<a href="https://kyzylorda-news.kz/">Kyzylorda-news.kz</a> &nbsp; Исатай Әбдікәрімов атындағы Жоғарғы политехникалық колледжінің бастамасымен ұйымдастырылған баспасөз туры аясында тілшілер қауымы вагон жөндеу депосына барды. Мұнда болашақ теміржол саласының мамандары - колледж студенттері тәжірибеден өтіп, дөңгелек жұптарын жөндеу ісіне тікелей араласып жүр.Жастардың өндірістік ортадағы алғашқы қадамдары олардың кәсіби машығын шыңдап қана қоймай, еңбек мәдениетін қалыптастыруға жол ашады. Шеберханаларда еңбек етіп жүрген студенттер үшін бұл - теорияны практикамен ұштастырудың таптырмас мүмкіндігі.Айта кетейік, Мемлекет басшысы 2025 жылды «Жұмысшы мамандықтар жылы» деп жариялаған болатын. Бұл шешім - кәсіби-техникалық білімге жаңа серпін беріп, еңбек адамының мәртебесін арттыруға бағытталған маңызды қадам. Ал аталған колледж бен вагон жөндеу депосының бірлескен жұмысы осы бастаманың нақты көрінісіндей.Оқу ордасының өкілдері де студенттердің өндірістік тәжірибеге қатысуы - олардың болашақта бәсекеге қабілетті маман болып қалыптасуына ықпал ететінін атап өтті.

Жұмысшы мамандықтарына жаңа серпін: Студенттер вагон жөндеу депосында тәжірибе жинап жүр

<a href="https://kyzylorda-news.kz/">Kyzylorda-news.kz</a> &nbsp;2025 жылғы 17 қыркүйекте аудан әкімінің орынбасары Шыңғыс Әбділәмитұлы аудан орталығы – Жосалы кентінде абаттандыру бағытында жүзеге асырылып жатқан бірқатар әлеуметтік және инфрақұрылымдық нысандарды аралады.Аралау барысында жаңа бағдаршамдар орнату орындарын белгілеу, жаяу жүргіншілерге арналған тротуарлар төсеу, балалар және спорт алаңдарын орнату, сондай-ақ қоғамдық қауіпсіздікті қамтамасыз етуге бағытталған өзге де мәселелер қаралды.Нысандарды аралау кезінде нақты тапсырмалар беріліп, жұмыс сапасын арттыру, белгіленген мерзімдерге сәйкестігін қамтамасыз ету, қауіпсіздік нормалары мен құрылыс стандарттарының қатаң сақталуын бақылау жөнінде жауапты құрылымдық бөлімдерге міндеттер жүктелді.Абаттандыру жұмыстары – аудан әкімдігі қызметінің басты бағыттарының бірі. Бұл жұмыстардың негізгі мақсаты – тұрғындарға қауіпсіз, қолайлы және заманауи инфрақұрылыммен қамтылған қоғамдық орта қалыптастыру.

Қармақшы: Аудан орталығында абаттандыру жұмыстары қарқын алуда

&nbsp;Жеке кәсіпкерлік «Ханшайым» жетекшісі Смайлов Айбол Сагындыкович 2023 жылы кәсіпкерлік субъектісі ретінде ресми тіркелді. Жас кәсіпкер ауыл шаруашылығынан тыс салада – тұрмыстық химия өнімдерін, атап айтқанда кір сабын, иіс сабын және сұйық сабын өндіруді жолға қойған.Кәсіпорын 2023 жылы «2021-2025 жылдарға арналған кәсіпкерлікті дамыту жөніндегі ұлттық жоба» мемлекеттік бағдарламасы аясында 1 380 000 теңге көлемінде қайтарымсыз грант иегері атанды. Сонымен қатар, 2024 жылы «Ауыл аманаты» жобасы арқылы 8 миллион теңгеге қаржыландырылып, өндіріс көлемін ұлғайтуға және өнім ассортиментін кеңейтуге мүмкіндік алды.ЖК «Ханшайым» өнімдері жоғары сапаға ие болып, тұтынушылар арасында кең сұранысқа ие. Кір сабын, иіс сабын және сұйық сабын түрлері тұрмыстық қажеттіліктерді толық қамтып, жергілікті нарықта тұрақты орын алуда.Смайлов Айбол Сагындыкович – өз еңбегі мен табандылығының арқасында өңірдегі кәсіпкерліктің дамуына үлес қосып, ауылдағы өндірістің жаңа серпінін қалыптастыруға үлгі болып отыр.<img src="https://knadmin.beoblood.kz/uploads/550493552_1894807491082134_2342073350753461071_n_5d2842b6d6.jpg" alt="550493552_1894807491082134_2342073350753461071_n.jpg">Фото: Сырдария ауданы

