапалы қолдау көрсетудің және Қазақстан мен Ресей парламенттерінің күш-жігерін үйлестірудің маңызын атап өтті.&nbsp;Кездесу соңында Қасым-Жомарт Тоқаев пен Валентина Матвиенко екі елдің мемлекетаралық және парламентаралық қарым-қатынасына арналған фотокөрмені тамашаладыФото: Ақорда

Мемлекет басшысы Валентина Матвиенкомен кездесті

<a href="https://kyzylorda-news.kz/">Kyzylorda-news.kz</a> «Мен емханаға бармаймын және МӘМС-ті пайдаланбаймын», «Учаскемді де, дәрігерімді де білмеймін, олар мені іздемейді де». Өкінішке орай кейбір азаматтардан осындай пікірлерді естіп жатамыз. Енді біреулер тегін медициналық көмекті алу қиын, оған көп уақыт пен күш кетеді деп есептейді. Осыған орай, емханаға не үшін бару керек және МӘМС жүйесінің мүмкіндіктерін қалай пайдалануға болатынын зерттеп көрдік.&nbsp;Емханада тіркелген азаматтарға алғашқы медициналық-санитарлық көмек (МСАК) көрсетіледі. Бұл – медициналық көмектің базалық деңгейі. МСАК тіркелген тұрғындарды есепке алады, профилактикалық тексерулер өткізіп, флюорографияға түсіреді. Ауруларды ерте сатысында анықтауға, созылмалы науқастардың жағдайын бақылауға, асқынулар мен шұғыл госпитализацияны болдырмауға, жалпы халық денсаулығын тұрақты бақылауда ұстауға көмектеседі.Сайып келгенде, &nbsp; МСАК – сіздің учаскелік дәрігеріңіз және сіз тіркелген емханаңыз. Кез келген алғашқы шағымдар пайда болған кезде профилактикалық мақсатта немесе бақылау үшін сол жерге жүгінесіз. Сондықтан өзіңіздің қай емханаға тіркелгеніңізді және дәрігеріңіздің кім екенін білу маңызды.Учаскелік дәрігерге бару үшін МӘМС жүйесінде сақтандырылу шарт па?Жоқ. Пациенттер учаскелік терапевтке немесе жалпы тәжірибе дәрігеріне «cақтандырылған» мәртебесінің бар-жоғына қарамастан бара алады. Бірақ кейін МӘМС пакеті аясында бейінді мамандардың кеңесі немесе медициналық қызметтер қажет болса, «cақтандырылған» мәртебесін алу керек.Бейінді мамандарға жазылу үшін неге учаскелік дәрігерге бару керек?&nbsp;Бейінді мамандарға жазылу терапевт арқылы жүргізіледі. Себебі ол бастапқы тексеру жүргізіп, алдын ала диагноз қояды және әрі қарайғы тексерудің қажеттілігін анықтайды. Пациентті қай маманға жолдау керектігін шешіп, қажетті талдаулар мен зерттеулерге жолдама береді. Мұндай тәсіл өздігінен емделудің алдын алып, негізсіз жүгінулерді азайтады және пациенттердің ағынын оңтайландырады. Осылайша, бейінді мамандар өз көмегіне шын мұқтаж жандарға көбірек уақыт бөле алады.Анализдер мен диагностикаға жолдаманы қалай алады?&nbsp;Кез келген кеңес беру және диагностикалық қызметті емдеуші дәрігер тағайындайды. Ол пациенттің жағдайын, шағымдарын және белгілерін қарайды. Егер тиісті көрсеткіштер болса, дәрігер зертханалық және өзге де зерттеулерге жолдама береді. Міндетті әлеуметтік медициналық сақтандыру жүйесінде қызмет алу үшін пациенттің «сақтандырылған» мәртебесі болуы шарт.Медициналық қызметкерлер профилактика, диагностика, емдеу және оңалтудың ең тиімді әдістерін таңдау кезінде клиникалық хаттамаларды басшылыққа алады. Талдаулар мен диагностикалық зерттеулерге жолдаманы тіркелген жеріңіздегі дәрігерден алуға болады. Әдетте бұл – терапевт, ол көрсеткіштер бойынша немесе профилактикалық тексеру аясында зерттеу тағайындайды.Жеке клиникада МӘМС есебінен операция жасауға болатыны айтылды. Оған жолдаманы қалай аламын?