<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев Шиелі ауданының құрметті азаматы Сұлтанбек Оразымбетовті 80 жас мерейтойымен құттықтады. Басқосуға зиялы қауым өкілдері, қоғам қайраткерлері, басқарма басшылары қатысты.Аймақ басшысы мерейтой иесіне құттықтауын жеткізіп, үлкенге құрмет көрсетудің, адал еңбекті бағалаудың маңызын атап өтті.<blockquote>«Дана халқымыз «Қадірлей білгенге құт қонады, құрметтей білгенге бақ тұрақтайды» деген. Өңіріміздің өркендеуіне, әлеуметтік-экономикалық, мәдени-рухани дамуына бар күш-жігерін жұмсап, елдің қошеметіне бөленген аға буын өкілдеріне лайықты құрмет көрсету біздің игі дәстүрімізге айналған. Бүгінгі ресми жиынымыз адал еңбегімен халықтың ықыласына бөленген, өнегелі істердің ұйытқысы болған ардақты ағамыз Сұлтанбек Оразымбетовке арналады. Сыр жұртшылығы Сіздің елеулі еңбегіңізді, өнегелі өмір жолыңызды жақсы біледі, құрмет тұтады. Парасатқа толы ғұмырыңыздағы іргелі істеріңіз өскелең ұрпаққа үлгі. Жерлестеріңіз аймақтың дамуына зор үлес қосып, елдің ілтипатына бөленген Өзіңіздей жандармен мақтанады. Ақадал ниетті азаматтардың атынан бүгінгі мерейтойыңызбен шын жүректен тағы да құттықтап, деніңізге саулық, отбасыңызға амандық тілейміз! Тойыңыз тойға ұласа бергей!», – деді &nbsp;Нұрлыбек Машбекұлы.</blockquote><img src="https://knadmin.beoblood.kz/uploads/S_ltanbek_Orazymbetov_2_84fa73fcd0.jpg" alt="Сұлтанбек Оразымбетов 2.jpg">Сұлтанбек Қойшыбайұлы еңбек жолын Қызылту елді мекенінде қарапайым жұмысшылықтан бастап, әр жылдары комсомол ұйымының хатшысы, өндіріс бригадирі, Шиелі аудандық партия комитетінде нұсқаушы, Гигант колхозында партия комитетінің хатшысы, аудандық кәсіподақ комитетінің төрағасы, аудандық партия комитеті хатшысының орынбасары қызметтерін атқарған. 1994-2012 жылдары Шиелі аудандық мәслихатының бірінші, екінші, үшінші және төртінші шақырылымының хатшысы болды.Жиында облыс әкімі мерейтой иесіне Қызылорда облысының Құрмет грамотасын табыстап, дәстүрге сай құрмет көрсетті. Мемлекет және қоғам қайраткерлері Ибрагим Әбибуллаев, Бекмырза Еламанов, облыстық ардагерлер кеңесінің төрағасы Серік Дүйсенбаев, ел ағасы Қалдыбай &nbsp;Сүгірбаев сөз сөйлеп, ізгі тілек білдірді.<img src="https://knadmin.beoblood.kz/uploads/S_ltanbek_Orazymbetov_3_f3ca600ede.jpg" alt="Сұлтанбек Оразымбетов 3.jpg">

