<a href="https://kyzylorda-news.kz/">Kyzylorda-news.kz</a> Облыстық мәслихаттағы «AMANAT» партиясы депутаттық фракциясының жетекшісі Нұрымбетов Жорабек Ибрагимұлы бүгін партия алаңында кестеге сай қабылдау өткізді.Қабылдау барысында тұрғындар Тасбөгет кентіндегі автомобиль жолдарын жөндеуге қатысты, мемлекеттің әлеуметтік қолдау шаралары мен көшеге атау беру сынды тақырыптарда өтініштері мен ұсыныстарын ортаға салды.Фракция жетекшісі азаматтардың мәселелері бойынша жан-жақты зерттеу жүргізіп, жүзеге асырылуына жұмыс жасайтынын жеткізді.Қала әкімдігінің жауапты қызметкерлерімен хабарласып, мәселені оңтайлы шешу бойынша ұсыныстар берді.Сонымен қатар, келушілерге партияның бағдарламасында қамтылған бағыттарды таныстырып, фракция тарапынан атқарылған жұмыстарды атап өтті.Қабылдау барысында аталған барлық мәселе жеке бақылауында болып, жүзеге асырылуы бойынша тиісті шаралар қабылданатынын жеткізді.

«AMANAT»: Фракция жетекшісі жеке қабылдау өткізді

Президент Түркі мемлекеттері ұйымының ХІІ саммитінде сөз сөйледі

<a href="https://kyzylorda-news.kz/">Kyzylorda-news.kz</a> Бүгінгі күннің талаптары – халықтың әлеуметтік қорғалуын күшейту мен экономикалық ашықтықты қамтамасыз ету. Осыған орай Қармақшы ауданы әкімдігінде аудан әкімі Жандос Еркінбектің төрағалығымен кезекті жиын өтті.&nbsp;Отырыстың күн тәртібінде Үкімет басшысы және облыс әкімінің төрағалығымен өткізілген кеңесте Міндетті әлеуметтік медициналық сақтандыру жүйесін жаңғырту және Көлеңкелі экономиканы азайту шаралары бойынша маңызды екі мәселе қаралды.Жандос Еркінбек өз сөзінде медициналық сақтандыру – әрбір азаматтың денсаулығын қорғауға бағытталған маңызды әлеуметтік бастама екенін атап өтті. Осы бойынша аудандық аурухананың бас дәрігері Бақытжан Нысанбаев МӘМС жүйесінің аудандағы іске асырылу барысы туралы қысқаша атап өтті.&nbsp;Аталған бағыттар аясында аудан әкімі тарапынан бірқатар нақты тапсырмалар жүктелді. Атап айтқанда, кент және ауылдық округ әкімдеріне аудандық ауруханамен бірлесе отырып, сақтандырылмаған тұлғалармен жеке жұмыс жүргізу және ақпараттық шараларды ұйымдастыру міндеттелді.Жиналыста сондай-ақ, жылу беру маусымына дайындық барысы талқыланды. Қазіргі таңда бұл мәселе- тұрақты күн тәртібінде. Осы бағытта аудандық тұрғын үй-коммуналдық шаруашылық, жолаушылар көлігі және автомобиль жолдары бөлімінің басшысы Бақытбек Жылтыров жылу беру маусымына дайындық, көмір қоры және тұрғындарды қамтамасыз ету жұмыстары бойынша ақпарат ұсындыЖиын соңында аудан әкімі күн тәртібінде қаралған мәселелер бойынша нақты тапсырмалар жүктеп, олардың орындалуын жіті бақылауда ұстау қажеттігін атап өтті.<blockquote>«Міндетті әлеуметтік медициналық сақтандыру, көлеңкелі экономиканы азайту мен жылу беру маусымына дайындық – тұрғындар өміріне тікелей әсер ететін маңызды бағыттар. Сондықтан бұл жұмыстар жүйелі әрі нақты орындалуы қажет. Әр сала басшысы өз жауапкершілігін сезініп, жұмысты сапалы ұйымдастыруы тиіс», – деді аудан әкімі Жандос Еркінбек.</blockquote>

