<a href="https://kyzylorda-news.kz/">Kyzylorda-news.kz</a> Сырдария ауданында әлеуметтік қызметшілер күніне арналған салтанатты іс-шара өтті. Шара барысында әлеуметтік сала ардагерлері мен қызметкерлері кәсіби мерекелерімен құттықталып, олардың еңбегі жоғары бағаланды.Іс-шараға Сырдария ауданының әкімі Сәрменбаев Берік Әбдіғаппарұлы және облыстық жұмыспен қамтуды үйлестіру және әлеуметтік бағдарламалар басқармасы басшысының орынбасары Мыңбаев Азамат Амантайұлы қатысып, әлеуметтік сала қызметкерлеріне арналған құттықтау сөз сөйлеп, мерекеге орай бірқатар қызметкерлерді марапаттады.Аудан басшысы Берік Әбдіғаппарұлы әлеуметтік қорғау саласында көп жылдық тәжірибесі бар және өз ісіне адалдық танытып жүрген мамандарға алғыс хаттар табыстап, олардың кәсіби еңбегіне жоғары баға берді.Мерекелік жиында сондай-ақ әлеуметтік салада ұзақ жылдар бойы еңбек еткен ардагерлер мен үздік қызметкерлер марапатқа ие болды. Облыс көлемінде жоғары нәтижелерге қол жеткізгені үшін Сырдария аудандық жұмыспен қамту және әлеуметтік бағдарламалар бөлімі «Үздік бөлім» атағына ие болды.Бүгінде ауданда 40-тан астам әлеуметтік қызметкер тұрғындарға сапалы қызмет көрсетіп, түрлі өмірлік қиындықтарға тап болған азаматтарға көмек көрсетіп келеді. Олардың еңбегі – халықтың әлеуметтік қорғалуы мен өмір сапасын жақсартуға бағытталған маңызды үлес болып табылады.

Сырдария ауданында әлеуметтік қызметшілер күні салтанатты түрде атап өтілді

<a href="https://kyzylorda-news.kz/">Kyzylorda-news.kz</a> Баспа, радио, интернет-журналистика саласындағы «ҮРКЕР» — 2025 Ұлттық сыйлығының номинанттары анықталды.Биыл ұлттық бәйге 11 номинация бойынша өткізілді. Байқауға журналистерден 400-ден астам өтінім келіп түсті. Үміткерлер арасынан үздік жұмыстарды анықтау үшін тәжірибелі журналистер мен медиа-менеджерлерден құралған тәуелсіз қазылар алқасы жұмылды. Нәтижесінде шорт-листке 44 номинант енді.Қазақстандық «ҮРКЕР» ұлттық сыйлығы баспа, радио, интернет-журналистика саласындағы жетістіктері үшін беріледі. Сыйлық талантты журналистер мен шығармашылық ұжымдарды анықтау, олардың кәсіби журналистиканы дамытуға қосқан үлесін мойындау және олардың шығармашылығына қоғамның назарын аудару мақсатында 2017 жылы тағайындалған.