Аймақ басшысы Сұлтанбек Оразымбетовті мерейтойымен құттықтады

<a href="https://kyzylorda-news.kz/">Kyzylorda-news.kz</a> Маңғыстау облысында мерзімді әскери қызмет өткеріп жүрген әскери қызметкер қаза тапты. Бұл туралы <a href="https://stan.kz/mangistau-oblisinda-tagi-bir-sarbaz-koz-zhymdi-424480/">Stan.kz</a> ақпарат агенттігі хабарлайды.Ұлттық қауіпсіздік комитеті Шекара қызметінің мәліметінше, жазатайым оқиға 7 қазанда болған.<blockquote>"Алдын ала мәлімет бойынша, қайғылы жағдайға техникалық жұмыстар кезінде қауіпсіздік шараларын сақтамау себеп болған. Полиция органдары қылмыстық іс қозғады, қосымша қызметтік тергеу жүргізілуде. Қазақстан Республикасы Ұлттық қауіпсіздік комитетінің Шекара қызметі марқұмның туыстары мен жақындарына қайғырып көңіл айтады", – делінген хабарламада.</blockquote>2025 жылдың қыркүйек-қазан айларында Қазақстанның бірнеше өңірінде әскер қатарында жүрген сарбаздарға қатысты бірқатар қайғылы жағдайлар тіркелді.17 қыркүйекте Алматы облысындағы әскери бөлімдердің бірінде 19 жастағы сарбаз Дінмұхаммед Шынарбектің денесі табылды. Ресми нұсқада ол өзіне қол жұмсаған делінгенімен, туыстары бұл дерекке сенбейді. Анасының айтуынша, ұлының қолы байлаулы күйі табылған. Қазір сот-медициналық сараптама жүргізіліп жатыр.23 қыркүйекте Жетісу облысындағы “Алажиде” полигонында жауынгерлік дайындық сабағы кезінде сарбаз оқ жарақатынан қаза тапты. Ресми мәлімет бойынша, ол қауіпсіздік ережесін сақтамау салдарынан көз жұмған. Бұл фактіге байланысты қылмыстық іс қозғалып, тергеу амалдары басталды.30 қыркүйекте Маңғыстау облысында 19 жастағы сарбаз Нұргелді Байыш психиатриялық клиникаға түсті. Ол әскерге сау күйінде барған, алайда бес айдан кейін “тұлғаның бұзылысы” диагнозымен оралған.4 қазанда Алматыда әскери форма киген сарбаз үшінші қабаттан секіріп кетіп, ауыр жарақат алды. Дәрігерлер оған “бейімделу бұзылысы” деген диагноз қойды.5 қазанда Алматы облысында Шекара қызметінің сарбазы Нұрасыл Ануар қайтыс болды. Ресми дерек бойынша, өлім себебі – менингококцемия. Алайда туыстары бұл диагнозға күмән келтіріп, істің бұрмаланғанын айтады.Сондай-ақ сәуір айында Маңғыстау облысында әскерге шақырылған 18 жастағы Сұлтан Шынтеміров бірнеше айдан кейін психикалық орталыққа түсті. Анасының айтуынша, ол бөлімшеде әлімжеттік көріп, өзіне қол салуға әрекет жасаған. Кейін дәл осы әскери бөлімнен тағы жеті сарбаз психикалық ауруханаға жеткізілген. Үшеуі емделіп жатса, төртеуі үйлеріне қайтарылған.Осылайша, 1,5 айда Маңғыстау, Алматы және Жетісу өңірлерінде кемінде 3 сарбаз қаза тауып, 8-ден астам сарбаз психикалық ауруханаларға жеткізілді. Ресми нұсқалар әртүрлі болғанымен, қоғамда әскердегі әлімжеттік пен сарбаздардың психологиялық күйіне байланысты алаңдаушылық күшейіп отыр.Фото: istockphoto.com

