<a href="https://kyzylorda-news.kz/">Kyzylorda-news.kz</a> Арал ауданы әкімдігінің мәжіліс залында аудан әкімдігі жанындағы құқық бұзушылық профилактикасы жөніндегі ведомствоаралық комиссияның кезекті отырысы өтті. Оған комиссия төрғасы аудан әкімі Аманжол Оңғарбаев қатысып, жиынның күн тәртібіндегі мәселелермен таныстырды.Комиссия отырысында алаяқтық қылмыстарының алдын алу бойынша шаралардың барысы және жеке адамға қарсы қылмыстардың алдын алу бойынша атқарылған шаралар туралы Арал ауданының полиция бөлімінің бастығы Н.Әлтай баяндама жасады.Қазіргі таңда интернет алаяқтығына қатысты қылмыстар мен оқиғалардың орын алып жатқаны жасырын емес. Биылғы жылдың бірінші жарты жылдығында 4 интернет алаяқтығы тіркеліп, жәбірленушілерге бірнеше миллиондаған қаржылық шығын келген. Адамдардың сеніміне кіріп, құйтырқы әрекеттерін жүзеге асыру деректері қазірдің өзінде толастамай тұр. Онлайн несие рәсімдету немесе ақша аудару әрекеттерінен болған интернет аляқтықтың түгелдей дерлігі ашылмаған. Себебі мұндай істе айғақтар жеткіліксіздігі айтарлықтай кедергі келтіреді. Түрлі әлеуметтік платформалар шыққан сайын, интернет алаяқтықтың да ауқымы кеңейіп келеді. Бұл мәселеге қатысты Мемлекет басшысының да арнайы тапсырмасы бар.Аудан әкімі Аманжол Сақыпұлы алаяқтық қылмыстарының алдын алу бойынша шараларды күшейту керектігін, әсіресе интернет алаяқтыққа қатысты тұрғындар арасында құқықтық сауаттылықты күшейту жөнінде құзырлы орган басшыларына тапсырма беріп, қоғамдағы өзекті мәселені назардан тыс қалдырмау керектігін жеткізді.<blockquote>– Заман ағымына сәйкес арнайы білімі бар мамандарды тарту, кадрларды даярлау, олардың біліктілігін арттыру секілді жұмыстарды қолға алу қажет деп санаймын. Қылмыстың алдын алу – ортақ міндет. Сондықтан, алдағы уақытта елді мекендерде өткізілетін есепті кездесулерге міндетті түрде өзіңіз барып, тұрғындарға хабарлама жасап, түсіндірме жұмыстарын жүргізіңіз, түрлі үнпарақтар тараттырыңыз. Бұның өзі қылмыстың алдын алуда тиімді шаралардың бірі болары анық,– деді А.Оңғарбаев.</blockquote>Жиында қылмыстың алдын алуда қоғамдық орындар мен аллеялар және саябақтарда орын алып жататын ұсақ құқықбұзушылық әрекеттерінің алдын алу маңызды екені де айтылды. Сонымен бірге, қоғамдық қауіпсіздікті қамтамасыз ету мақсатында түзеу мекемелерінен босатылған азаматтармен де тығыз жұмыс жасалуы керектігі сөз болды. Осы және өзге де мәселелерге назар аударған аудан әкімі бейнебақылау камераларының жұмысын да сынға алды.Жиын соңында аталған мәселелерді жан-жақты саралап, кемшіліктерді қалпына келтіру және бақылауға алу жөнінде құзырлы мекеме басшыларына тапсырма жүктеді.<img src="https://knadmin.beoblood.kz/uploads/Aral_audany_alaya_ty_m_selesi_2_a4fe637fb8.jpg" alt="Арал ауданы алаяқтық мәселесі 2.jpg">