"Үркер" - 2025: Лауреаттарды марапаттау рәсімі басталды 

<a href="https://kyzylorda-news.kz/">Kyzylorda-news.kz</a> &nbsp;Өңірімізде еңбек адамдарының қоғамдағы беделін арттыру және олардың еңбегін кеңінен насихаттау бағытында жұмыстар жүйелі түрде жүргізілуде. Әр салада еңбек етіп жүрген азаматтар өз ісіне адалдық танытып, аймақтың әлеуметтік-экономикалық дамуына үлес қосуда. Ауыл шаруашылығы, әлеуметтік қызмет, ветеринария және энергетика салаларының өкілдері өңірдің өркендеуіне бағытталған еңбектерімен ел игілігі жолында табанды жұмыс атқаруда. Бұл туралы Өңірлік коммуникациялар қызметінің ақпараттық алаңында «Абай-Даулет» ЖШС агрономы Өтепберген Қалиев, Арнаулы әлеуметтік қызметтер көрсету балалар орталығының әдіскері Айгерім Кәрібаева, Қосшыңырау ауылдық округі ветеринария пунктінің меңгерушісі Алтынбек Абдраманов, және Қызылорда жылу электр орталығының диспетчері Қарлығаш Шукбарова баяндады.<blockquote>- Еңбек - адамның өміріндегі ең үлкен құндылықтың бірі. Ауыл шаруашылығында жұмыс істеу - үлкен жауапкершілікті талап етеді. Әрбір егіс маусымы біз үшін сынақ сияқты, себебі жерге салған дәннің нәтижесі - халықтың наны мен ырысы. Соңғы жылдары агросалада жаңа технологиялар енгізіліп, өнім сапасын арттыру бағытында көптеген жұмыстар атқарылуда. Біз үшін ең бастысы - жердің құнарын сақтау, еңбек өнімділігін арттыру және тұрғындарды сапалы өніммен қамтамасыз ету. Бұл - тек менің емес, мен секілді мыңдаған ауыл еңбеккерлерінің күнделікті еңбегі,-деді Өтепберген Алмасұлы.</blockquote>&nbsp;Әлеуметтік салада еңбек ету - тек мамандық емес, бұл жүрек қалауымен атқарылатын ізгі іс.<blockquote>&nbsp;– Біз ерекше күтімді қажет ететін балалармен жұмыс жасаймыз, олардың өмірге деген құлшынысын арттыру, қоғамға бейімделуіне жағдай жасау - басты мақсатымыз. Балалардың әрбір жетістігі - біздің еңбегіміздің жемісі, ең үлкен қуанышымыз. Қазіргі таңда мемлекет тарапынан әлеуметтік қызметкерлерге қолдау күшейіп, орталықтарымыздың материалдық-техникалық базасы нығайып келеді. Бұл бізге өз ісімізді тиімді әрі сапалы атқаруға мүмкіндік береді,- деді Айгерім Мұхтарқызы.</blockquote>&nbsp;Мал шаруашылығы - ауыл өмірінің өзегі.&nbsp;<blockquote>– Ветеринар мамандығының жауапкершілігі өте жоғары. Себебі малдың саулығы - халықтың тұрмысымен, табысымен тікелей байланысты. Біздің жұмысымыз тәуліктің кез келген уақытында жалғасады. Кейде түннің ортасында, кейде таң қылаң бергенде шақырту аламыз. Ондайда ауа райына да, жол қиындығына да қарамай, көмекке асығамыз. Әр мал иесінің ризашылығы мен алғысы - біздің еңбегіміздің ең үлкен бағасы. Ауылдың әрбір тіршілігі малмен байланысты болғандықтан, ветеринардың жұмысы үздіксіз жүреді. Кейде шалғай қыстақтарға дейін барып, екпе жұмыстарын жүргіземіз, ауру малдарға ем-шара қолданамыз. Бұл – тек кәсіби міндет қана емес, ауыл алдындағы борышымыз. Халықтың сенімін ақтау, малдың амандығын сақтау - біздің ең басты мақсатымыз,-деді Алтынбек Мейрамбекұлы.</blockquote>&nbsp;Қала тұрғындарының үйі жылы, көңілі жай болсын десек, ол - біздің еңбегіміздің нәтижесі.&nbsp;<blockquote>– Жылу беру маусымында жұмысымыз ерекше қарбалас кезеңге айналады. Диспетчерлік қызметтің міндеті – бүкіл жүйенің тұрақты жұмысын қамтамасыз ету, әрбір ақауға дер кезінде әрекет ету. Бұл - көзге көрінбейтін, бірақ аса жауапты еңбек. Күн мен түннің айырмасына қарамай, әр сәтті бақылауда ұстаймыз. Біздің жұмысымыздың басты мақсаты - тұрғындарға үздіксіз жылу беру, қаланың тынысын тоқтатпау. Әр үйдің терезесінен жылу сезіліп, тұрғындардың алғысын естіген сәтте еңбегіміздің нәтижесін сезінеміз. Бұл - үлкен мақтаныш әрі шабыт көзі. Себебі нағыз еңбек - адамдардың игілігі мен өмір сапасын жақсартуға бағытталған іс деп білемін,-деді Қарлығаш Алданазарқызы.</blockquote>

