<a href="https://kyzylorda-news.kz/">Kyzylorda-news.kz</a> Келер аптаның жексенбісінде Қазалы ауданындағы Арықбалық ауылдық округіндегі тұрғындар ауыл өмірі үшін маңызды қадам жасайды.4 жыл мерзімге жаңа әкімді сайлау арқылы тұрғындар өз таңдауын жасап, азаматтық үн қоса алады.Ауылдық округ әкіміне кандидат ретінде 3 азамат тіркелді. Олар сайлаушылармен кездесу өткізіп, үгіт жүргізу шеңберінде өз сайлауалды бағдарламаларын жүргізуде. Кандидаттардың 6 сенім білдірілген адамы тіркеліп, куәліктерін алды.Кандидаттардың орташа жасы - 41.Округте 939 сайлаушы дауыс беруге құқылы. Сайлау науқанында 7 комиссия мүшесі қызмет атқарады.Дауыс беру учаскесіне келе алмаған азаматтар өтініш қалдыру арқылы тасымалданатын жәшіктің көмегімен дауыс бере алады.

29 маусымда Арықбалық ауылдық округінде жаңа әкім сайланады

<a href="https://kyzylorda-news.kz/">Kyzylorda-news.kz</a> Мемлекеттік қызмет – ел басқару ісіндегі негізгі тірек, барлық саланың үйлесімді жұмыс істеуін қамтамасыз ететін маңызды тетік. Халықтың билікке деген сенімі – ең алдымен, заман талабына сай, жауапкершілігі жоғары мемлекеттік қызметшінің іс-әрекетімен өлшенеді. Жыл басынан бері жергілікті атқарушы мемлекеттік органдар бойынша барлығы 140 қызметшінің білімін жетілдіру жұмыстары ұйымдастырылды. Әрине, ұдайы даму үдерісінде жүру - қоғам қажеттіліктеріне икемделе отырып, тиімді әрі сапалы қызмет көрсетуге ұмтылуға жол ашады. Бұл туралы ҚР Мемлекеттік қызмет істері агенттігінің Қызылорда облысы бойынша департаментінің басшысы Ерлеген Мендалиев айтты.<blockquote>- Есепті кезеңде мемлекеттік әкімшілік қызметке кіруге үміткерлерді тестілеуге 734 адам қатысып, оның 165 немесе 22,5% шекті мәннен төмен емес нәтижеге ие болды. Құқық қорғау органдарына алғаш кіретін азаматтарды тестілеуге 263 адам қатысып, оның 84 немесе 32% шекті мәннен төмен емес нәтижеге ие болды.Жыл басынан бері Қызылорда облысындағы барлық деңгейдегі мемлекеттік органдарда 125 бос лауазымдарға орналасуға конкурстар өткізілді. 2024 жылы жүргізілген Өңірлік кадр резервіне іріктеуге өңіріміздің жастары белсенді қатысып, 235 үміткер өз құжаттарын тапсырып, іріктеу жұмыстары Қызылорда облысы бойынша сәтті аяқталды. Нәтижесімен Қызылорда облысының Өңірлік кадр резервіне алынған 25 кандидаттың 9-ы конкурстық іріктеусіз бос лауазымдарға тағайындалды. Оның ішінде 3-і басшы лауазымдар. Тағы 1 үміткер ҚР Президенті Әкімшілігіне шақырту алып, жаңа лауазымға орналасты. Өңірлік кадр резервінен тағайындаулар саны жағынан Қызылорда облысы алғашқы орындарда. D-O-2 санаты бойынша барлығы 11 мемлекеттік қызметші ротациялауға енгізілген. Бұл ретте, 6 қызметшінің қызметте болу мерзімі 5 жылдан асқандықтан облыс әкімдігімен мерзімін ұзарту бағытындағы шешім қабылданды. 5 қызметшінің 3-еуі бос мемлекеттік әкімшілік лауазымдарға жарияланған конкурстарға қатысып, өзге қызметке орналасса, 1 мемлекеттік қызметші өзге D-O-2 санатындағы лауазыммен ротацияланды. 1 мемлекеттік қызметшінің ротациялану мерзімі 6 жыл толуына орай, құжаттары Агенттікке жолданып, келісім алынды. Сонымен, D-O-2 санаты бойынша алғашқы ротацияланушылардың жұмысы толық аяқталды. Әрі қарай, мерзімдері келген мемлекеттік қызметшілерді ротациялау Департаменттің бақылауында болады. E-1 санаты бойынша барлығы 2 мемлекеттік қызметші ротациялауға енгізілген. Оның 1-еуі аудан әкімінің Өкімімен ұзартылды. 1-нің мерзімі 6 жылдан астам болғандықтан құжаттары Агенттікке жолданып, 2 жылға ұзарту туралы келісім алынды. С-O-2 санаты бойынша 10 мемлекеттік қызметші ротациялауға енгізілып, толық ротациялану жұмыстары жүргізілді. Бұл ретте, 1 қызметшінің зейнеткерлік жасқа келуіне байланысты ротациядан босатылғандығын айтып өткен жөн,- деді Ерлеген Жәрдемұлы.</blockquote>Фото: Нұрболат Нұржаубай<img src="https://knadmin.beoblood.kz/uploads/Memlekettik_yzmet_k_sibilik_pen_zhauapkershilik_zholy_155c4301d7.jpg" alt="Мемлекеттік қызмет кәсібилік пен жауапкершілік жолы.jpg">