Алаяқтықтың алдын алу бойынша комиссия отырысы өтті

<a href="https://kyzylorda-news.kz/">Kyzylorda-news.kz</a> &nbsp;Threads әлеуметтік желісінде “қазақтар мамбеттерімен танымал” деген пікір жазып, басы дауға қалған қарағандылық кәсіпкер әйел Алика Мұхамадиева екі айға тергеу изолятторына қамалды. Ол 2 жылдан 7 жылға дейін бас бостандығынан айырылуы мүмкін. Бұл туралы<a href="https://stan.kz/kazakstan-mambetterimen-tanimal-zhelide-kazakstandiktar-421020/"> Stan.kz</a> ақпарат агенттігі хабарлады. &nbsp;Бұған дейін ол желіде бәрінен кешірім сұрап,&nbsp;жазбасынан кейін өз атына қорқыту хаттары келіп жатқанын айтқан.<blockquote>"Әлеуметтік желідегі шабуылдарды тоқтатуларыңызды өтінемін. Жақындарымның амандығына қатты алаңдаймын. Маған ашулы ер адамдар ата-анам мен отбасымды тауып алатынын жазды. Бұл жағдайға тек өзім кінәлімін. Бұл бәрімізге сабақ болады деп үміттенемін", – &nbsp;деді ол.</blockquote>Қарағанды облыстық Полиция департаменті қызға қатысты Қылмыстық кодекстің 174-бабы, 1-бөлігі&nbsp;–&nbsp;"Ұлтаралық араздықты қоздыру" бойынша іс қозғалғанын растады.<blockquote>“22 шілде күні Қарағанды қалалық соты тергеу тарапынан түскен өтінішті қанағаттандырып, Мұхамадиеваны екі айға қамауға алу туралы шешім шығарды. Қазір тергеу амалдары жалғасып жатыр”, –&nbsp;делінген хабарламада.</blockquote>Бұл бап бойынша 2 жылдан 7 жылға дейін бостандығын шектеу немесе бас бостандығынан айыру жазасы қарастырылған.Фото: Желіден скрин

"Қазақстан "мамбеттерімен" танымал": Желіде қазақстандықтар туралы жазған қарағандылық кәсіпкер екі айға ұстау изоляторына қамалды

<a href="https://kyzylorda-news.kz/">Kyzylorda-news.kz</a> ҚР Парламенті Сенатының депутаттары, “AMANAT” партиясының мүшелері Наурызбай Байқадамов, Руслан Рүстемов Қызылорда облыстық және қалалық мәслихат депутаттарымен кездесу өткізді.Кездесу барысында Сенат депутаттары заң шығару процесіндегі жаңалықтармен, қабылданған заңдардың өңірлердегі жүзеге асу барысымен таныстырып, Парламенттің жоғарғы палатасындағы жұмыс бағыттарын баяндады. Сонымен қатар, жергілікті өкілдік органдар мен орталық билік арасындағы байланысты нығайтудың маңыздылығы атап өтілді.Мәслихат депутаттары өңірдегі өзекті мәселелерді көтеріп, заңнамалық деңгейде қолдауды қажет ететін бастамалар бойынша ұсыныстарын жеткізді. Атап айтқанда мемлекеттік тілдің қолданыс аясын кеңейту, салықтық жүктемені оңтайландыру, халыққа сапалы мемлекеттік қызмет көрсету, инфрақұрылым, денсаулық сақтау, білім беру салалары бойынша ұсыныстар мен пікірлер айтылды.Сенаторлар барлық ұсыныстарды назарға алып, заң шығару жұмыстары барысында айтылған мәселелердің ескерілетінін білдірді.<img src="https://knadmin.beoblood.kz/uploads/Senatorlar_2_fadd20b16c.jpg" alt="Сенаторлар 2.jpg">

