<a href="https://kyzylorda-news.kz/">Kyzylorda-news.kz</a> &nbsp;Каспий теңізі — жойылып кету қаупінде тұр. Су айдыны жылдам тайызданып барады, бұл — тек бір елдің ғана мәселесі емес, миллиондаған адамның өмір салтына әсер ететін жаһандық экологиялық қауіп. Бұл жағдайды тек бірлескен күш-жігер арқылы ғана түзетуге болады. Мемлекет басшысы Қасым-Жомарт Тоқаев бірнеше рет атап өткендей, сөз — аймақтық мәселе туралы ғана емес, бұл — халықаралық қоғамдастық үшін дабыл қағарлық жағдай. Оны еңсеру үшін жүйелі қадамдар, үйлестірілген шешімдер мен үкімет басшылары мен салалық бөлімдер деңгейінде нақты шаралар қажет. Жаңа адамдар, азаматтық қоғамның бір бөлігі ретінде бұл жағдайға бейжай қарай алмайды. Каспийдің тағдыры — біздің саналы әрекеттеріміздің, өзімізге деген құрметіміздің және адам болып қалу қабілетіміздің айнасы. Каспийдің жағалауында, Ақтауда, жүздеген дауылпаз үні естілді, бұл — теңіз тағдыры ешкімді бейжай қалдырмайтынына назар аударту тәсілі. Қатысушылар Каспий теңізін қорғау және қалпына келтіру үшін күш біріктіруге шақырды. Белсенділер көкке ұзындығы 22 метрлік «Каспийді сақтайық» деген жазуы бар алып батпырауықты көтерді. Бұл — келер ұрпаққа және өздеріне берілген уәде. Қозғалыс Қазақстан, Ресей, Әзербайжан, Иран және Түрікменстан халқына және саясаткерлерге, бизнес өкілдеріне, корпорацияларға, қорларға үндеу жасады. «Сөз тек табиғат жайында емес — ертеңіміз үшін бүгін өмір сүруді таңдайтын шынайылық туралы. &nbsp;Каспийді сақтау — өзімізді және мақтанышымызды сақтау», — дейді Жаңа адамдар қозғалысының өкілдері.Фото: Kursiv.kz

«Каспийді сақтайық!» — Жаңа адамдар теңізді қорғау мақсатында жағалаудағы елдерге үндеу жолдады

Премьер-министр Үкімет мүшелерінің, басқа да мемлекеттік органдар мен ұйымдар басшыларының қатысуымен Мемлекет басшысының азаматтар мүддесі үшін экономикалық реформалар бағдарламасын жүзеге асыруды ретке келтіру жөніндегі тапсырмаларын орындау мәселелері бойынша кеңес өткізді.Жиын қорытындысы бойынша келесідей шешімдер қабылданды.Бірінші.Биылғы 16 қазаннан бастап инфляция деңгейі тұрақтанғанға дейін АИ-92 маркалы бензин мен дизель отыны бағасын одан әрі көтеруге мораторий енгізіледі. Премьер-министр Энергетика министрлігіне Бәсекелестікті қорғау және дамыту агенттігімен және өңір әкімдіктерімен бірлесіп, тиісті қадағалау жүргізуді, сондай-ақ ішкі нарықты ЖЖМ-мен үздіксіз қамтамасыз ету үшін қажетті шаралар қабылдауды тапсырды.Екінші.Биылғы 16 қазаннан бастап барлық тұтынушылар тобы үшін коммуналдық қызметтер тарифтерін көтеру 2026 жылдың І тоқсанының соңына дейін тоқтатылады. Тарифтердің өсуін тежеу табиғи монополиялар субъектілерінің операциялық шығыстарын оңтайландыру есебінен қамтамасыз етіледі. &nbsp;Бұл ретте ТКШ жүйесі нысандарында жоспарланған барлық жөндеу жұмысы белгіленген мерзімде аяқталуы тиіс. Айта кету керек, халықтың әлеуметтік жағынан осал топтары үшін тұрғын үй көмегін көрсету тетігі қолданылады.Әлеуметтік маңызы бар азық-түлік тауарлары бағасының өсуіне жол бермеу үшін отандық ауыл шаруашылығы тауарын өндірушілерді қаржыландыру көлемін екі есе ұлғайту арқылы тұрақтандыру қорларының жұмысына қосымша серпін беріледі, бұл өз кезегінде ӘМАТ санатына жататын өнімдер бағасының төмендеуіне әкеледі.Делдалдық схемаларды және сауда үстемелерін асыра қосу фактілерін анықтау жөніндегі өңірлік комиссиялар жұмысын күшейтуге ерекше назар аударылады.Үшінші.Жаңа Салық кодексінің шағын және орта бизнес қызметіне теріс әсерін азайту мақсатында оңайлатылған декларация негізіндегі арнайы салық режимін қолдануға салынатын басы артық шектеулерді алып тастау туралы шешім қабылданды. Тыйым салынған тізімде, қолданыстағы заңнамадағыдай, тек 44 қызмет түрі сақталады.Одан бөлек, 2026 жылғы 1 қаңтардан бастап салықтық әкімшілендіру «таза парақтан» жүргізіледі, бұл микро және шағын бизнеске қатысты келесі жайттарды көздейді: - салықтық тексерулер алынып тасталады; - камералдық бақылау алынып тасталады; - сот органдарына мәмілелерді жарамсыз деп тану туралы талап-арыз беру тоқтатылады; - сот органдарына тіркеуді, қайта тіркеуді жарамсыз деп тану туралы талап-арыз беру тоқтатылады. Салықтар мен төлемдер бойынша салынған өсімпұлдар мен айыппұлдар 2026 жылдың 1 сәуіріне дейін негізгі қарыз өтелген жағдайда жойылады.ҚҚС бойынша есепке қою шегінен асқан салық төлеушілер әкімшілік жауапкершілікке тартылмайды. Сондай-ақ салық төлеушілер үшін салық және әділет органдарында камералдық және салықтық тексерулер жүргізбей-ақ, оңайлатылған тәртіппен есептен шығару науқаны өткізіледі.Бұл жаңа Салық кодексін кезең-кезеңімен енгізуге және салық төлеушілер үшін салықтық әкімшілендіруді жеңілдетуге мүмкіндік береді.Төртінші.Базалық мөлшерлеменің көтерілуіне байланысты екінші деңгейлі банктер тарапынан ипотекалық бағдарламалар бойынша ұсыныстардың қысқаруы аясында тұрғын үй-құрылыс жинақ жүйесін қолдау туралы шешім қабылданды.Соған сәйкес, халық үшін ипотекалық несие көлемі екі есе ұлғаяды, бұл тұрғын үйге қолжетімділікті қамтамасыз етуге мүмкіндік береді.Аталған шара қолданыстағы «Наурыз» және «Наурыз-Жұмыскер» бағдарламалары арқылы несиелеу көлемін 500 млрд теңгеге дейін ұлғайту жолымен жүзеге асырылады.Сонымен қатар сұранысқа ие «Әскери баспана» бағдарламасы қайта іске қосылады, ол жыл сайын кемінде жеті мың әскери қызметшінің отбасына жаңа үйден бөлек, қайталама нарықтан да пәтер сатып алуға мүмкіндік береді.Құрылыс компанияларымен осы бағдарламалар шеңберінде салынатын тұрғын үй құрылысы бойынша офтейк-келісімшарттар жасалады. Бұл ретте құрылыс салушылар үш жылға бағаны өзгертпей ұстап тұру бойынша қарсы міндеттемелер қабылдайды.