Мемлекеттік қызмет: Кәсібилік пен жауапкершілік жолы

<a href="https://kyzylorda-news.kz/">Kyzylorda-news.kz</a> Бүгін, «AMANAT» партиясының Қызылорда облыстық филиалы жанындағы аймақтық «Жер аманаты» комиссиясының отырысы өтті. «Жер аманаты» жобасы аясында ұйымдастырылған жиынға партияның облыстық филиалының төрағасы Алмасбек Есмаханов төрағалық етті.<blockquote>Жалпы өңірде жерлерді қайтарудың жоспары жақсы орындалуда. Атап айтсақ, ағымдағы жылдың 5 айында 11950 гектар жерді қайтару жоспарланса, 33408 гектар жер қайтарылып жоспар 2,8 есе артығымен орындалған. Жиында сөз алған партияның облыстық филиалының төрағасы Алмасбек Есмаханов: «Аудандар бөлінісіне келгенде жоспардың орындалуында кемшіліктер бар. Мәселен, бір аудан межені асырып орындаса, кейбір аудандарда жоспардың орындалуы төмен көрсеткіш көрсетіп отыр», - деді.</blockquote>Комиссия отырысында көрсеткіші төмен Қазалы, Қармақшы, Шиелі аудандары әкімдерінің орынбасарларының есептері тыңдалды.Қазалы ауданына келсек, ағымдағы жылы 10 000 гектар жер қайтару жоспарланған. Қазіргі таңда 2380 гектар болатын 11 жер учаскесі мемлекет меншігіне қайтарылған. 15092,0 гектар болатын 32 жер учаскесіне «Азаматтарға арналған үкімет» мемлекеттік корпорациясы» коммерциялық емес акционерлік қоғамының Қызылорда облысының тіркеу және Жер кадастры бойынша Қазалы аудандық бөлімі арқылы жерге орналастыру жобалары толығымен аяқталып, топырақтың балл банитетін анықтау жұмыстары жүргізілуде. Жоғарыда аталған жер телімдерін конкурс арқылы қайта айналымға енгізу, табыстау жұмыстары ағымдағы жылдың қыркүйек - қазан айларына жоспарланған.«Ауыл шаруашылығы мақсатындағы жерді пайдаланбай отырған 6080,0 га болатын 21 тұлғаға тиісті шара қабылдау үшін Департаментке хат жолданып, тексеру жұмыстарын жүргізудеміз»,- дейді Қазалы ауданы әкімінің орынбасары Жалғас Сүйеубаев.Ал, Қармақшы ауданы бойынша жыл соңына дейін 9,0 мың гектар жерді қайтару жоспарланған. 5 айдың жоспары 1500 гектар қайтару болса, жоспар 108 пайызға орындаған. Партияның облыстық филиалының төрағасы жылдық жоспардың толық орындалуын да қамтамасыз етуді сұрады.Шиелі ауданы әкімінің орынбасары Бағлан Сағындықов: биыл аудан бойынша 4000 гектар жерді мемлекет меншігіне қайтару жоспарланып, бүгінге 5 тұлғадан көлемі 460 гектар жер мемлекет меншігіне қайтарылғандығын айтты. Алайда жыл соңына дейін жоспарды толығымен орындаймыз деп отыр.Ауданы әкімінің орынбасары мал жайылымдарымен қамтамасыз ет жағдайы туралы да атап өтті. Бұл бағытта ауданға қарасты кент және барлық елді-мекендердегі тіркелген мал басына және тиісті нормативке сәйкес қажетті жайылымдарын orda.geoportal.kz сайты арқылы карталары толығымен әзірленіп, мал жайылымдарымен қамтамасыз етілу жағдайы туралы талдау жұмыстары жүргізілген. Сауын малы бойынша жүргізілген талдау нәтижесі бойынша Шиелі кенті мен 7 ауылдық округ бойынша 63,4 мың гектар жайылымдық жер жетіспейтіндігі анықталған.Осындай жағдайлардың көптеп кездесетіндігін тілге тиек еткен облыстық жер ресурстарын басқару департаментінің басшысы Марат Кушеков қала, аудан маңындағы жайылымдық жерлерді кәсіпкерлік мақсатқа бермеу қажет екендігін айтты.Күн тәртібіне қойылған жайылым мәселесі бойынша облыстық ауыл шаруашылығы және жер қатынастары басқармасы басшысының орынбасары Рысбек Шайхиев баяндап берді. Оның айтуынша облыс бойынша өзіндік қосалқы шаруашылықтардағы 153,8 мың бас шартты мал басына 1966,5 мың гектар жайылым алқабы қажет етіледі. Жалпы облыс бойынша жайылым жетпей тұрғаны 530,1 мың га, қамтамасыз ету деңгейі 73,0 %.«Қазіргі таңда экология министрлігімен жасалған жұмыстар нәтижесімен халықты мал жайылымымен қамтамасыз ету мақсатында шөп шабу және мал жаю үшін орман қоры жерінен бөлінетін алаңдарды ұлғайтуға қол жеткізіліп жатыр. Бұл жұмыстар жайылымдарды басқару мен пайдалануға бағытталған жоспар аясында жалғасатын болады»,- дейді басқармасы басшысының орынбасары.Жиын соңында комиссия мүшелері жұмысты жетілдіру бағытында өз ұсыныс пікірлерімен бөлісті.&nbsp;

