<a href="https://kyzylorda-news.kz/">Kyzylorda-news.kz</a> Қызылорда қаласының астана болғанына 100 жыл мерейтойы мен "Қала күні" мерекесіне орай «Қызылорда – жастар қаласы» атты фото көрме-сайысы өтті.Көрмеде қаланың сәулетті көріністері, жастардың рухы мен жігерін бейнелеген түрлі жанрдағы суреттер көпшілік назарына ұсынылды.Көрме кезінде 200-ге жуық жастардың қала күніне арналған жүрекжарды лебіздері жазылған "Тілек тақтасы" қала әкімдігіне сыйға тартылды.Бұл шара Қызылорданың көркем бейнесін жаңаша қырынан көрсетіп қана қоймай, жастардың өнерін, тілегін және отансүйгіш рухын айшықтады.<img src="https://knadmin.beoblood.kz/uploads/yzylorda_zhastar_alasy_7e59da1824.jpg" alt="Қызылорда - жастар қаласы.jpg">

Қызылорда - жастар қаласы 

<a href="https://kyzylorda-news.kz/">Kyzylorda-news.kz</a> «Марал-Нұр» ЖШС Қазақстан теміржол саласында жиырма жыл бойы сапалы қызмет етіп келе жатқан жетекші операторлардың бірі.Компания аймақаралық «Қызылорда – Павлодар» және «Жезқазған – Астана» бағыттарында тұрақты қатынастарды қамтамасыз етеді.Биыл Қызылорда қаласында заманауи «Цифрлық депо» кешенін іске қосу жоспарда бар. Дәл қазір 90% жұмысы аяқталған.Бұл жоба - жолаушылар вагондарын жөндеу мен техникалық қызмет көрсетуді жаңа деңгейге көтеруге бағытталған маңызды бастама.Кешеннің ерекшелігі - жөндеу процесінің барлығы цифрлық басқару жүйесі арқылы жүзеге асырылады. Бұл шешім қызмет сапасын арттырумен қатар, уақыт пен шығынды үнемдеуге мүмкіндік береді.<img src="https://knadmin.beoblood.kz/uploads/1_Temirzhol_salasynda_y_czifrly_d_uirge_adam_5920fe4eab.jpg" alt="1 Теміржол саласындағы цифрлық дәуірге қадам.jpg">

Теміржол саласындағы цифрлық дәуірге қадам

<a href="https://kyzylorda-news.kz/">Kyzylorda-news.kz</a> Облыс әкімінің төрағалығымен мәжіліс өтіп, онда «Міндетті әлеуметтік медициналық сақтандыру жүйесін жаңғырту» және «Көлеңкелі экономиканы төмендету шаралары туралы» мәселелер қаралды. Жиында көтерілген тақырыптар бойынша қала әкімдігінде шаһар басшысы Нұржан Ахатов алдағы міндеттерді пысықтады.Көлеңкелі экономиканы төмендету – қаланың салықтық түсімдерін ұлғайту мен экономикалық қауіпсіздігін қамтамасыз етудің басты шарты. Шаһарда көлеңкелі экономиканы азайту мақсатында кәсіпкерлерді салықтан жалтаруға қарсы және заңсыз бизнестен қорғау шаралары жүзеге асырылуда. Ағымдағы жылы 210 салық төлеушіден 2 125 жасырылған жұмысшы анықталып, бюджетке 511 млн. теңге қосымша түсім түскен. Сонымен қатар, мақсатына сай пайдаланылмаған 25 жер пайдаланушыға салық мөлшерлемесі 20 есеге арттырылып, 22,3 млн. теңге бюджетке өндірілген.<blockquote>«Біз кәсіпкерлік және басқа да жылжымайтын мүлік нысандарына қайта бағалау жүргізуді жалғастыруымыз керек. Сондықтан жұмыстарды шұғыл үйлестіріп, нысандарды толық түгендеп, қайта бағалау нәтижелерін салық базасына енгізуді қамтамасыз ету қажет», - деді Нұржан Сәбитұлы.</blockquote>Қызылорда қаласы бойынша «Д» санатында МӘМС-ті төлемеген адам саны жыл басынан 13 997-ден 16 199 ға өскен. Ал, «Е» санаты бойынша 6 426 дан 6 680-ге артқан. Бұл бағытта тиісті бөлімдер және кент, ауылдық округ әкімдіктері бірлесіп, жыл соңына дейін «Д», «Е» санатындағы азаматтардың санын азайту бойынша жұмыстарды жүргізетін болады.Жиында күн тәртібіндегі мәселелерден бөлек, жылу беру жайы мен «Қала күнін» мерекелеудің жоспары талқыланып, жауапты сала басшыларына бірқатар тапсырмалар жүктелді.