Әскерде тағы бір сарбаз көз жұмды

<a href="https://kyzylorda-news.kz/">Kyzylorda-news.kz</a> Қазалы ауданының әкімі Алмасбек Есмаханов Қазалы теміржол вокзалына жүргізіліп жатқан күрделі жөндеу жұмыстарын көріп, мердігер мекеменің басшысымен кездесті. Бұған дейін аудан басшысы аудандағы теміржол мекемелерінің басшыларымен кездесіп, теміржол вокзалының құрылысы мен теміржол мекемелеріне қатысты бірқатар мәселелерді талқылаған болатын.&nbsp;Теміржол вокзалындағы күрделі жөндеу жұмыстарын «Қазақстан Темір Жолы» ұлттық компаниясы» акционерлік қоғамының қаржыландыруымен мердігер мекеме «Бақ Береке» ЖШС жүргізуде. Бүгінде эскиздік жобаға сәйкес, ғимараттың іргетасы мен қабырғаларын нығайту, шатырын ауыстыру, есік-терезелерді жаңарту сынды ауқымды жұмыстар атқарылды. Ендігі жобаға сәйкес жолаушыларға арналған күту залдарын заманауи талаптарға сай жабдықтау, мүмкіндігі шектеулі азаматтарға қолайлы жағдай жасау, қауіпсіздік жүйелерін орнату, сондай-ақ вокзал аумағын көгалдандыру және брусчатка төсеу сынды жұмыстар атқарылуда.Аудан басшысы вокзал ғимаратын аралау барысында теміржол вокзалының сырт келбетіне, ондағы жолаушылар мен тұрғындарға жасалған жағдайға қарап өңір имиджі қалыптасатынын айтып, ғимараттың аумағындағы санитарлық тазалық мәселесінде басты назарда ұстауды тапсырды.Сонымен қатар мердігер мекеме «Бақ Береке» ЖШС-нің басшысы Қайрат Ерназаровқа вокзал ғимаратына жүргізіліп жатқан күрделі жөндеу жұмыстарын жыл соңына дейін тезірек әрі сапалы аяқтау керектігін айтып, жұмыстар ұдайы бақылауда болатынын ескертті.&nbsp;Теміржол вокзалын күрделі жөндеуден өткізу – бұл уақыт талабы және стратегиялық маңызды қадам. Бұл жоба көлік қатынасының тиімділігін арттырып қана қоймай, аймақтың әлеуметтік-экономикалық дамуына да оң әсерін тигізетін болады.&nbsp;Айта кетейік, бүгінде «Қазақстан Темір жолы» компаниясы тарапынан қаржы бөлініп, мердігер мекеме - "ҚазТеміржол Engineering" ЖШС тарапынан вокзал маңындағы теміржол үстінен өтетін жаяу жүргіншілер көпірініңде құрылысы жүргізілуде.