Үкімет тұрақтылықты қамтамасыз ету үшін бірқатар шара қабылдауда

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың қатысуымен «Тұмар» жеке кәсіпкерлігінің шағын өнеркәсіптік аймағының ашылу рәсімі өтті. Қызылорданың астана болғанына 100 жыл толуына және қала күніне арналған салтанатты шараға зиялы қауым өкілдері, қоғам қайраткерлері, қала тұрғындары қатысты. Аймақ басшысы өнеркәсіп саласының қазіргі бағыт-бағдары туралы айтып, жаңа нысанның ашылуымен құттықтады.<img src="https://knadmin.beoblood.kz/uploads/T_mar_nerk_siptik_ajma_b23fd56427.jpg" alt="Тұмар өнеркәсіптік аймақ.jpg"><blockquote>«Үкіметтің шағын және орта бизнесті қолдау мақсатында қолға алған бастамаларының бірі – шағын өнеркәсіптік аймақтар құру. Бұл жұмыс өңірімізде сәтті жүзеге асырылып, 1 млрд. 52 млн. теңгеге екі шағын өнеркәсіптік аймақ салынуда. Бүгін соның алғашқысы «Тұмар» жеке кәсіпкерлігінің бастамасымен салынған тамақ өнеркәсібі бағытындағы өнеркәсіптік аймақ кәсіпкерлер игілігіне берілмек. &nbsp;Жоба құны 526 млн. теңге, мұнда 8 өндірістік цех іске қосылып, азық-түлік өнімдерін өндіретін кәсіпорындар шоғырланған. Кәсіпорындарда 50-ден астам адам тұрақты жұмыспен қамтылып, тұрмыс-тіршілікке қажетті тауарлар өндіруде. Кәсіпкерлерге өз жұмысын бастауға «Қызылорда» өңірлік инвестициялық орталығы арқылы жылдық 3 пайызбен 157 млн. теңге жеңілдетілген несие берілді. Бұл – кәсіпкерлікті қолдауға бағытталған шаралардың нақты көрінісі. Баршаңызды облысымыз үшін әлеуметтік-экономикалық тиімді жоба – «Тұмар» шағын өнеркәсіптік аймағының ашылуымен шын жүректен құттықтаймын! Бұл нысандар халықты сапалы жергілікті өніммен қамтамасыз етуге, шағын кәсіпкерліктің дамуына, салық базасының ұлғаюына елеулі үлес қосады деп сенеміз. Жобаны жүзеге асыруға атсалысқан инвесторларға, құрылысшыларға, барлық серіктес ұйымдарға алғыс білдіреміз. Жаңа нысандардың жұмысы табысты, өндірісі берекелі болсын! Егемен еліміздің еңсесі биік, Тәуелсіздігіміз тұғырлы болғай!», – деді Нұрлыбек Машбекұлы.</blockquote><img src="https://knadmin.beoblood.kz/uploads/T_mar_nerk_siptik_ajma_2_a8694992b7.jpg" alt="Тұмар өнеркәсіптік аймақ 2.jpg">Рәсімде «Тұмар» шағын өнеркәсіптік аймағының құрылысына үлес қосқан қызметкерлер облыс әкімінің Алғыс хатымен марапатталып, қоғам қайраткері Нажмадин Мұсабаев жиналған қауымды құттықтады.<img src="https://knadmin.beoblood.kz/uploads/T_mar_nerk_siptik_ajma_4_2271a812ab.jpg" alt="Тұмар өнеркәсіптік аймақ 4.jpg">