Өзекті мәселелер талқыланды

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев сол жағалауда бой көтерген 11 мың орындық заманауи стадионың құрылысына атсалысқан, нысанның сапалы салынуына үлес қосқан азаматтарға алғыс білдірді.<blockquote>«Президентіміздің қолдауымен салынған Қызылорда қаласындағы 11 мың орындық заманауи стадионымыз 4 қазан күні Қазақстан кубогының финалдық ойынымен салтанатты түрде ашылды. Тәуелсіздік жылдарында пайдалануға берілген еліміздегі үшінші стадион УЕФА-ның ІV санатты сертификатын алғанын ерекше мақтанышпен атап өтуіміз қажет. Айтулы шараға Туризм және спорт министрі, Парламент депутаттары, Қазақстан футбол федерациясының басшылық құрамы, қызметкерлері, бұқаралық ақпарат құралдары өкілдері, қадірлі қонақтарымыз арнайы келіп қатысты. Жұртшылық жаңа нысанға жоғары баға беруде.Негізі стадион құрылысы 3 жылға жоспарланған болатын. Мердігер мекеме өз жұмысын жоғары деңгейде ұйымдастырып, небәрі бір жарым жылдың ішінде, яғни белгіленген мерзімнен ерте әрі жоғары сапалы етіп салып бітірді.Құрылысты мерзімінен бұрын аяқтаған мердігер компания басшысы Қозбақов Исламғали Айтуарұлына, компания ұжымына барша Сыр жұртшылығының атынан алғысымызды білдіреміз», – деді Нұрлыбек Машбекұлы.</blockquote>Жиында Исламғали Қозыбақов «Қызылорда облысының дамуына қосқан үлесі үшін» медалімен және облыс әкімінің алғыс хатымен марапатталды.<img src="https://knadmin.beoblood.kz/uploads/1_Zha_a_stadion_rylysyna_les_os_an_azamattar_marapattaldy_93757853e1.jpg" alt="1 Жаңа стадион құрылысына үлес қосқан азаматтар марапатталды.jpg"><img src="https://knadmin.beoblood.kz/uploads/2_Zha_a_stadion_rylysyna_les_os_an_azamattar_marapattaldy_cdc8d6dc45.jpg" alt="2 Жаңа стадион құрылысына үлес қосқан азаматтар марапатталды.jpg">Облыстық құрылыc, сәулет және қала құрылысы басқармасының басшысы Ерлан Туралиевке, дене шынықтыру, спорт және туризм басқармасының басшысы Бахтияр Артаевқа, Қазақстан Республикасының еңбек сіңірген жаттықтырушысы Садық Мұстафаевқа облыс әкімінің құрмет грамотасы мен алғыс хаты табысталды.Фото: Қызылорда облысы әкімінің баспасөз қызметі

Архив

Қызылорда - жастар қаласы

Теміржол саласындағы цифрлық дәуірге қадам

Өзекті мәселелер талқыланды

Жаңа стадион құрылысына үлес қосқан азаматтар марапатталды