Жер аманаты: Жайылымдармен қамтамасыз ету елді мекендердегі халықтың әл-ауқатына тікелей әсер етеді

Қызылордада банкроттыққа 14 202 арыз түскен

<a href="https://kyzylorda-news.kz/">Kyzylorda-news.kz</a> Дарияның оң жағасындағы (И. Тоқтыбаев тұйығы, 2) екі қабатты көне ғимарат көзге алыстан шалынады.&nbsp;Әліге дейін мұрты бұзылмай сақталған, архитектуралық үлгісі ерекше, сапалы құрылыс нысанына екі ғасырға жуық уақыт болыпты. Бүгінде жергілікті маңызы бар тарих және мәдениет ескерткіші ретінде мемлекет қорғауына алынған. Бұл туралы Қызылорда қаласының әкімдігі хабарлады.&nbsp;Негізінен ғимарат ХІХ ғасырдың аяғы, яғни 1884 жылы Орынбор генерал губернаторлығының тапсырысымен күйдірілген кірпіштен салынған. Басты есебі бойынша нысанның ұзындығы 62 метр, ені 14 метрді құрайды.Ал, тарихына келсек, ғимаратта 1884-1920 жылдары әскери казарма, 1920-1990 жылдары әскери комиссариаттың шақыру пункті орналасса, 1990-2005 жылдары бос тұрған. Тек 2005 жылы реставрациялық жұмыстар жүргізіліп, 2014 жылға дейін Қызылорда облысының мәдениет, тілдерді дамыту, құрылыс, қала құрылысы және сәулет басқармалары және Қызылорда облыстық ескерткіштерді қорғау мекемесі орналасты.2014 жылы ғимаратта Көркемсурет галереясы ашылды.&nbsp;Қазіргі таңда ғимарат Қызылорда облыстық тарихи-мәдени мұраны қорғау орталығы КММ-нің теңгерімінде.Фото: Қала әкімдігі

Кешегі казарма – бүгінде орталық

<a href="https://kyzylorda-news.kz/">Kyzylorda-news.kz</a> &nbsp;Бүгін аймақ басшысы Нұрлыбек Нәлібаевтың төрағалығымен облыс әкімдігі жанындағы терроризмге қарсы облыстық комиссия отырысы өтіп, оған жауапты сала басшылары қатысты.Облыстық полиция департаментінің бастығы Серік Ергешов террористік әрекеттерге қорғанысы осал объектілердің қауіпсіздігін жетілдіру туралы баяндап, жағдайды жақсартуға қатысты ұсыныстарын айтты.Облыстық қоғамдық даму басқармасының басшысы Руслан Каюпов қоғамдық - саяси ахуалға тоқталды.Облыстық жұмылдыру дайындығы, аумақтық және азаматтық қорғаныс басқармасының басшысы Марат Құрманбаев «Экстремизмге және терроризмге қарсы іс-қимылдың 2023-2025 жылдарға арналған кешенді жоспарының» орындалуы туралы хабарлама жасады.​Отырыс соңында облыс әкімі сала басшыларына талқыланған мәселелер бойынша нақты тапсырмалар берді.Фото: Қызылорда облсы әкімінің баспасөз қызметі