Қазалы: Теміржол вокзалына күрделі жөндеу жұмыстары жүргізілуде

<a href="https://kyzylorda-news.kz/">Kyzylorda-news.kz</a> Қазалы ауданының әкімі Алмасбек Есмаханов Хорватия астанасы Загреб қаласында ересектер арасындағы грек-рим күресінен өткен Әлем чемпионатында көк туымызды көкке көтеріп, халқымызға тарихи алтын медаль сыйлаған Сыр өңірінің спортшысы Айдос Сұлтанғали мен бапкері Ғабиден Райымбекті қабылдап, жеңістерімен құттықтады.<blockquote>– Президентіміз Қасым-Жомарт Кемелұлы Айдос Сұлтанғалиұлын ең алғашқылардың бірі болып Әлем чемпионы атанған жарқын жеңісімен құттықтап, «Ол – грек-рим күресінен осы ғасырдағы тұңғыш жеңімпаз. Балуандарымыздың жеңісті жолды жалғастыра беруіне тілектеспін!», – деген ақжарма тілегін жеткізген болатын. Ал, аймақ басшысы Нұрлыбек Машбекұлы чемпионымызды арнайы қабылдап автокөлік кілтін, бапкері Ғабиден Райымбекұлына пәтер кілтін табыстаған болатын. Бүгін бізде қазалылықтар болып, чемпионға құрмет көрсетуді жалғастырып жатырмыз. Биыл өңір спортшылары үшін жемісті де жеңісті жыл болып тұр десек қателеспейміз. Себебі еліміздің көк туын көкте желбіретіп байрақты бәсекелерге шыққан спортшыларымыз намысты қолдан бермей, жеңіске жетті. Грек-рим күресінен Қазақстан Әлем чемпионатының алтын медалін соңғы рет 1999 жылы жеңіп алған (Мхитар Манукян (63 кг). Араға 26 жыл салып, елімізге аталған спорт түрінен ХХІ ғасырдың алғашқы алтын медалін алып келу ұлт жадында алтын әріппен жазылар ерлік. Осы жеңісті жалғастырып, алдағы Олимпиада ойындарында алтыннан алқа таға беруіңізге тілектеспіз, - деді аудан әкімі Алмасбек Әбілқасымұлы.&nbsp;</blockquote>Қабылдауда Қазақстан халқы Ассамблеясы жанындағы аудандық ақсақалдар кеңесінің төрағасы, «Құрмет» орденінің иегері Қасқырбай Әлімбай, ардагер спортшы Қуанған Бәкен, Айдос Сұлтанғалидың туыстарының атынан Ашықбай Тоғымов ақсақал сөз сөйлеп, чемпионның жеңісі барша қазақ жұртына ортақ жеңіс екенін айтып, жылы лебіздерін жеткізді.Аудан әкімі спорт әлеміндегі биік белесті бағындырған Айдос Сұлтанғалиға 1 000 000 теңгенің және спортшының бапкері Ғабиден Райымбекұлына 400 000 мың теңгенің арнайы қаржылай сертификаттарын табыстап, барша Қазалы жұртшылығының атынан жеңісімен құттықтады. Сондай-ақ батырымызды әрдайым бабында болуы үшін мұндай қолдаулар жалғаса беретіндігін жеткізді.Басқосуда грек-рим күресінен Қазақстан Республикасының еңбек сіңірген жаттықтырушысы, «Дене шынықтыру және спортты дамытуға сіңірген еңбегі үшін» төсбелгісінің иегері Ғабиден Райымбек пен грек-рим күресінен спорт шебері, Қазақстан Республикасы ұлттық құрама командасының мүшесі, республикалық, халықаралық жарыстардың бірнеше дүркін жеңімпазы, Әлем чемпионы Айдос Сұлтанғалиұлы барша қазалылықтардың көрсеткен құрметіне шынайы алғыстарын білдірді.&nbsp;Чемпионды қабылдау шарасының соңында аудандық ардагерлер кеңесінің төрағасы Оразғали Бекпанов ақ батасын беріп, алдағы уақытта да чемпионның Әлем шыңдарын бағындыра беруіне тілектестігін жеткізді.&nbsp;Айта кетейік, бүгінде ауданда спорт саласын дамыту бағытында ауқымды жобалар қолға алынып, жүйелі жұмыс атқарылды. Ауданымызда соңғы 3 жылда 3 спорт кешені мен спорттық алаңдар пайдалануға берілді, биыл тағы 3 нысан ел игілігіне табысталады.<img src="https://knadmin.beoblood.kz/uploads/Ajdos_S_ltan_ali_2_0e864393dc.jpg" alt="Айдос Сұлтанғали 2.jpg">