Еңбек адамдары – ел дамуының тірегі

<a href="https://kyzylorda-news.kz/">Kyzylorda-news.kz</a> Бүгін Қызылорда қаласында Тағзым алаңында Полиция департаментінің жеке құрамның қатысуымен қысқы киім үлгісіне ауысу рәсіміне арналған саптық байқау және гарнизондық жиын өтті.Гарнизондық жиынды Қызылорда облысы Полиция департаментінің бастығы полиция полковнигі Ергешов Серік өткізді. Іс-шараға Қызылорда облысы Полиция департаментінің аппараты, Қызылорда ҚПБ-ның жеке құрам қызметкерлері, Ұлттық ұлан қатысты, сондай – ақ қызметтік автокөлік бірліктері қамтылды. Департаменттің қызмет салалары жалпы 10 қорапты құрады.Жиын барысында қызметкерлердің сыртқы түр-сипаты, үлгілік киімі, қызметтік куәліктерінің, айырым белгілерінің талаптарға сай болуы тексерілді. Сондай-ақ полиция қызметкерлерінің ұқыптылығы мен жинақылығы, шаш үлгісі, киімінің мұнтаздай тазалығы басты назарға алынды. Жеке құрамның қоғамдық тәртіп пен жол қауіпсіздігін қамтамасыз ету бойынша қызмет атқаруға дайындығы тексерілді.Департамент бастығы С. Ергешов қызметкерлердің үлгілік киімін, қызметтік куәліктерінің, айырым белгілерінің талаптарға сай болуын жеке тексерді.Қоғамдық тәртіпті сақтауға кірісетін полиция қызметкерлеріне облыстағы жедел жағдайдың жай-күйі туралы жеткізіліп, бағдарлар таныстырылды. Сонымен қатар полиция полковнигі Ергешов Серік саптық бөлімшелердің командирлеріне тапсырма берді. Одан әрі жиын жас қызметкерлердің ант қабылдау рәсіміне ұласты. Полиция қатарына жаңа қосылған тоғыз жас маман қызметті адал және абыроймен атқаруға, Қазақстан Республикасы азаматтарының құқығы мен бостандықтарын қорғауға салтанатты түрде ант берді. Полиция департаментінің бастығы полиция қызметкерлерінің қатарын толықтырған жас буынды ант қабылдауларымен құттықтап, оларға сәттілік тіледі.<blockquote>«Тұрғындардың қауіпсіздігі, олардың құқықтарының қорғалуы, заң талаптарының сақталуы бүгінгі күннің негізгі талабы. Сондықтан да қызмет барысында тұрғындармен ілтипатты қарым қатынас жасау, құқық бұзушылыққа жол бермеу, азаматтардың конституциялық құқықтарын қорғау бағытында Департаменттің барлық құрылым басшыларына тапсырма берілді. Тәртіп сақшысына қойылатын талаптар жоғары. Сондықтан да өңірдегі тұрақтылық пен қоғамдық тәртіпті нығайту бойынша алдымызға қойылған міндеттерді орындауда барлық күш-жігерімізді барынша жұмылдыруға тиіспіз» деді С.Ергешов.</blockquote>Сондай-ақ-ақ жиын барысында қызметтік міндеттерін адал атқарған және жұмысында жоғары нәтижелерге қол жеткізгені үшін ерекше көзге түскен 20 полиция қызметкері Алғыс хатпен марапатталды.Олардың қатарында патрульдік, ювеналды , учаскелік полиция инспекторлары мен Ұлттық ұлан, Мамандырылған күзет қызметінің қызметкерлері бар.Іс-шара соңында полиция қызметкерлері оркестрдің үнімен салтанатты маршпен жүріп өтіп, қоғамдық тәртіпті қорғауға және қоғамдық қауіпсіздікті қамтамасыз етуге кірісті.Өңірімізде қоғамдық тәртіпті сақтау күшейтілген режимде жүргізілуде. Күнделікті жаяу және автожасақ құрамында полицейлер бекітілген аймақтарда қызмет атқаруда.