Терроризмге қарсы облыстық комиссия отырысы өтті

<a href="https://kyzylorda-news.kz/">Kyzylorda-news.kz</a> Халыққа қызмет көрсету жолына мыңдаған мамандар өз өмірін, қажырлы еңбегін арнады. Солардың бірі – Қармақшы жерінің тумасы, бай тәжірибесімен танылған білікті маман, Ұзынжасова Бақытгүл Ғаппарқызы.Бақытгүл Ғаппарқызы – 1967 жылы шілде айында Қармақшы топырағында дүниеге келіп, туған жерінің тұнық ауасымен, ұлттық тәрбиемен сусындап өскен жан. Мектеп қабырғасынан бастап жауапкершілік пен тиянақтылықты ту еткен ол 1985-1987 жылдары Семей қаласындағы қаржы-экономикалық техникумында білім алып, еңбек жолын 1987 жылы аудандық сақтандыру инспекциясынан бастайды. 1993 жылдан бастап «Азаматтық хал актілерін тіркеу» бөлімінде жұмыс істей жүріп, ол мемлекеттік қызметтің маңызын, халықпен тікелей жұмыс істеудің жауапкершілігін терең сезіне білді. Қарапайым тіркеуден бастап азаматтардың өміріндегі маңызды оқиғалардың заңды рәсімделуіне дейінгі аралықта әрбір деталь – үлкен мәнге ие. Бұл бағытта Бақытгүл апайдың жинақтаған мол тәжірибесі мен кәсіби шеберлігі көпке үлгі.2023 жылы шілде айынан бастап бұл бөлім «Азаматтарға арналған үкімет» мемлекеттік корпорациясының құрамына енді. Сол уақыттан бері де Бақытгүл Ғаппарқызы Қармақшы аудандық бөлімінде бас маман ретінде халыққа қалтқысыз қызмет етіп келеді. Оның қызметі тек орындаушылықпен шектелмейді – ол әріптестеріне ақылшы, жас мамандарға бағыт беретін тәлімгер.Көп жылғы еңбегі елеусіз қалған жоқ. Облыстық және республикалық деңгейдегі түрлі марапаттар, Әділет министрлігінің, Мемлекеттік қызмет агенттігінің алғыс хаттары – бәрі де оның кәсібіне деген шынайы ықыласын, адал қызметін айғақтайды. Ал 2016 жылы алған «Әділет органдарының үздігі» төсбелгісі – ұзақ жылғы еңбектің жарқын жемісі.Қоғамға қызмет ету – жүректің ісі. Бұл жолда бір маманның ғұмырлық бейнеті мыңдаған халықтың алғысына айналуы мүмкін. Бақытгүл Ғаппарқызының еңбек жолы – соның дәлелі. Ол үшін халыққа қызмет ету – жай жұмыс емес, өмірлік мұрат.Фото: ХҚКО

Халыққа қызмет – үлкен жауапкершілік

<a href="https://kyzylorda-news.kz/">Kyzylorda-news.kz</a> «AMANAT» партиясының Хатшысы Ержан Жылқыбаевтың қатысуымен және ҚР Паралменті Мәжілісіндегі "AMANAT" партиясы депутаттық фракциясының мүшесі Ерлан Саировтың төрағалығымен партия жанындағы Сыбайлас жемқорлыққа қарсы іс-қимыл жөніндегі Республикалық кеңестің отырысы өтті.Қазақстан Республикасына көлік құралдарын әкелу кезінде сыбайлас жемқорлық пен контрабандаға жол бермеу жөніндегі жұмыстың жай-күйі талқыланған алқалы жиынға бейнебайланыс режимінде партияның облыстық филиалының төрағасы Алмасбек Есмаханов, облыс әкімінің бірінші орынбасары Данияр Жаналинов, партияның облыстық филиалы жанындағы Сыбайлас жемқорлыққа қарсы іс қимыл жөніндегі аймақтық кеңес төрағасы Мақсұт Нәлібаев, Мемлекеттік кірістер департаменті мен Кедендік бақылау басқармасы, облыстық ішкі істер департаменті өкілдері қатысты.Кедендік тазартудан өткізу бойынша Қазақстан Республикасында жеңіл автомобильдерді кедендік рәсімдеу кезінде жалпы белгіленген тәртіп бойынша тауарларды кедендік декларациялау үшін кедендік алым, кедендік әкелу бажы, акциз және қосылған құн салығы секілді кедендік төлемдер мен салықтар алынады. 2024-2025 жылдар аралығында Департаменттің қызмет ету аясында өңірде кедендік рәсімдеуден 1 562 жеңіл автомобильдер өткен, Олардан 34 825 328 теңге кедендік алым, 885 976 538 теңге кедендік әкелу бажы, Акцизге 65 209 500 теңге, қосылған құн салығы бойынша 719 463 793 теңге, барлығы 1 705 млн теңге кендендік төлемдер мен салықтар төлетілген.<blockquote>«Сонымен бірге, Қазақстан Республикасында уәкілетті органда тіркеу есебіне заңсыз қойылған 1 400 көлік құралының, Департамент қызмет ету аймағында тіркелген 45 автокөлікке қатысты кедендік төлемдер мен салықтары өндіріп алу жұмыстары жүргізілуде»,- дейді сала мамандары.</blockquote>Полиция департаменті мамандары егер көлік құралының бастапқы тіркеу тәртібі бойынша қандай да бір төлем төленбесе, «Сервисный центр 2.0» ақпараттық жүйесі автокөлікті есепке алуға мүмкіндік бермейді. Бұл дегеніміз, көлік құралдарының контрабандалық жолмен келіп, есепке алынбауына ешқандай мүмкіндік бермейтінін көрсетеді және полиция департаменті тарапынан бұл бағыттағы жұмыстар ұдайы бақылауда тұрғандығын айтады.Жиын соңында өңірде осы бағытта атқарылып жатқан жұмыстар мен кеңес мүшелері тарапынан айтылған ұсыныстар кеңінен талқыланды.&nbsp;