Қызылордада «ТҰМАР» шағын өнеркәсіптік аймағы ашылды

<a href="https://kyzylorda-news.kz/">Kyzylorda-news.kz</a> Аймақ басшысының қолдауымен қала көлемінде жол-көлік инфрақұрылымы дамып, әлеуметтік нысандар мен тұрғын үйлер бой көтеріп, абаттандыру жұмыстары жедел жанданды. Құрылыс кластеріне айналған Қызылордада көпір құрылыстары да қарқын алды. Соңғы екі жылда Сыр өңірінің бас шаһарында 3 көпір салынды. Әуежайдан қалаға дейінгі 3 көпір қайта жаңғыртудан және 2 көпір күрделі жөндеуден өтті. Сұлтан Бейбарыс – Жаппасбай батыр көшелеріндегі темір жол үсті көпірі қайта жаңғыртылды. Қазіргі таңда Жанқожа батыр көшесі арқылы теміржол асты өткелі салынуда. Осындай игілікті іс Қызылөзек ауылдық округінде де жалғасын тапты. &nbsp;Тұрғындардың талай жылғы талап-тілегі орындалып, апатты жағдайда тұрған «Қожақ» автомобиль көпірі қайта жаңғыртудан өтіп, бүгін пайдалануға берілді.&nbsp;Салтанатты рәсімге ел ағалары, ардагерлер, зиялы қауым және ауыл тұрғындары қатысты. Қала әкімі Нұржан Ахатов қайта жаңғырған көпірдің ашылуымен құттықтады.<img src="https://knadmin.beoblood.kz/uploads/ozha_k_piri_e95c53c98b.jpg" alt="Қожақ көпірі.jpg"><blockquote>- Бұл көпірге жөндеу жұмыстарын жүргізу қажеттілігі туралы жиі айтылып келді. Сіздердің сол талап-тілектеріңіз бүгін орындалды. Аймақ басшысының қолдауымен облыстық бюджеттен&nbsp; 300 млн. теңгеге жуық қаржы бөлініп, көпір қайта жаңғыртылды. Жаңарған көпір игіліктеріңізге қызмет етсін, – деді Нұржан Сәбитұлы.</blockquote>Салтанатты шарада жаңғырту жұмыстарын жүргізген мердігер мекеме «N Строй Сервис» жауапкершілігі шектеулі серіктестігінің қызметкерлеріне қала әкімі алғыс хат табыстады. Облыстық ардагерлер кеңесі төрағасының орынбасары Өмірбек Шәменов ауыл халқының қуанышына ортақ екенін айтып, лебізін білдірді. Ауыл ақсақалы жиналғандарға ақ батасы берді.<img src="https://knadmin.beoblood.kz/uploads/ozha_k_piri_3_00b152636f.jpg" alt="Қожақ көпірі 3.jpg">Айта кету керек, биылдың өзінде Қызылөзек ауылдық округінің инженерлік - инфрақұрылымын дамытуға бюджеттің барлық көздерінен 1 млрд. 600 млн. теңге бөлінді.&nbsp;Оған елдімекеннің электр желілері қайта жаңғыртылуда. Жаңа жол құрылыстары салынып, көшелерге күрделі және орташа жөндеу жүргізілуде. Жарық бағаналары орнатылып, балалар ойын алаңының құрылысы басталуда.&nbsp;Ауылдық округті көгілдір отынмен қамту мақсатында &nbsp;26 млн. теңгеге газдандырудың жоба - сметалық құжаттамасы әзірленіп, мемлекеттік сараптамаға жолданды.<img src="https://knadmin.beoblood.kz/uploads/ozha_k_piri_4_7c2bab89df.jpg" alt="Қожақ көпірі 4.jpg">