Қызылордада жеке құрамның гарнизондық жиыны өтті

<a href="https://kyzylorda-news.kz/">Kyzylorda-news.kz</a> Қазалы ауданында аудан әкімі Алмасбек Есмахановтың қатысуымен «Кәсіпкерлік – өңір дамуының тірегі» атты аудан кәсіпкерлерінің форумы өтті.Форумға облыстық кәсіпкерлік және өнеркәсіп басқармасының басшысы, аудан прокуроры, «Атамекен» Ұлттық кәсіпкерлер палатасының Қызылорда облыстық филиалының директоры, «ҚАЗАХИНВЕСТ» Ұлттық компаниясы» АҚ-ның облыс бойынша өңірлік директоры, «Қызылорда» өңірлік инвестициялық орталығының директоры, «Даму» кәсіпкерлікті дамыту қоры» АҚ-ның Қызылорда облысы бойынша аймақтық филиалының басшысы, сондай-ақ «Байқоңыр» әлеуметтік кәсіпкерлік корпорациясы» АҚ басқарма төрағасының орынбасары және тиісті сала мамандары мен аудан кәсіпкерлері қатысты.<img src="https://knadmin.beoblood.kz/uploads/577922928_700698303086768_3548712959921583278_n_feb00d4eec.jpg" alt="577922928_700698303086768_3548712959921583278_n.jpg">Форумның негізгі мақсаты – кәсіпкерлер арасында тәжірибе алмасу, жаңа идеялармен бөлісу және мемлекет пен бизнес арасындағы өзара тиімді диалогты нығайту.Іс-шара барысында «Қызылорда» өңірлік инвестициялық орталығы» микроқаржылық ұйымының директоры Талғат Матаев орталықтың атқарған жұмыстары мен қазіргі уақытта жүзеге асырылып жатқан қаржыландыру бағдарламалары жөнінде баяндама жасады. Ол өз сөзінде Қазалы ауданы бойынша қаржыландырылған жобалар мен олардың негізгі көрсеткіштеріне арнайы тоқталып өтті.<img src="https://knadmin.beoblood.kz/uploads/577892536_700698426420089_7986852911595732730_n_9cc405ec72.jpg" alt="577892536_700698426420089_7986852911595732730_n.jpg">Форум соңында аудан кәсіпкерлері өз ұсыныс-пікірлерін білдіріп, салалық мәселелер бойынша сауалдарына жауап алды.Фото: «Қызылорда» Өңірлік инвестициялық орталығының баспасөз қызметі

Қазалыда «Кәсіпкерлік – өңір дамуының тірегі» атты кәсіпкерлерге арналған форум өтті

<a href="https://kyzylorda-news.kz/">Kyzylorda-news.kz</a> Қызылорда облысы бойынша Қылмыстық-атқару жүйесі департаментінің негізгі міндеттерінің бірі – жазасын өтеушілерді қоғамға бейімдеу және оларды еңбекпен қамту арқылы қайта әлеуметтендіру. Осы бағытта ҚАЖ департаментінің №37 мекемесінде жүйелі жұмыстар жүргізілуде.Жуырда аталған мекеме әкімшілігі екі жеке кәсіпкермен жаңа келісімшартқа қол қойып, қосымша 15 сотталғанды жұмыспен қамтуға мүмкіндік жасалды. Енді олар жиһаз жасау және құрылыс жұмыстары бағытында еңбек етеді.Мекеменің сотталғандардың еңбегін ұйымдастыру тобының инспекторы Саягүл Кенжегұлованың айтуынша, бүгінде мекемеде 18 жеке кәсіпкермен келісім шарт жасалып, 180-нен астам сотталған тұрақты жұмыс істеп келеді.<blockquote>– «Сотталғандарды еңбекпен қамту – олардың түзелу жолындағы маңызды тетік. Көптеген азаматтар еңбекке араласқаннан кейін өз өміріне басқаша қарай бастайды. Біз олардың мамандық үйреніп, қоғамға қайта оралуына мүмкіндік жасауға тырысамыз», – дейді С.Кенжегұлова.</blockquote>&nbsp;<blockquote>– «Бастапқыда жұмыс істеуге сенімсіздік болды, бірақ қазір еңбектің қадірін түсіне бастадым. Бізге осындай мүмкіндік берілгеніне ризамын. Жиһаз жасау ісін үйреніп жатырмыз, болашақта бостандыққа шыққан соң осы салада өз ісімді ашқым келеді», – деді сотталған азамат.</blockquote>Мекеме әкімшілігінің айтуынша, алдағы уақытта сотталғандарды еңбекпен қамтуды арттыру, жеке кәсіпкерлерді тарту бойынша жұмыстар жүргізіледі.