«AMANAT»: Республикалық кеңестің отырысы өтті

<a href="https://kyzylorda-news.kz/">Kyzylorda-news.kz</a> Кеше Қызылорда қаласындағы “Мұз айдыны” спорт кешенінде Сыр өңіріне белгілі спорт ардагері, волейбол спортының дамуына ерекше үлес қосқан бірегей тұлға Алтынбеков Тұрғанбек Ержанұлын еске алуға арналған республикалық турнирдің ашылу салтанаты өтті. Бұл туралы Қызылорда облысының дене шынықтыру, спорт және туризм басқармасы хабарлады.Бұл турнирдің басты мақсаты - өңірде волейбол спортын кеңінен дамыту және спортшылар арасында бәсекелестікті қалыптастыру.Жарыстың ашылу салтанатына Қызылорда облысының волейбол федерациясының вице-президенті Бақыт Кенесов, спорт ардагері Юрий Федорович, Тұрғанбек Ержанұлының туған бауыры Жаңабек Алтынбеков және шәкірті Марат Божбанбаев қатысып, арда азаматтың өнегелі өмір жолы мен спорт саласына сіңірген еңбегін еске алып, сөз сөйледі. Сондай-ақ, барлық жарыс қатысушыларына сәттілік тілеп, шын мықты жеңіске жетуіне сенім білдірді.Айта кетейік, бұл жарысқа еліміздің әр аймағы мен қаласынан 2007-2008 және 2009-2010 жылы туылған жасөспірімдерден құралған 15 команда, 170-тен астам спортшы қатысуда. Жарыс бүгін де жалғасады.&nbsp;

Республикалық турнирдің ашылу салтанаты өтті 

<a href="https://kyzylorda-news.kz/">Kyzylorda-news.kz</a> Елімізде балалардың спорт, өнер және қосымша білім алуына жағдай жасау мақсатында бірыңғай ваучер жүйесінің пилоттық жобасы қолға алынды. Бұл жүйе балалардың үйірмелер мен секцияларға қатысуын жеңілдетіп, қаржыландырудың ашық әрі тиімді жүргізілуін қамтамасыз етеді. Осы туралы кеше Өңірлік коммуникациялар қызметінің ақпарат алаңында облыстық мәдениет, архивтер және құжаттама басқармасы басшысының орынбасары Ғалия Байсынова айтты.<blockquote>– Балалардың спорт, өнер және қосымша білім алу мүмкіндіктерін жақсарту мақсатында 2025 жылдың 1 маусымынан бастап бірыңғай ваучер жүйесінің пилоттық жобасы іске қосылады. Бұл жоба еліміздің алты қаласында - Астана, Шымкент, Қарағанды, Ақтөбе, Атырау және Қызылордада жүзеге асырылады. Бүгінгі таңда мемлекет балалардың үйірмелер мен секцияларға қатысуына қаржылай қолдау көрсетуде. Алайда жүргізілген бақылаулар кезінде кейбір кемшіліктер байқалды. Мысалы, балалардың шын мәнінде қатыспауы немесе сабақтардың санитарлық талаптарға сай келмеуі сияқты жағдайлар орын алған. Бұл қаржыны тиімді әрі дұрыс пайдалану үшін қолайсыз жағдайлар туғызды. Осы мәселелерді шешу үшін жаңа цифрлық жүйе енгізіледі. Енді ваучерлер тікелей балаға беріледі, яғни қаржыландыру нақты балаларға бағытталады. Бұл ата-аналарға балаларына ең қолайлы үйірме немесе секцияны таңдауға мүмкіндік береді. Платформа балалардың сабаққа қатысуын нақты тіркеп, қаржыны ашық әрі тиімді жұмсауға жағдай жасайды. Сонымен қатар, балалардың жас ерекшелігі мен отбасының жағдайына қарай кезек әділ реттеледі. Жаңа жүйе мемлекеттік және жекеменшік ұйымдарды біріктіріп, қызмет көрсету сапасын арттырады. Үйірмелер мен секцияларда санитарлық талаптар мен қауіпсіздік шаралары қатаң сақталады, сондай-ақ кәсіби мамандар жұмыс істейді. Бұл жоба балалардың жан-жақты дамуына жағдай жасап, қызмет көрсету сапасын жақсартуға бағытталған маңызды бастама болып табылады, – деді Ғалия Балтабекқызы.</blockquote>Сонымен қатар, облыстық денешынықтыру, спорт және туризм басқармасы басшысының орынбасары Серік Жұматов жаңа жобаның спорт саласын дамытудағы маңызын атап өтті.<blockquote>– Бірыңғай ваучер жүйесін енгізу - балалардың спортпен шұғылдану мүмкіндіктерін кеңейтіп, қаржыландырудың ашық әрі әділ жүргізілуін қамтамасыз ететін маңызды бастама. Бұл жоба спорт секцияларына, үйірмелерге балалардың еркін қатысуына жағдай жасап, олардың спортқа деген қызығушылығын арттырады. Сонымен бірге, қаржы нақты спортпен айналысатын балаларға бағытталып, ресурстар тиімді жұмсалады. Жаңа жүйе спорт саласының дамуына серпін беріп, балалардың денсаулығы мен физикалық дайындығын нығайтуға мүмкіндік береді. Облысымыздың спорт инфрақұрылымын жетілдіруде бұл жоба ерекше рөл атқарады. Біз бұл бастама арқылы балалардың жан-жақты дамуына және спорт мәдениетін қалыптастыруға үлкен үлес қосатынымызға сенімдіміз, – деді Серік Айдарбекұлы.</blockquote>

