<a href="https://kyzylorda-news.kz/">Kyzylorda-news.kz</a> &nbsp;Қармақшы ауданында елді мекендерді газдандыру бағытында жүйелі жұмыстар атқарылып жатыр. Бұл туралы Өңірлік коммуникациялар қызметінің баспасөз алаңында аудан әкімі Жандос Еркінбек мәлімдеді.<blockquote>- Қазіргі таңда Дүр Оңғар ауылына газ тарту жобасы жүзеге асуда. Жоба аясында 86,9 шақырым газ құбыры жүргізіліп, 3 газ реттегіш шкафты пункт орнатылады. Сонымен қатар, Иіркөл және Төребай би ауылдарына газ желілерін тарту жұмыстарына жобалық-сметалық құжаттар әзірленіп, мемлекеттік сатып алу рәсімдері жүргізілуде. Бүгінде аудан халқының 78 пайызы табиғи газды тұтынып отыр. Жобалар толық іске асқанда бұл көрсеткіш еселене түспек, - деді Жандос Еркінбекұлы.</blockquote><img src="https://knadmin.beoblood.kz/uploads/arma_shy_audanynda_eldi_mekenderdi_gazdandyru_zh_mystary_zh_rgizilude_30120feb43.jpg" alt="Қармақшы ауданында елді мекендерді газдандыру жұмыстары жүргізілуде.jpg">Фото: Нұрболат Нұржаубай

Қармақшы ауданында елді мекендерді газдандыру жұмыстары жүргізілуде

<a href="https://kyzylorda-news.kz/">Kyzylorda-news.kz</a> Облыс әкімінің бірінші орынбасары Данияр Жаналиновтың төрағалығымен мектепке дейінгі білім беру ұйымдарының қызметіне қатысты мәселелер талқыланған мәжіліс өтті. Жиынға тиісті сала басшылары, балабақшалардың құрылтайшылары қатысты.<blockquote>«Барлық балабақша меңгерушілеріне ата-ана төлемақысының бекітілген сомадан аспауы қажеттігін ескертемін. Тасымал мәселесіне де ерекше назар аудару қажет. Балалардың қауіпсіздігі – басты талап. Автокөлікке қойылатын арнайы талаптар қатаң сақталуы тиіс. Қала, аудан әкімдері, жергілікті полиция басқармаларымен бірлесе отырып, «Балабақшадағы қауіпсіз тасымал» рейдтік шарасын ұйымдастырыңыздар.Мектепке дейінгі ұйымдардың негізгі құжаты – балабақша жарғысы. Жарғыда бекітілген жұмыс уақытының дұрыс рәсімделмеуі, бекітілген жұмыс кестесінің сақталмауы барлық балабақшада кездескен. Жарғыны қайта қарап, тиісті заңнама талаптарына сәйкестендіруді және орындалуын қатаң бақылауға алуды тапсырамын»,– Данияр Жаналинов.</blockquote>Айта кету керек, аймақта 676 мектепке дейінгі ұйымда 50 079 бала тәрбиеленуде. Жалпы 3-6 жас аралығындағы балаларды мектепке дейінгі біліммен қамту көрсеткіші 100%, ал 2–6 жас аралығындағылардың қамтылуы 92,6%.Осы жылдың сәуір-маусым айлары аралығында қала және аудандық білім бөлімдері меншік нысанына қарамастан мектепке дейінгі ұйымдарға жоспарлы мониторинг жүргізді. Мониторинг нәтижесінде 91 балабақшада түрлі заңбұзушылықтар анықталып, соның негізінде оларға мемлекеттік білім беру тапсырысын орналастыру тоқтатылды.Фото: Қызылорда облысы әкімінің баспасөз қызметі

Басты талап – балалардың қауіпсіздігі 

<a href="https://kyzylorda-news.kz/">Kyzylorda-news.kz</a> Қызылорда облысында өткен «Борышкер» жедел-профилактикалық іс-шарасы барысында жол ережесін жиі бұзатын азаматтар анықталып, айыппұлдарды өндіру жұмыстары күшейтілді. Төлемнен жалтарып жүрген көлік иелеріне шара көріліп, жол қозғалысындағы тәртіпті сақтау маңызы кеңінен түсіндірілді. Бұл туралы &nbsp;Өңірлік коммуникациялар қызметінің ақпарат алаңында Полиция департаменті Әкімшілік полиция басқармасы бастығының орынбасары Нұркен Бақтияров мәлімдеді.<blockquote>- Бүгінде Қызылорда облысында құқық бұзушыларға салынған айыппұл көлемі 2 млрд 456 млн теңгеден асты. Оның 2 млрд 12 млн теңгесі мемлекет пайдасына өндірілді. Бұл - облыстың айыппұл өндіру көрсеткіші бойынша республикада алғашқы үштікке енуіне мүмкіндік берді. Әрине, біздің басты мақсатымыз - айыппұл салып, жазалау емес. Біз ең алдымен жол қозғалысы ережесінің сақталуын қамтамасыз етуді, қоғамдық қауіпсіздікті нығайтуды көздейміз. Әрбір азамат заң алдындағы жауапкершілігін түсінуі керек. Тәртіп сақтамай, айыппұл төлеуден жалтарған жүргізушілерге заң аясында қатаң шаралар қолданылатынын ескертеміз. Сондықтан әкімшілік айыппұлдарды дер кезінде төлеу - азаматтық міндет. Қазір облыс бойынша құқық бұзушылықтарды автоматты түрде анықтайтын «Аркан», «Интегра КДД», «Сергек», «Екин-Патруль» сияқты заманауи жүйелер толық жұмыс істеп тұр. Сонымен қатар, «Мегакам Қорғау» жол қозғалысын бақылау жүйесі арқылы жалған мемлекеттік нөмірмен жүрген, міндетті сақтандыруы жоқ көліктер анықталып жатыр. Бұл - жолдағы қауіпсіздікке тікелей қауіп төндіретіндер. Құқық бұзушыларға қатысты мәжбүрлі өндірту, көлікті айыптұраққа қою сынды шаралар заң аясында жалғасады. Әр жүргізуші тек өз қауіпсіздігі үшін ғана емес, айналасындағы адамдардың амандығы үшін де жауапты екенін ұмытпауы керек, - деді Нұркен Пралиұлы.</blockquote><img src="https://knadmin.beoblood.kz/uploads/Zholda_y_t_rtip_orta_zhauapkershilik_b5aa651ba9.jpg" alt="Жолдағы тәртіп - ортақ жауапкершілік.jpg">

Архив

Қармақшы ауданында елді мекендерді газдандыру жұмыстары жүргізілуде

Басты талап – балалардың қауіпсіздігі

Жолдағы тәртіп - ортақ жауапкершілік