Жазасын өтеуші азаматтарды жұмыспен қамту жүйелі жүргізілуде

<a href="https://kyzylorda-news.kz/">Kyzylorda-news.kz</a> Қызылордада облыс әкімінің қолдауымен мерейлі 5 жылдық «Inno.Fest Qyzylorda 2025» инновациялық жобалар фестивалі өтіп жатыр.Inno.Fest Qyzylorda – «Software Dev», «AI», «Movies&amp;Video» бағыттары бойынша 24 сағат ішінде идеядан прототипке дейін ІТ саласында жоба жасауды мақсат ететін ерекше форматтағы іс-шара.Фестивальдің басты мақсаты – өңірдің дамуына серпін беретін инновациялық идеяларды қолдау, ІТ саласына қызығушы жастардың жобаларын қаржыландыруға мүмкіндік жасау және жаңа есімдерді таныту.Биыл шараға өңірдің шалғай елді мекендеріндегі жастарды тарту мақсатында 13–16 қазан аралығында Inno.Fest Roadshow кездесулері өтті.Жүлде қоры – 5 400 000 теңге!Сонымен қатар, үздік жоба авторларына Халықаралық ІТ университеті, Астана ІТ университеті, Қорқыт Ата университеті, Болашақ университеті, Ашық университетінен оқу гранттары және серіктестер атынан бағалы сыйлықтар табысталмақ.

Қызылордада "Inno.Fest Qyzylorda 2025" Инновациялық жобалар фестивалі өтіп жатыр 

<a href="https://kyzylorda-news.kz/">Kyzylorda-news.kz</a> «AMANAT» партиясы облыстық филиалының қоғамдық қабылдау кестесіне сай облыс әкімінің орынбасары Мейрамбек Шермағанбет қоғамдық қабылдау өткізіп, азаматтарды толғандырған мәселелерін тыңдады.&nbsp;Қабылдауға партияның облыстық филиалының атқарушы хатшысы Ләйлә Төрешова, қала әкімінің орынбасары Дінмұхамед Абызов, жауапты басқарма басшыларының орынбасарлары қатысты.&nbsp;Тұрғындар облыс әкімінің орынбасарына онлайн түрде де өтінішін білдіруге мүмкіндік алды. Қабылдау барысында азаматтар әлеуметтік, инфрақұрылымдық, сонымен қатар жұмыспен қамту бойынша өтініштерін білдірді.&nbsp;Атап өтерлігі өтініштердің басым бөлігі білім саласына тұрақты &nbsp;жұмысқа орналасу бағытында болды. Облыс әкімінің орынбасары әрбір азаматтың өтінішін мұқият тыңдады. Олардың мазмұнына сай кеңес беріп, заңдылықтарын түсіндірді.Өтініштерді өзінің жеке бақылауында болатындығын атап өтіп, олардың шешу жолдарын қарастыру үшін жауапты басқармаларға нақты тапсырмалар берді.<img src="https://knadmin.beoblood.kz/uploads/M_Sherma_anbetov_abyldau_2_c962f93119.jpg" alt="М.Шермағанбетов қабылдау 2.jpg">