Ауруханаға жатқызу көрсеткіштері пациенттің жағдайына байланысты әртүрлі болуы мүмкін. Бірақ әдетте жедел ауырсынулар, созылмалы аурулардың асқынуы, жарақаттар немесе стационарлық бақылауды қажет ететін өзге жағдайлар жатады (ҚР Денсаулық сақтау министрінің 2022 жылғы 24 наурыздағы № ҚР ДСМ-27 бұйрығы «ҚР стационарлық жағдайларда медициналық көмек көрсету стандарты туралы»).&nbsp;Ауруханаға жату үшін не істеу керек?<ul><li style="text-align:justify;">Тіркелген емханадағы дәрігерге жүгіну. Егер көрсеткіштер болса, маман тексеру жүргізіп, диагноз қою үшін қажетті зерттеулерді толық көлемде тағайындайды;&nbsp;</li><li style="text-align:justify;">Емхана жағдайында қажетті минималды тексеруден өту;&nbsp;</li><li style="text-align:justify;">Ауруханаға жатуға жолдама алу. Медициналық ұйымды өз дәрігеріңізбен бірге таңдай аласыз;</li><li style="text-align:justify;">Ауруханаға жату талонын алу. Ол арқылы «Емдеуге жатқызу бюросы» сайтында (https://bg.eisz.kz/) өз кезегіңізді бақылауға болады.</li></ul>Жоғары технологиялық медициналық көмек көрсету (ЖТМК) үшін тіркелген медициналық ұйым профильдік маманның қорытындысына сүйене отырып, пациенттің құжаттарын ЖТМК жөніндегі комиссияға жолдайды.Пациент тіркелген медициналық ұйым оған тиісті бейін бойынша осы қызметтерді көрсететін өзге ұйымды таңдау мүмкіндігі бар екенін хабарлауы тиіс.ЖТМК жөніндегі комиссия жергілікті денсаулық сақтау басқармасының басшысы бұйрығымен жасалады және пациентті тиісті медициналық ұйымға жолдау мәселесін шешеді. Тегін медициналық көмектің кепілді көлемі (ТМККК) тізбесіне кірмейтін мамандандырылған медициналық көмек МӘМС жүйесінде немесе ақылы негізде көрсетіледі. Мамандандырылған көмектің көлемі, соның ішінде зертханалық және диагностикалық зерттеу әдістері, клиникалық хаттамаларға сәйкес айқындалады (Қазақстан Республикасы Денсаулық сақтау министрінің 2020 жылғы 8 желтоқсандағы № ҚР ДСМ-238/2020 бұйрығына сәйкес).Егер маған жолдама беруден бас тартса не істеу керек?Егер пациенттің қандай да бір медициналық қызметке көрсеткіштері бола тұра дәрігер жолдама немесе көмек &nbsp;беруден бас тартса емханалар мен ауруханаларда құрылған Пациенттерді қолдау және ішкі сараптама қызметіне жүгіне алады. Бұл қызмет «осында және қазір» қағидаты бойынша мәселелерді шешуге арналған.&nbsp;МӘМС жүйесіндегі сақтандыру мәртебесін тексеру жолдары:<ul><li style="text-align:justify;">Қор сайты <a href="https://msqory.kz/;">https://msqory.kz/;</a>&nbsp;</li><li style="text-align:justify;">Telegram арнасында &nbsp;https://t.me/SaqtandyryBot сілтемесі арқылы;</li><li style="text-align:justify;">Kaspi Bank, Halyk Bank, Банк ЦентрКредит (BCC.KZ), Freedom Bank, Bereke Bank, HomeCredit Bank, Еуразиялық Банк және</li><li style="text-align:justify;">Damumed мобильді қосымшалары арқылы.</li></ul>МӘМС жарналары мен аударымдарын төлеу, көрсетілетін медициналық көмектің сапасына қатысты сұрақтар бойынша хабарласу арналары:<ul><li style="text-align:justify;">Қор сайты <a href="https://msqory.kz/;">https://msqory.kz/;</a></li><li style="text-align:justify;">Telegram арнасында &nbsp;https://t.me/SaqtandyryBot сілтемесі арқылы.</li></ul><img src="https://knadmin.beoblood.kz/uploads/UZI_a30e430385.jpg" alt="УЗИ.jpg">