Жергілікті өнімнің сапасы мен дамуы

Қиясы биік қаламгер

<a href="https://kyzylorda-news.kz/">Kyzylorda-news.kz</a> Қызылорда облысы бойынша Экономикалық тергеп-тексеру департаменті жүктілік пен бала күтіміне байланысты заңсыз әлеуметтік төлемдер алып берумен айналысқан түлғалардың қылмыстық әрекетін әшкереледі.&nbsp;Қызылорда қаласының тұрғындары Жанерке Әбдімәлікова және Жұлдызай Бакирова жүктілікке және босануға, сондай-ақ бала бір жарым жасқа толғанға дейін күтіміне байланысты табысынан уақытша айырылған әйелдерге арналған әлеуметтік төлемдерді еселеп алу үшін заңсыз схема ұйымдастырған. Олар жүкті әйелдерді белгілі бір жеке кәсіпкердің жалдамалы қызметкері ретінде көрсетіп, олардың атына міндетті зейнетақы жарналары мен әлеуметтік аударымдар аударған. Кейін жүктілікке және босануға байланысты еңбекке уақытша жарамсыздық парағын рәсімдеп берген. Нәтижесінде Ж. Әбдімәлікова 34 әйелге, Ж. Бакирова &nbsp;20 әйелге заңсыз құжат рәсімдеген.&nbsp;Тергеу барысында аталған азаматшалардың шын мәнінде жеке кәсіпкерлердің қарамағында жұмыс істемегені анықталды. Кәсіпкерлердің өздері жалдамалы қызметкерлер тізімінде бұл азаматшалар барын білмеген. Сонымен бірге, кәсіпкерлер электрондық цифрлық қолтаңбаларын (ЭЦҚ) тек салықтық есептілікті тапсыру үшін бергенін мәлімдеген.Сот үкімімен Заңның талабы қолданып Әбдімәлікова Жанеркеге 3 (үш) жыл 4 ( төрт) ай мерзімге, &nbsp;Бакирова Жұлдызайға 2 (екі) жыл 4 ( төрт) ай мерзімге шартты түрде сотталған.Қызылорда облысы бойынша экономикалық тергеп-тексеру департаменті

Декретке миллионмен: Жүкті әйелдерге заңсыз төлем алып берумен айналысқан қызылордалықтар сотталды

<a href="https://kyzylorda-news.kz/">Kyzylorda-news.kz</a> &nbsp;«Азаматтарға арналған үкімет» мемлекеттік корпорациясы мемлекеттік қызметтерді көрсету үдерістерін жетілдіруге және заманауи тәжірибелерді енгізуге бағытталған оқыту іс-шараларын тұрақты түрде өткізіп келеді.2025 жылдың басынан бері корпорация мемлекеттік органдардың қызметкерлеріне кәсіби дағдыларын дамытуға, сапалы әрі ашық мемлекеттік қызмет көрсетуге мүмкіндік беретін бірқатар оқытуларды іске асыруда.Аталған кезеңде корпорацияның фронт-офистерінде мемлекеттік орган өкілдерінің қатысуымен 43 оқыту іс-шарасы өткізілді. Бұл семинарлар тәжірибе алмасуға, бірыңғай жұмыс стандарттарын қалыптастыруға және қызмет көрсетудің жаңа тәсілдерін енгізуге ықпал етті.Сондай-ақ, 4-5 қыркүйек күндері Астанада «Таным» корпоративтік оқу орталығы екі күндік семинар өткізді. Бағдарлама kenes1414 және «е-Өтініш» білім базаларымен жұмыс, ішкі процестерді оңтайландыру және электрондық үкімет порталының сервистерін пайдалану мәселелерін қамтыды.Семинарға Бас прокуратураның Құқықтық статистика және арнайы есепке алу комитетінің өкілдері қатысып, мемлекеттік органдардағы өтініштерді тіркеу мен есепке алу тәртібін түсіндірді. Сонымен қатар Әділет министрлігінің мамандары Әкімшілік рәсімдік-процестік кодекстің қолданылуы бойынша түсіндірме жұмыстарын жүргізді. Практикалық бөлімде қатысушылар «е-Өтініш» жүйесі арқылы азаматтардың өтініштерімен жұмыс істеуді үйренді.Іс-шара қорытындысы бойынша қатысушыларға «е-Өтініш: азаматтардың өтініштерімен жұмыс істеу әдістемесі мен тәжірибесі» бағдарламасын аяқтағаны туралы сертификаттар табысталды.Осылайша, білім беру бағдарламаларын дамыту Мемлекеттік корпорация жұмысының маңызды бағытына айналып отыр. Бұл мемлекеттік қызметтердің сапасын арттыруға, қызметкерлердің кәсіби дамуына және заманауи тәжірибелерді енгізуге ықпал етеді.

