<a href="https://kyzylorda-news.kz/">Kyzylorda-news.kz</a> Міндетті медициналық сақтандыру жүйесінде сақтандырылған мәртебесін қалай қалпына келтіруге болады, медициналық сақтандыру бойынша психологтың кеңесін алуға болады ма? Осы және өзге де сауалдарға Әлеуметтік медициналық сақтандыру қорының Қызылорда облысы бойынша филиалының бас сарапшысы Айгүл Аханова жауап берді.Менің ЖШС бар, қазір одан табыс көзі жоқ. Бірақ менде төленбеген айлар қалды. Осы кезең үшін төлемді дербес төлеуші ретінде төлей аламын ба?Егер азамат ЖШС құрылтайшысы болып табылса, онда ол дербес төлеуші ретінде ЕТЖ-дан 5% мөлшерінде жарналарды төлейді (2024-2025 ж.ж. әр ай үшін 4250 теңгеден). Егер ол осы ЖШС қызметкері болса (мысалы, директор), онда ол ретінде 2% жарна және 3% аударымдар жасауы қажет.Мен жұмыс істеймін, бірақ емханаларға барған кезде МӘМС-те мәртебем жоқ екенін білдім, дегенмен ұйым барлық төлемдерді уақытында жасайды. Мен екі ай ауруханада болған кезде жарналар бойынша алшақтық пайда болды. Мұндай жағдайда қалай әрекет ету керек?Егер қызметкер бір айдан астам уақыт еңбекке жарамсыз болған кезде, жұмыс беруші әдетте жұмыс күндері болған айда төлемдер жасайды. Еңбекке уақытша жарамсыздықтың келесі кезеңінде қызметкер табыс алмайды, сондықтан салық салынатын базаның болмауына байланысты міндетті төлемдер жүргізілмейді. Осы кезеңде берешек туындауына жол бермеу үшін қызметкер МӘМС жарналарын дербес төлеуші ретінде төлеуі қажет.МӘМС аясында психолог көмегін алуға бола ма?Психологиялық немесе психотерапиялық кеңес – мамандандырылған медициналық көмектің бір түрі. Бұл көмек нақты диагностика мен емдеуді, медициналық оңалтуды қажет ететін ауруларда, сондай-ақ телемедицина құралдарын пайдалана отырып көрсетіледі.Пациент психолог қызметін өз емханасы деңгейінде келесі бағыттар бойынша ала алады:• психологтың қабылдауы;• балалар арасындағы суицидтің алдын алу бойынша сабақтар өткізу;• мінез-құлықтық және психобелсенді бұзылыстарға күдік туған жағдайларда қабылдау;• әлеуметтік бейімделу, жас ерекшелігіне сай қиындықтар бойынша кеңес беру;• созылмалы аурулары бар пациенттерге өзін-өзі басқару тәсілдерін үйрету;• жүкті әйелдерге, жасөспірімдерге және жастарға Жастар денсаулық орталықтарында қызмет көрсету.Психологтың консультациясы ТМККК, МӘМС жүйесі аясында да қолжетімді.МӘМС&nbsp;жүйесінде сақтандыру&nbsp;мәртебесі&nbsp;қанша&nbsp;уақыттан&nbsp;кейін беріледі?Егер барлық шарттар орындалса:&nbsp;•&nbsp;&nbsp;&nbsp;&nbsp;&nbsp;&nbsp;&nbsp;&nbsp; Алдағы 12 ай үшін төлем жасалса (ағымдағы айдан бастап)&nbsp;•&nbsp;&nbsp;&nbsp;&nbsp;&nbsp;&nbsp;&nbsp;&nbsp; Барлық 12 айдың төлемі бір күнде төленді&nbsp;«Сақтандырылған» мәртебесі 3 жұмыс күні ішінде беріледі.

МӘМС жүйесінде сақтандыру мәртебесі қанша уақыттан кейін беріледі?