Емханаға жүгінгенде нені ескерген жөн?

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаев «Қазақстан Халық банкі» АҚ басқарма төрайымы Үміт Шаяхметовамен кездесті. Кездесуде шағын және орта бизнесті, инвестициялық жобаларды қаржыландыру мәселелері талқыланды.<blockquote>«Біз «Қазақстан Халық банкімен» өзара сенімді серіктестікке дайынбыз. Бүгінгі кездесу жаңа жобалар мен бастамаларға жол ашады деп сенеміз. Сіздерге табыс, сәттілік пен жаңа жетістіктер тілеймін», – деді Нұрлыбек Машбекұлы.</blockquote>Бүгінде өңірде инвестиция тарту, кәсіпкерлікті дамыту және жаңа жұмыс орындарын ашу бағытында ауқымды жұмыс жүргізілуде. Өткен жылы жеке кәсіпкерліктің 4312 жобасын қолдауға барлық көзден 78,6 млрд теңге бағытталды. Екінші деңгейлі банктер арқылы 1246 жобаға 38,5 млрд теңге несие беріліп, оның 50 пайызын «Қазақстан Халық банкі» қамтамасыз етті.Жыл басынан бері бизнестің 2301 жобасына 41,8 млрд теңге қолдау көрсетілді. Екінші деңгейлі банктер 192 жобаға 18,1 млрд теңге несие берген, оның 60 пайызын «Қазақстан Халық банкі» ұсынған.Биыл банк жеке кәсіпкерлікті, ішкі сауда субъектілерін және өңдеу өнеркәсібін қолдауға бағытталған мемлекеттік бағдарламаларды, соның ішінде «Өрлеу» бағдарламасын іске асыруда белсенділік танытты.

Инвестициялық жобаларды қаржыландыру мәселелері талқыланды

<a href="https://kyzylorda-news.kz/">Kyzylorda-news.kz</a> Сыр елінде «АMANAT» партиясы жанындағы «Жастар Рухы» Жастар қанаты Қызылорда облыстық филиалы және №125 Қызылорда мектебінің ұйымдастыруымен «Чемпиондық рух» жобасы өтті.Қызылорда қаласында алғаш рет ұйымдастырылып отырған жобаның мақсаты – жастар арасында еңбек етіп, көк туымызды көкке көтеріп жүрген спортшыларымызды насихаттап, салауатты өмір салтын қалыптастыру, жастардың спортқа деген қызығушылығын арттыру.&nbsp;<img src="https://knadmin.beoblood.kz/uploads/Whats_App_Image_2025_11_12_at_15_20_58_c2d424e860.jpeg" alt="WhatsApp Image 2025-11-12 at 15.20.58.jpeg">Республикалық шараға арнайы қонақ болып Сыр мақтаныштары 2025 жылғы грек-рим күресінен Әлем чемпионы Айдос Сұлтанғали, 2022 жылғы «Қазақстан барысы» турнирінің жеңімпазы Мақсат Исағабылов, пара пауэрлифтингтен жасөспірімдер арасында 2 дүркін Әлем чемпионы Снежанна Бойко, Пара пауэрлифтингтен әйелдер арасында Әлем чемпионы Фариза Төлжан келді.&nbsp;Іс-шараны «АMANAT» партиясы жанындағы «Жастар Рухы» Жастар қанаты Қызылорда облыстық филиалының төрағасы Әсетхан Баймұрза ашып, жобаның маңыздылығына тоқтап, арнайы келген қонақтарға алғысын білдірді. Мұнан соң ел мақтанышы Айдос Сұлтанғали сөз алып, республикалық жобаға шақырту алғанына ризашылығын білдіріп, жастар рухты, жігерлі, еңбекқор болу керектігін тілге тиек етті.&nbsp;<img src="https://knadmin.beoblood.kz/uploads/Whats_App_Image_2025_11_12_at_15_21_03_eece4ee526.jpeg" alt="WhatsApp Image 2025-11-12 at 15.21.03.jpeg">150 жастың қатысуымен өткен таңғы жаттығуды Мақсат Исағабылов бастап берді. Сол секілді Фариза Төлжан мен Снежанна Бойко да жастарды жаттығуға баулыды.&nbsp;Айта кетейік, жастар таңғы жаттығудан соң чемпиондармен «Bir tolqynda» ашық диалог алаңын өткізді. Ел мақтаныштары өздерінің бастан өткерген қиын әрі қызықты сәттерімен бөлісіп, жастардың сауалдарына жауап берді. Кездесу соңында жастар чемпиондармен естелік суретке түсіп, ерекше көңіл-күйде тарқасты.