Мемлекеттік корпорация қызмет көрсету сапасын арттыру үшін оқыту іс-шараларын ұйымдастыруда

<a href="https://kyzylorda-news.kz/">Kyzylorda-news.kz</a> Қармақшы ауданында «Руханият» орталығында Қазақстан Республикасының Президенті Қасым-Жомарт Кемелұлы Тоқаевтың «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу» атты Қазақстан халқына Жолдауын талқылауға арналған аудан активінің отырысы өтті.Жиынды аудан әкімі Жандос Еркінбек ашып, Мемлекет басшысының биылғы Жолдауында ел экономикасының барлық салаларын жаңғырту мақсатында цифрландыру мен жасанды интеллект технологияларын жедел енгізуге ерекше назар аударылғанын атап өтті.Жолдауда айқындалған міндеттер негізінде аудандық мәслихат төрағасы Әділ Қошалақов еліміздің экономикалық және қоғамдық-саяси дамуына тың серпін беретін бастамаларға тоқталып өтсе, «Жаңажол» ЖШС-нің төрағасы Төлепов Орынбасар ауыл шаруашылығы саласында суды үнемдеу, озық технологияларды енгізу және инвестициялық белсенділік шаралары туралы сөз сөйледі. Сондай-ақ білім беру саласын цифрландыру мен жасанды интеллектіні дамыту жөнінде аудандық оқушылар үйінің директоры Құралай Манасова баяндама жасаса, «Ұлт бірлігі – Қармақшы» қоғамдық бірлестігінің және аудандық ақсақалдар кеңесінің төрағасы Шегебай Құндақбаев жағымсыз әдеттерден арылып, мәдениетті және өркениетті қоғам қалыптастыру мәселелерін көтерді.Президенттің Жолдауын талқылау барысында аудан әкімі актив отырысында негізгі 7 бағыттар бойынша жұмыстарды үйлестіріп, орындауды міндеттеді.Мәселен, Мемлекет басшысы экономиканы әртараптандыру және шағын, орта бизнесті қолдау мәселесіне ерекше тоқталған болатын. Аудан әкімі бұл бағытта ауданға инвестиция тарту, өнімдерді өңдеу, жаңа жұмыс орындарын ашу міндеттері бойынша аудандық кәсіпкерлік және өнеркәсіп бөлімі жүйелі әрі нәтижелі жұмыстар жүргізуі қажеттігін тапсырды.Жолдауда игерілмей бос жатқан ауыл шаруашылығы жерлерін мемлекет меншігіне қайтару туралы да сөз болды. 2024 жылы мемлекет меншігіне қайтарылған ауыл шаруашылығы мақсатындағы жерлерді қайта айналымға енгізу жұмыстарын аудандық ауыл шаруашылығы және жер қатынастары бөлімі толық аяқтауы тиіс. Аудан әкімі бұл жерлердің тек тиімді пайдалана алатын азаматтарға берілуі керектігін баса айтты.Сонымен қатар, тұрғын үй-коммуналдық шаруашылығы мен инфрақұрылымның тозу деңгейін төмендету мәселесі көтерілді. Биыл Иіркөл ауылында электр желілерінің құрылысы жүргізілсе, аталған жұмыс Дүр Оңғар ауылында қазан айында аяқталып, пайдалануға беріледі. Аудан әкімі аталған жобалардың сапалы әрі мерзімінде аяқталуын талап етті.Сонымен қатар, су тапшылығы мәселесін шешу бағытында 2026–2028 жылдары су үнемдеу технологияларын енгізу көзделген. Бұған қоса, Ақтөбе және Ақжар ауылдарындағы тозығы жеткен су насос қондырғылары жаңартылып, екі дана ұңғыма насосы орнатылғаны атап өтілді. Аудан басшысы бұл жобалардың сапалы әрі уақытылы іске асырылуын қамтамасыз ету қажеттігін талап етті.Президенттің мектеп оқушыларына арналған жасанды интеллект негіздері бойынша оқу бағдарламаларын әзірлеу тапсырмасына сәйкес, аудандық білім бөліміне білім сапасын арттыру жұмыстарын күшейту жүктелді.Жиынды қорытындылай келе аудан әкімі Жандос Еркінбек: «Біз ашық бәсекелестік пен тең мүмкіндікке негізделген Әділетті Қазақстанды бірге қалыптастырудамыз. Баршаңызды ел игілігі жолындағы жұмысты жоғары жауапкершілікпен атқаруға шақырамын», — деп сөзін түйіндеді.Фото: Қармақшы ауданы