Күн тәртібіндегі мәселелер қаралды

<a href="https://kyzylorda-news.kz/">Kyzylorda-news.kz</a> Арал ауданы әкімдігінің мәжіліс залында аудан әкімінің орынбасары Шерхан Есжановтың төрағалығымен аппарат мәжілісі өтіп, Үкімет отырысында көтерілген мәселелерге сәйкес бірқатар міндеттер айқындалды.Жиында міндетті әлеуметтік медициналық сақтандыру жүйесін жаңғырту және көлеңкелі экономиканы төмендету бойынша қабылданған шараларға сәйкес аудан әкімінің орынбасары Шерхан Жұбаханұлы әлеуметтік мемлекеттің басты ұстанымдарының бірі азаматтарды қолжетімді денсаулық сақтау қызметімен қамтамасыз ету екенін атап өтті.Бұл мақсатта елімізде 2020 жылдан бастап міндетті әлеуметтік медициналық сақтандыру жүйесі енгізілген. Жыл басында 11 285 азамат медициналық сақтандыру жүйесінде сақтандырылмаған, бұл аудан халқының 15,7 пайызын құрайды. Қазіргі таңда бұл көрсеткіш 869 азаматқа азайып, аудандар арасында жоғары көрсеткіштердің біріне қол жеткізілді.Аудан әкімінің орынбасары жұмысты бәсеңдетпей, аталған мәселеге байланысты ұсыныстарды әлі де пысықтай түсу қажеттігін жауаптыларға жүктеді.Үкімет отырысында қаралған маңызды мәселелердің бірі –көлеңкелі экономикамен күрес. Онымен күрес ұдайы жүргізіліп келе жатқанымен, заңсыздықтар әлі де азаймай отыр.Мәселен, 2025 жылдың І жартыжылдығында салық есептілігін «нөлдік» көрсеткішпен 900 жеке кәсіпкер тапсырған. Сондай-ақ, жыл басынан бері алкоголь және темекі өнімдерін заңсыз сатумен айналысқан 21 тұлға анықталып, тиісті айыппұл салынған.Осындай олқылықтардың салдарынан экономикалық дамудың тұрақтылығына нұқсан келіп жатқаны жасырын емес. Осы мәселе төңірегінде бірқатар ұсыныстарды назарға алған аудан әкімінің орынбасары Ш.Есжанов көлеңкелі экономиканың деңгейін төмендету мақсатында батыл қадамдарға барып, заңсыздықтардың жолын кесу үшін нақты шешімдер қабылдау қажеттігін жеткізді.Жиын соңында көтерілген мәселелерге сәйкес жауапты тұлғаларға бірқатар тапсырмалар жүктеген аудан әкімінің орынбасары Шерхан Жұбаханұлы әркез мәселені бақылауда ұстайтынын атап өтті.<img src="https://knadmin.beoblood.kz/uploads/Bir_atar_tapsyrma_berildi_2_e25ff908b7.webp" alt="Арал ауданы.webp">

Бірқатар міндеттер нақтыланды

<a href="https://kyzylorda-news.kz/">Kyzylorda-news.kz</a> Бүгін ҚР Премьер-министрі Олжас Бектеновтің төрағалығымен Үкімет отырысы өтті. Күн тәртібінде міндетті әлеуметтік-медициналық сақтандыру жүйесін жаңғырту, көлеңкелі экономиканы төмендету шаралары талқыланды. Оған облыс әкімі Нұрлыбек Нәлібаев &nbsp;селекторлық режим арқылы қатысты. Отырыстан кейін осы және өзге де мәселелелер бойынша сала басшыларына тапсырмалар жүктеді.<blockquote>«Жылдың аяқталуына аз уақыт қалды. Тиісті шаралар қабылданып, міндетті әлеуметтік-медициналық сақтандыру саласының негізгі нысаналы индикаторлары толық орындалуы керек. Арнайы санаттағы азаматтарды жұмыспен қамту, сақтандыру, жалпы әлеуметтендіру өте маңызды. Президентіміз экономикаға қауіп төндіріп, залал келтіретіндердің жолын кесу шараларын үздіксіз жүргізуді тапсырғаны белгілі. Жоспарланған жұмыс көлемінің нақты орындалуы, бюджет қаржысының мақсатты пайдаланылуы бюджеттік бағдарлама әкімшілерінің, «Байқоңыр» әлеуметтік-кәсіпкерлік корпорациясының, мемлекеттік кірістер, ішкі мемлекеттік аудит департаменттерінің ұдайы бақылауында болуы тиіс. Бюджеттік бағдарлама әкімшілері қаржы бөлінгеннен бастап түпкілікті нәтижеге қол жеткізілгенге дейінгі іс-қимылдарды цифрландырып, оның ашықтығын қамтамасыз етуі керек. Тұрақты мониторинг жүргізіліп, бюджет қаржысы мақсатты жұмсалуы қажет. Мемлекеттік кірістер департаменті Қызылорда қаласы, аудан әкімдіктерімен бірлесіп, заңсыз айналымдардың алдын алу шараларын күшейтіп, мемлекеттік бюджетке түсетін түсімдер көлемін арттырыңыздар. Жылу беру маусымының басталуына бір апта уақыт қалды. Өткен мәжілісте көмір қорын жасақтауды тапсырғанмын. Жылу беру маусымында қатты отын, көмір қорына қатысты ешқандай мәселе туындамауы тиіс. Көмір жеткізу, қажетті қорды жасақтау жұмыстарын күшейтіңіздер. Биыл бюджеттен тұрғын үй құрылысы мен жеке салушылардан дайын 3 800 пәтерді сатып алуға 58 млрд. 785 млн. теңге қаржы бөлінді. Жаңа тұрғын үйлердің сапасына қатысты да ешқандай мәселе болмауы тиіс», – деді Нұрлыбек Машбекұлы.</blockquote>