Сыр елінде «Чемпиондық рух» жобасы өтті

<a href="https://kyzylorda-news.kz/">Kyzylorda-news.kz</a> Қазалы ауданының әкімі Алмасбек Есмахановтың төрағалығымен аудандағы мәдениет және спорт саласындағы атқарылып жатқан жұмыстар мен алдағы межеленген жоспарларды талқылауға қатысты арнайы аппарат мәжілісі өтті.Мәжілістің күн тәртібінде көтерілген мәселелер бойынша аудандық дене тәрбиесі, спорт және туризм бөлімінің басшысы Орысбек Жамшейтов пен аудандық мәдениет және тілдерді дамыту бөлімінің басшысының міндетін атқарушы Райса Тасыбаева баяндама жасады.Аудан басшысы алдымен спорт саласындағы мәселелерге тоқталып, мұндағы жұмыстарыңыздың басты көрсеткіші – спортшылардың жетістіктерімен бағаланатындығын айтты. Осы орайда, бөлім басшысына соңғы үш жылда ауыл спортшыларының спартакиадасында жалпыкомандалық есепте үздік үштікке ауданның ілінбегендігін айтып, қатаң сынға алды. Сондай-ақ өңірдегі бұқаралық спортты дамытудағы спорт нұсқаушыларының маңыздылығы жөнінде сөз қозғап, спорт нұсқаушыларының жұмысынан оң нәтиже шығару керектігін ескертті. Бұдан бөлек, ауданда ұлттық спорт түрлері мен туризм саласын дамыту бағытында да нақты тапсырмалар берді.Мұнан кейін аудан әкімі мәдениет саласындағы жұмыстарға тоқталып, аймақ басшысының бастамасымен қолға алынған «Адал адам» рухани-мәдени орталықтарының жұмысының өз деңгейінде жүргізілмей жатқандығын айтты. Бұл бойынша аудан орталығымен қатар барлық ауылдық округтерде жобада көрсетілген жеті бағыт бойынша жұмыстарды жандандырып, ауыл-аймақтағы қаншама өнерлі жастарға қолдау көрсетіп, олардың талантын ашу бойынша жұмыс жасауды тапсырды. Сонымен қатар жыл сайын жоспарға сәйкес өтетін шаралардан бөлек, әрбір мәдениет үйлері жанындағы үйірмелердің жұмысын жандандыруды айтты. Кітапханалардың, өлкетану музейлері жұмыстарының да өз деңгейінде жүргізілмей жатқандығын жеткізіп, мұндай рухани орындарға тұрғындардың әсіресе жастардың қызығушылығын ояту бағытында бірлесе жұмыс жасауды қолға алуды және «Руханият» орталығы ғимаратында тиімді пайдалануды тапсырды.Аудан әкімі қос саланыңда алдағы уақытта материалдық-техникалық базасын жаңартуға тиісті қаржы бөлуге қолдау көрсететіндігін, тек ауданның абыройы үшін бірлесіп нәтижелі жұмыс жасау керектігін жеткізді.Мәжілісте аудан басшысы тиісті сала басшылары мен әкімдерге барлық мәдениет үйлері мен клубтардың, спорт мектептері мен кешендердің аумақтарында, спорт және ойын алаңдарындағы санитарлық-тазалық, абаттандыру, оларды күтіп ұстау жұмыстарына байланысты кемшіліктерді слайд арқылы атап көрсетіп, 10 күн мерзім ішінде аталған кемшіліктерді шұғыл қалпына келтіруді тапсырды. Жиын соңында Алмасбек Әбілқасымұлы мәжілісте берілген әрбір тапсырманың орындалуымен құнды екенін ескертіп, әрбір тапсырманың нәтижелі орындаулы тікелей өзінің бақылауында болатынын жеткізді.Аудан әкімі мәжілістің күн тәртібіндегі мәселелермен қатар азаматтарды мерзімді әскери қызметке шақыру мәселесіне байланысты да тиісті сала басшыларына бірқатар тапсырмалар жүктеді.&nbsp;Осы жылдың күзгі мерзімді әскерге шақыру жұмыстары барысында Қазалы ауданына 96 азаматқа тапсырыс беріліп, әзірге оның 36-сы әскерге аттанып, 37,5% пайызға орындалған. Бұл мәселеге байланысты тиісті сала басшылары мен әкімдерге күзгі мерзімді әскери қызметке шақыру жұмыстарын жоғары деңгейде ұйымдастырып, қатаң бақылауға алу, әскери қызметке шақырылушылардың уақытылы медициналық сараптамадан өтуін қамтамасыз ету, әскерден жалтарып жүрген азаматтарды әскерге тарту және ондай азаматтарға тиісті шара қабылдау жұмыстарын күшейту жөнінде нақты тапсырмалар берілді.

