<a href="https://kyzylorda-news.kz/">Kyzylorda-news.kz</a> Бүгін Аманат партиясының алаңында облыстық әділет департаменті басшысының міндетін атқарушы Оразгелді Ұзақбай Оразгелдіұлы кестеге сай қоғамдық қабылдау өткізді.Қабылдау барысында борышкерлер тізімінен шығару, алимент өндіру, несие тарихын реттеу, жеке сот орындаушылардың әрекетсіздіктері және т.б мәселелер төңірегінде мәселелер тыңдалды.Келушілерге ҚР «Атқарушылық iс жүргiзу және сот орындаушыларының мәртебесi туралы» Заң нормалары түсіндірілді. Берешек қарызын төлегеннен кейін борышкерлер тізімінен алыну қажеттілігі, егер алынбаған жағдайда мән-жайды анықтап, сот орындаушыға жүгіну қажеттілігі айтылды.Алимент міндетті төлем екені және бір бала үшін табысының 25%-ын период сайын өндіру жүргізіледі. Алимент төлемеген жағдайда ҚР «Әкімшілік құқық бұзушылық туралы» Кодексінің 669 бабы, ҚР Қылмыстық Кодексінің 139 және 460 баптары бойынша қарастырылған жауапкершілік түрлері түсіндірілді.Сондай-ақ, жеке сот орындаушылардың әрекеттері бойынша қолданыстағы заң нормалары түсіндіріліп, өтініш иесінің мәселесін оңтайлы шешуге көмек көрсетілетіні айтылды.

Құқықтық кеңес берілді

<a href="https://kyzylorda-news.kz/">Kyzylorda-news.kz</a> Қызылордалықтар бұрын соңды болмаған &nbsp;орталықтандырылған ыстық су игілігін былтырдан бастап көре бастады. Мемлекет басшысының тікелей қолдауымен жүзеге асып отырған жоба тиімділігін бүгін Сыр өңіріндегі сапары барысында ҚР Парламенті Мәжілісіндегі «AMANAT» партиясы &nbsp;фракциясының мүшелері Мархабат Жайымбетов пен Мұрат Әбенов те көріп қайтты.&nbsp;Жалпы қалада 624 тұрғын үйді ыстық су желісіне қосу &nbsp;жоспарланған. Соның 201 тұрғын үйіне ыстық су желісі қосылды. Жоба құны 26,2 млрд. теңге. Жұмыстар екі кезеңмен іске асуда, І кезең – 2024 жыл 187 үй, ІІ кезең - 2025 жыл 236 үй. Былтыр 17 жоба бойынша 187 көппәтерлі тұрғын үйді ыстық сумен жабдықтау желілерін салу үшін Үкімет резервінен 11 млрд.теңге қаржы бөлінген. Нәтижесінде ыстық сумен қамтамасыз ету жұмыстары толық және сапалы аяқталып, тұрғындар ыстық судың игілігін көруге мүмкіндік алды. Ағымдағы жылы қалған 236 тұрғын үйді ыстық су жүйесімен қамту жұмыстарына 15,2 млрд. теңге қаржы қажет. Аталған жұмыстарды бастауға ағымдағы жылы Үкімет резервінен 5 млрд.теңге қаржы бөлінді. Қазіргі таңда, мердігер «Мелиоратор» ЖШС тарапынан Ақмешіт және Мерей мөлтек ауданындағы көпқабатты тұрғын үйлерді ыстық сумен қамту жұмыстары жүргізілуде.Халық қалаулылары атқарылған жұмыстарды өз көздерімен көріп, ризашылықтарын білдірді.&nbsp;