«Қожақ» көпірі қайта жаңғырды 

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаевтың қатысуымен Қызылорда қаласының Қазақ елі астанасы болғанына 100 жыл толу мерейтойы мен қала күніне орай сол жағалаудағы «Syr Darya» коммуналдық базарының ашылу рәсімі өтті.<img src="https://knadmin.beoblood.kz/uploads/Sol_zha_alau_bazar_e51d38e6fb.jpg" alt="Сол жағалау базар.jpg">Оған зиялы қауым өкілдері, қоғам қайраткерлері, қала тұрғындары қатысты. Аймақ басшысы өңдеу өнеркәсібі саласындағы жұмыстарға тоқталып, жаңа нысанның ашылуымен құттықтады.<blockquote>«Президентіміз Қасым-Жомарт Кемелұлы биылғы Жолдауында &nbsp;жаңа инвестициялық кезеңді бастау, өңдеу өнеркәсібі мен кәсіпкерлікті дамытуға баса мән беру керектігін ерекше атап өтті. Ол үшін мемлекет тарапынан жан-жақты қолдау шаралары, қолайлы жағдай жасалуда. Біз аймағымыздың экономикасын әртараптандыру арқылы жоғары өнімді, экспортқа бағдарланған шикізаттық емес өңдеу өнеркәсібін құру жұмыстарын кезең-кезеңімен атқарудамыз. Соңғы жылдары өңірімізде қолайлы инвестициялық климат қалыптасып, ауқымды жобалар жүзеге асты. Өткен аптада ғана «Қызылорда-Нан» кешені іске қосылды. Бүгін облысымыздың экономикасына тың серпін беретін «Техоснастка Ремсервис» серіктестігінің «Syr Darya» коммуналдық базары мен «Тұмар» жеке кәсіпкерлігінің шағын өнеркәсіптік аймағының ашылу салтанатында бас қостық. Баршаңызды жаңа кәсіпорындардың ашылуымен шын жүректен құттықтаймын!», – деді Нұрлыбек Машбекұлы.</blockquote><img src="https://knadmin.beoblood.kz/uploads/Sol_zha_alau_4_e6cc008964.jpg" alt="Сол жағалау 4.jpg">Заманауи форматтағы қолжетімді сауда алаңдарын ұсынатын «Syr Darya» коммуналдық базарын іске қосуға 2 млрд. 574 млн. теңге инвестиция құйылды.Жалпы ауданы 5 мың шаршы метр болатын бұл сауда алаңының бірінші қабатында азық-түлік, тамақ өнімдері, екінші қабатында киім-кешек сату орындары орналасқан. Жаңа сауда нысаны жергілікті тауар өндірушілерге өнімдерін делдалсыз тікелей өткізуге, әлеуметтік маңызы бар азық-түлік тауарларының бағасын реттеуге мүмкіндік береді.Бұдан бөлек, қаладағы бейберекет базарлар ретке келтіріліп, санитарлық талаптарға сәйкестендіріліп, кәсіпкерлер мен тұтынушыларға қолайлы жағдай жасалады.Рәсімде «Syr Darya» коммуналдық базары мен «Тұмар» шағын өнеркәсіптік аймағының құрылысына атсалысқан қызметкерлер облыс әкімінің Алғыс хатымен марапатталды. Ел ағасы, қоғам қайраткері Нажмадин Мұсабаев құттықтау сөз сөйледі.<img src="https://knadmin.beoblood.kz/uploads/Sol_zha_alau_bazar_2_c5e371ee16.jpg" alt="Сол жағалау базар 2.jpg">

Қызылордада «SYR DARYA» коммуналдық базары ашылды

<a href="https://kyzylorda-news.kz/">Kyzylorda-news.kz</a> «AMANAT» партиясының қолдауымен «Кедергісіз келешек» жобасы аясында оқушылар арасында «Тең мүмкіндіктер» спорттық іс-шарасы бірнеше жылдан бері дәстүрлі түрде өткізіліп келеді. Игі іс-шара Сырдария ауданында биыл да өткізіліп, оған төрт бастауыш партия ұйымының атынан оқушылар қатысып, спорттық бәсекенің көрігін қыздырды.Спорттық іс-шараның ашылуына Сырдария аудандық филиалының Атқарушы хатшысы Ақтөре Ибрагимұлы қатысып, қатысушы балаларға сәттілік тіледі.<blockquote>– Бүгін біз партиямыздың «Кедергісіз келешек» жобасы аясында спорттық іс-шараға, оқушылар арасындағы эстафетаға жиналып тұрмыз. Жарыс аудандық партия филиалының ұйытқы болуымен «Құндызды» бастауыш партия ұйымында өткізілуде. Іс-шараға ауданымыздағы партия мүшелері де атсалысып, қолдау білдіруде. «Тең мүмкіндіктер» спорттық іс-шарасы алдын ала хабарланып, қатысушы оқушылар тіркелген. Ең алдымен, бүгінгі жарысқа «Құндызды» БПҰ, «С.Сейфуллин» БПҰ, «О.Әбілпаттаев» БПҰ және «Ә.Тәжібаев» БПҰ-нан 3 оқушыдан 4 топ қатысып жатқанын айта кетейін. Жалпы партияның «Халықпен бірге!» деп аталатын Сайлауалды бағдарламасында ерекше қажеттіліктері бар азаматтарға қолдау көрсету, олардың өмір сүру жағдайларын жақсартуға айрықша көңіл бөлінген. Бүгінгі спорттық іс-шараның негізгі мақсаты – ерекше қажеттіліктері бар балалар мен олардың құрдастары арасындағы достық байланысты нығайту, әлеуметтік белсенділігін, сенім мен өзара сыйластықтарын арттыру. Жарыстың әділ өтуін Сырдария аудандық дене тәрбиесі, спорт және туризм бөлімінің маманы, «AMANAT» партиясының мүшесі Жадыра Бағдатқызы бастаған жаттықтырушылар бағалап, жеңімпаздарды анықтайтын болады. Жарысқа қатысушыларға сәттілік тілейміз, – деді Ақтөре Ибрагимұлы.</blockquote>Жарыстың өткізілуіне аудандық білім бөлімі, аудандық дене тәрбиесі, спорт және туризм бөлімі және Сырдария спорт клубы атсалысты. Нәтижесінде үш кезең бойынша оқушылар сынға түсіп, жеңімпаздар анықталды. «Ә.Тәжібаев» БПҰ атынан қатысқан оқушылар ынталандыру сыйлығымен марапатталса, ІІІ орынды «Құндызды» БПҰ жеңіп алды. ІІ орынмен «О.Әбілпаттаев» БПҰ марапатталды. Жүлделі І орынды «С.Сейфуллин» БПҰ намысын қорғаған оқушылар иемденді.Оқушыларды марапаттау салтанатында «Құндызды» БПҰ төрағасы, №131 Т.Қозыбаев атындағы орта мектебінің директоры Д.Қожахметов жарысқа қатысушы балаларға алғыс айтып, сәттілік тіледі. Өз кезегінде Сырдария аудандық дене тәрбиесі, спорт және туризм бөлімінің маманы, «AMANAT» партиясының мүшесі Жадыра Бағдатқызы оқушыларды спорттық іс-шараға дайындаған жетекшілеріне ризашылығын білдірді. Жеңімпаз оқушыларға диплом, медаль және естелік сыйлық табысталды.