<a href="https://kyzylorda-news.kz/">Kyzylorda-news.kz</a> Қызылордадағы NIS оқушылары — Аяжан Төребек, Қымбат Қожасова, Рамазан Аққали, Аруай Ібайдулла және Бақдәулет Ібайдулла My Extra Case Competition республикалық кейс-чемпионатында II орын иеленді. Жеңімпаздар 300 000 теңгелік сертификатқа ие болып, Almaty University of Power Engineering and Telecommunication (Energo University) жоғары оқу орнына білім гранттарын жеңіп алды.Зияткерлерлердің жобасы Me Extra Lab University-дің нарықтағы орны мен танымалдығын арттыруға бағытталған маркетингтік стратегиялық әзірлеуге бағытталған. Команда нақты талдау мен шешу жолдарын ұсынды. Оқушыларға жетекшілік еткен — жаһандық перспективалар және жобалық жұмыстар пәнінің мұғалімі Серік Жайырбаев.Байқауға еліміздің түкпір-түкпірінен 450 команда қатысып, олардың арасынан тек тоғыз команда ғана финалға өтті. Қорытынды кезеңде Қарағанды, Астана, Алматы, Шымкент, Қызылорда, Орал, Атырау, Семей және Щучинск қалаларынан келген үздік командалар бизнес, қоғам және қаржы салаларындағы өзекті мәселелерге арналған жобаларын қорғап шықты. Алдағы уақытта мұнымен тоқтамай басқа да жобалар аясында жұмыстар атқарады.<img src="https://knadmin.beoblood.kz/uploads/NI_Sh_56b4d9e0da.jpeg" alt="НИШ.jpeg">

Сырбойылық зияткерлер My Extra Case Competition байқауында II орын иеленді

<a href="https://kyzylorda-news.kz/">Kyzylorda-news.kz</a> Жалағаш ауданы әкімі Ардақ Ибраимовтың төрағалығымен мәжіліс өтті. Мәжілісте облыс әкімінің төрағалығымен өткен жиында берілген тапсырмаларға сәйкес сумен жабдықтау және су бұру жүйелерін дамыту, суды үнемдейтін және цифрлық технологияларды енгізу шаралары мен қосымша мәселелер қаралды.Сонымен қатар, жиында аудан бойынша макроэкономикалық көрсеткіштердің орындалуы, «Таза Қазақстан» акциясы аясында жүргізіліп жатқан жұмыстардың барысы, салық базасын ұлғайту шаралары, бюджетті тиімді басқару және сапалы жоспарлау мәселелері де қаралды.Жиын қорытындысы бойынша тиісті сала басшылары мен кент және ауылдық округ әкімдеріне нақты тапсырмалар жүктеліп, берілген тапсырмаларды мүлтіксіз әрі мерзімінде орындау қажеттігі қатаң ескертілді.Фото: Жалағаш ауданы әкімінің баспасөз қызметі