Қоғамдық қабылдау өткізіп, толғандырған мәселелерді тыңдады

<a href="https://kyzylorda-news.kz/">Kyzylorda-news.kz</a> «AMANAT» партиясының Қазалы аудандық филиалы жанынан Әйелдер қанаты құрылып, оның алғашқы отырысы өтті.Отырысты аудандық әйелдер кеңесінің төрайымы, партия филиалының Саяси кеңес мүшесі, аудандық әйелдер қанатының жетекшісі Роза Асанова жүргізді.Жиын барысында қатысушыларға Әйелдер қанатының негізгі мақсат-міндеттері мен 10 басым бағыттағы жұмыс жоспары таныстырылып, бекітілді. Атап айтқанда, бұл бағыттар әйелдердің саяси көшбасшылығын қолдау, тұрмыстық зорлық-зомбылықтың алдын алу, мүмкіндігі шектеулі балаларды қолдау, ауыл әйелдерінің кәсіпкерлігін дамыту, әйелдер денсаулығын сақтау және отбасылық құндылықтарды насихаттау сияқты өзекті мәселелерді қамтиды.Сонымен қатар, отырыс барысында аудандық деңгейде атқарылатын жұмыстардың нақты тетіктері талқыланып, бірқатар ұсыныстар айтылды.«AMANAT» партиясы жанындағы Әйелдер қанаты – қоғамдағы әйелдердің рөлін арттыруға, олардың бастамалары мен идеяларын қолдауға бағытталған маңызды алаң болмақ. Алдағы уақытта аудан көлемінде әйелдердің әлеуметтік, саяси және экономикалық белсенділігін арттыру бағытында жүйелі жұмыстар жүргізілетін болады.

Атқарылатын жұмыстар жөнінде нақты ұсыныстар айтылды

<a href="https://kyzylorda-news.kz/">Kyzylorda-news.kz</a> Мәулен Әшімбаев Мемлекет басшысы Қасым-Жомарт Тоқаевтың өңірлерді дамытуға бағытталған реформалары туралы пікір білдірді. Сенат Төрағасы «Түркістан» газетіне жарияланған мақаласында Президенттің өңірлік саясатының үш басты қағидасы ұзақ мерзімді перспективаға негізделген жүйелілік, ауқымдылық және кезеңділік екенін атап өтті.Сенат Төрағасы еліміз Тәуелсіздіктің отыз жылы ішінде орталықтандырылған басқару нысаны бар қатаң схемадан өсіп-жетілгенін атап өтті. Бұл жүйе өзінің тарихи рөлін атқарғанымен, одан әрі дамуға кедергі бола бастады. Мәулен Әшімбаевтың пікірінше, жаңа шындықтың негізгі сипаты өңірлер арасындағы экономикалық даму деңгейлеріндегі теңгерімнің болмауы, яғни тұрғындардың өмірі мен әл-ауқатындағы алшақтықтар болды.Палата Спикері Президент Қасым-Жомарт Тоқаевтың ауылды дамытуға, жергілікті жерлердегі өмір сүру деңгейін арттыруға, өңірлердің әлеуетін ашуға және облыстар мен аудандардың тұрғындарын саяси және экономикалық жобаларға тартуға бағытталған реформаларының терең мәні осы ұстанымға табан тірейтінін айтты.<blockquote>«Өңірлердің дамуындағы проблемалар мен сын-қатерлер бір-бірін одан әрі ушықтырып, 30 жыл ішінде қарама-қайшы жүйеге айналды. Сондықтан шегіне жеткен жекелеген мәселелерді басқаларынан бөлек шешу әрекеттері тұрақты нәтиже бермеді.Сол себепті өңірлерді дамытудағы нақты жүйелі тәсіл Президентіміз Қасым-Жомарт Кемелұлы Тоқаевтың реформаторлық күн тәртібіндегі маңызды тармақтардың біріне айналды.Басты қағидат: ондаған жылдар бойы қордаланған проблемалардың тамырына бірден балта шаппай, ширатылған жіпті біртіндеп тарқату еді. Бұл – өрт сөндіргендей қас-қағым сәтте нәтиже беретін дағдарыс-менеджмент емес, барлық деңгейде бүкіл проблеманы түп-тамырымен жоятын берік негізді жүйе құру деген сөз. Ұзақ мерзімді болашаққа есептеп жасалған жүйелілік, ауқымдылық және кезеңділік – Президент Тоқаевтың өңірлік реформасының үш алтын қазығы болды», – деп жазды Сенат Төрағасы.</blockquote>Мақалада Президент теңгерімді аумақтық даму мәселесіне 2020 және 2021 жылдардағы Жолдауларында басымдық бергені атап өтілген. Онда бірінші кезекте өңірлердің әлеуметтік-экономикалық дамуындағы теңсіздіктерді азайтуға баса мән берілген. Сонымен қатар Мемлекет басшысы бұл тәсілдерді 2025 жылға дейінгі Аумақтық даму жоспарында және кейін 2030 жылға дейінгі Қазақстанның өңірлік даму тұжырымдамасында бекітуді тапсырды.Фото: Zakon.kz