Қала тұрғындары ыстық судың игілігін көруде

<a href="https://kyzylorda-news.kz/">Kyzylorda-news.kz</a> ҚР Парламенті Мәжілісіндегі «AMANAT» партиясының фракция мүшелері Мұрат Әбенов пен Мархабат Жайымбетов қаладағы Орынбор көшесінің бойындағы көппәтерлі үйдің тұрғындарымен кездесті. Оларға көпқабатты тұрғын үйлерді басқару жүйесіне қатысты енгізіліп жатқан өзгертер төңірегінде түсіндірме жұмыстарын жүргізіп, ұсыныс - пікірлерін тыңдады.Кездесуге партияның облыстық филиалының төрағасы Алмасбек Есмаханов, облыстық энергетика және тұрғын үй - коммуналдық шаруашылық басқармасының басшысы Медет Усаин, Қызылорда қаласы әкімінің орынбасары Бақытжан Омаров қатысты.Жалпы көппәтерлі үй тұрғындары, меншік иелерінің бірлестігі тұрақты түрде көгалдандыру жұмыстарын жүргізіп отырады. Бірқатар подъезд маңын гүлзарлармен көмкерген. Ендігі кезекте тұрғын үй сапасын жақсарту мақсатында бірқатар сауалдар жолдап, орындалуын сұрауда.Мәселен, ауыз су сапасы мен қысымының жоғары қабаттарға көтерілмеуі, аулаға бейне бақылау камерасын орнату, аяқ су мәселесі жайлы ұсыныстарын білдірді. Аталған мәселелер бойынша тиісті сала мамандары жауап беріп, мәселелердің кезең - кезеңімен шешілетіндігін жеткізді. Халық қалаулылары аталған ұсыныстардың орындалуын тікелей бақылауға алатындықтарын айтып, жалпы өңірдегі атқарылып жатқан жұмыстарға жұмыла қолдау көрсетуге шақырды.

Фракция мүшелері меншік иелері бірлестігінің өкілдерімен кездесті

<a href="https://kyzylorda-news.kz/">Kyzylorda-news.kz</a> Қызылорда облысы бойынша ҚАЖ департаментінің Қазалы аудандық пробация қызметі есебіндегі тұлғалар арасында «Ерлік – басты құндылық» атты отбасылық эстафеталық жарыс өткізілді. Іс-шараны Қазалы аудандық Жастар ресурстық орталығы ұйымдастырды.Іс-шараның мақсаты – салауатты өмір салтын насихаттау, отбасы құндылықтарын дәріптеу, пробация қызметінде есепте тұрған азаматтарды қоғамға бейімдеу және олардың әлеуметтік белсенділігін арттыру болды.Жарыс барысында қатысушы отбасылар түрлі спорттық кезеңдерден өтіп, ұйымшылдық пен шапшаңдықтарын көрсетті. Эстафета жоғары көңіл күймен өтті, қатысушылар белсенділік танытып, жақсы ойын үлгісін көрсетті.Жарыс нәтижесінде үздік атанған отбасылар жүлделі орындарға ие болып, арнайы марапаттармен марапатталды.<blockquote>– «Отбасымызбен қатысып жатырмыз, керемет ойын болды. Бір-бірімізге сеніп, қолдау көрсеттік. Жүлделі орын алып, қуанып отырмыз. Осындай шаралар көп болса екен», – деді жарысқа қатысушы, пробация есебіндегі азамат.</blockquote>Іс-шара соңында ұйымдастырушылар алдағы уақытта да осындай игі бастамалар жалғасын табатынын атап өтті