Әлем чемпионына құрмет көрсетті

<a href="https://kyzylorda-news.kz/">Kyzylorda-news.kz</a> Қазалы ауданы әкімі Алмасбек Есмахановтың төрағалығымен өткен мәжілісте міндетті әлеуметтік-медициналық сақтандыру жүйесін жаңғырту, көлеңкелі экономиканы төмендету шаралары және бірқатар өзекті мәселелер талқыланып, тиісті сала басшыларына нақты тапсырмалар жүктелді.&nbsp;Жиында аудан басшысы міндетті әлеуметтік медициналық сақтандыру жүйесін жаңғырту — Қазақстандағы денсаулық сақтау саласын жетілдіруге бағытталған маңызды реформалардың бірі және жүйе азаматтардың сапалы, қолжетімді медициналық көмек алуына, сондай-ақ денсаулық сақтау жүйесінің тұрақтылығын қамтамасыз етуге мүмкіндік беретінін айтты.Осыған сәйкес, аудан әкімі кент және ауылдық округ әкімдеріне аудандық ауруханамен бірлесе отырып, сақтандырылмаған тұлғалармен жеке жұмыс жүргізу және ақпараттық шараларды ұйымдастыру жұмыстарын күшейтуді тапсырды.Мәжілістің күн тәртібіндегі екінші мәселе - көлеңкелі экономиканы төмендету шараларына байланысты аудан басшысы тиісті сала басшылары мен кент, қала және ауылдық округ әкімдеріне нақты іс-шаралар жоспарын әзірлеуді, жеке кәсіпкерлер мен шаруашылық субъектілерін заңды түрде тіркеуді, сондай-ақ онлайн бақылау-кассалық аппараттарын орнату жұмыстарын жандандыруды тапсырды. Сонымен қатар, тұрғындар арасында ресми еңбек қатынастарын қалыптастырудың маңыздылығы мен заңсыз жұмыспен қамтудың экономикалық және әлеуметтік салдары туралы түсіндіру жұмыстарын күшейту қажеттігін ескертті.Мәжілістің күн тәртібіндегі қозғалған екі мәселеде тұрғындардың өміріне тікелей әсер ететін маңызды бағыттар екенін айтқан Алмасбек Әбілқасымұлы жауаптыларға жиында берілген әрбір тапсырмалардың тиянақты орындалуына жұмыс жасауды тапсырды.

МӘМС және көлеңкелі экономиканы азайту мәселелері қаралды

<a href="https://kyzylorda-news.kz/">Kyzylorda-news.kz</a> Бүгін партияның облыстық филиалының атқарушы хатшысы Ләйлә Төрешова партияның облыстық &nbsp;және қалалық филиалдары жанындағы партиялық бақылау комиссиялары өкілдерімен бірге қаладағы бірқатар кварталаралық жылу желілерін реконструкциялау жобаларының құрылыс жұмыстарымен танысып, алдағы жылу маусымына дайындықты пысықтады.&nbsp;Мониторингтік топ алдымен «Қызылорда қаласында ТК-21-ден ТК-25-ке дейінгі магистральдық жылу желілерін реконструкциялау» жобасының жүргізілу барысын қарады. Жобаның құрылыс жұмыстары ағымдағы жылдың тамыз айында басталған. Жалпы жаңғыртылып жатқан жылу желілерінің ұзындығы 0,23 шақырымды құрайды. Бүгінгі таңда жылу желілері жаңғыртылып, абаттандыру жұмыстары жүргізілуде. Бұл жоба аясында 10 мың абонент, 50 көпқабатты тұрғын үй мен 11 әлеуметтік нысан тұрақты жылумен қамтамасыз етіледі. Жұмыс мерзімінде аяқталуда.&nbsp;Аманаттықтар әрі қарай Қызылорда қаласындағы АБМҚ-1-ден Сырдария м/а №1-23 тұрғын үйлері және №264 орта мектепке дейінгі кварталаралық жылу желілерін реконструкциялау жұмыстарын көрді. Жаңғыртылып жатқан жылу желілерінің ұзындығы 1,63 шақырым екен. Бұл жұмыстарды «Ақмешіт-мелиоратор» ЖШС-і жүргізуде. Негізгі жаңғырту жұмыстар аяқталған. Қазір тек көму, жабу жұмыстары жүргізілуде. Жоба 5 мың абонент, 24 көпқабатты тұрғын үй және 1 мектеп тұрақты жылумен қамтамасыз етуге толық дайын.&nbsp;Жасалып жатқан жұмыстарды тағы бір көзбен көріп, жылу маусымына дайындық жұмыстарды пысықтаған мониторингтік топ өкілдері жылу маусымына дайындық барысы партиялық бақылауда болатынын айтып, бұл мәселеге аса жауапкершілікпен қарау керек екенін назарға салды.&nbsp;