Су ресурстарын үнемді пайдалану – басты міндет

<a href="https://kyzylorda-news.kz/">Kyzylorda-news.kz</a> Кеше Қазақстан Республикасы Парламенті Мәжілісіндегі «AMANAT» партиясы фракция мүшелері Мархабат Жайымбетов пен Мұрат Абенов Қызылорда қаласына жұмыс сапарымен келді.Іс-сапар барысында фракция мүшелері қаланың сол жағалауында бой көтеріп жатқан 11 мың орынға арналған стадион құрылысымен танысты. «UEFA» талаптарына сай жасақталған стадион - еліміздегі теңдесі жоқ жарқын жоба.<img src="https://knadmin.beoblood.kz/uploads/Stadion_282f796d9f.jpg" alt="Стадион.jpg">Құны 20,9 млрд. теңгені құрайтын жоба аясында футбол алаңы ғана емес ғимарат ішінде бірнеше спорт түрлерінен үйірмелер жұмыс жасайтын болады.Мұнда шығыс және батыс трибуналардың металл конструкциялары орнатылып, қабырғалар, ішкі бөлмелер мен сыртқы витраждар қаланған. Қазіргі таңда футбол алаңын жабдықтау, ішкі әрлеу және аумақты абаттандыру жұмыстары жүргізілуде.Стадион ғимараты маңында 238 орындық автотұрақ алаңы, 40 орындық VIP автотұрақ, автобусқа арналған 4 автотұрақ орналаспақ. Жаңа стадион құрылысы Сыр өңірінің аяқдоп сүйер қауымы үшін үлкен жаңалық болғалы отыр. Себебі, бұған дейін қолданыста болған стадионның іргесі 1968 жылы қаланған болатын.Танысу барысында халық қалаулылары құрылыс сапасына мән беріп, мердігерлерге ұсыныс пікірлерін білдірді. Жаңа нысан қыркүйек айына дейін пайдалануға беріледі деп жоспарланып отыр.Мониторинг жұмыстарына партияның облыстық, қалалық филиалының төрағалары Алмасбек Есмаханов, Ибадулла Құттықожаев, облыстық мәслихаттағы депутаттық фракция мүшесі Гүлшат Исаева және Қызылорда қаласы әкімінің орынбасары Бақытжан Омаров пен жауапты басқарма басшылары қатысты.&nbsp; &nbsp;Сондай-ақ мәжілісмендер жаңа автовокзал жұмысымен танысты. Бұған дейін қалааралық жолаушылар тасымалын реттеу үшін қолданыста болған ескі автовокзалдың тозығы жеткен болатын. Соның негізінде, аймақ басшысының бастамасымен қаламыздың Сол жағалауынан жаңа автовокзал ғимараты бой көтерді.<img src="https://knadmin.beoblood.kz/uploads/M_Zh_ILISMENDER_Zh_A_A_AVTOVOKZAL_Zh_MYSYMEN_TANYSTY_4b5eac4056.jpg" alt="МӘЖІЛІСМЕНДЕР ЖАҢА АВТОВОКЗАЛ ЖҰМЫСЫМЕН ТАНЫСТЫ.jpg">Кеше аталмыш ғимараттың жұмысымен Қазақстан Республикасы Парламенті Мәжілісіндегі «AMANAT» партиясы фракциясының мүшелері Мархабат Жайымбетов пен Мұрат Абенов танысты. Мұнда халықаралық және қала аралық үлкен автобустармен қатар «ЭКО такси» де жолаушыларға қызмет етуде. «Қызылорда автобус паркі» ЖШС-нің теңгеріміндегі автобустар қалаішілік 32 бағытта жолаушылар тасымалымен айналысады. 12-14 минут интервалмен күніне 230-240 автобус халыққа қызмет көрсетуде.Автопарк 720-ға жуық азаматты жұмыспен қамтып отыр. «ЭКО такси» қызметі де жолаушылардың жоғары сұраныстағы көлік құралына айналды. Таксиге тапсырыстар «Яндекс», «Жұлдыз» және «Aparu» мобильді қосымшалар арқылы қабылдануда. Такси қызметінің ерекшелігі жүргізушілер көлікті жалға алып, табыс таба алады. Олар «Өтелмелі қызмет көрсету шарты» негізінде қызмет көрсетеді және айына 110 500 теңге ақы төлейді.&nbsp;Қызылорда қаласына жұмыс сапарымен келген Қазақстан Республикасы Парламенті Мәжілісіндегі «AMANAT» партиясы фракция мүшелері Мархабат Жайымбетов пен Мұрат Абенов Сол жағалаудағы өндірістік паркке табан тіреді.