Сенаторлар мәслихат депутаттарымен кездесіп, ұсыныстарын тыңдады

<a href="https://kyzylorda-news.kz/">Kyzylorda-news.kz</a> Жалағаш ауданының әкімі Ардақ Ибраимов ауылдық округтердегі егіс алқаптарын аралап, егінді сумен қамтамасыз ету жұмыстарының барысымен танысты.Жауапты сала жетекшілерімен, диқан қауымымен кездескен аудан әкімі өңірдегі су тапшылығын алдын алу мәселесін жан-жақты талқылады.Кездесуде сала басшылары су тапшылығын болдырмау мақсатында атқарылып жатқан жұмыстарды баяндап, алдағы міндеттерді атап өтті.Егіннің жай-күйін бақылаған аудан әкімі суды тиімді пайдалану бағытында нақты тапсырмалар берді.Су тапшылығына байланысты аудан әкімінің өкімімен арнайы штаб құрылды. Қазіргі таңда сумен қамтамасыз ету мәселесі қатаң бақылауға алынып, егінге қажетті су көлемі кезек тәртібімен берілуде.Аудан бойынша биыл 37 149 гектарға ауыл шаруашылығы дақылдары орналастырылды. Оның ішінде негізгі дақыл — күріштің көлемі 19 764 гектарды құрайды.Шаруашылықтар тарапынан егінді күтіп-баптауға қажетті 10 400 тонна минералдық тыңайтқыш пен 22 300 литр гербицид алынып, егінге уақытылы берілуде.Орналастырылған 19 587 гектар күріш дақылының 19 126 гектары «Жалағашсушар» өндірістік учаскесімен су жеткізіп беру қызметіне келісімшартқа отырған. Ал 461 гектар күріш дақылы қашыртқы суын қайта пайдалану арқылы насос қондырғыларымен суландырылуда.Бүгінгі күні аудан шаруашылық құрылымдары 29 дана насос қондырғысын қосып, егінді сумен қамтамасыз етуде.<img src="https://knadmin.beoblood.kz/uploads/Egin_al_aptary_2_6db58a2425.jpg" alt="Егін алқаптары 2.jpg">

Егін алқаптарын аралап, жұмыс барысымен танысты

<a href="https://kyzylorda-news.kz/">Kyzylorda-news.kz</a> Арал ауданы әкімдігінің мәжіліс залында аудан әкімі Аманжол Оңғарбаевтың төрағалығымен Үкімет отырысының күн тәртібіне сәйкес «Тау-кен өнеркәсібін дамыту мен цифрландыру» және «Көші-қон саясатын жетілдіру» мәселелері қаралып, тиісті тапсырмалар берілді.Тау-кен өнеркәсібі саласы бойынша ауданда 11 шағын және 1 ірі кәсіпорын тіркелген. 2025 жылдың 5 айында тау-кен өндірісі 6,3 пайызға, І жартыжылдық қорытындысы бойынша 4,6 пайызға кем орындалған. Аудан әкімі жиында тау-кен өндірісі саласындағы көрсеткішті арттыру бойынша қолға алынып жатқан шараларға қанығып, кейбір кәсіпорындардың жұмысындағы кемшіліктерден өзге, өз міндеттемелерін толық орындай алмай отырғанын ашық айтып, жұмысын бақылауға алуып, өнім өндіруде оң көрсеткіштерге қол жеткізуді қамтамасыз ету керектігін алға тартты.«Көші-қон саясатын жетілдіру» мәселелері бойынша да тиісті бөлімге шетелдік жұмыс күшін тарту және еңбекші көшіп келушілерге рұқсат беру қолданыстағы заңдылықтарға сәйкес рәсімделіп, міндетті төлемдердің бюджетке уақытылы төленуін тұрақты бақылауда ұстау жөнінде тапсырма жүктеді.Жиында көтерілген мәселелер бойынша берілген тапсырмалардың уақытылы орындалуы қатаң басшылыққа алынатынын ескертті.