Қазалыда пробация есебіндегі тұлғалар арасында отбасылық эстафета өтті

<a href="https://kyzylorda-news.kz/">Kyzylorda-news.kz</a>&nbsp; Қаржы жүйесінің маңызды міндеттерінің бірі – ақпараттық қауіпсіздікті қамтамасыз ету болып табылады. Оны арттыру үшін Қазақстанның Ұлттық Банкі қаржы ұйымдары үшін жаңа талаптар енгізді.&nbsp;Оларды түсіну үшін Fingramota.kz-тің көмегіне жүгінелік.&nbsp;Қандай жаңалықтар жұмыс істей бастады?Деректердің жария болуы, ұрлануы, фишингі және алаяқтық тәуекелдерді азайту үшін пайдаланушы жөніндегі ақпараттың қауіпсіздігін және оны беру процестерін бақылау маңызды.&nbsp;2025 жылғы 1 шілдеден бастап ҚР Ұлттық Банкі қаржы ұйымдарына міндетті жаңа талаптар енгізді. Оның нәтижесінде банктер, шетелдік банктердің филиалдары, сондай-ақ «Қазақстанның Даму Банкі» АҚ және «Қазпочта» АҚ Ұлттық Банкке мыналарды:Банктік шоттың (салымның) иесі туралы есеп — деректерді алғаннан немесе өзгерткеннен кейін 10 жұмыс күні ішінде;Банктік шот (салым) шарты туралы есеп — 10 жұмыс күні ішінде;Банктік шоттың өзі туралы есеп &nbsp;— сол мерзімдерде;Шот бойынша қаржының қозғалысы туралы айлық есеп — келесі айдың 10-шы жұмыс күнінен кешіктірмей беруге міндетті.Бұл есептілік шоттардың барлық түрлеріне қатысты — ағымдағы, мерзімді, жинақтаушы, инвестициялық, шартты, ұлттық және шетел валюталарында, тіпті нөлдік қалдықпен. Есептердің мазмұны мыналарды қамтитын болады:Шоттың иесі туралы мән-жайлар: пайдаланушының санаты (жеке тұлға, ДК, заңды тұлға), туған жылы, жынысы, азаматтығы, өңір&nbsp;Шарт талаптары: сомасы, валютасы, салым мерзімі, мөлшерлемесі, мультивалюталығы, мерзімінен бұрын алу мүмкіндігі&nbsp;Шоттың техникалық деректері: валюта, қалдық, төлемдер мен аударымдардың мақсаты.Операциялар типологиясы: түсімдер, есептен шығару, пайыздарды есептеу, тыйым салу және т. б.&nbsp;Жеке деректерді қорғау қалай қамтамасыз етіледіДеректерді тұрақты беру кезінде тәуекелдерді барынша азайту үшін қорғау шаралары көзделген. Мәселен, азаматтардың банктік шоттары (салымдары) бойынша ақпарат анонимді болады. Атап айтқанда, дербестендіруден шығару қолданылады: ЖСН орнына ДСН қолданылады – ұзындығы 15-64 таңбадан тұратын бірегей шифрланған код, оны арнайы жабдық пен бағдарламалық қамтылымсыз үшінші тұлғаларға ЖСН-ға қайта түрлендіру мүмкін емес. Нәтижесінде тек уәкілетті органдар – Ұлттық Банк, ҚНРДА, Салымдарға кепілдік беру қоры және т. б. – сұрау салу бойынша қорғалған арналар арқылы осы ЖСН/ BIN ала алады&nbsp;Сол сияқты, аты-жөнінің орнына АСН – анонимді сәйкестендіру нөмірі қолданылады. Бұл шешім қаржы ағындарын бақылауды, көлеңкелі операциялармен ақшаны жылыстатумен және терроризмді қаржыландырумен күресті күшейтуге мүмкіндік береді.Жеке деректерді өз бетінше қалай қорғауға болады?Жеке деректерді үнемі қауіпсіз сақтау керек екенін ұмытпаңыз. Ұстануға &nbsp;тиіс негізгі қағидаларды еске саламыз:1. Банкпен жасалған шарттарды мұқият оқып шығыңыз: сіздің деректеріңіз қалай қолданылатынына және банк қандай қорғау шараларын ұсынатынына назар аударыңыз.&nbsp;2. Операцияның дәйектілігіне күмән туындаған жағдайда, дереу үзінді- көшірмені сұратып, оны мобильді немесе веб-қосымша арқылы тексеріңіз.3. Банкпен ресми байланыс арналарын ғана пайдаланыңыз, өздерін «банк» немесе «Ұлттық Банк» деп таныстыратын хабарламалардан/қоңыраулардан сілтемелер бойынша өтпеңіз.4. Интернет-банкинг және мобильдік қосымшалар үшін екі факторлы аутентификацияны (2FA) орнатыңыз.5. Құрылғылардағы операциялық жүйе мен бағдарламаларды жаңартыңыз: банктер мен мемлекеттік қызметтер бағдарламалық қамтылымның қорғалған нұсқаларын қажет етеді.6. Телефондар мен компьютерлерге лицензияланған антивирустық бағдарламаны орнатыңыз, ал Android-ты қолданған кезде қосымшаның қолжетімділік құқығын тексеріңіз.7. Операцияларды растау үшін телефон арқылы жеке деректерді (құпиясөздер, SMS-кодтар) жіберу қажет емес — банктер ешқашан оны сұрамайды.&nbsp;8. Маңызды құжаттар мен мәлімдемелердің резервтік көшірмелерін жергілікті немесе шифрланған бұлтта сақтаңыз.9. Күрделі құпиясөздерді және сенімді құпиясөз менеджерлерін пайдаланыңыз.&nbsp;10. Онлайн-банкке барлық кірген кезде және транзакциялар жасағанда хабарлама келетін функцияны орнатыңыз — бұл күдікті әрекеттерді дер кезінде білуге мүмкіндік береді.&nbsp;11. Өзіңіздің банктік деректеріңізді үнемі тексеріп отырыңыз – егер &nbsp;белгісіз операцияларды байқасаңыз – картаны/шотты дереу бұғаттап, банкке хабарласыңыз.<figure class="image"><img src="https://knadmin.beoblood.kz/uploads/fingramota_kaz_f1a63336c7.png" alt="финграмота каз.png"></figure>Жеке деректерді қорғау тек қаржы ұйымдары мен мемлекеттік органдардың ғана міндеті емес, сонымен қатар сіздің жауапкершілігіңіз екенін ұмытпаңыз.&nbsp;Құрылғылар мен шоттардың қауіпсіздігін үнемі тексеріп, Fingramota.kz-пен бірге қаржылық сауаттылығыңызды арттырыңыз!Фото: Fingramota.kz