<img src="https://knadmin.beoblood.kz/uploads/M_Zh_ILISMENDER_NDIRISTIK_PARK_Zh_MYSYMEN_TANYSTY_914259f14a.jpg" alt="МӘЖІЛІСМЕНДЕР ӨНДІРІСТІК ПАРК ЖҰМЫСЫМЕН ТАНЫСТЫ.jpg">Облыста шағын өнеркәсіп аймақтарын құру үшін Қызылорда қаласының сол жағалауында 2 шағын өнеркәсіп паркін салуға 2 кәсіпкердің өтінімдері мақұлданып, нәтижесінде «Тұмар» ЖК және «Техоснастка-Ремсервис» ЖШС-нің негізі қаланған болатын.Аталмыш жобалар «AMANAT» партиясының сайлауалды бағдарламасы іске асыруға арналған Жол картада жоспарланған. Екі жобаның құны 1 млрд. 52 млн. теңгені құрайды. Айта кетерлігі, жоба құнының 210 млн. теңгесі кәсіпкерлердің жеке қаражаты есебінен болса, қалғаны «Байқоңыр» ӘКК мен «Өнеркәсіпті дамыту қоры» АҚ есебінен жүргізілуде.Өндірістік парк негізінде қаламызда бірқатар жаңа жобалар қолға алынбақ. Мәселен, ысталған балық, табиғи шырын өндірісі, кондитерлік өнімдер мен тағамдар өндіру цехы жұмыс жасамақ.Расында, тұрғындардың табиғи өнімдерге сұранысының артуына байланыста қолға алынған қомақты жоба қала тұрғындарын сапалы тағамдармен қамтитыны анық. Сондай-ақ, жаңа мамандар даярланып, қосымша жұмыс көзі ашылмақ.Атап өту керек, «Техоснастка-Ремсервис» ЖШС-і шағын өнеркәсіп аймағымен қатар, коммуналдық базар және ауыл шарушалығы өнімдерін сақтау қоймасын салуды және осы өнеркәсіп аймағында қалдықсыз өндірісті қолға алуды көздеп отыр.Халық&nbsp;қалаулылары&nbsp;Мархабат&nbsp;Жайымбетов&nbsp;пен&nbsp;Мұрат&nbsp;Абенов&nbsp;Қызылорда&nbsp;қаласының&nbsp;сол&nbsp;жағалауындағы&nbsp;көпбейінді&nbsp;қалалық&nbsp;аурухана&nbsp;құрылысымен&nbsp;танысты.<img src="https://knadmin.beoblood.kz/uploads/Frakcziya_m_sheleri_k_pbejindi_auruhana_rylysymen_tanysty_4132f4f0cd.jpg" alt="Фракция мүшелері көпбейінді аурухана құрылысымен танысты.jpg"><img src="https://knadmin.beoblood.kz/uploads/2_Frakcziya_m_sheleri_k_pbejindi_auruhana_rylysymen_tanysty_41c93093d6.jpg" alt="2 Фракция мүшелері көпбейінді аурухана құрылысымен танысты.jpg"><img src="https://knadmin.beoblood.kz/uploads/1_Frakcziya_m_sheleri_k_pbejindi_auruhana_rylysymen_tanysty_6cbd7907f4.jpg" alt="1 Фракция мүшелері көпбейінді аурухана құрылысымен танысты.jpg">Құны 35 млрд. теңгені құрайтын онкологиялық бөлімшесі бар аурухана 300 төсек орынға жабдықталған. 2023 жылы басталған құрылыс жұмыстары қарқынды жүргізілуде. Айта кету керек, аурухана құрылысы "AMANAT" партияcының сайлауалды бағдарламасы аясында салынуда.Партияның облыстық және қалалық филиалдары жанындағы Партиялық бақылау комиссиясының мүшелері құрылыс қарқынын бағамдау үшін ұдайы түрде мониторинг жұмыстарын жүргізіп келеді.Аймағымызда Мемлекет басшысының қолдауымен, Партияның Сайлауалды бағдарламасы аясында халық денсаулығын нығайтуға, медицина қызметкерлеріне жан-жақты қолдау көрсетуге бағытталған кешенді шаралар нәтижелі жүзеге асырылуда. Соңғы үш жылда салаға 441 млрд. теңге қаржы бөлініп, халықтың сұранысына сәйкес түйткілді мәселелер шешімін тауып келеді.Мемлекет басшысының бастамасымен «Ауылда денсаулық сақтауды жаңғырту» ұлттық жобасы аясында барлық ауданда 28 медициналық нысан жаңадан салынып, іске қосылды. Төрт көпбейінді аудандық орталық аурухана жанынан қосымша құрылыстар көтеруде. Соңғы үш жылда 24 медициналық нысан күрделі жөндеуден өтті. Халық сұранысына сәйкес барлық елді мекендегі денсаулық сақтау мекемелері санитарлық автокөлікпен 100 пайыз қамтылды.Құрылыс жұмыстарымен танысу барысында Мәжілісмендер ұлт денсаулығын жақсарту, медицина саласын дамыту мақсатындағы осындай ауқымды жобалардың маңыздылығын атап өтті.