Мемлекет басшысының Жолдауын іске асыру бойынша нақты тапсырмалар жүктелді

<a href="https://kyzylorda-news.kz/">Kyzylorda-news.kz</a> &nbsp; Қорқыт ата атындағы Қызылорда университетінің студенті Дильназ Ашықбай грепплинг спортынан өткен Әлем чемпионатында 1-орынға ие болды.Чемпионат 16–17 қыркүйек күндері Ақтау қаласында өтті. Дүбірлі додаға 25 мемлекеттен 700-ден астам спортшы қатысқан болатын. Қайсар мінезі мен төзімділігінің арқасында Дильназ қарсыластарына дес бермей, 1-орынды иеленді.Бұл жеңіс – студенттің тынымсыз еңбегінің жемісі әрі университеттің спорттағы жетістіктерінің айқын дәлелі.

Дильназ Ашықбай – Әлем чемпионы

<a href="https://kyzylorda-news.kz/">Kyzylorda-news.kz</a> &nbsp;«AMANAT» &nbsp;партиясының облыстық филиалының атқарушы хатшысы Ләйлә Төрешова, партияның облыстық филиалы жанындағы сыбайлас жемқорлыққа қарсы іс –қимыл жөніндегі кеңес төрағасының орынбасары Берікбол Байхожаев, партиялық бақылау инспекторы Алтынбек Жарылқасынов бейнебайланыс режимінде «AMANAT» партиясының жанындағы Сыбайлас жемқорлыққа қарсы іс-қимыл жөніндегі Республикалық кеңестің көшпелі отырысына қатысты.Маңғыстау облысында өткен көшпелі жиында Мемлекет басшысының «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу» атты Қазақстан халқына Жолдауынан туындайтын негізгі міндеттер талқыланып, оны жүзеге асырудың жолдары пысықталды.Жиында «AMANAT» партиясының жанындағы Сыбайлас жемқорлыққа қарсы іс-қимыл жөніндегі Республикалық кеңестің төрағасы Ерлан Саиров, Маңғыстау облысының әкімі Нұрдәулет Қилыбай, «AMANAT» партиясының жанындағы Сыбайлас жемқорлыққа қарсы іс-қимыл жөніндегі Республикалық кеңестің мүшесі Абзал Құспан, сондай-ақ жер қатынастары саласындағы проблемалар төңірегінде «Риза-Ана» қоғамдық қорының директоры Бибігүл Рамазановлар сөз алып, ойларымен бөлісті.&nbsp;

Сыбайлас жемқорлыққа қарсы іс-қимыл жөніндегі Республикалық кеңестің көшпелі отырысы өтті