Жиында көтерілген мәселелер бойынша тиісті тапсырма берді

<a href="https://kyzylorda-news.kz/">Kyzylorda-news.kz</a> Жалағаш ауданының әкімі Ардақ Ибраимовтың төрағалығымен мектепке дейінгі білім беру ұйымдарының қызметіне қатысты мәселелер талқыланды.&nbsp;Жиынға жауапты сала басшылары, балабақша құрылтайшылары мен меңгерушілері қатысты.Ауданда жалпы 38 мектепке дейінгі білім беру ұйымы бар. Оның ішінде мемлекеттік балабақша саны - 10. Қазіргі таңда бұл ұйымдарда 2581 бала тәрбиеленуде.Кездесу барысында ата-ана төлемақысының заңмен бекітілген мөлшерден асырылмауы қатаң ескертілді. Сонымен қатар, балаларды тасымалдау қызметінің қауіпсіздігіне баса назар аударылып, бұл бағыттағы талаптардың толық орындалуы қажеттігі айтылды.Мониторинг қорытындысы негізінде анықталған кемшіліктерді жою бойынша нақты тапсырмалар беріліп, оларды дер кезінде ретке келтіру міндеттелді.Балалардың қауіпсіз әрі сапалы білім алуы – басты назарда.

Тәрбиенің түп қазығы – балабақша

<a href="https://kyzylorda-news.kz/">Kyzylorda-news.kz</a> Жалағаш ауданының әкімі Ардақ Ибраимовтың төрағалығымен мәжіліс отырысы өтті. Күн тәртібінде көші-қон және цифрландыру бағытындағы жұмыстармен қатар, «Қарызсыз қоғам» жобасы аясында атқарылып жатқан шаралар мен алдағы міндеттер қаралды.Мәжілісте «Шетелдік жұмыс күшін тарту» мемлекеттік қызметінің 2022 жылдан бастап автоматтандырылған ақпараттық жүйе арқылы көрсетіліп келе жатқаны атап өтілді.Биылғы жылдың алғашқы 6 айында осы бағытта 39 өтініш түсіп, олардың 31-іне рұқсат берілсе, 8-іне құжаттарының толық болмауына байланысты бас тартылған.Аталған 31 еңбекші көшіп келуші есебінен жергілікті бюджетке 723,5 млн теңге көлемінде салық түсті.Аудан әкімі заңсыз көші-қонның алдын алу мақсатында «Мигрант» жедел профилактикалық іс-шарасын тұрақты өткізу, сондай-ақ жұмыс берушілердің еңбек шарттарын заңнамаға сәйкес рәсімдеуін және жазатайым оқиғалар бойынша сақтандыру шарттарын қатаң бақылауды тапсырды.Сонымен қатар, аудан бойынша «Қарызсыз қоғам 2.0» жобасы аясында оқытылуға жататын азаматтарды тіркеу жұмыстары жүргізілуде. Осыған орай кент және ауылдық округ әкімдеріне және жауапты сала басшыларына нақты тапсырмалар жүктелді.