Жылу беру маусымына дайындық жұмыстары пысықталды

<a href="https://kyzylorda-news.kz/">Kyzylorda-news.kz</a> Бүгін облыстық құрылыс, сәулет және қала құрылысы басқармасы басшысының орынбасары &nbsp;Мырзабеков Марат Салқадинұлы “AMANAT” партиясының алаңында қоғамдық қабылдау өткізді.Қабылдау барысында &nbsp;құрылыс жобаларының сапасын бақылау құрылыс учаскелерінде, жергілікті тұрғындардың қауіпсіздігі мен жайлылығын қамтамасыз ету &nbsp;жолдары, тұрғындардың пәтерге немесе жеке үйлерге қолжетімділігін арттыруға &nbsp;қатысты мәселелер талқыланды.Марат Мырзабеков &nbsp;құрылыс жұмыстарының сапасын бақылау үшін арнайы техникалық инспекциялар мен аудиттер тұрақты түрде өткізіліп келе жатқанын түсіндірді, сонымен қатар құрылыс алаңдарында барлық қауіпсіздік стандарттары қатаң сақталатынын, &nbsp;қызметкерлерге арнайы қауіпсіздік нұсқаулықтары беріліп, қорғаныс құралдары міндетті түрде қолданылатынын жеткізсе, қазіргі таңда тұрғын үй мәселесін шешуге бағытталған бірнеше мемлекеттік және жергілікті деңгейдегі бағдарламалар жұмыс істейтіні туралы жан-жақты &nbsp;ақпаратпен таныстырды. &nbsp;

“AMANAT”: Түсіндірме жұмыстарын жүргізді

<a href="https://kyzylorda-news.kz/">Kyzylorda-news.kz</a> Қазіргі таңда әлемдік экономиканың негізгі алғышарты - креативті индустриялар. Шығармашылық пен жаңашылдыққа негізделген экономика - тұрақты даму жолы. Осыған орай арнайы жоба жасалып, өңірлердің әлеуметтік-экономикалық әлеуетін көтеруге бағытталды.&nbsp;Ұлттық салт-дәстүр мен тұрмыстық, мәдени құндылықтарды насихаттауға бағытталған партияның "Ұлттық мұра" жобасымен үндескен &nbsp;креативті идеялар керуені бүгін Шиелі ауданына келді.&nbsp;Руханият орталығында өткізілген жоба аясында ел ішіндегі қолөнершілер, кәсіпкерлер, сән, дизаин, сурет бағытындағы жастар мен барша қызығушылығы бар азаматтарға семинар-тренинг, шеберлік сыныптары, қолөнер көрмелері, дәрістер форматында шаралар ұйымдастырылды. Жобаны жүзеге асырушы - "Анаға тағзым" орталығының "CREATIVE ORDA" клубы. Жоба - өңірдің креативті әлеуетін ашатын, жаңа мүмкіндіктерге жол көрсететін, өнер мен кәсіпті тоғыстыратын бірегей бастама.<img src="https://knadmin.beoblood.kz/uploads/Kreativ_karavan_97f285722c.jpg" alt="Креатив караван.jpg">Жергілікті қолөнершілер бұйымдарының көрмесі көрсетіліп, шеберлік сағаттары өткізілді. "Жарнама-жарты табыс" тақырыбында сабақ ұйымдастырылды."Атамекен палатасының" кәсіпкерлікті қолдау бойынша шараларының презентациясы ұсынылды. "Өнер - жұтамас байлық" екенін жеткізген шара ісіңді берекеге, кәсібіңді несібеге айналдыру көздерін ашып берді.&nbsp;Іс-шараның мәнді-мазмұнды өтуіне &nbsp;партияның аудандық филиалының атқарушы хатшы Жібек Баймұратова,бастауыш ұйымдар мен партия филиалы жанынан құрылған "Әйелдер қанаты" мүшелері үлес қосып, &nbsp;өз тәжірибелерімен бөлісті.<img src="https://knadmin.beoblood.kz/uploads/Kreativ_karavan_3_f65e838ecd.jpg" alt="Креатив караван 3.jpg">