Ұлттық Банк қазақстандықтардың шоттары туралы есептер алатын болады 

<a href="https://kyzylorda-news.kz/">Kyzylorda-news.kz</a> ҚР Парламенті Мәжілісіндегі «AMANAT» партиясы фракциясының мүшелері Мархабат Жайымбетов пен Мұрат Абенов партияның облыстық филиалының төрағасы Алмасбек Есмхановпен бірге жаңа жылу орталығының құрылыс жұмыстарымен танысты.Соңғы жылдары елімізде жылу орталықтарынан туындайтын ақаулар жиі анықталуда. Тұрғын санының өсуі, қаланың кеңеюі үшін заманауи, қуатты жылу орталығының қажеттілігі анық сезілетін. Сондықтан, Мемлекет басшысының тапсырмасына сәйкес оңтүстік өңірлерде электр энергиясының тапшылығын болдырмау мақсатында Қызылорда қаласында қуатылығы 240 МВт электрэнергиясы мен 277 Гкал жылу энергиясын құрайтын жаңа жылу электр орталығы құрылысы қарқынды жүргізілуде.Жобаның жалпы құны - 215 млрд.теңгені құрайды. Жылу электр орталығы толығымен «Aksa Energy» түрік компаниясының инвеситициялық қаражаты негізінде салынуда. Жоба аясында қуатылығы 180 МВт-тық 2 дана газ турбиналық қондырғылары, 95 МВт-тық бу турбинасы, қуаттылығы 120 тн/сағ құрайтын 2 бу қазандығы мен 150 Гкал/сағ құрайтын 4 жылу қазандығы салынатын болады. Жаңа жылу электр орталығының құрылысы аясында 220 кВ әуе желісін қайта жаңғырту жұмыстары жүргізілуде.Айта кету керек, Мемлекет басшысының тапсырмасымен, аймақ басшысының үйлестіруімен қолға алынған жоба аясында заманауи, шетелдік маркалы компаниялардың озық технологиялары қолданылуда. Сондай-ақ, өңірде Президенттің Катар еліне жұмыс сапары аясындағы үкіметаралық келісімге сәйкес, қуаттылығы 1100 МВт, құны 892 млрд теңге болатын бу-газ қондырғысын салу келісілді. Бұл мегажоба 2028 жылы толығымен іске қосылмақ.<img src="https://knadmin.beoblood.kz/uploads/Amanat_zhylu_elektr_ortaly_y_fc09fe4f3f.jpg" alt="Аманат жылу электр орталығы.jpg">