Көші-қон және цифрландыру мәселесі қаралды

<a href="https://kyzylorda-news.kz/">Kyzylorda-news.kz</a> Бүгін ҚР Премьер-министрі Олжас Бектеновтің төрағалығымен Үкімет отырысы өтті. Күн тәртібінде тау-кен өнеркәсібін дамыту және цифрландыру, көші-қон саясатын жетілдіру мәселелері қаралды.Үкімет отырысынан соң облыс әкімінің бірінші орынбасары Данияр Жаналиновтың төрағалығымен өткен мәжілісте тау-кен өндірісіне, көші-қон саясатына, балалардың жазғы тынығу лагерлерінің жұмысына қатысты жауапты сала басшыларына тапсырмалар жүктелді.<blockquote>«Тау-кен өндірісінің көрсеткіштерін көтерудегі тиісті жұмыстарды күшейту керек. «Шалқия» және «Баласауысқандық» тау-кен байыту комбинаты құрылысын бақылауға алып, жоспарға сәйкес жүргізілуін қамтамасыз етіңіздер. Осы саладағы мекемелерді цифрландыруға баса мән беру қажет. Демалыс орындары мен қызмет көрсету кешендерінің, кафелер, қоғамдық тамақтану орындарының, балалардың жазғы тынығу лагерьлерінің санитарлық талаптарға сәйкестігін тұрақты бақылауды тапсырамын. Өңірдегі спорт нысандарының, «Мұз айдыны», «Еуразия», «Нұрсәт» кешендерінің, «Теннис орталығының», ойын алаңдарының, мәдениет ұйымдарының, театрлар мен музейлердің балаларға ақысыз негізде қызмет көрсетуін ұйымдастыру қажет. Барлық лагерьдің қауіпсіздігін тексеріп, бақылауда ұстаңыздар. Санитарлық талаптарға сәйкестігін, балалар тағамдарының сапасын қадағалаңыздар», – деді Данияр Еренғалиұлы.</blockquote>Айта кету керек, облыс аумағында 28 тау-кен компаниясы жұмыс істейді. Оның 11-і мұнай, 4-еуі уран, ал 13-і қатты және кең таралған пайдалы қазбаларды өндірумен айналысады. Бұл салада шамамен 8 500 адам еңбек етеді.Биыл алғашқы жартыжылдықта тау-кен өнеркәсібінде 286,4 млрд теңгенің өнімі өндірілді. Бұл өткен жылмен салыстырғанда 7%-ға төмен. Дегенмен, өңірдің жалпы өнеркәсіп өнімінің көлемі 512,2 млрд теңге болып, жоспар 100%-ға орындалды. Қазір жаңа кен орындарын анықтау бағытында геологиялық зерттеулер жүргізіліп, мұнайдың терең қабаттары игерілуде. Сырдария бассейнін зерттеу мақсатында бұрғылау жабдықтары жеткізіліп, дала жұмыстары басталды. «Баласауысқандық» жобасы 2016 жылдан бері шетелдік инвестор қатысуымен іске асуда.«Шалқия» кенішінің жерасты шахтасын салу 2022 жылдан бері қолға алынған. Бұл жоба жүзеге асқанда аймаққа 300 млрд теңге көлемінде инвестиция тартылмақ.Цифрландыру бағытында да ілгерілеу бар. 2018 жылдан бері «Қазгермұнай» компаниясы «Интеллектуалды кен орны» технологиясын енгізіп, мұнай өндіруді 1-2% арттыруға және шығындарды 10% азайтуға қол жеткізді.Фото: Қызылорда облысы әкімінің баспасөз қызметі

Тау-кен өндірісін дамыту мәселелері талқыланды

<a href="https://kyzylorda-news.kz/">Kyzylorda-news.kz</a> &nbsp;2025 жылдың 21 шілдесінде Президент Қасым-Жомарт Тоқаевтың балалар үйіндегі тәрбиеленушілерді Алматыдан Қонаевқа көшіруге қатысты жағдайға реакциясы белгілі болды, деп хабарлайды<a href="https://kaz.zakon.kz/okiga/6065014-memleket-basshysyny-tapsyrmasyna-sykes-baanashyl-balalar-y-onaeva-kshrlmeyd.html"> Zakon.kz.</a>Мемлекет басшысының кеңесшісі әрі баспасөз хатшысы Руслан Желдібай өзінің Telegram-арнасында «Бағанашыл» балалар үйінің тәрбиеленушілерін Алматыдан Қонаев қаласына көшіруге байланысты жағдаймен танысқан Қасым-Жомарт Тоқаев Алматы қаласының әкімі Дархан Сатыбалдыға оқушылардың оңтүстік астанада білім алуын жалғастыру үшін балалар үйіне жөндеу жұмыстарын жүргізуді және аталған нысанды қаланың балансына алуды тапсырды, – деп жазды.<blockquote>«Мемлекет басшысының тапсырмасына сәйкес, балалар үйі көшірілмейді. Аталған жағдайға байланысты Президент Әкімшілігі қызметтік тексеріс жүргізеді», – деп жазды Руслан Желдібай.Ата-анасының қамқорлығынсыз қалған балалардың заң шеңберіндегі барлық құқығы толық сақталады. Бұған дейін Алматыдағы «Арнаулы әлеуметтік қызметтерге мұқтаж балаларды қолдау жөніндегі облыстық орталығы» ММ ғимаратының апатты жағдайына байланысты балаларды Қонаев қаласында орналасқан балалар үйінің жаңа ғимаратына көшіру туралы шешім қабылданғаны туралы ақпарат тараған болатын.</blockquote>Фото: Zakon.kz