Бірыңғай ваучер жүйесін енгізу бойынша пилоттық жоба іске қосылады

<a href="https://kyzylorda-news.kz/">Kyzylorda-news.kz</a>&nbsp; Көптеген қазақстандықтар үшін ипотека жылжымайтын мүлікті сатып алудың немесе тұрғын үй жағдайын жақсартудың іс жүзіндегі жалғыз жолы болып табылады. Алайда, айқын артықшылықтарына қарамастан, қарыз алу кезеңі өте ұзақ болғандықтан, қарыз алушылар үшін белгілі бір тәуекелдер туындайды.&nbsp;Fingramota.kz жобасы артықшылықтар мен кемшіліктерді түсінуге көмектеседі.Қашан алу керек?Ипотека бойынша ЖСТМ-нің 2025 жылғы 1 қарашадан бастап 20%-ға дейін төмендегені туралы соңғы жаңалықтарға байланысты, көптеген адамдар жеке тұрғын үй сатып алу туралы ойлана бастады. Алайда, ипотеканы алып, өзіңізді ұзақ мерзімді кредиттік міндеттемелермен байланыстырудың бірқатар шарттар сақталған жағдайда ғана мағынасы бар. Ипотека ұзақ мерзімді қаржылық міндеттеме екенін есте сақтаңыз, ол сізден көптеген жылдар бойы тәртіпті, тұрақтылықты және шығыстарды жоспарлауға дайындықты талап етеді. Қандай жағдайларда ипотека орынды қадам болуы мүмкін?1) Сіз кем дегенде 10-20 жыл бір қалада тұруды жоспарлайсыз. Тұрғын үйді сатып алу, егер сіз жақын жылдары көшуді жоспарламасаңыз, мағынасы бар. Ипотека ұзақ мерзімге есептелген, сондықтан таңдалған жылжымайтын мүлік пен орналасқан жердің сіздің өмірлік жоспарларыңызға – жұмысқа, өмір салтына, балалар мектебіне және т.б. сәйкес келетінін түсіну ерекше маңызды.2)&nbsp;Сізде тұрақты және расталған кіріс бар. Ай сайынғы ипотекалық төлемдер табыстың тұрақты көзін талап етеді. Банктер, әдетте, соңғы 6-12 айдағы сіздің төлем қабілеттілігіңізді растауды талап етеді. Сонымен қатар, экономикадағы немесе жеке деңгейдегі өзгерістер (жұмыс ауыстыру, декрет, ауру және т.б.) кезінде де ұзақ уақыт бойы – 10, 15, тіпті 25 жылға дейін – төлемді уақтылы енгізе алатыныңызды өзіңіз дұрыс бағалау маңызды.3) Сізде бастапқы жарнаға арналған жинақ бар. Қазақстандағы ипотекалық бағдарламалардың көпшілігі тұрғын үй құнының 10%-дан 30%-ға дейін бастапқы жарнаны талап етеді. Бұл жарна – кредиттік мақұлдаудағы басты факторлардың бірі. Сонымен қатар, жеке қаражаттың болуы қарыздың жалпы мөлшерін және пайыздық артық төлемді азайтады. Күтпеген шығыстар жағдайында «қаржылық жастыққа» ие болу да маңызды.4)&nbsp;Сіз қаржылық тәртіп пен жауапкершілікке дайынсыз. Ипотека тұрақтылықты талап етеді: әр ай сайын сіз тіркелген соманы енгізуге міндеттісіз. Мерзімін өткізіп алу айыппұлдарға, кредиттік тарихының нашарлауына немесе тіпті тұрғын үйден айырылуға әкелуі мүмкін. Сондықтан ипотека өз бюджетін жоспарлауға, кірістер мен шығыстарды есепке алуға, импульстік шығындардан аулақ болуға және қаржылық қауіпсіздік жастығына ие болуға дайын адамдарға сәйкес келеді.Ипотеканың артықшылықтары мен кемшіліктеріИпотека, өзінің ұзақ мерзімділігіне қарамастан, жылжымайтын мүлік саласындағы ең сұранысқа ие қаржы құралдарының бірі ететін бірқатар елеулі артықшылықтарға ие.Жеке тұрғын үй.&nbsp;Басты артықшылығы – жылжымайтын мүлік иесі болу мүмкіндігі. Ипотекалық кредит толық өтелгеннен кейін тұрғын үй сіздің толық меншігіңізге өтеді. Бұл мүлікті еркін басқара аласыз дегенді білдіреді: отбасы мүшелерін тіркеуге, жөндеу жұмыстарын жүргізуге, сыйлауға, сатуға немесе жалға беруге болады.Жалдаудан тиімдірек.&nbsp;Қазақстанның кейбір аймақтарында ай сайынғы ипотекалық төлем жалға берудің нарықтық құнымен салыстырылатын немесе одан да төмен. Әсіресе бұл жылжымайтын мүлік бағасы тұрақты қалаларда және жеңілдік шарттары бар мемлекеттік бағдарламалар аясында өзекті.Болашаққа инвестиция.