«Тең мүмкіндіктер» спорттық жарысы өтті

<a href="https://kyzylorda-news.kz/">Kyzylorda-news.kz</a> “AMANAT” партиясы Қызылорда қалалық филиалы жанындағы партиялық бақылау комиссиясының мүшелері Сайлауалды бағдарлама аясында СПМК-70 мөлтек ауданында салынып жатқан «Келешек мектебі» құрылысына мониторинг жүргізді. &nbsp;Білім ордасының құрылыс жұмыстарын 2024 жылдың шілде айынан бастап келісімшарт бойынша «Integra Construction KZ» ЖШС жүргізуде. 1500 орынға шақталған білім ошағы құрылысы жақын арада аяқталып, пайдалануға беріледі деп күтілуде.Құрылыс қарқынын көрген аманаттықтар мониторинг барысында тыпсырыс беруші және мердігер, техникалық қадағалаушы мекеме &nbsp; өкілдерімен жүздесіп, құрылыс қарқынын жоғарылату, құрылыс сапасы мен мерзімінде аяқталуы жөнінде нақты ұсыныстарын айтты.&nbsp;Мониторинг барысында анықталған кемшіліктерді қалпына келтіру қажеттігін мердігер мен техникалық қадағалаушы мекеме басшыларына қатаң ескертті.<img src="https://knadmin.beoblood.kz/uploads/Keleshek_mektebi_Amanat_e77edeec8f.jpg" alt="Келешек мектебі Аманат.jpg">