Жылу электр орталығы құрылысы Сыр елі үшін үлкен серпін

<a href="https://kyzylorda-news.kz/">Kyzylorda-news.kz</a> Арал ауданының әкімі Аманжол Оңғарбаевтың төрағалығымен аппарат мәжілісі өтіп, күн тәртібіне сәйкес «Сумен жабдықтау және су бұру жүйелерін дамыту, суды үнемдейтін және цифрлық технологияларды енгізу шаралары» қаралып, ауданда жүргізіліп жатқан су тарту жұмыстары пысықталды.Мемлекет басшысы 2025 жылдың соңына дейін тұрғындарды 100 пайыз сапалы ауыз сумен қамтуды тапсырғаны белгілі. Бүгінде бұл бағыттағы жұмыстар қарқынды жүргізілуде. Ауданға қарасты Тоқабай, Абай ауылдарына ауыз су тарту жұмыстары қарқынды қолға алынуда. Бұдан бөлек Ерімбетжаға және Тастүбек ауылдарын орталықтандырылған ауыз суға қосу жұмыстары жүруде.&nbsp;Аудан әкімі бұл бағыттағы жұмыстарды ұдайы назарда ұстап, жұмысты бәсеңдетпеу керектігін жеткізді. &nbsp;Сонымен қатар жыл сайын халқымыздың саны артқандықтан су тұтынуда ысырапшылыққа жол бермеу керектігін айтты.&nbsp;<blockquote>– Құрметті әріптестер. Ауыз сумен қамту – ең өзекті мәселелердің бірі екендігі белгілі. Жыл сайын халқымыздың саны артып, су тұтыну көлемі де ұлғаюда. Осы ретте, су ресурстарын үнемдеп пайдалану өте маңызды. Бүгінде тұрғындар арасында суды үнемдеп пайдалану мәдениеті қалыптаспаған. Барлығы дерлік ауыз суды егістіктерін суаруға, есік алдына шашуға, көліктерін жууға ретсіз жұмсауда. Осы ретте, қала, кент және ауылдық округ әкімдері, халық арасында су үнемдеу шараларын қабылдау қажет, – деді аудан әкімі.</blockquote>Жиын соңында атқарылуы тиіс жұмыстар бойынша жауапты тұлғаларға нақты тапсырма жүктеп, уақытылы орындалуын бақылауға алуды салаға жетекшілік ететін аудан әкімінің орынбасарына жүктеді.<img src="https://knadmin.beoblood.kz/uploads/Aral_audany_sumen_zhabdy_tau_2_bd96f2114d.jpg" alt="Арал ауданы сумен жабдықтау 2.jpg">

Сумен жабдықтау мәселесі қаралды

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың төрағалығымен сумен жабдықтау және су бұру жүйелерін дамыту, суды үнемдейтін цифрлық технологияларды енгізу шаралары бойынша мәжіліс өтіп, нақты тапсырмалар жүктелді. Осыған байланысты аудан әкімі Берік Сәрменбаев жиын өткізіп, халықты сапалы ауыз сумен қамту бағытында кешенді шаралар атқарылып жатқанын атап көрсетті.<blockquote>– Мемлекет басшысы Қасым-Жомарт Кемелұлы Тоқаев халықты сапалы ауыз сумен қамту жұмыстарын жүйелі жүргізуді тапсырған болатын. Соған байланысты ауданда сумен қамту мәселесі толық шешімін тапқан. Десе де, жаз мезгілінде тұрғындардың ауыз суды бақшаға пайдалануы салдарынан судың қысымы төмендейді. Мұндайға жол бермеу қажет. Ауыз судың үздіксіз және қысымының төмендемеуін тұрақты бақылауда ұстау қажет, – деді Берік Әбдіғаппарұлы.</blockquote>Аудан орталықтандырылған ауыз сумен 100 пайыз қамтылған. Ауданда жалпы ұзындығы 463,9 шақырымды құрайтын ауыз су құбырлары жүйесі бар. Өткен жылы Сәкен Сейфуллин және Іңкәрдария елді мекендерінде барлау-пайдалану ұңғымаларын бұрғылау объектісі жергілікті бюджеттен қаржыландырылып, аталған нысандар толығымен қабылданды.Cоңғы 2 жылда жергілікті бюджеттен бөлінген 92,1 млн. теңгеге 9 су мұнарасы сатып алынып, Тереңөзек кенті, Шаған, Іңкәрдария, С.Сейфуллин, Қоғалыкөл, Н.Ілиясов, Шіркейлі, Аманкелді елді мекендеріне жаңадан орнатылды.<img src="https://knadmin.beoblood.kz/uploads/Syrdariya_audany_su_m_selesi_2_59b75727b4.jpg" alt="Сырдария ауданы су мәселесі 2.jpg">