Міндетті әлеуметтік-медициналық сақтандыру және көлеңкелі экономиканы төмендету мәселелері талқыланды

<a href="https://kyzylorda-news.kz/">Kyzylorda-news.kz</a> Қазалы ауданының әкімі Алмасбек Есмаханов Ақжона және Алға ауылдық окургтеріне барып, елді мекендердің тыныс тіршілігімен танысты. Алдымен ауыл тұрғындарымен кездесіп, олардың ұсыныс-пікірлерін тыңдады. Қатар жатқан екі ауылдыңда тұрғындары өздерінің ұсыныс-пікірлерін айтпас бұрын, ауылда атқарылып жатқан жұмыстардың барлығына ризашылықтарын жеткізіп, аудан басшысы мен барша ел азаматтарының жұмыстарына сәттілік тіледі.&nbsp;Кездесу барысында Алмасбек Әбілқасымұлы ауданда аймақ басшысы Нұрлыбек Машбекұлының тікелей қолдауымен жүзеге асып жатқан бірқатар жобалар жайында сөз қозғап, алдағы жоспарлармен бөлісті.Аудан әкімі тұрғындармен кездесуден соң ауылдық округтерде орналасқан мектеп, балабақша, дәрігерлік амбулатория, спорт кешені сынды әлеуметтік нысандарға барып, олардың бүгінгі жай-күйіне қанық болды. Сонымен қатар әлеуметтік нысандардың жылу беру маусымына дайындығында пысықтады.&nbsp;Әлеуметтік нысандарды аралау барысында білім ошақтарындағы асханаларыныңда жайын көріп, мектеп директорларына асханалардағы санитарлық тазалық мәселесіне аса мән беру керектігін ескертті.&nbsp;Аудан басшысы Ақжона ауылдық округін аралау барысында ауылда салынып жатқан типтік жобадағы 100 орындық ауылдық клубтың құрылысын көрді. Бүгінде ондағы құрылыс-монтаж жұмыстарының 70 пайызы аяқталған. Аудан әкімі мердігер мекеме «Намыс - Құрылыс» ЖШС-нің басшысына құрылыс жұмыстарының сапасына мән беріп, бірқатар кемшіліктерді шұғыл қалпына келтіруді тапсырды.<img src="https://knadmin.beoblood.kz/uploads/T_r_yndarmen_kezdesu_azaly_2_3e93368a2a.jpg" alt="Тұрғындармен кездесу Қазалы 2.jpg">