<a href="https://kyzylorda-news.kz/">Kyzylorda-news.kz</a> &nbsp;Президент Қазақстан ұлттық құрамасының мүшелерін Әлем чемпионатындағы тамаша жеңісімен құттықтап, бұл еліміз үшін тарихи оқиға, халқымыз үшін үлкен қуаныш екенін атап өтті.<blockquote>– Қазақстан 68 мемлекеттің арасынан үздік шығып, бірінші орынға ие болды. Әлемдік бәсекеде Әнұранымыз жеті рет шырқалды, Көк туымыз жеті рет желбіреді. Барша жұртымыз сіздерге тілеулес болды. Әрине, кілең мықтылар жиналған жаһандық аламанда топ жару оңай емес. Бұл жетістік жылдар бойғы табанды еңбекпен, маңдай термен келгені анық. Біздің ұл-қыздарымыз бокстың отанына барып, өздерінің нағыз мықты спортшы екенін дәлелдеді. Санжар Тәшкенбай және Махмұд Сабырхан әлемнің екі дүркін чемпионы атанды. Төрехан Сабырхан мен Айбек Оралбайдың ерекше өнеріне жаһан жұрты тәнті болды. Боксшы қыздарымыз әлемдік жарыста шеберліктің озық үлгісін көрсетті. Алуа Балқыбекова, Аида Әбікеева және Наталья Богданова алтын медаль алып, жеңіс тұғырына көтерілді. Назым Қызайбай шаршы алаңға бірінші болып шығып, елімізге ақжолтай жүлде әкелді. Виктория Графеева және Елдана Тәліпова қола медаль жеңіп алды. Мен баршаңызға шынайы ризашылығымды білдіремін. Қайрат Сәтжанов, Елдос Сайдалин бастаған бапкерлерге және басқа да мамандарға зор алғыс айтамын, – деді Қасым-Жомарт Тоқаев.</blockquote>Мемлекет басшысы Туризм және спорт министрлігі мен Ұлттық Олимпиада комитеті көп жұмыс атқарғанына тоқталып, Қазақстан Бокс федерациясының еңбегін ерекше атап өтті.<blockquote>– Біз үшін жекпе-жек спортының орны қашанда бөлек. Соның ішінде әйгілі Шоқыр Бөлтекұлы негізін қалаған қазақ боксының өз тарихы бар. Өткен ғасырдың ортасынан бері көптеген спортшымыз әлемді мойындатты. Тәуелсіздік кезеңінде аға буынның даңқты жолы үзілген жоқ. Жазғы олимпиада ойындарынан ел қоржынына түскен 15 алтынның жетеуі – боксшыларға тиесілі. Бұл сабақтастық болашақта лайықты жалғасын табады деп сенеміз. Оған барлық мүмкіндік бар, – деді Президент.</blockquote>Қасым-Жомарт Тоқаев елімізде жастардың спортпен шұғылдануына жағдай жасалғанын, инфрақұрылымды жақсартуға баса мән беріліп жатқанын айтты.<blockquote>– Балаларға арналған жаттығу залдары, үйірмелер ашылуда. Ауылдық жерлерде заманға сай спорт кешендері бой көтеруде. Менің тапсырмаммен биыл Ұлттық спорт университеті ашылады. Боксты дамытуға арналған нақты шаралар қолға алынып жатыр. Жалпы, біздің еліміздің бокстағы әлеуеті орасан зор. Мұны әлемдік спорт қауымдастығы да мойындайды. Спортшыларымыз – өте дарынды, әлем чемпиондары аз емес. Сондықтан мемлекет боксқа басымдық беріп, оны ұдайы назарда ұстайды. Осы бағыттағы жұмыс жүйелі түрде жүргізілуге тиіс. Біз боксты ұлттық спорт деңгейіне көтеруіміз керек. Бұл – өте маңызды міндет, – деді Мемлекет басшысы.</blockquote>Президенттің айтуынша, World Boxing аясында алғаш рет өткен Әлем чемпионатындағы нәтиже – Ұлттық құраманың бірлескен жұмысының жемісі. Боксшылар, бапкерлер, менеджерлер, спорт дәрігерлері мен басшылар бірігіп, бүгінгі жетістікке жетті.<blockquote>– Сондықтан жеңіс тұғырынан көрінген спортшылармен қатар, бұл айтулы жеңіске үлес қосқан әрбір азаматты құрметтеуіміз керек. Бокстағы жоғары бәсекелестікті, сондай-ақ оны дамытудың заманауи үдерістері пайда болғанын ескере отырып, Ұлттық құраманы даярлауға кәсіби мамандарды тартып, озық инновациялық шешімдерді белсенді енгізу қажет, – деді Мемлекет басшысы.</blockquote>Қасым-Жомарт Тоқаев даңқты спортшы Геннадий Головкинге боксты Олимпиада ойындарының бағдарламасына қайтаруға атсалысқаны үшін ризашылығын білдірді.<blockquote>– Әлемдік сайыста ел намысын қорғау – зор мәртебе әрі үлкен жауапкершілік. Сіздердің жеңістеріңіз жастардың спортқа деген құлшынысын арттырады. Спортшыларымыз ұлт саулығын жақсартуға үлес қосып жатыр деп айтуға болады. Чемпион болу – ел мерейін асыру деген сөз. Спортшылардың даңқы – барша халықтың даңқы. Олардың мәртебесі – бүкіл мемлекеттің мәртебесі. Сондықтан біз спортшыларымыздың әр жетістігін мақтан тұтуымыз керек. Бір ел болып, чемпиондарымызды ұлықтап, олардың еңбегін жоғары бағалап, қоғамда жан-жақты дәріптеуіміз қажет. Мұның бәрі спортты насихаттап, саламатты қоғам құру үшін өте маңызды. Мемлекет сіздерді әрдайым қолдайды, – деді Президент.