Сапалы ауызсумен қамту бойынша нақты тапсырмалар жүктелді

<a href="https://kyzylorda-news.kz/">Kyzylorda-news.kz</a> «БейнеХҚКО» сервисі мемлекеттік қызметтерге қашықтан жүгінуге мүмкіндік беретін сұранысқа ие цифрлық арналардың бірі. Тек 2025 жылдың басынан бері сервис 25 676 рет қолданылды.Сервис шалғай елді мекендерде немесе елден тыс жерлерде тұратын азаматтарға, мүгедектігі бар адамдарға, сондай-ақ жұмысқа немесе отбасылық жағдайларға байланысты ХҚКО-ға бара алмайтын азаматтарға арналған.БейнеХҚКО арқылы сұранысқа ие қызметтер: бала туу және оның күтімібойынша жәрдемақы тағайындау,көп балалы отбасыларға және мүгедек адамдарға жәрдемақы тағайындау, соттылығының болуы немесе болмауы туралы анықтама алу, сондай-ақ мүгедек адамдарға әлеуметтік қызметтер мен түрлі көмек түрлерін рәсімдеу.«БейнеХҚКО» сервисін пайдалану қиын емес. Ең алдымен «ЦОН» мобильді қосымшасын (GooglePlay және AppStore арқылы) орнатып, тіркелу қажет. Әрі қарай, қосымшада бейнебайланыс бөлімін таңдап, операторға қосылу керек. Сервис арқылы ХҚКО қызметкері кеңес береді, құжаттарды рәсімдеуге және өтініш беруге көмектеседі жәнеқажет болса оператормен тілдесу терезесі арқылы жүктелген құжаттарды қабылдайды. Егер қызмет ақылы болса, төлем екінші деңгейлі банктың мобильді қосымшасы арқылы онлайн жүргізіледі. Қызметтің нәтижесін бейнеқоңырау барысында немесе кез келген халыққа қызмет көрсету орталығында алуға болады.

Қазақстандықтар жыл басынан бері «БейнеХҚКО» сервисін 25 мыңнан астам рет қолданды

<a href="https://kyzylorda-news.kz/">Kyzylorda-news.kz</a> Сырдария&nbsp;ауданының әкімі Берік Сәрменбаев Шаған ауылдық дәрігерлік амбулаториясының күрделі жөндеу жұмыстарын көріп, құрылыс сапасына мән берді.<blockquote>– Мемлекет басшысы Қасым-Жомарт Кемелұлы Тоқаевтың тапсырмасымен, облыс әкімі Нұрлыбек Машбекұлы Нәлібаевтың қолдауымен өңірде медициналық нысандар жаңартылуда. Оның ішінде, биыл Шаған ауылындағы дәрігерлік амбулатория күрделі жөндеуден өткізілуде. Бұл жұмыстар сапалы болуы қажет және мерзімінде аяқталуы тиіс. Жауапты мекемелер барынша сапалы жоспарға сай жұмыс жүргізуі керек. Барлық жұмысты жүйелі қадағалануы қажет, – деді Берік Әбдіғаппарұлы.</blockquote>Медициналық нысан құрылысымен танысу барысында аудан басшысы мердігер компания өкіліне кемшіліктер орын алмау қажеттігін ескертті. Сондай-ақ, құрылыс сапасын бақылауда ұстауды салалық орынбасары мен тиісті мамандарға тапсырды. Құрылыс жұмыстарының сапасын арттыру – тұрғындар үшін де маңызды.Айта кетейік, медициналық ғимаратты күрделі жөндеуге облыстық бюджеттен 328 млн. теңге бөлінген. Қазіргі таңда амбулаторияда ішкі әрлеу және сыртын қаптау жұмыстары жүргізілуде.Алдағы уақытта жоспарға сәйкес тиісті жөндеу жұмыстары жүйелі жүргізіледі.<img src="https://knadmin.beoblood.kz/uploads/Syrdariya_audany_rylys_zh_mystary_8d7d495a79.jpg" alt="Сырдария ауданы құрылыс жұмыстары.jpg">