"CREATIVE CARAVAN" Шиелі ауданында жалғасты

<a href="https://kyzylorda-news.kz/">Kyzylorda-news.kz</a> Бүгін&nbsp;Қызылорда қаласында ел тарихындағы екі маңызды белес — Қызылорданың астана болғанына 100 жыл және Қазақстан халқы Ассамблеясының 30 жылдығына арналған «Дәуірлер тоғысындағы Сыр өңірі: тарих және тағылым» атты халықаралық ғылыми-тәжірибелік конференция өз жұмысын бастады.Конференциясы аясында республикалық ғылыми-сарапшылық кеңестің отырысы өтуде.Отырысты республикалық ғылыми-сарапшылық топтың мүшесі Майнура Бөрібаева жүргізді.Кеңес жұмысына ҚР Ғылым және жоғары білім министрлігі Ғылым комитетінің Философия, саясаттану және дінтану институтының бас директоры, әлеуметтану ғылымдарының докторы, Ғылыми-сарапшылық кеңестің төрағасы Айгүл Сәдуақасова қатысып, мазмұнды баяндама жасады.Өз сөзінде ол жастарды этносаралық қатынастар саласына белсенді тарту, жаңа цифрлық ортада сарапшылық қызметті жандандыру және жас ғалымдардың ғылыми кеңес жұмысына қосылуының маңызын атап өтті. Сонымен қатар этнодемографиялық және этнодинамикалық үрдістерді зерттеу, ғылыми жобалар арқылы қоғамдағы келісім мен бірлікті нығайту бағытындағы жұмыстарға тоқталды.Айгүл Кәкімбекқызы кеңестің ұлт қалыптастыру ісіндегі ғылыми негізге сүйенген бастамалары мен қоғам дамуына қосып келе жатқан үлесін ерекше атап өтіп, бұл бағыттағы жүйелі жұмыстардың жалғасын табатынын жеткізді.<img src="https://knadmin.beoblood.kz/uploads/2_077189f767.jpg" alt="2.jpg">

 Республикалық ғылыми-сарапшылық кеңестің отырысы өтуде

<a href="https://kyzylorda-news.kz/">Kyzylorda-news.kz</a> Студенттік жатақхана - білім алушылардың сапалы өмір сүруі мен оқу үдерісін тиімді ұйымдастыруға арналған маңызды әлеуметтік нысан. Мұндай инфрақұрылым оқу орындарының тартымдылығын арттырып қана қоймай, жастардың әлеуметтік жағдайын жақсартуға да ықпал етеді.Осы бағытта «ForteBank» АҚ-ның несиесі бойынша, «Даму» қорының қолдауымен Қызылорда қаласында әлеуметтік маңызы бар тағы бір жоба сәтті жүзеге асты. «Іңкәр-7» ЖШС салған жаңа студенттік жатақхана қаланың орталық бөлігінде бой көтеріп, заманауи талаптарға сай тұрғызылды.Ғимаратта студенттердің жайлы тұруына барлық жағдай жасалған: кең бөлмелер, оқу және демалыс аймақтары, асхана мен кір жуу бөлмелері қарастырылған. Әсіресе, қауіпсіздік пен санитарлық талаптарға ерекше көңіл бөлінген.<img src="https://knadmin.beoblood.kz/uploads/Damu_oryny_oldauymen_salyn_an_studenttik_zhata_hana_e86bea12a8.jpg" alt="«Даму» қорының қолдауымен салынған студенттік жатақхана.jpg">