Тұрғындармен кездесіп, ұсыныс-пікірлерін тыңдады

<a href="https://kyzylorda-news.kz/">Kyzylorda-news.kz</a> ҚР Бала құқықтары жөніндегі уәкіл Динара Закиева 2025 жылғы 7 қазанда екі жыл бұрын мемлекет басшысының балаларға қатысты зорлық-зомбылықтың барлық түрі үшін жазаны қатаңдатуды тапсырғанын еске алып, осы уақыт ішінде қандай жұмыстар атқарылғанын айтып берді, деп хабарлайды <a href="https://kaz.zakon.kz/kogam-tynysy/6069283-dinara-zakieva-balalara-atysty-ylmystardy-azayanyn-mlmded.html">Zakon.kz</a>.Оның айтуынша, осыған дейін балалардың қауіпсіздігін қамтамасыз етуге бағытталған тұтас жүйені қалыптастыру үшін қажетті заңдар, бағдарламалар мен қаулылар қабылданды.<blockquote>"Қазір әкімдіктер құрылымында Балалардың құқықтарын қорғау басқармалары, отбасын қолдау орталықтары, мобильді топтар құрылып, қорғаншылық органдарының қызметкерлері саны артып келеді. Мемлекеттік байланыс орталығы іске қосылып, мектептерде QR 111 жүйесі арқылы балалармен тікелей байланыс орнату тәсілі енгізілді. Бүгінгі басты міндет – қабылданған барлық шараларды сапалы жүзеге асыру. Осы бағытта Мемлекеттік кеңесші Е.Т. Қариннің жетекшілігімен мемлекеттік органдар және әкімдіктермен бірлескен ауқымды жұмыс жүргізілуде",- деп жазды ол.</blockquote>Балалар обдусмені аймақтарда осы шараларды іске асыру барысында олар шешімді қажет ететін жүйелі мәселелермен қатар, қысқа уақыт аралығында орын алған оң өзгерістерді де көретіндігін атап өтті.<blockquote>"Ағымдағы жылдың 9 айының қорытындысы бойынша Қылмыстық кодекстің бес бабы бойынша балалардың жыныстық тиіспеушілігіне қарсы қылмыстар саны 18%-ға азайды, ал тек өмір бойына бас бостандығынан айыру жазасы қалдырылған педофилия фактілері 24%-ға төмендеді. "Адам өлтіру" және "Ауыр зиян келтіріп, өлімге әкелген" баптар бойынша қылмыстар саны сәйкесінше 22%-ға және 50%-ға азайды. Балаларға қатысты ауыр және аса ауыр қылмыстардың азаюы – қабылданған шаралардың тиімділігінің айғағы. Алайда әр статистикалық көрсеткіштің артында – бір баланың тағдыры тұр. Біздің мақсатымыз – әр баланың өмірі үшін күресу, мұндай қылмыстардың болмауы үшін барлық күш-жігерімізді салу, – деді Динара Закиева.</blockquote>Сондай-ақ, ол балалар арасындағы суицидтің алдын алу мәселесіне ерекше назар аударылуда екенін айтты.<blockquote>"Барлық өңірде Психологиялық қолдау орталықтарының ашылуы және біртұтас профилактикалық бағдарламаның енгізілуі жағдайды тұрақтандыра бастады. Кейінгі 10 жылда алғаш рет Алматы облысында кәмелетке толмағандар арасында суицид жағдайының айтарлықтай азаюы жағдайы тіркелді. Дегенмен, алда әлі көп әрі мұқият атқарылуы тиіс жұмыс тұр. Негізігі себептерді терең зерттеп, тәуекелдерді уақытылы анықтап, балаларға сапалы сүйемелдеу мен психологиялық көмек көрсетуді қамтамасыз ету қажет",- деп мәлімдеді ол.</blockquote>Закиеваның сөзінше, балалар суицидтерінің 60%-ы отбасындағы қиын қарыс-қатынастармен байланысты.<blockquote>"Сондықтан бізге келіп түсетін немесе балалар өз өмірлерін қию алдында қалдырып кететін мыңдаған хаттар мен хабарламаға сүйене отырып, өз отбасынан түсіністік пен жылу таппаған, кінә мен қорқыныштан жалғыз қалған балалардың үнін жеткізе отырып, мен ата-ана мен барлық ересектерге үндеу жасағым келеді. Балаға ең керегі – сіздердің махаббаттарыңыз, қамқорлықтарыңыз және түсініспеншіліктеріңіз. Бала әрқашан сіздердің оның қасында екенін, оның жалғыз еместігін, қандай жағдай болмасын отбасының қолдауы мен қорғауын сезінуі керек",- деп қорытындылады Закиева.</blockquote>Фото: Нұрболат Нұржаубай