Мемлекет басшысының тапсырмасына сәйкес «Бағанашыл» балалар үйі Қонаевқа көшірілмейді

<a href="https://kyzylorda-news.kz/">Kyzylorda-news.kz</a> Қармақшы ауданында шағын және орта кәсіпкерлікті дамытуға айрықша мән беріліп отыр. Бұл туралы Өңірлік коммуникациялар қызметінің баспасөз алаңында аудан әкімі Жандос Еркінбек баяндады.<blockquote>- 2025 жылдың 1 шілдесіне дейін ауданда 3205 кәсіпкерлік субъектісі тіркелді. Жыл басынан бері мемлекеттік бағдарламалар аясында 33 жоба қаржылай қолдауға ие болды. Сонымен қатар, жаңа бизнес-идеяларды дамыту үшін әлеуметтік осал топтар арасынан Байқоңыр қаласынан 11, Қармақшы ауданынан 37 адамға қайтарымсыз грант беру мақұлданды, - деді Жандос Еркінбекұлы.</blockquote>

Қармақшыда кәсіпкерлік көкжиегі кеңеюде

<a href="https://kyzylorda-news.kz/">Kyzylorda-news.kz</a> &nbsp;Соңғы уақытта мемлекеттік органдардың атауларын қолданып &nbsp;жасалатын алаяқтық жағдайлар жиілеп кетті. Қаскүнемдер өздерін Мемлекеттік кірістер комитетінің (МКК) немесе Халыққа қызмет көрсету орталығының (ХҚО) қызметкерлері ретінде таныстырып, хабарламалар таратып, айлаларын асырып азаматтардың дербес деректерін қолға түсіруге немесе оларға қаражат аудартуға тырысады.«Бақыт хаттары» &nbsp;— бұл алаяқтықтың түрі!Мысалы, Сізге мессенджерге (WhatsApp, Telegram), электрондық поштаңызға немесе SMS арқылы хабарлама келеді. Жіберуші – Мемлекеттік кірістер комитеті мыс. Хабарламада сізде салық берешегі, айыппұл немесе декларацияны уақытылы тапсырмау секілді «проблемаңыз» бар екені жазылған. Көп жағдайда онда берешектің сомасы мен оны өтеу мерзімі көрсетіледі, оны орындамаған жағдайда шоттарды бұғаттау, сот орындаушыларының араласуы немесе ЖСН-ді бұғаттау сияқты санкциялармен қорқытады. Мұндай хабарламада «төлем порталына» сілтеме берілуі мүмкін, ал &nbsp;шындығында ол фишингтік сайт &nbsp;болып шығады. Алаяқтар хатқа немесе хабарламаға сондай-ақ &nbsp;«құжаттың көшірмесі» ретінде жалған файлдар қоса береді. Шын мәнінде бұл кәдімгі вирус немесе құрылғыңызды бұғаттап, дербес деректеріңізді ұрлауы мүмкін зиянды бағдарлама болып шығады. &nbsp;Тағы бір тәсіл — хабарламада QR-код болады, ол сырттай көзбен қарағанда eGov.kz порталына ұқсайды және төлеу үшін деректемелер берілген &nbsp;жалған сайтқа апарады. Алушы ретінде «Кірістердің төлем терминалы» немесе «Төлем қабылдау орталығы» сияқты ресми атауға ұқсас мекемелер көрсетіледі. Сонымен қоса, алаяқтар ресми хат алмасу стилін қолданады: МКК немесе «Азаматтарға арналған үкіметтің» ресми логотиптерін, қол қою үлгілерін, қызметтік «нөмірлерді» қолданады. Нәтижесінде алаяқтың құрбаны оны &nbsp;шынайы хабарлама деп ойлайды. &nbsp;Сілтемеге өткен кезде қолданушыдан мыналарды енгізу сұратылады:ЖСН;банк картасының деректері;SMS-код (жеке басын растау үшін).Бұл ақпарат бірден алаяқтардың қолдарына түседі. Олар оны интернет-банкингке кіру, SIM-картаның телнұсқасын жасау немесе &nbsp;қаражат аудару үшін пайдаланады.Басқа жағдайларда хабарламаға тіркелген файл (мысалы, payment_notification.exe немесе penalty_pdf.zip зиянды бағдарлама &nbsp;болып шығады. Мұндай вирустар пернетақта әрекеттерін, SMS-кодтарды бақылап, сіздің файлдарыңызға кіре алып, құрылғыңызды бұғаттап, кейін оны ашу үшін төлем талап етуі мүмкін («шифрлаушы-вирус»).