&nbsp;Жылжымайтын мүлік – бірнеше өтімді және салыстырмалы түрде тұрақты активтердің бірі. Жылдар өткен сайын ол бағасы өсуі мүмкін, әсіресе дамып келе жатқан ауданда орналасқан болса. Қажет болған жағдайда сіз тұрғын үйді сата аласыз, айырбастай аласыз немесе жалға бере аласыз, қосымша табыс ала аласыз.Мүлікті сақтандыру.&nbsp;Ипотеканы ресімдеу кезінде банктер сатып алынатын тұрғын үйді сақтандыруды талап етеді. Бұл қосымша қаржылық қорғауды қамтамасыз етеді: өрт, су басу немесе басқа да форс-мажорлық жағдайларда сіз өтемақы аласыз, демек, тұрғын үйсіз де, банк алдындағы қарызсыз да қалмайсыз.Айқын артықшылықтарына қарамастан, ипотека – әмбебап шешім емес. Шешім қабылдамас бұрын ескеру қажет кемшіліктері де бар.Бастапқы жарнаның қажеттілігі.&nbsp;Ипотекалық бағдарламалардың көпшілігі тұрғын үй құнының 10%-дан 30%-ға дейін жарнаны талап етеді. Бұл алдын ала жинақтау қажет өте үлкен сома. Онсыз ипотека алу мүмкін емес немесе айтарлықтай қиын.Кірісті растау.&nbsp;Банк ипотеканы мақұлдау үшін сіз төлем қабілеттілігіңізді растайтын құжаттарды ұсынуыңыз керек: кіріс туралы анықтамалар, банк шоттарынан үзінді-көшірмелер, салық декларациялары. Бұл өзін-өзі жұмыспен қамтыған азаматтар немесе бейресми жұмыс істейтіндер үшін қиын болуы мүмкін.Төлемдердің қатаң кестесі.&nbsp;Ай сайынғы төлемдер кесте бойынша қатаң түрде, кідіріссіз енгізілуі керек. Тіпті бір күндік мерзімді өткізіп алу айыппұлдарға немесе өсімпұлдарды есептеуге әкелуі мүмкін. Жүйелі бұзушылықтар – кредиттік тарихының нашарлауына, сотқа, ал соңғы жағдайда – тұрғын үйді банкке тәркілеуге әкеледі.Ұзақ мерзімді қаржылық жүктеме.&nbsp;Ипотека – ұзақ мерзімді міндеттеме: 10-дан 25 жылға дейін. Осы кезең бойы сіз жеке өміріңіздегі, кірісіңіздегі немесе экономикалық жағдайдағы өзгерістерге қарамастан, ай сайын кредитті өтеуге міндеттісіз. Бұл жоғары деңгейдегі жауапкершілік пен қаржылық тұрақтылықты талап етеді.Ипотеканы таңдағанда неге назар аудару керек?Банкті таңдау. Егер сіз белгілі бір банктің картасына жалақы алсаңыз, сол банктен бастаңыз. Жалақы алатын клиенттерге жеңілдіктер – төмендетілген мөлшерлеме, құжаттарды жеңілдетілген тексеру ұсынылуы мүмкін.Бағдарламаларды зерделеу.&nbsp;Нарықта мемлекеттік бағдарламалар да, банктердің жеке өнімдері де бар. Шарттармен танысыңыз:«7-20-25» – ресми кірісі бар жұмыс істейтін азаматтар үшін.«Бақытты отбасы» – көп балалы, толық емес отбасылар және мүгедек балалары бар отбасылар үшін.Әскери ипотека – әскери қызметшілер үшін. Пайыздық мөлшерлемелерді, мерзімді, бастапқы жарнаның мөлшерін, бағдарламаның сіздің санатыңыз үшін қолжетімділігін салыстырыңыз.Өтеу әдістері: аннуитеттік немесе сараланған.&nbsp;Аннуитеттік әдіс – ай сайынғы төлем бірдей. Ыңғайлы, бірақ артық төлем көбірек болады: алғашқы жылдары сіз негізінен пайыздарды төлейсіз. Сараланған әдіс – төлем біртіндеп азаяды. Басында төлем жоғары, бірақ кредит бойынша жалпы артық төлем аз болады. Банк екі нұсқаны да таңдауға ұсынуға міндетті. Қаржылық мүмкіндіктеріңізге байланысты таңдаңыз.Кредиттік шартты зерделеу. Қол қоймас бұрын:Титулдық парақты тексеріңіз – онда қарыз сомасы, пайыздық мөлшерлеме, мерзім, ЖСТМ, айыппұлдар, мерзімінен бұрын өтеу құқығы көрсетілуі керек.Қарыз алушы жадынамасын талап етіңіз – онда сіздің құқықтарыңыз бен міндеттеріңіз көрсетілген.Қажет болса – заңгермен кеңесіңіз.Әрқашан ай сайынғы кірісіңізді есептеу қажет екенін есте сақтаңыз. Кредиттік міндеттемелер сіздің кірісіңіздің 50%-ынан аспауы керек! Тек осы жағдайда сіз кредитті уақтылы өтеуге сенімді бола аласыз.<img src="https://knadmin.beoblood.kz/uploads/fingramota_kaz_543cf6ea73.png" alt="финграмота каз.png">Fingramota.kz жобасымен бірге қаржылық сауаттылығыңызды арттырыңыз, тақырыптық әдебиетті оқыңыз, өз бюджетіңізді жоспарлауды және ақшаңызды дұрыс басқаруды үйреніңіз!Фото: Fingramota.kz&nbsp;