Динара Закиева балаларға қатысты қылмыстардың азайғанын мәлімдеді

<a href="https://kyzylorda-news.kz/">Kyzylorda-news.kz</a> Қазалы ауданының әкімі Алмасбек Есмаханов Ақтан батыр, Жанқожа батыр және Бекарыстан би ауылдарын аралап, тұрғындармен кездесті. Аталмыш ауылдардың тыныс-тіршілігімен танысып, әлеуметтік нысандардың жай-күйін көрді.Аудан әкімі елді мекендерді аралау барысында әрбір ауылдағы күрделі жөндеуді қажет ететін әлеуметтік нысандар мен жолдарды көрді. Бұған қатысты ауыл әкімдері мен тиісті сала басшыларының пікірін тыңдады. Кейбір нысандарға қатысты тиісті құжаттарды әзірлеп, бюджеттік өтінім беруді тапсырды.&nbsp;Бүгінде аудан басшысы аялдаған Жанқожа батыр ауылы мен Бекарыстан би ауылына кіреберіс жолға күрделі жөндеу жұмыстары жүргізілуде. Аталған жолдардағы жөндеу жұмыстары жақын күндері толықтай аяқталады. Мұнан бөлек, Бекарыстан би ауылында спорт кешені салынып, дәрігерлік амбулаторияға күрделі жөндеу жұмыстары жүргізілуде.&nbsp;Аудан басшысы құрылыс нысандары мен жол жөндеу жұмыстарын тезірек сапалы етіп аяқтап, ауыл халқына пайдалануға беру Алмасбек Әбілқасымұлы Ақтан батыр, Жанқожа батыр, Бекарыстан би, Ү.Түктібаев және Майдакөл бағытындағы жүргізіліп жатқан магистралды газ жеткізу жұмыстарыменде танысып, мердігер мекеменің жауапты өкілдерімен кездесті. Газ жеткізу жұмыстары халықтың көптен күткен қуанышы екенін жеткізген аудан басшысы, бұл жұмыстарды да тезірек аяқтап, ел игілігіне пайдалануға беру керектігін айтты.&nbsp;Ауылдарда өткен кездесулерде тұрғындар аудан басшысының жұмысына сәттілік тілеп, ауылдардың әлеуметтік жағдайын жақсарту бағытындағы жұмыстарға бірлесе атсалысатындығын жеткізді. Ал, ауыл ақсақалдары елдегі жағдайды жеткізіп, ауызбіршіліктің арқасында елді мекендер күн өткен сайын көркейіп келе жатқанын айтты.<img src="https://knadmin.beoblood.kz/uploads/azaly_t_r_yndarmen_kezdesu_2_3b45aa570f.jpg" alt="Қазалы тұрғындармен кездесу 2.jpg"><img src="https://knadmin.beoblood.kz/uploads/leumettik_nysandar_azaly_1d18774796.jpg" alt="Әлеуметтік нысандар Қазалы.jpg">

Әлеуметтік нысандардың жай-күйімен танысты

<a href="https://kyzylorda-news.kz/">Kyzylorda-news.kz</a> 2025 жылғы 10 мен 20 қазан аралығында Қаржы мониторингі агенттігі «Заң мен Тәртіп» және «Адал Азамат» тұжырымдамаларын ілгерілету мақсатында, «AMANAT» партиясының «Қарызсыз қоғам» жобасы мен Halyk Bank қолдауымен республикалық қаржылық қауіпсіздік бойынша диктант өткізеді.Диктант мақсаты – халықтың қаржылық сауаттылығын арттыру. Тест нәтижесінде әрбір азамат алаяқтық схемалардан қорғану дағдыларын меңгереді.Диктант онлайн тест форматында өтеді. Сұрақтар күрделілігіне қарай бірнеше деңгейге бөлінген. Диктантқа кез-келген адам қатыса алады. Қатысушылар тестті бірнеше мәрте өтуге құқығы бар, сондай-ақ алдын-ала оқу материалдарымен танысу мүмкіндігі бар.Диктантты өткен әрбір қатысушыға сертификат табысталады. Қысқа уақытта ең жоғары балл жинағандарға шараның ресми серкітесі Halyk Bank &nbsp;атынан арнайы сыйлықтар қарастырылған.«ФинIQ» республикалық диктантына қосылыңыз – қаржылық сауаттылығыңызды арттырыңыз!https://amlacademy.kz/finiq

ФинIQ – қаржылық сауаттылық деңгейін анықтайтын тест

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінің «Медиа орталық» жетекшісі м.а. қызметіне Бекенов Қамбар Ғалымұлы тағайындалды.&nbsp;Қамбар Ғалымұлы 1985 жылы 12 шілдеде Қызылорда қаласында дүниеге келген.&nbsp;2002-2007 жылдар аралығында Әл-Фараби атындағы Қазақ Ұлттық университетінің филология факультетінде «Лингвистика» мамандығы бойынша білім алған.2007-2012 жж. – «Қазақстан» РТРК АҚ Қызылорда облыстық телеарнасының «жаңалықтар» бөлімінде редактор, диктор, редактор-стилист қызметін атқарған.&nbsp;2012-2025 жж. - «Хабар» Агенттігі» АҚ 24 kz және Хабар телеарнасының Қызылорда облысы бойынша меншікті тілшісі болған.2025 жылдың басынан осы кезге дейін республикалық 7-арнаның Қызылорда облысы бойынша меншікті тілшісі қызметін атқарып келген.&nbsp;