</blockquote>Мемлекет басшысы әлемге әйгілі спортшы болу үлкен жауапкершілік жүктейтініне, жастардың чемпиондарға қарап бой түзейтініне назар аударды. Сондықтан сөзбен, іспен, күнделікті мінез-құлық, жүріс-тұрыспен, әдеп-дағдымен көпке үлгі болу өте маңызды деп атады.&nbsp;<blockquote>– Жастарды отаншыл, еңбекқор, білімпаз, тәртіпті, жинақы, ұйымшыл, жанашыр болуға баулу керек. Мен сіздерді чемпион деген атқа лайық еліміздің мықты спортшылары деп есептеймін. Жалпы, үлкен спортта биікке көтерілу оңай емес екені белгілі. Ал сол биікте қалу – одан да қиын жұмыс. Сондықтан жеткен жетістікке масайрап, босаңсуға болмайды. Алдымызда тұрған үлкен белес – Лос-Анджелестегі жаһандық дода. Олимпиаданың жеңіс тұғырына шығу – әр спортшының арманы. Бүкіл Қазақстан халқы сіздерге сенеді, үміт артады. Ел сенімін ақтау үшін қазірден бастап дайындыққа кірісу керек. Мен Ұлттық құраманың осы жеңісін Олимп шыңына бастайтын маңызды қадам деп санаймын, – деді Қасым-Жомарт Тоқаев.</blockquote>Салтанатты басқосуда Әлем чемпиондары Айбек Оралбай мен Наталья Богданова сөз сөйледі.Мемлекет басшысы Ливерпуль қаласында өткен ерлер мен әйелдер арасындағы бокстан әлем чемпионатындағы (World Boxing) спорттық жоғары жетістіктері үшін бір топ спортшы мен бапкерді марапаттады.«Құрмет» орденімен:1. Қарағанды облысы дене шынықтыру&nbsp;және спорт басқармасы Жоғарғы спорт шеберлігі мектебінің бокстан жаттықтырушысы Ислам Әбдірайымов;2.&nbsp; Туризм және спорт министрлігінің&nbsp;Спорт және дене шынықтыру істері комитеті Спортты дамыту дирекциясының нұсқаушы-спортшысы Аида Әбікеева;&nbsp;3. Туризм және спорт министрлігінің&nbsp;Спорт және дене шынықтыру істері комитеті Спортты дамыту дирекциясының нұсқаушы-спортшысы Алуа Балқыбекова;&nbsp;&nbsp;4. Туризм және спорт министрлігінің&nbsp;Спорт және дене шынықтыру істері комитеті Спортты дамыту дирекциясының нұсқаушы-спортшысы Наталья Богданова;5. Солтүстік Қазақстан облысы әкімдігінің&nbsp;дене шынықтыру және спорт басқармасы Жоғарғы спорт шеберлігі мектебінің бокстан жаттықтырушысы Дастан Қабденов;&nbsp;&nbsp;6. Туризм және спорт министрлігінің&nbsp;Спорт және дене шынықтыру істері комитеті Спортты дамыту дирекциясының бокстан жаттықтырушысы Нұржан Насанов;7.&nbsp; Туризм және спорт министрлігінің&nbsp;Спорт және дене шынықтыру істері комитеті Спортты дамыту дирекциясының нұсқаушы-спортшысы Айбек Оралбай;&nbsp;8. Шымкент қаласы дене шынықтыру&nbsp;және спорт басқармасы № 12 балалар мен жасөспірімдер спорт мектебінің жаттықтырушысы Ілияс Оралбеков;&nbsp;&nbsp;9. Туризм және спорт министрлігінің&nbsp;Спорт және дене шынықтыру істері комитеті Спортты дамыту дирекциясының нұсқаушы-спортшысы Махмұд Сабырхан;10. Туризм және спорт министрлігінің&nbsp;Спорт және дене шынықтыру істері комитеті Спортты дамыту дирекциясының нұсқаушы-спортшысы Төрехан Сабырхан;&nbsp;11. Туризм және спорт министрлігінің&nbsp;Спорт және дене шынықтыру істері комитетінің Спортты дамыту дирекциясы бокстан Қазақстан Республикасының ұлттық құрама командасының бас жаттықтырушысы Елдос Сайдалин;12.&nbsp;Туризм және спорт министрлігінің&nbsp;Спорт және дене шынықтыру істері комитетінің Спортты дамыту дирекциясы бокстан Қазақстан Республикасының ұлттық құрама командасының бас жаттықтырушысы Қайрат Сәтжанов;13. Туризм және спорт министрлігінің&nbsp;Спорт және дене шынықтыру істері комитеті Спортты дамыту дирекциясының нұсқаушы-спортшысы Санжар Тәшкенбай марапатталды.«Ерен еңбегі үшін» медалі:1. Туризм және спорт министрлігінің&nbsp;Спорт және дене шынықтыру істері комитеті Спортты дамыту дирекциясының нұсқаушы-спортшысы Виктория Графееваға;2. Алматы қаласы спорт басқармасы&nbsp;№ 6 Олимпиадалық резервтегі балалар-жасөспірімдер мамандандырылған мектебінің жаттықтырушы-оқытушысы Нұрлан Мұхамбетқалиевқа;3. Туризм және спорт министрлігінің&nbsp;Спорт және дене шынықтыру істері комитеті Спортты дамыту дирекциясының нұсқаушы-спортшысы Елдана Тәліповаға берілді.Қазақстан Республикасы Президентiнiң Алғысы:1. Туризм және спорт министрлігінің&nbsp;Спорт және дене шынықтыру істері комитеті Спортты дамыту дирекциясының бокстан жаттықтырушысы Асқар Еркебаевқа;2. Туризм және спорт министрлігінің&nbsp;Спорт және дене шынықтыру істері комитеті Спортты дамыту дирекциясының нұсқаушы-спортшысы Назым Қызайбайға;&nbsp;&nbsp;3. Туризм және спорт министрлігінің&nbsp;Спорт және дене шынықтыру істері комитеті Спортты дамыту дирекциясының бокстан жаттықтырушысы Долкунжан Камековке жарияланды.