Құрылыс жұмыстары сапалы жүргізілуі қажет

<a href="https://kyzylorda-news.kz/">Kyzylorda-news.kz</a> Мемлекет Басшысының инвестиция тарту жұмысын күшейту бойынша тапсырмасына сәйкес Қызылорда облысы шетелдік инвесторлармен байланысты нығайтуда.&nbsp;Солардың бірі санитарлық-техникалық бұйымдар өндірісі саласында тәжірибесі қалыптасқан Испаниялық Roca Group компаниясы. Қос тараптың байланысы негізінде жуырда Қызылорда қаласында санитарлық-техникалық бұйымдар шығаратын зауыттың құрылысы басталады. Зауыттың ашылуы ішкі нарықты отандық құрылыс материалдарымен қамтамасыз етуге мүмкіндік береді. Бұл туралы облыстық кәсіпкерлік және өнеркәсіп басқармасының басшысы Дәурен Әбілқайыров айтты.<blockquote>– 12 маусым күні Қызылорда облысы үшін маңызды қадам жасалды. Әлемдік деңгейдегі Roca Group компаниясымен бірлесіп, еліміздегі алғашқы санитарлық-техникалық бұйымдар өндірісін іске қосу бойынша Қазақстан Республикасы Өнеркәсіп және құрылыс министрлігі, облыс әкімдігі және компания арасында негіздемелік келісімге қол қойылды. Осы келісім негізінде 300 жаңа жұмыс орны ашылады. Қазіргі таңда зауыт салуға 20 га жер телімі белгіленген. Зауыт Орталық Азиядағы құрылыс саласындағы ең ірі жобалардың біріне айналады. Бұл – өңіріміздің табиғи ресурстары мен инвестициялық әлеуетінің нақты көрінісі. Біздің басты міндетіміз – инвесторларға барынша қолайлы жағдай жасап, жобаны сапалы әрі уақтылы іске асыру. Жоба тек облыс үшін емес, тұтас Қазақстанның өндірістік әлеуеті үшін маңызды бастама,- деді Дәурен Тұрғанбайұлы.</blockquote><img src="https://knadmin.beoblood.kz/uploads/Ispan_investorlarymen_birikken_igi_bastama_4a28cda77f.jpg" alt="Испан инвесторларымен біріккен игі бастама.jpg">Фото: freepik.com