Қамбар Бекенов – жаңа қызметте

<a href="https://kyzylorda-news.kz/">Kyzylorda-news.kz</a> Қызылорда облысының аумағында полиция қызметкерлері "Дәрмек" жедел-профилактикалық іс-шарасы аясында есірткі, психотроптық заттар мен прекурсорлардың заңсыз айналымы фактілерін анықтауға және жолын кесуге бағытталған бірқатар тексерулер жүргізді.&nbsp;Іс-шара барысында 48 дәріхана, 12 медициналық ұйым және прекурсорлар айналымына байланысты 23 ұйым тексерілді.&nbsp; Сондай-ақ фармацевтикалық қызмет, дәрілік заттар мен медициналық бұйымдар айналымы саласы ережелерін бұзудың 23 дерегі тіркелді.&nbsp;Полиция есірткі мен психотроптық заттардың заңсыз айналымы қоғамға елеулі қауіп төндіретінін және мұндай құқық бұзушылықтар үшін қатаң жауапкершілік қарастырылғанын ескертеді.Фото: Нұрболат Нұржаубай

Профилактикалық іс-шара аясында бірақатар тексерулер жүргізді

<a href="https://kyzylorda-news.kz/">Kyzylorda-news.kz</a> Арал ауданы тұрғындарының кәсіпкерлікке деген қызығушылығы жылдан жылға артып келеді. Бұрын жалақымен жан бағып келген тұрғындар бүгінде кәсіпкерліктің қыр-сырына терең бойлап, өз істерін ашуға бет бұрған. Қолынан іс келетін азаматтар кәсіптің көзін тауып, табысқа жетуде.Мұндай азаматтарға мемлекет тарапынан да зор қолдау көрсетілуде. Осы бағытта жұмыс істейтін аудандық кәсіпкерлік және өнеркәсіп бөлімі түрлі мемлекеттік бағдарламаларды жүзеге асыру арқылы азаматтарды кәсіпкерлікке баулып, нақты көмек көрсетуде. Нәтижесінде сала көрсеткіштері де айтарлықтай өсімге ие болды.Биылғы 1 қыркүйектегі дерек бойынша, аудандағы шағын және орта кәсіпкерлік субъектілерінің саны 4 984 бірлікті құрады. Бұл – кәсіпкерлікке деген оң көзқарастың айқын дәлелі. Оның ішінде 4 815 субъект белсенді жұмыс істеп тұр, бұл тіркелгендердің 96,6 пайызына тең.Сонымен қатар, шағын және орта бизнес саласында 7 462 адам жұмыспен қамтылған. Осы сектор бойынша 12,5 млрд теңгенің өнімі өндіріліп, өткен жылдың сәйкес кезеңімен салыстырғанда 67,1 пайызға өсім байқалды.Бөлшек және көтерме сауда көлемі де жыл сайын артып келеді. Ағымдағы жылдың қаңтар–тамыз айларында аудандағы сауда айналымы 23,6 млрд теңгеге жетіп, өткен жылдың тиісті кезеңімен салыстырғанда 9,3 пайызға артты.Өнеркәсіп және өңдеу өнеркәсібі саласында да тұрақты өсім бар. Атап айтқанда, аудан кәсіпорындары 23,6 млрд теңгенің өнімін өндіріп, өткен жылдың сәйкес кезеңімен салыстырғанда 9,3 пайыздық өсімге қол жеткізген. Оның ішінде өңдеу өнеркәсібі бойынша 15,4 млрд теңгенің өнімі өндіріліп, 11,5 пайызға өсім тіркелді.Ауданда кәсіпкерлік инфрақұрылымын жетілдіру, жаңа өндірістік аймақтар құру, жас кәсіпкерлерге арналған оқу бағдарламаларын ұйымдастыру және салаға цифрлық жүйелерді енгізу бағытында нақты жұмыстар атқарылуда.Бүгінде аудан кәсіпкерлігінің даму бағыты айқын. Басты мақсат жергілікті экономиканы әртараптандыру, жаңа жұмыс орындарын ашу және тұрғындардың табысын арттыру.<img src="https://knadmin.beoblood.kz/uploads/Aral_k_sipkerlik_cc825ef1cf.jpg" alt="Арал кәсіпкерлік.jpg">

Архив