Мемлекет басшысы бокстан Әлем чемпионатының жеңімпаздары мен жүлдегерлерін марапаттау рәсіміне қатысты

<a href="https://kyzylorda-news.kz/">Kyzylorda-news.kz</a> &nbsp;Отбасы – өнегенің өзі,тәрбиенің көзі.Оттың басында бойыңа сіңген тәлім-тәрбие бүкіл бітім-болмысыңды айшықтайды. Қазақтың тәрбиесі қалпыңды қалыптастырмаса, қадіріңді қашырмайтыны анық. Ақылдың кені болған ақсақалдар мен тәлімнің тетігі болған аналарымыздан үлгі-өнеге жұғым еткеннің ісі ілгерілеп, тіршілігі татымды болары хақ. “Бесікте жатқаныңда-ақ берген білім” дегендей тәрбиенің түп тамыры шаңырақта. Ал “Мерейлі отбасы” байқауы берекесі ұйысқан шаңырақтарды насихаттауға бағытталған. Биыл 11-ші рет өткізілгелі жатқан байқаудың тамыры тереңде. Ұлттық байқаудың облыс кезеңінің жеңімпаздары анықталды. Шараға облыс әкімінің орынбасары Мейрамбек Шермағанбет қатысып, отбасылық құндылықтың маңызы мен тәрбиелік тағылымы туралы орамды ойын жеткізді. Сондай-ақ республикалық кезеңге жолдама алған отбасыларды марапаттады.<blockquote>– Отбасы – ұрпақтар сабақтастығы мен адам бойындағы рухани-адамгершіліктің бастауы. Тек берік отбасылық дәстүрге орныққан ел ғана мызғымас мемлекет бола алады. Елдің бірлігі мен ынтымағы ең алдымен отбасыдан бастау алады. Әке – шаңырақ иесі, ана – отбасының жүрегі, бала – ертеңгі болашағымыз. Осы үштаған бірлікте болса, мемлекетіміз қуатты, қоғамымыз тұрақты болады. Ұлт қайраткері Мағжан Жұмабаевтың«Ата-аналар баланы тәрбиелегенде дәл өзіндей етіп тәрбиелеуге тырыспау керек, олар баланы өзінен күшті етіп тәрбиелеуі тиіс. Өйткені олардың заманы ата-аналарының өмір сүріп отырған заманына қарағанда анағұрлым күрделі, талабы жоғары болатынын ұмытпаған жөн» – деген тағылымды сөзі бар. Сіздер өнегелі ұрпақ тәрбиелеу арқылы еліміздің дамуы мен өркендеуіне өлшеусіз үлес қосып келесіздер. Барлығыңыз да шынайы құрмет пен мәртебелі мадаққа лайықтысыздар. Өңірлік комиссияның шешімімен Республикалық конкурста Жақсылық Дүйсенбайұлы Әбсадықовтың отбасы облысымыздың мерейін үстем етеді. Бүгінгі мерейлі күнде шаңырағында ізгі қарым-қатынас, игі дәстүрлер сақталып, өзара сыйластық салтанат құрған барлық отбасыға ризашылығымызды білдіреміз. Салтанатты сәтте әрбір отбасына жарасымдылық, шаттық, амандық пен бақ-береке тілеймін! Ата жолын жалғастырар мерейлі ұрпақ көбейе бергей,- деді Мейрамбек Зинабдинұлы.</blockquote>Конкурс қорытындысымен «Мерейлі отбасы» ұлттық конкурсы облыстық кезеңінің жеңімпазы болып Әбсадықовтар отбасы (Сырдария ауданы) танылып, бас жүлде иеленді. Аралдық Жақыповтар отбасына І орын, қармақшылық Әбілтаевтар әулетіне ІІ орын, қызылордалық Арысбаевтар отбасына ІІІ орын берілді.