“Келешек мектебі” құрылысы партия бақылуында 

<a href="https://kyzylorda-news.kz/">Kyzylorda-news.kz</a> Қазақстанның XII Азаматтық форумында Мәжіліс депутаты Елнұр Бейсенбаев елдің экономикалық тұрақтылығын нық сақтап, барлық әлеуметтік міндеттемелерін толық орындап отырғанын және ұзақмерзімді бюджеттік жоспарлауы бар мемлекеттердің қатарында екенін атап өтті, деп хабарлайды <a href="https://baq.kz/qazaqstannyn-ulttyq-rezervteri-64-milliard-dollarga-zhetti-beysenbaev-200023511/">BAQ.KZ</a> тілшісі.<blockquote>Біз бюджетке түсімдердің тұрақтылығын және экономиканың орнықты өсімін байқап отырмыз. Азаматтар алдындағы барлық әлеуметтік міндеттемелер толық орындалуда, - деді Елнұр Бейсенбаев.</blockquote>Қазақстан – үш жылдық бюджет жүйесіне өткен аз елдің біріДепутаттың айтуынша, үш жылдық бюджетке көшу – елдің болжамдылық пен стратегиялық басқаруға бағытталған маңызды қадамы.<blockquote>Қазақстан үш жылдық бюджетке өткен санаулы елдердің бірі. Бұл — экономиканың тұрақтылығы мен ұзақмерзімді жоспарлау қабілетінің айғағы. Әлемде шамамен 50 мемлекет қана осындай жүйеге көшкен, ал қалған 150 ел әлі де тұрақсыздық пен болжанбайтын кіріс жағдайында өмір сүріп жатыр, - деді ол.</blockquote>2024 жылы Қазақстан бюджетінің кірістері 44 миллиард доллардан асып, бұл көрсеткіш Өзбекстаннан бір жарым есе жоғары болған.Халықаралық валюта қорының деректеріне сүйенсек, Қазақстан Ираннан 4 миллиард долларға, ал Болгариядан 10 миллиард долларға көп кіріс жинаған, - деп мысал келтірді депутат. Әлеуметтік саясат: төлемдердің өсуі мен өңірлерді қолдауБейсенбаевтың айтуынша, мемлекет зейнетақы мен жәрдемақыны тек индексациялап қана қоймай, жыл сайын олардың мөлшерін арттырып отыр.Бұл жүйелі тәсіл. Алдағы он жылда әлеуметтік төлемдерге жұмсалатын шығын тағы 10 триллион теңгеге өседі, - деді ол. 2025 жылдың қорытындысы бойынша өңірлерді дамытуға республикалық бюджеттің 30 пайызы — 76 триллион теңге бағытталған. Бұл — рекордтық көрсеткіш.<blockquote>Қазақстанда бар болғаны үш өңір ғана бюджеттің доноры саналады, ал он жеті өңір – дотациялық. Негізгі ауыртпалық республикалық бюджетке түседі. Кейде қаражаттың көбірек бөлігін жергілікті деңгейде қалдыру туралы ұсыныстар айтылады, алайда елдің тұрақтылығы мен өңірлердің дамуын дәл осы орталық бюджет қамтамасыз етіп отыр, - деп атап өтті парламентарий.</blockquote>Резервтер, қарыз және қаржылық тұрақтылықБейсенбаевтың айтуынша, Қазақстанның қаржылық қауіпсіздік жастығы айтарлықтай.<blockquote>Жыл басынан бері халықаралық резервтер, оның ішінде алтын-валюта активтері мен бағалы қағаздар көлемі 20 пайызға өсіп, 52 миллиард долларға жетті. Соңғы деректерге сәйкес, қазір бұл көрсеткіш 64 миллиард долларға тең. Жалпы алғанда, бұл – 63 триллион теңге, яғни елдің үш жылдық бюджетіне балама сома, - деді депутат.</blockquote>Оның айтуынша, елдің мемлекеттік қарызы қауіпсіз деңгейде – ЖІӨ-нің 25 пайызы көлемінде қалып отыр. Кейбір өңір елдерінде бұл көрсеткіш 40–45 пайызға дейін жетеді.<blockquote>Қазақстан қаржылық тұрақтылық аймағында қала береді, - деді ол.</blockquote>Бейсенбаевтың айтуынша, жаңа Бюджет кодексінде қаржының ашық әрі тиімді жұмсалуына арналған нақты тетіктер қарастырылған.<blockquote>Мақсатты трансферттерді пайдалану қатаң шектелді – тек маңызды инфрақұрылымдық жобаларға бағытталады. Парламенттік бақылау күшейтілді. Біз бюджет тапшылығын азайту бағытын ұстанып, шығыстарды 2 триллион теңгеге қысқарттық. Осы қаражатты Ұлттық қорға сақтадық, - деп түсіндірді депутат.</blockquote>Қазақстан – негізгі көрсеткіштер бойынша әлемнің үздік 50 елінің қатарындаДепутаттың айтуынша, Қазақстан макроэкономикалық негізгі параметрлер бойынша әлемнің топ-50 еліне кіреді және саяси, экономикалық жүйесінің тұрақтылығын сақтап отыр.<blockquote>Әрине, кейбір бағыттарда жетілдіруді қажет ететін мәселелер бар, дегенмен ел жалпы алғанда тұрақтылық пен дамудың бірізділігін көрсетіп отыр, - деді Бейсенбаев.</blockquote>Сонымен қатар ол саяси жаңғыртудың маңызын ерекше атап өтті.<blockquote>Бізде Ұлттық диалог платформасы қалыптасты, парламенттік мәдениет пен көппартиялық жүйе дамып келеді. Азаматтық белсенділік танытып жүрген жастардың қатары артып барады. Бүгінде әрбір азамат өз пікірін ашық айтуға және ел өміріне еркін қатысуға мүмкіндік алып отыр, - деді депутат.</blockquote>Оның айтуынша, сайлау жүйесін реформалау нәтижесінде сайлау үдерісі ашық әрі бәсекелі сипатқа ие болған.<blockquote>Қазір сайлау барлық деңгейде – ауылдан бастап республикалық құрылымдарға дейін – өткізіліп келеді. Бұл демократиялық тәжірибенің қалыпты нормасына айналды, - деп түйіндеді Елнұр Бейсенбаев.</blockquote>