Әрбір тапсырма орындалуымен құнды

<a href="https://kyzylorda-news.kz/">Kyzylorda-news.kz</a> &nbsp; Биыл желтоқсан айында қазақстандықтар қосымша тағы бір күн <a href="https://kaz.inform.kz/news/zheltoksanda-kazakstandiktar-kansha-kun-demaladi-2ad055/">демалады</a>.&nbsp;&nbsp;Желтоқсанда қазақстандықтар Тәуелсіздік күніне орай қосымша демалыс алады. Бұл мереке 16 желтоқсанда атап өтіледі. 2025 жылы ол сейсенбіге түседі, сондықтан ел тұрғындарын аптаның ортасында бір күн демалады.&nbsp;Бес күндік жұмыс аптасында желтоқсанда 9 демалыс күні және 22 жұмыс күні, ал алты күндік жұмыс аптасында 4 демалыс күні және 26 жұмыс күні болады.31 желтоқсан жұмыс күні болып қала береді.&nbsp;Айта кетелік Еңбек және халықты әлеуметтік қорғау министрлігі 31 желтоқсанды ресми демалыс күні ретінде белгілеу мүмкіндігіне қатысты түсініктеме берген еді.&nbsp;Фото: pexels.webp

Желтоқсанда қазақстандықтар қанша күн демалады?

<a href="https://kyzylorda-news.kz/">Kyzylorda-news.kz</a> Өңір тұрғындарының көбі бос уақытын табиғат аясында, су жағасында өткізуді ұнатады. Әсіресе балық аулау маусымында өзен-көл бойында адамдардың саны артады. Дегенмен, демалыстың сәтті өтуі - қауіпсіздік ережелерін сақтауына тікелей байланысты. Бұл туралы Өңірлік коммуникациялар қызметінің ақпараттық алаңында облыстық ТЖД төтенше жағдайларды жою басқармасының өкілі Мерей Раманқұл хабарлады.<blockquote>- Жыл басынан бері жалпы су айдындарында қауіпсіздікті сақтамағаны үшін 48 адамға әкімшілік шара берілді. 795 рейдтік жұмыс және 31 мыңнан астам тұрғынға түсіндірме жұмысы жүргізілді. Алдағы таңда қайғылы оқиғаларды болдырмау үшін тек жағалауда балық аулаған дұрыс. Егер сіз жағалаудан алыста балық аулауға жиналған болсаңыз, қайықта құтқару және сигнал беру құралдарының болуы жөн. Сонымен қатар, қайықта құтқару шеңбері, белдігі немесе кеудешесі болуы керек ,- деді Мерей Жантөреұлы.</blockquote>

Балық аулау кезіндегі қауіпсіздік ережелері түсіндірілді

&nbsp;<a href="https://kyzylorda-news.kz/">Kyzylorda-news.kz</a> Ерекше қажеттілігі бар адамдарды қолдау- «AMANAT» партиясының басты басымдықтарының бірі.Партия инклюзивті саясатты қолдап, ерекше жандардың тұрмыс сапасын жақсарту бағытындағы жұмыстарды жүйелі түрде жүзеге асырып келеді.Өткен аптада Астана қаласында «AMANAT» партиясы Әйелдер қанатының бастамасымен «Кедергісіз келешек» жобасы аясында Оқу-ағарту министрлігі, Қазақстанның бочча федерациясы, Ұлттық ғылыми-практикалық дене тәрбиесі орталығы, Спортты дамыту дирекциясы және Астана қаласы әкімдігімен бірлесіп, «Тең мүмкіндіктер» атты 500-ге жуық баланың қатысуымен республикалық инклюзивті спорт фестивалі өткізілді.«Кедергісіз келешек» жобасы аясында өткізілген инклюзивті спорт фестивалінің аудандық кезеңінде І орын алған Қазалы ауданы, &nbsp;Әйтеке би кентіндегі №249 мектеп-лицейі мен Жанқожа батыр ауылындағы №94 орта мектебінің командалары Қызылорда облысынан Астана қаласында өтіп жатқан республикалық кезеңге қатысып, Сыр өңірінің намысын қорғады.Аудандық партия филиалында республикалық шараға қатысып, ерекше белсенділік танытқан бүлдіршіндермен олардың жетекшілерін марапаттау жиыны өткізілді.Шара барысында сөз алған Нұрғиса Жаппарбергенұлы кедергісіз орта құру партияның сайлауалды бағдарламасының басым бағыттарының бірі екенін атап, инклюзивті спортты дамытудың маңыздылығына тоқталды. Жиын соңында бүлдіршіндер мен олардың жетекшілеріне арнайы алғыс хаттар мен сыйлықтар табыс етілді.

Архив