Сенат төрағасы Президенттің өңірлік реформаларының үш басты қағидасы туралы айтты

<a href="https://kyzylorda-news.kz/">Kyzylorda-news.kz</a> Мемлекет басшысының орталықсыздандыруға және өңірлерге барынша дербестік беруге арналған реформалары революциялық сипатқа ие. Сенат Төрағасы Мәулен Әшімбаев «Реформалардың мәні: Қуатты өңірлер – қуатты ұлт» атты мақаласында осындай пікір білдірді. Ол ел тарихында алғаш рет орталық билік басқару тетіктерін экономикалық жағынан ғана емес, саяси тұрғыдан да өңірлердің қолына беру жөнінде шешім қабылдағанын атап өтті.<blockquote>«Революция асығыс емес, эволюциялық жолмен іске асырылады. 2021 жылдың шілдесінен бастап ауыл, кент және ауылдық округ әкімдерін тікелей сайлау бойынша пилоттық жоба іске қосылды. Нәтижесінде, 2023 жылдың тамызына дейін 1668 әкім сайланды, олардың 57 пайызы негізінен жаңа есімдер. Келесі кезеңде, 2023 жылғы қарашада 42 ауданда және 3 өңірлік маңызы бар қалада аудан және қала әкімдерінің пилоттық сайлауы өтті. Пилоттық сайлау өзінің тиімділігін көрсетті және бүкіл ел бойынша аудан әкімдерін сайлау процесіне түрткі болды. 2025 жылға қарай аудан әкімдері 100 пайыз жергілікті жерлерде сайланатын болды. Оның ауқымы одан әрі де тереңдей түспек. Мемлекет басшысы 2024 жылғы Жолдауында 2025 жылдан бастап облыстық маңызы бар қалалар әкімдерін тікелей сайлау жүйесіне көшу туралы түбегейлі шешімді жариялады. Жаңа жүйе бойынша алғашқы сайлау биыл қазан айында Семей қаласында өтті», – деді Мәулен Әшімбаев.</blockquote>Сенат Төрағасы Мемлекет басшысының өңірлердің қаржылық дербестігін күшейтуге бағытталған реформаларына да назар аударды. Бұрын ешкім бюджетке тәуелді болғаны үшін жауап бермейтін. Өйткені, өңірлер еш әрекет жасамай-ақ Үкіметтен кепілдендірілген ақшаныалып отырды. Сондықтан оларға өз экономикасын дамытуға тырысудың қажеті болмады. Ал енді, Мемлекет басшысының бастамасымен Қазақстанда бюджеттер арасындағы ақша бөлу тәртібі үлкен өзгерістерге ұшырап жатыр. Олар бір жағынан, өңірлердің бюджеттік дербестігін ынталандыруды, екінші жағынан, олардың жауапкершілігін күшейтуді көздейді. Бұл реформалардың мақсаты – жергілікті бюджеттердің кірістерін ұлғайту.<blockquote>«Бұған дейін ұзақ уақыт бойы аудан әкімдерінің өз бюджеті болмағаны және олардың облысқа толықтай тәуелді болғаны белгілі. Енді жаңа Бюджет кодексі бойынша шағын және орта бизнестен түсетін корпоративтік табыс салығы аудандық бюджеттерге беріледі. Бұл мәселе жеке табыс салығына да қатысты екенін атап өткен жөн. Мұндай шара аудан әкімдіктерінің қаржылық мүмкіндіктерін нығайтады. Облыстардың кірістерінің 70 пайызы аудандық бюджеттерге және облыстық маңызы бар қалалардың бюджеттеріне шоғырланатын болады. Бұл әкімдерді кіріс базасын ұлғайтуға ынталандырады. Президентіміз Қасым-Жомарт Кемелұлы Тоқаевтың орталықсыздандыруға бағытталған реформаларының мәні бір реттік акция емес, ол – Қазақстанның бүкіл мемлекеттік басқару жүйесін терең трансформациялауды көздейтін қадам. Қазірдің өзінде бюджетаралық салада нақты, шамалаған нәтижелерге қол жеткізіле бастады. Әрине, реформалар – процесс. Десе де, бұл жолдағы өзгерістер векторы айқын белгіленген, яғни олар – қатаң орталықтандырудан нақты қаржылық тәуелсіздікке ие, өздерінің дамуына жауап беретін өңірлер моделіне дейінгі ауқымды үдеріс», – делінген Сенат төрағасының мақаласында.</blockquote>Фото: Kazgazeta.kz