Мерейлі отбасы 2025: облыстық кезеңнің жеңімпаздары анықталды

<a href="https://kyzylorda-news.kz/">Kyzylorda-news.kz</a> Арал аудандық мәдениет үйінде «Мерейлі отбасы – 2025» ұлттық байқауының аудандық кезеңінің жеңімпаздары марапатталды.Отбасы – берекенің бастауы, елдіктің тірегі. Ұрпақ тәрбиесі, әулет абыройы, татулық пен сыйластық әрбір шаңырақтың ең асыл қазынасы. Босағасына бақ қонақтап, керегесіне құт дарыған әрбір әулет бүгінде ұлт ұясы, дәстүр мен дәріп, тәрбие мен тәртіп қатар өрілген құтты шаңырақ. Бүгінгі шымылдық түрген шара негізінен 2014 жылдан бері ұлттық деңгейде дәстүрлі түрде ұйымдастырылып келеді. Яғни, «Мерейлі отбасы» байқауы үлгілі әулеттерді дәріптеп, жас ұрпаққа өнеге көрсетуді көздейді.Мазмұнға бай мерекелік шараның салтанатты ашылу рәсімінде аудан әкімінің орынбасары Н.Бохаев сөз алып, қатысушыларға сәттілік тілеп, берекелі отбасылардың ел дамуына қосар үлесі мен тәрбиелік мәнін ерекше атап өтті.Салтанатты шара барысында 9 отбасы түрлі номинацияларға ие болып, сый-сияпат табысталды. Байқау қорытындысымен жүлделі III орынды Қосжар ауылдық округінен Байбосыновтар отбасы иеленсе, екінші орынға Сапақ ауылдық округінен Изимовтер отбасы ие болды.Ал байқаудың бас жүлдесін Жақыповтар жанұясы иеленіп, облыстық байқауға жолдама алды.Жүлделі орындарға ие болған жарасымды жанұялар арнайы қаржылай және ынталандыру сыйлықтарымен марапатталды.Байқауға қатысқан отбасылар туған өлкенің дамуына қосқан үлестерімен, өнегелі өмір жолдарымен, отбасындағы бірлік пен татулықтың жарқын үлгісін көрсетті.Фото: Арал ауданы әкімдігі

Архив