Алаяқтар сонымен қатар телефон арқылы хабарласып, өздерін салық қызметкері ретінде таныстырып, нұсқау берулері мүмкін, мысалы, ақшаңызды «қауіпсіз уақытша шотқа» аударуды немесе өздері жіберген деректемелер бойынша төлем жүргізуді талап &nbsp;етулері мүмкін. Қарым-қатынас барысында алаяқтардың сөзінше проблемаңыз одан сайын «ушыға түсуі» мүмкін – &nbsp;бастапқыда салық берешегі туралы айтса, кейін «қылмыстық жауапкершілік» туралы қорқытуға көшеді. Олардың мақсаты — жәбірленушіні адастырып, олардың айтқандарына көндіру.«Деректеріңізді жаңартыңыз – сіз қауіп тобындасыз»Сізге «ХҚО қызметкері» қоңырау шалады немесе хабарлама жібереді. Әдетте бұл ресми түрде сөйлейтін адам, ол сізді атыңызбен және әкеңіздің атымен атап,&nbsp;дерекқор жаппай жаңартылып жатқанын&nbsp;және сіздің жеке мәліметтеріңіздің ескіргенін айтады: мысалы, бұрынғы мекенжай мен ескі жеке куәлік деректерінің көрсетілгені, телефон нөмірінің дұрыс көрсетілмегені.Сендіру үшін «оператор» сіздің өмірбаяныңыздың нақты мәліметтерін — ескі тіркеу мекенжайын, ауыстырғанға дейінгі тегіңізді, туған жеріңізді айтуы мүмкін. Бұл – әр түрлі дереккөздерден Интернетке кетіп қалған деректер. Осыдан кейін сізден «деректерді жаңарту» үшін сілтеме бойынша (SMS, мессенджер немесе электрондық пошта арқылы) өтуді сұрайды. Парақша eGov жеке кабинеті ретінде ресімделген, бірақ бұл – фишингтік сайт. ЖСН, карта нөмірі мен растау кодын енгізген кезде барлық мәліметтер алаяқтарға түседі.Басқа бір нұсқада сізге мобильдік қосымшаны жүктеп алу немесе «кеңейтілген мүмкіндіктерге» немесе «кезексіз мемлекеттік қызметтерге» қол жеткізу үшін жаңартуды орнату ұсынылады. Бұл іс жүзінде – зиянды бағдарлама. Бұл бағдарламада хабарларды ұстап қалу, хат-хабарларды көшіру немесе тіпті банктік қосымшаларға қол жеткізу және камера мен микрофонды іске қосу мүмкіндіктері бар.Сонымен қатар, алаяқтар жеке куәліктің екі жағын суретке түсіріп, пошта немесе чат арқылы жіберуді сұрауы мүмкін. Бұл суреттер кейін түрлі алаяқтық схемаларда қолданылуы мүмкін.ӨЗІҢІЗДІ ҚАЛАЙ ҚОРҒАУҒА БОЛАДЫ — НҰСҚАУЛЫҚЖіберушіні мұқият тексеріңіз. Мемлекеттік органдар WhatsApp, Telegram мессенджерлері немесе Gmail арқылы хабарлар жібермейді. Барлық ресми хабарламалар тек eGov.kz порталына және eGov Mobile мобильдік қосымшасына келеді. Хабарлардағы сілтемелерге өтпеңіз. Әсіресе, егер мәтінде «айыппұл», «тыйым салу», «берешек», «шұғыл», «24 сағат ішінде» деген сияқты сөздер болса — бұл алаяқтыққа тән белгілер. Сайттың мекенжайын тексеріңіз. Ресми eGov мекенжайы — egov.kz. Егер сілтеме ішінде «egov-update.com», «egov.kz-pay.net» сияқты бөгде қосымшалар болса — бұл жалған сайт. Ешқашан үшінші тұлғалардың талабы бойынша жеке деректеріңізді және SMS арқылы келген кодтарды енгізбеңіз. Олар өздерін «жеке басын растау үшін» деп таныстырса да сенбеңіз. Хабардағы сілтеме арқылы қосымша орнатпаңыз. Барлық мемлекеттік қосымшаларды (eGov Mobile, Kaspi, Halyk және т.б.) тек App Store немесе Play Market арқылы жүктеңіз. Алаяқтық әрекеттер туралы хабарлаңыз. Егер сізге алаяқ қоңырау шалса немесе хат жіберсе — Киберполицияға (102) немесе 1414 байланыс &nbsp; &nbsp;орталығына хабарласыңыз. Есте сақтаңыз: мемлекеттік органдар:WhatsApp арқылы ақы төлеуге сілтеме жібермейді;хат-хабар арқылы тыйым саламыз деп қорқытпайды;ақшаны картаға аударуды сұрамайды;СМС-пен жіберілген сайт арқылы тез арада «жеке басыңызды растауды» талап етпейді.<img src="https://knadmin.beoblood.kz/uploads/Whats_App_Image_2025_07_21_at_16_00_43_58c87aaafc.jpeg" alt="WhatsApp Image 2025-07-21 at 16.00.43.jpeg">Сіздің әр нәрсеге сын көзбен қарауыңыз — ең сенімді қорғаныс. Fingramota.kz-пен бірге қаржылық сауаттылығыңызды арттырыңыз! Фото: fingramota.kz