Қазақстандағы ипотека: ережелері мен ерекшеліктері 

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың төрағалығымен қаңтар-мамыр айларының қорытындысымен бюджеттің игерілуі, салық базасын ұлғайту, «Таза Қазақстан» экологиялық бағдарламасының өңірде жүзеге асырылу барысы қаралған жиналыс өтті.Оған департамент пен басқарма басшылары, қала, аудан әкімдері қатысты.Облыс әкімі осыған дейін берілген тапсырмалардың орындалуына тоқталып, алдағы міндеттерді айқындады.<blockquote>«Жыл басынан бері өңірімізде әлеуметтік-экономикалық дамудың негізгі макрокөрсеткіштері бойынша өсім қалыптасты.Облыстық жолаушылар көлігі және автомобиль жолдары басқармасы, кәсіпкерлік және өнеркәсіп басқармасымен бірлесіп, көлік саласы бойынша статистикалық есептілік тапсыратын кәсіпорындармен егжей-тегжейлі зерделеу жұмыстарын жүргізіп, нақты ұсыныстар енгізіңіздер.Өткен 5 айда өңірімізде мұнай өндіру көлемі 185,3 мың тоннаға азайған. Соған қарамастан, жалпы өнеркәсіп өнімінің көлемі өткен жылмен салыстырғанда артты (100,4%).Облыстық басқарма басшылары, Қызылорда қаласы және аудан әкімдері, әлеуметтік-экономикалық даму бойынша барлық макроэкономикалық көрсеткіштің өсімін қамтамасыз етіңіздер. Жоспарға сәйкес қаржы ай сайын толық игерілуі тиіс.Мемлекеттік кірістер департаменті облыстық басқармалармен, қала, аудан әкімдіктерімен бірлесіп, жергілікті бюджет түсімдерінің салық базасын ұлғайту бойынша 1 шілдеге дейін тиісті шаралар қабылдап, нақты ұсыныстар енгізіңіздер.Жиында қаңтар-мамыр айларындағы әлеуметтік-экономикалық көрсеткіштердің орындалуы мен бюджет қаржысының игерілуі туралы облыстық экономика және қаржы басқармасы басшысының міндетін атқарушы Фарида Аббасова баяндады.Президентіміздің бастамасымен қолға алынған «Таза Қазақстан» экологиялық бағдарламасы елімізде нәтижелі жүзеге асырылуда. Тұрмыстық қатты қалдықтарды басқару саласындағы 9 жобаны қаржыландыру үшін «Өнеркәсіпті дамыту қорымен» жұмыс жасап, сараптама кезеңдерінен толық өткізу бойынша бұған дейін бірнеше рет тапсырма берілді. Қала, аудан әкімдері, жобаларды қатаң бақылауға алып, жұмысты жеделдетіңіздер. Заңсыз қоқыс орындарын тез арада жойыңыздар.«Таза Қазақстан» бағдарламасы – бір реттік науқан емес. Қоршаған ортаны таза ұстау, туған жерімізді көркейту, көгаландыру, абаттандыру тұрғындардың күнделікті әдетіне айналуы тиіс», – деді Н.Нәлібаев.</blockquote>«Таза Қазақстан» экологиялық бағдарламасы бойынша атқарылған жұмыстарды облыстық табиғи ресурстар және табиғат пайдалануды реттеу басқармасының басшысы Ғалымжан Еркебай баяндады.Есепті мерзімде өнеркәсіп өндірісі 0,4 пайыз, өңдеу өнеркәсібі 18,2 пайыз, ауыл шаруашылығы 2,3пайыз, құрылыс жұмыстары көлемі 64,5 пайыз, сауда көлемі 4,9 пайыз артты. Өңір экономикасына тартылған инвестиция көлемі 27,1 пайыз артып, 230 млрд. теңгеге жетті.«Таза Қазақстан» бағдарламасы аясындағы жұмыстарды одан әрі жүйелі жалғастыру үшін«Экологиялық мәдениетті дамытудың 2024-2029 жылдарға арналған «Таза Қазақстан» тұжырымдамасын іске асыру жөніндегі Қызылорда облысының өңірлік жоспары» бекітілді. Жоспарда санитарлық тазалық, абаттандыру және көркейту-көгалдандыру бағытындағы 43 іс-шара қарастырылған.Биыл «Үлгілі елді мекен» конкурсын өткізуге, волонтерлік жобалар мен бастамаларды іске асыруға және басқа да шараларға қаржы қаралған.Фото: Қызылорда облысы әкімінің баспасөз қызметі

Архив