«Даму» қорының қолдауымен салынған студенттік жатақхана 

<a href="https://kyzylorda-news.kz/">Kyzylorda-news.kz</a> Сырдария ауданының әкімі Берік Сәрменбаевтың төрағалығымен мәжіліс өтіп, Үкімет отырысының күн тәртібіндегі мәселелер қаралды. Атап айтқанда, міндетті әлеуметтік-медициналық сақтандыру жүйесін жаңғырту, көлеңкелі экономиканы төмендету шаралары және облыс әкімінің тапсырмаларының орындалуы бойынша нақты тапсырмалар жүктелді.Ауданда «Отбасы цифрлық картасы» бойынша 1433 адам сақтандырылмаған. Бұл аудандағы халық тіркеліміндегі сақтандырылмаған азаматардың 4,2 пайызын құрайды. Осыған байланысты аудан басшысы аудандық аурухана бас дәрігерінің міндетін атқарушы Ж.Жұмабаеваға кент және ауыл әкімдерімен бірлесіп, тұрғындарды міндетті әлеуметтік медициналық сақтандыру төлемдерінің тұрақты төленуін қамтамасыз ету бойынша жұмыстар жүргізу керектігін атап өтті.Аудан әкімі күн тәртібіндегі екінші мәселеге де тоқталып, көлеңкелі экономика еліміздің тұрақты дамуына кері әсерін тигізетінін атап, салық төлеуден жалтару тәуекеліжоғары кәсіпкерлік субъектілерімен жұмыс жасау керектігін ескертті. Экономиканың барлық саласында көлеңкелі экономика салдарын алдын алу және жою бойынша жұмыстарды күшейтуді шараларын қабылдау керектігін тапсырды.Мәжіліс барысында қосымша егінді төкпей-шашпай жинап алу, жылу маусымына дайындық мәселелері де қаралып, бөлім басшыларына тиісті тапсырмалар берілді.Фото: Сырдария ауданы әкімінің баспасөз қызметі

Нақты тапсырмалар жүктелді

<a href="https://kyzylorda-news.kz/">Kyzylorda-news.kz</a> Бүгінгі таңда Қазақстан экономикасының қозғаушы күші – шағын және орта бизнес. Осы салаға қолдау көрсетіп, жаңа мүмкіндіктер ашып отырған басты институттардың бірі – «Даму» кәсіпкерлікті дамыту қоры. Қордың басты құралдарының бірі – банк несиелерін субсидиялау және кепілдендіру.&nbsp;Бұл жүйе кәсіпкерлерге қолжетімді пайыздық мөлшерлемемен несие алуға мүмкіндік береді. Мысалы, мемлекет несиенің бір бөлігін субсидиялау арқылы кәсіп иелерінің қаржылық жүктемесін жеңілдетеді. Ал кепілдендіру тетігі бизнесі бар, бірақ кепілге қоятын мүлкі жеткіліксіз кәсіпкерлерге үлкен көмек. Аталған қордың ұйымдастыруымен облыста баспасөз туры бастауын алды. Турдың алғашқы нүктесі - Жалағаш ауданы. Мұнда журналистер қордың қолдауымен жүзеге асқан кәсіпкерлік нысан «Агрохимсервис-С» ЖШС жұмысымен танысты. Компания зауыты сағатына 10 тоннаға дейін түйіршіктелген тыңайтқыш шығарып, аграршыларды өнімділікті арттыруға қажетті өніммен қамтамасыз етеді. 2025 жылғы тамыз айында компания «Даму» қорының «Өрлеу» жеңілдетілген несие беру бағдарламасы аясында «Қазақстан Халық Банкі» АҚ арқылы қаржыландыру алып, өндірісін кеңейтуге мүмкіндік алған.<img src="https://knadmin.beoblood.kz/uploads/1_Damu_ory_k_sipkerlikti_oldaudy_tiregi_af4c80e30f.jpg" alt="1 «Даму» қоры – кәсіпкерлікті қолдаудың тірегі.jpg">

Архив