Салық органдары мен Халыққа қызмет көрсету орталығынан келетін «бақыт хаттары»: алаяқтардың айласы  

<a href="https://kyzylorda-news.kz/">Kyzylorda-news.kz</a> Қазақстан мен Өзбекстан киік популяциясын сақтауға бағытталған берліскен меморандум қабылдау мүмкіндігін зерделеп жатыр, деп хабарлайды<a href="https://kaz.inform.kz/news/ozbekstan-kazakstannan-500-kik-alu-boyinsha-kelssoz-zhurgzp-zhatir-7f8b19/"> Kazinform&nbsp;</a>Өзбекстан Экология министрлігінің баспасөз қызметі қазіргі уақытта қос елдің жауапты ведомстволары арасында келіссөз жүргізіп жатқанын растады. Құжатты биыл тамыз айында қабылдау жоспарланып отыр.Меморандум аясындағы келіссөздерде өзбек тарапы Қазақстаннан шамамен 500 киік лағын алып, оны өз аумағына жерсіндіру бастамасын көтерді. Министрліктің мәліметінше, мамандар ақбөкендердің Өзбекстан климатына бейімделуін зерттемек.Сонымен қатар, қабылдануы мүмкін құжатта ақбөкендердің есебін жүргізуге қатысты бірлескен шаралар легі жазылған. Киік популяциясын бақылап отыру үшін Қазақстан мен Өзбекстан деректер базасын интеграциялап, мәліметтерді бір платформаға жинақтауға ниетті.Тоқтала кетсек, қазіргі уақытта Өзбекстан аумағында 100 шақты киік қалды. Бұл ретте шекара қоршаулары ақбөкендердің табиғи миграциясын шектеп тастады.Еске салайық, биыл 17 маусымда Президент Қасым-Жомарт Тоқаев Қытай үкіметіне 1,5 мың киікті тарту ететінін <a href="https://kaz.inform.kz/news/kazakstan-kitayga-1500-kik-tartu-ett-66c9ff/">мәлімдеді.</a> Кейін Экология және табиғи ресурстар министрлігі аталған бастамаға қатысты&nbsp;пікір білдірді.&nbsp;Фото: Экология және табиғи ресурстар министрлігі

Архив