Мәулен Әшімбаев: "Реформалар революциялық сипатқа ие"

<a href="https://kyzylorda-news.kz/">Kyzylorda-news.kz</a> Өңірлерді дамытудың негізгі бағыттарының бірі – тұрғылықты жеріне қарамастан, сапалы білім алуға тең қол жеткізу және оқыту үшін заманауи жағдайлар жасау. Ел Президенті Қасым-Жомарт Тоқаевтың реформаларын іске асыру барысына арналған «Реформалардың мәні: Қуатты өңірлер – қуатты ұлт» атты мақаласындаМәулен Әшімбаев еліміздегі мектептер қала мен ауыл арасындағы шекараны жоятын тең мүмкіндіктер кеңістігіне айналуға тиісекенін айтты.<blockquote>««Жайлы мектеп» ұлттық жобасы аясында 2024-2025 жылдар аралығында 460 мың оқушы орнына арналған 217 мектеп салу жоспарланған болатын. Оның 40 пайыздан астамы ауылдық жерлерде бой көтермек. Олардың көпшілігі қазірдің өзінде салынып болды, тағы 41 мектептің құрылысы аяқталуға жақын. Бұл жай ғана жаңа ғимараттар емес. Олар – балалар заманауи талаптарға сай жағдайда оқуға мүмкіндік алатын жаңа өсу нүктелері. Мұнда сөз тек ғимарат тұрғызу, инженерлік желілерді тарту немесе мектеп аумағын абаттандыру жөнінде болып отырған жоқ. Жоғары жылдамдықты интернетке қол жеткізу, заманауи оқу кабинеттері, жаңа білім беру технологиялары сияқты мазмұндық жағына баса мән берілмек. Оның бәрі ауыл балаларына сапасы жағынан ірі қалалардың лицейлерінде оқудан кем түспейтін жағдайда білім алуға жол ашады», – делінген Сенат Төрағасының мақаласында.</blockquote>Сонымен қатар мақала авторы қолдау мен дамуға зәру ауылдардағы тұрмыс деңгейінің теңсіздіктеріне тоқталған. Палата Спикерінің пікірінше, Мемлекет басшысының бұл бағытта қабылдап жатқан шаралары ауыл тұрғындарының әл-ауқатын арттыруға, ең алдымен, ұлттық бірегейлікті сақтауға ықпал етеді.<blockquote>«Ауылды дамыту мен оның мәселелерін шешу – тек аграрлық сектордың тиімділігін арттыру емес. Бұл – қазақ халқының мәдени бірегейлігін сақтау мәселесі. Жүйелі реформалардың арқасында біз ұлт бесігін жаңғыртып, ауылды өмір сүруге және батыл бастамаларды жүзеге асыруға қолайлы мекенге айналдырамыз.Осы тұрғыдан алғанда, Мемлекет басшысының ауыл мен ауылдық аймақтарды дамыту жөніндегі шаралары тек экономикалық немесе әлеуметтік бағытты қамтымайды. Олардың ішкі пайымы, сайып келгенде, мемлекетті мемлекет ететін негізгі құндылық – ұлттық бірегейлігімізді сақтау әрі нығайтуды көздейді», – деп жазған Мәулен Әшімбаев.</blockquote>

Архив