Испан инвесторларымен біріккен игі бастама

<a href="https://kyzylorda-news.kz/">Kyzylorda-news.kz</a>&nbsp; Бүгін облыс әкімі Нұрлыбек Нәлібаев әлеуметтік осал топ санатындағы отбасыларға сол жағалаудан салынған 60 пәтерлік тұрғын үйдің кілтін табыстады.Салтанатты рәсімге Парламент Сенаты мен Мәжілісінің депутаттары Наурызбай Байқадамов, Мұрат Әбенов, Мархабат Жайымбетов, облыстық мәслихат төрағасы Мұрат Тілеумбетов, құқық қорғау органдарының басшылары, зиялы қауым өкілдері мен қала тұрғындары қатысты.Аймақ басшысы жаңа қоныс иелерін құттықтап, өңірдегі ауқымды жобаларға тоқталды.<blockquote>«Мемлекет басшымыз Қасым-Жомарт Кемелұлы халықты тұрғын үймен қамтамасыз ету мемлекеттің әлеуметтік саясатының басым бағыты екенін атап өтті. Бұл мақсатта ауқымды жұмыс атқарылуда. Соңғы үш жылда облысымызда қаржыландырудың барлық көзінен 2 млн. 500 мың шаршы метр тұрғын үй пайдалануға берілді. Кезекте тұрған халықтың әлеуметтік осал топтарына 4 мыңға жуық пәтер, жалғыз баспанасы апатты деп танылған азаматтарға пәтерлер сатып алынып, 9 мыңға жуық отбасы үйлі болды.Биыл ұлтымыздың тарихи «Қазақ» атауының қайтарылғанының, Қызылорданың Қазақ елінің астанасы болғанының 100 жылдығы кең көлемде аталып өтуде. Мерейлі жыл аясында сәулеті келіскен әсем де замануи ғимараттар бой көтеріп, ел игілігіне айналуда. Бюджеттен тұрғын үй құрылысы мен жеке салушылардан дайын пәтерлер сатып алуға 50 млрд. теңге бөлініп, 2 765 пәтер табысталады. Бүгін осы жұмыстардың нәтижесі мен қуанышты сәтіне өздеріңізбен бірге жетудеміз. Бұл – мемлекеттің қолдауын сезініп, баспаналы болуға ниет еткен әрбір отбасы үшін ерекше күн! Баспаналы болу ата-ананы да, балаларды да жақсылыққа жетелейді. Жаңа қоныстарыңыз татулық пен берекенің ордасына айналсын!», – деді Нұрлыбек Машбекұлы.</blockquote>Рәсімде мердігер мекеме қызметкерлеріне облыс әкімінің Алғыс хаты табысталды. Сенат депутаты Наурызбай Сейтқалиұлы, Мәжіліс депутаты Мұрат Абдуламитұлы құттықтау сөз сөйледі.Айта кету керек, облыста Мемлекет басшысының тікелей қолдауымен ауқымды жобалар жүзеге асырылуда. Қызылорда қаласында 215 млрд теңгеге қуаттылығы 240 МВт жаңа жылу-электр орталығы салынуда. Президенттің Катар еліне жұмыс сапары аясындағы үкіметаралық келісімге сәйкес, қуаттылығы 1100 МВт, құны 892 млрд теңге болатын бу-газ қондырғысын салу келісілді. Бұл мегажоба 2028 жылы толығымен іске қосылады.Бүгінде Қызылорда қаласының көпқабатты тұрғын үйлеріне ыстық су қосылуда. Алдағы жылу беру маусымында пәтерлер ыстық сумен қамтамасыз етіліп, жыл соңына дейін газдандыру деңгейі 83 пайызға жеткізіледі.2023-2025 жылдары 1 232 шақырым автомобиль жолдары мен көшелерді, 18 көпір өткелін салуға, күрделі жөндеуге 121 млрд. 500 млн. теңге бөлініп, жақсы жағдайдағы жолдардың үлесі 92 пайыз болды. Биыл 329 шақырым жол жөнделіп, жақсы жағдайдағы жолдардың үлесі 95 пайызға жетеді.<img src="https://knadmin.beoblood.kz/uploads/1_Sol_zha_alauda_60_p_terlik_t_r_yn_jdi_kilti_tabystaldy_d90d71abe5.jpg" alt="1 Сол жағалауда 60 пәтерлік тұрғын үйдің кілті табысталды.jpg"><img src="https://knadmin.beoblood.kz/uploads/2_Sol_zha_alauda_60_p_terlik_t_r_yn_jdi_kilti_tabystaldy_63b0baa769.jpg" alt="2 Сол жағалауда 60 пәтерлік тұрғын үйдің кілті табысталды.jpg"><img src="https://knadmin.beoblood.kz/uploads/3_Sol_zha_alauda_60_p_terlik_t_r_yn_jdi_kilti_tabystaldy_49b4c3757a.jpg" alt="3 Сол жағалауда 60 пәтерлік тұрғын үйдің кілті табысталды.jpg"><img src="https://knadmin.beoblood.kz/uploads/4_Sol_zha_alauda_60_p_terlik_t_r_yn_jdi_kilti_tabystaldy_c49677b4aa.jpg" alt="4 Сол жағалауда 60 пәтерлік тұрғын үйдің кілті табысталды.jpg"><img src="https://knadmin.beoblood.kz/uploads/5_Sol_zha_alauda_60_p_terlik_t_r_yn_jdi_kilti_tabystaldy_7892dbd20d.jpg" alt="5 Сол жағалауда 60 пәтерлік тұрғын үйдің кілті табысталды.jpg"><img src="https://knadmin.beoblood.kz/uploads/j_dom_1b675e8c7b.jpg" alt="үй дом.jpg">Фото: Қызылорда облысы әкімінің баспасөз қызметі

Архив