«Amanat»: Депутаттық фракция мүшелері Сыр еліне жұмыс сапарымен келді

<a href="https://kyzylorda-news.kz/">Kyzylorda-news.kz</a> &nbsp;Облыс әкімі Нұрлыбек Нәлібаевтың төрағалығымен өңірлік инвестициялық штабтың отырысы өтті. Штаб құрамына облыс прокуроры, жергілікті және орталық атқарушы органның мекемелері, «Қазақ Инвест» ұлттық компаниясы, кәсіпкерлер палатасы, салық органдары енгізілді.Атап өту қажет, өңірлік инвестициялық штабтың құрамына ҚР Президенті Әкімшілігінің Басшысы Айбек Дәдебайдың тапсырмасына сәйкес Президент Әкімшілігінің Өңірлік даму мониторингі бөлімінің инспекторы Нұрлан Тайғанов қосылды.Күн тәртібінде «Қорқыт Ата» арнайы экономикалық аймағына инженерлік инфрақұрылым тарту, инвестициялық жобалар, шағын өнеркәсіптік аймақтарды дамыту мәселелері қаралды.Аймақ басшысы осыған орай сала басшыларына нақты тапсырмалар жүктеді.<blockquote>«Инвесторларға қолайлы жағдай жасау үшін арнайы экономикалық аймақты cыртқы және ішкі инженерлік инфрақұрылым желілерімен қамтамасыз ету қажет. Мемлекеттік қолдау шараларын егжей-тегжейлі зерттеп, инфрақұрылым жеткізу мәселесін заң аясында зерделеңіздер.Қазіргі таңда елімізде шағын өнеркәсіптік аймақтарды салып, дамыту бойынша қарқынды жұмыс жүргізілуде. Көп жағдайда кәсіпкерлер өндіріс орнын ашу үшін стандартқа сәйкес келетін дайын ғимарат сұрайды. Облыстық экономика және қаржы, кәсіпкерлік және өнеркәсіп басқармалары «Байқоңыр» корпорациясымен бірлесіп, шағын өнеркәсіптік аймақтарды салуға қажет қаражатты жергілікті бюджеттен тарту мәселесін қарастырыңыздар»,– деді Нұрлыбек Машбекұлы.</blockquote>Жиында арнайы экономикалық аймақтың инфрақұрылымын дамыту туралы облыстық кәсіпкерлік және өнеркәсіп басқармасының басшысы Дәурен Әбілқайыров баяндама жасады.Сондай-ақ, «Қызылорда Саз-М» кірпіш зауытының директоры Нарбаев Еркебұлан зауытқа апаратын жолдың және сол маңдағы теміржол асты тесік көпір жолының мәселесін көтерді. «Орхун Медикал» медицина орталығының директоры Алмат Жұмабаев қала аумағынан стандартқа сай бос ғимарат сұрады. «Рем Пласт» қағаз және картон зауытының директоры Расул Жүсіпбеков инженерлік инфрақұрылымға қатысты, «Вигор Холдинг» жобасының құрылтайшысы Мөлдір Жақанова 20 мегаваттық күн-электр станциясын салудағы проблемаларды айтты. «Байқоңыр» әлеуметтік-кәсіпкерлік корпорациясы акционерлік қоғамының басқарма төрағасы Ғизат Әбілтай шағын өнеркәсіптік аймақтарды дамыту жайындағы пікірін білдірді.<img src="https://knadmin.beoblood.kz/uploads/irlik_investicziyaly_shtabty_otyrysy_tti_1b108aa878.jpg" alt="Өңірлік инвестициялық штабтың отырысы өтті.jpg">Айта кетейік, 2025 жылы өңірге 631,4 млрд теңге инвестиция тарту жоспарланған. Өткен 5 айдың қорытындысы бойынша 229,8 млрд теңге тартылып, өсім 27,1% болды. Оның 70%-ы – жеке инвестиция. Экономиканы әртараптандыруда 2025-2028 жылдары 89 инвестициялық жоба шеңберінде 11 мыңнан астам жаңа жұмыс орны ашылады. Биыл 27 жоба жүзеге асады.Ірі жобалар қатарында түрік инвесторы «Aksa Energy» салған жаңа жылу-электр орталығы, заманауи кірпіш зауыты, жылына 1,1 млн тонна қиыршық тас шығару және айна өндіру жобалары бар.Сонымен қатар, «Марал Нұр» жолаушы вагондарын жөндеу кешені, түрік инвесторының «Орхун Медикал» медицина орталығы, кондитерлік және макарон өнімдері өндірісі, түйе сүтінен құрғақ ұнтақ шығару зауыты, екі шағын өнеркәсіптік аймақ іске қосылады.<img src="https://knadmin.beoblood.kz/uploads/2_irlik_investicziyaly_shtabty_otyrysy_tti_4480734a57.jpg" alt="2 Өңірлік инвестициялық штабтың отырысы өтті.jpg">Фото: Қызылорда облысы әкімінің баспасөз қызметі