Қазақстанның ұлттық резервтері 64 миллиард долларға жетті – Бейсенбаев

<a href="https://kyzylorda-news.kz/">Kyzylorda-news.kz</a> &nbsp; Елімізде бір салада жұмыс жасайтын ерлі-зайыпты жұптардың бірі – Қызылорда облысы Полиция департаментінің Жедел басқару орталығында қызмет етіп жүрген Сағындық Қаржауұлы мен Гүлбақыт Алиханқызы. Осы саланың жүгін бірге көтеріп келеді.&nbsp; &nbsp; &nbsp;Отағасы Сағындық 1993 жылы Қызылорда қаласында дүниеге келіп, №112 қазақ орта мектебінің табалдырығын аттаған. 2009 жылы осы мектепті бітіріп, Қызылорда қаласындағы «Құқық және экономика» колледжіне оқуға түсіп, 2012 жылы «Құқықтану» мамандығы бойынша бітірген.2012-2013 жылдары Жамбыл облысы, Отар әскери қалашығы №21450 әскери бөлімінде азаматтық борышын өтеп, 2014 жылы Қызылорда қаласы Мамандандырылған күзет қызметі басқармасының қатардағы полицейі болып қызмет жолын бастайды.Қызылорда қаласы Мамандандырылған күзет қызметі басқармасында 10 жыл еңбек еткен полиция старшинасы Сағындық 2024 жылы Қызылорда облысы &nbsp;Полиция Департаментінің Жедел басқару орталығына офицер полиция лейтенанты шешін алып, жұмыс бабымен ауысып келді.&nbsp; Бір басына бірнеше өнерді дарыта білген полиция лейтенанты Сағындық қызметті, өнерді өмірімен қатар ұстап, бәріне уақыт тауып, саламаттылықты серік етіп келеді.<img src="https://knadmin.beoblood.kz/uploads/Snimok_826a799ac2.PNG" alt="Снимок.PNG">Жұбайы полиция капитаны Гүлбақыт Алиханқызы да Қызылорда облысы Полиция департаментінің Жедел басқару орталығының кезекші-инспектор (бейнебақылаушы) лауазымында осы саланың жүгін көтеріп жүр. Осы жолда еңбек етіп келетін полицейлердің бір ғана міндеті бар, ол – қоғам қауіпсіздігін қамтамасыз ету. Қазір олар қоғамдық тәртіп пен қауіпсіздікті сақтау сапында қызмет өткеріп жүр, әрі бір ұл мен бір қызды тәрбиелеп отырған бақытты жандар.Шаңырақтың түтінін түтетіп, бір саланың жүгін көтеріп жүрген жандардың қоғамдағы алар орны бір бөлек. Ерлі-зайыпты екеуі де қызметтерін бар ынтамен атқарып, тапсырмаларды уақтылы орындауға тырысады. Ал демалыс күндерін үйде ата-аналарын тағатсыздана күтіп отыратын балаларына арнайды.Бүгінгі күні Сағындық пен Гүлбақыт үйде де, қызметте де бірге. Ерлі-зайыптылардың бір салада қызмет атқаруы, бір-бірінің жұмысын жақсы түсінуіне септігін тигізеді. Таңертең ерте тұру, тәуліктің қандай уақытында болмасын шақыртуларға бару, жиналыстарда, саптық жиындарда бірге жүру — екеуіне де ортақ іс. Бастаған қызметін аяғына дейін жеткізіп, абыроймен зейнетке шығып, көпбалалы полицейлер отбасы болсақ деген арман мақсаттары бар.

Ерлі-зайыпты полицейлер еліне адал қызмет етуде     

<a href="https://kyzylorda-news.kz/">Kyzylorda-news.kz</a> «AMANAT» партиясы Жалағаш аудандық филиалы жанындағы “Мақпалкөл ауылдық округі” бастауыш партия ұйымының ұйымдастыруымен «Бақытты отбасы» партиялық жобасы аясында &nbsp;«Менің отбасым» атты отбасылық эстафеталық сайыс өткізді. &nbsp;Шараның &nbsp;мақсаты — отбасы құндылықтарын насихаттау, ата-аналар мен балалар арасындағы өзара сыйластықты, бірлікті арттыру, сонымен қатар салауатты өмір салтын қалыптастыру.&nbsp;Эстафеталық жарысқа бірнеше белсенді отбасылар қатысып, ұйымшылдықтары мен ептіліктерін ортаға салды. Әрбір сайыс отбасылар арасындағы бірлікті нығайтып, баланың жан-жақты дамуына ата-ананың үлесін арттыруға бағытталды. &nbsp;Сайыс нәтижесі бойынша “Жалын” командасы- “Белсенді команда” номинациясымен марапатталса, “Сұңқар” командасы ІІІ орынмен, “Қарлығаш” командасы ІІ орынмен қанғаттанды. Жарыста топ жарып жүлделі І орынды “Қыран” командасы иеленді.Іс-шара соңында барлық қатысушыларға дипломдар мен естелік сыйлықтар табысталып, көрермендерге көтеріңкі көңіл-күй сыйлады. Отбасы – қоғам негізі екенін ұғындырған бұл шара көпшіліктің көңілінен шықты.

“Бақытты отбасы” жобасы аясында эстафеталық сайыс өтті

<a href="https://kyzylorda-news.kz/">Kyzylorda-news.kz</a> Қызылорда облысы бойынша қылмыстық-атқару жүйесі департаментінің №60 мекемесінің өндірістік аймағында кәсіпкерлер ісін дөңгелетіп отыр. Соның бірі &nbsp;Жеке кәсіпкер «Әділет».Кірпіш зауытында еңбек ету – жауапты іс. 2019 жылдан бері ЖК «Әділет» мекеменің кірпіш зауыты аймағында жұмыс жасауда. Сотталғандар ішінен &nbsp;58 азаматты жұмыспен қамтып отыр. Кәсіпкер құрылыс саласына қажетті өнімдерді нарыққа шығарады, оның ішінде табиғи газбен күйдіріліп өндірілетін қыш, қам кесек, пескоблок өнімдері бар. &nbsp;Мұнда жұмысшылар саз балшықтан кірпіш қалыптап, кептіреді, кейін пешке салып күйдіру арқылы дайын өнімге қол жеткізеді. Әр кезеңге ерекше мән беріп, өнімнің сапасына кепілдік береді. Сотталғандар зауытта күніне үш мың қам кесек өнімін шығарса, 72 сағат ішінде пеште күйдіру арқылы жетпіс мыңға дейін күйдірілген қыш алады. Өндірілген өнімдер нарықта сұранысқа ие, бұл сәйкесінше кәсіп көзін ұлғайтуға мүмкіндік береді. Мекеме тарапынан кәсіпкерге жағдай жасалған. Мүмкіндікті тиімді пайдалана білген жеке кәсіпкер «Әділет» бүгінде еңбек өнімділігін арттырып, экологиялық тұрғыдан талапқа сай табиғи өнім шығарып келеді.<blockquote>– Қазіргі таңда мекемеде 18 шағын және орта бизнес өкілдері жұмыс жасап жатыр. Соның бірі ЖК «Әділет» жұмыспен қамтамасыз етіп отыр. Өндіріс орнында 40 сағаттық жұмыс режимі сақталған және сотталғандар еңбекақысын алып отырады. Кәсіпкерлер үшін бізде кәсіпке қолайлы орындар қарастырылған. Кәсіп иелеріне қашанда қолдау білдіреміз. Әлеуметтік желілер мен газет-журналдарда, ақпараттық агенттіктерде кеңінен ақпараттандырамыз. Сотталғандарды жұмыспен қамту бағдарламасы бойынша жасалып жатқан мұндай &nbsp;жобалар азаматтардың жаза мерзімі аяқталған соң, қоғамға тез бейімделіп, енбекке етене араласып кетуіне оң ықпалын тигізеді, – деді сотталғандардың еңбегін ұйымдастыру бөлімінің бастығы, әділет майоры А.Абдреймова.</blockquote><img src="https://knadmin.beoblood.kz/uploads/Whats_App_Image_2025_10_16_at_11_03_11_f167dd714d.jpeg" alt="WhatsApp Image 2025-10-16 at 11.03.11.jpeg">

Жазасын өтеушілер еңбек нарығында

<a href="https://kyzylorda-news.kz/">Kyzylorda-news.kz</a> «AMANAT» партиясы жанындағы Экономика, кәсіпкерлік және аграрлық сектор мәселелері жөніндегі кеңестің отырысы өтті.Жиынға партияның облыстық филиалының атқарушы хатшысы Ләйлә Төрешова, аймақтық кеңес төрағасы Бақдаулет Мақашов қатысты.Отырыста Мемлекет басшысының Жолдауын жүзеге асырудағы міндеттер, партияның Сайлауалды бағдарламасындағы ауыл шаруашылығы жерлерін ұтымды пайдалануды қамтамасыз ету, жаңа және пайдаланылмайтын жерлерді ауыл шаруашылығы айналымына енгізу, пайдаланылмаған жерлер мен жайылымдарды мемлекет меншігіне қайтаруды үйлестіру бағытында атқарылып жатқан жұмыстар, сонымен қатар сайлау уақытында сайлаушылардан түскен ұсыныстардың орындалу барысы жан-жақты талқыланды.Мәжілістің күн тәртібіне ұсынылған мәселелер бойынша Қорқыт Ата атындағы Қызылорда университетінің аға оқытушысы, заң ғылымының магистрі Еркемай Саниязова, облыстық ауыл шаруашылығы және жер қатынастары басқармасы басшысының орынбасары Рысбек Шайхиев және партияның облыстық филиалының қоғамдық қабылдау бөлмесінің меңгерушісі Нұрлан Абдукаримов хабарлама жасады.Облыста ауыл шаруашылығы жерлерін ұтымды пайдалануды қамтамасыз ету, жаңа және пайдаланылмайтын жерлерді ауыл шаруашылығы айналымына енгізу бойынша ағымдағы жылға 69,0 мың гектар жер жоспарланған. Бүгінгі күнге жоспар 102 пайызға орындалып, 70,3 мың гектар жер айналымға алынған.«Жер аманаты» партиялық жобасы аясында заңсыз берілген немесе пайдаланылмаған жерлер мен жайылымдарды мемлекет меншігіне қайтару бойынша өңірде 60 мың га жерлерді мемлекет меншігіне қайтару жоспарланып, бүгінгі күнге 64,5 мың га жерлер қайтарылып отыр.Жиында хабарлама жасаған облыстық ауыл шаруашылығы және жер қатынастары басқармасы басшысының орынбасары Рысбек Шайхиев: облыс бойынша 2022-2025 жылдары мемлекетке көлемі 524,7 мың гектар ауыл шаруашылығы жерлері қайтарылды. Қайтарылған 524,7 мың га жерлердің 93,6 мың га қайта айналымға енгізілді, - дейді.Отырыс барысында партияның облыстық филиалының атқарушы хатшысы Ләйлә Төрешова көтерілген мәселелерге сәйкес кеңестің жұмыс жоспарының нәтижелі әрі мерзімінде орындалуын үйлестіру қажеттігін атап айтты.Жиынға қатысушылар талқыланған тақырып бойынша ұсыныстарын білдіріп, алдағы уақытта атқарылуы тиіс мәселелерді пысықтады.

Архив