Өңірлік инвестициялық штабтың отырысы өтті

<a href="https://kyzylorda-news.kz/">Kyzylorda-news.kz</a> Арал ауданы әкімі Аманжол Оңғарбаевтың төрағалығымен аппарат мәжілісі өтіп, күн тәртібіне сәйкес «Сумен жабдықтау және су бұру жүйелерін дамыту, суды үнемдейтін және цифрлық технологияларды енгізу шаралары» қаралып, ауданда жүргізіліп жатқан су тарту жұмыстары пысықталды.Мемлекет басшысы 2025 жылдың соңына дейін тұрғындарды 100 пайыз сапалы ауыз сумен қамтуды тапсырғаны белгілі. Бүгінде бұл бағыттағы жұмыстар қарқынды жүргізілуде. Ауданға қарасты Тоқабай, Абай ауылдарына ауыз су тарту жұмыстары қарқынды қолға алынуда. Бұдан бөлек Ерімбетжаға және Тастүбек ауылдарын орталықтандырылған ауыз суға қосу жұмыстары жүруде.Аудан әкімі бұл бағыттағы жұмыстарды ұдайы назарда ұстап, жұмысты бәсеңдетпеу керектігін жеткізді.Сонымен қатар жыл сайын халқымыздың саны артқандықтан су тұтынуда ысырапшылыққа жол бермеу керектігін айтты.– Құрметті әріптестер. Ауыз сумен қамту – ең өзекті мәселелердің бірі екендігі белгілі. Жыл сайын халқымыздың саны артып, су тұтыну көлемі де ұлғаюда. Осы ретте, су ресурстарын үнемдеп пайдалану өте маңызды. Бүгінде тұрғындар арасында суды үнемдеп пайдалану мәдениеті қалыптаспаған. Барлығы дерлік ауыз суды егістіктерін суаруға, есік алдына шашуға, көліктерін жууға ретсіз жұмсауда. Осы ретте, қала, кент және ауылдық округ әкімдері, халық арасында су үнемдеу шараларын қабылдау қажет, – деді аудан әкімі.Жиын соңында атқарылуы тиіс жұмыстар бойынша жауапты тұлғаларға нақты тапсырма жүктеп, уақытылы орындалуын бақылауға алуды салаға жетекшілік ететін аудан әкімінің орынбасарына жүктеді.Фото: Аудан әкімдігінің баспасөз қызметі

Архив

МӘМС жүйесінде сақтандыру мәртебесі қанша уақыттан кейін беріледі?

Сырбойылық зияткерлер My Extra Case Competition байқауында II орын иеленді

Су ресурстарын үнемді пайдалану – басты міндет

«Amanat»: Депутаттық фракция мүшелері Сыр еліне жұмыс сапарымен келді

Өңірлік инвестициялық штабтың отырысы өтті

Сумен жабдықтау мәселесі қаралды